#العذراء أن تكون بلا هدف وبلا دور ومجرد ساخر..
- أن تكون قليل الأدب ولا تحسب للعواقب..
- أن تعارض ما تؤدي إليه أعماله..

 

العقرب قلة الاحترام أولاً. له ولأفكاره ولمبادئه..
- قلة الموثوقية والحماقة وتكرار الهفوات..
- كثرة الأسئلة الفضولية والتي يمنع العقرب تقديم إجابات عليها..

#القوس أن تشكك دائماً بما يقول..
- أن تنتقده وتعطيه المشورة ولم يطلبها..
- أن تلف وتدور كثيراً..

#الدلوكثرة الشتائم..
- كثرة الشكوى وكثرة التحدث بسلبية..
- ألا تكون فاعلاً في المجتمع أو الأسرة..
--

#الجدي إلقاء النكات باستمرار والتي يتحمل "زناختها"..
- التصرف بصبيانية لا سيما في الأماكن العامة..
- أن تطلب المساعدة ثم تدير ظهرك له..

#الحوت أن تضع قيوداً على أحلامه وتستخف بها.. أن تقف في وجه السلام وتكون عدوانياً شريراً..أن تكون مزعجاً ومزعجاً للناس وأن تسخر وتسخر منه..

#الرتبه_والحشمه

/البارت الأول

اتمنالكم قراءة ممتعه حبايبي ❤


السلام عليكم اني رهف عمري ١٩ سنه خلصت سادس علمي ومكملت كليه بسبب تدهور جالت ماما الصحيه بابا متوفي من عمري عشر سنوات اذكر بيومهه جنه طالعين نتعشى برة جان عيد ميلاد ماما هوه يعشقهه لحد جنون وماما همات تموت عليه حياتنه حلوة وهادئه بس بابا غيور بشكل مو طبيعي يعني وصلت بي لدرجه ميخلينه نزور بيت جدو لان اعمامي موجودين وعدهم شباب بلبيت لذلك هوه يخاف علينه ردنه نرجع للبيت من طلعنه من المطعم مر واحد وسمع ماما حجي محلو مفهمت شنو كال بوقتهه لان جنت طفله مااعرف هجم علي بابا مثل الوحش دمرة للولد كوة العالم فكتهم وذاك يتوعد اله يقتله لبابا رجعنه مرحنه لبيتنه رحنه لبيت جدو بابا عنده شغل وي عمو محسن تمنيت انزل واشوف البنات وبيت جدو بس شكل بابا المعصب خلاني اسكت دنكت ودمعه بعيني هو باوعلي رفع راسي بيدة وضحك كال

بابا.شبيهه حمامتي منو مزعلهه ليش مهضومه بابا وعيونج مدمعه

رهف.بابا اريد العب وي البنات اريد مرح العب وياهه

بابا.ههههههه تعاي يروح بابا انزلي العبي وي بنات عمج يلا

رهف.كمزت عليه بقيت ابوس بي .شكرررا بابا اني احبك

بابا.كلشي ولازعل حمامتي اني عايش حتى مااشوف هاي العيون الحلوة مدمعه ومهضومه

رهف.ابتسمت لان مفهمت كلام بابا شنو قصدة

بابا.يلا حبيبي انزلي نكعد يم الحجيه شويه وخلي رهوفه تلعب وي البنات

ماما.يلا حبيبتي انزلي ماما بس ديري بالج سيارات انتظري بابا يلزمج

رهف.اول مانزلنه بس فتح الباب عمو محسن ومانسمع اله الرمي اشتغل علينه وصوت بابا يكل لعمو محسن دخل رهف جوة لايصير بيهه شي بقيت سادة اذاني وارجف من الخوف وماما حاظنتني الكل طلع على صوت وصار الصريخ والاامه نكلبت لااسف انقتل بابا على ايد واحد نذل بس لان دافع عن شرفه منظر بابا وهوه مغطي دم عمري مراح انساة شي موجع صعب توصف الاحساس هذا من شوف واحد من اهلك هيج دمه فايض بلكاع ماما ماصحت كل شويه مغمى عليهه خلصت ايام العزا واني كل اليشوفني وكالو خطيه تيتمت وهيه صغيرة حتى ماعدهه اخوه اخت ضلت وحيدة بهاي دنيا جان مجرد كلام بس مؤذي لصاحبه ياريت نفكر بلكلمه قبل لانحجيهه حتى مانجرح المقابل اكثر كالو ماما لازم تلزم عدة رحنه لبيت اخوالي رغم رفض اعمامي انو اروح وياهه اله ماما اصرت انو ماتعوفني وحدي عدهم مرت شهرين علا وفاة بابا والوضع سئ بشكل موطبيعي تعرضنه الاهانه وضرب جانت ماما تضربني كدامهم اذا واحد من جهالهم تعارك وياي ومن ندخل للغرفه تحظني وضل تبجي تكول اني اطكج ولاهمه يمدون ايدهم عليج اموت الف موته ماما تعبت حيل عد اهلهه يعاملوهه مثل الخدامه ولاواحد يحترمهه وصلت بيهم حتى غرفهن هيه تنظفهه الهن غير الكلام الي تسمعه جانت دائما تكول عدنان دللني زيادة يمكن يدري بروحه راح يعوفني لضيم وبيوم صارت مشكله كلش جبيرة بيبي امهه لماما انطتهه مفتاح بيت وكلتلهه اخذي بتج وشردي منا بس ماما خافت اذا سمعو اهلي هيه كاعدة وحدهه ياخذوني ضلت متحمله بيبي كتبت البيت بأسمهه بس ماطولت وماتت بيوم الي اجو من دفن ماما جانت محتاجه واحد منهم يجي يواسيهه وياخذ من خاطرهه بس ابد كانو نكرة ماموجوده ثالث يوم الفاتحه سون نسوان اخوالي مشكله جبيرة ودخلو زلم بيهه والاسف طردو ماما من البيت ومااكتفو طلعونه وسدو الباب ضلت ماما تبجي وتدعي عليهم وتناشد امهه وابوهه حالهه خلاني اهتز كلي معقوله اني هم يصير بيه هيج لان ماعندي اب جلبت ماما بكل قوتي خايفه خاف اخسرهه وابقى وحدي ماالي احد بهاي دنيا اخذتنه ماما للبيت طلع مشتمل زغيرون كعدنه بي تغيرت حياتنه من هذا اليوم ماما جانت تشتغل عامله تنظيف مدرسه وآلعصر تروح تشتغل خدامه بلبيوت علمود تخليني ادرس واوصل لان هيه مامكمله تكول هذا حالي لان مدارسه بقى وضعنه هيج سنه جر سنه واهلي مانعرف عنهم اي شي كل مااكول لاامي نتواصل وياهم ترفض بشكل قطعي تكول يأخذوج مني كبرت ومريت بفترة مراهقه بس خلصتهه جوع وعوز وبرد وحايرين شلون نطلع لكمتنه لان امي تمرضت وتعبت صار عمري ١٥ سنه كمت اني اطلع بدال امي اروح من الصبح اشتغل عد العالم واجي كبل اطلع لدوام وسنه تجر سنه ماما تعبت كلش وصارت ماتكدر تعين نفسهه لان بالااصل هيه جبيرة مزوجهه بابا وتعبت على فراكه من اطلع صبح اسمعهه تحجي وي صورته تكله عدنان تقبل هيج يصير بينه انته تغار علينه من الهوا شايف حمامتك تخدم بلوادم ترضاهه ياابورهف هذا حالنه اشبع بجي عليهه ارجع احضنهه واضل اضحك بيهه علمود تنسى شويه اطلع البس نقاب وجبه وفوكهن عبايه اخاف وماما تمشي وتوصي ماما البنيه اهم شي شرفهه مايطلع مني بس عيوني اليوم طلعت واني افكر شلون بيه ماما علاجهه خلص ولازم اجيبلهه بس منين واني خلصتهن كلهن على طبيب اوووف ربي رفعت رأسي لفوك وكعن دموعي على وجهي ربي دخيلك امي مالي غيرهه دخيلك انتبهت واصله للبيت مال الحجيه اووف هاي يوميه هيح ينعاد عليه شريط حياتي واني امشي بشارع طبعا اخاف اصعد

بتكسي وحدي لذلك اروح وارجع مشي هم رياضه وهم اوفر فلوس تكسي لان احنه بحال بس الله يدري بي دكيت الباب ودخلت الحجيه ام عدي هيه والحجي بس همه بلبيت انظف واطبخ واغسل اهدومهم واطلع اروح لغير مكان هنه خمس بيوت اطلع من سته صبح ارجع بتلاثه الضهر للبيت استلم بيتنه ادور انوب ابد مااطلع ورة ضهر من خلصنه عشا اجيت نمت بحظن ماما الي صارت مقعده خطيه احطهه على الكرسي من اطلع الصبح لحد ماارجع هيه نفس الكعده اول ماادخل الكيهه نايمه وهيه كاعده بقيت كاعده يمهه سالتهه

اكول ماما

ماما.كولي يحمامت عدنان شبيج

رهف. تنهدت وجريت نفس كتلهه.ماما ليش ماتكولين اسمي ابد

ماما.حتى دائما تحسين ابوج موجود ويانه وماتنسي

رهف.الف رحمه ونور تنزل على كبرة

ماما.الله يرحمه

رهف.ماما تتوقعين هم دورو علينه اقصد اهلج بيت جدو

ماما.بيت جدج ماادري اذا دورو لولا بس خوالج يندلون مكانه بيوم الجينه هنا همه يعرفون بينه وين كاعدين

رهف.😯 صدك تحجين يدرون بينه هنا ويعرفون شلون عايشين وماهمهم مجاي اصدك

ماما.صدكي يمه صدكي الحجي لنسوانهم صار هسه ولاجني اختهم الوحيدة وارمله وعدي بنيه ماعدهم غيرة على عرضهم لا والله عكس عمامج وهذا المخوفني عليج وديت ناس دور عليهم وانشاء الله يلكوهم كبل لاالله ياخذ امانته ض

رهف.لاماما عفيه لاتحجين هيج أسم الله عليج مبقالي احد غيرج اترجاج ماما لاتعوفيني

ماما.لاتخافين مااموت اله اسلمج لبيت جدج يلا تدرين ابوج صارله يومين يفتر عليه يكلي ديري بالج تعوفيني حمامتي بدون ماتحطينهه بأيد امينه

رهف.شهكت برعب ودفنت راسي بصدرهه .لاماما ابوسج ايدج لا كافي مااريد اسمع شي عفيه ماما كافي

ماما.نامي ماما وكلي امرج لربج مايسوي شي مابي صالح للبشر صيري قويه ولاضيعين تعبي عليج ولاسلمين نفسج اله لليستاهلج خليني من الكه اهلج اكلهم هاي بتكم ربيت وتعبت اريد كل اليشوفج يترحم الي على هاي تربيه خوش ماما

رهف.ماجاوبت كتمت انفاسي حتى تعرف نايمه مااريد اسمع اكثر مجرد الفكرة تخليني اتخبل واصفى وحدي بهاي الدنيا الماترحم مانمت ولادقيقه كل اشوي افز اباوعلهه وارجع صاح الاذان مال صبح حسيت كلبي نقبض طفرت على ماما كعدتهه كعدت صلت ريكتهه ولبست وطلعت للشغل اني البس جفوف وجهي اصخمه بلفحم كبل لااطلع هاي طريقه الوحيدة تخليني أمن اطلع شغلي لان بهذا الشكل المقرف منو يباوع عليه نزلت النقاب على وجهي وجريت نفس طويل يالله مااعرف شبيه مخنوكه رجعت ركض على ماما حظنتهه وضليت ابوس بيهه هيه هم يمكن جانت محتاجه هذا شي قررت اليوم بس للحجيه وارجع مااكدر اعوف ماما وحدهه طلعت امشي بلشارع ودموعي تجري كلام ماما البارحه ابد مااكدر انساه الي مجرب احساس الفقدان يخاف يخسر احد بعد وصلت لبيت الحجي كملت وطلعت من وكت هيه هم تفهمت لان كتلهه امي تعبانه ومااكدر اعوفهه طلعت جاي امشي ومااحس اله صوت دوريه مال شرطه يركضون ورة واحد هوه اجه وكف كبالي وركض اجه همه ماصدكو ماانطو اي مجال سحلوني لسيارة دكيت لطمت صرخت ابد ماكو اريد افهم ليش اخذوني ماكو وذاك الولد ليش وكف يمي دخلني للمركز يايمه تمنيت ميته ولاهذا الموقف وينج ماما دموعي مانشفن دخلني كبل لغرفة التحقيق حمدت ربي الف مرة لان لابسه نقاب ومستورة مطالع مني شي بس عيوني دخلوني علي وسدو الباب سمعته سحب اقسام لو اني نخرطت من الخوف اجه وكف كدامي باوعت عليه بعده شاب صخام بعينج رهف صفن عليه بعدين كال

انتي ويامن تشتغلين

رهف.وي و ويامن مافهمت اني اشتغل بيت الحجي

ياحجي هذا

رهف .سيدي هذا رجال جبير اني اشتغل عدهم بس هوه ومرته بلبيت وثنينهم كبار بلعمر انضفلهم واطبخلهم

بلاش يعني لثواب تشتغلين

رهف.لا اخذ يوميه لان اني عيشتي عليهه ولازم اوفر علاج ماما

وليش انتي ابوج وين ماعدكم زلم يعني وانتي صرفين عليهم

رهف.عايشين بس اني وماما وحدنه

وسبب شنو وين عائلتج

رهف.اعتذر هذا شي خاص بينه

تقرب وكف قريب مني كال بصوت هامس شيطاني

معقوله ماتشتغلين غير شغله

رهف.لاوالله ابد اني اطلع من الصبح ارجع الضهر للبيت بعد مااطلع الله يخليك سيدي والله ماعندي شي

انشوف اكعدي هنا هسه على جهه بين ماارجعلج وانطيني عناوين البيوت تشتغلين بيهن

رهف.اي

طلع وعافني وحدي فوك ساعه اكثر واني ميته خوف وقلق على ماما راح اموت شون اوصللهه يربي دخليك تحفضهه اليه من كل شر انفتح الباب ودخل راسا وكفت الرعب الي صاير بيه بهاي ساعه محد يتصورة كعد كبالي كال

يابه طلع حجيج صحيح يعني طلعتي خدامه

رهف.شغل مو عيب اهم شي اطلع لكمتي بلحلال

ههههههه حلو هسه اسمعي يحلوة شايفه ذوله البرة بس يردون اطلع ويستفردون بيج انتي شتكولين اطلعج وياي لو اخليج يمهم

رهف. لزمنتي رجفه من كلامه .سيدي الله يخليك خليني اطلع امي تعبانه ومريضه ولازم اخذلهه علاجهه الله يخليك خليني اطلع

ههههههه كتلج لو ياي طلعين لو اعوفج واطلع واكليهه عود

رهف . انته شتريد مني وين تريد تاخذني وياك

نتونس شويه وارجعج وروحي لبيتكم وها انطيج مصرف مال شهر

رهف.لالالالا اااااااااا مستحيل انته شتحجي اني اشرف منك ومن وامثالك ياحقير

معناتهه ابقي هنا وبيعي شرف براس جنود هههههه

رهف.هيه هاي نخوة انته ماعندك غيرة م.....

لاتكملين ماعندك غيرة ماعندك خوات قديمه هاي الاسطوانه سامعهه هواي وهسه طالع وخلي هاي سرسريه تشبع بيج بلحرام

رهف .ههه وانته حلال عليك يعني لو نازله بيك ايه

شوفي رغم انج عجبتيني وجنت ناوي اعقد عليج يلا لان لو شما جانت عندي علاقات مااتحمل الحرام ولاتخافين هيه شغلة ساعه واطلكج واتنكلعين وينتهي كلشي

رهف.ليش اني اكو غيري هواي ويجوز يتمننك اني ماافيدك اترجاك اعتقني لوجهه الله وخليني اروح بحال سبيلي

اهووووو انتي شلعين الكلب خل اروح احسن

راح للباب بقيت واكفه مكاني والكاع تنهز من جواي شسوي هذا نذل بس على الااقل مااتحمل حرام هوه وصل للباب وباوع عليه كال

هاااا تجين لو لا

رهف.انته صدك راح تعقد عليه

اي بس مؤقت لاتفرحين زيادة

رهف. تمام اني موافقه

جنت ناويه اسايرة بس علمود اطلع من المركز وساعتهه اشرد منه وين يلكاني بعد هوه بتسم واشرلي اجي وراة طلعت واني مدنكه راسي اخخخ يازمن شسوي بيه بعد وصلنه لسيارة مالته اجاه صاحبه مااعرف منو يحجي وياه بطئت مشيتي كلت بس يوصل لسيارة اني اركض هوه وهوه يمشي كال

وروح عمي طلق وحده ماتكلفيني وكومج بلكاع اذا لعبتي بذيلج جري عدل لججج

يمه وكع كلبي هذا شلون عرف شريد اسوي ياربي ويامن ورطتني وي شيطان شنو صعد واشرلي صعدت وراة احس عقلي تبنج لا الجاي يصير غلط والقرءان غلط ليش هيج العالم صارت ذيابه ليش ماكو رحمه لاونخوة عد البشر هسه هوه شاف مني حتى جلب بيه هيج الله لايوفقك يانذل يارب ارحمني برحمتك يارب خلصني منه ياربي لاتخلي ينتهك شرفي الله لايخليك كون ياكلب

خلصتي مسبه عليه بعدج يلا انزلي

رهف.باوعت واكف كدام مكتب مال زواج غمضت عيوني حيييل كتله. انته شتريد مني دخيلك سيدي احنه ناس على كد حالنه عشنه عمرنه بشرف ومامدينه ادينه لااحد اترجاك تعوفني والله امي تموت ماتتحمل والله اني ماافيدك والله

نزلي لجج بلا لغوة زايدة ترى لعبتي نفسي لاتخليني ابطل حتى عقد ماكو واتحملي انتي ذنب مالتج

رهف. لا خلص راح انزل

صيري شاطرة ونزلي يلا

نزلت وياه دخل للمكتب ضاهر يعرفونه فعلا والمصيبه شهود جماعته ويصنفون عادي عدهم ياجلاب

ولك وين لكيتهه هاي شو قطعه سودة

انجب لك راح صير على ذمتي ممنوع تحجي بيهه

ورة ماتطلع من ذمتك عادي هههههههههه

رهف.اباوعله فرك وجهه حيل مثل الي تنرفز ماحجه شي يعني هوه لاشايفني لايعرفني كمل العقد وطلبوا مواقفتي متت كوه طلعت الكلمه مني بس غصبا عليه كمل وطلعنه طريق كله اني شلون جثه الهامده صرت احس حتى عيوني نشفن هيه هاي تاليت تعب هيج تروح لواحد زباله مثل هذا ليش ياربي ليش لو عندي اب اخ اهل بيهم حظ ماجان صار بيه هيج ولاكدر هذا نذل يستغلني هيج بعد تفكير قررت انتحر خلص اني لازم انتحر مستحيل اخلي يطولني لو يموت يارررررب مثل مانجيت يونس من بطن الحوت تخلصني من هذا البلاء نزل عليه اني حتى اسمه ماسمعته زين امير مدري أثير وين صايرة هاي ياللله وكف كدام فندق نزل اضاهر فاتح اقامه هنا لان طلع كبل لاستعلامات ولا شي وساحبني وراة مثل الطلي صعد دخلنه للغرفه دفعني جوة ورجع طلع كعدت ارجف اني شسويت شسويت بروحي عزززة العززاني راح يروح كلشي وشمدريني هوه صدك عقد يجوز ضحك عليه وكلهم جماعته اني ماشايفه واحد مزوج ولااعرف بهاي سوالف
اتمنيت لو ميته ولاهذا أليوم عشت عمري كله اكره جنس ادم عمري ماتواجهت وياهم لامن بعيد ولامن قريب واليوم انحط موقف رجف كلبي من شفته دخل وسد الباب برجله ضلت رجليه ترجف وصورت ماما كدام عيني اوووف ماما وينج تعالي شوفي بنتج شصاير بيهه هذا الضالم راح ينتهك شرفي ويينك بابا تعال انقذ حمامتك راح ينزل راسك بلطين حسيت بي واكف فوك راسي طفرت لزمني من خصري وسحبني عليه هوه طويل وضخم واني ناعمه ضعت بيدة صار يتلمس خصري من فوك العباه متت ياربي كلشي ولاواحد ينتهك شرفي مااعرف منين اجتني القوة دفعته بكل قوتي وصارت عيني على سلاحه على الطبله سحبته وحطيته على رأسي كتله بصوت متقطع من البجي

وروح ابويه اذا قتربت مني اكتل نفسي وابليك

ههههههه ذبي بابا هذا مولعب جهال وتعاي لاسوين روحج شريفه براسي

انته واحد حقير وكلب وحرامات هاي رتب العلى متنك

خررررة لاتاكلين تعاي خلصيني لااجي حظج اطيحه يلااااااااا كتلج تعاااااااااي

والله لو تموت مااجي اذبح نفسي ولااسلمهه لواحد مثلك ياعار انته عار على زلم اصلا ياحسافة الشوارب الحاطهن بوجهك استغليت ضعفي علمود ترضي رغباتك ياحييوان

اني كلت هيج لو هجم عليه مثل الوحش بسحبه وحده صرت بحظنه اخذ المسدس وشمرة على جربايه سحلني من شعري بكل قوته وضربني راشدي دار وجهي بي والله ومستمر بذاك الغلط والفشار

بنننننت الكلب بنت زمال اني عاررر على زلم مو اني والله لاادفنج مكانج اليوم واريد كواد يطلع وراج اله امثل بيج وروح عمي اله اخليج عبرة لمن يعتبر ياساقطه وعلمج الحييوان شلون يصير

سيدي دخليك والله جبت عمري كله محافظه على نفسي دخليك خليني اروح بحال سبيلي وعد ابد متشوف خلقتي بعد

بنت النعاااااال تقشمريني ولججج والعقد العقدنا تردين صيرين مرة براسي ولج لو ادفنج واشمرج لجلاب محد يطلع وراج بنت الكلب

لاتغلطاااااا على بابا حرام عليك رجال ميت بيش طالبه

انجبي لججج تعلميني شحجي مبقى عليه بس انتي يازباله

طفر عليه مثل المخبل سحب النقاب من وجهي لو هوه تكول واحد وركعه راشدي على وجهه ضل صافن وفاتح عيونه على وسعهن خفت منه ومن عصبيته لان تحول وحش من صدك هلمرة

هااااااااااي شششششنو لججججججج انتي شنو مسويه بروحج

تذكرت ششويت بوجهي صبح ابتسمت بكلبي يارب تلعب نفسه ويعوفني لان اني من اباوع على روحي تلعب نفسي دخيلك يارب خلصني

شهل سواد هذا هاي انتي شلون هيج فحم اسود وعيونج ملونه ؟؟

بعد من الله هذا لوني احد كلك ليش انته ابيض هيج

بنننننت القندرررررررة ضحكين عليه تخليني ازوجج وطلعين نعال ماتسوين ياكلبه

لااضحك عليك ولاتضحك عليه طلكني وخل اطلع منا وروح ابويه متشوف خلقتي بعد

ههههههه لايحلوة ماكو طلعه واليوم اخذ لااريدة يعني اخذة مو اني الينضحك عليه فهمتي

متلعب نفسك اني وحده سودة مفحمه شتسوي بيه

هههههههه عاجبني اجرب الكاكاو مو كله زبد ولو طلعين قردة هم اخذ الاريدة اليوم افتهمتي

يبس كلبي يربي اني شورطت روحي هذا ماعنده رحمه ولاعنده تفاهم غبيه ورطت نفسي شلون اخلص من يربي ساعدني ضلييت هيج اردد بهاي الكلمه وهوه يقترب اكثر اني اعرف بس يتقرب مني ينكشف جذبي لان سويت بس وجهي غمضت عيوني وشاهدت على روحي مااحس اله دك تلفونه هوه حجه بسرعه مستعجل حتى ماركزت مااعرف شنو حجه دخل للحمام استغليت الفرصه فتحت الباب وشردت منه طلعت بشارع اركض اريد الخلاص بس ماجنت متوقعه اني فتحت على روحي باب جهنم جنت اركض مثل المخبله وصلت لبيتنه دخلت كبل لحمام غسلت والطم على وجهي متت يربي شلون اخلص منه هذا يارب مثل ماخلصتني منه اليوم هم خلصني منه اندك الباب حيل وكع كلبي هوه اكيد هوه اجاني يربي امي تموت ماتتحمل والله زاد دك على الباب استغربت امي مالهه صوت طلعت اركض مالكيتهه بفراشهه تخبلت ركضت للباب طلعت جيرانه ام ليلي وجهه مايبشر بخير

رهف.خاله دخليج وين امي عدكم

لاوالله يمه موعدنه امج امج وكعت واخذوهه للمستشفى

رهف. لا شبيهه ماما ومنو اخذهه وين اخذوهه

اهلج اجو واخذوهه للمستشفى لل.........

رهف.طبكت الباب وطلعت اركض المرة اجت وياي وهاي جانت اول مرة اطلع بدون نقاب وصلت للمستشفى ادور مثل المخبله سالت انطوني العنوان رحت اركض لكيت الممر متروس زلم ونسوان وجان اشوف هذا الولد جان وي ضابط لايربي اول ماوصلت انفتح الباب طلعت دكتورة كالت

د.منو رهف بيكم امهه تريدهه

ماموجودة

رهف.اني رهف دكتورة دخيلج شبيهه ماما

د.ادخلي بنتي ودعيهه امج ساعاتهه معدوده

رهف.لا لا اااا مستحيل ماما متعوفني

الكل جان يباوعلي بصدمه صافنين عليه بس حتى ماركزت بيهم عفتهم وركضت لماما جانت نايمه وجهه اصفر وتعبانه حيل من شافتني فتحت اديهه ركضت عليهه وحضنتهه واني شهكه اخذت نص حيلي مجلبه بيهه شلون طفل اليرضع ومايريد امه تعوفه

ماما.رهوفه حبيبتي موكتلج ماما مااعوفج اله اسلمج بيد اهلج بنتي سامحيني جانت امنيتي اشوفج عروس واشوفج مرتاحه بيت زوجج وشوف احفادي بس مثل ماابوج نحرم منج اني هم نحرمت من شوفتج ماما رهوفه صيري قويه ولاضعفين ولاتخافين مدامج على حق والله موجود مراح ينساج بنتي

رهف.ماما لا تعوفيني والله اموت وراج ماما مالي غيرج ابوس ايدج لاتعوفيني يارررررب مالي غيرههه لاتاخذهه مني يالله دخييييلك

دخلو الي جانو برة حتى مااعرفهم منو بلظبط

ماما.عمي رهف بنتي امانه بركبتكم بنتي ماتعرف شي بهاي دنيا خلصتهه وحدهه ديرو بالكم عليهه وحطوهه بعيونكم يتيمه ودمعتهه عزيزة لاتخلوهه تنذل وتنضام هاي امانه ربي يحاسبكم عليهه دخيلكم لاتاذوهه وخلو عدنان كدام عينكم هاي الوحيدة ضلت من ريحته

جد.لاتكولين هيج ام رهف هاي بتنه واكيد ماتنظام وجدهه موجود لاتخافين عليهه غمضي عينج وانتي مرتاحه

ماما.رهوفه يمه ترى خالج جذب علينه ومضيع عنوانه على بيت جدج لاياكلج الحقد ياامي ديري بالج على نفسج امانت الله ورسول هاي دخيلكم هاي حمامة عدنان ديرو بالكم عليهه ابوس اديكم

رهف.ماما لاتحجين هيج والله اموت وراج مااتحمل اخسركم ثنينكم انتي جنتي مصبرتني على فراك بابا

حظنتهه وبجيت بحركة كلب مااريدهه تعوفني مااكدر والله بقيت مجلبه لحد ماضغطت على ضهري بقوة وبعدهه رخت همست برجفه مااريد افتح عيونه مااريد اشوفهه عافتني وراحت

ماما اخذيني وياج لاتعوفيني هنا بابا لاتاخذهه مني .

.
.

يتبع❤

ياترى رهف راح تعيش بامان وي هاي العائله خاصه همه عشائر ياترى راح تحصل لامان وياهم لو وي حظرت الضابط الي نهزمت منه

تتوقعون اهل رهف اذا عرفوا بزواجهه راح يحموهه لو ينفذون بيهه حكم العشائر خاصه طريقة زواجهه منه

. يتبع...

البارت الثاني

(الرتبه والحشمه )



رهف .مااكدر اخسركم ثنينكم انتي جنتي مصبرتني على فراك بابا

حظنتهه وبجيت بحركة كلب مااريدهه تعوفني مااكدر والله بقيت مجلبه لحد ماضغطت على ضهري بقوة وبعدهه رخت همست برجفه مااريد افتح عيونه مااريد اشوفهه عافتني وراحت

ماما اخذيني وياج لاتعوفيني هنا بابا لاتاخذهه مني

سحلوني منهه كوة من شفتهم غطوة وجهه تخبلت قفدت ملخت نفسي تملخ محد بيهم كدر يسيطر عليه طلعوهه حطوهه بتابوت واني فقدت اخر ذرت عقل عندي ركضت وراهه لزمني جدو وقيد حركتي وسحبني لسيارة بس ماكدرلي عفتهم وركضت واصرخ

عوفووووووني اررررريد أمييييييييي ولجججج يمممممه لاتعوفيني يمممممه

حطوهه بسيارة بس اريد اوصل يمهه اريد احظنهه بعدني مشبعت منهه والله اخذوهه للبيت كوه ثبتت بسيارة بس اريد اوصل اول ماوكفوه ركضت عليهه خلوهه بنص البيت مال جدوو اوووف كطعت روحي كلههه صرخ يمي الي يبجي على ماما والي يبجي على حالي دنكت حطيت راسي على تابوت وكمت احجي وياهه

ماما ليش عفتوني اني مالي غيركم ليش مااخذتوني وياكم شون أنطاكم كلبكم تعوفوني وحدي بهاي دنيا هيج اني هينه عدكم موتكولون انتي حمامتنه كسرتو جناحتي وذبحتوني من الوريد ليش يممممه اخذوني وياكم فدوة

جد.كومي بويه جزع حرام يلا خل نتوكل امج راحت لدار حقهه وكلي امرج لله تعالو بويه وخروهه

اجن نسوان ثنين جرني ماقاومت بس من شفتهم طلعوهه ركضت وراهم لشارع رغم همه زلم بس ماكدرولي مااعرف شنو سر القوة صارت عندي ركضت وراهم واصرخ والطم بنص شارع مااعرف منو لزمني وقيدني اريد احرك روحي مااكدر وكف كدامي جدو

جد.اذا راح تبقين هيج مااخليج ترحين لدفن مالتهه تنصين صوتج ولفي روحج زين يلا ترحين

رهف. لاااااا خلص خلص بس خلوني اروح وياكم

جنت احجي واشهك هذا لازمني شال العباه حطهه على راسي اجت مريه مااعرف منو لفت حجابي ولبستني عباتي هوه وخر عني حتى ماشفته منو اخذتني لسيارة طول الطريق اني دموعي تجري مامصدكه صار وياي اليوم اني اليوم فعلا تيتمت وصلنه وكملو دفن اني لازماتني ميخلني اتحرك لان اكو زلم هواي اجه جدو وكف كدامي وسحبني من ايدي

جد.تعاي بويه ودعي امج حطيناهه بصف ابوج مثل مارادت صيري قويه بنيتي والله يعينج على مصيبتج

رهف. رحت بكل هدوء عكس نار الي شاعله بصدري تحرك الدنيا هسه بس بعد هذا امر الله ولااعتراض على حكمه دنكت على قبرهه وبسته وبابا همات ضليت كاعدة بنصهم حسيت بضياع وغربه الناس تخاف من المكابر بس اني هنا حسيت بأامان بنصهم اجه جدو كعد كبالي ومد ايده حجه وياي

جد. يلا بويه دنيا غوربت ومايصلح تبقين هنا كومي بويه وياي

رهف. باوعتله واني اشهك من البجي .خلوني هنا اني مالي احد غيرهم خلوني يمهم وين اروح وابوي وامي ثنينهم هنا 😭😭😭😭

جد.لا بويه انتي بنيتنا كومي بويه ماطول جدج بخير لاتحجين هذا الحجي ولاتعذبين اهلج بكبرهم ترى من يشوفوج هيج يتعذبون كومي وياي يلا بعد جدج كومي

رهف. كومني جدو وحطني تحت جناحه واخذني لسيارة ماخلاني اروح وي نسوان اخذني وياه صعد بلورة وحطني بحظنه ويقره قرءان على راسي واني شهكه شكت صدري يربي ليش اني مكتوب عليه اليتم واني صغيرة ضلينه هيج لحد ماوصلنه للبيت من نزلنه انتبهت هذا موبيتنه جان حاطين قطعه بلباب صاح جدو على عمه نوال تاخذني جوة سحبتني ودخلتني لكيت بيبي من شافتني كامت تنعي وتبجي على بابا وعلى حالي ركضت لحظنهه واني حتى صوتي راح من كد البجي كعدت يمهه بزاوية الغرفه واني احس نفسي غريبه اني وين بعد شضامتلي دنيا كل اليجي يسأل عليه بقيت كاعده مكاني تلث ايام الفاتحه اني لاداخله حمام ولاحاطه شي بحلكي رغم شكد يتوسلون بيه واني ابد اريد اموت ورة اهلي مااريد اعيش بيوم ثالث ورة مخلص العشا اجت عمه نوال كالت تعاي جدج يريدج كومتني وياهه حتى راسي مااكدر اشيله اول ماكمت اغمى عليه بعد ماادري بشي.

..............

مرح.السلام عليكم اني مرح بنت محسن الابن الاكبر للعائله احنه عايشين كأي عائله عراقيه ماتخلو حياتنه من المشاكل طبعا لان عائله جبيرة وكلنه ساكنين بيت جدو حتى اخوتي من زوجو مقبل جدو يطلعون البيت العايشين بي كولششش جبير قصر الوحيد من اعمامي جان طالع هوه عمو عدنان لسه اذكر بيوم القتلو شي ماينوصف رعب بحد ذاته البيت صار عبارة عن لطم وصريخ وبيبي تعبت حالتهه كلش على فراكه وزاد طين بله هوه اختفاء زوجته وبنته جانت على اساس تخلص العده يم اهلهه ورة فترة سمعنه زوجت وسافرت هيه ورهف بيومهه جدو وعمامي تخبلو لان زوجت ولان اخذت رهف بدون علمهم ضلوا يدورون عليهه ومالهه أثر ورة فترة جنه كلنه كاعدين ودخل عمر اخويه كال خوال رهف جذبوا علينه امهه مامزوجه همه طارديهن من البيت ورة وفات امهه بيومهه نكلب شلون الوحوش كلهه هايجه ودور ماسوو هيج من درو بيهه زوجت بس هسه يكولون عرضنا ضال بشارع وجدو يدك على راسه يكول شكل لعدنان اكله ماحافظت على الامانه العفتهه عدنه ماخلو مكان مادورو بي

مرت سنين بيبي تعبت تنام وتكعد تندب بأسم عمو حياتنه شبهه رجعت طبيعيه لان ايسنه نلكاهه بعد وبيوم بيبي كعدت من صبح تبجي واحنه كاعدين نتريك سألهه جدو

جد.شبيج ام محسن ليش البجي من صبح

بيبي.حلمت بعدنان يكلي يمه حمامتي ضلت وحدهه ديرو بالكم عليهه 😭😭😭😭

جد.لاحول لالله والله ماخليت واحد ماكلفته يدور عليهه الف حسبه على بالي بليوم وين الكاهه اكيد هسه كبرت وصارت مرة

بيبي .لا اليوم اني كلبي نار عدنان جان ينحب ويبجي عليهه ومرته يمه ويكلي يمه رهف ماكال غير هاي الكلمه

عمه نوال.خاف امهه ماتت وضلت وحدهه البنيه

قتيبه.جدي جدي اني لكيت بيت عمي عدنان لكيت مرته وبته

جد.صدك تحجي وين لكيتهم بويه

قتيبه.جدي هذا خالهه نذل جذب علينه همه صح طارديهه بس كاعده بيت اهل امهه القديم مشتمل زغير

جد.لايجلاب كاعده هنا يمنه ومضيعينهه علينه والله مايخلصون مني اليوم والله بس خل اوصل لحفيدتي

بيبي.يمه قتيبه امهه عدله

قتيبه. والله حجيه يكولون مقعده امهه وهيه قايمه معيشتهم تشتغل وتصرف

جد.تشتغل شني شغلهه

قتيبه دنك راسه ماحجه شي لو جدي تخبل

جد.لاتكولهه بويه طلعت عن طريق ونزلت روسنا مو

قتيبه.جاوب بسرعه .لالالا جدي البنيه محد شايف وجهه تطلع منقبه ولبسهه عريض محد لامحهه اصلا قمة شرف الكل يمدح بيهه وباخلاقهه

جد. حيرتني يبويه احجي

قتيبه.امشي وياي جدي وانته تعرف شلون عايشين والله اتمنيت الكاع تنشك وتبلعني ولاالمكان الكاعدين بي بنص المزبله عايشه حفيدتك

جد.امشي خل اشوفهه مابيه صبر بعد

بيبي.اني اروح وياكم مااصبر لمن تجون

مرح.راحن بيبي وعمه نوال وياهم وعمامي همات كلهم راحو بقينه كاعدين منتظرين شوكت يجون وكل وحده تحلل من يمهه ورة ساعتين تقريبا جان يكولون امهه توفت صدمه جبيرة النه حتى مالحكنه نشوفهه وتوفت جابوهه للبيت واجو الكل مشوق يشوف رهف بس لااسف مابقي منهه بس اسم الوجهه كل دم ومزلغ ودك على روحهه ترفس بلكاع شلون طير المذبوح كوة وخرنهه امي وعمه نوال شالنهه من امهه منظرهه يكسر الكلب بس كله كوم ومن ركضت لشارع وراهم يردون يلزموهه ماكو تركض ورة الجنازة تريد امهه وصرخ الحجاب وكع والعباة اصلا طاحت منهه بلبيت رغم صرختهه والمهه بس ناس ماترحم ركض عليهه اثير ضبطهه بحظنه كوة مسيطر عليهه وهيه ترفس بايدة حجه وياهه جدو هداءت راحت عمه نوال لبستهه خطيه خلصت ايام الفاتحه كلهه هيه كاعده مكانهه ولاتتحرك لااكلت لاشربت تنام وهيه كاعده شكد حاولنه نحجي وياهه وهيه ابد جانت لابسه جبه سودة وحجاب اسود ماادري ليش لبسهه كله اسود طلعت للمطبخ اريد وديت جاي للولد كاعدين برة ورة ماخلص العزا سالني عمر عنهه

عمر.مرح شنو اخبار رهف اكلت لا .

مرح.لاوالله اصلا ماتحركت من مكانهه من اجت من الدفن لسه 😥

أثير.افااا ليش البجي بعد اخوج مروحه تبجي

مرح.اثير مشفت منظرهه يكسر الكلب لاتاكل ولاتشرب بس تبجي حتى من واحد يحجي وياهه ماجاوب والله اذا تبقى هيج تلحك بأهلهه حتى شسمه

أثير.طبيعي هذا شي مرح لاتنسين البنيه صارت يتيمه واحنه مانعرف شنو الضروف العاشت بيهه انتن واجبجن هسه توكفن وياهه وماتخلنهه وحدهه وطلعنه من هاي الازمه الهيه بيهه اجبرنهه تحجي وياجن تاكل ابجن وياهه واسنهه بس مو كل ماتكعدن يمهه تبجن هيج انتن دمرنهه ومع ذلك خلوهه طلع البكلبهه هسه هيه مجروحه وبعدهه جرحه جديد ويرادلهه وكت يلا تتأقلم وانشاء الله تتعود على عيشتنه

مرح.انشاء الله

عمر.مرح ليش ماكملتي حجيج شنو شبيهه

مرح. ماادري بس لاحظت طبعات اصابع على وجهه مال راشدي

عمر.البنيه كطعت روحهه شتحجين انتي زين مبينه ملامح وجهه بعد

مرح.اعرف ومبين بس هذا الاثر واضح لان جاي عكس مبينه مضروبه راشدي وقوي هم بحيث الاصابع مكانهن صاير ازرك

عمر.نعديتي منه بعد اخوج صرتي محققه شني

مرح. لا والله جاي اكلكم صار

اثير.يمعودة هاي منو يكدرلهه تكول لبوة اريد الزمهه ماكو ركعتني بعكس ايدهه بطني خلتني كوه واكف

عمر.احساس الفقدان يوصلك لهاي المرحله مرحلة جنون

سمر.اثير عمر جدو يريدكم يكول خل يجون كلهم لااستقبال يريد يحجي وياكم

مرح.دخلو اخوتي بدون اسأله لان جدو اذا كال اجتماع معناتهه ممنوع واحد يتاخر اول مادخلنه لاكتنه عمه نوال لازمه رهف الي ترجف وممتوازنه بمشيتهه راسا وكعت مغمى عليهه ركضلهه اثير اول واحد شالهه وطلع يركض بيهه لسيارة لان حالتهه مومال نكعد نصحي بيهه اخذوهه وراحو بعد ما البيت نخبص بيهه خبص بقينه منتظريهم بعدين رجعوا ابوي وعمامي كالو صاير عدهه انهيار عصبي الله يساعدهه محد يلومهه بقوا يمهه جدو وعمه نوال واثير ماعافهه ابد والكل مستغرب منه يجي يبدل ويطلع على سريع من دوام للمستشفى والعكس خطيبته تخبلت هو خاطب بت خالتي بس هوه عوينجي حتى من خطب كالهه كدامنه ترى اني افقد كدام الحلوات موضلين يوميه مسويتلي مشكله انتي تعبين واني مااتعب وذيج اصلا مايهمه الموضوع تكول خلي براحته هيه ماديه اصلا وافقت على الخطوبه علمود تحصل منه هدايه

وهاي سوالف بس اثير ماينغلب حتى مارضه يعقد عليهه شكد حاولو وياه ومحد يعرف شنو سر وهسه حط مرت عمي حجه علمود مايعقد الضاهر مامقتنع بيهه كلش اليوم يطلعون رهف من المستشفى صارلهه سبوعين نايمه ماتدري بدنيا شبيهه مابيهه حظرنالهه جربايه بغرفتي وياي اني وياهه وسحر بتي عمي علي بعدين تتعرفون عليهه كملنه ومنتظرين يجون وانشاء الله هلمرة وضعهه احسن .

....................

رهف. كعدت كوة افتح عيوني اباوع غرفه بيضه واضويه فتحت عيوني بثكل شفته كدامي الظابط واكف غمضت عيوني راسا وبقوة ياربي كون يطلع خيال لايالله هذا شلون عرف مكاني رجعت فقدت ورة ويين كعدت باوعت جدو وعمو محسن وبيبي وعمه نوال كاعدين يمي اول ماشفتهم دمعت عيوني ذكرت بابا وماما كامت عيوني توكع بصمت شافتني عمه نوال اجت تركض حظنت وجهي باديهه وتبجي وتبوس براسي

عمه.يمه رهوفه شلونج شون صرتي هسه

رهف.ليش مامتت عمه ليش مالحكت اهلي 😭😭😭

عمه.لاحبيبتي ازعل عليج والله حرام جاي سوينه بروحج انتي هيج جاي تعذبين اهلج المفروض انتي بنيه مؤمنه صايمه مصليه اكعد اقرالهم قرءان اصليهم مو تسوين بروحج هيج هذا اسمه جزع يابنتي وجزع حرام لاتغضبين ربج وضيعين تعب اهلج عليج يروح هجي

رهف.بس عمه اني بعدني بعازتهم والله مشبعت منهم ثنينهم 😭😭😭😭😭😭

عمه.لاحوله الا حقج ماما محد يلومج بس جاي اكلج ابجي وصرخي وطلعي الحسرة نايمه بكلبج بي هم لاتنسين الكتلج علي

د.صحت الحلوة

جد.اي دكتور كعدت ماطمنه عليهه

د. لا تمام انشاء الله وضعهه احسن اليوم

جد.يعني نكدر نطلعهه للبيت لو تحتاج طبيب أختصاص

د.لاماتحتاج انشاء الله بس انتم ديرو بالكم عليهه حاولو لاضغطون عليهه زيادة

عمو محسن.لا انشاء الله نحطهه بعيونه

عمه نوال. كومي حبيبتي خل اساعدج غسلي وبدلي ملابسج حتى نطلع

رهف.بس هزيت رأسي كمت وياهه للحمام لبست من غسلت وجهي حسيت ارتاحيت شويه الحمد الله على كل حال كلام عمه نوال صح اني جاي اعذبهم بقبرهم طلعت لكيتهم منتظرينه جدو فتح اديه واشرلي على حظنه ركضتله احس بي ريحة بابا من احظنه باس راسي وكال

جد.حمدالله على سلامتج يابعد جدج يلا بويه خل نروح للبيت وهناك نكعد ونشبع حجي

بيبي.يمه راية الله بيضه من كعدتي يبيبي

عمو.شلونج هسه بابا انشاء الله احسن

رهف. غصيت من كال بابا ضلت عيوني علي ودموعي تجري هوه باس راسي وطلعنه جدو حاطني جوة ايدة مثل اليريد يحميني من هاي العالم طلعنه للسيارة صار بوجهي هذا الولد صديق ضابط نخرطت من الخوف يربي اني ناسيه هاي المصيبه الحطيت نفسي بيهه بس لايتعرف عليه والمصيبه طلع ابن عمي واسمه عمر صخام بعينج رهف على هاي العمله ضليت مدنكه راسي مااريد اشوفه هذا اكيد يعرفني هسه ومو بعيد يفضحني لو يسلمني لصاحبه ذوله لاذمه ولاضمير وصلنه للبيت الحمد الله ماعرفني اصلا كعدت يم بيبي اجه جدو عرفني على عمامي ولدهم وبناتهم كلهم عزوني كوة اطلع الحجايه بقيت مدنكه وافرك باديه من الخوف استحي ارفع راسي عليهم جابو الاكل صبوا غدى والكل جمع على سفرة وحده اجت مرح كعدت يمي

مرح.رهوفه بروح عمي اكلي شويه لاتوكعين فدوة لعينج

رهف.انتي مرح مو

مرح.اي اني والبقيه بحياتج حبيبتي

رهف.حياتج الباقيه 😥

مرح.كافي رهوفه كافي يعمري الله يصبرج على فراكهه انتي لازم صيرين قويه

رهف.موبيدي والله مااكدر شسوي نار وشابه بصدري

مرح. لاحوله ولا قوة الا بالله العلي العظيم الله يكون بعونج

بيبي.اكلي بيبي ليش ماتحطين لكمه بحلكج انتي هيج جاي تعذبين اهلج من تمرضين روحج

رهف.دنكت مااكدر احجي مشكلتي رغم هذا الحزن كله بس استحي ارفع عيني عليهم كوة اكلت شويه وكمت وي مرح غسلت ورجعت بيت جدي بس احس نفسي غريبه بي رجعت كعدت يم بيبي والبنات مجمعات يمي يحجن وياي واني بغير عالم كامن يحظرن بلعشا واخذني وياهن سحل كالن بس كعدي يمنه ضليت يمهن بس اباوع عليهن مااكدر اشارك بلحجي غصه بلعومي ماتطلع خوف من جاي خوف من المجهول شناوي عليه هذاك نذل النهزمت منه خلصن البنات وكمت نكلت الااكل وياهن اريد احرك نفسي بلكي التهي شويه بتفكير خلص العشا وجمعوا كلهم يم بيبي وجدو حطوني بنصهم بيبي منا وجدو منا جنت مدنكه سمعت صوت سلم هذا سامعته صوت رفعت راسي وانصدمت صدمت عمري هذا ضابط شيسوي هنا وداخل لغرفة بيبي بكل اريحيه عادي عنده اباوع الكل ردو علي سلام عادي كانه واحد من اهل البيت اجه كعد باوع عليه كال

البقيه بحياتج رهف خاتمة الاحزان انشاء الله

بقت عيوني متشخصه علي هذا شنو يصير من بيت جدو بعدين شنو ماعرفني ؟؟؟؟
.
.
يتبع

البارت 3___4
البارت الثالث

(الرتبه والحشمه)



رهف.دنكت مااكدر احجي مشكلتي رغم هذا الحزن كله بس استحي ارفع عيني عليهم كوة اكلت شويه وكمت وي مرح غسلت ورجعت بيت جدي بس احس نفسي غريبه بي رجعت كعدت يم بيبي والبنات مجمعات يمي يحجن وياي واني بغير عالم كامن يحظرن بلعشا واخذني وياهن سحل كالن بس كعدي يمنه ضليت يمهن بس اباوع عليهن مااكدر اشارك بلحجي غصه بلعومي ماتطلع خوف من جاي خوف من المجهول شناوي عليه هذاك نذل النهزمت منه خلصن البنات وكمت نكلت الااكل وياهن اريد احرك نفسي بلكي التهي شويه بتفكير خلص العشا وجمعوا كلهم يم بيبي وجدو حطوني بنصهم بيبي منا وجدو منا جنت مدنكه سمعت صوت سلم هذا سامعته صوت رفعت راسي وانصدمت صدمت عمري هذا ضابط شيسوي هنا وداخل لغرفة بيبي بكل اريحيه عادي عنده اباوع الكل ردو علي سلام عادي كانه واحد من اهل البيت اجه كعد باوع عليه كال

البقيه بحياتج رهف خاتمة الاحزان انشاء الله

بقت عيوني متشخصه علي هذا شنو يصير من بيت جدو بعدين شنو ماعرفني ؟؟؟؟

جد.بويه هذا أثير ابن عمج محسن

رهف.فتحت عيوني على وسعهن من الصدمه لايانذل طلعت عرضك انوب حسيت اختتكت والهوا ضاك عليه حتى مارديت علي دنكت راسا لايربي انوب طلع ابن عمي شسوي شهل ورطه هاي يعني هوه ماعرفني اي اكيد مايعرفني لان سلم عادي واني جنت بيومهه مصخمه وجهي بالاسود تكول صدك مفحمه والنقاب هسه لانقاب ولاصخام اكيد مايعرفني واحد حقير الحمدالله ماخليته يلمسني احسن شي اشوفه اذا يعرفني اكيد راح يطلكني بدون فضايح معقوله يلوف سالفه عليه ويطلعني وحده موزينه اوف يالله انتبهت على صوت بيبي تحجي وياي

بيبي.شبيج يمه الولد يحجي وياج ليش ماجاوبين

أثير . خليهه على راحتهه حجيه مبين بعدهه تعبانه

رهف.اعتذر حياتك الباقيه

أثير.ولايهمج وأي شي تحتاجين اني موجود مايردج اله لسانج

جد.هاااا ولك شعدك اليوم صاير نشمي

أثير.ليش حجي اني مو نشمي صدك عدي سوالف بس ماكو واحد معصوم

جد.بس اريد اعرف شوكت تعقل مو خطبت وراح تزوج يمتى تعقل هاااا

رهف.صدمه لايانذل طلع خاطب الله لايوفقك كون حقييير تافهه

أثير.والله حجي العروس طاكه فيوزاتهه واحتمال اكنسل الخطبه من يمي لان منين مااجيبهه ماتجي عدله

جد.والله هاي حياتك وانته حر بيهه

عمر.من رفضت تعقد جنت حاس بيك ماتريدهه

أثير.ترى بعدني جاي افكر مااخذت قرار محسوم يجوز اكدر اخليهه على نفس طبعي

عمر. لاولك شوون هيج

اثير.اكل تبن زين موهيج قصدي اني

رهف.طلعت روحي منه ماطول هوه كاعد يحجي اني صافنه علي وكلامه بذاك اليوم وغلطه على بابا باابشع اسلوب وضربه الي وفوك هذا كله اخو شاهد على زواجنه شلون اذا حجيت وياه احتمال ينتقم مني لان شردت منه شسوي عفتهم وطلعت للحديقه اختنكت كلش سمعت صوت ونين رحت امشي بتجاهه صوت طلعت مرح خطيه ناطه من البجي ركضت عليهه بخوف

مرح شبيج منو وياج

مرح.رهف انتي شجابج هنااا

رهف.عوفج مني انتي شبيج ليش هيج تبجين

مرح.مابيه شي اني وحده غبيه جنت متأمله بشخص الغلط حبيته وحطيت كل أمالي علي تالي طلعت كلهه اوهام اخترعهه عقلي واني صدكت

رهف.كعدت يمهه ومسحت دموعهه .احجيلي وحده وحده ترى كلشي مافهمت منج هسه

مرح. شحجيلج اكلج اوهام اني اول مامريت بفترة المراهقه تعلقت بوسام ابن عمه نوال بس كابرت على نفسي كلت فترة مراهقه وتروح لحال سبيلهه بس صرت كل مااكبر يكبر وياي لحد ماصرت احبه لحد جنون وهو هم احسه يحبني والله من نظرات عيونه بس ابد مايحجي وياي حرف واحد حتى سلام مايسلم عليه

رهف.وشلون عرفتي بي يحبج اذا محاجي وياج ابد

مرح. من نضرات عيونه جانت تخترقني من امر من يمه من فوك لجوة ومن يجينه والله جنت اشوف بعيونه كلام بس اني فهمته كله شوك وغزل

رهف.زين شنو شفتي وتخبلتي على الولد هسه

مرح. طلعت صدفه وسمعته يخابر بوحده ويكلهه مشتاقلج حبي ماتحملت وكفت كدامه وكتله

انته ويامن تحجي هاا

وسام.وانتي شكو شعليج بيه بعدين منو سمحلج توكفين بوجهي هيج وتحجين وياي بهاي طريقه

مرح.انته شنو ماعندك احساس ماتحس بيه ابد ليش ضحكت عليه وهمتني بأشياء انته موكدهه

وسام.اني ولج اني شوكت حاجي وياج اصلا شبيج مرح مصخنه شنو فوتي جوة بابا لاتبردين احسلج

مرح.تستهزاء بيه مو بسيطه ياوسام اني صوجي انطيتك مجال زيادة عن لزم

ودرت وجهي اريد اروح سحبني من ايدي حيل ورجعني كدامه وحجه بنبرة حيل كرهتهه

وسام.اياج تعلين صوتج عليه مرة ثانيه اذا أهلج ماعلموج تربيه شلون صير اني اربيج على ايدي لاوالخلقج اذا مانعدلتي شوفين مني شي مايعجبج جري عدل وياي احسلج وهااا ترى جنت احجي وي وسن أختي انتبهي مرة ثانيه كبل لاتسرعين ياابت خالي

مرح.وعافني ومشه دخل جوه حطك من القهر ليش هيج حظي اني

رهف. هههه ياثوله هذا يحبج مثل ماتحبينه لاصيرين غبيه

مرح.شلون اكلج ميطيقني

رهف.والله على كلامج هذا هوه يريدج تتغيرين وصيرين على مزاجه يعني عنده نيه يرتبط بيح

مرح. رجع الامل بكلبي مرة ثانيه طفرت على رهف واني مامصدكه .انتي شتحجين رهف معقوله

رهف. ههههههه وليش مومعقوله بس انتي بعد لاتعيري اي اهتمام ولاكانو موجود اجاهلي خلي هوه يركض وراج موالعكس

مرح. واذا سويت هيج وفهمهه غلط عباله مااريدة ويروح يخطب ويزوج

رهف.لا شوفي اذا مااجه وستفسر منج ليش متغيرة عليه يعني هوه من البدايه مامهتم اصلا بس اذا صدك يحبج راح يجي وراح يبين علي انزعاجه لان متجاهلته

مرح.ماادري خايفه تدرين هوه بلحالتين اني راح اخسر على الاقل ماأخسر كرامتي كدامه ولاكدام نفسي

رهف.عاد يستاهل هوه هاي العيون الحلوة ذبلانه من وراة

مرح. ههههههه اي والله يستاهل انتي مشفتي شنو

رهف.لاوالله ماركزت زين اني بطبعي مااحب اختلط وي شباب لذلك مجنبتهم

مرح. هاااا بس تدرين فوفه والله فرحت من كعدتي تحجين وياي مبين راح استفاد منج هواي

رهف.لايغرج إذا اكو وحده بدنيا حظهه اسود فهيه اني

مرح. لاتكولين هيج بعد ازعل عليج والله انشاء الله يتعدل حظج وتضحك دنيا بوجهج من جديد

رهف.الله كريم

مرح. تعاي ندخل جوة يم جدو

رهف.يلا كومي العاشقه الولهانه هههههه

مرح. اسكتي يمعودة لاواحد يسمعج حتى يصير كتلي عمل شعبي وعلى ايد عمر واثير ذوله ثنين ماعدهم تفاهم ابد

رهف.انخطف لوني من جابت طاريه حقراء مسوين نفسهم اهل شرف وهمه اسقط خلق الله اول ماوصلنه للباب جنت مدنكه اكو حديده بلكاع عثرة بيهه اجيت اوكع على وجهي حسيت بأدين طوقت خصري انتفضت برعب باوعت عليه خزرته خزرة هوه ضل مستغرب وصافن بوجهي حقير ماكو مكان يلزمني منه اله من خصري واحد نذل عفته ودخلت ركض لجوة هوه من دخلنه اني ومرح جان طالع من عثرت لزمني على اطيح على وجهي واحد نذذذل يربي راح اتخبل اكو واحد مايعرف زوجته هذا شبي شنو فلم هندي والله هذا شي خارج حدود العقل

مرح.شبيج ولج تبنجتي شنو

رهف. لامبيه شي ليش شبيج

مرح. احجي وياج ولاجاوبين عززة بس لا انعجبتي بسيادةالرائد انصحج خيه خاطب لاتحطين عينج عليه

رهف. ضحكت بكلبي امده حظي احط عيني علي شسوي بي بس خل يفك مني لارايدته ولارايده شوفته اصلا

مرح . وين وصلتي

رهف.اني نعست خل انام عفيه

مرح. يلا تعاي شوفي غرفتج الجديده

رهف.رحت وي مرح جامو خالين بيهه جربايه وكنتور جدد على جهه بس اليه ومناك مرح وسحر الي نايمه على تلفون ابد ماشارك بلحجي ابد مرة سبوع الوضع نفس شي جنت اغلب وقتي وي مرح او بيبي الايام تمشي ببسرعه اثير اصلا مااشوفه تكول مرح يدخل معصب ويطلع معصب محد يعرف شبي صارت الاربعينيه مال ماما وجدو سوالهه عشا ورحنه ثاني يوم لنجف انعاد عليه اول يوم من توفت بجيت وصرخت ملخت روحي تملخ كوة سحبوني لسيارة وكلهه تحجي عليه حقهم محد حاس بنار البيه رجعت للبيت واعتكفت يومين اني كاعده بلغرفه فلاونزه قويه صارت عندي بليل اخذني عمو علي وعمه نوال للمضمد ضربت ابرة ورجعت طريق كوله نايمه اول ماوصلنه راسا رجعت للغرفه ونمت ثاني يوم كعدت احسن احس نفسي زينه كمت سبحت ولبست تراك اسود عمه جابتلي ملابس باوعت على وجهي زين رايحه الاثار منه تنهدت بوجع لبست حجابي وطلعت قررت استسلم لاامر الواقع بعد شبيدي اسوي يعني طلعت لكيتهم بلمطبخ

صباح الخير

جد.صباح النور هلا بويه شلونج اليوم

رهف.الحمدالله جدو احسن

جد.الحمدالله تعاي كعدي يمي وتريكي يلا بويه شدي حليج اريدج صيرين قويه موهيج ضعيفه

رهف.انشاء الله جدو

بيبي. حتى وجهج اليوم احسن منور صلوات

عمه نوال . اسويلج ريوك ماما

رهف.لاعمه اني اسوي ابقوا انتو كاعدين

كمت سويتلهم ريوك نزلو عمامي كلهم همه ونسوانهم وكعدو يتريكون نكسر ضهري هاي عود بس ريوك بس هواي مشاء الله اخر شي سويت لفة جبن وبيدي كلاص جاي اريد اتريك الكفن من ايدي ثنينهن باوعتله يضحك

أثير.لاصيرين نفسيه جوعان ومستعجل على دوام سوي غيرهن ههههههه لااغص بيهن هسه هههههه

رهف.ههههه لاالف عافيه

أثير.مشكورة خيتي

رهف.اخذهن وطلع خيتي والله انته فلم استغفر الله رحت سويت غيرهن وكعدت تريكت كعدن البنات والي فهمته اليوم عازمين بيت اخت أم قتيبه ومرح مكتأبه اول ماسمعت الخبر

شبيج كالبه خلقتج شكو

مرح.اليوم راح تجي خالتي يمنه

رهف.وليش ضايجه المفروض تفرحين يعني

مرح. وعليمن افرح لان تريد تخطبني لاابنهه امدة حظي

رهف.معقوله واهلج شنو موافقين يعني

مرح.لا هيه لحد لان ماحجت بشكل رسمي بس تبسمر بلحجي وخايفه من جيتهم اليوم تفتح الموضوع وي اهلي

رهف.اي عادي ارفضي وشنو يعني قابل غصب هيه اذا متردي

مرح. اي حقج مو ماتعرفين جدي ماعنده البنيه تنطي رأيهه بزواج هوه الوحيد الي اله حق يوافق او يرفض العريس

رهف.بلعت ريك بخوف ياترى شيسون بيه اذا عرفوا

مرح. يلا بلكت شوفج وتنعجب بيج وتخطبج لاابنهه صراحه هوه حلو وشخصيه وموضف بس بعد الكلب ومايريد وانتي كلبج خالي يعني يستقر بسرعه بي