وهاي نزللتكم 7 بارتات😻💞..
اهواي اسئلة عل البوت ماشفتهن فإن شاء الله بليل ارتب باستفساراتكم وانزلهن وتدللون💋

#ملوكه

🌹

‏( فَمَا ظَنُّكُمْ بِرَبِّ الْعَالَمِينَ )

‏هُنا الأمل ، هُنا الأمان ،
هُنا الرّحمة...
‏أحسنوا الظّنَّ باللهِ ، وأبشروا بالخير.
🌹

#مساء_الخير

‏يتعذب ⁧ #الحمل ⁩ نفسيا اذا وضع بمكان يحد من حركته.

‏⁧ #الحمل ⁩ أغلب علاقاته تنتهي لانه مايبادر ولا يسأل،بسبب انه لا يحب ان يصبح مكروه

‏⁧ #الثور ⁩ يعيبهم صفة العناد وهي صفة فظيعة وتظهر عليهم بوضوح شديد وخاصة اثناء دفاعهم المستميت عن رأي ووجهة نظر.

‏⁧ #الثور ⁩ حبهم يخليك مجنون بكل ما تعنيها الكلمة من معنى .

‏⁧ #الجوزاء ⁩ يكسر الرقم القياسي في التحلطم.

‏⁧ #الجوزاء ⁩ .. سماعه لكلام الناس احيانا يكون سببا لمشاكله.

‏⁧ #السرطان ⁩ لكبريائهم لذة رائعه لا يمكن وصفها.

‏⁧ #السرطان ⁩ يحتاجك بجانبة في كل الحالات واذا شعر بإهمال منك راح يبتعد عن حياتك وماراح يتقبل رجوعك له نهائيا..

‏⁧ #الاسد ⁩ موسوعة عالميه يتحدث بها الجميع ..

‏⁧ #الاسد ⁩ يتمسك كثير بالاشخاص اللي يحبهم لان عنده صعوبه كبيره في تغيير والتأقلم مع اشخاص جديده.

‏⁧ #العذراء ⁩ وفِي الأحلام لهم حياة .. اجمل من واقعهم أحياناً ..

‏⁧ #العذراء ⁩ تحس من شخصيته وبعض ردات فعله ان قلبه اقسى قلب، وهو عكس الشيء تماماً.

‏لن تصل لأعمق مما سمح لك ⁧ #الميزان ⁩ ..

‏أسلوبك القاسي مع ⁧ #الميزان ⁩ ظناً منك ان هالشيء بيخليه اقوى غلط وتصرف خاطيء الميزان يكره العنف بجميع اشكاله اللفظي والجسدي والعاطفي بالتأكيد ..

‏ينزع ⁧ #العقرب ⁩ في حياته اليومية إلى العزلة، لكن من يعرف العقرب جيدًا، يدرك حبه لمراقبة الأحداث عن بعد.

‏⁧ #العقرب ⁩ يقول من يطيح الشخص من عيني احقره بدون الالتفات له ابداً مهما حاول جاهداً ..

‏⁧ #القوس ⁩ رح يعطيك الحقائق اللي ماتحب تسمعها من احد في وجهك وعلى بلاطة اذا كان يحبك فقط!

‏لا تلعب مع ⁧ #القوس ⁩ لعبة المكابرة .. لأنك بتخسر !

‏⁧ #الحوت ⁩ دائماً يلاحظ ما يتجاهله الآخرين .. لانه يهتم بالتفاصيل الصغيرة.

‏⁧ #الحوت ⁩ دائما مظلوم بأول انطباع يُأخذ عنه

‏يقول ⁧ #الجدي ⁩ انتَ حبيبي ! إذن انتَ من ممتلكاتي الخاصة (لي فقط).

‏⁧ #الجدي ⁩ غالباً ما يجاريك في أحاديثك وإن كانت لا تعجبه فقط لتنتهي وتخرس ..

‏⁧ #الدلو ⁩ غريب الأطوار يخرج أحيانا عن المألوف حيث لا يمكن للإنسان العادي فهمه ..

‏⁧ #الدلو ⁩ يصاب بحالات اكتئاب كغيره ، ولكنه دائماً ما يتجاوزها بنفسه وكثيراً ما يمر بهذه المرحلة بدون علم اقرب الناس إليه ..

البارت24___25
البارت الرابع والعشرون

( الرتبه والحشمه )
..............................................

لماذا اتيت ألان انا لااصلح ان
اكون لك ولا لغيرك فأنا فتاة
خذلت من اقرب ناس لها لم
اعد اثق بأي بشر لقد تحطمت
وتدمرت جميع احلامي لكني
مازلت اقف واصارع نفسي
أمام الجميع لاكن عندما اختلي
بنفسي فدموعي تغرق وسادتي
فهل تستطيع انته ان تعيد لي
ثقتي بنفسي قبل ان اثق بك انت 💔

...............................

سمر. مامصدكين برجعت اثير بسلامه الفرحه جانت لاتوصف الف الحمدالله وشكر انو رجع بسلامه جنه كلنه ملتهين نسلم عليه رفعت راسي فجاءة لكيت مصطفى واكف يم الباب بعدين سلم على اخوتي علمود يروح دخلو الكل وي اثير رحت اريد اسد الباب هو نزل من سياره بسرعه واشرلي يريد يحجي ماهتميت سديت الباب حط رجله علمود ماينسد فتحه وباوع عليه خزرته خزره لان تصرفه كولش مو لائق

مصطفى. لاتخزرين هيج لجج

سمر.شتريد انته شلون تدفع الباب هيج عليه

مصطفى. اريد احجي وياج كلمتين قبل لايتم العقد

سمر.ياعقد هذا انته شتحجي

مصطفى. لحظه انتي مو انطيتي الموافقه لااهلج

سمر.يعني اهلي رجعولكم خبر

مصطفى. مو مهم سألتج جاوبي انتي وافقتي لو لا

سكتت مارديت علي رجع كرر سؤال جاوبته

سمر.اي نطيت موافقه

مصطفى. سمر هوه سؤال واحد انتي اكو شخص بحياتج

سمر.شنووو هذا سؤال

مصطفى. بس جاوبيني حتى لو مجرد اعجاب

سمر . لاماكو امن همي الوحيد دراستي الااريد اكمله وحتى انته مو بالي اصلا علمود اريحك من الاخير

مصطفى. هههههههههههه شهل غزل هذا يربي راح احسد روحي عليج

سمر.دتصنف حظرتك اكيد عندك اليتغزلن بيك هواي مو مهم اني اتغزل بيك

مصطفى. ههههه افهم يعني طلعتي كشف على حياتي

سمر.مايحتاج اكيد تشبهه اخوتي وهمه ماشاءالله بطولاتهم هواي

مصطفى. اول مره اشوف وحده تحجي على اخوتهه كدام خطيبهه

سمر.ترى بعدك ما صرت خطيبي

مصطفى. لايحلوه حاليا خطيبتي وباجر صيرين مرتي ساعتهه يصير الحجي تمام

سمر.شنو باجر شقصدك

مصطفى. اي وهسه راح اتصل على عمر وابلغه من اوصل للبيت انتي لاتحجين شي يلا ادخلي جوه يجيج الحجي

سمر.عفته و دخلت مارديت علي ردت اكله يأجله شويه بس خفت ياخذهه بغير نضره فضلت سكوت احسن شي دخلت لكيت رهف بلمطبخ كاعده وتبجي ماعرفت هاي دموع الفرح لان رجع اثير لو غير شي ردت احجي وياهه طلعت راسا ضليت مستغربه شبيهه رحت كعدت يم اهلي الكل مجمع بس هيه مااجت .

......................

سحر.بعدما ارتاحينه برجعت اثير اشرلي عمر كمت وراه للمطبخ لكيته يشرب مي

عمر.يلا طالع كدامج البسي وتعاي بسرعه

سحر.وين رايحين

عمر.وين يعني غير تحللين

سحر.بس انته تعبان هسه خليهه على باجر

عمر.لاماكو هيج حجي استعجلي ترى حجزتلج يم دكتوره لاتعزل

سحر.حجزت شوكت صدك تحجي

عمر.سحر استعجلي لاشلعين كلبي يلا طالع كدامج لسياره

حتى مااطاني مجال احجي شي صعدت على سريع لبست فستان طويل ولفيت الحجاب وجنطتي واخذت الاختبار وياي وطلعت اركض ما اخذت تلفون رغم عمر جابه من ثاني يوم زواجنه بس بقى مكانه حتى ماشفت شنو نوعيته نزلت اركض وطلعتله الكل ملتهي محد انتبه علينه لكيته واكف يم سياره ويدخن اول ماشافني راد يحجي وبطل راسا صعد بلسياره وحرك وصلنه يم عياده مال دكتوره منطقه راقيه كلش نزلنه هوه دخل وياي حجه وي الولد الكاعد سمحلنه ندخل ثنينه رغم جنت محرجه اريد اسألهه كم شعله بعد كدامه شلون احجي

د. يااهلا وسهلا حظرت نقيب

عمر.هههههه شلونج ام زمن مشتاقين والله

د. احنه الاشوق والله دائما اسأل ابو زمن عنك بس خبر زواجك جان مفاجاءة بلنسبه النه

عمر. انتو جنتو مسافرين بوكتهه وصارت ركض ركض

د.هههه اي صح عموما الف مبروك زوجتك كمر ماشاء الله

سحر.اشكرج من ذوقج

عمر. بس اني وفيت بوعدي وياج اول طفل اليه يكون تحت اشرافج

د. ياعيني الحلوه حامل الف مبرووك

سحر. هوه نريد نتأكد اني سويت اختبار منزلي

د. شوكت سويتي

سحر . اليوم الضهر

د.تمام تفضلي صعدي هنا وطلعيلي بطنج هسه اجيج اذا تريد ساعدهه عمر

عمر.اي تمام تعاي سحر

رحت صعدت بس بقيت متردده شلون اغطي نفسي اني حتى ملابسه بنطرون يعني اذا اطلع بطني يطلع جسمي كله صافنه وي روحي واجة دكتوره

د. ههههههه شنو تستحين مني لومن زوجج

سحر.يعني ماكو شي اغطي نفسي بي

د.اني راح يكون تركيزي على بطنج وبس وزوجج اعتقد شايف كلشي عليش مستحيه بعد هههههههههه

عمر.اني راح اوكف هنا على ماتخلصون هيه تستحي كلش خليهه على راحتهه

د. امركم غريب صراحه عموما مراح تشوف منه شي لان بعده زغير كلش بكد نقطه

عمر.تمام

طلع عمر كعد بره سوتلي السونار وماحجت شي خلصت وطلعت للبره انطتني كلنس مسحت بطني صراحه خفت منهه لان ماحجت شي طلعت اشرلي عمر بمعنى شصار اشرتله بحواجبي يعني ماادري

د. شوفي حبيبتي اول شي مبروك على الحمل الطفل موجود وضعه تمام لحد الان بس

عمر.بس شنو دكتوره اكو شي يخوف

د. طفل مثابت بطنهه وحتى اكون صريحه وياكم اكثر مهدد بالاسقاط لان الام جسمهه كلش ضعيف وماتتحمل لهذا سبب الطفل وضعه غير مستقر بطنهه

سحر.لاعفيه دكتوره زين شنو الحل شنسوي

د. الحل انو تتغذين بصوره صحيحه يعني كل وجبه ضيفيلهه وجبه مو بليوم تلث وجبات الاساسيات وي كل وحده ضيفين وحده مثلا ريوك وراه بنص ساعه ساعه لازم تاكلين شي عصاير طبيعيه فواكهه على طول الخط بحيث متحسين بجوع بشكل نهائي

سحر.يعني هذا شي يخلي يثبت بطني

د. لاهذا شي يقويج حتى تتحملين العلاج راح انطي الج عباره عن مثبتات وابر لازم تتلزمين بيهن وبعد اسبوعين من اليوم اشوفج وانشاء الله يكون الوضع تمام

سحر.دكتوره اذا لتزمت بيهن يعني ماكو خوف على طفل

د. لاماكو اذا اكلتي ورتاحيتي وهاا شرط تبقين نايمه على ضهرج حدج للحمام وترجعين لحد ماتجين ونشوف الوضع شنو

عمر.لاتبقى نايمه ومثل ماكلتي دكتوره راح نمشي على تعليماتج وهسه اكتبيلهه العلاج حتى نلحك نشوف احد يضربهه الابره

د. اي تمام هاي الوصفه جيبهه وخل اعلمهه شلون تاخذ علاجهه

عمر.ماشي انتي ابقى هنا بين مااجيب دوه واجي

راح عمر جاب العلاج واجه اباوع بيده علاكه شكبرهه وكلهه وابر يمه هاي كلهه اضربهه دخلنه لدكتوره علمتني علي وطلعنه بسياره من صعدنه كتله

سحر.مبروك راح اصير اب

عمر.هههههههه الله يكومج بسلامه انتي وياه هذا اهم شي عندي حاليا

سحر.بس عمر اني خايفه مااريد اخسره لهذا الطفل

عمر. ماراح يصير شي انشاء الله بس وكلي امرج لله وهوه يحمي النه انشاء الله

سحر . امين يارب

حطيت ايدي على بطني بخوف فعلا مالريد اخسره حسيت عمر صافن عليه

سحر.شبيك شو صافن

عمر . ماتوقعت راح تحبين هذا الطفل وتتمسكين بي توقعتج تنزلي صراحه بعد الصار بينه

سحر.رغم كل صار وجرح العمري ماانساه بس ابني ماله علاقه بهذا الموضوع لان رغم كل صار يبقى هذا اول طفل النه واول فرحه مستحيل اتنازل عنه

عمر.سحر لو اعتذر منا لعمر كله ماراح سامحيني فخلينه هيج بلكي هذا طفل هوه يقربنه مره ثانيه

سحر.هذا احسن حل خلينه هسه اهم شي صحة طفل والباقي سهل

عمر.اي صح سمعتي شكالت دكتوره وكلامهه لازم يتنفذ بلحرف الواحد مفهوم سحر

سحر.ماكو داعي توصيني اكيد راح احرص على سلامته دائما

عمر.هاي وصلنه انزلي على كيفج مو ركضه سحر

نزلنه اول مادخلنه لكيناهم يتعشون كلهم مجتمعين حجه جدو

جد.ها بويه وين جنتوا

عمر.جنه نطمن على حفيدك جدي

جد.يعني مرتك حامل على خير بويه يتربى بعزكم انشاء

عمه سعاد.صلووات على محمد صدك يمه

عمر.اي حجيه بس ترى سحر وضعهه خطر كلش وهاي مهمتج انتي بعد

ماما.ياااا شبيهه شكالولكم يعني

عمر.هيه تفهمكم بعدين هسه تعاي خل نتعشا وياهم وبعدين نسولف

كعدنه وياهم بعدهه الكل باركلنه ردت اروح يم البنات بس استلمني امي وعمتي ودك نصايح بعد ماكتلهن حجي الدكتوره حسيت روحي انسطرت كلش عمر كاعد كدامي اشرتله ضحك واجه كال

عمر.يابه مرخصتكم اريد المدام

ماما.شتريد منهه عوفهه جاي نحجي وياهه

عمر.كومي سحر بعد لصبح ماتخلص هاي تعليمات واني اريد انام ميت من تعب

سحر . اي كايمه يلا حتى اني نعست والله

عمر. يلا يابه صبحون على خير

صعدنه اني وعمر رحت حظرتله الحمام دخل سبح بين مابدلت اخذة علاجي طبعا ضربت الابره يمهه قبل لانطلع مددة لان حسيت نفسي دخت من الابره كمت كوه افتح عيوني نعست كلش غفيت قبل لايطلع عمر من الحمام لان بعد مااقاوم فد مره .

............................

رهف.ماتواجدة يمه بعد خلي مدام ميريد يشوفني خلص كعدة وحدي بلمطبخ شبعت بجي دخلت سمر شافتني طلعت راسا قبل لاتحجي اي شي رحت للحمام توضيت وطلعت اصلي لان إذن المغرب بعدهه التهيت وي البنات نسوي بلعشا سحر ماموجوده طالعه وي عمر مرح تكول شاكه بنفسهه حامل تفاجاءنه صراحه كملنه العشا هو هم موجود وهاي سوزان لازكه يمه ساعه مي ساعه عصير ماكو شي ماجابته اله كاعده على اعصابي ماعبرني بنظره وحده حتى كوه لازمه نفسي لاتوكع دموعي اجو عمر وسحر وفعلا طلعت حامل كلش فرحنه بهذا الخبر بلكي يتحسن وضعهه وي عمر بجيت هذا طفل دخلت للغرفه وره العشا اجن البنات كعدت على جربايه احس نفسي مخنوكه كلش

مرح.فوفه شبيج

رهف.مخنوكه كلش احس شي كاتم على كلبي 😢😢

سمر.يااا انتي ماشبعين من البواجي شنو سالفه

رهف. ماادري والله هيج وحدي

بهاي الاثناء اندك الباب فتحه ودخل اثير وشرار يطاير من عيونه

أثير.كومي كدامي خاتون

مرح.اثير شبيك شصاير

أثير.ماكو شي تعاي رهف وياي

سمر.يمعود على كيفك انته مريض مو زين عليك صايح

أثير. وتالي شو تعااااي

سحبني من ايدي وطلعنه للحديقه هد ايدي ونتر بعصبيه

أثير.انتي شسويتي رهف فهميني هسه شسوي اني شلون اطلعج من هاي المصيبه

رهف.شصاير ترى ماجاي افهم عليك شقصدك

أثير.شلوووون تطين المعلومات لعمر ومصطفى عن طريق تلفون واجهزتهم مراقبه فهميني

رهف.واني شعرفني اجهزتهم مراقبه غير شغلكم المفروض همه يكونون احرص من هيج مو اني

أثير.ولج كلشي يخصج صار يعرفونه اسمج عمرج حتى صورتج يلكعبه تفهمييييين انتي لو لا

رهف. منو ذوله اثير عفيه لاتخوفني وبعدين همه شيردون مني

أثير. كتيلي شيردون يردووووونج خاتووووون الكووووواد مالتهم يريدج شسوي اني هسه شلون احميج منهم شلووووون

رهف.يعني جاي يبتزونك بيه شنو

أثير.ههههه اي لان حظرت جنابج عجبتي الباشا ويريدج ويحجيهه بوجهي ابن الكلللبيبيب يريد اخذج واحطج بحظنه بيدي

رهف.وانته شراح سوي هسه

أثير.ماادررري خل الزم عمرررر وين جان عقله بس اريد اعرف شلون يورطج هيييييج بس ثنينهم اغبياء وماحسبوا حساب عمررر لو جان الموضوع يخص سحرر ماصرف هيج

رهف.زين موهوه نفسه الي تعرض لسحر

أثير.اي نفسه انتي تدرين حياتي مقابل ليله وياج .

رهف.شنووووووو انته شتكول اثير اكيد حياتك اهم مني اني قابله اسوي اي شي علمودك

أثير.انجببببيي لجججججج شكالولج عليه وابيع شرفي لهيج واحد

رهف.والله حجيهم صح اثير اني فكر وجاي أخرب حياتكم وياي خلوني ارجع لحياتي لقديمه وابتعد عنكم الله يخليك اثير على الاقل تعيشون بسلام اني من اجيت احد الان وحياتكم كلهه مشاكل وهذا مو كلامي الكل بلبيت متفق على هذا شي

أثير. سلميني تلفونج واني راح اصرف بس الاريده منج طلعه لباب البيت ممنوع بدون علمي وحتى دوام هذا سبوع هم ماكو خل اخلص من هذا نكس اول شي

رهف.اثير اسفه والله سويت هالشي لان كالو بهاي طريقه ينقذون حياتك

أثير.المفروض يجون هنا وهمه يستلمون الاوراق منج ساعتهه

رهف.والله مااعرف شسوي اني يعني همي الوحيد جان انو ترجع بسلامه

أثير.راح اتخبببل والله انتي ماتدرين شصار بيه من كاعد كدامي ويحجي بيج هذا الساقط

رهف.ولهذا سبب درت وجهك عني من سلمت عليك

أثير.لا مو لهذا سبب

رهف.اكيد كارهني مو ضفت هم فوك همك

اثير.انتي شتحجين بس من شفتج ماتحملت اريد اخذج بحظني وساعتهه بس احس نفسي مأمن عليج بس الكل جان موجود ردت نكون وحدنه

٠٠٠
رهف.وشمنتظر هسه هاي صرنه وحدنه

أثير.هههههه يعني افهم منج انج مشتاقتلي مو

رهف. ماتصور شصار بيه بغيابك اثير اني تاكدة بس 0ر بهذا البيت انته تدري اني نطردت من البيت بيوم صار وياك الحادث

أثير.شنوووووو منو طردج من البيت صدك تحجين

رهف.مو مهم عوفك من هذا الحجي هسه انته شلونك

أثير. تعببان رهف وماادري شسوي وبعد حجيج هذا حتى هنا مااكدر أمن عليج

رهف.ارتاح هسه انته وانشاء الله تلكالهه حل ماكو شي مااله حل صدكني

أثير.تعاي بحظني مشتاقلج كد رحمة الله

رهف.موكدي والله متت خوف عليك بهاي سبوعين راحن

أثير.ياعمري انتي

سحبني لحظنه وكعدنه بلحديقه حطيت راسي على كتفه الثاني كتله

رهف.حبيبي اوعدني لو شماصار ماتجهالني مثل اليوم والله متت من شفتهه تهتم بيك واني واكفه بعيد عنك

أثير.وعد ياعمري ماراح يصير هيج شي

رهف.اثير فكهه شويه لاضل هيج

اثير.لاتحاولين رهف كلش صعبه وبدون مااحلهه لاتصورين ارتاح انتي شفتي سوزان يمي تخبلتي شحال اني رجال واحد نكس يحجي بعرضي ويريد ينام وياهه كدام عيني اخخخخخخخخ يالله وين أمن عليج حتى اكدر اصرف فهميني وييين

رهف.والله مااعرف حتى ماعندي مكان امن او واحد اروحله ماعندي احد شسوي يعني 😭😭😭

أثير.كافي ياعمري لاتبجين محد يكدر يلمس منج شعره ماطول هذا نفس يصعد وينزل

رهف.ربي لايحرمني منك بس هم دير بالك على نفسك ترى مالي غيرك اني لاتفجعني بيك اثير الله يخليك

أثير.الله كريم تفرج انشاء الله هسه تعاي وياي اريدج ساعديني انزع هذا الضماد

رهف.خاف يلوحه هوى هنا

اثير.لابغرفتنا يلا كومي

رهف.يلا اساعدك

اثير.ههههه يعني ماكلتي خاف واحد يشوفنه

رهف.ماتفرق بعد لان كتلك من جنت ماموجود اسبوع محد افتقدني اذا عايشه لو ميته

اثير.لاتكولين هذا الحجي واني وين رحت يلا امشي

صعدنه فوك للغرفه نزعته الحماله لابسهه والقميص لابسه متت من المستحه اشرلي على الكنتور جبتله فانيله خفيفه نص ردن لبسهه والبرموده وحده بدل اني درت وجهي انطيته علاجه وتمدد طفيت الضوه

رهف.يلا تصبح على خير اذا ردت شي صيحني

أثير.ويين رايحه تعاي

رهف.شكو تريد شي

اثير.اي تعاي نامي بحظني مشتاقلج

رهف.لا اثير شنو سالفه مو لهدرجه عاد يلا تصبح على خير حبيبي

اثير.وانتي من اهله يروحي

عفته ونزلت راسا للغرفه لكيت البنات نايمات حطيت راسي على المخده ومانمت للفجر من وره التفكير طير نوم من عيني

...............................

مرح. طلعت وره رهف اريد اشوف اثير شسوالهه اول ماوصلت لدرج سحبني وسام للهول راسا وسد الباب

وسام.وين تردين

مرح.بالله لو واحد شايفك من اخوتي ساحلني هيج

وسام.عادي مومهم عندي ترى انتي صرتي حلالي بعد

مرح. هههههههه وهسه شنو شردت تكول

وسام.حبيبي اريد اكعد وياج وحدنه شويه ترى احنه حتى مالحكنه نكعد مثل الاوادم