اخذ كلينس الاكل وخلاه على الميز وسفط التمرات بالسره عليه وضل يدحكلهن
واحنه ندحكلو .. وهو شويه ويكلبهن على جهه ثانيه وانتظرهن نشفن يلا رتبهن بالماعون واخذو ضل يدحكلو ويبتسم
وراح لغرفتو وسد الباب ..

ضليت بخوف على ابوي وضعو مو طبيعي ولا يطمن ..
طار النوم من عيني وهين اتصلت غاليه
وحكيتلها على حال ابوي اليوم وهي ساكته تسمعني بالاخر قلتلي بكرا احدر ادحكو واتطمن عليه بنفسي وهم اضل احضر لاربعين امي ما ضل عليها الا اربع ايام

وكت سديت الخط منها اتصلو عليه رجال
الي وياهم سابق اتفاق على وجبه سلاح وعتاد ولزوم نتفاهم بالتفاصيل وجه لوجه
وطلعت لبيتي غيرت لبسي ومشيت للديوان انتظرهم ..

وصلو ومابين الضيافه والحكي ضاعت العصريه ولزوم اضل هين حدرهم على العشه وخلفت بكلمتي ويه ابوي .. عاد اتصلت على حسين وقلتلو يحكي لابوي بالليل بس يمشون الرجال اخذو نزور عمتي ..

وحضر كبل العشه كم رجل من صحباني
وهم ضلو تعشينه كلنه ومشو رجال السلاح وضلو صحباني هين مامشو للساعه ١١
من اول ما طلعت من الديوان رحت لابوي
وسألت امي عليه حكتلي نايم بغرفتو ..

دخلت عليه ودحكتو نايم على جنبو اليمين
وبالوسط مخلي ماعون التمر ومكان عمتي فارغ ... انكسر كلبي عليه .. عجل العشك هالشكل تاليه ! ابوي الي كان ماتنكسر شوكتو اليوم مكابل التمرات وينتظر اطياف حرمتو!

كعدتو وقلتلو ..
- يابه نمشي ناخذ هالتمرات لعمتي ونزورها هالليله ؟
- هاا نروح ؟
- كيفك يابه بيك حيل !
- لاا لا ماروح خليني هين انتظرها
ان ما زرتها الليله وكاد هي تزورني وتسأل عن غيابي واكدر اضيفها
- يابه
استغفر الله ماعرف شتالي هالحال
متاكد يابه ما نمشي نزورها !
- اييه اييه مانزورها روح يابه ارتاح روح
انا اكمل نومي
- اذا غيرت رايك كعدني انا هين نايم بره
- لا ماغير رأيي اضل انتظرها
- زين يابه زين نام
وها تذكرت بكرا غاليه من الصبح هي هين
مشتاكه الك وتريد تسولف وياك وتطمن عليك
- حياها الله عجل اول ما تصل خليها تحدر هين
- ان شاء الله يلا يابه نومك هني اترخص انا

طلعت وخليتو بوحدتو ينتظر ويتأمل
بالحرام كلبي على ابوي يتكطع
لو كان مراهق ماسوه هالسوايه
الله اعلم بكبر اثر عمتي عليه حتى فقد موازين عقلو بعدها ..

تطمنت على حسين وطلبت منه يرجع يتصل بحرمتو ويسأل على حالها مايجوز يصد عنها هالكثر هي ماذنبت بشي بس هو مايرضى وقافل عقلو مايريد يتواصل ويه اي احد
وحكالي لخاطر ابوي انا هين كاعد بينكم
لو ما هو انا اترك البيت وامشي

تلاغينا وهو زعل وصعد لغرفتو وضليت انا هين محتار بينهم .. شلون تاليها !

دحكت امي هين كاعده وحدهه ورافعه ايدها تدعي وجدتي تحوم .. قلتلهن ...
- ول يابه خيركم ما تفهمونا جدتي شسالفتك تحرمين هين على ابوي ماتنامين مو صار نص الليل
- يول عيني ماتغمض والبال مشدوه على هالرجال
- يابه اذكرو الله شسالفتكم لا تخبلوني
- كلبي لاعب يابني مامرتاح
- اذكري الله جده اذكري الله كافي هالخوف ماله لزوم وانتي يمه ماناويه تنامين ! ماخلصتي دعاء !
- يول هاذي تاخذو بس نغفل عنو تاخذو
دخيلك يارب لا تخليها تزورو ولا يعتب طيفها احلامو دخيل اسمك ياجبار ياالله
- يمه وحدي الله وحدي الله
امشي نامي يلا يمه

اخذتها للبيت ورجعت نمت هين وجدتي ماكدرت تنام منجضعه بس عينها على باب غرفه ابوي ...

كدرت اغفى لان يومي طويل ومتعب
كعدت على حس جدتي حدري دحكتها
تقرا قران والفجر بين ..

كمت غسلت وصليت حدرها وقريت سوره فاطر صرت حافظها على الغيب وكل ايه منها احسها تذكير الي اخاف بيوم تغرني الدنيا ..

رحت لغرفه ابوي دحكتو نايم كعدتو وقلتلو
- يابه صلاه الفجر فاتتك
ماتكعد تصليها

فتح عينو ودحكلي ورجع دحك للتمر وكام من فراشو متعصب وطلع يغسل ..
وكفت حدرو وقلتلو..
- خيرك يابه ليش متضايك
- ول يابه انتظرتها الليل بطولو وما زارتني
تعبت لايمتى انا انتظرها لايمتتتى
- يابه نروح نزورها احنه احسن ماتتعب بانتظارها
- مااروحلها انتظرها توفي بوعدها

مشى ابوي وطلع بره وانا استغفر ربي
وادعي يبرد كلبو ..
طلعت لبيتي ولبست واخذت السياره وطلعت من البيت بعدني باول الشارع واتصلت غاليه
- صباح الخير خيي حبيبي
- ياهلا بام الخير هلا باخيتي
- يابعد عمري شنو طلعت للدوام
-اييه الحين طلعت من البيت
-عجل انا بالطريق مالحك ادحكك
- هااا ماشاء الله بالعجل راح توصلون
-والله ياخيي ماكدرت اصبر من ساعه خمسه وانا كاعده ومتحضره انتظر عمي
تالي خطيه هو دحكني كاعده بالعجل لبس واخذني
- هههه يلا زين سويتي حتى تكعدين ويه ابوي تطيبين خاطرو شويه
- بعدو ينتظرها
- اييه كعد عصبي ومقهور لان مازارتو بالمنام
غلوي ابوي مابعقلو شي غيرها انا استحي اتدخل بامرو هذا بس انتي تكدرين
ياريت تفهميه انها ماترجع بعد ولزوم يتقبل هالشي ويعيش
- احاول ياخيي احاول
- يلا سلمي على العم وتوصلون بالسلامه

سديت الخط وكملت طريقي ...
عرفت غاليه وصلت من بعد ساعه على طلعتي ..

طلبت ان نتغدا سوه ولبيتها
ترخصت وطلعت للبيت دخلتلهم اول ماحطو السفره ...

حضنتها لبنيتي وحضنت بنيتها وادحكها شلون كبرانه وحليانه كل مادحك مزنه
اتذكر طفولتنه وابتسم على هالذكرى

دحكت ابوي كاعد هين وحدرو حسين
واثنينهم عابسين الوجه ..
خليت مزنه بحضن ابوي وبوست راسو
ورحت اغسل ..
وكفت غاليه حدري وتشاورني ..
- خيي ابوي ماخلاني ادخل لغرفه امي
ومقفلها تعرف ليش ؟
- لا بالله ماعرف
- عجل من يعرف ليش ؟؟ ردت ادخل اخذ كم غرض امي كبل ماتموت وصتني اخذهم الي
- ميخالف اصبري مايطيرن الغراض
طاوعي ابوي وامشي على مرامه
هين مانتعبو بالجدل على افعالو
- تركتو انا ماجادلت بس ضلت بالي اعرف سببها
- بعدين خيتي بعدين

كعدنا على سفره وحده التمينه من جديد وهالمره بدون عمتي كعد مكانها حسين حدر ابوي على يسارو وانا حدر جدتي على اليمين
وحدري غاليه وبنتها وامي مقابيلي
رماح وهدى ماحضرو هين
واخوتي التوم اربعتهم صافنين على الاكل
واحنه ندحك لابوي الي هو بس كاضب كلاص المي وصافن ..

تالي جدتي سمت باسم الله وبدينا ناكل وابوي بس يحرك بالتمن مااكل شي قلتلو ..
- يابه ما تاكل هذا من طبخ غاليه ماتضوك اكل بنيتنا
- يسلم ايدها مرتب طبخها بس انا مالي نفس الزاد
- على الواهس يابه لكمتين على واهسنا
- اييه ايييه
حسين يابه صبلي كلاص لبن

صار ابوي يشرب اللبن وياكل شويه خبزه
وجدتي تحث بينا نكمل اكلنا ...
كملنه الاكل وكعدنا نشرب جاي وابوي ماشرب الجاي لان شرب لبن
ضل بس صافن على التلفزيون وبعدين قال..
- يولو بيوم الاربعين وزعو لبن عمتكم تحب اللبن هذا و ويه الذبايح وصو الطباخ يسوي تبسي ويكثر بي بيتنجان وحامض
وانته ياجراح خلي اخيتك تزور امها
بعد ماتخف الناس تاخذها براحتها تكعد حدرها
- ابشر يابه ابشر
- ايييه اييه

كعدت غاليه حدري وسألت ابوي..
- يابه بالله عليك احكيلي عن امي شلون ماتت
كل ماريد اسألك اتردد بس ضلت بنفسي اعرف اخر ساعات امي شلون كانت

تأففت وخزرتها قلتلها..
-يولي احنه نطيب لو نفتح جروح
- ياخيي جرح امي مايطيب لا بكلب ابوي ولا كلوبنا خليني اعرف

استغفرت ربي ودحكت لابوي منزل عينو ويدحك لاصابعو وبعدين قال ..
- كانت تعبانه ماتكدر توكف على حيلها
وتعذرت مني لانها صارت ماترحب بيه مثل عادتها كل يوم
قلتلها يكفيني ادحك عينك تنتظرني
ورحت اخذتلها ثوب ابيض منقش باخضر راهي على جسمها وهي تحبو
لبستها وتشكرتني وضلت تعدل بشعرها
وانا طفيت الضوا ونمت حدرها واخذت راسها خليتو هين على ايدي هين هين خليتو هين ونفسها بركبتي اتحسسو متطمن كنت
بهذا النفس ومالك الدنيا بين جنبي
واتلمس شعرها البارد بهالاصابع كان يتغلغل بينهن وهي قلتلي ..
صار كم يوم متذكره حمزه
قلتلها شجابو هالنذل على بالك
قلتلي ذكرتو بعد وكنت افكر لو ما عشت بحديثه و وكفت حدرك بهاليوم كان منو ساعدك ونبهك عليه
قلتلها رحمه من الله اجيتيني كل عمري تعدل على عتبت رجلك لحديثه
ضحكت وسألتني انته مسامحه على السواه ؟
قلتلها لا مااسامحه بيوم لانه خسيس وطعن ظهري مرتين وباثنينهن اذاكي وخلاني مااثق بصاحب بعدو وحرك بداخلي احلى ذكريات
من الشباب
قلتلي بس انا مسامحته واريدك تسامحو
قلتلها ماكدر اسامحه هذا اريدلو حساب وموقف امام ربنا بذاك اليوم اريد افهم انا بشنو كصرت حتى استاهل هالغدر
قلتلي لا سامحه وخلي وكفتك بهذاك اليوم سريعه وخفيفه وهو هم اكتفى من عذاب هالذنب صار سنين على موته بي
انته هسه مرتاح وممحتاج لهالسماح بس هو تلكاه يجوز يتمناه كل لحظه حتى يتخفف عن حمله باخرتو
قلتلي هو محتاجك وانته غني عنه سامحه لخاطري ماريد احد يتعذب بسببي
قلتلها هو يتعذب لانه غدر بصاحب عمرو خان الامانه مو بس على جرحك
قلتلي ميخالف سامحو على كلهن وخلينه نوكف خفيفين كدام ربنا
وقلتلي لاتنسى لو ما حمزه كان لا حبينا ولا تزوجنا
ضحكت هين من كل كلبي ضحكت وقلتلها
اييه بالله صحاني على نفسي ولخاطرك انا مسامحو وربي يغفر ذنبو وذنبنا ويجعل هالليله خفيفه عليه
عاد بوستني هين بكتفي وقلتلي
هسه ارتاح كلبي واطمنت عليك
قلتلها اليوم حضرت فلوس العمليه وحولتهن ورق وضلن بالدشداشه نسيت اضمهن
قلتلي جسمي تعبان ماظن يتحمل عمليه مابيه حيلها
قلتلها لاا بعون الله تكدرين عليها انتي قويه وصبرك طويل اريدك تصبريلها وتعيني نفسك لا تكسرين ظهري بتعبك هذا
عاد قلتلي تعبانه كلش بس فرحانه واريدك هم تفرح
قلتلها شنو المفرحك
قلتلي فرحانه صارت عافيتي بيك
واخر شي حكتلي بهالجمله ..
قلتلي .. خالد ياروحي لا تلوم نفسك بيوم على هذا مرضي تره هالمرض انا احسبو شرف الي و انته انطيتني بدل الكلى حياه بعمري ماتخيلت اعيشها
قلتلها لو اشيلك على راسي عمرين هم مااكفي حكك

هين هي اخذت ايدي بوستها وطلبت اخلي وجهي كريب على وجهه وانا كنت نعسان غفيت بالعجل على انفاسها وتالي حسيت عليها تكح وانا بعده النوم بعيني بس طبطبت على ظهرها ورجعت غفيت شويه وكعدت وانا كلبي متسارعه دكتو واشم ريحه طيبه
هين ريحه من كثر طيبها صرت اتلفت واشم بيها وصرت اسمع تينتي تشهك وتكح فتحت هالضوا الصغير وادحكها تبكي قلتلها
يولو ليش البكي وهي تمسكت بايدي وتدحكلي وتشهك وتفتح حلكها ماتكدر تنطق شي وانا حضنتها ضميتها هين بين ضلوعي
هين كان راسها بنص صدري هين ولافها بايدي واسمي عليها وهي شهكتين وبعدها نحل جسمها بين ايدي
بس درت وجهها ودحكتها مغمضه العين وهاديه حضنتها اكثر وقلتلها مايصيرلك شي انتي هين بامان ماياخذك مني شي
بس هي ماردت ولا تحركت وضليت اضرب بوجهها واصيحلها يولي تينه يولي دحكيلي
خليت وجهها بنص وجهي واريد اشم نفسها مالكيتلها نفس وتلمست كلبها ومالكيتلها نبض
خليت راسي هين على نحرها كنت هين اتحسسو لنبضها وكت اشمها ومالكيت غير بارد جسمها
خذوها مني يا يابه بغمضه عين جروها من بين ضلوعي
كنت مخليها هين بنص صدري هين مادري شلون وصلولها وخذوها مادري ليش ماستخطوني بخوفي عليها
تعبوها يا يابه تعبوها بموتتها تعبوها

ابوي صار يمسح عيونو وحسين طلع
غاليه خلت مزنه بحضني وراحت كعدت حدر ابوي وبوستو قلتلو..
- يابه امي ماتت مرتاحه بين ايدك خلصت من مرضها وتعبها ترحملها يابه وارحم نفسك
- يولي مفارك الخل لخليله غربه بوسط الروح غربه يا يابه غربه
لاتلوموني بتعبي بفاركها هاذي رفيكه دربي
هاذي كنت يوم افكدلي صاحب هي تعوض عنه تعب سنيني الخمسين كله كاانت تشيله عني بكلمتين وتخلي التعب والقهر يتحول مي بارد على صدري ينزل
يول هاذي محبوبتي يولو ماتفهمون شلونها محبوبتي ! كانت تدور رحمه الله هين وتالي هي صارتلي رحمه
يولو افهمو عيشه المر عيشتي بدونها مالي غيرها انيس ولا خليل

ابوي يبكي بذكرها وغاليه مغطيه وجهها وتبكي .. انا ادري اخيتي تتكوى بالغصب
على فراك امها وهاذي صارتلها فرصه تطلع الي مكتوم بصدرها ..

كمت وجريت ايدها واخذتها تغسل واهدي بيها وابوي دخل غرفتو ورجع قفل بابها
وغاليه اخذت بنتها وصعدت لغرفتها وانا اخذت اخوتي وطلعنه .. زين ان امي مو هين
وماسمعت هالكلام من ابوي كان ضلت نار بكلبها ...

نمتلي ساعه وكعدت على صوت تلفون ضيوف بالدرب جايين ولزوم اطلع اتلكاهم
سبحت وتكشخت وطلعتلهم وضليت مشغول بهالناس لنص الليل رجعت للبيت ودحكت ابوي كاعد بالحديقه وحدرو مزنه
اخذتهه لحضني بوستهه ودنكت بوست راس ابوي وقلتلو..
- گواك الله يابه
- هلا يابه هلا الله يگوي حيلك
- تمشي نزور عمتي
- لا
- يابه ماترجع بعد هي مطلبها كان تزورها هناك على كبرها تلكاها تنتظرك كل ليله
- وانا انتظرها هين وكاد هي ترجع تعاتبني واكدر اهدي النفس ساعه ماادحكها
-يابه واذا ضل هالحال شلون ؟
- تزورني انا متاكد تزورني
- زين يوم الاربعين تروح ويانه للمكبره مو يابه
-ايييه اروح اروح ول يابه لاتخلي يصير تكصير بشي اكرمو الناس وزيدو بالضيافه
- ابشر يابه ابشر ماتلكى الا الي يسر خاطرك

ضل ابوي يدحك للسمه وانا ادحكلو
ابوي على وجهه كسره الخاطر وكلشي بيه ذبلان .. تمنيت اكدر انسيه عمتي وارجعه لحيله واخليه يرجع بين رجالنه يوكف بهيبه

يومين كضن بنفس هالحال وانا وحسين نتكاون على سالفه خطيبتو مايرضى لليوم
يرد عليها واهلها يسألون عن السبب وهي متصله بغاليه وقلتلها راح تحضر بيوم الاربعين وتريد تفتهم من حسين شنو مصيرهم وهو من سمع هالكلام طلع من البيت وضل بيت صاحبو بعيد عن شارعنا

حكيتلو بالهدا والاعصاب والاصول ومافاد
هو مايريد يدحك احد هذا كل الي يردلي بي

يوم الاربعين .. خوالهم حضرو هين وعماتنه
وعيال غاليه وكثير من معارفنا وعمامنا
واحنه محضرين من كبل يوم كل ضيافتهم
ونفذت الي طلبو ابوي وماكصرنا بشي
كفينا الغدا وحسين ما وصل هين
انا بين هوسه الناس وبين حسين وعناده
ابو البنيه يسألني عنه واحكيلو تعبانه نفسيته
وصار فتره طالع من البيت هو بس يرتاح ويتقبل موت امه يزوركم وتتفاهمون ..

الي ضل للعشه والي راح واحنه على وكفه الوحده من الصبح ماكعدنا ..
هم كفينا العشه والجايات وشويه خفت الناس
ضل بس الخوال هين واسامه ينتظر ابوه يرجع حتى ياخذ الاهل ويرجعون وابوه لليل يلا رجع سلم وبالعجل اخذ اهلو وطلعو
وخلو غاليه هين على راحتها ترجع

رحت لابوي ساعه عشره بالليل وقلتلو ..
- يابه الحين نكدر نمشي نزور عمتي والخوال هين ينتظرون نطلع لو نأجلها للصبح
- خلي نطلع وغاليه هم خلها تمشي ويانه
-يابه دنيا ليل مادخل اخيتي اخاف عليها بالنهار اخذها
- ما يصحلك مجال والبنت بكلبها حسره على زياره امها امشي يابه خليها تتحضر يلا

رحت اريد احكيلها لو تنتظرني للصبح اخذ اجازه واتفرغلها بس لكيتها تلبس عباتها
ماردت اكسر خاطرها واخذتها ويانه

اتصلت بحسين وحكالي زرتها قبلكم
وعرفتو طالع من بيت صاحبو وكاعد وحده على حجلان ..

قرينالها الفاتحه وجدتي ضلت حدر غاليه تهدي بيها وابوي كان واكف مقابيل الكبر ويدحكلو واخوتي والخوال على يمين كبرها يقرون القران الها .. وتالي مشى الكل وضل بس ابوي على وكفتو كضبت ايده وهو دحكلي ومشى بكل هدوء ..
رحنه ورجعنه وهو ما نطق بشي ..

ثاني يوم من الصبح ودعت خوالهم وطلعت لدوامي ومن رجعت وتغديت اتصل عليه رقم غريب جاوبتو وطلع واحد من اهل خوال ابوي وعاتبني ليش مانطيناهم خبر بهالمصاب
وهو كان بالدرب راح يوصل حديثه عاد لبست وطلعت اخذت ابوي وكعدنا بالديوان ننتظره ..

وصل وتلكيناه بالهلا والمرحبا وخلينه ذبيحتو
وكعد يعاتبنا و باركلي بالمشيخه وضل يسولف احوال عربهم لابوي وابوي بس يهز راسو ويدحكلو ..
تالي بعد ماتغدا الرجل ابوي وصاني اخليه ينام يرتاح وطلع ..
الرجل بعد ماطلع ابوي قال ..
- ماظنيت الي ربينه على ايده يجرى عليه بيوم كل هالاسى
الظاهر فقيدكم كان عزيز
- اييه بالله عزيز كل اهلنه و دافن بالكلب جمره
- الله يصبركم على مافقدتم

مالحك الرجل ينام ويرتاح لان دخلو علينه ضيوف ومن سالفه لسالفه صار الغروب
و بعد الصلاه تعشى وطلع ويه اخوتي وولد عمي يتعللون وانا ضليت بين ناسي ماكدر هالوكت اطلع واخليهم ..

لاخر الليل وكت مارجعت للبيت ودخلت اسأل عن ابوي غاليه حكتلي انه مريض
راجعه حرارته مرتفعه ويرجف ونايم بفراشو
دخلت عليه ودحكتو مغطي حتى راسو
جريت الغطى عنه وتلمست وجهو حار
قلتلو ..
- يابه خلي اخذك للمستشفى ينزلون حرارتك
يلا عاوني يابه

دار ظهرو ورجع تلفلف بالغطى وغاليه قلتلي ..
- خيي خليه هين شيفيدو المستشفى احنه عدنا كل الادويه وانا ضاله حدرو اغسلو وتنزل حرارتو ان شاء الله
- يولي ابوي كان كاعد حدري زين شصار بالعجل تمرض
- مادري ياخيي هو رجع هين يترنح وعاونتو كان جسمو حار وضل على هالحال
-استغفر الله

ذبيت العكال والعباه وكفيت رداني واخذتو للحمام غسلت جسمو وهو يرجف ورجعتو للفراش وكعدت غاليه تخلي الكمادات وانا اقرا بالادويه وانطيه يشرب وضلينه سهرانين حدرو كل الليل ...
بين كل هذا كان ماعون التمر حاضر هين على حطتو .. من ادحكو ينغمش كلبي
اكره ادحك ابوي يتعلق باشياء صغار مالها معنى مثل هاذي وهو شيخ قومه ..

ثاني يوم ماكدرت اطلع للدوام وبالي عليه
والرجل حدر سلم عليه وودعه وطلع لاهله
وضل ابوي على هالحال ٣ ايام ..
اخذتلو الدكتور للبيت وحطلو المغذي ونزل حرارتو بس ضل ابوي ما يكدر يوكف على حيله وبس نايم ويطلب حسين يضل حدرو
ان طلع حسين دقايق يسأل عليه و انا خليتو يضل حدرو بغرفتو كاعد مايتحرك

وعبرت ٣ ايام ثانيه ونفس الحال .. جدتي وامي ساكنات هالبيت ولا خلن نذر ولا دعاء
لسلامتو ..
ويوم السابع العصر زارنا اربع رجال من خوال ابوي .. رادو يدحكون ابوي ويسلمون عليه قلتلهم مريض ونايم بس همه مارضو قالو كبير عربهم دازهم عليه يوصلوله سلام
ورحت للبيت دخلت دحكت غاليه وجدتي هين كاعدات يلبسن مزنه ..
قلتلها..
-غلوي ابوي ما كعد
- لا نايم

فتحت الباب وشغلت الضوا ومادحكت حسين صحت وقلتلها..
-عجل حسين وين يولي
- بالحمام يسبح

مشيت لابوي ودحكتو مبتسم قلتلو ..
-يابه خوالك هين وبيدهم مرسال الك

كضبت كتفو وحركتو وهو ماصحى بس وجهو بعده مبتسم حتى اطراف اسنانه مبينه
رجف كلبي هين وايدي رجفت بس ردت اكطع شكوكي وكربتها لخشمه ماتحسست نفسه ..
وتلمست ركبته مابيها نبض ..
ضليت ادحك لوجهه واتلمس اصابعه
وجهه مبين عليه معاني الفرح والراحه
ابوي هين يلا ضحك ..

ضليت ساكت ماعرف اصدك الحال او اكذبو اودع ابوي او احاول اصحيه !؟
دخلت غاليه وشايله بنتها وقلتلي ..
- ها خيي مااكعد ابوي شعندك انته مكعدو الحين ؟

مارديت عليها ضليت ادحكلها وايدي بايد ابوي وهي صافنه بوجهي .. بالعجل خلت بنتها بالكاع وركضت على ابوي تلمست وجهه وقلتلو..
- ها يابه فرحان عجل ما ترد على جراح طالبك يابه حدر متعنيلك

كنت مثلها انتظر رد من ابوي وطال السكوت بينا وما حصلنه منه رد بس ابتسامه وايد بارده هذا الي ردلي بيه ابوي ..

جريتها منه وسحبت الغطى خليته على راسه وهي صارت تصرخ وعلى صراخها دخلت جدتي وركضت تصيح يمه ياخالد
خليتهن حدرو وطلعت دحكت حسين واكف حدر الدرج وصافن .. مشيت خطوتين وصاحلي ..
- جراح
مات !

انداريت عليه وقلتلو وانا اشر على غرفه ابوي ..
- زارتو امك ومات مرتاح

طلعت وانا احس بكل خطوه امشيها عظم بيه يتكسر .. حابس حراره الدمع بعيني وطلعت دكيت الباب على بيت عمي ابو حسن
وطلعلي حسن قلتلو ..
- ياابن عمي ابونا ودعنا اليوم صيح لابوك خلي يحضر ونحضر لجنازته

تركته فاك عينه ومشيت وانا اتصل برماح وقلتلو ..
- وين ماكنت ارجع للبيت بالعجل
- خير ان شاء الله
- ارجع ودع ابوك وعين امك واتصل باقي اخوتك خلي يحضرون الحين ورانه جنازه

سديت الخط وماسمعت رده .. ومشت للديوان وكفت وادحك للضيوف قلتلهم..
- يابه جيتكم متأخره و سلامكم وصل
ابوي انطاكم عمره

وكفو وواحد يدحك بوجه الثاني وانا اتصلت
باقي عمامي وقلتلهم يحضرون الحين الليله جنازه ابوي تطلع ...

ضليت واكف باب البيت واسمع اصوات اخوتي جوه كلها تصيح يابه وانا ادحك ببرود للرجال الي متجمعه حدر الباب ..

دحكت صارت ساعه سته دخلت عليهم
ومشيت لغرفه ابوي جريت رماح وحسين من ايدهم وقلتلهم ..
- امشو اغسلو وجوهكم وتعاونو على شيله الشيخ ورانه جنازه وراح تظلم يلا بالعجل امشو

راحو ودنكت انا غطيت وجهو وغاليه تجر بايدي دفعتها بقوه وكضبها عباس وطلعها بره
جدتي جرت ايد ابوي بوستها وسحبت منه الخاتم وخلته باصبعي وقلتلي ..
- بيك روح ابوك و وصاياه لا تنكسر ياجراح
حمل هاليتامى بركبتك

دنكت حضنت راسها وبوستها قلتلها..
- الكسر بالكلب ياجده الظهر يضل مشدود
- مااوصيك باابوك ادفنوه بالهدا وحدر الي تمناهه
- تآمرين .. بالك على غاليه وصيها لا يطلعلها صوت

وخرت منها ورحت على امي الي كانت ناثره الشعر ومدميه الوجه حضنتها وقلتلها..
-يمه راحلك رجل وخلالك بداله سبعه
ماتضلين وحيده
ودعيه لان احنه ماشين يلا

كامت وكفت حدر راسو بوستو وجدتي قلتلي
- هالثوب الي لابسو ابوك يرجعلنه ياجراح
- تآمرين

صحت الولد وخليتهم يتعاونو على شيله ابوي وطلعناه من البيت وبعدني ما ساد الباب ودحكت غاليه طلعت تبكي وتصيح هين بالطرمه .. سديت الباب ودخلت الها كضبتها من زندها وقلتلها ..
- لو اسمعلك صوت بعد اكسرلك فكك ادخلي بالبيييت نوحي وابكي هييين صوتك مايطلع

خليتها وطلعت ... دحكت اخوتي كلهم صعدو بالسيارات يلا انا صعدت حدر عمي ابو حسن
وطلعنه للمستشفى ...

مشيت انا كدامهم بكل شي .. كانو حتى عمامي مشدوهين البال واخوتي يادوب يدحكون دربهم من دموعهم ..

ما حكيت كلام ويه اي احد بنفسي انا اعرف الي لازم اسويه وامشيلو ومخليهم واكفين
كملت كل شي واخذناه غسلناه وكفناه وكنت انا واكف حدرو ادحك لجسم ابوي و اركز على وجهو الي لحد هالساعه هو مبتسم
والمغيسل يقلي ..
ابوك مبشر بالجنه مبين من ملامحو
بس انا اعرف بدايه هالجنه الي تبشرها منين اصلها ..
اعرف ان ضيافه هالتمرات هي كانت ختام عمر ابوي بهالضحكه ...

بعد ماكمل طلعت وصحت لاخوتي يحدرون يشيلون الشيخ بهالاسم انا كنت انطق لوداعو
ومشيت كدامهم ..
رتبتهم للصلاه وضليت امشي كدامهم لحد ما وصلنه المكبره

اول واحد تقدم يحفر الكبر هو حسين ومارضى احد يحفر قبلو بايدو هو فتح حفره الكبر وسواها ملازكه لكبر امو
وتناوبو بعده اخوتي كملو الحفر وانا واكف ادحكلهم وادير عيني شويه عنهم وادحك جيش الرجال الي حدري حاضرين الدفنه

اخر واحد هو حسن كمل الحفر وطلع
وكفت حدرو ونزعت اليشمغ والعكال والعباه خليتهم بايده ونزلت للكبر سميت باسم الله
و قلت ..
' لمن الملك اليوم * لله الواحد القهار '

هاذي الايه الي من سوره فاطر الي زرعها بالي ابوي اليوم كان لازم تنقرا ..

رفعت ايدي وقلتلهم ينطوني بايدي انزلو هين
وتعاونو عليه اخوتي وخلوه بايدي ونزلتو على هالتراب رددت باذنه الشهاده وقلتلو ..
' مودع بالله يا يابه احفظك دام انا عايش اخلد ذكرك الطيب '

عاونوني اخوتي وطلعت ...
وضلينه ندحكو لاخر مره وبعدها قرينا الفاتحه وصيت عمامي ياخذون هالرجال ويرجعون وانا ضليت حدر اخوتي
ادحكلهم منهم الي يضم دمعو ومنهم الي مايكدر عليه ..

دحكت حواليه ماضل احد هين بس احنه
حتى حسن مشى وخلانه براحتنه ..
وكفت بينهم وقلتلهم ...
- يااخوتي احنه ولد منو ؟
جاوبوني سمعوني صوتكم ولد منو احنه !!

كلهم ردو ..
- ولد الشيخ خالد
- والشيخ ولدو صغار لو رجال !

ردو بصوت واحد ..
- رجاال
- عجل اسمعوني يابه .. رجال الشيخ ما تنحي ظهورهم والاب الي فقدناه حاضر بكلوبنا وعقولنا وتركنا كلنه شيوخ وعلينه الاعتماد .. تركنا اباء لحريمنا ورجال حكايه ظهر واملاك
الي مايكدر يشد ظهرو ويمشي الحين براس مرفوع لا يرجع للبيت ولا يحضر العزا
خليه هين يدفن نفسو حدر ابوه وينام بحضنو عسى الله يحن عليه ويكعد يمسحلو دمعتو
والي يوحد الله ويتصبر ويعرف حك اهلو عليه وحك ابووه الي تركو بركبتو خليه يلحكني للبيت ويوكف حدري نحضر لعزا ابوووونا الشييييخ خالد الي لزوووم عزاه يصيت مثل صيتو بمحياه

مشيت للسياره وكعدت بالصدر وانتظرهم
ودحكت اول من مشى هو حسين وبعده صكر ورماح كان حاضن حر واسر وعباس اخر واحد صعد بالسياره الثانيه ورجعنه للبيت

ضليت هالليله بالديوان وعمامي هين كلهم
واخوتي ينصبون الجادر بره ويحضرون
هالمره بدون مااوصيهم على شي ..

هالليله ما نام احد منا ضلينه للصبح كاعدين بس محد دخل البيت كلهم كاعدين بالحديقه
ويدحكولي وانا اتمشى واوحد الله وتالي قلتلهم ..
- امشونا نصلي صلاه الوحشه بالديوان
يلا توضو والحكوني ..

مشيت قبلهم وانا كنت سابح ومتوضي بالعجل فرشت سجادتي وفرشتلهم وراي وانتظرتهم
وكفو كلهم وبديت اصلي باخوتي صلاه الوحشه واجبرتهم يضلون كاعدين يقرون دعاء الجوشن وخليت هالليله تمشي عليهم

حدري بس بذكر الله وتوحيده ...

طلع هالفجر ودحكتو اظلم مثل ماكان ابوي يوصفو بفراك عمتي اول ايام ..
حسيت بالغربه الي كان يمشي ويصيح بيها
و فهمت ليش كان يدحك صغار الامور من طاريها راحه وحيل ..

طلعت من الديوان وخليت اخوتي الي ماصارلهم نص ساعه من غمضت عينهم
رحت لبيتنا ودحكت جدتي بالباب كاعده وتمسح بدموعها ..

بوست راسها وحطيت بحضنها علاكه بيها ثياب ابوي الي كان لابسها وهي حضنتني
وقلتلي ..
- ياريحه وليدي ياريحه وحيدي
- جده ابوي وصاني عليكي من زمان
وقلي لا تخلون عدها الا الفرح عاونيني على هالوصيه
- ان شاء الله يابني ان شاء الله ينطيني ربك الحيل والصبر والفرح يزورني بفرحكم
- كلها شده ايام وتكضي
شلون حال امي وغاليه ؟
- امك حالها حال وغاليه حبست نفسها بغرفه امها وماطلعت بعد وبنتها ضلت هين بايد هدى تبكي الليل كلو
- گوي حيلهن جده انتي الضليتي هين عليكي السند والعون
- الله يعيني واعينهم ان شاء الله
- ان شاء الله انا راح اطلع ادحك غاليه وارجعها الكم هين

بوست ايد جدتي وطلعت اتمشى وبروحي تضرب بروده هالجو الكئيب ...
دخلت البيت وكان فارغ مابيه احد بس غاليه
دكيت باب الغرفه وصرت اصيحلها وتالي يلا فتحت ..
اخذتها للمغسله غسلت وجهها بايدي ولميت شعرها وطلعتهه للهوا بره كعدنه ..
قلتلي ..
- خيي بيتنا فرغ من اهلو
امي وابوي راحو وخلوني يتيمه
- امر الله هذا والواجب علينه الرضا بأمرو
- راضيه بأمر الله بس شلون اعيش بدون اهلي اثنينهم ياجراح اثنينهم فقدتهم كان ابوي مصبرني على فراك امي من اسمع صوتو وادحكو هين كأني ادحك امي واتصبر
دايماً اقول هذا ابوي هين يعوضني على فراك امي وتالي ابوي راح وانا بعدو جرحي من فراكها ماطاب
- غلوي تذكرين يوم الي توفت امك قلتلك
امك ارتاحت من مرضها الي تعبها والحين ابونا هم ارتاح بهالموت مادحكتيه شلون عاش هالايام متلوع ومتمرمر الحال
ساعه الي مات يلا ضحك وتبشر وجهه
راح مرتاح الكلب والبال وامك كانت هم تنتظرو يزورها وقلتلو انا اضيفك مو تذكرين هالشي
- ايييه اذكرو اذكرو
- اييه هو راح لحبيبتو مايكدر بدونها ماكنتي تسمعيه ليل نهار ينوح عليها ومكابل التمرات وكاعد ينتظرها هاي راحتو حدرها وراحلها
متهني ومبتسم ومتبشر حدرها مكانو
- خيي اعرف كلشي والله اعرفو بس خصه بكلبي ضاله عليهم
- يجيها يوم وتزول صبر يااخيتي صبر ينراد على المصاب بس الصبر
- الله كريم
- اريد تحضريلي الريوك من ايدك الطيبه
- هاا والله يعني الك نفس تاكل !
- يولي
-خيي ما تفهمني بغير قصد بس مادري شلون عندك كل هالبرود بهاليوم
- انتو على هالكتاف متوزعين وحاملكم وامشي لزوم يضل هالراس مرفوع والظهر مشدود وهاذي قوه مو برود يولو
واذا على الاكل فانا لزوم اكل لان يومي طويل والكلمه الي انطقها عليها حساب وكتاب لزوم حالي مترتب وماتاثر لا بجوع ولا مشاعر
- انا اعرفك ياخيي گوي حال وكلب بس ماكنت اظن وفاه ابونا ماتهزك وخفت عليك
- هزتني وفاه ابوي بس الهم يصير على الحي اكثر من الميت وانتو امانه ابوي بركبتي
لو ردت اترحملو بيوم لزوم اكون مكفي حك الامانه وحكها بدا من ساعه ماغمضت عينو
عن هالدنيا صار حك الامانه يتسجل علي
لهالسبب انا خليت الحزن مدفون حتى اعيشكم وارجعلكم راحه الكلب
- يابعد عمري ياخيي الله لا يحرمنا منك
الحين اسويلك احسن ريوك بس ضل هين انتظرني
- تعجلي يلا

راحت وانا ضليت ادحك للبيت واتذكر ايام ماكان هالبيت ماتفاركو الضحكه ايام ماكنت اذا اريد ارتاح وارفه احدر هين اكعد حدر عمتي واتحلى من ايدها وادحكها بعد دقايق من كعدتي تحدر وبيدها شي ذاكرتني بي وكت مااشترت لحسين ودايماً يطلع مناسبني
وايام ماكانت غاليه هين تكعد تدلع حدري وتعارك بحسين وتغيضو وضحكه ابوي وكت يدخل ويدحكنه ملتمين هين ويمشي بالهداوه يدخل غرفتو ويصيح عمتي وان كعد عينو عليها او كلامو وياها .. كان هالبيت عايش وكت ماعمتي كانت عايشه
كلشي من بعدها ذبل هين حتى الوان هالبيت احسها طافيه .. راحو وضل البيت شاهد على ذكراهم ..

خلتلي الاكل غاليه واكلت وشربت الجاي وهي لبست وتحضرت اخذتها وصلتهه لبيتنا وطلعت للديوان دحكت اخوتي كاعدين ويغسلون صبحت عليهم ووجهت كل واحد لشغلو ..

اول وثاني يوم الفاتحه محد دخل هذاك البيت وعفناه مقفل حتى حسين ضل حدرنا ما وصلو .. واحنه اخر الليل ننام بالديوان
يوم الثالث العصر كاعد انا باول الجادر
وادحك حسن يصيح لحسين ويأشرلو على بيتهم وحسين راح يركض صحت على حسن
وسألتو وحكالي اخيتكم هين ورادت واحد منكم يفتحلها الباب ...

مشيت وانا مفور اعصاب ودخلت لبيتهم
واسمعها تصرخ وتبكي .. دخلت للغرفه
ودحكتها مفرعه وشاكه وسط ثوبها وحسين يغطيها بحجابها قلتلها ..
- يوووولي شطلعك بين الرجااااال يوووولي شطلعك شجابك هييييين شلون تمشين بدونااا
دحكييييلي وكفي صريخ صوووتك واصل للشارع والرجال برررره لا تهجمين بيتي اسكتي عاد

ضلت تصرخ وتحكيلي ..

- عزااا اهلي هذااا ماعليك مني اصرخ لو اموت روحي ماعليييك
- يولي صوووتك صوووتك فضحتينا شطلعك انتتتتي شطلعك

ماترد علي وضلت تصرخ وتريد امها وتضرب بنفسها وانا عاد جريت الحجاب خليتو على راسها وجريت ايدها وكفتها
وقلتلها ..
- انااا وصيتك وحلفتلك ماتضلي هيييين لو هذا خبالك ماتضلين هين وتورين علينه العالم بالشارع رجال والي بينهم حساب وانتي تفضحيني بصوتك هذا كدامهم امشي لبيتك هناك على فراشك ابكي ونوحي امشي يلاااااا امشي

دخل اسامه وجرها من ايدي وانا قلتلو ..
- تاخذها لبغداد هسه وخليها هناك تعلي صوتها بيتك انا ماعندي حريم يطلع صوتهم هين

طلعت و وصيت حسين ياخذ سياره اسامه حدر الباب و وصيت رماح يروح ياخذ مزنه من البيت وضليت كاعد بالجادر واتهدا بس راسي جمر وانا برجعتي اسمع الولد بينهم يقولون الله يصبرهم فقدو ابوهم وامهم

كله من صوتها انا دفنه ابوي مافقدتني اعصابي مثل ماسمعت صوتها من بره
ودحكتها مشت من حدرهم ..

اتصلت على اسامه وتأكدت انهم طلعو
والعم ابو سالم حدر يحكيلي ..
- يابه البنيه متستاهل تطردها بعزا ابوها اتفهمها هاي يتيمه وكلبها مكسور
- عمي تفهمتها وطيبت خاطرها وماردت منها غير صوتها مايطلع وادحكها هين طالعه وحدها وصوتها هرج المنطقه شتريدني اسوي
- مو بوعيها يابه البنيه محروك كلبها مو بوعيها
- لااا بوعيها ولا حتى بخبالها تعرف هالشي محرم عليها تسوي
هين طلعت مشت من حدرهم وكلهم عرفو هاذي اخيتنااااا عمي عرفوها هي الي على صوتهااا هين وماتت امها
بالله لو ما الناس هين ولزوم ارجع حدرهم لاكضي بيها التوووبه هالعمر كله ماطلعت الباب بدون شوري شلون تطلع اليوم وبنص هالرجاااال

استغفر ربه وراح وضليت انا لليل احس مخنوك من سوايتها .. وكفينا العزا اليوم
وخليت اخوتي يكملون تنظيف الشارع
ورحت لبيتنا وكفت بالباب وصحت على جدتي ..
اول مافتحتلي الباب ودحكتها قلتلها ..
- جده غاليه شطلعها من هيييين فهميني ليش ماصحتي عليها ماوصيتك اناااا ماقلتلك عينك على غاليه شلون تخليها تطلع ويدحكوها هالقووووم الي هييين

- يايمه سمي بالرحمن تهدا

- لا اله الا الله جده بروح ابوي فهميني شطلعها

- امك طردتها ولامتها ولامت امها على موتته ابوك

- اااامي !!!! ليش ؟ غاليه شدخلها !

- ياابني تعرف امك بلوعه كلبها بعدها وترملت وهين على صوت النعي وكثر المناحه والبكي فقدت بعد وكضبت غاليه تلوم بيها وبامها وتحكيلها كله من امك اخذت رجلي بحياتها وموتها حارمتني منه
هي تمسكنت باسمك من زمان وخلتك بركبتنا وحببته بيها منك واخذتنه وراح وانتي مرتاحه على موتته راح لامك ارتاحي لراحه امك
وطردتها من بيتها قلتلها ابكي بيت امك لاتضلين مكابلتني
والبنيه من حركه كلبها طلعت لافاد وياهه كلام عماتها ولا انا توسلت بيها تضل ومارضت لبست عباتها وطلعت حتى بنتها ماخذتها
هذا الصار والجرى يااشيخ جراح

- استغفر الله استغفر الله استغفرررر الله

طلعت وانا اتصل بغاليه وماترد واتصلت باسامه جاوبني وسألتو عنها حكالي نايمه
ضليت هالليله مخنوك النفس واخوتي يلوموني ليش طردتها بهاليوم وانا ضال ساكت وامرد بروحي عليها ..

طلع الصبح وانا مانمت انتظرت الصلاه وبعدها اتصلت عليها هم ماردت وضليت ارسللها واعتذر على الصار وهي ادحكهن وماترد ...

انتظرت بيتنا يفرغ من الحريم للظهر ودخلت
على امي عاتبتها على السوته بغاليه وانتبهت معلي صوتي عليها ماكدرت اكمل كلام بعد عفتها وطلعت ..

اريدلي شي يطفي هالاعصاب انا مو هالشكل ويه اهلي ماريد اضل اصرخ بوجه كل واحد

وضليت اردد الاستغفار واطلب الصبر من ربي وبكل هذا وانا اتصل باخيتي وماردت ولا مره ورحت اتصلت من تلفون حسين هم ماردت ولا على كل اخوتي ترد
للمغرب اتصل اسامه وحكالي انها ماتريد احد منكم لاتتعبون نفسكم بالاتصال هي شامره تلفونها وضاله بفراشها حتى انا ما تردلي
ولا ادحكلي ...

قررت بس يطلع الصبح اروحلها للبيت واطيب خاطرها .. والصبح صليت وتحضرت اريد اطلع واتصلو عليه من الدوام
لازم اداوم اليوم ورحت وقلت الظهر اطلع عليها و هم انشغلت بالديوان وثاني يوم نفس الشي ماكدر اغيب عن البيت ولا ساعه
كلشي بركبتي واخوتي بس ادير وجهي عنهم
يضعفون وانا مااريد احد يقول عن ولد الشيخ مكسورين بغيابه اريد يضلون مرفوعين الراس والكل تقول والنعم هذوله همه الرجال
كلوبهم حديد ..

صار يوم السابع واتصلت باسامه طلع مسافر
اتصلت بوالده وهو تعذر مايكدر يعوف غاليه تعبانه هين والبيت مابيه محرم ..

هاليوم صدك انا كنت مكسور وادري ابوي ماراضي على الصار .. قمنا بواجب هاليوم
ورجع كلمن لفراشه بس انا اتمشى بهالليل واطلب العون من ربي على هالحمل بعد اليوم

ثاني يوم رحت زرت ابوي الصبح وتعذرت منه ومن عمتي على الصار لبنتهم و وصيت يبنون كبورهم بنفس الحد خلال هاليومين
ورجعت للبيت لاكاني عباس وحكالي..

- ياخوي ادور عليك هذا حسين من الليل يلوب من بطنه وللصبح بعد ماتحمل ضل يصرخ منها واخذه رماح وحسن للمستشفى

اتصلت بالعجل برماح وحكالي عنده
مصران اعور وراح ياخذوه للعمليه
بالعجل طلعت للمستشفى ولحكت عليه قبل مايدخلوه دحكتو مصفر الوجه ..
گويت حالو ودعيت ربي يحفظو وضليت انتظره باب العمليات ..

وادعي ربي يحفظه ومايخليني ادحكه باذى
وطلعوه الحمدلله بسلامه .. ولليل اخذناه للبيت والصبح ذبحت لسلامته و وزعناه للبيوت ..
جدتي تكفلت اداريه رغم تعبها وكبرها بس ما رادت يحس بفكد امه بهاليوم .. اتصلت بغاليه وهم ماردت وانا كل يوم الوم بروحي على بعد اخيتي بهالوكت الي لزوم كلنا متكاتفين

ثاني يوم رجعت من الدوام ودحكت سياره
العم ابو سالم هين .. دخلت لبيتنا وادحك بالوجوه ادورها ومالكيتها هين ..
سلمت على العم ابو سالم وهو شاورني وحكالي ان غاليه بيت اهلها مارضت تدخل هين ...

ترخصت منهم ورحتلها ...
دخلت هالبيت وبكلبي اردد سلام على اهل هالدار الحزينه ...

دحكتها وهي تاخذ غراض من غرفه امها
قلتلها ..
- غلوي شلونك يابه

دحكتلي وردت ..
-الحمدلله شلونك ياا خيي
- معدوم حالي بزعلك يااخيتي ليش تصدين عني
- ما صديت
-لاا صديتي صار كم يوم وانا اتصل ليش تتجاهليني

ما ردت واخذت غراضها طلعتهم بره الغرفه وقفلت بابها ومدتلي المفتاح .. وقلتلي ..
- هذا وصله لحسين وقلو امي هين مخليه فلوس بكنتورها ضامتهن اله وهذا الظرف بي فلوس ابوي الي صرفهن لعمليه امي وماتهنو بيها اخذهن الك

اخذت المفتاح منها ورجعت فتحت الباب وقلتلها ..
- وين امك تضم فلوسها
- بالخانه الوسط
- اخذي هالظرف وخليه ويه فلوس حسين
هو اذا يعتاز ياخذ منهم بدون ماينحرج
- بس هالفلوس هين هواي
-ادري اعرفهن يطلعن باالاربعين مليون وانا اريدهن يصيرن نصيب حسين خليهن اله وراه زواج يفيدوه

دخلت وخلتهن ويه باقي الفلوس ورجعت قفلت الباب ومدتلي المفتاح اخذته وهي نزلت النقاب على وجهها وشالت غراضها ورادت تطلع قلتلها..
-وين رايحه يولو خلي نتفاهم
- ماعدنا شي نتفاهم بي خيي انتهينا كانو اهلي جامعينا واهلي ماتو وبين مكاني وين
- يولو لا تحكمين عليه بالباطل
اخيك انا والي بينا عشره وخوه مو بس لخاطر اهلك انتي بنيتي مثل مابنيتهم
- مبين والله كثر صدكك مبين
من بعد تراب ابوي وامي مانشف وطردتني من بيت اهلي وعزا ابوي
- غاليه انتي تعرفين ذبحي اهون علي من موقفك هذاك يولي ساعه ماسمعت انتي هين وحدك طالعه وماره من بين هالرجال وصوتك هرج الدنيا ماضل عندي فكر
-بس انا ماطلعت الا من حركه كلبي ماادحك انا هالرجال الي انته ادحكهم وماهمني بشر
وماطلعت الا بعباه ونقاب مو مفرعه بنصهم
وصوتي من ضيمي انا اصيح من ضيمي
ماتكدر تسكتني والنار تاكل بروحي
خيي عذرك اقبح من فعلك خليني امشي لبيتي وخلي الي بالكلب مدفون
- وين ماشيه يولي هذا بيتك
- ماعندي شي هين انا اهلي راحو وبيتي وعايلتي هناك بعد ماافضحك بين رجالك بحزني ولا انته التدحكني ولا رجالك
من رخصتك

طلعت وانا لحكتها قلتلها ..
- ماتضلين هين يولي اخيك مريض
- اخيي رايحه اسلم عليه واخذو وياي لبيتي
ماريد ينطرد مثل مانطردت
- هذا بيتكم غاليه لاتعاندين هذا بيتك والله وانا اتعذر على ذاك الكلام يولي ماكصدت اهانتك
ولا اكطع الخوه الي بينه لحد يوم الدين تضلين اخيتي وبنيتي
- على راسي خوتنا وتضلون اخوتي والكم معزتكم بس هالمكان مو مكاني ومحد يتقبلني هين بعد وانا ماخذه اخوي الي من امي وابوي وماشيه ومااخلي عليه منيه احد ولاتتعب نفسك بالكلام وياي انا مااضل هين لو تملكني هالبيوت اثنينهن مااعتبهن بعد

طلعت وانا مشيت حدرها وصلتها للسياره
وصعدت قلتلها ..
- حكك من كلام امي حكك تنقهرين وتشيلين بكلبك علينا بس يااخيتي انا فعلي على غيرتي عليكي وانتي تفهمين شلونها غيره اخيك جراح وانا ادري لو ماكلام امي كان عذرتيني عليها بس وحك تراب ابونا اناا ماافرط بخوتك وانتي عزيزه كلبي بنيتي واخيتي الوحيده لا امي ولا كل اهلي يفركوني عنك
- معذور خيي انسى الصار بس خلي حسين يرجع وياي
- انا ادري مو من كلبك هالكلام بس اعديه لان مو حلوه وكفتنا بالشارع هالشكل
والحين ادزلك عمك وحسين

دارت وجهها عني وانا رحت للبيت طلبت من اخوتي ياخذون حسين للسياره وكلهم عارضو بس انا قلتلهم اخيتو تريده حدرها لا تلوعون كلبها عليه ..

واخذوه واتصلت بيها قلتلها ..
-اخذتي غراضه لو ارسل يلموهن
- اخذتهن بس علاجو ضل عدكم
- زين يولو ضلي جاوبي على اتصالي لا اطنشيني
-ان شاء الله

سديت الخط وطلعت ودعتهم وراحو ..
اعز اثنين من اعز اثنين هم راحو وتركو بيتنا فارغ منهم ...

.
.
يتبع

باجر بعد ختامية لهلقصة🙃💜

#ملوكه

فدوةة لكلبج🥺💞 عمري
ولتفتيح الجسم بالتقشير وبالليمون كلش زين وي الاستمرار يفتحه..واهم شي بعد ماتكملين ترطبين الجسم بلوشن حته يضل ناعم وميجف لان كثرة جفاف همين يسبب اسمرار

والعناية بالرجلين بالاول كون زين تغسلي بالمحجارة.
وحتلو لو تخلين زيوت..يعني تسوين طشت من الماي..وضيفله بيه اي زيت عندج..زيت زيتون..او زيت اللوز او زيت جوز الهند.. الخ

فد نص ساعه..وغسلي وهالنوب ورة ماكملتي ونشفتي..خلي فازلين ولبسي جواريب...ونامي

اذا يوميه تستمرين عل هالروتين تشوفين فرق😍✨

#ملوكه

عيوني انتي اهواي منزلة ماسكات للشعر سويهن واكيد رح تشوفين نتيجة🙃✨

#ملوكه

قبل كم يوم وجهتهن منا وليجوة👆🏻☺️

قرب العيد❤️😻طبعا لازم تهتمون سواء كان بشعر او جسم او بشرة كل هاذا لازم تهتمين فيهم ❤️

💞1.اول ما تبدين بشعر سوي ماسك للشعر اي ماسك تردي بس كون بي زيوت طبيعية ك زيت الزيتون و جوز الهند وغيرة وغيرة الي يريحج😻وبعدها تحممي وسوي ضفيرة
****
💞2.البشرة .البشرة اهم شي اول شي اذا كان عندج رؤؤس سوداء ف زيليهم بماسك بياض البيض
****
💞3.زيلي شعر وجهج حتى من تحطين ميك اب او مكياج يطلع حلو تردين زيلينة ب شمع او خيط الي يريحج.
****
💞4.بعدها سوي ماسكات لبشرتج هواي ناشرة ماسكات فوك وبعده رطبي بشرتج
****
💞5.سوي ماسك للشفايف اولا تقشير قشري بزيت زيتون و سكر و عصرة ليمون وحطيهم ع شفايفج الحلوين ولمن تحسين شفتج تشربت كل الفوائد غسلي بحركات دائرية وبعدها حطي مرطب بلا لون افضل.
****
💞6.رموشج.لازم تعتنين فيهم حطي فازلين بس ع رموشج لتقربيهم ع عيونج الحلوات ونامي وشوفي شلون يطولن عن تجربة.
****
💞7.حواجبج لازم تسويهم حلوين او تاخذين بس شعر زائد مو الى تحفيهم ترا اذا عدلتيهن يطلع منضر وجه حلو ..
****
💞8.استخدمي غسول قبل متنامين اي غسول يناسبج وينضف بشرتج الحلوة.
****
💞9.الجسم حبيبي لازم تعتنين بجسمج مو الى يشوفونج الناس لا هي نضافة الج حتى ترتاحين زيلي شعر جسمج وخاصة منطقة الابط ومنطقة الحساسة
****
💞10.قشري جسمج ب اي مقشر مثل ليمون وملح وبعد ماخلصتي تقشير بعدها ازالة الشعر خلوها بالكم حبايب.
****
💞11.غسلي جسمج فد غسول بي ريحة طيبة مثل غارنية.كارنية.او لوكس ..الخ
****
💞12.بعدها رطبي جسمج ب اي مرطب ورطبي ترا تطلعين خنفشارية🙈


#اعـاده_توجيـــہ_لتنسون
#ملوكه
@stylegrils

روتين العنايه بالبشره بمكونات طبيعيه🧖🏻‍♀️🔥

بس شغلة تونر اللي ضافت خل التفاح ومرطب زبدة الشيا..هذيني اثنينهن ❌لاتستعملو عل الوجه لان ثكيل وممكن تتحسس البشرة



#اعـاده_توجيـــہ_لتنسون
#ملوكه
@stylegrils

يسعد اوقاتكم بكل الخير
#الابراج_اليومية الاربعاء 12 أيار (مايو) 2021

#الحمل
مهنياً: يوم واعد على الصعيد المهني، وبانتظارك تغييرات جذرية وترتيب بعض الأمور ووضع حد نهائي لها.
عاطفياً: قد تهتم بشأن ما يزعج الشريك وتشتري له بعض الهدايا في محاولة منك للتخفيف عنه وجعله يشعر باهتمامك الدائم به.
صحياً: تابع جيداً البرامج المهتمة بالشأن الصحي وحاول تنفيذ ما تعرضه من حلول للتخلص من بعض المشاكل الصحية.
#الثور
مهنياً: أجواء مناسبة لمعالجة القضايا، تحصل على دعم وتأييد وترتفع المعنويات وتتقدم بنجاح محققاً إنجازات مهمة جداً.
عاطفياً: تستعيد موقعك في قلب الشريك بعد سوء تفاهم بسيط، فقم بما يرضيه ولن تكون إلا الرابح الكبير لقلبه وعاطفته.
صحياً: انفعالك وعصبيتك الزائدان يقلقان راحتك ويقضان مضجعك ويبقيانك كأنك على استعداد دائم لمخاصمة الجميع.
#الجوزاء
مهنياً: يوم واعد على مختلف المستويات مع انتقال القمر الى برجك بحيث سيكون بانتظارك أفكار بنّاءة قد تدفعك إلى التخطيط للقيام بمشروع مهم تعلق عليه آمالاً كباراً.
عاطفياً: حماسة الشريك لإرضائك تفاجئك وتنعكس إيجاباً على العلاقة بينكما وتوضيح الرؤية.
صحياً: لا تغامر بصحتك من أجل ساعات عمل إضافية تفقدك عافيتك وتنال من طاقتك.
#السرطان
مهنياً: كن أكثر ثقة بقدراتك على الرغم من سعي بعضهم للنيل منك وإحباط عزيمتك والتخلص منك بغية احتلال المنصب الذي تشغله.
عاطفياً: تقابل الشخص المناسب اليوم فيشعرك ذلك بارتياح كبير بعد أيام صعبة أخيراً أتعبتك نفسياً.
صحياً: تحاشَ الانتقاد والانفعال الشديد ولا تتطرف في مواقفك وحاذر المتاعب العائلية.
#الاسد
مهنياً: معلومات دقيقة تصلك اليوم من شأنها أن تعزّز موقعك وتساعدك على فهم الأمور أكثر، والتنبه للأخطار التي قد تفاجئك.
عاطفياً: تواجه حقيقة ما وقد تضطر إلى عقد لقاء حاسم مع الشريك أو لمعالجة أمر طارئ ويتعكر المزاج بعض الشيء.
صحياً: تحاصرك الهموم والمسؤوليات، ما يحتم عليك الهدوء وتجنب التحديات والتغيرات وعدم الاستسلام لليأس.
#العذراء
مهنياً: ردود الفعل الغاضبة غالباً ما تؤدي إلى ارتكاب الأخطاء، لذلك تريث قليلاً قبل إطلاق الأحكام العشوائية.
عاطفياً: حاول أن ترى الأمور من منظار إيجابي، وتغاضَ عن تصرفات الشريك المزعجة أحياناً والتي تصدر عنه عفوياً.
صحياً: أنت عرضة للإصابة بأمراض المعدة بسبب عصبيتك الزائدة واندفاعك المفرط في العمل.
#الميزان
مهنياً: تكون متفائلاً اينما ذهبت، وتجنّد طاقاتك في سبيل العمل والتقدم في الوظيفة لكي تحقق ما تصبو إليه وتصل إلى المركز الذي يرضي طموحك.
عاطفياً: ربما تطرح مسألة قديمة تعيد اليك الذكريات، إعمل خلف الستار ولا تستعرض قواك أمام الشريك.
صحياً: لا تمارس التمارين الرياضية أكثر من المطلوب منك، ولا ترهق نفسك لأنك تفسد الأمور.
#العقرب
مهنياً: يساعدك المخلصون على إحراز النجاح والأرباح في الاستثمارات إلاّ أنّ عليك التصرّف بجدّية.
عاطفياً: يسهّل الشريك أمامك الحوار والنقاش فتجدان معاً حلاً لبعض المشكلات في التعاطي بينكما.
صحياً: أنت قوي الإرادة وتشعّ صلابة، لكن في الشأن الصحي هاتان الصفتان شبه مفقودتين.
#القوس
مهنياً: تحاول أن تحسن من دخلك المادي من خلال القيام بمشاريع جديدة مثمرة، لكن لا تدع الشأن المهني يأخذ معظم وقتك على حساب العائلة.
عاطفياً: لا تقم اليوم بأي مجازفات في المجال العاطفي وأنت تدرك أنها لن تكون في مصلحتك.
صحياً: حكّم عقلك وشغل فكرك قبل أن تقرر عدم متابعة التعليمات الطبية المطلوبة منك.
#الجدي
مهنياً: ثق بنفسك أكثر هذه هي نصيحتي لك لليوم فأنت تمتلك القدرات ولكنك لا تعرف كيف تستغلها.
عاطفياً: الكلام وحده لا يكفي، عليك أن تثبت بالأفعال مدى محبتك للحبيب وإخلاصك له وتعلقك به.
صحياً: ابتعد عن الضغوط ما استطعت إلى ذلك سبيلاً، وحاول الترفيه عن نفسك باستمرار .
#الدلو
مهنياً: طاقة كبيرة لاختراق الحواجز والحصول على الدعم المطلوب، ويحمل اليك هذا اليوم مركزاً أو مسلكاً جديداً تختاره في حياتك.
عاطفياً: حاول قدر الإمكان ممارسة سحرك على الشريك فأنت تدرك مكامن ضعفه تجاهك.
صحياً: اتباع نظام غذائي صحي يساعد كثيراً للحفاظ على الرشاقة والحيوية والنشاط.
#الحوت
مهنياً: عقبة واحدة تعيق تحسين وضعك المهني، لكن كل شيء سيكون لمصلحتك قريباً.
عاطفياً: لا تنتقص من قدرات الحبيب وأنت تدرك أنه موهوب، وثمة علاقة قديمة تهدد مستقبلك، لذا فإن الحسم مطلوب لتصحيح الأمور.
صحياً: ممارسة الرياضة باستمرار، توفر لك قدرة أكبر على التركيز وصفاء في الذهن.