اثير.اي رايح بس والله طلعت عمتي تفهم بلذوق ولااجة يمنه عايفتنه براحتنه

رهف.هههههههه قصدك عايفتك براحتك

اثير.لاويين ماخذ راحتي لو ما هيه جا هسه انتي نايمه بحظني و بغرفتنا مو كلمن غرفته

رهف.اثيررر كافي لاسمعك عفيه ولاتنسى ترى بعدني ماسامحتك على كلامك حتى انام يمك

اثير . سامحيني يروحي هاي اني كاعدلج كعده هنا منا لمن سامحيني

رهف. دخل اروح للغرفه تعبت من الوكفه والله

بس حجيت مااحس اله دنك عليه وطبع بوسه بركبتي مكان نبض ودار وجهه وراح حتى ماباوع عليه رحت للغرفه لكيت جيس جبير على جربايه اخذته بي ملابس راسا اخذتهن وطلعت من الغرفه ماامن بي هسه يرجع رحت للغرفه فتحتهن جان جايب تراكات ثنين سود همزين طلعت واحد لبست البجامه اريد اطلع القميص مالته وكعن الملابس الداخليه جايبلي داخليات رفعتهن نفس قياسي بلضبط خرررب يومك أثير شلون عرف قياسي احس روحي صخنت من الخجل بلكوه كدرت ابدل فتحت شعري علمود اعدله بعد مااسيطر علي بأيد وحده عفته مفتوح بس سرحته طلعت لعمه كاعده هيه واثير بصاله

عمه.ياعيني شنو هل جمال هذا

رهف.ههه عمه بس شعري مداكدر اسيطر علي بس لفي اليه

عمه.تعاي اضفره الج مواحسن لو بس أشيله

رهف.بكيفج انتي

حجيت هيج وكعدت يمهه ضلت سرح بي لان ماسويته زين رفعت راسي اثير نايم على تخم وحاط ايده على عيونه ضليت صافنه علي فجاءة وخر ايده باوع عليه غمزلي 😉 ورجع نام دنكت راسي لاشوفنه عمه سوتلي عمه شعري شويه وسمعنه الباب تندك طفر اثير على صوت كام فتح الباب دخلوا عمر وسام والبنات جان شال عمه مكانهه اخذته وخليته على راسي اجن البنات يتراكضن عليه

مرح.سودده عليه فوفه شلونج

رهف.الحمدالله يروحي احسن هسه

سمر . اووف شلونهه ايدج خو ماتأذيج

رهف.اي شويه موكلش يعني على كد العلاج

سمر.الله يساعدج اهم شي طلعتي سلامات يروحي

سحر. رهوفه حمد الله على سلامتج شلونج

رهف. الحمد الله انتي شلونج شو تعبانه

سحر. لامابيه شي بس من طريق لان حاره

عمر.ها شلونج اليوم

وسام.جاي تاخذين علاجج

رهف.الحمدالله احسن شويه اي اخذته قبل شويه

عمه. هايمه شني الاخبار هناك بلبيت

عمر.والله عمه الكل باله يم رهف بس جدي حط شرطين لااثير ولازم يسمعهن ويردله جواب

اثير.ولي هنه شنو هاي شروط

وسام.عمر اجلهه هسه موكتهه

عمر.لازم يعرف حتى يفكر زين وبعدين يشوف شيسوي

اثير.احجي شنو الموضوع

عمر.الشرط الاول اطلك رهف وثاني بنفس اليوم تعقد على سوزان بهاي الحاله بس مسموحلكم ترجعون للبيت

اثير.ههههههه تدري جنت متوقع هذا شي

رهف.😯😯😯😯😯

وسام. هسه شراح سوي خو ماتبقى كاعده هنا طول العمر

اثير وشكو بيهه هاي انتم موجودين وتجونه يعني مراح تكطعون عنه

عمر.افهم منك ماراح ترضخ لجدي

اثير.لا لااتنازل عن مرتي ولااريد غيرهه بحياتي واعتقد سواه جدي لهنا وكافي

رهف.اثير بس

اثير.بعدين نتناقش عوفي سالفه هسه

سكتت عرفته مايريد احجي كدامهم همه هم غلسوا بعد ضلينه كاعدين ماكدرت اكعد وي البنات وحدنه راح أثير جاب ببسي وكيك كامت مرح رتبته وجابته الهم صار المغرب واحنه على نفس الكعده مواضيع عامه مافتحوا بعد موضوع جدو لحد ماكال عمر

عمر.يلا ترحن تباتن هنا

عمه.المن موجهه كلامك حدد

عمر.لمرح وسمر وانتي

وسام . ومرتك

عمر.لاهاي اكيد وياي ها شنو كلتن

وسام.اني اريد اخذ مرح نطلع نتعشا بره بعد اذنكم طبعا

اثير.لاتطلب اذن من واحد بعد هيه مرتك حط ايدك بيدهه واخذهه واطلع تعود هيج احسلك

عمر. تعلم من اثير حتى جدي يلزمك الباب الحمدالله اني عرست كبل لاتطلع هاي الانجازات مال جدي

وسام. هههههههههه مسيطر هنيالك عمي

اثير.والله اذا راد يكلب عليك لو مخلف هم ماتكدرله

عمر.هههههههه يلا منتظر مصطفى راح يمر عليه

اثير.راح طلعون

عمر.اي وانته ماتجي ويانه اليوم

اثير.لاوين مااكدر اعوفهم وحدهم كلشي يصير

عمه.اطلع يمه لاشيل هم اني هنا

وسام.يعني اليوم هم تبقين هنا

عمه.اي مااكدر اعوفهم وهيه ميه ماتكدر تجيب لروحهه

اثير.تعبانج عمه بس والله بدونج جان تبهذلنه

عمر.متاكد تتبهذل خويه

أثير.كافي لك مو البنات كاعدات

عمر.ههههه يلا فضني كومن

طلعوا بعدما سلمن عليه البنات وراحن بقينه اني وعمه لان اثير طلع وياهم كمت تمددة لان احس راسي راح ينفجر من الالم .

.....................

سمر.طلعنه من يمهم بسياره طلعت تلفوني لكيت مسج من مصطفى لان اني دزيتله قبل لااطلع وبلغته رايحه لرهف

💌 هاا رجعتوا بعدكم

💌 اي راجعين بلطريق

💌 ماشي اني هم راح اوصلكم بعد شويه اريد انطيج شغله مودخلين بسرعه

💌 ماشي

سديته منه وصدك اول ماوصلنه هوه وكف نزلنه سوه انتبة علي جان لابس بنطرون اسود وتشيرت ابيض وحذاء سبورت والنضارات عود شنو معناتهه لابسهن بليل شهل فيكه هاي عود خو العطر تارس المكان سلم على مصطفى دخلنه اني وسحر بس بقينه بلباب اجه هوه وعمر دخلو سوه بس بلكراج واكفين

عمر.ها تردين اجيبلج شي

سحر.لا ألاريده موجوده بثلاجه هههه

عمر.خوش ديري بالج على نفسج يلا ولك لطشت شني

مصطفى. هسه شفتي فتحت حلكي ونطقت حتى لطشت

عمر . هم عوزهه تحجي كدامي يلا امشينا

مصطفى. اي مو بكيفك هيه

عمر.غير اختي ولك شو ماخذ راحتك انته

مصطفى. مو بس اختك ومرتي هم لاتنسى هم

اياد.منو هاي مرتك انته منو مصطفى

التفتنه كلنه على صوت اياد جان لازم جنطته بأيده ستوه راجع مااعرف ليش خفت من شفت نضراته كلهه لهفه اليه اول مره اشوفه يباوعلي هيج جنت قريبه على مصطفى راسا نزلت راسي علمود اضيع السالفه راحله عمر وسحر استقبلوه همست بهدوء

سمر.شنو ردت مني كلت لادخلين بسرعه

مصطفى. لابس ردت اشوفج مشتاقلج

فتحت عيوني بصدمه عليه 😯

مصطفى. هههههه شبيج مامصدكه شنو

سمر . لاليش ماصدك اكيد تشتاقلي ليش اني اكو واحد مايشتاقلي

مصطفى. هههههه شهل ثقه هاي عمي مطورين

سمر.نعجبك احنه باشا

مصطفى. ههههههههه وانتي تخلين بيهه باشا اذا تخلين الشياطين تكمز كدامي

سمر.هاي اني موو

عمر. هاااا ولك صدك انته ماتحترم

مصطفى. تسكت لو ازلغلك واير هسه وخليك حاير بضيمك ههههههههههه

اياد.اكدر اعرف جاي يصير هنا

عمر.ها مو انته ماتدري مصطفى خطب سمر وصارلهم جم يوم من كطعوا مهر

اياد.شنووووووووو شهل خررررط هذا انتو بكيفكم تطونهه

مصطفى. شنو معناته هذا حجيك بالله

اياد.معناتهه مالك مره يمنه بت عمي الي وماصير لغيري

.يتبع



البارت التاسع والعشرين

( الرتبه والحشمه )

.......................................

لااعلم كيف اصف احساسي فأنا
لان لااشعر بأي شي تجاه من كان
يملك كل شي بداخلي اصبح لان
اكثر من غريب عني ياترى ماهوه
السبب هل الخذلان ام انكسار الحب بداخلي 💔

................................... .

اياد.اكدر اعرف جاي يصير هنا

عمر.ها مو انته ماتدري مصطفى خطب سمر وصارلهم جم يوم من كطعوا مهر

اياد.شنووووووووو شهل خررررط هذا انتو بكيفكم تطونهه

مصطفى. شنو معناته هذا حجيك بالله

اياد.معناتهه مالك مره يمنه بت عمي الي وماصير لغيري

مصطفى. عمر فهمني شنو معناته هذا الكلام

عمر.الله وكيلك متفاجئ حالي حالك

أياد.لاتتفاجى عمر كتلكم سمر اليه وهسه تنهون هاي المهزله بسرعه

عمر.اياد انته شارب شبيك شو جفص بلحجي

اياد.لاماأجفص حقي وأطالب بي وهسه تلغون هاي الخطوبه كلهه

مصطفى. عمر هسه تطلع لو لا ترى تأخرنه

اياد.شنو حظرتك تستهزء جاي احجي وياك شو ضاربني عرض الحايط

مصطفى. كلامك كله ماداخل مزاجي وجاي متاخر كلش لذلك ماله داعي اكعد اناقشك بهاي سالفه

اياد.بس هيه ماتريدك اريد اعرف شلون خليتوهه توافق بهاي سرعه اكيد جبرتوهه مابيهه مجال

سحر.اياد كافي سد الموضوع

اياد.انتي تنجبين وتسكتين مااريد اسمع صوتج نهائيا حسابج بعدين

عمر.الزم لسانك ولاتجاوز على مرتي لااصرف وياك غير تصرف وانتي سحر صعدي فوك يلا

سحر.بس عمر

عمر.شكلتتت اني يلا فوووك حالتج ماتسمح نسيتي شنو

سحر. تمام لاصيح رايحه

جد.شنوو هذا صايح شصاير هنا

عمر.تعال جدي شوف استاذ اياد مدري منو راكعه على راسه وجاي هاد علينه

جد . شبيك ولك بعدك ما اجيت

اياد.جدي تنهونهه اخلصكم من مشاكلي لاوالله اكلبهه عليكم عزا

مصطفى. عمر اني منتظرك بره

جد.اوكف بويه انته موغريب تفضلوا جوه بالاستقبال خل نتفاهم

اياد.على شنو تتفاهمون كتلكم ..

جد.تعال جوه خلصنه العالم منا تريد تفضحنه امس اثير واليوم انته

اخذهم جدي سحل الاستقبال مره من يمي مصطفى همس بصوت ناصي

مصطفى. كتلج احجي يكون احسن بس انتي جبتيهه لنفسج تحملي نتائج سكوتج

سمر.مصطفى لحظه مو هيج

مصطفى. 🤫🤫🤫 بعدين نحجي

عافني ودخل وراهم اجة ماما سحلتني ودخلتني للمطبخ

ماما . سمر شعدج وي اياد وهيج متخبل عليج ولج

سمر.ماما من وكت ماانطيتج الموافقه واني بعدته حتى عن تفكيري

ماما.متاكده سمر ترى جاي تلعبين بنار يمه موعبالج مسلسل وتخلينه يغار عليج ويرجعلج

سمر.ماما يامسلسل شبيج اني حاليا مزوجه وحتى حرام عليه افكر بي ولو لحظه

ماما.يعني ماحنيتي من شفتي احلفج بداعت ابوج

سمر.ابد والله ماما ولارف كلبي علي كل خوفي هوه من مصطفى شنو راح يكون موقفه

ماما.ورجلج شبي شكلج قبل لايدخل

سمر.خليهه وره الله ماما بس ادعي تنتهي على خير

عمر.سمررررررر

ماأحس اله عمر هجم عليه وسحلني من حجابي وجابني براشدي 🖐🖐🖐حتى ماانطاني مجال احجي او ارد علي

عمر.احجي لجج صدك عندج علاقه وي اياد احجي لاادفنج هنا هسه

سمر.لاعمرر انته شكاعد تكول مستحيل

أياد. ماكو داعي تنكرين اني حجيتلهم كلشي احسن ماتزوجين وننفضح

سمر.الله يأخذك شنو حجيتلهم عمر لاصدكه هذا واحد جذاب والله

اجه عليه شايط ودفرني بطني احس روحي طلعت والله مااحس اله نركع بلكاع باوعت مصطفى يريد يكمل علي بس عمر لازمه اجت ماما كومتني كوه لان شبعت كتل وكفت كدامهم واني واثقه من نفسي لاغلطانه ولامسويه شي غلط صح عندي مشاعر تجاهه بس ابدا مادخلت ويا بعلاقه لاتلفون ولاكعدنه وحدنه ابد والحمدالله من الله نبهني حتى مااغلط هيج

قتيبه. ولكك نذذذل منو سمحلك تمد ايدك على اختي حيييوان

عمر.عوفه قتيبه هذا واحد زايعته دنيا ومالاكي اليضبه عدل

عمي علي.وهسه عليمن هاي لغوه كلهه سمعتوا الحجي فضونه من هاي سالفه

عمر.مانفضك شوف للك حتى اذا مصطفى عافهه لوتموت ماصير الك

اياد.مو بكيفك اسألهه وشوف اختك تحبني مثل مااني احبهه واكثر هم

سمر.جذذذذاب لاحبيتك ولاعمري راح احبك واحد نذذل ليش تخرب سمعتي الله لايوفقك

ام امجد.كافي دعييين على ابني صارلج ساعه فوك مايريد يستر عليج احسن ماتنكتلين على ايد هذا الواكف يمج

ماما.هاي بدال ماتحجين حجاية الحق

جد. كافييي بويه مصطفى القرار بيدك بعد كل سمعته انته راح تكمل هذا زواج لو لا

مصطفى. اكيد مابيهه نقاش هاي ومنا لسبوع اكون كملت كلشي يعني العرس الخميس جاي اذا ماعدكم مانع

جد.هذا شي بينك وبين مرتك اذا تلحك تكمل احنه هم ماعدنه مانع

مصطفى. ها سمر تلحكين لو لا

سمر.بكيفك انته سوي اليعجبك

مصطفى. هاي هيه معناتهه الخميس اني اترخص هسه وصبح ادزلكم الاهل يشوفون طلباتكم

قتيبه.مصطفى ماكو داعي تستعجلون بسبب الكلام النكال ..

قاطعه راسا

مصطفى. لامو هيج الحجي اني لوعندي شك واحد بلميه هذا الكلام صحيح ماجان شفتني واكف كدامك يعني اني اجيت ابلغكم بموعد العرس وصارت هاي المشكله

عمر.متاكد من قرارك مصطفى لاتستعجل

مصطفى. هههه عمي والله متاكد اله اذا جان انتم بطلتوا تناسبوني

عمر.واذا بطلنه عليك شسوي

مصطفى. اخذ مرتي واطلع هسه لاعرس ولاهوسه ههههه

عمر.عليمن نعتب اذا انته واثير نفس طبع هههههه

مصطفى. يلا مرخصتكم

سلم عليهم وطلع حتى ماباوع بوجهي اول ماطلع اول ماطلع هجم عمر اياد يردون يفكونه من ايده ماكو اخر شي دفر بطنه وصاح بي

عمر.لك كوووووواد تتهم اختي بشرفهه وكدام رجلهه والله كتلتك حلال اليوم

قتيبه.عوووفه عمر كافي لايفطس بيدك مايسوه ينحسب عليك زلمه

ام امجد. يبووووو الله لايوفقكم تردون تكتلون ابني وعايفين بتكم ساقطه ضحكت علي ام زلم

جد.بسسسسس صوتج مااسمعه وانتم يلا كل واحد على غرفته بسررررعه

بعد كلام جدو الكل طلع رحت للغرفه اباوع على شكلي صايره فلم كعدت بلكاع ومن صدك بجيت على حظي كرهت روحي بساعتهه وكرهت اليوم الحبيت بي هيج واحد زباله وحرامات ينحسب على زلم دخلت سبحت اريد ابرد ناري شويه خايفه من مصطفى لدرجه بس رب العالمين يدري بيهه لان مستحيل يسكت على الصار وهذا حجيه كدام اهلي كله فلم لااكثر ولااقل جنت كاعده انشف بشعري بس كوه احرك اديه انفتح الباب ودخلت مرح اول ماشفتهه شهكت اجتني تركض راسا دخل عمر وراهه

عمر.كومي بسرعه جهزي نفسج راح اوديج يم اثير

سمر.ليش عمر والله يجذب عليكم اني موهيج بيش تريد احلفلك

عمر.ماكو داعي تحلفين احنه مصدكيج بس رجلج مايقبل ضلين هنا يكول خل تبقى يم اثير لحد العرس

صفنت على عمر وهذا جنت خايفه منه يحرمني من اهلي فززني صوت مرح من سألت

مرح.ليش شصاير هنا شبيكم

عمر.يلا استعجلي منتظرج بره

طلع عمر ومرح تريد تعرف شصاير كتلهه روحي لماما واني من اوصل اتصل عليج لبست على سريع صار كدامي جهاز رهف اخذته وطلعت لعمر راسا مشى بدون مايحجي وصلنه لااثير لكيناهم بعدهم كاعدين ضلوا مستغربين من جيتنه لان رجعنه عليهم دك تلفوني اول مادخلنه باوعت مصطفى شلون اجاوب واخوتي موجودين

عمر.هذا مصطفى مو

سمر.اي

عمر.جاوبي اكيد يريد يتاكد اجيتي لو لا

سمر.احجي انته وياه

عمر.سمر جاوبي لاشلعين كلب الولد

اول مافتحت خط اجاني صوته مثل الاعصار

مصطفى. هاييييي ووويننننج

سمر. يم عمر واثير

مصطفى. ها يعني رحتي لشقة اثير مو

سمر.اي رحت

مصطفى. تمام ممنوع طلعين منها اله بأذني مفهوم لو اعيد ست سمر

سمر.اي مفهوم

راسا سده بدون مايسلم حتى شوف اني وين يسلم زين مانجلط لولد اليوم من وره هاي المصيبه

عمر.ها تاكد هسه

سمر.اي يسأل اذا اجينه لو لا

اثير.احد يفهمني شصاير هناك وشبي مصطفى سمر منو ضاربهه بس لاهوه

عمر.لاموهوه اني ضربتهه

اثير.ليش شسويتي سمر

عمر.اول شي تسمعني لااخير وبعدين تحجي مااريدك تصرف شي تندم علي مثلي

اثير.احجي خلصني تلفت اعصابي ترى

عمر.اليوم رجع اياد من سفر وو............................

اثير.شنوووووووووو هذا تخبل والله اليوووم ادفنه مكانه كووواد يندك بعرضنه ابن الكل......

نزل علي دوسه ونص اثير غلط وفشار يريد عمر يسيطر علي ماكو الكف سويج وطلع يركض ركضوا وراه عمر وعمتي رادو يمنعوه بس بلا فائده تالي عمر قفل الباب وشال المفتاح خلاه يشيل روحه ويطكهه بلكاع ضل هيج فوك نص ساعه تالي سحبه عمر وكعده كوه وبلغه بقرار مصطفى علمود العرس ماحجه اي شي ضل ساكت ويدخن شويه وطلع عمر صراحه خفت لايتهور مثلهم لان بعد مابيه حيل طك والله راحت روحي .

.........................

مرح.من طلعنه من يم رهف رحت وي وسام بسيارته اول ماصعدت لزم ايدي رفعهه باسهه وبقى لازمهه لحد ماوصلنه للمطعم كولش راقي نزلنه اخذنه مكان معزول ماكو كراسي هيج يعني واحد كدام ثاني لا خالين تخم بنص وكدام ميز طعام وخالين قواطع على جهتين على شكل مناظر فد شي مرتب بشكل

وسام.حبيبتي شنو نطلب

مرح.ماادري بكيفك انته اطلبنه

وسام.لامايصير شنو مشتهيه انتي اطلبي

مرح.بس اني اريد اكل على ذوقك انته

وسام.مرح لاسوين هاي سوالف ترى من غير شي ميت عليج وكوه لازم روحي عنج

مرح.واني شسويت هسه حتى تكول هيج

وسام.ماسويتي انتي مجرد وجود يمي يخلي نبضات كلبي تتخربط

مرح.هسه منو راح زايد اني لو انته

وسام.هاي هسه عدج اني رايح زايد اكلج ماسألين نسوان اخوتج شيسون ساعتهه بس تعرفين اذا رايح زايد لو لا يجوز حتى اطلع امام جامع كدامهم هههههه

مرح . ماكو داعي اسألهن هنه من وحدهن يخرطن الاكو الماكو هههه

وسام.هههههههههه لابربج يعني انتن من تكعدن تبسطن بينه مو

مرح.كل واحد اله ساعه مو كلهه نطبكهه سوه

وسام.ههههههههههه والله عمي زين

مرح.اي طبعا احنه خوتنه محد يخربهه لاخوه ولاأي بشر

وسام.اي شفتج البارحه من وكفتي بوجه جدي ودافعتي عنهه

مرح.وسام انته ماتعرف رهف شافت بحياتهه تاذت بشكل بس الله يدري بي واحنه

وسام.الله يساعدهه بس طلعت اني الوحيد ماادري باثير ورهف مزوجين

مرح.لاشنو هوه محد يدري

وسام.شلون محد يدري وعمر ومصطفى شاهدين على زواجهم يعني سحر وسمر بقيت بس اني بهاي المجموعه ياغافلين الكم الله

مرح.ههههههه اعتذر منك والله بس اثير منبه على الكل محد يحجي وبالاخص رهف لان مايتفاهم بهاي سالفه

وسام.الله يهديهم عوفج منهم هسه شنطلب يلا

مرح.موكتلك بكيفك

وسام.تمام راح انزل كباب وبيتزا تردين بعد شي

مرح.لا بس ببسي وياك

وسام.هههههه صار

تعمدت اكله على الببسي لان حسيت ضاج لان ماطلبت اكل شويه ونزلوا الاكل بقينه ناكل ونسولف سالفه جر سالفه ماحسينه بلوقت دفع الحساب وطلعنه اول ماصعدنه بسياره فتح اغنية نور زين اباوعله شلون مندمج وياهه ولازم ايدي ويردد بالاغنيه لحد ماوصلنه للبيت عادهه مرتين يمكن اول ماوصلنه طفاهه وشال ايدي باسهه وتقرب باس راسي طفرت

مرح.عززززه وسام احنه بشارع شبيك

وسام.ولجج شبيج وكعتي كلبي تدرين بعدين تعاي لااستقبال مشتاقلج مرح حسي شويه

مرح.خل ننزل اول شي

اول مانزلنه البيت هدوء انتبة اكو دم بلمطبخ اختلست رحت اركض للجوه محد موجود دخلت للغرفه لكيت سمر تبجي والوجهه صاير خريطه من راشدايات الماكلتهه دخل عمر اخذهه وطلع رحت لماما راسا اريد اعرف شصاير تخبلت واني اسمعهه لاياحقيرر فوك ماكسرت كلبهه هيج جازيهه الله لايوفقك ضليت كاعده يم ماما ساعه اواسيهه ساعه ابجي وياهه على حال سمر .

.............................

رهف.صار صدمه بلنسبه لسمر بس اني عادي عندي كلشي اتوقع من هاي العائله جنت كاعده يم سمر اهدي بيهه بس بالي يم اثير صاير بارود وبس يحش جكاير

رهف . سمروه اهدي كلشي راح ينحل انشاء الله

سمر.رهف اريد اروح للحمام وين

رهف.كومي وياي حبيبتي اني اخذج

كمنه اني وسمر اشرت لعمه تحجي وياه دخلنه للغرفه لان هاي الحمام حجه علمود نطلع من يمهم اول مادخلنه حظنتني وكامت تبجي بحركه

سمر.شفتي شسوه بيه رهف هاي تاليتهه يتهمني بشرفي بس علمود يخرب حياتي 😭😭😭😭😭

رهف.على كيفج وي روحج عمري انتي عوفي يطبه مرض اهم شي هسه مصطفى لازم تفكرين شلون صلحين وضعج وياه

سمر.اخخخخ ولج ماسمعتي شكال يكلي اني موكتلج اعترفي بنفسج انتي جبتيهه لروحج تحملي

رهف.ههههه نفس حجاية اثير وداعتج بس بعدين يبرد لاتخافين

سمر.شلون يبرد رهف شلون واني وياه راح ننجمع بنفس الغرفه وساعتهه محد يخلصني منه انتي ارحم شويه على لاقل اثير مايكدر يسوي شي والكل بلبيت

رهف.خايبه ماتسكتين لو اسولفلج سوالف اخوج ودكاته بيه دكولين جذب اكو بشر يمكم بلبيت

سمر.والله شنو احجيلي شبيج بلكي اكدر اصرف وي مصطفى هوه واثير نفس طبع

رهف.هههههههه لاخليهه مفاجئه الج احسن صدكيني حتى ماتلحكين تنصدمين يطيج الا قوى منهه هههههههههههه

سمر.ولج يبستي كلبي شجاج هوه هيج

رهف.هيه كلمه وحده اكولهه الج اذا صدك نفس اخوج توقعي كلشي يطلع منه لاتتفاجئين

سمر.خرررب يومج رهف بطني كامت تلويني ليش هيج

رهف.مااصدك انتي تخافين من واحد

سمر.اي حقج مو ماشفتي عيونه شلون تجدح نار وغضب ومن حجه وياي همس حس...

رهف.حسيت بفحيح شيطاني مو هههههه

سمر. اي والله شمدريج ولج

رهف.راح اشتاقلج سمر والله جنتي خوش بنيه لاحول ولاقوة الابالله مع الاسف هذا جمال وشباب يروح هيج برجلين

سمر.رهف صدك تحجين 😭😭😭😭😭😭😭

رهف.🤣🤣🤣🤣🤣🤣🤣🤣🤣 ولج خبله شبيج شيريد يسوي يعني هيه كتله تحمليهه واذا غير شي روحي لسحر تفيدج اكثر مني اني بعدني ماواصله بطيحان الحظ لهاي الدرجه

سمر.الله يطيح حظج وكعتي كلبي والله هههههه

رهف. يمعوده اضحكي هيه خلصانه شبيج

راسا طفرت خلستني والله

سمر . يمممه هذااا شوفي

رهف.شنوووه ولج شبيج.

سمر.ابو بريص دخل ملابسج ولج

رهف.لاااااااااا يمممه تعاليلي

أثير . شكو شصاير شبيج صرخين

رهف.طفررر عليه تعالي اثير .

اثير.منو هذا طفر عليج ولج

رهف.ابو بريص يمممه

اثير.الله يطيح حظج وكعتي كلبي على ابوبريص انزعي ملابسج وانكتيهن

سمر.لاماكو داعي 🤣🤣🤣🤣🤣🤣🤣

رهف.صدك تحجين عووود خرررب يومج سمرر ليش هيج

سمر . علمود تحسين شويه شسويتي بيه

رهف.والله ماينلام بيج مصطفى كون يسووو......

سمر.كافييييي ولججج شبيج

رهف.حقيره بس احس ببروده شنو هاي

اثير.خررررب ادري شنو زعاطيط باعي جرح كام ينزف

رهف . لايمه يعني راح يعيدوهه من جديد .

اثير.هسه خفتي من العمليه مو من جنتي تكمزين ماخفتي

رهف.هسه شنو عفيه شسويلهه

اثير.سمر جيبي العده تلكينهه بلمطبخ خل انضفهه الهه

رهف . يمممه ليش العده شراح سوي

اثير.رهف شبيج عده طبيه ياعده تقصدين انتي

رهف.هااا لاهيج ماكو شي

اثير.هههههههههههههههههه عبالج درنفيسات مووو

رهف.اي شمدريني شبيك تضحك عليه

سمر.هاي جبتهه هاك

كعد فتحهه ولفهه اليه مره ثانيه طبعا جان لازم انزع القميص بس هوه وخر بس ردن وطلع مكان جرح ونضفه وشدهه سمر طلعت مدري وين راحت من خلص كام غسل ورجع بعدني كاعده مكاني لان اذتني شويه اجه شمر روحه على جربايه وحط ايده على عيونه خفت لاواحد يشوفنه رفعت راسي الباب لكيته ساده شو ماحسيت عليه من سده اووف وعلي مضيعه اني همس بهدوء

اثير.توجعج

رهف.اي تأذيني شويه هسه بس اخذ علاجي تروح

اثير.رهف تعاي يمي شويه تعبان فد مره

رهف . خاف عمه لو سمر يجن للغرفه عيب منهم

اثير.لاعيب ولاشي تعاي كتلج تعبان ومالي خلك حتى احجي

رهف.رجعت على كيف ونمت بجهه ثانيه من جربايه هوه عدل روحه وسحبني لحظنه ودفن راسه بركبتي ماحجه اي شي لحد ماحسيته نام ردت اكوم بس جسمي خدران من ريحة ديتول ونعسانه رجعت لمكاني وغمضت يلا شيريد يصير اكثر من صار يعني .

..................

سمر.بقينه كاعدين اني وعمه بلصاله وذوله اختفوا كتلهه

عمه اروح اشوفهم شو تاخروا جوه

عمه.لايمه عوفيهم تلكينهم نامو هسه

سمر.ياعمه وحدهم شلون

عمه.عوفيهم اخوج تعبان ماشفتي شصاير بي خلي مرته يمه بلكت يرتاح شويه

سمر.ههههههههه واحنه مأمنين انتي يمهم عمه طلعتي خليتلهم الجو ههههههههه

عمه.ياااا ولج شسويت اني بس همه يدورون وجوههم ويرحون مااكوم وراهم اكول خاف عدهم شي ليش اصير خراعة خضره بنصهم احترم نفسي واكوم

سمر.معليه والله اله اشوفهم متشوقه الكفهم وعلي ههههههههه

عمه.ههههههههههههه ولج اكعدي عوفيهم

سمر.هسه راجعتلج عمه الله عليج لاصيحين عليه لاينتبهون

عفتهه تحجي وراي وميته من ضحك وصلت لكيت الباب مسدوس حطيت اذاني ماكو صوت هدوء وين راحوا فتحت على كيف لكيتهم نايمين فدووه وعلي منظرهم يخبل اله بشده راسا صورتهم وسديت الباب وطلعت رجعت يم عمتي ماحجيت اريدهه هيه تسأل وصدك ماتحملت راسا سألتني

عمه.ها شفتيهم رتاحيتي

سمر.اي رتاحيت كلش

عمه.شفتي بالله ولج

سمر.ههههههههههه مو ماتردين تعرفين بس علمود اريحج نايمين جانوا

عمه.يااا بعد وكت شعدهم من هسه ناموا

سمر.والله ماادري بس مبين اثير تعبان كلش هل نام بسرعه

عمه.غير ليل كله يفتر فوك راسهه خاف تتخربط لحد ماكعدني صبح وطلع لدوام

سمر.والله مااصدك اثير يتغير هيج

عمه.الحب يعمه يغير اكبر واحد هههه

جنه نحجي اني وعمه ودك تلفوني رساله

💌 اكو احد يمج لولا

💌 اي عمتي يمي

💌 كومي اكعدي وحدج راح اتصل

مالحكت ارد علي دك باوعت على عمه هيه وحدهه كامت كالت

عمه.هههههههههه اروح اخابر على وسام اشوف الاخبار وانتي شوفي رجلج وعلى كيفج يمه شيحجي اعذري ترى السمعه مو شويه

سمر.ماشي

راحت عمه للغرفه جاوبت ضل ساكت بالعشر دقايق اسمع بس صوت طكة الجداحه ديدخن همست بهدوء اريد اعرف شنو مصيري وياه

سمر.مصطفى

مصطفى. ليش سمر ليش حطيتيني بهيج موقف ليش ماحجيتي من البدايه ماجان وصلنه لهاي المرحله

سمر.والله انتى فاهم الموضوع غلط اطيني فرصه اشرحلك

مصطفى. مايفيد الحجي بعد خابرتج ردت اوصيج تنتبهين تصرفاتج كدام امي واخواتي

سمر.ليش شنو قصدك

مصطفى. اطيني مجال احجي القصدته لاضلين جامده وكله بكيفجن لا شاركي وياهن واختاري وبيني كانوا الوضع طبيعي وزواج عادي مابي اي شكال

سمر.ليش هوه موطبيعي يعني

مصطفى. انتي شتكولين بعد الصار كله يصير زواج طبيعي

سمر.مصطفى انته ليش ماصدك ماكو شي من الكاله الكم بيش احلفلك حتى صدكني

مصطفى. اجلي هذا الموضوع وره زواج ونتفاهم علي

سمر.بس لازم نحجي هسه احسن ليش تاجلهه

مصطفى. سمعتيني شلغيت لو لا كلت بعدين يعني بعدين كافي سدي الموضوع

سكتت لان شكله معصب كلش اله شويه جان طلعلي من تلفون رجع كال

مصطفى. هسه صار معلوم الحجي الكلته لو يحتاج اعيد

سمر.لامايحتاج فهمت عليك

مصطفى. يلا ورجعه لذاك البيت بدون علمي ممنوع واذا حاول يتصل بيج او يراسلج ذاك ساقط بلغيني بساعتهه سمر لاوالله اذا ضميتي عليه شوفين شي مايعجبج

سمر.اي فهمت ماكو داعي لتهديد

سده حتى ما سمع شكتله اخر شي ضليت كاعده مكاني ماادري شلون نزلت دموعي ولامن شوكت بجيت من صدك على كسرة كلبي وعلى فرحتي النسلبت مني بسبب واحد بيوم امنت بي وتصورت راح يصوني ويراعي الله بيه 😭😭😭😭.

......................

سحر.صعدت فوك رغم اعرف دنيا محتركه جوه بس خوفي على طفلي هوه الحركني جنت متدده اجيت اغفه اله شويه لان طولو كلش ساعات مرت وعمر ماصعد توقعت انتهت وطلع وي مصطفى لحد مانفتح الباب ودخلت عليه ماما جان جرني من ايدي حييل اجيت اوكع على وجهي راسا لزمت بطني طب وراهه اياد

اياد.يلا لجججج امشي كدامي بعد مالج كعده وي هذا الكواد

سحر.اياد منو مسوي بيك هيج

ماما.رجلج شفيه كدرته على اياد مايربي ذيج ساقطه العده

سحر.عمررر 😱😱😱

ماما.يلا ولج امشي البسي رايحين لبيت خالج بعد مانبقى هنا ولادقيقه

سحر.مااكدر اطلع بدون علم عمر ماما بعدين انتي تعرفين حالتي ماتسمح

اياد. شوفي لججج هيه كلمه ومااثنيهه اذا عمر ركب راسه وزوج سمر معناتهه طلاكج منه بنفس اليوم

سحر.اياد شبيك انته ستوك ذكرت سمر وين جنت عنهه هاا لمن انخطبت يلا صارت عزيزه

اياد. كافي لغوه زايده يلا فضينا امششششي

سحر.مااكدر اني وضعي مايسمح اطلع خليني كاعده مكاني

اياد.شبي وضعج

سحر.ليش محد كلك حامل وضعي خطر لو ماما مافارغتلي سألين شكالتلج دكتوره

ماما. بلا لغوه زايده يلا

سحلتني من ايدي حييل ودفعتني للباب لزمت بطني راسا لاتنظرب فجاءة لزمني عمر كبل لااوكع وكفني عدل وحجه وي ماما

عمر.اكدر اعرف شنو معناته تصرفج هذا وانتي تعرفين حالتهه كلش زين

ماما. اي اعرف واني اريده يطيح حتى مايربطهه بيك اي شي بعدما طلكهه

عمر.اطلكهه وهذا منو اليكول بالله

اياد.اني اكول موانته فضلت الغريب عليه وانطيته اختك اني هم راح اخذ اختي واطيهه لليستاهلهه

عمر.اكووول اكل تببن ترس حلكك اختك مرتي وحامل وين تريد تاخذهه وعبالك اني اضل اباوعلك شلون تاخذهه وتطلع

ماما.موبكيفك بتنه وناخذهه غصبا عليك

عمر.خليني محترم سنج ومكانتج لاتخليني الوص بلحجي وياج

اياد.جررب وشوف تحاوز على امي حتى ادفنك مكانك ياعار

عمر.هاي علييمن العاررر لك كووواد

تلازموه عمر واياد وماما صرخ اني ماتقربت اخاف على طفلي دخلو امجد وقتيبه على صوت يردون يفكونهم ماكو فجاءة حسيت بشي دافى وكع عليه راسا لزمت بطني وصرخت اجاني عمرر يركض

سحر.عمرر لحكلييييي لاااااااااااا


يتبع

شايفين وحده بنص الجهاز تكلب وفجأة تنام..فهاي أني😂
عود بارحه بليل جنت دجاوب باستفسارات البنات وبدون ماحسيت نمت ورحت بسابع نومه😂🤦‍♀

اللي هسه كملت البقية ورح انزلهن❤️

#ملوكه

عادي عمري ماكو أي خوف بالحالتين اثنينهن زينات☺️🌸..بس كون تدارين نفسج يعني اذا لبستي عدسات كون ميجي عليه حرارة من طباخ لو سشوار لو دخان ..ومن تلبسي كون نظيف ويوميا تبدلين مي العدسات

واذا عمليه اهم شي لاتسويها بالعراق اطلعي لايران احسن..كون لفترة معينة متطلعين ولمدة كم شهر تلبسين نظارة شمسية موزين عليج الشمس والضوة...منا لمن يلتئم جرح العملية
فانتي اسالي الدكتور وخل يشوف شيناسب عينج

#ملوكه

عيوني كون الأطراف كل شهر تكصي لمن تهملي يصير جاف ويتقصف☹️💔

وكل 4 ايام سوي خلطة زيوت من زيت الخروع وزيت الزيتون وزيت جوز الهند وخبطيهن وخلي عل شعرج من النص للأطراف ومسحة خفيفة عل فروة الراس
فد 3 او 4ساعات وغسلي

#ملوكه

حبي اذا هج قصدج..فهذا ميفيدج لاجهاز ولاتشترين شي☹️💔 لأن بس يقطوكم وكله جذب

كون الدكتور يفحصه او ياخذلج اشعه ويشوف شسببه
وحاليا لاتلبسين كعب ولااحذية ضيقة مقبطة..لان يضغط عليه ويورم بالزايد
واذا عندج ألم ومتكدرين تمشين عليه..فيطيج مسكنات
فراجعي الدكتور وشوفي شيكلج

#ملوكه

ماسك التمن طبعا هالماسك مشهور بكوريا علمود هج اكثرهم بيضين😂🌚
يفتح البشرة وطريقته هسه اوجهه

#ملوكه

طريقة ماسك التمن لتبييض البشرة 💆🏻‍♀💞-

حبايب اللي تستعمل هالماسك كون من تخلين عل وجهج ..خلي همين عل رقبة حته لايصير فرق🌚💔..
واستمرن عليه بشكل يومي..وضروري بعده ماسك ترطيب البشرة✨


#اعـاده_توجيـــہ_لصديقتج
#ملوكه
@stylegrils

primolut n
حبي هذا تلكينه🙃👆🏻 بالصيدلية ويأخر الدورة ومن تاخذي اسألي ابو صيدلية عن طريقته كم مرة تبلعي

#ملوكه

لاحبي ماكو جزء ثالث يمكن لسه مانازل

#ملوكه

فدوةة لكلبج عمري🥺💞

يي طبعا كلش زين للشعر وينعمه واذا ملتزمه بي هم يطوله
بس لاتخلين عل الجذر هو من نص الشعر للاطراف
وخلي مسحه خفيفة عل الفروة راس ..حته اذا عندج شعر واكع ينبت

#ملوكه

هذيني حبي زخرفة نجمة👇🏻😻

#ملوكه