الأبراج التي تفكر بالمستقبل:
#الدلو #الجدي #العذراء

الابراج التي تفكر بالحاضر:
#الأسد #الميزان #القوس #الحمل

الابراج الي تفكر بالماضي:
#الثور #الحوت #السرطان #العقرب

يفكر بالماضي والحاضر والمستقبل...
#الجوزاء

ابراج يهتمون بسمعتهم امام الناس اهم شي بحياتهم السمعه الطيبه

#الاسد #العذراء #السرطان

ابراج ماتهتم حتى لو قالوا عنهم كلام سيئ راح يعجبهم ويرحبون بي

#الحمل #الحوت #الميزان

ابراج لو تتكلم عنهم بالسوء وامامهم مراح ينظرون حتى بوجهك

#الجوزاء #الجدي #الثور #الدلو

#بارت41

2010

____

يزن :
__

ضلت متجاهلتني ساره اياممم وكأن تبدي طريقه جديده وياي بعاملتي وبدت تعاملني كاني شبح ما الي وجود بحياتها . تتحاشه الكعده وياي تتحاشه الكلام وياي تروح وحدها وحتى بدون متحسب حساب اليه . تكرر كلامي وياها واني احاول افهمها بكل وسيله انو ما قصدت هيه الخد التدوسه . بلمعنى الحرفي وانما كان كلام طبيعي وتعني جوه رايتي وتسمع حجايتي . وهيه رافضه هلشي ومعتقده انو اني جاي ارسم لخطه لاخضاعها تحت سيطرتي ...
سحبت ايدها واخذتها : مو ويااااج تعاي احاجيج .
انتي شنو هلتصرفات الي تصرفيها ....
ساره : عن يا صتغفات (تصرفات ) دتحجي عنها ....
يزن : عود شنو تحاولين تغثيني متحجين ومتسولفين ....
ساره : لااا بس محكون يوم من الايام الخد التدوسه .....
يزن : لج بابا هذا مثل والامثال تضرب لا تقاس ....
ساره : بس اني اذاني هلمثل مستهضمه منه . مو طايقه احجي وياك .
بدت يزن يخض بيه : شبييج هاااا شبيج تخبلتي .
ساره : وخغ عني ....
صاح بصوت عالي
يزن : سااااره شبيج هااااااا شنوووو فلمج ....
ساره : اي تريد تضغبني؟؟؟
يزن : هههههه انتي مفاهمتني اني شنو . كل الي عبالج اني رجال همجي رجعي ....
ساره : اني مكلت همجي وغجعي ؟
يزن : لعدددددد شنووووو فهميني لعددد شنووو .
ليش مثل امج انتي دائما دماغج ميسحب بس الي هو يريده ....
ساره : لتجاوز ع امي . يزن تغه طفح بيه الكيل وياك ...
يزن : اني ما اعرف انتي شلون تفكرين بس كل ما بلموضوع اني اختلف اختلاف كامل عن افكارج والصوره الي ماخذتها اليه وحاولي تغيرين من فكرتج والج حق بلعيش وياي منا لحد متتخرجين .....
ساره : واذا اكلك اني ما اغيدك من هسه . ؟؟؟؟
يزن : خلاص حياتج وانتي حره بيها . ممجبوره بيه ....
ساره : باااع مو اكولك متحبني ؟ ....

يزن : اني مراح اكون الج جاسر يوم من الايام . الحب الي جواتي يختلف عن حب جاسر الي عايش بمخيلتج ....
ساره : واني اغيد حب مثل حب جاسغ (جاسر ) ....
باوعلي نظرات ما فسرت شنو هيه وتركني وراح . ومن هلحظه بدت مأساه شي اسمه تجاهل صرنه واحد يتفنن يتجاهل الاخر .
اي طرف يقدم على عمليه وخطه لتجاهر الاخر . يقوم الاخر بصنع خطه اكبر للتجاهل .
تحول البيت الي حلبه صراع هادئه . لحد ما استنفذ كل طاقتي ويا وتحول الي الانسان الي توقعت راح يتحول اله مجرد ميحس بلتجاهل ومثل ما جنت متوقعه مغرور متعجرف اناني وميهمه بس نفسه ومشاعري لا شيء بلنسبه اله . وبده اول طريقه عود يريد يأذيني بمايا ...

اجتمعنه بسفره وحده ووضح كلامه بصيغه غير مباشره : انطيت نسخه من المفتاح لمايا . خاف انتي تتخربطين وساره مموجوده يمج ....
بدون متعرف حجم الشغله الي سواها
سوزان : يلا خوش ....
ضجت من هلموقف واحنه بعدنه ابدايه طريق يرسم لمستقبل موعود وراد يسويلي جره اذن دخل مايا بحياتنه بعد ما حاووولت مرارا اجردها من اهليتها ابيتنه .
ما جاوبته وتلافيت هلموضوع بس بده هلموضوع ينرفزني حال وصول مايا للبيت كأنو ما عولت ينفتح الها امل من جديد وحاولت تستغله دفعه وحده . واجتي تركض وبيدها سمجه مشويه على فحم . ادري بخالتي تحبها ...
يازي انت هم تحبه مو ؟؟؟
بده يزن يخرج من الجحر ااي جان ضام روحه بي والكاركتير الي راسمه لروحه وهو يكول الها
يزن : اي اني احب اي شي مطبوخ ع الفحم . مرات اجيب سمج خاص مطبوخ ع الفحم من المطعم العراقي ...
مجاوبت ومشاركت بلكلام واكتفيت بلمشاهده فقط مشاهدة يزن وهو يتحول الى زير نساء ويحاول يطبق وحده حتى تعتذر الاخرى .
.
ما لكيت غير هاي الطريقه حتى احرك كلبه . دخلت لغرفه بيبيتي واني اشوفها نايمه بلفراش وتجاعيد وجهه حافره اثر عميق وكأنها ندوب .
دخلت تقربت عليها شلون ماما سوزان .
جاوبتني بتعب : الحمد لله ماما .
جابتلج مايا سمجه تحبين تاكايها ؟؟؟؟
سوزان : لااا ما اشتهي هسه خليها بعد شويه ....
ساره : خاف تبغد (تبرد ) تصيغ مو طيبه . غاح اجيبلجياها وناكلها هنا بغغفتج (بغرفتج ) سويه اني وياج شنو غأيج ؟؟؟
سوزان : والله يوم ما اشتهي . ....
ساره : اكلي بدون خبز خطيه جايبتها على حسابج .
واني افلسها الج وانتي اكلي .
سوزان : يلا خوش .
طلعت من الغرفه لكيت يزن ومايا على نفس الطاوله ومايا تسولف ويزن عاكد حواجبه . اول ما شافني رجع معانيه ارتخت وبادر بلحجي وي مايا كأنو يكلي اني مستانس مو بحاجه الج . ضحكت من سذاجته ههههه الحب باين عليه بس يحاول يخفي ويكابر وياي . بسيطه اني الك .
اخذت نص السمجه كدامهم وحطيتها بماعون واجيت كوتلها شكرا جزيلا مايا . هاي نص سمجه الك يزن اذا تحب تاكل راح ادخل اني وبيبيتي ناكل سويه .
اخذتها ورحت وحسيته صار كتله من الغضب . طبيت لبيبتي لكيتها غافيه كسرت خاطري . شويه وانفتح الباب : تعاي يلا اطلعي مو نايمه لو اله تضوجيها ....
ساره : اتغكني (اتركني ) يزن لخاطغ (لخاطر) عمي لواء ...
لزم ايدي بقوه وسفط اصابعي حيل : تمشين وياي لو اكسر اصابعج ....

ساره : اووووي وخخخخخغ (وخر ) .
نصيت سويتي وبديت اهمس : وخغ يلاااا ما اجي وياك .
عينه تترقب لبيبيتي لتكعد وعينه عليه ويحجي بصوت ناصي : لتطلعين الخبال الي براسي واجفي شري ساره وامشي عدل وتعاي تغدي ....
ساره : احسبني يا اخي صايمه . وما اغيد اكل وياك ....
يزن : لا ما حزرتي تاكلين وحتلو صايمه تفطرين ....
اخذني سحل صارت مايا بوجهنه : يلا اني رايحه مع السلامه ...
يزن : ليش بعد وكت ...
ساره : الله وياج ...
حست مايا على حجايتي وكانو طرده عيونها صارن بوجهه يزن تريده يكسر حجايتي حته تضل بس يزن سوه روحه ميسمع وتركها .
ههههههه كلت بكلبي انتصار اول عليج واني اعلمج منا وجاي .
وره ما راحت يزن ضل كاتل روحه : هو هذا اسلوبج.هو هذا تصرفج متستحين انتي اطرديها طرد ....
ساره : والله الماعاجبه يطبه مغض (مرض ) .....
.
.
.
مرت الايام وصارت مايا مكابلتنه وكاعده شويه شويه هيه تتقرب علينه وتبدي المشاكل تطلع النه من جوه الكاع .
وبدت تكلي : يعني انتي عود ليش لسا معلنتو زواجكم .
ساره : اخذ شهاده البكلوغيوس (بكلوريوس ) ونعلنه بحيل الله ...
مايا : اييي كلش تعطلتو هواي . واكيد يزن ميصبر بعد اكثر ....
ساره : شنو قصدج ؟؟؟؟
مايا : يعني ساره انتي دتشوفين يزن واكيد مسولفتلج خالتي عن علاقاته الي هواي . فاكيد اذا تأخر راح يلجأ للعلاقات !.
ساره : هههه لا لعد متعغفين (متعرفين ) يزن ميدوغ (ميدور ) الغخاص (الرخاص ) ويعوفني .
مايا : ههههه اشوفج لساج غشيمه وع نياتج اصلا يااازي مشهور بين النسوان .
ساره : اول شي هذا ابن عمي وزوجي ما اقبل واحد يحجي عليه وحتلو جان اكو شي بحياته صدكيني كولهن بنص دولاغ (دولار ) هنه غخاص (رخاص ) . هو شعليه .....

احتقنت مايا وحست كأنو كلمه رخيصه عليها ضلت تحجي متعصبه : اييي حبي هو اني دا انصحج حتى ليطير منج وتالي تعضين اصابعج ندم . عمومااااا بحياتج وانتي حره . حريمه تضيعين شبابج ويا ...
ساره : مشكوره ع النصيحه .
بسرعه اخذت السويج مال السياره وراحت واني ضليت مفرفحه ادري بيها جذابه وادري حياله لس حجيها اثر على نفسيتي وصرت اكره يزن اضعاف وهلشي الي خلاني اشبع بجي طبيت لغرفته واني منهاره افتش بيها دفتر مواعيد افتش بيها عن دليل يدينه كدام عيوني حتى احطه امام الامر الواقع .تفاجأت بوجوده على راسي واني شايله فراش الجربايه : ها تردين تحطين سحر ههههه . احبج بدون سحر ميحتاج ....

ساره : وخغ عنييي وخخخخغ .
سحب ايدي وي طلعتي : شو تعاي شبيج نافشه الغرفه وتتعاركين ودموعج مغرغره عليمن هاي كله صارلج شهرين كالبه خلقتج من وره المتل .
ساره : لااا وصلني خبغ (خبر ) عليك يكولون يزن يجنه نسوان للدوام واحتمال حتى يجيبهن للبيت ....
يزن : اهااا وبلا هذا يا كواد الي كلج هلحجي ....
ساره : ممكن بلا متحجي هيج . شويه اني غوحي طالعه ....
يزن : ساره راح اكلج شغله وحطيها ترجيه بذانج اني اذا اريد اجيب مره مخايف منج ....
ساره : يزن احذغك (احذرك ) تحجي وياي بهلطغيقه لان عقلي غاح يوكف والله العظيم .
يزن : لااات اله الا الله هلمره ناويه تجلطني . لج ليش عقلج صغيررر . منو هذا الي كلج منووو ...
ساره : العصفوغه كالتلي اغيدها تنقل اخباغك ومكسغاتك (مكسراتك )
يزن : خل اكلج شغله ساره . هلطريقه الي تتعاملين وياي بيها وكأني طفله زعطوط نهائياااا متمشي وياي . مو عبالج اني مثل غيري اضل متمرغل بلحب . صدكيني اراووويج نجوم الظهر . مو عبالج كاعده بأمركيا عبالج كلشي مباح وكلشي مسموح . لااا من توصلين اليه اعرفي ويامن تحجين . عاجبح هلوضع اقبلي معاجبج كل واحد يشوف حال سبيله .
ساره : اي والله واكون ممنونه اني معاجبني هلوضع . ما اتحمل بعد هيج .
يزن : اي خوش براحتج .
ساره : اغيد اغجع للعغاق ؟ بس غجعني وهاهيه ...
يزن : صااار صااار ....
.
مرت الايام واحنه متحاشين حتى النظر بوحوه بعض واني ضميري كام يأنبني على الي سويته وحسيت امي اتسرع لان مصدري مو واثقه منه . وكل هلايام الي الوم روحي بيها هو محاجاني لحد ما تمرضت بيبيتي . صاحلي بسرعه : سااااره .
طلعت من غرفتي واني اشوف بيبيتي واكعه بلكاع ويزن يضرب على خدها ويصيح : يوووم يوووم يوووم الله يخليج كعدي ....
اخذي السويج بسرعه وشغلي السياره . .
ساره : بس معندي غخصه مال سواقه واخاف تلزمنه الشغطه ....
يزن : بسرررعه حركيها يلا لتتفهين .
ساره : رحت اركض كل حيلي . طلعت السياره وحلكي يابس واشوف بيبيتي شايلها يزن مثل كأنو شايل ورقه يابسه . دخيلك ربي راح تموت . . صعدها بلسياره وكلي اصعدي يمها واني رحت اركض يمها : بيبي حبابه لتغكيني الله يخليج .
لحد ما وصلنه للمستشفى اني ما كمت اشوف بعيوني من البجي . طبينه اني ويزن ونركض ع غرفه العمليات مباشره منعرف شنو الي صار ويزن يحجي وياهم وهو يكوله خل نسوي فحص .
وهلفحص استمر ايااام وليالي . ويوم بعد يوم بيبتي منعرف عنها خبر . وكلما يحجي يزن يكلوله الك.حق ٨ ساعات تضل اكثر من هيج نستدعيلك الامن .

ويزن كلب الدنيا بس نريد نعرف شبيها صار النه يومين حتى يومين منايمين . مماكلين ولا شاربين بس نريد نعرف شصار ماكو .
اخر شي طلع يزن وخابر ظاهر وكلي انتي ضلي هنا خاف يحتاجون شو منو .
راح يزن وكل محامي حتى يعرف القضيه شنو وشصار .
شويه واجه يزن جايب المحامي . دخل المحامي وويا يزن واحنه بره . لمدير المستشفى
وصار الحجي انو اعظائها كلهن متوقفات كلهن وعاى المغذي بس نفسها يصعد وينزل من اثر الجلطات الي صايره بيها ضاربتها ١٢ جلطه دفعه وحده .
يزن انهار نفسيا وجسديا . وهو الوحيد الي دخل وشافها . وضلن يتراوحن يوم سلسبيل ويوم جيهان ومرات يجي لو ظاهر لو عدي . وصارت حياتنه عباره عن مستشفى . وارهاق وتعب ويزن ميتنه اله للضروره . ومرات جيهان تجي تنظف البيت وتروح ومرات تجي تنظف سلسبيل وعلى هاي الرنه ضلينه اكو شهر ونص بيبيتي عايشه بس نفس .
وبيوم من الايام جانت بطني تكطعني من الالم . نسيت روحي اني اصلا . وكلي يزن اكلج ضلي هنا اني راح اروح اسبح واجي وراح اخابرلج عدي . لو ظاهر يجون وياج . واني اروح لان بعد ما اتحمل روحي كلش .
ساره : مو تتأخغ عفيه ....
يزن : لااا والله ابد .
وي طلعت يزن غفيت شويه قريبه على بيبتي . والغرفه بارده وصار الم وتكطيع بطني اااخ يربي شيجيبه يزن خاف تسممت .....
بعدين تذكرت انو خاف تجيني الدوره ؟؟؟؟
عزززززه هو هذا موعدها .
رحت فتت للحمامات وشفت باديه اول علاماتها .
يداااده .
لزمت التلفون وضليت ادك على يزن : يلا يزن وينك .
دزيتله الرساله : وين ظاهر وعدي يزن خباب لتتاخر وين صرت .
وره شويه رجعت دزيتله رساله يمعود وينك .
وادك عليه وماكووو . كأن فص ملح وذاب .
شويه واجه عدي . ها ساره شلونج ...

ساره : ايي الله يخليك اني غاجعه للبيت ضل يم بيبيتي شويه واغجع .
عدي : تعاي اوصلج ...
ساره : لا ابددد دخيلك ضل حباب . ما اتأخغ (اتاخر ) .
رحت ركض وامشي بلعجل ماكو فكره بدماغي غير بس لا اتفشل ويصير حادث ويفشلني .
واني امشي تذكرت خاف تحتاج بيبيتي شي يعني خاص وعدي ميكدر يدبرها خابرت يزن اريده يشيله ماكو : دزيتله رساله اني عفت المستشفى خابر جيهان لو سلسبيل خل يروحن يم بيبيتي لان طلعت واذا قريت الرساله رد عليه .
ما اكدر اصعد بلسياره خاف الوص الدنيا وتلاص ملابس لان حتى التنوره الي لابستها كبس لونه ابيض وقميص كابوي . رحت امشي وادهي يا ربي لتحطني بهلمصيبه .

لحد ما وصلت قريبه ع البيت واني حاطه جنطتي جوه ضهري خايفه لا اكو شي كدام العالم .
......
فتخت الباب ودخلت شفت جنطه لونها احمر نسائيه . شايفه هاي الجنطه بس منو ما اذكرها . باوعت لكيت كوت ع وحده من القنفات وحذاء عاليه . وتذكرت هذني يرجعن لمايا .
لحظات انقطع النفس عني وحسيت غرفه يزن ابعد من القمر .
رحت اركض الها وشفت يزن نايم ع الجربايه ومصلخ نازع قميصه وضال بس بلبنطرون ومايا بغرفه حاطه رجل على رجل وتباوع بلالبوم
فتحت الباب مايا شهكت .وحسيتها خافت . صحت بصوت عالي
ساره : عايفني وحدي بلمستشفى وانت ضال وي هاي التحفه ....
فز من النوم
يزن : هاا شكو جنت نايم اخذتني نومه والله ما حسيت على روحي ....
ساره : جنت نااايم ... ؟؟؟؟؟؟؟ اي لعد شكو بيها ومايا جانت هم نايمه ....
مايا : احترمي نفسج شنو هلحجي مال الزعاطيط ....
ساره : انتمممم ثنيكم متنعدلون وذيل الجلب عمره مينعدل ....
مايا : هاي شبيها تكمز شبيها هاي ....
يزن : اول شي احترمي نفسج وثاني شي لتحجين حجي زايد ....
ساره : صدوووك يزززن هيج عايفني وانت هنااا وي هاااي ...
يزن : شنو عايفج بابا اني جنت ناااايم لتكفريني انتي شنو من مله ملتج
التفت لمايا وانتي شنو شجابج لهنا ...
رحت اركض طبيت لغرفتي شبعت بجي . ادري بي اني خوان وجان كلبي يحس بي بس هيج مدري ليش اجذب روووحي . ضليت املخ روحي تمليخ هو هذااا تلام كوثر من حبت واحد خارج هلعائله الخايسه الي ماشفنها منها غير الهم .
اسمع صوت دك الباب : فتحي الباب ساااره ...
ساره : غوووح منا لا والله اشمرغ (اشمر ) غوحي من الشباج وبموتي ابليك .
غوووح منااااا . متستاهل كلشي .....
يزن : ساااره افتحي تره اكسر الباب ....
ساره : رحت فتحت الباب واني شايطه : شتغيد ؟ اكلت عمري وياااك حسافه ضيعت وياك عمغ حبك بهواك تالي هيج تحازيني هيج تكسغ كلبي ....
يزن : زين اذا انتي مواثقه بيه شلون يعني . بااابااا والله البنيه دخل للغرفه هيج شافتني نايم ....
هسه هو شكلي ممبين جان نايم ...
ساره : شنو يزن انت جنت مصلخ شنو عبالك اني مضحكه . اصلا هيه مايا تغيدك وكاتله غوحها عليك . هيه اضلا كالتلي عليك وعلى سوالفك. ..
يزن : خلصتي ؟؟؟؟
ساره : باجغ اغجع للعراق واذا متغجعني اخابغ ابويه يدزلي فلوس الطائغه (طائره ) لو ظاهغ (ظاهر ) يغجعني .
يزن : ساره اعقلي شويه . والله ما اعرف منين اجتي . ولا ادري منين طبت وشلون ....
ساره : خلاااص يزن اني ما عندي ثقه بيك ...
يزن : لعد شلون تكولين احبك . حبج يعني خطأ مو صحيح ...
ساره : اني وضعي نهائياااا مو مال نقاششش .
بدت دموعي تجري علىخدي : يزن كلبي تهشششم . عوفني الله يخليك ...
يزن : والله والله والله وروح امي ما ادري بيها من اجتي ..
وانتي شوف عينج جانت مدري شسوي بلكتب مالتي .
درت وجهي عنه حلاً للنزاع
ساره : اغيد امي غجعمي ما اضل بعد يوم واحد بأمغيكا ....
يزن : بس خل تصير امي زينه اني ارجعج ....

*الحب ليس له أسباب لا يأتي بالمال ولا يخي بالجمال ولا يقاس بالعمر باختصار * الحب قدر *

يتبع..

#بارت42

_

ساره ....


محد يدري بناري واني صاعده باول طائره وعايفه الدنيا كلها ومتوجهه للاردن بدون ما انطي سابق انذار ليزن .
تركت كلشي ورايه وقررت اعيش حياتي بحريتي بدون ما احد يدري او يعرف .
ابجي بلطريق وكأنو عفت كلبي بامريكا .
عفت الانسان الي حبيته من اني طفله .
عفت حب حياتي الي رباني على ايده واخذني قبل ٧ سنوات وهلسنوات كفيله تربط اواصر وروابط اسريه بيناتنه . هلانسان الي يااامااا تمنيت اشبكه واحس بحنه كزوجه وحبيبه .
.
.
.
يزن ........
_
مخليت مكان يعتب عليه ما دورت بي عليها لا مستشفيات لا مراكز شرطه لا اي مكان فوكاها رحت لمايا انهالت هليه : والله احبك مستعده اهيش خدامه جوه رجليك شتريد مستعده اسوي . بس اترك ساره واتزوجني ....
تركتها اني بيا حال وهاي تحجيلي عن الحب .
ما خليت مكان ما دورت عليه . تخبلت ادري بيها صارر الها سبوع تريد تتخبل وحابسه روحه . بس ما عبالي تشرد ووين شردت ما ادري ...
__
كوثر .....
____
بعد اثاث البيت الي جابه ابويه وحملي من اول شهر بزواجي واجهت معاناااة صعبه كلش بلحمل وجان عادل معيشني فوك الذهب خدمه Vip يدللني حتى تمشيط يمشطلي . ما خله شي مسوا واني طايره من الفرح بي . بس جانت امكانيته ضعيفه . يعني على كده. رجال يطبله بليوم ١٥ او ٢٠ . وهلشي حان مضوجه كلش ومنا ايجار البيت جان دائمااا يحس بلقصور . ودائما يكلي : ودي اخليج اميره وما احسسج انج كاعده بأيجار .قصص وروايات عراقية كرار صلاح
كلماته خلتني مستعده ابيع روحي على حسابه . تخبلت عليه حنين عليه الى ابعددد ما يكون . وهلشي خلاني اطالب بحقي من الورث واشتري بيت جبير .
وامي كلش تحب عادل تشوفه زين وياي . اول ما كتلها : كالت شكو بيها رجلج ويحبج . ومدللج بعد ليش متوكفين ويا
كوثر: يوم بس اني استحي اكل لابويه . عفيه كوليله انتي ....
ليلى : واني اكله كوم من البيت كوثر تريد حصتها شكله بله تخبلتي انتي ....
انتي كليله ع الاقل اقرب عليه انتي ...
كوثر : لعد كولي ليزن حتى يكله ....
ليلى : اي احتمال اكل ليزن ....
اول ما حجت امي وي ساره عود تربد تاخذ رايها . حست بيها منهاره وخلال المكالمه عرفت انو يزن عنده سوالف مكسره . وامي ضل تشحرج عوفي خل يولي . ولتهتمين اله . لمن انتهت المكالمه سالتها شبيها امي جاوبتني وهيه اعصاب .
بتي راح تنسكم نفس سكمي وضيمي . راح يشلع كلبها يزن مثل ما ابو وجده وعمه مرمروني وشلعو كلبي .
كامت ادك على رجليها وتكول : ااااخ لو ما حان الوضع مخربط وادري بتي هاويتي لااا والله يحلممم يشوف اضفرها .
بس شسوي لواء جان ماخذ على ايدي .....

كوثر : اي خل تجي ...
ليلى : مجلب بيها يزن خانكها من خوانيكا ....
كوثر : اي خل ترجع خل تعوفه وتجي ...
ليلى : يخليها هذااا والله ولا يخليها ادري بي .
كوثر : والله اشرد واجي شنو هو شعليه بيها ويطبه مرض خل يولي ....
اتفقنه اني وامي نحول فلوس لساره ونخليها ترجع لان كلما نخابرها نحسه شايله جبل من الهموم . تستحي تفضف لامي بس اليه كالتلي : وج كوثر هو جان نايم بلفراش ....
كوثر : زين يجوز مثل ميكول بس جان نايم ...
ساره : وج مو ما اكدغ (اكدر ) احجي نايم غير اكو سبب . تعبان من شيييي .
كوثر : والله ما ادري شكلج ...
ساره : نازعه الكوت والحذاء هيه اصلا من تجينه محنطه كلشي متنزع هسه نازعه وضاله بتشيغت (تشيرت ) صدغه (صدره ) مفتوح دكمه الله العالم شمسوين . وشي ثاني هو ليش انطاها المفتاح يغيد يلغمطها عليه .
وع سالفتها اذا ممتزوج لسا وين يكضي وكته وانتي تعغفينه (تعرفينه ) متعلم على هيج شغلات .
كوثر : زين افهمي منه وتاكدي ؟؟؟
ساره : شفهم منه بيا طغيقه (طريقه). اغتباكه (ارتباكه ) يدل انو جان يسوي شي .
كوثر : ما ادري بس ماما حدزلج فلوس وتجين ...
ساره : واني هم ما اضل ويا بعد ابد .
كوثر : بكيفج حبي
ساره : ولج سولفيلي عن حملج شلونه ..
كوثر : يبووو كلش متعبني والله ...
اخذت سونر وكالو بيه بنيه اني اتمنى اسميها نور بس عادل يريدها نجوى ...
ساره : هههه نجوى ولج خاف هاي حبيبته هههه ...
كوثر : هههه لا يا حبيبته اصلا عدولتي ميحب غيري . ولج والله مو بشر هذاااا ملاك ....
ساره : الله يخلي الج . وان شاء الله تكومين بلسلامه . بس حبابه لتسمون نجوى .
كوثر : ولج اني هم معاجبني بس كلبي مينطيني اكله غيره . لان والله الحنان الي شفته من عادل احسه احن من امي عليه . وابد ميطلب مني . تدرين حتى الريوك مرات هو يسوي ....
ساره : صلي على محمد لتغكعين (تركعين ) الغجال (الرجال ) عين ...
كوثر : اي والله الله يجفينه شر عيون العالم ...
اكلج هسه صدك ما بيها مجال تمولين ليزن عن البيت . والله اني وضعي كلش تعبان ...
ساره : اني ما احاجي بس اذا تغدين (تردين) كولي لامي خل تكوله ...
كوثر : ولج هيه امي تريد تتخبل منه .

ساره : والله شسوي اني ما احاجي بعد ....
كوثر : يلا الله كريم . خل نشوف شنسوي .. مشكله الايجار ضاهدني . ومخلي الرجال يلهلب من الصبح لليل . خطيه ...

ساره : والله ما ادري شكلج . خل اكل لظاهغ (ظاهر ) احتمال هو يكله ....
كوثر : اي والله الوا ... بس مو تكوليه تريد تساعد رجلها خاف عباله عادل ميت على فلوسي .
كوليه يردون يشترون بيت اكبر . خوش . مو تمولين كاعظه بأيجار ... قصص وروايات عراقية كرار صلاح
ساره : ولج هو اصلا من زواجج لسا متغيغ (متغير ) وي حسناء . اصلا كلش متأذي عليج بس يكابغ (يكابر ) والبعد شويه مطيب كلبه ....
كوثر : اكلج وسلسبيل هم تشوفيها ...
ساره : ايي مرات اشوفها بس لمن تريد فلوس . تجي ليزن . اخوكم واخوكم . يطلع اخوهم . وهيه كاعده وي اخوها . شايفه الها مكتب مال محامين دتشتغل وياهم . تدرين بيها هيه خريجه قانون بس وين تاكل الشهاده مالتها كوه دبرها الها يزن صديقهم عراقي وسوالهيا .
شكد كال الها يزن تجي ويانه ما قبلت واني كيفت بس ما اكدر اكل ليزن لتلح خاف اطلع النوب اريد افرق بين الاخوه . كتلج ما اشوفها بس لمن تحتاج فلوس . بس قصي هو يجي مرات ....
كوثر : عمت عينها العرمه . شفايتلنه لو مثلها نكدر ناخذ حقنه ونداعي بي . مو نستحي من فلان وعلان ....
ساره : لااا بلعكس . احنه حس الله سبحانه وتعالى ويانه وناصفنه والا هيه تذكغيها (تذكريها ) شلون جانت بيها دوده من ماما . من عمو عاف النسوان وجلب بامي ...
كوثر : ههههههه الله يرحمه عموو . هو اكو مثله ..
اكلج وجيهان شلونها ...
ساره : هاي عايشه وي ولدها وظاهغ (ظاهر ) هو الي يصغف (يصرف ) عليهم وعدي هم خطيه ديدغس (يدرس) الهندسه صعبه .
بس المصيبه قصي لا حظ ولا دبان . صغاف (صراف) اكشر ويشتغل بمطعم ويوميه يزن متكافش ويا . قبل سبوعيين يزن شبعه دك ...
كوثر : عززززه والله فشله ...
ساره: وعبالج هو يسكت يرد ع الوجه مثل الاستيك . وصارت طلابه
كوثر : لا عليج الله ...
ساره : اي والله وهوسسسه شكبغها (شكبرها )
اكلج صدك شخباغ (شخبار) مرت البابي ...
كوثر : لا اشوفها ولا تشوفي وحتى من اروح تسلم عليه واطب . مرات اشوف ولده حسن وحسين ومرات اشوف شجن . شويه البنيه محبوبه .
وابويه كلما شافني يكلها : تعاي هاي اختج . وهسه هيه عرفتني من كمت اروح تصيح : باابا اجتي اختي .. هههه
ساره : وامي شتكول ...
كوثر : شتكول يمعوده . هليام امي مدري شبيها حتى عمي لواء ضايجه منه . تتعارك وي صفاحها .
ساره : يمعوده صدك هيه شحصلت .
حرب شلونه احس كلبي مشتاقتله .
كوثر : ابو لسان صاير يخبل ولج والله تكولين صاير حبابه ومقسومه من عمي الله يرحمه ....
ساره : حبيبي بعد روحي مشتاقتله كلششش ...
يلا حبي اجه يزن بعدين نحجي ...
كوثر : باي الله وياج
.
.
.
ومر اسبوع واحد على مشكله ساره ويزن . ماما راحت اداينت فلوس غلى راتبها وراتب ابويه عمي . ولملت فلوس ودزتهن حوالات لساره . محسينه بساره وره ٣ ايام على روسنه واكفه ....

ومن هلحظه امي قررت انو ساره خلاااص بعد مترجع لأمريكا . وشيريد يصير خل يصير . ولازم هلوضع واحد يشوفله حل . متريد ساره تضل مربوطه بي .
سألتها : ساره يزن يدري بيج ...
ساره : لا ميدغي
كوثر : زين واذا دره ....
ساره : حجي بيناتنه كوثررر .
اني ادري بي مراح يوافق . بس اني كرامتي بعد متسمحلي . يعني ولج فوكاااهااا يكلي انتي غلطانه .ولازم تعتذرين لمايا ...
كوثر : هذا شبي تخبل ...
ساره : يكلي اي انتي تلفقين علينه . شوفي وين وصلت بي ليا دغجه . بحيث ضامله وحده مدوغ زلم جوه ايده . وهو يفتغ (يفتر ) وي كحابه بلشواغع (شوارع)....
كوثر : هاي شبي الرجال صدك اذا كالو شيب وعيب . هسه هو صغير ....
اكلج عوفينه منه . والله ابن عم عادل يريد يزوج . والنبي يجننن . عوفي يزن كلي لابويه مالج غير ابويه تكولبله اني ما اريد يزن وعمي لواء حبرني عليه . وهيه محكمه افضها وابوك الله يرحمه ....
ساره : والله ما ادري شكلج .
ع الزواج مو بالي ابددد بس ما اعرف ...
كوثر : هههه ادري بيج انتي ميته عليه ومتعوفينه ...
ساره : اي احبه وما انكر هلشي والف مره كتله . ولسه ولا زلت ... بس شلفايده هذا عمررر كوثر . واني مره مو مثل الرجال عمره ممدود . اريد اجيب اريد يصير عندي اطفال . اريد انسان يحبني . بعد شنو العمر مثلا يا دوب اضل منا فد خمس سنوات وراها شنو الله وكيلج النوب يجيني وين ماكو مطلك وارمل . قصص وروايات عراقية كرار صلاح
كوثر : ما اعرف والله . صحيح والله . ....
ساره : الله كريم . وحتى يزن عبالج بعد اذا يعني تصالحنه وغادني (رادني ) واجه وغايه (ورايه ) . عبالج بعد اغجع ويااا . لااا اذا اغيد ازوج . بلعراق بعد ما اغجع ابد ...
كوثر : شنو رجعنه شنو تصالحنه . ههههه انتي بيج دوده . اذا كاتله روحج عليه . عليمن رجعتي ....
ساره : ما اتحمل كوثر . نار وتغلي بكلبي من اشوفه يحجي ويسولف وي النسوان ...
كوثر : ومايااا نسيتيهااا ...

ساره : اكو عندي احتمال انو هيه جذابه وكلبي ديكلي حجيه صحيح لان هو ميجذب وعيونه جانت تحجي الحقيقه بس مع هذا خلاااص اني لازم اسوي حل لروحي . فبعد خمو اضل منتظره ١٠ سنوات علما يخلص يزن علم ودراسه ....
كوثر : ههههه والله انتي ما ينخاف عليج ...
ساره : بس لتكولين هلحجي عليج الله . واني حتذا سالني ابويه اكله شفتي بعيني وياها بلغغفه (غرفه) بلكي يصيغ ضغط عليه ويجي لهنا . وحتى امي لتكولين الها .
كوثر : ههههه باع التخطيط يهودي ....
ساره : امشي لججج ...
.
.
.
____
يزن :
_

بعد ٦ ساعات تقريبا جابولي خبر سفرها من مطار اميركا الى الاردن . جننن حنوني وكل عقل ما ضل براسي . تمنيت كون يمي اله انهيها بأيدي .
رجعت حلكي يابس . وروحي تفووور ودي اكسر الدنيا وما اخلي لاي احد وجود . من وراها .
احس روحي كرهتها كلشش .
ومن هليوم اعلنت حرب طاحنه وحرب اسمه : نزال الموت ....
.
.
بلصدفه عرفت مشروع البيت الي ناويه تبيعه كوثر . وتاخذ حصتها .
تفاجأت من هلموضوع يعني مجنت متوقعه هيج راح يصير وشنو السبب الي يخلي كوثر اطالب بحصتها ؟؟؟؟؟
.
بدون مااتعب روحي خابرت ليلى بعد يومين على سفرها واتصلت بيهم : سلام
حسيتها كوه تحجي مبينه ساره ناقله الي صار ...
ليلى : وعليكم السلام . تفضل .......
بخير الحمد لله . شنو كزثر تريد تبيع البيت ....
ليلى : اي تريد حصتها . رجلها خطيه يريد يشتري بيت .
يزن : وهيه شلها دخل بي . خل يتشري بيت ...
ليلى : مو رجلها شلون شلها دخل بي .
يزن : وهيه شنو موضفه قابل وتصرف عليه . خلي تضمها الها لا شهاده ولا راتب يصير ميصير ....
ليلى : مو كلها الناس تضلم بنات العالم . اصلا مخليها مثل الاميره . وهو اصلا ميدري تريد تاخذ حصتها . .
يزن : اهااا يعني هيه من وحدها حظرتها متبرعه ....
ليلى : رجاءا يزن . خليهن يعيشن براحتهن . اذا تريد تشتري براحتك متريد هم براحتك ...
يزن : اتتيي وصليلها كلامي ... واذا ضلت ع موقفها وفد جم يوم اني اجي بس اطلع امي من المستشفى وانطيها فلوس واشتري منها ...
لبلى : الله كريم . شلونها خالتي من كالتلي ساره لسا واني كلبي يمها ... قصص وروايات عراقية كرار صلاح
يزن : الحمد لله شويه تحسنت بس شويه اعض
يزن : ممكن احجي وي ساره ...
ارتبكت وكالت : شتريد منها ....
يزن : صيحليتها بلا امر عليج ....
ليلى : نايمه ...
يزن : كعديها بسرعه وكوليلها يزن ع التلفون .
ليلى : اي هسه ...
شويه وحاجتني ساره بعجرفه : نعم شكو ....
يزن : طريقتج هاي بلحجي راح انتي تدفعين ثمنها وخلي يكون بعلمج محد راح يتأذه غيرج . ونزلتج هاي من امريكا للعراق راااااح ادفعج ثمنها غالي...
ساره : ههههه صكغي الجنت ازامط بي غافكله بومه .
(صكري الجنت ازامط بي رافكله بومه )
وخلي البومه تفيدك انت وياها تتوالمون ....
يزن : اني مراح ارد عليج بس راح اراويج منا وجاي شلون راح تعيشين . شلون تتمنين الموت بعيونج .

ساره : يزن لتهدد تغه (تره ) اكل لابويه عليك ....
يزن : ههههههههههه سلمان بعضمته ما جنت اخاف منه تريدين اخاف من جاسر ؟؟؟؟ .. يلا ولي ...
سديت التلفون بوجهاا احاول اخليها تشعر بلخوف والقلق .
.
.
.
مر شهر على اخر مكالمه . ومنها قررت بلسفر للعراق . واخذت امي وياي . لان طلعت وشويه صحتها شويه بده بيها روح بعد ما كانت شبه ميته . بس سبحانه من يحي العظام وهيه رميم
بعد ما يقارب الاف الجلسات للعلاج الطبيعيه الي خضعت الها .
لملت غراضي وسافرت ع اول طياره متجه للاردن .
ومن الاردن للعراق . وهيه وياي .ووصلت لبيت ليلى .
اني وضعي متخربط معندي شي باسمي ولا اي شي املكه بلعراق فقط الجنسيه .
وهنا اجه ع بالي يتقسم الورث كامل وكلمن ياخذ حقه من اخوتي وعمي ونسوان لواء .
استقبلتنه ليلى استقبال زين بس حسيت وجهه ثكيل .
بعد ما يقارب ٣ ايام ضلينه هناك وساره متحاشيه تشوفني وامي كاعده وي ليلى كوه تسولف وتجر الحجايه جرر . لان كلامها صار بصعوبه يطلع .
فتحت كوثر الموضوع وهيه تصيحلي : عمو ...
عمو اني لازم اخذ حصتي الله يخليك والله محتاجه الفلوس .
كوثر : باوعلي بخزره وهو رافع حاجبه ...
وهو يوجه اليه سؤال : شلونه عادل ....
كوثر :الحمد لله. ...
يزن : ليش تبيعين حصتج ؟؟؟
كوثر : نريد نشتري البيت الي ماجرينه وهم يفيدنه ومشتري سياره بلفلوس البقيه وبلكي يرمم محله شويه ...
يزن : اهااا وانتي شنو شراح يصير بجيبج ....
كوثر : ضجت من هيج كال بس مجاوبته . وهو افتهم علامات وجهي كلي : اوك براحتج سوي الي يعجبج . اهم شي مطلعين خاليه اليدين ....
شفت ليلى واكفه من بعيد وحرب هم اشرت لحرب تعال . اجه يركض . بوسته حيييل .
لك انت شلون شخبارك ...
حرب : زين ...
يزن : بيا صف صرت ...
حرب : بلرابع ابتدائي ....
يزن : شاطر لو كسلان ....
حرب : لااا شاطر ودرجاتي كلها عشرات ...
يزن : عفيه بلسبع . اخوتك ٤ واحد دكتور وواحد ظابط وواحد مهندس وواحد ثور . انت وي منو تريد تصير ....

حرب : اريد اريد اريد اريد اصير اريددد مهندس ...
يزن : ههههه يلا خوش .
حرب : وانت شنو شغلك ؟؟؟
يزن : اني دكتور . بس ما اضرب ابر . اكسرر رووس .
شفت ساره رافعه حاجبها ضليت اغثها بلحجي .
ليلى : من خلال طريقته بلكلام . عرفته يوجه الكلام لساره مثل القنابل ....
كوثر : طلعت امشي ضايجه من حجيه وياي . شافنتي ساره : ها شبيج ...
كوثر : هذا شكد غثيث شنو من بشر هذاااا ادري اذا ما اساعد زوجي المن اساااعد لو يريد مثلهم كون نعيش بلدمار ...
ساره : شبيج حبيبتي ...
كوثر : كام يلقي عليه محاظره بلوفاء حقه عمي يخاف لان همه ياكلون الناااس مثل المكينه ابو النسوان يروح فدوه لعادل وطول عادل ...
ساره : على كيفج عمي على كيفج غيغ (غير ) على حسابج خاف ياكل فلوسج يحظي ...
كوثر : لااا مو على حسابي . اني متأكده لان اني بت عمه وعادل غريب يريدني اني ادوسه بلقندره مثل ما همه يمشون ويدوسون علينه وعلى امي ...
ساره : لااا ولج اني اعغف يزن مو هيج تفكيغه والله ...
كوثر : شووو بلا لتدافعيله انتي الثانيه لو بي خير مجان دك الناقصه وي ست الحسن .
اجتي امي تركض : شكو شبيجن ...
كوثر : كوليله تريد تبيع البيت عجبه يشتري عجبع معجبه ابيعه لاي احد وهاهيه ....
ليلى : هسه اكله لتخافين شيريد يحجي . يحجي يحجي ويسكت .
ليلى : روحي كامت تفور من وره يزن واني اشوفه مثل المكعبات يحرك بينه .
وقررت افاتح موضوعه وي جاسر . وخليت كوثر تتصل بجاسربت هيه تسلم عليه وكالتله : بابا هاي ماما تريد تحاجيك ...
جاسر : اي يا الله خل تحاجيني ....
ليلى : سلام عليكم ...
جاسر : يا هلاا بهلصوت يا ميه هلااا ...
ليلى : رجاءا جاسر اني اتصل بيك لأجل بناتي ما اريد هلحجي ...
تحولت طريقه جاسر للجديه : أمريني كولي ....
ليلى : اريدك تخلصني من يزن وهلشي اريده بهلوثت . خانك ساره خنك ويمشي ويبسمر الها شنو ناطيته بتي فصليه خمو فصليه . قصص وروايات عراقية كرار صلاح
شنو من بشر هذاااا يكلها اكسر روس ليش يابه عليمن يكسر راسها على شنووو ..
خلاااص بتي متريده واني هم ما ازوجها اله لو تموت ...
جاسر : على كيفج مو هيج تنحل الامور ....
ليلى : اني خليتها عليك . حلها من يمك ....
جاسر : زين واذا عافها ترجعيلي ....
ليلى : الله كريم عود كلشي بوقته ....
جاسر : لاااا اريد حجايه لو اي لو لا ....
ليلى : مو كتلك كلشي بوقته . اريد شغله ساره بلاول . يلا نححي بلتفاصيل البقيه ...
جاسر : اعتبريها تمت ....
ليلى : خل نشوف .....
.
.
.
‏"إذا لم تمنحني بعضًا من وقتك في أيام الشدة ، فلا يوجد ما نتقاسمه في أيام الرخاء💜

.
.
.
هسه اني ذكرت الكم حياه جيهان وسلسبيل وعدي وقصي وظاهر باختصار لان ما اريد اشعب واجر طول وعرض . اذا صار ظهورهم بلقصه راح اطرق اله بس حاليا دا كتب بس عن ساره ويزن وكوثر وعادل والاحداث هيه تبدي تتسلسل ...

اما عن يزن فاحب انوه انو هلكلام والمشاعر جانت ادور عنه بفتره معينه يعني حصريا بنهايه سنه ٢٠١٠ وبدايه سنه ٢٠١١ وان شاء الله راح تتغير الاحداث منا وجاي ....
ترقبو المزيد .

2011



#بارت43

_______
يزن


تفاجأت بجاسر هو يطلب مني ترك ساره .
جاسر : متريدك وهيه رافضه زواجها منك .
يزن : هيه كالتلك ؟؟؟؟
جاسر : اي هيه كالت ....
يزن : اني جاي ابيع البيوت لان كلها تريد حصصها وواهوتي يردون حه ابوبه ونسوانه هم . مجاي احجي بهلموضوع .
واذا تريد حظرتها تطلك . تدري اني عاقد عليها بامركيا وهيه مسجله باسمي وهناك سين وحيم بمساله الطلاق ....
جاسر : اني وصلني خبر رافضه الزواج وبلتالي شتريد هيه مستعده تتنازل قصص وروايات عراقية كرار صلاح ...
يزن : يصير خير الله كريم . كل من ياخذ حقه ويصير خير .
.
بهذا اليوم اخذت امي ورحت كعدت ابيت سلسبيل الي بنا لواء اساسا لجيهان وبعدين سلسبيل جلبت بي وخلاعا لواء بي ووعد جيهان يشتريلهاوبيت غيره واكبر .
ما رضت ليلى وهيه تكلي : وين ماخذها مره جبيره متتحمل ....
يزن : مشكوره . زحمناج . وتعبانج . هيه ايام ان شاء الله منتأخر .. .
ليلى : اي حتلو عوفها يمنه خطيه نداريها .
يزن : لاااا اني رايح وامي وياي ....
.
طلعت وامي اعصااابي شايطه من برود ليلى . وهلشي اثر على علاقتي بساره تخبلت منها . حان ودي احركها حرك .
بديت امشي بلبيع والورث والحصه . وصار تقسيم الحصص .
اول شي عرقل عمليه البيع جان حرب لان قاصر وقصي .وهلشي زاد معاناة ضعف . وليلى رفضت تبيع البيت الي هيه كاعده بي وكالت حصتي وحصت حرب .
يزن : لااا انتي تدرين بهذا البيت امي الها حصه صح لو. لا ؟؟؟
ليلى : املاك لواء هواي . اجيتو على هذا البيت ؟؟؟؟ ...
يزن : هيه مو شغله اجينه ع هذا البيت . بس هذا حق وانتي بحصتج وحصه ابنج تشترين بيت ...
ليلى : هذا بيتي وعلى حياته انطانيا لواء قبل حتى ميزوجني وبيتي اني تعبت عليه .
يزن : خوش اذا نستقطع من حصه كوثر فلوس الفلوس .
ليلى : شعلينه بحصه كوثر . كوثر حصتها الها وهذااا بيتي . احنه ردنه نبيع بس حصه كوثر . تبيع البيوت ليش ....
يزن : ام حرب اكوو بكلبج حجي اذا ممكن طلعي خل اسمعج ؟؟؟؟
ليلى : حجي شنوو ...
يزن : عيونج بيها حجي وانتي ضامه هلحجي خايفه من شي معين .
واني دا اشوف هلكتم بس يزيد عداوه وضغائن . فلافضل انو هاهيه طلعي الي بكلبج حتى ترتاحين ....

ليلى : لا ماكو شي . بس انتم مدفوعين عليه جيف تشوفون ما النه احد يحمينه . كضيت عمري بشوطات وهسه اجيتو على بناتي ...
يزن : منو اجه ع بناتج ؟؟؟؟
ليلى : احنه بس نريد حصه كوثر ....
يزن : اولا كوثر بت عمي . واعتقد لحمها لحمي . والشي الي يأذيها يأذيني .
اني اخويه جان يريدها وكلي فركش زواجه ما قبلتل ان شفتها هاويه تاخذ عادل . فليش متوقعه احنه راح نضلمها ؟؟؟؟؟؟ ....
ليلى : انطوها حصتها خطيه تريد فلوس البيت . هم تريد تساعد رجلها . كايم بيها ويداين منا ومنا في سبيل ياخذها للدكتوره وممقصر وياها بعد مره تشوف رجلها يحبها ومدللها ليش تقصر ويا وتشوف بأمكانها تساعده ..
يزن : ومنو كلج اني ضد مساعدته ؟؟؟
بس بنفس الوقت اني ضد تسجل ورثها باسمه وهاهيه ...
ليلى : لا شنو تسجل ورثها باسمه . اصلاوهيه تشتري بيت ويداورون بي وبعدين تكله . بس حتى ع الاقل تضمن روحها ،....
يزن : اي خلاص ميحتاج الها روحه للشرع . بعد ام حرب شنو مشكلتج ؟؟؟؟
ليلى : معندي مشكله انتم الي داخلين علينه ....
يزن : شداخلين عليكم . عايف بيت ابويه وحاسر يتوسل بيه تواسيل اجي يمه بس اني ما متعلم على مرته فما اعرف اكعد هنا . شنو الي موضوجج ...
ليلى : اني هذا البيت احبه وبي ذكريات هواي عشتها ما اريد ابيعه ما اريد اطلع منه . وهو والله لواء بحياته كلي الح ولحرب .
يزن : بس انتي لتنسين حصه امي بهذا البيت . وهلشي حق ...
ليلى : مو حق والله لواااء انطانيا على حياته والله هو كلي الج هذا البيت ...
يزن : عوفي البيت شغلته محلوه ان شاء الله . غيرهن ....
ليلى : ما عندي غيرهن ...
يزن : لا عندج ...
ليلى : والله معندي ....
يزن : وساره ؟؟؟؟
ليلى : تفاهمو انتو وشوفو الي يرضي الطرفين ....
يزن : وجاسر يكول اطلكها ؟؟؟
ليلى : اذا ساره تشوف وضعها وياك صعب اني افضل هلخيار ...
يزن : اهاااا . انتي فهمتيوالي صار مو ؟ واكيد سولفتلح ...
ليلى : اي سولفتلي . بس حجي عام مو تفاصيل ...
يزن : ممكن احجي وياها بلا زحمه ...
ليلى : اي هسه اصيحلها ....
.
.
ساره .....

كاعده بلغرفه واني اصنت على حجيهم واشوف امي ثايره واعصاب صايره ويزن هاااديء حسيته مثل الساحر الي مسيطر على امي بسحر معين . وماما مثل المخبوصه .

اجتي تركض . وتلهث : لتكولين اله اطلك . ولج خاف يبيع البيت . ويسويها عناد ...
ساره : ميبيع البيت يزن ....
ليلى : يريد حصه امه من البيت ع اساس هو ابن سوزان .
عفت امي تفرفح ادري ابيتها عزيز عليها . هيه خطيه حانت تحسه هذا اول بادره حب من عمي لواء . طلعت ليزن واني ماسكه برباط الجأش : سلام عليكم ...
يزن : وعليكم السلام .

كعدي هنا ...
رجليه كامت تتحرك وحدهن وكعدت بمكاني .
يزن : اي ساره تريدن تطلكين ؟؟؟؟
ساره : نعمم ؟؟؟
يزن : جاسر يكول طلكها ....
ساره : انت دتحجي تغيد (تريد ) تحغك (تحرك) اعاصبي لو شنو ؟؟؟
يزن : ع شنو احرك اعاصبج ؟؟؟
ساره : شلون تغيد اضل وياك ...
يزن : يعني هسه اني نمت وياها ؟؟؟
ساره : اييي ...
يزن : والمطلوب سنو ؟؟؟
ساره : فرحان يعين ؟؟؟
يزن : لا مفرحان ....
ساره : شنو مفغحان ....
يزن : هسه انتي شتردين ؟؟؟ ...
اجحي واني اكو غصه بكلبي
ساره : يزن اختار وغسيني ( ورسيني) ع بغ (بر ) وياك اني هم الي حق خو مستحيل اني اقبل تجاهلني هيج . انت اصلا جامد ومعندك مشاعر اتجاهي . واني صح احبك بس ممستعده اكضي عمغي (عمري) كله وياك واحسب حساب اذا جنت مقتنع بزواجك مني لو وصيه جدي تنفذها وبس ...اذا متحبني ومتريدني بعد شعندي ضاله وياك ...
يزن : دتحجين هيج . بأعتبار اني خنتج مو ؟؟؟
ساره : اي هاي يصيحولها خيااانه ....
يزن : انتي من اجيتي لسا شسوين ؟ عايقه دوامج . وحياتج عايفه مستقبلج . شناويه عليمن ...
ساره : خلصت دراسه والحمد لله بعد عليمن اضل منتظره شنو الي وره الدراسه . وانت معندم توقف تضل تدرس العمر كله . ...
يزن : توضفي ....
ساره : اني وين احجي وهو وين يحجييي .
شنو المانع من زواجنه هسهسسسسه بس فهمني . لو تحبني لو لاااا . وهاي حجج اتوضف بابا يوضفني . واني اكله يوضفني بس اغيد اعرغف حياتي وياك شنووو .
يزن : ما اكدر هسه وضعي مخربط بعدني مواصل للي اريد اوصله ....
ساره : شهاداتك تاغسه (تراسه) الكنتوغ(الكنتور ) خو اكيد ممنتظغ ( ممنتظر ) تنزل عليك النبوه يزن . ماكو هيج شي قصص وروايات عراقية كرار صلاح ...
يزن : اني اريد انشر البحث مالتي واحصل على الشهاده الي اني اطمح الها ...
ساره : متنشغ (متنشر ) منو لازمك ....

يزن : اول شي يحتاج فلوس والبحث الي اريد انشره يحتاج ٣ دول من ٣ جامعات رصينه . وبعدين يحتاجن فكر صافي واني هلايام تشوفين وضعي ...
ساره : اوك لعد اخذ حصتي وبيعها وانشغ بحوثك ...
يزن : ههههه ممنون كلشش . بس حصتج الج اني ما اقرب الها . وان شاء الله لمن تنشرين بحثج وتكملين دراستج تاخذين فلوس مني وتنشرين بحوثج ....
ساره : ههههه هيج مأمل عليه . يعني اني هسه عقلي اساسا مو مال دراسه ...
يزن : ها شنو زنجر هليام مو مال زواج وبس يعني ....
ساره : لااا مو بس للزواج . بس احس غوحي تعبانه حاليا ...
يزن : ارتاحي هنا هاي السنه والسنه الجايه ارجعي كملي وقدمي ع الماجستير . معدلج يقبلج هنا وبلاخص الجامعه الي جنتي تدرسين بيها امريكيه . ولو اني انصحج ترجعين لامريكا لان هنا كل مستقبل ماكو ...
ساره : ممكن اسالك سؤال ....
يزن : تفضلي ....
ساره : تحبني ؟؟؟
يزن: منو كلج ما احبج . منو كلج اني مرايد اتزوجج وبلذات انتي مفكرت بوحده غيرج .. ما اعرف احس عندج مخاوف من هلموضوع . سولفيلي يجوز نتوصل لنتيجه اني وياج . ....
ساره : دا احس انت متحبني لو تحبني متغثني وتغوغ (وتروح) تنطي المفتاح بأيدك لمايا وتخليها تلعب شاطي شباطي ولووو فعلااا انت ممسوي شي الها . فهذا مو دليل انت برائتك ... لان بعد كدامنه حياااة طويله ما استبعد من هذا تصغف ( تصرف ) اذا فد يوم زعلت وياك تغوح (تروح )تزوج عليه في سبيل تكسغ كلبي ....
يزن. شنو هلتخااااريف هاااي ساره اني رايدج ورايد اعيش وياج ....
ساره : بلي انت تغيده (تريده ) وشوكت ما انت تريده ميهمك اذا جان الوقت يوالمني او لاااا او حتى تلعب بعداد عمري وتستفذ كل طاقه بيه .
يزن : موضوع مايا سدي رجاءا . ولتضلين تفكرين بلسلبيات تره يزود درجت الخبال عندج .
ساره : لتتشاقه يزن اني فايغه (فايره )والله . الك مهله سنه بس يزن بعد هلسنه ينتهي كلشي بيناتنه ....
يزن : اذا رحت لامريكا ما ارجع اله بعد مرور سنتين وانتي بكيفج اي اجراء تتخذي اني موافق عليه ...
ساره : يعني متخلي عني ....
يزن : اريدج تقدرررين ضروووفي من كعدت لسا اكلج وضعب مو مال زوووواج ...
سمعت صوته امي ودخلت بسرعه .
ليلى : على كيفكم هو هذا حبكم هو هذا شبابكم . شنو من عيشه اذا انتم ممزوجين ....
يزن : ام حرب فهميهاااا انشر البحث وارجع الهااا . مراح اتركها ابددد .
ساره : احلفلي يزن كول بداعه جدي سلمان مراح تتركني وتفشلني كدام الدنيا كولها ....

يزن : عجيييب لج بابا انتي متفتهمين . اني مااا اريد وحده غيييرج نقطه راس سطر . ما اريددد غيرج .
ساره : هاهيه خلاص اوعدك مغاح افتح هلموضوع . وانتظغك عمغي (عمري ) كله هم مو سنتين ...
كام يزن يريد يطلع . امي جلبت بي
ليلى : بروح ابوك ضل . مسويه الغده بثواب لواء ضل تغده ويانه قصص وروايات عراقية كرار صلاح ....
يزن : ما اكدر والله عندي شغل . اريد اروح للدلال ....
ليلى : الحجيه شلونها ....
يزن : جبت الها ممرضه وخليتها يمها ...
ليلى : ما خليتها ليش اخذتها منا ..

يزن : وضعها صعب وتحتاج ممرضه تفتهم شويه بحالتها . وتحتاج هدوء وهاف تضايقكم . اني موديتها يم جاسر من وره بته خاف تأذيها ....
ليلى : الله ينطيها العافيه .
فجأه رن تلفونه جاوب : ايي هسه جاي بسرعه . طلع يركض . ركضت ورا . يزن شصار شصار ...
يزن : طبي جوه . ماكو شي امي متخربطه .
ساره : اجي وياك ...
يزن : طبببببي جووووه ....
يزن رايح يركض بلسياره واني رحت لامي . يوووم بيبتي متخربطه . حبابه روحي وره يزن ...
ليلى : عززه يلاااا خل نروح .
بسرعه لملمنه غراضنه وطلعنه ورا رحنه لبيت جيهان . وجان جاسر ومرته فاطمه موجوده . طبت امي اول شي ارتبكت من وجود فاطمه وهذا اللقاء الاول بيناتهن . واخنه نشوف الممرضه الي مأجرها يزن لبيبيتي واكفه على كتر وخايفه وهيه تكول : تره مطول ادعولها سوره يس
تشاهدولها خطيه ...
ضل يزن يبجي بدموع دم وهاي المره الاولى الي اشوفه يبجي ما شفته ولا مره حتى بموتت عمي لواء ما بجه وهو يصيح : يووووم .
هو وابويه هم جان عزاءه نفس الالم . حتلو جان بعيد عنها وعاش غربه الالم تضل ام .
لحظات جانت موجعه حسيت بسكرات الموت وهيه تختكنك ابد كأنو الهوه انكطع عنها نهائيااا وتشخر وماكو وصوتها دقايق اجيت اتخبل اول مره اشوف انسان يحتظر كدامي .
راحت امي تركض ادور بلمكتبه على قران . ما لكت طلعت جابت قران من السياره جان عمو لواء حاطه بلسياره وضلت تقرالها . وصوتها يرجف من الخوف واني حسيت يبس الدم بيه .
شويه وسكتت . اني خفت من هلمنظر وصياح يزن وابويه الي دوووه كانو قامت القيامه ويزن يصيح بكل علو صوته : يووووم يمممه الله يخليييج .
ما حسيت على روحي اله واني بلمستشفى والم راسي فضيع . حسب ما كال الدكتور : ضغطها انخفض .
رجعت للبيت وي امي وامي تلوووج . وهيه تاكل بروحها اكل . وتوجهت بوجها لزياء الامام الكاظم : اوكفي خل ازورج خاف تنادسين ...

ساره : يوم يا انداس الله يخليج . هو اني صايغه (صايره) خرغه (خرده ) فدوه غوحلج غجعيني للبيت ...
لزمتني امي ودموعها على خدها ...
ليلى : كوليلي شسوي . حتى عقلي مجاي يستوعب . اريدجن تعيشن حياة سعيده ولوما هاشي ما تصرفت هيج وي يزن . ما اريدج تعيشين مثلي وتشوفين نار الشريجه ولا تضلين عايشه بقلق رجلج يزوج عليج . اريده الج خالي مختلي وتعيشين حياتج ويااا . والله ما اعرف مرات اكول اني شسويت لروحي حتى اسويلهن ومرات اكول لازم ادافع عنجن واخاف عليجن ما حصلت غيرجن . ولله احس نار بكلبي ...
ساره : ماما مو وقت هلحجي . خل نغوح للفاتحه ...
ليلى : لترحين اني اروح وحدي ارتاحي شويه ...
ساره : يزن يحب امه كلش ويعتبغ هلشي عدم احتغام اله . واني احبه ماما .
ليلى : اذا تحبينه ادعيله الله يهدي عليج . مالج غير هلحل هذا وتحملي شسوين هو هذا طبعهم بس والله يتغيرون .
ساره : الله كريم ماما الله كريم ...
رحنه اني وامي بلطريق واشوف امي تعبانه واصله لمرحله الهلاك . بدت عيونها تتجعد وميبين بيها غير القص الازرك .
واديها بدن يجعدن لزمت ايدها بستها . حسيت بكميه التيهان الي تايهته ...
رحنه بوجهنا للبيت لبسنه الاسود ورحنه للفاتحه . وهنا ثاني لقاء بين فاطمه وامي . بدون ميدور كلام بيناتهم . بس عيوني ضلت تراقب فاطمه بكل فعل تسوي .
وهيه ضلت تباوع لامي متركتها ولا دقيقه . بعدين كوثر اجتي . وبطنها تتدربه واني كاعده منتظره اشوف يزن واحجي ويا .
مرت الايام ويزن يوم عن يوم يصير اعصاااب واني ويا منتحاجه اخاف ابادر واخاف يصدني . وضليت احووم فوكا .
لحد ما قررت اروح اله بلغرفه . رحت ع كيف ودميت الباب مجاوبني
. فتحت الباب على كيف وطبيت .
رفع راسه يزن : شعندج هنا . روحي منا ...
ساره : بس اني جايه ع حسابك .
يزن: لا الوقت ولا المكان مناسب .
ساره : اكو وحده تعوف حبيبها بهلمحنه.
يزن : اذا تحبيني روحي عني هسه . لان مو طايق اشوف احد ...
تقربت عليه شويه بتردد : يزن شوفني كبال عينك معندي غيرك والله . وسعاده عمغي من سعادتك والي يضوجك يحغك (يحرك ) كلبي . صدكني ودي الالم ينداغ (يندار) من عليك ويصيغ عليه واشيله عنك .....
ربت على ايدي الي جانت محطوطه على رجله . الله يخليج اليه قصص وروايات عراقية كرار صلاح .
هو اني شعندي مثلا ؟؟؟؟ اب ام جد جده اخو من امي وابويه اخت من امي وابويه املاك شعندي متكليليييي . حتر الخوال جدي جان محرم طبتهم للبيت وانتي تدرين بلقضيه كلها . لا اعرفهم ولا يعرفوني . تره الحياه اخذت كلشي مني . اني ما اريد اتعلق بواحد لا تاخذه الدنيا مني . شنو اني صفيت هسه بلشارع . وين اروح ....

ساره : ليش هيج تحجي حصص عمي هواي واخذ حصتك واشتري بيت ....
واذا خوالك هسه انت واعي وجبير روح الهم واسال عنهم .
يزن : شكلهم اجيتكم وره ٣٠ سنه وبعد هم مترهم مماخذ عليهم ...
ساره : لا بلعكس ان تأتي متأخغا (متأخرا ) خيغا (خيرا ) من ان لا تأتي ابدااا .
واني بغاي (برأي) تغوح وتشوفهم وهم يسولك حتفز وتحس بناس قريبه عليك .

وانت دتحجي هيج اصلا والله كل احنه نحبك وحتى ماما خطيه ماتت عليك بس شسوي هيه خايفه عليه ...
يزن : امج متفكر غير بس بيجن وهذا حقها . بس مو معناتها المقابل معنده احساس .
ساره : خطيه امي والله ميته عليك وعلى بيبيتي بس شسوي هاي كلب والده وعاشت ضيم وتريد بناتها ميعيشن مثلها .
يزن : وشبيها عيشتها ....
ساره : يعني تمنيت تزوج انسان واحد وتعيش ويا عمرها كله .
يزن. مو هذا الشخص موجود مترجعله ...
ساره : مترجع بعد اله . امي عاشت وي عمي الله يرحمه اكثر من ابويه بعد تعتبر كبرت وياا بعد صعبه تتقبل ابويه مو مثل الاول جانت صغيره ومعاشت وي ابويه غير سنتين بينما عمي هواي . تره والله ماما نظلمت ومحد ديشوف شلون عايشه تره هيه صغيره وترملت وهسه هم بعدها صغيره . اكو مره عاشت الترمل مرتين بعز شبابها نحرمت من كلشي . ولتنسه حانت ماما اوامر حدي تنفذهن مثل تلسيف على ركبتها حتلو جانت مموافقه . وكل هذا وهسه مخلصانه مرادت شي . بس رادت حياة مو بس تعتبر زوجه وهاهيه تنطي حقوق وتاخذ حقوق وهاهيه تعيش شلون مجان . رادت تبني اسره . ع سالفتها تكول حنت احب الطويل والضخم وهذني لكتهن بعمو لواء بس بنفس الوقت تكول ما حنت اتمنى اخذ رجال متزوج وهو جان متزوج ٢ غيرها . يزن تره كل انسان وعنده افكار ومتطلبات ...
يزن : الله كريم ساره . حبابه مو وقت هلحجي هذا ....
.
.
ساره : طلعت من الغرفه واني ما ادري اذا جانت دخلتي ويا اصلا واسيته لو زدت همه لو واسيت روحي .
متعلقه بي وما ودي يتركني نهائيااا وحتى بعد وفاه بيبتي الله يرحمه بعد صعبه ارجع وحدي ويا لامريكا . فخليت وضعي يحله الزمن هو كفيل امو يحله بيده .
بعد مرور شهر انباعت البيوت كووولها وكل من اخذ حصته وكل البيوت الب انباعت اشتراهن ابويه . وانطته البيت الي كاعده بي امي هديه لامي وامي ما قبلت تاخذه .
وكوثر استلمت حصتها اما . وهاي الحصه سلمهيا يزن بيده وهو يكلها : اتمنى تعرفيت تصرفين بيها صح .
.
.
____
كوثر :
____
اخذت الحصه مالتي واني حنت حامل بلشهر السابع أخذتها بوجهي ورحت طبيت لعادل .
عادل وهو فاح اديه اليه : ياااا هلاااا هستوه نور البيت ستوني ردت اخابرج كلت بلكي يزن يذبج بلباب اشتاقيتلج ...

كوثر : تشاقلك العافيه . واني هم اشتاقيتلك ... ابويه جابني . واسمع احلى خبر . استلمت الفلوس وباحر راخ نشتري البيت ....
عادل : يا بيت ...
كوثر : باع عادل اني مفكره انو نشتري هلبيت ونشتري سياره ونشتري المحل مالتك شنو رايك ؟؟؟؟
عادل : شنو هلحجي هذاا كلبي . واني اخذ فلوسج ؟؟؟
كوثر : ليش هيج تحجي شنو قابل غريبه عنك اني ....
عادل : لا حبي مستحيل . فلوسج الج ...
كوثر : هههه يا اخي اعتبرهم دين ومن تحصله رجعليا ...
عادل : والله ما ادري شكلج ...
كوثر : حبيبي . احنه جايتنه بنوته صغيره وما اريد ابوها يضل مضهود بلايجار والتكسيات . حتى النوب نفرخ لروحنه وبس اجيب نسافر اني وياك ....
عادل : هههه وين متردين نروح ....
كوثر : مشتهيه اروح يكول يزن احلى من امريكا ...
عادل : فرنسا حته وحده هههههه ... بكيفج نروح ....
.
ومرت الايام وسجلت البيت الي اشتريته باسمي والمحل مالته هم باسمي بس السياره ما قبل كال لا خاف تنظرب لو شو شيصير خمو تجين للمركز . فسجلتها باسمه .
ومرت الايام وصارت بنوتي الصغيره وسميتها حياه . هو راد نجوى بس اني سميتها حياه وحاجيته بدلع : عادل الله يخليك سميها حياه والله محلو نجوى ...
عادل : لتسوين هيج تره اشك هدومي حياه حياه انعل امه وابو المايسميها حياه .
وسمينه اول طفله عدنه حياه .
يزن وره بيعه البيوت رجع لامريكا . وساره توضفت مدرسه فيزياء ...
ومرت الايام وحبلت وره حيوته مباشرة . بحيث ما اخذ ريست شويه . ومن خلوضع صرت اسمن وجسمي كله تشقق وخرب . سالت عادل : عادل هم مضةحك اني حامل يعني وجسمي متغير ....
عادل : ولج اني وياج شفت حياتي وعمري وروحي . عمري مراح اباوع لهل شي . واتمنى اليوم كبل باجر تجيبين وليد واشوفه منح ويشبهلج ...
كوثر : الله يخليك اليه وميحرمني منك ....
عادل : اكول كوثر . متكولين لابوج بلكي يشوفلي شغله منا منا والله رجليه يوجعني من وكفه الحلاقه ...
كوثر : سوده عليه . والله هو ذيج المره كلي . اكله والله بعيني ...
وبسرعه خابرت ابويه : يابه الله يخليك شوف شغله لعادل خطيه رجليه متكسره من وره الحلاقه . بس ما اريد بيها مركز قوي حباب . اريدها هيج شغله بسيطه .
جاسر : مثل شنو هيج شغله بسيطه يعني ....
كوثر : حتلو كاتب الله يخليك . اهظ شي ما اريده بمركز دوله ...

جاسر : ههههه خوش .
ومرت الايام وعادل عاف المحل مال الحلاقه وانسد قررت أئجره واستلم فلوسه . وهو وافقني . عادل جان مدللني سنتين اني عايشه ويا ملكه واميره وحتى ينطيني الفوس اني اضمله واحمعله بحيث ما حان يمشي برايه ابددد كله بشوري وبرايي .

كمت البس بنتي مثل ما يعجبني واني هم اشتري احلى شغلات واميش شعري وهو متسووودن بمعنى الكلمه اذا احط حمره يضل يطفر عبالك طفل مو رجال . حسيت بلحب وحسيت اني انسانه ويا .
حسيت هو هذا الي جنت اتمنى رغم بساطه عيشتنه بس اني ملكه . وحتى اهله هم يحبوني ويقدروني . ما فد يوم غثوني بحجايه
لحد ما اجه اليوم الي قرر يترك العراق : كوثر خل نبيع البيت والسياره وندخل مناقصه بلكويت ...
كوثر : شنو مناقصه شسوي بيها ...
عادل : والله اذا حصلتها احنه فوووك فووووك السما ...
كوثر : لاااا عادل لا . اني مرتاحه بحياتي ويني وين الكويت قصص وروايات عراقية كرار صلاح ....
عادل : بداعه امج لترفضين هلشي . ابن عمي اكد اليه المناقصه متنزل وبورصه ونشتري اسهم بلسوك ونعرضها واحنه مستفيدين ...
كوثر : عادل منين جبتلي هلشي النوب . اني ما اتحرك من العراق اهلي وناسي هنا . هاي ساره مو لفت لفت ورجعت للعراق شستفادينه ....
ضل عادل يلح وينغط ويتوسل . واني جنت رافضه فكره انو البيت ينباع نهائيااا .
وقررت احجي وي امه بهلموضوع . فرحت الهم شفت الوجوه مكلبه وهاي اول مره تصير من زواحي لحد هسه عبالي شو شكو ما حجيت وجان صادف بيها رمضان كالتلي اديان ومرفت خوات عادل خل نروح للحفافه اني كيفت كتلهن اريد اميش واحف رحنه اني وياهن الحفافه تتمعمس تمعمس لمن شلعت كلبي اول شي اني كتلهن خل اسوي شعري كبلجن وانتن بس حفافه اديان ما قبلت بس مرفت سكتت وضلت تنغط اديان . لااا اني اسوي وحهي شنو ضاله منتظره ...
استحيت منها وهيه اكبر مني . سوت الها وجهه . وبلشت بشعري كالت شتردين يا لون .
اني بوقتها اختاريت الاحمر وردت اغير فكالتلي ١٦٠ الف لان شعرج طويل وثابت ...
اني قبلت : هاهيه بكيفج سوي ....
هنه كملن حفافه وراحن كبلي واني ضليت يم ام الصالون لمن كملت كالت اليه ام الصالون على اديان : هاي حماتج مبينه صعبه كلش مو مثل ذيج ...
كوثر : اي هيه حتى بلحقيقه صعبه ههههه ....
كملت الشغل وخابرت عادل يجي عليه .
بلطريق كتله سويتلك احمر . وهو يطفر ميعول شوكت يوصل للبيت ويشوفه . رجعني لبيت عيالي
اول ما طبيت تلكتني ام عادل : اييي تردين تاخذين عمو البيت وتهجين تريد تاكلين بحلاله من هلفج لهلفج . متستحين على روحج حلالج ومالج بس للصالونات والمكياج والزواكه ....
كوثر : شنو عمه شكو شنو هلحجي وبعدين زوحي وراضي قابل اني طالعه بدون شوره .
ام عادل سكتت ما حجت بس اني شويه ضحت هيج منها بس عفتها تلغث اذا الكمر يمي شلي بلنجوم .
رحت شافن البنات شعري وتعحبن عليه واني مرفت صديقتي شاورتها :ولج حتى ام الصالون كالن على اديان مبينه عصبيه ههههه ...
مرفت : ههههه انشهرت اديان .
بس هلحجايات حجينه بيهن ما تنفسنه بغيرهن شو من رحعنه بلليل اجتي ام عادل وهيه تصيح : اني عندي عتب .
واريد اروح اعتب ام الصالون شبيها بتي وتحجن عليها ...
ضليت متفاجأه من تصرفها : لا عمه والله جانت تشاقه وحجتها بحجه شقه ....
ام عادل : لاااا انتي لان شفتي عادل ينطينه جم فلس كتلتي نفسج كتل ادري بيج .
كوثر : عمه والله حتى ما ادري بي ينطيكم . والله العظيم . واني شعندي وي اديان . وحتى فشله من ام الصالون شكول الها بعد لا ترحين الها ..
ام عادل : لا اريد افضحج اكول باكت ابني وطلعته من بيته وهسه تريد تاخذه من عدنه لان كايم بواحبه علينه ...
كوثر : خاله والله اني ضد السفر وهذا عادل كدامج واسالي .
عادل : يوم شهلحجي هذا . هيه اصلا مموافقه ع السفر ...
ام عادل : ايي مسوتلك سحررر مثل امها ماخلت بنفسها واحد ثنين رجوله تلعب ع الحبلين
كوثر : التفتت لعادل : عادل احجي وي امك كبل لا يتحول النقاش لغير موضوع . وعفتها ودخلت . واني احس كلبي بي نار . واسمها تكله دير بالك على روحك تره بس يصير بيك شي تاخذ الها واحد جديد ...
شاطت اعصابي واني احس روحي تريد تنتهي من وره حجيها طلعت الها بحركه كلب : اطلعي بره يلاا . هذا بيتي الي ميحترمني ابيتي شعنده جايني ....
ام عادل : اطلع بررره ... اطرديني .... شوف عادل مو كتلك اضغط عليها يبين معدنها شنوووو ...
خو طردتني قصص وروايات عراقية كرار صلاح ...
عادل : يوووم خل ارجعج للبيت واني وياج باجر نحجي ...
اخذها عادل ورجعها واني نااار شابه بكلبي . لحد ما رجع شافني منهاره وعيوني متروشه دمع لزم راسي باسه وكلي : حقج عليه واني اسف . هيه ابيتج ميصير هيج تحجي ...
كوثر : يعني لو البيت باسمك ؟؟ يصير هيج تحجي ؟؟؟؟
عادل : لا طبعا اني اقصد انتي ام البيت سواء كان بسمي او اسمج بس هلحجي خطا وهيه انقهرت لان سمعت بيه اريد اسافر ....
كوثر : اييي بلاها هلسفر بلاااا
عادل : اذا مترحين وياي اني اروح وحدي ....
كوثر : شلوووون ؟؟؟
.
.
.
*ارجوا عدم أستخدام شخصٍ ما لنسيان آخر. ♥️♥️

يتبع..