عالم البنات🙈🎀

الموته
سمعني حيدر
هاااا هذا عقيل هذا اخونا الجبير
اويلي ياربي دخيلك
حضنته مايلزم لحم مكطع انترست ملابسي دم
خابرت ع خوالي يجون مجاي اتحمل الموقف ولا اعرف اصرف
بقة رعد ماكو
مدام عقيل لكيته يعني رعد هم موجود
انهد حيلي احس مااكدر ادور بعد
كلت لحيدر انت روح دور رعد
مااكدر مسلم مااكدر ويضرب براسه بالحايط ويصرخ
كمت وكفت سئلت الدكتور اكو بعد جثث كال اكو ٤ جثث محروكه روح شوفهن
طبيت اشوف وجه محروكه شلون الباجه محتركة ماعرفت شكلة
بس اكو طرف من بنطرونه عرفته لازك ع لحمه
والساعة حديد بيده ساعة رعد جان من يشتغل ينزعها يكلي خليها بالمحفظه
اي هو رعد رعد
يابه انكسر ضري ربي ضربتين ع الراس توجع كلش توجع
كمت ادك ع راسي اني وحيدر ونصرخ
المبايلات تدك من البيت علينه
ولك حيدر شلون اكل لبيبي وامي ماتوا
شكل لسارة وميقات راحوا رجولتن
بوويه مصيبه وطاحت ع راسنا الاهي سيدي ومولاي مو كد اني الحمل خذا ربي هذا نصاب جبير ماينحمل
اجو خوالي
ها شنو
راحوا خالي رعد وعقيل ذول جثث بالثلاجات
انهجم بيتنا يابويه

ميقات
اندك اندك عليهم محد يجاوب
ايست عرفت بيهم شي ملخت شعري وادك ع صدري

اندك الباب
مرت خالي تصرخ يبوووي يبوووي
تلكتها امي هااا ياهو منهم مات
كامت تدك وتلطم شبان وين تريد نور عيوني شبان وين تريد نور عيوني
ركضت خالوا اثنينهم ماتوا
ولجن خايبات تزين روسجن ماتو اثنينهم هسه خالجن خابرني
خايبات مفحمين اويلي ع الشباب الي تروح جم بيت انفجع هسه شمسوين يربي طالعين ع لكمة عيشهم
بيبي كامت تصرخ كامت وكفت رفعت راسها للسمة ربي بس انه من اشيع اشيع اثنين اثنين
ليش هيج ربي بلائك وامتحانك صعب اخذ امانتك وخلصني

شكت ثويها ولطمت يمةو ولدي انه ربيتهم. وليداتي ليش ربي اشافوا من حياتهم توهم تزوجوا واستقروا
يمةةة رضا كوم ابنك تلكاه عقيل اجاك
كاضم كوم اجاك رعد تلكوهم
وكعت بيبي
سارة تصرخ وتلطم عليمن ابجي عليمن اصرخ جم كلب يرادلي ابجي ع اخوي ع رجلي ع نفسي يبووووي
.....💔💔💔💔💔💔💔💔😭😭
ساعد الله قلب كل ام وزوجه واخت فاقدة عزيز عليها

طبن جثث الشهداء الابرار للبيت
وصار الصريخ
رعد كوم سويتها صدك كوم عيوني ليش هيج تسوي بيه مو تحبني انت كووم حبيبي كوم ليش تخليت عني بعدني ماشبعت منك كاشفت شي من حياتنا توني باولها بديت وياك ليش رعدد
رحت ع عقيل خوية كووم عقيل انت ابونا واخونا انت ربيتنا منو النا غيرك خوية والله نضيع خلافك
...........
.....
اندفنوا الولد
عايشن عبالك كابوس كل شويه احضن تقي واكله هسه يجي ابوك ابوك يحبك مايعوفك هو كلي اريد اعوض تقي الحتان الي فقدته حنان الاب ابوك مايعوفك ميخليك يتيم وبحاجة الاب هو شايف لوعة اليتم

سارة
يكولون المالة اول مالة تالي يتيمة اجت تفرح مالكت الها مطرح
عمري كله محرومه من الاب والام وعشت بحصرة الحضن الي يلمني بحصرة الحنان توني كلت يا الله وارتاحيت وعقيل بده يعوضني وفرحانه بيه تالي الي انكتب ع امي انكتب علي

طبت امي مثل الي تخبلت تصرخ وتلطم
ابني يمةة ستوني شفتكم ماصدكت رجعت لحضني رعد يمةة انوب تعوفني
اخذوك ودفنوك واني ماودعتك كون دافنيني بصفك شلي بعمري بعدد....

وللحكاية بقية

263 views”“S҉E҉N҉O҉R҉I҉T҉A҉""✿❧, 12:19