هلا هلا بالربع🌚
متتصورون اشكدددددد مشتاقتلكم ..اختفيت شهرين ورجعت الكى اهواي تغيرات من ناس ارتبطت وناس اتزوجت وناس جابت وناس مكضيها شغل البيت والنوم..

عالعموم اللي سألوا عليه ..الحمد لله كلنا بخير ...والاكثرية تسأل اتزوجتي؟لا كاعدة عل كلبكم😂💔 اللي صار أنو قدمت عل مدرسة أهلية وانقبلت بيها فجان وقتي مامنظم وأبد مدالحك بين دوامي وشغل البيت

فاعذروني عالتقصير واكيد رح انزل قصة حلوة 😻وحقيقية مثل ماعودناكم بس على باجر لأن هسه العالم نايمة ..طبعا مسجاتكم بالبوت عبرت 200 😂🤦‍♀مدري محتارة بيمن ابدي اجاوب


#ملوكه

ولو متأخرة عليكم بالرد🥺 واكو بيهن سألوني على تنسيقات وطلعات وخلص وقتهن.. بس مع ذلك رح انزلهن حتى الكل يستفاد❤️

#ملوكه

حبيبي معليج بحجي الناس..كون ترحين لدكتور مضبوط ويشوفهن يله يقرر
اكو شامات يكدر يزيليهن واكو لا..
فدكاترتنا أكثرهم ميفتهمون وبكيفهم يحجون فلو ترحين لايران وتفحصين اهناك احسن

وماسك اللي بي شب أكثر شي يستعملوا لتبيض الابط..فجيبي من العطار مطحون واخبطي وي أي مرطب مثلا جلسرين🌚🌺
عن تجربة رح تشوفين فرق بالاستمرار


#ملوكه

عمري حب الشباب نصه يعتمد على نفسيتج اذا أنتي مرتاحة نفسيا وماتتعصبين فتلكين وجهج صافي وقلة بي

راجعي دكتور جلدية مضبوط ويطيج العلاج
بس بالنهاية خلي ببالج حتلو ماراح انتي اتقبلي نفسج لأن الاكثرية عدهم وعادي عايشين حياة سعيدة☺️🌸

#ملوكه

لابالعكس أبد لاتفكرين هج لأن ماكو أم تغار من بناتها
ممكن يتغير اسلوبها وتعاملها وياج باعتبارج جبيرة وتخاف عليج فتعاملج بهالطريقة
واكو أمهات يظهرن الحنان لبناتهن واكو ميظهرن..فحسب طبيعتها

فلاتخلين هج أفكار ببالج لأن الأم متتعوض❤️

#ملوكه