جدران تقسيم الحائط👆🏻

هاي الخطوة أبد لاتنسوها بالبيت..لانو كلش حلو ونازك 😍...بهج اشياء بسيطه تكدرين تحولين بيتج لقصر😎✨

#اعادة_توجيه_للفائده
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الرابع والثلاثون

مراة كميت الألم بداخل الانسان تفقدة السيطرة تفقدة الرحمه تخلي انسان متوحش بأستطاعته يفجر في سبيل يتخلص من الغضب المكبوت كانو موت الخصم نهايت معاناته رؤيت الخصم يتألم نهاية جروحهه

لكن مواجهة تلك الجروح بلصمت تلك هي اكبر التحديات عند هاي النقطه وأعلم الشخص المقابيلك حجر لو تفتت يتحول فتات حجر بكلا الحالتين صلب

اختنكت واني اسمع الحقيقه احس روحي ضاق النفس بيه من وصل بلكلام كال

كالت انت مو تحبه وتريده ومستعد كلشي اسوي في سبيل ينوهه الك عندي خطه اكلك بيه وشوف اقتنعت اساعدك مقتنعت انسة اني احب نباء واتعذب من اشوفه تبجي وتتكطع كدامي ومااكدر اسويله شي واصلاً نيالك لو صارة من نصيبك

كتله رحاب هسه انتي تردين تفهميني تحبين نباء والسوي علموده فهميني غايتج شنو

كالت لا قتيبه محبيته منك شعندي وياهه غير احنه خوات وصديقات من الصغر

يعني السوي مو علمود حسن وتبعدين نباء من طريقج

شهكت لا قتيبه عيني كلامك محلو وياي اني اصلاً نيتي صافيه وماجبرتك هوه الداسوي علمودكم وانت الرابح الاكبر وبكيفك بعد

كتله افكر وانطيج خبر

عفته سبوع منين مااجيبه اني اكسبج الشغلة الوحيده هي تفقدين ثقت اهلج واطمأنيت من كالت اخوانهه بلخارج ديعالجون واحد منهم بعد تفكير طويل وافقت

اتفقنه اتكون اتصالات بيناتنه غرام والي مدوخني سالفت الصوت شلون حدبره لحد ماكالت اني ونباء بيناتنه تشابه صوت بلتلفون

مصدكت لحد مودتلي تسجيل صوت الج اعتقد جنتو مجتمعين وانتي سولفين خابرتني وانتي يمه وسمعت صوتج

وبعده صارة اتصالات ومسجات اقصهن واوديهن الرقم كلك حصلته من ولد صاحبنه بوكته اشتريته بفلوس التكسي مجمعهن مال شهر كوه لكيته

طفه الجكارة بلمنفظه كمل والباقي تعرفي

مااتحملت الخنكه وصلت الحنجرتي اريد هوه حرارة الغرفه ويه حرارة جسمي احس كاعده على هيتر لعبت نفسي حسيت راح يصير عندي غثيان

طلعت بره نسيم البارة دخل الجسمي طلعت للحديقه كعدة على المرجوحه مكدرة اصبر اكثر نزلن دموعي موكفن كانو منتضراة اطلق سراحهن بجيت بحركه كل كلمة منه ترن بأذني ويرتفع صوتي اضرب بيدي على حديد المرجوحه

حسيته واكف يمي كتله روح منا مااريد اشوفك

كال باردة لاتتمرضين

كمت وكفت يمهه وعطت بي شعلييييك هاااااامك اذا تمرضت وخر مني مااريد اشوف جهرتك

تقرب راد يسد حلكي ابتعدة وحق الله اذا مديت ايدك الم الناس عليك

كال ولج اسكتي فضحتينه

هههههه ليش استاذ قتيبه تستحي اذا عرف احد منين من خالو لو من امك لو نهلة هوووووه انت الله شكدخ وشكبره ماخفت ولاستحيت منه

اجه سد حلكي سحلني جوه ضليت ادفع بي لحد مااعضبت ايده ضربني دفعته حيل انضرب بلباب

عاط بت الكلب ركض يريد يلزمني شردة طلعت عمتي وخالو قادر صاح شكو

ابجي وجسمي يختض كتلهم والقرأن احرك روحي خلصوني منه مااريده هذا مو انسان حيوان كل احساس ماعنده اهم شي يحصل اليريده

اجه يريد يكضني ويكمز اني حيوان بت المصموط هيج منج ومن اهلج خالو كاضه يريد يضربني كله شبيك خل نفتهم شكو

يكله ماسمعته شتكول

دتعال اكعد جره كعدة صاح نهلة جيبيلة مي

عمتي حاضنتني واني ابجي كالت كافي يمة عيونج راحن
اخذتني غسلتلي

رجعتني كعدة بصفهه وهوه خالو يمه

سارة

كاعدة يمه وكالبة خلقتي جابني سحل وركبني غصب

كال ضلين مبوزه

كتله مالك شغل

صاح سارة تأدبي لاأدبج بطريقتي

وكف مقابيل مطعم كال يله انزلي

التفتت علية محمد ماانزل رجعني للجامعه عندي محاضرة مهمه

كال انزلي عندي حجي وياج والمحاضرة عود خلي البنات يشرحلج

... مااريد انزل ليش مجاي تفهمني وبعدين ماضل ساعه ويجي الخط وهوه يعرف شمس اخاف يكلة لو شمس يسأله عليه عفيه محمد مااريد مشاكل رجعني والحجي التريد تحجي على التلفون كوله

شبيج تحجي وكانو اني صاحبج لو ماابن عمج وابو الخط مومشكله خابري البنات الوياج كليلهن رجعت لاتنتظروني

..شيخلصه وياا اذا لح تأفأفة

كال لاتتضجورين وتنافخين متردين طبج مرض وانعل امه وابو اليجيج بعد

ضليت فاكه حلكي بسرعه يعصب سكتت شغل السيارة ورجعني نزلت بسرعه مشه وخله الترابه ثعول وراا

مكدرة ادخل محاضرة فات من وقته ربع ساعه وبعد مالي حق ادخل

مشه اسبوع وهو لايتصل ولايدز رسائل غزل عفته واصلاً ولا مرة خابرته وهوه يتصل بيه بين يوم ويوم مااطول وياا اقل ال ١٥ دقيقه واشرد

يوم من الايام ملتمين العصريه حول الصوبه امي وبيبي وندى والجهال يلعبون يمنه واني كاعدة اتفرج على التلفزيون

اندك الباب طلعت ندى دخلت علينه وزوجة محمد شروق وجهاله رحبنه بيهم بس غريبه اول مرة شروق تجي وحده الشك دخل كلبي كمت اني وندى حضرنه الضيافه اني قدمته وبالي مشغول حسيت جيتهم بيه شي مو على بعضهم لزمت كلبي فد لاسامعين شي احساسي ميخيب

مرة نص ساعه وسوالف عادية لحدما امي سألته على اخبار الولد كالت كلهم زينين حسن كاعد نقنع بي ناخذله

رحاب

حسيت امي ضاجة كالتلهه اي وين تلكون احسن من بنات امتثال حبابات

نوب حجة بيبي كالت يمه انتي مبينه مو على بعضج صاير شي لاسامح الله استغربنه جيتج وحدج

اشو مانحس الا دموعه تجري كالت عمى اني جايه على الله وعليج بيتي راح ينهجم

امي كالتله يمه اسم الله شبيج عمى لاتبجين فهمينه شصاير وياج

كالت عمى محمد صارلة سنتين يهدد بيه ازوج عليج كل مشكله وكال لو مااحكم الله جان ازوجت وماضليت يمج من نصالح ترجع امورنه طبيعيه عبالي هيج مثل بقية الزلم مجرد يخوفني ماكنت حاسبه حساب هليوم صارلة ٣شهر يحوس لحد مااقبل يومين كلهم لكيت مرة روحو اخطبولياهه عمى والله اموت لو ازوج كليلي شسوي لاليلي ليل ولانهاري نهار

امي كالت اخاف غلطانه هم يهدد بيج وبعدين عمج اسماعيل ميخلي يحبج ويحب جهالج مااعتقد يقبلون عليه

كامت تناشغ تحجي وتبجي عمي وعمتي تغيرو عليه قبل جانو ميقبلون هسه مطاوعي حتى عمتي تكوم تكعد ترزل بيه شنو الكالو الي مسويته يردون بيت نضيف ومعتنيه بجهالي وشقتي نضيفه واعتني بمحمد شصير المن التفت فوك هذا يردون يزوجو تعبت ومليت اسمع واسكت ومطاوعته بكلشي

... يااعمى مااريد ازيد همج هم انتي الخلل منج غرفتي تشهد شكد كعدة وياج وسولفت من اول مشاكلكم يمه انتي مااحتويتي ونسيتي الدنيا وخليتي كلبه على كلبج رجال يجي يريد بيت مرتب غرفه نظيفه وبيت عمج شعدهم جهال لو كل يومين تنظفين يبقه البيت مرتب شوكت ما نجيكم وين مرة محمد يم اهلهه اخذي طبع الرجال اذا فراشه برد يتعود
وانتي عودتي سبوع يمه سبوع يم اهلج

عمى والله بطلت كمت اروحلهم يوم ثاني يوم ارجع

... بعديش بعد ماا كبرة الفجوه بيناتكم واذا عمتج اليوم أيدته هي كالت تعبت منه راسه والف سيف ازوج تريد ترتاح منه ومن ملحته

يعني شنو عمى هاي هيه تعوفوني وتخلو يزوج والله احرك روحي واحرك جهالي وياي مااخلي يتهنه بعد التعب والركض يجازيني بمرة

...ياامي شسوين شبيدج اني حتى اذا احاجي صح هوه يحترمني بس هيج امور تخص حياته مااكدر ادخل الاكدر اسوي احجي وياا يعدل بيناتكم ميقصر وياج

عمى شتحجين شنو يعدل بيناتنه شذنبي موزين متحمله عصبته وخباله عليه موزين متحملة اهله وقايمه بلبيت ممقصره بشي يجي من تالي يزوج ويخلي الراحه والدلال لذيج شذنب هذا الطفل اخلفله بلكت يلين ويكول راح يصيرون ٣ ماوكف بعينه

... عمى شروق الرجال لو راد يزوج يمتنع لا والله وخصوصاً مثل محمد رجال متمكن وميعيبه شي عبالج تربطي بلجهال لو ١٠ تخلفين ياعمى مااريد ازيد حملج حمل بس يمه بعيوني شفت صعدتني مرة عمج هدومه مخبوطه ويه هدوم الجهال الغرفه هوسه فراش ابنج تكتل ريحت البول حتى اذا متكدرين تغسلي اشره على الشمس اني ماريد اكون بصفه واضلمج انتي تعبين بلبيت الجوه بس كلشي واله حكه ماانزل من فوك لحد مااكضي شغلي وكمل شغل البيت
حمواتج كاعدات اروح العمتي غصبن عليهن يتقسم الشغل بيناتجن هم ينشال حمل منج يمه اني اذكر رجلج بشبابه جان نضيف ونظامي ويحب كلشي مرتب امه ادكول انظف مني
ياعمى لازعلين مني امج ماعلمتج مانصحتج سكتت امي

ضلت تبجي امي اخذته جوه للغرفه اكو كلام ماردة تحجي كدامنه

اني من سمعت بجيه وكالت ٣ اطفال يعني حامل بهتت تمنيت اطم روحي اسمع حجيه واعصابي تلفت

جانت بيت اهلهه واخوهه جايبهه الكل جان متعاطف وياهه حبابه وخدومه بس مهمله وماعرفت تصرف ويااا شخصية محمد بعيد عنهه هي انسانه بسيطه وماخذه طبع امه عباله تكسب رجله اذا نظفت بيت اهله وتركض منا ومنا عباله الشطاره بلشغل الحل الوحيد تدخل كلبه

كمت الغرفتي شكو دمعوع نزلتهن قررة اخابرة وانهي هل مهزله اكيد يريد يحاجي اهله بموضوعي

نباء

بعد عركتنه خالو وعمتي حاولو يعرفون سبب الخلاف لا اني حجيت ولا هوه انطه سبب مقنع كللهم متحترم ولسانهه طويل طبعاً متخله الكعده من غلطه وصياحه

اخير شي خالو عاط بينه ونزل رزايل علينه سكتنه بس اني نار بكلبي اريد احجي اريد افرغ البداخلي

عمتي من شافتني بس عيوني تجري كالت روحي ارتاحي بغرفتج وانت اشرة على قتيبه تنام بلصاله راد يحجي كالته اشش ولا حرف اسمع منك

مصدكت رحت الغرفتي كعدة الوب مسحت عيوني لزمت التلفون ردة اخابر سارة ندى افرغ البداخلي دكيت على سارة مترد اكطعه وارجع اتصل لحد مسبيته حتى جدي سبيته

صار الفجر واني الوب اريد اسوي شي يريحني مااعرف فكرة جيني وفكره توديني ساعه اكول افضح رحاب واسمعهم التسجيلاة ارد اكول لا اكعد امي وخواني واحجيلهم الحقيقه
نوب اكول احجي كلشي واطلك من اذكر حلفت اشب نار جسمي يشتعل ادعي على قتيبه ومااسكت

ربي صبرني وبرد كلبي بعد مااتحمل كمت اطب اسبح بلكت اهدئ دخلت سبحت بمي فاتر بعدين اجاني بارد خلص المي الحار ضليت ارجف بس موخرة  خلصت ردة ملابس من دوختي مجايبه شي رجعت عليهن وطلعت

لفيت روحي بطانيه وتكومت على الجرباية اطك سن بسن من دفيت حسيت اعصابي رخت مااعرف شون غطيت بنوم عميق

كعدة على ضربات بوجهي فتحت عيني شفته حمودي وعمتي كاعده بصفه اخذته بوسته

كال

ت هاا عمى شون صرتي

كتله ليش شبيه

كالت مابيج شي بس تأخرتي بلنومه وهذا يدور عليج كلت هوه يكعدج 

كتله منو هنا عرفت قصدي

قتيبه بعده نايم  خالج بلدوام  كومي يمه غسلي واكليلج لكمه 
كعدي يمي ضايجه وذيج معلكه فوك كومي امي كومي

كمت اخذة حموي وطلعت وراهه غسلت حميت الچاي  لكيت كيمر عرب سويتلي لفه اكلت بلمطبخ

كاعدة  اشرب جاي ودخل قتيبه يفرك براسه خليت وكمت ردة اطلع صاح سويلي زقوم عفته ودخلت للغرفه قفلت الباب وكعدة

ضليت افتر شسوي ماكو شويه وندك الباب كلت منو

كال اني شكتلج افتحي الباب

كتله مااسويلك شي انسى بعد عندك خدامه انتَ سوي اكل النفسك

كال اكلي خره واطلعي رايح يم امي اذا ملكيت الريوك محضرتة نباء اسويج ريوك

ضرب الباب حيل وراح ضليت افور مال اكضه اعلسه بسنوني
اذا ماسويله اكل يكلب البيت طلعت سويتله مخلمه  اجتني فكرة احطلة فلفل بعدين تراجعت

كملته الصينيه خليته كدامه معاجبه وعاكد حاجيه رجعت صاح ماي التفتت

ذاك البراد وعندك رجلين وكوم جيب

عفتة  يسب ويغلط وعمتي صيح كافي عوفهه

دخلت لميت هدومي مااتحملت  ضليت بحدود الساعه

دخل شافني كال شسوين

كتله مثل مشوف رايحه لهلي

صاح بصوت شنو شنو شكلتي خانم اكعدي واسكتي شتفقنه

باوعت عليه كتله اتفقنه مااطلع خياساتك بس مال اضل مكابلتك واتحملك تحلم

كال نباء لسانج اكصه والله لاشوفيني ساكت واكول خطيه مصدومه وعلي ازوركج

كتله قتيبه  زين مني وحسكت وابلع السويته بس كلشي اله ثمن ولاتصور اعديه الك وهسه رايحه لهلي ارتاح وماريد اشوفك

كال روحه ماكو وركعي راسج باالف حايط

كتله اروح مال اضل هنا مستحيل قتيبة بعد السويته الك عين تحجي وتكلي ضلي على شنو اضل على خداعك على استغفالك الي على جذب على الضرب التحملته والأهانه شكد هنتني  ياما كتلي المكطمه اهلج ميردوج تذكر لمن كسرة ايدي  وتكلي اهلج ذبوج عليه الله اعلم شمسويه

شذكر واذكر خليني بناري وساكته لو مااحلفاني يكسر الضهر فلا اضل على ذمتك دقيقه وروح ابويا

كال روحي الج يومين وترجعين عافني وراح

....يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والثلاثون

كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك


بعدة محظرة روحي خابرة نائل اتفقت وياا يجيني ورة الأذان عنده شغل

عمتي شافت طلعت الجنطه مقبلت كالت اني اتنومس بيج
واتشيم واكول الله انطاني چنه ثمن صبري ودعائي

ياعمى اول تالي طلعين زعلانه قابل اول عركه الكم اشو من اجيتينه لليوم مايمر يوم اذا ماتتناكرون كمنه نستغرب اذا يوم فات متصافين

رجعي جنطتج واستهدي بلرحمان  هوه هسه يهدء ويعرف غلطه

صفنت عليه كتله عمى اني طفله وجاي تقنعيني ليوين اضل اتحمل قتيبه ومزاجيته طالعه من فطر الكاع لو جايه من الميتم اشو عندي خوان ولد عم وعشيره سد عين الشمس
جنت ساكته ماريد اسوي مشاكل  لهنا وكافي اخلي قتيبه يدوس عليه عندي كرامه واهل ردولي كرامتي 

كالت يمه شجاج اول تالي هيج تعلين صوتج عليه اني علمودكم لومااحبج وحسبت بتي الما الله رزقني بيه ماريد افاركج والحك الياخذو اهلج اني  اخذلجيا ومربع واشوفه يفك حلكه وياج

رحت يمه بسته كتله عمى ادري بيج وكلبج الحنين الماشفت بحنيته وانتي ام اكيد كلبج يضل يم ابنج وشفتيني متحملته ودكولين بس هاي الترهمله واني اتحملته وهواي وكله الخاطرج اني هم مااريد افاركج وين الكه مثلج بس قتيبه اذا مااحد يلوي اذانه ميتوب مدام اني ضاله هنا يستهان بيه وبأهلي عباله ماوراي احد

كالت بكيفج ماحب اضغط عليج بس يمه وعيونج ميهون عليه فراكج متعوده عليج من اجيتي مافاركتينه حتى لهلج مترحين تعودة عليج وعلى هوستج

ابتسمت كتله رايحه كم يوم ارتاح وارجع

كالت هاا يعني مزعلانه

كتله لا اكيد زعلانه واخلي سوالفه بيد خواني  ويشوفلي حل وياا عمى انتي متورجه وشفتي تعامله وايام وليالي انام دمعتي على خدي وجسمي يون وبالعه اكول يتغير  كال تغيرة وخلينه نعيش نسيت كلشي واكول مالي احد غير رجلي وعمتي تحبني شريد اكثر يجي بعدين يكسرني لاعمى اعذريني واذا ادكليلي ابقي معناهه تكونين انانيه وطبكين وياا

كتلت لا يمه روحي ارتاحي كم يوم وتعالي واذا تكولين لخواني ميسكتون وصير مشكله وتكبر  وهذا ميسكت مخبل والله بس يسمع رايحه تكليلهم يكلب البيت علينه اني اكول اصبري هلمرة واني وخالج ناوين نحجي وياا ونشوفله حل

عمتي شماا تحبني متنطي ببنه كتله الله كريم ضلت تقنع بيه سكتت اجه نائل اخذني ضل طول الطريق يسائل صاير شي كتله ماكو شي ضايجه اضل يمكم سبوع سكت بس مبين ممقتنع وصلت

دخلت لكيتهم ملتمين حتى شمس موجود سارة شافتني صاحت نبااااء  طفرة حظنتني

كتله ولج اختنكت وخري

متقبل ماا يمه شكد مشتاقتلج

وخرته واني هم بوسته امي حظنتني كتلهم شكو جنت مسافرة ورجعت كالت لا يمه طبتج عزيزه علينه

رحت البيبي بوست ايده وجهه وكصته هي ضلت حاضنتني كالت بيبي اثاريج انانيه وكلبج گوي ومااعرفتج

سكتت سلمت على شمس ومايكدر اذا ميحضني ويكرصني من خشمي ندى بوستني

من كعدة لحد مكمت همه سؤال يجر سؤال على اقتيبه وخالو وعمتي وحتى على نهله كتلهم فضولكم يقره ألف

كال شمس حقهم غير مشايفيج صارلهم سنه  

سكتت مرديت عرفت قصده كلت الندى جهالج وين كالت فوك بغرفتهم يلعبون

...يااا لعد متخافين عليم

ماعليهم شي غرفت العابهم مأمنيه والدرج من فوك سويناله باب صغير قفلته ونزلت

...هاا الحمدالله خوش سوين مشتاقتلهم

سارة كالت هسه بس نسوي عشه نزلهم

...خطيه اخاف يبجون ومسمعوهم

نبت ندى يااا نباء انت مشايفتهم   غير عدهم صفاراة انذار خصوصن اديم حتى بلشارع يسمعهه

ضحكت عليه كالت وأدم لاتخافين عليه عيطه وحده يرج البيت

بيبي كالت يمه موجهال عليهم صوت الرحمان عليهم غير انه المااسمع يطرشوني باوعت على شمس متكلي نطفك شايلات من وراثه نكسه بس الصوت العالي

كاللهه هاا حجيه نوب عليه هي كل الجهال هيج

كالت لا يمه بس جهالك مو ذوله ولد حيدر خالك من همه زغار  صوتهم موهيج ولا هلكد يتنغوصون خو هااي هااي الهطوله يمه يمه الله يستر

ضحك هااا شبيه

كالت شنو المابيه عرمه اذا دكت رجله على شي تاخذه تاخذه لايفيد بيه زمخه لايفيد بيه ضربه ذاك اليوم بجت تريد لعبت اخوهه مانطاهه لو هرجتنه شيلو ياعرب شيلو اله هي ننطيه العابه متقبل امه طلعتله لعبه ضامته شمرته انوب تضرب بأمه ومتخاف اليضربه تضربه عمه نائل شاله يسكته راد ميفيد عود يخوفه زمخ بيه ترجع تضرب خلفتيش خفه وبله

متت من الضحك على وكاحته كلهه حجيه منين طالبته البيبيات لو قياديات دكول والخالات ماشاءالله ويباوع على ندى والاماميه الله المعين

كالت هاا شمس اشو تحجي عليه شمسوي

ه وبعدين عود ليش جبت خواتي بلموضوع والله هنه حبابات ومفديوم سون شي مو حلو  حرام عليك هيج تحجي مااقبل دائماً يسألن عليك ويحبن الجهال حتى ماما تحبك 

اباوع عليه تريد تبجي وهوه يبتسم ويباوع عليه

نطت سارة كالت اوووي نزول عليك شمس ليش جرحت مشاعر  ندى تره خواته حبابات وأألله ميصير تحجي حرام الله يذبك بلنار  لج شكد فاهيه امي المثلج تكوم تحجي وشد دشداشته شنو هلتنعوص اذا ضلين هيج اخويا ينجلط ونزوجه ناخذله مره حوك مو انتي ضاله حرام عليك تحجي هيج اخير فقره سوته تعيب من تحجين احجي عدل لا اهفج بقمجي نائل

كتله ياا ياا سويره شبيج اكو وحده هيج تحجي امي وبيبي شابعت ضحك شمس يسمع وعينه على الاخبار

ندى ضربت ايد شمس على الكيف كالت شوف سارة شحجت شبيه كله دكول فاهيه شسوي هاي طريقة كلامي مااعرف احجي سريع

عاد هوه كال لا حبيبتي عوفج منه تغار لان هي جنه
قويسم فالوله  وانتِ وردة مفتحه بنصهم شسوين لليغارون

يمه هناا سارة عيونه صعدن كالت شمس من قويسم فالوله اني هذا الجمال وتأشر على روحه وتتمايل وهاي الرشاقه وجهي جنه تفاحه تشبهني بقويسم بعروره

هي كالت بعروره لو شهكنه من الضحك حتى شمس الميضحك على كلشي شبع ضحك كام يكح امي تضحك وعيونه مدمعه

بيبي دكللهه دهر صابج ولاتكعدين وهي ضلت صامده ولاضحكت واكفه وايديه على خصره متخوصره

كالت شكو اضحكون امي ردة لايمه ماكو شي روحي حضري العشه لا تشتغل خبالاتج

كالت مااروح اني اشبه قويسم بعروره

شمس كال  ولج فالوله بعروره شنو شجابه بلنص

كالت اي اني اسمي بعروره لان شفته مرة كاعد وره صخله ويلكط بعرور

رجعنه نضحك شمس هلمرة ضحك من كل كلبه  كله ولي سوي عشه لااسويج بعرور ويضحك

كالت لا والله تشبهوني بهذا شو هوه يلعب ستين نفس وصخ ونهار كله بلشارع

امي كالت ولج غي   يشاقه وياج

لا ميشاقه اشو ندى يكلله انتي ورده واني يكلي جنج بعروره

هلمرة فطست كعدة بلكاع امي تضحك وتكلله حلوه البعروره شبيهه وشمس يضحك عليه

كالت بعد مااحجيك وكول سارة كالت

راحت مغندبه من كل عقله

ندى كالت ياا هاي زعلت شوف شمس ليش هيج خطيه عباله متحبه

كاله مالج شغل بيه اعرفه تدلل اني اصالحه

امي كالت لا هي من يوم يومه مطيق قاسم من زغرة تخاف منه

كمنه اني وندى حضرنه عشه

چانو مسوين كبة برغل مرك  زلاطه وسارة مسويه كص وخالته على صفحه اني سويت الزلاطه ندى سوت لبن  حمينه الاكل وصبينا 

...رحت للغرفه اصيحه مقبلت تفتح الباب كتله زعلانه عليه اني شعليه

كالت انتي هم ضحكين وياهم

...شعليه غير انتي ضحكين ومسميته اسم يلعب النفس

كالت اي هوه قاسم بعرورة حتى ياكله

...ايييييع الله ياخذج سارة شنو هلعبان نفس شبيج

شعليه والله ياالله اني جنت اشوفه ياكل قابل كايلته ياكل

متحملت اتخيل المنضر صدك نفسي كامت تلعب

...كتله دعوفج منه تعالي اكلي حضرنه الاكل

بلعافيه ماريد اكلو انتو

...سارة بله زعططه تزعلين على شي تافه

نباء ماريد  مااشتهي والله

... كبر حتى ماكلفتي نفسج تفتحين الباب ام بعروره

عفته ورجعت كتلهم متقبل دكول مااشتهي كام شمس يشوفه امي صاحته كالت عوفه لاتكبر راسه مااقبل على امي كالته يمه اني اكلك عوفه متحترم كلامي هاي هي تريد تزعل بعدين صالحه مو هسه عوفه سارة واعرف سوالفه كعد احترم كلام امي سكتنه

اشو نفسي كلش كامت تلعب حاولت اكل كعدة مااشتهي ومعدتي تكلب اكلت كم لكمه وضلينه نسولف كمت اكلب بلأكل صعدة البلعومي متحملت ركض للحمام امي صاحت شبيج مكدرة ارد

دخلت وسديت الباب كبل للمغسله ذبيت الاكل كله ضليت بحدود ١٠ دقايق وكلهم متجمهرين يم الباب كتلهم مابيه شي بس لعبان نفس مقبلو الا افتح الباب غسلت المغسله وغسلت وجهي طلعتلهم

امي كالت يمه وجهج انكلب اصفر امشي ناخذج للمستشفى

مقبلت شمس كال شنو مااريد كومي خاف مسممه صارلج ربع ساعه بس تتقيئين  طالع احضر السيارة لبسوه وتعالو

عافنه حتى مخلاني احجي كتله والله مابيه شي  دائماً معدتي تكلب

مقبلت اجت سارة شايله عباية وحجاب  لبست وطلعنه بس امي وياي

رحنه للمستشفى فحصتني الدكتوره كالت عده هبوط حاد بلضغط علكتلي مغذي شويه ساعه وكتلهم خلي نطلع مابيه شي شمس هم كال نطلع وهناك نشويله معلاك ملح يرفع ضغطه

اخذنه الاذن وطلعنه

مر اربع تيام  وامي ماسألتني شعجب بايته وضاله مكيفه بيه ومتقبل اشتغل لو احد يحاجيني نائل ماشايفته مقدم كليه قسم حاسبات  مسائي يروح ب ١ونص يرجع المغرب مراة يتعشى ومراة لا كاضيه كوفيات ويه جماعته شمس بلدائرة الصبح والعصر وبليل بلمحل سارة دراسه اشوفه ذابه جهدهه تريد معدل علمود تكمل دراسات

قتيبه يخابر يودي رسائل حرك الجهاز ماارد عليه غلقته ماريد اشوف حتى اسمه 

لحد ماامي اجت بيده الجهاز كالت يمه هاي عمتج على الخط ليش متفتحين خطج رجلج يدك عليج

كتله جهازي مخلص شحنه

كالت هاج حجي ويه عمتج تطمأن عليج

اخذته سلمت عليه عتبت ليش ماتشيلن تلفون عليه وتسألين صارلج ايام

كتله عمه انتي كل

تي ايام ومصارلي اسبوع كلهن كم يوم  قابل شهر

كالت اي عمى اشتاقينالج وهذا حمودي موتنه حتى يبجي ويريدج

...عمي رحمه لموتاج عوفني هلكم يوم ارتاح وارجع

يمه هذا رجلج من رحتي لحد هسه يروح باكيت يجي باكيت ويعارك ذبان خشمه وماضله بس باجر وعكبه يرجع لدوامه ارجعي يمه البيتج وهوه كال خل تجي واطيب خاطره وحلف بعد مايمد ايده عليج

كتله عمى عوفينه من قتيبه مااصدك بي لو يقسملي بلأئمه كلهم

كالت شلون يمه مانحمل على فراكج عوفج من رجلج ضلي يمي بلغرفه ومااخلي يفك حلكه وياج بحرف

شفته تتوسل مااكدرة اردهه كتله الله كريم مااكدر اسمعه تريدني واردهه مااعرف هاي الانسانه تحبني ومتتحمل فراكي رغم مراة اصير مشاحنات بيناتنه واضوج من ادافع عن قتيبه ومتقبل ازعل واطلع ومتقبل احجي عليه انانيه من ناحيت ابنه بشكل حتى خالو متقبل يحجي عليه بس هي كدامه تنزل عليه حجي ورزايل عرفت طبعه متحب غيره ينتقد قتيبه وتصرفاته هي تحجي وتنتقده وطلعه صفر على الشمال بعدين يوم يومين اطيب خاطره وتاخذه الحضنه شكد حنينه شايله كلب محتويني محتوي ابنه محتوي خالو حتى نهله تنصحه وتحبله الخير وتحجي عليه  انسانه كوكتيل ختمته وياهه

العصر وخابرني خالو كال جايج حمودي شابع بجي وميقبل حتى بعمتج يريدج

كتله تعال راح احضر نفسي كال ساعه واجي

كلت لهلي راجعه سولفلتهم حمودي ابن خالو مراهم وياهم يريدني

امي كالت يمه شلج بهلدوخه مو عنده ام تعتني وهوه معاق من يكبر يتعبج واذا صارو عندج بزره تعبين ومتلحكين عليهم

بيبي ردة ياا شجاج يمه بلعكس تكسب أجر واذا معاق جنه ورد وشحلاته وحتى كايم يمشي شويه شويه يتحسن

كالت يمه اني علموده تتعب البيت عليه ورجله والطبخ وهذا الطفل شصير عمتهه بعظمة لسانه تحجي ادكول مرة اخوه متحرك روحه عود الشخاط مشيله وطايح براسه هاي المكروده

بيبي... قابل الشغل يموت  وهوه الطفل  شكدوته ميتعب عوفيه على طيبت كلبه وحنيته الله يبارك بيه  عمته لوما شوفه طيبت كلب وفقرة وماشيه على ممشاهم تحبه وتريده ترجع متتحمل على بعده باوعت عليه جنت واكفه يمه ضلي على ممشاج هذا ربج يوكفلج بعد يومين وكفاله لهذا المسكين

امي... يمه شكلنه اني من خوفي عليه تتعب شوفي وجهه اصفر ومن ازوجت وهي صار هذا عودهه وين جانت يمي چنه چكليته ياهوه شافه ماخطبه وراده تذكرين بيت ام عاتي ذوله بصف الركن على الشارع  رادة لبنه چان يدرس طب مرحله اخيره ويردون يزوج لان جانت تدرس وزغيره عمره ١٦ منطيته  وغيرهم وغيرهم

كتله يمه عمتي حبابه وياي واذا ضعفانه اني مااشتهي الاكل وحدي همه خطيه مالهم شغل وحمودي اني احبه ومتعلقه بي بلعكس مامتعبني اكضيه وياا لعب وركص

كالت ماما اني شريد غير راحتج واذا مرتاحه على هلوضعيه بكيفج

كتلهم رايحه احضر غراضي
صارة ب٥ جهزة روحي ماعندي شي سارة وندى طالعات للسوك يشترن ملابس كتلهن روحن للمول كالن مناك ونمر للمولات  شمس اخذهن بطريقه كالن تعالي شفت روحي مالي خلك مارحت همزين هل خابروني ارجع 

تاخر يله اجه خابرني مقبل يطب كال الولد مموجودين شون اطب طلعتله امي سلمت عليه نزل سلم عليه جلبت بي مقبل حلف لمي عندي شغل ومستعجل واعتذر لان جابني منهم وكطع عليه ايام الزيارة امي كالته بعد هي بتكم وخطارة يمنه ضحكنه

كال  بهاي صدگتي كال يله بويه وراي شغل الراسي
فتحت الباب الوره عود اخلي الجنطه واصعد خليت الجنطه ورجعت اسلم على امي

بوسته جرتني و شاورتني بدون ميحس لان راح صعد  كالت صعدي ليكدام عيب هوه بمقام خالج موسايق زحمه يمه

صدك صعدة شغل ورفع ايده لمي كلله سلميلي على والولد والحجيه

كالتله يوصل عيوني ابو حمودي حرك وطلع

نص الطريق ولاف على صيدليه شويه ورجع حرك وصلنه كال بويا نباء گبل لاتنزلين هذا علاج احمد وياه مجموع فيتامينات تنطي يوميه نص حبايه لان قويه وصيت عليه من برطانيه صالي شهر موصي عليه الدكتور كال يفيده ونص حبايه مو حبايه كامله انتبهي لان طفل وعنده نسبه نقص فيتامين
افتهمتي

كتله اي خالو افتهمت وباي وقت لو وقت محدد

كال المهم وره الاكل بكيفج وافضل الصبح احسن شبعي زين وكلي هواي بكل الوجبات يرادله اكل حتى يفيده

ماشي هاي هيه نزلت اخذة جنطي وهوه طلع الشغله اول مدخلت لكيت نهله واكفه بلطرمه سلمت عليه

كالت شسوين صار ساعه بلسيارة

...كتله منسوي شي وصلني وجاب علاج حمودي ورفعت علاكة العلاج بعده بيدي وجان يفهمني على الفيتامينات جايبله كارتونه 

عوجت حلكه وكالت خوش والله اني امه ميكلي كلشي صاير بيدج احمد وانتي مسؤله عنه البيت وبيدج قادر اكله شربه ملابسه كله انتي اسوي  عمتج وره يومين صارة  تلوب عليج وبزري ابن بطني ميريدنه كلنه يريدج اجت تقدمت يمي انتي شتردين بلضبط تحاولين شسوين فهميني لان من بابه انتي وقتيبه واحد يحب الثاني وزين وياج ومن بابه تتعاركون رغم صوتج الي يلعلع وغلطج طلعتي منا خالج وعمتج الحبابين مسحو برجلج الكاع شمسويتلهم فهميني لاحسه عقلهم شهل حب النازل عليهم اني وياهم سبع سنوات شوفوني الوي

ل

ضليت فاكه حلكي كتله شبيج نهله متستحين تحجين هيج مشاكلي اني وقتيبه متعرفين بيه انتي معلكه فوك فأكيد متفتهمين اليصير  واني مااكعد واشكه عليه مشاكلنه بلغرفه بيناتنه مااورج العالم عليه وعمتي وخالو قايمه بواجبهم لاممسويتلهم شي ولا مأذيتهم وهمه بلمقابل ماعدهم شي وياي شيردون غير الاحترام واني الحمدالله محترمتهم وشايلتهم على راسي التحجي عيب اني ماعندي هاي السوالف والكل يحبني مالي أذيه واحبهم بلمقابل بس الي يأذيني واشرت عليه وخصوصاً  يتهمني بشغلاة مموجوده لا مااسكت واخذ حقي منه وهسه اني اعوفج ماارد اكثر فكري عدل البالج ماكو منه  خالو بمقام خالي والاسوي هوه يطلبه مني وحتى اذا خدمته فابنيه صافيه عيني ام حمودي عندي رجال واحبه وممقصر وياي رغم المشاكل الصير تعدي ماكو عائلة متتعرض للمشاكل مو اني تطلع مني العيبه اني تربية حجي علي سلمان ابو شمس اذا متعرفينه روحي سألي ولا اني النزل راسهم  بس على كولت وحده كالت العمتي  البعبه صخل يمعمع  وهسه اكوله الج البعبه صخل يمعمع عفته ودخلت سمعته حجت بس مفتهمت شكالت بصوت ناصي طنشت 

فتت كبل الغرفت عمتي لكيته اصلي حمودي كاعد يلعب مدنك كتله بسبس حمود رفع راسه ضحك وصاح ننه ميكدر يلفظ اسمي رحتله شلته بوسته ضل يكمز بحضني شبكته وابوس بي يمه اربع  تيام  هيج هرجة الدنيه ضال يضحك

سمعت عمتي كالت هاا شنو بس حمودي تبوسي

كتله قبل الله نزلته على جربايته سلمت عليه اخذتني الحضنه يمه الحنينه هيج الج كلب تعوفيني عمى

كتله لا والله كلبي كله يمكم تعرفين مااتحمل اشوفه لو هوه بلدوام والله مااطلع منا

كالت يله يمه ميخالف علمودنه ضلي وازعلي يمي شون كبل سوين واني احطج بعيوني

بسته وكتله انتي احله عمى شفته بحياتي امي مسوي وتحبني بكدج

كالت اني شعندي غيرج بنات والحمدالله الله مارازقني يوم الحطيتي رجلج هنا صرتي بنتي الي يأذيج بكلمة والله احطه عنده حده اصيرلج اكثر من ام يمه انتي بت أصول مشفت منج الموزينه شو باب الشارع مطلعي مطالبين لليوم مشرطتي ولاصرتي مثل بنات هلوكت طبه وطلعه وسوك واريد واريد  خليتي راسج على راسي شفت بيج التربيه المعدله امج ليش احبه ودائماً اخابره لان عرفت تربيج عرفت شلون تزوجج بهل عمر ومطمأنه على بته متفشلهه ويه العيال واني شريد اكثر من هذا  يله كومي بدلي مسوين عشه صبينله مشتاقه الفرتج بلبيت وشغلج المطكط

ضحكت كتله شنو ليش مطكطك

كالت شون اعرفج كاعده تشتغلين غير من الطاب والطيب مالتج تتعاركين ويه المواعين والكاونتر

ضحكت عبالي تقصدين مو خوش شغل

كالت لا وين اكو اندر منج يله كومي خل اكمل صلاتي من وراج تأخرة بيه

كتله يااا هاي اني

واكفه وتشاهد كالت بصوت مسموع  اشهد ان محمد رسول الله

كتله رايحه رايحه

سويت عشه نهلة ماشفته  تعشينه خالو بلشغله منطيهم علم ميتعشه وقتيبه يم جماعته صارة ب١٠ كمت طلعت فراش القتيبه خليته بلصاله وكتبتله رساله بلتلفون ينام بلصاله وقفلت الجهاز

رجعت الحمودي انطيته علاج ونومته عمتي سالتني على اهلي وعلى الكل لحد منامت

فرشت الخالو طفيت الاضويه وطلعت

خلص اسبوع نزلت قتيبه واني ممحاجيته  يومين مخليته يشوف مني وجه  شكد حاول  يدك الباب بحجت الملابس افتحله الباب واطلع يلزمني  اعت ايدي وامشي ركض الغرفت عمتي مبين حجي عمتي وخالو مأثر بي محاول يغلط لو يجبرني اسمعه بيوم الراد يروح العصر ودالي خبر بيد عمتي احضرله ملابسه بلجنطه

ماكلت شي وديتله رساله تعال انت حضر غراضك مالي دخل بيك وصل وراه خابر مرديت صدك صارة ب٤ رجع من بره كان طالع اني كنت بلهول شفته من الشباك طفرة الغرفة عمتي حتى ميحاول يحجي وياي دخل شافني كاعده يمه هي سولف ويه اخته درة وجهي ضليت اباوع على التلفزيون

عافني وراح وره ساعه طلع مبدل والجنطه بيده دخل يسلم على امه عفته وطلعت الغرفتي اعرف يحاول يسلم عليه قفلت الباب من عرفته رايح طلعت

عمتي سكتت ومبين عليه مقابله مكدرة تحجي لان العرفته من محاجي كايللهم بيني وبينه مااكدر احجي وهلمرة اني اعترف أذيته هواي وحقه بلسوي بس ضربته لان اجاوزة وطولت السانه حاولو يعرفون منه مقابل قافل الموضوع بس متعهد الخالو ارجع وميتقربلي

مرة الايام بسرعه بين البيت وبين اهلي اخابرهم وضع معدتي ماعرف اتقيئ هواي وبس نايمه

نهله تكوم تكعد تبسمرني عايفته طبه طوب ومااكدر احجي خالو ميسكت هلمرة هوه يدور حجج عليه هي لحد الان متنزل هواي منهد مكاللهه مااريد المحج جوه تفترين تاخذين اكلج وصعدين خلقتج ماريد اشوفه وصدك من شوف خالو موجود متنزل شعده فندق بكافة الخدمات  مسويه البيت تاكل وتصعد حتى من مموجوده تنزل تخلي رجل على رجل وشوفني اشتغل متمد ايده تريدني احجي مجاهلتهه عمتي تباوع وتسكت تخاف من لسانهه ومتريد خالو يسمع هلمرة يذبحه

قتيبه طول بروحته اكثر من سبوعين هذا سبوع الثالث يخابر عمتي يكله زخم بلشغل والمواضفين الجانو وياي طارديهم وضال بس اني واحد وياي والعمال الجوه ايدي يرادلهم توجيه جدد قسم بيهم يخابرني

مو بكثرة مثل اول ايام ماارد

لحد مايوم خابرتني سارة وعزمتني على خطوبة رحاب وحسن الشي الوحيد الاذاني حسن ميستاهل رحاب ومااكدر احجي شي كتله اجي مقبلت كالت شلج بأذيت روحج كتله بلعكس ناسيه اريد اتونس

انطيت خبر العمتي وهلمرة اتفقت اسبوع اضل علمود اروح اشتري من السوك واحضر روحي واشوف اهلي هواي عندي شغل الروحي قررة هلمره اصبغ شعري اتفقت وياا سارة تحجزلي وديتله رساله رايحه البيت اهلي على خطوبة بت عمتي  مكتله منو ودالي جواب منو من بنات عمتج  مرديت

بس اكله رحاب ميقبل وهلمرة قافله اروح لو ينطبك السما على الكااع اروح

(تنويه الاحداث الصارة بلكم بارة الاخيرات كلهن من ذاكرته نباء  لمن كانت بيت اهلهه وره رجوعهه من خطوبة رحاب ماريد الاوراق تختلط عدكم )

فزيت من ذاكرتي سارة تهز بيه كتله شبيج كالت هااج هذا ماعون فواكه اكلت شوين  شتهيت نومي رحت دورة لكيت ماكلت لا شيفته وخليت فوكاه ملح كعدت اكل كملت غسلت ورجت  كعدة اكلب بلجهاز مرة ساعه حسيت معدتي بدة تكلب كمت شربت حب كرط مفاد لحد ماحسيت مااتحمل ركضت تقيئة اجت سارة شافتي اتقياء وبكثرة صاحت امي

اجت امي تركض شبيج كتله مااعرف احس معدتي تريد تنشلع

نزل شمس كال شكو شبيه نباء امي كالته هم معدته خلي ناخذه للمستشفى صحت مااريد هسه من استفرغت شويه وارتاح ارجع مابيه شي

ماسمع كلامي  مثل كل مرة امي كالت روحي لبسي بين ماالبس عباتي وجواريبي بسرعه لاضلين كاعده بلحمام

اخذتني ساره لبست وطلعتني لكيته تلبس بربطته كملت اخذتني وصعدتني  حركو
شمس كال خاف متسممه وهيج تتقيئن شماكله

كتله مماكله شي بس فواكه

كال اخاف ممغسوله لو قديمه

امي كالت لا يمه غير انت اليوم اسوكتهن واني عزلتهن مابيهن شي

كال زين اذكري شماكله غير الفواكه  خاف من العشه

بس نومي قبل شويه لا موتعشيت وياكم وانتو كلشي مابيكم

سكت يمشي طلعنه منطقتنه

كتلهم خلي نرجع استقريت مااحس بشي لو تسمم ما كان هيج استقرة معدتي

كال نباء غير نعرف ليش تقيأتي فجأه ماعندج اعراض مرض ومابيج شي فجئه كلبت معدتج مخسرانين شي يجيكج الدكتور ونرجع

امي كالت اي يمه اختج من جانت تشكي من راسه وتبلع بهل البندول وترجع اليوره لحده مااغصبته واخذته طلعت عده فقرة من ركبته طالعه وتضرب على راسه وهبوط بلضغط  وهم علاج وابر والحمدالله زينه انتي كذالك لاتهملين نفسج امي الصحه متتعوض اخسريلج كم فلس واكسبي صحتج لاضلين فاهيه عمتج ماشوفج من تتقيئين متكلج شبيج

كتله لا  خطيه تكلي وكم مرة رادة تودين حتى كالت القتيبه بس اني مقبلت اروح اعرف روحي حموضه عندي ومااتحمل

كال شمس  غلط المفروض جيكين حالتج ماريد هذا الشي ينعاد زوجج مو هنا خابريني واحجزلج انتي وامي انتي وعمتج اخذج

كتله صار راسي كام يوجعني مالي خلك نقاش شويه وصلنه للمستشفى  نزلنه دخل سلمنه الاجهزه شمس كال اكعدو هنا اشوفلكم دكتور  همزين ليل وماكو واهي مراجعين شويه واجه  رحنه ورا دخلت عله دكتور بعد مكص باص

دخلنه كال شبيج سولفتله كال كومي اقيس ضغطج قاسه طبيعي شويه هبوط  كتب ورقه كال ذني تحاليل سويهن وتعالي امي كالتله دكتور مافحصته

كللهه حجيه هي تشكي من معدته شون افحصه انطيته كم تحليل سوي وعلى ضوء التحاليل اشخص السبب

طلعنه سوينه التحاليل انتضرنه حدود ثلث ساعه راح شمس جابهن بعد مذاعو اسمي نباء علي سلمان

رجعنه للدكتور واني افتر وياهم على اعصابي لكينه يمه مراجع هم انتظرنه اكثر من ربع ساعه وطلع دخلنه شاف التحاليل

كال صارلج شكد تشكين من ألام المعدهَ (بكر الميم بفتح الهاء تنقري)

كتله هواي صارلي

كال يعني شكد بلضبط

كتله تقريبن سنتين او اكثر بس هاي الشهرين زادة عندي الحاله

هز راسه شمس كال دكتور خير بيه شي

كله لا ماكو شي رجع سالني انتي مزوجه

استغربت سؤاله شون عرف كتله اي

كال مبروك حامل

طبعن يحجي ويباوع على التحاليل

احس روحي انشليت كانو انسان طيرني لابعد شي بلهوه اباوع على امي فرحانه وعيونه تلمع شمس كال الف مبروك

واني بعدني ممصدكه كتله دكتور صدك اخاف غلطان شو اتأكد

ضحك كال شبيج بابا اكيد متأكد وهاي تحاليلج تكول واذا عندج شك بتحاليل المستشفى تكدرين تراجعين اي دكتور وسوين على الخاص

ضليت ممصدكه امي كالته سوده عليه  ممصدكه عيوني اعذره

كله لا حجيه هي بعمر بنتي واني هم عندي بنيه زوجته اجتني للعيادة تبجي راسي يوجعني وشهيتي مفتوحه راح أسمن ويخرب جسمي فدوه بابا دبرني
كتله سولي تحالي كتبتهن الهه ادري بيه مابيه شي دلع بنات
راحت ورجعت بلتحالي شفتهن عده حمل لهذا دتاكل كتله
كامت تهوس وكلساع كالت اعيد التحاليل اخاف يجذبون عليه ذوله فعادي بناتنه يحبن الدلع يحجي ويبتسم بوجهي

امي كالت الله ينطيك يمه فرحتنه بهذا الخبر الجهال نعمه

رجع كال صح واكو هواي ميحسون بهلنعمه المهم عزيزتي نباء  سبب ألم المعدة عندج زيادة بأفرازاة الغدد الصفراء فجادر الل معاء الهه نسبه معين لتحمل الافرازاة الغدد لهذا تتخلص منه وصايرة بداية

قرحه وبلاضافه حملج مجتمعات ومأذياتج

سألته دكتور الي شكد بلحمل ضحك

كال بابا مبين عندي يراد مراجعت دكتورة سويلج سونار ويبين بلسونار

كتله اكو هناا سونار اسوي هنا حجيت والتفتت الامي

كال اي بابا مستشفى عامه شون مبيه سونار

مااعرف شبيه انثولت من سمعت بحملي

رجع شمس يسأله على القرحه كله هي عايفه معدته وحايره بخبر الحمل سهله انطيه علاج وتستمر عليه

منعني من اكلاة الحار والحموضه شي مالح ماكو وكومه شغلاة طلعنه كتلهم اريد اسوي سونار امي كالت يمه باجر اخذج لاخصائي

ماقبلت شفته هي هم تحب هسه سويلي سنوار لحيت قبلت شمس ساكتت منطيني على مايي

سألنه كالو قسم السونار مينفتح بليل بس الصبح ضجت
رجعنه وبلطريق شمس وكف يم صيدليه جابلي علاج ورجع للمستشفى حجينه عليه ليش مجبتهن مناك اقرب مقبل كال هاي الصيدليه اضبط وعلاجاتهم مضبوطه واصلاً صاحب الصيدليه صديقي ينصحني ياهوه الافضل كال لاتنزلون اروح يجيكهن الدكتور وارجع

رجع مشوار الزين من مديت جسمي للامام وشغلت اغاني ملكيت شمس يحب الاغاني الهائه طفيته اجه كال شسوين ولج كتله شنو السالفه اغانيك ينعسن

كال لعد شتريدين اطلعلج رعد الناصري لو ساجده عبيد عندي عرس

كتله لا يعني ذني الاغاني الشبابيه حلوات هواي نازلات

كال مااستطعم بيهن عوفج من الاغاني هاج هذا علاجج وياهن فيتامينات من نوصل للبيت افهمج عليهن حرك وطلعنه

باوع على امي كال هااا حجيه شوه ذابته على الصامت

كالت لا يمه هيج جانت سالفه مدوختني ونحلت

كال خير يمه سالفتيش

كالت لا ماكوشي سالفه قديمه

كال يمه اذا اكو شي لو صاير شي لاضمين كولي مااريد اسمع من غيرج اذا مامحلوله واكدر احله كولي هسه ونتفاهم عليه

كالت شمس لا تاكل راسي يمه سالفه راحت ولت فاتت عليه ايام ونطمرة هيج اجت على بالي

كال لا يمه اعرفج دومج اضمين عني وين يله اسمع وهاي مال خطرة على بالي متمشي عندي

كالت ياا شلون بله  متخطر على بالي مشاكل قديه هسه ذاك اليوم اجة على بالي عركتي ويه ابوك الله يرحمه من راد يبيع قطعة الستلمه من الدوله شكد كتله لتبيعه وعاند وهسه ذنيج البيوت والقطع صعدن صعده لو عايفه جان هسه تسوه ملايين  

كال يمه قابل بطران ابويه غير احتاج فلوس فوك فلوسه ويشتري العمارة السكنية لو هوه مايفكر ويخلينه شغل جان هسه منين عشنه اصلاً رحمة على موتا من سوة هيج بدال متترحميله وتكولين فكر بينه القطعه تجي غيره

كالت شوكت اني حاجيه عليه بلعكس اترحمله واقراله قرأن كتله سالفه وخطرة على بالي لاتاكلني حاصل فاصل

كال يمه رحمه على موتاج هو منو الماكلج غير انتي فتحتي موضوع ابويا وتلومين بيه ليش باع الكاع

كالت اني الوم بي شوكت لايمته كلت ليش باعه وتعاركت وياا بوكته

كال شمس اهووووو هسه شيفضه ويه امي هاي هيه عمي اعتذر وحقج عليه وهاي راسج ابوسه اخذ راسه باسه

كالت ولي لاتبوسني صاير تزاغل بلحجي اعرفك شميس شنو موالك ابني ومربيتك

كتلهم اخذتوني مريضه اشكي من معتي راح ترجعوني مجلوطه شبيكم دورون سوالف تعبانه

طبك ودار عليه ماكو تعبان غيرج انزلي لا اتلفج بهاي الحاويه يأشر على حاوية بيتنه

كتله انزل واشرد للغرفه مالي خلك مناكركم

امي نزلت قبلنه

دخلت اشو ذني هلهلن  وسارة جابت مال تقديم الجكليت وكله ديريه على راسي

سارة.. ولج حامل گرة عينج

ندى بوستني وكالت الف مبروك ان شاءالله تكومين بلسلامه

امي سمعت سارة من كالت گرة عينج صاحت سويره سوسة البله اكعدي راحه لا اكوملج كضي لسانج لااكصه وحق ذاك النام بلنجف

اني وياهه وندى وحده تباوع على الثانيه ندى كالت شبيه خالة ضايجه من دخلت فرحانه وكالت نباء حامل

كتله هي وشمس تناكرو وتلكيه عصبت

سارة كالت واني شعليه كاام ترطن عليه

ضحكت بعد امج وتعرفيه من يكبن عده كتلهن شون اضل واكفه بلمطبخ

دخلنه ندى سالت شمس وين كتله وصلنه ويمكن طلع اني دخلت مااعرف راح ولو بعده

بيبي اجت من غرفت امي للهول باركتلي وضلت تسالني شكال الدكتور سولفتلهه

مرن يومين من اجيت من اعيالي امي ثاني يوم حجزتلي يم دكتوره نسائيه رحنه فحصتني بعد انتضار طويل  وازدحام المراجعين طلع بلسونار عمر ال طفل ٣ اشهر حامل وبعد ٧ ايام ادخلين بشهر  الرابع
اني وامي وحده صافنه على الثاني

كتله دكتوره كولي غيره شلون ٣ اشهر مااعندي اعراض حمل حتى شهريتي تجيني بس هذا الشهر اجت يوم واحد ونكطعت
وماعندي نساوة بس اذكر تنسيت على لحم شوي مرة وحده

كالت اي ماما اكو هيج حالات  متبين اعراض الحمل وهذا الينزل وسخ مو دورة مدام هذا الشهر اجتج يوم معناهه راح ينقطع الطمث ورة مجيبين ترجعلج طبيعي

ومدام متنسيه بنومي ولحم شوي بدات نساوتج من هسه بس مطول شهر وتنقط وراهه صير نساوه قليله

فرحانه بحملي والدنيا مواسعتني شكد شفت ضلم من  قتيبه بس هذا الحمل احسه ثمرة تعبي هوه حينسيني يومي الاسود

رجعنه بعد مكتبتلي علاج

يومين مرن وحلفت امي متنطي خبر الهم اني ابشرهن اسويه مفاجئه  كوه قنعته وبنفسي اكول ا

ني افرحك ياقتيبه اله اسود عيشتك مثل مسودة ايامي الراحت شكد استغفر بس من اذكر حجيه واتفاقيته ويه رحاب ادعي عليهم من كلبي

عمتي خابرتني كالت رجلج نازل
كتله باجر ارجع محد من الولد موجود وخالو بوكته طالع الغير محافظه

هذا حملي متعب بس نوم واكل ونساوتي زايده ملتمين كتلهم كايمه انام جانت دنيه عصر قفلت
بيبي كالت راح يصير الغروب ميصير

كتله بيبي مااكد كلش مقفله

امي كالت يمه عوفيه حمله ثكيل مبين من نومهه روحي ارتاحي صدك نمت  كعدتني سارة كالت الحكي رجلج مسوي حادث

......يتبع