هاي الغرفة حلوة وهادئة
بس تحسين الالوان باهتة ..☹️💔

#ملوكه

واذا انتي من محبين اللون اخضر..فلازم موبس بردة اخضر

كون تربطين بلون مخدات والكرسي..نفس بهالصورة🌚👆🏻

#ملوكه

او تاخذين هج الوان بردات وفرشة الكاع ومخدات
اهنا بالغرفه هم تخب😍ل والالوان متناسقه

وفرشة التخت..كلشي يناسبه من ابيض لو رصاصي لو بيج..فكل مرة تكدرين تغيرين لون فرشه تخت


بعد انتي حسب اللي تشوفي اللون اللي عجبج وترتاحيله من هالصور فاختاري ونسقي🌚🌺

#ملوكه

#الكاتبه_جيمن_JAYMIN
ب قصه جديده بعنوان #حب_وانتقام

حين يطرق الحب أبواب الفؤاد،وينتهي عمل العقل،يبدء.الخراب

حين تسيطر عليك عاطفتك لمده ولكن حين تصحو من غيبوبه العقل تجد

نفسك تخطو في طريق الانتقام

تابعو القصه.

ابطال القصه:

ضحى:18سنه ربه بيت من الديوانيه
سجى:15سنه ربه بيت من الديوانيه
مها:25
مروه:28
نور:شاب من بغداد34سنه رجل أعمال

وباقي الشخصيات تتعرفون عليهم أثناء القصه

حلقه1


___________________________
ضحى:تبدي قصتي من 19سنه عمري من محافظه الديوانيه ربه بيت،مخلصه اعدادي بس الاهل ميقبلون بسبب مخاوفهم من الدنيا والكليات وشباب الكليات عندهم رفض حيل كبير
حياتي اليوميه اعتياديه بين شغل البيت وتعب وماكو اي مجال الي ،خواتي عندي4
2مزوجات مروه ومها
اني وسجى ممزوجات اني قبل الاخير سجى أصغر مني
وعندي 3اخوه
احمد ومحمد ومحمود ل3مزوجين وكلمه منشغل بمصالحه
ابوي موظف بالصحه وعنده تكسي يشتغل بي بعد الدوام وامي ربه بيت
احنه البنات ماواصلين بالدراسه بس اني بالتوسل خلصت سادس اعدادي،احنه ممنوعين من الطلعه،وكلمه الرجال فوك كلمه المره،

يوم من الايام جنت نايمه الصبح جان دك عليه المنبه
كعدت من النوم بحكمي عود اني البنيه الكبيره بالبيت كعدت سويت ريوك ورحت لغرفه امي وابوي كعدتهم

صعدت كعدت سجى هسه دارفع الغطى عنها وكالت:بوووو

ضحى:لج ثول خرعتيني

سجى:هههههه وحمس

ضحى:ديلا كومي اتريكي

سجى:صار

____
بعدها

بعدها نزلنا نتريك وبابا طلع ل وظيفته واحنه البنات ضلينا

نشتغل بالبيت

سجى:لج اشويه استعجلي

ضحى:اش لج لاتخبصيني اوكي اوكي ولي روحي اني راح

اغسل الزوالي وانتي غسلي البيت

سجي:ديلا فضيني

ضحى:/اني هم غسلت الزوالي بالحديقه لمده ساعتين ،بعدها اجه بابا ونزلت ويه امي اغسل مواعين بين ما كانت سجى تمسح الصاله،،،ف تغدينا وصعدت الظهر للسطح
وأني اغنيي اغنيه ونانسي عجرم(حبيبي قرب بص وبص وصل زعلان ازعل ازعل اه ونص)واسحب بالزوالي ونفس انقطع
هاي شويه شويه صحت يجي ساعدتني دنشرها على السياج مالسطح بس النذله اتخلت عني
وعافتني على نص
اني هم ضليت اشرها لحد ما انكطع نفسي وكعدت بالكاع مالسطح أتنفس هوه
بعدها نزلت جوه للصاله طفرت على القنفه ونمتلي ساعتين
بعدها فتحت عيوني جان اشوف ساعه5العصر كعدت شفت البيت هدوء وينهم صعدت للغرفه لكيت سجى دترسم

ضحى:هلو سجى شو سنطه خير
سجى:بابا طلع وماما طلعت
ضحى:وين ؟
سجى:بابا طلع بسيارته يله ويه شنو نسيتي يشتغل تكسي بعد العصر
ضحى:ها اي صح وماما وين
سجى:لج شبيك ثوليتي مو قبل ساعه بيت جيرانه أجت وكالت اكو قماش شديد انزل باليوم واكو خياطه خوش تخيط بالمنطقه ف هيه راحت حتى تخيطلنا دشاديش زينه
ضحى:ي شبيج الملابس تجنن ماليه السوك ،جايين على الخياط
سجى: لج شبيهن حلوات حتى مروه ومها رادن
ضحى:يمعوده دشوفي العالم وين صاروا
سجى: اهووو ابتدينا ،ديلا روحي سوي شاي
ضحى:اني الكبيره وانتي الصغيره موكلبتيها بالعكس
سجى:ديلا ضحاوي
ضحى:استغليني بهذني السوالف بس لأن اني اريد اشرب شاي العصرياات،راح اسوي
سجى:ديلا،

ضحى/اني هم رحت اسوي شاي وطلعت كيك،وكعدت اكل ويه سجى ،وامي رجعت كعدنا
سجى:الله يساعدج يمه
الام:ويساعدج
ضحى:ها يمه اجيتي
الام:جيبيلي ماي وصبيلي جاي
ضحى:اي يمه هاي اتفضلي،شنو جبتي قماش
الام:لا اشتريت ووديته
ضحى:شنو لونهن
الام:قماشات حلوه،
ضحى:عود مفاجئة
الام:لاهيه كالت اسبوع وتعالن اخذنها
ضحى:حلو
الام:ديلا خل نسوي عشى ،قبل ما يجي ابوج
ضحى:اي صار يمه ،،لج سجى كومي لملمي المواعين،
سجى:خدامه،اني هههههه
ضحى:سخيفه
___

ضحى/بعدها مشى الوضع اعتيادي بابا رجع للبيت وتعشينا

حياتنا بسيطه بابا دوم يكولي شوكت تتزوجين،لأن ما يقبل يزوج سجى علمود أصغر مني ، جنت اكله بعد وكت هذا الحجي المعتاد احنه بناتنا بعمر ل15يزوجن اني اتعديت هالعمر،،صرت 18 وسجى هسه بحدود ل15سنه
حياتي اعتياديه،روتين اعتيادي بس بعد مرور اسبوع امي ظهره واجعها فمكدرت تروح للخياطه بيومها العصريه دزتني الي ول سجى لبيت الخياطه،احنه هم بدلنا و طلعنا ،،،
ايد ب ايد و احنه حلوات وصغار وصلنا لبيت الخياطه جانت اكو سياره اجت باتجاهنا دتريد تطبك يمهم حديثه
سجى:دباعي السياره لج اني احلم اركب مثلها
ضحى:ش لج صوتج ،وين طالعين وحدنا اخاف يريد

يخطفنا
سجى:لج هو ماكو احد بيها كاعد
ضحى:شنو غبيه انتي لعد منو ديسوق؟
سجى:صحيح اي والله ،دشوفي هاي شنووو
ضحى:شنو
سجى:لج نزل منها كمر،لج شوفي شلون دينزع نظارته لو البدله الي لابسها شكله مريش وغني ،شعنده جاي لبيت الخياطه
ضحى: ديلا اسكتي والتزمي الهدوء
سجى:اي اش اش شكله جاي يمنا

الشاب:مرحبا،بيت الخياطه
ضحى:اي بيت الخياطه،

بعد ثواني جان تنفتح الباب بنت الخياطه صغيره: اهلا وسهلا خاله
ضحى:امج موجوده

ودخلنا احنه والشاب كعدنا بالصاله ،،،الخياطه طلعت الاغراض

الشاب:تسلمين خاله هاي اتعابج
الخياطه:تدللون سلملنا على ام البيت
الشاب: واصل سلامج بعد شوفي البنات
ضحى:اي خاله عفيه لأن تاخرنا عالبيت
الخياطه:ياصدقه ل هل خلقه وحده احلى من الثانيه انتن بنات ام احمد
ضحى:اي
الخياطه:دشوفهن نور شكد حلوات
نور:صحيح جنها العافيه(يباوع على ضحى)يله خاله الاحد الجاي اجي اخذ الباقي الملابس
ضحى:يله خاله هاي غراضنا خل نروح
ضحى/اخذت الاغراض وطلعت وطول الطريق

سجى تكول:لج شفتي شلون يياوعلج
ضحى:قابل جديده
سجى:ديلا اش اسكتي سيار ه محمد بالباب
ضحى:شجابه
سجى:ندخل ونعرف بعدها

يتبع. ..

#حب_وانتقام
حلقه2
ضحى_رجعنا اني وسجى ودخلنا للبيت لكينا محمد اخونا الوسط جاي كالب خلقته متعارك وي صاحبه اني هم حسيت نفسي فرحانه ومالي خلك اضوج نفسي وااعكر مزاجي
ف اخذت الملابس وصعدت اني وسجى فوك بعد ماسلمنى على محمد ،،،دخلنا وضلينا نقيس الملابس وافكر ب نور ونضراته ونبره صوته وشرد بالي .

سجى:ها يا حلو بيمن تفكر
ضحى:دافكر بالدشداشه
سجى :علينا بالدشداشه،لج انتي من شوكت جنتي تحبين الدشاديش،لو بالنور
ضحى:يا نور
سجى:العلم نور والجهل ضلام
ضحى:هه شبيج
سجى:غشمي نفسج
ضحى:اهوو شبيج

الام:صاحت وينكم بنات

ضحى:ها ولج صاحتنا ماما ارتاحيتي
سجى:هههه ديلا خل ننزل
ضحى:تعالي اخذيهن الهدوم وياج
سجى:وأني شعليهه انتي صعدتيهم وياج ف انتي تنزليهم
ضحى:خبيثه
_

ضحى/ نزلنا يم امي ولكينا محمد طالع
الام:هاي وينكم؟
ضحى:هلا يمه دنبدل ملابسنا،،،
الام:هاي الملابس دجيبيها خل نشوفها
ضحى:يمه اريد احلاهم
الام:لاتصيرين انانيه خل نشوف الخواتج
سجى غمزتلها أضحى وكالتها اسكتي
اخرشي الام مدتها ل ضحى ملابس حلوه
الام:هاعجبتج
ضحى:اي يمه عاشت ايدج___سجى قاطعتها
سجى:لابنه معجبتها بس هيه متحب تكسرلج كلمه
خل تشتري النا قماش ونوديه للخياطه الأحد موجوده
ضحى(فتهمت السالفه تخص الشاب نور) ف كالت:اي يمه عفيه نفس مكالت سجى معجبتني هالكد

الام:يلا بعد بكيفكم اذا رايدين طلعوا اشترو
ضحى:صار يمه
الام:ديلا حضروا اكل ابوكم هسه يجي
ضحى:اي ماما صار
__
ضحى:لج شلون فكره عندج عابت منين جبتيها
سجى:ههههه أفكاري مدمره
ضحى:شراح يصير
سجى:وين دماغج ولج،،لج هذا كله حتى يشوفج نور
ضحى:الاسبوع الجاي راح اروح ،وانتي وبأي
سجى:ماشي اجي
ضحى:ديلا امشي خل نسوي اكل قبل ما يجي ابويه
سجى:امشي
_
ضحى:جنت انتضر هاي الايام بفارغ الصبر واصعب ما في الكون هو الانتظار شيء صعب مينوصف،مرت الايام إجه يوم الاحد الصبح كعدت وطبيت سبحت باوعت للساعه10الصبح
ووكت طلعتي ب4العصر اشوكت يجي هالوقت
مليت انتظر لحد مااجه الوقت اخذت سجى و طلعنا لبيت الخياطه طول الطريق بس افكر راح يشوفني يا ترى راح يتذكرني لو لا ،،،اصلا راح.الكاه جاي لولا
ف بعد ما وصلنا للفرع اني وسجى شفت سيارته اطمئنيت قيل مندك الباب
كتلها:لج سجى
سجى:ها ضحى
ضحى:لبسي مرتب
سجى:اي عيني مرتب
ضحى:يله خل ندخل
سجى:صار

ضحى/من دخلنا سلمنا على الخياطه جان نور كاعد من شافني دخلت وكف
كلت:مرحبا
جاوبني:اهلاوسهلا نورتوا
جاوبته:تسلم

بعدها كعدت ف الخياطه صاحتها ل سجى عود دتريد

تشوف وياها فصال الدشاديش الي تريد تخيطها
اني ونور ضلينا بالصاله سوه
نور:احم
ضحى/عيوني التفتت اله بعدها نزلتها
نور:احم احم
ضحى باوعت على الطاوله لكيت بيها مي كتله:تحب تشرب مي.
نور:اي
ضحى:اتفضل
نور:ممكن سؤال
ضحى:اتفضل
نور:مرتبط
ضحى:مفهمت
نور:مخطوبه،مزوجه،حابه
ضحى:اني ؟
نور:شكلج ممرتبطه
ضحى/ابتسمت
نور:رايج بيه
ضحى/ ضليت صافنه شاجاوب
بهالاثناء إجتي الخياطه هيه وسجى ،وكالتلنا:بعد يومين وتعالوا
سجى:صار خاله ، يلا ضحى خل نرجع قبل الغروب
ضحى:يله مع السلامه،،

وطلعنا بس دمي محترك كتلها ل سجى:ليش اجيتو بسرعه مكدرتي تتاخرين
سجى:ليش شكو وولج
ضحى:لج راد يحجي شي
سجى:شنو راد
ضحى:كلي شنو انتي مرتبطه ،و شنو رايج بيه
سجى:اي اي
ضحى:ردت اجاوبك وانتي اجيتي
سجى:اخاف معجب بيج ولج
ضحى:هذا رايج
سجى:ياويلي على الحب
ضحى:اس اسكتي بيروح احد يسمعج
سجى:ديلا راح نوصل

_يتبع

بارت 3

وصلنا للبيت ضايجه عقلي بس يفكر ردت اعرف شنو راد يتوصل نور بسؤاله الي بس مفهمت الرد دخت بالتفكير

بعدها سجى صعدت للغرفه
سجى:ها شبيج كالبه خلقتج
ضحى:وخري عني لخاطر الله
سجى:لج شبيج يحضي اعصابج اني ادبرها الج
ضحى:يووو
سجى:نروح بعد يومين للخياطه ويجوز هم تلاكيه
ضحى:منو يكول
سجى:الله كريم خل نشوف شيصير
ضحى:دمشي انزلي،، هسه ابويه يحجي
_______________
نزلنا والحياه مشت اعتياديه لمده يومين بس اني كضيتها
كلها قلق وتوتر وحركان اعصاب واجه اليوم الموعود
الي تانقت وطلعت ويه سجى لبيت الخياطه ووصلت اني وسجى بس ملكيت سياره مال نور،،،دخلت للخياطه بخيبه
وأخذنا الملابس كعدت بالصاله واتذكر حجي نور ويايه شكلي نعجبت بعدين صرت اقنع نفسي اشويه شويه
انسى هالوهم الي استوطن حياتي لفتره
رجعت حياتي روتينها اعتيادي شايفين مثل شمعه تضوي بحياتك المظلمه وتختفي فجاءه تجيك مثل السكون
يوم من الأيام جنت نايمه امي اجت لغرفتي
كالت:ضحى جايين خطار الج
ضحى:يمه ماريد
الام:دشوفي منو لج الخياطه وياها شاب حليو
ضحى:صدك يمه
الام:اي شبيج فزيتي
ضحى: شالبس عفيه ،زين شاتصرف وهمه ليش اجوي
الأم:على كيفج،ديلا انزلي

ضحى:لبست شي مستور ومرتب وحجاب ونزلت سلمت على الخياطه واجه نور فرحت حيل وضل كلبي يدك اله ويحبه بغباوه خاصه من حجه ويه ابويه وكال:
نور:حجي اني جاي ويه الخياطه مبدايا وطالبها ل ضحى على سنه الله ورسوله، وحاضر لكل مطالبكم
الاب:والله جيتك ياوليدي عزيزه بس الاهم اهلك يجون وهم نتعرف عليك اكثر Jaymin
نور:ان شاء الله باجر اجيبها وأني
الاب:ان شاء الله
نور:يله اني ارفع الزحمه منكم
بعدها باوع ل ضحى وابتسم
وضحى ردتها اله باابتسامه خجل
_
ضحى/من طلعو الضيوف ضليت واكفه بالمطبخ واسمع بابا يجي ويه امي ويكول:ضحى موافقه لوشنو دخلي اسئلها
الام:اي يله خل.تروح لبيت عدلها حالها حال مروه ومها

ف ا جه ابويه
الاب:ضحى اجوج الناس رايج
ضحى:يا بابه هوه يعني اني
الاب:موافقه
ضحى:ههههههه
الاب:الله يقدم البي خير

ضحى/رحت بست بابا براسه وصعدت لغرفتي كبيره من الفرح
بعدها اشتغلت ونزلت البيت واجه الليل ونمت ،من صار الصبح______________

يتبع

#حب_وانتقام
الحلقه4
من صار الصبح كعدت نشيطه وكلش فرحانه بمناسبه خطوبتي
ضليت انظف وارتب على حسب الأصول،،،
سجى كعدت من النوم:ها ولج شو كاعده،اها هذا كله لخاطر نور
ضحى:اسكتي
سجى:اي حقج راح تعيشين ب بغداد
ضحى:اش اسكتي بابا اجه

ضحى/مشى الوقت وصار العصر،نور اجه هو وامه وأبو والخياطه
كعد بالصاله،،،امي صاحتني حتى اقدم ألعصير
قدمته وردت اروح ف الحياه كالت:ضحى اكعدي يمنا خل نشوفج
الاب:شلون تكعد موميصير
الخياطه:همه موغربه بعد
ضحى امي ابتسمت وكلبي كلت:ان شاء الله
نور:هاحجي هاي اني اجيت وجبت اهلي اظن عديت العيب
الاب:وليدي حشاك من العيب بس احنه رايدين نسأل عنك تره بنتي ضحى غاليه
نور:حجي اخليها بين عيوني ومن حقك تسال
الخياطه:النور شدتحجي يمعود شيسال اصلا انت من زين الرجال لو طالب وحده من بناتي اصلا الفهم بالعباه وانطيها الك
الاب:لا والكتاب واضح من عنوانه خوش زلمه نور
أبو نور:لعد خلونا نتوكل ع الله
اقروا الفاتحة والهلاهل ملت المكان
بس نور جان اله راي ثاني ف كال:حجي ان دابني بيت وبس اكمل بناء نتزوج،ف خلونا نعقد سيد
الاب:يله مومشكله هم ضحى بعدها صغيره
نور:باجر ان شاء الله نعقد سيد وأجيب فلوس المهر والذهب
هسه احنه نترخص
الاب:اهلاوسهلابيكم

ضحى/بابا بارك لي على خطوبتي وهالشي انعلن كدام الاهل
وثاني يوم ا جه نور وقعدنا سيد صرت مرته شرعا قدملي النيشان و فلوس الملابس
صار يجي للبيت
اول مره اجانه سجى تطب وتطلع علينا مناطيتنا مجال نكعد سوه
ثاني مره ا جه هم نفس الحاله امي تجي
ثالث مره ابويه ضل يسولف وياه ،نور اتضايق آخر شيء استاذن من ابويه نروح ب منتزه نكعد سوه
اني هم من طلعت وياه موعدنا بوسط الخضار وشاميه وحلويات ونسولف ف نور لزم ايدي لزمت ايده اني هم
بعدين تقرب راد يلبسني بعدها خطوه عنه
كال:شبيج حبيبتي انتي حلالي
ضحى:مو كدام الناس
نور:ا٠ي لبيتكم الف مره يدخلون لج حتى راح يصير شلل القلب بسببهم
ضحى:ههههههه غير يخافون عليه
نور:شنو الذي قابل لج احبج اني اول ماشفتج مدري شسويتي لكلبي
ضحى:هاي اني حبيبي صرت الك اله شويه
نور:اله شويه شنو لج انتي كلج الي لوحدي
ضحى:نعقد محكمه واصير الك وبعد الزفه اصير الك
نور:بطلي هالحجي لج المفروض نلعب لعب سوه
ضحى:لاتحجي هيج حبيبي اموت عليك
نور:لج انتي حياتي
ضحى:حبيبي حياتي خل نرجع تأخرنا
نور:صار عمري يله خل نتوكل
________________________
ضحى/رجعني للبيت من دخلت للبيت سجى ضلت تلحك ورايه وتكول :ها لك شصار يمه عصافير حب يبوو
ضحى:لك اسكتي شكد احبه احس نفسي بالجنه من يلزم ايدي
سجى:شوكت احس هالاحساس وايلييي
الام اجت:ها ضحى رجعتي وين رحتو؟
ضحى:هلا يمه منتزه رحنا وسوالف غيرنا جوا
الام:اكيد منتزه
ضحى:اي يمه ليش
الام:تعالي ويايه عندي حجي وياج،،،،وانتي سجى خلصي شغل البيت
سجى:لابله
الام:الحجي زايد،،،،ضحى يله
ضحى:يله يمه امشي
____
ضحى من دخلنا للغرفه كلت:ها يمه محتاجه شيء
الام:اي دخلت هنا لأن سجى بعدها بنت ميصير تسمع حجينا
ضحى:اي هم صحيح
الام:طلعتو سوه
ضحى:اي بالمنتزه
الام:اتقربلج
ضحى:يمه يريد ابس اني امنعه
الام:اي عفيه بيج ،بنتي ديربالج هو خوش ولد صحيح بس بعدنا موهلكد نعرفه يعني كوني حذره منه ولاتسلمين اله بليله العرس ،،لأن حقوقج بعدها ممضمونه عقد سيد مو مثل عقد محكمه تفهمني ديربالج تنزلين راس ابوج
ضحى:صار يمه كدها اني

بعدها سمعنا صوت بابا وطلعت كبل سلمت عليه
جان اشوف الموبايل يدك بالجنطه رحت شفته طلع نور هو المتصل
كال:الو حبيبتي
جاوبته:ها حياتي
نور:اشتاقيت الك يا حلو
ضحى:وأني اكثر حب
نور:حبيبتي عازمج اليوم باارقى مطعم على العشه
ضحى:كلبي بس احنه الظهر جنا سوه
نور:حبيبي اليحب كل لحضه يشتاق الحبيبه
ضحى:احبك كلبي لعد خل اكول لبابا
نور:ماشي عمري
____
سديت الاتصال
ضحى:بابا نور عمتي على العشق
الاب:انتي موجنتي طالعه وياه اليوم
الام:ديلا خليهم خطيه
الاب:يلا روحي
ضحى:شكرا يا احلى ام واب
ف بعدها رحت الغرفتي طلعت ملابسي ودخلت سبحت وتعطرت وبدلت،داريد اطلع من باب الغرفه سجى أجت وكالت:ضحى اني احبج ديربالج على نفسج
ضحى:وثول لج رايحه ويه حبيبي مرايحه اموت
سجى:ماشي سلميلي على نور
ضحى:صار
ف بهالاثناء ا جه نور سلم على ابويه وامي و طلعنا المطعم ضلينا ناكل ونتغازل سوه،
بعدين اشو تليفونه دك شافه ومرد
ضحى:نور ليش متجاوب
نور:حبيبتي مو مهم
ضحى:لا حبيبي منو
نور:حياتي هاي امي
ضحى:اي جاوب
نور:حبيبتي ماريد تنقطع كعدتنا
ضحى:عمري مصير هاي هم امك اتصل اخاف محتاجه شيء
نور:اوك
_نور اتصل وخلص اتصاله ذب التليفون وضاج
ضحى:شبيك حبيبي منزعج
نور:امي متخربطه بشقه مالتنا
ضحى:يايمه سلامتها
نور:شوف شصاير ،راحت تنضف الشقه وهيه تعبانه
ضحى:يا وهسه؟
نور:راح اروح اشوفها وراها اوصلج لبيت اهلج
ضحى:حبيبي مو اخاف اتاخر
نور:يلا لعد راح اوديج لاهلج
ضحى:لا

خلص اجي وياك هم اسلم عليها
نور:يلا حبي لعد استعجلي
ضحى/ركبنا سوه بالسياره ، بس حسيته بداخله مثل الفرح
المهم غلست وصلنا الشقه دخلت نور سد الباب قفلها
اني ضليت اصيح، خاله هاي وين صرتي،بس محد يجاوب
اخرشي ردت اطلع من باب الشقه ،لزم ايدي
وكال:حبيبي ليش هيج تردين تروحي وتعوفيني
ضحى:نور انت تعرف شنو سبب جيتي هنا
نور:حبيبتي لج احبج مداتحمل فراكج
ضحى:هذا مو اتفاقتا
نور:لج تعالي اشمج شنو هالعطر الحلوووو اويلييي لج اعشكج حبيبه قلبي
ضحى:انت تحبني
نور:،لج اموت عليج
ضحى:حبيبي بعد الزفه
نور:أيامنا كلها اعراس
ضحى:تحبني
نور:روحي انتي
ضحى/جان يحاجيني وبنفس الوقت يسحبني من ايدي للغرفه
بعدها من خلص الامر باوعت على الساعه كتله:نور تأخرت عن البيت رجعتي
نور:يله حبيبتي دقايق

ضحى:ركبنا بالسياره وختنكت طول الطريق بس ابجي لأن حسيت غلط الصار من اساسه ،بس نور جان يهديني
وصلنا للبيت وكال:يله حبيبتي اموت عليج
ضحى:حياتي متتخلى عني
نور:لج انتي روحي
ضحى دخلت للبيت______________يتبع