حبي سالفة مسامات كلها تعاني من هالشي☹️

فسوي مكعبات من ثلج..سوي من ماي ورد وعصير الخيار ..جمدي

ويوميا صبح مرري الثلج عل وجهج😇 حته ينسد مسامات ..وورة ماتكملين فد مسحة بماي الورد

وقبل ماتخلين فاندوشين . كون بشرتج تترطب زين..فيتوزع الكريم ومايتجمع ولايتكتل🙃

#ملوكه

حياتي💜..هو راجعي دكتور حته تعرفين شسبب ولاتهملين بنفسج☹️

#ملوكه

يعمري🤍

هو مدام شباب..فبسع يتشافون بس اذا كبير بالعمر ولللي عدهم سكر وضغط..فالمناعه تكون كلش قليلة💔 وصعب يتشافون من هالمرض..

وان شاء الله صحة وعافية للجميع✨

#ملوكه

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى
البارت السادس عشر

مسلم
مثل الحلم احس روحي ولا مستوعب الي جاي يصيير ولا مصدك احس نفسي بدوامة
خلصت الفاتحة بقيت يم اهلي حتى ابات يمهم ماامدر اعوفهم احس مسؤولية كلها صارت بركبتي
الحمل ثكيل عقيل رعد شسووتوا بيه
بيبي كامت كل شوية تتخربط وحرت بيها كل يوم ماخذها للممستشفى لو للدكتور مالتها
الجهال تسئل ع ابهاتهم واسكت ساعة ملاك وساعه تقي الي متعلق بابوه كلش يبجي يريد ابوه مينام بالليل اله ع ايده
كمت اخذه اطلع بيه بره اشتريله لو اوكف بيه بالركن اسكته وارجع وع هالحالة
امي مو هاي ذيج القوية مكسورة كلش وبس عينها تجري
وكل شويه دكلي لا تطلع لا انت ولا اخوك مانريد شغل نموت جوع ميخالف
كامت امي حتى اخوي حيدر متخليه يروح للكلية تتعارك وياه لا تطلع اخاف عليك عوف الكلية مانريدها
بوكتها كلش كثرت الانفجارات وصار بينه رعب وخوف

ميقات
اصعب احساس عشته بهاي الفترة فقد الزوج والاخ بيوم واحد شي يوجع كلش ماجاي اتحمل واستوعب هول المصيبه

وانوب ابني مفرفح ع ابوه ليل نهار يبجي يريد ابوه جان عمرة سنتين ونص تقي بس يعرف ابوه ومتعلق بيه
هاي خالته بحضني وكاعده احس نفسي مكسورة كلش الفوك ابد مصعدت ادز جنات لو حسنات يجيبن الي احتاجة
مااريد اصعد اموت يمكن لو صعدت وشفت ملابسه واغراضة
اباوع ع سارة نفس وضعي بالظبط كاعده خالة راسها بين رجليها
-سارة حاسة بيج لان اني وياج نفس الوجع هسة
-اخ ميقات اتمنى امووت مااريد اعيش!لحظة بدون عقيل واخوي رعد
اخوي حيل متلعقة بيه رعد مثل ابني جان من امي عافته وهو مجلب بيه رغم احنة فرق العمر ٣سنوات بس هو جان من يريد شي يجيني من احد يظربة يبجي بحضني متعلقة بيه ومتعلق بيه حيل سودة علي رعد هيج روحت ومااشوفك بعد والله ممصدكة
وعقيل من كبرت وفتحت عيني احبة ويحبني وعايشين احلى علاقة حب قبل لا نزوج ومن ازوجنا حبيته اكثر لكيت بيه حنان الاب والام الي فقدتهن وكلت يا الله بدت الدنيا تضحكلي
دللني دلال مايوم ع صوته علي لو طلبت شي ماكلي تم
اخخخ شنسة منه كولولي ليش ليش هيج يصير بينا ياربي صبرك الصبر الاهي

اندك الباب
وطبت جنات
شافتنا نبجي كعدت يمنا كافي بنات ادعولهم بالرحمه خل نسوي ختمة قران ونهديها الهم احنا هواية ونقسم الاجزاء بيناتنا
مسحت دموعي
-اي جنات اي عفية ياريت التهينا بالبجي واللطم ونسينا الختمة

سارة كالت اي جنات عفية عليج ع الاقل احس واصل شي الهم عمت عيوني عليهم
بنات اكللكم شي
-شنو ميقات كولي
-اني الدورة فايتتني مااعرف هي موعدها اول يوم الفاتحة لازم تنزل اشو صار عشرة ايام ماكو
معقولة من البجي والحالة النفسية منزلت لو حامل اني
-يجوز حامل نروحي حللي
-شلون اطلع واني بالعدة لا مااروح مااكدر اطلع
سارة كالت يارب تكونين حامل
باوعت عليها
ويصيرون اثنين ايتام بركبتي
-اي بيهم ريحة رعد ميقات
يصير يولد طفل يتيم يعني ينزل ع الدنيا يتيم ماعنده اب ياربي ليش هيج اخذت مني رجلي
-استغفر الله شبيجن كافي امر الله هذا لا اعتراض على امرة
المهم بنات راح اوزع اجزاء عليجن وحتى ع مسلم وورود وحيدر وامي
سارة امج وين
هسه راحت لخوالي جايبين ميساء راحت تجيبها وتجي
اي زين حتى هم يقرون ويانه

طبت ام رعد وميساء جانت تصرخ لان محضرت الفاتحة محد جابها
اجت تبجي رعد خوية ليش هيج سويت بينا
كامت سارة تلكتها
ميساء راح اخونا الجبير راح بعد ماعندي احد مالي سند بالدنيا مات اخوي حزام ضهري ورجلي سندي شفتي شصار بيه اكو وحده مثلي انهجم بيتها
تكابلن يبجن اثنينهن ويملخن بروحهن واني ماصدكت هم وياهن
امي هم صارت بنصنا عبالك ماصدكنا اجه احد يصرخ ويبجي نريد بعد نبجي وندك بعدها مطالعة الحركة من كلوبنا

حيدر
جنت بالغرفة ممطول واسمع صريخ ميساء!
الي من اول يوم شفتها انعجبت بيها وحبيتها
صارت بيناتنا نظرات وكلام تالي حبينا بعض وصارت علاقة بينا وعدتها بس اخلص كلية اخطبها
سمعت صوتها فزيت وكمت فتحت الباب
رحت للاستقبال وكفت بالباب اباوع عليها وع البنات شلون يصرخن ويبجن
اخخخخخ يامصاب الاخوان يكسر الظهر اويلي يابة شبيدي عليهم
انوب اني كمت ابجي واصرخ وياهم والله نارهم بالكلب تسعر سعر معقولة برمشة عين راحوا من عدنا اخخ اتمنى اعرف واحد من الي فجر يابة اله اشرب من دمة تمنيت كتالكم معروف والله جان اخذت حقكم مربع منهم
طب مسلم يكود ابيبي الي ماستقرت حالتها من دكتور لدكتور
اشرت الهن يسكتن لان بيبي حيل تاذت
واحس اذا صارلها شي نضيع ونطشر كولنا هي لامتنا
-كافي اجه مسلم جاب بيبي كامت جنات بسرعة وتلكت بيبي فوتتها لغرفتها فتت وراهم
ها شكالوا
معلك الضغد عدها
روحي جنات سويلها لبيبي نومي بصرة يله
اي خوية صار
بيبي استراحي
-منين تجي الراحة راحوا وليداتي
راحوو
مكتوب علي يموتون اثنين اثنين
ولدي رضا وكاظم ماتوا بحادث سيارة اثنينهم حمد

ت الله وشكرته وكلت عندي ولدهم يعوضوني
كبرتكم وربيتكم وزوجتكم
تالي تموتون يانظر عيني وهم اثنينكم اسوه بس انه اهيج الحمد الله والشكر ربي اللهم لا نسئلك رد القضاء انما نسئلك اللطف فيه
حويدر انت ليش ماتداوم
-بيبي مالي خلك وواهس
-روح بيبي باجر لدراستك داوم موش هاي مرته هالداوم باوعت ع مسلم
-اي بيبي اني كتلها داومي اسبوع مامداومه عاد كتلها داومي
اجه الخط عليها كتلها روحي
-اي خوش انت هم باجر داوم موش نفس السيارة انتم ترحون
-اي بيبي
روح جده داوم وكمل دراستك
ان شاء الله بيبي من الاحد اداوم

مسلم
رجعت للبيت لكيت ورود ستوها راجعة
-سويلي لكمة اكلها
-ستوني اجيت ممسوية شي
-ادري ستوج اجيتي خانم اعرف فوتي للمطبخ سووي اكل ع مااروح اجيب بناتج واجي ست الحسن
-شكوو شبيك هيج تحجي وياي
-شلون لعد ترديني احجي هاا وانت ولا هامج وضعنا ورايحة اداومين وشامرة بناتج ع اهلي همة بياحال هسه ويدارون بنااتج امي هي يرادلها مداراه
-ع كيفك تره اني عفتهن يم حسنات يعدين اني مرايحة بطرانه عندي محاظرات مهمة كولش وكعدتي بالبيت شسوي ترجعهم قابل المات الله يرحمة ترة الحي ابقى من الميت
-اكيد تحجين هالشكل لان الميت ميقربلج شي
-شلون ميقربلي مو عمام جهالي مسلم انت هسه عصبي ومقهور مااخذ بحجيك اني واتحملك عادي
-مشكوره ماقصرتي

طلعت للبيت اهلي بناتي زهراء وعذراء جانوا يم حسنات بغرفتها ستوهن جان عمرهن اقل السنه
شافني كامن يضحكن فدوه اروح لضحكتجن
شلتهن وحد منا وحده منا
كالت حسنات ها ماخذهن
اي اجت امهن تعبتج وياي
-لا عادي خويه اني اصلا احبهم ومتعوده عليهم
وهمه هم حبابات ساكتات ميبجن
اي هنه هادئات الحمد لله
اكولج امي تغدت
لا والله امي كلش احسها بدت تنتكس حالتها
زين وين هي
جوه يم ام رعد والبنات
ذبيت البنات بالكاع ورحت عليها
صحت يمةةة
كامت ها يمة
تعاي رايدج
كعدت ع التخم بالصاله اجيت كعدت بصفها
يمةة ليش ماجي تاكلين
-مالي نفس بكلشي كرهت كلشي اريد ابني عقيل مااكدر ع فراكة صعب يايمة فراكة
-يمةة كلنا نفس شعورج بس لازم نعيش ومنتعايش يمة فدوه مابيه بعد حيل هبطات والله احس حمل ثكيل علي
-ايي يمةة حملك ثكيل وكلنا يايمة صرنه بركبتك حتى حيدر بركبتك لحد مايخلص دراسته
-الله كريم دكومي اذا تحبيني اكلي واني هم مامتغدي اتغدة وياج
صحت ع جنات
جنات تعاي
ها خوية
بعدج هنا لو رايحة لعيالج
لا هنا اريد اسوي ختمة قران للولد
ها اي عفيه عليج ا
اي مسلم انت وورود هم راح ادزلكم اجزاء كون منا لليل تقروهن حتى نختم القران لعقيل وباجر لرعد
-عاشت ايدج
دروحي بعد اخوج صبي غده الي ولامي خل تاكل
ياريت والله صار ساعة اتوسل بيها متاكل
دروحي صبي اكل معليج

ميقات
جنات وزعت ختمات النا وبدينا نقرة
اقرة من كل كلبي احس كل كلمة بالقران جاي يسمعوها وتوصلهم الله يرحمكم يارب

سارة اخذت جهالي وصعدت فوك لشقتي
حسيت نفسي مشتاقة لعقيل اريد اشوفه
صعدت
اول مطبيت صارت صورت عرسنا كبالي
وجه عقيل وابتسامته وفرحته بوكتها
اخ عقيل وينك ليش عفتني مالحكت افرح بيك بعدنا باول الطريق تعوفني ليش وانت تكلي اخليج اسعد انسانه ومااخليج محتاجه شي اني اليوم حزينه وانت السبب فراكك صعب عقيل
اني محتاجاك حبيبي شلون اكدر ع فراكك هنه ايام ذن عبالك سنين صار مشايفتك ليش خذلتني تدري محد الي
تدري بيه محرمة من الصغر وستوني لكيت الحنان بيك
ملاك
شافتني مكابله الصورة واحجي وابجي
ماما هذا بابا
اي بابا اليتمج راح تعيشين نفس مأسات امج انت واخوج تنعاد قصة حياتي عليكم الكتب ع امج انكتب عليج يايمة
بس الله يقدرني واكعد عليكم واربيكم واعوضكم
ولو حنان الاب مايتعوض ابد اخخخ يابوية ضليت لا ابوه لا اخو ولا رجال
سلام الله عليج مولاتي زينب ع الله يساعدج ع الي شفتي وفكدتي اخوتج كلهم بيوم واحد وولدج ولد اخوتج
اني اثنين احس نار تسعر بكلبي
الصبر من صبرج اريد سيدتي زينب من صبرج اريد
نزلت عيني من الصورة فتحت الكنتور
اباوع ملابسة عطورة ساعاته
عقيييل مااتحمل كافي ليش هيج ليش
ركضت ع الجرباية كعدت املخ بروحي واصرخ وجهالي يصرخون
اليوم اريدكم اليوم اريد حباب كلبي
معقوله عفتوني ولكم ليش ليش شمسوين ليش حرمونه من عدكم شنو ذنبكم طالعين ع باب الله ليش يفجروكم
ليش حرموكم من الحياة ليش حرمونا منكم حسبنا الله ونعم الوكيل ع كل واحد تسبب بموتتكم
صعدت امي وميساء ع صريخي
يمةة ليش ليش انحرمت منهم
يمةة نار تسعر بكلبي نار كليلي شلون اطفيها شنسى عقيل لو اخوي رعد الي ربه ع ايدي
اويلي يابه تعالي مصابي جبير وماينجبر
..............

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى
البارت السابع عشر
حيدر

سمعت صوت سارة تبجي لو تكطع كلبي عليها يارب اطيها الصبر وكفت ع الدرج اتسمع الها وابجي
ميقات واكفة يم الدرج تبجي متريد تصعد
بعدين راحت يم امي
نزلت ميساء
مشفتها من اجت
-شلونك حيدر البقية يحياتك
-وحياتج البقية
جانت تحجي ودموعها ع خدها
-الله يصبركم والله مصيبة اووف الله يساعد سارة وميقات والله مااعرف شحجي قهر والله قهر
-الحمد الله ع كل حال هذا الله الي كاتبة لا اعتراض ع حكم الله وقضائه وقدره
-الحمد لله . داومت
-لا والله مداومت مالي واهس كلشي
-خاف تفوتك محاظرات
اجيبهن من اصدقائي كلت ع الاحد اداوم اصدقائي طلبولي اجازه وشارحين وضعي للاساتذة وللعميد
-اي بس ميخالف لازم اداوم اي كلت اداوم الاحد
وانت راح تبقين هتا كم يوم
-باجر اخذ امي ونروح
-امج هم تروح
-اي مناك الولد خطية حسام ووسام عدها دوام ومحد الهم
-بس سارة شلون لازم امج تبقى يمها
-مااعرف والله بعد شوف شلون تصرف امي
-الله كريم يصير خير

بعد مرور ايام
حيدر داومت بالكلية

طلعت للاستراحة واشوف ورود كاعد وي شلة ولد وطك ضحك وسوالف وخالة المكياج ولابسة الذهب ولا عبالك احنا حزنانين جمالة اصدقائي يعرفون مرت اخوي كلش ضجت من شفتها
تقصدت اجي اوكف يمها
صرت كبالها خزرتها
كامت اجت يمي
-خير شبيك حيدر اكو شي شبيك هيج تباوعلي
-شنو انت ماعندج احساس عقيل ورعد بعد الاربعين مطالعة وانت طايحة ضحك وبعدين شنو هالمكياج مسلم من طلعتي شافج هيج
-اكولك حيدر ترة الحزن بالكلب بعدين انت شكوو تدخل بلبسي ومي كاب مالتي بكيفي
-لا مو بكيفج سنعتي لولا والي كلام وي مسلم
-بليس حيدر لا تدخل بيني وبين مسلم اوكي
راحت رجعت كعدت وانطتني ضهرها بسيطة ورود
شكد متستحين وماعندج ذرة احساس ولا تعرفين الاصول

ضليت افور فور اروح وارجع بعدها تسولف واكو واحد وياها زميلها كولش نهار كله هي وياه تمشي حيل اضوج من اشوفهم سوه
بس اليوم انقهرت بالاكثر
بس قررت بس ارجع للبيت احجي لمسلم
دك مبايلي ميساء
هلو ها ميساء
-هلو حوري اسئل عليك داومت
-اي داومت وذبيت حصرة
-شبيك ضايج
-من هاي الماعدها احساس
-شنوو منو هاي انوب
-لايروح بالج اقصد ع ورود مرت اخوي مسلم
-شبيها
تصوري كاعده بنص الكليه تضحك وصوتها وين واصل واني زملائي اليشوفني يعزيني
-سوي نفسك ماعرفها
-شلون يمعوده يعرفون مرت اخوي ليش ناسيه خطنا سوه
اخ انوب فوكاها متمكيجه عبالك عرس عدها الصبح من صعدت بالخط ماجانت خاله مكياج هيه هنا مخلية
-يااا شكد متستحي هاي عابت
-اي عديمة الاحساس شسوي
رجعت بالخط
انتبهت ع وجهه مكياج خفيف مسحته يمكن
بس اليوم اني حلفت اكوله لمسلم يقبل ع هاي سوالفها
وصلنا للبيت نزلنا سوه
رحت وراها للبيت طبت طبيت وراها التفتت علي شكوو
-وين مسلم
حيدر بله مشاكل فدوه
-مسسلم
طلع مسلم شايل بنته
ها حيدر خير ويباوع عليها وعلي شكوو
-مسلم مرتك علمها الاصول
-ليش شسوت
-كاعده بنص الكلية تضحك وضحكها واصل لاخر الكلية
وثانيا المكياج الي تخليه عيب تره احنه حزناتين والي ماتوا مو رجل دجاج
عقيل ورعد زلم راحولنا
كاعده تضحك وطاكه المكياج بله متكول عيب الكلية كلها تعزيني وتعرف بيها مرت اخوي والله استحيت من نفسي
باوع عليها خزرها صدك ورود
عفتهم وطلعت بعد اني خل يربيها

مسلم
حيل ضجت من حيدر اشتكة منها
ورود صدك هالحجي
اي صح تره مسويت شي ياعيني زميلتي حجتلي سالفة ضحكت وبالصدفة فات حيدر مني سمعني تره مسويت شي حرام عادي قابل اليموت نموت وراه ياعيني والله ماكأبة حيل اهنا بجي ودك وهناك هم بجي ودك
سكتت محجيت بعد هم حقها قابل اخنكها
ورود ميخالف حاولي لا تطلعين صوت من تضحكين لو تسولفين
ومكياج مااريد ايد منا لحد ماتطلع الاربعين وهاي الكلايد هم ذبيها عيب من الجيران وانت نازله شيكولون هسه جانت بحفله
صاار حبيبي تدلل واني اسفة واذا تريد اعتذر من حيدر
-بعد احس
غيري ملابسج وسويلنا اكل
صارر تدلل
جنات
وليد احسة بده يرجع لسوالف الطيور جاب زوج طيور كال للزينه بس ذن
والزوج صار زوجين و٣ ازواج الى ان صار برج طيور
والاسواق هملها وكام يامعزل وصاعد فوك
يا عمي كاعد بيها
اووف ابو طبع مايغير طبعة
احجي وياه ميفيد يكلي احب الطيور مثل مااحبج مااستعنى عنهن

بهاي الايام وموتت الاولد التهيت يم اهلي ومالي خلكة عسماه يحترك هو واهله
كمت اروح لهلي الصبح وارجع وره العشة
بوكتها جنت حامل
اني يم اهلي الظهر
واسمع صوت صياح بالشارع وحجي
حيدر كال شكوو خل اطلع اشوف
اني كلبي كلي هذا صوت وليد
طلع حيدر ورجع
كال رجلج يتعارك وي اثنين ع مود اطيور جنات شنو رجلج ميتوب من الطيور
-اووف لا ميتوب عوفه مالك شغل بيه طبه طوب مليت منه
لا تطلع ابد خويه لا تصيرلك مشكلة امي البيها كافيها
اندك الباب والصياح زاد
فات مسلم
هذا رجلج كاعد يعارك ع طيور ليش هم

رجع لسالفة الطيور
-اي خوية
-وليش!محجيتي
-احنه بيا حال خويه عوفة طبع بالبدن ميغيرة الا الجفن
هسه مال اطلع اشبعة دك والله العظيم لج تعاي شوفي الشكول الي تعارك وياه
مدكدكين وشهرهم مطوليه والفشار والمسبه اخخخ
مو مال الزمهم اسحلهم
راد يطلع لزمته
لا فدووه عوفهم امي مريضة لا يصيرلك شي خوية عوفه هي تصفة همزين اني يمكم هم جان ابني ارعب
ضليت افتر بالبيت
اسمع صياح وافرك بادي اووف وليد متجوز متوب تعبت منك والله
عله الاصياح ياربي دخيلك
هاي يومية مفرج خلك الله علينا يوميه عركة وي الطيرجيه ع مود طيره

طبيت يم البنات جوه
شافوني ادردم
شكوو شبيج
اووف حضي المصخم هم تعارك وي جماعة
-منو وليد
-اي تعاي اسمعي الاصياح البرة صريخ للظالين
عزه وج روحي شوفي خاف رجلج بيه شي
-لا مااروح خلي تعبت منه
كالت سارة
يابرودج والله الج كلب رجلج يتعارك وانت كاعده يمنا
-شسوي ساره مليت هاي كل فترة هيج لو هو يروح يهد ع مود طيرة لو همة يهدون علينا

طب حيدر كال جنات
هاا
لج هذا يمكن صار بيه شي ام وليد تصرخ بالشارع
شنوووو .ركضت
لكيت مسلم طالع طلعت امي وراي وحيدر
ركضت
اشوف وليد مدمه
عززه يمة دخيلك ياربي
صرخت
خالتي تصرخ هم وعمي مجان هنا
مسلم شالة
اباوع عينه وكعة عبالك بس دمايه جبود يطلع منها وهو يصرخ عيني عيني
شالة مسلم وصعد بالسيارة
رجعت للبيت يمة عبايه جريت عبايت امي من الباب وخالتي ام وليد صعدت هم وصعدت وحيدر ويانه
وطار مسلم للمستشفى
هو يصرخ يصرخ عيني اخخخ راح اموت
لحد فقد الوعي كمت اعيط عززه وليد شسويت بروحك كتلك جوز من الطيور
وصلنا للمستشفى نزلنا مااستقبلونا كالوا لابن الهيثم اخذوه خاص للعيون ذاك مستشفى ابن هيثم
ونرجع للسيارة والولد شايليه شيل
ومسلم جان حييل عصبي ويسوق بعصبيه
وصلنا للمستشفى
شافة الدكتور كال فورا عمليه
رادوا فلوس رجع مسلم للبيت جاب فلوس واجه
ساعتين ٣ اربع ساعات طلع من العمليات شادين عينه
سلت الدكتور ها بشر
كال الدكتور شبكة العين كلها خربانه والعين مقلوعة قلع
-يعني شنو دكتور
-يعني سويناله عمليه وعينه مراح يكدر بعد يشوف بيها واكع البؤبؤ كله
وللحكاية بقية

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى
البارت الثامن عشر

جنات
من سمعت وليد بعد مايشوف بعينه احس حيلي انهد اكثر من ماهو مهدود
ياربي لطفك الطف بحالي والله حيلي مهدود
ضل وليد يومين بالمستشفى وطلع بس نفسيته حييل تعبانه وبس يعيط ويصيح
عمام وليد راحوا دگوا الي ضربوه وصارت شغلة عشاير وانطوهم مهلة يومين يجون يحولون يمنا ويفصلون
طبعا عمي اشتكه ع الي ضرب وليد بس جان منهزم ماكو

بهاي الفترة متت تعبت نفسيتي تعبت منا مصيبة اهلي ومنا رجلي انوب يصرخ من الوجع ونفسيته تعبانه بس يصرخ ويتوعد للي ضربه يقتلة وعمي يلزمة كوه
اخ ياربي شلون سنه سودة هاي مرت علينا
بعد كم يوم فصلوا ٥٠ مليون لرجلي وليد عوض عن عينه وابنهم يسلموه هم للسجن
بس شنو الفايدة ملايين الدنيا كلها ماتعوض عن عينه
بهاي الخمسين كدر يفتح اسواق بالسوك جبيرة كلش وهو وعمي كاموا يشتغلون بيها
بس وليد تغير مو ذاك الوليد الي يريد بس رضاي وهادء صار ع طول عصبي ويسب ويصيح ويضرب ويغلط
جنت عاذرته بهاي الفترة اعرف نفسيته تعبانه
اخذ وليد نص قطعة بالفلوس الي بقن
وتحاولنا بيها جانت بعيده عن اهلي مو نفس المنطقة قريب ع السوك ع الشغلة
........

ميقاات تمر الايام بسرعة تركض ركض
صار ع موتت الولد شهرين
اني حللت طلعت حامل حياتي احسها باهته وماالهة معنى ابد بعد موتت رعد كرهت كلشي
بقيت يم امي جوه رجعت وياهم والفوك صعدته كم مرة جمعت اغراض رعد خليتهم بكراتين وملابسه انطبتهن بثواب روحه ابني كل هاي الفترة يذكر ابوه ويسئل عليه بس اخواني مسلم وحيدر ممقصرين وياه

بعد مرور سنتين

مسلم
اليوم حفلة تخرج ورود وحيدر من الكلية
قررت اروح الهم للكلية
كشحت ولبست احلى لبس عندي
ورحت بله مااكول لورود بس اتصلت بحيدر يطلعلي بره
جنت اريد اسويها مفاجأه الها
وصلت للكلية دكيت ع حيدر
ها حيدر وصلت تعال اطلعلي
-جاي انتظرني

بقيت واكف لحد ما طلع حيدر لابس ملابس التخرج
من شفته حيل فرحت واخيرا واحد من عدنا كدر يوصل بالدراسة كولنا ماكملنا
وصل يمي يضحك
-ها ابو ازهراء الله يساعدك
-هلة بالدكتور الف مبروك لك والله وراح ارفع راسي بيكم انت ورود اخوي ومرتي صاروا دكاتره يمكن افتح مستشفى الكم
-ههههه مستشفى مرة وحده
-ولله لو عندي امكانية مااقصر وياكم
-اعرفك كدها وكدود
امشي نفوت
-اكلك ورود وين خوما كتلها
-لا مكتلها ذيج موجوده وي الطلاب تحتفل يله امشينا
فتت للكلية
اول مره افوت الها وامشي واباوع ع الاماكن البيها
شقتهم مسوين تجمعات وياخذون صور
ماشفت ورود
-اكلك وينها ورود
-ذيج شوفها واكفة بالنص
هاا اي اي شفتها
مشيت عليها
جاي تاخذ صور ضليت واكف اباوع الها وفرحان بيها حبيبتي صارت دكتورة تعبت واجتهدت ونالت الي تريدة

جانت تضحك فرحانه بنص زملائها
اجة واحد مدري اشاورها ضحكت وياه
احس ضجت واختفت ابتسامتي
حاولت تشوفني بس ماكو مندمجة
رحت تقدمت عليها جانت واكفة تحجي
شافتني اتفاجأة وضلت صافنه
-الف مبروك حبيبتي
ابتسمت الله يبارك بيك
اجت يمي ع السريع
حجت على كيف هاي شجابك لهنا
عكدت حواجبي شنو شجابك اجيت اشاركج فرحتج واباركلج شنو مترديني اجي
-ها لا موهيج بس مااريد صديقاتي يعرفن انت زوجي
-ليش ولج
-يعني مسلم هسة سئلوني زوجج شمخلص لو شنو يشتغل واتفشل كدامهم
-ليش اشبي شغلي وليش تتفشلين خزرتها
-لا تفهمني غلط مو قصدي بس الناس ع كولشي تنتقد وتقلد عفية مسلم روح
شو مااروح وراح ابقى هنا واكول لكل صديقاتج اني زوجها عامل بناء الي وصلها لما هي وصلت اله
-لا عفية
-لج شنو هاي جديده انوب تستعارين مني امشي للبيت

-وين لهسه ممخلصين الحفلة
ورود كتلج امشي لا هسه كدام الكل اسويلج مشكله تستعارين مني ياناكرة المعروف
صوجي اني اجيت كلت اسويلها مفاجى بس الظاهر انت ماخذه راحتج
-شبيك مسلم تعصبت والله مو قصدي حياتي
-لا قصدج ونص والله يستر من الجاي امشي يله امشي

حيدر
اباوع عليهم من بعيد شفت وضعهم مدري شبي هاي ورود هنا ماخذه راحتها ولبس وطلعات وكعدات وضحك
بس اني ساكت عنها لخاطر مسلم
كل مااكله مرتك
يكلي عوفها ع راحتها اني واثق بيها
شسووي اخوي اكبر مني
خابرت ع ميساء
هلو حبيبتي شلونج دزيتلج صور الحفلة ع الوات ساب شفتيهن
-اي شفتهن الف مبروك حياتي تمنيت احظر وياك واشاركك فرحتك بتخرجك
ان شاء الله عن قريب افاتح امي وتخطبج الي يله مااضل شي كم يوم تصيرين خطيبتي رسمي
-صدوك
اي والله ماعندي شي بعد وكافي هواي انتضرنا
يله عمري اروح اكمل اني الحفلة
اوكي الله وياك
-

مسلم
صعدتها بالسيارة ورجعنا للبيت طول الطريق تحاول تحجي وياه بس اني مااحاجيها حجايتها حيل جرحتني معقولة تستعار مني هذا ماجنت متوقعة ابد بعد ما صرفت عليها وفرتها اجواء الدراسة تالي تستعار مني بدل ماتشكرني وتفتخر بيه
وصلنا للبيت نزلتها
طبت للبيت شمرت الجنطه حيل
مو حاله هاي مو

عيشة حتى بيوم تخرجي ماافرح لازم اطلعها من خشمي عيشتيش يربي
-شنو شبيها عيشتج ماعجبتج ولا اني عاجبج جديده هاي ست ورود
بعدج يا الله ماصرتي دكتورة
-مسلم انت متفهم متفهمني
-فهمينه دكتورة ورود
-هناك البنات يتباهن كل وحده تتباهة باهلها وبزوجها لو حبيبها هيج واصل وهيج وظيفته
اني شكللهم انت كلي اكلهم زوجي عمال يحمل طابوك زوجي ممخلص ثالث متوسط
-والله محد جبرج تزوجيني حبيتيني مثل مااني وقبلتي بيه
-اني هسه وبعد احبك ياعيني وكو قصدي استعار منك بس انت المفروض تقدر وضعي هناك احنا نتباها والصراحه اني كايله زوجي دكتور جبير ومن اجيت انت خفت تطلع الجذبه علي
-عذر اقبح من فعل ومنو كلج كذبي هاا منو كلج
-اووو انت ماتفهم متفهم شسوي يربي اكتل نفسي
باوعت عليها وطلعت بسكوت لهلي
تخوف صايرة ولعب كلبي منها احسها عدها شي مرتبكه من تحجي
رحت لهلي
شافتني امي ها يمة رجعت اجه اخوك
لا بس اني وورود وين البنات
ذن يلعبن وي ملاك وتقي
صحت زهراء حوراء يله بابا تعالن
اجن يركضن اجه بابا اجه بابا
اجت ماما
اي اجت يله نروح حبيباتي
بيبي صاحت مسلم تعال اريدك
-ها بيبي خير دنكت ع ايدها بستها
جده وين اخوك
بقى بالكلية شويه ويجي
خوش جده من يجي اريدكم بشغلة كلكم
-خير بيبي
-كل الخير جده ان شاء الله بس انت ساعة ورد علينا
-ان شاء الله بيبي

حيدر
خلصت الحفلة ورجعت للبيت
تلكوني البنات الف مبروك وانطيتهم المبايل يتفرجون ع الصور
الله تخبل الحفلة شبيك ماتخذتني وياك
حسنات حجت
-لج وين انجبي
-شكوو بيها قابل العوبة ورود احسن مني
-اشش عيب مرة اخوج لا تحجين عليها بعدين البنيه لا مأذيه احد ولا حاجية ع احد ولا جايه هنا كافية خيرها شرها ليش تكرهنها
-تولي كطعيه ولا جنها مرة خونه عازله روحها ومتكبرة

سارة حجت
حيدر دزيت صور وغمزت
جانت سارة تعرف بعلاقتنا اني ميساء
كتلها اي طبعا اول وحده هي شافتهن
اي زين يله شوكت نفرح بيكم
عن قريب كلش ان شاء الله
طبت ميقات
وينكم اجتماع اجتماع
-شنوو شكوو
السيد الريس بيبي تريدكم في اجتماع مهم حتى كالت تدزون ع مسلم ودزيت تقي يصيحة
-خير
تكول عندي قرار اريد تسمعوه
-الله يستر من قرارات بيبيتج تخوف
-بيبي دوله وعلم ونخلة وخط وفسفوره
ههههههههه اي والله صدك
طبينا يم بيبي
ها حويدر الف مبروك جده
بيبي شنو حويدر صرت دكتور حيدر
دمش امش اكعد دكتور ع روحك خايب
وين البقية
هسة يجون بس شكوو بيبي شصاير
اشش انت لا تحجي
طب مسلم
ها اجيت حيدر
لا بعدني بالكلية شسوفني لك
بيبي كالت كلكم هنا
اي بيبي خيير
شووف ولك حويدر
مدامك خلصت دراستك راح ازوجك
اييي الف رحمه ع والديج بيبي شلون عرفتي اريد اكللكم زوجوني
حسنات كالت ايييي واخيرا راح يصير عرس عدنا
اي بيبي زوجيني
خوش مدامك رضيت تزوج
انه شايفتلك عروس
منو. بيبي
-تاخذ سارة بت عمك
-شنووو بيبي شتحجين شنوو سارة
اي تزوج سارة وتلم جهال اخوك الله يرحمه
وللحكاية بقية

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى
البارت التاسع عشر

سارة
انصدمت تفاجأة بحجاية بيبي ممخليتها ابالي ابد
-بيبي شتحجين انت شنو ازوج حيدر مو عيب هالحجي
-انجبي ولج تعلميني العيب انت
كمت وكفت
كعدي سويرة اكعدي
باوعت ع حيدر مدنك وعصبي واحوالة تخربطة
بيبي ميصير هيج تحجين اني ماازوج من بعد عقيل حالفة
-اكعدي ولج كتلج اي عم حلفت امج اول مامات ابوج وتالي شمرتكم علي وتزوجت
-بيبي انت تعرفين امي جدي اخذها وزوجها غصب
-انجبي واسكتي لا تردين علي واكعدي
حجة حيدر
-بيبي انت من كل عقلج تزوجيني مرت اخوي عقيل شلون هيج تقررين
هاي مرت اخوي وتضل مرت تبقى كاعده ع جهالها حالها حال ميقات
-وياهو يكول ميقات هم تظل كاعده تره بعدهن بعز شبابهن بعدهن بالعشرينات
-ان شاء الله هم ميقات تزوجيها راح
-لو اجتها قسمة زينه من كرابتنه ازوجها
ميقات رفعت راسها
-لا بيبي شنوو هالحجي شنو تقررين بالنيابه عنه احنه منتزوج لا اني ولا سارة وانته الموضوع
-اي بيبي مانزوج ورجائا بيبي لا تفتحين هيج موضوع بعد حيدر اخوي الصغير ومااشوفه غير اخوي واني مااريد ازوج ابد حالفة بيبي فدوه سدي الموضوع
كامت بييبي وكفت شالت عصاتها
ولكم تعصوون أوامري شو غصب عنكم ازوجكم وفنه اليفك حلكة سمعتوا كوموا مني يله كوموا

مسلم
جنت كاعد استمع لكلام بيبي تفاجأة بيه بس كلت شكو بيها خوش قرار حيدر يزوج سارة بعدها صغيرة وتقريب بنفس العمر هي وياه ويلم جهال عقيل ويكعد شكوو بيها
ولو احسها صعبه لان اني اتخيلت نفسي لا استصعبها مااسويها لو اموت
كاموا كلهم ضليت اني كاعد
باوعتلي بيبي
مسلم وانت شتكول ماحجيت شي بس ساكت
-بيبي اني وياج وخوش فكرة هاي شكوو بيها يزوجها ويعيشون سوه ليش يزوج غريبه وهم يطلع منو يبقى يم هاي النسوان
-دفهم اخوك جده محد يفهمني لو ازوج وحده وجابها هنا هم مثل مرتك اسبوع وتريد عزال
زين هاي العايله شلون تعيش كلي انت ياهو يصرف ع هالفروخ
شو لا راتب ولا تعويض اطوهم ولا عدهم وراد ياكلون منه
عايشين ع تقاعدي وتقاعد امك
باجر نموت شلون يعيشون يجدن يظل
-لا بيبي وسفة عليج وين رحت اني ليش قصرت وياكم
-انه مرتك مااظمنها الصكد باجر بس اموت تغيرك على اخواتك وتاخذك ويجوز تنسة حتى خواتك
-لا بيبي مو اني الي اسويها الف مرة متنسيني اخواتي
بيبي قبل لا يموتون الولد صح جنت مالي شغل بيهم ومامهتم الامي وخواتي
لان جنت منتكل ع عقيل هو شايل البيت
بس هسة لا بيبي اخواتي وامي شلون اعوفهن
زين مسلم لو حويدر عند وماخذها تاخذها انت فوك مرتك
شنووو بيبي لا لا مستحييل
ها تخاف من مريتك
لا مو هالشكل بيبي مااكدر شلون الي نفس وازوجها واني جنت اشوف عقيل شلون يحبها
يجوز حيدر مو بعمر عقيل بس اني بعمرة
وجان يحجيلي شلون يحبها ومتعلق بيها
لا بيبي مااخذها ابد لو شيصير
-اكلك هي تحل عليك لولا بالدين تصير تزوجها
-اكيد بيبي بس كتلج مااتقبلها ابد ابد لا تحجيها
-مدام تحل عليكم انت وحيدر واحد منكم ياخذها ويتقبلها جده خاف اموت وتطشرون اريد اموت وانه مطمنة ع جهالهم
عمرج طويل بيبي
-جده هذا الموت كاس لكل الناس واحنه كلنه ع هذا الطريق
.........

سارة صعدت اركض فوك لغرفتنا
فتحت الباب صارت صورة عرسنا كبالي باوعت ع عقيل
عقييل سمعت الكالته بيبي اكيد هسه انقهرت مثلي بيبي تريد تزوجني لغيرك
والمن لحيدر الي يحب اختي يعني اكسر كلبها وكلبك وكلب حيدر هم
مستحييل اوافق اني عاهدتك ابقى ع ذكراك واربي جهالك احسن تربية مااعوفهم ابد
مااصير مثل امي ومحد يغصبني
اخخخ ليش هيج عفتني عقيل ليش خليتني بهذا الموقف والله صعب علي صعب
مسلم رجعت للبيت
جبت البنات وياي طبن يركضن ماما وباسنها
هي واكفة ع الطباخ تسوي اكل
فتت جوه غيرت ملابسي عود جنت مبدل وكاشخ عبالي اخذ صور وياها للذكرى بيوم تخرجهم تالي حتى وي حيدر مااخذت انصدمت منها ومن موقفها واحس انجرحت كرامتي
طلعت للصاله كعدت لزمت مبايلي اكلب بيه اجت خلت الصينية كبالي
وصاحت ع البنات
تعالن ماما اكلن
يله مسلم اكل
ذبيت المبايل باوعت الها ودرت ورجهي
اجت يمي بصفي
-سلومي حبيبي ليش زعلت تدري اني شكد احبك
-اي مبين
-والله احبك وداعت بناتي بس انت تعرف شي واني اعرف شي
-شنو شتعرفين دكتورة
-اوو لا تصنف مسلم
وتتقرب مني بدت
وخري مني ورود اني تستعارين مني ولج اني ولج الي تعبت حتى اوصلج الي انت بيه لج جنت الزم شغل اكثر من طاقتي هاي ادية تجارة دم وتشكك من السمنت والطابوك الي اشيله
واجيب الفلوس احطهن بيدج مدرسين وخطوط ولبس وصالونات وملازم اكول زوجتي ام بناتي مو غريبه باجر تصير دكتورة وترفع راسي تالي تستعارين مني
شكد غبي اني ولا حسبتها هيج
لا لا مو غبي بس ع نيتي
-ليش هيج دكول والله احبك ومااستغليتك اني انت من خطبتني وعدتني اكمل وتساعدني اخلص دراستي
صح لو لا
-اي صح وعدتج بس حتى اتباها بيج وبناتج يتباهن بيج مو تالي ت

ستعارين من عدنه
-اووو شسويت هسه اني سويتها كولش عمي اسفة حقك علي
-اسفة وين تصرف عندي اجيتج جنت متوقع راح تلزميني من ايدي وتتباهين بيه ودكولين هذا زوجي وحبيبي الي بفضلة اني وصلت للدكتورا
وتعرفيني ع كل زملائج ونحتفل سوه وناخذ صور بس للاسف العكس جريتيني وختلتي مثل الي مسويه جريمة وفكوها تكليلي شكوو جاي
ماانساها ورود متنبلع عندي
بعدين هذا منو الي شاورج وضحكتيله هااا
-هاا منو زميلي غير
وزميلج شعنده يشاورج بينكم اسرار مثلا
-لا اسراريش بس قلد ع صديقتي بالبس مراداها تسمع كلي باعي تحرير شلابسه وضحكت
-هاا بيها الخير
دكافي مسلم عاد لا تسويها كولش ياعيني كتلك اني اسفة شبيك طلعت الفرحة من خشمي
دنكت ع ايدي وباستها سامحني عليك الله عليك القران والله تدري مااكدر ع زعلاك اني غلطانة
انت مو تكول معتبرج بنتي واريدج تكملين ومدللج مثل بنتي
هسه زهراء لو حوراء تغلط متسامحها سامحني الله عليك اسفة اسفة الف مره
باوعت عليها جريت حصرة
هزيت راسي ولو ماتبلع وياي سالفتج اليوم بس يله مسامحج
اوووي فدي ابو كلب الطيب

اكلك شكوو بيبيتك شرادت منكم
مراح تصدكين
شنوو شكو
تريد تزوج حيدر من سارة
شنووو معقوله وراح توافق سارة
اثنينهم رفضوا وماقبلوا
اكيدر يرفضون لان حيدر يحب ميساء
-منو ميساء اخت ساره منو كلج
-اني اكولك اسمعة بالخط من نروح سوه يحجي وياها وسئلته مرة بشقة
ميساء اخت سارة كال اي
كتله الله يوفقكم
-صدك تحجين
-ايي والله شبيك
-يبوووي مو خوش سالفة هاي بس لا يرفض وبيبي ترجع علي
-شنووووووو لا بالله
-اي هي كالت
وانت شنو طرطور مالك كلمه
-وروود شنوو طرطور
-اسفة بس شنوو بيبيتكم تتحكم بيكم هيشعليها ترة والله حلوه هاي عبالك زلمة مو مره وكلها تخاف منها من هسه اكلك مجرد تفتح فتح وياك اخذ بناتي
واطلع من البيت
ها ولج بسرعة بعتيني ماصدكتي جنج
-لا بس مو اني الي تجي علي مرة اني دكتورة ورود
-كمنا نشوف حالنه من هسه
تره حبيت ورود البنية الحبابه الفقيرة
مو ورود الدكتورة الشايفة حالها
حيدر صعدت مسطور
حتى الفرحة راحت مني هاي بيبي صدك تحجي شلون تفكر مااعرف يعني شنو تريد تزوجني ع مزاجها شنو شافتني ماعندي مشاعر ماعندي رأي
والله يا الله المشكلة تحجي من صدك وكلمتها تمشي علينا كولنا شلون لو صدك صممت شسووي بذاك الوكت
وميساء وحبي الها صار اسنين منتضرتني وسارة تعرف اني احب اختها شلون تقبل
لا لا مترهم هاي بيبي تغني وحدها شنو تريد تمشي الدنيا ع مزاجها
اوووف طيرت فرحتي كلها
دك مبايلي ميساء هلو
حيدر ها رجعت للبيت
اي رجعت
الصور كلش حلوات تمنيت اني وياك احتفل
-شكرا
شنو شبيك جنك ضايج اكوو شي
لا ماكو شي بس تعبان من الحفلة وكلت انام كاعد من الصبح اتحظر
اي عيني تتحظر تعال اكولك هاي منو الي بكل صورة لازكة وياك
-منو ممنتبه .
ام شال الوردي
وج كلهن لابسات شال وردي هنا غير زي موحد سون بالتخرج
-حيدر لا تغشم نفسك هاي الي لازمة ايدك
هااا انوار شبيها حبابه هاي زميلتي لج
-ها زميلتك كلتلي وان شاء الله من تتعين بمشتشفى هي تظل وياك
اي طبعا غير احنه دفعة وحده
حيدر لا تجلطني
ههههه عليمن يمعوده دروحي عيوني هسه والله تعبان اني
يله اوكي اعفاء هسه بس من اجي نتفاهم
ليش راح تجون
اي امي مريضة وعدها مراجعة اجي وياها
اي هاي الاخبار الحلوه والله مشتاقلج
واني هم هوواي والله
يله اعوفك ترتاح
اوكي
سدته اووف واني دايخ بسالفة بيبي
بقيت بعرفتي حتى مطلعت
ع العشة
اجت امي طبت علي
حيدر كوم شجاك حابس نفس من رجعت ولهسه كوم تعشه
يمةةة عوفيني رحمه لهلج
-شبيك شجاك
-متعرفين شبيه يعني هاي بله سالفة مالت بيبي
-والله اني اشوف بيبتك احسن شي سوته هذا يمة جهال اخوك يطشرون لا انه ولا بيبيتك عايشين الهم كلي منو الهم لو صار علينا شي انت تستقر وتزوج ومسلم مستقر ذن بنات شابات وصغار عمرهن ستوه عشرين ترة غير زوجناهن للولد وهنا بعمر ١٥ سنه هسه اشافن من حياتهن كلي
يمةة واني شكووو اني شعلي
-لا تصير انناني يمة وتفكر بس بنفسك ذول جهال عقيل الي كسر ضهره من الصغر وعيشكم ترك دراسته واشتغل عامل يصعد طابوك بس ع مود يعيشكم ويعيش انتم وبيت عمكم وبيبتكم
شلون عشنا طول هاي السنين مو بجاله حرمكم من شي جان يقصر ع روحه ويجيب الكم
شيصير لو تاخذ مرته وتربي جهاله وتصير ابوه الهم
-يمةة لا تخبليني تاخذ مرته انت كلتيها سارة مرته شلون اخذها شلون الي نفس ازوج مرت اخوي احنا بيا عصر بعدكم ع هالعقلية تعال تزوج مرت اخوك الميت غصب ولا تفكروون بمشاعرنا اني وياها
شنحس شنحب شنريد ماما ترة زمنكم اختلف ع زمنا
-وك يمة شنو الي اختلف يابعد امك
فكر بجهال اخوك يايمة خاف باجر عكبه سارة هم تعوفهم وتزوج يجوز تحب واحد تعيد تفكيرها وتزوج
جهال اخوك وين يرحون
يمةةة مااكدر مااكدر اني مااحبها
شلون اخذها واني احب اختها وهي تعرف هالشي
-شنوو اختها منوو ميساء
ايييي احب ميساء اني واريد ازوجها
عزززه صخام

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى
البارت العشرون

عزززه وصخام من شوكت تحبها
وهي هم تحبك يعني عدكم علاقة شنوو
اي صار اربع سنين عدنا علاقة وتحبني واحبها وسارة تدري يمة وترديني ازوجها
يااا ليش ماتحجي
عليمن احجي كلت اكمل واخطبها والبنية مقصرت انتضرتني
يمةة ماازوج سارة لو شيصير هاي اكولها الج من هسه ....

جنات
صح كعدت ابيت ووليد كام يشتغل وي ابوه
بس وليد تغيير كلش من يوم الي انظرب صارت عنده حالة نفسية بس يصرخ ويضرب ويغلط ومو ذاك وليد الي يتمنى الرضا ارضى
هسه لا حياتي عبارة عن مشاكل اني وياه يطب يصيح ويطلع يصيح

الصبح جاي يطلع
وليد اريد اروح لهلي
شكوو
صار اسبوعين مرايحة اريد اشوفهم شكو يعني وابارك لاخوي حيدر تخرج من كلية الطب
-مترحين
ليش وليد صار هواي مرايحة
بكيفي
عفية وليد شبيك كتلك ابارك لاخوي
منو ياخذج
اخلي مسلم يمر علي ياخذني بسيارته
روحي وارجعي العصر سمعتي
اي ان شاء الله
طلع خابرت ع مسلم
ها خوية شلونك شخبارك
الله يسلمج
وين انت بالبيت بالشغل
لا اليوم مطالع ليش
عود ردتك تمر علي تاخذني لهبي اشوفهم
ليش رجلج وين
بالاسواق عنده شغل
زين حضري روحج جايج
لبست الجهال وانتظرته

مسلم
كاعد اتريك
خابرت جنات
تعال تخذني
كتلها جاي خطية صار هواي مشايفها انقهر عليها بس هي مزوجه بعيد علينا
سمعت ورود
شنو لعد ميجيبها زوجها
عنده شغل
واحنه ماعدنه شغل وعمل
ورود لا تدخلين بيني وبين اهلي الف مره اكلج ناقصج شي انت
لا
خلص اهلي معليج اطيهم اخذهم اطلعهم مالج شغل
ايي فهمت
وكامت
صايرة كلش لئيمة احسها
كمت لبست وطلعت اجيبها

حيدر طووول الليل اتكلب منايم ياربي شيخلصها شلون سالفة هاي بله

الصبح كعدت كوه
طلعت غسلت وجهي
صارت سارة كبالي ارتبكت وركضت حتى مصبحت علي
شكد فشله يربي صدك حقها تستحي
غسلت وجهي
طبيت للصالة صباح الخير كلهم جانو مجموعين
ردوا صباح النور
حسنات سويلي ريوك كومي كامت بيبي كالت الها اكعدي انت خطيبته سارة تسويله
سارة سارة
اجت سارة هابيبي
سوي ريوك لحيدر
باوعت سارة علي وع بيبي
عاطت بيها شكلت انه ولج
اي بيبي اي
راحت
بيبي تره البراسج ميصير شنو خطيبتي شوكت صارت خطيبتي ترة ماارضى ابد
هيج تحجين بيبي افهميني
انت افهم مرت اخوك وجهالها بركبتك ذول سمعت لمهم انت وصير ابو الهم
شبيها سارة شناقصها كلي كلي جمال وادب واخلاق
بيبي ما تفهميني انت
حتى سمم مااريدبعد
طلعت بوجهي ع بيت مسلم
دكيت باب صار مسلم بوجهي طالع
ها وين رايح
اجيب جنات خابرتني
شكوو شبيك
اجيت شارد من بيبيتك راح تخبلني تعال ارجع خل اتريك يمكم واروح وياك
فوت يله
طبيت جوه صاح مسلم ورود
تعاي
اجت سلمت هلو حيدر
هلوات ورود
شنو شبيك بس لا الضابط وياك
-يعني نوع ما
تره حجالي مسلم واني كتله الولد يريد ميساء
باوعت ع مسلم
كال صدك هالحجي
هزيتله راسي
الله يعينك لعد بيبي مراح تخليك بحالك ابد
ورود سويلنا ريوك يله
اي صار
كعدت
مسلم كال حيدر ترى بيبي كلامها صحيح يعني منو لجهال عقيل عليك الله متعرف الايام شضامه النا يجوز سارة تزوج الجهال شلون
-مو مشكلتي مسلم شنو ذنبي تتكربس براسي هي وجهالها اني هم عندي كلب احب وانحب شنو كوه خوما كوه مااريدها
وعفيه مسلم اني شارد من البيت منورهه الموضوع تره اطلع سده احسن
صار هسه تريك ويصير خير
الله كريم

سارة
خابرت ميساء كالت سارة جايين بالطريق نص ساعه ونوصلكم
-اي هلة بيكم منتظرتكم
اكلج سارة حيدر وين ادك عليه ماكوو
-هاا يم بيت مسلم هسه يجي احتمال ناسي مبايله
ها اوكي يله لعد نوصل ونسولف
هله بيكم

جنان
خابر مسلم كال
جنان تحضري اجيتج اني وحيدر بس ارمشلج اطلعي
-اي اوكي
بسرعة لبست عباتي ولبست جهالي احذيتهم ووكفت بالحوش
حيدر شعجب جاي وياه كلت وي نفسي
اكيد صاير شي الله يستر مو بالعاده
عشر دقائق رمش علي
طلعت بسرعة قفلت الباب وراي
صعدت سلمت عليهم شلونكم زينين
الحمد الله
اشوف حيدر ضايج
شبيك حيدر خوما اكو شي
لا ماكوو
مسلم كال لا اكوو شي
خير شكو
بيبي تريد تزوجه سارة
ياااا بيبي خرفت اكيد
-وليش تخرف تره تفكيرها صح سارة وجهالها لازم واحد يأمن مستقبلهم بعدها صغيرة وجهالها هم صغار
لازم صدك يزوجها
حيدر كال
وتالي مسلم ترة انزل والله شنو كوه خوما كوه اذا تريد تأمن مستقبلهم اتزوجها انت فوك مرتك الشرع محلل اربعة تره
-اني لا لا مستحيل اتزوج مرت عقيل لا مااكدر .
هاا شوف متكدر لعد شمعنه اني اكدر
انت صغير مو مثلي عقيل كلش قريب جان علي واعرف كلشي عن حبهم وعلاقتهم
-واني شنوو قابل مااعرفمن جنت اصغير واشوفهم يتختلون ويسولفون
رحمه لله لحد يفنح بعد هذا الموضوع
جنات جنت اسمع ومصدوومة
معقولة سارة تزوج غير عقيل اووف والله مصيبه لا على البال ولا ع الخاطر مووتت عقيل وحيدر يزوج مرته يااا شلون دنيا اووف

حيدر

وصلنا للبيت وي طبتنا طبت ميساء وام رعد
شافتني وتوزع ابتسامات من بعيد
وصلت يمي هلو حيدر شلونك
الله يسلمج
سلمت ع ام رعد
عمة شلونج
الله يسلمك وليدي
فاتن جوه واني فتت لغرفتي
فتحت مبايلي لكيتها هواي داكة علي

شوية وطلعت
كلها كاعده بالصالة
فتت من يمهم
بيبي كالت
باركن لسارة وحيدر
ام رعد كالت ع شنوو
خطبت سارة لرعد وراح أزوجهم
اني راسا التفتت ع ميساء باوعت علي وفتحت عيونها مصدومة
ام رعد كالت
شنو هاي شوكت اني اخر من يعلم
-البارحه صارت الخطبة وان شاء الله اعقد الهم
سارة تباوع علي وع ميساء
بييبي انت وحدج قررتي منو خطب منو ميصير هالحجي
انجب لك وامش اطلع برة مو بكيفكم بكيفي انه
طلعت من يمهن بس ارجف جسمي يرجف كله
رجعت للغرفة سديت الباب كمت افتر افتر بيها شسوي شلوون بيه
جانت اكو شيشة عطر ع رف ميز التواليت شلتها ضربتها بالمرايا كسرتها
اخخ اخخخخ
شسوي شسوي شلون تحرج بيه كدام الناس تريد عود تسويها صدك وتخليني امام الامر الواقع
لبست بنطروني وطلعت
ع السريع من البيت
دكت ميساء مجاوبت شجاوب شكللها شبرر ميفيد
ضليت افتر وين اروح اخذت تكسي تالي ورحت لصديقي بالاعظمية خابرته
اوس جايك اني
تعال هلا بيك
وصلت يمة تلكاني ورحب بيه
شنوو حيدر خيرك شبيك
مشاكل بالبيت اوس اكدر بات يمك
صدك جذب البيت بيتك انت تبقى واحنه نطلع
متقصر حبيبي بس عندي مشكله بالبيت ومااريد ارجع اله وهي محلوله
كول ابو كرار شكوو
حجيتله السالفة كلها ضل مصدوم الولد حقك والله لو عفت البيت شنو كوه خوما كوه لزمت مبايلي وقفلته

مسلم
خابرتني امي العصر
يمةة مسلم وينك
بالبيت ليش
حيدر يمك
لا غير رجع للبيت من جبت جنات
يمة طلع من الصبح وجهازه مقفول
ليش شصاير صار شي
هو نفس الموضوع مال سارة
يمة اذا مايريدها ترة مو غصب
يمة هسه وينه هو خابرة كلبي واجعني عليه خاف صايرلة شي
لا لتخافين هسه يرجع

سديته منها
بله هذا وين راح
اخخ احنه عايزين مشاكل
طلعت ورود منالغرفة مبدلة ومكيجة
خير وين رايحة
رايحه لصديقتي عازمتني ع حنة اختها .
شنو عرفة ولفه احنا واختها
شبيك مسلم غير عازمتني شتريد افشلها
ووين بيتهم
بالامين
حييل لا لا مترحين اكعدي واسكتي
اووو شبيك بكلشي معارض انت متكلي
ورود مصدكنا اليوم كاعده التهي ابيتج مو احسن سويلج حمله ع البيت شوفي التراب مغطيه باعي الكاونتر ماكله الوصخ والدهن
بناتج اكعدي سولفي العبي وياهن سوينا اكله بيها خير
استغلي الوقت
اوووو. بطلت مااروح
هو مترحين يله ارجعي
مو عيشه هاي مسلم تره طكت حوصلتي
والله اهج واعوفلك البيت
شنووو جديده هاي ست ورود تعوفين البيت
اي اعوف البيت لعبت نفسي مو عيشة هاي
شبيها عيشتج ست شناقصج
كولشي ناقصني مسلم اكلك للصبر حدود ترة

ميقات
لليل وحيدر ماكو ندك عليه مغلق
مسلم طلع يدور وامي ادك وتلطم عليه
سارة ختلت بغرفتها ومانزلت بعد
وبيبي ولا يمها الموضوع مهتمة ابد
وجنات اخذت جهالها وراحت
بس اني وحسنات نروح ونرجع باقين بالبيت
صار نص الليل مابين
وللصبح وماكوو وامي تدك وتلطم يوم اسود علينا
يبتع...