#خبايا_الاقدار
❤️❤️♨️

... البارت الثامن والستون

رانيا.. ركضت ليبره حافيه امي لزمتني
وصاحت مابي شي مابي شي بس اني سمعت جراح كال وضعه موتمام وهاي ثاني اصابه حجيت بتوسل الله عليك جراح بي شي ؟؟

جراح.. والله مسويله عمليه مطلعين الطلقه بس مامنتبه
بعده وخابرونه وهاي اجيت السبع وياسين يمه
بالمستشفى واني اجيت اشوفكم

ام رانيا.. فوت يمه فوت اشربلك كلاص مي وانتي
بنتي تعالي موزين على عمليتج البرد
رانيا.. مسحت دموعي ياربي بيه ولابي بعدني
ماكمت على حيلي يوكع هو شنو من مصايب على راسنه

دخل جراح شرب مي وشويه وطلع وكال اجيكم
بليل وبس ينتبه اخابركم توسلتله اروح ماقبل كال
هواي ضباط يمه الي عرفناه محررين الرهائن وصاير
هجوم ومواجهه ومتصوب ...

ظليت لليل واني الوب خابرني جراح كال منتبه
وزين بس اله اشوف بعيني ماقبلوا اجي وشددو علينه
حته الحارس بس يسمع الباب ينفتح يصيح لااطلعون..

ثاني يوم مااتحملت شيصير خلي يصير اخذت امي
ورحت للمستشفى سيوفي بالمدرسه وبس رضاوي ويانه
طبيت اركض سألت عن غرفته واسمه دلتنه الممرضه
وصلت للممر شفت ياسين واكو اثنين ضباط بالباب
وجندي اخاف اتقرب انتظرتهم يرحون يله رحت

سلمت على ياسين كال يمه الآمر مالته خلي يطلع
وفوتي انتظرت بره وعيني على الباب طلع رجال جبير
هذا الآمر. مالته واني بسرعه ركضت لگيته لازم المغذي
ويريد يوخره ..

صحت ضرغام حبيبي رفع راسه عليه بسرعه
ركضت حضنته صاح اااخ اااخ مااندل اصابته كل
كتفه وصدره مضمد ابتعد عنه واني امسح بدموعي
شنو يوجعك؟؟

ضرغام.. كلبي يوجعني ولج رانياااا ماينكدرلج
شلون تجين وهاي المستشفى كلهه زلم
رانيا.. اسكت يازلم من البارحه لسه حته مي ماشاربه
تريد تموتني يوميه مصيبه

ضرغام.. موتريدين تطلگين
رانيا.. وانت صدكت موتدري بيه مخبله
ضرغام.. اااااخ يابويه خفت اموت وبالي يمج وماشايفج
رانيا.. اسم الله عليك يومي قبلك

ضرغام.. منو جابج؟
رانيا.. ماما بره هي ورضاوي
ضرغام... الحارس لوتكسي!؟
رانيا.. الحارس وصلني خطيه ماقبل بس كتله اروح
لشارع وماقبل

ضرغام.. رجعي للبيت باجر اطلع ماكو شي
رانيا.. وين اصابتك ؟
ضرغام.. بصدري قريب ايدي ماكو شي يله حبيبتي
رجعي للبيت وسدي الباب ولااطلعون ابد...

رانيا.. بسته من خده سحبني من راسي باسني
وطلعت اخذت امي ورجعنه للبيت حضرتله الغرفه
دك تليفوني لبابه تسأل عنه طمنتهه والتهيت بالبيت
ثاني يوم طلع ياسين والسبع رجعوا للبصره وجراح
ظل يمنه علمود الخطار...

اول مادخل كال اريد اغسل صعدت وياه للغرفه نزعته
قميصه وعلى كيفي غسلتله كتفه ولبس قميص وكعد
على الجربايه ايده مخليهه بحامل كال خوماعندج الم

رانيا.. لا مابيه شي اني علر كيفي اتحرك
ضرغام.. خلي انزل جوه يم جراح يظل وحده
رانيا..اطلعلك جربايه ماما نام عليهه وهي تنام يمي
ضرغام... يله بليل يجون جماعتي من هسه دزي على كهوه بيد الحارس..

رانيا..نزلت شلت الجربايه اني وجراح خليناهه بالصاله
ونزل نام عليهه ظل يمه جراح ماكدرت افوتله بس بوقت
مايصيحني حته جراح ياخذ راحته...

ام جراح.. منووو بالباب؟؟
اواب.. انه اواب خاله
ام جراح.. هله بيك يمه همزين اجيت وحدنه بس نسوان
ماتدري شلونه ابو ليث؟
اواب.. زين باجر يجي السبع وابوي واليوم انه ابات
يمكم

ام جراح... هله بيك وليدي فوت للاستقبال
عقيق..ماندري اواب اجه ولاندري ام جراح مدخلته
جانت بره وفاتحتله الباب واني وفجر وحده تركض وره
الثانيه نلعب تشد عيوني واظل ادور عليهه ولبابه تصيح صرعتن راسنه شوكت يجي السبع ونخلص.

عقيق..فجر والله كلبي انكطع انتي تزاغلين وبعدين
احنه كلنه اليفوز مرتين يعتبر فايز
فجر.. يله اخغ مغه شدي عيوني واذا لگيتج اطيح
حظج تغسلين هدومي مال المدغسه وتحليلي واجب
بيتيي وتسويلي كاستغ

عقيق..ماتلگيتي يله نبدي سديت عيونهه بالشال
وهي لابسه تراك وتفتر وراي تريد تلزمني باب
الاستقبال الي على الصاله مفتوح ماتندل فاتت بي
واني ماادري اواب هنا كلت افترلهه من الباب الثاني
والزمهه من وره...

فجر..اطلعي حمصايه وينج عقيق عبالج تفوزين عليه
مو اليوم اسحلج سحل السبع وماكو تغسلين هدومي
واعوفج وتحليلي واجب بيتي يله ولج بزونه

ماكو صوت ولج عقيق صخمايه انضربت بحاجز كونكريتي رجعت ليوره وهذا الحاجز بشري بس
العطر لفحني عرفت اني وكعت بالمصيده

رفعت الحجاب عن عيني وياريتني فايته بالكاع
شكلي يخزي يخزي تمشيط ماامشط شعري سبرنگات
بس ينشف يعكش تراكي شعرضه وماخذه راحتي
البجامه شكل والبدي شكل واواب مكتف اديه
وصافن عليه..

اواب.. جاي تصدميني يوم عن يوم اشك بأنوثتج
فجر..منين طبيت وخليت الشال على غاسي واضم
بشعغي المهوس
اواب.. طبيت من شيب الخلفوج

فجر..ماادغي انت هنا وجنت العب ويه عقيق
اواب..تلعبين؟؟ ليش شكبرج انتي البكدج مو مرحله اولى مدري ثانيه وعرسن
فجر.. وانت شبيك العب بغجليه لاعبه بغجليك

اواب.. لايابه شعلينه هو منو يكدر للسانج وبعدين
شكالج الطبيب مولازم تخففين من وزنج انتي
بزياده موبنقصان

فجر.. لاتدخل بوزني اكل واشغب بكيفي شو كلما
تشوفني تصيح سمينه سمينه عود شنو معناتهه
اواب.. معناتهه انتي سمينه والحساسات عندج مشيوله
وياريت تعتبرين كلامي تنمر حته تلتزمين برجيم
وتضعفين

فجر..راح اعتبغ نفسي ماسمعت الكلام تنمغ على غوحك
وهذا الاسبوع صعدت كيلوين وانصحك ماتنصدم
كل اسبوع تلكاني زايده 2

اواب.. وصحتك موكالج عندج دهون على الكبد
فجر احجي جديات
فجر... لا بيبيات ...

اواب.. امشي من وجهي
فجر..درت وجهي وطلعت لكيت عقيق كاعده اول ماشلتهه مت شعرهه ولج انعاله ادكيهه بيه وطببيني
للاستقبال

عقيق.. عوفي شعري شمدريني اواب هنا وبعدين
هو انتي تكيفين لو مامكيفه ماتاخرتي جوه
فجر.. والله لومااخاف من السبع جان عرفت شسوي
بيج امشي مزاعلتج دائما تعوفيني وادكيهه بيه

عقيق.. والله ملابسه حجاب وام جراح بره ماكالت
الصوج بيهه اني شعلينه يله لاتزعلين احل الواجب
بيتي مالتج ..

فجر..امشي ولي
عقيق.. عافتني وكامت زعلانه شويه ورحت وراهه لكيتهه
مطلعه علاكه الحبشكلات مالتهه وتاكل نستله ومبرطمه

فجر.. اواب يكلي انتي سمينه
عقيق.. انتي ليش ماتضعفين ولج شوفي كرشج
فجر.. والاكل شلون مااكدغ احبه مااكدغ افاغكه

عقيق.. خلي هو يحاجي الطبيب يسويلج نظام
والتزمي بي والعبي رياضه ولج حته اذا عرستي بدله
ماكو عليج شوفي هسه اني السبع يشيلني

فجر.. السبع يشيلج؟!!!! اعوذ بالله امشي مااتخيل
السبع يسوي مكسغات
عقيق..عابتلج غير اني مرته يعني اذا تزوجتي رجلج
مايشيلج

فجر... وتغيدين اضعف واصير مثلج
عقيق.. طبعا لازم تضعفين شوفي جسم لبابه
يخبل وبعدين ام جراح كالت اكو عرس راح يصير
يم شيخ ياسين وخوما كلهه تصيحلج السمينه

فجر.. كومي شجعيني
عقيق.. شلون اشجعج كومي فجر روحي لاواب
كليله يشوفلج طبييه تغديه مواني راجعت جنت قزمه ولج تدرين جنت استحي اطلع تذكرين من اجيتكم

فجر.. اي جنج ذبانه
عقيق.. طاحظج غير جنت مريضه واخذني للطبيب
وانطاني نظام وعلاج وتحسنت الله عليج شوفي
جسمي مثل قبل لومتحسن

فجر.. موتزوجتي شوفي لبابه شلون كبغانه
انتن من تزوجن تثيغن كباغ
عقيق..لعد من تزوجين شتصيرين بعد
فجر.. اسكتي كافي غاح اغوح اكله يله تعالي
ناكل هاي العلاگه وداعيه بعد ماكو حبشكول

فجر.. كملت اكل واتخذت قرار اكيد لان هو اتنمر
عليه وصدك كلام عقيق يخبل جسمهه شتلبس
يلوكلهه خوب لبابه خصرهه مايزود سانتم من كدما
محافظه على نفسهه بس اني مومثلهن

دكيت الباب ودخلت جان كاعد ولازم تليفونه
وكفت قريب علي كتله شوفلي نظام غذائي
اواب..تضحكين عليه شكم نظام جبتلج ووينه
ضاع خبره؟!

فجر.. لا التزم بس موقاسي
اواب.. ترى مو اقلد عليج بس والله مومناسب لعمرج
ولا لصحتج حته الصدريه تصيح ارحميني

فجر.. هسه تشوفلي نظام لو ابطل
اواب.. شو محملتني منيه تبطلين على روحج حته اسنانج
تشلعت الليل والنهار تلفين
فجر.. ماكله من خيغ ابوك شعليك بيه

اواب.. والله ولاترهملج جاره
فجر.. عفته وطلعت اخذت الليل كله افكر التزم لولا
وكلما اكول التزم اركض للثلاجه اكل شكو بيهه وعبالك
اريد اخزن لايام الجفاف...

عقيق.. ثاني يوم رحنه للدوام وفجر انطاهه نظام من دكتوره
يعرفهه اول يوم تتريك بيض سلگ وحده طول الطريق
تصيح هو بيض شكو اكلت بس وحده فد 4 خمسه واصبر بيهه
ماخلص الدرس الاول بالشافعات

يمكن هذا اليوم جان اصعب يوم الهه تاخذني للحانوت
دكله بس نتمشه من يمه ونشتم الريحه حته وجهه
صار اصفر من تشوف وحده بيدهه لفه دكول هنيالهه
هني ومري ...

رجعنه من الدوام جان السبع راجع طبيت للبيت
صحت جمره ماكو صوت بدلت وصليت وطلعت
جان بالاستقبال مال البيت الجبير ويمه ياسين
تغدينه وظليت انتظره شوكت يطلع ايست منهم
عفته ورحت للبيت نمت وكعدت وهو ماكو ...

طلعت اركض حته بدون مااغسل عبالي بي شي
طلع يمهم خطار علمود ضرغام جايين يسألون
علي وظالين يدكون سوالف ...

لحدالمغرب يله شفته صاح عقيق جنت بالمطبخ
يم فجر عفتهه وطلعت لزمت ايده ورحنه للبيت
بس طبينه حضنته الحمدلله على سلامتك حبيبي
السبع.. الله يسلمج حبيبتي خطار ماشفتج تغديتي ؟؟
عقيق.. ااي الحمدلله وانت خوماجوعان ادري بيك تتقيد
بالاكل وياهم

السبع.. اي والله ماكدرت اكل بس الماعون الكدامي مااندل
الاكل كل يوم انتي تخلين كدامي مدللتني
عقيق.. عمه ام جراح مسويه دجاج شوي وطماطه شوي
راح ادزلنه روح صلي بين مايكمل العشه..

السبع.. اريد اسبح عقيق راسي موتمام كلساع تضارب
عندي الاحداث من التعب
عقيق.. تعال راح احضرلك الحمام واني انتظرك بالباب
رحت للغرفه طلعت ملابسه وفتحت المي دافي
لان الجو بدايه 11 بي بروده

دخل سبح واني كاعده على الدرج كمل وطلع صله
اني رحت للبيت الجبير جبت العشه واجيت
كعدنه ناكل مبين ماشبعان بالغده عفت اكلي وكمت
اخلي كدامه حته اسويله لفات ابد مايتقيد يمي حته
مرات من يجي خطار وره الغده يكلي جوعان واسويله شي بسيط واله اكعد يمه ...

كملنه عشه مدد بالهول واني جبت كتبي كعدت يمه
وكمت اقره وهو يسمع اخبار اجه ابالي العرس اليم بيت
ياسين سديت الكتاب وكتله جمره المن العرس اليم الشيخ
ياسين؟؟

السبع... ابن اخو طه
عقيق.. هو طه وين ؟
السبع.. ماسامعه فلان يجلي وطه طرده من القريه كلهه
وراح بغير مكان كعد هو ومرته الرجال الي يستر على مرته
وهي على غلط ماينشد بي ظهر

عقيق.. زين هو علي ابنهه صغيرون بالابتدائيه شنو قابل
يزوجوه بهالعمر وليش مو يم ابو؟؟
السبع.. لا طه متزوج بنت عمه اول وحده وميته بالولاده
ومخلفه توم ولد وبنيه البنيه 6 اشهر وميته والولد ظل
جان عايش ويه ابو ومن كام يكبر عاش يم ياسين وخلاه
يدرس وتخرج ماشايفته انتي لان كل وقته بالمدينه قليل
وحته هسه هم راح يتزوج بالمدينه..

عقيق.. وشوكت العرس؟
السبع.. ماادري بس اله يتحسن ضرغام
عقيق.. وجبار وين هسه؟؟
السبع.. بالسجن والكاع بيد جراح خلي تكمل واتنازل عنه
ويطلع ...

عقيق..ظلينه انسولف لحدما صارت ب12 كملت دراسه
وحضرت ملابسي ورحنه للفراش احاول اخفف عنه
ومايضوج بس من يتعب حيل يستحسف روحه وشلون
هيج مايشوف..

لبابه.. طلعت من الكليه جراح واكفلي صعدت يمه
بس تحركت السياره الموطه صارت بين عيوني
كتله جراح مشتهيه موطه التفت عليه وكال كولي غيرهه
حامل مو؟؟

لبابه.. لا ليش حامل مايصير اشتهي موطه
جراح.. بحملج الاول هم اشتهيتي موطه وجنه بعيدين
وانتي كاعده واطلعين صوت ردت اطبك السياره بالطريق

لبابه... ضحكت وكمت اتوسل جراح اشتريلي موطه
لان جان الجو بارد ومايقبل يكول بلاعيمج تلتهب
وكف على جهه ونزل جابلي موطه بحيث احسهه
صبت على گلبي من البروده مستمتعه بيهه بشكل ...

وهو يباوعلي مبتسم وكال شغلتج موخاليه خلي انشوف
مختبر مدامنه طالعين
لبابه.. لاجراح موحامل ماعندي اعراض بس ابتليت
اشتهيت موطه
جراح... وانتي شمعرفج بالاعراض
لبابه.. اخذني لمختبر قريب نزل وياي جنت اتأفاف
اصلا اضحك علي بس هو جان حاس طلع تحليلي
وجابه يضحك كومي خلي اشتريلج بعد موطه ابتسمت بوجهه
حامل ؟؟؟

جراح.. اي حبيبتي مبروك النه امشي للبيت
لبابه.. بالاول صفنت بوجهه وبعدين ضحكت لازمه
ايده وفرحانه حيل جنت خايفه ام جراح دكول
الي يصير عدهه اسقاط باول بطن تتاخر يله تحبل...

بس دخلنه للبيت صاح يمه اجت تركض وهي دكله
مبينه من فرحتك لبابه حامل عكس المره الاولى
ماجان هيج فرحان وراحت خابرت ابرار وهي تصلي
على النبي..

منا وبدت معاناتي ويه الحمل هرموناتي زفت
اقل شي نتعارك هو متحملني وصلت بي مرات
ينام بالهول من كدما انفعل اذا دك تليفونه اصرخ. وهو
يكول ميخالف عاذرج...

مااغار ولابيه شي بس احس نفسي مختنكه اريد املخ
نفسي وشعري ومايبرد كلبي حيل متوتره حته بدوامي
نص المحاضره واستأذن اطلع احس القاعه تخنكني
لو شي يصعد على كلبي...

اهل نوال استقروا يمنه بس مايجونه ولاعمتي
تروح مرات اباوع من فوك من يطلع جراح تطلع
بالباب بس مايحجي وياهه ...

صادفت جمعه وكالو كلنه نروح لضرغام انشوفه
تحضرنه وطلعنه من الصبح الطريق متعب وجراح
كلساع يوكف السياره اتقيء منا طريق وحمل
خليته يصيح التوبه اذا طلعتج بعد

رانيا.. شبيك واكف على راسي وترتني
ضرغام.. العفو ست رانيا هاي كعدت
رانيا.. ضرغام اعصابي تلفانه تخيل هذا الاسبوع
تجي سهاد الباعتنه برخص راح تجي ولاكانما شي
صاير وتشوف امي وتسلم علينه وهاي اذا ماكعدت يمنه

ضرغام.. ناخذلج اجازه ونروح للبصره وهي خلي
تكعد يم حسام حامي العرض
رانيا.. اني كلت لماما مااريد اشوفهه اخذ الجهال ونروح
بس شفت ماما گلب والده دكلي اخيتج هاي

ضرغام.. تعالي خلي اسولف وياج
رانيا.. اكو شي؟؟
ضرغام.. ماتسولفين لامج
رانيا.. شكو احجي صاير شي؟
ضرغام.. اختج مطلگه قبل سنه خالعه زوجهه
وشامرته وره ظهرهه واخوج حسام هو المحرض

رانيا... لطمت على صدري شنووو؟؟ عزه العزاهه
رجلهه حباب وشلون عايشه وحدهه
ضرغام.. رجلهه مايدري بيهع ماخذه ورث منكم
ومايدري حسام منطي الشقه مالته طول هاي السنين
رجلهه يدفع ايجار كل شهر وهي تاخذهن عود يحولهن
لحسام وسالفه الورث هم مايدري ماخذه حصتهه

بحيث رجلهه يشتغل الليل والنهار حته يسد مصروفهم
وسكنهم واختج مدري وين تودي الفلوس ومن دره بيهه متعارك وهي طاردته من الشقه وهو راجع للعراق قبل
سنه رجع لاهله وهي عاشت هناك هي وبناتهه ورافعه
دعوه علي ومطلكهه وهذا الحجي يدري بي خالج
بس امج ماتدري وهم الواكفين وياهه وشنو المصلحه هم
ماادري

رانيا.. منو كالك
ضرغام.. شعليج بابا شغلي استخبارات بروحي
مااثق ماردت اكلج بوقتهه لان جنتي هايجه
على سالفه متزوج قبلج وانوب اكلج على اختج اطلعيني
من ال*****

رانيا.. صدمتني اذا عرفت ماما شلون؟ احس
مقبلين على مصيبه
ضرغام.. مااعتقد حسام يلفيهه وراح تجي يمج
لان مرت حسام علاقتهه موشي وياهه
رانيا.. وانت شمدريك؟؟

ضرغام.. اذا تظلين تسألين شمدريك مااسولف بعد
اكو قانون بشغلنه من يسألنه الآمر شلون وليش
احسبي الضابط بعد مادبر شغله وانتي اذا ظليتي
هيج مااحجيلج

رانيا.. كلبي اوجعني شكول عليهه ياربي شنو
من بشر حرامات ذاك التعب بيهه هسه راح يجون
من البصره ويلكون وجهي هيج مگلوب على هالخبر

ضرغام.. هسه اعدل مزاجج
رانيا..هو انت تكدر تحرك ايدك
ضرغام.. شعليج بيدي ****
رانيا.. السانك السانك بلكي تحجي كدام الجهال
هيج

ضرغام.. لا شنو السالفه بس كدامج فالت
اني ثگيل
رانيا.. لاتخليني احجي خليني ساكته
ضرغام.. شو تعالي فد تصبيره على ايام القحط
سنين يوسف سويتيهه عليه

رانيا... بعدني ماثاقه من اثق عود تدلل
ضرغام.. تحجين صدك وعلي اكوم *
البنيه راحت ومشت وانتي لزگتي

رانيا... شسوي موبكيفي اليضم مره يضم عشره
درت وجهي ورحت للكنتور اريد اطلع ملابس
مااحس غير شعري ينجر من وراه وراسه ينسحب
علي احس ركبتي راح تنخلع

باسني من بلعومي كزبر جلدي بس مااكدر اتحرك
صحت ااخ شعري ضرغام ايده اليمنه مرفوعه بحامل
وباليسره ساحبني باسني من وره اذني وحجه بيهن
احبج حيل اتنازل عن كلشي ومااعوفج

رانيا.. ابتسمت واني مغمضه عيوني
ضرغام عوف شعري دتأذيني
ضرغام... فد جرعه على الماشي
رانيا.. والجرعه تسحب شعري عوفه لاتقسي ترى اذكرك
بعمايلك السوده خليني ساكته

ترك شعري بدفعه وكال غضب الله عليج
لزگتي باليوم تذكريهه عشر مرات
رانيا.. حضنته من ركبته وبسته وكتله ماتضم عليه بعد?
ضرغام.. مااوعدج!!

رانيا.. تحجي صدك ؟
ضرغام.. امور دنيا كل التريد مساعده برسم الخدمه
رانيا.. جرب وشوف شسوي بيك
ضرغام.. شتسوين؟؟ وجرني من خصري

رانيا.. جرب واكلك؟؟
ضرغام.. هيج تسوين وصار يعزف على كل
خليه احساس بداخلي رغم ماهو تك ايد بس
متقن عمله على اتم وجه ومافززنه غير صوت ماما
تصيح اجه خطاركم...

ابتعد وهو يعدل بشعره نزل واني لبست طويل وحجاب
ونزلت وراه بوست البنات وسلمت على الكل والتهينه
بالهوسه فجر ضعفانه فرق حيل وكلساع اطلع الورقه
مال النظام ودكول بس اليوم ونشخط هاليوم..

حيل تونسنه باتوا يمنه كلهم البنات يمي
وسهرنه على السوالف وهم جوه يلعبون طاولي
السبع مايلعب انقهرت علي حيل احسه هو وعقيق
مثل الروح الوحده بس يسمع صوتهه يرفع راسه

اخذت ماما والجهال يمي وفرغتلهم الغرفه كتلهم
نامو بيهه حته ياخذ راحته وبس جراح وضرغام
ظلوا بالاستقبال...

عقيق..دخلت للغرفه فرشنه بالكاع مايندل واخاف
يضرب الحايط لازمه ايده وطبينه قفلت الباب
وكتله وحدنه هسه يله حبيبي بدل ارتاح

السبع.. لشوكت هيج ضجت من وضعي
عقيق.. ها جمره تذكر شكد عانيت اني يله صرت
زينه موانت دائما دكلي اصبري حته تضوكين
حلاوه صبرج

السبع.. الحمدلله تعاي دليني وين الفراش
عقيق.. هياتك واكف علي تعال حبيبي خلي
اسولفلك سالفه
السبع.. احنه مو بالبصره سوالفج مال البزونه
الفتحت موهسه

عقيق.. موسالفه كامله هيج نص سالوفه
السبع.. زين خلي اسولفلج السالفه العندي
وابدي منا وخله اصبعه وهو يتلمس شفتي نبدي
منا وننتهي هنا ...

عقيق... ضحكت بصوت صاح ولج عقيق
مو ابيتنه احنه دنگ باسني من شفايفي
واني بادلته بكامل احساسي ابتعد وهو يحضني
حيل ويكول كلشي بيج حلو وعذب وكل يوم
احس عبالك اليوم ضايكهن...

رانيا.. كعدت الصبح سويت ريوك صادف سبت كالو
انروح ضرغام ماقبل يكول لجراح اذا طلعت الباب
تعرف شسوي وجراح يضحك يكله كريم وبالكرم
معروف ...

ماخليناهم يرحون وكنالهم بس اليوم ظلوا السبع
كال نظل العصر اريد اروح للطبيب بلكي ترهم جاره لعيوني العصر حجزوا وحته ضرغام طلع وياهم
كعدنه نسوي كيك ومهوسين ودك تليفون ماما اسمعهه
تصيح يايمه سهاد اجيتي ؟!!

عفت البيدي ورحت وكفت يمهه تحجي ودموعهه تنزل
ودكلهه لا خوماتظلين بالشارع صح رانيا. زعلانه
عليج بس كلبهه حنين وهذيج دكلهه اريد اعتذر الهه
سدته منهه وماما تباوعلي بتوسل لاتخلين اختج
بالشارع ماردت اكسر بخاطرهه كتلهه يمنه خطار
وين اخليهه؟؟

ام رانيا.. بس هي وبناتهه بغرفتج لخاطري يمه
هي شكم يوم وراجعه
رانيا.. عمري ماكسرت بخاطر ماما بست راسهه
وكتلهه لاتبجين كلشي ولادموعج..

نص ساعه موهواي واندك الباب اختي الصار اسنين
ماشايفتهه متغيره جذريا لبس اخر موديل مطلعه شويه
من الشعر البنات وحده محجبه ووحده شعرهه لخصرهه
حيل حلوات وانيقات...

حضنتني وتبجي وتعتذر ولحظه شيطان ولج
انتي اختي الصغيره بس مدري شجاني
وكالعاده ذبت الصوج براس رجلهه وعبالهه اني
مااعرف سوايتهه..

كعدت بغرفه ماما هي وبناتهه والبنات وياي سوينه
عشه واجو من الطبيب كايلهم حاليا ماترهمله عمليه
بعد وقت اكثر يله انجازف صحت ضرغام على جهه
كتله على سهاد ماحجه كال لخاطر امج اسكتي ...

تعشينه وفجر وعقيق غسلن مواعين من كملنه
كعدنه بغرفه ماما انسولف بناتهه عينهن بالتليفون
وهي تسولف عن الغربه صار وقت النوم كمت فرشت
للكل وهن كتلهن تعالن فوك الي بالصاله الفوك والي بالغرفه لان استحي حيل من السبع وماانريد انحرجه

سهاد.. خلينه انسلم على زوجج
رانيا.. تعالي بالاستقبال طلعت هي وبناتهه وطبن
للاستقبال سلمن على ضرغام واجت ام جراح وامي
والبنات صارت كلهه الكعده بالنص ساعه يمهم وبعدين
كل واحد راح لمكانه...

من صعدنه ليفوك لبابه كالت بس اخذ ملابس لجراح
اخذتهن ونزلت واني رحت اغسل بالحمام الفوك واسمع
بنت اختي الجبيرهه اسمهه مروه تحاجي اختهه
دكلهه هذا الرشيق الي اسمه جراح حطيت علي علامه
ومن اليوم تنطلق مروه لهذا االاسمر الحلو....


يتبع......

#خبايا_الاقدار
♨️♨️❤️

... البارت التاسع والستون


رانيا.. اجيت اطلع الهن وارزلهن بس صوت فجر قريب
وهي تصيح لبابه خفت تصير مشكله وهذني مبينات
بنات اختي ملكوفات غسلت وطلعت لكيتهن
كاعدات بالغرفه ولبابه واكفه تخلي مرطب لايدهه

اشوف مروه عينهه على لبابه مروه حيل حلوه بس
الجمال مو بالشكل رغم احلى من لبابه بس لبابه
دره هادئه ومؤدبه من واحد يصيح بيهه بسرعه تبجي
واذا قوت نفسهه ورزلت المقابل تبين على ملامحهه

رانيا.. مروه خاله صيحي امج هنا انام نتوزع الي
بالصاله والي بالغرفه كليلهه خلي تصعد فوك
مروه.. ليش خاله انام بغرفه بيبي
رانيا.. لااا غرفه بيبي للسبع وعقيق عيب من عنده
صيحي امج الرجال تعبان يريد يرتاح وانتي عقيق حبيبه
انزلي ارتاحوا

مروه.. شنو من اسم زوجج اكو واحد يسمو السبع؟؟
عقيق.. لقب هذا مو اسمه الحقيقي
مروه.. ممبين انتي زوجتهه انصدمت هو كولش ضخم ومبين
كبير بالعمر وانتي ناعمه وصغيره
عقيق.. مومهم ..

رانيا.. عافتهه عقيق ونزلت واشوفهه تحوص تريد تفتح
مواضيع ولااكدر احذر لبابه شدكول من اول يوم
طلعت بنت اختهه هيج بعدين كلت هو جراح ماعنده
هيج سوالف صحت انزلي لامج ومانزلت عفتهن ونزلت

لبابه.. باجر الصبح نرجع فجر مو نسحل بيج سحل وماتكعدين
فجر.. هم نغجع للدوام
لبابه.. اي منلحك نظل على الاثنين يله انداوم اني عندي امتحان
مروه.. انتي شنو ادرسين؟؟

لبابه.. اي مرحله ثانيه
مروه.. انتي منو بيهم زوجج
لبابه.. جراح
مروه .. اسمائكم غريبه شنو شغله؟
لبابه.. ضابط

مروه.. امممم ماعندج طفل صار شكد متزوجين؟؟
لبابه.. حامل صارلنه سنه ونص
مروه.. حلوه البصره ؟؟
لبابه.. كل محافظه بيهه ميزه وحلوه بناسهه
مروه.. خلي انكول لماما حته نجي زياره الكم
لبابه..هله بيكم ...

جنت احجي وياهه بطيب خاطر لا اكثر ولا اقل
ماشفت شي عليهه فرشنه كلنه وبس عقيق نزلت
مددت بفراشي دك تليفوني رساله فتحتهه جراح
مكتوب مشتاگلج لبابتي نايمه بعيده عني؟؟

ابتسمت وجاوبته اني هم مااكدر انام لان مويمك
يله بس الليله وباجر نرجع ليش كاعد؟؟
جراح.. ضرغام يون يم راسي عنده الم وجرحه
شويه طاك هسه انام يله نامي انتي

لبابه.. اقره بحروفه ومبتسمه حيل زين صاير فرق شاسع
عن السابق صح بالتقارب تجي الحاله بس هم اهون من قبل
وهم احنه من هاي الناحيه مبتعدين وهسه حامل
يعني وضعنه هو متحملني اكثر ...

عقيق.. شكالك الطبيب؟
السبع..كال بوس عقيق 3 مرات بكل ساعه وانت اطيب..

عقيق..زين ماكالك منين؟
السبع...كال شوفهه هي منين تحب تنباس
عقيق.. كله هي تحب من گلبهه.. ومن عيونهه..
ومن رگبتهه وبعد مكان تعال اشاورك

السبع.. محد يمنه كولي
عقيق.. لا اشاورك احسك تشوفني
السبع.. يله شاوريني حته نبدي من هسه
عقيق.. ادنيت علي شاورته ضحك بصوت
السبع.. يله اتفقنه هسه منين نبدي منااا واشر كلبي

عقيق.. جمره اتشاقه وياك مو هنا من نرجع لبيتنه
السبع.. مواكلج صايره وكحه يعني انتي الحجيتي
وتريديني اسكت
عقيق...جمره !!! وضحكت وهو يدغدغني حيل
رفع اديه ليفوك وباسني من كلبي بوسات متفرقه
يرفع راسه ومن ينبض كلبي يبوسني اترتب البوسات
ويه كل نبضه تقابلهه بوسه من جمره..

رفع نفسه وكال هسه نجي لرگبتج ابوسهه منا
لو منا ورفع شعري وباسني من وره اذاني
منين كليلي منين؟؟ اخاف ابدي بيج ومااشبع
وخاف ابدي والكاج خلصانه وانه بعدني

لزمت وجهه باديه وبسته من خدي رجفه بكلبي
قويه واني طاخه بجسمه كتله بعد بوسه من عيوني
السبع.. مااتذكر الاغنيه بس دندن باغنيه مصريه قديمه
كال بلاش بوسه العيون بتفرق..

عقيق.. يعني ماراح تبوسني منهن
السبع... لا ابوسج من جيرانهن واخذ شفايفي
ببوسه قويه بادلته بنفس الحركه والشعور
فجأه ابتعد وكال وتالي وياج حته فشله يم الوادم

عقيق... اطلبك بالبيت
السبع.. اروح فدوه للتطلب انه كلي دين الج ياحبيبتي
عقيق سولفلي شكلج شلون صاير احس بيج سمنانه ؟؟

عقيق.. اي سمنانه وزنه بالمدرسه اجت لجنه وصاعده كيلوين
من اخذ مره وزنت وشكلي نفسه بس فجر دكول كبرانه
مبينه وحده متزوجه جنتي ناعمه

السبع.. شوكت اشوفج شو كليلي بسلا يخلص عمري
واني محروم من شوفتج
عقيق.. لاا هسه يرجع نظرك وتشبع مني ودكول اهووو
ماكو جديد يوميه نفس الشكل

السبع.. الطبيب كال سنه اقل شي يله نفكر بعمليه
يكول اليمنه منتهيه طافيه لاعمليه ولاعدسه تنفعلهه
بس اليسره بيهه امل نسويلهه عمليه يعني اشوفج
بتك عين ...

عقيق.. ميخالف المهم انت سالم وشكالك على راسك
وفقدان الذاكره
السبع.. كال اتجنب التعب ولاتخاف منهه دماغك جاي يستقر
نسمي وقتي وكال كول لمرتك اداريك هذا التعب كله منهه

عقيق... هاجمره صاير تكذب
السبع.. طاحظج رجال شكبرني دكليلي اتجذب وانه ساكت
عقيق.. لان الطبيب ميكلك هيج واني وين اتعبك
اصلا انت اتعبني كلبي هيج يكوم يركض

السبع.. طلعت انه هو انتي عندج سوالف تزيد المرض
ودكول انه مواكلج صايره وكحه بعد سنه مااكدرلج
عقيق.. حبيبي صانع الاستاذ استاذ ونص منو رباني
موانت؟؟

السبع.. خوش تربيه طلعت ابد ماعرفت اربي
عقيق.. ضحكت بصوت عالي سد حلكي وكال بعد
خلي يسمعج جراح وضرغام بويه استري علينه
وعلي صاير مااكدرلج...

حضنته حيل وبسته من ركبته وايدي بشعره
ظلينه شويه انسولف لحدماغفيت بحضنه
وقبله وهو بعده كاعد...

رانيا.. كعدت الفجر صليت ونزلت اريد اشوف ضرغام
نزلت لكيته كاعد بالمطبخ مومن عوايده نزلت اركض
شبيك ضرغام ليش كاعد؟؟
ضرغام.. طاك واحد من الخياطات والم قوي مانمت ابد

رانيا.. ليش ماكعدتني لحدمانمت انت مابيك شي
شلون طك انت ماشايل شي؟
ضرغام.. البارحه من لزمت حسيته اوجعني كله من وراج
من اكلج انتي *

رانيا.. السانك لا احد يسمعك الناس نايمه
ضرغام.. شعندج كاعده
رانيا.. صليت ونزلت اشوفك وفوكاهه تشرب جكاير
جيبهه وجريتهه من حلكه
ضرغام.. لللج جيبيهه لا

رانيا.. والله صاير السانك فالت ادري سوولك عمليه
طلعوا الطلقه لو شالو بريكات السانك
ضرغام.. لا من زمان هيج بس على كولتج جنت ابيع
مثاليات براسج مدام انكشفت ماكو داعي بعد

رانيا.. هااا اعترف جنت تسوي نفسك خوش رجال
ضرغام.. لللللججج غصبا عليج خوش
رانيا.. هو انت كلت اني شكو خلي اعقملك جرحك
ضرغام.. هناااااا ؟؟؟

رانيا.. لعد وين؟
ضرغام.. لااا فشله السبع يكعد يصلي ماترهم
كومي جيبيلي ملابس تشيرتي بي دم شويه
وتعالي بالحمام وجيبي وياج بلاستر حته ابدله

رانيا.. امشي انت فوك اذا كعد السبع مويريد يتوضه
يلكه الحمام مسدود وفشله هو مايكعد وحده
عقيق تكعد وياه مايندل تعال فوك ارجع البرده مال الصاله
وكلهه نايمه ...

صعدنه ليفوك الحمام الفوك بزاويه ومخليه برده
تفصله عن الصاله وبالصاله نايمين جهالي واني
والبقيه كلهه بالغرفه جبتله ملابسه والتعقيم
واخذت كرسي انطيته كعد نزعته التشيرت وفتحت
البلاستر واحد منهن يطلع جراحه عقمته ورجعت
خليت بلاستر...

هو كاعد واني واكفه مدنكه علي وكعت خصله من شعري
واني اسوي بالبلاستر شالهه خلاهه وره اذني ومد ايده
بحركه جريئه صحت ضرغام خليني اسوي لاتتاذه

ضرغام.. وانتي بهاي حالتج ماتأذيني شعلتي ابو ابوي
رانيا... كلشي مابيك
ضرغام.. حاسبه باصابعج صار شكم يوم؟؟ وهذا ياشهر
يامجرمه هسه اذا اروح ادور ** احد يلومني

رانيا.. شحدك دور وشوف حته شسوي بيك
ضرغام.. ترى اني مقدر حالتج المرضيه لا اكثر
لو صاحيه جان بالنص

رانيا.. بعد ارفع صوتك حته تكعد البنات شوف من وكاحتك
شلون انفتح جرحك لو كاعد وساكت
ضرغام.. لابويه تموعي كدامي وتعال ياضرغام اصبر
رانيا...يله كملت كوم غسل وانزل مدد هسه يسكن
خليتلك مخدر

ضرغام. اريد غير مخدر
رانيا... ضرغااااام
ضرغام.. وووجع اريد اشوف تاليتهه وين توصل وياج
لو م**** ولاجايب اقبال لزكتي مانسيتي

رانيا.. كوه مقلله صوتي واضحك غسل ونزل مدد بفراشه
واني رجعت نمت بصف الجهال كعدت ب8 ماما كاعده قبلي
مسويه ريوك كمت اسوي وياهه دكيت باب الاستقبال
صاح ضرغام تعاااااالي..

طبيت كلت صباح الخير جراح كاعد على التخم هستوه
رد ومااحس غير مروه تكمز من وراي وهي تصيح شلونك
عمو شلون صار جرحك؟؟

ضرغام.. هله يبعد عمج بخير
رانيا..خزرته رجع خزرني وابتسامه بوجهه

هي بسرعه لمت فراش جراح وتعدل بالاستقبال
وخابصه نفسهه كلساع اكلهه مروه خاله عوفيهن اني
اسويهن وهي دكلي لاخاله اساعدج جراح مدنك يگلب
بتليفونه نزلت لبابه يله اخذت نفس وهي تفوت للاستقبال

لبابه.. صباح الخير
جراح.. صباح النور وسوالي مكان بصفه شبعتي نوم؟
لبابه.. كلساع افز فجر نومتهه عبثه وكلساع تضربني
بيدهه ..

جنت احجي وياه رفعت راسي شفت مروه كاعده كدامنه
وعينهه على جراح وابتسمت بوجهي هم مااخذتهه بغير
شي اني بس لازكه بنوال ...

السبع.. عقيق كومي بويه شجاج على النوم
عقيق.. بس شويه
السبع.. ظلي نايمه احنه راح انروح وانتي ظلي هنا
عقيق.. جمرررره نعسانه

السبع.. من نرجع نامي بالسياره
عقيق.. وين انام بالسياره اريد حضنك
السبع.. كومي لا اشلع هذا السانج من صباحيات
الله تريدين تموتيني

عقيق.. مااكوم
السبع.. عقيق كومي مااكدر اطلع ولااندل
عقيق.. يله كمت بس والله نعسانه راجعين من الصبح
لميت شعري ولميت الفراش وهو كاعد على الجربايه
مال سيوفي كملت لبست حجابي وطلعنه...

سهاد وبتهه الصغيره اسمهه ساره المطبخ صغير
ومن نطلع من الغرفه نفوت بالمطبخ السبع مايشوف يمشي ويه
حركتي ولازمه ايده ومدنگ لان صوتهن عالي وهو حيل
يضوج من تجمع النسوان ماادري شلون طخت بي او هو طخ
بيهه لان مايشوف

ومااحسهه غير تعيط بصوت عالي شبيك متشوف
حتلو اعمه مدكول اكو بنات اطخ بيه يمكن اكثر موقف
بشع تعرضله بمرضه هو هذا !! بس كالهه وخري
بويه من اتشوفين رجال اعمه انتي وخري لان هو مايشوف

عاطت بيهه رانيا ساره شنو هالحجي بس عفتهن وراح غسل واني بصفه حسيت نفسه ثگيل حيل ومدنگ راسه
وايده ثلج موقف حيل موحلو كلهه موجوده ودفعته من ايده

رفع راسه وهو يعدل بشعره حضنته من ظهره واديه
على صدره لزمهم ورجع راسه ليوره ظل دقايق هو هيج
واني مخليه ايدي على كلبه ينبض بهدوء ابتعد وكال تعالي
غسلي ...

غسلت وطلعنه للاستقبال صبو الريوك مااكل بس شرب جاي بكوب وهاي ساره مانزلت وامهه تعذرت مني ماعرفت
شكلهه حتلو صغيره بس التربيه الهه دور ...

قبل بالمدرسه يعلمونه اذا شفنه رجال اعمه بالشارع
شنسويله واتذكر هذا السؤال يسألو النه بالامتحانات
النهائيه بالاسريه ونگلهم نلزم ايده ونعبره الشارع
بس كلشي تغير حته التربيه ماعادت تربيه قبل...

كملنه كلشي وسلمنه عليهم وطلعنه بس السبع
مبين من ملامح وجهه ضايج حته من يسولف
وياه جراح مايرد ساكت ...

رانيا.. سهاد موعيب بنتج هيج تعلي صوتهه وتدفع رجال
شكبره واني عفتله الغرفه من كدما احترمه واستحي
منه
سهاد ... صغيره مشايفه واحد اعمى عبالهه تحرش بيهه
رانيا.. عيب هالحجي شنو تحرش هذوله اهل زوجي يعني
مثل اخلاقه موبعدكم يوم واحد والتصرفات شيش بيش
ياريت تحطين بناتج وتعلميهن

وبعدين بنتج مروه سمعتهه باذني تحجي لاختهه عن
جراح ودكلهه عجبني معقوله ماربيتيهن مثل ماربيتنه
امي ؟؟

سهاد.. رانيا مو تذلين لان كعدنه يمج انوب ركضتي
على بناتي عيب اذا تعرفين العيب اجيتج زياره
هيج من اول يوم

رانيا.. ذكرتيني بالعيب عفته الج يابنت ابوي يالمات
ابوي وانتي تلعبين من وراه واسمعي سهاد جنت قبل
احترمج هسه بفلسين مااشتريج وخاف عبالج استقبلتج
محبه بيج لا يمه لخاطر امي لان مااكدر اكسر خاطرهه
واله انتي وحسام نفس الخانه

سهاد.. شكد حقوده ولج اختج اني الجبيره شايله راسج
بزوجج تذكرين من جنتي مطلگه شحالج من ايد
لايد

رانيا.. قصدج نفس وضعج هسه؟؟ هم مطلگه انتي
رادت تحجي كتلهه اسكتي الحجي كدام امي اريده
شلون اطلكتي وليش وضامه عنه عبالج مانعرف
لو تستغفلينه مثل قبل وبعتي البيت ؟!

رحت صحت امي وبناتهه وكعدت ضرغام جوه واحنه فوكوحجيت لامي كلشي كامت ادك على راسهه وتصيح
ازوج وحده اطلك الثانيه ولج ليش هاي الجبيره العاقله
وعندج اثنين بنات بطولج

سهاد.. مامتفاهمين يوميه مشكله وهو طلگ شسويله
اجلب برجليه واكله تعال مروتك شو من اطلكت
رانيا من وسام ماحجيتي

رانيا.. اطلكت بسبب خيانه ماغدرت رجلي واكلت فلوسه
خليج صريحه لاتجذبين كلشي نعرف بس مانستغرب
انتي اخت حسام فعادي تلفقين واتجذبين

صار صوت عالي بيني وبينهه وماما وبناتهه وتحجي
بزود ودكول اي مااريده فگر اريد واحد عنده فلوس
واي واحد يتقدملي اتزوجه ماما تخربطت سكتت
وهي سكتت وظلينه على هذا الحال هي بغرفه ماما
بس بوقت الاكل اشوفهه وضرغام فوك ماينزل حته الصينيه اصعدهه اله وجرحه خيطه مره ثانيه وجدد الاجازه..

فجر.. شوفي عقيق ضعفانه مو
عقيق .. حيل وصاير جسمج حلو وبعد يرادلج
فجر.. شوكت عغس ابن طه ؟؟
عقيق.. الجمعه الجايه خلي نشتري ملابس
فجر.. منو ياخذنه ؟؟
عقيق.. خلي لبابه دكول لجراح ونروح ويكولون
حته عمات السبع يجن لان يحبن ياسين ابن عمهن
فجر.. حبتهن سليمه ...

عقيق.. كلنه لبابه جانت ممداومه خابرت جراح
جان صوته عالي يكلهه تدلل لبابتي اني ركضت
للبيت اصيح جمرررره جمرررره...

السبع.. هاااا شكوو
عقيق.. خلي اروح اشتري ملابس ويه البنات
السبع.. جيبي هاي العصه هلي اكسرهه عليج
هو هيج عبالي صار شي

عقيق.. اتحمست يله كول روحي
السبع.. منو ياخذكم
عقيق.. جراح
السبع.. روحي واشتري شي مستور ترى عرس
جبير والقريه كلهه تجي

عقيق.. بسته من خده وركضت بدلت من ردت اطلع
كال عندج فلوس،؟؟ كتله لااا
السبع... لعد بيش رايحه تعاي يمي شلبستي؟؟
عقيق.. بنطرون وعلي قميص شوفه طويل وخليته يلزمه

السبع.. البسي صايه جبه فوكاه لاتروحين للعشار هيج
عقيق.. ماشي راح البس رحت لبست وكتله لبست
اشرلي على الكنتور كال افتحي وهاج المفتاح مال القاصه
فتحتهه بيهه هواي فلوس وحته بالدولار واوراق كومه
كتله فتحتهه

السبع.. اخذي منهه التريدي واقفليهه وانطيني المفتاح
عقيق.. اخذت مبلغ بسيط ورجعت الشده وكعت ورقه
مالحكت اقراهه زين بس ورقه بيهه موافقه من الدوله
ومكتوب اسم المستشفى المرحوم فاضل جريان ...

هو يحجي وياي سديتهه وصلت للباب اريداطلع
فجر بعدهه ماطالعه مااتحملت اسكت رجعت
علي كتله جمره شنو هاي الورقه

السبع.. مال مستشفى؟
عقيق.. شو اسم ابوك بيهه؟؟
السبع.. عقيق انه الله حيل منعم عليه ومبارك برزقي
هاي الخمسه الالف تسوه الميه الف والانسان
الخير والي الله يحبه يكول من يموت تشفعله لوصدقه
جاريه لو ولد صالح يدعو له ...

واني جنت اكول بس الله يمكني ابني مستشفى بثوابه
والحمدلله من عرفتج وره شهرين حصلت موافقه
واني بنيتهه من جنت اروح اشهر هي حكوميه
بس البناء متبرع حته مايستغلهه القطاع الخاص
وسميتهه باسمه مستشفى المرحوم فاضل جريان

عقيق.. دمعت عيني كتله ابوك اجته صدقه جاريه
وولد صالح يدعو له هاي ثوابهه عظيم ولاتعتقد
راح تظل هيج والله هسه باعمالك الخيريه الله يفتحلك
باب ويرجعلك نظرك

صاحت فجر بوسته وطلعت حيل فخوره بي مرات ابدي
احطه فوك راسه واخلي الناس كلهه تشوفه
هواي ناس عدهم فلوس ويطردون حته اليدك بابهم

صعدنه بالسياره وبالي يم السبع جان الشارع
بي اعمار دخلنه بغير شارع تعبان حيل ابيوتهم تجاوز
وتنك وطين يكسرون الخاطر كلت بس ارجع احجي
للسبع موعنده فلوس بالقاصه خلي يساعدهم ...

افترينه هواي وكل وحده اشترت التحتاجه
ردت شي للسبع كلت لجراح راح اشتراله
ورجعنه كمت اطلع بالملابس واحجيله وهو مبتسم
اكله حلو يكلي ايي حلو ويضحك

انطيته تشيرت وغتره يلبسهه ويه دشداشته الجديده
فصلهه وكمت احجيله عن الحي الشفته كال
الله كريم عيوني خانت بيه اسال عنهم وانشوف

عزمونه على الحنه بليل يسوون حنه للولد وبعاداتهم
يعزمون كل القريه ابيت اهل العريس يم الشيخ
ياسين لبست فستان طويل مستور وفجر لبست فستان
كلوش بف وسوت شعرهه وجسمهه حلو حيل مرتبه
طلعت ولبابه هم فستان مرتب ورحنه ...

كاعدين بصف ام جراح وعمات السبع كدامنه
ماعاجبهن الوضع صارت ب11 كالو السبع
يكول يله يريد مرته يروحون كمنه كلنه
طلعنه لكينه جراح واواب وياسين والسبع
بس ضرغام مكانه فارغ

ياسين.. السبع ظل هنا انطيك حجرتي
السبع... لا ياسين تعبت من الهوسه الصبح نجي
جراح يظل شعنده باجر ماكو دوام
جراح.. من يعرس اواب نظل

ياسين.. لا ماتظل ماترهم
جراح.. ليش؟
ياسين.. بعدين تعرف ليش اخلي ازلامنه يوصلوكم
جراح.. لا مايحتاج تكفينه السياره

عقيق.. سلمنه عليهم وطلعنه ثاني يوم السبع عاند
وماقبل انروح للعرس شكد حاولت وياه وصاح بيه
لاول مره وكال لاتدخلين كلجن ماتروحن بس ام جراح

سكتنه وماعرفنه عليمن حته هو ماراح
بس جراح اخذوا سيارته يزفون العروس
وكاله فشله زفهم انته وكلساع وكال للبابه
يرادلي اجدد وهي تاكل فواكه وتأشرله بالسجينه...

وره اسبوعين ضبط من العرس بليل اندك بابنه
كال جراح ياسين هنا لبست وطلعت السبع
هو راح للاتستقبال واني طبيت ليجوه اقره ويه فجر
اجت ام جراح كالت فجر امشي يريدوج

فجر... منو
ام جراح.. امشي بنتي ماادري شكو بس السبع
حيل عصبي عينج على ابن عمج شيأشرلج وافقي
فجر.. مافهمت شكو طلعت للاستقبال اكو زلم 3 مااعرفهم
وياسين واواب وابن طه العريس والسبع وجراح

اشرلي ياسين اكعد كعدت بصف جراح وعيني
على السبع للاسف عيونه خانت بي جان من نظره
وحده افتهمه بس يبقه شي جبير بالنسبه الي وقبل
لاينطق اعرفه...

ياسين.. بويه فجر كلامي وياج انتي احنه
جايين نطلب ايدج لأبني اواب وعلى دراستج
والتطلبينه نكول تم انريد نسمع منج اذا تفكرين
الج الوقت واذا رافضه كليلنه ...

فجر.. اجت عيني على السبع تصرفاته كلهه ادل
على عصبيته ضاغط على ايده بقوه ردته ينتبه
عليه ردت يباوع لجهتي حته اعرف احجي كلت
السبع بسرعه التفتلي كملت كلامي كلت السبع
ليش ماكالي ليش دزيتوا عليه؟؟

ياسين.. احسن يابويه اذا تفكرين كولي واذا رافضه
هم انطينه رايج انتي بنيتنه
فجر.. ركزت زين على السبع واكو احساس بداخلي
ادري مايخيبني احساسي

لمحت هزه خفيفه وهو يهزلي راسه لاتوافقين
جنت فاصله عنهم كل تركيزي بين السبع وبين
احساسي وافتهمت السبع رافض اكثر من مره
هزلي راسه بخفه حته لايبين بسرعه كلت لا مموافقه
وكمت طلعت !!!!
.
.
يتبع.........

#خبايا_الاقدار
❤️🍁

... البارت السبعون

.....

چَـا و گلبي ؟
چَـا وكسـري ؟
چَـا عفـت كلشي وبَعتني ؟
چَـا شگلك فرگاك هَيـّن ؟
شنسى يا لچمه واعذرك ؟
چَـا والعيون البچتلك ؟
والدرابين الخذت صوتي ومشتلك ؟
چَـا والعـزاز العفتها ؟
والبچي ؟ ودگـات گلبك ؟
ورجفتك وخوفك ؟
ذَني شنهي ؟....
....

فجر..طلعت بسرعه من الاستقبال وماادري ردة الفعل شنو
وراي ولاحته باوعت بوجه اواب لو فرضا موهيج الموقف
اقبل بسرعه اذا نفذ شرط دراستي اوافق لان حاسبتهه من
كل الجهات هو المناسب واني احمل اله مشاعر ...

كلبي يدك سريع وشفايفي ترجف اكو صوت بداخلي
يكول السويتي صحيح اتبعي السبع واكو شي ثاني
يكول خاف غلطتي واحتمال اواب يروح يشوف غيرج

نبهني صوت عمتي ام جراح وهي دكلي ليش رفضتي
يابنتي والله لو قبل خاطب ابرار انطيهه اواب كامل
مكمل والكمال لله وانتي يتيمه وينراد من يحميج من
بطش عمج

فجر.. السبع ماموافق
ام جراح.. ليش ماموافق هو ماحجه شي السبع انه سمعتهم
كاله ياسين جينه نخطب فجر لاواب بالاول سكت
وبعدين كال بعدهه صغيره وفجر مدلله عدنه والزواج مسوؤليه وانه اريدهه تكمل دراستهه

وياسين كاله دراستهه تظل عليهه وانه بمثابه ابوهه
وتعرفني زين انه اخوك وعضيدك واواب حاله من
حال جراح بس اذا اكو اسباب ثانيه حجيلنه بيهه!!

السبع.. لا مااكو اسباب احنه اهل اسألهه واردلكم خبر
اذا ماقابله سدو الموضوع لان هي هستوهه بدت
تشافه ومرت بصدمه بعد وفاه امهه

وياسين لح واصر اله يسالهه كدامهم والظاهر
اكو شي ولو ياسين افتهم السبع ماقابل وراد
ياخذ الجواب منج وانه ادري وامه كالتلي هو رايدج
وانتي هم اشوف عندج مشاعر اتجاهه

فجر.. تعتقدين ياعمه كل السواه النه السبع واخذله
هو اعرف بمصلحتي حتلو اواب مناسب وحتلو الي
مشاعر اله بس السبع مثل بابا الله يرحمه لو بابا
مموافق قابل اعانده واكسر كلمته كدامهم واسوي البراسي
اني اثق بالسبع حيل ومن رفض معناتهه اكو سبب ..

ام جراح.. الله يكمل عقلج يابنتي رغم صغرج
بس مره معدله جنهم راحوا خلوني نطلع
عقيق.. طلعنه من الغرفه صاح جراح عقيق
السبع راح للبيت بسرعه ركضت وراه لان جراح يأشرلي
بسرعه..

طبيت للبيت لكيته واكف بالمطبخ ومخلي ايده
على الكاونتر مثل الدايخ لزمته من زنده وكتله
هاجمره بيك شي تعال اكعد..

جر ايده مني وكال اقفلي الباب تفاجأت من تصرفه
قفلت باب المطبخ وطبينه للصاله مااحسه غير
يلزمني من زندي بحركه سريعه ومثل اليعت بيه
حته احسهه انخلعت حاجاني بعصبيه انتي تسترين
لفجر واواب؟؟

عقيق.. لا والله ايدي جمره مامسويه شي؟؟
السبع.. شنو بين فجر واواب احجي
عقيق.. شمدريني وبجيت بسرعه عوف ايدي
اني شعليه

عافني وكعد على القنفه فرك راسه واني ابجي
مامتعوده هيج يعاملني وهاي اول مره رحت
للغرفه نمت على الجربايه وغطيت راسي وحيل
مستهضمه حته كلبي اوجعني..

شويه واحسه يم راسي كال عقيق وينج
ماجاوبته!! رد كال عقيق اذا تسمعيني
وساكته املص اذانج وينج ..

عقيق.. شتريد مني اجو يخطبون فجر اني شعليه
حته هيج تسوي بيه
السبع.. شسويت لان لزمتج من زندج لاتجذبين عليه
تدرين بفجر واواب بنصجن كاعد لو لان ماعندي نظر
اعمه هيج تسون

عقيق.. شمسوين شو مدري شتحجي
السبع.. كومي اكعدي لاتبجين وغسلي وتعاي احاجيج
عقيق.. مااغسل ومااسكت اريد اظل ابجي

السبع.. عقيق راسي راح ينفجر دكومين لولا وبطلي
بجي يله بويه
عقيق.. شلت الغطه وكمت غسلت واجيت كعدت يمه
كال بعدج تناشغين عليمن كل هالبجي
عقيق.. بعرس ابن طه صيحت عليه وهسه هم بعد شكم
يوم عود ضربني والله ياجمره اذا مديت ايدك عليه
تعرف شسوي

السبع.. شتسوين؟
عقيق.. ازاعلك
السبع.. تعاي بصفي ادني
عقيق.. انت ادنه اني ماادنه
السبع.. عقيق تعاي يابنيتي تعرفين معزتج عندي
بس ادري ومتاكد انتي تدرين والجان ومستره الهه
اكثر من مره

عقيق.. وشسوت جريمه واذا حبت اواب اني موحبيتك
لو حلال عليك وحرام على غيرك وضرغام موحب رانيا
وجراح ولبابه كلهه حبت بس من وصلت لفجر ماقبلتوا
وليش ترفض اواب انت قابل غلط

السبع.. والله العظيم وروح ابوي ياعقيق لا اكوملج
افرك حلكج من متعلمه هاللسان الطويل كومي اخذيلج
راشدي بعدني ماكبرت وماصار سنه من عميت وصوتج
شعلوه وتمرعدين هاي هيج مربيج اني

عقيق.. ماقصدي اعلي صوتي بس انقهرت
السبع.. عينك عينك وادافعين وتدرين على علاقه
هم لبابه ماسوت علاقه شهرين وخطبهه وضرغام ورانيا
هم يعلمونه كبار بالعمر مو تقارنين فجر برانيا وانتي
يالنادره من اول يوم انتي مرتي ماتمعشقت وياج

عقيق.. هي ماعدهه علاقه
السبع.. چاا شعدهم احجيلي
عقيق.. هو من يجي انعجبت بي ماعدهم شي لاتخابره
ولايخابرهه وانت تعرف اواب ابن شيخ مايطلع شي منه

السبع.. هم خوش بعشه ياسين شعدهه بغرفته ولادكولين
ماادري انتي مسويتلهه مجال
عقيق.. عزه بعيني اني شعليه واصلا هي بنت خالته
كالتلهه تعالي اقريج ودكول اجه اواب اثنينه ماندري
وانت شمدريك؟؟

السبع.. اسمعي اني من تكفلت هلكد بنات ومسوؤليه براسي
مااريد احد يجيبهن بحجايه بحنه ابن طه بليل ااثنين من رجوله عماتي كالولي بين فجر واواب علاقه وواصله للجبار
وكايل جبار اذا انطاهه السبع اله يعني صدك عدهم علاقه
اله انهي عليهه ورفضت حته تنجب الحلوك ويكولون جذب
طلع الحجي..واجت عمتي ام جاسم كالتلي على الغرفه وكالت مرتك هي مصعدتهه وحته من يجي ياخذجن من المدرسه
مرات هم يدرون

عقيق.. يله ارتاحوا رفضته وانت عصبي عليه
فجر تنخطب وعقيق تترزل
السبع.. يعني هسه بسالفه العشه ماصار شي؟؟
عقيق.. مثل ماحجيتلك

السبع.. زعلتي؟؟
عقيق.. اااي
السبع.. تعاي ارضيج
عقيق.. انت تعال
السبع.. عبالي ماتقبلين
تدرين بيه مااعصب بس من السالفه التمسني فجر بعدين
احاسبهه اذا عدهه مشاعر اله المفروض مايوصل الحجي لجبار

عقيق.. كمت كعدت بصفه لان ضايج كتله مازعلانه
باسني من راسي وكال اعتذر لان بجيتج
سندت راسي على كتفه وكتله مازعلانه...

ثاني يوم دز على فجر رزلهه وهي ساكته بالاخير
اعتذرت منه يمكن اسبوع مواكثر وسمعنه خبر
اواب سافر للخارج يدرس وحته امه دخلت مستشفى
وراه وعاف كلشي حته عيادته وسافر بدون حته بعد
ماشاف فجر...

فجر دخلت بحاله كأبه ضايجه وحته بجت علي
لان شلون السببتله خيبه امل جان متأمل هي
توافق او هي تحمله نفس المشاعر بس عاف كلشي
وسافر بنفس الدوله هو وابرار...

هدوء الوضع حيل ماكو شي كلمن ملتهي بحياته
السبع يجون يمه جماعته يلتهي وياهم ومرات
يتغدون يمنه لان كعدت البيت تكأب الواحد ولبابه
حملهه زين واهل نوال صح كدامنه ساكنين بس
مالهم علاقه بينه ...

نتواصل ويه رانيا دكول زينه واختهه اسبوع وراجعه
علمود المدارس وكالت على اساس ترجع بعد
ماتخلص المدارس ووضعهه هي وضرغام زين
وتاكدت هو صدك مطلك اقبال بس سمعنه من ياسين
من مطلكهه وخلصت العده متزوجهه ابن عمهه مثل
ماجانت خايفه ...

بعد مرور6 اشهر...

اليوم النتائج مالتنه اني وفجر ولبابه بطنهه لخشمهه
دخلت بالثامن وكلساع وصاحت راح اجيب من وراجن
وفجر ماخلت شي مااكلته حته تمر يابس علسته

ايدي على كلبي جنت حيل زينه بالامتحانات
والسبع كلساع وكال لجراح هابشر عود صديق
جراح يخابر ويكول النه تعبت من الوكفه
اريد اتخربط من القلق دك تليفون جراح
كلنه كمزنه السبع سحبني من ايدي وكال اكعدي ...

اسمع جراح يخابر ضحك وعبس ويسوي اااي
لااا ثول اااي هي اسلاميه اااي هااا زين
اااي لا حرامات يله يخوي مشكور تعبناك

سده وكال عقيق 82 ناجحه وفجر 65
واكمال بالرياضيات وجايبه 50 بالاسلاميه
ولج دين دين محمد وتاخذين 50 لو مدرسيج
الزبور شسويتي..

من فرحتي كمزت بنصهم واني اشمر نفسي
بحضن السبع وابجي يضحك ويهمس يم اذني
عقيق عيب موكدام البنات بس ماحسيت على روحي
ابوس بلبابه واكرص بخدود فجر وهي مبرطمه
وصافنه..

ام جراح.. مبروك بنيتي گرة عينك يمه السبع
ربيتهه بيدك وكبرتهه ورفعت راسك بالعافيه
عليج حبيبه

عقيق.. الله يبارك بيج خاله مامصدكه جنت
اتمنى اصير مدرسه راح اصير
جراح.. معدلج زين يقبلج تقنيات طبيه
البصره وقسم تحليلات توب وحته يقبلج هندسه

عقيق.. لا لا اريد مدرسه السبع اريد تربيه
السبع.. التريدي يصير وين فجر مالهه صوت
فجر.. هناااا

السبع.. اقري لدور الثاني هو درس واوعدج
اوديج القسم التريدي اهلي بس انجحي
فجر.. مبروك عقيق
عقيق.. شكرا فجوره اني وياج ندرس رياضيات
وتنجحين لاتضوجين
ام جراح.. عمة عيني يايمه اواب هي تفتهم بس علي
شمحلات درجاتهه من جان يقريهه

جراح.. منين انجيب اواب استقر هناك وانتهه
ومامفكر يرجع حته ياسين ضغط وسكر
صار بي وكبر عشر اسنين من وراه اتخذ قرار
صدم ابو وهو هالواحد عنده

ام جراح.. وامه خطيه بس دكلهه شلونج تبجي
دكول عافني وراح وحيدي عافني وحته ينتظر ياخذ
جنسيه هناك وانتهت يكول مااجي بعد دراسته
ومستقبله هناك

عقيق.. شاورت السبع كوم لبيتنه
السبع.. اثگلي جاي يسولفون
عقيق.. سالفتي اهم
السبع.. موسالفتي قويه واحنه مانريد انيمج مستشفى

عقيق.. فتحت عيني بوسعهه وسكتت شويه وكمنه لبيتنه
باسني هواي وكال شنو تريدين كولي جنت فرحانه
حيل وهو فرحان والتليفون ماسكت شكد خابروا
يباركون اله حته جبار خابره يكله رفعت راسك مرتك ...

لبابه... جراح عندي الم قوي
جراح.. مو اخذتج وكالتلج تقلصات
لبابه.. شوكت اجيب واخلص
جراح.. اني الي اخلص ولج 9 اشهر صارلي
الله اكبر

لبابه.. خلصت خلصت غير علمود ابنك موكالك
الطبيب ممنوع متسيطر على نفسيتك وتروح
تسويلنه مصيبه خلي يطلع ابنه سلامات..

جراح.. راح اروح يم جماعتي اذا حسيتي
بشي خابريني
لبابه.. ماشي راح امدد طلع جراح جانت ب8
بليل ومددت يمكن نص ساعه والم قوي اجاني
اني بنص الثامن واشوف مي ينزل كمت اصيح
عمتي اجت عليه مالحكنه حته نخابر جراح
خابرنه على السايق اجانه وبالطريق يله كناله

وصلت للمستشفى اخذوني للصاله الولاده
كالز ولاده مبكره مااعرف شحجي بس مشكولات
الذمه ليوم الدين وتطلع الحوبه بيهن وبجهالهن
اني صغيره واول مره الي وبدون امي وهن متوحشات
دفعن عمتي ودخلني للصاله من 8 بليل للوحده واني
اتلوى من الالم ويكللي اطلگي وجيبي

اصيح على الدكتوره ماتتحاجه دكلي حالج من حالهن
عندج ولاده جيبي طبيعي العمليات مقبطه
اصرخ طلعوني اجيب على حسابي بس الدم
وصريخ النسوان

كل هذا وجنت احس بي شلون ينبض بداخلي
شوي شوي حسيته تعب كلت للممرضه طلعوني
مااريد طبيعي كالن العمليات بيهه اعمار كلساع حجه
ايست ظليت بس ابجي واتلوى من الالم وللفجر
سمعت صوت الاذان واني ادعي جعت وعطشت
مااستنظف اشرب من الكلاصات اديهن كلساع بمكان

بده الجو يتكشف وفجاه انفجر مي الراس واني
اعيط يريدن يلحكن مايلحكن بعد وحده تضرب بثانيه
وكل هذا وخلني اطلك وماصاحن الطبيبه لحدما تعبت
احس الطفل يقاوم يريد يطلع يريد يشتم الهوه
واني ماجاي اساعده...

بعدهه فقدت ماادري بروحي مافتحت عيني غير بغرفه جديده وام جراح تحاجيني يمه لبابه تسمعيني
واني اصيح ماما وينج...

بديت انتبه شويه شويه سألت عن ابني جراح باسني
من راسي وكال تعبان بالخدج سكتت بس الم قوي
عندي انطوني مهدء ونمت...

عقيق... رحت ويه جراح اخذنه اني وعقيق انشوفهه
لان بالجناح الخاص الطفل ميت ابطنهه سولفت النه
عمه ام جراح دكول اخذوهه مني للصاله وكلساع اسال
عنهه ومحد يكلي حته فلوس دافعه يكلولهه بعدهه
ومابيهه شي وعبالهه حالهه حال النسوان

لحدما الصبح طالعات يركضن يصيحن منو الويه لبابه
وقعوا على عمليتهه راح تموت رحمهه راح ينفجر
وراكضه عمتي للحديقه لجراح ينتظر وبيومهه تطلعت
عصبيه جراح حته ويه مدير المستشفى متعارك
وموقع على العمليه واخذوا لبابه من الاموات

طلعوا الطفل ميت ابطنهه وهي مثل الطلي المذبوح
دكول مغطيهه بنايلون من النزف 9 بطاله دم مخليلهه
حته كانيولات اثنين باديهه اثنينهم ووجهه اصفر من النزف وماكالولهه ابنج مات لان خافوا عليهه..

جراح بيومهه اشتكه على الطبيبه وعلى المستشفى وواحد يشمرهه براس الثاني وذبوهه براس الممرضات
ولبابه يوم كامل وهي مامنتبهه
من درت بي ميت تخبلت بجت شكد حته تشهك ولازمه
عمليتهه واحنه انسكت بيهه طلعناهه للبيت
وهي دموعهه ماوكفت

جراح.. لبابه حبيبتي الله انطا والله اخذه لاتسوين بروحج هيج انتي امه وانه ابو وكلبي محترك بس اهم
شي سلامتج صيري زينه ونسوي غيره والله يقسمه النه

لبابه.. تعب 9 اشهر جراح راح بلحظه غلطه من ناس
ماعدهه انسانيه عمتي دكول ادزلج لفات بيدهن وهن
ماينطيني متت جوع واتوسل بيهن اسوي عمليه
يكولن بيهه اعمار

جراح.. اذا ظليتي هيج شراح تحصلين الولد راح
لاتعترضين على امر الله لابيدج ولابيدي صار سبب
وراح انتبهي على صحتج حته دوامي عفته مااكدر
اعوفج هيج

لبابه.. خسارتي جبيره الامل الوحيد التعلقت بي بعد
ماما وحته جنت فرحانه لان على ايده تحسن جراح
واهسه احس راح نرجع من جد وجديد رضيت بقسمه رب العالمين واصبر بروحي هذا ثاني طفل الي ومالزمهم
بيدي مااعرف شنو هذا الابتلاء الحمدلله...

رانيا.. شكد راجعت على الحمل كلهه دكول اكعدي
واسكتي تعقدت من هذا الموضوع واني اشوف ضرغام
راسه متروس شيب وماعنده ولد يشيل اسمه ومااخلف
بعد يوميه بمحافظه ياخذني وانقطعت السبل
وانكتب على گصتي مااخلف بعد ...

صرت احس بنقص واخاف ضرغام بحجه الولد
يتزوج جان ملتهي بدوامه وشغله واجتماعات يوميه
بس القلق موتني رغم تعاملنه نفسه ونفس سوالفه
وغزله بس المسوؤليه كبرت من كبروا الجهال ...

اشترينه بيت واستقريته خلصنه من الايجارات
البيت موجبير جيل بس بي حديقه ومرتب
جنه مختنكين بهذا مباشر لشارع وهسه المنطقه
هم حلوه سهاد تتواصل ويانه هناك تشتغل بشركه
مبيعات ورجلهه مامهتمه ابد

سألت ضرغام منين عرفت كل هاي السوالف كال رجلهه
رايح لخالج وماخذ رقمي وخابرني والتقيت بي وحجالي
علمود بناته يريد يرفع دعوه عليهه ياخذ البنات شو بعدين غير رأيه واتزوج واستقر واخته من دوله
لدوله هي وبنات اثنين

ماما تعبت من كدما نصحتهه وماتسمع حسام
مالنه علاقه بي وحته منندله وين لان بايع بيته
ومدري وين ساكن هم سمعنه الاخبار من خالي
يحجيهن لأمي وماتساله بسرعه تغير الموضوع...

اتفقنه على يوم انروح للبصره ماباركنه لنجاج عقيق
واحنه هم عطله انروح شكم اسبوع وضرغام يكول
ميت على البصره وحرهه لان صارله اشهر مارايح
يكول ابتليت بيج طلعتيني من اهلي وسويتيني
بغدادي هاي لازمهه عليه..

خابرت سهاد كالت جايين انخبصت ياربي هم اختي
وهم بناتهه مو راحه بس ماعدهه احد وين تروح
وحته ضرغام حجه عليه استحيت من نفسي
لان زوجي رحب بيهه واني مااريدهه بس كلبي
ملجوم منهه ماانسه دكتهه ببابا...

راح ضرغام جابهه من المطار ونفس الاناقه واللبس
وفوكاهه حليانات اكثر يوميه العصر تاخذهم وتفتر
ببغداد واني اشتعل وماما دكول شعليج بس تبقه
مطلقه وبناتهه شابات ونص حجاب وزمنه موحلو

بيوم الي انريد انروح وصيتهه على البيت وكتلهه
عدنه سفر للبصره هاي لزكت وراحن كالن لضرغام
واصلا ضرغام ماقبل يبقن وحدهن كال لازم هم اخليلهن
حارس والصراحه مااثق وحدهن بدون رجال...

وصيتهه وكالن شوفينه حته حجاب نلبس كلت
نكعد ابيتنه هناك ونسكت وتبقه اختي واني اطلب
الفرج من الله رحنه للبصره بسياره اجره لان ماتكفينه
سياره ضرغام ووصه واحد من جماعته يجيبهه من هذوله اليداومون بالبصره...

وصلنه للبصره ميتين تعب بيتنه مرتبته عقيق
وفجر بحيث بسرعه نمنه ماكعدنه للمغرب
ام جراح مسويتلنه عشه رحنه تعشينه واندك الباب
ام نوال سوتهه مفاجئه وكالت معزومين على خطبه
نوال لواحد من اصدقاء ابوهه واخيرا خلصت منهه لبابه..

بيومهه بليل السبع وضرغام وجراح طلعوا للشط
كالو مانجي للصبح واني وسهاد وبناهه بالبيت
واجن البنات يمنه وظلينه سهرانين سهاد مرحه
حيل وتضحك وانطلقن وياهه ..

عقيق.. فجر ملاحظه نفسج شلون صايره
ضعفانه حيل ودومج كئيبه وين راحت ضحكتج
فجر.. ويه المسافغ
عقيق.. تحبي؟؟

فجر.. عقيق. اسكتي عني اواب اني غفضته وهو
من زمان كال اكو فكغه دغاسه بالخاغج اباله ومن سافغ
وشاف الغوسيات نسه فجغ ام الشحم

عقيق.. يعني بعد ميجي
فجر.. لااا مايجي تثقين باحساسي قبل لا يسافغ
اجاني احساس بشع وراح افاغكه للابد حته ماشفته
بعد عقيق اني مشتاقتله اله وللمداهغ ( للمداهر ) مالته
من يقلد عليه خلي يرجع حته اصير عود والعب رياضه

عقيق.. لتحجين هيج اذا يحبج يرجع
واذا الله قاسمه لوبعد بحار يصير بس انتبهي
على نفسج وادخلي كليه مااكدر اغلبج ترى انتظرج

هزت راسهه وسكتت شكد جانت تضحك وتشاقه
وياي هسه دومهه صافنه ومرات الكه عيونهه
حمر اكثر الاوقات الكاهه لابسه قمصلته بالشته
وعيونهه مدمعه رفضته وسافر ومااعرف السبع
راضي عن الصار لو محسب لغير شي...

لبابه.. تحسنت حالتي ورجعت زينه واخذت نتيجته
ناجحه للثالث السنين تركض واني بكل سنه
يروحلي طفل علاقتنه اني وجراح زينه مثل قبل
بس جسمي تكيف وياه وهو هم يحاول يقلل عنف ...

عقيق.. اريد اصير ام
السبع.. ضحك انراجع طبيبج اذا كال عادي
نسوي طفل
عقيق.. واذا كال مايصير
السبع.. نكعد ونسكت

عقيق.. وانت ماتريد ولد يشيل اسمك واسم ابوك
السبع.. انتي كل اهلي اطلع من الدنيا ومامأذيج
كلش كافيه يجوز يجي الولد مثل جبار من جدي
جريان حصل بس المسبه منه

عقيق.. راح احجي بس اسمعني اذا كال الطبيب
مايصير انت لازم تزوج وتخلف اني مااكدر اظل
اباوعلك الشيب مالي راسك وماعندك ولد
جمره انت بعمر عاصم وعاصم هسه جد

السبع.. اتزوج ؟؟ وانتي تتحملين تشوفيني
ويه غيرج
عقيق.. بجيت بسرعه
السبع.. هااا اذا موكدهه شكو تحجين وجرني من ركبتي
حضني مسح دموعي باديه الخشنه وباسني وهو يطمن بيه ...

لبابه.. مرت ايام طويله وضرغام رجع لبغداد وجراح
سولته ببغداد كل يومين والثالث وراح يكول شغل
لو يكول ويه جماعتي

دخلنه بسنه 2012 وماكو شي جديد حياتنه
حالنه حال الناس والسبع اي تحسن ماكو لحالته
وانوب موضوع عقيق مال الحمل لازم تسوي عمليه
لقبلهه يله يشوفون مدى قوته واستجابته وهالشي
دخل الكل بالقلق

فجر نجحت والسبع دفعلهه فلوس وقدملهه
تقنيات اهلي لان قبول عقيق تقنيات وخلصن
المرحله الاولى ونجحن لان يقرن سوه ونوال تزوجت
وخلصت بس حياتنه حلوه ومابيهه اي مشكله
وخلصانين من جبار بعد مارجع الحق واخذنه الكاع...

بيوم منهن اغسل ملابس قميص جراح شلته دورته خاف
شي بجيبه بس اجتني ريحه قويه عطر نسائي
قوي شامته عند البنات الوياي استغفرت وتعوذت من الشيطان هم رجعنه للشك صايره فدمره لان ماصار عندي
حمل افكر خاف منا منا عنده...

ظل الموضوع ابالي من سألته ضحك كال شلج
بهاي السالفه هو عطري نفسه لاتظلين ادورين
سوالف خلصت من نوال رجعتي بسالفه جديده

ومرت الايام وكل مره اشتم نفس العطر وروحه
جراح لبغداد ماتخلص حته من يتقربلي احسه
مفرغ طاقته العنيفه مومثل قبل ومرات اكول لا هو تحسن بس من يبقه هواي مايروح لبغداد احس بي
يرجع مثل السابق ومن يروح يجي ايام وهو مايتقرب
وارجع اكول لا ماكو شي هم مثل نوال اكلت
راسه وتالي ماكو شي

طبيت للغرفه جان يبدل وداير وجهه
اجت عيني على ظهره متروس خراميش
صح بي اثار تعذيب بس هاي الاثار جديده
ومال اظافر بسرعه صحت جراااااااح...


يتبع .......

هههه..يله مبقى شي يومين او 3 ايام واختمها 🥰✨

#ملوكه

حبي هو تبيض بشكل مؤقت..يعني مو دائمي

حاله حال اي مبيضات
من تغسلين جم مرة او تركي لفترة..ترجع بشرتج نفس قبل☹️ ومرات يسوي تصبغات

#ملوكه

نصيحة للبنوتة
عفيه عليج 🥺🦋حجيتي اللي بكلبي

هو اهم شي أي وحده قبل لاتتزوج كون من أول يوم تفرض شخصيتها وتبين لخطيبها أنو تكمل دراستها اوتحب تشتغل..

#ملوكه

عيوني لمدة 3ايام استعملي ماسك التمن حته تنشف الحبوب🌚🌺وطريقته هسه اوجهه

#ملوكه