❀

⠀
⠀
⠀
⠀
⠀
⠀⠀ النسيـانَ ♩⇣
هـوْ آفضلِ أنتقـامُ 🌀
⠀
⠀
⠀
⠀
⠀
⠀
⠀

⠀
⠀
⠀
⠀
⠀
⠀
⠀
⠀⠀ ⠀⠀⠀⠀⠀ ⠀⠀⠀ ⠀ ⠀⠀ ࿐
⠀⠀ ⠀⠀ .... بيـني وبيـن النســاء ماصنـع الحـدآد
⠀⠀⠀⠀⠀⠀⠀ w e l c o м ,тo мy, p r ғ ι ⠀
⠀
⠀
⠀
⠀
⠀
⠀ ⠀ ⠀ ⠀ ⠀

⠀
⠀
⠀
⠀
⠀
⠀    
⠀⠀⠀⠀⠀⠀⠀⠀⠀⠀⠀⠀↓❊
⠀⠀⠀ صصُـوته آغنيـةة 🎼 ، و آنـا مغغُرم بأغنيتِـي ✨😻~

⠀
⠀
⠀
⠀
⠀
⠀

بايوات انستا🌸😇

#ملوكه

#معلومات_سريعة
1- هل تعلم؟
بأن الشوكولاتة 🍫 تقتل الكـــــلاب!
.
2- هل تعلم؟
بأن حجم عينيك 👀 الآن هو نفس حجمها عند ولادتك ، فالعيون لا تنمو بعكس الأنف والأذن!
.
3- هل تعلم؟
بأن نسبة الأشخاص الذين يتحدثون الإنجليزية في الصين أكثر من سكان الولايات المتحدة الأمريكية !

4- هل تعلم؟
بأن النقود 💵مصنوعة من القطن و ليس من الورق!

5- هل تعلم؟
بأن مضغ اللبان أثناء تقطيع البصل يمنع الدموع! 😢

6- هل تعلم؟
بأن الكتشب اُستخدم في القرن الثامن عشر كدواء ! 😂😂

7- هل تعلم؟
بأن عدد الدجاج 🐔🐓 في العالم أكثر من عدد البشر!

8- هل تعلم؟
بأن حاسة التذوق لدى الفراشات في قدميها! 🤔🤔

9- هل تعلم؟
بأن النملة 🐜 دائما تسقط على جانبها الأيمن عندما تتسمم!

10- هل تعلم؟
بأن الحلزون يمكنه أن ينام لمدة ثلاث سنوات! 😒😐 يشبة بعض الناس

11- هل تعلم؟
بأن القطط 🐱 لها أكثر من مئة صوت بينما للكلاب 🐶 حوالي العشرة!

12-هل تعلم؟
بأن جميع الدببة القطبية🐼 عسراء (تستخدم اليد اليسرى)!

13- هل تعلم؟
بأن النساء ترمش تقريباً ضعف الرجل! 😢

14- هل تعلم؟
بأن صوت البطة لا صدى له ولا أحد يعلم لماذا؟!

15- هل تعلم؟
بأن من الممكن ان تصعد البقرة 🐄 الدرج ولكن من المستحيل ان تنزل! 😦😣 تخيلو منظر بقرة تصعد درج 😂

16- هل تعلم؟
بأن عدد الدول في الأمم المتحدة ١٩٣ دولة.

17- هل تعلم؟
بأن الحلزون يأكل أوراق الشجر بواسطة اللسان، ويمكن أن تصل أسنان الحلزون إلى 25.000 سن !

18- هل تعلم؟
بأن دودة الأرض ليس لها عيون!

19- هل تعلم؟
بأن البومة تستطيع أن تدير رأسها بشكل دائري!

20- هل تعلم؟
بأن أول حاسة يفقدها الإنسان عندما يموت هي حاسة البصر ثم التذوق ثم الشم ثم اللمس وأخيراً السمع! سبحان الله 🙏

#اعادة_توجيه_للفائدة
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثالث والسبعون



جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع

سبوع واني ملتهيه دوام وجهال اجهز اكلهم وارتبه شوربه بلخضروات وحليبهم والمي الدافي بترمز

اخلي الجهال  يمهم واطلع الصبح من ارجع مرات الكاهم نايمين مرات كاعدين يلعبون

امي احسه مقابله وتشمر حجي

كمت اغلس هذا بيت ابويا لو ذبني الوكت هوه يلمني ويلم جهالي رغم ارجع تعبانه بس اضغط على نفسي واسوي عشه والملم الغرفه وابدل للجهال

يمن كمت اعلمه احرف شويه شويه يوميه حرف لو كل سبوع حرفين لحد كام يستوعب ويجاوب وياي ذكي
وجاي اشوفه متولع بلتلفون حاولت اطلعه ويه نائل هوه وأدم لو احرك امي تاخذهم للحديقه اليمنه

سبوعين شفته كام يلتهي عن الجهاز حاجيت شمس كام يكطعه عنهم حجب الشبكه عن اجهزتهم

لا والله جابت نتيجه وتقريبن عافو الجهاز أديم وماادراك مأديم لسان عسل شكل يجنن اجنبيه

سبحان الخالقه كاسره الكل بجمالهه وامه تحير شتلبس وتحط بشعرهه جانت تقى متوليه امره من جابت عافته والتهت بأريج وبلتوم

دورت على حضانه على كد الدوام مالكيت بدون علم احد لحد ملكيت حضانه بصف الجامعه للموضفات

وره الدوام ابو الخط رجال جبير كتله عمو وصلني استفسر منهم وارجع

صدك اتفقت وياهم كان الوقت مناسب الي ولدوامي
رجعت بليل فتحت موضوع الحضانه

تقى بسرعه حجت صدك نباء اني مقصره وياهم

لاوالله ورحمه الله والديج ممقصره ومعايفتهم اختي مسوي السوي انتي

ليش توديهم حضانه شتعرفين العاملات هناك يعتنن بيهم اكعدي واسكتي اني وخالتي وندى هم منقصر وياهم

تقى حبيبتي الشغله مويمج جهالي متعبين بس همه يرادلهم ثنين يفترن وراهم

واني دوام وماالحك وانتي يادوب تلحكين بين نائل والبنيه والبيت المن صيرين وندى جهالهه كافي عليه

امي كالت يمه شنو هاي نوب الحضانه طارديج مستثكلين بزرتج شو حالهم حال جهالنه وانتي بتنه
غريبه وسوين هاي سوالف  عزة النفس

يوم والله مويمك اني اريد ارتاح مااضل افكر بيهم على الاقل الحضانه بصف المعهد خطوتين اتمشاله واشوفهم وهم يمن اسجله تعليم يمهم عدهم قسم تعليم الاطفال بعمر يمن واكبر موروضه شي احله

يمه عليمن هل مصاريف

ليش مصاريف ابوهم موجود ومجبور بيهم

ادري يايمه ياعيوني شناويه عليه تضلين هيج ضاربه الرجال عرض الحايط اكعدي ويا تفاهمو هاي ثالث شهر انتي زعلانه بي وهوه عجز شلون يرجعج اجت اخته وحجت وانتي متقبلين

يجي يشوف الجهال مطلعيله حتى زحمه بحقه شوفي احجي وياا يجوز توصلون الحل

كتله يام ميفيد الحجي ولا راح اطلع بنتيجه خليني هيج مرتاحه

شناويه عليه نباء تطلكين

هاي الكلمه فززتني شنو اطلك لا

لعد شنو زعلتج نهايته ياطلاك ياترجعيله وانتي مقابله ترجعين ليوين ضلين بهل زعل

سكتت

لسكتين بنيتي ودي عليه واحجي شوفي الالج والعليج
لتخلين الامور سايبه عدلي حياتج لضلين بهل فهاوه 
رجال خيير ولو طلبين يصبج ذهب ميكول لا

ماكو رجال موعصبي ماكو رجال ميضرب بس اكو مره عن مره تختلف بيه التحوي رجله وتعلمه موغلط لو علمتي وغيرتي من اطباعه

واكو التريد كلشي حار ومكسب وهذا ميمشي عدنه نهايته مخربطه وتعيش بين مد وجز ضل الدنيا تلطش بيه ومتندل دربه

صيري سبعه ياما تحملنه اذا انتي على طبعه احنه تحملنه ضيم الحصار وضيم الاوضاع وفوكاهه ولدنه يرحون للحرب ميرجعون

وبس الرجال يرادله كلب مدشن وصبرنه وخلفنه ومشينه أمورنه وهاي اني كدامج عمتج المكروده شوفت عينج فقدت رجله وهي عده بس هل واحد
ورجعت فقدته وصابره وحامده ربه وشاكرته

يمه تره الدنيا موبس نومه وضحكه وسالفه الدنيا امتحان ودروس مصيبتج اهون من الاف المصائب
لو شوفين بنات شلون عايشات ويه عيالهن لو هاي

الماخذه سكير لو الماخذه واحد عطال بطال حصره
عليه الكمه والبسه لو هاي ميصير عده بزره

لو كاعده بيجار تحير شلون تلم فلوس راس الشهر
والكاعدين تجاوز لاصيف مرتاحين وبلشتا يخر عليهم

متكعدين وسكتين يمه لتعيشين بلمثاليات هاي دنيا
متعرفين شمضموملج اليوم توكفين على رجليج وبصحتج باجر تنامين بلفراش لاحوله ولاقوه

لتنضرين للدنيا من زرف الباب لا فتحي الطلاكتين واطلع اشوف الناس شلون عايشه واحس بقيمت
عيشتي

محد دايملج ومحد انولد معصوم كل واحد بينه
بي لوله ورجلج عصبي تحملي وخلي خيمه على
راسج وراس جهالج هاي اخوانج مو سانده ضهرج
بيهم بس يجي يوم كلمن يعزل ويكول ياروحي وياجهالي يجوز يخابرون بلشهر مره يطمأنون عليج

اني وياج وماقابلتله شون يمد ايده عليج ولتصورين شمس ساكتله رايحله للمحل وصاير عتب بيناتهم وكايله بيت ابوه

مفتوح واني موجود لو كالت ماريد اضل وياك ثق اشلعه من عيونك حتى لو اضطر الامر اشمر بزرتك بحضنك يا رخصي بيهم وياغلاي بختي
وحديث طويل داير بينهم ومعتذر من شمس

كتله يمه انتي متعرفين قادر واسلوبه حياته صعبه وماادري شلون يفكر مرات والله احير شلون افهمه بداية زواجي صح شويه مشاكل بس يحبني ومرتاحه بس هاي الفتره صاير مينطاق وعصبي وايده والكفخه

يجوز عده مشاكل بلشغل لهذا فاقد اعصابه كعدتي كتيله شبيك شنو المضوجك

هزيت راسي لا

يمه انتي ليش متعرفين مصلحتج  وين اكعد اضحك اسولف اجيبه منا ارده منا سولفي ويا على اي شي خلي وحده يسولفلج عودي مره مرتين صدكي يكوم هوه يجي يكت الاول والتالي

يكوم يريد بس يوصل للبيت ويسولفلج احنه شلون عشنه ابوج متذكري شكد جان صارم بأمور البيت ويحاسب وكل هذا من نكون وحدنه كلبه مفتوح الي

مافديوم ضم عليه سالف حتى شغله الماافتهم بي علمني وكمت اعرف الأله والعليه شنو الخلاني الزم محلات ابوج والعقاريات واخوانج ثنينهم بره

غير هوه مخليني بكل شارده وارده وكدرت اصرف وعمج اسماعيل مقصر بس الي فكره عن شغله  وقوائم التسديد وسجلات

حتى عمج بوكته استغرب معرفتي وخبرتي

كتله اعترف اني ماافهمه ومشيت حياتي ويا ساكته وانفذ اليريده يمه قادر شلون شمس عقله يشتغل ماعنده رومانسيه وضحك وسوالف كلشي عنده جد

مرات من اقارن بينه وبين قتيبه فرق السما عن الكاع

قتيبه منا نتعارك بليل نصالح هوه ينسه العركه واني هم هذا لا اذا تجاوزت بكلمه يجي بليل يرزلني
عيشتهم تختلف خواته يتمنن الزله على الحركه ينتبهن اصوري حتى اخاف اضحك لايكولن اضحكين علينه 

اصوري مره كلي بوجود خواتي فتحي عيونج وكل حواسج لتغفلين عن شي وكوني حذره خليج ذيبه ليفترسنج تره لو كلتيلهن أف يسونه كعدت عتب ومرتك مقصره ولسانه طويل ومتحترمنه

مااعرف شلون اصورلج اطباعهم

كالت اعرف مبينات بس الحمدلله انتي على كولته ذيبه مخليتي عليج نقطه بحيث عمتج تتنومس بيج وين ماتكعد

تقى كالت يمه الله يساعدج شلون متحملتهم

شسوي

والله جنتي ورده والضحكه متفارك وجهج

هههه ليش وهسه شبيه

صراحه اشوفج صرتي مثلهم عاكده النونه وما تتحاجين

هوه عاشرتهم بعد

ساعه واندك الباب تقى صاحت أدم  طلع ورجع

اعمو ابو هذا بلباب ويأشر على يمن عرفته قادر

امي كامت لفت ربطته وطلعتله

شويه طبت كالت كومي لبسي ابنج ابو يريد ياخذه ويا يرجعه باجر

شلون اخاف يبجي

شيبجي لوماهوه ابو

ماشي كمت بدلتله واخذه

ثاني يوم من الصبح خابرته

ميرد داومت وكلبي يم ابني تقى دكلي مارجعه

ماكو ل١١ اتصلت رد

سألته يمن يمه

كالي اي يمي شبي

لا موتاخرت مرجعته وقلقت

يمي نايم

ماشي قادر عفيه العصر رجعه

هوه العصر جايين

ماشي

رجعت ستوني بدلت يزن لكيته مفرفح وتقى ترضع بته وندى واكفه يم الغساله تغسل ملابس

شلته اسكت بي سويته ممه ستوه يرضع ساكت

صدك العصر واجه هوه وعمتي ويمن يركض كدامهم وعمتي صيح عليه بيبي لتوكع

اجاني شبكني ولازم بيده سياره متحركه حديد

ها ماما تونست هز راسه

شوفي سيارتي بابا اشترالياهه

حلوه بلعافيه

كال ماما شوفي غندوره

امي طبت كومي شمس ورجلج يردوج

ياستار شكو

ماكو شي يردون يتفاهمون وياج

عليمن يمه ماتعبو شنو

دكومي عيوني شوفيهم وكعدي وتفاهمي وياا

كمت من لا چاره

لبست حجابي ودخلت سلمت عمتي وامي كاعدات وحده بصف الاخ وقادر وشمس يسولفون

كال شمس تعالي نونه هنا اشرلي بصفه

رحت يمه كعدت

كله موبس انت مشايفه اني مثلك اطلع للدوام هي قبلي طلعه ارجع هي بعده بلمعهد اطلع العصر هي نايمه عود بليل لونشاوف لو لا

ها موصح ست نباء

ابتسمت صح بس غير دراسه ومحاضرات لو عليه بلبيت ادرس اروح على كد الامتحانات

ضحك لايابه هذا مستقبلج ماضل شي بس سنه وحده وتكضي

قادر ساكت بي طبع من عنده موضوع يفكر بي الف مره ويحسبله الف حساب حتى وهوه كاعد كدام الشخص عقله يفكر ويخطط

شمس كال مدامنه ملتمين بطلب من ابو احمد وكلنه نعرف ليش صارت هاي الجمعه

شوفي خويه قبل لا ابلش احجي وقبل منفتح الموضع
خلي في بالج هذا البيت النه كلنه واني موبس اكون اخ الج لا اب قبلهه الاريده منج لاتتصورين نتخله عنج

وان شاءالله مشاكلكم محلوله وماكو بيت مابي مشكله وصير واذا على سالفتكم فهاي بسيطه ومحلوله

كال ابو أدم انت اعرف بيه وبطبعي انت من الناس كم مره بمره تلزمني وطلعني بره المعرض من اتمشكل علمود سياره لو واحد ميدفع

كله صحيح

اعرف العصبيه تفقدني وتخليني اتندم وره مااهدء واراجع نفسي هاي اني سويت وشخربطت ضربته وأذيته

صح وحقه لو تزعل حقه لو شيل خشمه عليه بس اني عندي حد ويه المره واكره مااكره التجاوز ولسانه طويل مهمه يكون السبب المره لازم تلزم لسانه وتكون مؤدبه

شمس كله يعني شنو نباء مامؤدبه

قادر رفع ايده وبيه الجكاره اوكف اوكف لحظه لتفهمني غلط ذب الجكاره بلمنفضه طفاهه

لا نباء والنعم منه مربايه وبت أصول وملتزمه وحجابه مضبوط بس الق

صدته اني ليش ضربته ويمكن انتو متعرفون السبب الرئيس

امي كالت خاله احنه النعرفه ممتفاهمين وضاربه

كال اهاا اني اكلكم نباء ممقصره بقيد شعره
لو انسان غيري يعبده لو اني ممزوج قبله
يمكن حياتي صارت احله

اني مديت ايدي من جبرتني بطولت السانه وتجاوزه عليه خلتني افقد عقلي ومااعرف شسوي

احلف بأالله يايوم اني هيج ضاربج وبله سبب وجهلي الكلام

هزيت راسي لا مضاربني

اصير مشاكل ونعالجه بس نباء وصلت بيه الغيره تمنعني من زوجتي كون اهجرهه هذا بيا كتاب بيا سنه موجود

شمس التفتلي مراضي

اني من طلبت نتحاجه اريد اكشف كل الاوراق غيرته عليه عاميته متعرف الصح من الغلط

ابو أدم خليك مكاني وزوجتك الثانيه تمنعك من الاوله شسوي تركض وراهه شنو ديوث لو ماعندي ذمه وضمير

احبه وهاي اشهد كدامكم هي النفس اليصعد وينزل وروحي بيه بس اني يوم الزوجت خال الله بين عيوني ماريد اقصر بحق وحده واتحاسب

هاي كلبي مثل الميزان لابد كفه تميل ومالت الهه بس مرد الميزان يعدل ويساوه

اذا اني اصوم واصلي واطلب من ربي الستر والعافيه واني مقصر ويه مرتي بعد منين يجيني الستر وينطيني العافيه واني هاجره ودمعته بعينه على اي حق اسوي هيج ماوراي كبر اتمدد ويجوني تعال سويت

اتحاسب على كل دمعه منه بدون سبب انتي تدرين كل ضربه اضربه ارجع ادفع كفاره لان اضرب موبوعيي
ولاديني يقبل امد ايدي بس تجبرني انتي وذيج

كتله انت كلت بعد ماريده ومن رجعته علمود ابوهه ليش رجعت بكلامك

احنه ليش الانسان اذا غلط يشيل غلطه ويا طول عمره حته لو نعدل وتاب هاي مثل ابو ذيبه جان حرامي الناس صايحه منه الغوث لحد مصار حريق بمخزن للسجاد شاف ابو المخزن كاعد على ركبه ويلطم ومحد يكدر يطب يجيب حتى لو الخزنه بيه اوراقه وفلوسه

ابوذيبه انقهر وكله خلي اسويلي حسنه بحياتي طول عمري ابوك بلعالم وصدك كوم بلل روحك وطب سحب الخزنه وطلع بوكته الناس كله تتشكر منه وتحضن بي

اجت ايام وراحت ايام تغير ابو ذيبه بس بقت الناس تخاف منه ومتأمنه على بيوتهم وهوه تاب واشتغل

رباط السالفه ويه ام احمد تغيرت وشفت هذا الشي واخذت عقابه ونصلحت ليش اضل اعابيه على غلطه حتى اليريد يصلح روحه من نظل مجلبين بلغلط الرتكبه نخلي يهج ويزيد مينقص

نباء يابه هي تبقه ام احمد وتبقى زوجتي الاوله ومتختلفن بلمعزه عندي وكتلج قبل الكلب يميلج

بس ربي أمرني اعدل بينكم واني امشي بشرع ربي ماامشي وره عواطفي

هسه شتكولين ترجعين معززه مكرمه وغرفتج  موجوده مثل متركتيه والبيت بيتج من قبل وانتي دايرته وتتصرفين بي على هواج

التامرين بي اني حاضر بعد

باوعتلهم الكل صافنه عليه وعيونهم تريد تعرف شكول
نصيت راسي واني متخذه قراري وحاسمه امري وبالي خطط ومنتظره الوقت الي انفذهن وحده وحده

شمس كال ها نباء شكلتي

امي وعمتي رادن يحجن شمس كال لا عوفوه هي تقرر

كتلهم ارجع بشرط

قادر باوعلي ومضيق عينه من سمع كلمة شرط

كال وهوهَ

امارس مهنتي

يعني شلون مافهمت

اني عندي طموح اريد افتح مختبر او اشتغل ابمختبر وامارس مهنتي

عكد حاجبه هاي نغمه جديد

شمس كال من حقج

قادر كال ابو ادم ياحق عايزه علمود تشتغل

كله موشرط عايزه الدكاتره عايزين وهم يشتغلون ومفتحين عياده هذا طموحهه وشوف نفسه بي

كال والجهال والبيت وين تلحك

كتله الحك لتخاف عليه

كال انتي تعرفين دوام المختبرات ل٨ بليل يضلون هاي وين اصرفلي راتب المختبر انطيج بكده اكعدي واسكتي

قادر موشرط الراتب اني اريد اشتغل واتوضف واعيش حياتي اضل طول عمري عايشه بين حياطينك المن كاعد ادرس واتعب ومتحمله الحر وكعدت الصبح وركضت العصر بين الجهال

علمود اخذ الشهاده واكعد

نفخ وفرك وجهه اباوع رجله تهتز متوتر بين عليه شد الاعصاب

نباء تاليه شنو اطلع من سالفه اطببيني بسالفه جديده

شمس كله ابو احمد تره شرطه موصعب واذا اشتغلت بمختبر ورادت تبني حياته

نتر على شنو تبني حياته عايز العندي يغطيه والتريده انطي اله بعد عليمن هل شغل وبنص الزلم هيج اني ماعندي غيره

شمس كله شنو قصدك اليشتغلن اهلهن ماعدهم غيره عليهن لو اني ماعندي غيره على اختي قادر هاي مامسموحه منك اني  واثق من اختي

كله شمس موشغلت ثقه لومااثق بيه ولو عندي شك بيه واحد بلميه اكسر رجليه ومااخليه داوم بس شغلت اني سكت

يابه شتكولون كولو رجعي همجي انسان مومثقف بس مااكدر اخليه تشتغل

عمتي كالت عمه بله هاي سالفه نوب دوام وين تلحكين بين فروخج

كتله عمه والله الحك وانظم وقتي وهمه منا لمن اتخرج كبرانين يمن يصير٤ والتوم يصير عمرهم سنتين ونص من غير اخذلي كم شهر استراحه

كال لااله الا الله يابه منو ضاحك عليج وكايلج اشتغلي

كتله قادر اني مو صغير وينضحك عليه افكر بروحي اريد اشتري والبس واطلع واطب واصرف من جيبي من تعبي اكون نفسي بنفسي

واني شمنقص عنج ممنطيج

لا تنطي وبدون مااكول

لعد

هذا طموحي واحتمال بس الجهال يكبرون ويعتمدون على نفسهم اكمل كليه وماستر

سكت وكاض السبحه بقوه

التفت

الشمس عاجبك

شمس رفع كتفه مااريد احجي وتكلي اشجعه بس برأيي مطبلت غير حقه

كتله بس كلي مسويه شي حرام دارسه شي غلط رايحه بطريق موزين

كال يابه موهيج بس شسوين بلدراسه والتعيين جهالج وتربيتهم يرادله خلك متلحكين

باوع اذا على الشغل واهتماماتهم الحك لشيل هم وبعدين ديكبرون وبعد سنه ونص يله

صفن شويه

امي اول مره تسكت ومتناقش بس عمتي كل شويه وكالت يمه دستجني اجاب نوب طركاعت الشغل

تنهد كال مااكدر بهذا شرطج مااكدر اكلج اي وميخالف
واليغاد اختلف عليج وتكليلي مو وافقت  مااكدر والشغل بنص الزلم واشكال ناس اطب وتطلع مأمن عليج يمهم

شي بيه هبط معنوياتي سكتت شمس يباوعلي
نصيت افرك بيديه

شمس كال قادر فكر عدل تره انت مصعبه ومكبر الموضوع يجوز هي بعدين من شوف روحه متلحك تبطل

كال شمس لو ام ادم بمكانه تقبل

كله والله ذيج هي وأسالوه تعينت وبطلت من جابت أدم ومن رجعنه للعراق قدمت انقلبت بعدين من وحده كالت اني جهالك ماالحك عليهم وهم بطلت مامانعه
بس انت الله يهديك مكبر الامور

كال هاي عندك اني رجال شرقي وشايف العجب مايهدالي بالي لو اشتغلت

شمس كال ها نباء شكلتي هسه

رفعت راسي اني هذا شرطي الوحيد وهوه بكيفه

قادر كال هاا يعني مترجعين

اقبل وارجع من هسه

كال واني اكلج مستحيل  خليج يم اهلج

وكف صاح يله خويه التفت الشمس احنه نرفع الزمه عبالنه اكو بلطيب نصيب الضاهر متارسين عيونهم

يحجي بأعصاب شمس جلب بي مقبل قبل ميطلعون كال اذا تكدرين جيبيلي التوم  مباوعلي

دخلت وديته ورجعت امي جلبت رادت ضلو على العشه مااقبل

اول مراحو وطبت امي زمخت وصيحت ورزلت عفته تحجي تقى تمشي وتلملم وتحجي عفيه والله تفتهمين المره غير شهادته بهذا الزلك متسوه فرنك

لاول مره احس روحي عندي هدف واسعى للحصول عليه احساس القوه حلو واني اواجه واخلي شروطي

شي انبنه داخلي وكل هدف احصله يعمر البناء ويوصل مرحله من الانجاز  تفكيري توسع صار بناء ذاتي احد طموعاتي تأمين مستقبلي هدفي

اثبات نفسي  مو بس القادر وللمحيطين بيه لا الروحي هم وين كنت اكبر طموحاتي اعيش براحه

كنت ابني أمال عسى ولعل يتغير عسى كلبي يرتاح

اخذت نفس رغم اشياقي بس تبقى النفس عزيزه

مرت الايام واني اصارع بيني وبين جهالي قنعتهم احطهم بلحضانه نائل شافلي خط جديد بس اني وبنيه وجهالي واتفقنه على السعر

وبلشت اكعد من وكت بين مراجعتي وكعدت الجهال وململت يمن على النومه كوه اشلعه من الفراش والتوم وتبديلهم وتحضير جنطهم وتحضير جنطته يمن ومستلزماتهم مرات لل٧ واني مابدله والخط يجي ب٧ ونص واني ماملحكه ركض ركض ابدل واخذ ملازمي

وهي مشت حياتي لحد ماتعودت وكمت انظم وقتي اكثر

لحد مامره رجعت يزن يبجي رضعته
بجه زيد خليت يزن بمكانه وخليت مميته على المخده

سويت الزيد ممه وشلته بس كمل الممه غليته على كتفي محسيت غير صوت شي يطيح من حلكه وبلل ركبتي

وخرته متقيء ياا يمه هاي ليش

يزن شويه وهم تقيء وترس روحه
وثنينهم على بجيه

هاي شلون اسكتهم صحت امي اجت

كتله لحكيلي ثنينهم تقيئو شبيهم

كالت خالف مشربيهم شي لو مصخنين

صدك جاستهم مصخنين

......يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الرابع والسبعون



يمه ليش تقيئو لا مصخنين

دجيبي اشوف شبيهم


اخذت زيد تفحصته وهوه يبجي حرارته زينه موذيج الحرار التخوف

كالت خاف خاضتهم

لا بس شربتهم ممه وشلته على كتفي

كالت دسكتيهم بأي شي منا لليل اذا مصارو زينين ناخذ للمستشفى

عافتني بنصهم واني حايره بيهم اسكت واحد يبجي الاخ

كمت شلتهم ثنينهم على خاصرتي وهمه اسمان فحطت مكدرت اضل واكفه

ساعه ونص وهمه ماسكتو ماما شتردون فدوه اروحلكم ندى اطب وتطلع اشيل واحد من يمي
ماكدرت اسكت واحد بيهم

نفسي لعبت فحطو وماسكتو

لا بيهم شي ميبجون هيج بلا شي

نائل سمعهم طب سألني

ماادري ماادري راح اتخبل منا صوت بجيهم ومنا
لعبان نفسي كومه متحملتهم

كال دنطيني واحد منهم

شسويله ميسكت

كال اخذهم للصيدليه

مايسون شي اذا مو وصفت طبيب

ضل كاعد يمي واني حابسه روحي بلغرفه وافتر بيهم

امي طبت دطلعي امي ضلين خانكتهم هنا

نائل كال موخطيه

نائل خايفه كلبي لاعب لا يطلع بيهم شي

لايابه صخونه سهله حالهم حال الجهال ياخذون شراب يطيبون

تحملت لنص اليل ماسكتو امي شربتهم خافض حراره تنشرلهم ماكو على فرد بجيه فحطو واني تعبت كمت اتوسل بيهم بس اسكتو تقى ضلت سهرانه ويانه
عشه امي جابتلي لفات وحايره وياي

طر الفجر نامو تعبو واني نمت على وجهي

ماعرف شكد نمت ساعتين اقل كعدت مخروعه عليهم استفقدتهم جستهم مشتعلين نار

يمه وخرت منهم الغطه اباوع بطنهم ماالحك ابدللهم

صحتى تقى تقى

اجت تقى تركض هاا شوفي

لج سهال بطنهم بدليلهم بين مااصيح نائل لو ابو أدم

مدري شلون بدلتلهم ولميت كم شغله حفاضات على حليب وممه وكم قطعه ملابس

امي كعدت شافتهم ياسوده عليه انتظريني البس واجي
نزل نأئل تك عين فاتح

كعدو يبجون من الصخونه امي اجت لابسه عبايته اني شايله زيد والجنطه على كتفي والعبايه الله سترني بيه
حتى مااعرف شلبست جواهه

صعدنه وحرك امي تلولي ليزن على ماوصلنه

ونزلناهم للطوارء جيكهم الدكتور المقيم وسألني
شمنطيهم

امي كالت مانطيناهم شي غير الحليب ياخذو ويذبو

تذكري حجيه ماكلين شي

يمه والله مماكلين شي غير الحليبات

منا بعد ساعات اذا مستقرت حالتهم نسويلهم تحليل

يمه ليش شبيهم فدوه

لتخافين اجرائات عاديه

اباوعله وهوه يكلبهم منا ومنا يدورلهم على وريد زيد لكوله بيده بس يزن فرفح من الجكجك وريده ضعيف
متت عليه هوه يبجي واني ويااا

مغذي وعلاج وابر واني الوب ساعه اكعد ساعه اطلع افتر لوعتي تتكرر بيمن نفس الشلعان كلب ربي رحمتك

ساعتين نامو والمصيبه ينامون سوه ويكعدون سوه لان توم وهمه نفس البجيه اسوي كمادات ومايفيد اسكت اشرب حليب خاف جوعانين

طبيب جيكهم كتب ورقه كال سوهن وتعالو

وشلتهم اني وامي ونائل ونركض بيهم من غرفه الغرفه
وهم نفس الوجع من اشوفهم زرفوهم من الابر علمود يحصلولهم دم وسحبو

كالو نص ساعه وتعالو

طلعنه ننتضر مونص ساعه دهر كامل مر

وهمه بحضني كوه سكتو

طلعنه تحاليلهم وديناهم

شافهن الدكتور

كال مسممين شماكلين

التفتت على امي مخروعه فدلا من الحضانه

عضت اصبعه هاي سوالفج وهاي نتائجه

الدكتور كال يابه فهمونه شنو الموضوع

امي كالتله احتمال موكليهم بلحضانه

كال هسه اني خلص وقتي يجي الدكتور المناوب
بمكاني ويكمل عني

كتله دكتور على بختك شلون يضلون هيج

كال مابيهم شي هسه ينطوهم ابر بلمغذي

نائل بره كاعد الدكتور طلع وخلانه نضرب اخماس بأسداس شبي معقوله لهل درجه ميهمه حياة الاطفال

شلتهم وديناهم لغير واحد ونفس الحجي هم علكولهم مغذي انتظره العلاج يكمل نامو

اطمأنيت من كالو بسيطه مو خطره حالتهم يشافون بسرعه

كاعده على الكرسي قريب يم سريرهم دنكت خليت راسي غفيت

من التعب والفره يمكن لو يحطولي مخده على الارضيه
انام من حلات روحي

فزيت على صوته وهوه يسأل شجاهم

شكاللكم الدكتور وامي ترد تسمم

من نبرت صوته عرفته عصبي تسمم شنو ام شمس

والله ماادري يمه هوه الدكتور هيج جيكم

رفعت راسي شفته جاي بلزي مبين من الدوام طالع

كال حضريهم اخذهم الاخصائي

كتله انتضر نشوف اذا صارو زينين عليمن ركضتنه

امي كالت اي يمه خليهم شويه نايمين خطيه من البارحه على بجيه وحده ويلوبون

سكت دخل نائل بيده علاكت ريوك وشايل صينه بيه كوابة جاي يله تفضول

اني راسي مصدع اخذت كلاص جاي قدم القادر كله مشكور قبل شويه شارب ترمز جاي

اكلت لفه كيمر امي سوته

ساعه وطبت الدكتوره جيكتهم كالت زين نبضهم مستقر

كله يعني انطلعهم مابيهم شي

كالت لا ننتضر لحد ميخلص المغذي ويضلون تحت المراقبه يله نكدر نحدد

قادر اباوعله كاعد على اعصابه كل شويه رايح الدكتور شكل يجره يفحصهم ونفس الكلام

للضهر كعدو بس فتحو عي

ونهم بجو

لااله الاالله ماما ستوكم كعتو

نتر دشوفيهم جوعانين ليش يبجون

رفعت حاجبي واني شمسويتلهم

شربيهم حليبهم

امي واكفه سوتلهم ممه واحد بحضني شربته والثاني هوه شاله يشربه مميته ويفتر بلغرفه

دقايق وذبو المميه يبجون ونفس الشي الشربو كله تقيئو هنا مدري صار بيه هوه نترس حليب

يزن بحضنه مثل النافوره ذب الحليب صاح شبيهم ليش هيج رجع الحليب

اخذته امي من ايده وانطته كلنس يمسح ملابسه واني انخبصت امسح مدري ابدل

امي تفتر يمي كتله ماادري من البارحه هيج حالتهم واليوم من الفجر جبتهم

امشي بسرعه بدليلهم

اريد الحك على بطنهم مجرد فتحت الحفاض

كمت ارجف هوه شي عادي بس بقت الخوفه بكلبي

اجه الدكتور ويا انتضر اكمل تبديلهم كال

سوتولهم تحالي امي كالت اي ذني تحاليلهم

شافهن كال اخذوهم اخصائي ميفيد هنا مدام مامشه العلاج بيهم

كله يادكتور تنصحنه بي

وصفله واحد زين حتى خابره كدامنه واتفق ويا
كالهم اني حالين بلمستشفى اذا يكدرون يجون الان
واذا ماكدرو خليه يجوني على العياده

دلانه بلعياده

كله يامستشفى هوه

انطانه اسمه

قادر ماكدر يضل اكثر صعدنه وتوجهنه للمستشفى
يمشي ويباوعلهم زيد فرفح ويزن نفس الشي

بين منزلنه وسألنه عليه لكينه عنده جوله انتضرنه
كمت ابجي متحملت ضغط بجيهم عيونهم راحت حتى صدرهم قبط كوه كامو يجرون النفس

امي وياي بس نائل رجعه قادر

رجع وراحنه بيدنه الحجز شافهم وحجيناله حالتهم سأل حتى على لون البراز وشافه

كال احتمال عدهم جرثومه بلمعده لهذا متتحمل الحليب لان بي نسبه الكافيين

فمعدتهم متتحمل وترجع الحليب

بعد فحوصات وركضت ساعتين وتحاليل طلع بلفعل عدهم جرثومه بلمعده

كال اسبابهه اكل الفواكه الملوثه او يخلي اي شي بحلكه اثناء الزحف او المشي بس هذا عمرهم

جاي من كثرت شربهم للحيب والمواد الغنيه بلفيتامينات لهذا اسبب بجرثومه لنطيهم حليب
مجرد ياخذ منه كفايته

سألني كتله اخبطلهم حليب وموز

كال بهذا عمرهم

اي

لا بنتي غلط المفروض بعمر اكبر

تعرفين وزنهم مومال عمرهم المفروض هذا سمنهم مال عمر سنه مو ٦ أشهر حتى كعده مايكدرون يكعدون ولا يمشون علمود يبذلون جهد بذاك الوقت ننصح تعصرولهم برتقال توكلوهم فواكه

بلاضافه عادي توكلوهم اكل البيت علمود تنبني مناعتهم وعضمهم

صح ننصح وكلوهم بيض سرط بس بين يوم ويوم
الموز جيد الهم بس الافراط بي يسبب عدهم الاوجاع شد معوي الغثيان وهمه منا عدهم جرثومه فزادت حالتهم

ليش ننصح باستشارت الطيب لهاكذا حالات

سكتت وقادر ضايج

حجزنه غرفه خاصه الهم بين المغذي والعلاج وهاي يومين لحد مرجعو طبيعي

ابوهم متركهم كابلنه وكعد اذا بجه واحد بيهم ركض صاح الدكتور

الضوجني وتعبني اكثر ينتر ويزمخ على اقل شي صح يساعدني بيهم لان رجعنه امي تعبت

واكفه يم الشباك كنه بلطابق السادس بعد منامو قادر طلع مدري شيسوي كال نازل ساعه وارجع

تنهدت عيني على اطفالي الدنيا وين توصل بيه نزلن دموعي واني اذكر حياتي بوجود والدي تجيني ساعات احقد على امي ولهذا يومي اني مامسامحته من كل كلبي فرتني فر وخلتني اذب روحي للنار في سبيل اشرد من معاملته وكلامه اليجرح

يمكن انسان غيري يتحمل اني اختلف ربيت بيت الاحترام موجود بيناتنه مطولنه لسان مجاوزنه على ام او اب او اخ رغم تجمعنه لحضات شقه وضحك بس متعدينه الحدود والدي علمنه الاصول علمنه نحب بعض لحد يوم الحادث وهوه يبوس بيه ونلعب شطرنج اني ويا يغلبني ونرجع نلعب اتراهن واخسر الرهان

لهذا كانت معاملت امي قاسيه وثكيله عليه ماتحملته كبريائي ماسمحلي اضل اكثر من هذا الحد طلب قتيبه مثل الانسان واكف فوك مرجوحه والمكان الجوه مقسوم نصين نار ومي المرجوحه تدفعني مره للمي ومره للنار وثنيهن بيهن موت محتم

اقرب الناس الي خذلوني دائماً ابحث عن اسباب تخلي مجتمع بأكبره يخضع لهذي التقاليد والفكر الثابت
ماكو اي ثقافه ماكو اي توعيه لابد الانسان اله اسباب لارتكاب الاخطاء محد سألني ليش هيج سويتي مخلو احتمال ان اكون مضلومه

كل الاحتمال وضعوه بأحتمال واحد هوه انسانه خالفت انسانه تعدت الحدود وحكمو عليه طلعت من طورهم

كان انسب شي هوه زواجه والستر وكل هذا مموجود لا بكتاب الله ولا بسنة نبيه الكريم

الامتا هذا الاستعباد وخضوع العاداتهم لهذا يومنه بنات يبطلوهن من حلم عمرهن هي الدراسه تحت عنوان البيت استرلج وشتحصلين لو تعلمتي المهم تعرفين تقرين وتكتبين تزوج اليجي اكيد نفس المستوى شراح يخرجون جيل فاهم جيل مثقف جيل واعي استثناء اذا كانو الاباء فاهمين الحياة صح ويثقفوهم ويعلموهم التعليم مبدء مهم

نزيت بدخلت قادر التفتتله قادر وماادراكه ماقادر شافني على وكفتي اتجه للسرير لزم جبينهم تنهد وخر منهم كعد على الكرسي

ضليت على وكفتي درت وجهي للشارع واني اشوف المدينه من ارتفاع الطابق السادس

يجي يوم اوصل لفد منحا معين بهاي الحياة لابد احارب

اجاني صوته متعبتي رحت ورجعت وانتي على نفس الوكفه

جاوبته بدون

مالتفت ميهم مرتاحه هيج

تعالي اريد احجي وياج

التفت هاا

وجعا تعالي هنا اشر على الكرسي بلصفه

جريت نفس ومشيت الجهته كعدت هاا تفضل

لا عمي زاد فضلج

وخر جر الكرسي صار مقابيلي

اي نبأ ناويه على هاي الوضعيه ومبينه عاجبتج مو

شنو ياوضعيه

بقائج يم اهلج

هذا الشي عائدلك

اهاا يعني ساوميني لو اقبل تشتغلين لو ضلين يم اهلج وحارمتني من الجهال

كتله محارمتك دشوفهم يوميه

وهاي سميه شوفه

لعد شتريد

اريد افتهم منو قاري بعقلج ماجنتي هيج نبأ شنو الغيرج دراسه ماامنعج ادرسي عسى مالعمره كله تكضي درسين بس ليوين درستي وشي حلو المره تثقف وتتمكن بس مال وضيفه وبنص الزلم شلون تقبليه انتي من ذاتج كون ترفضين الفكره مو جايتني وتشرطين

كتله انت ليش هيج معند يعني واذا توضفت اني ملتزمه ومالي شغل بأحد وهَذي مهنتي مامسويه شي غلط وتكدر تخلي عليه حارس تكدر تركب كامرات وشوف بعينك

قاطعني بابا شعبالج اني رافض لان مواثق منج شبيج نبأ لو مااثق بيج مااخليج داومين

افتهمي عدل اني من غيرتي مااتحمل اعوفج والناس تباوعلج وشوف نور وجهج مااتحمل يجي واحد عار يتمعن بشكلج وبياضج

شلون قادر ابشع نفسي الله خلقني هيج حتى مكياج مااخلي

كال انتي بلا مكياج تضوين شلون ترديني اقبل عمي لو مدرسه معلمه والله اكيف شعندي ادرسين وترجعين
بس سالفت المختبره صعبه عليه يمكن اخليج اله واني جوه التراب

النقاش ويا عقيم ومابي اي حلول سكتت

كال وتراب ابويه من حبي الج نبأ انتي ماتعرفيني معاشرتيني وعرفتي طبعي هاي تركيبتي مخبل ومااتحمل اكلج لومااحبج يمكن عندي عادي بس انتي
زوجتي ام جهالي واموت بحروف اسمج مو بس بيج

دنكت متوتره من كلامه واعرفه صادق بحجيه بس موبيدي طموحي يوم عن يوم يكبر شي صار اكبر ممااتخيل مااعرف يمكن لوجود نهله خلاني بوضع
افكر بمستقبل جهالي عدهم ام تملك وضيفه وتكدر
تجتاح الصعوبات وتعيشهم احسن عيشه

عدم ثقتي بافعال نهله خلاني حذره خلاني افكر
الف تفكير دوم جهال كدام عيني شنو يمكن اسويه
لو قادر تعرض القدر معين مستعده تهجهجني
ومتخليني بلبيت تنهد واني حسره جر حسره

كال هااا وين وصلتي

رفعت راسي مااكدر

ليش

هذا حلمي هذا ضماني

ياضمان فهميني

ضمان الي والجهالي

عكد حواجبه فهميني اكثر

ماكو شي تفهمه فقط اريد اكون نفسي واعيش روحي واعيش جهالي

واني محيتيني مقصر عليكم

بلعكس مغركنه بس موكلشي فلوس قادر الحياة علمتني موبس اعيش اليوم والباجر الله يدبره لا
اعيش اليوم وافكر السنه ليكدام حياتي وياك وبيه
نهلة ثق توصل للطلاق

كال ونهله شدخلهه

اله دخل بكلشي اله دخل

استغفرالله يأبه هسه هي يمج مره نايمه على ضهره
تريد العافيه وتكوم بلسلامه

سكتت هاي هيه

يعني

نفس شروطي

سكت وهوه يفرك بلحيته انتجه ومد جسمه ورجليه

اخره شي كال خوش ضلي مثل متردين اني اعرف شغلي

مهتميت ومااعرف شنو معنى كلامه

سوينه خروجيه بعد ماتحسنو الجهال ضليت وياهم على العلاج ونصائح الدكتور

راجعت بيهم مرتين وهوه يوميه يمنه وعمتي تجي وتروح ويا

لحد مافديوم جايه تعبانه والسنه شارفت على نهايته ومنهمكه بين الجهال والدراسه

دخلت للبيت واني تفاجئة بلمت اهلي بلهول كل مره ارجع كلمن بغرفته ياخذون قيلولة الضهيره

سلمت

شمس كال بدلي وتعالي

اباوعله عيونه حمر ويهز برجله امي كاعده وعاكده النونه شكو ياستار

كال بابا دبدلي ولي بدلي

استغربت شمس يكلي ولي رحت بدلت كملت شفت التوم نايمين بوستهم وطلعت غسلت وجهي

اجيت كعدت هاا خويه

كال نبأ من تقدملج قادر شكنالج

شنو

كال موكنالج مزوج وتعرفين زوجته ومعاشرته لاسوين شي تتندمين عليه بعدين

هزيت راسي

ليش هسه زعلانه هاا ليش

احجي ليش

اني اكلج ليش لان رجال يتقرب الزوجته الاوله وحضرت جنابج متقبلين ولسانج طويل وياا وضاربته
عرض الحايط مو جنتي يمنه ناقصج شي ليش من
الاول وافقتي هوه لعب تعرفين يعتبرج حالج حاله

كتله شنو هوه شصاير

وكف يفرك وجهه تدري طالبج البيت الطاعه

شنو يعني

يعني ترجعين البيته غصب عنج

شنو هاي وين صايره ماكو شي غصب

صاح لا غصب ورجليج فوك راسج واذا مسويته تعتبرين ناشز ويكدريسحب اطفاله ويطلكج يافهيمه

ضليت مصدومه يعني شنو هذا الناشز مفتهمت

التفتت فدوه فهموني شنو هذا القانون نوب دكيت على رجليه شنو ياخذ اطفالي

امي كالت يمه اني هم مثلج من فهمني شمس كمت اضرب اخماس بأسداس ماسامعه هيج من گبل

شنو شمس فدوه العينك ماكو حل

كعد وجه احمر شسويلج يعني شبيدي خابرني اليوم

امي كالت ماحجيت ويا

شحجي يمه الرجال حقه ماقصر وهي من البدايه تعرف حياته مجبور يسوي هيج مشتت وزعلته كله ماله معنى شنو والله يتقرب المرته شنو بويا وين عايشين
حق شرع الله تعرفين شنو شرع الله

بجيت شمس اني موعلمود هيج صحت عيوني تجري والله لان ضربني ومارحمني

وانتي عاقله لومالسانج مطلعته متر عليه

كالت امي دفهمنه شكلج

يعني شيكول غير يعتذر مني كال جبرتني اطل

به البيت الطاعه واني موفرله كلشي وشتريد وتتمنه

ضليت ابجي دخل نائل شافني كال شكو ليش نبأ تبجي

امي بس سولفتله واني حاطه راسي بين ايديه

طفر كال شنو تايهتله يطلبه بيت الطاعه جبر متريد ترجعله

شمس كله رجال يريد جهاله شون نحرمه

منو حارمه مويجي يوميه يشوفهم

كله هاي مووضعيه ليوين هذا صارله ٤ اشهر لاهيه راجعه ولاهيه المطلكه

امي لطمه على صدره لايمه على بختك ياطلاك تحجي عنه

لعد شنو يوم اذا شهر مراحت بيت طاعه تعتبر ناشز

وكف يفتر
كالت يعني شنو

نتر يعني ماعده عذر يحكم بي القاضي

ليش

صاح يابه بيت وضيفه واثاث كامل شنو المانع اله تكليلهم ممرتاحه ويه اخته وهي عمتج

لا مااكدر

دسكتي رحمه للكعبه ماتكدر

نائل كال خلي نشوف صديقي محامي

كله يابه قبلك سألت هوه رابح القضيه

كال شلون شمس نخلي هيج مستهتر

كله انجب نائل انجب بله مستهتر ماكو مستهتر غير اختك الغبيه ليش قبلت من الاول اكعد على ابني واعيش شكو وافقتي

اجه يمن بحضني كعد من الصياح

شسويت بيه ادعي عليك اعيط اخذت ابني وطبيت للغرفه اروح وارجع شسوي يربي كعدت وغطيت راسي انحب ليش هيج قادر كله في سبيل تكسر خشمي

مهامك كلبي ومشاعري مهامك أذيتي

سبوعين اني بصراح رحت للجامعه وخصيصاً الكلية القانون سألت على افضل دكتور ممارس القضايه ويدرس بلجامعه

شرحتله وضعي كلي بابا مدام متمكن وعنده بيت ملك واثاث كامل وافقتي على عيش ويا بوجود زوجته
اله كامل الحق ومبينه كسب الدعوى مدام اجاكم التبليغ المحكمه مسويه كشف

يعني

ان يكون بيت زوجج ملائم لحالة الزوجين الثقافية والاجتماعية والمستوى المعيشي

ويكون خاصاً بالزوجين اي لايجوز ان يكون ساكنا احد مع الزوج من الأهل والأقارب او مع زوجة ثانيه الا بموافقت الزوجه الثانيه وهي المدعو عليها

وان يؤثث بأثاث غير متنازع عليه ويكون ملكا للزوج ولا مانع من ان يكون البيت مستأجرا من قبل الزوج لكن يجب ان يكون عقد الايجار باسم الزوج . مع ملاحظة ان لدعوى المطاوعة ممكن ان تستاخر عند اقامة الزوجة دعوى تفريق لحين البت في دعوى التفريق

هسه افتهمتي بنتي

زين دكتور واذا امتنعت

باعي بهاي الحاله تسقط نفقتج المستمرة أضافه الى ذلك يستطيع الزوج عند اكتساب الحكم الدرجة القطعية من ان يجعلج ناشزا

وأما بخصوص مهر الزوجة فإذا كان امتنعج من الانتقال الى بيت زوج قبل الدخول فيجب عليج إعادة المهر المقبوض من قبلها ويسقط مهرهج المؤجل وانتي بحكم داخل عليج وعدكم اطفال

وإذا كان امتناعج بعد الدخول فيسقط مهرها المؤجل فقط وإذا كانت قد استلمتي المهر كاملا فعليها إعادة

المهر المؤجل ويستطيع الزوج بعد اكتساب الحكم درجة القطعية ان يطلقج فورا ولا تستطيعن ان تطالبي
بتعويض عن الطلاق التعسفي كما يحصل في الطلاق العادي لكونها ناشزا

أما بالنسبة للزوجة لا تستطيع ان تنفصل عن زوجها بعد اكتساب الطلاق الدرجة القطعية ويجب عليها ان تنتظر سنتان بعد اكتساب الحكم الدرجة القطعية كي تستطيع المطالبة بالانفصال و يكون نفس الحكم بالنسبة للمهر فانها تعتبر ناشز ويسقط جميع المهر وإعادة ما تم قبضه اذا كان قبل الدخول. واذا كان بعد الدخول تستحق مهرها المعجل ويسقط المهر المؤخر .

وهاي حكم حالتج يابنتي فلافضلج ومثل متدعين متكدرين تتفرقين عن اطفالج ارجعي وانتضري
ليش دخلين محاكم وعر وجر وانتي بعدج زغيره

سكتت وحسيت هلمره صدك انسدت الابواب بوجهي من كل النواحي رجعت خايبه الامل واني اكل بروحي

قادر بهذا عمله خلاني ازيد بحقدي عليه مسحت دموعي رجعت للبيت اول مطبيت اباوع نائل وجه مورم امي مكابلته وتدعي

تقى تبجي وتضمد بوجهه

شكو

امي نبت من وراج مكصوفت الركبه اخوج همزين مامدعوم ميت شحصل من شلعان كلبج وعيارتج

كتله يام شبيج شمسويه هسه اني

نائل صاح بأمي كافي يوم هي شعليه

ليش شعليه لو ماريح الرجله ومتعارك تجي هيج سياره وتضربك وربك ستر وماطختك

لوطاختك هلمره صدك تتكرم واني معاولت تطيب وترجعلي

تفاجئة نائل رحت القادر ليش

يعني اشوفج هيج متبهذله من ورا واعوفه

ياخويه يعني شبيدك

لا بيدنه سألت وكالو تكدر متروح ولا تنفذ الحكم

ياا نائل ياحكم ياروحه اني راجعتله

صاح مترحين وعلي اكسره ولا اخلي يلويج عباله ماعندج اخوه

نزلت يمه بست ايده الله ييديمك ويخليك الي سند ولايحرمني منك خويه لاتتورط ويا انت متعرفه ابسط شي عنده يسحب اطفالي حتى لو الحضانه الي هوه روحه بيهم ميكدر دونهم واني هم تعبت حقه ومالومه

نتر نبأ ليش ضعفين والله ميكدر يسويلج شي شمايوصل وين يريد اقصه حد بيت الطاعه وميكدر يعتبرج نشوز لان زوجته موجوده بنفس البيت نكدر نقدم دعوه ونكلهم خلي يفرق بينهم وكل وحده بيت

بهاي الحاله مايكدر

لا خويا عمتي خطيه ماله ذنب حتى لو طلع مرته بيت واخته ميكدر يعوفه راح يطلك وياخذ الجهال

استغفر وكف كال والله ماارجعج اله لو يلك السمه السابعه

امي ضلت تصيح ورا صعد فوك

التفتتلي ارتاحيتي

يمه شبيدي

كلشي بيدج عوفي الدرا

سه ورجعيله لو اخوج مندعم شستفاد منج ومن ال....... هاا

يرجعلي اخوج مكسر سنين تحملت بعدهم في سبيل يرجعلي سالم ويمشي بحيله انتي اختاريتي اتحملي اختيارج

خلتني ادك والطم شنو ذنبي اني

الله واكبر عليج من أم دومج ضدي شمسويتلج
هاي ساره مسوين وياهه مثل مسوين بيه

اجت ندى لزمت ايدي كافي نبأ ميفيد الطم صدكي كلنه وياج

وتعرفين خالتي من حركت كلبه على نائل متعرف شتحجي

التفتت واني ندى مو بته ليش كلبه ميحترك عليه شفرقي عنهم كلهم تفكر بيهم واني ضاربتني ركن

........ يتبع

‏"سيُقال عنك ماليس فيك☝ ، وسيُقال لك مالا تحُب💔 وسيُقال انك فعلت مالم تفعل🐾
فخذ العفو وأعرض عن الجاهلين."🌸💜

#مساء_الخير

🎀🧸#يسعد_أوقاتكم_بكل_الخير 🎀🧸

💌🧸#توقعات_الابراج_ليوم_السبت💌🧸

#الحمل💘🧸
مهنياً: يوم مميّز يسلّط الأضواء على قدراتك الإبداعية والإنسانية، ولعلك تنال جوائز أو ميداليات تقديراً لجهودك.
عاطفياً: إذا كنت عازباً فهذا اليوم ملائم لإعادة النظر في استمرارية عزوبيتك، فأنتَ مقبل على مرحلة مهمّة من حياتك.
صحياً: لا تكن من أصحاب القرارات الضعيفة، ولا سيما حين يتعلق الأمر بوضعك الصحي .

#الثور 💘🧸
مهنياً: تكون مميزاً في عملك، وتقدّم أفضل ما لديك من طاقات ومواهب وتتحمّس لبدء مشروع جديد.
عاطفياً: عش أيامك كما يجب، ولا تفوّت الفرصة للاستفادة من كل دقيقة هدوء وراحة لتعيشها مع الشريك، فهو يحتاج إلى عطفك وحنانك.
صحياً: داء البدانة والوزن الزائد هو الرياضة والحمية الصحية والقرار الصلب وعدم التراجع.

#الجوزاء💘🧸
مهنياً: عليك أن تهتم بتفاصيل عملك أكثر اليوم، فأنت أمام العديد من التحديات والمواجهات الشرسة.
عاطفياً: تشعر بعواطف جميله تجاه شخص تعرّفت إليه أخيراً، وتقرر الارتباط به بأسرع ما يمكن.
صحياً: لا تترك الكسل يتغلب عليك ويثنيك عن القيام بأي نشاط يبقيك في حركة دائمة.

#السرطان💘🧸
مهنياً: بانتظارك اليوم الكثير من الفرص الذهبية التى يجب أن تعرف كيف تستفيد منها كي تحقق النجاح المنشود.
عاطفياً: تتحسن أمورك مع الحبيب ولكن عليك أن تعرف كيف تحافظ على هذه العلاقة.
صحياً: اختر ما يناسبك من البرامج الغذائية وطبقه بحذافيره ولن تكون إلا سعيداً.

#الاسد💘🧸
مهنياً: تتعزز قدراتك وتجد حلولاً لمشكلات عالقة وتبدأ علاقة جديدة وتعرف اتصالات مهمّة تتعلّق بسفر أو بتنقّل.
عاطفياً: تبتسم لك العواطف وترتاح القلوب وتطمئن الخواطر، وتدور الظروف لمصلحتك مع الشريك وتحالفكما الحظوظ.
صحياً: كرّر محاولاتك للتخلص من السمنة، ولا تدع اليأس يثنيك عن المتابعة.

#العذراء💘🧸
مهنياً: قد تحقق مشروعك الذي تخطط له منذ سنين طوال، وتنال ترقية قلما حصل عليها آخرون في سنك.
عاطفياً: لا تتلاعب بأعصاب الشريك لأن ذلك قد يترك انعكاسات سلبية على علاقتك به.
صحياً: تتعدّد المناسبات الرياضية والترفيهية، فتحاول تلبية كل دعوة إلى أي منها.

#الميزان💘🧸
مهنياً: تجد نفسك ضحية بعض الابتزاز في العمل ما يدفعك الى الغضب والثورة، أو يجعلك في موقع منافسة مع خصم شرس.
عاطفياً: تجاربك السابقة في المجال العاطفي لم تكن جيدة، لكن ما تواجهه اليوم يختلف كلياً.
صحياً: يوم مناسب للقيام برحلة ترفيهية مع العائلة في أجواء جميلة، لا تتردد.

#العقرب💘🧸
مهنياً: يوم مهم من العلاقات الجيدة والأعمال الناجحة والمفاجآت السعيدة، وتحصد ثمار ما زرعت بعد سنوات من الجهد والتعب المتواصل.
عاطفياً: عليك الاهتمام برأي الحبيب والاطّلاع على حاجاته وطلباته، وتشتد العلاقة المتينة صلابة.
صحياً: قد تصاب بانحلال مفاجئ بسبب نقص في المناعة ما يؤدي إلى انخفاض نشاطك.

#القوس💘🧸
مهنياً: ابتعد عنَ إثارة المشكلات وإذا أمكن إبقَ على الحياد، لا تتدخل في شؤون الآخرين، واحمِ علاقاتك من التحديات والجدال.
عاطفياً: احتفظ بأفكارك لنفسك ولا تعبّر عنها أمام الشريك منتقداً أو محاسباً، فهو لن يتحملك مدة طويلة.
صحياً: كسلك وتخاذلك هما السبب الرئيس لتراجع وضعك الصحي والترهل.

#الجدي 💘🧸
مهنياً: قد تتخلّى اليوم عن بعض القناعات التي لم تعد تخدم واقعك، وتنجح في مسعاك لإعادة الأمور إلى مجاريها وحل بعض الخلافات الناشئة في العمل.
عاطفياً: سارع إلى إطلاع الشريك على مشروعك لتمضية أجمل الأوقات معه بعيداً عن المحيط وهموم مشاغل العمل.
صحياً: الصداع وآلام المعدة مصدرهما التوترات العصبية التي تواجهك يومياً.

#الدلو 💘🧸
مهنياً: تشعر بالقوة وتزداد اشراقاً وتقود مسيرتك وتحرز كسباً مادياً، ابحث عن تحالفات قوية، باستطاعتك تحسين رصيدك بين الزملاء.
عاطفياً: قد تصلك أخبار جيدة وتكون مفيدة لك على الصعيد العاطفي وتبدو متحمساً وتصبح شغوفاً وكثير الرغبات.
صحياً: تجنب قدر الإمكان إرهاق نفسك في أمور لن تعود عليك إلا بوضع صحي متوتر.

#الحوت💘🧸
مهنياً: الاستماع إلى النصائح بات ضرورياً، ولا سيما أنك تنتقل من مركز عادي إلى مركز استثنائي، ما يثير غيظ الكثيرين.
عاطفياً: ينزاح عن صدرك جو من الشكوك مع الحبيب، وتكون عاقلاً ولن تصاب بخيبة على أثر تصرّف غير مسبق منه.
صحياً: خفف من الأعمال غير المجدية، ودع أصحابها يقومون بها، واسترح قليلاً.