وتضحك

شويه وخابرت ساره كالت ناجحه

اي شكد المعدل

كالت ٦٧

هبطت كل معنوياتي

لاصدك

يول شبيج والله زين منج ونجحتي ومعدلج حلو

كتله لاساره بربج كل هذا الدك والطم

كالت عادي حبيبتي يصير لو مداومه سادس يمكن اطلعين اعله

سديته واني كل معالم فرح ماعندي متوقعت نتيجت تعبي بهذا المعدل

عمتي من عرفت نجاحي فرحت وباركتلي ساعه وكامت الاتصالات تجيني امي وتقى وندى يباركون وتقى تهلهل شفت فرحتهم وتقى صيح راح اطبين كليه عيني وشيلين خشمج علينه

باعي تاخذيني وياج اشتريلج الزي على ذوقي لج مو وانت وحضرت الرائد ترحين

ضحكت على سوالفهه

للضهر طب اول مابشرته عمتي

ولا كأنو عمتي كالتله مرتك ناجحه

..........يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

تكملة البارت ٦٧

يوم العرف نجاحي مارد ولاباركلي واني سكتت ماهتميت البروده لليل اجو اهلي جايبين كيك
وفطائر ندى والجهال وتقى ونائل وامي وبيبي
طرت بيهم فتحت الصاله وطببتهم اجت عمتي
مكيفه بيهم ترحب بيهم رتبت الكيك والبيتفور
والفطائر على الطبله وهمه يضحكون ويسولفون

اجه يمن يركض ماما العنون يبجي يقصد الجهال
امي كالت يمعزايه غير تنتبهين الهم لوما يمن تدرين بيهم عفت البيدي تقى كالت اني اكمل جيبيهم هنا ركضت رضعتهم اجت وراي ندى شالت يزن واني بيدي زيد

يمه فدوه نباء صايرين يخبلون منشنشين

طبعاً اذا حالبيني حلب ممخلين بيه شي

تباوعله وتناغي وكفت كتله امشي هناك اذبهم على عمتي وامي

طلعنه بطبتي رحت العمتي كعدت لازمه التلفون تخابر عرفته هوه من كالتله نسايبك يمنه يباركون النباء

ربع ساعه وطب سلم على نائل وعلى امي والنبات

التفتلي اشرلي اطلع

شيريد انطيت زيد العمتي طلعت كدامه

ترخص اجه كال جايب عشه وحلويات شوفي الاهل متعشين لا

مولازم اكيد متعشين وجايين

دروحي شوفيهم عيب رجع صاح تعالي رتبي كلشي وصيحهم عزيمت كردي

اخاف متعشين ومياكلون هوه فاتح الجيب طلع العلاليك طبب للمطبخ نهله واكفه مكتفه ايديه

مهتميت كتله اذا ماكلين مياكلون شي

زمخ شكد تلحين رتبي لضلين تحجين سويتيه قضيت عنتر

ضجت من زمخته عبست درت وجهي وكفت اطلع بلاكل جايب كباب وصدور دجاج وطماطه شوي وطرشي وجايب حلاوات

قسمته ومديت السفره

رحت اصيح تقى شيل وياي طبيت امي تحجي لا خاله عيوني متعشين وجايين لاتكلف نفسك

كله لاكلافه ولاشي هلقاسمه الله جبته يله يابه صبي

نائل كال ابوحمودي متعشين والله قابل نجربكم
هاي جبنه تحلايه وره العشه وهم مناسبت نجاح نونه

التفتلي ميخالف نتعشى اني هم بلا اكل كالهه والتفتلي يله بويا روحي كملي

رحت ركض كملت السفره طلعت من باب الهول على الصاله  صحتهم  ندى وياي بلمطبخ تخض البن سوته من الروبه عرب دائماً يجيبه وياهه بطالت حليب من أمه  صديقه عنده حلال وياخذ منه يوصي ويجيب

اني افور الحليب واشربه لان ارضع ويعوض الكالسيوم بجسمي

دخلو اهلي استحو من قادر يردونه مااكلو هواي كضيناهه ضحك وسوالف مرتين عمتي ودت يمن يصيح نهله مااجت حابسه نفسه بلغرفه اني كعدتي يم عمي واشوف قادر منطلق وشويه وندك الباب كلي هذا ابو أدم

طفري فتحيله باب استغربت رحت فتحت الباب صدك شمس باسني الف مبروك بنيتي
الله يبارك بيك

كال ياهله بلنسيب تصافحو شلونك اخبارك
شمس الحمدلله بنعمه

كله تفضل ويأشر بيده على باب المطبخ
شمس  جرني جوه كتفه اي ام النون عمي  بطله
من اول سنه تنجحين لادروس ولا مدرسين

طب للمطبخ كال والله ماخذلك ذيبه كالت انجح وشوفون واني جنت اشجعهه وماعندي امل
اكول هاي تحلم خليه على واهسه

قادر ورانه سلم وكال اكعدو يابه مامتعشين جوعيه

رد قادر الف عافيه مماكلين من چدك

كال لا يابه ياچد هذا خير الوالد الله يرحمه

امي كالت لاوالله موكدامه ابو ادم ورده

نائل اي اكيد ورده منو يهديلج كلاده ابن ابو حميزه

ضحكت يمه هوه اخوك ماعنده هاي السوالف كلكم ولدي والله ليحرمكم مني

قادر كال يابه كملو عشاكم تفضل ابو ادم

كله زاد فضلك قبل شويه نكدتلي لفتين ونص خل ينهضمن

قادر دنزل يخوي ولاجنك تدري

ابد والله ابو حمودي  تريدني انتخم واليل ماانامه

عاد شويه وكامو لملمت على السريع تقى وكفت تصفت الكيك بماعين زغار وقواطي ببسي وشوكات

حتى ذني جايبيهن وزعنه وبده الضحك والشقه وشمس وقادر منطلقين صوتهم يرن وامي وعمتي وياهم

واحنه كعدنه وبيدينه مواعينه اكل كيك

الجهال خالتهم بلغرفه نايمين ويمن وجهال شمس يفترون يمنه

اباوع البيت حييه بجيتهم وفراحنه لمتنه شويه وقادر كال جيبيلي الطاولي نلعب اليوم ابو الدوم يريد يغلب واني مطبكه بعقلي منو يكدرلي

طفرت نزلته الهم ولتمو بلكاع يلعبون ويشمرون الزارات
واني مطفيه بيه مااعرف وكل شويه صاح شمس خرب غير حظ دنطيني عمي شتقره طلاسم

ثائر يكله ليالي الجيش وين تروح بلطاولي والورق
كال هاي لعيون يمن صفك ايديه وشمس طفر كله عمي دروح انت ويمن كعدتني على الصفر هاي اخر حجر ضربته

صاح قادر شعبالك تفوز عليه

ضحك نائل لا شمس راحت هيبتك

كله شوفني عضلاتك ابو الهيبه 

رجع بمكانه شجابني يمعودين ماي كتله يمك على الطبله

شرب وقادر يضحك على شمس شوفي اخوج راحت كشخته بين العربان شمس كال ياعربان يمعود غير المره هسه تنكتني واني عارض  بطولاتي  عليه

ههههههاااي غير كعد جبار حنش

شمس خرب غيرتك شذكرك بي

يول غير صديق العائله بأيام الوالد

كله مملحك عليه الوالد جان يسولف عنه

تقى ندستني

هاا اكلج اهم رحتي فحصتي

ليش افحص اجتني مامقطوعه

كالت لا  اذانج مسويتله سونار

لا شبيه

لزمت اذني يعني سمعين منطرشتي

شبيج  تقى

كالت عليج النبي هذا رجلج هيج صوته يوميه

ضحكت لا خايبه غير من شافكم

هيج ينسه روحه

كالت فدوه ال الله والعطيته لو هيج عطوه لو متنراد

فتحت عيوني عليه ضحكت خايبه شبيج من خفه لهل عيون غير اشاقه

ندى كالت تقى يجي يوم توكعين نفسج بمصيبه من لسانج

كتله تردي اطلكي واخذي وهوه وعطيته يشوفج التعقيد على اصوله اليشوفه يحوفه

كالت شبيجن موتدرن بيه اشاقه

باوعتله بطرف عيني لو ادري بنيتج مثل لسانج غير اكصه الج

يمه يمه شوفي الغيره

ندى كالت ههههه متسألين نفسج من تغارين على نائل من رفيف لان يشاقيهن تكلبين الخلقه

غير اشكه شك بس يفكر يباوع على غير حتى لو صغيره وهنه مو هطولهه ملعبات وينخاف منهن

بسرعه نخزني كلبي من حجايات تقى اني شكول اشوفه بعيني ماخذه بحظنه وتحسدني عليه

وره ساعه طلعو رغم عمتي وقادر جلبو الوقت تاخر والجهال نعسو كتلهم باتو مقبلو

امي وشمس متعونين وجايبيلي سوار عريض ذهب بس منظره يفرح طرت بي ونائل كلاده ناعمه وبيه خرزه زركه

بوستهم  بلعافيه امي شايفه كل الخير عليهن لبسي
وتمتعي

اشكرت منهم وصلوللطرمه شمس صاح باعي يابه وقادر هاي كدامك اذا طلعت انسيابيته صديقي دكتور جامعي اخذكم اله يسويه

هزيت راسي وقادر ساكت سلمو وطلعو

طبيت يمن نام على التخم على وجهه سوده عليه من العب عمتي صاحت قادر خويه شيله لفراشه اخذه لفراشه وكفت الملم بلهول والماعين نكلتهن للمطبخ رجعت اكمل 

طلعت نهله كالت بله متستحين مكعدتهم هنا ماعدنه صاله وتاخذيهم هناك خليتيني محبوسه من وره حضرت جناب اهلج فرضن انحصرت واريد اطلع واهلج مكومين هنا

كتله منو مانعج اسلم واطلع

كالت عشتو وتهز بركبته اسلم اطلع عوزج بس اخذهم بلاحضان مره لاخ عدنه مهجومه وتوديهم الهه مفهوم

لا ممفهوم  واهلي واني بكيفي اكعدهم هنا هناك بليعجبني ملازمتج اني وحابستج بغرفتج انتي الحابسه نفسج

كالت شكد ادبسز وصلفه عمري مشفت مثل صلافتج هذا بيتي اني اهلج مره ثانيه توديهن للصاله ممنوع دخليهم هنا

كتله دولي مني جايتني تزامط بيتي كملت تعزيل وهي واكفه معصبه وزادت من شافتني مهتمين ورجعت اعزل اجت جرتني من ثوبي من وره محسيت غير تكومت على ضهري اني والماعين بيدي

مطلع قادر بعده بغرفت عمتي والباب مسدود عبالي صاعد  شافني كال هاي شكو

شلت روحي وهي دارت وجهه وراحت للغرفه

كتله حرمتك  المصونه وكعتني شنو دخلين اهلج للهول

كال شبيه

مخبله يعني شبيه العجوز صحت بصوت

كال بس نباء بله مشاكل

لاوالله اني اريد المشاكل فوك مجرتني وكعتني ولت وتطرد بهلي تريدني اسكتله وبله مشاكل

اي دوري مشاكل وكببيه للامه وشلون اني فارغلجن

كتله لاتعب روحك اني احل مشاكلي بروحي هسه اروح اسحله من شعفته واطلع ضيم كلبي بيه

مدنكه والم بلكزاز

كال الله يهديج ويعقلج يهز بيده رفع دشداشته وصعد

بليل حاول يصالحني واني مااعرف قافله كلبي بعده على صورته نص اليل واخذ مخدته وطفر للغرفه من بجي الجهال وصارت عنده عاده حتى لو الجهال نايمين
واني منا لاعبه روحي من سوالفه وسوالف نهله الي بيهه وماتتماده تصرفاتهه لبسه كضيت سنين وياهم وهي تلبس هلدشاديش

شنو التغير يشوفه برمودته  ويغلس ميكله شلابسه اني ميحاسبني لان اضعف منه بمرتين هيه يطلع وزنه ب٨٠

ميكعد على السفره اذا ميصيحهه ويانه وهي تتعزز
يشوفني اركز ويا يبطل ويعوفه ايام مرت وهوه على تصرفاته

صرت حذره اكثر مااغفل عنه هي تتحرك براحه
مااشوف غيره بعيونه ولا صعدت بعد رغم وره ميروح للغرفه الثانيه اتسحب ورا الكا نايم وحده

جنت كاعده اسولف ويه ام وئام وكتله على مشاكلنه شهكت كالت صدك نباء عايفته على راحته ولج غير يمل ويرجعله امي هاي شبيج نباء صدك تحجين

شسوي يغلط بحقي وميعتذر وعنده زعلي لاشيء

واذا حسسي زيدي اهتمامج وانتي زعلانه خلي ينجبر يراضيج ولا تركي هاي لو شاطره جان من زمان سحبته الهه وانتي ضاله دورين مراضات

ام وئام ممقصره ويا ملابسه وأكله بيدي البيت عليه اني دايرته

ميخالف لمي سولفي ويا خلي يحجيلج كلشي هوه مبدئياً يتعود ويكوم وحده يجي يخرط الاول والتالي
قربي الج بلبسه باكله بسالفه بنظره لشيلين خشمج وتخلي ينفر

الرجال شما يحب المره القويه يحب التكون تحت سيطرته لاتسترجلين ولا تعلين خشمج خليج بينه بينه لو تصرفه زاد عن حده بذاك الوقت الوي ويا وخلي ميندل دربه دونج

ماكو رجال ميضرب وماكو مره ماتحملت ضرب على الاقل قادر يحبج بس ميعرف يعبر هذا طبعه علمي على اطباعج بس شويه شويه

كالت هاي شلون كاضيته هيج والله اني منج اخبله

علميني فدوه العينج صدكي مثوله وماكو وحده بلوته مثل بلوتي وتوعيني

كالت باعي اليوم من يجي نزلي عادي طبيعي مثل كل يوم غدي مو يصعد ينام ويسبح ويطلع للمعرض مو هيج جنتي تكولين

اي هيج

من يمدد امرغله جسمه بزيت اكمل اسبحه بيدي وهيج بين فتره وفتره يتعود عليه وراهه ابدي ملابسه بيدي انطيهن اله يلبسهن والبسه ساعته حتى عطره اني ارشله

كتله شنو السالفه ماوراي جهال بيت طبخ

كالت خرب حظي ولج مياخذن من وقت شكد ساعتين ثلاثه فرغي روحج ا

نتهي اللقل تفاصيله

كتله واني اكضي يومي ماعندي غير قادر

كالت لعد خلي يرجع الحظن نهله

اني بس كالت هيج كتله لا عفيه لتخوفين

كالت لعد شنو الرجال يدور اهتمام وبنفس الوقت معتنيه بيتي وجهالي صدكي مراح يشوف شريجتج  لو تصلخه كدامه سوي الاكلج عليه تربحين

ختمته واني راسي يفتر من كلامهه قبل هم هيج نصحتني واني فتره والتهيت بدراستي ونسيت الاول والتالي

مشت الايام واني اخذت بنصيحته زدت اهتمامي وكمت اخذ وانطي وياا كسرت حاجز الزعل رجعنه مثل قبل وهوه ينام ويفز نص اليل مخنوك يشرب مي ويرجع وهوه يردد ايات قرئانيه

يكعد الصبح يلبس واني افتر ورا هاك البنطرون الحزام الفانيله انطي العطر وانزل ويا الكه نهله واكفه سويله ريوك وشوفني اني ويا حلك على حلك تتخبل ومتبين

اسمريت بهذا نظامي وهي ازيد عناد تكعد بصفه وصل بيه الوضع توكله اشوفه واسكت وهوه مستغرب وضعهه ستركه على راحته

يوم من الايام كعد مختنك ويكح شرب مي طفرت يمه
كتله شبيك كلي جيثوم خنكني اعوذ باالله كام يضوج من هاي الحاله

برجعته بليل يكابل الجهال ويكعد يناغيهم وهمه عمرهم شهرين تفحو وبينت معانيهم شويه

يكل العمتي طالعين على بيت جدهم مامخذين مني شي كالتله مايته غالبه على مايتك  وطلعو يشبهوه

كتله يعني شنو كالت يعني يحبج  اكثر منج  لهذا يشبهوج  ضحك واني كتله عمى وين لاكيته

كالت انتي ضلي بسالفتج مااصدك

كتله يعني صدك متدخل العقل

كالت هاي عدنه بايام كبل

زين واذا طلعو ميشبهوني ولايشبهو

كالت ولي كومي كمطيهم لدوخيني هي هيج عدنه

كعدت يمه اكمطهم

وهوه لازم زيد

دخلت نهله شالت حمودي مقبل راد يضل كالتله تعال نام برطم كلتله عمتي عوفي يمه من ينام اصيحج

مو ارد انام مكاعدتله

خلي يمي انيمه

ماقبلت شالته وكام يبجي

قادر كام جره منه نترت عوفه انومه

كله روحي نامي اني اشيله اذا نام

رفعت حاجبه ماشي من ينام جيبه يمي

راحت كعد قادر وخلا بحظنه

كملت الزغار ونومتهم

يمن وحمودي بحظن ابوهم استغليت الوضع مدامهم ساكتين سبحت ركض ركض  وكملت وكفت امشط شعري طويل لفيته مومال سشوار يطول

لبست روب فوك ملابسي ونزلت بعدني على الدرج واسمعه حجي وكفت بزاوية الدرج مال الوفه
مديت راسي

نهله واكفه بصفه يم المغسله وهوه واكف مبين ستوه غسل

يعني كلبك ميحن مالي مكانه بكلبك هيج جافيني ازوجت وقبلت واخذت ابني اله وكلت ميخالف وانت مبتعد هم تحملت موكافي قادر اني مااتحمل بعدك

تقربت منه صارت ويا جسد ملاسق جسد

كمت اغلي واشوف عيونه الهايه بي وهوه صافن بوجهه وملامح جسمه المغريه  خلتني مااندل دربي
اردد اصبري خلي اشوفه تاليته اتحملي

حظنته وهي تبجي قادر فدوه لاتبعدني يوم يمه ويوم يمي عادي اقبل بس كون وجودك يمي يكفي سلمني كلبك مثل قبل

شفته حاير ميعرف شيسوي

رفعت راسه من صدره لتلومني حبي الك فاق الجنون تخبلت من ازوجته بيش احرك كلبك غير بفلوسك

مشفت كدامي غير حل  وخره عملتج غير واحد ذبحج

قادر من ناري والله متحس بيه غيري اني

تنهد مسح وجهه اخذ نفس هسه شتردين

اريدك  وهيه مرتبكه وتخاف تتفشل

كله الله كريم

يعني شنو تجيني

كتلج الله كريم

عافه وراح لغرفة عمتي هي طبت الغرفته مشافتني

نزلت واني كلبي يدك مااعرف شنو ردت فعله اله
طبيت وره لكيته مدنك شايل يزن

شافني تعالي شيلي زيد

شلته صعدنه  نومناهم بكواريكهم

راح بدل نزع دشداشته واني وكفت ذبيت الروب رشيت عطر هوه وراي سد الكنتور

صوفر على كيف

شطالعه ياب

كتله غير انت مشوف

هاا  اني مااشوف لوما فاتحهن عشره عشره تقرب صار وراي خضوصاً وياج شتم ركبتي يابه شهل عذاب

درني بدون ساب انذار هجم وخر يسحب نفس
كال ليش مبادلتيني هوه تنطي مجال

يله هاي كدامج اريد احس بيه

لا منيلي ماادبره ابتسم متعلمتي مني

هزيت راسي لا حصرني وهوه يرلف ايديه عليه
رجع كرر بوسته وخر وهوه يكح

جبتله مي شبيج قادر

اخذ نفس يفتح صدره ماادري ليش اختنك

كتله شتحس وايدي على ضهره اطبطب على كيف كاعد على الطابوريه

مااعرف بس من اصعد هنا اختنك ويضيق نفسي

افتح الشبابيك

جربي

ركضت فتحت الشباك  كومته تعال هنا كعد بعد مجريت الطابوريه وقربته من الشباك اخذ نفس

تقربت تنهد كعدت يم رجليه خليت راسي على رجله

خله ايده فوك راسي خايفه واذكر وكفت نهله وعيونه ولمستهه اله وكفته هوه واحسه جمد بحظنته خلت
كلبي يرجف

متحملت همست حبيبي

عيونه

نهله شرادت رفعت راسي ردت اشوف ملامحه شتكون

كانت عاديه ابتسم بحنان بعدج تغارين

شلون لعد اعوفك الهه

لا كلبي انتي موهيج الحجي

شون يعني عدلت كعدتي

موهسه عوفج منه وتعالي يمي مشتاقلج حجاهه بتعب حسيت بي  بسرعه تغيرت حالته ليش هيج يصير ويا
من شوكت عيونه بسرعه تحمر

وكفت جرني بهداوه كعدني بحظنه لف ايديه وهوه نفسه عالي راسه بصدري لميته بايديه واني كلبي ناغزني شنو الديصير

.......

اللي تحب تبرز عينها🙈👆🏻 بمكياج بسيط

#اعـادهتوجيـــہللفائده
#ملوكه

اللي تريد تسوي غمازة🌚👆🏻لاعمليه ولاشي.بطريقة بسييطة وسهلة

#اعـاده_توجيـــہ_لتنسون
#ملوكه

تسريحة بسيطة وحلوة😍...تناسب أي فستان تلبسي او بطرون😎

#اعادة_توجيه_للفائدة
#ملوكه

هج تسريحه تناسب 🙂الفساتين طويله
وتكدرين تسويها بالبيت🌚💜

#اعادة_توجيه_للفائدة
#ملوكه

الهالات السوداء .🌚😩
.
طبعاً سببها السهر • قلة التغذية • قلة شرب الماء واعراض داخلية •
ك فقر الدم او التهاب في الكبد او وراثة 🌸
.
. .
.
وصفة سهلة وجدا بسيطة .❤️
.
.
نحتاج • اكياس شاي اخضر🍃 مطبوخة
؛مرطب تحت العين
.
.
الطريقة :ناخد الاكياس المطبوخة🍃 نضعها نص ساعة ب الفريز 🌨بعدها نحطها فوق العين نص ساعة 🕝ونمسح العين 👁ونرطبها وننام 💤؛

•

ممكن ترطيب اسفل العين ب «زيت لوز حلو وزيت افوكادو» ھـہميہنھ❥ يساهموا ب تفتيح ونضارة.المنطقة.
للحصول على نتائج حلوة اتباع مايلي :
👏شرب كمية كافية من الماء ..😢
👏تجنب السهر..
👏ازالة المكياج فوق العين بمزيل طبيعي.
👏النوم الكافي..
.

#اعادة_توجيه_للفائدة
#ملوكه

افكاااار هاند ميييد بالورق الملووون هواي دارج موديله عند اصحاب الاعمال الفنيه 😍😻✨
نزاكه وفيكه غرييبه 🌸👄💓.

#اعادة_توجيه_للفائدة
#ملوكه