ماسك بياض البيض..وفوائده
لشد البشرة وتصفيتها😎

ومثل ماعلمتكم بالنهاية بعد كل ماسك..لازم ترطيب بشرة😍
وهذيني انواع المرطبات👆🏻

ومنا ماسكات لتغذية الشعر 🌚❤️وكل العنايات بالشعر

اللي رادت تسمين وجه ..منا👆🏻🤓

وأهم شي ابتعدي عن أي حبوب من مسمن بوما وكيتو وغيرها..لانو اضرارها تظهر على المدى البعيد💔

دعاء اليوم الرابع والعشرين من شهر رمضان

💭♥️#يسعد_أوقاتكم_بكل_الخير ♥️💭

♦️💭#توقعات_الابراج_ليوم_الاثنين ♦️💭

#الحمل 💬✨
مهنياً: مع انتقال القمر الى برجك تتخلص من بعض خيبات الأمل، وتكون قادراً على النهوض مجدداً والمضي قدماً في إنجاز ما خططت له.
عاطفياً: تبادر إلى الانطلاق بحيويّة كبيرة، وتسعى إلى الإمساك بزمام الأمور وتشعر بأنّك مسيطر على الأوضاع.
صحياً: التمارين الصباحية مفيدة قبل تناول الطعام أو أي مشروب منبّه.

#الثور 💬✨
مهنياً: تتراجع الحظوظ لحظة وصول القمر الى مواجهة برجك من الحمل وتضطر إلى أن تتكيف مع ظروف جديدة، تطورات في حياتك المهنية تتطلب الكثير من الحرص.
عاطفياً: الاستفزاز مع الشريك غير مستحب على الإطلاق، لأن رد فعله سيكون مكلفاً وتدفع الثمن غالياً وتندم.
صحياً: لا تجازف بصحتك من أجل مكاسب مادية رخيصة، لأن الصحة هي الأغلى.

#الجوزاء💬✨
مهنياً: تحاول أن تنهي مهمة تشكل عائقاً بالنسبة إليك لتنطلق بمشروع جديد مهم جداً تبرهن من خلاله ما أنت عليه في الواقع.
عاطفياً: تنتابك شكوك تجاه الحبيب وتشعر أنه غامض، بينما الحقيقة أنت من يكتنفه الغموض.
صحياً: خفف قدر الإمكان من تناول المشروبات الغازية ولا سيما خلال تناولك الطعام.

#السرطان💬✨
مهنياً: لا تبدأ بأي مشروع جديد قبل أن تنهي إلتزاماتك إزاء مشروع حالي لأن الأمر رهن بنجاحه أو بعدمه.
عاطفياً: لا تقدم اليوم على مغامرات عاطفية جديدة، بل أنت مدعو إلى التأني والحذر في هذا الشأن.
صحياً: نفذ قدر الإمكان الإرشادات الغذائية، وإذا أحسست بالانزعاج راجع أخصائي التغذية.

#الاسد💬✨
مهنياً:وصول القمر الى الحمل الناري الصديق يجعلك تقوم بخيارات صائبة وتحصل على مبالغ لم تتوقعها، من حقك أن تفرح وتزرع الفرح في محيطك.
عاطفياً: أخبار حلوة وتطورات زاهرة، تخوض غمار علاقة فريدة من نوعها وتعرف تطوراً يفرحك ويريحك.
صحياً: كما تحرص باستمرار على تفقد رصيدك في المصرف، تفقد وضعك الصحي أيضاً لدى الطبيب المختص.

#العذراء💬✨
مهنياً: تحديد الأهداف في مسيرتك المهنية مهمّ جداً ويوفّر عليك الكثير من الجهود غير الضرورية، وتقديم التبريرات التي قد لا تنفع.
عاطفياً: قد تكون بعض تفاصيل المرحلة المقبلة سبباً في عدم علاقة ما فحاول أن تتغاضى عن التفاصيل الصغيرة.
صحياً: العقبات الصغيرة لن تشكل عائقاً أمام إصرارك على متابعة تمارينك اليومية.

#الميزان💬✨
مهنياً: أنت مدعو الى التّحفظ تحت التاثيرات الضاغطة للقمر من برج الحمل ولو انّ الفرص المهنية جديدة متاحة امامك، امور طارئة قد تحصل وحظوظ لم تخطر بالبال.
عاطفياً: تغييرات مفاجئة تطال وضعك العاطفي وتضعك أمام مسؤوليات كبيرة قد تعجز عن القيام بها.
صحياً: أنت دائم التوتر ومعرض لاضطرابات نفسية ما يجعلك تعتقد أنك تشكو أمراضاً خطيرة.

#العقرب💬✨
مهنياً: قد تفرض رأياً أو تحقّق رغبة، كأن تُعيّن في منصب أو تحتل مركزاً أو ما شابه، فتبرهن للجميع أنّ العلم سلاح الإنسان.
عاطفياً: كن ناضجاً واترك الأمور تسير بهدوء وتكيّف مع الأمر الواقع ولا تقاومه، وكن مستوعباً لكل ما يصدر من الحبيب من تصرفات.
صحياً: مارس برودة أعصابك على محيطك ولا تفقدها، وخذ الأمور بروية.

#القوس💬✨
مهنياً: مناخ إيجابي لتطوير قدراتك العملية، استفد من هذا الأمر قدر المستطاع ولا تدع الفرص تفوتك لأنها قد لا تتكرر في المدى المنظور.
عاطفياً: تغاضي الشريك عن تجاوزاتك فرصة لك لتغير تعاملك معه، وهنا يفرض الحذر نفسه وتؤدي الحكمة دوراً كبيراً.
صحياً: أنت قادر بإرادتك الصلبة على التخلص من السمنة واستعادة عافيتك ونشاطك.

#الجدي 💬✨
مهنياً: عراقيل تفاقم وضعك المهني، وتنهار أمامها وتجد نفسك عاجزاً عن مواجهتها، بسبب إهمالك المتمادي في ملاحقة أهم القضايا المهمة.
عاطفياً: انتبه لمعاملتك الشريك، فهو يتحمل منك الكثير ويسكت، لكن هذا الأمر لن يستمر طويلاً.
صحياً: عليك المبادرة اليوم قبل الغد إلى الاستفادة من عامل الوقت لممارسة هواياتك التي تريحك نفسياً.

#الدلو 💬✨
مهنياً: تقدم على خطوات كبيرة هذا اليوم، لكن بعض التريّث من شأنه أن يعزّز قدراتك وثقة الآخرين بك.
عاطفياً: لن تجد نفسك إلا مطواعاً لآراء الشريك وهي دائماً ما تكون في مصلحتك وتضعك على السكة الصحيحة.
صحياً: وضعك الصحي الحرج والدقيق لم يعد يحتمل أي تراجع، سارع فوراً إلى طبيبك.

#الحوت💬✨
مهنياً: مشاكل بسيطة لكن في المقابل فرص محتملة لاسترجاع حق أو للعودة الى الماضي كي تحاسب مَن اساء إليك.
عاطفياً: تتجدد العواطف وتشتد الروابط متانة وتستيعد ثقة الشريك وتقرر تمضية أطول وقت ممكن معه.
صحياً: عليك التخفيف قدر الإمكان من تناول اللحوم النيئة والسوشي لأنها المسبب الأكبر للكوليسترول.

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثالث والثلاثون

بكيت وهل بكاء القلب يجدي؟
فراق أحبتي وحنين وجدي!!
فما معنى الحياه إذا افترقنا؟
وهل يجدي النّحيب فلست أدري!!
فلا التّذكار يرحمني فأنسى ولا
الأشواق تتركني لنومي فراق


كانت عمتي تحاجي نهله بعتاب وألم على خالو
تكللهه امچ شكد شافت ضيم من ابوج وضرب جان نار كبره محد يتقرب يمه ياماا نضربت وجاعت شبعت ضيم انتي چبيره ومتفطنه عليه كل هذا تحملت وگفت عليكم
ولا فديوم سمعته اشتكت لو كالت عبد الرحمان موزين نسمع من عماتج اجي اعاتبه ليش متحجيلنه تكلي شحجيلج وهوه ابو بيتي مااريد الناس تشمت بيه يبقى ابو اولادي اليعيبه يعيبني شفتي لعد امج شكد حليمه ومرضعهه طيب انتي عليمن طلعتي

ام قتيبه امي تحملت لان فقيرة واستغله المايخاف الله اني مااعيش العاشته مااخلي خوفي منه يسوين بس خدامه وزوجه بليل هاي حياة حرام عليه رجعت وذليت نفسي حتى بلنومه يذلني والله الله ميقبل عركه والثانيه لزملي الباب ميرد اخذ حمودي واروح مااظل من دونه المصربني هوه

عمتي كالت نهلة نسيتي عمايلج اذكرج يوم الي اضمضمين ويلكفج وتكعدين تبجين تطلبين السماح ويكلج اخر مرة وترجع اموركم طبيعيه نسيتي دلاله الج اول سنه زواجه شفتي شايلج على راسه بس أمري واطلبي تالي رفعتي خشمج علينه عبالج هلدلال وكمتي تزعلين ومشاهه الج لحد ماكمتي تتحججين اطفال وماعندي وخلي نراجع اووو لحد مفر عكه ومكه يله صار حمودي وحكمت ربج اجه معاق اسويتي وراهه

تفرعنتي بوك مابوكتيني حجي ايسم البدن ماسمعتين اختك واختك شياطينج طلعتيهن عليه لو انتي لو اني بلبيت خليتي يكمز وشكل عنده ضغط

واني اجفه الشر كلت اخذ وليدي واجر بيت نعيش بتقاعد ابو شسوه بيه مو راد يطلكج بس اطلع

اني مرة اباوع الاخرتي كبل يومي لااقبل بلغلط ولا اقبل بلعوجه هااي نباء من اجت لليوم طفله بس عقله جبير احتوتني ولليوم معلت حسه عليه شبعت كتل من قتيبه الغيره زعلت ولو يدرون اخوانه بعمايل ابني من زمان مطلكيه ويشترون راحت بتهم



يمه لاتتعافين وفكري بحجي غيرج يتمنن الفلس يتمنن البيت يتمنن الكمه وانتي غركانه منين ماملتي غرفتي
عوفي افكار خوانج المسومه عدهم الفلوس اهم من بيتج مانعرف دكهم ومدكوكهم يسجل المعرض بسمج
عركتكم عليمن هاا اكو مره حبابه تاخذ مليونين من رجله وتنطي لخوه لامن دره ولامن شاف شكلتي النفسج شون انطيتي ماخفتي من يعرف قادر شيسوي وشفتي اسوه المثلج حياته ويه رجله على الحافه تكسب رجله تنسي مو كاعده
وتردين كلشي بيدج نهلة فكري عدل وراجعي نفسج محد يفيدج لااخو ولا ابو ولا احد غير رجلج وبيتج خوانج كلمن بيته ومرته ابوج ومرته ولاانتي تحمليه ولا هي تريدج وين ترحين لو كلج لمي هدومج ورقة طلاكج توصلج يسويه وميرفله جفن هسه ملتهي بأبنه

اليوم اشسوه من شافج مرايحه فكري عدل والعقله براسه يعرف خلاصه وانتي مو زغيره عمرج ٣٦ سنه
مااكول غير بس الله يهدي سركم كومي يمه غسلي وجهج وصلي صلا حاجه طلبي يبرد كلبه من ناحيتج كومي البجي ميفيد تعاي نباء كوميه

اخذته غسلت ودموعه تنزل مسكتت من البجي دخلت بغرفتي رادة مصلايه

والغرفه هوسه الفراش بعده بلكاع مشايلته لفيته وذبيته على الجربايه سويتله مجال صلي

لميت الفراش ورجعته المكانه عدلت الجربايه خاف تنام عفته اصلي على راحته

عمتي على كعدته استحيت اسأله سبب عركتهم من وره الفلوس معقوله ماخذه منه فلوس بدون ميدري

رحت للمطبخ لكيت جدوره مركة تبسي لحم وتمن ابيض مااشتهي
حميت الجاي طلعت جبن سويت لفه اخذتهن ورجعت يم عمتي

كالت عمى ليش مااتغديتي

مااشتهي اكل ثكيل

سكتت مبين عليه ماله خلك

كتله عمى شبيهم

كالت يمه عوفج منهم نارهم تاكل حطبهم ليش دوخين روحج بيهم الاريده منج هي داريه هم خطيه صارله سبوع دموهه مانشفن واخوياا هم الله يعافي ايده والضربه

هسه انا انام من يجي خالج كعديني

كملت اخذت كلاصي غسلته كمت افتر شسوي البيت فارغ وهدوء اهلي يخابرون
خواني وامي رايحين للمستشفى من خابروني كتلهم مو بلبيت

سارة

بعدة اخر اتصال بيني وبين محمد خلاني قلقه اني مو جنت ناويه اتركه ليش سمحت النفسي اعلن الحب
سنين اني دافنته واتغاضه عنه صرة بحالة قلق نفسي
ضليت اكل بروحي وين انطي وجهي فكرة اخابر نباء ترددة بعدين لغيت الفكرة بس تسمع والله تكوم القيامه فوك راسي

مشت الايام شويه انسه من اداوم دائماً يوديلي رسائل غزل ادري بي ميحب يحرجني ويحر

ج نفسه وارسائل دليل فكرة انو اني مناسيج اذا مااخابرج من اقرة الغزل كلبي يكوم يوجعني دوامت التفكير دمرتني

لحد مفديوم كاعدين وحده كالت تذكرن ولاء حبيبت ليث كلناله اي شبيه

كالت ازوجت غيرة

كلنه صفنه النعرفه همه ثنائي رائع الكليه سولف بحبهم رغم ميبينون كدام احد ولايطلعون سوه هوه كان يخاف عليه من الهوه لهذا يخاف على سمعتهه

سالته جيهان ازوجت منو

الصدمه من سمعنه زواجه من شخص كان رايده ومتريده على هذا الاساس

ضلينه مذهولين كتله شلون صار هيج موهي بنفسه كالتلنه اني مااريده ولااطيقه واحب ليث ومتابدله بهيج نموذج

كالت شوفي هاي البطرانه شسولف غير تواعدهم ثنينهم وليث من الناس لكفه مدري شون طلعت روحه من الموضوع

كالت غفران اذا متخرج ومتعين وسيارة وبيت وحده تعوفه وضل ويه الحافي ليث يادوب مطلع مصرف الجامعه يمعودات لاتستغربن عادي وتفكيره صحيح الحب ميوكل اووو ختولي شلنه ذنوبه بله على شنو

صفت ويه روحي اني اكل بروحي ومتعبه نفسي على شنو راح احاول مااهتم ومااشغل بالي

رجعت الساعه ب ٢:٣٠ لكيت مرة شمس بلمطبخ بوسته وطلعت للغرفه بدلت وطلعت

كتله وين الجماعه

كالت خالتي تقصد امي وبيبي موهنا راحن البيت خالو حيدر نائل ويه شمس بلمجمع

كتله وفروخج وين

ضحكت فروخي فوك بغرفت العابهم


راحت ياالله هاي البنيه شكد رقيقة بشكل كلامه واسلوبه هادئ شكد امي ادوس بطنه تسكت ومراة اشوف بس دموعهه
اركض احضنه اكله لاضلين هيج فقيرة دافعي على نفسج
تكلي عيب هي مرة جبيره شكللهه

كتله لاهواي يأمن شمس يعوفج وحدج ولج شبيج صيري قويه اذا مغلطان بحق احد ادافع على نفسي
لاضلين ثوله كتله بااعي امي انسانه قويه وصارمة والبغلط اقسه عقاب تنفذه بحقه سواء ابنية لو ولد لهذا يراد تكونين قوية ولاضلين حسرة تحجي حجاية تنزل دموعج لان على هل الحاله تكضين عمرج هنا تبجين
امي ترزل على كلشي وتريد كلشي على مزاجهه

كالت سارة شسوي ميعجبة وتحجي عليه فاهيه

كتله يبوو ياندى عليج انتي وامي شلون بيجن كل وحده من قطر شمس جمعجن واني ابتلي

طيبت خاطرة وسكتت

الحلو بيهه لو البيت يحترك متنقل شي الشمس اني شايفته شكد عصبي واذا طبكن عنده يحرك الاخضر واليابس بس من اشوف تعاملة ويه زوجته وجهال اكول سبحان مغير الاحوال والاحله بلموضوع معتبر ندى واحد من جهاله بلتعامل وياهه
وهي صدك طفلة وعفوية

شفت غداهم كص دجاج على التمن هذا طبخ ندى طيب
اكلت ورحت اكعد اقرة مثل كل مرة افرش الملازم داير مدايره وكلشي احتاجه اسوي جلسه استرخاء قبل لا ابلش ارخي اعصابي افرغ دماغي من كلشي اطردة خارج عقلي واهم امر اسوي اغلق تلفوني

وابلش اقرة ياخذني الواهس وانسة روحي ومندمجه كمزة من دخلة أدم يركض ولازم باكيت يصيح عمه ثاله يعني سارة ثوفي بيبي جابتلي طيارة لازمه ويكمز

باوعتله بنص عين أدم تطلع لا احطك بلطيارة واطيرك البطن امك

يباوع عليه من شافني عصبيه خاف وضل واكف يباوع ردة فعلي وعلامات وجهي ضليت شادة حواجبي ضل شويه مركز شاف ماكو استجابه خله وطلع

رجعت اكمل انكسر ضهري مدنكه واقرة مطيت جسمي احس اعضام جسمي اطكطك

وامي وبيبي لحد هسه مراجعات فتحت التلفون وتمددة على ظهري شفته ٨ صايره اووو شكد كاعده وماادري بروحي

طفرة سمعت صوت شمس ونائل دخلت للهول كاعدين يتابعون طوبه الله

وهي تروح منا وتجي منا تحضر جاي واركيله

كتله يبوو هذوله شبيهم ينعرون

ندى اخذتلهم الجاي ورجعت

كالت عوفيه تعالي سويلهم المعسل بين مارضعهه لبتي

راحت الغرفتنه ترضع أديم ضليت اسويلهم الاركيله صاح نائل يمعوده خلصت العبه والاركيله مجايه

خليت الفحم فوك السلفون وشلته وصلت يمهم اجيت احجي مكدرة شمس كاعد واذا غردة يجيبني براشدي يفقدني الذاكرة

عفتهم يهوسون وصايرين حكام من كميت تعليقاتهم رجعت للغرفه

شويه سمعت شمس صاح سااارة طفرة ياستار رحت شفت محمد اجيت ارجع ابدل لابسه تراك بيتي صاح سوي جاي

باوعت عليه سلمت ورجعت

اسوي جاي واحجي هذا شجابه هسه كملت وديته وصلت اقدمله اخذ الجاي والبتسامه شاكه حلكه

همس عاشت ايدج

رجعت للمطبخ قطعت الكيك عدنه بلثلاجه دائماً امي وندى يسونه الجهال يحبوو

وكرزات وحب وقواطي ببسي فدشويه هم يردون وديته كاعد بلكاع ومنتجي بصفه شمس يشرب اركيله

شمس ونائلة يهوسون هوه كاعد يدخن جكارة من شافني دخلت ضل يباوع حسيته يفكر وينفخ الدخان ليفوك خليت الصينيه على الطبله وطلعت

مرة كم يوم طبيعي دوام وبيت لحد معرفت ابن خال زوج نباء بلمستشفى

نباء
مرة الايام وحمودي على وضعه اني ونهلة توسلنه بعمتي نروح نشوفه كالت قادر ميقبل استرن عليه هوه منا اعصابه تالفه ماقبلت كعدنه وسكتنه

اليوم عمتي جزمتني على البيت نهلة خليت عليه الطبخ عليه اني سريعه بلتنظيف وصلت

انضف بغرفت عمتي ملتهيه اجتني نهلة تهلهل هاا ولج شبيج

كالت حمودي صحى من الغيبوبه

اني مو سمعت طرت رجليه ميشيلني من الفرحه كتله استعجلي اذا مابي شي خالو يطلعه ميخلي هناك

كملت على السريع ركضت بخرة البيت رحت اعاونه على الطبخ

خابرتنه عمتي سألناهه كالت زين والطبيب كلساع يفحصه وتحاليل عادوههن خالج خبصهم اله يعيدون التحاليل واحتمال باجر نطلعه اذا اطمأنينه

ليل وهمه ماراجعين اندك الباب فتحته نهله سالم جايب عمتي طب قدمناله مي وراح كال مستعجل اجيت اوصل خالتي وراجع سويت عشى وحضرنا اول مرة بعد اسبوع ناكل ونشبع ومرتاحين عمتي اخذت علاجه ونامت

ثاني يوم من الصبح كعدنه البيت نظيف طلعت سمچ عمتي كالت وكت سمج خالج جايب طلي بيد عابد

صارة ب٩ وبدة الجموع تتوافد خوات خالو بلأطلاق هنه وجناينهن وبناتهن الولد كمنه منلحك جاي ومي جابو الطلي

شويه واجه خالو شايل حمودي والكانونه بيده ذبح طلي جوه رجليه دخل وكله التمت اسلم عليه مكدرة اسلم طب للغرفه حطة على الجربايه حمودي ساكت كمل من أسألتهم على صحته ويتحمدوله على سلامة حمودي صاح وين نباء اجيته اريد اسلم كال بويه ترابطين يمه وشوفي شيحتاج هزيت راسي ترخص من خواته وطلع كعدة يمه بوسته نهلة من شافت خالو طلع ركضت حظنته وتبجي حمودي مستغرب عفته خطيه

رحت للمطبخ شفت الولد تكابلو على الطلي عابد وسالم واحمد نظفو واكطعو جابو جدوره بره صاحو خاله سليمه تطبخ صاحت عليه اطلعله المواد كمت اطلع وكلساع صايحني على شغله لحد وماعاط عابد خليه تجي هنا نحتاجهه زهراء كالت عوفي كلشي احنه بمكانج
رحت يمهم

طبخنه سوب لحم وتمن وحشو صارة بلوحده البنات بلمطبخ منظفات خضره

صبينه التهيت جيب ودي وحط مافضت لليل راحو قسم وضلو قسم

صارة ب ١١ جماعت خالو بلصالة كلساع جاي واحد زهراء ضلت يمي تعاوني نهلة بس كاعده يم حمودي
عافت البيت عليه صرة أله متحركه ظهري صار نصين رغم البنات مساعداتني بس ثقل الشغل عليه

خالو والولد انطيناهم فراش بلصاله الهول بارد مومال نوم

اسبوع والبيت ماافرغ خوات خالو رايحات جايات من غير الجيران التسمع تجي تواجب عمتي الواضح عمتي مواصل الناس اهلي اجو امي وبيبي سارة وندى مااجن هم ساعه وطلعن بيبي دخلت الغرفتي مشايفته وضلت اسمي واصلي على النبي

مسؤلية حمودي علية بوجود خالو ميقبل نهلة تجي يمه اخر مرة من اجه وشاف نهلة تنطي علاج زمخ بيه اني جنت بلمطبخ وعمتي بلهول وقبل اقل من ١٠ دقايق طلعت وجبة نسوان كال

موكتلج انتي مسؤله عنا

كتله خالو مو اني ملتهيه بلخطار

كال لاتخليني اسب الخطار من اكول شي يتنفذ اعتمدة عليج حمودي واجبج البيت يحترك يتفلش مالج دخل

عمتي كالت قادر شنو سالفتك امة قابل غريبه نوب تريد تمنع طفل من امه

كال اني كلت نباء مسؤليته محمد ام قتيبه لاتفوتيلي بدرابين كسر الخاطر واني اطلع باطل ومانع ام من ابنهه مامانعهه بس محمد محد ينطي علاجه ويداري غيرهه مفهوم مااريد اعيد نفس الكلام

عمتي كالت كافي ابو محمد شصار ام واعتنت بأبنهه كفر ميحتاج هلعياط والصياح

ام قتيبه ليش اطلعيني من طوري كلت هاي مالهه لزوم بأبني لو لا

هذا هوه التريده يصير بس كول ياالله واهدء هسه انا احاجيهه ياخويا بيه حيل تنجلط منو ينفعني باوعتلي روحي جيبيله مي رحت ركض جبتله كلاص مي شرب وهوه واكف

مسح على لحيته كال العمتي خويا مشي عليج علي فكيني منه ولاتخليه تقرب يم الولد لا ارتكب جريمه وساعته احرك الاخضر واليابس كلبي مورم عليه خلي تجفه شري لكم يوم ذني وراهه افرغ واشوفله صرفه مارحت سحلتهه اخاف على نفسيت حمودي ومتحمله الخاطرة ماريد اخوفا لهذا كضيه وحاجيه لان للصبر حدود وصبري وياهه خلص

التفتلي بويا بليل جايني جماعه شنو تحتاجينه كتبي بدربي اجيبه وهاا كليلهه تنام فوك

انطاني الكلاص وطلع عمتي ضلت تتكرضم عليه من شافته كلش انقهر

حاجته عمتي كبت العيطه كوه سكتته انوب تكمز كدام حمودي خرعته من سمعت ضلت تحضن وتبوس بي ابني مااعوفه لو يذبحني من شافهه هيج كام يبجي اخذته كوه سكته

مرة الايام واني مثل المصراع بين حمودي وتبديله واكله والعلاج وبين البيت نهلة اعتكفت فوك عمتي فوك مرضهه لازمه الطبخ تجي ايام بس احط راسي كبل انام من التعب

قتيبه يوميه اخابرة مجرد اطمأن وهوه يسأل على الوضع وعلى حمودي ويروح

فوك التعب احس روحي دايخه وبس اريد راحهه حتى من ادنك اكنس وارفع راسي اخذلي دقايق يله استقر من الدوخه

هذا السبوع الثاني شارف على الانتهاء

البيت رجع الهدوئه خالو ياخذه النهار يرجعه اليل اني تكفلت بكلشي حتى ملابسه وكويهن من مسؤليتي عشاا وغدى عليه

حمودي زاد تعلقه بيه كمت بليل اخذه يمي ينام تعود على وجودي

نهلة تنزل اشوفه من ماموجود خالو

قتيبه كال اتأخر بلنزله عدهم صيانه الأيام تمشي ارتاحيت من زخم الخطار كدرة انظم وقتي البيت كل يومين انظفه مرة عمتي تطبخ صح مااقبل بس هي مصره الطبخ عليه

نمت حلمت نفس غرفتي وبيت عيالي واني كاعدة اطلع بملابس قتيبه اصفطهن شفت الشباك انفتح اجت عاصفه ترست البيت تراب اباوع الغرفه انملت ملابس قتيبه انطمن من التراب كلت ياا هسه عمتي تحجي عليه شلون اطلع التراب

طلعت ادور على مكناسه شفته بره شلته من رجعت لكيت البيت كله تراب احجي ويه نفسي هذا شيكنسه مينظف بس بلغسل
ركضت مديت الصونده المي مكطوع المكناسه ضاعت الجوو انكلب هوه وعاصفه

فزيت كلبي مقبوض من الحلم تعوذة من ابليس
يومين وقتيبه كال احاول انزل هل كم يوم

صدك يومين ونزل كان وقت نزوله العصر استقبلته عمتي تبوس بي شاف حمودي زين

كعدنه بلهول كتله متغدي كال اي اكلت بلطريق نزعته جواريبه كال حضريلي الحمام ودفي ميت تعب

عمتي كالت اي يمه حضريله الصوبه الكهربائيه علكيه بين ميحلل وكعدة تحجي وياا على دوامه وشلون مكضي

جهزتله الحمام فتحتله دوش المي الحار اعرف طبيعته يبخر الحمام يله يطب

كتله يله الحمام جاهز كال تعالي طبي سبحيني مابيه حيل

عمتي كاعده والحمام بنص الهول وحجاه كدامه كتله شنو السالفه قتيبه انت اسبح

عمتي كالت يمه رجلج تعبان وكلج تعاي سبحيني مابيه شي

لا عمى عيب شنو اسبحه

كال شوفي يمه واكلج مااداريتني وانتي تكولين مداريتك

كالت لا يمه تستحي اشرتليه روحي عمى شلج بلمستحه غير هوه رجلج قابل ماشايفته

كال لا والله يمه كومه شاايفتني تعرفين عيارة نسوان

عمتي تضحك واني ضليت اكرص بي وهوه ولا يما كال شوفي شون تكرص جلبه مو اضافر

مخلاني احجي جرني وقفل الباب

حاولت مقبل اله اسبحه وصدك سبحته مااتحارش مبين تعبان عفته ينشف بجسمه

طلعت صار بوجهي خالو موقف العدوي مااتمنا فشلت متت بدمي طكيته ركضه للغرفه

شفته دافيه رتبته على السريع سمعته يحجي ويه خالو اتأخر وره نص ساعه طب لابس البرنص بدل انطيته بجامت نوم

كام طفي الضوه حتى للعشه لتكعديني

هلمرة اجازته طويله يعوضو عن تاخره بلنزول

الوضع على ماهوه عليه هدوء لحد ما مرة كاعدين بلغرفه اني وياا بوقته راجع ب١٠ كاعد ياكل كتله انطيني جهازك

كال شسوين بي

كتله اسمع نغمات فتحه وانطانيه ضليت اسمع وهوه ياكل ويباوع تلفزيون متحملت رحت على تسجيل الصوت خليت الهيتفون بذاني واسمع اغلبيته جماعته تسجيلات مكالماتنه ماكو يمكن ماسحهن

كلبي يلوب اريد اعرف علاقته برحاب كاعده ورجعلي شكو شعور نسيته او يمكن اتناسيته كلبته بحوشت منا منا ملكيت شي

سديته وشمرته بصفي تمددة شسوي احد يفهمني شون اعرف احاجي اخاف ينكر فكرة شلون ينكر وعندي تسجيلات الصوت هذا يضرب مااضمنه حتى اذا تغير والله يكسرني ضليت اتكلب

صاح تعالي شيلي الصينيه كام يغسل نزلت شلت الصينيه وطلعت سويتله جاي صبيتله بكلاص ونطيته

هوه ضل كاعد على الطوبه واني تمددة انام امثل النوم هذا الموضوع يخلني بحالة هستريه شكد مااحاول الزم اعصابي ينفرزني هوه امور لازم تتوضح وافتهمه لو اخر يوم بحياتي اعرف القصه اعرفهه

ساعتين مرن واني مغمضه عيوني ومااكدر انام افكرلي بطريقة حل لغز رحاب وقتيبه بعد مشوار طويل من التفكير كلت ماكو غير ندى اسولفله وتشوفلي حل صح فقيرة بس عرفت شون تحافظ على شمس

حسيت عليه من صعد نام اني هم نمت ثاني يوم ترخص من عمتي اروح الأهلي تانيت قتيبه كال ارجع ب ٧ تحضرين نفسج مجرد اكلي لكمه واوصلج واروح الجماعتي

كتله ميخالف صدك صارة ب٨ حظرة نفسي وصلني لهلي وراح كال سلميلي عليهم اذا سألوج كليلهم عنده شغل ومستعجل

دخلت للبيت محد موجود وصلتت للهول لكيتهم ملتمين كلت السلام عليكم

تفاجئو بجيتي كامت امي ياهلا بسوره ونورهه هلا يمه بوستني رحت بوست بيبي شمس حضني كال ولج حقيرة هيج نسيتي اهلج وكمتي تحبين عيالج اكثر منهه

كتله لا والله بس تعرف حمودي ستوه طلع من المستشفى وخطار وملتهين مااكدر اعوفهم واجيكم

ادري اجيتكم وابو حمودي يستاهل خوش رجال

بحدود الساعه نسولف شمس سألني على خالو وعلى قتيبه امي تكلة لاتسأل ناس والنعم منهم م

شايف عمتهه شكد تحبهه بيبي هم كالت والله مرة فقيرة ومبينه من اهل الله

سألتهم لعد سارة وين امي ردة نايمه علمود تكعد تقرة بليل عده امتحان

شوية وكلت الندى خلي نروح بلمطبخ هي هم كالت كومي خلي نسوي عصير طبيعي

طلعنة سوه هي راحت ادور بلثلاجه كالت طلعي الخلاط طلعت عصير طبيعي وموز وجوز وفستق

كتله شنو ناويه سوين طرشانه كالت لا عصير طبيعي

وذني شنو

نباء خليتي اشتغل مالج دخل

عمي اشتغلي منو لازمج بس كون عصير طيب مو تخبطين ونذب بلزبل هم خطيه امي وشمس افلوسهم حلال

باوعتلي فطرف عينه اكريمنه بسكوتج وهسه شوفين العصير شون موطيب وعود تعالي كولي علميني

ضحكت لا تخافين مااكلج

ضلينه نسولف وهي سوي بلعصير رجعت طلعت فطائر مسويتهن وكرزات

كعدنه شويه وطب خالي حيدر وزوجته وابنه صار شكد مشايفته ركضت حضنته

شافني فتحلي ايديه يابا هاي نونايتي الله صار شكد مسامعة هلقب باسني براسي سلمت على زوجه وابنه

ندى رجعت سوت عصير وقدمته اخذنه الوقت ومااحسيت صارة ب١٠ خابرني قتيبه خلي واحد من خوانج يجيبج

كمت افور طلعت بلطرمه

بله متستحي شنو اكل لخوني موعيب غير انتَ جبتني انتَ ترجعني قابل خواني سواق تكسي وهوه بس شمس موجود شكله اكله تعال وصلني رجلي يكول ماعندي مجال اجيج

كال مابيه شي واذا رجعوج راح يطير نصهم

كتله قتيبه شبيك هي مو شغلة يطير نصهم بس عيب زحمه اكله وصلني والله حتى استحي اكله

كال لاتستحين مابيه شيه يله رايح وسده حتى مخلاني اكمل كلامي

كمت افور خابرته كتله ماا كللهم انت تعال
كام يكفر وسده

دخلت افور لو يذبحني مااكلهم

بيت خالو رادو يرحون جلبت امي مقبل ابنهم عنده مدرسه دقايق ودالي رساله اني بلباب كتله ابو ادم قتيبه بلباب

طلع استقبله ودخله للصاله اجه خالو يمهم شويه وراحو

ضل شويه وكال يله رجعنه بس شنو اخذ الطريق حجي ومسبه سكتت ماارديت

وصلنه فتحتله الباب دخل سيارة خالو طبيت للغرفه بدلت اجه وراي كال طلعيلي خره

طلعته بدون مااحجي بدل وكعد يدخن كال كومي سويلي زقوم باوعت ب ١٢ ماحجيت سويتله اكل شفت شنو بلثلاجه حميته وخليته كدامه

كمل صاح شيلي وسويلي جااي عرفته يتحجج يريدني احجي ساكته

شرب وكمال كال كومي لبسي شي من العندج تنامين يمي بذني خركج

مااشي كمت بدلت لبست سيت نوم عرفته شيريد
هوه متمدد على الجربايه كتله شتريد بلضبط

كال يعني شريد اريد حقي انتي مو زوجتي والي يمج حق اريد حقي اخذه لو عندج مانع

باوعت مااكدرة اتحمل كتله خوش هسه انطيك حقك واني هم الي حق يمك

ضحك اي عادي شوكت متردين انطيج حقج

كتله هسه رحت اخذة تلفوني لكيته بلجنطه طلعت التسجيلات كتله اسمع
كتله هااا قبل لاتسمع كلشي محفوض بغير جهاز ومو هنا بغير مكان

ضل يباوع عليه مستغرب كلامي ممفتهم شي كال شبيج شاربه شجاي تحجين

كتله اصبر هسه تفتهم زين شمرة عليه التلفون اسمع زين

اخذه شغل التسجل اول مسمع الكلام فتح عيون ملامح وجهه انكلبن ١٨٠ درجه

اول مكال منين جبتيهن هجم عليه كضني من ركبتي منين جبتيهن احجي

كتله منك كاضني حيل كمت اكح وهوه ضاغط عليه عيونه ناطه من العصبيه وميعرف شيحجي ساكت ويباوعلي شلون اكح

عافني ورجع يفتر كال صارلج شكد تعرفين

كوه حجيت ضغطه على بلعومي اذاني عفته شربت مي شوية ارتاحيت

كتله اعرف من زمان لاعبالك مطيه

فرك وجهه وليش ساكته ومن يمته ماخذتهن وشلون اخذتيهن

ضحكت المفروض اني الاطرح الاسأله قتيبه انت من يمته تعرفه او بلبداية تعرف هاي منووو لو اكلك منو خلي اعرفك بيهه هااي بت عمتي واسمهه رحاب هسه جاوبني منين تعرفته وشلون تعرفت عليه وصار شكد وشنو البيناتكم

كال مااعرفه بنت عمتج ومابيناتنه شي صديقي يعرفه

كتله بصوت عالي قتيبه شنو كدامك طفله وتقشمره بكلمتين جاهله اني وتضحك على عقلي رحاب من يمته تعرفه

كلي صوتج لاتعيطين كتلج مااعرفه ومجرد شغلة بينه وبين صديقي ودخلني بيناتهم

...هههههههه عليك الله صدكت كمت اصفكله اسمع زين حجيكم ولعبالك بس ذني تره العندك كومه وكلهن سمعتهن وشنو الدار بيناتكم واذا اني تضحك عليه بكلامك متكدر تضحك على شمس لعبالك رحت هيج لهلي كل التسجيلات يم سارة اشارة مني يصيرن بيدين اهلي واشوفك وانتَ والحبابه بت عمتي شسون

ماحسيته غير اجه جرني من شعري بت الخره تهدديني بهلي وعلي هسه ادفنج شنو التسجيلات يم سارة هسه تخابريهه وتكليله تمسحن

عتيت شعري ودفعته لو تموت ولو تذبحني اله اخليهم يطلكوني منك وافضحكم ثنينكم

كام يكفر كسر تيب الام يم الجربايه فشر لمن مل عمتي بره تصيح شكو ياستار اجيت افتح الباب اجه ركض دفعني و قفل الباب عرفته خايف

صاح ماكو

شي
مسكتت عمتي اجت دكت الباب كال يمه واليرحم موتاج ماكوشي جنت اشاقيه ونكسرة المزهريه

ضلت تتحسب وتكله اذا ضاربه هلمرة اتبره منك

كال الله ينطيج يمه تتبرين من ابنج علموده

جاوبته خفه وبله على هيج ابن

كال رحماالله والديج روحي يمه مشكوره هاي تاليه

كالت اسمعني زين يبن بطني اذا طلعت نباء مضروبه هلمره اني اخذه واوديهه لهلهه واخليك تحلم شوفه ابن الزفرة ايدك والضربه منين الكاهه منك من خالك عدكم نسوان لو دوشك ملاكمه

عاط اييي افتهمت ماامد ايدي عليه بس روحي

كالت رايحه رايحه لا بارك الله بيكم من بزرة غضب

رجع كعد على الجربايه طلع باكيته وضل يدخن اني كاعده بلكاع مقابيل الجربايه منتجيه على الكنتور

مرة مدة صمت كال هسه شنو التردي

كتله اريد تحجيلي الحقيقه من الألف للياء

كال وره مسمعين الحقيقه شسوين

كتله حسب ياأما اضل وياك او اروح لهلي واطلك

كال لعد مااحجي شي اذا تردين تطلكين

كتله شتريد اضل يمك

... اي تردين اسمعين كلشي مستعد احجيلج بس شرط اضلين ومتفكرين تعتبين بره باب البيت

انت شتحجي اصلاً مو زين ضاله يمك لحد هسه صابره وساكته فوك حگه دگه والله ياالله

... نباء هذا العندي تردين سمعين اضلين هنا الحجي هنا يموت هنا تكولين اروح لهلي واطلك روحي بس كلشي مسمعين

كتله عادي بلحالتين اطلك مجرد ميسمعون التسجيلات لو تموت ميرجعوني الك

هاج عليه مثل الاسد كضني ضربني راشدين حسيت خدي اشتعل نام بسرعه نزلن دموعي حجه من بين اسنانه
نباء وحق الخلقج اذبحج ومااطلكج واذا التسجيلات راحت لهلج لو اصير مذابح مااطلكج اخليج معلكه ومااطلك سمعتي عااط اكثر سسمعتي
هسه تكعدين مثل الحبابه وتسمعيني شحجي

كتله وخر وابجي ايده ثكيله كعدة ابجي واناشغ كتله اريد اطلع اغسل

كال ماكو

كتله شنو بس اغسل وارجع اريد استعيد نفسي طلعت روبي القديفه لبسته

باوع كال تعالي فتحلي الباب طلعت وطلع وياي رحت غسلت وجهي اغسل واناشغ اباوع الوجهي بسرعه ورم واحمر كلت بكلبي كسر ان شاءالله

ضل واكف منتضرني يخاف اروح العمتي رجعت رجع وراي وقفل الباب فتحت الكنتور لبست حجاب طلعت القرأن

هوه واكف يشوفني شسوي من شاف القرأن بيدي

طفه الجكاره كال شسوي

مرديت عليه كعدت على الجربايه كتله اكعد انت عندك حجي واني عندي حجي خلي نحله بلتفاهم
انت مو شرطة اذا تحجي ماااروح لهلي واسولفلهم واطلب الطلاك

يباوع عليه بنظرة تفسير يرد يفتهم شريد اسوي هز راسه

واني عندي شروط اذا متريد اروح احجيلهم شي عندي شرطين اسوين

كال بله شو خل نشوف شروطج

اول شرط تحط ايدك على كتاب الله وتخلي يمن على نفسك تحجي الحقيقه بدون چذب
والشرط الثاني وره مسولفلي الحقيقه اكلك

ضحك بويا شبيج شنو احلف على القرأن شنو هي لعب كتاب الله واحلف عليه بس للضروره يصير ينحلف عليه

كتله قتيبه هذا العندي

نفخ بغضب خره عليج وعلى اليحجي وياج شو كومي من يمي لا رب... اشوفجيا

كتله انت ليش خايف اذا تحجي الحقيقه احلف

خزرني وضل ساكت كال جيبي اذا احلف انتي هم تحلفين

كتله على شنو احلف كال مطلبين الطلاك ولاتحجين لهلج على شي

باوعت عليه كتله بدون تردد اي احلف

كال يله احلفي كتله انتظر اتوضة واجي كمت فتحت القفل شفته كام وراي لعد شكد جبان

طلعت توضيت هوه اجه توضه رجعنه خليت ايدي وقسمت

كتله يله دورك خله ايده وقسم

يله لعد سولف

كال راح اسولف بس نباء اذا السالفه طلعت ثقي بكتاب الله اشوفج انجوم اليل بعز الضهر ماارحمج

كتله اطمأن بس قبل لا تحجي اريد اعرف من البداية شون تعرفت عليه وشنو البينكم وشدخلهه بيني وبينك وليش تهددك بيه شنو السر الضامي

كال على كيفج شويا شويا هسه تعرفين كلشي وانتي حلفتي شسمعين اسكتين ويضل هناا ميطلع انتي ردتي الحقيقة تتحملين السمعي

شعل جكاره وبدة يسولف كال هي جانت حبيبة صديقي تعرفت عليه صدفه كنت صاعد وياا كال بس نوصل بنيه لبيت خالهه

صعدة من خلال كلامهه وسوالفه مع صديقي عرفته مو راحه من وصلهه البيتكم انصدمت من عرفتهه اصير بت عمتج

كتله اوكف ليش انصدمت انت منين تعرفني قبل لاتزوجني

كال من كنت اشتغل تكسي دائماً افوت من شارع مدرستكم وشفتج كم مرة وعجبتيني دخلتي بالي ضليت يوميه الصبح اطلع اشوفج سبوع اني على هاي الحاله لحد ما تعودة مااطلع الشغلي اذا مااطلع اشوفج

الوقت والايام تمر وحبج يكبر بكلبي كمت مااستغني عنج شكد حاولت اتحرش بيج شكد وديت ولد ماكو انتي قافلة
صارة عطلت نصف السنه ماعرف شلون مرن سنه مو خمصطعش يوم

بدة دوامج واني على نفس المنوال لحد مااجة اخير السنه اني متابعج واندليت بيتكم سألت كله تحمد بيكم

مرة الايام لحد مااعرفت والدج مات كنت مقرر اتقدملج تراجعت واجلت الفكرة اجه الدوام ورجعت متلهف اشوفج
كلت مااثر عليج خلي تجي نصف السنه واتقدم وبلفعل وديت امي والحلو بلموضوع طلع خالي صديق والدج وعمج معرفة جورة قديمه بس اجت امي وكالت رفضو لان بوكته محجوزه لبن عمج

كمت ليلي ماانامه وهواي حاولت اش

يلج من بالي ماكدرة لحد ماافديوم صاحبي وصل بت عمتج

كتله منين تعرفه كال يمعوده وحده الله يستر منهه كتله ليش رد عليه كال هااي مستعدة تهجم بيت كامل علمود ابن خالهه كتله شلون فهمني

كال شلك بيه عوفه ضليت مصر اعرف شبيه لحد مااحجالي حبهه لبن عمج اسماعيل وابن عمج كان رايدج ومعرفت انتي نفسج عبالي غير وحده

عفت الموضوع لحد ماادك عليه رقم جاوبته وطلعت هيه رادة علاقه ماكلت لا ومن بابا اعرف اخبارج رغم حالف اشيلج من بالي

مرة الايام لحد ماا سولفتلي حبه لحسن حاولت ابوك لسانه مااكدرة هي ذكيه من شافتني لحيت بلموضوع واريد اخبارج بس بصورة غير مباشرة

عرفت اني حاط عيني عليج كالت وين تعرفه كتله مااعرفه شفته مرة جايه للمدرسه وعجبتني وضليت متابعه شفته خوش بنيه تقدمتله كالو محجوزه

هي كالت اي صحيح محجوزه خطيه لوشوف حاله بس تبجي متريده

اني من سمعت جملته كمزة وضليت أسال بيه واحلفه قسمتلي انو انتي متريدي وهوه يريدج ومستعد ينهي عليج
كالت وانتي صديقته وتت سلين بيه تخلصين منه

كنت اعرف بيه جذب خابرتج مرة كدامي تبجين وتكولين ماريده صدكت

يحجي واني صافنه بحيث ماافتحت حلكي طول ماهوه يسولف الجكاره موكعت من حلكه

كمل كال وراهه كالت اذا تريد ينطوكياهه لازم اسوي الكلك عليه تعرف هي مدللهه عدهم والصغيره ويردوه تكمل دراسه وفوك كلشي الفرق الطبقي البينكم

كتله شلون يعني مفتهمت شسوي

كالت ........ يتبع

سان_سيباستيان 😍🔥

المكونات 👇
٦٠٠ جرام جبن كريمي غير مملح
كوب سكر
علبة كريمه كي دي دي
٤بيضات
٣ملعقه كبيره دقيق
الطريقه
نخفق الجبن الكريمي مع السكر جيدا"
ثم يضاف لها الكريمه وتخفق ثم البيض واخيرا" االدقيق
تمزج جيدا"
وتوضع ف قالب مغطى بورق الزبده
تطهى في فرن ساخن على حرارة ١٨٠ درجه لمدة ٤٠ دقيقه
وصحتين وعافيه😍

حلا هيله البااااارد واللذيذ 😍🔥

ساريتا شوكلاته ونفتته ونخلط معه بسكوت كوفي جوي مكسر وحبيبات شوكلاته ونرصه بالصينيه
يشرب حليب شوكلاته جاهز افضل شي دبل شوكلاته او حليب بارد مع شوي نسكافيه وشوكلاته بودره
الطبقه الثانيه
نخلط اثنين دريم ويب واثنين كريم كراميل
وكوب كريمة خفق وعلبة نستله و ثمان جبن كيري ونص علبة قشطه وتخفق الى ان تثقل
تصب على الطبقه الثانيه
نكسر بسكوت دايجستف كبير على الطبقه البيضاء
اخر شي بالمايكرويف نذوب خمسه مارس كبير وعلبه ونص قشطه ونرتبها على الطبقه البيضاء
ثم نفتت اثنين فيلك
وتزين بالفاكهه
ضروري تجلس بالثلاجه حتى تتشرب الطعم وتجمد الطبقه البيضاء وقبل التقديم بنص ساعه تزور الفريزر شوي 😬
وبالعافيه 🌞

اكواب الكنافة بالقشطة 🌺🌟🥧

🌺🥧🌟المكونات

عجينة كنافة طازجة
ثلاث ارباع كوب زبدة او سمن نباتي بحرارة الغرفة
قشطة التاج معلبة او الصافي
ست حبات جبنة كيري
ملعقة صغيرة هيل
ملعقة صغيرة سكر

للزينة. 🌟🌺🥜

صوص التوفي
شيرة


طريقة التحضير. 🌟🌺🥧


في وعاء الخلاط ضعي الزبدة والسكر والهيل مع الكنافة واخلطيه حتى تصبح العجينة بحجم الشعيرية العادية.

تذهن قوالب الكب كيك بالفرشاة بقليل من الزبدة ورشي القليل من الصبغة وضعي كمية من عجينة الكنافة في كل قالب ويضغط عليها جيداً من الجوانب والوسط بواسطة الكاس
نذخل القالب بالفرن حتى تتحمر من أسفل وأعلى لمدة ربع ساعة تقريباً.

القشطة. 🌟🌺🥧

في الخلاط تضاف القشطة وجبنة كيري وتخفق جيداً.

نخرج الصينية من الفرن ثم تقلب بهدوء وتحشى بالقشطة وتزين بصوص التوفي

وتصف في صحن التقديم ثم تسقى بالشيرةالباردة ورشيها بالفستق وقدميها ساخنة.