#العقرب :- يهوى المغازلة ويتورط في أمور عاطفية قبل الاستقرار .

#القوس :- يحب الاحتفاظ بحقوقه الشخصية .

#الجدي :- يرغب في التملك في الحب وهو غيور لأبعد الحدود .

#الدلو :- يحب في الشريك الذكاء وليس شئ آخر ولا يهتم بالمظاهر .

#الحوت :- يمثل له البيت أهمية كبيرة ويبذل جهد كبير لإسعاد من يحب

تصرف يزعج كل برج؟😡
.
#الأسد إنك تتجاهله ..
#العذراء إنك ما تكمل أي شيء حتى نهايته ..
#الميزان إنك تشعره بإنه غير مرغوب فيه ..

تصرف يزعج كل برج؟😡
.
#الحمل إنك تجعله ينتظر ..
#الثور إنك تستعجله ..
#الجوزاء إنك تعيد له نفس الأسئلة أو الكلام

تصرف يزعج كل برج؟😡
.
#السرطان إنك تعامله ببرود ..
#العقرب إنك تكشف أسراره ..
#القوس إنك تألف عليه ..

تصرف يزعج كل برج؟😡
.
#الجدي إنك تكون إنسان فاشل وكلامك تافه ..
#الدلو إنك تحاول السيطرة عليه ..
#الحوت إنك تكون واقعي بطريقة مبالغة ..

البارت السادس

( الرتبه والحشمه )

رهف. همه يحجون واني وجهي يطي الوان اووف ياجدو لو تدري بحفيدك شمسوي بيه ضحكت بكلبي من كالت بيبي تخليني يمهه هوه راد يعتدي عليه بنص البيت ومحد درة بي على اساس اذا راد يحجي وياي واحد ي
ذكدر يمنعه جنه كاعدين وجان يدخل علينه عمو علي مثل الاعصار اجه شايط عليه وسحلني سحل جان يكول

انتي شلون تجاوزين على نسوان عمامج ماتستحين امج ماعلمتج الااصول ماعلمتج شلون تحجين وي ألاكبر منج

رهف. عمو والله مجاوزت ولاحجيت اي شي اصلا

جد.علي عوف رهف وحاجيني الي

عمو . يابه قابل اكرهه اني رهف بنتي حالهه حال سحر والله شاهد على كلامي بس من سمعت بيهه مجاوزة على نسوان عمامهه صدك فار دمي

عمو محسن. شكو شبيكم شبيهه رهف تبجي

عمو علي. رهف من طلبن منج عماتج ساعديهن بلطبخ وانتي فارغه وبعدج شباب ونشيطه ليش تعلين صوتج وتجاوزين

رهف.والله ياعمو مجاوزت طلبت مني اطبخ سألتهه شنو اسوي طلبت سمج وتمن احمر ومقلوبة دجاج وتشكيلة مقبلات منطقت بحرف واحد وروح بابا رحت اريد اسوي بس

عمو.بس شنو

جد.أثير منعهه لان ضاهر مرتك مطوخه بلحجي وهوه ماعجبه حجيهه جاب رهف بيده وكعدهه هنا

عمو علي. وأثير شنو علاقته بشغل نسوان

عمو محسن.شوف علي مولان ابني وادافعله بس أثير حجالي كلشي بلباب مرتك تهين بيهه تكلهه تشتغلين خدامه بيت جدج احسن ماتشتغلين عد العالم انته تقبلهه تعير بيهه ترى هاي بتنه وراجعه النه وعيب بحقنه ينحجي عليهه هيج

عمو علي.ومنو يكول هذا الحجي صدك

عمو محسن. جذبني علي مامرجيه منك ياخوي وازيدك البنات كلهن مجمعات من حاجيه عليهه يعني تكدر تسأل بتك ليش تروح بعيد

مرح.مو بس هيج بابا عمه كلتلهه انو تشتغل وتنجب ولاتفكر انو ممكن صير جنه بهذا البيت لان لاانتم لانسوانكم يشرفكم تاخذون رهف جنه الكم لان جانت تشتغل بلبيوت

رهف.😥😥😥😥 واحد يرفع واحد يكبس ليش هيج حياتي اني بهذا اليوم اكثر شي حتاجيته هوه بابا يكون واكف وياي كاعده يم بيبي وهمه يتعاونون عليه بذاك الحجي لو بابا هنا مكدر ياخذ حقي منهم

جد. علللللي تضب مرررتك عن ررررهف ولا الله الي تصرف ثاني اله احفادي الي يمسهم بكلمه وحده لازم يحط باله راح يواجهني الي اول شي

عمو محسن. ادري بشنو مأذيتهه البنيه حتى شاده وياهه هيج علي فهم مرتك هاي امانة عدنان عدنه ديربالهه تأذيهه والله تلكاني بلمرصاد الهه

عمو علي. عمي على كيفكم شنو نسوانكم وحد هنه كلهن متفقات عليهه موبس مرتي

جد.سعاد صحيح هذا الججي

عمه سعاد.لاوالله عمي اني عندي رهف مثل بنتي لايوم شكيت منهه ولايوم سمعت مني حجايه شفايتلي وصير جنتي على هذا جمال ولاادب ونضافه وين الكه هيج رهوفه عمه وروح ابوي لاحاجيه عليج ولاجايبه طاريج اذا احجي بيج صدك لان غاطه بلحزن ياعمه وانتي بعدج زغيرونه وحلوة غير هيج الله شاهد على كلامي

عمو محسن. سمعت يابه وام حسن هاي عازله نفسهه من يومهه وهنه بنات ثنين وزغار شعدهه

جد.علي صيح صوت على مرتك اكيد قريبه هسه هيه

علي.صار يابه وينجججج تعالي ناديه

ناديه.هاا اجيت

جد.شوفي أم امجد يشهد الله لو ماعرس ابنج جاسويت سوايه اخليهه كلهه تحجي بيهه وهاي كدام الكل هذا اخر تحذير الج رهف ممنوع واحد يمسهه بحجايه هاي امانه عدنان اريد احافظ عليهه منا لمن اسلمهه لاابن الحلال اليصونهه ويراعي الله بيهه وانتي اكيد سمعتي الكلام كله مايحتاج نوصيج بعد مفهوم كلامي

ناديه.عمي اني من حجيت وياهه لان حاسبتهه مثل سحر وامون عليهه اصخرهه

جد.تمونين عليهه انتي لو محاجيتهه مثل ماتحجين وي بتج جان سوت اكثر من طلبتي منهه بس انتي ذليتيهه ناديه عمي ديري بالج من دمعت اليتيم ترى حوبته تسحك وتلحك لاتنسين قول الامام علي عليه السلام (وأما اليتيم فلا تقهر) دمعة اليتيم يهتز الهه عرش الله ديري بالج بويه مرة ثانيه من تحجين

ناديه.لاوالله مو قصدي رهف عمه سامحيني فدوة لعينج والله موقصدي

عمو علي. امشششي كدامي يلا بسرررعه

جد.تعاي يبعد جدج ماعاش الينزل دمعه من عينج ياجدو

رهف.شمرت روحي بحظنه احس كانوا حاظنه بابا نفس ريحته وصوته ضل يمسح على راسي ويهدي بيه من يومهه بعد محد اذتني بحجايه بلعكس صارن يحترمني ويعاملني مثل بناتهن .

.. ........

مرح. البيت مخبوص علمود زواج امجد اليوم الحنه البيت كله مخبوص البارحه اخذتنه بيبي كولنه ذبينه الاسود بقت بس رهف بس يعني صايرة احسن نفسيتهه متعدله وتشاقه وتضحك ويانه بس شي غريب من يجي أثير تختفي واذا نجبرت تكعد تبقى على صامت وهو ولامتهم ولاجنهه موجودة مرات احس اكو بينهم شي بس بسرعه انفي هذا شي من دماغي لان همه واحد مايباوع بخلقة ثاني بعد شلون جنت ماخذة اغراض منحاتجهه للمخزن ورة البيت وديتهن ورجعت لاكاني وسام جاي يخابر باوعلي ورجع يكمل مكالمته متوقع مثل كل مرة اني الي ابادر واروح اسلم علي شكد جنت غبيه جنت انتظرة يخلص مكالمته توكع رجليه من الوكفه واني اباوع علي شلون يحجي لحد مايسدة اسلم علي بكل لهفه ويرد بقمة البرود اليوم عفته يخابر وعبرته حتى مباوعت علي حسيت بيدي انخلعت لكيته ساحب ايدي وبعده يخابر ردة احجي اشرلي بيده بمعنى انتظري شويه خلص مكالمته ولزكني على الحايط كال بهمس

وسام.مرح شبيج شو متغيرة عليه كلش خيرج يولو

مرح.ماكو شي بس مشغولة تعرف اليوم عدنه عرس غير وماانتبهت عليك واكف اعتذر

وسام.ماشفتيني واكف معقوله ؟؟؟

مرح.قابل أجذب عليك هذا الصار

وسام.شوفي يحلوة هاي طريقه تبطليهه مال تجاهليني كأنو ماموجود بطليهه لان شفتيني اول ماطلعتي بعد عليمن هاي لغوة

مرح.لغوة شوف انته ماعندك اي أسلوب وياي وهاا ترى مناسيه عملتك ذاك اليوم بلمطبخ احمد ربك محد شافنه جان صارت سالفه

تقرب عليه اكثر وكال

وسام.واذا شافونه يعني ليش احنه شسوينه مثلا هوه واكفين ودنحجي لو اكو غير شي برئيج 🤨

مرح.لا وشكو يعني مثل ماكلت وهسه ممكن تبتعد لان وكفتك موحلو صراحه

وسام.صايرين مانعجب ست مرح

مرح.لالعفوا مو القصد

وسام.المهم لاتنسيني هسه سمعي مرح لبس مشلح ماكو مكياج ماكو واياج واحد يلمحج مفهوم

مرح.وهاي شيسموهه بالله

ابتسم ابتسامه جانبيه وكال

وسام.اعتبري حرص عليج مو اني مثل اخوتج يعني لازم سمعين كلامي 😏

مرح .قهرني حيييل عفته وركضت لجوة واحد مستفزز لدرجه.

...............

سحر.توقعت عمر نسى الموضوع ماهتميت بعد لان لااجه ولاحجه وياي ابد بس بيوم حنة أمجد تفاجاءة من بابا كال عمر خاطبني من جدو وهمه موافقين وكطع المهر راح يكون ورة عرس امجد تخلبت بس اني مااريده شنو هيه كوة عفتهم وطلعت اركض مثل المخبله ادور علي كلبت البيت علي مالكيته اخر شي طلعت للحديقه لكيته كاعد يدخن وصافن وملامحه مبين علي

معصب كلش بس مو عليه ليوم لو اني لو هوه رحت وكفت كدامه واني قمة الغضب

سحر . انته شتريد مني هاااا

عمر.شبيج ولج

سحر. انته تريد تخبلني يعني ليش رحت خطبتني بدون ماتسألني عن رئي

عمر.صوتج نصي لاحظج اطيحه هسه

سحر.لا والله خوفتني على اساس

عمر.سحر وروح عمي اذا ماتختفين من وجهي هسه اكوم اشوهه وجهج كله ترى كوة لازم نفسي عنج

سحر.وعليش هذا كله شنو مسويتلك يممه

عمر.اسألي نفسج وين دخلتي روحج بيا مستنقع ويامن جنتي تمشين يلمحترمه يابت الااصول

سحر.شقصدك يعني ترى مافهمت

عمر.سحررررر اختفي من وجهيييي غبيه ضيعتي نفسج وضيعتينه والله كتلتج حلال بس اخخخخ ابوج واخوتج مايستاهلون ينزل راسهم من ورة وحده سزز مثلج

سحر. رجف جسمي كله ياربي شصاير عمر اكيد واصله شي عليه ولاليش يحجي هيج بس لاميس الكلبه سوت حركه ناقصه ردت اساله عافني وطلع وخلاني حايرة ماادري شسوي اجيت اريد اخابر ميس وافهم شنو سالفه اذكرت تلفوني عنده اخذة مني من جنه بلمطعم هسه جا كلت دور تلفوني بس مابي شي بعد شكو ااوووف يالله راح يوكف عقلي من التفكير جاي يصير يربي .

...................

سمر.جنه جاي نحظر لعرس كعدت سويت جسمي كله ودخلت سبحت اتأخرت بلحمام لان سبحه مال مناسبه ههههههه😂 من طلعت من الحمام صار بوجهي اياد طبعا اني دائما اسويهه واسبح بلحمام الخارجي مومالت الغرفه لان سحر بلحمام باوعلي وصفن بوجهي مشه نضراته من فوك لجوة بعدين خزرني خزرة

اياد.ليش داخله لهذا الحمام

سمر.لان الحمام مال الغرفه مو فارغ وتاخر الوقت بعد ماالحك اجيت اسبح هنا شكو بيهه

أياد.هاي اخر مرة سمر مفهوم اذا شفت داخله لهذا الحمام يصير غير حجي

سمر.وشكو بيهه يعني هوه حمام عادي ليش مكبر الموضوع

اياد.انتي غبيه لو شنو لج بابا هذا صاير بنص البيت رايح وراد يشوفج من طلعين يعني لو مار واحد من الولد وشايفج حلو بحقج يعني

سمر.انته ليش مكبر الموضوع ترى عادي والله

اياد.سمررر اني حذرتج وانتهى لاتناقشين ويلا بسرعه لغرفتج

سمر.عفته ومشيت لان مبين معصب مومال واحد يتعاند وياه بس من مشيت سمعته كال بتنهيدة ضحكت ورحت للغرفه .

أياد.وتكلك ليش تحجي غير ريحته تسطر بت الاوادم.

...................

رهف . جنت كاعده وي البنات صبح جنه مكملين البيت قبل بيوم يعني ماعدنه شي كاعدات الي تسحب شعرهه والي تصبغ وتعدل ابضافرهه واني صافنه عليهن دخلت عمه نوال اشرتلي طلعت وراهه

ها عمه

عمه نوال.يلا البسي بسرعه شنو ماعندج نيه تشترين ملابس شتلبسين اليوم بس كليلي

رهف.عمه ماله داعي والله اساسا اني مراح احظر الحنه عليمن بعد مشتريه

عمه.وهنا ماتلبسين يعني هم حفلت الولد بليل وكلهه تجمع تبقين هيج بهاي ملابسج وباجر همات لزفه امشي ولج يلا لاشلعين كلبي

رهف.بس عمه والله

عمه.رهف شكلت يلا بسرعه راح انتظرج بلباب البسي وتعاي لاازعل عليج والله وجدج هم يزعل عليج لان هوه وداني عليج

رهف.ماشي راح البس واجي

عمه.عفيه بنيتي يلا

رحت لبست جبه وشال لفيته وخذت جزداني وطلعت ورة عمه اني جنت مطمأنه لان اكو فلوس عني كلت اشتري بيهن هههه هاي اذا جابلي قطعه وحده من لبسهم طلعت ورة عمه لكيتهه واكفه وي عمر وقتيبه واثير هم طبعا من اخر موقف صار كام من يمر من يمي يدير وجهه يعبر ولاكانو موجوده وهذا شي كلش مريحني على الاقل محد يحط عينه علينه ويسويلنه سالفه شافوني الولد اجيت هوه حجه كدامهم ولامتهتم

أثير.هااا وين على الله شو لابسه

رهف.وي عمه

عمه نوال.راح نطلع لسوك اني وياهه ياهو البيكم يوصلنه هسه

عمر.امشو اني اخذكم

عمه . يلا رهوفه امشي

أثير.رهف بس دقيقه تعالي شويه

رهف.تفاجاءة بطلبه كدامهم كلهم صارت عيونهم عليه اجه وكف يمي لان اكو مسافه بيني وبينهم كال همس

أثير.عندج مصرف لو هيج طالعه

رهف.لاعندي اصلا ماردت اطلع بس عمه لحت

أثير.رهف مرة ثانيه خل يكون عندي علم بطلعتج مفهوم هلمرة راح اعديهه الج لان اكو عرس تمام

رهف.مااكدر اناقشك هسه كلهه عينهه علينه

أثير.ههه يعني ماعجبج حجيي مو

رهف.عفيه اثير كلهم عينهم علينه عيب منهم

أثير.تمام هاج لزمي ذني هذا مصرفج وذا جدي منطيج شي تخليهن على صفحه بساعتهه عود رجعهن اله بس ممنوع صرفين منهن مفهوم

رهف.اعذرني مااكدر اخذ منك

أثير.موبكيفج هاج يلا لاتعاندين انتي مسؤله مني مو من جدج تمام

رهف.فتح ايدي وحطهن ماكدرت اسوي شي لان كلهم واكفين وهوه صاير كدامهم ويحجي وياي رجع كال

أثير. وهسه يحلوة مثل شطورة ترحين تلبسين عباتج وتجين وألا ماكو طلعه ترى

رهف.عيب منهم هسه خاف ينتبهون شون

أثير. محد ينتبهه يلا بسرعه رهف مال طلعين بهاي جبه انسي ضابه صدرج ضب وال..... كلهه مبينه كواد اني اخليج طلعين هيج كدام العالم.

عمه.مادكلولي صارلكم ساعه شسولفون فضونه تاخرنه

أثير.حاجيتهه على العباه شكو نازعتهه وهيه اقتنعت وراح تلبسهه مو رهف

رهف. ضحكت بكلبي اني الك أثير يريد يمشي كلمته عليه بس فعلا اني مجذبت علي

مو شسمه العباه من رحنه لنجف جلبت بسيارة ونشكت

عمر.عمي دمشي شبيهه ملابسج يلا اثير لاصير حقنه خلي البنيه تطلع

رهف.شفته عيونه نطت من مكانهه خرب اني شورطني هسه قابض على ايده بقوة حجيت راسا

راح اشوف وحده من البنات اذا عدهن عباه

دخلت ركض صدك من سألتهن مرح انطتني عباتهه لبسته وطلعت همه واكفين من شافني حك شعرة ودنك ماحجه شي بس زين ملامحه هدائت طلعنه اخذنه عمر وصلنه لسوك وراح ضلينه نفتر اني وعمه مخلينه شي ماخذناه عمه ماخلتني ادفع ولا فلس هيه كالت جدج كال لاتخلين شي بنفسهه ارتاحيت وبنفس الوقت لان ماحتاجيت لااثير أحسن رجعنه الضهر هلكانين من التعب البيت مبينه بي اجواء الفرح الدك والركص كلهه كبار زغار التهينه بلغده وبعدين كلهه بلشت تحضر ارواحتهه اني بقيت بلبيت من طلعوا رتبت البيت من الهوسه الصارت دخلت سبحت لبست دشداشه قصيره اليوم اشتريتهه كالت عمه نامي بيهه كولش حلوة مخصرة على جسمي وربع ردن والصدر شيفون مالتهه طلعت انشف بشعري مدنكه جاي انشف بي وانفتح الباب طفرت طلع اثير عافه مفتوح اول مرة بعدين سده واجه وكف كدامي كال

أثير. لاتكليلي اليوم مشتراج كله هيج

رهف.لا مستورات بس بس هاي ولبستهه لان محد هنا

أثير.هذا لبس حتى كدام البنات ممنوع

رهف.هوه يحجي واني اريد شي استر نفسي بي خرب سحبت المنشفه وحطيتهه على متني وغطيت صدري بيهه هوه بحركه سريعه سحبهه مني وتقرب سحبني من خصري عليه حاولت اصيطر على رجفه الصابتني دنك يم اذني وهمس ونفسه حار كزبر جلدي منه كال

أثير. هاي الملابس اكويهن وخليهن بغرفتي علمود اريد البسهن بليل تمام

رهف.بس هزيت راسي ماكدرت احجي شي بس اريده يوخر وصل لباب وباوع عليه

أثير.بس طالعه كيكه ترى لو ما غرفة البنات جا ماخلصت من ايدي يحلووو

رهف.من طلع كعدت على جربايه اريد الرجفه تروح مني ماكو اني ليش هيج ضعيفه يمه ومااكدر اقاومه يعني جان اكدر ادفعه اسوي اي شي ليش مستسلمه بسهوله كويت ملابسه وبدلت لبست ثوب مستور طويل وردن ولبست شال اني بطبعي مااخلي مكياج لفيت شال وطلعت رحت وديت ملابسه خليتهن على جربايه وطلعت على سريع لايجي سمعت صوتهم اجوه صارت هوسه وخبصه وعمامي كلهم مجمعين والولد كلهه فرحانه بي كل واحد بيهم جامع بناته ويركصون سوة لو حاضنهن بقيت واكفه بزاويه اباوع عليهم

بيبي.رهوفه شبيج يمه شو خانسه

رهف.لابيبي مبيه شي والله هياتني واكفه كدامج

أمجد.تعاي ولج انتي مو وعدتيني تركصين بعرسي يلا خل اشوفج

رهف لاوالله اني اصلا مااعرف جذبت عليك

امجد. هههههههههه حجي يفيدج هذا يلا ولج

عمر.لاتتعلمين تخلفين بوعدج بت عمي يلا أمجد سحلهه ههههههه

رهف. جروني بنص أمجد وعمر عيوني دور علي بس ماهوه صارت هوسه البنات كلهن وتكابلو الولد ردت اطلع انسحبت من ايدي اياد ويضحك وياشرلي يلا واني واكفه مثل ثوله لان أثير واكف كدامي وعيونه على ايد اياد لازمني منهه

أياد.يلا فوفه شبيج

رهف.هههههه والله مااعرف

اياد.هيج بس جتف شويه انتي بس هزي وهنه وحدهن يطلعن المواهب هههههههههه

رهف.هههههههههههههه يعني قصدك تعلمني مو

اياد.وداعتج اخليج طلعين احسن من فيفي عبده يلا

رهف.بقيت واكفه وهوه رافع اديه ويحرك بيهن متت من ضحك علي والبنات كلهن سوانه نصبه بعدين كلهم التموا حتى امهاتهم انسحبت من نصهم مايحتاج ادير وجهي مايسحب اله من الخصر يربي لو اعرف شعنده وي خصري انوب طلعني من الهوسه ورجع لمكانه باوعت عليه ضايج مادكلي شبيك غير عدكم عرس اضحك شويه

عمه نوال.رهوفه عمه تعاي وياي شويه

رهف. رحت وي عمتي رتبنه مكان لنسوان لااجن كرايبهم كعدن يم بيبي والبنات راحن يبدلن وعماتي التهن بلعشا هوه جاهز بس يصبن بي والولد مخبوصين يبدلون ودوخه صايرة وعلي طلعت من غرفة بيبي اجه اثير كال

اثير.رهف هدومي على سريع اجو جماعتي

رهف . خليتهن بغرفتك تلكاهن

اثير.تمام

رهف. صعد ورجع صاح عليه كال

أثير. رهف تلفوناتي نسيتهن يم المغسله جيبيهن بسرعه وراي

رهف.مااطاني مجال ارد علي هذا شبي شلون اصعد لغرفته وهيه كلهه هنا رحت اخذتهن وكلت انطيهن اله من الباب وانزل بسرعه صعدت لكيته الباب مردود ردت ادك سمعته صوت ضحكه مال بنيه ماادري شلون اجتني جراءة وفتحت الباب بدون ماادكه لكيت اثير بعده ملابسه وسوزان واكفه يمه لابسه شورت وبدي حرامات واحد يكول لابسه هدوم لان مصلخه فد مرة الشعر والمكياج اني البنيه صفنت عليهه والله حلوة لدرجه واحد ينسى نفسه من يباوعلهه بس مع هذا ماادري ليش ضجت منهه جانت محاوطه ركبته بايدهه وكلش قريبه منه من شافني هوه دفع اديهه اجه وكف كدامي حجيت بتلعثم احس انعكد لساني كتله

ها اا هاي ما مالاتك ذني

أثير.رهف شبيج ليش تحجين هيج

رهف.ها لا مو شسمه هذا ال اني نازله

عفته وركضت لجوة احس كلبي حيطلع من مكانه هاي شلون تدخل غرفته هيج وهمه ماكو شي رسمي بيناتهم لعبت نفسي من الموقف كله ولاتوقعتك منحط لهدرجه يااثير انوب يصيح عليه حتى اصعد وراة واشوف وصاخته خاف جنت اكرهك هسه صارت اضعاف الكره عندي .

.
يتبع

البارت 7____8
البارت السابع


(الرتبه والحشمه)

أحتاج لحظن أضع عليهه راسي
وأقسم حينها اني لن اشكي ولن
أحكي فقط سأبكي بهدوء 💔

أحيانا تلتقي بشخص يعرفك ويفهمك
كأنه كان طوال سنين يحضر جيدا ليوم لقائك💜

وقد يأتي احدهم خفيفا يطفوا بجانبك
بعد كل هذا الغرق كجذع شجرة يصلح لنجاة ❤

طفله ارى الحياة بضحك ولهوة وفرح هكذا
انا بنضرهم لكن عندما اختلي بنفسي اصبح كشجرة تساقطت جميع اوراقها 💔

.

عفته وركضت لجوة احس كلبي حيطلع من مكانه هاي شلون تدخل غرفته هيج وهمه ماكو شي رسمي بيناتهم لعبت نفسي من الموقف كله ولاتوقعتك منحط لهدرجه يااثير انوب يصيح عليه حتى اصعد وراة واشوف وصاخته خاف جنت اكرهك هسه صارت اضعاف الكره عندي دخلت للغرفه البنات بيهه المطبخ همات اووف وين اروح يعني طكت روحي مااعرف شصار بيه بوقتهه احس نار تطلع مني اني أثير مامعترفه بي ولااريده زين شبيه ليش ضجت من شفتهه حاظنته يعني انتبهت عمه سعاد تحجي وياي

سعاد. يااا رهف شبيج عمه ليش عيونج مدمعه

رهف.لاعمه مبيه شي هيج يمكن دخل شي بعيني

سعاد. رهوفه حبيبتي كافي راحن عيونج ياعمه مايصير هيج انتي حتى جاي تعذبين امج بكبرهه لان شوفج مامرتاحه

رهف.😥 موبيدي والله احس مالي مكان هنا كلشي غريب عليه والله حاولت اتعود بس ماادري شبيه والله

سعاد. احنه هم لتهينه عنج تعاي وياي بعد ماتبقين وحدج ضلين تصفنين وماخذج تفكير

أثير.هااا يمه شلوني

رهف.جنه نحجي اني وخاله وهوه اجه وكف ويحجي وي امه حتى مباوعت عليه من كد ماضايجه منه

سعاد.صلوات عين الله عليك يماما يوم الشوفك عريس وافرح بيك

أثير.احم احح عوفج من هاي سالفه هسه اريدج بشغله

سعاد . كول شبيك خوفتني

رهف.عمه اني رايحه يم البنات عن اذنكم

أثير.انتظري انتي طلبت منج ترحين يعني

رهف.اريد اروح يم البنات شتريد مني

أثير.شوكت تتعلمين تلزمين لسانج وياي

رهف.واني شحجيت استأذنت حتى تحجون براحتكم

أثير.ررررهف سدي حلكج مااريد اسمع صوتج مفهوم مو طلعت ندارتج هسه بيج حظ جان

سعاد.أثيررر شبيك وياهه ماما ليش صيح عليهه بهاي طريقه البنيه موبحال واحد عوفوهه براحتهه

أثير.واني هم عايفهه براحتهه اريد اشوف تاليتهه وياج ست رهف

سعاد. انته شعدك تحجي بالالغاز شتريد منهه

أثير . مارايد منهه شي اي يمه لخاطر محمد فهمي اختج ضب بتهه حتى بلحمام كامت تطلعلي ترى اسوي بيهه سوايه واكسر وجوهكم

سعاد.😱😱 عزززة ولك شتريد سوي لاتفضحنه صخام بو جهك

أثير.حجيه اني مو نبي وبت اختج طابتلي للغرفه المكياج والشعر ولبس اذا تخافون عليهه بعد لحد يصعدهه يمي خوش اني حذرتكم وقد أعذر من أنذر

سعاد . دهررر صابك ولك فضحتنه انته شبيك تحجي طك بطك مو البت واكفه استحي شويه

أثير.اني كلت العندي وانتهى الموضوع وانتي اذا لمحتج يم الباب لوشباك اكلب العرس فاتحه عليج افتهمتي لولا

سعاد. ولك لايسمعك جدك انته مالك شغل بلبنات ليش حاط روحك بكل شغله تخص رهف لو حظهه هذا حزمك عليهه

أثير.ومايهمني ذنيج يعرفن يردن كل وحده لسانهه تكول رشاش بس هاي ثوله اطيهه بس بواجي استاذة بهذا شي

رهف.موجنك زودتهه شنو سالفه

أثير.لاوالله شو علي صوتج شويه خل اسمع

رهف.تقرب حط وجهه كبال وجهي وامه واكفه ياالله كمت احس وجهي راح يطك من الحرارة

أثير.ليش ساكته ردي

رهف.أثير شبيك وخر عفيه

أثير.اويلي على المايع مالي 😉

رهف.😯😯 باوعتله بصدمه غمز وراح وجهي كام ينطي الوان خاف خاله سمعت باوعت عليهه هيه من شافتني هيج اجت حطت ايدهه على كصتي

سعاد.رهف عمه شبيج شكالج اثير وهيج وجهج كام ينطي الوان

رهف.لاااااا ماكال شي اني رايحه يم بيبي رايده شي عمه

سعاد.لاحبيبتي سلامتج بس رهف عمه فدوة موتحجين لجدج على أثير اني وعمج نحجي وياه وبعد ماله شغله بيج

رهف.لاعمه عادي هوه لان يشوفني بسرعه ابجي يحب يشاقه هههههههههه لاتهتمين

عفتهه ورحت كعدت يم بيبي سوالف عجايز وبنات كبار شكد حاولن البنات اطلع وياهن ماطلعت اخر شي كلت اشرب مي واروح انام طلعت لكيت البنات بلمطبخ يركصن وياهم سحبني يمهن اخذنه الواهس طبعا واحد من تمر بي لحظة فرح ينسى نفسه باوعت من الشباك هوسه صايرة وشباب كلهه تركص وصوت الاغاني بقيت فاتحه حلكي مصدومه اول مرة اشوف هيج هههه ولو هوه اني شنو شفت بحياتي اجت عيني على أثير طالع يصفن او هو بالاصل حلو واحد ماينكر هذا شي جان لابس قاط اسود رسمي بس بدون ربطة عنق اجه يم الباب اني طفرت وخرت على جهه هسه يشوفني وشيخلصني بعد

مرح.ها خلصت حفلتكم

أثير.لا بعدهه منو بيجن شافت رهف وين

مرح.شتريد منهه

أثير.روحي صيحيهه وله اكلج وخري اني فايت جوة

رهف. من سمعته طلعت شبي هذا كدام الكل يسأل عليه .هياتني هنا

أثير.تعاي وياي بسرعه

سمر.شكو صايرشي

أثير.شكد تلغن وانتي فضيهه يلا

رهف.طلعت وراه صعد للغرفه بقيت واكفه يم درج نزل يركض مستعجل

أثير. رهف سمعي هذا مفتاح الغرفه تخلي عندج لو ابوي لو جدي بذات نفسه يكلج أثير يريد المفتاح ماتطي اله بيدي تمام

رهف.خوفتني شكو

أثير. بعدين اسولفلج ضميت بيهه سلاحي وسلاح عمر وبيهه فلوس وهاا رهف دخلي سحر جوة لاتخلين عمر يلمحهه تمام

رهف.زين بس لحظه هسه اذا سألني البنات شراد منج شكول

أثير.دبري اي حجه بس موتكولين شكتلج

رهف.ماشي اثير

أثير.ها شبيج شو صوفرتي

رهف.مااعرف هوه اني اليوم هيج ماادري شبيه

أثير.خل اخلص من هاي الهوسه واخذج لطبيب

رهف. تمام

عافني وطلع خله المفتاح عدي بس وجهه ابد مايطمن سمعت صوته صاح رحت اركض للمطبخ لكيت سحر تبجي والبنات ملتمات عليهه

شكو شبيهه سحر

مرح.هذا أثير مدري شبي عاط بيهه دخلي جوة وهيه ستهضمت كامت تبجي

رهف. سحر تعاي وياي شويه بلغرفه

سحر.شكو رهف اكيد أثير كالج شي

رهف.لاماكال شي بس اني اريدج بشغله مايصير يعني

سوزان.جذابه ليش ماتحجين كدام البنات شكالج أثير

رهف. لا يالله شنو هاي جانت تسنط علينه

مرح. شكو سوزان شصاير

سوزان.اكول انتي شعندج وي خطيبي شو زايعه المستحى كلش

رهف.نعم شقصدج يعني

سوزان.اكيد فاهمه قصدي دخلتي لغرفته بدون استأذان وهسه اجه حجه بس وياج وانطاج مفتاح الغرفه ليش ماعافه عندي عد خاله

رهف.والله مومشكلتي اذا ماعنده ثقه بيج

سوزان.وبس انتي عنده ثقه بيج ههههههه

رهف. انتي وحده فارغه اروح جوة احسلي يلا سحر كومي

سوزان.بنات تالي وكت ماتستحين ولاعندج خجل ابد

رهف.عفته الج حبي ماتدرين غير اني الاادخل غرفة ولد عزابي وهوه وحدهه قمة لاادب ماشاءالله عليج

سوزان.على الاقل اني خطيبته عيني مومثلج حيالله بت عمه

رهف.سكتت بعد شرد عليهه بس لان شفت البنات عينهن عليه كتلهن . هو من صعد يبدل صاح عليه اجيبله تلفونه ناسي على المغسله صعدته انطيته اله من الباب وطلعت والله

مرح.رهف شبيج ماكو داعي تبررين وذا صعدتي يعني شكو بيهه وانتي سوزان ديري بالج تجاوزين على رهف بعد لااخلي أثير بذات نفسه يحطلج حد

رهف.عفتهن يتناقشن ودخلت للغرفه العجيب رغم مرح بردت ناري من ردت عليهه بس بعدني طالعه روحي منهه حقيرة تبيع شرف براسي أم رتوش .

...................

مرح.بعد ما طلعت رهف لحكتهه سحر مانعرف شنو سبب لو شصار وياهم دخل عمر باوع علينه كلنه ورجع طلع هاي شبيهم اخوتي اليوم

سمر.مرح شبيهم عمر واثير هيج معصبين

مرح.والله ماادري شكلهم مايطمن كلش

سمر.اكولج شغله يعني اثير ليش طلب من رهف تجي وراة واحنه كلنه واكفين هنا مكالنه

مرح. سمر لاتبلشين انتي ثانيه اذا طلب منهه يعني شكو بيهه غير بت عمه لاتحطن بسالفه ومعليج بسوزان هاي تخرط وحدهه

سمر. ماادري خلينه متونسين هسه شنسوي يعني

مرح.رجعنه لمكانه كمت اجيب ببسي لان كاعدين نصفن سويت ثلج وحطيته بكلاص والببسي منتطرته يبرد اجه وسام لكفه وشربه كله

وسام. اووف يابه يرد روح اول مرة اشرب هيج ببسي

مرح.ترى اني بردته اليه ليش تاخذه عود

وسام.عجبني اشرب من ايدج مايصير يحلو

مرح.😊 فد ستحيت حسيت نفسي حقنه كلش صراحه

وسام.لادخيلج لاتخجلين هيج

مرح.شنو هذا الكلام انته شبيك اليوم

وسام.بيه انته حلووو

مرح.عفته وشردت نظراته كلش متغيرة يباوع عليه وهوه ذايب كلش رحت كعدت يم البنات وجسمي كله يرجف احس كلبي طلع من مكانه من كد دكاته مر من يمي وطلع باوع عليه غمز وراح لالا اليوم وسام بي شي والله يارب كون يبقى دوم هيج .

....................

سمر.جنت طالعه من يم البنات شفت اياد دخل بس شكله مونظامي ضربت على كصتي بقهر هذا ماصيرله جارة اكيد سكران هوه عبر من يمي وصعد اصلا ماانتبه لجودي كدامه عفته ورحت اشوف البنات شبيهن لكيت حتى مرح كاعده وكل وحده ضاربتلهه صفنه

ماتكللي شبيجن كاعدات بفاتحه ولجن كومن غير عدنه عرس عابت هلوجوه

سحر. ادري خيه واني هسه روحي تهف على الموسيقى البرة بس مااكدر اطلع

مرح.ليش ماتكدرين

رهف.ههههههههه خاف تبات بطب العدلي

سمر يمممه عززة منو هذا اليكتلج

سحر.حظرة نقيب عمر افندي هههههههه

رهف.اني منج اكعد اصلي وادعي يخلصني مو كاعده صنفين علي

مرح.والله حجي رهف صدك شو انتي ضاربه دنيا عرض الحايط

سمر.لحظه عمر شنو علاقته بسحر

رهف.انتي وين جنتي نايمه

مرح.سمر شبيج فاصله شنو

سمر. لاوالله دكللي شكو

سحر.جا غير راح اصير مرت اخوج يحظي وانتي ماتدرين

سمر.لابربج منو بيهم من اخوتي

رهف.والعباس راح اكوملج لوانتي ناصبه علينه لو ثوله هههههههههه😂😂😂😂

سحر ومرح.هههههههههههههههه😂😂😂😂

سمر.يا شبيجن وياي يعني هسه انتي خطيبة عمر صرتي زين شوكت شو اني ماادري

مرح.سمرررررر شبيج عمر خطب سحر من جدي وهوه وافق بعد ماصار غير شي كافي شبيج

سمر.عابت الجن اي والله اي غير جاي احجي وياجن الغسل كون امداجن وامداي لان كاعده وياجن 🖐🖐

غميتهن وطلعت سمعتهن ماتن من ضحك يلا اهم شي يضحكن اني ادري بي عمر خطب سحر بس ردت اغير عليهن جو شويه ورغم كل مرة اسوي بيهن نفس المقلب وهم يرجعن يصدكن بيه جاي اسولف وي روحي ماتحس اله نسحبت جوة درج

اياد.هشششش هذا اني شبيج

سمر.وذا انته يعني منو سمحلك تسحبني هيج

أياد. سمر شبيج ليش تحجين وياي بنتر هيج

سمر.اياد حرام شبيك حرام تلزم ايدي حتى مو تسحبني هنا

أياد.اهوووووو راح تصير متدينه براسي

سمر.شنو متدينه براسك وخر اياد لااصيح صوت المهه كلهه عليك هسه

أياد.يابه دووولي فد مندله هسه انتي على شنو شايفه نفسج راحت بنفسي مرة احجي وياج وماتكلبيهه عركه

سمر.مو حجيك كله مو محترم شتريد اسويلك يعني اطكلك تحيه استاذ أياد

أياد.سمعييي لجججج من تحجين وياي تنصين صوتج ولاتنترين بلحجي لاأطيح حظج مفهوووم

سمر.مرد حلكي بيده وهدني وراح كعدت على درج ودموعي نزلن من وحدهن اني مااريد هيج شسوي اني فعلا احبه مثل ماهوه يحبني بس موبيدي والله اياد شخصيته متناقضه يحجي شي ويسوي العكس بس وياي شيحجي ينفذ بقيت كاعده على درج لحد ماخلصت الحفله لإدخالت يم البنات ولايم بيبي ضليت وحدي .

......................

رهف. جنه كاعدين بعد ما سولفت سحر شصاير وياهه انصدمنه اني ومرح بس مابينه بقينه نهدي بيهه واحنه ماندري عمر شناوي عليهه اندك الباب اجت سمر

سمر.رهف أثير يريدج برة

رهف.شريد مني

سمر. يريد يصعد يكول وين المفتاح مال غرفته

مرح.انطي لسمر تودي اذا ماتردين طلعين

رهف.لا خاف يكوم يحجي عليه لان كال لاتطي لواحد راح اودي واجي على سريع

طلعت بس نسيت البس الحجاب لكيته واكف على درج باوع عليه واشرلي تعاي وراي مالحكت احجي شي بس ركضت وراة بدرج وصحت علي

لحظه أثيرر

أثير.شبيج موكتلج تعاي وراي تعايي يلا هههه

رهف . شكله ابد مو مريح عيونه حمررر بس واكف عادي عنده خفت اصعد وياه هوه من صاحي مااكدر افلت منه انوب سكران بس خرب يومه واكف ولايمه

أثير.شبيج تعاي صعدي

رهف.لااثير عفيه وين اصعد البيت متروس عالم لأ واحد يشوفنه هسه

أثير.شوووو تعاليي

رهف. حتى مااطاني مجال سحبني من ايده وصعد يمه نلوت بطني من الخوف هذا شيريد مني بهل ليل

اخخخخخ أوكف عفيه رجلي

أثير . شبيج

رهف.بس الزم المفتاح خل اشوفهه شبيهه نلوت وتوجعني

أثير.شو خل اشوف

رهف.لااا هاك الزم

انطيته المفتاح بس لزمه واني رفعت الثوب واطفرررر طكيتهه ركضه 🏃‍♀️🏃‍♀️🏃‍♀️🏃‍♀️🏃‍♀️

أثير.بسيطه رهف اله اطلعهه من عيونج هاي اني اعلمج

رهف.عفته وركضت للغرفه بس ميته من الضحك من وصلت للغرفه باوعت على درج بعده واكف نفس مكانه ويضحك كال

أثير.وروح عمي مو صاحيه بعد هههههههه🤣🤣🤣🤣

رهف.هز ايده وصعد بس ميت من ضحك لان ركضت كدامه دخلت للغرفه البنات نايمات بدلت ونمت على سريع كعدنه من صبح على صوت عمه نوال صيح علينه لان نايمين والبيت متروس عالم كمت غسلت ولبست عندي تراك اخذته من طلعت وي عمه شعري هوه ناعم رفعته ذيل حصان عالي لفوك اجت مرح

مرح.الله رهف شكد حلو هذا مابي الوان

رهف.اي بي الوان اخذي اذا عجبج

مرح.لا وين اصلا هوه طلع حلو عليج لان انتي لابسته

رهف. ههههههههه ارفعي معنوياتي بعد

مرح.لا بالعكس انتي حلو بس لان مامعتنيه بوجهج هيج تحس طفله لان ماتخلين مكياج

رهف. مااحبه المكياج اضوج منه احسه ثكيل على وجهي

سحر.رهف ابقي هيج بدون حجاب اليوم والله احلى

سمر.والله مكبرج الحجاب هسه احنه مو وياج مانلبس يعني ترى عادي والله

مرح. يلا رهف امشي بس تعالي ولج شنو هذا عطرج يخبل

رهف. بمي الورد والياسمين طبيعي

مرح. لو ادري مخاله عطر يلا العصر من ابدل اخذ منج

رهف . كدامج

سمر.امشن عمه نوال راح تجي تسحلنه هسع

رهف.طلعنه كلنه للمطبخ التهينه بريوك بعدين بلشنه بلبيت اني ومرح رحنه لااستقبال راحت مرح كدامي واني رحت اشوف بيبي وصلت لباب سمعت جدو يحجي وياهه علينه اني واثير

بيبي.ادري انته ماتكلي شعدك متناصب وي الولد هسه ولد عمهه مو كلهم يحجون وياهه شو ماتحجي بس أثير حاط عينك علي

جدو .هذا كبري وشبياتي اشكال مرت عليه وكمت اعرف البشر من نظرة وأثير موبس عده شي وي بت عمه لامسيطر عليهه شيريد تسوي بدون تنفيذ

بيبي.يعني واذا صخرهه لو راد منهه شغله بعدين تريد صدك اني تكيف ياخذهه ويعوف هاي الملطلطه

جد.اني وين احجي وانتي وين تحجين بس خل يخلص العرس واني اعرف شلون احطله حد صاير فد مرة لايخاف ولايستحي كلش ولاعنده احترام لواحد

بيبي.على كيفك وي روحك راح تنجلط من امس واليوم شجاك

جد.مو انتي ماشفتي شلون يخازر بيهه لان تركص وي اياد انوب يسحبهه من خصرهه ولاهمه واحد ضارب دنيا عرض الحايط وهيه عينهه عليه لان ضايج ولاحجت ولاسوت لان لزمهه مبين عليهم هاي مو اول مرة يسويهه وخايف خاف اكو الاكبر بينهم

رهف.لطمت على وجهي عزززة بعينج رهف جدو شايفنه شكول عليك أثير 😱😱😱😱

بيبي.دكعد خل يخلص العرس ونشوف شني سالفته يجوز رايدهه بلحلال ليش تضلم بخته

جد.واطيهه اله لو تطلع نخله براسه مايطولهه منا لمن يصير ادمي ماجايز منهه اطيهه لواحد يمشي ويوزع برقم تلفونه ماخله ساقطه مامشى وياهه

رهف.ماكدرت اسمع اكثر من هيج مشيت عنهم وكلام جدو يدك براسي زين اذا عرفوا بزواجنه وشلون زوجنه شيسون بينه انظربت بلباب بدون ماانتبهه شاطت روحي لان اصبعي نضرب اجت مرح تركض دخلنه لااستقبال اني اريدلي حجه حتى ابجي طكيت من البجي اريد اسكت ماكو اخر شي كمت غسلت وجهي وعدلت شعري ورجعت اشتغل وي مرح بس صافنه على وضعي وعلى حالي شراح يصير بيه

مرح.رهف شبيج شو بس تصفنين

رهف.ههههه كولي شنو المابيه اني لو احجيلج منا لباجر مايخلصن تدرين حياتي صايرة عباره عن فلم هندي

مرح. خل تخلص هاي الهوسه ونكعد وحدنه ونسولف براحتنه رهوفه اني اختج واكيد راح تلكيني وياج بكل موقف تمرين بي اتمنى تفتحيلي كلبج واعرف شبيج

رهف.وهوه هيج لان راح اطك والله اريد واحد اسولفله راح اموت من القهر وماادري شسوي

مرح.تمام يلا كومي خل نخلص من الهوسه هاي

رهف.كملنه وطلعنه للكراج جبير كلش وبنص حديقه يعني من جهتين يمكن ياخذ تلث سيارات اذا هوه الباب يراد ربع ساعه يلا اوصله عود مشي سريع شكلت صونده وجاي اغسل انفتح الباب ماهتميت بقيت اغسل انعتيت من ايدي رفعت راسي أثير راسا ضليت اتلفت خاف يطلع جدو ويشوفنه سوة

أثير. وين صخامج ليش طالعه هيج

رهف.شنوو ؟

أثير. لاتستغبين رهف حجابج وين

رهف.هااا نزعته ملابسه حجاب

أثير . وليش بالله لان البيت متروس عالم وناس طابه وناس طالعه نزعتي الحجاب

رهف.لاااا لان جاي اشتغل وحارة نزعته بعدين البنات كلهن نازعاته مو بس اني وهوه اصلا مايلبسن حجاب بلبيت بس اني لابسه

أثير.واني شنو علاقتي بيهن كلهن اني عليه بيج انتي سمعي زين حجاب ممنوع ينزع مفهوم

رهف.اي ليش يعني

أثير.شنوه ليش كلت ماينزع لاتناقشين ابد وبعدين مطلعه شعر وهاي الركبه ومدنكه ورحمة الله كلهه طالعه تردين كلهه شوف شفته اني ولازم اعوفج على راحتج ومااحجي شي مو

رهف.حطيت ايدي على صدري .انته ماتستحي شلون تباوع عليه هيج عيب عليك والله حررام شبيك انته

أثير. رببببي رحتمك اطيههه شويه ذكاء للمدام خل تفهم شلون نسوان تحجي وي زلمهه

رهف.أثير عفيه انتبهه ترى جدو شايفنه ذاك اليوم والله اني سمعته دير بالك لاتفلت حجايه كدامه

أثير.وين شايفنه شايف يعني

رهف.امس من طلعتني من نص من جانو يركصون كلهم

أثير.هااااا حجه وياج يعني

رهف.لا اني رحت اشوف بيبي وسمعته من حجه شنسوي هسه

أثير.شنسوي يعني خوفتيني عبالي شايفنه بلغرفه شسوينه 😉🤣🤣🤣🤣😉

رهف.انته اضحك واني راح يوكف كلبي من الخوف فكرة اذا عرفوا شيسون بينه والله على ساعه انجلط وانته ولايمك سالفه

أثير.اجه جدج يروحي بس عوزة هسه يركعني براشدي معدل 🤣🤣🤣🤣🤣🤣🤣

رهف. لاصدك يمه شيخلصنه هسه

أثير.يابه مرتي محد اله شي يمي وبعدين شبيج خايفه ولج موبعينج غير اني يمج عليمن ترجفين هيج

رهف.شوف شحيسوي بينه عود ضل اضحك همين مااوصيك

أثير.سمعي كبل لايوصل جدي الحجاب ماينزع وماسوين اي شي بدون علمي مفهوم لاتخليني اصرف بلعلني ادور ترى لااخاف ولااستحي اني تمام يحلوة

رهف.تمام بعدين اناقشك موكتهه هسه والله لو ما جدو جاي

أثير. اي بالله شسوين سمعي رهف شغلة العناد هاي محد يضرر بيهه غيرج لذلك جري عدل احسلج

جد.شسون هنا

أثير.جاي نسولف عادي

جد.رهف بويه اطيني الصونده والماسحه

رهف.جدو بس جاي اغسل

جد.بويه سمعي الكلام اخذهن انته ألمن صافن

أثير.جيبي بس شسوي بيهن

رهف.اخذهن اثير

جد.يلا بويه دخلي جوة وأثير راح يكمل الكراج مدامه فارغ ماعنده شي وجاي يدك سوالف خلي هوه يغسل

أثير.صدك تحجي جدي ظابط والي هيبتي من ادخل للمركز جنود كلهه توكف تاخذ تحيه اكعد اغسل مثل نسوان هاج كملي شغلج

جد.معناتهه فوت جوة وخليهه تكمل

أثير . اي افوت ليش لا هاج لزمي

جد.بس روح افتح الباب لبيت جدج طارق اجو

أثير.اجوو رهف دخلي جوة بسرعه

جد.ليش تدخل غير تريد تغسل بعدين همه غربه غير بيت جدهه

أثير. روحي لبسي حجاب وتعاي كملي خاف واحد يطلع

جد.لاماتروح وروح افتح الباب يلا غير اني واكف معليك بيهه لااخذهه وافتح الباب اني

أثير. ماافتح لو تدخل لوتلبس حجاب وروح عمي ماتطلع هيج لو اعرف اخليهم ليل هنا بلباب

رهف.ضلو هوه وجدو لاجدو يرضه ادخل حسيته يعاند بأاثير واثير مايرضه يدخلهم هيج واني واكفه اجه جدو حطني بحظنه ومشه بيه للباب يريد يفتحه مااحس اله اثيررر.......
.
.
يتبع

البارت الثامن

(الرتبه والحشمه)


مااحس اله اثير شمر عليه شال ونتر من بين سنونه

أثير.هااااج لبسي بسرعه

رهف. اخذته منه ولبسته بسرعه لان شكله معصب ويخوف يعني اني رغم خوفي من جدو بس خوفي من أثير أكبر لان مااتحمل عصبيته وهوه ايده وطك اصلا جسمي بعده لسه يوجعني من اخر مرة باوعت منين جاب الشال طلعت مرح واكفه وعينهه علينه راح فتح الباب جدو هد ايدي دخلت جوة ركض لان بقوا يسولفون بلباب دخلت للغرفه وسديت الباب واني احس نفسي نكطع من الركض اجت مرح وراي

مرح.شبيج مصوفرة بعدين شبي جدو

رهف. والله ماادري بقوا واحد يعاند بثاني واحاطيني بنصهم

مرح.مااعرف رهف شوفي صح أثير اخويه وهواي سمعت علي سوالف يعني مال البنات بس عمره ماتقرب من وحده من عدنه بنيه موزينه بلعكس والله اكثر واحد مدللنه بلبيت ويلبي طلباتنه هوه اثير لهذا سبب لاتاخذين على نظرة موزينه لان يحجي وياج احتمال يريد يطلعج من الحاله الاانتي بيهه

رهف.ضحكت بكلبي خرب حظي مااخذ علي نظرة موزينه هوه اني من شفته اول مرة لحد هسه مطلع احسن ماعنده وياي

مرح .وين صفنتي يمعوده

رهف.مرح كتلج تعبانه حتى ماالي طاقه احجي والله

مرح.هااا على راحتج اني طالعه

رهف.مرح لحظه اوكفي لاتزعلين الله عليج والله موقصدي بس اني تعبانه كلش نفسيتي زفت

مرح.اووف ماتكيلي شبيج

رهف. اخخخخخ يامرح والله بس اريد انام ساعه وحده بدون كوابيس بدون خوف بدون قلق هاي اقصى امنياتي هسه

مرح . ياستار شبيج خوفتيني والله

سحر.رهف مرح الحكلي مصيبه وطاحت على راسي شسوي

مرح. شبيج انتي ثانيه شكو

سحر.عمر راح يكول لااهلي على كلشي

رهف.معقوله ليش يسوي هيج

سحر.مو شسمه اني

مرح.شصخمتي ولج

سحر.والله ماسويت شي بس جنه كاعدين اني وسمر كتلهه اني مااكدر مستحيل اتقبل عمر يكون شريك حياتي فجاءة صار كبالي ماحجه اي شي راسا دار وجهه وطلع رحت وراه لكيته واكف وي أمجد وأياد شسوي هسه شون بيه والله يكتلوني

رهف.مااعتقد يحجي شي جا ماحجه من البدايه مو هسه

مرح.انتي ابقي هنا خل نشوف شراح يصير

سحر. رهف روحي احجي وي اثير هسه هوه يفهمج كلشي لان هوه اقرب واحد لعمر

رهف.والله مااروح من غير شي متحلف بيه هسه يمسح ببه الكراج البرة غير

مرح. عززز غير نسينا نكمل غسل صدك بالله

رهف.ماشفتي اخوج شسوة بينه وين نكمل بعد

سحر.شبي أثير وياج هم يحجي عليج يعني

رهف.هههههههههههههههه لا وين يحجي عليه يمعوده اصلا من يشوفني ينحني احتراما اليه شبيج انتي

سحر.ههههههههههه اضنه مطيح حظج موو

رهف.المفروض تحمدين ربج على عمر

مرح.شو ماخذات راحتجن بلحجي ولاجن ذوله اخوتي تحجن عليهم

رهف . اني ماقصدي شي لاتفهمين غلط

سحر. لا والله اني احجيهه مثل ماهيه اخاف منه والله احسه يريد يشرب من دمي كل مايشوفني

رهف.🤣🤣🤣🤣🤣🤣🤣🤣🤣

مرح.ياااا شبيهه هاي ولج رهف تخبلتي

سحر.كافي لج عليمن ضحكين

رهف.ضحكت على سحر شلون خايفه من زواجهه من عمر ولج يحظي شتكولين عليه اني المزوجه بسر وبفندق وداخله مركز وكل هذا وزوجي المحترم طلع ابن عمي والله من اسولفهه وي روحي اضحك على نفسي وين اكو هيج شي بس صارت وياي وهسه استاذ اثير ماخذ دور زوج كلش ويريد يطبق قوانينه عليه

مرح.ولججججج رهف شبيج تصفنين

رهف.هههه لاماكو شي اني حطلع اشوف عمه نوال

مرح.انتظري جايه وياج وانتي ابقي هنا على مانشوف الوضع شنو

رهف.من طلعنه من الغرفه كالت مرح.

مرح.تتوقعين فعلا عمر يحجي لااخوتهه

رهف.والله ماادري بس تردين صدك غير عمر ناويلهه نيه كشرة

مرح.والله اني هم حاسه هيج الله اليستر

رهف.رحنه للمطبخ والتهينه بلغدى وياهن لحد مخلص الصب مال الااكل جمعنه كولنه بلمطبخ كعدنه نتغدى حتى نكوم بسرعه نلحك نعزل البيت قبل الزفه نزعت حجابي وجاي ناكل وسوالف وضحك رفعت راسي واحد واكف كبالي بعده شاب الولد وشكله مرتب يعني مهتم بنفسه زياده عن لزوم ضل صافن عليه اني عدلت حجابي ودنكت بعد مارفعت راسي لحد ماخلصنه كمت بقينه نلم بالاكل انترس المطبخ مواعين مال الغدى شو هاي البنات كل شويه وحده صايحه عليهه امهه بقيت وحدي عود عمه نوال كالت تعاونن وخلصنهن بسرعه شو ذني راحن وروحه روحه بقيت أعزل بيهن وغسل ورجع لمكاناتهن خلصت نصهن بس شنو ضهري نفتح فتح من الوجع همه هواي ادور خطار وعرس اجو اياد واثير دخلو من باب المطبخ

أياد.ها ولج طاح الكراب براسج اليوم

رهف.اي والله شفت اكلتهه

اياد.تردين مساعده

رهف.والله الخير ومدة ايده مااكول لا تفضل البيت بيتك هههههههه

اياد.هههههههههههههههه يلا خل نساعد اني وياج كسرتي خاطري جنج مرت شهيد

رهف.تلقائيا طلعت مني بدون قصد والله طفرت راسا .

أسم الله

أياد.شبيج ولج من هسه خفتي علي طاح حظج اي والله

رهف.ههههههههه عبرهه شبيك اله تعلق يعني

اياد.هنياله عمي من هسه خايفه علي

رهف.هههههههههههههههه

أياد.يلا ولج اشتغلي لاامسح بيج المطبخ هسه

أثير.اياد روح اسحل وحده من البنات وجيبهه تساعد رهف يلا واحنه خل نشوف امجد مابقى وكت

اياد.هسه اجيبهن سحل الج ولايهمج رهوفه

رهف. خاف جاي يبدلن خليهن اني اكملهن على كيف

أياد. على اي اساس جاانتي ماتعدلين بس هنه

رهف.طلع اياد بقيت اغسل حسيت بنفسه على ركبتي رجفت من الخوف لاواحد يشوفنه مد ايده على بطني وسحبني علي حسيت كهرباء صارت بجسمي لان ضهري لازك بصدره وباسني بطرف اذني وهمس على كيف

أثير.تخافين عليه مدام

رهف.دفعته على كيف وكتله.اثير عفيه انتبهه شويه لاواحد يشوفنه ترى احنه بلمطبخ

أثير.تردي شنو رهف من الااخير لان هواي كررتي هاي جمله

رهف.البيت كله منتبهه علينه عفيه لاتصرف هيج كدامهم

أثير.يعني وجودي قريب منج زاعجج هيج

رهف. مو ازعاج بس هيه علاقتنه كلهه ماارعرف شسميهه والله أثير اتمنى تفهمني جدو شاك بينه وبهاي طريقه بسرعه راح يعرفون كلشي

أثير.اي ويعرفون وشنو يعني قابل راح تبقى العمر كله سر وبعدين شنو شتسميهه انتي صدك تحجين

رهف. انته ليش تصرف هيج المفروض من عرفت اني بت عمك تنهي كلشي من يمك وطلكني وينتهي الموضوع

أثير.تردين تطلكين ست رهف حتى اول واحد يدك الباب يزوجج جدي مو

رهف.منو كلك اريد ازوج اني كارهه زواج كله مااريد عائله ولااريد استقرار خليني عايشه هيج احسن

أثير.ليش تفكرين هيج

رهف.😥😥

أثير.لالالاااااااا عليمن البجي خلص راح اطلع وراح اكون بعيد عنج حتى ترتاحين تمام بس شغله وحده حطيهه بالج طلاك مااطلك انتي مرتي ومستحيل اطلكج فهمتي

رهف.عافني وطلع بسرعه اجن سحر ومرح ضلن يسولفن ويشاقن بيناتهن مرح ناصبه على سحر لان راح صير مرت اخوهه وسحر عايشه دور المضلومه اني التهيت بشغل شسوي يعني تصرفات اثير حيرتني وما اعرف شصرف التهينه نشتغل كملنه على سريع ورحنه سبحنه وبدلنه لبست بنطرون تسعين اسود يصير جرجيت قماشه وياه قميص همات نفس القماش قطعتين اول شي بدي بي حمالات وفوكه القميص مفتوح رفعت شعري لفوك ولبست حذاء كعب حبيت ارتب نفسي شويه طبعا هذا الحجي الزفه طلعت من زمان اني جنت بلحمام ماشفتهم طلعت يم البنات برة اشرتلي بيبي رحتلهه

بيبي.خيه أم سعد هاي رهوفه بت عدنان

ياماشاء الله شهل جمال هذا عين الله عليج حبيبه

رهف.شكرا خاله

عفتهه ورجعت يم البنات لان تخزر بيه خزر مناقصه شلاع كلب والله اجتي زفه وصارت هوسه البنات كلهه وكفت على جهه اله سوزان طلعت للباب جانت لابسه تنورة فوك ركبه وياهه قميص عود مستورة وشعر مفتوح والمكياج صايرة عروس والله دخلو امجد وزوجته وصايرة هوسه خليناهه تخف ورحنه تباركنالهه البنيه بس تبتسم حتى ماحجت اي شي باوعت بعيونه ادور على اثير ماهوة طلعت للمطبخ اول مادخلت سوزان باسته بشفايفه صليت متصنمه مكاني وفاتحه عيوني على وسعهن همست بتردد بس ماادري شصار بيه

هاا هاي ش شنو

سوزان.المفروض طلعين شكو دخلتي هاي خصوصيه ترى

رهف. ماتحجي شي عاجبك هذا الحجي

سوزان.انتي شلون تحجين هيج وي أثير شهل ميانه زفرة هاي

رهف.فركت وجهي بغضب ماادري شبيه حسيت اريد اجيبهه من شعرهه وامسح بيهه المطبخ كله

أثير.رهف شبيج

رهف.باوعتله ودمعت يربي شبيه اني ادري بروحي مااريده ولااطيقه زين ليش هيج احس كلبي يوجعني من المنظر شفته

سوزان.حبيبي عوفهه هاي وحده مريضه مدري شبيهه

أثير.احترمي نفسج لج والف مرة كتلج لاتكولين حبيبي شنو لطشتي بيه رحمه لربج فوتي حالي

رهف.عفته ودرت وجهي وطلعت اجه وراي بس من شافهه هوسه ماباوع بتجاهي اصلا بقيت كاعده يم بيبي وعماتي صعدو العروس والبنات صعدن وياهه اني بقيت مكاني مااريد اطلع مالي حيل مصيبه جديده بعد

....................

سحر.ماما طلبت مني اتصل على اياد اشوفه وين وليش تاخرو هيج صارت دنيا ليل كال جاين بلباب رحت اريد ابلغ ماما انسحلت من ايدي باوعت علي عمر واني قطرة دم مظلت بيه كمت ارجف من الخوف والله

عمر.ويامن جنتي تحجين لججج

سحر.وي ووو وي اياد

عمر.هههههه ضحكين عليه لج اياد بلزفه وين تصلتي عليه

سحر.ولله العظيم عليه ماما كالت خابري شوفيهم شصار عدهم

عمر.جيبي تلفون وفتحي رمز

سحر.انته شبيك وياي شسويت اني حتى هيج بس تصيح عليه

عمر.سمعي لجججج درب تمسكن هذا بطلي لا وحق علي ادوسج برجلي وحسابنه طويييل ياست سحر

سحر.تمسكن وليش اتمسكن يعني

عمر.ماتعرفين ليش اي خطيه فقيرة كلش القط ياكل عشاج

سحر.اني راح ادخل جوه احسن انته مدري شبيك بعد ماصارت الك سلطه عليه وهيج تسوي بيه

عمر. هااا يعني هسه مأمنه ماالي سلطه عليج اي ماشي بعيني سحر بس اصبريلي والله لاخليج تمشين وتلفتين من خوفج مني اني اعلمج

سحر.ضليت صافنه علي خفت احجي وياه اي شي خاف يخنكني هسه لان عصبي كلش وعيونه حمررر وشرايينه ناطه من الاعصاب رجع نتر بيه بصوت عالي