عالم البنات🙈🎀
766 subscribers
9.89K photos
528 videos
12 files
180 links
فاتنة كأنها من تراب القمر 😘
في عينيها حب وحنان وقوة

رقيقة كونها أم وزوجة وصديقه وحبيبه وطفله 😌

هنا عالم تسكنه الفاتنات
ســتجديــن ڪل مايــخص جــﻣالڪي سيدتي 💋💚
#كوني_بلقرب🍷😻



أي سؤال👇

@maloka97_bot
Download Telegram
#البارت_٢٩
الى ان مرت ست اشهر  واني مرتاحه وي يزن بس ياراحه متدوم ..
بهذا اليوم المنحوس ١٣ /٩ اندكت الباب الصبح طلعت لابسه تراك سود وردي رياضي وشعري حالته وشايله رضاوي ولگيت بنيه واكفه بالباب گلتلي مرحبا استاذ يزن موجود .. گتلها منو حظرتج شوهاي صافنه عليه گلتلي كوليله شروق اجت وهو يكولج منو اني ...
اني حيل ضجت ...منها ومن اسلوبها ... دخلت واعصابي صايرة نار گتله يزن وحده تريدك كلي دخليها للبراني .. دخلتها للبراني وهاي تباوع للبيت .. تكول مشايفه بيت ابد ..
شروق .. اعرفكم اني طالبة ماجستير جان عندي بحث وكلولي يزن يساعدج رحتله شكم مره وساعدني بس اني تعلقت بيه وعرفت متزوج وزوجته حامل بشهر السادس .. حيل ضجت كلت لازم اخذه والشرع حلل ٤ .. وراها سمعت زوجته ولدت وهو گطع وياي ميساعدني بالبحث وشكم مره حاولت اتحرش بيه مقبل ينطيني مجال قررت اشوف زوجته الي هيج هو ..وفي الها .. لا وزوجته جانت فصليه ..
رحت دگيت الباب وطلعتلي وحده تجنن شعرها لركبة رجلها وشايله ابنها يجنن .. والبيت الي هيه عايشه بيه يخبل .. تحلفت بيها متضل متنعمه بيه .. اني مطلكه وحالي حال الضيم ومحرومه من كلشي وهاي عايشه بنعمه النوب دخلتني ضليت صافنه على النظافه معقولة معندهم خدامه .. بس هيه تنظف ..
قاطع تفكيري دخول يزن ونظراته المتفاجأه
يزن ..
شرووق!!! شجابج وبعدين متجين لبيتي اني مو خلصتلج البحث شجابج
شروق ..
استاذ يزن رحت الك للمكتب ملگيتك وسألت عنك ماكو .
يزن.. اي بس ما يجبرج تجين لبيتي
شروق .. اسفه استاذ اعتبرها طرده !!!
يزن ..
بس البيت مو مكان عمل او دراسه
شرووق .. استاذ اني اجيت اسأل عنك لان كلما اجيلك السكرتيربالمكتب ميدخلني واروح للجامعه يگولولي ممداوم ..
يزن ... واني  احب اشكرج على سؤالج ... ونريد نطلع اني وزوجتي هسه
شروووق .. شكرا استاذ مع السلامه  . ..
بيني وبين نفسي گتله اني اعلمك اذا مخليتك تطلب رضاتي وانت الي تتوسل اليه ابقى يمك اني مو شروق ..
_
ليان طلعت شروق من البيت واني النار مشتعله جوايه .. اريد اعرف منو وليش يزن دائماً ميسولفلي شيصير وياه بالدوام ..
دخل يزن للمطبخ لگه ليان جاي توكل رضاوي شوربه ..
ليان ... منو هاي يزن !!؟؟
يزن ... شوفي راح احجيلج كولشي اذا صار شي حتى انتي كولشي تعرفين
هاي طالبه تدرس ماجستير حقوق وعندها بحث .. فالاساتذه دزوها اليه اساعدها .. ماكلت لا .. اجتني لمكتبي بالجامعه بغرفة الاساتذه بديت وياها بالبحث اساعدها .. قربت اخلص بحثها بدت تسوي حركات مو حلوة مثلا تلزم ايدي او مرات تجي توگف وراي من اشتغل على الحاسبه بحجة تشوف البحث .. وتضل تلزم متني المهم اخر مره كملت البحث انطيته الها .. للعصر اجتني للمكتب بالشركه تفاجأت گلتلي البحث بيه اخطاء من اجيت شفته مابيه شي .. بس مجرد تريد تسولف عرفتها وحده مابيها حظ تريد مجرد رجال غني وتكوش عليه .. ف وصيت السكرتير يطردها يكوللها عندي اجتماع .. بس عجب صارلها هواي مجايتني گلت فكه خلصت منها .. وهسه طبت لبيتي طردتها .. اني حيل خايف منها هاي شرانيه
ليان ... وانت ليش مگتلي عليها من البدايه ليش هسه يلا حجيت
يزن .. اسف حبيبي .. بس التهيت وياج حمل وولاده كان عندج .. محبيت اضوجج بموضوعها .. لان اني احبج ومستحيل افكر بغيرج ..
ليان .. حياتي اني واثقه منك بس ضجت اخاف تاخذك مني ..
يزن .. محد يگدر ياخذني منك ياحلو ... 😘😘
ليان .. اوكي حبي ... وين راح تروح
يزن .. اريد اروح للجامعه لان امتحانات الدور الثاني خلصت وعندنه تصحيح .. ب الوحده ارجع اجيب غده لو تطبخين
ليان .. حبيبي راح اسوي اني غده لا تجيب من بره منعرفهم نظيفين لا ..
يزن .. فديت ام بيتي .. سويلي برياني مشتهيه حيل ..
ليان .. تدلل حبيبي
راح يزن للجامعه .. ورتبت البيت و سويت الغدا ب ١١ وخابرتني خالة يزن .. وسألت عليه وعلى رضاوي ويزن وعزمتني العصر اجيهم اتونس يمهم .. مرفضت گتلها اخلي يزن يجيبني ..
شوي وسمعت بچية رضاوي يعني گعد من النوم .. رحت عليه رضعته وبدلتله ..
لل وحده تأخر يزن ماكو وحده ونص هم ماكو ..
لل ٢ اجه يزن ..
ليان .. حبيبي تأخرت
يزن .. اي حبي اليوم العميد بعد ما خلصنه تصحيح وفرز الدرجات .. جتمع بينه احنه الاساتذه .. تعرفين هوسه الامتحانات وسوالفها ..
ليان .. الله يساعدك حبيبي ..
گعدنه ناكل ويزن مو على بعضه
ليان .. حبيبي شبيك .. احجي الله يخليك لاتضم عليه ..
يزن .. شروق اجتني للمكتب
ليان .. استغفر الله هاي شبيها يعني رجال ميطيقها شبيها معندها كرامه
يزن .. خلي اكمل حبي شبيج
هددتني .. بالبدايه گلتلي احبك ومن هالحجي .. بس من رفضتها .. هددتني تگولي اذا متزوجني .. اهدم بيتك وتصير سيرتك على كل لسان ..
ليان .. يمعود وشتگدر تسوي هاي اكبر جبانه .. خلي تولي .. صدك خالتك عزمتنه العصريه يمهم گالت تعالوا تونسوا ..
يزن .. ان شاء الله .. نروح ليش لا نغير جو ..
ليان..
رحنه العصر لخالة يزن وتونست يم بناتها

#يتبع...
#البارت_٣٠

واسامه ونسمع سوالفهم وضحكهم .. وكانت اكو لعبه  للعراق ..بين الزوراء والجويه  التهوا بيها وكل شوي نسمع صياحهم ونضحك عليهم والبنات تونسوا على رضاوي لان يضحك ويكركر ويناغي .. ومن يشوف خالة يزن .. يذب نفسه عليها ويضل يضحكلها ..
جاي نسولف وجبناها سوالف على واحد تزوج مره ثانيه على زوجته وشلون زوجته متحملت الوضع وعافت البيت وجهاله عليه وسافرت ..
خالة يزن .. وخطيه لو تشوفون حالة جهاله .. ومرت الابو لاعبه بيهم طوبه .
ليان .. حرام
خالة يزن.. هيه ييمه الزوجه الثانيه كابوس لكل مره .. وانتقام للاولاد ..
ليان .. صفنت وذكرت حلمي .. يصير يزن يتزوج لان هيه كلتلي كابوسج ..
اكولج خاله على طاري الكابوس حلمت حلم اني البارحه .. وسولفتلها الحلم ..... 
خالة يزن .. يمه هذا حلمج ان شاء الله خير .. تفائلي بالخير توجدينه .. يمه تفسيرة هاي اكو مره تحوم على رجلج وتريد تاخذه منج ..  بس لعدين رجلج يصحى والايات بالحلم .. يعني انه رب العالمين راح ينصرج عليها ..
ليان .. يالله.. 
يزن .. يلا حب نروح
خالة يزن ... وين خالة حتى مشبعنه منكم وهذا ابنك السخيف مشبعنه منه
يزن .. شو انطيني رضاوي .. لك شسويت لبيبي وهيج خليتها تحبك ..
خالة نريد نروح واريد اطلعهم شوي اونسهم صارلنه هواي مطالعين ..
ليان .. يلا جهزت حبي
خالة يزن .. عيدوها يمه وتعالونه بأي وقت
يزن .. تدللين خاله ..
ليان .. طلعنه .. بالسياره وشغل يزن اغينه .. واريد اشرد بيك ..تعال تعال .. ويغني وي الاغنيه ويباوع عليه وعلى رضاوي .. بعدين اخذ رضاوي خلاه بحظنه ..
وضلينه .. نضحك ونسولف بالسيارة ونغني  .. شوي ونزله بمطعم تعشينه ورضاوي كل شوي يريد يذب نفسه على الاكل يلعب ...
وراها رجعنه للبيت ..
ليان ..
گعدت الصبح سبحت ومشطت ونزلت سويت ريوك .. نزل يزن مبدل وكاشخ
طالع يجنن والعطر ترس البيت ترس عطره
ليان .. عمري وين وين وين ...
يزن .. شبيج حبي خير
ليان.. من صدگ تريد تطلع هيج .. والله مخليك غير هالمره شروووق تخطفك مو تلحگك
يزن ... ههههههههههههههههههههه والله ضحكتيني من كل كلبي هههههههه ولج بطني بعد مااتحمل .. هههههههههههههه
ليان .. ههه وشنو يضحك يزن تره من صدگ جاي اسولف وياك مو جاي اشاقه ..
يزن .. اموووواااح حياتي باي .. ماوصيج سويلي اليوم مرگ باميه وتمن عنبر عفيه ..
ليان .. اي اضحك عليه بوسه وسكتني الله وياك يحرسك الرحمن
...راح يزن وبديت انظف البيت واصفي وصعدت لغرفتي نظفتها ورتبتها وعطرتها ..
والنوب رضعت رضاوي ولاعبته وتعب شوي ونام.. نزلت سويت الغدا وخليته على نار هادئه
ودخلت للحمام اسبح وراها طلعت من الحمام لفيت شعري واذن اذان الظهر صليت وكعدت شوي على النت تصفحت ملل في ملل خابرني يزن گلي جاي بالطريق محتاجه شي گتله لاحبي ممحتاجه شي سلامتك .. گلي لعد اني شوي واوصل حظري الاكل لان كولش جوعان
يزن ... خلصت بالجامعه شغلي وطلعت اجاني اتصال من رقم غريب .. جاوبت .. الوو 📞
شروق الو 📞شلونك حبيبي
يزن .. اهلا منو 📞
شروق .. اني طالبتك زيوني 📞
يزن .. استغفر الله اني شكتلج مو كتلج بعد لاتتصلين ولااريد اسمع صوتج بابا اني رجال متزوج لاتلزگين عيب عليج
شروق 📞😡😠 بسيطه والله لتندم  بكد شعر راسك
يزن .. 😡 أعلى ما بخيلج اركبي  📞
شروق .. لعد مرتك الحلوة اتهنى بيها هاليومين 📞
يزن ..😠 📞 والله ياشروق اذا وصلتي لمرتي او ابني اعتبري حياتج كولها تنهدم ..
شروق 📞 ههههههه اذا متزوجني والله تندم
يزن .. انتي مريضه وسداه بوجهها
خابرت على ليان حبيت اسمع صوتها خاف الحقيرة مسويه شي .. سالت عنها مبين من صوتها ماكو شي الحمدلله .. كلتها حظري الاكل جوعان .. ورحت بسيارتي متوجه لبيتي لاحظت الطريق اكو سسيارة تلحكني ضليت بشك عرفت انه هاي مريضه ممكن كولشي تسوي ..
خابرت ابن عمي ..هو نقيب بالشرطه وكتله ودزيتله تسجيل للمكالمه لان اني مسوي لكل مكالمه توصلني تسجيل ..
وكلتله اذا صار شي عليه او على عائلتي ف شروق اول الناس الي راح تأذيني ..
ليان ... سمعت الهورن مال سيارة يزن
رحت فتحت الباب .ودخل سيارته
يزن .. حبيبي شلونج
ليان .. زينه ياعمري انت شلونك شبيك حياتي تره هالايام مو على بعضك
يزن .. حياتي انتي.. اني تعبان ومن اشوفج اصير زين بسرعه خلي نطب أريد اتغدا وانام جوعان كولش
ليان ..دخلنه السفره جاهزه .. تغدينه وكملنه
يزن صعد لغرفته واني التهيت انظف وارتب المطبخ ..
يزن .. صعدت لكيت رضاوي يلعب ويناغي گعدت الاعبه واناغيله .. وهو يضل يناغي
تمنيت الله لا يحرمني منهم
#البارت_٣١
___________
ليان ... مر علينه اسبوع عايشين حياتنه ويزن بده يتغير دائما يجي ماله خلگ وومهموم مااعرف شبيه اسأله يكولي ماكو شي مااريد اضوجج ..
الى ان بيوم الاحد الظهر خابرني ابن عم يزن نقيب محمد
محمد.. السلام عليكم
ليان .. وعليكم السلام هلا خويه
محمد .. خوية ام رضا يزن سوه حادث وهسه هو بالمستشفى وياريت تجين باسرع وقت
ليان.. اني من كالي هيج گلت يزن مات وجاي يمهد الي ..
ليان .. الله عليك كولي يزن مات ..!!!؟
محمد .. لا اسم الله بس حالته حرجه صاير عنده نزيف داخلي ..
ليان .. هسه خويه جايه .. بس ادز رضاوي لخالتي ام اسامه .
خابرت لعدي گلتله ..يجيني فعلا الولد اجاني دزيت رضاوي لخالتي ام اسامه ورحنه اني وعدي ونور للمستشفى دخلت روحي مفرفحه وعدي حالته حاله ..
عدي .. حسيت روحي طلعت من شفت اخوي مربطين بيه الاجهزه فاقد الوعي يعني خسرو اخ ي الزغير وامي وابوي .. لا ربي على بختك تعبت .. الا عزاز گلبي .. مبقالي من ريحة اهلي غيره ..
ليان .. گعدت يم غرفة الانعاش وبس ابجي وادك والطم .. لان الدكتور گللنه غيبوبه لو يصحى لو يموت منا ل ٢٤ ساعه .. متت حسيت روحي د تريد تطلع ..
محمد .. خوية استهدي بالرحمن واندعيله
ليان .. خويه بداعت كل غالي عليك سولفلي ليش سوه حادث هو عاقل بالسياقه ..
محمد ... جاي نحقق بخالشي لان يزن بل اسبوع خابرني گلي سيارة سوده جاي تلحگه وين ميروح وجاي توصله تهديدات
ليان .. عمت عيني عليك حبيبي .. واكول شبيه ماله خلك وتعبان ..سوده عليه
محمد.. تعرفين وحده اسمها شروق .. ؟
ليان .. ليش !!!!
محمد .. احتمال تكون الها ايد بالصار
ليان .. والله موتها على ايدي اذا صار شي ل يزن..
محمد .. اصلا موتها على ايدي مو ايدج ..
ليان .. متت حسيت روحي تريد تطلع ورجلي بالعنايه
للمغرب حت للحمامات غسلت وتوضيت واجيت اريد اصلي واقره قرآن ولكيت وحده  واگفة باب الانعاش وتباوع ضليت اباوعلهة بس مشافتني عرفتها شروق لان اني شايفتها مره وحده خابرت ل نقيب محمد
محمد .. الووو
ليان ... الوو خويه محمد هاي شروق اجتي باب الانعاش واكفه
محمد .. بس انتظري اني جاي للمستشفى وياي شرطه ..
ليان .. ضليت اباوع عليها من بعيد شوي واجه محمد ويا شرطه
شروق .. رحت شفت يزن بالمستشفى ضليت متعجبه ماكو لازوجته لااحد من اهله وياه شوي واجوا الشرطه عليه اني خفت
محمد .. انتي شروق
شروق .  نعم اني
محمد .. تفضلي ويانه للمركز
شروق.. ليش ؟ شكو
محمد .. اني واگف على اعصابي اريد اشرب من دمها وهيه تسالني .. كتلها بغضب وصوت عالي هناك تعرفين ليش ..
ليان .. ضليت واگفه بعيد والا لو متقربه يمها يمكن اقتلها
محمد .. اخذنه شروق ورحت للمركز حققنه وياها بالبدايه مقبلت تحجي بس بعدين بطرقنه الخاصه والاثباتات والتسجيلات الي عندي عرفت هيه وره حادث يزن ..
محمد .. اعترفي شلون دبرتوا الحادث ومنو وياج
شروق .. 😭😭 اني مو بيدي حبيته حب من كل گلبي ردت بس نظرة حب منه بس خو يحب مرته الحقيرة ازيد 😡
محمد.. اذا مرته هاي الالماسه حقيرة فأنتي مجرمه وفاسده ..
شروق .. اني جنت متزوجه من رجال جان متزوج وجان هم يحب الكبيرة ازيد مني اخر شي خليته سم  بالحليب بالريوگ ومات 😌
يزن من ماقبل يتزوجني اتفقت وي ولد وعلى الاساس انطيه مبلغ زين وخليته يوازيه بالطريق لحد ماانگلبت سيارته ..
بعد مااجاني الولد وگلي تمت المهمه كتلته ودفنته بقطعه فارغه
محمد .. ضليت صافن هاي مجرمه ومريضه عقلياً .. كتلها وانت اذا تحبين يزن شلون هيج تسوين بيه ..
شروق ... يموت ولا يعيش وي مره ثانيه غيري
محمد .. ههههه مره غيرج الي يسمعج يگول هو متزوج عليج .. انتي جنتي تحبيه على الاساس ..
شروق .. اني احبه من جتنت مرته حامل الها ست اشهر
محمد .. شرطي ..
الشرطي .. نعم سيدي
محمد .. اخذ هاي من وجهي وخليها بالسجن لا اهسه انتقم منها .. وحولوا اوراقها للمحكمه ..
الشرطي .. نعم سيدي.
ليان .. من اخذوا شروق وراها صليت وقريت قرآن وبجيت .. واندعيت لربي
ليان .. يارب اني عشت عمري يتيمه .. ومن لكيت اهل عوضوني عن حرمان الاب والام .. راحوا لرحمتك .. يارب هذا رجلي وهو ابوي وامي واخوي وكلشي .. يارب دعوة يتيمه گومه بالسلامه وشافيه وعافيه ..
______
ليان .. بعد ماخلصت صلاة .. غفيت على الكرسي .. وفزيت على صوت الاطباء دخلوا لغرفة الانعاش وواكفين مجموعة اطباء والين يزن واحد يباوع بالساع واحد عينه على الجهاز واحد لازم الصدمات الكهربائيه .. بس العجب انه الجهاز _يصفر 
اني انهاريت البجي ضليت اصيح . لا ااااا لااااااا يزززن يزززن كوم هاي النومه مو الك يزن لاتيتم رضاوي  يزن منو النه .. يزن منو اصبح بوجهه يزن حبيبي راح اشتاقلك ...وقرروا ساعة الوفاة طلعوا وضليت يمه ابجي واصيح


#يتبع...
#البارت_٣٢
واحجي وياه ... اخر شي من شفته ميحجي وياي صحت بصوووت يززززززززززززززززززن ..
فزيت على صوت عدي اسم الله ليان شبيج ..
ليان .. عدي انت اجيت ؟
عدي ..اي اجيت وجبتلج عشه دزته خالتي الج خيرج شبيج تصيحين
ليان ... شفت كابوس .. شفت يزن مات بالحلم
عدي .. ان شاء الله خير ان شاء الله عمره طويل
ليان.. ان شاء الله ..
شوي واجواخلو الاطباء عليه واني خفت خاف يتحقق حلمي ..
طلع الدكتور ... 
عدي .. دكتور بشر
الدكتور ... الحمد لله بفضل الله ودعواتكم المريض تجاوز الخطر  وان شاء الله باجر الصبح يصحى
ليان ... الحمدلله يارب مقصرت . ورحت صليت ركعتين شكر لرب العالمين
عدي .. تقبل الله
ليان .. منا ومنك
عدي يلا تعالي تعشي حتى تصيرين قويه يمعوده يزن يريد وحده قويه شلون راح تدارينه اذا انتي مماكله شي
ليان .. اي هسه جايه .. اكلت شوي وكمت انام گعدت الفجر صليت واندعيت .. والحمد لله  ساعه ٧:٠٠ الصبح صحه يزن .. ونقلوا لغرفه خاصه حتى يرتاح لان حالته استقرت
يزن .. ليان حبيبتي
ليان .. يزوني كعدت الحمدلله على سلامتك
يززن .. الله يسلمج حبي
عدي .. الحمدلله على السلامه اخوي وحبيبي
يزن .. الله يسلمك خيي
عدي .. يلا صير قوي علمود ابنك
ليان... عدت ٥ ايام بالمستشفى واليوم اخر يوم راح يطلع بيه يزن رحت للبيت قبلهم سويتله شوربه ومشاوي وحظرتله ملابس نظيفه .. ورتبت البيت ونظفته لان هملته اسبوع ..
واجه عدي جايب يزن وياه .. وي دخلته تلكيته وصعده عدي للغرفه ودخله للحمام وسبح وبدل وطلع صعدتله غداه ..
عدي.. هسه اني لهنا انتهت مهمتي اروح لبيتي ارتاح واسبح واتغده وانام ولليل اجيك
يزن .. تعبتك حبيبي
عدي .. ولويدلل الحلو شكم اخو عندي بس انت بقيت الي. 
ليان .. عدي غداك جاهز جوه خليته الك على ميز الطعام اخذه وياك
عدي .. متقصرين ورده
يزن .. اي حبي شنو تغديني بايدج اني مااكدر اكل
ليان .  مو تدلل شكم يزوني عندي
يزن .. رضاوي وين
ليان ..يم خالة خليته
يزن .. بالله شصار واني الغيبوبه
ليان .. شروق انسجنت طلعت مريضه نفسيا وقاتله قبلك رجال ..
يزن .. الله لاينطيها هيه السبب . .. بس شنو الممرض يكولي انت ميت اصلا .. بس زوجتك ٢٤ ساعه تبجي وتندعيلك وتصليلك ..
ليان .. حبي مسويت شي اندعيتلك بالعافيه وتكوم بالسلامه لانك ابوي وامي وكلشي ودنيتي ... الله لا يحرمني منك حبيبي
يزن.. ولا يحرمني منج
يزن .....
مرت ٣ سنوات وليان صارت وياي بالشركه مال المحامين وارت عندي بنوته تخبل تشبه ليان واخاف عليها من الناس ورضاوي صار عمره ٣ سنوات ولسانه طويل .. ومتعلق بيه حيل .. وبنتي سميتها تمارة ..
ليان .. توضفت وي يزن بالشركه و الحمد لله موفقه بين بيتي ودوامي وجهالي ..
عدي صار عنده ولد توأم  وي كرم يعني ٣ اولاد
وسميه وسليل دائما يتواصلن ويانه .. واسامه ابن خالة يزن تزوج.. اخذ وحده من بنات خالي  .. وصار عنده بنوته حلوه ..

ولهنا تنتهي قصتنه ☺️
#الـنهـايـههۂ

#فـصـلـيـههۂ_يــزن

المعنى من قصتي.. فصلية يزن شگد صبرت وتعبت وتحملت هواي امور منها اليتم .. والذل من زوجة عمي والحرمان .. من حنان الاب والام ومن الالم الي عشته من يزن بالمستشفى ..وكان بينه وبين الموت شعره .. بس تاليها رب العالمين عوضني ب سلامة يزن وبأبني وبنتي والحمد لله استقرت حياتي حالياً ..

لاتخلوا حياتنه من الناس المنافقه بس نتحمل لاجل ان نعيش مرتاحين ..👍❤️
This media is not supported in your browser
VIEW IN TELEGRAM
عمري شي طبيعي من تلعبين..جسمج او رجليج يوجع..لأنو متشجنات وصارلج فتره تاركه رياضه فمن تجين تلعبين عضلات الجسم مامتعلمة عل هالشي..فيوجع🌚💔

فعادي هالشي...اول يومين..العبي شي بسيط ..يعني سوي فد جم حركه 5 مرات..وكل يوم اشويه اشويه زودي..عدد المرات ولاتنسين اهواي اشربي ماي وانتي دتلعبين رياضة☺️🌸

#ملوكه
حبي استعملي خلطة القرفة(دارسين)..ومجربة انو ينفخ الشفايف🙂💋

فمكونات الخلطة:
ملعقة صغيرة من القرفة
ملعقة صغيرة من شكر
ملعقة صغيرة من زيت الزيتون

تخلطيهن وتقشرين الشفة لمدة 5_3 دقايق وغسلي..وبعدها رطبي بفازلين💫

سوي هالخلطة كل 3ايام

#ملوكه
عيوني ماي التمن يصفي البشرة..وي الاستمرار اليومي..لمدة شهر تلاحظين فرق حته بشرة اشويه تتفتح🙈

والخطوط والتجاعيد يرحن بماسك بياض البيض..بالاسبوع مرتين استعملي🥰

#ملوكه
This media is not supported in your browser
VIEW IN TELEGRAM
حبي احلى عطور رجالية bm, ومارسيدس ،شانيل ،boss ,
Terre d, salaries,

وعندج ماركه smart تجنننن ارقى ماركه وعطرها كلش حلو😇❤️


#ملوكه
اللي تعرف معاهد تمريض بهالمنطقتين
فخلي تطي خبر لهبنوتة🙃🌹

#ملوكه
حبي بس زيت الخروع زين

غيره من النوعيات مثل الامريكي او الكوري..الخ هذيني موشي..لانو منقصين ومسويله اضافات

واذا تستعملي بس للشعر والحواجب يثخنهن🙃

#ملوكه
This media is not supported in your browser
VIEW IN TELEGRAM
عيوني..عندج سيرافي وستافيل وكلين كلير ..هذينات للبشرة مختلطه ولوريال هم زين🌚🌺

وهالجهاز..فوريو يي كلش زين تستعملي وي غسول..وسعره يجي 5

#ملوكه
عندج غسول نتروجينا او غسول بشجرة الشاي..كلش زين🙃
وفوريو تشحني اول ماتشتري لمدة 1او 2ساعتين..فيعتلك ضوة معناه ديشحن

ومن يكمل..بعدها لاتشحني..
ويضل يبقى لمدة 8 اشهر او سنة ومن تخلص هالمدة هم ارجعي اشحني🥰

وتريدين تقللين الدرجه..اكو بي زايد وناقص ليجوة..انتي تتحكمين بي

#ملوكه
اللي من بغداد وتعرف مدراس متميزه
فخل تفيد هالبنوتة😻🌸

#ملوكه
حبيبي هذيني الامبولات كلهن موزينات
مجرد تبيض لفترة مؤقتة..يعني بس يبيض مو معالج للبشرة☹️💔

اذا تريدين تعالجين بشرتج من تصبغات..ضلي عل ديرمابن ووياه استعملي لو سيروم هايرولنيك اسد او سيروم فيتامين سي
وبقيه العنايات من ترطيب وتقشير والماسكات
فاشويه اشويه تتعدل البشرة🥰

#ملوكه
This media is not supported in your browser
VIEW IN TELEGRAM