العشه وتعشو هوه مانزل ولا اني صعدت شفته عاد راحو ولميت البيت اني والبنات ردت انام يم سمر عمتي ماقبلت كالت اني يمهه واحمد يمهه صعدي يم رجلج

اجه عمي كال

اكولج قمر انتي موعندج وكاله بتقاعد امج

اي عمو عندي

لعد ليش مدتستلمين الراتب حرامات يبقى الهم انتي حتى معاقده محكمه حتى يعرفون متزوجه ويكطعو بس عاقده شيخ

والله عمو صحيح اني هم ناسيته

هوه ميروح هسه يطلعون جامعي شدكولين انروح باجر ونشوف

والله عمو بكيفك

لعد الصبح حضري نفسج

ان شالله عمو

صاحتلي سمر بحجه اغطيه صرت قريبة عليه كالت

اكولج كولي الفهد باجر اروح ويه عمي تره اذا مدكوليه يسويه سالفه وهوه يدور حجه

هم صحيح همزين ذكرتيني يله تصبحين عل خير

وانتي من اهله

صعدت جان نايم عل بطنه جفي من سديت الباب رفع راسه شافني ورجع الوضعه تمشيت ليمه

فهد كاعد

شتردين

عمي كالي باجر ترحين وياي عل مود موعامله التقاعد صار كم شهر ممستلمه

ممنوع

شنو ممنوع

يعني ممنوع ترحين

ليش

انتي محتاجتهن

لا بس حرامات اني عندي وكاله والي حق استلم راتب ليش اعوفهن

كتلج مترحين

يحجي برود وممهتم وحتى ميباوع عليه من يحجي كتله بنتر

لعد انت كول العمي متروح

اي ميخالف

عفته ورحت لفيت راسي ونمت لصبح كعدت عل صوت الموبايل هوه جاوبت

الووووو

هاااا شلونج

هلوو ووو

نايمه

اي هسه كعدت

دكومي بدلي وروحي وياه ابويه للمعامله

مو البارحه عل اساس ممنوع اروح

لا تلغين زايد الباحة كتلج وهسه غيرت رأي عندج عتراض

مجاوبت

وينج

وياك وياك

ديلا مع السلامه

الله وياك

سديته وكلت اكيد عمي كله مولحاله نزلت كلت اتكد

كلي عمي وينج عمو موكتلج الصبح راح علينه الوكت

كتله هسه ابدل رحت بسرعه اشوف سمر شلونه اليوم

هاااااا سمر شلونج اليوم

حبيبتي زينه الحمدالله

يله راح ابدل تأخرت عل عمو

اكولج شنو فهد كتيله وماقبل ترحين

اي شمدريج

سمعته الصبح كال العمتي كولي لبويه قمر متروح فهد ميقبل

اي وتالي

عمي خابره قبل شويه حجه عليه كله شنو هيه غير ويايه اشو انت متحترم

امممممممم اكول خابرني والله عرفته يله راح اروح

عفته ورحت بدلت ورحنه هوسه ودوخه وجيب ووادي وكل هذا واجلونه رجعنا هلكانين تعب تغدينه ومكدرت انام عندي ملابس غسلتهن وسبحت اشو بسرعه صار العصر اليوم فهد تأخر ومن تجزي 4العصر يعني يبات سبحت سمر وبدلتله ورهف هم ومر الوكت بليل صعدت دانام شفت 3 موكالمات من فهد طفيت الضوه ومددت رجع دك جاوبت

الووووو

هاء شلونج

هلوووو فهد

شلونكم

الحمد الله

شسويتو عل معامله

والله اجلونه عل سبوع الجاي

ليش مخابرتوني جان جيت مشيتهه

والله مادري غير عمو هوه اعرف

هااااا اي شلونج

زينه

وين انتي

بلبيت قابل وين

ادري بلبيت قابل بمكه قصدي وين بغرفتنه

اي

هممم وين عل جربايه لو بلكاع

عل جربايه

جبانه لعد ليش تلهزمين بلكاع من اني موجود

سكتت

وينج

وياك

شلابسه

فهههههد

شبيج سلتج جاوبي

دشداشه

وجواهه

شعليك

مو اجي هسه واشوف بنفسي

متكدر

والله تره اسويه

سكتت كليلي يالون

هوه شنو يالون

كلشي لابسته جوه الدشداشه كوليلي لونه

فهههههههههد

كتلج بلقران اجي

كلمن لون شكل شنو اني اكوم اعدد

جذابه

شنو جذابة

اني منتبهلج كله تلبسين نفس الون

لا والله

اي والله مثلن من جانت رهف نايمه بحضنج وايده بصدرج جنتي لابسه سمائي ومن جنتي تبدلين لابسه وردي هسه شنو لابسه

ماروني

اااااااااخ الله لوهسه يمج والله العضيم مانزعج اشككهن من كد ممشتاقلج تدرين من شفت ايد رهف عل صدرج لحد الان واني اتخيلهن ومشتعل

عززززززه هذا فهد لو واحد غيره اخاف حلمان لا لا صوته واضح مال واحد كاعد اخاف شارب لا هوه ميشرب من كد ممصدومه بكلامه وممصدكه ومن كد ما انثولت كمت وسديته وياريت ماسدريته عباله سديته بوجه رجع دك بعدني خجلانه مجاوبت دك انوب جاوبت واني هايمه وكلامه مطيرني لسابع سمه بس فاجئني وهوه يصيح

بنت القندره بنت الكلب لج تسددددددد بوجهي والله لنعل سلفله سلفاج كلبه حقيررررررررررررررررر.

.

.
يتبع....

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#بقلم رفل الكناني

#البارت16

نزل عمي كال فهد واحمد راح انزل دقايق تنزلون ورايه اذا منزلتو كلمن يأخذ مرته ويطلع من بيتي

احمد راسن نزل وهوه واكف يمسح بوجه توجهت عليه عمتي لزمته من جتفه

فهد عليك الله تنزل يمه ابوك مريض ولاترادده الزم اعصابك حلفتك بالله

لزمته من ايده وهوه يرجف من الأعصاب ونزلتا انتبهت سمر عليه كالت

الله يكسر ايده شوفي كصتج دذب دم

تلمسته صدك هذا دم بس من الخوف والرهبه ماحسيت حتى ضربني ومادري بشنو ضربني وهيج صار الدم ساره جابت كطن ويديتول عقمته واني كاعده وارجف وابجي وهوه صوته يلعللع بلبيت آخر شي وكف عل درج من جوه صاح
يابه بنت اخوك ماريده بعد مارررررريده لتخلوني اشيل خطيته وافقد اعصابي واضربه ضربه موت

جاوبه عمي

اذا تمد ايدك عليه حضك اطيحه اني صوجي كله مني لك اني ادري بيك مخبل شلون اخلي هاي اليتيمه بيدك

اي اني مخبل واني كوا. .......... فبعد ماريده سمعتوني لو ا صيح اكثرررررررر

صم حلك وطلع بره مدام تعلي صوتك عليه اني غاسل ايدي منك

هوه صاح سسسارررره جيبي السويج بلكت اطلع مارجع

راحت ساره نطته السويج ورجعت كالت ابويه يريدج

سمر كالت لج تحجيله كولشي موتضلين تتبجبجين سولفيله كولشي لاتصيرين جبابه حتى شلون يعاملج من ينام وياج هم سولفيله مابيه عيب لن انتي ماعندج بس الله وعمي خلي يسويلج حل

عاد نزلت عمي كاعد وعمتي تهدي بي احمد شافني وطلع كال عمي

تعالي كعدي عمي

اجيت كعدت

كال

شبيه كصتج

مجاوبت مدنكه

ضربج النذل مو

بجيت

احجيلي كولشي من تزوجتو لحد الان كولشي لاتضمين ولاتستحين اني قبل كايلج وهسه راح اعيده اني امج واني ابوج واني عمج

من كال هيج عبالك اهلي حتيوو وصارو كدامي كمت اشهك واحجي

عموووو شحجيلك مين ابدي منين احجيلك شلون يغلط عليه احجيلك شلون أخذني وجبرني وخلاني سابحه بدمي احجيلك شلون يخابر كدامي واسمعه واسكت احجيلك شلون يجي نص اليل مطكع لو هدومه كوله عطر نسائي لو احجيلك شلون يجي نص اليل يسبح لو احجيلك شلون اغسل فانيلته الداخليه من الحمره شحجيلك عمووووو اني تعبت والله تعبت راح دكولي اخاف انتي مقصره اي اني بلبدايه جنت مقصره لن هوه محتواني معلميني عليه وانت بعينك دتشوف طبعه وهذا طبعه نفسه بلغرفه ويمكن أكثر شلون اسلمه نفسي عمممممو شلون يعني يجيني مطكع ويجبرني عليه والله شنو انتي البارحه مطعتيني زين كعدني فهمني انطيني فرصه

اني احجي وهوه مركز عليه كولش من سكتت كال

كل هذا صاير واني مادري بي هاي اني عايش هيج يسوي بيج من اموت شيسوي لعد اني ليش زوجتج اله اني ردتج لبني خفت من الغريب يستغلج ويكول ماعدهه أحد وياذيج اثاري ابني هيج يسوي والله لومنطيج للغريب يمكن جان قدرني لن نطيته ويكول عمه فلان لج اني وين اروح من الله الله بقرانه شكبره كايل(فماء اليتيم فلا تقهر )ابني موقاهرج ابني ذابحج شكول لرب العالمين اخويه اذا واجهته يوم القيامه شكوله الله وأكبر عليه لعد اني ليش داصلي وكل هاي المضلوميه بيتي وانتي عمي انتي شلون متحمله كل هذا وكاتمه بكلبج موزين منفجرتي

خله راسه بين اديه ويهز برأسه والله لعلمه والله لخلي يحفى حتى يرضيج اني مو حامد اسمعيني من هذا اليوم ترجعين لغرفتج القديمه وتشيلين ايدج منا معليج بي لا باكل ولا بشرب ولا بلبس اريدج تعتبري مموجود سمعتي دتفتهمين نفذي مثل مكتلج

هزيت راسي

عمتي كاعده تسمع كولشي محجت بس نضراته الي بيه عطف يعني غيره وحده جان باوعتلي بحقد يعني مهما يكون الي داشكي منه ابنه اكيد ماكو إم تقبل بس هيه مره حقانيه وتخاف الله كلي عمي

روحي ارتاحي وسوي الي كتلج علي

كمت صعدت فوك طبيت للغرفه الي صايره مهرجان من الكزاز عفته ولميت شكو غرض إليه ورحت لغرفتي الي نطونياه اول مجيت قفلته وكعدت ايدي عل راسي الي راح ينفجر من الصداع واحاجي روحي وابجي بخنيك

وبعد وبعد قمر شراح تشوفين اكثر اليوم رجعت مثل اول يوم دخلت لهاي الغرفه جنت مكسوره عل امي وهسه مكسوره من ابن عمي وحزام ضهري والرجال الي تشوفه العالم كوله بن سوه فضل عليه وتزوجني حتى يحتويني وصار العكس دمرني قبل ميحتويني اني اليوم مذلوله ومكسوره اني اليوم اريد ابويه يوكف بوجه ويدافع عني اني اليوم اريد امي حتى تمسح دمعتي منين اجيبهم منين

سمر تعاركت وياه احمد لن احمد ماقبل عليه كله انتي تجاوزتي عل فهد مهمه يكون يبقى اخويه الجبير وحماج وهمه بيناتهم واحنا دخلنا نفازع ليش لسانج يفلت عل فهد جنه بوحده سويتينه بثنين اني ادري بيج متحمله عليه بس المفروض تحترميني يعني اني خليت نفسي بمكان فهد وقمر مرته تتجاوز عليه واني شكد هادئ واكدر اتحكم بعصابي ستصعبته شلون فهد وهوه نار كبره

جاوبته اختي ونقهرت عليه وشفته شلون يغلط عل اهلنا وهمه ميتين

كله حتى لو المفروض تسكتين ولو ساكته جان تندم ويجوز من يبرد اني متكد يجي ويعتذر مني ومنج اخويه واعرفه بس لسان بهاي سوايتج اني الي حاولت اعتذر منا ورفض يسمعني

يكولي كدامك مرتك تجاوزت عليه بوجودك خليتي اللوم عليه

الوضع بلبيت مشحون بيومه هوه نام بلستقبال عباله اني بلغرفه وثاني يوم راح للدوام بقى يومين اول ماجه سمعت صوته رحت للغرفه قفلته وبعد مانزلت

وره كم يوم رجع كولشي طبيعي احمد وسمر وحتى فهد أسمعه جوه يسولف وياهم عادي بس اني بتعدت وماتواجهت وياه نهائي

ساره وافقو عل الخطابه لجوه وهيه طايره احسه عدهه شي تجاهه صارت الخطبه بلبدايه مرادو خفله كلولهم عدنه وفاء بس اني كعدت وحجيت ويه عمتي كتله ساره خطيه شنو ذنبه هم تريد خطبه حاله حال البنات وامي مضل غير كم شهر للسنه كالت لا عيب عود بلعرس تسوي الي تريده

بس اني حلفته واصريت ال وافقت سوو حفله بسيطه وعزمت خالاته واجني بنات خالاته يتعيقلن

ياء ليش لابسه اسود

غير امي ميته قابل اني دافنه رأس بصل

خطيه شلون فهد قابل تره فهد نسيواني

قابل اني شمسويه

يعني اسود ومحافه شيشوف بيج وهوه ينكرط

شنو هل حجي اعتقد دتحجون عل رجلي تره عيب

اي عيني وابن خالتنه

وحده منهن دكولي

والله اتمنى ليليه وحده وياه فهد والله بس ليليه وبعد كولشي ماريد أضل عمري كوله عايشه عل ذكره هاي اليله

كتله لعد هوه يناسبج بضبط اذا تردين اخذي بلعافيه عليج

عفتهن وكمت الحجي ويه هيج نماذج ضايع يحبن بس النقد والكال والكلت مستحه ماكو محد يفهمني امي الميته ياناس مستكثرين عليه احزن عليه سنه

الحفله كوله اني عل صفحه يعني اشتغل أضيف الناس متريد هيج تريني ادك واركص وانسى امي لليل تعبت كولش نضفنه وكملنا بس اشو روحي مسحونه ضليت لايبه آخر شي كمت اتقيت واكفه عل مغسله وفهد اجه من بره هاي اول مره نتشاوف وره سبوعين من المشكله عمتي اجتي يمي واني مدنكه عل مغسله بلحولي وهوه ديصعد الدرج عمتي كالنت
يولي اخاف حامل

ماكدر احجي معدتي دتدكطع رفعت راسي المرايه كبال الدرج شفته واكف من صارت عيني بعينه راسن دار وجه وصعد غسلت وصعدت شويه وصعدت ساره

هااااا قمر شبيج

مابيه شي بس معدتي شويه كلبت وهسه رتحت

الله عليج يعني زينه

والله زينه شبيج لايضل بالج

سوده عليه والله اليوم تعبتي شفتج

تعبج راحه حبي احناء خوات مابينه كلافه

اي والله وأكثر من خوات

فدوه لكلبج

تردين شي

سلامتج عمري

يله تصبحين عل خير

وانتي من اهله عاد نمت وثاني يوم عمي كال خلي نروح للمعامله والله رحنه والحمد الله الله سهله وستلمت تقاعد جانو جامعي رجعنه للبيت ونمت العصر كعدت عل صوت الهوسه نزلت الدرج واسمع عمي وفهد

اريد أتزوج انتو شعليكم بيه

شنو شعلينه انت مومتزوج بنت عمك

وشكو بيه الشرع محلل اربعه

لك انت تعرف بشرع لوتعرف بشرع جان راعيت هاي اليتيمه

وشبيه تراه كاعده ماكله شاربه نايمه

مكاعده بيتك كاعده بيتي وإذا تزوجت مالك مكان بيتي

هذا موحجي تره ادري انت كتله تعوف الغرفه ومدام هيج مالك حق تمنعي

اي اني كتله لنك موادمي قدرتك وزوجته الك وانت شسويت شكو سالفه طايح حضه سويته وماخفت الله بيه

ههههه اني ماخفت الله بيه اصلن اني لو مااخاف الله جان ماهسه اريد أتزوج اريد ابتعد عنه ومالي شغله بيه انتا مو بعدته عني عمي خلفله عليك اني مو خوش ادمي وماذي بنت اخوك واني ضالم خلص أتزوج وأجيب الي تتحملني
هذا اخر كلام عندك

اي اخر كلام واريدكم تخطبولي

لو تموت اليوم النزوح بي ماريد اشوف وجهك

اني ماشوفكم وجهي اذا مرحتو وخطبتولي

طبك مرض الباب يوسع جمل

يابه ليش تجبرني اجبركم تروحون اني منطي كلمه للعالم

انت وياهم لا اني ابوك ولا اعرفك اذا كسرت كلب هل يتيمه

عجيب ليش اكسر كلبه انت مو خليته تشوف حياته بعيد عني وخليته تعزل نفسه

اي لنك مو خوش ادمي

اي هذهو خلي بنت اخوك يمك واني خليني اشوف دربي

اسمع واكطع يعني اني هوه ممتحملته انوب يجيب وحده مادري منين شراح يسون صعدت ركض للغرفه بقيت احمس بروحي يريد يذلني هوه كلي اكسر خشمج لا لا ماخلي يطلكني غصبن ماعليه بقيت لليل آخر شي قررت احجي وياه واكوله يطلكني ماحجيت وياه أحد ولا نزلت ولا فتحت غرفتي حتى لسمر بقيت انتضره 12 بليل ال اجه سمعت باب غرفته نفتحت ونسدت قويت نفسي روحت دكيت الباب وفتت جان دينزع بنطرونه باوع عليه وشمره حيل عل جربايه كال

خير شكو جايه

اريد احجي وياك

روحي ستذني من عمج اخاف ميقبل موحضرتج تمشين بكلامه

موهذا موضوعنه

لا هذا المره لتعوف غرفته وتسمع كلام غير رجله مالي حجي وياهه

فههههد طلكني

انجبي

كتلك طلكني

لو تموتين

حرام عليك موتريد تتزوج طلكيني وخلصني وتزوج بكيفك

تحلمين اتزوج واجيبه هناء وماطلك

هاي بنضرك رجوله

طلعي بره

طلللللكني

كمز عليه لزمني من فكي عصره حيل

انعل والديج اذا جبتي هاي الكلمه عل لسانج وصوتج ميعله عليه تره اكسر سنونج بحلكج

وخرت ايده حيل ووووخر لاتلزمني

ضربني راشدي وكال

لا صيحن بنت الكلب

لالالاتغلط

دفعني دفعني وطلعني بره وصفك الباب

كمت ادك بيه افتح الباب افتح

وووولي راح اطلعج

ماعوفك تزوج ال طلكني ماعوفك

فتح الباب جرني من جتفي انفتحت باب احمد وسمر وطلعو عبالهم ديكتل بيه اجه احمد يركض وكف بينه

صلو عل محمد يمعودين دنينه اليل منا العالم

كله فهد

هاااااا احمد هم راح تدخل وتعيد الصار ذاك اليوم

عمي والله ماادخل بس اهدو وكعدو تفاهمو تره عيب يوميه صوتنه طالع

احمد شنتفاهم يريد بزوج تعرف شنو يزوج يجب وحده كبالي ويذلني كدامه

طبج مرض واكسر خشمج هم

طللللكني طلللللكني وروح تزوج

جيت عليه واحمد لازمه من صدره

اليوم اطيح حضج داكولج صوتج صوتج بنت القندرررررره

عاد اجتي فكره بالي ماكو غيره احسن ميتعاركون انوب هوه واحمد وهم من ورايه عفت احمد لازمه ورحت ركض الغرفتي لبست جبتي وشال وجريت جنطه مخليته عل صفحه صغيره بيه كل فلس عندي وذهب ومستمسكات سحبته وطلعت همه بعدهم عل وكفتهم نزلت الدرج واحمد يصيح واريه وسمر

وين يمعوده قمر وين تخبلتي وين رايحه هوه يصيح

عوفوهه خل اشوف وين تريد تروح خل تخطي اذا ماكسر رجله

امشي وابجي عمي وعمتي والبنات طلعو وصلت باب المطبخ وسمر حاضنتي

قمرررر فدوه لعينج بس كليلي وين رايحه قمررررر جاوبيني

مجاوبت بس ابجي واوخر بيهم وهوه واكف يم الدرج يصيح فتحوله الباب داشوف وين تروح

عمي ساكت ماحجه بس يباوع وعمتي تصيح

الله واكبر تخبلتو بهليل راح تجلطون الشايب شوفو مصدوم بعمايلكم فضحتونه

بس انطوني شويه مجال احمد وسمر فتحت الباب

وطلعت..

يتبع

طبعا بارحه ردت انزل المسجات...فاني وكاعده ارتب بيهن 😂🤦‍♀انكطعت كهربا

فهسه رح انزلهن بالسرة
ونبلش بالبدايه ..بالاعترافات🙃

#ملوكه

#مشاركه
عندي فلوس مجمعتهن من العرس لهسه وزوجي مايدري بيهم مرة احتاج وكتله راح اتداين من اهلي ونطيتهم اله حته يرجعه

#رد
اي عادي😂🌚 اذا تدرين بي ميرجعه فخوش تسوين

#مشاركه
اعترف اني متزوجة☹️ وحبيت واحد من غير بلد وهو هم كلش يحبني يكول لو اموت نفسي لو انتي الي
شنو اسوي؟ اريد اعوفه

#رد
حبيبتي لازم تعوفي وحظري من كل برامج التواصل ..فاذا تبقين وياه رح تهجمين بيتج بايدج💔 لان هاي خيانه لزوجج

#مشاركه
أني اهواي احب زوجي واهواي اغار عليه حتة من انشوف وحدة حلوة بموبايل أو تلفزيون هواي انقهر واضل مقهورة بداخلي

#رد
اكثر المشاكل بالعلاقات الزوجية هي الغيرة 🤦‍♀💔
واذا تضلين هج تفكرين وتقهرين بنفسج فمتحصلين غير تدمير الاعصاب خلي الامور طبيعية وثقي بي

#مشاركه
حبيت واحد واني متزوجه وهوه هم
متزوج واني اريد اتركه بس هوه مجلب
بيه ما اعرف شسوي.

#رد
تكدرين تخلي يتركج 💔🙄وكطعي كل تواصل وياه لان حرام زوجج شنو ذنبه وزوجته شنو ذنبها

#مشاركه
واللّه إني اعترفلكم طالعه روحي مشاكل صار
فتره بالبيت أني وزوجي وبنفس البيت
ومتزاعلين صار شهر يمكن أو أكثر

#رد
الله يهديكم 🥺حاولي لاتطولين الزعل لان كثرة الزعل والمشاكل تصير برود وملل بالعلاقة

#مشاركه
رح نطلع الأسرار😅

#رد
الساحة مفتوحة الكم☺️🌸وبكل أمان

#مشاركه
زوجي ميصير عنده جهال وعفته بس مااكدر انساه😔

#رد
لو انتي بمكانه تقبلين يعوفج !!

اعرف بنيه..الحمل مستحيل عدها
زوجها تركها وتزوج

فاشكد حاولت واتوسلت وياه ابد مافاد
فهي اتطلكت منه واتزوجت غير شخص
تالي هسه هي حامل وهو ماصار عنده اي طفل

تخيلو من تعوفون شخص على شي هو مو بايده فرب العالمين يوكف وياه وينصره

#مشاركه
مرة حبيبي جابلي هدية يم باب البيت خلاها صبح وي روحتي للدوام
طلعت امي فجأة كالت هذا منو كتلها أبو زبالة😂😂

#رد
هههههههه..خررب😂

#مشاركه
اعترف كشفت زوجي وي مرت
اخوو🔞 و سكتت لان بس احجي
اطلك

#رد
عزززة يمه شنوو هاي وساكته والله افضحهم واتطلك واعيش بعز وكرامة ولا هالذل

#مشاركه
ابن زوجي عايش وياي مااكدر أصيرله☹️ ام
امه ازوجت ومتسأل..عنه كل شهرين
مره وهو يبجي عليها شسويله ماعرف

#رد
اعتبري ابنج ماله ذنب🥺

#مشاركه
جثري خية جثري من هالفقرات😻

#رد
تدللين عيني 😂🌚ونستقبل الصدمات

#مشاركه
قبل لااتزوج جان عندي مويايل سري وامي لزمتني ورة سنتين واخذت طن كتل😂😭 بس الحمدلله تبنه و كبرنه وعرفنه الصح من الغلط

#رد
يي الحمد لله..يله تكبرين وتنسيها😂

#مشاركه
موقف محلو او شي ميعرف بيه احد ه̷̷َـَْـُذآ هو 🥺😭😂❤️ :
مَـرّھٌ بيت خالتي شفت كرايب امي ولد حلـِۈۋ‏وھّ كليه طبعا ۿسهہ اتخرج بـَسہ متت ؏ــليــۿ انعجب بيه ونعجبت بيه ف ليل ڱڵـه اكول فديت الباب الي نايم يمه وطلع هو نايم القنفه💔 والصبح داسوي ريوك كملت وهاي وطلع جاي ماكو يابويه رَبّــيٌ لٱ يخلي اي بنيه بهل موقف وديت الاكل وهاي وجاي ماكو وهو مياكل الا جاي عاد كملت جاي وديته وعفته بـَسہ كرهت نفسي لان استعجلت وهيج صار😂 و جعت اتاخر الغده وباوعتله بنضره محلوه وراح لبيتهم متت ؏ــليــۿ وره سنه شفته بعرس هم ضل يباوع ؏ــليــۿ واباوع ؏ــليــۿ وقبل سنه دخلت ؏ انستا اعتذرتله وطلع ناسي النضره بس مذكرني مدري شنو وعفته لان جانت غايتي بس اعتذر وهاي هي 😁كل ماذكره اخرب ضحك ع نفسي رغم هل شي صارله 4 او 5 سنوات 😂💔😭 ف يابنات نصيحه اصبرن وبهداي لٱ تستعجلن بـٰٱƱ̤ • شي 🥺😂😂❤️

ماعتقد هو موقف محلو بـَسہ المهم المشاركه 😂🥰 وسويلنه هيج فقرات حلـِۈۋ‏وھّ وهم ضوجه


#رد
ههههه عل كولة امي احنا البنات اهواي نحلم بأحلام وردية 😂💔