مافتح موضوع ولا حاول يعيد نمت بحضنه تعبانه
وهو يلعب بشعري فتحت عيني هو كاعد بس بعده
بالفراش بس كتله صباح الخير باسني من شفايفي
وكال صباح النور شلونج هسه

لبابه.. زينه اني اسفه
اسامه.. لاتتأسفين ماضي وراح صح متأذي وصح كل رجال مايتمنى مرته بهالوضع بس اسأل الله الصبر
الانسان موكلشي نفسه وشهوته لازم يراعي غيره
بغض النظر المتعرضتله بس مبينه صدمتج قويه
ومااريد ازودهه عليج

لبابه..ياريت كلهه مثلك تفتهم غيرهه ولو كلهه تعامل نسوانهه بهالحنان جان كل عائله تلكاهه عايشه بسعاده
اسامه.. ماكو كلهه ماكو قانون يتعمم على الجميع لكلشي شواذ واستثناء راح دكولين شنو الجابره يتحملني وقابل
مرته متحطمه من زواجهه السابق وهالشي حيل صعب عليه بس كل موقف انمر بي بحياتنه درس النه بالمستقبل

اني ماراح ادخل بتفاصيل وياج بس عرفت سبب انهيارج وهالشي شايف عنه بعيني من جنت صغير جان عمري تقريبا 13 سنه او اكثر وقبل كاعدين ابيت جدي الجبير
كل عمامي بي وجان عرس عمي الوسطاني وجابوله ابنيه صغيره عمي انسان همجي الى درجه جنت اسمعهه شكد تووسل بي يعوفهه بهاي السالفه شباك غرفتهم على السطح واني دائما فوك وصرت بس اراقبهم

بيني وبين نفسي اكول عمي شكد حيوان خطيه مالهه ذنب ليش هيج يأذيهه رغم ماجنت مستوعب كلشي وبعدني صغير واهل قبل على الفطره بس مرت عمي
لسه بين عيوني شكد جانت تعاني تخيلي جانت ماتكدر تكعد ومن تشوفه تكعد عدل وتجبر نفسهه واشوف علامات الالم مرسومه عليهه تخاف منه عمي يكولون من صغره على اساس بي جني مدري شنو ومتشافي وساعه يكولون مخبل ...

وتاليتهه شنو سنتين كاملات اني انام اكعد صوت مرت عمي وهي تووسل بي باذاني لو الكتل التحصله وبيوم منهن كعدنه الصبح نتريك وصاحوا حركت روحهه وراحت هذيج الشابه ماعدهه اطفال بسبب العنف التعرضتله موكل وحده تتحمل ولا كل وحده تكدر تتجاوز
المحنه

ومن يومهه كبرت وكل درس وكل موقف اتعرضله اتذكرهه حته طلاگ علا ومن تجي تبجي اخاف عليهه
من هذا الموضوع وحجيت وياهه وحلفتهه خوما يعنفج
حيل يوترني هالموضوع وانعكس على طبعي وصرت هادىء لذلك يالبابه مااريد تتأسفين على شي انتي مالج
ذنب بي الي اريده منج تساعدين نفسج وتخلينه
انعيش براحه ماراح اسألج انتي تحبيني لان انه رجال واعرف واحس وادري بمشاعرج بس عيبج الوحيد ادورين
نفس الدائره...

لبابه.. رفعت راسي وبسته من خده ودنكت على ركبته
بستهه ميل راسه وكتله الله يخليك الي ويحفظك
من كل شر اوعدك اكون الك زوجه صاينتك بكلشي
ابتسم وحضني واني اسمع دكات كلبه شكد متوتره...

ابتعدت منه لبست الروب وطلعت سويت ريوك وهو
يرد على الاتصالات يخابرو يباركوله تريكنه وكال بدلي
انروح لاهلي نتغده بدلت وطلعنه اهله محد يمهم بس اخواته واخوته مرتاحه حيل وياهم وتعاملهم حلو ...

رجعنه المغرب جبنه عشه جاهز تعشينه وكعدنه انشوف تلفزيون كمت خابرت فجر تبجي هي وعقيق بس رانيا
ماخذتهن يمهه وهوسه الجهال على الاقل مو وحدهن...

لبست دشداشه قصيره ومددت بصفه مد ايده جوه
راسي وحضني ونمت ومرت هيج ايام عرسي الاولى
تفاهم موطبيعي وابد ماحاول يفتح موضوع واني اريد
اقوي نفسي اكثر وابادر...

رانيا... بيوم عرس لبابه وره ماراحت الزفه جبت البنات
ورجعنه لبيتنه عقيق ماخليناهه تدخل بيتهه خاف تنقهر
جنه كاعدين نتعشه وصاحت ام جراح ضرغام الحگلي
ركضنه كلنه جراح يتقيء دم وخشمه ينزف وجهه احمر
من الدم يغسله ضرغام يرجع بوري ومفتوح

اخذه للمستشفى واحنه دخلنه ليجوه يم ام جراح كالت يكتم بداخلي ومايحجي الشعور العنده صعب ومايكدر يحجي مثل بلاع الموس خابرت ضرغام كال ضغطه مرتفع وصدره تعبان من التدخين شويه ونجي بس يستق
مروه ماكعدت يمنه واصلا ذاله نفسهه زياده وهو مامعبرهه وحاير بحزنه بس هي الله يهديهه
ماادري شعدهه قابليه

هاي الليله صعبه لجراح صعبه حيل الله يساعد
كلبه حبه وكيانه تفتت مثل فتات الخبز
وبعد مانكدر انرجعه رغيف بشكل دائري...

رجعوا والكانيوله بيده نام بالاستقبال وامه تبجي
يم راسه وهو صدره يصعد وينزل من قوه تنفسه
وحزنه المكتوم ومحد يكدر يشيل عنه ولو ذره بسيطه
وراح يظل مدى العمر بحسره حبه النظيف ...

رجعنه لبيتنه انسولف عن تحضيرات فجر
ماظل شي واخر قرار راح تجي عقيق يمنه بعد مالهه
شي بالبصره تخرجن ودوام ماكو وهي قررت تسكن ويانه ...

نايمه على ايد ضرغام واسولف وهو صافن مقهور على جراح التفت عليه وكال جراح راح يطب طبه علمود السبع واحتمال ينقذ السبع ويهلك نفسه

رانيا.. ليش؟؟
ضرغام.. يكول ماعندي شي اخسره بس السبع وراح يرفع القضيه للتمييز وراح يشتكي عن حزب جبار الي اجو هنا وهددو السالفه اكيد منهم لان هاي الحبوب ماتنباع الا من العصابات والي بالدوله لان تدخل من الحدود تهريب

واحتمال يقللون الحكم او يحصل براءه بس جراح
مايعوفوا ويظلون وراه وهذا وراه لبابه مخبل اصلا
لابعينه طفل ولا نسوان الي حلت بعينه مروه لوتشوفين
شكد نسوان وياه كلهه مايشوفهه بس الحظ وداه لمروه
وخسر لبابه..

رانيا.. احجي وياه خلي يتمنالهه حياه سعيده لايظل نفسه بيهه وماتتوفق بحياتهه
ضرغام.. لا كال ادعيلهه وكال احسن اشوف حياتهه لان
هو يدري بنفسه اذيه الهه مرات من شدة حبنه لشخص
نبعده عنه حته لايتأذى المهم يكون سالم

ترى جراح ابن عمهه ويكدر يخليهه طول عمرهه كاعده
ويلح عليهه لحدما تقتنع بس هو يدري بروحه اذيه
وبنفسه كال اخاف عليهه من نفسي لاتفكرين بيهم
انطوت سالفتهم...

جان بهاي السنه منتشره القصص وفجر وعقيق
ليل نهار يقرن قصص واجي الكاهن يبجن مرات
متفاعلات ويه البطله ظليت اسبوعين بالبصره ورجعت

بالطريق تخربطت وعبالي من التعب بس استمريت على لعبان النفس يوميه خابرت ضرغام واخذت امي على اقرب مختبر حللت وطلعت النتيجه حامل فرحت حيل وبنفس الوقت مو وقته لان ليث صغير ومتعبني

اجه ضرغام كال شبي وجهج معفوس كتله حامل
جان ينزع بقميصه التفت عليه كال هاا الحمدلله
بيهه الخير لعد شو ماقابله؟؟
رانيا.. ليث صغير
ضرغام.. يكبر ويه اخو لا تتبطرين على نعمه الله

رانيا.. حمدت الله وبدت رحله معاناتي من جديد
ويه الحمل وضرغام مشغول بسالفه السبع
ويوميه بالبصره واسمعه مرات يتعارك ويه جراح
يكله راح ادمر مستقبلك وذاك مصر اله يطلع السبع ...

فجر.. اجه اواب اخذني للطبيب فحوصات وهوسه
ونفس المرض القديم وشحوم على الكبد وعندي
خلل بالغده الكظريه ويصير عندي هبوط انطوني علاج
وكال مؤقت بس انسافر انراجع ...

حاليا اني وعقيق يمهم بس من اسافر تنتقل لبغداد
عايشين اني واواب قصه حب ومتفاهمين ويركض وراي ماازود وجبه اكل ومانعني من الحلويات وكلساع افتحي
حلكج اشوف اسنانج اخر شي مليت عضيته يله تاب ...

بيوم منهن اني وعقيق بالغرفه نختار بدله حلوه
واجت ام اواب كالت عقيق يمه البسي واطلعي
الشيخ يريدج لبست عقيق وراحت للمضيف بس
كلبي لعب مامرتاح كمت ركضت وراهه كتلهه خاله
شكوو؟؟

هزت راسهه وكالت ااووف يافجر هاي البنيه متعوبه
اجو عمامهه يريدوهه وصوتهم شعلوه بالمضيف
وحته يصيحون نشتكي عليكم ودرو برجلهه بالسجن
وماعدهه احد مدري منين سمعوا وجايبين العنوان
وطلبوا عقيق هسه تنصدم من تشوفهم....

.
يتبع............

#خبايا_الاقدار ...

البارت الأخير
...
سُبْحَانَك رَبّـ❤ـيٌ تمهل ولا تهمل
عباد ☟تٌَحَـتْ☟ سماءك تجبروا وطغوا
الًيَوُمًِ يسقى كل ساق بماسقى ..الًيَوُمًِ يعاقب كل ظالم بما ظلم ..الًيَوُمًِ ينتهي ذاك الجبروت ..وينتصر الحق و تتتحق العدالة
...

عقيق.. دخلت للمضيف اشوف رجال كاعد يشبه بابا
ومره ورجال بالجهه الثانيه اجت عيني على الشيخ ياسين مثل المعصب ويفرك بالسبحه بيده سلمت وكعدت كلبي نغزني هذوله العافوني بالشارع اسنين واسنين وماسألوا عني...

ياسين.. يابنتي هذا عمج اخو ابوج وهاي عمتج ورجلهه
وسامعين السبع بالسجن وهسه جايين يريدون ياخذونج
الكلام الج

عقيق...وين ياخذوني؟؟ منو وصلهم خبر ؟؟ شعجب بس هذا سمعتوا ماسمعتوا بمرضي شلون عشت شلون تربيت بيد رجال غريب

عمي ... حقج يابنتي بكلشي دكولي واحنه مقصرين وياج
بس ندري بيج بأمان وهسه مالج احد وزحمه ماعندج رجال ولازم تلتزمين بالعادات والاصول وترجعين لاهلج ومن يطلع رجلج يجي ياخذج..

عقيق.. منو انت من عمامي حته اشكالكم مااتذكرهه عفتوني بالشارع عمري 17 سنه 3 ايام بايته بالمستشفى والمدير يطردني واخاف من الشارع وين جنتو عني هسه جاي تحجي بالاصول مدام تعرفهه خليني احاجيك بأصولي التعلمتهه من رجال غريب...

الاصول دكول خزي وعار على كل عم وخال وعمه يتركون لحمهم بيد غريب وبالشارع
الاصول دكول لابارك الله بأهل عدهن يتيم وينام مكدر
خاطره وماعنده احد

تحاجيني باصولكم الماشفتهه ياعيب عليكم حرامات اصلا اسمي مرتبط بيكم مات ابوي واني مريضه وتاليتي بالشارع ولوماالسبع اني هسه الله اعلم بحالتي شنو؟؟ راحلكم وسنه كامله يدور عليكم وتبريتوا انتي منو من عماتي ؟؟ مو بيوم اجاكم وكلتوا ماعدنه ومطلوبين ارهاب شجابكم عليه هسه

عدكم صله بواحد من القريه لو من جماعه جبار وصلكم حجي وطمعتوا بعقيق عدهه فلوس وورث من رجلهه حته تلعبون لعبتكم اني مو القديمه اني موالطفله من تصيح عليهه انت ياعمي تبجي وتختل بغرفتهه اني مرت ابن شيوخ وينحلف براسه ربيت على الاصول والصح والحق واعرف هسه جيتك على شنو ؟؟

عمي.. مع الاسف على هذا الكلام اني خليتج براحتج لان خاطرج مكسور من عدنه بس مواحنه النطمع ببتنه صارلي شهر ادور عليج كلبي حس بيج بخطر واحنه شلنه من المنطقه وخلفله على اهل الجود دلوني بيكم

عقيق.. وليش هسه ليش مانغزك كلبك قبل سنه من عمه رجلي وظليت وحدي واخاف من الزمن لايخوني شمعنه هسه ناغزك كلبك ودورت عليه ليش اتجذبون عيب كاعدين بمضيف رقم السبع عند عمتي ماخابرت بيوم بعشره وسألت عدله ميته

ماكلتوا شكلت اشربت يجوز رجلهه موخوش
شلون عايشه وهاي بتنه اصلا استحي اذكركم
احس بالعار من اسمع احد يمدح باهله وعمامه

كمت وكفت وكتله من رخصت شيخ اي كلام ماعندي
وياهم واذا اجو مره ثانيه وحاولو ولو بكلمه يمسوني
اشتكي عليهم بنفسي واكول يهددوني اترك بيتي
لان زوجي بالسجن وهاا ماانسه عدكم سوابق قتل وفصول عود تعالو بعدين وطالبوا ببنت اخوكم

عفت المضيف وطلعت كلبي يدك بقوه واذاني توش ارتجيت على الحايط اخذ النفس بصعوبه اجت فجر تركض لزمتني وتصيح خليني اطب اشحطهم شحط هالكو*****

لزمت ايدهه وطبينه جوه حجيتلهه شكلت كامت كرصتتي من خدي كالت يابه صدك تربات السبع بس بعدني مقهوره ليش القوي اذا وكع تكثر اعدائه وكل واحد يريد يقتص منه...

ثاني يوم يله شفت ياسين اجه حجه وياي كال السبع يسلم عليج بارك الله بيج ماراح تعبه بلاش جنت خايف لا تستسلمين وتروحين وياهم هانت ماظل شي اجه موعد التمييز ...

عقيق.. جراح ماسكت ابد يوميه بمكان يوميه مقابل وزير وكل شكوه وعريضه يقدمهه وطعن بالحكم اخر ماوصل اله طعن بالقاضي مرتشي وهنا القضيه اتحولت لغير قاضي وبايام قليله انرفعت للتميز بس حيل مشددين علينه مايقبلون حته نطلع للعشار اله تنحل...

التهيت ويه فجر وهي تحضر بنفسهه خابر ضرغام كال راح اجي اخذهن يمي وهنا بالقريه يسوون عرس بس زفة اواب لبغداد ووره اسبوع الحجز مالتهم يسافرون

شايله هم شلون افارگ فجر لبابه راحت وفجر راحت واني وحيده شلون اتحمل اعيش وحدي رغم رانيا ابد ابد مامقصره واحسه صديقتي بس فجر اني وياهه كبرنه سوه ...

رحنه ويه ضرغام واخذت كل غراضي بعد ماالي رجعه
للبصره اذا مايطلع السبع كل واحد ملتهي بهمه كل واحد
عايش حياته بلون واكو يعدون ايام بدون طعم امثال جراح

يوميه ناخذ رانيا نفتر نجهز وهي كوه تمشي من الحمل
بس انفوت محل تخلي الكرسي وتكعد وتصيح التوبه
اذا اطلع وياجن موتني ومن نرجع يتعارك ضرغام شمسويات الهه عطلتنهه ...

شويه نفسيتي ارتاحت يمهم على صوت الجهال ورانيا مرحه حيل ومدللتني اذا شافتني ابجي تحاول اطلعني لو تلهينه انسوي كيك وحلويات احسن من وضعي هناك. .

اليوم فجر عروس اجت من الصالون ولبست البدله وكاعده اصبغلهه اضافيرهه ولبابه جوه جابهه اسامه قبل يوم كتلهه فجوره خومامرتبكه؟؟
فجر... لااا متلهفه
عقيق.. عزه بعينج عبالي خايفه
فجر.. اليوم مااكدر اغلط عليج مو عروس باجر اني اعلمج

عقيق.. ماخابرتي وين وصلوا
فجر..دزلي رساله كال دخلنه بغداد حضرتيلي الجنطه كامله
عقيق.. خليتلج تراك واحد
فجر.. لاقصرتي لومخليتلي دشداشه وجواريب !! شسوي بيهن شكالولج اني عقيق كومي طلعي كومي

عقيق.. يامتستحين اول يوم لازم تخجلين خوما تظلين
بالبدله
فجر..لعد. البس تراك امشي خليلي غير شي شدكولين كولي منحرفه اني عندي جينات من ابن عمتي ابو ليوث

عقيق..كمت طلعت التراك وخليتلهه دشداشه نوم قصيره
الفرحه يعيونهه كلساع اباوعلهه ودمع عيوني شلون افاركهه ياريت بغير محافظه بس مو بغير دوله ...

نزلنه جوه محد اكو بس احنه ولبابه وجهال رانيا يطشون جكليت ويهلهلون ويرجعون يلمو وهذا رضاوي من كدما اكل كام يصيح نفسي لعبت هو هذا الماعنده احد واليتيم حته بالفرح محد يشاركه...

شويه وصوت السيارات اجت الزفه وكفت على جهه وكمت ابجي كلهه التهت بفجر وخبصه الزفه واني عاضه ايدي وابجي واباوعلهه راح افاركهه دخل اواب والشيخ ياسين وام اواب واني ماتقربت..

فجر.. كوه حابسه دموعي اشوف بطرف عيني عقيق بالزاويه وتبجي بس اقوي نفسي وماابجي هاي اختي الثالثه صديقتي الوحيده شلون اعوفهه وحدهه تصارع الم فراك السبع...

دخل اواب مدري شيحجي لازم ايدي بس فكري كله يمهه
لو يمهه السبع ماخفت عليهه جان طلعت فرحانه بس احس بشعورهه وهسه هي وحيده وماعدهه احد المن تسولف المن تشكي ويامن تشاقه محد يعرفهه بس اني والسبع...

حسيت صوته تخلل مسامعي وهو يكلي حبيبتي شبيج؟؟؟ هو كال هيج واني تعالي ياساهره ياماما
كمت ابجي وعقيق تبجي عفنه كلشي وهي تباوعلي وتشهك واني اسحل ابدلتي وابجي وعفت اواب واهله
وكل الناس تباوع واني حاضنتهه وابجي..

يجرون بيه مااكدر اعوفهه وهي ترعش من الالم البداخلهه والحسره اخر شي سحبتني ام اواب وعقيق
ركضت للغرفه لامكياج ظل ولا صخام صرت اخوف
سكتوني كوه وطلعت للسياره ورانيا وضرغام اجو وراي
للاستوديو عدلت مكياجي واخذنه صور لسه من اشوفهن اضحك عيوني حمر مورمه من البجي...

وصلونه للفندق وكل واحد راح لبيته اول ماحضني
وكال روحي غسلي وجهج يخوف وجان تليفونه يدك
طلع يخابر واني رحت للحمام سبحت وبدلت عدلت
وجهي ارتاحيت بس بالي يم عقيق يانعاله ياعقيق
اتذكرت سوالفهه من دكلي السبع منحرف وضحكت

طب اواب لكاني مبتسمه كال خير ان شاء الله ساعه
بجي ساعه ضحك تاليتهه خاف مااطلع سلامات من هاي
الليله جنت جوعانه حيل كتله اريد عشه !!

اواب..شويه مثلي تصنعي ادلعي حايره ابطنج
حته بليله عرسج
فجر..ترى ازعل ومااكل
اواب.. كومي ذاك العشه بالصاله خلي ابدل واغسل
فجر..طلعت عدلت الميز باوعت لروحي لابسه سيت
سماگي وعلي روب ستن طلع من الغرفه جنت مدنكه
اشعل بالشموع...

مد ايده على شعري رفعه صفح وباسني من ركبتي
عدلت وكفتي وكعدت شويه متوتره بس الهي
فكري وكلساع افكر بعقيق ويروح الارتباك
كملنه العشه واحنه نحجي على التصوير واللقطات
كام غسل واني لميت الاكل ورحت للغرفه...

واكفه كدام المرايه اخلي لوشن لايدي مد ايده على
خصري حضني ودنگ راسه برگبتي يطبع بوسات رقيقه
وكلساع اميل راسي لجهه الثانيه خله ايده على خدي
وهو حاضني من ظهري غمضت عيوني ورجليه
تتحرك تماشي ويه خطواته ...

عكس البوسه الاولى جان هادىء حيل يهمس كلام
حلو بأذاني يتغزل بيه ويعبر عن حبه لحدما صفيت
مسلوبه الاراده واني بين احضانه واتوج حبنه بزواجنه
بعد فراك ومعاناه...

باسني من راسي وكال مبروك حضنته واني تعبانه
ليله عظيمه بين اثنين يحبون بعض واجتمعوا بعد
فراگ طويل وبعد ايام صعبه تنذكر وماتنعاد...

كعدنه الصبح على صوت التليفون ياسين يم ضرغام
بدلنه وطلعنه بدون ريوك وصلنه للبيت شويه وراحوا
بعد ماسلموا علينه وكالوا اسبوع ونجي من تسافرون
وضرغام انطانه مفتاح الشقه مال السبع ورحنه بيهه..

مالحكت احجي ويه عقيق بس كتلهه هااا ملعونه
دكولين السبع فقير وطلعت هاي السوالف محد بيهه فقير
جانت تضحك من بين حزنهه بس رانيا تلهي بيهه...

لبابه.. اسامه زين وياي مر شهر كامل احنه متفاهمين
ماطلب مني ولافتح موضوع بس يحضني وانام هاي
كل تقاربنه بس مرتاحه وياه وبديت اوعه اكثر وهالشي
انتهه ولازم اتحمل قراري...

بيوم منهن وره عرس فجر من رجعت قررت اتحضر
لان احس نفسي زينه واصلا راغبه بقربه لان اكو قيود
بيناتنه لحد الان يوميه بليل يروح لاهله فد ساعه
ويرجع واني كاعده انتظره...

من يفوت يطفي الاضويه مال البيت ويسد الابواب
واني استر بنفسي بالسيت فتح باب الغرفه جنت كاعده
على الجربايه اول ماانرسمت ملامح الدهشه على
وجهه وبعدين ابتسم وهو يخلي موبايله على الميز
وينزع بساعته وعينه عليه...

مد ايده على الضوه بصفه طفاه انفتحت الثريات الي
بالسقف بضوه هادىء وخافت واتقرب عليه لزم ايدي
كمت وكفت مد ايده حاوط خصري وكال متأكده؟!!
هزيت راسي بخجل ودنگت...

رفع راسي باصبعه من فكي وصار ياخذني
بقبلات مثل الجمر واني مستسلمه وعقلي
هو المسيطر وانتهت هاي الليله وخلصت من الثقل
الي بكلبي واني اشوف الفرحه بعين اسامه..

من هاي الليله اتغيرت حياتي صار كل وقتي بيتي
واسامه ودراستي خاصه بيوم الي اجه وكالي السنه
اداومين بعقد بالكليه ويه علا جانت فرحتي ماتنوصف
واني اشوف التعويضات الالهيه المتكرره...

اليوم فجر تسافر صارلهه اسبوع على زواجهه وطلبت
منه ياخذني كال صار اخذني من الصبح هناك جانت مناحه خلصناهه بجي عقيق انهارت وفجر يسحلون بيهه
للسياره تصعد وتنزل تركض تحضن عقيق وترجع تحضني
اخر شي صعدت وتصيح ضرغام عليك الله احفظ امانه السبع لاتزعلوهه...

احس عيوني مثل الجمر واني اودع اختي الوحيده
وصفيت بالدنيا بس باسامه واخاف من الزمن اخاف
من الغدر لافجأه تتغير حياتي بس جنت مرتاحه لان ابتعدت عن مشاكلنه على الاقل خلي ترتاح هي ولايوميه مصيبه...

رجعنه للبصره وبديت اداوب بالاسبوع مرتين ويه
علا فرحانه بحياتي اسامه مااعرف شوصفه حته من يصير سوء فهم بيناتنه يتجاوزه وبعدين يعاتبني
حيل متفهم والاهم من هذا شفت حبي جبير بداخله
تأكدت زواجي مو زواج عادي لا اسامه حابني ومتعلق
بيه بحيث تغاضه عن كل سلبياتي ...

اما كلبي اصبح اشبه بعقرب ساعه متروك من ناحيه
موضوع جراح ادعيله بالتوفيق والسعاده اقتنعت بحياتي
وراضيه بالنصيب الي اجاني وحافظت عليه ويوميه
احمد الله على النعمه...

مرن شهرين واحس نفسي تعبانه جنت بالدوام وعلا لحت عليه اله انروح نحلل طلعنه لمختبر قريب جان معزل ظلينه ننتظر وكلما يخابر اسامه دكله يمي عدنه شغل
اخر شي كالهه اذا طلعت نتيجه التحليل بشريني
طلع شايفنه من اجينه وعايفنه على راحتنه...

اخذوا دم مني واني انتظر حيل حابه شعور اكون ام
واستقر واكون عائله صاحوا اسمي حامل حيل فرحت
رغم مرات تكون الفرحه محمله بالغصه بس من اتذكر
الصار انتبه على نفسي موكلشي بحياتنه الحب ولا الدنيا
توكف على رجال وكلما يزداد الالم يزداد النفور ...

مرات انشوف الوحده تفني عمرهه علمود الحب ماكو
مصيبه ماكو سالفه ماتوكع على راسهه تتعرض لانواع
الطعن والخيانه وتظل متمسكه وكلبهه يوميه مكسور
كسره ودكول احبه وتاليتهه وين؟؟ نهايتنه للهاويه
ونجمع نفسنه من تحت الانقاض...

فرحه اسامه واهله بالحمل كلش جبيره معززه مكرمه
مدلله مايوم كالي ولج مايوم غلط بقصد او غير قصد
دائما كلمته لاهله احترامهه من احترامي من اروح لاهلهه
الكل يفرح بيه وماسمعت بيوم كلمه موحلوه . .

من خلال معارفه وبالوزاره حصلي تعين وكمت اداوم دكتوره بكليه الهندسه من اباوع لاسمي مرات وتسبقه كلمه الدكتوره لبابه علي اوكف لنفسي احتراما على التحملته وقاسته باصعب الاوقات خاصه من بعد خساره ماما ...

فجر ... وصلنه لروسيا شنو هاي وين عايشين شلابسه
الناس الهوه شلونه امشي واتعثر اشوف اثنين يتباوسون
واواب يجر بيه يصيح فضحتينه امشي قبح الله اشكالهم
وافعالهم شيشوف الله جواه ...

اواب.. امشي الج دينج والهم دينهم شعليج انتي خلينه نوصل الشقه مو حركتي ابو ابوي
فجر.. اسكت ابو الغوسيات تعرفهن ويسلمن عليك
ابو النسوان تحب الشگر ماتحب الاسمغ البصغاوي
اواب.. دمشي واشوفج شحب بس خلي انفوت للشقه..

فجر... طبينه للشقه بدت الرحله مالته وتاليتهه
كاتل ومكتول وساحل ومسحول واثار المعركه
بكل مكان...

ابرار ويانه بنفس العماره بس دراستهه بعدهه ماكملت
ويمكن راح تزوج لان اكو اتفاق بين جراح واواب على الولد الوياهه لان مرات اسمعهم يتخابرون...

عقيق... بعد سفر فجر دخلت بكأبه بس ابجي مااعرف
شسوي رانيا دوام هي والجهال وابقه وحدي اني وامهه
بالي يم السبع شلون انام ليلي وهو وبالسجن اسمع من
ضرغام اخباره لو يدزلي سلام ...

بيوم منهن اجه ضرغام بدل وبسرعه راح كال اليوم
محكمه التميز اليوم كلبي اشتعل نار لازمه قراني واقره
انهاريت وبس ابجي ومحد يجاوبنه وبيومهه ضرغام
بات هناك عود لليل يله جاوب وكال ان شاء الله خير
بعد جلسه اعاده كشف ادله ويطلع اذا الله راد

مااكدر اوصف الصار بيه اخاف اتأمل ومايطلع واخاف
اتشائم وتنعكس تخبلت ساعه ابجي ساعه ادعي
ساعه افرح اكول راح يطلع لو ادعي لجراح الخطه هيج
خطوه رغم التهديد ورغم حته سيارته مكسريهه...

رجع ضرغام ثاني يوم سولفنه كال تحولت لغير قاضي
وبس يطلع على الادله من جديد انتهت يطلع السبع براءه
بس جراح مهددي حته منقول من دوامه للجوزات بعد ماكان بمكان قريب على بيتهم بالدائره مال الاحوال المدنيه...

شهر كامل اني على نار واحسب يوم يوم ونفس الحكومه
شطوله والايام صعبه ماجاي تخلص اخابر فجر يوميه
على سوالفهه اضحك لو تحجيلي عن اواب بعدهه نفسر
خبالهه وماعقلت ...

( الموقف حقيقي 100٪ ذكرته حته شكم بنيه تاخذ عبره منه من وراه القصص )

بهاي السنه جانت اكو قصه كاتبه تنشرهه وكلهه متفاعله وياهه والوصف والسرد حيل حلو من اقره البارت انزل لرانيا احجيلهه هي متقره قصص دائما دكول لاتروحن تنحرفن خاصه هاي المحافظه احنه نعرفهه وحاله حال العراقيين شدعوه هلكد حلو هيج بس اني جنت قافله اكول البطل احتمال تركي...

اني ولبابه وفجر عدنه كروب نسولف بي عن القصص
واناقش ونتوقع انتهت القصه وبدت غيرهه وغيرهه
واحنخ انتابع بيوم منهن جنت بس اني ورانيا بلبيت
والجهال اخذتهم وياهه للسوك...

اندك الباب حيل رانيا تخاف تفتح بس صوت بنيه
تصيح خاله ابوس ايدج افتحي الباب صوت ساره ركضت
فتحته دخلت تبجي وتبوس برانيا ساعديني سدينه
الباب وكعدت انريد نفتهم منهه شكو بدت تسولف وهي تشهك واني عقلي طار من السمعته

نفسهه القصه الجنه متابعيهه ومخبوصين بيهه بوقتهه
التعليقات تتلاطم على البطل ساره متأثره حيل بالبطل
وظاله ادور ادور وشايفته معلق للكاتبه وبحث وتكتيك
وعارفته منو وعارفه حسابه وداخلتله خاص محاجيته
وهو منطي مجال...

اخذ وعطا بالكلام وياه دكول منا انعجبت بي وكلامه حلو
بس ماشايفته وفرحانه لان تحجي ويه البطل كايم مسولفلهه نص احداث القصه خيال وكذب موهيج حياتنه
موهيج اخوي موهيج ابويه وبعد سوالف خلتني اكره
روحي شلون ضيعت وقتي وابجي وياهم وطلع كله جذب

طالب منهه يلتقون ويتعرفون وهي استغفر الله من ذنبهه
مكيفه وهذا البطل الخارق ومحدده موعد وجايهه لبغداد
يشوفوهه دكول جنت واكفه على الشارع واجه بسيارته الحديثه من متصل بيهه وشايفته مصدومه لاتاخذ ولاتنطي شكله مومثل الوصف مو مثل ماوصفته شكل وهيبه وشخصيه وصفته طويل ورشيق هذا قصير وسمين وصفته شكله الراقي الجميل هذا نهائي مومثل توقعهه موحلو ابد او نكدر انكول يجوز شكله عادي
بس بسبب الوصف عبالهه جميل...

ماكادره تنهزم صاعده وياه بالسياره وظاله نص ساعه
يسولفون وراجعه بسرعه حاضرته وماتحجي وياه
لان ماعبالهه هيج طلع وغير طلعت عائلته مومثل الوصف
يعني نفسهه ضعيفه وانجرفت لشي خطأ بسبب القصه
كايم يدك عليهه من غير ارقام وتحضر

اخر شي مهدده بأن هو مصورهه من صعدت بالسياره
ويسوي فوتوشوب على صوتتهه وصورهه وينشرهن
وظال يهدد بيهه وكل الصار بيهه بسبب فضولهه وبسبب
المبالغه من القصه واجت تطلب مساعده من رانيا...

اول مارانيا رزلتهه ويمهه الشبشب ضربتهه وداست
دوسه ونص على سهاد الماعرفت تربي وهاي بس تبجي
اخر شي سولفت لضرغام وكال اني احلهه من يمي
وبعد ماانفتح الموضوع..

من هذا اليوم صارت عبره الي ولفجر حته مانعلق انخاف
خاصه اذا قصه مشهوره خاف نوكع بمصيبه اكتفينه
بالمشاهده فقط ...

لبابه... اسامه كال اخذج انسوي جواز هوعنده جواز
بس اني لا لان جنه متفقين انسافر لتركيا انشوف فجر
ونلتقي هناك راح وياي كمل كلشي وخابروا على اجتماع
دز اخو وياي واحنه ننتظر صاحوا اسمي ازدحام واريد اوصل للشباك دفعه تاخذني ودفعه ترجعني...

اكو نسوان كبار وبنات شابات وكلهه زلم صاح رجال جبير عمي ماعدكم غيره افتحوا باب للنسوان يفوتن على الضابط واحنه الزلم عوفونه ننتظر اجه شرطي كال منا اخواتي فوتن مباشر على الضابط تسهيل امر
نص ساعه ويطلع الضابط ولازم تبقون على الاسبوع الجاي...

حماي وياي ووكفت بسره النسوان يدخلون وحده وحده من الجهه الثانيه للغرفه وهو واكف ينتظرني وصلني السره مخليه ايدي على بطني اخاف من الدفعه وبطني جبيره بالسابع طبيت واني ماادري بي منقول هنا ولو يدري اسامه اصلا مايجيبني...

3 ضباط كاعدين كل واحد على ميز والفايلات كدامهم اجت عيني مباشر علي جان مدنگ ولازم الجكاره بيده وبيده الثانيه يوقع الفايلات

اصطكيت بمكاني ونسيت وجودي هاي السنه الثالثه ماشايفته او اكثر ولا هو شايفني رفع راسه واحد من الضباط وكال تفضلي اختي ورانه شغل هو بسرعه باوع
ومالت ايده البيهه الجكاره ...

بلعت ريگي وتقدمت على اول ضابط اشرلي مويمي
يم النقيب واشر علي اتمشيت اله كعدت بالكرسي الكدامه
عبالي يحتاجون شي طلعوا بس بصمه عينه مارمشت من عندي حسيت الجو توتر بسرعه كتله مستعجله وراي دوام...

قدملي مال البصمه وكال هنا ابصمي بصمت وكمت طلعت واني اشتم الهوه كوه مووقتهه شوفتك ابد
كبران حيل الشعر عبالك واحد جايبله صبغ ابيض وصابغه
ضرغام والسبع اكبر منه وموهيج شعرهم جراح الشعر الاسود ينحسب احساب براسه وجهه ضعفان وايده الثانيه بيهه كانيولا الظاهر لسه مريض...

رجعت لبيتي واني اتعوذ من الشيطان مااريد افكر
بس منظره اثر بيه حيل لان شفت انسان مهزوم ومريض
وهالشي ابد مااتمنيته اله وظل اللساني يلهج بالدعاء اله
ويطلعه من محنته...

عقيق... خابرتنه فجر حامل فرحتلهه حيل ورانيا دخلت بشهر واتفقت على العمليه اسبوع بالتاسع وسوت العمليه وجابت ولد سموه اباذر وليث لاعب بيهم لعب حياتهم
بين الشغل والجهال واني دور المتفرج والمنتظر طلعة السبع...

اجانه خبر من ياسين بيومهه السبع براءه وباجر يطلع
ضرغام راح للبصره واني من فرحتي جنت ناذه اصلي 100 ركعه بالشمس على السطح وصعدت صليتهن كلهن
واوزع جكليت حرت شكم نذر بنذر...

اليوم الطلع بي السبع يوم ولادتي احضنه لو ابوسه لو اشمه لو اضمه بنص كلبي شكد جانت زلم ابيت ياسين
احنه رحنه اخذنه ضرغام وكلهه ماشفتهه ركضت حضنته
بالطرمه وهو يهمس يم اذني عقيقي موكدام الزلم يابعد اهلي...

اخذوني ليجوه ابجي سوو عشه جبير وهواي ناس وفرغوا غرفه اواب النه جنت افتر بيهه انتظره يصعد
ولليل يله صعد فتحلي ايده واني شمرت نفسي بحضنه
بحدود النص ساعه حاضنته وابجي وكعدنه بالكاع يسكت بيه واني منهاره ابوس بوجهه واخذ نفس طويل اشمه ومايملي رئاتي..

رجعلي السبع رجع ابو بيتي وسندي واهلي وكل ناسي
من دونه صفيت يتيمه مكسوره وهسه راسي مرفوع
مخليني بحضنه وهو يعبرلي عن اشتياقه نفسهن
سوالف وعبالك اليوم زواجنه وكلساع اخذ استراحه
وكال كليبج شلونه؟؟

اتنفس بقوه واني متمسكه بي اخاف افز والكا حلم
رفع راسي وهو يبوسني من گصتي وكال شنو التريدي
شنو التطلبي بس كولي ؟؟

عقيق.. الي اطلبه شي واحد نعيش ببغداد مااكدر اخسرك بعد عوف كلشي لخاطري جمره لخاطري انذليت
بعدك دمعتي مانشفت يوميه المخده تشهد عليه

احجي وابجي وهو يبوس بوجهي اخر شي كال
هاهي نكعد ببغداد واشتغل هناك بس انتي سالمه
وكلبج سالم...

ظلينه اسبوع بالبصره بين ماخلص الخطار وانتقلنه لبغداد
باع شكم قطعه ارض واشترالنه بيت صغير على كدنه واستقرينه هناك ورجع لشغله ووضعه بس ظلت املاكه ومحلات بالبصره كلهن بيد جراح...

لهذا اليوم واني كلما اشوف جراح اشكره شكد تهدد
كلمايشتري سياره يجي يلكاهه مكسر الجام ومشخطيهه
بس مااتنازل وصار اللعب على المكشوف ورفع دعوه عليهم والقاضي جان خوش انسان مومرتشي ووكف بجانبهم...

مرت الايام هادئه لبابه ظلت بالبصره بيوم ولادتهه
راحتلهه رانيا وظلت يمهه 3 ايام واحنه هم رحنه
جابت بنيه سمتهه ايه وملتهيه بحياتهه ودوامهه
واسامه زين وياهه...

اما اخبارهه كل يومين 3 نخابرهه بس هم زينه
واواقاتهم عكسنه وبعدهه على خبالهه وابرار اتزوجت
الولد الوياهه وفجر صار عدهه اسقاط بشهر السادس
وهسه حامل...

وصلنه خبر وفاه جبار بالسجن محد عرف سبب وفاته
كالو جلطه بس مات وهو ماشاف شمس الله وهناك
يتجازى على الظلم السواه وخاصه بحق السبع ...

اما سعود مخبل مشهودله وخباله حته يأذي
يفتر بالشارع وكل اليحجي قصته كالو حلف
بالعباس ع وشور بي وهيج تخبل حته عائلته
مايعرفونه ونومته بالشوارع...

رانيا وضرغام سمن على عسل معجاته كثر ورانيا تغار
وهو يداهر بيهه يكلهه البكدج بيببات وعدهن جناين
وانتي تركضين وراي عوفيني بحيلي انتي تعبتي

بس ماسوت طفل بعد منعتهه الطبيبه علمود رحمهه
واكتفوا باثنين ولد وجهالهه كبروا وصاروا يرحون
لابوهم هواي ويظلون اسابيع ومتعلقين بضرغام من صغرهم وبنالهم غرفه وحدهن ومتنقلين وين مايضوجون
يغيرون مكانهم

وسام مااتزوج وملتهي بشغله ويترفع سمعت من رانيا
صاير امر فوج ودائما انذكره بالزين لان احترم قرارهه
رغم تمسكه بيهه بس شاف رغبتهه اتجاه ضرغام
وانطاهه حريتهه...

حسام بكركوك هو وسهاد ورانيا ماتوواصل وياهم
ابد دكول هو وربه على كلشي
سواه بينه ماابري الذمه لاهو ولا سهاد...

ايناس ماتزوجت ليومنه هذا ونور مات ابنهه غرگ بالرابع
ابتدائي وانقهرنه حيل عليهه الشيخ ياسين وام اواب راحوا للحج والحجيه ام ياسين صحتهه تعبانه جبيره بالعمر وعدهه زهايمر ...

زوج عمتهم المشارك بالجريمه سبحانك ربي شكد عادل
اثنين شباب راحوا منه وهم جريمه قتل واحد تعارك ويه صديقه وضربه سيجينه وواحد لگوا مكتول ومحد عرف منو بس كالو عدهم عداوت وابوهم وين مايكعد رغم خسر صحته وتعبان بس وين مايكعد يكول هاي حكمه رب العالمين ودم فاضل واولاده طلعت بعزاز كلبي...

اما جرح القصه والبطل الوحيد الظل كلبه ينزف وماانجبر هو جراح بيوم وليله طلگ مروه ورجعهه لامهه الولد الحضانه صارت لجراح وبالاول كلنه مانعرف شنو السبب
بهالسهوله طلك وكسب الحضانه ..

بس بعدين ام جراح حجت كالت الله سلطه عليهه رجع من الدوام ولكاهه تخابر بكشاف يسوي اعمال حته
يسولهه محبه ويطلب منهه ملابس منهه خاصه حته
يسويلهه محبه وطاعه ولزمهه وهي كتله هي طلاك سيد
لان ماعاقد محكمه والطفل اخذه منهه لان مو ام صالحه
حته تربي ورجعت مروه لامهه من بنيه مدلله الى مكسوره ومطلقه وماجنته غير الحزن ومااتزوجت لسه ...

اكتفه جراح لهنا لازواج ولا نسوان حياته بس شغل
وابنه كبر وام جراح راحت للحج ولحدالان من يذكرون اسم لبابه يجر حسره وينفث دخان الذكريات وهو يتمنى
لو يرجع الزمن بي خطوه ليوره ومايغلط هيج غلطه...

ياما وياما انهجمت بيوت بسبب غلطات وزلات الشيطان
وراحت ضحيتهه الاولاد امثال جراح ووسام بس الطرف الثاني المظلوم مايبقه على حاله لازم الله يعوضه بيوم...

كلشي رجع لمكانه عداله السماء لازم تكون موجوده
كلهه اخذت استحقاقهه من العداله الالهيه حاشاه
رب العالمين يترك عبد مظلوم ويترك ظالم بنعيم..

تعلمنه هواي دروس هواي عبر الضربه الماتموتك
تقويك وهواي ضربات صحتنه وعلمتنه الصح
من الغلط وعرفتنه بناسنه شنو ومانعيد الغلط
مره ثانيه ومانأمن بأي احد ونكون متوكلين على
رب العالمين بكلشي هو وحده يعرف الخير والصالح النه...

اما اني على حالي لاطبيب ولا مستشفى لكتلي حل
وماحصلت طفل وشكد لحيت على السبع يتزوج
ويرفض بس كفل ايتام هواي ويكول هذوله ابمكان
الذريه بالدنيا اريد الاجر بالاخره ومقتنع ...

لهنا اخر محطه ودعتهه وياكم لبابه بالبصره
واني ببغداد وفجر بروسيا وشوفه كل وحده
بينه حسره مثل ماكالت فجر.....

....


بدأت مشواري منذ شهور واليوم نسدل الستار
علـّۓ. حياة ابطالنا الذين عشنا معهم الفرح
وبكينا لحزنهم ومصابهم
اخذنا منهم العبر والحكم
داعين لهم بالحياة السعيدة والهناء

اتمنى القصه
استفاديتوا من عبرهه اكثر من حزنهه وضحكهه ....

النهاية

عمري يرهمله كل ألوان وخاصة الوان الفواتح من تدريجات البيجي او الوردي الفاتح والاحمر والبنفسج..الخ🥰✨

#ملوكه

حبي اتركي ولاتنشرين شي فد اسبوع او اسبوعين وينفتح الحظر من وحده🙃💫

#ملوكه

عيوني شي طبيعي بعمر من 15_19 تكون مرحله متقبلة والمشاعر والشخصية تختلف من سنة لسنة فبعدها صغيره
هي من النوع خجولة وتضم بنفسها..ماعدها ثقه بأهلها اللي متسولفلهم كلشي..فخل امها تبادر وتصير كصديقة لبتها حته اشويه اشويه تثق بأمها..وانتي خليج دايما قريبه عليها

واكيد من تعبر 20 وتكون بالجامعه فشخصيتها رح تختلف☺️🌸

#ملوكه

حبي مكتوب انو لازم تغيرين كلمة السر مال حساب..للأمان😕

#ملوكه

حبي مامجربته فمااعرف عنه اذا زين أو لا

اللي مجربتهن او عندي تجارب بنات فمنزلتهن بالقناة😇

فاللي مجربته من البنات خل تنصح هالبنوتة

#ملوكه

يعني مادري شكلج☹️💔..هو بشكل عام اذا صاير مثل جلد الاوز فعلاجه بس تقشير وترطيب واذا هالحبوب غير شي فكون تسألين مختصة بهالشي من دكتورة جلديه


#ملوكه

فحبيبتي اذا انتي من كربلا ..فشوفي هالمركز.. يكولون بنات عنه زين

واذا من غير محافظه فعادي راسليها عل الخاص واستفسري عل حالتج☺️🌸

#ملوكه

عمري التسريحات للشعر المفتوح🌚🌺 والبيجات مال فساتين كلهن ناشرتهن هسه اوجهن

#ملوكه