💚💭#يسعد_أوقاتكم_بكل_الخير💚💭

💙💭#توقعات_الابراج_ليوم_الجمعه💙💭

#الحمل 💭💙
مهنياً: حاول ان تبتعد عن الضوء وتحدث عن مشاريعك الى من تثق به بعيداً عن أسماع الآخرين، أما في العمل فتحقق نجاحات كبيرة ومذهلة.
عاطفياً: تسير الأمور بينك وبين الشريك كما تشتهيان، وتنتقلان إلى مرحلة جديدة من الثقة المتبادلة والحب الصادق.
صحياً: تتراجع المعنويات والأوضاع الصحية فتشعر بالإحباط نوعاً ما وتتقوقع على ذاتك.

#الثور💭💙
مهنياً: تتمتع بقدرة كبيرة على الإقناع وبأفكار غزيرة، لا تتردّد في الإفصاح عن رأيك أو طرح آرائك.
عاطفياً: تقوى الرومنسية، إعتن بمظهرك وارتد أجمل الثياب، فقد تلتقي الحبيب إذا كنت خالياً، ولا سيما أن الوقت قد حان للارتباط.
صحياً: تبدو الأمور بحاجة ماسّة إلى ممارسة الرياضة بكثافة، بعد ازدياد الوزن كثيراً.

#الجوزاء 💭💙
مهنياً: يؤدي الأصدقاء دوراً في ازدهارك وتنتمي إلى جماعات قوية وداعمة تؤيدك في طروحاتك واقتراحاتك المهنية.
عاطفياً: تنتظرك السعادة مع الحبيب بعد طول صبر وأناة وبعد خلافات مستحكمة، وتعود الأفراح لتسيطر على الأجواء.
صحياً: لا تورّط نفسك في أمور تافهة، وتسبب اضطراباً لوضعك الصحي أنت بغنى عنه اليوم.

#السرطان 💭💙
مهنياً: كن متأنياً جداً هذا اليوم على الصعيد المهني والمادي، إبحث عن سلامتك ولا تغامر في أي مجال.
عاطفياً: تحرر من الضغوط وبرهن عن جرأة وشجاعة أمام الشريك، قد تعرف مغازلة جدية تقودك إلى نهاية سعيدة ومريحة.
صحياً: تكون عبرة لكل من يعاني متاعب صحية يتخلص منها بالإرادة القوية وممارسة الرياضة.

#الاسد 💭💙
مهنياً: تبحث في قضايا تمويلية ومشاريع كبيرة تضمّ بعض الأفرقاء أو الجهات، وتقتحم الساحات وتكون واثقاً بخياراتك.
عاطفياً: تتمالك أعصابك أمام الشريك ولا سيما حين تصدر منه بعض التصرفات الصبيانية، لكنك تستوعب الأمور بسعة صدرك.
صحياً: مهما كثر المشاغل لإبعادك عن الرياضة، حاول إيجاد ولو وقت قليل لممارستها.

#العذراء 💭💙
مهنياً: قد توجّه اليك بعض الأسئلة في اجتماع اليوم تسبب لك الإحراج ولا سيما أنك لا تعلم شيئاً عنها.
عاطفياً: لا تتطرق إلى المواضيع الحساسة والتي تشعر أنها قد تجرح الحبيب وتجعله يشك فيك وتتسبب بإبعاده عنك.
صحياً: تواجه أشخاصاً يثيرون بعض المتاعب من خلال انفعالات ومواجهة صارخة وتظهر المتاعب وتنقلب المقاييس رأساً على عقب.

#الميزان 💭💙
مهنياً: تنحسر متاعب الأيام الأخيرة، وتتحرر من قيد أو رابط، تحت تاثير القمر الجديد من الجوزاء الهوائي الصديق وتواجه العثرات والعقبات بعزيمة أقوى وتتغلب على المنافقين.
عاطفياً: تبدو متحمّساً ومنفتحاً وناجحاً في الوصول إلى هدفك وواثقاً بنفسك، ومطمئناً الى مصيرك مع الشريك.
صحياً: إياك والاكتفاء بالمأكولات التي قد تفقدك قسماً كبيراً من البروتيينات، ما يؤثر سلباً في وضعك الصحي.

#العقرب 💭💙
مهنياً: يوم ملائم جدّاً للتحرّك في عدة اتجاهات وعدم حصر الجهود بأمر أو اثنين لكن لا تراهن على الدّقة أو الخبر اليقين.
عاطفياً: خلاف حول بعض القناعات والاعتبارات مع الشريك، وتتعرّض محاولاتك للعرقلة وتواجه وضعاً شرساً تتغلب عليه بحكمتك.
صحياً: قد تمر بأمور مخيّبة للآمال، وربّما تحمل فوضى وعدم رضى، ما ينعكس سلباً على وضعك الصحي.

#القوس💭💙
مهنياً: قد تعيش تردداً أو تحسم الأوضاع من دون انتظار، ويشير هذا الجو الى إرباكات قد تشوش عليك الأجواء.
عاطفياً: السعادة هي عنوان المرحلة المقبلة، وهذا سيريح الشريك كثيراً، فلا تغامر بعلاقة جديدة تعلم أنها ستكون عابرة.
صحياً: يستحسن تحديد مواعيد وجبات الطعام، فهذا يكون صحياً ومفيداً.

#الجدي 💭💙
مهنياً: مكافأة غير متوقعة في طريقها إليك، تقديراً لجهودك الكبيرة في تنفيذ كل ما يطلب منك بجدية لافتة.
عاطفياً: بعض العقبات تقف بطريقك وتحاول أن تتجاوزها بأقل خسائر ممكنة حفاظاً على العلاقة.
صحياً: الإرادة ضرورية في حالة مثل حالتك تتطلب منك الصبر والأناة لتتخلص من مشكلاتك الصحية.


#الدلو💭💙
مهنياً: لا داعي إلى التذمر والتشاؤم من الوضع المهني، تسير أمورك على أحسن ما يرام مع وجود القمر الجديد في برج الجوزاء الصديق وأنت محظوظ بسبب ذلك.
عاطفياً: تعدّد طلبات الشريك لن يرضي المحيطين بك، فحاول أن توفّق بين الطرفين، فهذا أفضل للجميع.
صحياً: تحاول ما بوسعك للتخلص من الوزن الزائد، وستلقى النتيجة المرجوة في غضون أيام قليلة.

#الحوت 💙💭
مهنياً: تضطر لإعادة تنظيم حياتك أو تجد أن نمطك لا يتلاءم مع نمط الآخرين، فتحاول التأقلم مع ما هو مناسب.
عاطفياً: عليك أن تركز أكثر على مجالك العاطفي فالكثير من المحطات المهمة في طريقها إليك حاملة مفاجآت سارّة.
صحياً: محاولة إيجاد الوقت للقيام بالتمارين الرياضية

.......البارت العشرين........

.....شنوقصدك انت تحبني
....ههههههه
...تعاي دخلي جوة خلي نحجي
....لالا مااريد اريد اروح
وخليت وطلعت من بيته وكلبي يوجعني
وصعدت بالسيارة ويافيصل
وبقيت ساكته حتى فيصل انتبه كلي
...ام يوسف بيج شي
...لالا مابيه شي
بس اريد منك حاجه
...أمريني أمر
...ميأمر عليك ظالم
...اريد اشوف كميل وينه
....مااكدر والله عذريني
...يعني هو بغداد مسافر
...هو سافر ورجع
...ومااجاني
...يجيج بنتي لاتقلقين
....اني مستغربه على برود دمه وعلى تصرفاته
ويايه
....وديني اشوفه اريد احجي وياه
...هسه اني احجي وياه اذا قبل ميخالف
سكتت
...تحجي وياه حتى يجي يحجي ويا مرته
عوفه لعد واتمنى مدكله شي
كتله
....اني محتاجه كم حاجه اشتريها بدربي
....اي بعيني
وكف يم محل ونزلت ويايه اشتريت
كم غرض للبيت
وبعدها رجعت
كمت الهي نفسي واسوي اكل واعيش دور ست البيت الي
ماعدها رجال والي المفروض تعتمد على نفسها
لليل اجى محمد
واني بالحديقه كاعده ويا يوسف
وسمعت
...السلام وعليكم
نداريت شفت محمد
رجعت التافيت
ومارديت اني السلام
ام ياسين كالت
...وعليكم السلام شونك شو ماكو
....والله شويه ملتهي
اجى كعد كدامي وابتسم
ورجع ظهره وانتجه على الكرسي
وجان بعده يبتسم
كال لاام ياسين
....اريد جاي من يدج
....اي تدلل
كامت امً ياسين واني درت وجهي ومااباوع
عليه
كلي
.....شونج بان
....مجاوبته وسويت نفسي مويمه
....بله انتي من كل عقلج تحجين اني اباع على مرت اخويه
درت وجهي عليه
كمل كلامه
انتي منطيتيني مجال احجي. ولافتهمتي اني شنو اقصد
بكلامي بسرعه رحتي
....شتريد ابقى افتهم اكثر من هذا الكلام
....اسمعيني لعد
من كتلج كميل يعتقد انو هو ياخذ كل وحدة اني احبها
قصدي هو يظن هيج
وطبعا هذا بسبب النذل سعد
لان سعد موصل لكميل كلام عن طريق سروان
سروان وسعد من مصلحتهم انو اني اتخارب ويا محمد حتى يضعفون كميل
ميعرفون كميل
بيه وبدوني هو يكمل ويبقى قوي
بس هما نجحو بزعزعتة ثقته بيه
اما الشي الاهم انو اني جنت اريد اوصل كميل
لهاي المرحله
جنت اريده يبقى بدوامه من الشك والقلق
....شنو يعني
....يعني من اول مااجيتي لبغداد وياام ناهز عجبتيني
وشفتج حلوه ومو مثل بنات بغداد مختلفه عنهم
وكل ولد يدور بالبنيه عن شي مختلف
نعجبت بيج بس بطريقه طبيعيه
واني جنت خاطب ناهز
وبدأت الاحداث تمشي وبعدها
زوجتي سعد شفت بيج هوايه شغلات ماشفتها بناهز
انتي تحبين سعد برغم انو هو موخوش انسان وياج
وصابرة ومتحمله وساكته كمت اقارن بينج وبين ناهز
اني اول زواجنا حاولت هوايه اسويلها اشياء وردت اغيرها بس هي ماتغيرت
وماردت تاخذ المشاكل بيننا حيز
اكبر من حجمها لهذا السبب انفصلت عنها وللعلم لحد الان تجي على بالي ناهز
بعض المرات ‏ ‏الدليل سئلتج عنها
قبل فترة من رجعتي لبيت ابوج تذكرين
...اي اذكر وكتلك هي هم سئلت عليك
وبهاي الاثناء
اجتى ام ياسين وكالت هذا الجاي خلت الجاي كدام
محمد
وخلته كدامي وراحت
دخلت جوه اخذ الكوب مال جاي وشرب منه
وبعدها رجعه لمكانه وكلي
....اي نرجع لوين ماوكفنه
...كتله اي
كلي
....المهم بعد طلاكي من ناهز انتي جنتي تعرفين اني وسعد نشتغل ويا كميل بغداد
وبعدها سافرنه للادرن هناك اتقربت منج اكثر
وجنت اشوفج تتألمين وكلبج ينكسر
كام خاطري ينكسر عليج ورجعت أقارن واكول
شوفو هوشلون يعاملها وهي شلون تعمامله
وبديت اريد اساعدج
كمت احتقر سعد لان اشوفه ديستغل ضعفج
ويحاول يجرحج بااي شكل من الاشكال
وكمت احس انو اني مسؤرل عن زواجج بااس شكل
لان
لو مو اني وزواجي من ناهز جان يمكن مااجيتي لبغداد وجان
ماشفتي سعد ولازوجتي ولاعشتي هاي الحياة
جنت دائما اكول هيج لنفسي وألوم نفسي
وبعدها كامت المشاكل تكبر بينكم وسعد
انسان حقير مهمل ميهتم
ميدير بال لااي انسان حتى ابنه
وطول هاي الفترة اني جنت مااعرف بكميل جان يجبج من اول يوم شافج بي ماكلي برغم العلاقه القويه الي تجمعنا
لان هو من زوجتي سعد سكت وماكدر يحجي بعد شي
بس اكتشفت انو كميل بي شي طوال الوكت مشغول وعبالك مكسور بس هو يرفض يحجي شنو بي
ولان اعرف طبعه انو اذا اسئله
مراح يجاوبني لو اموت كدامه
مازال هو ميريد يحجي
فسكتت
بس كامت اكو امور تثبت حب كميل الج
مثلا بيوم الي جنت ابيتكم اذا تذكرين
وسعد كام يحجي عليج كدامي وكدام كميل وراد يضربج
شفت كميل ثار وحجى على سعد ومن بعدها كام ميتقبله سعد
وبعدها باايام سعد راح وايضا

استغربت من تصرف كميل والي هو جان مايقبل يشوفج
بس جان طول الوكت يكلي روح شوف بان شنو محتاجه
وكل شويه يخابرني ويكلي رحت شفتهم بيهم شي

هنا عرفت انو كميل يحبج بس ميحجي
والشي الثاني اني جنت
بالبدايه اتصرف وياج كلش طبيعي وكتلج احنا اهلج واخوتج وانتي ايضا دائما جنتي دكولين انتو مثل اهلي
ويمكن بعد ماسعد راح ردت احميج اكثر
لان جنتي وحدج وبمكان غريبه عنه وياج طفل
و
اكذب لو اكلج مارغبت بوحدة مثلج

ويمكن اذا اسئل نفسي ليش
يمكن اكول حبيت الضعف الي تملكي يمكن حبيت شي محدد بشخصيتج حبيت طيبتج وياالكل
بس ماحبيتج كأامراة
لان مستحيل ادخل يدي بصدر كميل
واطلع كلبه
وارد واكلج اي صح اني تقربت منج بس موبالطريقه الي انتو فهمتوها
تقربت منج لان جان يجذبني الج وليوسف موحب صداقه شفت بيج صديقه
ترتاح من تحجي ويايه واني وياها اكون بلاقيود
واحجي براحتي
جنتي طول الوكت ادكولين الحمدلله انت موجود بحياتي
ولو انت موموجود شنو جان سويت
جنتي تحسسيني بااهتمام
وتحسسني انو اني وجودي ‏ الى قيمه
بس بعدها عرفت كميل يحبج فوك المعقول
وبرغم هذا الحب ميعرف يصرف وياج
كميل لوبيده يسجنج بي
انتي غيابج يلعب بأحواله
بس مشكلته ميعرف يعبر الا بطريقته
وجان اغلب الاحيان يجرحج
وكمت احس بكميل كام يتنحس من وجودي
برغم ثقته بيه
وبهاي الفترة بالذات كمت اشوف الدنيا
شكد دتقسي عليج
فتقربت منج
لسببين
اًولهم لان اني موحبيبج ولااخوج فراح تحجين الي تريدي براحتج
لان الحبيب راح تخافين على مشاعرة والاخ راح تنحرجين منه
والسبب الثاني حتى العب بااعصاب كميل
واحسسه انج اذا هو أذاج وتركج اكو غيره
من يحبج
وممكن يسوي اي شي لخاطرج
وهذا الي ردت اوصله لكميل وفعلا نجحت
بلي ردت اسوي لان كميل عاش بدوامه
بين ماهو متأكد انو اني مااسوي هيج شي
وبين انو اني ممكن اباع على مرته
وانو اسوي معادله قديمه
والي هي
((كميل اخذ الي احبها من زمان وسعد اخذ الي يحبها
كميل ومحمد راح ياخذ الي تحب كميل ))
.....اوف شنو هاي
...ههههه شفتي معادله لان
احنا ماعشنا حياة طبيعيه مثل الشباب الي يفتروين على البنات
والي يصادقون طالبات مدرسه
والي يسهرون بملهى ليلي حتى
ديسوي علاقه وياوحده رخيصه
احنا عشنه حياه مختلفه وكميل ميفكر بشي اعتيادي
لازم كل موضوع يخليله وجوه هوايه ويفسره مثل ماهو يشوفه
...زين ليش هو راح وهو يعرف بيه احبه
.....كميل مياخذ كلام احد على محمل الجد دائما
يشك بكلام الي كدامه
واذا تريدين تعرفين شلون كميل ميصدك بيج
من توكفين كدامه وتحجين وياه. شي كذب او هو مااقتنع بي راح يبقى يباوع عليج
بدون مايرمش او تشوفي يصغر عيونه وبعدها مايحجي شي
معناته هو ماصدك ومعناتها ورا هاي االحركه
عاصفه
...ههههه حافظ كل حركاته
....كلشي يسوي كميل اعرفه شايفه هيج علاقه بين اصدقاء او اقارب
....صراحه لا ماشفت ولاسمعت
ابتسم
...زين هو ليش راح ليش مواجهني
....كميل انطاج فرصه تختارين لان يعرف
انتي هوايه تأذيتي واتصور قربي منج ولد عاطفه
بداخلج
وكوني على يقين كميل لمن راح يرجع
راح يسئلج او راح ينتظر ردت فعل منج
ومن بعدها راح يقرر
....شيسوي
...اذا كلتيله اريد انفصل عنك معناته انتي اختاريتي غيره
راح ينسحب بس اذا كلتيله اني اريدك الك واحبك
الدنيا راح تصغر وراح يشوفها مراح تسعني اني وياه
وهذا الي خايف منه
...صدك تحجي
...اي والله
...يعني تصير كارثه هيج زين ليش لعد خليت نفسك بهاي المشكله من البدايه
...الرجال ميعرف نفسه يحب من صدك الا لمن يغار على الي يحبها
ويشتعل كلبه نار وحتى يعرف الحب موسلعه
الحب امتلاك اني سويتله خدمه راح يشكرني عليها
طول عمره
.... مداقتنع بكلامك صراحه لان جانت هوايه اشياء
تثبت عكس الي دكوله
حتى اليوم من اجيت لبيتك شفتك مختلف
....لا مومختلف بس انتي يمكن مافهمتيني
سكتت وحسيت اكو شي بداخله مختلف عن الي ديكوله
ماادري هيج شعرت اتمنى يكون احساسي غلط
...شنو الي راح اسوي وياكميل
....الي لازم يصير
...شنو
....انتي تحبين كميل وحامل وكميل يحبج شنو الي لازم يصير غير انكم تعيشون سوا
...زين انت
....اني شنو
...شنو موقفك شراح دكول لكميل
.....اني احجي وياه
....يعني كميل يعتقد بانو هو ياخذ منك اي وحدة تحبها
زين هو اكيد يعرفك مثل ماانت تعرفه كلش زين ليش مديفهم انو تفكيره غلط
.....لان هو يريد يفهم الي يفهمه
..اني مااريدك تبعد عن كميل لان كميل يحبك
.....واني هم احبه ومااكدر ابعد عنه ولااكدر اشتغل اذا مو وياه
بس اريد منج شي
....شنو
...لمن يرجع كميل لدكوليله شي ابد وخلي يفكر ويخلي يباوع بعيونج بلكي يلكي منج رد فعل
....ليش هيجً اسوي وازرع الشك بكلبه
.....انتي مدزرعين الشك انتي دزرعين نفسج بي
...ماادري
.....انتي اختي وصديقتي مواكثر استوعبي هذا الشي وخلي بالج
وبكميل وبدونه اني وياج واساعدج
زين
ابتسمت اله وكتله
....اعرف لهذا السبب حز بنفسي من كام كميل يلمحلي عليك
كلش ضجت لان مافديوم بدر منك شي واحد غلط
....ولاراح تشوفين مني شي غلط
..... زين هو راح يرجع كميل
.... اكيد لان كميل هوايه يحبج
....مااتصىور
...اذن انتي بعدج ماعرفتي زين
كميل محب من قبل جان يسوي علاقات بس ولا مرة شفته خايف على وحدة وقلق عليها ولامرة شفته يباوع على وحدة مثل ميباوع عليج
كميل عاش والنسوان داير مدايرة
والي يريدها جانت تجي لحد عندة لان جان عندة كل المغريات الي تحبها النسوان
الفلوس الشكل الشخصيه

فجان سهل جدا يسوي علاقه ويا وحده
.... زين ليش مرة كلتلي كميل يحب خطيبته الي باكت فلوسه وكتلي يدور عليها
....لان انتي جنتي بعدج تحبين سعد مجان يرهم اكلج كميل يحبج
.....تعرف كميل ولامره كلي احبج
....ههههه اي هذا هو كميل
....يخوفني احسه على غفله يتركني ويروح لان دائما يبتعد
.....ميروح اذا كمشتي كلبه قوي
....مااعرف شلون راح تنتهي وياه وشلون راح اخلص
من كل هذا العذاب الي عايشته
وصراحه يامحمد نوبات من يطلع كميل كلبي ينقبض
واخاف يصير بي شي
احس الساعات الي هو ماموجود بيها صعب تمشي
....احنا كلنا عايشين هيج شايلين جفنه بيدنا ونمشي وماعدنا غير ستر الله
وحمايته النا
وكله بيد ربج هو اليرزق وهو الي ينطينه الروح وهو الي يموتنا
.....ليش منسافر ونبتعد عن كلشي شنو الي منتظري
....كميل ميحب السفر
....اعرف كلي اختنك من اطلع من العراق
....اني اضوج من السفر بس من اضطر خلص
أعود نفسي بس كميل صعب يتعود
....اوف ياكميل محد يفهم شيريد ولاشون يفكر
متعب هذا الانسان والحياه ويا مغامرة صعبه
...ضحك
وكام وكف وكال
...راح اروح هسه وحاولي تخابرين كميل وتحجين وياه
ومن يجي كميل اجي اتعشه يمكم عود
....هلابيك هذا بيتك
....تسلمين مع السلامه
.....الله وياك
راح محمد وبقيت كاعدة ونتبهت انو اني ماشربت الجاي
وصار بارد
شلت الكوب مالي وكوب محمد ودخلتهتن للمطبخ وبقيت كاعدة ويا يوسف وام ياسين
وطلعت على فيصل للحديقه وصحته وجان كاعد يم الحرس
اجاني بسرعه وكلي
....هاام يوسف رايدة شي
...اريدك تخابرلي كميل واريدك تشتريلي تلفون هم
...اي تدللين
...دخابر هسه كميل
...اي
طلعت تلفونه وبقى حاط التلفون على اذانه
ولمن نفتح الخط انطاني التلفون
سمعت صوت كميل يكول
....هافيصل
.....اني بدريه
سكت وماحجى كتله
...الو انت ويايه
...وياج اكو شي
....لا بس اشتاقيتلك وينك شوكت ترجع
...عندي شغل
سمعت صوت بنيه يمه
..... هاي شنو الصوت انت وين
....شتريدين
....هاي عايفني وكاعد تتونس ويا النسوان
....ياصخام اني بالمطعم
....اي ومطلع وحده وياك
كلي
...دقيقه خلي اطلع بره واخابرج
وسد التلفون
وباوعت فيصل راح هناك يم الحرس
دك التلفوت وفتحته
كتله
....الوووو
....الوووواي احجي
....شوكت ترجع
...ماادري
....لعد منو يدري
...اكو شي ضروري
....اي اكو
...شنو
....اني واني وحدي وتعبت ومليت واني انتظرتك
....وبعد
.....شلون اخطفك بخيالي يعني
...شنو
....بكيفك كميل ردت بس اطمن عليك
لان كلبي يوجعني من انت مو يمي وانت قاسي وميهمك
بان شبيها ميهمك بان تنقهر تبجي تضحك تتمرض
...اني ميهمني
......اي انت ميهمك
.....شبيج اليوم
....ضايجه
....هاي الحمل مأثر عليج روحي ارتاحي
.....هذا جوابك وقلقك عليه هذا اهتمامك
ليش كل مره ادكلي اجيج وانت متجي
اريدج وانت تبتعد عني
انت ليش تفاركني وانت تعرف الاحساس شلون يصير
ليش دتخلي الليل بدون يكويني
....تريدني اجيج
....لا
....اوف لعد شنو
...الحاجه الي ماتجي من داخل قلبنه ماتراد
....براحتج
....دربالك على نفسك كميل
....بان ارتاحي شويه
....اني مداكدر ارتاح لان اني بيك مخدرة وعواطفي ميته
....ليش دتحركين كلبي بهذا حجيج
.....كميل مااكدر اتركك انت احساسي وانت تعرف شوفتك مثل العيد عندي
كلي
....مع السلامه بان
وسد التلفون
تمشيت واني عبارة عن كتله من الحزن ومن الاهمال ومن برود
برغم كلام محمد الي كاله الي وبرغم كلي كميل يحبج
بس همين مامرتاحه ومافرحانه
وصلت قريب من الحرس واجاني فيصل وكال
....هاام يوسف حجيتي ويا كميل
...اي هاك التلفون واشكرك
وباوعت الحرس وانكسر كلبي عليهم
كتلهم
...تريدون عشة
باوعو على فيصل
كلي
....لا هسه هما يشترون من برن
باوعتهم
وكتلهم
....هسه اسويلكم عشه
دخلت جوة وكمت اسويلهم عشه وخلصتته وطلعته برة خليته على الميز البرة
وصحتهم
اجوي كعدو وكالولي
... ‏رحم الله والديج
...والديك
دخلت جوة وصعدت لغرفتي غسلت وبدلت
ولمن تمددت على الجربايه
خليت يدي على بطني وضحكت وكلت
هذا شلون راح يطلع شكله او شكلها اكيد اذا ولد يطلع يشبه كميل حلومثله
وعيونه مثل عيون كميل وشعره مثله وبقيت افكر وبعدها
نمت من وكت وحسيت على صوت طكطكه بالغرفه
فتحت عيني وشفت كميل دينزع هدومه
كمت كعدت بسرعه ورحت عليه وحضنته
ماحسيت هو حضني شفت يده مجانت كامشتني
كتله
....كميل
....ها
رحت فتحت الضوه ورجعت كعدت على الجربايه وباوعت على الساعه كتله
....ساعه بلاربعه هسه يله اجيت وين جنت معقوله بالمطعم وهذا يامطعم لهيج وقت
....مجاوبني
وكلي
....شلونج
.....موزينه
...ليش
....لان انت ماكو
....شراح اغير اذا موجود
...كلشي تغير كميل
......فكرتي زين
....بشنو
....بلي حجيته قبل مااروح
اذكرت كلام محمد وماعرفت شسوي
امشي ورا كلام محمد ولالا بس اخاف اخسر كميل
بقيت ساكته وبعدها كتله
...اني نعسانه راح انام تصبح على خير
طلعت من الغرفه
ورحت لغرفه يوسف وتمددت
بصف يوسف و

بقيت اباع على السكف مال غرفه
وماسمعت صوت ومانمت بعد لحد ماطلعت الشمس
كمت باوعت من شباك الغرفه شفت كميل
يفتر بالحديقه ويحجي بالتلفون
رحت لغرفتي
لبست ملابس مرتبه وشلت شعري مثل قبل
اعرف كميل يتخبل من اشيل هيجي شعري
وكعدت ام ياسين ونزلت جوة
ودخلت للمطبخ اسوي ريوك
اجى كميل دخل وباوعلي بس ماحجى ويايه
راح كعد وبقى يباوع بس ميحجي ابد
ونزلت ام ياسين وسلمت على كميل
واجتي كامت تساعدني
ام ياسين
كالتلي
....دفتحي عبد الحليم شكد احب اسمعه من الصبح
...اي
فتحت عبدالحليم وجانت اغنيه بلاش عتاب
بقى صافن
بقيت ادندن ويا الاغنيه
واجيت وكفت كدامه وخليت الاكل على الميز
وكمش يدي وجر القراصه الي بشعري
وشعري نفتح وجان يعوف يدي
وكام ياكل على كيفه وبدون صوت
وكعدت كدامه اني ماجنت اشتهي اكل لان اني جنت شبعانه بالقهر
بس كعدت اكلت شويه
.....كتله
.... سمعته شون حلو يكول يكول انطيتك احلى ما بالدنيا هو حبي وامنتك على راحه بالي وفرحه قلبي
.....اي داسمع مواطرش
....عبالي متسمع
ام ياسين حست الاجواء متكهربه
كالت راح اطلع ريوك للحرس ولفيصل وراحت
بقيت صافنه عليه
وسكوته خبلني ونظراته بيها الف سؤال
بس ماسئل ولاسأل شي
كتله
.... اذا جيتك للبيت هيج فلا تجي احسن
مجاوبني رديت كتله
كميل والله العظيم هاي المرة اذا رحت بعد ماارجع
لان هالمرة اني داشوف وجودي مابي منفعه
فمستبيعه هاي المره
ليش ابقى الواحد يوم يصعدني لسابع سما
وينزلني لسابع كاع
مجاوبني وبقى يشرب الجاي مالته
..مراح اجاوبني كميل. موً ليش هيج اني عبالي حياتي اتحملها علمودك
عبالي انسند عليك
بس طلعت غلطانه
خلص الجاي مالته وكام وكف وتمشى
وكف كدام المرايا الي بالممر
ولبس سترته وعدل شعرة
وطلع
خليت يدي على راسي
وماعرفت شسوي انو شنو الي راح اكدر اسوي
وماعندي احد احجيله عن الي بيه
اجتي ام ياسين كالتلي
....شكو شبيج بنتي
ماتحملت بعد طفرت الدمعه من عيني
وسولفتلها. كالت
....معقوله كميل هيج يتصرف
...اي معقوله وهسه اني مااعرف شسوي كوليلي
......جربي لتهتمين اله هو ديشوفج دترضين دائما وتسامحي
خليج بحالج ونامي بغرفه ابنج ولتحجين وياه
خلي يعرف قيمتج بس انتي كدامه لحد مايعرف ان الله حق
....كون اروح منا واعوف الدنيا تضرب تكلب
...وين تروحين انتي وهذا ابنج وحامل والناس راح تنهش بلحمجً
انتي هنا كلشي متوفرلج ارضي بهدا الشي وكافي
.....بس اني احبه
....والي ميقدر حبنه شلون شنسويله ولو اني متأكدة هو هم يحبج بس اكيد اكو شي براسه
....شوكت يبطل هاي سوالفه
....هم شفتي غيم يوكع
....وهذا الغيم لشوكت اتحمل ظلامه
...لحد ماتنجلي الدنيا وتبطل تحجب الرؤيا عن كلشي وكلشي يصير واضح
....اني مرته ويمه يعني مابينه عوائق يعني المسأله كلش بسيطه هسه بس يجي ويكلي سوي هيج ولسوين هيج راح اقبل وارضى وراح يروح الزعل بس هو ديكبر بيننا المسأله
......يابنتي اكو شغلات بقلب الرجال صعب تتغير من تتغير راح تهتز الدنيا بعينه
وكلشي يتغير راح ياخذ السكوت حل لكلشي يشعر بي
الرجال الي من صدك يكون عكس المرأة
تشوفي ساكت ومايحجي
عن الي يضوجه وعن الي يزعجه واذا اجى حاسبج ولاعاتبج راح يكون عتابه وحسابه ثكيل
مثله
....والمراة من تجي تحاسبً الرجال لعد
...اوف من المراة بعد تفتح حلكها ماتسده تروح وتجي وذب حجايه
تروح وتجي وذب كلمه اكبر منها
لحد ماتتعدى حدودها وتنطي مجال للرجال يجاوز عليها
....اي لعد من المراة رجلها مايحترمها ويأذيها شسوي
....لو تسكت وتحسسه بغلطه وتحافظ على كرامتها لو راح تفكر وتعرف نفسها وصلت لمرحله بعد متكدر تكمل وياه وبهاي الحاله تطلع من بيته
وتهدم الجسر الي جان رابطهم
كتلها
...والله كلامج درر بس شلون بيه مااكدر اذا ماااحجي
....جربي اسكتين
....اني اريد افتهمً ليش المشاعر تخلي الواحد ميشوف زين
ويكوم يخبط بنفسه
ويفتر بدايره
وبقيت كاعدة وام ياسين كالت. راح اروح اسوك ويافيصل
كتلها روحي
طلعت
وبقى يوسف يلعب بالحديقه الجوه
ورا نص ساعه
سمعت الباب تندك
كلت ام ياسين عدها المفتاح ليش متفتح
رحت للباب فتحتها وجان اشوف سعد
كلبي كام يدك عالسريع ويدي كامت ترجف
جان ضعفان كلش بحيث باقي جلد على عظم وشعره كاصه خفيف كلش
....بدريه
....اطلع برة
راد يدخل جوة دفعته
وطلعت للحديقه وركضت على الحرس وكتلهم
خابرو
...كميل
وطلع التلفون واحد من عدهم وكام يخابر
كمت اصيح واكله كله سعد
وهو يتمشى على كيفه ويضحك
كلي
....وين ابني لعد
...روح منا اذا اجى كميل يطيح حظك
...هو اني اريده يجي ويشوفني شلون. راح اكمشج
....دربالك اموتك يانذل شلون فتت هنا
...هذوله الاغبياء فوتوني
وأشر على الحرس
واجى واحد من الحرس وكمشه كله
...انت موكلت اني اخو محمد
صحت بيهمً
كتله
...شلون دخله هذا سعد
...والله مانعرف شكله ماشايفي احنا جديدين
....طلعه
كام يصيح
...مااطلع اريد اشوف ابني وكف
بمكانه بقيت واكفه اباعه ومااادري ليش ش