#مشاركه
أريد طريقه لعلاج حبوب الظهر تعبت منهه واني صار عمري 23 وبعدها تطلع وبشكل كبير وسويت الكثير من الخلطات وشرب الماء ورحت ع طبيب مختص لكن رجعت شنو اسوي😭

#رد
حبي كون تشوفين بالأول ☹️شنو مشكله الحبوب...حب شباب لو حبوب روس سود لو بثور لو يجوز من هرمونات الجسم لو حرارة لو يجوز من أدوية وطلعتلج

واني اعرف بنات هم جانو يعانون من هالشي..بعد فتره راح كل هالشي
لانو هاي فترة عمريه..تمرين بيها

اهم شي يوميا اسبحي ..وحاولي تغسلين لو بصابون ركي لو بصابون ديتول

اني سامعه أنو كريم الأكرتين لو دفرين
يبس الحبوب اللي بالوجه ويقلل منه
وخاصة كريم دفرين اهواي استفادن منه

فانتي كون تسالين طبيب معروف ومختص ..اسالي شنو نوع الحبوب
واستفسري منه عل هالكريمين..شوفي اذا يفيدج حته تاخذين منه🌸

#مشاركه
عندي مشكله الهالات السوداء وعندي اسمرار حول الفم( كلش اعاني منه )
اذا ممكن اريد شي يفيدني.

#مشاركه
السلام عليكم إني مشكلتي عندي تصبغات حول منطقه الفم حيل مضوجتني ياريت الگالها حل ❤️


#رد
حبي الهالات سود..تسويلها ☺️ماسك الخيار واللبن وتخليها عل بشرتج كله وبالأخير رطبيها بماي ورد
ويوميا بليل قبل نوم ..سوي حلقات من خيار وخلي 🙈جوة عينج
هالطريقه من تسويها رح تخفف هالات وتبرد البشرة ويطي نظارة😍

واسمرار يم الفم هالشي عادي☹️
اما يكون من هرمونات الجسم وخربطات او التهابات او خلل بالكبد

فانتي تكدرين تخفيفنه..بماسك بياض البيض ..وعن تجربه اني سويته واستفاديت😍🌸

#مشاركه
عاشت ايدج ع هاي القناة كولش استفاديت منها🥰

#رد
حياتي فدوة😍🌺 لكلبج

#مشاركه
اريد شي علمود الوجه يعالج الحب الي بالوجه ويفتح لون البشره

#مشاركه
مرحبا كيفك ان شاء الله تمام
عندي مشكلة كلش متعبتني صراحة وماخليت شي ماسويتة ومافادني 😭
حبوب تطلع لي في بشرتي ياريت لو تنطيني فد شي حل 🤦‍♀😞
وشكرا جزيلا

#رد
اول شي نجي لمشكلة الحبوب ..اهواي يعانون منها
فاني مجربة خلطتين😍..يقلل من الحبوب ويخففهن
1_ماسك الكركم واللبن....كلش زين للحبوب وخاصه حب الشباب ..

وهسه اسوي توجيه اله 👇🏻مكتوب طريقته بالتفصيل

2_ ماسك الشوفان هذا هم زين للحبوب ويقلل منهن وصديقاتي جربو وشافو فرق كلش اهواي😍 ..باجر انزله طريقته

واذا تريدين تبيضين البشرة وتفتحيها ..تسوين ماسك التمن ..جربته ونتيجه تجننننن😍🙈🙈
وان شاء الله باجر انزل طريقتهن

ماسك الكركم واللبن👆🏻

#مشاركه
هلاو حبيبي بالنسبه للبنوته الكالت تتعرق هواي خلي تستعمل شب تخلي بلحمام ومن تخلص سباحة تخلي لازم يكون رطب☺️

#رد 😍👍

#مشاركه
هلاو حبيبي اني مشكلتي انو عدي هالات سوده ودائما اسئل بخصوص هالموضوع يكولون بطلي سهر واني السهر ماكدر ابطله متعوده ومعرف شسوي💔

#رد
يي حبي..هو من أسباب الهالات السهر وقلة النوم والتعب☹️ والارهاق..ونقص بالفيتامينات

فانصحج تسوين😍 ماسك الخيار واللبن يخفف من الهالات

ذكرته فوك👆🏻

#مشاركه
بس أني بشرتي دهنيه كلش اعاني من الحبوب بسببها والمشكلة إذا اختفت الحبوب يبقى اثر موجود
لذلك ممكن تفيديني بوصفة تخلصني من آثار الحبوب لو سمحتي

#رد
باعي حبي حاولي كل أسبوع مرة..قشري ببشرتج ..بغسول خاص للبشرة دهنية

واذا ماعندج . سوي تقشير طبيعي
بليمون وشكر ..واذا بشرتج تتحس من ليمون❌ لاتستعملي ابد

فاستعملي شكر وزيت زيتون
ومن تكملين بالأخير..رطبي بشرتج بماي ورد🌸

ومشكلة الحبوب واثارهن..سوي ماسك الشوفان
باجر رح اعلمكم عل طريقته بالتفصيل😍

#مشاركه
سلام عليكم
اني عندي مشاكل بشعري خليتله عشبه اوحنه حمرا صار أكثر من سنه اوريد هسه ارجعه الونه الطبيعي شتنصحيني

#رد
اووف ...ابد مانصح ☹️💔بالحنه
لانو عمتي جانت دايما تخلي عل شعرها حنه اللي من رادت تصبغه شعرها بعد مياخذ أي صبغ
فاضطرت كصته😣..وصبغته

انتي حاليا عوفي عل طبيعته واستعملي زيوت اي زيت عندج بالبيت مثل زيت الزيتون..حاولي كل 3 ايام ..تحطين عل شعرج
فالزيت رح يخفف من الحنة🌸

وطريقته زيت. هم كتبته فوك👆🏻

👆🏻ماسك زيت زيتون

#مشاركه
زين حبي حبيت اسألج انه اعاني من أكزمه وتشقق بلشفه واكو اسمرار حول الشفايف ف شنو تنصحيني إستخدم دائما صراله تقريباً هاي الحاله عندي ٣ سنوات مليت من الصيدليات والدكاتره وكلشي استخدمت ويروح فتره ويرجع ناس ادكلي حاله نفسيه ناس ادكول هو يروح ومحتاره🤦‍♀💔

#رد
حبي مال اسمرار يم الشفايف..حطي ماسك بياض البيض..رح يخفف من تصبغات والاسمرارات

والتشقق بالشفة ..رطبيها بفازلين أو اي مرطب للشفة🙃
والاكزيما .كون ترحين يم طبيب مختص بهالشي وخبير
حته يطيج علاج مناسب اله..لانو اكزيما علاجه بس كريمات ومراهم حسب وصفة الدكتور الج🌸

#مشاركه
هلوو حبيبتي عندي آثار الحب مديروح كلش ضوجني شنو اسوي وصحيح خل التفاح مفيد للآثار وثنكس 😍

#رد
عمري عل الحب واثاره..رح انزللكم باجر ماسك الشوفان
وخل التفاح صراحه اني مامجربته
فكلت عن قريب هم ناويه اجربه😂

فاذا وحده من بنوتات مجربة.🌚🌺.اطوني رأيكم عل خل التفاح

#مشاركه
وصفه لتفتيح لون البشره

#رد
ماسك التمن..هذا الماسك اللي يستمر عليه
يصير بشرته مثل بشرة الكوريين😂😍 ابيييض ورقيق
وان شاء الله باجر انزل عنه طريقته

#مشاركه
السلام عليكم لتبيض المناطق الحساسه وصفه مجربه اريد بله زحمه

#رد
اكو غسول مجرب ☺️ويكولون كلش زين اسمه غسول Drnoora

وموضوع مناطق الحساسة..
رح انزل طريقه الاهتمام والعناية الكاملة عنه ببوست 👍لانو اهواي بنات يعانون منه
فان شاء الله بهاليومين ..هم احجي بهالخصوص🌸

#مشاركه
؏ طاري الماسك مال تمن داسوي بي حالياً ابد مااستغنى عنه 🤙🏻❤️عن تجربة

#رد
وحده من بنوتات القناة..مجربة هالماسك
وشي اكيد شافت نتيجه😍❤️حلوة

بنوتات لهنا خلصت فقرتنا😍

وشكرا اللي شاركو 🙈🌺واهم شي استفاديتو
وان شاء الله نكمل هالفقرة عل الاسبوع الجاي..نفس الموعد🌹

وحاليا رح اشحن جهاز لانو اتصفر 😂

فبعد سحور رح انزل معلومات وبوست كامل على موضوع الشامات 🙃


#أحبكم💋💜

#ملوكه