حبي هذيني تبيضات مؤقتة..وبكثرة استعمال مثل برغ وكنزة وغيرهن..يسوي تصبغات حسب البشرة☹️

اذا تريدين فد مبيض استعملي كريم سودو..تلكو بالصيدليه..وبي احجام اخذو حسب الحجم اللي تريدو

هالكريم شنو فائدته؛؛ 🌚يستعمل اذا صارت عندج فد تحسس او كرصة من حشرة او حرق من درجه اولى
واللي عنده طفل ويتحسس من الحفاظات او يصير برجله احمرار..فتخلين هالكريم كولش زين..

وبنفس الوكت يبيض😇..يعني هم تبيضه مؤقت..اذا عندج مناسبة تكدرين تستعملي عل جسمج وتوزعي ..
ولاتخلين عل وجهج..لانو اكو ميوالم بشرتهم او يزيت او يطلع حبوب ناعمه

حطي بس عل جسمج وعل وجهج حطي فاندوشين☺️

#ملوكه

وهاي شكله اسمه كريم سودو

طبعا اختي يوميا تخلي عل وجها
بس اني من خليت عل وجهي موالمني وطلعت حبوب..فهو مثل ماكتلكم حسب البشرة
. بس لمن اخلي عل جسمي طبيعي وماياثر☺️

#ملوكه

يعمري😍🌸

بالنسبة للبسامير والروس سود..هذيني يرحن بماسك بياض الابيض
بالاسبوع فد مرتين استعملي..ولاتنسين بالاسبوع مرة قشري🌚

وللحبوب تكدرين تستعملين لو ماسك الشوفان
او ماسك الكركم..اثنينهن زين للحبوب✨

#ملوكه

ههه..نيالكم 😅🙈هاي كلها معزومه عل العقد..

حبي ماسك بياض البيض..استعملي بالاسبوع مرتين

واذا تريدين مال يوميا..استعملي ماسك التمن..يبيض البشره وتكدرين تخلي عل رقبة والجسم
او استعملي ماسك الحليب....فاثنينهن يفتح البشرة☺️

#ملوكه

عادي عادي حبي..اكثريه هج دكول هاي اخير قصه اشوفها ..وبعد كم يوم الكاها خاتمه فد 4 قصص😂💔 مو بايدينا

وتدللين عمري✨

#ملوكه

حياتي شكرا😍💕 على هالدعوة الحلوة

وان شاء الله مااقصر 🎀وياكم

#ملوكه

يعمري💜

اووف..صح كلامج بهالوكت☹️ نادر نلكه الشخص الزين واللي يداري مرته ومايخليها تزعل
بس مع ذلك خليج قويه..صح مرات الرجال يصير راسه يابس وميتفاهم..جاوبي وفهمي بموقفج..واذا شفتي ماافتهم غلسي وصيري باردة..
عود بذاك الوكت يفتهم ويحس عل روحه

هم الزلم اكثريتها هج..لمن تشوفيهم يعاندون ويمشون كلامهم حتلو غلط. ..بالمقابل احنا نغلس ونتجاهل....وبعدين يتعبون ويجرون عدل🙂

#ملوكه

حبي ماسك الفحم..اني مجربته مو هلكت زين.
بس اذا اكو رووس ابيض يشيليهن ام رووس سود ..نفسهن يبقى

فمن جربت ماسك بياض البيض..حته رووس سود كلهن يزيليهن☺️


#ملوكه

🌟🌿أخطاء تقع عند العناية بالبشرة🌿🌟



-أول خطأ انك ماتعرفين نوع بشرتك وتستخدمين لها كريمات أو ماسكات ما تناسبها

😓 -ثاني شيء انك تكثري من التقشير سواء كان طبيعي أو كميائي

⚡️ -ثالث شيء انك تعملين تقشير وتضعين ماسك لبشرتك وبعده فوراً تحطي مكياج، هذا أكبر غلط أفضل شيء تعملين التقشير والماسك بالليل قبل النوم حتى بشرتك تكون مرتاحة وفي نفس الوقت تتنفس 💆🏻


-رابع شيء النوم بدون غسل المكياج أي وحدة تعمل كذا تعرف ان راح تطلع لها حبوب أو المسام يتوسع لدرجة ان يصير في وجهها حفر ماتتغطى بالمكياج أبد

😖 -خامس شيء انك تهتمين ببشرتك من الخارج وتهملين التغذية الصحية، إذا كانت تغذيتك سيئة ماراح تشوفين نضارة البشرة، وعلى العكس الأكل الصحي
ينعكس إيجاباً على بشرتك 🍉

#اعادة_توجيه_للفائدة
#ملوكه

اكيد كلكم يعرفون🤔✨ شنو هاي،،
هاي مثل فلر منزلي علمود تكبير الشفة
واكو يجربوها بقبق بطل الماي

فهالشي ابتعدو عنه تماما يأذي شفة ويشككها او يحبس دم ويزركها😑

#اعادة_توجيه_للفائدة
#ملوكه

فلاتغركم هذيج الصورة..لأن بالحقيقة هج تصير😕🙄

هذيج صورة فوتوشوب وحمرة 😮فخافين كل العيوب
وبالواقع من تسوون ..يصير النفخ مو حلو ومامتناسق وبنفس الوقت يصير زراك💔

#اعادة_توجيه_للفائدة
#ملوكه

يي مو تدللين عل القصص الجاية
انشر فد قصة..كريمين بالرومانسيه☺️ .هههه

حبي..الشفة تضل نفسها اذا ماتسويلها شي😕
واذا تلمين شفة كتعويد..يعني من كاعده وساكتة تسدين شفة بشكل اصغر
فيوم بعد يوم..الشفة تتعود عل هالحجم وتصغر🌚

بس مال تكبر من وحدها وتمتلئ..ماتصير اله لخلل معين بالجسم

فاذاةحسيتها قويه وتوجعج..كون تراجعين دكتور👍

#ملوكه

حبي تكدرين تخفيفنه بماي او ماي ورد🌸

#ملوكه