قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت الاخيير

ميقات
وكفت مذهولة كدام صلافته
-شبيج بكيفي اخابر اليعجبني يعني شنو ترديني ابقى عليج بكد امي
‐هاي اني بكد امك
-اي شوفي روحج وشوفي شكلج
-ليش؟ منو جبرك علي وسام انت شتحجي جاي انت مزوج علي
-اي مزوج
-لعد ليش ازوجتني اذا مزوج
احجي ليش؟
-حتى ارضي امي
طلكني وسام مالي ضلة وياك بعد
عمتي اجت ع صوت هي وحسام شبيكم اسم الله طلكني شنوو
-ابنج مزوج علي مثل ما قنعتي يزوجتي خل يطلكني واني رايحة لهلي وبعد ماارجع
-اوكفي يمة خل نفتهم زواجيش ابني ممزوج غيرج ابد
احجي وسام صدك هالحجي
-اي صدك ارتاحيتوا
ازوجت شوكت ومنو
مو مهم المهم اني ازوجت تريد تبقى وياي اهلا وسهلا متريد بكيفها بعد
-لا مااريد
طلعت بسرعة من البيت
رجعت ابجي دكيت الباب
كبل ع غرفة بيبي هاي الردتيها بيبي وابجي
-اسم الله جده شبيج
-ليش زوجتيني جنت كاعده وراضية بقسمتي ونصيبي ليش هيج تسوين بيه
-وج ميقات شبيج جده
امي فاتت وراي اسم الله شبيج
التفتت ع امي يمة مزوج وسام علي مايريدني يكول امي جبرتني عليج
يمه ليش ماكلي من البدايا ليش اتزوجني ليش فوك ضليمتي هو يظلمني انوب اخ يمة طلكوني منه مااريد ارجع بعد
-يبووووي ع حظكم يبووي ع قسمتكم ولكم ماكوو واحد مرتاح بيكم هالعايله منحوسة
-ماما فدوه مااريده طلكوني منه.
بيبي حجت جده خل نفهم
-بيبي لا تدخلين بينا بعد كله منج انن سبب دمارنا تخططين واحنا نوكع بيها
-جده انه اريد الخيير الكم ماقصدت الشر الله يشهد علي اشوفكم ماستقرين والدنيا عوجه وياكم ردتجن تنسترن وامن عليجن
-بس بيبي انت دمرتينا اني وسارة وحيدر انت سبب دمارنا
عفتهن وطلعت للغرفة البنات
واحجي وابجي وهنا يسكتن بيه
وخل يولي وهو الخسر
لا اني الخسرت نفسي
....

مسلم
زهراء احسها فقيرة شو وجنها متفتهم ع نيتها يمكن
الصبح من كعدت صحت ع البنات تعالن بابا صعدتهن يمي
جانت خأيفات
شبيجن بابا هاي زهراء مثل امجن بعد صارت صارت عدنا زهراتين
انت زهراء وماما زهراء
ضحكت بنتي زهراء
وذيج هم ابتسمت. يا الله
واجت باستهن وتعرفت عليهن

امي صعدت الريوك
سلمت علينا
زواج المبارك يمة منك المال ومنها العيال
-الله يسلمج ماما
صاحت ع البنات ينزلن
كتلها لا عوفيهن يمي اني دزيت عليهن ماكو داعي بعد ينزلن ياكلن وينامن يمنا
-ع راحتك يمة
-شنوو شبيج ضايجة
ماكوو شي ماضيك خلكك بعدين عود
شكوو يمةة شصاير احجي خوفتيني
-اختك ميقات اجت زعلانه وتريد طلاك
-شنووو ليش يابه
-طلع مزوج ومايردها
-صدك تحجين وليش ازوجها بالاساس
-والله يمة ماادري واختك متخبله وبس تبجي
كمت وكفت
-وين
اروح اشوفها
اتريك بالاول
لا يمة اشوف ميقات
يمة نايمة الليل كله تبجي خلها هسه نايمة وانت هم تريك
-استغفر الله العظيم منين اكدر اكل بعد
اكل يمةة اكل عيب من مرتك

نزلت امي
ضل بالي يمها بله ليش هيج يسوي بيها هي مظلومه ومكسورة خاطر هاي بدال ميجبر خاطرها هيج يسوي والله اذا صدك فلا اخليها وياه بعد
للعصر نزلت
شفتها كاعده بالصالة وخالة راسها بين رجليها وعقيل مجلب بيها
-ميقات شنو شبيج فهميني
بدت تحجيلي
كتلها هسه شنوو الرايدته
طلاك غيرة مااريد رد لكرامتي اعتبرة
سارة لابسة عبايتها وطالعة
صحت وين رايحة
لهلي مسلم اريد افتهم شنو السالفة.
باعي كوليله يطلك وذب حاضرها وغايبها ويشيل منه لو ماكو املصة ملص وحق علي سمعتي
هزت راسها اي

ميقات
رجعت سارة منفعلة وعصبيه
بتوعتلها هزيت راسي شبيج شصار
-ميقات ارفعي قضية عليه وج هذا صدك مزوج وجماله بكل عين صلفة يحجي
اخ يالقهر وج هسه ملخته متحملت وضربني
-ياا ليش هيج سويتي
ماتحملت هيج يسوي بيج انتي مثلي انظلمتي مرت رعد العزيز جنت اتمنى تستقرين ولد اخوي يتربون ع ايد اخوي وسام ويداريهم بس الظاهر ايدي بيدج مكتوب علي وعليج نربي اطفالنا وحدنا
حضنتها شكد حنينه انت ولا توقعت توكفين وياي ابد
-ليش. تره اني مو ماعندي احساس ولا عندي حقد ع بشر ابد واذا عازلة نفسي
مو معناها مااحبكم
بعد عمري حبيبتي

اجت حسنات تركض الحكن
شكووو
بيبي وكعت وتخربطت
يا يمةة عزززه
صاحت ع حيدر مسلم
اجو شكوو
بيبي تخربطت
اخذوها الولد وامي وراحوواا
كله مني اني قسيت بالحجي عليها
-لا ميقات بيبي حييل انقهرت عليج والليل مانامته ومن صلت شفتها بجت وتدعي ربي فرح كلب هالبنيات اليتيمات وفرج عنهن ماشفن شي من دنياهن انظلمن وهنه صغار وانه عود ردت ازوجهن بلكت يتعوضن ويستقرن ويصير عدهن سند

-سدوه على بيبي هي ع نيتها عبالها كل الناس مثل كلبها
ماتدري الناس تغيرت وزمنهم مو مثل زمنا
يارب كومها بالسلامة

لليل كلش جابوا بيبي
صاعد ضغطها وسكرها معلك عدها كلش
حيدر كال لحد يدخل عليها وانت بالاخص ميقات مشاكلج لا تسمعيها يم بيبي سمعتي
اي ان شاء بس خل دكو

م بالسلامه يارب


بعد كم يوم مسلم دز خبر يطلك لو اجرجره بالمحاكم
اجة هو وامه وعمه
كال مرتي اريدها واذا ازوجت لا عيب ولا حرام الرجال يزوج اثنين. اتلاثة
مثل ماذيج مرتي هي هم مرتي وكل وحده ابيت
مسلم كله مكلنا شي لا عيب ولا حرام بس البنيه ماتريدك بعد والزواج مو كوه طلكها وفضنا
عمة كال ليش يطلها ابني خليك محظر خير والبنيه أرملة وعدها جهال واكبر منه عادي يزوج عليها
-شنوو جابرينه ياعمي دازين عليه
مجان يعرف بيها ارملة ليش مكال يابه تره اني ازوج باجر عكبه مو تكولون ماكلت
-حكك بس هي صارت
لا عمي ماكو بكيف البت وهي متقبل بعد تبقى وياه واعتقد احنا اقارب لا يدخلنا محاكم خلي يطلكها ويخلصنا
لو ترة اشتكي عليه بالمحكة
كامووا

بعد اسبوع دز ورقة طلاكي بجييت عليها لمن مليت ليش ازوجت مو جنت كاعده وراضيه بقسمتي شورطني بهالزاج الاغبر وهمزين ماحبلت

مسلم
رجعت العصر للبيت من الشغل صعدت كبل
واسمع صوت حوراء
لا عفيه بس لا تضربينا مانكل لبابا والله
دفعت الباب واشوفها لا زمه سجين عليهن وتخوفهن
-شجاي تسووين ولج
دفعتها واخذت السجين منها
البنات يرجفن
بابا بابا
شسوت الجن
ساكتات وجن بابا شبيجن تضربجن
بس يباوعلي ومبرطمات
التفتت عليها
ليش تضربيهن
خل يولن وكحات موتني مااريدهن
شنو ماترديهن بكيفج شنوو
عضت اصبعها وكامت ترجف اي بكيفي ولا تضرب سمعت
كامت تصرخ وركضت لزمت زهراء بنتي من شعرها اليوم اذبحج
اجرها منها ماكوو شكد قويه بناتي اختلسخن وبس يصرخن
تالي مدري شصار الها وكعت كامت ترافس وعضت السانها واشنجت كلش
وضلت تصرخ
ارعبت اول مره اشوف هيج منظر نزلت البنات بابا صبحن بيبي
طبت سارة شكوو شبيكم جانت غرفتها كبال غرفتي
كتلها هاي مدري شبيها
ترافس ترافس مثل الطير المذبووح
كتلها صيحيلي حيدر بسرعة
راحت تركض وصعد حيدر
شكوو كتله مثل مشوف ضربتها وكامت تصرخ وهيج صارت
كال هاي حالة مال صرع بيه
فتح حلكها وفتح اديها جانت سادتهن
ومدري شسوه الها حركات رخت وشخرت
فتحت عيونها باوعت ونامت
كتله شكوو
كال عوفها تنام هاي اجتها نوبة صرع من تتعثب لو تنقهر هيج يصير بيها وهذا موزين اذا تبقى هيج تنضرب شبكة راسها
لا حول الله
تكعد اخذها لدكتور وشوفها
امي والبنات فوك راسي مصدومات مثلي

كلت لمي نزلي البنات اخترعن يله هي هاي الجبتيها الي مخبله جان ماتت حوراء جوه ايدها
ضلت اصيح ع امي ونزلت
ضليت يمها لحدماصحت
كتلها البسي نروح دكتور
كالت مسلم بناتك مااريدهن اكرهن
-اي الله كريم امشينا نروح دكتور هسه

اخذتها لدكتور
اول ماحجيتله الحاله كال نوبة صرع وعدها حالة نفسيه لا تخلي بناتك يمها
من كال هيج اتخبلت ياربي شنسوي عندك يمتة ارتاح ليش هيج يصير بيه
رجعتها للبيت
وحجيت لامي ولبيبي امي كامت ادك وتلطم من هاي مطلكه ويكولن حمواتها ويطلعن جذب ثاري هيج بيها
مو كتلج من البداية اسئلي عليها مو كل الي نسمعة صدك
بيبي كامت تبجي واول مره اشوفها ضعيفة خرب حضك مسلم
بيها صرع وين جانتلكم هاي
ماعدكم حض جده
طلعت محتار شسوي ياربي ارجعها بهلها واطلكها ابقيها واعالجها يجوز خطيه مو بيدها مرض هذا شكوو بيها اذا ساعدتها وعالجتها

بقيت بالتستقبال كاعد واكل بروحي ليش ازوجت اخخ
سمعت صريخ كمت شكوو
بيبي طاحت لا حس ولا نفس
اذكرت الدكتور كال ممنوع تسمع خبر يزعلها
ركضت بيها للمستشفى
مالحكت عليها جان السكر والضغط معلكات عدها انصدمت من كلي الدكتور البقيه بحياتك بيبي ماتت قهر علينا ماتت بحسره محسورة مقهوره ع حضنا انا لله وإنا إليه راجعون
اتصلت بالبيت اصرخ بيبي ماتت

ميقات
خابر مسلم كال بيبي ماتت
واحنه تخبلنا بيبي حيل نحبها جنه ومتعلقين بيها وهي الكل بالكل ماتت قهر علينا
كمنا نصرخ ملخت روحي عليها

ساعتين وطبت بيبي بتابوت تذكرت رعد وعقيل وبيوم طبوهم علينا بتوابيت
كلبنا الدنيا بالصريخ والولد يلطمون ويانه مثل النسوان مسلم يبجي ويصرخ بيبي متي من وراي انقهرتي علي
اخخ اني موتج

مسلم
بعد موتت بيبي باسبوعين
زهرة طلعت حامل
ماردتها تحبل ابد واني من يوم الي شفتها تضرب البنات ماتقربت منها بعد ابد انام اني وبناتي
بالاستقبال ومااخليهن يصعدن فوك
ولا فرحت بهالخبر
كرهتها
فديوم طلعت للشغل والبنات جوه نايمات
ماكو ساعة وخابرت امي الحك يمة تعال
عفت شغلي ورجعت
شكووو يمة
كالت زهرة من طلعت نزلت ع كيف واني جنت بالمطبخ شفتها من نولت طبت الاستقبال وسدته
كلبي لعب منها
رحت وراها والكاها حاطة مخده ع حوراء وتخنك بيها .
ركضت وخرتها ودفعتني دكلي خل اكتلهن واخلص منهن من وراهن مسلم ماينام يمي بعد

صدم تحجين لا لعد هاي مااخليها بعد اطردها لهلها
بس هي حامل طبها مرض لعد انتضر تكتل وحده من بناتي

صعدت الها فوك لكيتها ادك ع بطنها حيل وتحجي
اوكع اوكع مااريدك
اجيت يمها صحت بيها شسووين
شافتني ركضت تريد تخنكني
لج وخري مني خبله شلون الله ورطني بيج
دفعته

ا حيل للكاع
هم عضت اصبعها وكامت تصرخ وترجف انوب وكعت وكامت ترافس برجليها هالمرة النزف كام يطلع من رجليها

اخذناها للمستشفى كالوا سقطت
اتصلت ع اهلها كتلهم بتكم يمكم ويوصلها طلاكها
اشتكيت بالمحكمه عليهم لان غشوني وبيها مرض وطلكها القاضي واطلك عشره ع مود بناتي

بعد مرور سنه

حيدر اتزوج اريج بعد ماعاش وياها احلى قصة حب واريج تركت الجامعة ماكملت ع مود حيدر تكله مااريد شي يشغلني عنك

ورود اجت لحيدر تبجي حيدر اريد بناتي اريد اشوفعن احجي وي حيدر فدوه
-والله ميقبل يكول ازوجت بعد
شزوجت زواج الاسود
ليش مو هذا الدكتور الي كتلتي نفسج عليه
كامت تبجي حيدر بس خل اشوف بناتي احجي وي مسلم
الله كريم
راحت
وسئلت صديقتها زميلتي شبيها شصار
كالت مشاكل هي وزوجها زوجته يوميه هاجمه عليها وابد مامرتاحة وهي تريد اطفال بس الدكتور ميقبل يسوي ويكلها لو الاطفال لو اني
-اللهم لا شماته مو هذا الدكتور الرادته خل تتحمل لعد

ميقات اطلكت محكمه وسيد
البيت باعوه
وكلمن اخذ حصته
سارة وميقات قررن يكعدن ابيت وحدهن ويعيشن سوه
حيدر اخذ مشتمل هو واريج
حسنات واخيرا مهيمن خطبها وازوجت وراحت للحلة
ام رعد وولدعا رجعوا للنعماية. وبعد ما التقوا بيهم

مسلم اخ مسلم
كلما امي تروحله ع مرة ترفضة لان مزوج مرتين ومطلك الناس تخاف والها الظاهر
كعد مسلم هو وبناته وي امه ولحد الان مامزوج
مرة امي كالت لمسلم ليش مااخطبلك سارة
رفض وكال هاي ابد لا تحجيها شنو ماخذيها فرة علينا من عقيل لحيدر الي

سارة سمعت وتخبلت هم
مرت عمي احمد اجت تخطب سارة لعمر ابنها المزوج بس متصير عنده خلفة
بس سارة رفضت وابد ماقبلت
عاد كالت لمي زين وميقات
اني هم رفضت
جربت حضي وبعد مااجربه مره ثانيا هاي الله هيج كاتب علينا والحمد الله ع كل حال

الى هنا انتهت قصتنا شكرا لكم جميعا
القصة مليانه عبر وموعظه بين كل سطر

الى اللقاء في قصه جديده 😊

رح انزللكم تسريحات رجالية😎👇🏻❤️

فتكدرين تختارين تسريحه لاخوج او لخطيبج لو لزوجج او لابنج

واللي بستنة🌚😹 وماعدها اي احد..

فاتعلمي من هسه..حته باجر عكبة تتفنينين بشعر خطيبج او تختاريله تسريحه عل ذوقج🙂✂️


#اعادة_توجية_للفائدة
#ملوكه

اللي شعره مجعد او مو سرح
فيكدر يخفف بشكل بسيط ويرفعه ليفوك مثل بهالصوره🙂👆🏻

#ملوكه

حبيت هالكصه حلوة🥰✨..بس ينرادلها لحية وشعر سرح

#ملوكه