ﺿﺮﻏﺎﻡ،،ﺻﺎﺭ ﺑﻴﺒﻲ ﺑﺲ ﺍﺑﻮﻱ ﺍﻟﻴﻮﻡ ﺧﻔﺎﺭﺓ ﺑﺎﺟﺮ ﻳﻨﺰﻝ ﺍﺳﺘﺮﺍﺣﻪ ﺑﻠﻴﻞ ﺍﺗﺼﻞ ﺑﻲ ﺣﺘﺊ ﻳﺠﻴﺒﻬﻦ ﺑﺎﺟﺮ ﺑﺎﺍﺫﻥ ﺍﻟﻠﻪ
ﻻﺭﺍ،،ﻋﺮﻓﺖ ﺗﻘﺼﺪ ﺑﻨﺎﺗﻬﺎ ﺍﻻﺛﻨﻴﻦ ﺍﻟﺒﺎﻗﻴﺎﺕ ﻻﻥ ﺍﻋﺮﻑ ﻋﻤﻲ ﻋﻨﺪﺓ ﺛﻠﺚ ﺑﻨﺎﺕ
ﻃﻮﻝ ﻣﺎﺟﻨﺖ ﻛﺎﻋﺪﺓ ﻳﺘﺨﺎﺯﺭ ﻭﻳﺎﻱ ﻣﺨﺎﺯﺭ ﺍﻟﻴﺸﻮﻓﻪ ﻋﺒﺎﻟﻚ ﻳﺮﻳﺪ ﻳﺎﻛﻠﻨﻲ
ﺗﺎﻟﻲ ﮔﺎﻝ ﺍﻧﻲ ﻃﺎﻟﻊ ﻟﺘﺴﻮﻥ ﻏﺪﺓ ﺭﺍﻳﺢ ﺍﺟﻴﺐ ﺟﺎﻫﺰ
ﺍﻡ ﺍﺣﻼﻡ،،ﺯﻳﻦ ﺑﻌﺪﻙ ﺗﻌﺮﻑ ﺑﺎﻻﺻﻮﻝ
ﺭﺍﻫﺐ،،ﻣﻘﺒﻮﻟﻪ ﻣﻨﺞ ﻳﺎﻟﻐﺎﻟﻴﻪ ﺑﺲ ﻣﻮ ﻟﻠﻲ ﺍﺑﺎﻟﺞ ﺑﺲ ﺍﻧﻲ ﻣﺸﺘﻬﻲ ﺍﻟﺴﻤﺞ ﻭﺭﺍﻳﺢ ﺍﺟﻴﺐ
ﻻﺭﺍ،،ﻣﺎﻳﻌﺮﻑ ﺍﺫﺍ ﻣﺎﻳﻔﺸﻞ ﻋﺒﺎﻟﻪ ﻛﺎﺗﻠﻪ ﺭﻭﺣﻲ ﻋﻠﺊ ﺳﻤﺠﺎﺗﻪ
ﺭﺍﺡ ﺳﺎﻋﻪ ﻭﺭﺟﻊ ﺟﺎﻳﺐ ﻋﻼﻟﻴﮓ ﻣﺎﺍﻫﺘﻤﻴﺖ ﻭﻻﺑﺎﻭﻋﺘﻠﻪ ﺳﻮﻳﺖ ﺭﻭﺣﻲ ﺣﺘﺊ ﻣﺎﺍﺷﻮﻓﻪ ﺭﺣﺖ ﻟﻠﺤﻤﺎﻡ ﺗﻮﺿﻴﺖ ﻭﻃﻠﻌﺖ ﺍﻟﻐﺮﻓﺔ ﺍﻟﺤﺠﻴﻪ ﺻﻠﻴﺖ ﺑﻴﻬﺎ
ﻛﻤﻠﺖ ﻭﻃﻠﻌﺖ ﻟﻜﻴﺘﻬﻢ ﻳﺼﻠﻮﻥ ﺑﺎﻟﺼﺎﻟﻪ
ﺑﻌﺪﻫﺎ ﮔﻌﺪﺕ ﻳﻤﻬﺎ
ﺍﻡ ﺍﺣﻼﻡ،،ﻻﺗﺤﻄﻤﻴﻦ ﺭﻭﺣﺞ ﺑﺎﻟﮕﻌﺪﺓ ﻳﻤﻪ ﺻﺮﺗﻲ ﺍﺑﻨﻴﺘﻨﻪ ﻣﻨﻪ ﻭﺑﻴﻨﻪ ﻭﺍﻟﺒﻴﺖ ﺑﻴﺘﺞ
ﮔﻮﻣﻲ ﻭﻳﻪ ﻓﻄﻴﻢ ﺟﻬﺰﻥ ﺍﻟﻐﺪﺓ ﺍﺭﻳﺪﺝ ﺍﻧﺘﻲ ﻭﻳﺎﻫﺎ ﺍﺧﻴﺎﺕ ﻻ ﺗﺴﺘﺤﻴﻦ
ﻻﺭﺍ،،ﮔﻤﺖ ﺻﺪﻙ ﻓﺸﻠﻪ ﺍﺑﻘﺊ ﻛﺎﻋﺪﺓ ﻛﻼﻣﻬﺎ ﻣﺎﺿﻮﺟﻨﻲ ﺑﺎﻟﻌﻜﺲ ﺧﻼﻧﻲ ﺍﻓﺮﺡ ﻻﻥ ﺗﻌﺎﻣﻠﻨﻲ ﺑﺤﻨﻴﻪ ﻭﺑﻄﻴﺒﻪ ﻋﻜﺲ ﺍﺑﻨﻬﺎ ﺍﻟﻌﻜﺮﺓ
ﺭﺣﺖ ﻟﻠﻤﻄﺒﺦ ﻓﺎﻃﻤﻪ ﻣﺪﺭﻱ ﺍﺷﺒﻴﻬﺎ ﺫﺍﺑﺘﻬﺎ ﻉ ﺍﻟﺼﺎﻣﺖ
ﻣﺎﺗﺤﺠﻲ ﺩﻭﺏ ﺍﺳﻤﻊ ﺻﻮﺗﻬﺎ
ﮔﺎﻟﺖ ﺑﺼﻮﺕ ﻧﺎﺻﻲ
ﻓﺎﻃﻤﻪ، ،ﺣﻀﺮﻱ ﺍﻟﺰﻻﻃﻪ ﻭﺍﻟﻄﺮﺷﻲ
ﻻﺭﺍ،،ﺍﻧﻄﺘﻨﻲ ﺍﻟﻤﻮﺍﻋﻴﻦ ﻭﺟﺎﺑﺖ ﺍﻟﻄﺮﺷﻲ ﻭﺍﻟﺨﻴﺎﺭ ﻭﺍﻟﻄﻤﺎﻃﻪ ﻏﺴﻠﺘﻪ ﻭﺍﻧﻄﺘﻨﻴﺎ
ﺳﻮﻳﺘﻬﺎ ﺑﺸﻘﻪ ﻭﻳﺎﻫﺎ ﻛﺘﻠﻬﺎ ﻣﺎﺿﻞ ﺑﺲ ﺛﺮﻡ ﺷﻮ ﻛﻠﻪ ﺟﻬﺰﺗﻲ ﺍﻧﺘﻲ
ﺍﺑﺘﺴﻤﺖ ﺑﻬﺪﻭﺉ ﻭﺩﺍﺭﺕ ﻭﺟﻬﺎ ﺗﺤﻀﺮ ﺑﺎﻟﺴﻤﺞ ﺗﺨﻠﻲ ﻉ ﺍﻟﺨﺒﺰ ﺑﺎﻟﺼﺤﻦ
ﺍﺧﺬﺕ ﺍﻟﺴﻔﺮﺓ ﻣﺪﺗﻬﺎ ﻭﺍﻧﻲ ﺧﻠﻴﺖ . ﻣﻮﺍﻋﻴﻦ ﺍﻟﺰﻻﻳﻂ
ﺑﺎﻟﺼﻴﻨﻴﻪ ﺷﻠﺘﻬﺎ ﻭﺭﺣﺖ ﻟﻠﺼﺎﻟﻪ ﺩﻧﮕﺖ ﺍﺣﻄﻬﺎ ﺭﻓﻌﺖ ﺭﺍﺳﻲ ﺷﻮ ﻫﺬﺍ ﺧﺰﺭﻧﻲ ﻭﺍﺷﺮﻟﻲ ﺑﺮﺍﺳﻪ ﺑﻤﻌﻨﺊ ﺭﻭﺣﻲ
ﺩﺧﻴﻞ ﺭﺑﻚ ﺑﺲ ﺗﺘﺨﺎﺯﺭ ﻋﻔﺘﻪ ﻭﻃﻠﻌﺖ ﻭﺍﻧﻲ ﺍﺩﺭﺩﻡ ﺑﻜﻠﺒﻲ
ﺣﺴﻴﺖ ﺧﻄﻮﺍﺕ ﻭﺭﺍﻱ ﺍﻧﺘﺒﻬﺘﻠﻪ ﺍﺟﻪ ﻟﻠﻤﻄﺒﺦ ﻓﺘﺢ ﺍﻟﺜﻼﺟﻪ ﻃﻠﻊ ﺑﻄﻞ ﻣﺎﻱ ﺷﺮﺏ ﻣﻨﻪ ﻭﺭﺟﻌﻪ ﻗﺒﻞ ﻣﺎﻳﻄﻠﻊ ﮔﺎﻝ ﻭﻫﻮ ﻗﺮﻳﺐ ﻣﻨﻲ
ﺭﺍﻫﺐ،،ﺩﻧﮕﻲ ﻣﺮﺓ ﺛﺎﻧﻴﻪ ﻭﺷﻮﻓﻲ ﺍﺷﻠﻮﻥ ﺍﻣﺪﺝ ﺑﻨﺼﻬﻢ ﻭﺍﮔﻄﻊ ﺍﻟﺤﺰﺍﻡ ﻋﻠﺊ ﺿﻬﺮﺝ
ﻻﺭﺍ،،ﻣﺎﻳﺮﺗﺎﺡ ﺍﺫﺍ ﻣﺎﻳﻨﻐﺼﻨﻲ ﺑﻜﻠﻤﻪ ﻋﺎﻓﻨﻲ ﻭﺭﺍﺡ ﺭﺣﺖ ﻭﺭﺍﻩ ﺑﺲ ﺍﻧﺴﺪﺕ ﻧﻔﺴﻲ ﻋﻦ ﺍﻻﻛﻞ ﻻﻥ ﺳﻤﻤﻨﻲ ﺑﻜﻼﻣﻪ ﻭﺷﺒﻌﺖ
ﺭﺣﺖ ﮔﻌﺪﺕ ﻳﻤﻬﻢ ﺍﻡ ﺭﺍﻫﺐ ﺣﻄﺖ ﻛﺪﺍﻣﻲ ﺳﻤﺠﻪ ﻣﺎﺗﺪﺭﻱ ﺍﺑﻨﻬﺎ ﻛﻔﻪ ﺍﻭﻓﻪ
ﺍﻡ ﺍﺣﻼﻡ،،ﺍﻛﻠﻲ ﻳﻤﻪ ﻣﺎﺗﻌﺸﻴﺘﻲ ﺍﻟﺒﺎﺭﺣﻪ ﻭﺍﻟﻴﻮﻡ ﺑﺪﻭﻥ ﺭﻳﻮﮒ ﺍﺫﺍ ﻣﺎﻛﻠﺘﻲ ﺍﺯﻋﻞ ﻭﻳﺎﺝ
ﻻﺭﺍ،،ﺷﮕﺪ ﺣﺒﻴﺘﻬﺎ ﻫﻠﻤﺮﺓ ﻋﺒﺎﻟﻚ ﻃﻔﻠﺔ ﻛﺪﺍﻣﻬﺎ ﻭﺗﻘﻨﻊ ﺑﻴﻪ ﺍﺫﺍ ﻣﺎﺍﻛﻠﺖ ﺗﺰﻋﻞ ﻣﻨﻲ
ﻣﺎﺭﺩﺕ ﺍﻓﺸﻠﻬﺎ ﻣﺪﻳﺖ ﺍﻳﺪﻱ ﺑﺲ ﻣﺎﺍﻛﻠﺖ ﺳﻤﺞ ﺫﻛﺮﺕ ﺍﺣﺠﺎﻳﺘﻪ ﻣﻦ ﮔﺎﻝ ﻫﻮ ﻣﺸﺘﻬﻲ ﺍﻟﺴﻤﺞ
ﺟﺮﻳﺖ ﺧﺒﺰﺓ ﻭﺻﺮﺕ ﺍﻛﻞ ﺑﺲ ﺧﺒﺰ ﻭﺍﻏﻤﺲ ﺑﺎﻟﻄﺮﺷﻲ
ﺍﻡ ﺍﺣﻼﻡ،،ﻳﺎﻳﺎﻳﺎ ﻭﻟﺞ ﻋﻤﻪ ﺷﻨﻮ ﻫﺬﺍ ﺍﻛﻠﺞ ?
ﺍﻛﻠﻴﻠﺞ ﻟﺤﻤﻪ ﺗﻠﺰﻡ ﮔﻠﺒﺞ ﺍﻛﻮ ﻭﺍﺣﺪ ﻳﻐﻤﺲ ﺧﺒﺰ ﻭﻃﺮﺷﻲ
ﻻﺭﺍ،،ﮔﺘﻠﻬﺎ ﻋﻤﻪ ﻣﺎﺍﺣﺐ ﺍﻟﺴﻤﺞ
ﺍﻧﺘﺒﻬﺘﻠﻪ ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ ﻳﺪﺭﻱ ﺑﺴﺒﺐ ﻛﻼﻣﻪ ﻣﺎﺍﻛﻠﺖ
ﺭﺍﻫﺐ،،ﻋﻮﻓﻴﻬﺎ ﺣﺠﻴﻪ ﺍﻟﻴﺎﻛﻞ ﺑﻀﺮﺳﻪ ﻳﻨﻔﻊ ﻧﻔﺴﻪ
ﺍﻡ ﺍﺣﻼﻡ،،ﺍﻧﺘﻪ ﺑﺲ ﻻﺗﺪﺧﻞ ﺑﻴﻬﺎ ﻭﻫﻲ ﺗﺎﻛﻞ
ﻻﺭﺍ،،ﺍﺑﺘﺴﻤﺖ ﻋﻠﺊ ﺍﻟﻘﺼﻒ ﺍﻟﺘﻘﺼﻔﻪ ﻝ ﺍﺑﻨﻬﺎ ﻛﻞ ﺷﻮﻳﻪ ﺗﻔﺸﻠﻪ
ﺍﻟﻠﻪ ﻻﻳﻮﮔﻊ ﻭﺍﺣﺪ ﺑﻠﺴﺎﻧﻬﺎ ﻭﻳﺨﻠﻴﻬﺎ ﺗﺰﻋﻞ ﻣﻨﻪ ﺍﻟﻪ ﺍﻃﻴﻦ ﻋﻴﺸﺘﻪ ﺑﺰﻋﻠﻬﺎ
ﺑﺎﻭﻋﺘﻠﻪ ﺑﺸﻤﺎﺗﻪ ﻉ ﺍﻟﺮﺯﺍﻟﻪ ﻣﺎﺍﻫﺘﻢ ﺩﺍﺱ ﻉ ﺍﻟﻜﻞ ﺩﻭﺳﻪ ﻭﻧﺺ ﺍﺗﮕﻮﻝ ﻣﻔﺠﻮﻉ ﻭﺯﻧﻪ ﺛﺎﺑﺖ ﻻﻳﺰﻳﺪ ﻭﻻﻳﻨﻘﺺ ﻭﺍﻧﻲ ﺑﺤﺼﺮﺓ ﺍﻛﻞ ﺷﻲ ﺣﻠﻮ ﻭﻛﻞ ﺍﻛﻠﻪ ﻻﺯﻡ ﺍﺣﺴﺐ ﺳﻌﺮﺍﺗﻬﺎ ﺍﻟﺤﺮﺍﺭﻳﻪ ﺧﺎﻑ ﺗﺴﺒﺐ ﺳﻤﻨﻪ
ﻭﻫﻮ ﻃﺎﻟﻊ ﺭﻭﻥ ﺳﺎﻳﺪ ﻻﺗﻔﻴﺪ ﻭﻳﺎﻩ ﺳﻌﺮﺍﺕ ﻭﻻ ﺑﻄﻴﺦ
ﺍﻡ ﺍﺣﻼﻡ،،ﻳﻤﻪ ﻓﺎﻃﻤﻪ ﻛﻮﻣﻲ ﮔﻠﻲ ﻛﺒﺎﺏ ﻟﻤﺮﺓ ﺍﺧﻮﺝ ﻣﺎﺗﺤﺐ ﺍﻟﺴﻤﺞ
ﻻﺭﺍ،،ﺭﺍﺩﺕ ﺍﺗﻜﻮﻡ ﻓﺎﻃﻤﻪ ﻛﺘﻠﻬﺎ ﻻﻻ ﺍﻛﻌﺪﻱ ﻟﻮ ﺍﺭﻳﺪ ﺍﻧﻲ ﺍﮔﻮﻡ ﺍﺳﻮﻱ ﺍﻟﻨﻔﺴﻲ ﺑﺲ ﻭﺍﻟﻠﻪ ﺷﺒﻌﺖ
ﻛﻮﺓ ﻗﻨﻌﺘﻬﺎ ﻭﺭﺍﻫﺐ ﺑﺲ ﻳﻨﺎﻓﺦ ﻣﺎﻋﺎﺟﺒﻪ ﺗﺎﻟﻲ ﻣﺎﺍﺗﺤﻤﻞ ﻭﺷﻤﺮﻟﻪ ﺍﺣﺠﺎﻳﻪ
ﺭﺍﻫﺐ،،ﺣﺠﻴﻪ ﻟﻴﺶ ﺗﺤﺮﻣﺼﻴﻠﻬﺎ ﺍﺗﺮﻳﺪ ﺍﻛﻞ ﺫﺍﻙ ﺍﻟﻤﻄﺒﺦ ﻭﺗﺮﻭﺡ ﺗﺨﺪﻡ ﻧﻔﺴﻬﺎ ﻣﻮ ﻓﺎﻃﻤﻪ ﺗﺨﺪﻣﻬﺎ
ﻻﺭﺍ،،ﻓﺸﻠﻨﻲ ﺩﻧﻜﺖ ﻣﺎﺣﺠﻴﺖ ﺑﺲ ﺍﻣﻪ ﺟﺎﻭﺑﺖ ﺑﻤﻜﺎﻧﻲ
ﺍﻡ ﺍﺣﻼﻡ،،ﻭﺣﮓ ﺭﻭﺡ ﺍﻟﺰﻫﺮﺓ ﺍﺫﺍ ﻣﺎﺑﻄﻠﺖ ﺳﻮﺍﻟﻔﻚ ﺍﺧﺬﻫﺎ ﻭﺍﺭﺩﻫﺎ ﻟﺒﻮﻫﺎ ﺑﻴﺪﻱ ﻭﺍﻧﻲ ﺍﻟﻤﻤﻨﻮﻧﻪ ﻭﺍﻃﻠﺐ ﻳﺴﺎﻣﺤﻨﻪ ﻋﻠﺊ ﺳﻮﺍﻳﺘﻨﻪ ﺍﺑﻨﺘﻪ
ﺭﺍﻫﺐ،،ﺣﺘﺊ ﻗﺒﻞ ﻻﺗﻮﺻﻞ ﺍﺫﺑﺤﻬﺎ
ﺍﻡ ﺍﺣﻼﻡ،،ﺗﺎﻳﻬﺘﻠﻚ ﺑﻨﺖ ﺍﻟﻮﺍﺩﻡ
ﺭﺍﻫﺐ،،ﺗﺮﺓ ﻫﻲ ﻣﺮﺗﻲ ﻭﺍﻛﻴﺪ ﺗﺎﻳﻬﺘﻠﻲ ﻻﻥ ﻣﺎﻋﺪﻫﺎ ﺍﻫﻞ ﺑﻴﻬﻢ ﺣﺾ
ﻻﺭﺍ،،ﺭﺩﺕ ﺍﮔﻠﻪ ﻭﻻ ﺭﺟﻞ ﺑﻲ ﺣﺾ ﻣﻮﺑﺲ ﺍﻫﻞ
ﺑﺲ ﻟﺰﻣﺖ ﺍﻟﺴﺎﻧﻲ ﺍﻟﺨﺎﻃﺮ ﺍﻣﻪ ﺍﺳﺘﺤﻴﺖ ﻣﻨﻬﺎ
ﻧﻬﺾ ﺭﺍﺡ ﻳﻐﺴﻞ
ﻭﺍﻧﻲ ﻭﻓﺎﻃﻤﻪ ﻟﻤﻴﻨﻪ ﺍﻻﻛﻞ ﻭﻫﻲ ﺍﺧﺬﺕ ﺍﻟﺠﺎﻱ ﻳﻤﻬﻢ ﻳﺸﺮﺑﻮﻥ ﺍﻧﻄﺘﻪ ﻛﻮﺏ ﺗﺮﺳﺘﻪ ﺍﻟﻪ ﺗﺮﺱ ﺷﮕﺪ ﻳﺸﺮﺏ ﺟﺎﻱ ﺩﺧﻴﻞ ﺭﺑﻪ ﻣﻦ ﺟﺮﻣﻦ ﮔﻠﺒﻪ ﺍﺳﻮﺩ ﺑﻠﻮﻥ ﺍﻟﺠﺎﻱ ﻳﻤﻜﻦ ﺍﺫﺍ ﺳﺤﺒﻮ ﻣﻨﻪ ﺩﻡ ﻳﻄﻠﻊ ﺑﺜﻞ ﺍﺳﻮﺩ
ﻛﻤﻞ ﻭﺑﻌﺪﻫﺎ ﺻﻌﺪ ﺍﻟﻐﺮﻓﺘﻪ ﮔﺎﻝ ﺭﺍﺡ ﺍﻧﺎﻡ ﮔﻌﺪﻭﻧﻲ ﺑﺎﻻﺭﺑﻌﻪ ﻳﺠﻲ ﻗﺎﺳﻢ
ﺿﺮﻏﺎﻡ ﻫﻢ ﺭﺍﺡ ﻟﻼﺳﺘﻘﺒﺎﻝ ﻳﻨﺎﻡ ﻭﺍﻧﻲ ﻭﻓﺎﻃﻤﻪ ﻭﺍﻟﺤﺠﻴﻪ ﺑﻘﻴﻨﻪ ﺑﻐﺮﻓﺘﻬﺎ ﻛﻞ ﻭﺣﺪﺓ ﺣﻄﺖ ﻣﺨﺪﺓ ﺟﻮﺓ ﺭﺍﺳﻬﺎ ﻭﺍﺗﻤﺪﺩﻧﻪ ﻧﺴﻮﻟﻒ ﻭﺍﺣﻨﻪ ﻣﺠﻄﻮﻟﻴﻦ
ﺍﺧﺬﺗﻨﻪ ﺍﻟﺴﻮﺍﻟﻒ ﻋﻠﺊ ﺍﻳﺎﻡ ﻗﺒﻞ ﻭﺍﻟﺤﺠﻴﻪ ﺗﺤﺠﻴﻠﻨﻪ ﺍﺷﻠﻮﻥ ﺟﺎﻧﺖ ﺗﺨﻴﻂ ﻗﺒﻞ ﻭﺗﺸﺘﻐﻞ ﻫﻲ ﻭﺑﻨﺎﺗﻬﺎ ﺍﻧﻘﻬﺮﺕ ﻋﻠﺊ ﻋﻴﺸﺘﻬﻢ ﻻﻥ ﻛﻞ ﺍﻟﺼﺎﺭ ﺑﻴﻬﻢ ﺳﺒﺒﻪ ﺍﻣﻲ ﻭﺍﺑﻮﻱ
ﺻﺎﺭﺕ ﺍﻟﺴﺎﻋﻪ ﺏ ﺍﻻﺭﺑﻌﻪ ﺍﻟﺤﺠﻴﻪ ﻛﺎﻟﺖ ﺍﻟﻔﺎﻃﻤﻪ ﮔﻮﻣﻲ ﻛﻌﺪﻱ ﺍﺧﻮﺝ ﻋﻨﺪﺓ ﻃﻠﻌﻪ
ﺭﺍﺣﺖ ﻓﺎﻃﻤﻪ ﺷﻮﻳﻪ ﻭﺷﻔﺘﻪ ﻋﺒﺮ ﻣﻦ ﻳﻢ ﺍﻟﺒﺎﺏ ﻋﻠﺊ ﻣﺘﻮﻧﻪ ﺍﻟﺨﺎﻭﻟﻲ
ﺳﻤﻌﻨﻪ ﺻﻮﺕ ﺍﻟﺠﺮﺱ ﺭﺍﺡ ﺿﺮﻏﺎﻡ ﻓﺘﺢ ﺍﻟﺒﺎﺏ ﻭﺍﺟﻪ ﮔﺎﻝ ﺑﻴﺒﻲ ﺍﻡ ﻗﺎﺳﻢ ﺑﺎﻟﺒﺎﺏ
ﮔﺎﻣﺖ ﺍﻟﺤﺠﻴﻪ ﻭﻓﺎﻃﻤﻪ ﺍﻟﺘﻔﺘﺘﻠﻲ ﻭﮔﺎﻟﺖ ﺗﻌﺎﻱ ﻳﻤﻬﻦ ﻫﺎﻱ ﺍﻡ ﻗﺎﺳﻢ ﺍﻟﺤﺠﻴﺘﻠﺞ ﻋﻨﻬﺎ ﺍﺧﺘﻲ ﺍﻟﻤﺎﺟﺎﺑﺘﻬﺎ ﺍﻣﻲ
ﮔﻤﺖ ﻃﻠﻌﺖ ﻭﻳﺎﻫﻦ ﺷﻔﺘﻬﺎ ﮔﺎﻋﺪﺓ ﺑﺎﻟﺼﺎﻟﻪ ﻫﻲ ﻭﺍﺑﻨﻴﻪ ﺷﺎﺑﻪ

ﺭﺣﺖ ﺳﻠﻤﺖ ﻋﻠﻴﻬﺎ ﻭﺍﻟﻐﺮﻳﺐ ﺍﻡ ﺭﺍﻫﺐ ﮔﺎﻟﺘﻠﻬﺎ ﻫﺎﻱ ﻣﺮﺕ ﺭﺍﻫﺐ
ﺍﻟﻤﺮﺓ ﻓﺘﺤﺖ ﺣﻠﮕﻬﺎ ﻣﺘﻔﺎﺟﺌﻪ ﻭﺍﻡ ﺭﺍﻫﺐ ﮔﻌﺪﺕ ﻭﺣﺠﺘﻠﻬﺎ ﺍﺍﺳﺎﻟﻔﻪ ﻛﻠﻬﺎ ﻣﺎﺿﻤﺖ ﻋﻨﻬﺎ ﺷﻲ ﺍﺗﻌﺠﺒﺖ ﻋﻠﺊ ﻋﻼﻗﺘﻬﻦ ﺻﺪﮒ ﻋﺒﺎﻟﻚ ﺍﺧﻮﺍﺕ ﻭﺍﻡ ﻗﺎﺳﻢ ﻃﻮﻝ ﻣﺎﺟﺎﻧﺖ ﺍﻡ ﺭﺍﻫﺐ ﺗﺤﺠﻲ ﻫﻲ ﺗﺼﻔﮓ ﺍﻱ ﺏ ﺍﻳﺪ
ﺟﻨﺖ ﻛﺎﻋﺪﺓ ﺑﺼﻒ ﺍﻻﺑﻨﻴﻪ ﺑﻌﺪ ﻣﺎﺍﻧﺘﻬﺊ ﺣﺪﻳﺜﻬﻦ ﺍﻟﺘﻔﺘﺖ ﺍﻟﺤﺠﻴﻪ ﺍﻟﻬﺎ
ﺍﻡ ﺍﺣﻼﻡ،،ﺳﻮﻳﺮﺓ ﺍﺷﻠﻮﻧﺞ ﺑﻴﺒﻲ ?
ﺳﺎﺭﺓ،،ﺯﻳﻨﻪ ﺑﻴﺒﻲ ﺍﻟﺤﻤﺪﺍﻟﻠﻪ
ﺍﻡ ﺍﺣﻼﻡ،،ﺑﺸﺮﻱ ﺍﺷﻠﻮﻥ ﺻﺎﺭﺕ ﺍﻣﺞ ﻭﺍﺷﻮﻛﺖ ﺍﻟﻠﻪ ﻳﺴﻬﻞ ﺍﻟﻬﻢ ﻭﻳﺮﺟﻌﻮﻥ ?
ﺳﺎﺭﺓ،،ﺍﻟﻌﻤﻠﻴﻪ ﺍﻟﺤﻤﺪﺍﻟﻠﻪ ﻧﺠﺤﺖ ﻭﻫﺴﻪ ﺑﻔﺘﺮﺓ ﻧﻘﺎﻫﺎ ﻛﻢ ﻳﻮﻡ ﻭﻳﺮﺟﻌﻮﻥ
ﺍﻡ ﻗﺎﺳﻢ،،ﺧﻄﻴﻪ ﺍﺧﻮﻱ ﺻﺎﺭ ﺷﻬﺮ ﻣﺘﻌﺬﺏ ﻭﻳﻪ ﻣﺮﺗﻪ ﺍﻟﻠﻪ ﻳﺸﻔﻴﻬﺎ ﻭﻳﻜﻮﻣﻬﺎ ﺑﺎﻟﺴﻼﻣﻪ
ﺍﻡ ﺭﺍﻫﺐ،،ﺑﺲ ﻳﺮﺟﻌﻮﻥ ﺍﻧﺸﺎﺀﺍﻟﻠﻪ ﻓﺎﺗﺤﻲ ﺍﺧﻮﺝ ﺑﻤﻮﺿﻮﻉ ﺳﻮﻳﺮﺓ ﺗﺮﺓ ﻣﺎﺗﻠﮕﻴﻦ ﺍﺣﺴﻦ ﻣﻨﻬﺎ
ﻻﺭﺍ،،ﺍﺑﺎﻭﻉ ﻟﻼﺑﻨﻴﻪ ﺗﻮﺯﻉ ﺍﺑﺘﺴﺎﻣﺎﺕ
ﺍﻟﺘﻔﺘﺘﻠﻲ ﻭﮔﺎﻟﺖ
ﺳﺎﺭﺓ،،ﻭﻳﻦ ﺍﻟﻠﻪ ﻭﻳﻘﺒﻞ ﺍﺑﻨﻬﺎ ﺑﻴﻪ ﺍﻟﻪ ﺍﻃﺶ ﺟﻜﻠﻴﺖ
ﻻﺭﺍ،،ﺿﺤﻜﺖ ﻋﻠﺊ ﺳﺎﻟﻔﺘﻬﺎ ﻛﺘﻠﻬﺎ ﻟﻴﺶ ﻭﺍﺷﺒﻴﺞ ﺣﺘﺊ ﻣﺎﻳﻘﺒﻞ ﺑﻴﺞ
ﺳﺎﺭﺓ،،ﻋﻮﺩ ﻫﻮ ﺟﺒﻴﺮ ﻭﺍﻧﻲ ﺯﻏﻴﺮﺓ ﻣﺎﻳﻘﺒﻞ ﻳﺤﻀﻲ ﻣﺎﻳﺪﺭﻱ ﻗﺎﻓﻠﻪ ﻋﻠﻲ ﻣﺎﺍﻧﻄﻲ ﻟﻮ ﺗﻄﻠﻊ ﻧﺨﻠﻪ ﺑﺮﺍﺳﻪ
ﻻﺭﺍ،،ﻣﻮﺑﻨﻴﻪ ﺳﻴﻨﻤﺎ ﺳﺒﻮﺭﺗﻴﻪ ﺍﻻﺑﻌﺪ ﺍﻟﺤﺪﻭﺩ ﺑﺴﺮﻋﻪ ﺗﺒﻴﻊ ﻣﻴﺎﻧﻪ ﻋﺒﺎﻟﻚ ﺗﻌﺮﻓﻚ ﻣﻦ ﺍﺳﻨﻴﻦ ﺣﺒﻴﺖ ﺣﺎﻟﺘﻬﺎ ﺍﺟﺘﻤﺎﻋﻴﻪ ﻭﻣﺤﺒﻮﺑﻪ
ﺑﻘﻴﻨﻪ ﺍﻧﺪﺭﺩﺵ ﺍﻧﻲ ﻭﻳﺎﻫﺎ ﺳﺎﻟﺘﻬﺎ ﺷﮕﺪ ﻋﻤﺮﺝ ?
ﺳﺎﺭﺓ،، 19
ﻻﺭﺍ،،ﺍﻫﺎﺍﺍ ﻳﻌﻨﻲ ﺍﻧﺘﻲ ﺍﻡ ﺍﻟﺴﺎﺩﺱ ﺍﻋﺪﺍﺩﻱ ﺑﻨﺖ ﺧﺎﻟﻪ
ﺷﻮ ﻫﺎﻱ ﻧﻄﺖ ﻟﺰﻣﺖ ﺍﻳﺪﻱ ﻭﺍﻟﻀﺤﻜﻪ ﺷﺎﻛﻪ ﺣﻠﻜﻬﺎ
ﺳﺎﺭﺓ،،ﻋﺎﺍﺍﺍ ﻣﻨﻴﻦ ﻋﺮﻓﺘﻴﻨﻲ ﺍﻛﻴﺪ ﺣﺎﺟﻲ ﺍﻟﺮﺍﻫﺐ ﻋﻨﻲ ﺳﻤﻌﺖ ﻣﻦ ﻋﻤﺘﻲ ﻫﻮ ﻭﺭﺟﻠﺞ ﺍﺻﺪﻗﺎﺀ ﻣﻦ ﺍﻟﻄﻔﻮﻟﻪ ﺍﻛﻴﺪ ﺣﺎﺟﻴﻠﻪ ﺷﻲ
ﻻﺭﺍ،،ﺍﻧﻄﻲ ﻧﻔﺴﺞ ﻣﺠﺎﻝ ﻭﺍﺧﺬﻱ ﻧﻔﺲ ﻳﻤﻌﻮﺩﺓ ﺣﺘﺨﺘﻨﮕﻴﻦ
ﺳﺎﺭﺓ،،ﺧﻴﻪ ﺍﺣﺠﻲ ﻭﻓﻀﻴﻨﻲ ﺭﺍﺡ ﺍﻓﻀﺢ ﺭﻭﺣﻲ
ﻻﺭﺍ،،ﻭﺍﻟﻠﻪ ﻣﺎﺣﺠﻪ ﺷﻲ ﺑﺲ ﺻﺎﺭ ﺣﺪﻳﺚ ﺑﺴﻴﻂ ﺑﺎﻟﺴﻴﺎﺭﺓ ﻭﻣﺎﻋﺮﻓﺖ ﻏﻴﺮ ﻋﻤﺮﺝ ﻭﺑﻴﺎ ﻣﺮﺣﻠﺔ ﻭﺍﺻﻠﻪ ﺑﺎﻟﺪﺭﺍﺳﻪ
ﺳﺎﺭﺓ،،ﻳﻤﻤﻤﻪ ﻗﻠﺒﻲ ﺍﻟﺼﻐﻴﺮ ﻻﻳﺘﺤﻤﻞ ﺟﺎﺷﺒﻲ ﮔﺎﻟﺐ ﺍﻟﺠﻬﺮﺓ ﻣﺎﻳﺒﺎﻭﻋﻠﻲ ﺍﺫﺍ ﻳﺴﻮﻟﻒ ﺑﻴﻪ حسن ابن سماوه ناشر
ﻻﺭﺍ،،ﺿﺤﻜﺖ ﻛﺘﻠﻬﺎ ﺗﺮﺓ ﻣﺎﮔﺎﻝ ﺍﺣﺒﻬﺎ
ﺳﺎﺭﺓ،،ﺑﺎﻟﻨﺴﺒﻪ ﺍﻟﻲ ﮔﺎﻟﻬﺎ ﻭﻏﺼﺐ ﻋﻨﻪ
ﻻﺭﺍ،،ﺧﺮﺭﺏ ﺍﻧﺘﻲ ﺳﻴﻨﻤﺎ ﺣﺐ ﺑﺎﻻﺟﺒﺎﺭ ﻳﻌﻨﻲ ?
ﺳﺎﺭﺓ،،ﺍﺫﺍ ﻣﺎﻗﺒﻞ ﺍﺧﻄﻔﻪ ﻭﺍﻏﺘﺼﺒﻪ ﻭﺍﻧﻌﻞ ﻳﻮﻣﻪ ﺑﻮﻳﻪ ﻫﻮ ﺯﻟﻤﺔ ﻟﻮ ﺷﻜﺮ ﻟﻤﻪ
ﻻﺭﺍ،،ﻫﻬﻬﻬﻬﻪ ﻭﺍﻟﻠﻪ ﺿﺤﻜﺘﻴﻨﻲ ﻣﻦ ﺻﺪﻙ ﺍﻟﻠﻪ ﻳﻔﺮﺣﺞ ﺍﻧﺸﺎﺀﺍﻟﻠﻪ
ﺳﺎﺭﺓ، ،ﺍﮔﻠﺞ ﺧﻴﺘﻮ ﺍﻧﻄﻴﻨﻲ ﺭﻗﻤﺞ ﺷﻮ ﻃﺒﻴﺘﻲ ﮔﻠﺒﻲ ﺭﻛﺾ ﺑﺪﻭﻥ ﺍﻧﻌﺎﻝ
ﻻﺭﺍ،،ﺍﻟﻠﻪ ﻳﺒﻼﺝ ﺷﻨﻮ ﺍﻧﺘﻲ ﻛﺎﺭﺛﻪ
ﺭﺩﻳﺘﻠﻬﺎ ﺭﻗﻤﻲ ﺭﻣﺸﺖ ﺍﻟﺘﻠﻴﻔﻮﻧﻲ ﻋﻔﺘﻪ ﻓﻮﮒ ﻛﺘﻠﻬﺎ ﺭﺍﺡ ﺍﺳﺠﻞ ﺍﻟﺮﻗﻢ ﻳﻤﻲ
ﺷﻮﻳﻪ ﻭﺍﺗﺮﺧﺼﻦ ﺭﺍﺣﻦ
ﻟﻠﻴﻞ ﺑﻌﺪ ﺍﻟﻌﺸﻪ ﺍﺗﺼﻞ ﺿﺮﻏﺎﻡ ﺏ ﺍﻣﻪ ﻭﺍﻟﻔﻬﻤﻨﺎ ﺑﺎﺟﺮ ﻳﺠﻦ ﺍﺧﻮﺍﺕ ﺭﺍﻫﺐ
ﻣﺎﺍﻋﺮﻑ ﻟﻴﺶ ﺧﻔﺖ ﻭﻟﺰﻣﺖ ﮔﻠﺒﻲ ﻣﻨﻬﻦ ﺧﺎﻑ ﻳﻄﻠﻌﻦ ﻋﺪﻭﺍﻧﻴﺎﺕ ﻣﺜﻞ ﺍﺧﻮﻫﻦ


ﻳﺘﺘﺘﺘﺘﺒﻊ

روحي ترفه

وليلي بارد

وصدفه مريتي بدماغي

وچان الف شيطان گاعد 😍🙈

،،،،،،،،،،

#ثأر_الضابط


#البارت20

،،،،،،،،،،،،،
لارا،،ثاني يوم كعدت من وكت لان العرفته اخوات راهب جايات هنه واولادهن

كلت خل اساعد ام راهب وفاطمه بالطبخ

عدلت فراشي واخذت ملابس اتراك زيتوني وحجاب ونزلت لگيت بس ام راهب وفاطمه صبحت عليهن ودخلت للحمام اسبح محترة
كملت وفرشت اسناني ذبيت ملابسي بالغساله بين ماكملت تمشيط واني واگفه بالحمام
لفيت شعري وخليت حجابي علئ راسي وطلعت رحت للمطبخ گعدت يمهن

ام احلام،،بنيتي الجاي بعدة حار ويمج صمون وكيمر جيبيهن وتعاي اكعدي اتريگي

لارا،،اخذت شويه كيمر خليته بالصمونه وصبيتلي كوب جاي وكعدت يمها اتريگ

ام احلام،،بنيتي لاتستحين يبعد عمتج ترة صار بيتج هذا والعصر هم يجن اخياتج احلام وزهرة
اريد الاكل من ايدج وايد فطيم

لارا،،حلو اسلوبها يحسسني بالامان وخاصتا اجواء جديدة وحياة جديدة اسلوبها يخليني اتصرف علئ طبيعتي عبالك صار سنين عايشه يمها

كتلها يعني يجن ع الغدة لو ع العشه?

ام احلام،،لابنيتي يادوب يوصلن العصر بالبصرة وبعيدات كل كم شهر يجن كم يوم ويرحن

لارا،،كنه نحجي دخل وهو محمل بالمسواگ

راهب،،اشلونهم

لارا،،اني وامه ماجاوبنه بس فاطمه ردت بصوت ناصي وعينها علينه لان ماجاوبنا
راهب،،ضلي يمه لاتحجين وياي عود الطمي زين من يجيبوني ملفوف بالعلم

ام احلام،،لااول الماتو ولااخرهم بالعافيه عليك اتموت شهيد قابل مثلنه مانعرف اذا انموت نندفن لوتاكلنه الجلاب ومحد يدفنه
راهب،،والله گلبج اسود حجيه بالجذب گولي عمرك طويل

ام احلام،،شگد نريد انعيش تالي نموت وكلنه نروح الذيج الحفرة الضلمه الي ماينفعنه بيها لاولد ولاتلد

راهب،،شسالفه حجيه كالبه الموجه اليوم بس گولي اشلون ترضين حتئ تنفض الطلابه

ام احلام،،شوكت ماتسوي العرس وتستعجل ذيج السااعه ارضه عنك

راهب،،والله دريت ورحت للنجار اشتريت غرفه عارضها للبيع وباجر يجيبوها
والتجهيزات الباقيه يوم واحد يخلصن

لارا،،مابگلبي اي مشاعر عبالك يحجون علئ عرس واحد غريب موعرسنه اني وياه

بقيت مدنكه واكل ماباوعتله ولاحتئ بنضرة وحدة

اسمعه يدردم بصوت ناصي بس ماافتهمت شي
للضهر سوينه نواشف وام راهب ماتاكل دهن اكو مرگه مجمدة گالت احمنها الي واثردنها

گعدنه نتغدة وهو منطلق ويضحك واني مويمه
وحتئ امه تحجي بس وياي

تالي عافنه وطلع للعصر اندگ الباب راح ضرغام يفتحه

سمعت صوت هوسه مال سلام
شويه ودخلن نسوان ثلاثه وحدة شابه واثنين اكبار

سلمن علئ امهن وعينهن مني جنت واگفه علئ صفحه

سلمن عليه من بعيد سلام عادي

رحت للمطبخ حتئ اجيبلهن ماي بارد
سمعت وحدة منهن عاطت

احلام،،منوووو

ام احلام،،مرت اخوج واسكتي لاتسويلج سالفه

احلام،،يمه لاتخبليني شوكت عرس راهب ومعقوله سوة عرسه بدون مايحضرن اخواته?

ام احلام،،يمه توج دخلتي اخذي نفس جايه من طريج بعيد بليل نتعشه واحجيلج

لارا،،اخذت الماي الهن قدمته واثنينهن يباوعلي من فوك لجوة شكيت بروحي لبسي بي شي من نضراتهن
بعدها گامن اجن للمطبخ بس امهن يمنه گعدت ماانطتهن مجال يستجوبني وفعلا شكلهن مثل المحققات يضيكن عيونهن مثل اخوهن اتحس نضراتهن يدرسن بيها الشخص الگدامهن

اني استلمت الزلاطه سويت بيها اشكال حلوة احب اتفنن بهيج سوالف
والفواكه هم سويتهن علئ شكل ورد

كملت وفاطمه رادت اتسوي محلبي گتلها جيببها اني اسويها راح تحبيها اكيد لان كل وحدة من تطبخ يصير طعم الاكل يختلف عن طبخ الثانيه يكولون الاكل يتبع النفس

ردت بس اشتغل حتئ اكسب ودهن مبينات شرانيات كل وحدة اذا اوكف يمها تحطني جوة ابطها

خليت الحليب بالجدر وفوگا النشا وشكر ماكثرت
اجه ضرغام حجيت ويه فاطمه لان فشله اطلب منه كتلها خلي يجيب علبة نيوتلا بالككو ونكها الچكليت

راحت فاطمه حجت وياه وفعلا جابهم واجه انتضرته لمن جابهن اخذتهن من ايدة خليت ربع النيوتلا فوگ الحليب وخاشوكه مال اكل نكها
وخليت ماي خبطت المواد كلهن وخليتهن ع النار بس بقيت واكفه احرك بالجدر وفاطمه يمي
تحجي بس موكلش يعني حد السؤال والجواب

راحت حضرت مواعين صغار بين ماربطت المحلبيه وثخنت صبيتها
ضرغام مااتحمل ايگول الريحه اتخبل اخذ ماعون وهو حار ياكل بي
ضرغام،،يمه بس ضوگي الطعم غير فد شي
قابل مثل محلبيتج امفصفصه ماتعرفها حلقوم لومحلبي لوريحة عطاب طالع منها لاجعه

احلام،،اكل واسكت لاتضل اتعيب

لارا،،ابتسمت علئ سوالفه كملت وخليتهن علئ صفحه وفاطمه طبخت تمن ومرك باميه
وضرغام اخذ اللبن وزعه بالدوالك

حلوة المشاركه اتغيرلك الجو لان نضحك ونشتغل

بعدها الكل كلمن راح اتوضه حتئ يصلي بس هو ماشفته من الضهر

خفتا وراحه حتئ احس روحي مامتقيدة اتصرف علئ طبيعتي

التمينه كلنه ع العشه وهو بعدة ماجاي

اباوع بوجهن مبينه بيهن سالفه من ملامحهن
يردن يعرفن سالفتي فضولهن واضح مثل عين الشمس

اخر شي كملنه وضرغام واخته ريحانه نقلو المواعين
فاطمه جابت الجاي وزعته

جان هذا حد وحدة منهن للصبر نفذ صبرها

احلام،،عشه واتعشينه جاي وشربنه
ياالله يمه احجيلي شنو سالفة عرس راهب
لارا،،تركتهن وكمت ردت اعوفهن ياخذ راحتهن بس الحجيه ماقبلت كالت موغريبه حتئ اتكومين ابقي بمكانج

زهرة،،يمي ترة فتت مرارتي احجي

احلام،،السالفه مبينه جبيرة هل امج ماتكدر تحجي

لارا،،التفتتلي وكالت

احلام،،احجي خيه اشلون عرستو وشوكت شوسالفتكم ماجاي ادش ابعقلي

لارا،،قاطعنه صوت ام احلام وحجتلهن كلشي
بحيث من صدمتهن مارمشت عيونهن
احس گلبي انقبض واني اشوفهن هادئات يستمعن الحجي الحجيه خفت ليكون هذا الهدوئ اليسبق العاصفه وفعلا انتفضت الاسمها احلام گامت وگفت گدامي بقيت علئ گعدتي وهي واگفه فوگ راسي تحجي ويه امها واتاشر عليه

احلام،،يعني هااااي بنت جلاالل?

ام احلام،،عيب يمه تبقئ بنت عمج

احلام،، عمه العماها وعمه ابوهااا
منين طلعتيلنه بسالفة عمج ماعمج ماعدنه عم مابي حض وعاار مثل جلال

زهرة،،صدگ تحجيين يممه ?
وراهب عاااف بنات الدنياا كلها وراح علئ بت الي طشر عائلتنه وبسببه مات ابووونه
ام احلام،،والله لو ادري ماخابرت عليجن ترة ضغطي صاعد مابيه حيل للحجي وحرگان الروح

احلام،،يمممه لاتخبليني شنو مرت راهب شنو بنت جلال ?
زين وين لكاها ومنين جابهاا ?

لارا،،ردت اجاوبها لان فار دمي وهي تحجي علئ ابوي صح غلطانين بس يبقون اهلي ومااسمح الشخص يتجاوز عليهم
باوعت للحجيه اشرتلي بمعنئ اسكتي واتجفي شرها امها وتعرفها شرانيه

صارن مثل المخابيل الاسمها احلام اتحوم تروح منا وترجع منا مبينه تريد تتعارك بس الحجيه تسكت بيها
والثانيه علئ كعدتها خازرتني اجذب اذا اكول ماخفت لاوالله خفت لان عمري مامرة بهيج مواقف جنت من اروح المكان اتعجب علئ معاملة الناس الطيبه يعني اتعلمت ع الاسلوب المحترم وهاي اول مرة اشوف واحد يتجاوز عليه غير راهب

ضرغام،،يمه گولي ياالله هسه انتي شعرفتي وهيج حارگه روحج يجي خالي وافتهمي السالفه

احلام،،شفتتتهم ?
اكثر من الحجته بيبيتك شفتهممممم?

ابوهاااا باگنه وباگ حلالنه وانهزززم مافكر بااخو ولابعائلته المهم عندة الفلوس اخذهن وانهزم
بسببه كل واحد بينه شااااف الويل بسببب ابوهااا النذل لاكملت دراستي ولاحضيت بمستقبل بي حض
وزهرة نفس الحال وفاطمه هم اخذت نصيبها من الضيم الدرجة مرااات احسها خررررسه بسبب الاذيه الشافتهااا بحياتها

لارا،،تحجي وتبجي واني مثلها مدنكه وبگلبي اكول واني شلي غرض وشنو ذنبي بالعشتو بسبب ابوي
موذنبي اصير قربان الهم بسبب اعمالهم

الاسمها احلام ماسكتت احتارت شتحجي وشتغلط واني صرت مثل فاطمه خرسه اسمع وساكته مدنكه وادموعي توكع بحضني

ام احلام،،ااااملخ روووحي الطمممم بنص اللليل
ولجن هي شنو ذنبهااا
ولجن كااافي خلص گلبي الله ياخذذذني وارتاح منكم

لارا،،بالله العضيم ماقهرتني غير الحجيه من طاحت الوجها لطم معشت الشيله ذبتها فارگه من النص شعرها ومسويه گصيبتين اتگول كطن من بياض الشيب التارس راسها

ضرغام لزم اديها يمنعها كطعت شعرها

وبناتها گعدن يمها يتباجن واني اهنااااك گاعدة غريبه عنهم رغم يربطنه نفس الدم كلنه

ام احلام،،وخر عني حبوبه ولك وخر خليني اموت روحي وخلص
ابتلت علئ عمرها الابنيه خو ماابتلت?
اخووج متوليها من صفحه مصخم عيشتها وياخذ الاكحاب وامهات الزلم يخطبن بنت عمه الي هي عرضه
وانتن ماخليتن سالفه تعتب عليجن

ارحموها كلكم حادين اسنونكم عليها وهي مالها ذنب

ولكم ارحمووو من في الارض يرحمكم من في السماء
انتممم بزررر بطني ?
اهووو امدة البطن النگلت هيج ناااس حاقدة مابكلبهم رحمممه

لارا،،،ماكدرت اتحمل طفرت من مكاني وصعدت الدرج اركض وابجي مهضومه هضمه بس الله يعلم بيها مالگيت روحي غير فتحت باب السطح وصعت فوگ واني رافعه راسي لله عز وجل

حجيت وياه حجي مااعرف منين طلع حتئ استغربت روحي منين جبت هذا الكلام
اتذكرت الحسين بيوم الطف من مات الرضيع واخذ دمه شمرة للسمه

مالگيت روحي غير مسحت دمعتي وشمرتها للسما
كتله يااارب انهضمت بدون سبب وبدون ذنب وانته رؤؤف بعبادك ماترضه بالضلم واني نضلمت بدون مااضلم احد

گعدت بالكاع بس ابجي بصوت ونحيب عالي ويين جنت اويين صرت جنت مدلله وهسه ذليله
ماادري شكد بقيت بس موااهواي لان صعدت بنت احلام گالت بيبي اتكول اذا مانزلت اني اصعدلها
نزلت الابنيه مسحت دموعي وعيني للسمه مثل الخايف يروح المكان خطر وهو واكف ابر الامان ويمه شخص هو ملجا امانه بقيت مكسورة رگبتي اباوع للسما بقهر خايفه انزل ماعندي غير الله ملجا الخائفين يكون ملجئي واماني
مسحت دموعي ونزلت ليكتهن كاعدات علئ صفحه والوجوه مگلوبه
الحجيه مبين وجها كله ماي ويمها علاجها
خطيه كل شويه وفرفحت بسبب واحد من ولدها

ام احلام،،تعاي يمه اكعدي يمي
وهاي جدامهن احجي وداعت الحليب الرضعتنه اذا سمعت وحدة منجن مضيكة خلگ بت عمها
لاهي بنتي ولااعرفها ولاحتئ اريدها ادش حوشي مرة ثانيه

الله ويغفر منووو احنه حتئ مانغفررر??
كافي مللينه سالفه صارلها اسنين والشيطان وسوس بااذن النبي ادم ونزله من الجنه الخاطر تفاحه
ماتردن يوسوس بااذن ابنادم عادي لجل وصخ دنيه وافلوس مايشترن راحة بال صاحبهن?

گولن ياالله الوادم وين وصلت اوين صارت واحنه بعدنه اندور حقد

من اجيتن لسه نزلتن دوسه ونص علئ اهلها وهي سويكته لاحجت ولافكت حلكها عبنهن خوش مرة

اني نبهتجن وخل اسمع وحدة منجن مسمعتها حجاية احلف عليها ماارضه عنها طول عمري

لارا،،اترخصت من الحجيه وصعدت الغرفتي مانزلت بعد

بقيت حاضنه مخدتي وابجي اااخ ياراهب من يوم الحبيتك ماشفت وياك غير القهر والدموع
اتمنيت لاشايفتك ولااعرفك
شخص تحبه حد الجنون الدرجه لويطلب روحك تنطيها اله بدون تردد
حبي اله مومجرد حب مشاعر فقط
لاحبيته بروحي والارواح من تحب صعب تنسه
كل جرح منه الي جان سجينه حارة يغرزها بنص الروح الي حبته وهامت بي

دائما جنت اگول زرعت حبه بگلبي مثل بذرة نمت وكبرت واتشبثت جذورها بااجزاء روحي
صعب اقتلعها
احس نفسي مريضه بس مابيه شي مثل مايگولون متمارضه مومريضه

المريض اليشكي من عله بداخله
والمتمارض المريض المايعرف شنو علته الي يحس نفسه تعبان من كلشي حتئ نفسه

حب راهب بداخلي مثل السرطان الي صعب تتخلص منه
لويكتلك لوينهيك وياخذ صحتك وعافيتك
وتبقئ بقايا انسان

اني جنت هذا حالي اتمنئ اكرها رغم اذيته وجرحه والذل وكلشي صار اجذب اذا اكول كرهته

كل مااكرها الگه روحي راجعه النقطه البدايه وكل كره ماكو بگلبي جنت ادور بي علئ الانسان الطيب الضيع طريقه بسبب الحقد

متمددة والمخدة اتبللت بدموعي غصب عني ينزلن
گعدت علئ حيلي كتلهن كاافي كااافي دخيل ربجن ماشبعتن من النوح والبجي?
رجعت اتمددت وليليه ماانام اذا مااذكر كل كلمه حلوة حجاها الي وابقئ استذكر حقيقيه مشاعرة لوجانت فعلا مجرد تمثيل??

كانه راح راهب وحل محلة انسان ثاني ماعندة گلب بدون رحمه

شلت المخدة غطيت بيها راسي والافكار بعدها مهاجمتني من كل صوب
صرت اضرب بيها علئ راسي اريد انام اتمنيت من صدگ انام واكعد الكه روحي فاقدة الذاكرة وناسيته نهائيا

بقيت گاعدة لل2بليل وجهي احترگ من كثر البجي.
ردت بس انام ماگدرت
تالي اخذت دشداشه قصيرة وملابس د..
ونزلت للحمام

مليت الحوض ماي قفلت الباب واتمددت بالحوض
احس جسمي واعصابي ارتخت
واشويه وجهي برد

كملت نشفت روحي ولبست لفيت شعري بالخاولي
فتحت الباب صار بوجهي
ارتعد جسمي من الخوف مامتوقعه اشوفه فجأه

باوعلي من فوگ لجوة دنكت وردت اعبر
بلحضه سحبني من ايدي ودخلني للحمام ودخل وياي

دفعني ع الباب ماكدرت احجي البيت صنته اي صوت ينسمع
همست وصوتي يرجف
ع عوفني ا اطلع

راهب،،شگلت اني?

لارا،،مافهمت كلامه

رجع كال

راهب،،ليش تتعمدين اتخليني ااذيج?
موگلت ماتنزلين بهيج لبس?

لارا،،يحجي يم اذني بصوت ناصي
مجرد وجودة قريب مني وعطرة اتغلغل الروحي لااراديا دمعت عيوني

والغصه لزمتني احس روحي اختنكت گتله ماانزل هيج بعد بس وخر

رفع وجهي. باصابيعه

شفت بعيونه راهب الحبيته اتمنيت احضنه واشكيله منه علي
غمض عيونه بتعب وقرب شفايفه مني

اتذكرت من گال كلشي تمثيل صحيت علئ نفسي ودرت وجهي امنعه يقترب اكثر

مااگدر اصدگك بعد
ابتعد مني مسح وجهه بثنين ادي وسحب نفس قوي

راهب،،اطلعي

لارا،،ماصدكت يبتعد مااريد اضعف اكره ضعفي بيدة

قبل مااطلع كال

راهب،،اخر انذار الج هذا ماتنزلين بهيج لبس مفهوم?

لارا،،هزيت راسي بمعنئ مفهوم تركته وصعدت
واني گوة اخطي الخطوة تتخربط احوالي من يقترب مني

مدري اشلون مشطت وماحسيت من غفيت كعدت الصبح

صادف اليوم خميس نزلت لگيت الحجيه لابسه جواريبها وعباتها مبينه عدها طلعه

ام احلام،،يمه لارا. اني ماشيه ويه خالتج ام قاسم نروح نزور الامام الحسين عليه السلام
اذا تمشين ويانه حتئ انتضرج

لارا،،هي ماشيه معزومه فشله اروح وياها گتلها لاعمه روحي زوري واندعيلي
طلعت للصاله يم بناتها اسمعها تسولف وياهن بس مافهمت كلامها لان بعيدة انتبهت الهن امهن تحجي وهنه يتخازرن وياي
مااهتميتلهن ومبينه اتحذرهن حتئ مايتلاغن وياي

سمعنه هورن بالباب دخل ضرغام گالها بيبي قاسم وامه ينتضروج برة

طلعت الحجيه واني حميت الجاي وطلعت صمونه وباكيت قشطه اريد اتريگ

صبيت كوب جاي حار وخليته يمي ع الكاونتر بين مال سويلي لفة

ماحسيت غير ايد طخت الكوب وگع علئ رجلي شاغت روحي السابع سمه من الحرارة

احلام،،وعمه حتئ عمه زيين ماجويتيني

لارا،،عيوني غوشت كعدت بالگاع لازمه رجلي بسرعه صارت حمرة دم تسعر سعير الجاي حار توني صبيته
گتلها انتي الطخيتي الكوب

احلام،،انجبي لج فوكاها جذابه بنت الحرامي
اذا ابوج حرامي ونصاب ونذل
شراح اطلعين مثلا?
بروفسورة?

اكيد جذابه وحراميه مثل الوالد

لارا،،اهنا انتفضت هم رجلي انحرگت وهم جفصت بمصراني واني ساكته الها اگول فشلة من امها وهي هم موصغيرة مرة جبيرة موطفله
گتلها عيب عليج هذا الحجي مااتجاوزت عليج وانتي من البارحه نازله دوسه ونص عليه بالاهانه

احلام،،اوي عيني جرحت مشاعرها بنت جلال الساقط

لارا،،هذا حدج مااسمحلج تتجاوزين اكثر لذالك من الافضل تحترمين كبرتج وتحترمين نفسج

راهب،،منو هاي التحترم نفسها??

يتبع

عيوني صح مرات الاحلام تفسيرها يصير بالواقع او ينعكس

بس انتي ابد لاتهتمين ولا كلساع من تحلمين تريدين تفسيرين..لانو يصير مثل هوس بالتفسير. ☹️

اني قبل هم جنت نفس حالة اي حلم احلمه اله اروح افسره بكوكل واكعد افكر ان يتحقق او لا..ومن هالتفكيرات اللي تاذي الاعصاب ..
فد فترة وتركت صرت اي حلم احلمه..مااهتمله ولاافكر بي..واللي كاتبه الله يصير🌸

فميحتاج ندوخ نفسنا بيهن..واهم شي من تحلمين كابوس او شي موزين..حاولي تدفعين صدقة.. حته يروح الشر ولاتسولفين احلامج لأي احد خليج طبيعية ولاتهتمين👍

#ملوكه

منا تلكين نقشات👆🏻☺️ عل قبعات تخرج

ومنا الكتابات🌚🌺

علينا وعليكم وربي يعود عليكم بالصحة والعافية عمري🥰✨

والوان شالات اللي تناسب فستان كريمي
عندج ماروني ؛احمر ؛ تدريجات الوردي وصخي والاخضر
يعني نفس هالتدريجات👇🏻🙃

#ملوكه