ل رحت صعدت يمهم صارت عيني عل فهد واكف ويااشر بيده مدري شديحجي آخر كشخه والقاط كاعد عليه سنتر والمسدس بلصفحه من يرفع ايده يبين بعدين كام يباوع بسيارات بسره وصل يمنه فتح الباب كال انزلي
وين انزل؟

خزرني

نزلت مشيت وراه صعد سيارته يعني اصعدي صعدت ومشت اول سياره هوه وبعدين الكل وراه طبعن كاعده عل أعصابي اصلن اول مشفته تذكرت الفيديو بقيت كالبه خلقتي وهوه هم ممنتبه باله ويه اهل السيارات وكل ساع يحجي وياه واحد آخر شي صار عبالك مسابق بلسياقه منو يطلع منو شويه ورجع يمشي طبيعي دك موبايله جاوب
هاااا لك هههههه الله يطيح حضك لك غير صاعدين وياي جان طلعتك وطلعت عشيرتك هههههه دروح ابن الكلب

وسده عفيه ابن الكلب ماتنزل من حلكه اخذو فره ونزلوه للتصوير اجه عمي

انزلي قموره ويه اختج اخاف تحتاج شي نزلت سوو جلسه تصوير كامله اخذو لقطات تخبل واحمد ميكعد راحه خبل المصوره كملو ساعدت سمر صعدت ورجعنه لبيت عمي كعد سمر شويه وزفوهم وراه كلمن البيته حتى خالتي من بيت عمي لبيوتهن كبل شويه شويه البيت كام يخف وساره ورسل بدن ينضفن رحت لعمتي
عمه فدوه وصليني للبيت أمي خطيه عفته فدنوب

اي بنتي بعيني بس انتضري يطلع احمد حتى تاخذين نيشان اختج هسه امج باله يمه

رحت كعدت هاي شلون سالفه بله الأستاذ ماطلع اوووف حتى تعبت كاعده بلمطبخ عل كرسي طب بفهد ساره دتغسل كلاصات عل سنك كله تعالي وكفت كدامه نزع السترع وانطاه المسدس والمحفضه والموبايل كله صعديهن بغرفتي وخلي الموبايل عل شحن وطلع شويه وسمعت صوت عمتي تهلهل كمت لكيته تبوس احمد صدت عليه كالت تعالي تعالي فتت من يم احمد مدنك
مبروك عريس

اشكرج رحمه والديج

طبيت عل سمر يمه حبيبتي كاعده عل جربايه من شافتني راسن حضنتني

حبيبتي الف مبروك

الله يبارك بيج

والج هاي شمسوي بيج متعشي بركبتج ليكدام

ههههه ولج خبلني
نطتني عمتي النيشان كالت انطي لامج

يله سمسم حروح امي وحده

الله وياج سلميلي عليه

الله يسلمج بوسته وطلعت

كالت عمتي اوكفي داشوف أحد يوصلج شويه وجتي كالت يله هذا فهد يوديج طبعنه مشي المسافه قريبه مومال سياره هوه يمشي واني وراه وصلنه يم الباب مد ايده من فوك وفتحه طبينه البيت صنته وين امي اكيد نايمه من كد مابجت ذبيت جنطي عل ميز بلمطبخ وفهد ورايه وصلت للحولي طفت الكهرباء صارت ضلمه حجه فهد
ماكو لايت

الموبايل بجنطي عل ميز هسه اشوفه

واني موبايلي مجبته

مشيت واتلمس اريد اوصل الجنطه فجاه لطخت بي راسن لزمني من خصري صرت عل صدره اول دكمتيت من القميص يمكن مفتوحات صار وجهي بصدره هيه يمكن لحضه بس جسمي رجف منه بعدته بيدي قوه لزمته

اوكفي هسه جيتي توكعين
لا هاي الجنطه وطلته وموبايلي بيه

رتبكت حيل حتى عركت وهوه هم نفسه تخربط رحت أتلمس وصلت الجنطه كمت ماعرف ادور بيه من ثولي كمت وكلبته عل ميز شتغلت الكهرباء هوه بصفي اباوع الجنطه مطشره والكراض كله مطشره والوصله مال سمر مفتوحه يااااااااااي شدعيلك ابو الكهرباء كمت اشيل واحط بلجنطه بعصبيه من الخجل وهوه شافه اووووويلي موقف بحياتي ماانساه حتى هوه خجل مشى للباب وحجى
راح اروح تعالي سدي الباب وطلع

ضرب كصتي شهل ثول هذا ربي استغفر الله نسيت حتى امي رحت لغرفته خطيه نايمه متدري بكل المقتل

يممه يمه كعدي

هااا يمه جيتي

اي يمه اشو نايمه

شربت الدوه ونمت شلونه اختج

زينه الحمدالله دزتلج هاي
خطيه كامت تبجي

شلونه زينه خوما متذايه

يمه والله زينه وكلشي مبيه وتسلم عليج

رحت لغرفتي بدلت ونزلت سويت عشه وكعدنه اني وامي بس البيت وحشه صدك عبالك شالت البيت وراحت سوده عليه جانت هارجتنه تعشينه ولملمت البيت وكلت انام يم امي اليوم خطيه اخاف تستاحش خليت راسي عل مخده اجه قبل شويه بالي هههههه شكد عيب ياربي بين هل أفكر رحت بسابع نومه ومرت الايام بس ضوجه موطبيعيه سمر ماليه البيت اني هادئ بس هيه متكدر أربع وعشرين ساعه تفتر بلبيت وتصنف وتحشش حيل تثرنه عليه فهد مشفته ولا بينه اتصال واليوم السبعه مال سمر عزمونه عل غده جنت حيل مشتاقتله رحنا وساعه متحاضنه هيه وامي وانوب اني وياه واحمد يصيح يمعودين عوفولي شكم حضن راح تخلصوهن وين اروح بليل وسمر تعيبله عود على عنادك عمتي هم عازمه خواته وسوو ذاك الغدا فهد مشفته بداوام للعصر بدت الحفله هل مره غيرت الستايل لبست بنطرون وقميص عمتي كالت اخذن راحتج ماكو أحد بلبيت كلهم طالعين صارت حفله حلوه سمر دزت ساره عل كامره بغرفته عل شحن اتأخرت كالت الله عليج قمر شوفيه صعدت فوك طبيت غرفت سمر الكامره عل شحن هاي وين دزيناه لعد اخذته طبت ساره
هاي وين صرتي

فهد اجه من الدوام وجنت اطلعله ملابس

هااا يله ننزل

طلعنه صار فهد كبالي بلفانيله والشورت والخاولي عل ركبته طالع من الحمام

صرت وره ساره ونزلت ركض ومدكفتني قبل منطب للستقبال

ولج شبيج نزلتي ركض حتى مسلمتي عليه
ساره شسلم عليه اذا هوه مشلتح تردين اوكف كدامه

وشكو بيه غير خطيبج

ماكد ماكدر استحي انتي شتحجي

ن

عفته وكعدت يم سمر خرب واهسي من كلشي اني شجاني وصعدت لو ادري موجوده فلا اصعد حيل ضجت خصوصن من نضرات ساره حسيته ستهضمت لن مسلمت عليه ردت بس تخلص الحفله

لليل كملت وسمر صعدت تبدل
يمه كومي دنروح تعبت وأريد اقراء

اي يله كومي رحت لبست جبتي وشالي واجيت سلمنه عليهم وامي عزمتهم بعد يومين عل غده وطلعنا رجعت سبحت ونمت حتى ماقريت وره يومين سوينه غده العزيمه وكلهم اجوي بس فهد مااجه واني هم ماسلت عليه

هل فتره بديت اقراء لن امتحانات آخر السنه سمر تجينه بستمرار امي هواي تسل عل فهد يمه يخابرج يسل عليج
اجاوبه لا

اجتي سمر صعدت لكتني داقراء

هاااا حبي اجه احمد اني راح اروح

نزلت وياه سلمت عليه وراحو رجعت لغرفتي شويه ودكت سمر شنو السالفه هسه راحت جاوبت

الوووو هاء سمر

اكولج قمر هم تخابرين فهد ؟

لا ليش
يعني متدرين فهد مسافر اليوم

لا والله

صدك تحجين

قابل أكذب عليج وين مسافر

شمدريني إيران مدري تركيا مفتهمت من وره عمي

ليش شصاير

هسه تعارك هوه وياه بلموبايل يكله احسن ممسافر جان عقدت جان جهزت لعرسك

اووووو سمر شعليه بي طبه مرض
عجيب شنو هل برود انتي وياه راح تخبلوني

شتردين اسويله يعني امنعه من السفر لو اخذه من ايده واكوله امشي أعقد عليه سمر لخاطر الله عوفيني عندي متحانات لادوخين راسي بي

يله يله تصبحين عل خير

واني من اهله

سديته وماهتميت اني ادري بي ميحبني شكو اجذب عل نفسي واشغل بالي بي

15 يوم هوه مسافر سمر متحملت اجتي وحجت وياي
قمر اني راح اتخبل انتي ليش ممهتمه يعني خطيبج مسافر خابري شوفي وين اسلي عليه شمدريج هناك شديسوي

ليش اخابره ليش هوه كلي اني مسافر تره اني منج دريت اني مابيني وبينه اي تواصل

ميخالف بادري انتي وسلي عليه

مستحيل لو اموت

بابا انتي حجاره متغارين عليه

ابد اصلن آخر همي

شلون راح تزوجون لعد

والله مادري سلي امج الي دكول الحب يجي وراه الزواج انتو ليش تغشمون نفسكم تره واضح احنا مجبورين
والحل

ماكو حل لاتشيلين همي ربج شكاتبلي اشوف

عافتني وراحت خطيه ضاجت بس مابيدي شي حجيت الصدك

ثاني يوم العصر نايمه وسمعت عياط جوه

نزلت مفزوعه مديت راسي من الدرج امي لازمه لمحجر واكفه مفرفحه بجي

اريد انزل بعد ماكدر منا النومه بعيني ومنضر امي
يممممه شكو عفيه

ولج فهد مااااااااات فهد ماااااات

شنووووووووووووووو
.

يتبع...

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#البارت6

الكاتبة رفل الكناني

شنوووو يمه انتي شتحجين منو كلج

سمر خابرتني هسه ومافتهمت بس العياط والبجي

ايدي لازمه لمحجر وجسمي يرجف دموعي لاارادين نزلن موكودن خطيبي هوه ابن عمي قبل ميكون خطيبي وطاري الموت بحد ذاته مرعب صاحت امي

ولج شكو واكفه امشي دنروح ولج رجليه متعيني بعد من الهبطه

رجعت للغرفه فتحت الكنتور اريد اطلع جبتي والشال هنا كدامي بس كلبت الكنتور واني ادور عيوني تجري واخر صوره بالي من شفته بلسبعه مال سمر
نزلت الدرج كوه امي واكفه بلمطبخ طلعنه واني كايدته كوه تمشي شكد بيتهم قريب بيومه صار عبالك بغير منطقه وصلنه طبيت لكيت عمتي بلطرمه ملخه نفسه والبنات بعد اكثر اول مشافتني فتحتلي اديه نزلت المستواه حضنتي وتحجي
والله بعدني مافرحت بيهم ولا هوه تهنئ بيج ولج قمر راح إبني راح وعافج وعافني

شكد ماجنت ابجي انوب فرفحت اكثر وهيه تخربطت كمنه نذب عليه مي آل كعدت اريد أحد يحجيلي شلون مات وشصار كوله تبجي نسحبت بهدوء ليم سمر جريته عل صفحه وثنينه نبجي

سمر بس كليلي شصار

كلشي مادري بس خابرو احمد كلوله اخوك راح بانفجار وبكذا مستشفى تعالو عليه
ولج هوه مومسافر

اي بس البارحه اجه بليل كولش وتعارك هوه وعمي اول ماطب عمي كام يحجي عليه شكو شاتل بنت عمك لاعاقد عليه ولامجهزه ومن احاجيك دكلي شغل ودوام اشوفك صار كومه مسافر ماكلت شغل وضلو يتلاغون هوه لبس ملابس الدوام وطلع خابره احمد كله راح ابات بدوام ولحد اليوم العصر صار إلى صار

دنسولف دك موبايله ركضت عليه واني وراهه
هاااا احمد

جانت الدموع بعينه فجه الضحكه ترست وجهه وكامت تصيح عاااااااااايش والله والله مبي شي

مباشرتن ركضت عل عمتي ودكله والله مبي شي هذا احمد وياج اسمعي

ماعرف احساس شنو فرح على ارتباك مشاعر مخربطه فصلت عن كلشي حولي وعتني سمر وهيه تحضني

قمر مبي شي
الله عليج سمر شكلج

والله بس متصوب بجتفه

ياربي الحمدالله والشكر ساعه عن ساعه فرح

عمتي ممصدكه تكلهم ودوني عليه وتخابر كل ساع بقينا لليل عل هل حال اجه احمد اخذله ملابس سولفلنا انو طالعين واجب وصاير انفجار هواي رايحين من جماعته وهوه متصوب بجتفه شضايه وبيده بس حالته اهون من الوياه كال الصبح انطلعه عمتي جلبت تريد تروح وياه ماقبل كله المستشفى مكلوبه عليهم وين ترحين كعدي أصبح نطلعه ضلت اتلوب بيومه البيت كوله كيب امي مكابله عمتي وتهدي بيه بيومه ماشفنه النوم وعمي واحمد مرجعو بقو يمه
اريد اضبط مشاعري تجاهه ماعرف هذا الخوف الخفته عليه من سمعت الخبر والبجي البجيته عليه حب لو بس لن ابن عمي اني نفسي ماعرف مدري شلون مر الوكت أصبح طلعو جنت اباوع من شباك المطبخ طب ولازمي عمي واحمد منا ومنا راسه ملفوف صدره وجتفه ملفوف ملابس فانليه بس الداخليه ايده وحده مشدوه ومعلكه بركبته تلكوه عمتي جمدت عل صدره وتبجي وهوه يبوس برأسه وساره ورسل هم فوتوه من باب الصاله

بقيت بلمطبخ مادري ليش ماكد اطب ماعرف شلون يكون لقائي وياه اخاف اشوف منه البرود وماضبط نفسي لن أعرف ساعته ماكد ابقى دقيقه فختاريت ابقى بعيده احسن أكثر من ساعتين همه يمه محاوطي لحد مجتي سمر

هاي انتي هناء متجين اتسلمين عل ولد مواجه يموت البارحه

استحي سمر بعدين خل يكومون منه
هاااااا كولي هيج تردين لقاء مغلق ولا يهمج هسه افرغلج المكان 😂😂😂

كبر حتى كبر اشو انتي صايره منحرفه فدنوب

لج عيني هيه التزوج احمد شلون متنحرف بس اصبري شوفي شلون راح اهججهم واسويلج جو

لج سمر سممممممر ماكو عافتني وراحت هاي صدك من تزوجت طلعت عينه اشويه وعمتي وامي جاي للمطبخ واحمد راح لمحله وعمي طب لغرفته وسمر جايبه ساره ورسل
لج هاي شسويتي عزه بعينج وكومتيهم

كلشي مسويت بس شاورت احمد شاوره صغيره كلهم عوفو يرتاح الدكتور كال

ولج شكتيله يمعزايه خزيتني

ماعليج بس تعاي جرتي من ايدي لباب الصاله ودفعتني وسدت الباب

الله ياخذج سمر عل هل دكه

جان ممد وايده عل عيونه وصلت يمه وخر ايده
الحمدالله على سلامتك

بتسم بتعب وكال الله يسلمج شلونج

الحمدالله انت شلون صرت

الحمد الله زين تعاي كعدي

بتعد من القنفه سوالي مجال اكعد

كعدت بس صرت حيل قريبه عليه

شلونج وين جنتي من طبيت لعد
دنكت ماحجيت

عرف استحي

ممممممم يعني الهزمتي شلون ذيج المره الهزمتي فوك

بتسمت

وين جنت

بيران

مممممم

ماسلتي عليه
ليش اني ادري انت مسافر

ليش انتي تنطيني مجال تحجي وياج

اني لو انته كل متلاكينه لو تعارك لوتسب

البارحه جيت اموت جان خلصتي مني

راسن رفعت راسي وعيني بعينه وكتله اسم الله عليك

بتسم وبده يحجيلي شلون صار الحادث واني مركزه عليه جان يخلي ايده عل جتفه يشرلي مكان الشضيه صعدت عيني عل ركبته وركزت كلش شفت أثر بيه عبالك شي وتكسر بداخلي هذا الاثار اني اعرفه موصغير وشايفته بسمر وهوه نتبه عليه وين صارت عيني حاول يتلافه الموضوع بسوالف النفجار بس وجهي فض

ح مابداخلي بدون ترد كتله
فهد البيني وبينك انتهى كمت لزمني من معصم ايدي

اصبري داحجي وياج

مابينه حجي اني شفت بعيني محد كلي

اكعدي نحجي

هدني تره والله اصيح والم البيت كله عليه

داكلج اكعدي لج تعبان خل افهمج

شتفهمني هاي خيانتك كدامي هل مره محد يوكف بوجهي ومااداري خاطر حتى عمي اني ارفضك بنفسي وكدمه
اطيح حضج اذا تصرفتي تصرف من كيفج اني شاب وعندي حتياجات لاتكبريهه سدي الموضوع

نترت ايده حيل وطلعت افور شكد قذر لعبت نفسي منك رحت عل امي

كومي يمه دنروح

شبيج شكو

تروحين لو اروح وحدي

شجاج غير أعرف

كومي للبيت وتعرفين

رحت لبست جبتي بسرعه سمر ورايه رادت بس تعرف شبيه ماحجيت رجعنه للبيت اول ماوصلت انفجرت ابجي تهسترت امي ضلت صافنه
يمه فهد ماريده والقران احرك روحي اذا احد منكم دخل بقراراي هذا

بس فهميني شصار

سولفتله كولشي ماحجت بس تهز برأسه آخر شي كالت

هاهيه من باجر نفسخ وكلمن يروح بدربه عرفته من البدايه مهاويج ولا انتي هاويته هاهيه اني اتصرف

رحت لغرفتي جبت تخم الذهب ونزلت حطيته عل ميز

يمه هذا رجعي الهم وماريد اواجه أحد قررت وهاي حياتي جبرتوني مره ماريد أعيد الغلطه
صعدت لغرفتي دفنت راسي بلمخده وبجيت لحد ماتعبت والله مبجيت علموده بجيت عل نفسي شكد رخيصه بنضره وماشيفني كدامه يسافر ويخون وشايلني من قاموس حياته بيومه بليل دك عليه اكثر من 8 مرات مجاوبت دكت سمر جاوبته

الووووو

اذا تسدي قسم بالله اجيج للبيت لو مو مصوب ....

.

يتبع...

عمري☺️💞تسلمين فدوة الج

ولمن شخص مايقدرج ولايهتم بيج ولايحس فميستاهل تفكرين بي..عل شنو تدمرين اعصابج وهو ولامهتم🤦‍♀
ومنو يكول هو يحبج..يجوز بس هج ونسه وديقشمرج
عوفي بعد ..حياة كدامج طويلة..واكو الف واحد احسن منه

#ملوكه

هسه اوجه حبي
واللي قصدت عليه زيت الحلبة..فتلكينه بالعطار
او انتي سوي بايدج احسن..حلبة وزيت وفوريها زين فد 8_10 دقايق

ومن تبرد خلي عل الخدود
واهم شي بالتسمين الوجه الاكل..فاذا ماتاكلين ماتشوفين نتيجة
اكلي زين ويوميا قبل متنامين اشربي حليب وموز🥰✨

#ملوكه

حبي شوفي بهالبيجات👇🏻

واذا تريدين اسعار زينة ورخيصه فبالاسواق الشعبية تلكين..بس اذا مولات وسناتر فاسعارهم اغلى🤦‍♀💔

#ملوكه