وغارات الحرب يوميه صوتها يبعث الخوف للروح . تحسه يسلب روحك عن جسمك . ويقدمك لعزرائل على طبق من ذهب . واضافه الى مشاكل زهراء ومحاسن زوجه ايمن . وخوف محاسن انو زهراء احتمال تزوج ايمن سارعت بتكوين خطط جهنميه وهججتها من البيت . . ومحاسن لحد الان مسفطه عدها بس ٣ بنات وتنوح على ولد . وامي ساكمتها على ولد مثل ما ام محاسن ساكمه اختي زينب . وكلمن متوقفه على بتها اذا بطلت هاي تبطل امي واذا كامت هاي تكوم امي .

.

في سنه ١٩٨٢ . لبس اخويه ايمن للجيش الشعبي .

وهذا الجيش سوا صدام تضامنااا مع الجيش العراقي مه العلم انو ايمن جان مخلص الخدمه العسكريه المقرره بس مع هذا جان الوضع في حاله استنفار ولازم يلبس .

.
بنهايه سنه ٨٣ . جاسر جان ستوه متخرج و منظم للجيش العراقي للمحاربه والقتال ضد العدو الايراني ..

واني جان عمري ١٨ سنه يعني * بلخامس اعدادي *


*احببتكِ بقلب باع الكل واكتفى بكِ *

يتبع

#البارت_الخامس

1984
__

تعودنه اني وجاسر اذا جنت اريد احجي ويا اصعد فوك اخلي حجابي بلعوده . عوده محطوطه بلسطح بلبيتونه فاذا اريد احجي ويا اروح اشدها بي . وهو يشوفها يصعد . واذا كلش كلش ميفتهم . اكتبله رساله واكطفها . وهو عود ياخذها ويجاوبني هم بطريقته . اما من فوك السطح لو من وره الباب ع السريع . لو بيد ظاهر * ابن لواء * يودي بيده حجي واني هم اودي بيده .
لحد ما يوم شفته منتظرني .

ها جاسر شبيك ....

اني اريد اروح لدوامي . افهميني خل اخطبج واروح .
جاسر الله يخليك اجلها فدوه لعينك خل اخذ شهاده السادس . ...

يابه اني صارلي تره فوك ١٠ سنوات احبج خو مو انتي تضلين هيج يا عيني خاف بغيابي يصير شي ....

ميصير شي . هسه انت فاتح اهلك ولمن تضبطهم تعال فاتح اهلي ....

يصير خير الله كريم .

........

هذا اخر حديث بيناتنه دار ونزل جاسر لدوامه . وجاسر جان بمركز مرموق بفضل السيد الوالد الي جنه نشوفه صدفات يجي لبيت لواء قصص وروايات عراقية كرار صلاح. ويجي اخر اناقه لابس البدله الزيتونيه وعلامه المثلث الاحمر بملابسه وحذائه البرتقالي . وهو وسلاحه وكرشه والحزام جوه الكرش . بس مع هذا تحس بي هيبه وشخصيه واول متشوف يدخل على كلبك الرعب . .

بس مع هذا ابو لواء مشفنه منه نهائيااااا غير الاحترام .

اما بلنسبه لوضع جاسر فأني اختلفت افكاري عن ما جنت مراهقه يعني شلون هيج حسيت بعقلي نضج اكثر . او حسيت انو افكاري تثبتت ع الشخصيه الي متمنيتها اليه . وهاي الشخصيه تختلف تماما عن جاسر والمصيبه شلون اكله ما اريدك لان اني اساسا اخاف منه اكثر مما اخاف منه
.............

جاسر

...........

احنه عائله متكونه من نفرين وبعدين صرنه تلاثه بعد وفاه ام يزن زوجة لواء . مو بس زوجته وحبيبته جان يعتبرها روحه وعمره وحياته وكل جوارحه . بعد ولاده يزن الصغير وخبر وفاته رفض استلام الطفل .

وهذا الي خلا ساكت صعب المراس ومجان غير بس الجيش يكدر يحتوي هلقدره الهائله من الغضب . فختارله ابويه انو ينخرط بلجيش . وهو هذا كاره . وتخرج من الكليه العسكريه وتبعته اني بنفس الكليه .

.
والدي من رمادي الاصل . امي بغداديه الاصل . حته كلامها لازال تحتفظ بلهجه البغاده الاصليه . ثنيناتهم احتفظو بلهجتهم الاصليه . واحنه بدورنه اختارينه اللهجه الي تريحنه . والي زاد باختيارنه للهجه عيشته ابغداد بعد ما انتقلنه لبيت اوسع بلقاهره . وتركنه ورانه بيت يحمل بي لواء ذكريات مع زوجه الراحله وخوفا على مشاعره هممنه بلرحيل وجان هذا خيار السيده الوالده .

الي تكفل تربيه * يزن * ابويه وامي . بأعتبابهم اجداده .
همه اعتبرو ابنهم الثالث . وحته ليحس بفقد الابو والام . علمو عليهم من الطفوله وفهمو انو هو اخونه الثالث . هواي حاول يتقرب من لواء بس لواء جان خايف منه او حته خايف يشوفه . وبما انو جان سلمان طفل صغير وحسب ميكولون ان الطفل يحس بلمشاعر . فاختارني ان اكون اقرب اله من لواء . بسبب مشاعر لواء الي جاي توصله .
تميز يزن بنباهة عقله وفكره منذ الصغر وهذا الي خلا مرغوب من الكل . وحديث الكل . انو هلطفل اله مستقبل بلحكومه العراقيه .

والدي * سلمان * جان يفكر انو يكون اله يد بلدوله وعهد . وحته بده يملي براسه هلافكار . وهو من الطفوله رافض هلفكره .

بااابااا ما اصير بلجيش . اريد اصير مدرس ....

يشتاط ابويه غضب : اشش يولد الجبان . انه مفكر بيك شي عظيم . وانت تفكر بلتدريس .

ماااا بابا ما اريد اصير بلجيش ...

.
.
.

هههههه مرات اضحك شلون الجد يتنازل لاستاذ يزن الصغيرون .
اشو احنه مجان يتنازل ويانه نهائياااا ؟؟؟!!!
بس يلا هاي بعد غريزه الجد .

بعد انتقالنه بنهايه سنه ١٩٧٥ الي شفت جوارينه وعرفتهم وجان من ضمنهم بيت ابو تحسين الي عدهم بنيه عباره عن فاكهه مو طفله . بيضه بياضها ناصع . اول شي جنت اشوفها تختلف هيج مجرد لعبه جميله بعدين من صارت مراهقه وبدت معاني جسمها تبرز من خلف العبايه حبيت تملك هلمهره الجامحه . وهيه بقوتها وخزرت عيونها الي رفضت سد الطريق عليها . او حتى مناداتها بلبرصه .
شراينها تنط من وجهه عيونها تفتحهن الزراك يصير بحر صافي . واؤلؤه عينها تصير بحر من دم من تصير عصبيه . صرت ادرس بكل تفاصيلها . اعشق كل جزء بيها . مهوس بيها . مهوس بحب ربما قد يبوء بلفشل ويتسبب بقتلي . لان اذا ما تزوحتها بلعين واغاتي اتزوجها جبر !!!!!!!؟؟؟؟؟

.
.
اول يوم طبيت للبيت اهلي واني محتار شلون راح افاتح ابويه بشغله ليلى .

فكرت مالي غير هاي الطريقه : يوووم

ابويه وامي التفتو يسمعوني ...

ها شكو ....

اكلح اريد ازوج !!! .

اي بلخير . لكيتلك مره لو لا ...

لا ما لكيت ....

شوفي اريد مرررره عيونها زرك وشرط اريدها بيضه ثلج .
لتكليلي تصلي تصوم بت كناس بت زبال بت هارب من الجيش .

اهم شي دوريلي وحده عيونها زرك وابيض من الكزاز ...

بيني ما بين نفسي سويت مسرحيه . اعرف ابويه راح يعترض لو كوله اريد ليلى بت السيد فحبيت ادخل بهلدور . وخته اذا جابت وحده امي اضل ارفض لمن توكع على بت السيد قصص وروايات عراقية كرار صلاح .
ابويه : ومنين نلكالك وحده هيج مواصفات بلعراق ابيض من الكزاز ....

اكلك يابه انت مو تريد تزوجني وكم مره كتلي تزوج . لو تاخذولي وحده عيونها زرك وبيضه لو ما التحق واخليهم يكولن ابنك فرار ....

دار وجهه عني . لا ابالي لكلامي . وصل للغرفه وكال : بأيد وحده اطكو لراسك واخلص منك .

هو يدري شنو اني واني ادري شنو هو فأكتفيت بجوابي اله : والله اذا مجانت بيضه ثلج وعيونها زرك بلون البحر . وهذا قسم عليه ما اخذ لو اموت .

عفته وكمت وهو هم طب للغرفه حته بعدني ممكمل كلامي . نزعت ابويه العشائريه . وتدريبه المهلك الي صنف الخبراء والمحللين العسكريين قوات الحرس الجمهوري جانت توازي في تدريبها المارينز الأمريكي والبارترز السوفييتية والـ s s جيستابو الألمانية في عهد هتلر. وطبيعه دووامه القاسي . المحمل على الشك والترهيب . ولدت بذهنه قساوه لا مثل لها . وجان مستعد يبيع الغالي والنفيس على حساب كلمته وجبروته . الا طلع من هلدنيا كلها يزن حفيده . الي مستعد يبيعنه على حسابه . ويكسر هلكلمه على حسابه .

التحاقي مجان يجيب بكلبي غير الفراق والشوق لحبيبة كلبي . ليلى الي مستعد اتخله عن حياتي مقابل اشوف ضحكتها .
ونرجع من الحرب الطاحنه الي حاولت هووواي اتملص وما انزل للجبهه وحاولت هواي اتخفه بس مع هذا لابد ان اضهر نفسي شويه كله هذا خشية من الموت وترك حبيبة ورايه .

خلال ما اني نازل اروح اشوفها واضل ابيت لواء اخويه وزوجته الي لحد الان مصار عدها طفل غير واحد بس .

واسال روحي يا ترى يا سنه نصير اني وليلى بغرفه وحده واشوف شعرها الاحمر اللامع والمنفوش . يا ترى شوكت تمتد على جربايتي ويصير جسمي قريب من جسمها قريب من هلؤلؤ هذا . اضحك واحاوب روحي . نذر عليه الا اخليها اسعد مره انخلقت بلعالم .

سيطرة الجيش العراقي على بعض مدن ايران مثل المحمره و خوزستان . بحيث تمت ابادت اغلب المباني هناك .
والدول العربيه تساعد العراق ويوصلنه الاخبار انو صدام بده يفرض سيطرته على ايران وايران راح تنهزم . والشعب ينادي فليسقط خميني .

اما القوات الجوية الإيرانية دمرت مستودعات إمداد الجيش العراقي وإمدادات الوقود،

صحيح الجيش العراقي جان حامل بلاعتده بس السلاح الجوي الي امتلكته ايران جان يخنق الجيش العراقي الضعيف جويا .

خضنا حرب داميه على بعض المدن وتم فرض الحصار عليها . وخلال هلحرب تصوبت برجلي خلتني عاجز من الحراك . وسحلوني سحل الجنود من الكاع واني ادعي ربي لا اموت بأرض ايران وتجي القوات الايرانيه ادوسني بلدبابه . وجان واحد من اصدقائي اسمه احمد بكر. الي كدر يسحبني ونزلت تارك ورايه معركه مصيريه للعراق . كنت اجبن من ان اكون في الجيش العراقي واني كلبي مخلص لعشق واحد وهو ليلى . ما اريد اموت واترك ليلى ورايه . ما اريد اموت وتزوج غيري .
احمد طلعني شيلني اخيك لا تتركني ....

مراح اتركك لتخاف جاسر . جلب بيه ذوله اامجوس مدري منين طلعولنه .

احس عيوني بدن يثكلن فرجلي الي بديت ما احس بيها او الخدر الي بده ينتشر برجلي خلاني عاجز حته عن حراكها .

وبارساليه نزلت وطلبولي اجازه لحين المداواه والشفاء .

وصل خبر اصابتي لاهلي خلاهم بذعر كامل خوفا من ان يكون فقدو ابنهم او اصيب بعاهه مستديمه . وتلكوني واني اتوسل اظهر امامهم الشجاعه التامه .

ما بيه شي يابه والله ....

ابويه بنظره فخر ممزوجه بلخوف : ان شاء الله سالم . دومك رافع راسي . الوطن مو هين يحتاجله شوارب ينشد بيها الضهر ....

عد شاربك يابه ههههه مستعد هسه ارجع للحرب تره ...

هاهاهاهااااي ترجع ترجع بس صير زين بلاول .

خوف ورعب تملكني من هلكلمه وهلمره نجيت منها المره الثانيه ما اعتقد انجو . واني فكري كله يم ليلاي . يا ترى سمعت بيه لو لا ؟؟،
يا رتى شنو شعورها هسه .....
بعد مرور ٤ اشهر على اصابتي وكعدتي بلبيت فمكان الطلقه جان كلش عميق وحته بعد التأمه يطلع منه خراج بحيث تمرمرت شفت نجوم الضهر من وره هلضربه سبح ما تكدر اسبح للحمام ما تكدر اكعد انام ما اكدر حركه صعبه تخبلت كوه كوه جريت روحي . لحد ما شويه تعدلت اوضاعي ورجلي الي امتثلت للشفاء قررت افاتح اهلي بلموضوع : شتردون اموت واني ممزوج !!! زوجوني ع الاقل اذا متت اكو طفل يذكرني ....

ابويه بغضب : وينه وين زواجك يول . دحك للوطن والوضع الامني ..

واني شلي شغل بلوطن شكوووو ....

فتح عين بخزره : لا اطير ركبنه يول وانت تدري مقربتي من الحكومه . استحي على روحك على شاربك .....

شستحي ياب جاي اكلك زوجني وخلصني تكلي الوطن . يا وطن بدون عرس . شنو بس نقاتل يعني شبابي اكضي بقتال . زوجني حته انزل براحتي بس اطيب .

منو هاي الي تريدها ....

احجي بدون اعتراض ....

تحچه وفضنه ...

..

اريد بت السيد ابو تحسين .....

البيت كوله بصفنه ميعرفون شيحجون بس ابويه عيونه بدت تنط وهو يكول قصص وروايات عراقية كرار صلاح ويأشر بأصبعه : والله والله لأمحيك محي من وجه الارض .
وليشششش تمحيني شمسوي لو هيه لو ما اتزوج واني بس تلتأم رجلي بلكامل انزل بلكي يأسروني الايرانين بلكي يدوسوني بدبابه .....

انته شنو من مله ملتك ولك .

ها هيه احبها وبس ....

افكر وادانشه لهلموضوع واردلك خبر .

شدانشه يابه جاي اكلك احبها ...

ول تحبك حيه كلب . بيا طريقه افتح هلموضوع كدام ربوعتي ....

يابه اني معندي غير هلحل هذا لو هيه لو ما اتزوج . ثم شنو المانع بيها من يا يوم انتم تفكرون هيج . من تزوجت امي شو ما فكرت بهلموضوع .....

امك شجابها على هاي . وهذا الوضع الامني الي كلما جايله يتخربط .....

نفس الشي يابه . اني اريدها مقتمع بيها ... يوممم يووووم ..

ها شبيك ....

اكلج يوم من حانت صغيره ليلى جان شعرها احمر هسه شلونه ؟؟؟
نفسه احمر . تعال ماما دا احاجيك ....

رحت وياها . بدت تكلي : انت ماما شعاجبك بيها تره بلحقيقه محلوه ....

شلون يعني ....

ليغرك بياضها بلحقيقه كولش جسمها متروس نمش .. .

حتلو هو اني اريد هيج ....

والله يماما محلوه ادري بيك اعرف ذوقك . مراح تعجبك ....

اي شبيها . غير افتهم ....

ضعيييفه كلش مبيها اي معاني الانوثه بس حاطه الها كونيه وره ضهرها تكول فيلق ....

ههههه اويلي على الله . شهيتني يوم....

ولك يوم والله ممتناسق الصدر صغير وكله نمش انوب تجي لارتفاع . هيج تحس راسه وجسمها مال ثنين جسمها مو بمحله وراسها مو بمحله ....

ها يعني جهالي نشربهم ممات مع الاسف . بس ميخالف اني قابل

جاسر انت شعندك وياها ؟؟؟؟؟؟؟؟
امووووت عليها ،.....

مو هاي الي زاعت دم ودك من وراك وانت تصير الها البرصه نسيت لو اذكرك بعد ....

جنت اريد اشوفها من تصير عصبيه شلون تصير . اذوب بيها هيج مثل الشكر بلماي . اتخردل كدامها ...

هاي بعدك ما عرست .هيج اذا عرست شلون . ضب براغيك حته متصير بيد النسوان ....

شنو يوم زعطوط اني واصير بيد النسوان . بس هاي اموت بيها مروتج قنعي ابو لواء خل يزحزح روحه ....

اي وشتجيبلي .....

اجيبلج محبس ذهب ....

ههههههه خوش اعتبرها صارت .....

اي طبعا . السيد الوالد بيدج مسوينه خرخاشه واحنه يصير بروسنه طنطل .....

انجب ولك لتحجي على ابوك هيج . لو ما هو انت شتسوه ....

ههههه اسوالي دبه دبس ههههههه ....

عفته ورحت . تركت هلشغله لامي
كاعد ابويه كدامي وحاط رجل على رجل وهو يشوف خيبة ابنه الصغير وتخلفه عن حب الوطن . وتمسكه بحب وحده تختلف عن مذهبه وعن حياتة وبيئة عكس ابنه لواء الي مستميت حاليا بلمعركه وهو ينقل النه اخبار رجوع بعض الاراضي الايرانيه الي جانو مسيطرين عليها العراقيين الى سيطرت القوات الايرانيه

بعد مرور ما يقارب ٦ اشهر وامتثال رجلي للشفاء التام ومحاولات والدي المستميته انو ومع التصعيدات الاخيره واضطراب الحكومه العراقيه من الخسائر واستمرارها بلقتال كان لابد لي من ان امثل لامر والدي وهو يكلي : لازم تنزل هذا وطنك اعز من مرتك وبيتك لازم تحمي بدمك وروحك مو دافس هينه مثل النسوان ....

واني بدوري دكيت رجل . ماانزل واختل ابيتك مثل النسوان لو تزوجوني بت ابو تحسين .

مع مشاورات ابويه ولواء واخويه قررو انو يرحون يخطبوها اليه واني ما مصدك شوكت يجي هذا اليوم .

بس مع هذا فاجأني رد ابويه انو اذا ما قبلو بيت ابو تحسين راح ينسد هلموضوع نهائيااااا ....

واني بدوري وافقت . لان متأكد من ليلى تحبنى . بس بنفس الوكت كلبي يلعب . ومنتظر جيتهم على جمر .

وراحت امي هيه وجيهان يخطبون وسرعان ما اجانه الجواب : العلويه مخطوبه لابن عمها ومشين عليها وكاطعين مهر .....

شنو يوم شجاي تحجين لتخبليني ....
اي والله هو هذا الي كالو ....

شنوووو الله يخليج كولي جذب ....

ابويه : شبيك يول راح تموت اثكل شويه وشد براغيك ....

يابه انت صدك تحجي البنيه اني اموت عليها رايدها من جانت طفله وهيه واعدتني متزوج شنو هلحجي هذا لتخبلوني .

ابويه : تضحك عليك يول شافتك ميز وعرفت شلون اديرك هلدونيه هاي .....

ميز هههه ميزيش يابه والله اكتل روحي . اكتلها والله واكتله واكتل روحي الي يكرب صوبها .....

.
.
.
لواء ....

...
٦ اشهر جاسر ما طلع من البيت من ساعه ما تصوب برجله ولحد الان لان جان جرحه عميق . وبعد هلاشهرمن تماثل للشفاء وقرار والدي انو يرجع لدوامه . قرر يزوج الانسانه الي يحبه .
بدايه الامر ابويه مجان موافق . بس بعدين قبل لان هو اعرف بلوعه الحب حتى وان كانت من غير مذهب .

بعد سماع جاسر ان ليلى انخطبت وعلى ما اعتقد انو هلخبر عارٍ من الصحه
انهار جاسر وفقد عقله بجنون كامل . كسر شكو ماعون شكو مزهريه شكو شغله قريبه عليه وهو يصيح اخذوني الها والله بس اشوفها بس احاجيها ....

امي : ولك يوم شتكول الها مترهم ...

اروح لبيت لواء اني اعرف اخليها تحاجيني يوم الله يخليج ....

صعدنه بلسياره واخذنا ورحنه وهو صعد فوك وفاتح الكلوب الاصفر شويه بلليل اشوفها وصعدت وحاجاها واني اسمعه من جوه ....

شنو هلحجي الي سمعته ....

ها عيني شلونك ....

جاوبيني شنو راح تعرسين حظرتج ....

لا يابه ماكو هيج حجي . بس اهلي ميقبلون وطلعو هيج حجه . متكولي شسويلهم .

ليلى ...
ها جاسر هااا ....

واذا طلع اكو هيج شي ....

جاسر انت شنو تشك بحبي الك . بس شسوي جاي اكولك اهلي ميققبلون شسويلهم ....

لج شنو هلبرود هذا . ع العموم اني اعرف اتصرف ....

شتصرف جاسر خو مو ناوي تسوي شي محلو عفيه ...

لتخافين ماكو شي ....

.
.
لواء ......
......

وهيه تحجي جنت متمني اني يمها حته الخها راشدي اعدل وجها عدل . بشر مو كد الحب شعنده يعشك ..،

.
.
.
ليلى .....

.....

خلال ٦واشهر ما لمحته ولا شفته بس جان طيفه ميفاركني . عرفت بروحي احبه مو بس احبه هم اعشقه لان جنت بس انام الليل ما احلم بس بي .
من اجتي امه اهلي راستا رفضو بدون حته ميرجعون اليه ويسألوني قصص وروايات عراقية كرار صلاح. واخاف احجي واكول الهم احبه . ورغم حبي اله بس شفت جاسر حاجاني بطريقه غريبه هيج حسيته لازم زله عليه وخاف يهدد اهلي كمت كلش اخاف منه

وهذاك البطريق او قنينه الاوكسجين جان ارحم اليه من جاسر . جاسر مو طبيعي ابد ما احس بحبه نهائياااا .
بس احس ويا بخوف مثل واحد مشتري شي حلو ولاطش بي .

تمنيته يستسلم بس اني اعرف طبيعته عرفته مراح يتركني . وهذا الي خلاني حته ليلي ما انامه من ورا نهائيااااا ما أمن ....

يوم ١٧ /١٢ ١٩٨٤ . هذا جان يوم خطوبتي .

واني منتظره الرد السريع من جاسر .

وما كذب خبر ما يقارب خمس ايام اجونه مره ثانيه
والثانيه تلوت ثالثه والثالثه صارت رابعه وخامسه وسادسه وبطلت احسب عدد المرات الي اجونه بيها .

.
.
* عن شعور الخيبه اكول : جنت متوقع نفسي اغلى من هيج *

يتبع

ألف مبرووك حبيبتي وان شاء الله من نجاح الى نجاح 😍وربي يوفقكم ويتحقق كل اللي ببالكم

بالعكس أفرح من تبشروني بهج أخبار 🥰🥺وفدوة الج اني هم احبكم💋

#ملوكه

لا والله حبيبتي حاليا مااعرف باعمارهم😅..بس شي اكيد شذر بنهاية 20 ونشر بنهاية 30 او40 وهي هاي نهاية القصة

واكيد مستمرة وياكم بالقصص😻

#ملوكه

هههه..مساء النور يحلوة
يي صح هالبرنامج يفيدج واكو برنامج اسمه دوولينجو هم كلش زين ويبدي وياج من الصفر🌚🌺

فاثنينهن نزليهن واتعلمي عليهن واهم شي استمري ولاتكطعيهن..حتى تتقنين اللغة

#ملوكه

حبي هاي معايده

يوم ميلادك والدنيا بعيوني عيد🙈

ربي يجعل كل سنينك فرح يافرحة الدنيا
وكل عام وأنت بألف خير🥰🎊🦋

#ملوكه

ياخطية الله يعينهم..هههه
وان شاء الله حبي ناجحه☺️🌸

#ملوكه

حبي المرطب حسب بشرتها..اذا بشرتها دهنية اخذي مرطب نتروجينا ؛أفين

واذا بشرتها مختلطة عندج جونسن ؛clinique ؛نيفيا سوفت
هذيني احسن مرطبات للبشرة المختلطة
واذا بشرتها جافة فاخذي سيرافي🙃


#ملوكه

حبي هو بكربلا شنو عدنا؟🤦‍♀🤧 اني ردت ادور عل مدارس اهلية كلشي ماكو..بس كم مدرسة والبقية كلهن روضات

عكس بغداد محافظه جبيرة وكلشي عدهم

#ملوكه

عيوني هالسيروم عادي😕 يعني بس اعلانات وجذب ومابي شد ويزيل تجاعيد
فد يرطب البشرة

#ملوكه