المخده يجي ذاك اليوم على بالي شكد حاولت انسه بس الكدرة عليه هوه اتناسه فقط كم مره يلمحني لو اسوي جاي لو اغسل مواعين يطلع كبل يتصرف كانو مموجوده

مو مثل قبل يسلم ويسألني اذا محتاجه شي اوصي يصيحني اوكل حمودي لو اغسله لو ابدله

هسه حتى بوجي ميباوع نافرني واني كارهه روحي وصلت مرحلة اقنع قتيبه نعزل بيت وحدنه المانعني امكانيتنه متسمح 

نهلة تنزل تاكل مراة اساعدني واني هم مااشتكي اذب نفسي بلشغل التهي عمتي تحجي عليه وتغمني مابيج خير شنو خدامه وهي اميره متمد ايده

قتيبه انتبه مااكعد وياهم على السفره سأل ويوميه حجه لازم اوجهه واصرف طبيعي

اليوم نهلة كالت عليه الطبخ خالج مشتهي سمج شوي طلعت السمجه من المجمده موعته وتبلته شوته سوت تمن احمر

كملت تنظيف وكعدة اجه ب ١٢ دخل شافنه واكفين نرتب سلم نهلة كالت الله يساعدك حياتي اليوم من وكت

اني صافنه عليه وهوه متفاجئ

كال كملت مناوبتي

نهله ... ادخل اسبح وصلي وتلكه الغده جاهز

مارد مشه تعداني توجهه الغرفت عمتي كملت كلامه

سوده عليه يتعب شكد اكله عوف الدوام قدم تقاعد ميقبل

.... ليش يقاعد غير راتب وهوه متعود ع الشغل ميعرف يكعد

لا حبيبه  اريده شويه يتفرغلنه اني وابنه محاي انشوفه  هم النه  حق عليه

.... اي صحيح

اي والله هم بنفسي زيارة سفرة مثل العالم واحد شياخذ وياا هم النفس اله حق تترفه

مبينه من نبرتهه مرتاحين وطايره بي من رجعله حارة اسوت مدينه السفره اجه قتيبه التمينه 

كال سمو بسم الله سمينه  ياكل ويستمع الحجي نهله وقتيبه يشاركه عمتي هم اشاركهم جابه قتيبه من صديقه مات محترك وصل الحد مكال لكيت شغل بلبصره وعمتي ضلت ادقق وين لكه هلشغله وشنو وليش بلبصره الطريق بعيد طول الكعده اني لكمه بحلكي ودقايق أتأمله شون ياكل مدنك حاط راسه يلسفره

لحد الان ممصدكه الصار بلحمام  استقام بكعدته ورفع راسه دلاله على هو شبع رفع نضرة اجت عيني بعينه

استغفر وكال نهله ناوشيني المي شرب وكام يغسل اني هم رحت للمطبخ غسلت ودخلت الغرفتي

عفت السفره هم بعدهم كاعدين خليه مره تحير بلمواعين

شغلت التدفئه نزعت الدشداشه لبست وحده خفيفه دخلت بلفراش وره نص ساعه دهل قتيبه

وهذا الثاني مناسيته بس خلي اصفي بالي

اجه يبوس ويحضن وخرته

قتيبه عفيه وخر تعبانه اريد انام

منو لازمج متنامي

..... غير انت جاي تبوس

شلون هاي يابه زوجتي وابوس شنو ممنوع

.... اي بهذا الوقت ممنوع مابيه حيل

وانتي شسوين تحطبين هوه اني كله اسوي يعني هسه مثلا اكض هلخدود اعضعض بيهن لحد مااشبع  وووو والباقي تعرفي

..... والله مو وكتك مالي خلج

اهووو نباء شسالفتج منين مااجيبج تتعيقلين براسي

.... هسه صرت اتعيقل وانت ماشاءالله شونك

ليش شبيه رجال اشتغل ارجع تعبانه غير الكه مرتي تتلكاني بضحكه بسالفه شفتج وشفتيني تتلاطمين

.....غير مريضى وشنو حياتي قبل وياك كضيناهه مشاكل بمشاكل

كال بصوت ناصي اعرف قبل مقصر بحقج وماالومج بس هسه رجعت ندمان واريد تساندي وسامحيني حبي اني مالي احد غيرج وغير امي لهذا اريد ارتاح ونبدي بداية جديده

انصدمت من اعترافه كتله يعني ماكو بعد ضرب وشرب واهانه ماكو بعد عصبيه مضم عليه شي

اوعدج حشوفين قتيبه انسان ثاني

كلت هاي هيه خلي ابدي وياا حيات جديده صدك بوكته عاملني بقمة الرومانسيا

عكس قبل ياخذ حاجته ميطول ساعه حسيته كلامه من كلبه وغزله من كلبه اثناء مكان يتغزل بيه

كال اخخ يااكلبي شكد جنت اتمناج من انتي طالبه والحمدالله صرتي بحضني

مسألته

كلام قتيبه بمحله تغير الايام العشناهه حلوه يجي من الشغل يسلمني يوميته اضمهن اله قرر يطلع للبصره وهوه صديقه

لكو شغل بشركه نفطيه وبيه راتب زين شجعته رغم الايام المرت عوضني بيه من حنان كمت احب جيته وانتظرة

من يرجع تعبان امرغله(مساج) جسمه بزيت زيتون يرتاح

اليوم موعد روحته حضرتله جنطته يطلع ب ٥ كعدة وياا سويتله ريوك عمتي هم كعد صلت ودعته

بدل وصلته للباب وبيدي دوركة مي بوسني وطلع

..... يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثلاثون

يافتاتي ياأحلامي كم بريئتآ تلك
الجفون حين تداعب الرموش
ترسم في مخيلتهه لوحتها لتعلو
ال خبايا القلب وتقول له انضر
الى عينان هل تره لمعانهه احاول
ان لا اعبث لاكنك تحرقها في كل
مرة يالك من متوحش اترك عالمي
وارحل لااعيش في أمان وانطلق الى
الجنان والهو مع محياي لاتفسد بسمتي
لاتوقض شري لاتجعلني احزن لان ورائي
شر يغزوك ويحطم فؤادك لتكون قلب
بلا حياة اتركني اسبح واستيقض على نغمات
دميتي لأملأ العالم بضحكتي وأكتمها
مرة بعد مرة خجﻵ من اسماع المحيين
كم قطرتن تلهو ع وجنتي عند تلاقي
سقوطها لتمتزج بسيل دموعي هاا أنأ
احطم كل من يعترض برأتي لا اأريد
مخيلتك العفنه سأبتسم وأجعل
شغافك تسير معي لتحيا وترسم
لوحتن لأري كل الناضرين احلأمي البريئه.....

الهموم مالية كلبي مثل اليشتري هم الروحه اليشوف اناقتي ولبسي يكول هنيالهه عايشه حياته ميدرون متلوعه واني كلشي مشايفه روحي دخلت بمتاهة الحب واني مضايكه فرحته ممتهنية بشي تاخذني الايام وترجعني كاعده بوسط بحر يسحبني للقاع يريدني اغرك البنات كروبي يسولفاً ويضحكن التهي وياهن انسى وارجع اشاركهن الحديث نطلع نتونس واواجه نفسي كاافي حزن وهم صيري قويه اضحكي عوفي الهم محد يفيدني ..
مجرد اشوف منه مسج لو اتصال كلامي كله يتبخر مقيدني بي ليش اني هيج ضعيفه مرة كاعدة يم بيبي وامي يشربن چاي واني خلطة چاي وحليب اتفرج على التلفزيون جهازي بصفي حسيت على اهتزاز شفته متصل

مكدرة اخذ التلفون واطلع امي تحس وره نص ساعه سحبت نفسي
للغرفه اتصلت رفضه ورجع اتصل

بعد السلام وسألني على صحتي

كال شونه حبيبتي بلامتحان

....مااعرف ليش هلكلمه تأثيره قوي احس كلبي يصعد الحنجرتي جاوبته زينه بلامتحان

الحمدالله انتبهي على دراستج ومااريد من اتصل تغلسين بطلي هلعاده

... كنت مهضومه وهوه يزيده من يبينلي حبه مااكدر لا على فراگه ولا اكدر اتقبله الحاجز الببناتنه يخنكني بذيج الحضه عيوني نترسن دمع كتله

محمد عفيا موو كاافي والله مليت ليوين اضل هيج عوفني الله يخليك بهذا حجيك واصرارك ادمرني ارحمني شسويه متدري بلبركان البداخلي لا اني طايلتك ولا اني تاركتك مخنوكه من حبك مخنوكه من قربك مخنوكه من زوجتك واطفالك شنو ذنبي انحط بيناتكم مكنت متخيله هيج حب لو هيج حياتي ارتبط بأنسان ورا زوجه واطفال

عووووفني لا تتقربلي مااريدك اريد ارتاح اريد انام ورااسي فاارغ متحملت كمت اشهك بلبجي احجي والعبره بيه شسويت والله يعاقبني بيك ذنب الرتكبته لهدرجه كبير وربي يعاقبني بي انتبهت النفسي واكفه واحجي انهد حيلي من الحركه كعدة واني امسح بعيوني الميقبلن يوكفن اسمعه يتنهد

همس.... سوسه يااروحي من الدنيا انتي ادري بنفسي اخر فتره ضغطت عليج وفرضت نفسي
موبيدي لاتلموني لومي هذا الحبج هذا تعلق بيچ متدرين شكد اهواج ولج من انتي عمرج ١٢ سنه ودخلتي كلبي

شكد عاندة روحي شكد كطعت بيكم بلاخير الكه رجليه يم بابكم تاخذني ...
لاتلومين انسان يتنفسج والله احبج ومستعد اكتل وانكتل وبلنهايه صيرين مريتي
اااااااااااااااه اااااااااااااااااااااااه

افیششش يامحله كلمة مريتي سارة هيج وادخل للبيت والكاج بي واجيج من باب الشارع فاتح ذراعي اكلج تعاي بحضني

هيج انيمج بحضني واصبح وانتي يمي ولج غير انطي عمري واكلهم تستاهل
اووووف

ياعمري حقج ماالومج شوفيه صعبه تاخذيني وبركبتي جهال وزوجه و خوفج من حجي الناس وخوفج من اخوانج وامج

بس كل هذا اني واكف بصفج واواجهم واثبتلهم استحقج

مااريدج تضعفين ولا تخافين ...
بس الج الصافي كلشي اسوي واطلعج من الموضوع مااخلي جنس مخلوق يفتح حلكه ويااج

اااخخخخخ متاني بس تخلص هلسنه وافاتحهم بعد مابيه صبر

هههههه  ياسوريه كاضيته عليه مكابر ومااريدك ومااحبك وعوفني وهسه كاعده تبجي مااكدر ع فراكك ولااكدراطولك شدعي عليج

كلبي نط واني اسمعه ودموعي تجري على حبه الي شسوي موبيدي احبه عرفت نفسي احبه من انام وهوه كبالي اغمض واتخيل تصرفاته من يجيني للجامعه لو غيرته سكتت مااعرف شجاوبه غير بس كلمة "احبك" شون طلعت مني مااعرف

حسيت هاي الكلمه الوحيدة الي تخفف وتهون حركة كلبه وبلفعل هدء حسيته اتنهد

....ليش حارمتني منهة

هااا

.... عيديه ماسمعته زين اريد اترس كلبي بيه

سكتت كمت اكل بضافري بله شون ورطه

......ساره عيدي الكلمه

اسفه مااعرف شلون طلعت مني والله موقصدي

....... اشششش تعرفين هاي الكلتية طفتني بعد مااجنت مشتعل هيج مستهانه بيه وتتأسفين اشوفيه هواي عليه تدرين بيه مجرد اسمع صوتج ترد روحي لو تتغزلين شيصير بحالي ارحميني شوفي حالي ادور الحجايه الحلوه عيديه وريحي كليبي

سكتت غميت روحي ياربي شيخلصني

....همس حبيبتي كل هلصفنه عليه مااستاهل تعيديه تنعشيني من الموت

لا اسم الله عليك لتحجي هيج

...اذا تخفين عليه كوليه ولاشلعين روحي

حصرني بزاويه كتله راح كوله بس بعد لتكلي عي

دي احبك بسرعه سكتت

.....تنهد لا ياعيون محمد موهيج مجرد كلمه بدون حساس عيديه بدون خوف شلون اول مرة طلعتيه من كلبج حسيت بيه

نبرة صوته وحنيته اكدتلي هاي الكلمه شتعنيله الاحساس الوصلني منه خلاني اكسر كل الحواجز بداخلي صوت يكلي راح تتندمين بس كلبي اقوة منه دكاته ولهفته خلاني اتنهدة كتله اااااحبك سوتيه بصورة متقطع بنفس النفس

عااااط اخخخخخخ يامحلاهه

فزيت من صوته بعد ماكان هدوء وبس همساتنه تنسمع

..... خرب روحج خليتيني استخف تالي عمري حتى جماعتي طفرو من صوتي ولج اني محمد ال كله تكول طابوكه ميهزك احد من وراج اتراهق

ضحكت بصوت ناصي

...والله لو مااذوله الهتليه فلا اعوفج

كتله لاعفيه روح عيب شيكولن عليه راح يصير ساعه ونص واحنه نسولف

... شيكولن اليفتح حلكه بس المارايد روحه وبعدين منين يعرفوج عبالهم وحده من زبوناتي

ضجت كتله اي لازم هواي يخابرنك لهذا جماعتك ميسئلوك

.... اشم ريحة حرك ههههه لاتفكرين هيج كلبي مو الهن هي بس وحده واخذته كدرة تستولي عليه فوك الضيم اني اركض وراهه احصلي كلمه حلوه اطمني بيه وانتي تعرفين صاحب محلات بوتيك وهذا شغلي لازم اكسب زبائن

سكتت اعرف كلامه صحيح الشخص اليحب يغار واني غرة مجرد ينذكر هيج موضوع شغلة فطريه مو بيدي كتله اعرف بس فكري راح لبعيد المهم اخذ راحتك لاتتعطل على جماعتك

.... مااشي هسه اروح وانتي نامي لاسهرين

لا تعبانه راح انام بسرعه

... تمام رويحتي وكلبي تدرين اليوم احله يوم احتمال مصدكين ثقي سارة عمري محسيت هذا الاحساس ويه غيرج چنت اتمنه احساسج وكلبج يصيرون اليه شايفه الواحد المامحتاج شي وصدك الله منعم عليه وفاتحه بوجه اني هيج ناقصني وجودج اذا صرتي اليه اكون هذا الانسان شنو اذا لا ان اشاء الله نصيبج يمي لو اصير مكاتل

الله كريم رغم احساس بداخلي يكلي فترة ويخلص حبكم

...كال حبيبتي وروحي يله كليلي احبك قبل مااروح

يااا محمد فدوه لا تلزك بهل كلمه كلته ماحاسه بروحي

....هو يامحلاهه من شفايفج شايفه لوكدامي كايلته يمكن مااهدج صدك اعبر الحواجز ميوكف بعيني شي

شكد استحيت من حجيه يمه جريئ حاولت اتهرب كتله شنو جماعتك راحو فدوه روح عيب منهم

...ضحك هههه تمام تمام اسمعين صوتهم شحجو

ضحكت سمعت جماعته يكولون هسه لو نعرفه جان ارتاحينه وهوه يكللهم لو تموتوم هااي بت روحي اترخص وراح ختمته

صحت بصوت اوووف ياحبك

ذبيت روحي على تمددت خليت الجهاز على كلبي دكاته وصلت ٢٠٠ هيج الحب يسوي طيرني للسما خلاني اسعد وحده كلمه منه تكفي تزيح كل جروحي
درة نفسي كمت اكلب بلجهاز طلعت مقطع هوه بي مال بيت علا مصورتهم كلهم ملتمين حسن وعمو ورسول يلعبون دومنه ضحكهم وصوتهم عالي اتفرج على الفيديو من يطلع اوقفه اشبعه بوس وارجع اكمله نمت وصورته وضحكته بعيوني

كعت ع صوت امي كالت صار الضهر وانتي مطموره ماكلتي البيت منو ينضفه ست الحسن كاضيته يم اهلهه اليوم اجت وانتي نايمه

منو يقوم بلواجب اني الكاضيه لو بيبيتج كووووومي

شون بنات تالي زمن من تزوجن تعفنن سبوع ويشمروج عليه

....اهووو ياامي حصره نام وبعدين البيت شبي منو موسخ

احجي والم بشعري

لاعيني مابي شي الطرمه والكراج ذرعن صار سبوع ممنضفات تارسهن الورق
الكنسه وغسل المواعين تحسبي تنضيف

...يا يا عزه يمه صدك تحجين قبل يوم غسلت الطرمه وتتوسخ بسرعه لان شته وهوه عالي اكيد ورق الشجر يطيح

هزة ايده من خيستج وجيفتج بكدج حتى الهوندراة الكلوب اصعد انضفه مو انتي هسه جايتني قبل يون نضفت هوه عالي تحجي وتعيب عليه كملت وطلعت

بله هسه شحجي وياهه طلعت لكيت مرة شمس منظفه المطبخ وكانسه البيت بلمكناسه الكهربائيه صبحت عليه

ودخلت للحمامات غسلتهن صاحت تعالي تريكي كتله مااشتهي صدك مااشتهي طبيعتي مااكل من اول مااكعد
كملت طلعت للبره غسلت الصحيات وكنست الورق لميته ورجعت مسحت الكاع مبينه ماطره بليل

شفته بعده الكراج بي طين من سيارة شمس جريت الصونده وغسلت الطرمه كلهه حتى الشارع شفت محد مر لبست عباة امي وره باب المطبخ قديمه وطلعت نضفه حكيت الطين من الرصيف المجره نضفته كضيت وقتي بيهه

طبيت لميت الصونده رجعت مسحتهه بااوعت والله حقه امي من تحجي منضره قبل وين وهسه وين

اول مطلعت عبالك بيت مهجور من ورق الشجر مكوم
دخلت حميت الجاي وشربت امي طابخه من الصبح كعدة على الكرسي انتجيت على الميز اجه أدم يركض ويصيح ساله عود ساره

شلته خليته على الميز ياعيون ساره كال اريد الدمم

...مفتهمت عمى شنو دمم

يأشر بيده شي ينضرب وفوك

مفتهمت عليه ضل يشرحلي وهوه لسانه مكسره كلمه افتهمهه وكلمه لا كتله شو تعال نزلته واخذته فوك دخلت الغرفت شمس لكيت مرته تعدل بجرجف الجربايه

سلمت و بوستني

....كتله يمعوده مشوفي شيريد ماافتهم منه شي

كالت هاا ماما شتريد

اشو هذا لزمني وختل وراي

....كتله شمسويتله ويخاف

كالت سارة شوفت عينج ممقصره بشي بس هذا دلال وكحه وكام مياخذ حجايتي ويتمرد

... شبي اشو عاقل مشفت منه و

كاحه

يااا ولو حقج من دوامتي مكمنه نشوفج لوتقرين بلغرفه انتي كولي شنو الماسواا غير اني ضاله اركض وراهم لوحابستهم بغرفة العابهم

.... هم حقج بس لاتنسين همه اطفال والطفل بهيج عمر عنده طاقه وين يفرغه بلعب وهو محبوس ميطلع وكاضيه بلألعاب هم يمل

لاتلوميني اخاف عليه ومااريد عمتي اضوج منهم ولو هيه طايره بيهم ممخليه شي مجايبته واخر طركاعه جابته الدمام

ادم من سمع اسمه ضل يجرجر بثوبي عرفته يقصد الدمام يسمي دمم ميكدر يلفضه جريته وشلته ياملعون تريد الدمام هسه اجيبه الك

عاطت امه لا شجيبي غير هسه يفزع حتى الجيران

...اتفاجئة كتله هوه شنو غير لعبه

كالت شوف هاي ياالعبه دمام مثل دمامات لكبار بس حجم ازغر وصوته قوي

... عادي خلي بغرفتهم ويدك

سارة بربج ادم يكعد غير انتي نايمه الصبح من وصلني اخويه ركض طلعه وضل يدك طفر ابوو من نومه مخروع من شافه كام ضربه وضل يبجي وذاك يحجي عليه شون تنطي يعني شسوي حرت بينهم

...بله شو شوفيني

عوفي لايجلب بي

.... عادي مدام نهار خلي يدك ويمل منه عود ضمي بليل

صدك طلعته كلبته اصلي صح زغير بس يكد يشيله ادم انطيته اله مااعرف من معلمه شون يلبس وكض عوادينه وضل يدك ويضحك صوته مزعج وعالي طلعته بلهول ونزلت

النهار كضيته تنظيف اتفقدة جهازي لكيته موديلي شعر

اهيم بشوك وصلك وانثر الروح

وعلة اشفافك ثلج من تنزل اشفافي

واعض اشفاف حسنك واشتعل نار

وكطعهه بصدك ياكلمة الكافي

لمستك **ت بيدي وذوبت الاشواك

الطريق اطويل اكعد تعبت اجتافي

واحس رجفة ابغرامك والكلب عطشان

اريد اشبع وحسن بيك متعافي

واريد بايدي اجتفك تنسجن بحساس

وعلة اوصافك اريد اطبعهه لاوصافي

وبادلني بغرامك خل اهيما بيك

بس اكعد حبيبي وانتة الك صافي

من قريته اشتعلت نار مااعروف وين ادور وجهي غطيته بثنين اديه مستحيه عبالك كبالي ويحجيلي الشعر
لو صدك هوه يمي وهيج يحجي يمه اموت ضليت أقره برساله عاضه شفتي واضحك

ساعه اتمعن بلكلام مالكيت روحي غير متخيلية اني يمه وشون يتغزل بيه عشت الاحساس ويه كل كلمه كلبي يزيد دكاته وياخذني الحماس

نبهتني سرى عن شرود ذهني كانت كاعده بلوسط واني على الطرف والطرف الاخر كان ع الطريق وسيارت تعبر من يمه نزلت نزلان البنات

سرى... سارة حبي شبيج مو على بعضج

ابتسمت مابيه شي شوية مصدعه تعرفين زخم الدراسه والامتحانات نوم قليل لهذا اجي للدوام تشتغل عندي تك عين

سرى... هاي كلنه هيج لوشايفتني قبل كم يوم منايمه وسهرانه وميته تعب من القرايه وكاعده امتحن حسيت على نفسي دخت اتمالك روحي واستعاديت وعي رجعت اكتب مجرد اشعة الشمس ضرب على راسي فقدة مااعرفت نفسي وين

.... هاي عندج هبوط صار

اي هوه هيج اخذوني خطية حارو بيه الاساتذه

.... وبعدين عاد كملتي امتحانج

لا الحمدالله ارتاحيت وجابولي لبن مالح شربت منه ورجعت للقاعه

.... هيج يصير بيج لان تطلعين بلا ريوك

وييع فدوه سرى كلشي ولاتكليلي اكعدي الصبح اكلي اذا متمر فد ٣ ساعات على الاقل تكلب معدتي واموت من الأكل

..... هههههه هاي ليش اني مراة هم مااشتهي الصبح اكل شي

ولا مرة اكلت الصبح غير اكضي الطريق معدةِ تكلب واكره الجامعه بكبرهه

ضحكنه وصلت الكليتي وهي طلعت كبل الكليته اليوم مريح مااكو هواي محاضرة ثنين وحده منهن طارة الاستاذ مجاز كيفنه طلعنه ناكل افترينه شويه

كلساع مطلعات سالفه مرة سلفي ناخذ مرة نحشش ونضحك مرة اخذنه صور ورقيه وهااذا المصور لزم جيهان والبنات فيكات وهنه شون ميحبن هيج صور

شيكللهن ينفذن ولازم اني وياهن اسوي طلعت روحي كتلهن مااريد هيج صور شلعان كلب شنو ٣ صور ساعه وممخلصين
وحده بيهن كالت هم صدك وراي استنسخ واذا صارة ب١ المكتبه تزدحم مااداوم وقت محاضرات خلي ناخذ صور عادي بعدين نشوفلنه يوم شاغل نتفق على لبس ونجي ناخذ

اقتنعن اخذنه كم وحده ورجعنه

رجعت هلكانه عود مااعندي محاضراة والله المحاضرات والكعده بلستيج ارحم من فرتهن

امي وبيبي ومرة شمس جوه اديم ترضع مميه وادم مكابل التلفزيون سلمت وطبيت الغرفتي

نباء

اليوم خابرة قتيبه كال بعد اربعة ايام انزل سبوع وارجع كيفت واني علقي ماناسي يشتغل عبالك اعوفك مااعرف سالفتك التفكير موتني شكد حاولت احصل فدشي يفيدني ماكو سالفتهم تاكل بكلبي مراة اطفر اكول هسه اواجهه وبحركة كلب بعدين اكعد واهدئ روحي
الصبر المتلكته ذيج الفتره احمدالله عليه لان دائماً اناجي ربي الصبر الصبر

صافنه على روحي اني شوكت صرة هيج افكر واخطط وانتقم دومي اندفع واخذ حقي بنفس الساعه ماافوت سالفه عليه شنو الصبر الكتسبته زواجي وعيشتي وياهم معقوله علمتني تفكيري احسه يوم بعد يوم مال انسانه كبر من عمري عشر سنوات يمكن نضجت قبل اواني وهذا الشي حفزني استمر ومااخليهم مستغفليني لحد هسه غصه بداخلي من اذكر نضرات اتهام حسن وامي لو عمي لو محمد كلهم لحد هسه استحي اواجهم كانو صدك مسويتهه اتنهدة ودموعي نزلت
اذكرة شمس من خابرني وكلي شنو سالفتج متجينه احد طاردج كومه طلعتله اعذ

ر حسيته مصدك قنعته من يجي قتيبه اجيهم وابات يمهم كل هذا واني كاعده وصافنه

عفت التفكير وكمت شلت فرشت الجربايه اغسله واطلع غيره بعد مااكنت مبسطه بلغرفه اعزل وارتب حاولت اغير ديكوره مكدرة عمتي من شافتني كالت ثكيله لان نجاره يراد وياج زلمه غيريه من يجي رجلج

كتله عمى هوه ينزل اقل السبوع شلحك ويجي تعبان هم خطيه

...دعوفيه غير وقت من شوفي فارغ وبي حيل غيري

بعدين طلعت ضليت اصفط وارجع

كملت طلعت شغلت الغساله عمتي كالت ذني بدربج ملابسهه خليتهن على صفحه

دخلت للمطبخ نهله وحمودي بلكاع يلعب شويه نفسيته تغيرة كام ميبجي من تشيله بس هم يتنحس من تجي الطنكوره ويبجي ميريد بس عمتي واني واذا ابو موجود يلزك بي

اذكر مرة الصبح كاعدين نتريك واني مكعدته انكعله بسكت وحليب اوكله ماراد حاولت منا منا ماكو عفته شويه ونزل ابوو ورا نهلة صبح واكيد ميباوع بخلقتي واني هم منطيته الامبالاه الصار لابيدي ولا بيده ليش هيج شايل عليه قابل متعمده صح استحي واموت بدمي من اذكر واضل اكل بروحي بعدين وصلت احنه عايشين بيت واحد ومجبورين نلتقي يوميه على السفره بكعدة بطلعه مجبورة اغض النضر عن الموضوع وانسه لازم انسه ليوين اضل اتختل اول سبوعين خبلتهم لا اكل وياهم لا اطلع حابسه روحي بغرفه عمتي وقتيبه عبالهم بيه شي شهر ونص مر وكدرة اطلع واقضي واجب البيت طبخ تنضيف ورجعت الحياة عاديه
صح لا هوه اعتذر ولا فتح الموضوع ولا اني ثنينه سكتنه وعبرناا الفرق اني اكدر ارجع علاقتي بي مثل قبل يبقى خالي وخال رجلي وانسان احترمه وهوه صدك محترم ومشفت منه شي موزين لكن نضرته وتصرفاته ديحسسني بذبن او يعاقب روحه ويعاقبني لاغي وجودي واني بلمقابل استقريت على هذا طبعه والي افضل مااريد اتصادم وياا

حمودي كمز من شاف ابو كام يبجي حاولت اسكته مااسكت اخذته نهله هي كانت كاعده بصف خالو قادر هذا ذب روحه ع ابوو اخذه بوسه وكعده بحضنه

ضل يسولف ويه عمتي بيهم طبع ميكعدون اذا ميفتحون موضوع هي تسولفه على خواته هاي شصار وياهه ومنو اتعارك ومنو لا وهوه يستمع وينطي رأيه بس لليوم مشفته ادخل بينهم فقط اذا طلبو منه

وهوه هم يسولفله على دوامه وشيصير ومدامني كاعده استمع وعيني بماعوني نهله اسويله بيضه وملتهيه ساكته اخذة من كدامي القوري حمته كملت ضلت عيني عليه يسولف ومنطلق لحد مدار وجه شافني بااوع وضل مركز شويه ورجع نزل راسه حسيته ممحبب وجودي عفتهم وكمت شلت المواعين الوصخه بلسنك غسلتهن همه ضلو كاعدين نهله وهوه وعمتي ياكلون بس عمتي لازمه سبحتهه افتر بلمطبخ والملم رعت كلشي المكانه درة اطلع للهول ميز الطعام بصف باب المطبخ على الهول البلهول يشوفه والطباخ صاير مقابيل الميز شفته خازرني عفته ودخلت للغرفه هذا شبي ليش هيج يباوع بااوعت على روحي بلمرايه دشداشتي مابيه شي صح سمنانه بس مبين شي شويه وسمعت حمودي ينعر طلعت لكيته مجلب ببوو يروح وياا ساعه يسكتون يقنعون ميقبل جلب لحد مخابرهم ينطو ساعه زمنيه

كعد طلعوله العاب سكت مجرد مكام ابو عااط رجع كعد رجعنه طلعناله قناة انشايد اطفال هم ابو عود غافله التفت شافه عاااط

كعد ينافخ طلعت روحه عمتي ونهله حاارن ويااا شيسوله
رحت درة القناة على قناة بيبي

زمخ بيه يمعوده شسوين مشوفين نريد نسكته التفت عليه

عاكده حواجبي بكيفك كلت اسكته واشغله عنك طلعت وصلت للباب عمتي صاحت

تعالي سويله شون ذاك اليوم خليتي حتى يركص

نهلة كالت هههه همزين انت مموجوده غير شايلته وتكمز وياا وهذا الملعون مكيف ساعه وهمه يركصون

عمتي ردة اي والله فطستني من الضحك واني اعاين على حركاته ليكول بعمره لو شون تقلده حركات الدب وتريد تخرمشه وهذا يضحك تعاين على حمودي الي مجرد مدرته على القناة كيف والتهه ومويمهم

نهلة ...والله ونباء على هاي خدامتج يرادلج راتب

كتله ميحتاج اني احب حمودي وكلش متعلقه بي

عمتي كالت اي والله اليشوف تعلقه بيج يكول امه

نهله كالت هم حقه اذا صارلي سنتين مبتعد عني اكيد يتعلق بيه

عمتي نبت لا هي نباوي حنينه وتموت عليه ياهيه سويه من الصبح تكعد تغسله وتوكله لو من يتمرض تنام يمي علموده

كتله عمى شسالفتج قابل مسويته لو واحد غريب غير ابن خالي وخالي بمثابت ابويا

كل هذا وهوه فاتح حلكه اشرلي شوه تعالي لهي وخلصيني بدل هلسوالف الساعه راح تخلص

باوعتله بتك عين اسلوبه ليكول جاريه عنده

كتله استحي قابل كامك

يابويه شلون مشوفي بس اكوم يحس

... مااكدر وانت موجود

عمتي كالت يمه فضيه هسه يدير وجهه

كتله دير وجهك من شوفني اشيله

هز راسه نهله راحت طلعت بعد ماكللهه لاتنسين اليوم الملابس اريدهن مكويات عندي طلعه

شلت حمودي على خاصرتي بعد مشفته مدنك يلهب بجهازه انتضرة تطلع غنيه الارنب راح لا أمو صدك طلعت استحي كلساع التفت الكا مدنك هزيت حمودي يضحك واغني وياا حاولت انتبه على روحي اخاف اركص وماادري بروحي

اندمج وياا واني اغني واركص هيج على الخفيف لو اشيل ايده بأيدي خلصت الغنية واني محاسه بروحي رغم التفت اكث

ر من مرة مدنك واخر مرة لكيته مااهووه

ارتاحيت من سمعت شغل سيارته عليت صوت التلفزيون علمود حميد ميسمع صوت السيارة ويعرف ذكي لهيته لحد متعبت وكعدة خليته بلكاع ويكمز على الاغاني اطفال

شفت عمتي كاعده وصافنه عليه

كتلهه هاا عمى شبيج احجي وشويه فحطانه لان صاير ثكيله منكد مانوكله وشويه متحسن على العلاج

كالت معزايه اني من يمي استحيت طيز.. صاير شكدك مشوفي طفر بسرعه

... لطمت على خدي وكمت وكفت كباله واباوع اليوره صدك عمى والله الدشداشه عريضى بعد شلبس

ادري يمه بس من تمشين يبين وهسه من شلتي حمودي لزكت عليج وانتي ماشاءالله جسمج مركب تركيب ليكول واحد منسقه الج لهذا يجذب بعد لتلبسين قديفه البسي ذني الصيفيات وفوكهن روبج التلبسي كل مره

.... عمى غير شته هسه شسوي اذا اجيب اكبر حجم اطلع مرعبله واذا على قياسي جسمي يبيبن

روحي حاجي نهله مشوفين ثوابته مرتبه وعريضه خلي دليج على خياطه اخذج تخيطلج يمه استرلج مشفتي نضرة خالج فهى فك حلكه حرام خطيه خله وطفر استحه من شافني اباوعله

يبووو صرة بنص هدومي يربي شجابني على الطياح حظ يوميه موقف شكل طلعت واني ضايجه هسه شيكول عليه

بس اني كتله دير وجهك يووو شسويله اذا هوه ميستحي وباوع هذا جسمي يعني شسويله حتى مركصت ولا هزيت جسمي

كل هلأحداث الصبح رجعت كملت غسل الفرشه وملابس عمتي

يومين مرن مرور الكرام هدوء قاتل شغل بيت اخابر علا وسارة جماعي واسمع الاخبار ماادري منين جابن فكرة مكالمه جماعيه حلوه وخدمتني مابيه كلساع مخابره وحده ومسلمه

لحد مسمعت سارة كالت تدرين راح يخطبون رحاب الحسن
الخبر ساعقه ونزل على راسي

.....يتبع

#ماء_الورد🌸🌸🌸 (العلاج السحري لمشاكل البنات اليومية) :

ماء الورد اسم جميل يرتبط بأشياء ومناسبات كثيرة رائعة في حياتنا اليومية ، لكن هناك بعض الاسرار التي لا تعرفها كثير من البنات عن فوائده المذهله مع توفره ورخص سعره .. اليكم بعض هذه الفوائد والاستعمالات المجربة :
🌸🌸🌸🌸🌸🌸🌸🌸

💫1 ـ يفتح لون البشرة ويزيل الكلف والنمش خاصة اذا خلط بزيت الجلسرين ومسح به مرة يوميا قبل النوم .
💫2 ـ يشد الجلد ويزيل التجاعيد ويغلق المسامات الواسعة وينظفها من الدهون والعوالق الاخرى .
💫3 ـ يرطب البشرة الجافة ويحسن نسيج الجلد ويؤخر أعراض الشيخوخة.
💫4 ـ يستخدم لعلاج الالتهابات الجلدية والحساسية والاكزيما.
💫5 ـ يعالج حروق الشمس ويعمل وقاية للبشرة منها.
💫6 ـ يدهن على لدغات الحشرات فيوقف الشعور بالحكة ويحد من التهاب الجلد ويبرده.
💫7 ـ مفيد جدا كقطرات للعين للحد من الاجهاد والارهاق والالتهاب والاحمرار والتحسس .
💫8 ـ يساعد في علاج حب الشباب وعلاج البشرة الدهنية ويقلل من احمرار والتهاب الجلد الناتج عنها
💫9 ـ مفيد جدا لعلاج مشاكل فروة الراس الدهنية ويغذيها مما يساعد في تقوية الشعر ومنع تساقطه وازالة القشرة والحكة الناتجة عنها
💫10 ـ يحتوي ماء الورد على الفلافونيدات المضادة للتأكسد وعلى فيتامينات مثل. D , C , E , A , B3
💫11 ـ مهدئ خفيف للاعصاب ومضاد للاكتئاب لانه يعزز المزاج ويزيل التوتر
💫12 ـ ومن أهم فوائده انه ينظم الهرمونات الانثوية ويساعد في تكبير الصدر وتحمير الخدود وتنظيم الدورة والمساعدة على الانجاب وتنظيف الاعضاء التناسلية وذلك باضافة ملعقة منه مع ماء الشرب دائما او غسل الاعضاء به كل يوم .🌸






#اعـاده_توجيـــہ_لتنسون

#ملوكه

نكدر نعتبره تونر عباره عن فيتامن سي يعني نضاره وتوحيد لون البشره ومنظر صحي للبشره 😍😍 راح تحتاجين قشور برتقال🍊 وقشور الليمون🍋 وتخليهم ب مي وعل نار لحد مايبدي يغلي تماما تركي يغلي 5دقايق حتى تنزل كل الفوائد بعدها تحتفظي بي بطل زجاجي وتستعملي تمسحين الوجهه والرقبه يوميا وتكدرين تنامين بي هم وصالح الاستخدام لمده اسبوع

#اعـاده_توجيـــہ_لتنسون
#ملوكه

🤞🏻🙂 تحفيز بصيلات الشعر 🙂🤞🏻

كثير من البنات يحطون زيوت وماسكات ولا يستفيدون منها ونمو الشعر عندهم بطييئ ☹️💔 والسبب أن الدوره الدمويه تحتاج لمحفز وتنشيط ضروري إذا جيتي تسوين مساج أو حتى زيوت لشعرك 💆🏻 نزليه راسك نفس الي بالصوره 💜👆🏻 وفوائدها كلش كثيره تنشط الدورة الدموية وتحفز بصيلات الشعر وتقلل التقصف 😻👌


#اعاده_توجيه_لصديقتج
#ملوكه

بنوتات هاي الطريقة. 🤓جدا ضرورية ..
انو تنزلين راسج وتمشطين بالمقلوب.وكلما تنزلين أكثر كلما🌸 أحسن

واله اهواي فوائد.. اول فائدة انو تطول الشعر😍 ..ورح تتنشط الدورة الدموية بالشعر وتتجدد خلايا

وهاي طريقه الهنود اكثر شي يسووها😅..اللي شعرهم كله طويل😎


#ملوكه

هههه..اول شي عادي عيوني ماكو أي تعب ..حتلو كتبتيلي 4صفحات 😂واكثر..فمو مشكلة
اني طبيعتي☺️ماابخل بالنصيحه ..اي شي اعرفه من معلومات ونصايح احب احجي بيهن وافيد غيري..💜
فاأي شي ببالكم..لو عاجبج تفضفضين الي..اني موجوده 😍 بس دزولي عل بوت


فباعي عمري الشقيقة اله أنواع☹️.فكون دكتور يفحصج حته يطيج دوة او مسكن حسب النوع اللي صايرلج.

فمن تحسين.رح تجيج هالنوبة.كبل بلعي مسكن واشربي سوائل اهواي واتمددي بغرفة هادئة وخلي كمادات مبللة باردة عل راسج هالشي رح👍 يخفف من الشقيقة..

فلازم حبي تاخذين دوة او مسكن😇..لأنو محد يكدر يتحمل ألم الشقيقة..فتاخذين مسكن حته يخفف من هالألام
عندج الاعراض اللي تسبب هالشي..السهر والصيام ونقص فيتامين D وفقر دم

فحاولي تقللين من السهر ..لان هالشي ياثر عليج
ولازم باقرب وقت ترحين دكتور ويشوف حالتج..حته تاخذين مسكن اللي يناسبج🌸

#ملوكه

#العناية_باليدين💅🏻👌🏻



اليدين هي اكثر منطقة في جسم المرأة تدل على شبابها 😌👍🏻




اولاً : التقــشـير او السكــراب

ملعقة من السكّر البني الناعم أو السكر الأبيض 🍚مع نصف ملعقة من زيت الزيتون، 🍶وملعقتين من العسل الطبيعي، 🍯ثمّ يفرد المزيج على اليدين ويفرك جيّداً، ويُترك لمدّة عشر دقائق تقريباً، ثمّ تغسل اليدان بالماء الفاتر🚿


وصفة ثانيا لتقشير نصف ليمونة🍋 وملح خشن وفرك اليدين لمدة عشر دقائق
ثم تغسل بالماء الفاتر🚿👏🏻


ثانيآً : لتبيض اليدين

ماي التمن🌚.. بعد ماتصفين التمن علمود طبخ..لاتذبين ماي اللي نسمي ماي الفوح
كلش زين للتبيض 😍..تعوفين ماي اشويه يبرد وتخلين بي ايدج فد 20 دقيقة وغسلي وبعدها رطبي بأي مرطب. ..ف رح تشوفين فرق🙈❤

ويمكن تكرار الوصفة لأكثر من مرة يومياً لنتائج أفضل👌🏻👏🏻



#اعاده_توجيه_لصديقتج

#ملوكه

نصائح كلشش حَتْفِيدكم بنات 🙄

#عندج_علم ❤️

1-عندج علم😉 اذا عندج شي مثلا اذا مزوجة وعازمه عيالج علئ شي او عندج مقابله او اي شي خايفه ماادبريه 😳😳
اتكولين
(اللهم دبر لي الامور فاني لا احسن التدبير وانك خير المدبرين سبع مرات )وعاتبيني اذا متشوفين الامور صارت مثل المي 😘😘

2-عندج علم 😉 بما انه انتي امراة
غصبن ماعليج ترددين صباحا ومسائا في السجود
(اللهم امن روعاتي واستر عوارتي واحفظني من فوقي وعن يميني وعن شمالي واعوذ بعظمتك ان اغتال من تحتي👍👍👍☝)❤❤
لان متعرفين وانتي طالعه او راجعه شيصادفج بالطريق او حتئ اذا كاعده ابيتج
هذا الدعاء يحفظ سمعتج ويحفظج من كل شر🙏🙏🙏👉😘

3-عندج علم فوزية بانه الصلاة علئ النبي والابراهيميه بالذات تعتبر السحر الحلال 😍😍
يعني مثلا رايحة علئ طبيب وتريدين سراج يتقدم😉
او رايحه علئ دوامج متاخره 😊 او وكعتي بشغله صعبه
رددي الصلاة الابراهميه وشوفي السحر الحلال شلون يصير😉😉😉😉

4-عندج علم فوزية بانه اذا اتمرضتي
اكو دعاء خاص تردديه بالسجود سبع مرات
(اللهم رب الناس مذهب البأس اشفي وانت الشافي لاشفاء الا شفائك شفائا لايغادره سقما )😊😊
وشوفي قدرة ربج

5-عندج علم خطوات الدعاء الصحيح واذا تريديه مضبوط لازم تكون
1-اعتراف بالذنب (تكولين استغفر الله)
2-تسبيح (سبحان الله والحمد لله ولا اله الا الله والله اكبر ولاحولة ولا قوة الا باالله)
3-الصلاة ع النبي
4-وهسه تكولين الدعاء وتطلبين الي تتمنيه😚
5-تصلين علئ النبي 😍
عندج علم فوزية

بانه واحفظي هاي الجملة زين👇👇😌😌😌
(ان الله اكرم من ان يرد دعائا كان اوله اعتراف بالذنب وثانيه تمجيد الله وثالثه صلاة علئ حبيبه واخيره الصلاة علئ خاتم
انبيائه 😍)

#اعـاده_توجيـــہ_لتنسون
#ملوكه