#مشاركه
عندي تصبغات حول فمي شلون احلها؟

#حل
حبيبتي هاي تصبغات بيها نوعين:

★مرات تكون من خربطات هرمونية بالجسم..فتطلع كسواد او احمر يم الفم
وهاي تكون مؤقتة..يعني تجي وتروح حسب هرمونات الجسم
★ومرات تكون من جفاف البشرة وكثرة افراز صبغة الميلانين

فسوي خلطه الخيار ولبن الزبادي..ماكول هاي الخلطه تخفي سواد نهاىي...بس تقلل وتخفف من تصبغات❤️ خاصة الخيار اله اكثر من فائدة

خلي الخلطة عل بشرتج فد 15_20 دقيقة واغسلي
واستمري عل هالشي كل يومين..ورح تشوفين فرق ببشرتج☺️🌸

#مشاركه
عندي مشكله بكريم الأساس من احطه على بشرتي يتقشر ويتكتل شنو اكدر اسوي

#حل
اول شي عيوني..🤓كون بالأسبوع مرة تسوين تقشير للبشرة....ورح اعلمكم طرق تقشير لو بمواد طبيعية او بالغسول اللي عندج وي جهاز فوريو

وثاني شي.. قبل ماتخلين اي كريم
لازم ضروررري البشرة تترطب..
لو بأي مرطب عندج..مثل مرطب جونسون او برايمر..فبهج حالة فاندوشين يتوزع وبكل سهولة😍

#مشاركه
عندي مشكله بشعري طويل كلش لكن خفيف من المقدمه اريد وصفه اله

#مشاركه
و شعري يساقط

أكثر بنات يعانون من مشكلة تساقط😣
والسبب لو وراثي ..لو نقص بفيتامينات

فاحسن شي تستخدمونه هو🤓 البصل
ومن فوائده ينشط الدورة الدموية بداخل فروة الراس فيقوي الجذور ويقلل من تساقط بشكل نهائي😍

✨فشتسوين..جيبي بصلايه وفوريها..اهواي
لمن بصلايه تموع
حاولي من تفورين بصل بالماي..خل يفور لوقت اهواي لمن تنهرس بصلايه
وخلي بسبري ورشي عل شعرج وخاصة فروة راس ودلكي💆‍♀💆‍♀

..فد 3ساعات ووراها غسلي
واذا ضلت ريحة بصل..ورة ماغسلتي بالشامبو وكملتي.😇وشعرج بعده رطب
جيبي قهوة ودلكي عل فروة راس وكل شعرج..لانو القهوة تسحب كل ريحة البصل...ووراها غسلي

وهاي الطريقة سووها مرتين بالأسبوع..ورح تشوفن فرق😍

#مشاركة
شعر الحاجب كثيف وطويل شسوي ڵـهٍ ☹️💔

#حل
هههه..هالشي كلش حلو 😍وخاصة نازل موديل هالفترة الحاجب كلما ثخن كلما احلى 💜وحته مستقبلا من تريدين تحفي...اكثر من موديل تكدرين تحفين بي 🙂

#مشاركه
سلام عليكم عيوني اريد نصيحه للوجه الجاف من حيث تشقيره وافضل كريم وجه مناسب له
واريد تسمين لوجه

#حل
وعليكم السلام
عمري طريقة تقشير اذا ماعندج غسول ومقشرات
رح انزلكم طريقه تقشير بالمواد طبيعية❤️

ومن ناحية الكريم..حسب بشرتج اذا بشرتج دهنية فاستعملي لوريال
واذا بشرتج مختلطة استعملي فيت مي☺️
وطريقة تسمين الوجه...همين رح انزلكم اكثر من طريقه🌸

#مشاركه
السلام عليكم
عندي مشاكل بشرتي حبوب ناعم بوجهي كوله

#حل
حبوب ناعمة..هاي عند الاكثرية تطلع عندهم بالوجه..وهالشي كلش طبيعي

اما يكون من الجفاف او التفكير والقلق او من الاكل والحرارة

فاستعملي خلطة الخيار والزبادي🌸

وسوي مكعبات ثلج من ماي الورد..ويوميا مرري عل وجهج..هالطريقه
اول شي رح تسد مسامات ورح تخفف تهيج البشرة

★بس اضافة عل بنية اللي بشرتها جافة

فبالاول اتاكدي من بشرتج..اذا بشرتج..مابي اي افرازات دهنية ..لايم الانف ولابالحنج او الكصة..فبشرتج جافة🌸

واكو مجموعه من الكريمات عل هالبشرة
رح ادزلج عليهن صورة

#مشاركه
مرحبا حبيبتي اني بشرتي كلش دهنية بالصيح تصير اكثر والحبوب هم شنو استخدم الهم

#حل
مراحب عمري..
شي طبيعي اول ماتكعدين من النوم..تكون البشرة مليانة بالدهون😅..لانو خلال النوم..الوجه يفرز افرازات دهنيه
فحاولي قبل ماتنامين.غسلي وجهج بالصابون ونظفي من اي مكياج ..اذا جنتي خالة مكياج🌸

وقبل ماتنامين سوي طريقة مال مكعبات ثلج من ماي الورد..رح يسد المسامات
واول ماتكعدين هم نفس حالة غسلي وجهج بااصابون مرة
وامسحي فد مكعب من ثلج عل وجهج
فبهالطريقه تقللين افرازات دهنية وتقللين من حبوب ناعمه🙂💜

#مشاركه
بـَسہ نزلي القصه حبابه 😂💔💔

#رد
ههه..دللي عيوني
بس تخلص الفقرة ..رح اكمل القصة☺️🌺

#مشاركه
عندي مشكله قشرا بكتافه شنو الحل

#حل
قشرة بكتافه!؛ يعني الكتف ديتقشر
لو الشعر.؟ مافهمت القصد😕

.بس بشكل العام المعروف..انو الشعر اللي يصير بيه القشره

فكون ضروري تستعملون شامبو خاص بس للقشرة

واكو مواد طبيعية هم توخر القشره وتقلل منها
صفار البيض..لو عصير الليمون لو زيوت بشكل عام
هذيني مواد اي واحد منهم تختارون
وتحطونهن عل الشعر ..كون بتدليك كل فروة الراس واطراف الشعر..

وتظلون 5_6 ساعات..ووراها تغسلون بشامبو خاص للقشره🤓

#مشاركه
حبي اني وزني طبيعي..لاضعيفة ولاسمينة
يعني رشيقة..بس اخاف بهالرمضان اسمن..وخاصة وكت الفطور...اكل كلشي بالسفرة😂.
فاريد احافظ عل جسمي.اشون،،☹️

#حل
هههه..انتي نفس حالتي رشيقة وبنفس الوكت اريد احافظ عل جسمي

حاولي..بعد ساعتين من فطور🙂..
تلعبين رياضية حته بهج حالة ميتخزن اي دهون بجسمج ونفس الوكت تشدين عضلات الجسم
واحسن شي تلعبين.حبل او تسوين تمارين الكارديو

#مشاركه
عندي رؤؤس سوداء ونمش بخشمي شنو الحل لان ماخليت شي مااستخدمت وماراح وبدأ يكثر واكو قليل ع خدي

#حل
عمري النمش لاتشوفينه سلبي..وخلي ثقتج بنفسج❤️
بالعكس هاي وحده من علامات🙈🌺 الجمال.

حته باغلب مكياج.. اكو بيهن بقلم اسود يسوون نقاط للنمش لانو شي مرغوب

واذا عل رووس سود..اني مجربة اهواي طرق
وشفت احسن طريقة ..وتخفف منهن
هو بياض البيض
نزلت طريقته بارحه..فسوي نفس خطوات ورح تشوفين الفرق😍

..👆وهاي الطريقة حبي

#مشاركه
شكرا كلبي

#رد
دللي عمري💕💋

#مشاركه
مناطق سمراء بالجسم شنو علاجهن ويخف سمار شويه او يروح كلش

#رد
رح انزل فد مجموعه خلطات يوم السبت .واعلمكم عل احسن خلطات اللي تخفف سمار بالجسم🌸

#مشاركه
شكراً الج ماقصرتي حياتي ممنونه لحظرتج وقناتج من متابعين الها كلش احبه واهواي معلومات اخذ منه تعجبني ربي يوفقج عمري

#رد
حياتي فدوة لكلبج😍🌸.وان شاء الله انزل كلشي يفيدكم ❤️

بنوتات لهنا خلصت فقرتنا😍

وشكرا اللي شاركو 🙈🌺واهم شي استفاديتو
وان شاء الله نكمل هالفقرة عل الاسبوع الجاي..نفس الموعد🌹

#ملوكه