عيوني مدام طولج 158 ووزنج 67
فوزنج المثالي 55_58 ..يعني فد 10 كيلوات نزلي وتصيرين جسم مثالي ورشيقه توب😍
فمدام هسه رمضان وماعدنا دوام
فاستغلي هاي الفتره..سوي دايت ورياضه😇

وابتعدي عن تمن ومعجنات ..واذا انتي نباتيه..فركزي عل بقوليات وخضروات وبروتينات وكالسيوم مثل بيض وحليب..وحبوبات وسلطة وفواكه واهم فاكهة تفاح..يوميا اكلي تفاحه يساعدج بالرجيم 🙃ويشبع
وهمين مكسرات يشبع وميسمن

اله الجوز ابتعدي عنه لانو يسمن
وكثري من شرب الماي وخصصي وقت للرياضة
فمنا لنهاية هالشهر رح تشوفين فرق😍

#ملوكه

اووف..💔
موقف صعب وبنفس الوكت يخلي الواحد يكره حياته من ورة هالخيانات😔
ومع الاسف عل هج بنات يخربون بيوت العالم
باعي حبيبي.. اول شي حاولي لاتعوفينه وحده..ودايما من يكمش جهازه انتي اكعدي كباله ولهي..سولفي وياه

واعرف بيج نفسيتج مدمره💔.وماطايقته
بس حاولي تكسبي بهالفتره..انتي بطريقتج وشطارتج..اذا ماتريدين ينخرب بيتج وتحافظين عل رجلج. فلاتخلين هذينج بنات ياخذو منج ...
دايما سويله الاشياء اللي يحبه من أكلات لو مساج لو اي شي يريحه ودللي وحسسي بكلامج..انو اللي ديسوي غلط

★كوليله أني لو ماريدك جان أعوفك بأي لحظه بس احبك ومهتمه بيك..بس انته مامقدر هالشي....فكر بجهالنا شنو مصيرهم من باجر عكبه يكبرون ويشوفون ابوهم خاين..
كوليله اولته واخرته اذا هسه متتحاسب بيوم القيامه رح تتحاسب عل كل دمعه نزلتها من عيني

هذيني🌹 كلمات بسيطه اذا تحجين وياه وبهدوء رح تأثر عليه

ومن ينام اذا كدرتي تفتحين جهازه وتحضرين بنات اللي يراسلهم وتمسحين ارقامهم

والتزمي بالدعاء..ادعي أنو ينصلح
وان شاء الله ..يارب ميصير الج.. اله كل الخير 🙏🌸

#ملوكه