#مشاعر_مبعثر
..نازك الحمراني....
الجزء الحادي عشر
يمي أبني لساته بلأشهر عمره.
شعور الأمومه مينوصف انظر اله الملامحه
يشبه والده اتمنى ميورث طبعه..
بس ليش أناقض نفسي...مااكدر أكره سامي
لأن خلاني أدرس كليه...وشجعني على الدراسه
احسن لبس لبسني..شفت بي أفضل أب الأولاده
وهل شي خلاني أطمئن من يصير عندي أطفال..
ماأخاف عليهم من الزمن لأن عدهم...اب مثل سامي
مو أب مثل والدي..ألي هو لا أبالي.(بسبب انفصام الشخصيه)
سامي كلشي بي كامل بس عصبيته.وخيانته..هن خرابه
احس بحبه القوي ألي..لأن ميفاركني من أزعل
برغم عنده صاحبات هواي...برغم علاقته
من ارجع للبيت يضل متلهف الي..دائمآ غزله
حظنه من يكعد يمي احسه مو بس يحبني
يعشقني...!
أتمنى اخبره..واكله عالج نفسك من عقدت النساء
بس اخاف يتعصب..ادري بيه..
يحبني..الي..اني ليان بس يخون بيه منار
يحس ينتقم منها بيه..لان من يضربني..
يرجع يتوسل ويحضني.... في سبيل ان ما أعصب..
ردته يتغير على أيدي..ولازم احاول
ومثل كل مره من ارجع من أهلي..يصير زين فتره
تالي يرجع الطبعه..والخيانته
وماأنكر سهير اله أيد بدماره...لأن يحترمها
بسبب تحب أولاده..مرت ألأشهر والايام
وهو يوم احلى من يوم معاه
بهدوءه بطبعه...بهداياه الي تجي من غير مناسبه
وبمناسبه ولادتي فرح كلش بولادت ابني..
حتى من طلعت من المستشفى...هو يدفع الكرسي
الي كعدت عليه..
خلا أبنه كمال يسوق ويبوس أبأيدي وبأبني..شهد..
سما شهد لأن يكول عسل على أمه..
من شفت فرحته..ولمعت عينه...انقهرت عليه
ابداخله انسان غير شخص...بس ليش هيج
هو يحير وحيراني بزماني...كلما أريد اكرهه
يرجع الطيبته والحنانه..والرومانسيته....
مرت أيام وهو يغدق بكلشي حلو.
مرت سنه كامله مرتاحه..من عنده
أبيومها..واكفه علبرده اريد اشم هواه ..اباوع علمشتمل
.وشفت سامي جاي من يم صبا
شفته من ورى الشباك طالع منها....كرهته
وكرهت كلشي بي...بس لأن خاني مره ثانيه
ليش هيج يعطيني حب وأمن بيه..
يرجع يخوني. ليش كل هل أشياء ضهرت من حملت
وليش وليش...؟
نزلت واني متعصبه..والغيض منه مااخذني....
شافني متعصبه عرف بيه درت..ضل واكف
وهو يستمع الكلامي الي اذكر منه....كتله
-أنت ماتنعدل لك رجال حط ألله بين عيونك
طلكني بعد اريد أرتاح منك ولا تضن أبقى على ذكراك
لك كرهت كل الرجال بسببك..هسه طلكني
أطلك منك أخلص العده وحالي حال خواتي.
شناقصني..وتخون أمقصره..معاك...ضحك كلي
-واهون عليج ماتلكين رجال مثلي يحبج والله
وثانيآ منو بعد يكلبج عندج طفل..دروحي بابا روحي..
عمتي كاعده بلكاع تعصبت من عنده... كلتله
-ليان بنت حلوه وزغيره تطلك منك وتزوج بسرعه
مو صبا مزوج أثنين وانت ميت عليها.
وتسهر لتشوفها...كعدت تعبت كتلها
-عمه.شسوي تعبني كولي اتعارك ازعل ميفيد وياه
شوفي كاعد ومتندم الى متى سامي مو يوميه
اصبر نفسي واكول يحبني..الى متى الكالك عذر
حتى الاعذار خلصن...النبي يكول سبعين محمل
اني السبعين خلصن..لا تصور أني بعد ليان
قبل خمس سنوات الي اجت من أهلها فقيره..
وساذجه كبرت وهمومك كبرتني..
لا تظن أسكت وذا ازعل بعد ماارجع فهمني اخي
شتريد بلضبط...تنتقم اني مو هيه حتى تنتقم
تركته وصعدت الغرفتي
مااحجي وياه..شما يسوي من صدك كرهته
من صدك صارت مشاعري صفر....
حاول يراضيني..يتقربلي أصده من يشوفني عصبيه
يتركني ويطلع..يكعد بلكراج..يصفط قواطي ويشرب
كشيت منه من عركه...من سكره...
أمه تحاول تحاجي يرفض..يترك الشرب
..الترمز ميوكع من شتا صيف بيده...

بي نقيض قوي بحبه الاولاده..وبين تصرفاته
فرحان بطفل فرح كبيره
حتى من يبجي بليل.واني نايمه الكى يهز الكاروك ويسكته
اذا مااكعد كل هاي واني مااهتميت أله...
مره الطفل بي غازات...اخذه يفر بيه
ومخلي على جتفه...وسكت بيده..عنده حنيه قويه
بس لشوكت اتحمله.
خلال هل اشهر..حسيت هداء نسبيآ
تقى اختي كل فتره تجينا واستقبلها بأفضل مايكون
مااقصر معاها برغم قلبت اهلي عليه..
بيومها إجتني العصر هي وكمال..وبقو للعشاء
كمال يحب أختي احسه بنظراته بشقا وياها
هل شي يضايق سامي ...مااعرف ليش.
يضل يفتعل مشاكل معاي..بعد خيانته وياي
بقيت مااسكتله ألاسنه وتجاوز علي..وارفع صوتي
لأن سقط من نضري...واني اذكر صوره هو وصبا
أبلحضتها أفتعل مشكله..كتله جيب حليب للطفل
تعصب وضل يغلط ويصيح دخل بصاله يم أختي
شافهم يشاقون كلهم شوفي عمي وانت كمال شلون تغار...منكم شلون تشاقون أفتعلت مشكله...
عاد اختي طلعت هي وزوجها رحت اراضيهم
ماقنعو راويتهم...شلون دازتله رساله من ساعه
أريد حليب للأطفال...وهو ناسي قلب الوضع علي
حسيتهم صدكو أطمئنيت..لان صدكوني
عرفت علت سامي يريدني بس اله هل شي فهمته وعرفته
بقى اسبوع ترك سكره وعركه فرحت كلت اقبل بصلحه
كعدت بليل ماكو هو نزلت أدور علي..لكيته بلكراج
كلت اكيد يسكر بس الي شفته لازم الفون
كاعد ويتصل بوحده..ويتكلم معاها بكلام فاحش
جان معلي السبيكر...حتى ظحكتها مثل المصريات
وهو يكلها بعد ظحكي...
نفس كلامه ألي..يستخدمه ألها
طلعت تعاركت وياه..ر

جل بلا حساس..ميفيد الكلام
احس هلةشي فوك طاقتي..يراوني ماي يطلع سراب
صعدت أبجي على روحي..نمت الحد الصبح
ازعل الزعل ميفيد لأن ميتركني يضل يتردد عليه
واضطر ارجع ومصاريف الكليه هو متحملهن وهو يعتني
بطفل من أداوم قررت ماازعل
عندي دوام للكليه بنته كان دوامها عصري..
وجنت أخر مرحله بلكليه
أبقي ابني يم سامي وأداوم الكليه فقط راحتي..الكليه
جنت مصره عليها وموقفي قوي أبد ماتركتها
برغم حربه النفسيه الي
ومكسراته بس وأهانته الي ..جانت الكليه خط أحمر
ماكدر يجبرني أبطل او رضخ الشرطي مااجاوزه
من أسولف للبنات الي معاي أكو يتعجبن كيف متحمله..وأكو يكذبني..
بس أ بنيه وحده كانت مثلي زوجها يهينها يخونها لأن يتيمه
جانت تكعد تبجي من سولف..دكول لو عندي أهل
مجان هيج حالي..جنت أصبرها واكلها أني كدامج
أهل وأم وأب واخوان وخوات مسوولي حل
أختي أجيها ساعات تتحملني بس متتحملني أبات
أخوان يشوفون دم سنونهم ولا يشوفوني
أمي وأبوي ملتهين بطلايبهم..مااعرف اصبرها اصبرني
المهم ختام كلامنا نختمه بنكته وظحك ونرتاح
ارجع للبيت يكون بس القهر بي وعوده كذابه
تمرضت عمتي كلش..وتأزمت حالتها..أنداريها اني وياه
بس ماطولت..ويانا.كبيره بلعمر..
جانت تنصحني من سهير..دكلي ديربالج..سحاره
لا تنطيها مجال تخرب حياتج..ابني يحبج
بس يجوز هي أسودنه من سحرها..
أتوفت والبيت صار أظلم جانت البركه..
ولامه البيت كله ولدها وبناتها..بس راحت انتهى كلشي
بهل فتره سامي كاعد بلغرفه ضايج على والدته
حاولت على كد مااكدر اصبره
حزنه على عمتي اخذ منه حيل هنه اربع اشهر
بعدها رجع الصبا وكشفتها من أكشفه يتوسل يرجعة
يذل روحه.بيها رحت الاهلي زعلانه..بس ماحسستهم زعلانه
كتلهم أغير جو اني طول هلفتره اخذ مانع
وهم رجع سكن الشارع..يرن علي بلفون
واطلع احجي وياه اركب بسياره وهو يتوسل ارجعله
رفضت ورفضته ماعاد اكو حب بكلبي اله...لأن تعودت
تعودت عليه بس ارجعلهة..يرجع التصرفه
..مليت من وعوده الكاذبه
كلت مادام عند اهلي اترك المانع المن اشربه
بعدها بفتره دز بنته ترجعني.واني احبها لان ربت
على ايدي اجتني وهي تحضني......كلتلي
باجي الخاطري والله تعلمت عليج
وضلت تتوسل كالت لا تنطين مجال الصبا تاخذه
ترى هي نزوه ارجوج رجعي.ومن هلكلام أسبوع
وهي اول مره تتوسل بيه.وهل مره رجعت الخاطره
ورجعت للبيت وهو مثل كل مره مشتاق الي
واقتربلي..ركضت للحمام خفت لان مماخذه مانع
بعد قررت مااريد اطفال الا لمن يتغير
بيها سامي تركها من صدك لأن بدا يخسر
أفلوسه بعدها بسبب ديونه وتركه للصلاة والزنا
قرر هو ورزاق أخو
يبعون البيت... لأن البيت جبير والكل محتاج
ونباع وتقاسمو بلحصص هو واخته واخو...واخو بغير مكان..ماهلكد يجيهم..
برغم أخته سوزان زنكينه كلش.اخذت حقها
جان بوكتها مالكى بيت زين وتعبنا بلأجارات غاليه
وفلوسه وتجارته خسرت فد نوب
الا ان لكانا قطعه مية متر..بناها بنيان حلو ومرتب
كعدنا بيت وحدنا فكيت من سهير ونقها علي
وسحرها للعلم من شلنا من البيت..
.لكينا شعر..ملفوفو بأبر ورقه بيها عظم
..وصل ودنابيس..وبيهن اسمي مااهتميت
بس أذكرت كلام عمتي عنها
البيت الشتراه بي غرفتين وصاله..ومطبخ وصحيات
من أستقرينا بي..عزمنا حماتي سوزان سامي عزمها
وجهزت الأكل حسب الأصول تقى اجتي ساعدتني
واجت سهير واحنا نرتب بلسفره..سهير وسوزان
كاعدات يوزن برؤى...من دخلت للمطبخ أسمعهن
يكللها انتي صرتي كبيره .لا تصيرين فقيره
كوشن على ابوج وأخوج احجي سوي...
خلصت العزيمه..وهاي رؤى مشوفني..لمت ملابسها
وراحت..البيت عمتها يوم يومين ادز عليها ماكو
تعلمت عليها ..ليش هيج راحت مااعرف
حللت طلعت حامل..واني ضجت..كمت أخذ دبة الغاز
اسويها فريران بلكن أسقط الطفل مااريد تعبت
جربت كلشي يسقط مافاد هو بوكتها خاف علي
كتله سامي مااريد طفل انقهر علي
خبر مره( قابله) يعرفها وكلها حجيه اريدج تحجي
وي زوجتي ايصير اسقط...كلتلي
-خاله الاجهاض أقوى من الولاده اني اكدر اجهضج
بس يجوز يطكج نزف وثانيآ خافي على روحج
قنعت وهو بوكتها خاف علي..بس يرجع يخابر
ويسولف وي صاحباته..بيومها بدلت رحت استلم
نتيجتي خلصت كليتي تخرجت واخذت شهادتي
برغم المشاكل والتعب النفسي مافديوم غبت
حتى من أتمرض أو أزعل أخذ أجازه..
اخذت بكلوريوس أنكليزي
حسيت أنتصرت على نفسي
لأن دوم كنت اشبه نفسي بلجبانه ..
بس لا شهادتي تثبت قوتي انو كملت
رغم الضروف وسامي الي نوبات يرفض أكمل
وبرغم بنته رؤى مساعدني خاشوكه مشيل البيت كله علي
اجيب الصينيه يمها واشيل من يمها..بس نجحت.
وكملت حلمي بشهاده
بيومها كاعدين نسولف اني وسامي
واني اكلب بفون سامي وشفت رساله موزينه ردت اعاركه
كلت بعدين أسئله
رن الفون خابرتنا تقى كمال امسوي حادث قوي


يتبع...

#مشاعر_مبعثر

...نازك الحمراني...
الجزء الثاني عشر

مر أسبوع كامل كمال بلمستشفى...تقى وسامي رؤى
تعبو وكلساع واحد يبقى يم كمال....اني اروح واجي
لأن هم أسنين مع كمال مثل الربيته على أيدي...
أختي تقى منهاره على زوجها..لأن يحبها..كلش
وهي هم تحبه..لان علاقة حب قبل الزواج..
بيومها قرر الدكتور يطلع...كالنا الضربه براسه..
من مكلوبه بي الدراجه طايح على راسه...فكالنا
-هل فتره تحملو اذا تعصب اذا انهار ..فتره ويرجع
لأن عصب براسه متضرر يراد فتره نقاه...
بيومها أجر كمال بيت يم بيتنا. فرق شارع..
ماتركت تقى أروح واجي عليها..امي كذالك..
من كعدت يمي كامت أتشوف أسلوب سامي..
طريقته وياي يله صدكت اني ممكذبه
وانو هذا أسلوبه ومعاملته...
عرفت سامي وعرفت شنو بس خلال هل فتره
كمال وياها تغير أدكول يتعصب ويصيح..مجان هيج
أتعلمت على دلاله وحبه..ترك الشغل وكعد يمها
بقت شتحتاج من كمال شي..يرفض أيجيبه
لأن ترك الشغل بلا سبب برغم صحته صارت زينه
فأحتاج أفلوس سامي بوكتها ماعنده..أورفض ينطي
حاجيته أني..كلي...ينتكل علي أريد يعتمد على نفسه
ورا اطفال وبيت لأن تقى حملت...بهل فتره..
اخر شي سامي راح يزور أبنه..من داخل ألبيت ابنه
سامع أختي تقى تحجي وي كمال..ودكله روح الأمك
إمك زنكينه وعدها فلوس.
أجى سامي عصبي..ويغلط عليه وعلى .تقى
حقد عليها وكرهها
.تعارك وياي..وطردني برغم ذيج الفتره صار زين
رحت الأهلي زعلانه أبني بيدي وحامل..
ماعونت أستقريت هل فتره وي سامي...
لان ترك الشرب والنسوان وصار زين..بس الحظ
كعدت عند أهلي..ثاني يوم أجتي تقى تشوفني
وهي متعجبه ليش زعلت جنت ضايجه و تعصبت بوكتها
لأن أبن رامي اهوي ضرب أبني شبعه كتل
واني يرادلي مراجعه طبيبه فلوس مجايبه وياي
من دخلت تسألني ليش زعلت...كتلها
-زواجج زيد مشاكل حياتي خاف ماجان ماعندي مشاكل
هل مره زعلتي بسببج...تالي وعيت على نفسي تحسفت
ليش كتلها هيج رحت راضيتها..كتلها شعليج..انتي
هو من البدايه ممتفاهمين اني وسامي...كوه سكتت
سئلتها على كمال...شلونه واخباره.....كالت
-صار شهرين من الحادث الحد هسه تغير يغلط
يضرب ..يسب..ونوب حملت..زاد ضربه..كعد من الشغل
ماجان هيج كلش تغير محتاره..اشلون اتحمل....كتلها
-أنتضري بلكن يتغير مو الطبيب هيج حجى...كالت
-أي أتحمله لأن احبه وهسه حامل..
راحت..بقى سامي يراسلني يراضيني
بعد ماعندي سبب للزعل..طفل وحمل بركبتي
.وسامي للأحسن صار..يعني رجعت برضاتي
لأن اهلي دائمآ موقفهم خجل..وياي..
رجعت..بعد بيتي مااكدر أتركه..
هي حياتي هوسه من البدايه..هسه افضل من قبل من عزلت
مرت أيام وراحت..وبليل أني نايمه..رن الفون
اتصلت تقى بيه..كاتلها كمال وضاربها على ضهرها
رحت اني وسامي الهم..
لكينا كمال طالع وتقى مدده بلكاع تبجي
ومريه جارتها كالت
-خاله هاي بنتكم يوميه يكتلها ونسمع بس صريخ
شني ماعدها أهل مسكينه
سامي من شافها هيج أنقهر ..
مدري أشمت بيهت...كال..
-أبني شافها وحدها ليش هيج يضربها
موكتلج ماأتحمل هل زواج...كتلج يخرب حياتنا
أكو واحد بضرب هيج
صفنت علي غير أبنك هو قابل منين جايب الضرب
ماحجى أخذناها أني وياه تقى للمستشفى
اجتي امي بورانا للمستشفى..ويانا رؤى
الطفل مات أبطنها من الضرب
رجعناها البيت اهلي مقبلت ترد البيتها0
كمال رجع للبييت مالكاها اجى الاهلي يرجعها
ولأن الكعده والعزيزه أمي رفضت ترجعها
رجع كمال ضايج
هيه تقى تبجي عليه تحبه..وهو يحبها..بس مقبلت ترد
بقيت يمها أداريها ..سولفتلها على كمال يبجي عليج
وضايج حتى ماياكل سد البيت واجى يمي..كالت
-ارتاح وارجعله قابل أني سوزان واطلك لأن فكًر
اني غير اني وكمال حب قوي...كتلها
-عفيه طلعت من عدها اجت سوزان ودعتهن
رجعت البيتي وكمال كاعد يصفن يريدها ترجع..
يسمع أغاني حزينه.حسيته مخنوك يتصل عليها ترفض
رادني واسطه كتلها اصبر عليها كالت ترجعلك
حسيته فرح ..بس بليل اتصلت تقى علي كالت
-ليان قتنعت بكلام سوزان كالت هذا ماعنده شغل ثابت
لا تبقين وياه شنو هل كمال ماخذته بس عل نومه
يرادلج مصرف أفلوس وفوكها مضروب براسه.كتلها
-تقى مو كلتي أرجع ليش هيج الولد يحبج..وهسه
يطيب ويرجع مثل الأول فكري..
لج مو هذا الي عاندتي الكل علموده.صاحت عليه كالت
-باجرا رفع دعوه عليه مااريده تعبت من عنده
كليلي أشفت منه بهل سنه حتى بابا مأيدني..
بابا كلي اطلكي واني اساعدج

-ها قبل شنو وليش..سديته فكرت بروحي
أ شو حتى تقى وكفولها بطلاقها ليش أني
كلما أزعل يصدوني ويرجعوني ألسامي
اشكم مره اتوسلت بيهم..الحجي ميفيد بعد
صار عندي طفل وحامل ويرفضون أطلك..
ذكرت حجاية جدتي ادكول بكل بيت وبكل عائله
يكون اكو شخص واحد مضلوم ومغبون حقه..بس قررت
مااريد بعد افكر بهل أشياء تركت حضي للزمن
والأذوني الزمن كفيل بيهم..
طلعت أشرب مي بليل لكيت كمال..عيونه حمر
كاعد بصاله منتجي عل كرويته..حسيته
مثل الباجي وهو كلما يشوفني يفز عباله عندي خبر
عن تقى شفت هيج ماكتله بكلام تقى.
انقهرت عليه كلش مااريد تطلع مني
لان كل

ش حزين عليها واحسه مكسور
بوارها أجى سامي من بره جان يم أصدقائه
حاولت اخبره يأجل الموضوع...كله
-تعال ابو حبيبتك يريدك بلمحكمه رافعين دعوة طلاك
هاي العاندتني على مودها باجر أتروح...صاح كمال على سامي
-مااروح ومااطلك احبها أفتهم بابا احبها تركنا
ودخل للغرفه وسد الباب حيل صار الصبح
سامي بدل ومنتظر كمال..
كعد كمال شعره هوسه نايم ابملابس الشغل
بس ماقبل يروح سامي يلح عليه
ويكله ختولي متفيدك...بعدها عرفت سامي
ليش مصر على الطلاق ..لان حقد
على تقى شي دكله صالح أمك..
وهل مكيف بطلاك..
بليل اجى سامي جاب اخوانه واصدقائه يقنعون كمال
يطلك تقى ..كمال ..هم رفض..
من راحو اصدقائه ادخلت وحجيت كتله حرام عليك
جانت طفله وهسه حست بلغلطها وهي تحب ابنك
وا أبنك يحبها.. ليش تمنعهم وتوكف بوجهم
كلي روحي الاهلج ارتاحي هناك عندج ولاده
اني اريد أبقى وي ابني ورفضت اروح
وتعارك وياي الا أروح..وحتى متكبر المشكله
رحت لكيت تقى..كتلها
-لج هو يحبج لا تخسري...
-حتى لو يحبني واني احبه مااريده بعدني زغيره
ليش ابقى بهل هم والفكر..تركتني
وراحت للمحكمه هي وبابا..الحد الظهر
أجتي ضايجه كمال والده وعمامه واصدقاء أبو مقنعي
يطلك..كتلها تتحسفين تالي .
رجعت البيتي لكيت كمال جايب جنطة ملابسه.
وأستقر عدنا وذاك البيت تركه دفع اخر قسط اجار
ودز غراض تقى مرت أيام رؤى تبقى فتره عد عمتها
وترجع كمال يمي بس مو ذاك اليضحك
حزين دومه موجوع
يكعد يمي وده بس يسمع أخبار تقى..
صار عندي طلوك بيومها رحت للمستشفى...
وامي وسامي وياي جبت بنوته طلعت ضعيفه كلش
بسبب القهر والتعب والمشاكل
بقيت عشر ايام عند اهلي...تقى احسها تكابر
تحب كمال بس مقنعتها سوزان.. سامي مااجاني
طول هل عشر أيام من أنفاسي رجعت ماسئلته ..ليش
لأن اكو لحظات من حياتك تحس الكلام ماينفع ميفيد
النضوج الي عندي بسبب المشاكل بنجني بس قواني
مرت الأيام امي باعت البيت مالتها.
واطتنا كل وحده حصتها
اني شتريت بحصتي ذهب وضميته
اشترو اهلي بيت بي حديقه كبيره..رامي اخذها
سواها مشتمل أله وختك البيت..رائد اخوي
يجي كل اشهر يسلم ويروح وامي متفلحطه عليه
وتبجي تريده وتشتاقله وهو بيد ساميه امره
فاتت الايام والسنين وي سامي نفس الأيام نفس النمط
بس الي تغير بنته رؤى كلما أروح البيت حماتي
ارد أجيبها ترفض صارت بلكليه من اكل السامي جيبها
جان يرفض يكلي اني خليتها عند اختي إحسن
الكليه قريبه عليها وجان بيت حماتي سوزان
قصر وهي هم زنكينه..بيومها رحت عليها
لكيتها طالعه من بيت عمتها ولابسه ضيك وعدسات
ومكياج تقربت عليها سئلتها ليش مترجعين للبيت.كالت
-عمتي تعلمت علي هي وبناتها..يردني..
رحت السوزان احاجيها..تقنع رؤى ترجع..كالت
-عيني علوات بس سامي جابها وخلاها يمي
شنو ذنبي أتحمل هيج مسئوليه جبيره..بس بسببج
انتي مترديها هي رؤى وسامي كالو مترديها..
وطاحت براسي متخافين الله ذابتها عتبريها بنتج
-يعني هي بسببي عندج وليش أطردها مو ذاك اخوها
عندي كاعد وترى هم كبرو على ايدي شنو من تالي
أتعاجز منهم كذب..كالت.
-لا عيني موكذب أنتي زوجة أب موبيدج
-اي زوجة أب بس ممقصره عليهم بكيفج لاصدكين
بس هو مااعتب عليج أعتب على زوجي الي يعرفني
وهيج يكول تركتها وطلعت..هذا تعبي ثمن سنوات
هي ضاع..اجيت للبيت عاركته ليش يرتكب علي..كلي
-خليها هناك بكيفي احسن ادري بيج تعيريها باجر
لان تلبس وتتكشخ معليج بيها انتي مو أمهم..كتله
-ليش شقصرت مو حتى جواريبها جنت اغسلها
مو حتى أقرايه اني أقريها واكوي هدومها
كوب الشاي اني اخوطه الها بس الله كريم ..اكلكم
كمال بدا يكون صداقات علاقات وي بنات
يريد ينسى...تقى بس احسه ميكدر
برغم مرور تلث سنوات على طلاكه
اشوفه يكض الفون يخابر بنات ويتغزل بيهن
بس يسده يذب حسره وعيونه ادمع
ويسمع أغاني فراك
اروح التقى مثل حالته هيه بس الي مصبرها
رجعت للمدرسه تريد تنسى..كله من سوزان قنعتها
بس هم مكدرت تنسى بيومها رحت الامي مريضه
أجتني تقى فرحانه رايحه الشغل كمال
لان بعد متحملت تفاركه وهناك كالتله رجعني
وهو مكيف وفرحان جان منتظرها دكله
رجعت للبيت لكيت كمال يظحك فرحانه
كلي خل مدامج رجعتي باجي اريدج ساعديني
أروح الاهلج نرجع تقى
-ميخالف بليل اروح ابوك مو هنا اخطيه تكشخ بدل
وبقى منتظر حسيت مثل الطير الفرحان انتظرنا سامي
يطلع ورحنا وتقى فرحانه بس والدي رفض
حاولت أقنعه ماكو
جان شرط والدي الا يجي سامي...
طلعنا وبدينا اني وكمال نقنع سامي يرجع تقى
وهو قافل ميقبل شال عليها
لأن سمعها دكل الكمال راضي أمك.
صارت هوسه وتعارك كمال وي سامي..
كمال هدد سامي ..كله
-شوف بابا الك منا الشهر أذا مارجعت تقى
واخذت من خاطر عمي ابو رائد.....؟
أروح الامي واسكن عدها وبعد مشوفني
اي اروح الأمي الي خانتك
.وتنسى عندك أبن اسمه كمال فاهم ...!
سامي مااهتم وضل مصر مايرجع تقى كان كل ظنه كمال بس يهدد ميطبق الي كاله

اني بوسطت هذا الصراع رحت البيت اهلي
وجانت تقى تحجي وي كمال..وتسولف فرحانه..كلتله
حسيت بقيمتك وبحبك الي

من تفاركنا لأن مكدرت
أحب واجرب غيرك كل قسمه تجي ارفضها
أكول كمال بس الي يلمسني
-أنتظرتك تلث سنوات وهسه أسبوعين أذا متجي
ترجعني أقبل بلقسمه الي جايه...
بقيت اباوعلها شنو الحل مابيدي شي أني زوجة اب
العلي سويتها وسامي رافض خلص السبوعين
أجتي سوزان جابت خطابه التقى هيج ولد كاعد بحواسم
وجانت تقى ضايجه كلش
ومتانيه كمال ...كمال منتظر والده واني منتظره
حبهم بلكن ينتصر...مااجى سامي
بيومها كمال اتصل كلها اخذت خيره
كلولي متفيدك ..شوفي حياتج مايفيد نرجع بعد
هل كلام ضاجت منه تقى وقبلت بلقسمه
وصارت الخطوبه حاولت امنعها واذكرها بسبب حبها
القوي الكمال حتى اتهمتني باطل بسب حبها وكتلها رفضي
ماكو جانت مصره حسيتها بلخطوبه حزينه
بس على عناد كمال قبلت
كملت الخطبه والعرس تحدد
بس اشوف تقى مخذوله مكسوره نقهرت عليها
دك هورن بلباب اجاني سامي طلعتله سولفتله
علخطبه وشلون تقى ضايجه جان فرحان.
حضرت العشا وصبيتلهم ..كمال رفض ياكل وتعصب
ضل يصجمني ويحملني السبب برغم يدري
شكد حاولت وشكد قنعت سامي..بس مو بيدي
بقى ميشوفني كمال كارهني يوم على يوم يضوج مني
حتى بيوم عرس تقى لان انقهرت عليه ماكتله
ماكتله رحت للعرس ورجعت مااحجيت انقهرت علي
بس عرفت عنده علم والده كايله..
بوكتها بس الحزن بوجه يروح ويجي
مثل طير مذبوح ويفرك بيده...جاي احجي
كلي انتي السبب ليش ليش...كتله
-لو انت شجاع جان دافعت عن حبك شعلي اني
أنت حدد حياتك بخيره
مو على ايدك اقنع بوالدك وبوالدي يعني افرح اشوفك
ليش تحملني ابوك السبب سامي جان واكف
-بابا ختولي باعتك بأول مشكله مو هاي ليان
تحملتني وتحملت اعصابي..أنت تقى تخلت عنك بسرعه
وتالي تحسفت متفيدك.الباعك بلأول لاتشتري بتالي
- لا بابا أنتم السبب وكرهتكم بعد مااريدكم
ومااتحمل أبقى يمكم خسرت حبيبتي..
كعد ضايج..بيومها البيت صار بركان..
كعدت على صوت تكسير لكيت كمال مطشر ملابسه..ماخذ المهمات..اجى سامي خبرته كلي راح الاختي اكيد
الحد العصر رجع سامي مخذول ..ميحجي..
اتصل على كمال مايرد علي..اخر شي دز رساله أذتني
مااكدر أذكرها خنكتني..اول مره يجاسر عليه
محملني مسئولية طلاكه..ورد برساله كاتب
-البيت اخذي الج واني عند امي نفذت وعدي
مااريدكم بعد ماتخافون الله..
اتصل سامي عليه.. شاله وهو ضايج..سامي طول ذيج الفتره
ترك السكر والعرك بيومها رجع للبيت وبيده قوطيه
ويشرب ويحجي وي أبنه يكله
-بابا ربيتك وكبرتك وانت طفل وتعبت عليك
تالي ترجع الأمك الي خانتني ليش بويه
ضل يبجي وهويحجي وي ابنه بلفون..
ذب الفون بلكاع..صار عصبي..كعدني كًباله..كلي
-لج ليان اشكد حبيتها هل حقيره وخانتني
هانت رجولتي لج كد مااعزها أطفالنا رؤى وكمال عزيته
بعز روحي الحقيره اريد اكتلها واشرب دمها اخذت ابني
فوك مااخذت عمري وجرحتني...احبها..أكرهه أكرهه
نهضت من عنده ....كتله
-كافي سامي انت شارب..كلامه جرحني
يوم على يوم أكرهه واحقد عليه تركته وهو يتكلم
يتكلم بيها ساعه يغلط عليها ساعه.يمدحها
بس كلامه سجينه بكًلبي لساته يحبها..
رجع يصيح منار حقيره خاينه كلبه بلحظتها
رن الفون رساله من بنته.....رؤى


يتبع....

عظم الله اجورنا واجوركم💔

وتسلمين عيوني🥰✨..وهذيني كلهن بي بروتينات واكيد يفيد الشعر

#ملوكه

- تـَوافق المرأة الدلو والرجل الميزان ،🌪🧡.

العلاقة رائعة ومنسجمة، كل منهما يتفهم حاجات ورغبات الاخر مما يجعل علاقتهما دافئة ومثيرة، الرجل الميزان يقدر أفكار المرأة الدلو، ويحترم ارائها وقراراتها، يحب جمالها الناعم والهادئ، وينجذب لأنوثتها الطاغية، كلاهما اجتماعيان لكنهما ذو مزاج متقلب.. المرأة الدلو تدرك كيف تعطي الرجل الميزان الشجاعة والقدرة على اتخاذ القرار الصائب الذين يفتقر لهما، تجده رجلا ساحرا، وأكثر ما يجذبها لهذه العلاقة هو اعطاءه لها الحرية والاستقلال.


#ملوكه

عظم الله اجورنا واجوركم✨

عيوني اي حب يطلعلج مايصير تزيلي بلسنارة..طبعا يصير اثر وحفر☹️💔
فلو تعوفي او تزيلي بايدج وبعده تغسلين الوجه حته لاينتشر
وسبب اللي ديطلع لو من كثرة دهون الوجه او خربطة بالاكل وكثرة من الدهونات

#ملوكه

#فن_لايجيده_الا_النساء:😎

اابتسم مع النساء😂👇🏻

🍒تنسى عشاها مال امس و تتذكر فستان صاحبتها اللي لبسته قبل سنتين !😕😂

🍒يعرفون بعضهم من ورا النقاب🤭

🍒الإستماع والتركيز لخمس نسوان يسولفون🗣بوقت وآحد

🍒لو في ثنين يسولفون و الثالثه بعيده تعرف شنو يقولون من😹حركة شفايفهم

🍒اذا مزاجها عال العال تطبخ خمس طبخات غير الحلو وهي مبتسمة🙂

🍒عنتر قتله الحب ، قيس قتله الجنون ، روميو قتله العشق ، عدنان قتلته الكفشات . كُلهم رجآل عشقو ومآتو بسببها ويقولون الرجال لا يعرفون الحُب ˘̩̩⌣˘̩̩

أهناك أنثى .ماتت عشقاا ؟!!🌚💔

#تحية_كبيرة_للنساء


#اعـاده_توجيـــہ_لتنسون
#ملوكه
@stylegrils

#نصيحة

واستمر بالتفكير .....🤔
إلكثير من الأسئلة المختلفه .
الكثير من مشاكل الحياة الزوجية .العاطفية .....
كلها متوقفه على زيادة الوزن (السمنة)💔 .
زين ليش اذا الحل موجود وبايدج انتي تحققي بس متصبرين تريدين اليوم كن فيكون
ماكو هيج بيوم وليله🤦‍♀تصيرين غزال .

مثل مبقيتي تاكلين ايام وأشهر وسنين لازم تحرقين الي خزنتي ..فالسمنه انتي نفسج سببتيهه
إذا ضجتي تلجأين للأكل اذا فرحتي تاكلين اذا تعاركتي تاكلين اذا عزموج تاكلين اذا أعياد ومناسبات ووو .....
هذا تصرف غلط❌

انتي أنثى انسانه رقيقة يعني المفروض من تروحين مناسبة . طلعه .عزيمة . بكل رقه تاكلين ونزاكه مو تثردين 😂💔

يعني اي وحدة بينه خلي تتذكر هذي الكلمات.
رقه .انوثة. دلال
هذني ☝ وين راحن

خلي نراجع نفسنه ليش وصلنه لهاي المرحله ليش الشريك كام ينفر ليش يلجأ لغير أمور
شوفي نفسج اول منخطبتي مو تزوجتي لالا خطوبتج شنو الاختلاف ارجعي لهذيج السنين.
وراح تعرفين السبب
السبب من اختارج اختار الانسانه الرقيقه الانسانه المهتمه بنفسهه مو تركت كل شي. ونتهت حياتهه بالأطفال والبيت لا لعبالج هذهوة تزوجتي... غلط احتمال يروح يدور غيرج🤦‍♀ وهنا تبدي مأساة جديدة.

بالنسبة للبنات السناكل
هسة بهذا الوقت الشباب يدور رشيقة مستحيل يعجبة سمن بنات انتبهو على اكلكم بالاخص الاكل الصحي وراج زواج دوام عيد مناسبات
يعني أغلب البنات خطوباتهم متم بسبب السمن تجي ام الولد تنصدم متقبل تكلج هسة بنية وزنهه 90 اذا زوجت وحبلت شكد تصير هذي صعبه ومعانات بس البنية تحس بيهه جرح للمشاعر ليش انجرح اصلا أقلل اكل واتبع رياضة ومااخلي أحد يسمعني كلام مااحب اسمعه. .
.
فارجع واكول الي زواج أو ملابس تتمنه تلبسهم لازم رياضة +دايت
صيري قدوة يقتدون بيج.
.
فلتتاثرون بكلام الغير
امنياتي لكم برشاقة 🥰💓وصحة دائمة


#اعـاده_توجيـــہ_لصديقتج
#ملوكه
@stylegrils

عظم الله اجورنا واجوركم✨

وان شاء الله حبيبتي تجيبين معدل عالي وتفرحين أهلج🥰..اهم شي لاتخافون ويوميا اقري فاتحة لأم البنين
وكل التوفيق لطلاب السادس🌺

#ملوكه

ههههه..عيوني الجسم نوعين🌚..للسمن
اكو ناس تاكل ويبين السمن بسع ..واكو ناس اشكد تاكل ميسمنون ..هاي لأن الجسم ديخزن كله..وفجأة رح يسمنون

فلاتستعجلين عل رزقج😂💔 يجي يوم ويطلع كل السمن

#ملوكه