ان شاء الله حبايب بليل بعد اشويه. انزل عنهن وانزل عن توافقات بين الابراج🥰💜

#ملوكه

عمري..وزنج كلش طبيعي😕بالنسبة لطولج يعني مو سمينه انتي..بس يجوز هج يذبون حجي علمود يغثوج😅

واذا تريدين تضعفين وتصيرين رشيقة..كون تسوين وزنج 49 لا اقل منه ولااكثر..
اذا تسوين وزنج 45..فكلشش رح تصيرين ضعيفة لان طولج كصير بسع رح يبين ضعف...فسوي 49 افضلج ومناسب لطولج

واشون تحافظين عل وزنج..بعد ساعتين من الغدة..العبي رياضة كل تمارين سويهن ..ويوميا استمري وماي اشربي اهواي...فمارح تسمنين
واذا جبس ونساتل لاتكثرين اهواي يعني باليوم بس مرة وحده تاكلين منهن..مو 3مرات😂💔وهالنوب يتخزن دهون...فخلي اكلج طبيعي

وبالقصص😻اكيد مارح اقصر وياكم


#ملوكه

حبي كون تنظمين وقت الأكل حته تجوعين😇

يعني اذا كعدتي ب11 وتريدين تتريكين..ووقت غداج بعد ساعه او ساعتين
فكون تاكلين شي بسيط .مثل كعك او كيك صغيره وشاي
وبالغدة اكلي طبيعي..وعصريه كلشي لاتاكلين غير بس فواكه..وجم شريحة ليمون

فبالعشا..رح تجوعين و تاكلين طبيعي

اما اذا كعدتي من صبح من وكت..فكون تتريكين ريوك معتبر😂🌚من كيمر ودبس..الخ. .بس اذا كاعدة متاخرة فدشي بسيط

#ملوكه

ههههه..ان شاء الله حبيبي
اكيد رح اجيب فد قصة حلوة ومشوقة🥰🤍

#ملوكه

حبي الفلر ماله أي فائدة وكومة أضرار بي
أنو المواد اللي انحقنت بالشفة..ورة مدة لو تتيبس وتصير مثل حجارة او تصير مثل جراحة وبالحالتين ينراد عمليه حته يطلعو☹️💔

فاللي يسوي مرة رح يتعود ويسوي مرتين و3 وبالتكرار ..رح يترهل الجلد
ونفس الحالة بالبوتكس ..وحته ابر نضارة هذيني مابي فائدة

عندج ديرمابن زين واغلب اللي سوة شافو نتيجة..فتكدرين تستعملي بالبيت مو اله ترحين لمركز
وشرحت عنه قبل..هسه هم اوجه🙃

#ملوكه

منا تلكين شرح مفصل عن الفلر واضراره
وبهالفيديو ..رح تلكين سلبياته💔🤦‍♀

#ملوكه

عيوني بأي محل او مول يبيع مستلزمات رياضية تكلين عندهم

لو عندي فيس😅💔جان اطلعلج البيجات..فانتي كتبي بالفيس مستلزمات رياضية ويطلعلج ..فاستفسري عنه

#ملوكه

حبي بكيفج..فأني اشوف..جوز الهند والبندق اذا مطحون🥰اطيب

واذا عندج مامطحون فعادي خلي بالخلاط وهو ينطحن

فاذا تشربون يوميا بليل فد كلاص..رح تحسون بفرق.. اولا بي فيتامينات وثانيا يسمن🌚🌺

#ملوكه

ههههه..حبي ان خلت لاصق لو ماخلت بالحالتين مارح يأثر شي😅..

فأي حروق تصير كبل تغسلي جوة ماي بارد..فد 10دقايق..هالشي اشويه يخدر من الالم

واكو ناس شيسوون ..يخلون كبل ثلج
فماانصحج بهاي الخطوة ابد❌موزين

ورة ماغسلتي بالماي..خلي عليه عسل.لانو العسل مثل مضاد للالتهابات الجلد وحروق
هاي اذا ماعندج لاكريم ولاشي..ومستعجله فتسوين هالخطوات


اما اذا عندج كريم للحروق...فبس تغسلين مكان الحرق ..وبعده تخلين فوكاه الكريم

#ملوكه

كريم ميبو تلكي بالصيدليه..هاي للحروق بسيطة

بس اذا حروق من درجه ثانيه وثالثه..فكون تراوي لابو صيدليه..وهو يطيج كريم مناسب اله👍

#ملوكه

يي حلو هالشي..بس باجهزة الكلاسي والايفون مابي هالخاصية..غير بس تخلي بالاستديو😑💔

#ملوكه

ههههه..بهج قصص تفيدكم😅💔بالمستقبل انو اي خطابة يجوكم..مو كبل توافقون..

كون تسألون مو بس عل الولد..همين عل عائلته..من اصلهم وفصلهم عود بالاخير يله توافقون

وان شاء الله تستفادون من هالعبر🥰

#ملوكه

حياتي 😍❤️فدووة لكلبج

ومدام ابن خالج رايدج وتحبون بعض..فحتلو صار مشاكل..بس بالنهاية اكيد تنجمعون
فيوميا بصلاتج ادعي وانذري لأم البنين

وان شاء الله يارب تصير القسمة وتفرحونا🙈💋


#ملوكه