احجي هالكلمات و دموعي تنزل بلا ما ابجي وحدهم و وجهي ما عليه ملامح بجي بس الدموع تنزل و اني تك شحاطتي ماكو يمكن ضيعته مهى من غسلت و شوف وين خلته

ضليت ادور بالكراج على تك الشحاطه و اني احجي ويا روحي و اقويها حتى ما ابجي، فززني صوت اللي اسمه خالد و هو يصيح على بنات صغار جانو طالعات و يصيح :- ضحى عينج على بناتج ممنوع يطلعون يلا فوتو بالعجل

اللي عرفته ذوله بناته الاثنين، التفت عليه، و اني ادور و ابحث يم النخله على شحاطتي، صاح:- يبنيه

التفتتله.. اشرلي بايده اجي، رحت يمه كال:- شسمج ؟

-ديار

-بنت منو انت ؟

-بنت اسماعيل

-منو اسماعيل ؟

-خال مهى مرت امجد

-هااا يا هلا والله، ليش واكفه بالبرد ؟

-اريد اروح للبيت

-ليكون تضايقتي من كلام ضحى

-ااا لا ما يعني بس اريد اروح اني
ضيعت الكلام كله و اني واكفه يمه و كلبي مدري ليش كام يدك بطريقة غريبه بقوة و وجع ما اعرف شلون اوصفه

اشر ايده للباب و كال :- فوتي باباتي فوتي الجو بارد شويه و امجد يوصلج الدنيا غروب مو زين اطلعين بهالوكت و انت بنيه و الوضع ما يتأمن

بقيت صافنه بوجهه، احس اول مره بحياتي احد يحاسبني لان خايف عليه مو لان حاب يحاسب و يتمرجل براسي مثل ابويه

مجاوبته ابد، فتت و هو فات ورايه وسد باب الهول، رحت للمطبخ يم مهى، و اني بالي كله منشغل بيه

:- هو يخاف عليه ؟!
زين ليش يخاف عليه ؟
لا لا ما اعتقد بس يمكن كسرت خاطره لان مشوهه، بس هو كال عني حلوة معقوله يقلد على شكلي لو هو صدك شايفني حلوة ؟

مهى:- ها ديار بشنو صافنه

-ااا لا هيج خل اروح اشوف فطومه يمكن كعدت

-ابقي بمكانج راح انصب، كعدت فطوم و نزلها امجد و هسه بحضنه

بقيت بمكاني و اخذتلي صفنه و بعدين سألت مهى: -خالد شكد عمره ؟

-ما اعرف يمكن 35 مو عمه ؟

-شنو ؟

-خالد شكد عمره ؟

-36

-اي
همستلي.... ليش تسألين

-هيج ماكو شي

-همممم
و رفعتلي حواجبها بضحكة
حاولت اخفي ارتباكي و خوفي و توتري من السؤال صدت عيني برا شفت خالد يمشي ورا مرته و يضحكون

تمشيت و هو يضحك وياها و يتشاقى و يكرصها من خدها، بقيت مركزه عليه شلون يعاملها
ما اعرف شي بداخلي شنو صار بيه، مدا اعرف شنو ديصير ويايه

كعدنا ع السفره و اني مقبلت اكعد اخذت فطوم من مهى و كمت اتمشى بيها، وكفت كبال الباب و عيني ركزت ع اللي اسمه خالد ما اعرف هو هيج حلو لو لان عاملني حلو صرت اشوفه حلو ... لا هوايه يعاملوني حلو بس مو بحلاته

ضحك و اني مركزه بوجهه ملتحي و رصعات بخدة طيرت عقلي و اني اركز بيه و هو يحجي و يضحك و يسولف

انتبه احد يباوعله دار وجه عليه و هو رافع حاجبه، بقيت صافنه بيه و هو يباوعلي سوالي حركه بحواجبه بمعنى ( شنو ليش صافنه بوجهي)

ع السريع مشيت من الباب رحت للمطبخ:- لا لازم اروح اي
رجعت ذبيت فطومه اباب الهول مالتهم و صحت :- ااامجد اني رايحه بيباي مهى

-ولج وين بعدج ما تعشيتي

اباوعله هو مدنك ياكل مبتسم، حجيت: لا لا اني اروح

احمد اخو امجد كال :- لحظه اوكفي بس اكمل اوصلج

ضحى :- و على شنو توصلها خليها تروح مو تكولون بيتهم قريب اساسا هو منو يباوعلها هاي و تخافون يصير بيها شي

صفنت هاي شبيها ويايه ؟

خالد اندار عليها و هو خازرها يكولها :- ضحى شبيج ؟

ضاجت هي كامت بالعجل فاتت مني دفعتني و مشت،و هم يكولولي: لا تضوجين منها معليج بيها

هو كام فات مني بلا ميباوعلي راح ورا ضحى يحجي وياها، سمعته يرزلها بس كامت تبجي اخذها لحضنه و يسكت بيها

اني امشي بالبيت بس اريد تك شحاطتي و اذني يمهم ، تكوله :- كششت بدني بشكلها و هي مخليه عينها عليك ما شالتها ما ناقصني بس المشوهات يخلن عيونهن عليك

و هو يردها : لتكولين هشكل عيب يعني شنو واذا باوعت قابل حبيتها لو شصار، صغيرة لتخلين عقلج وياها جايين خطارة لتخربينها علينا عيب من بيت عمي

عفتهم يحجون اخذت شحاطة امجد وطلعت من البيت بلا ما انتظر احمد كمت امشي سريع للبيت و اني ابجي، كلش وكف ويايه هالموقف احسها اذتني بكلامها حيل

وقتها اني امشي بهمه و قابضه على ايدي بقوة و خازره عيوني و دموعي يجرون و خشمي تيبس من البرد، لحظتها اقسمت قسم مع نفسي و كلت :

والله بعالي سماه يا ضحى لادمر هذا الحب اللي ابينج و بين زوجج و اخلي البيناتكم نار تحتركين بيها ومحد يعينج منها و وقتها شوفي هذه المشوهه شنو راح تسوي بيج......يتبع

☆☆☆☆☆☆

المؤؤدة
#اتمنى_ان_افعلها

الكاتبه ❤️
#بارت٢

#اتمنى_ان_افعلها
///// ﺑﻘﻠﻢ ❤️/////
ﺍﻟﺤﻠﻘﺔ 2_
ﻭﺻﻠﺖ ﺍﻟﺒﻴﺖ، ﻓﺘﺤﺖ ﺍﻟﺒﺎﺏ ﻓﺘﺖ ﺑﺸﺤﺎﻃﺔ ﺍﻣﺠﺪ، ﺗﻠﻜﺘﻨﻲ ﻣﺎﻣﺎ :
-: ﻟﺞ ﺷﻨﻮ ﻫﺎﻱ ﺑﺮﺍ ﺑﺮﺍ ﻛﻠﺞ ﻃﻴﻦ، ﻣﻦ ﻭﻳﻦ ﻟﺞ ﻫﺬﺓ ﺍﻟﺸﺤﺎﻃﺔ ﺍﻟﻠﻲ ﺑﻜﺒﺮ ﺭﺍﺳﺞ
- ﻣﺎﻟﺖ ﺍﻣﺠﺪ
- ﺟﻨﺘﻲ ﻋﻨﺪ ﻣﻬﻰ ؟
- ﺍﻱ
- ﻭ ﺍﺧﻮﺝ ﻫﻨﺎ ﻛﺎﺗﻠﻪ ﺍﻟﺠﻮﻉ ﻣﻌﺮﻓﺘﻲ ﺗﺴﻮﻳﻠﻪ ﺍﻛﻞ ﻟﻮ ﺑﺲ ﻓﺎﻟﺤﻪ ﺑﺎﻟﺪﻳﺎﺣﺔ
- ﻭﺍﻟﻠﻪ ﻫﻮ ﺍﺑﻨﺞ ﻣﻮ ﺍﺑﻨﻲ ﺍﺫﺍ ﺗﺮﻳﺪﻳﻦ ﺍﻧﺘﻲ ﺍﺳﺘﻘﺮﻱ ﺑﺎﻟﺒﻴﺖ ﻭ ﺩﺍﺭﻱ ﺍﻧﻲ ﺷﻨﻮ ؟ ﻭ ﺑﻌﺪﻳﻦ ﺳﻮﻳﺘﻠﻪ ﻭ ﻣﺎ ﻗﺒﻞ ﻳﺎﻛﻞ ﻳﻄﺒﻪ ﻣﺮﺽ ﺷﺴﻮﻳﻠﻪ
- ﺍﻧﺖ ﺷﻨﻮ ﻫﺎﻟﺴﺎﻥ ﺍﻟﺼﺎﻳﺮ ﻋﻨﺪﺝ ؟ ﻣﻮ ﺍﻛﺼﻪ ﻭ ﺍﺷﻤﺮﻩ ﻟﻠﺠﻼﺏ ﻭﺍﻟﻠﻪ
- ﻭﺑﻄﺮﻳﻘﺞ ﺷﻤﺮﻳﻨﻲ ﻛﻠﻲ ﺑﻠﻜﺖ ﺍﺧﻠﺺ ﻣﻨﺞ ﻭ ﻣﻦ ﺭﺟﻠﺞ ﺍﻟﺨﻨﺰﻳﺮ
- ﺩﻳﺎﺍﺍﺍﺭ ﻣﻮ ﺍﺟﻲ ﺍﻛﺺ ﺭﺍﺳﺞ ﺩﻳﺎﺭ
... ﻋﻔﺘﻬﺎ ﻭ ﻓﺘﺖ ﻛﻌﺪﺕ ﺑﺎﻟﻐﺮﻓﻪ ﻣﺎﻟﺘﻨﻪ ..
ﺍﻟﻐﺮﻓﺔ ﺻﻐﻴﺮﺓ ﺣﻴﻞ ﻳﺎ ﺩﻭﺏ ﺑﻴﻬﺎ ﻛﻨﺘﻮﺭ ﺍﺑﻮ ﺍﻟﺒﺎﺑﻴﻦ ﺑﺲ، ﺣﺘﻰ ﺗﻠﻔﺰﻳﻮﻥ ﻣﺎ ﻋﺪﻧﺎ، ﻭ ﻧﻔﺮﺵ ﺩﻭﺍﺷﻚ ﺑﺎﻟﻜﺎﻉ، ﺣﺸﻚ ﺍﻧﻲ ﻭ ﺍﺧﻮﻳﻪ، ﻭﺍﺧﺘﻲ ﺍﻟﺼﻐﻴﺮﻩ ﻣﻦ ﺟﻬﺔ ﺍﺳﺎﻣﻪ ﺗﻨﺎﻡ، ﻭ ﻣﺮﺍﺕ ﻳﻢ ﻣﺎﻣﺎ .
ﻛﺎﻋﺪﻩ ﺑﻔﺮﺍﺷﻲ ﻭ ﻣﺘﻠﻔﻠﻔﺔ ﺑﺎﻟﺒﻄﺎﻧﻴﻪ، ﻣﺎﻛﻮ ﺻﻮﺑﻪ، ﺻﺎﻓﻨﻪ ﺑﺎﻟﺤﺎﻳﻂ ..
ﻋﺮﺽ ﺑﻤﺨﻴﻠﺘﻲ ﺍﺑﻦ ﻋﻢ ﻣﻬﻰ ‏( ﺧﺎﻟﺪ ‏) : ﺷﻠﻮﻥ ﺣﻠﻮ ﻭ ﺍﻧﻴﻖ ﺣﺮﺍﻣﺎﺕ ﻣﺘﺰﻭﺝ ﻭﺣﺪﻩ ﻣﺜﻞ ﺿﺤﻰ ﻗﻠﺒﻬﺎ ﺍﺳﻮﺩ .
ﻳﻜﻮﻝ ﻋﻨﻲ ﺣﻠﻮﻩ !
ﺍﺑﺘﺴﻤﺖ .. ﻛﻤﺖ ﻟﻠﻤﺮﺍﻳﺎ ﺍﻟﻤﻌﻠﻜﻪ ﺑﺎﻟﺤﺎﻳﻂ، ﻓﻠﻴﺖ ﺷﻌﺮﻱ ﻭ ﺍﺑﺎﻭﻉ ﺑﻨﻔﺴﻲ : ﺻﺪﻙ ﺍﻧﻲ ﺣﻠﻮﺓ ؟
ﺑﺎﻭﻋﺖ ﺍﻟﺘﺸﻮﻫﺎﺕ ﺍﻟﺒﺮﻛﺒﺘﻲ ﻭ ﺍﺗﺬﻛﺮﺕ ﻛﻼﻡ ﻣﺮﺗﻪ ﺍﻟﻤﺴﻤﻮﻣﻪ، ﺍﺧﺬﺕ ﻧﻔﺲ ﻭ ﺑﺎﻭﻋﺖ ﻋﻠﻰ ﻧﻔﺴﻲ : ﺭﺍﺡ ﺍﺛﺒﺘﻠﻬﺎ ﻫﺬﻩ ﺍﻟﻤﺸﻮﻫﻪ ﺷﻨﻮ
... ﺍﻧﻔﺘﺢ ﺍﻟﺒﺎﺏ ﻓﺎﺗﺖ ﻣﺎﻣﺎ
- ﺧﻴﺮ ﺷﻮ ﺍﻟﻴﻮﻡ ﻓﺎﻟﻴﻦ ﺍﻟﺸﻌﻔﺔ ﻛﺒﺎﻝ ﺍﻟﻤﺮﺍﻳﺎ ﺷﻜﻮ
ﻟﻔﻴﺖ ﺷﻌﺮﻱ -: ﻣﺎﻛﻮ ﺷﻲ ﻋﺠﺒﻨﻲ
ﺭﺟﻌﺖ ﻟﻔﺮﺍﺷﻲ
- ﻻ ﺗﺮﺟﻌﻴﻦ ﻛﻮﻣﻲ ﺳﻮﻱ ﻋﺸﺎ
- ﺍﻟﺜﻼﺟﺔ ﻓﺎﺭﻏﻪ ! ﺟﺒﺘﻲ ﻣﺴﻮﺍﻙ ﻭﻳﺎﺝ ؟
- ﻻ ﻟﻴﺶ ﻓﺎﺭﻏﻪ
- ﻫﻮ ﺍﻧﺖ ﺩﺍﺭﻳﻪ ﻋﻦ ﺍﻟﺒﻴﺖ ﺷﻲﺀ ، ﺑﺲ ﺍﻭﺍﻣﺮ ﻛﻮﻣﻲ ﻭ ﺍﻛﻌﺪﻱ
- ﺑﻼ ﻃﻮﻟﺔ ﺍﻟﺴﺎﻥ ﻭ ﻛﻮﻣﻲ ﺷﻮﻓﻲ ﺷﻨﻮ ﻣﻮﺟﻮﺩ ﻭ ﺳﻮﻱ ﺑﻠﻜﻲ ﺑﺎﺟﺮ ﺍﻛﺪﺭ ﺍﺗﺴﻮﻙ
- ﻭ ﻫﺬﺍ ﺍﻟﺨﻨﺰﻳﺮ ﻋﻮﺩ ﻟﻴﺶ ﻣﺎ ﻳﺘﺴﻮﻙ ﺑﺲ ﺷﻐﻠﺘﻪ ﻳﺘﺄﻣﺮ ؟
- ﻣﻌﻠﻴﺞ ﺑﻴﻪ، ﻛﻮﻣﻲ
ﻛﻤﺖ ﺑﺄﺳﺘﻨﻔﺎﺭ ﻭ ﺍﻧﻲ ﺍﺷﻤﺮ ﻣﻦ ﺍﺩﻳﻪ، ﻭ ﺍﺗﻤﺘﻢ ﻭﻳﺎ ﺭﻭﺣﻲ ﺑﺎﻟﻐﻠﻂ ﻭ ﺍﻟﻮﻡ ﻋﻠﻰ ﺣﻈﻲ
ﻋﺪﻧﺎ ﺑﺲ ﻃﻤﺎﻃﺔ ﮔﻠﻴﺖ ﻭ ﺳﻮﻳﺖ ﺟﺎﻱ، ﻛﻤﻠﺖ ﺍﻟﺼﻴﻨﻴﺔ ﺑﺎﻭﻋﺖ ﺧﺒﺰ ﻣﺎﻛﻮ
- ﺷﻨﻮ ﻣﺠﺎﻳﺒﻪ ﻭﻳﺎﺝ ﺻﻤﻮﻥ ؟
- ﻻ ﻟﻴﺶ ﺧﺒﺰ ﻣﺎﻛﻮ
ﺧﻠﻴﺖ ﺍﻳﺪﻱ ﻋﻠﻰ ﻭﺟﻬﻲ ﺑﺘﺬﻣﺮ ﻭ ﺭﺟﻌﺖ ﺑﺎﻭﻋﺘﻠﻬﺎ : ﺑﺮﺑﺞ ؟
- ﻣﺎ ﺻﺎﺭ ﺷﻲ ﺭﻭﺣﻲ ﻟﻤﻬﻰ ﺟﻴﺒﻲ ٣ ﻛﺮﺹ ﺧﺒﺰ ﻛﻠﻴﻠﻬﺎ ﻣﻦ ﻧﺨﺒﺰ ﺍﺟﻴﺒﻠﻜﻢ
- ﺷﻨﻮ ﺍﺭﻭﺡ ﺍﻃﻠﺐ، ﺍﻧﻄﻴﻨﻲ ﺍﻟﻒ ﺍﺭﻭﺡ ﺍﺟﻴﺐ ﺻﻤﻮﻥ
- ﻣﺎ ﻋﻨﺪﻱ ﺭﻭﺣﻲ ﮔﺘﻠﭻ
- ﺍﻭﻭﻭﻩ ﻣﻦ ﺍﻧﻌﻞ ﺍﻟﺴﺎﻋﺔ ﺍﻟﺴﻮﺩﺓ ﺍﻟﺠﺎﺑﺘﻨﻲ ﻋﺪﻛﻢ
ﻓﺘﺤﺖ ﺍﻟﺒﺎﺏ ﺟﺮﻳﺖ ﺍﻟﺒﻮﺗﻴﻦ ﺍﺭﻳﺪ ﺍﻟﺒﺲ، ﺻﺎﺭ ﺑﻮﺟﻬﻲ ﺍﺑﻮﻱ
- ﻫﺎ ﻭﻳﻦ ﺭﺍﻳﺤﻪ
- ﺍﺟﻴﺐ ﺧﺒﺰ
- ﻣﻦ ﻣﻬﻰ ؟
- ﺍﻱ
- ﻭ ﻛﻠﻴﻠﻬﺎ ﺧﺎﻟﺞ ﻳﺴﻠﻢ ﻋﻠﻴﺞ ﻳﺮﻳﺪ ﺧﻴﺎﺭ ﻫﻢ
- ﺑﺎﺑﺎ ﻋﻴﺐ ﺣﺘﻰ ﺧﻴﺎﺭ ﺍﻃﻠﺐ ﻣﻨﻬﻢ
- ﺍﻣﺸﻲ ﻟﺞ ﻻ ﺍﻛﺴﺮ ﺭﺍﺳﺞ، ﺗﻌﺮﻑ ﺍﻟﻌﻴﺐ ﺑﻨﺖ *
ﻓﺎﺕ ﻣﻨﻲ ﻭ ﻫﻮ ﻳﻔﺸﺮ ﻋﻠﻴﻪ ﻭ ﻋﻠﻰ ﺍﻣﻲ، ﻫﺰﻳﺖ ﺍﻳﺪﻱ ﻭ ﻣﺸﻴﺖ ﻟﺒﻴﺖ ﻣﻬﻰ، ﻃﻠﺒﺖ ﻣﻨﻬﺎ
ﺍﻧﻄﺘﻨﻲ ٥ ﻛﺮﺹ ﺧﺒﺰ ﻭ ﺍﻻﻛﻞ ﺍﻟﺒﺎﻗﻲ ﺑﺎﻟﺜﻼﺟﻪ ﻣﻦ ﺍﻟﻌﺰﻳﻤﻪ ﻛﻠﻪ ﺷﺎﻟﺘﻪ ﻭ ﻛﺎﻟﺖ -: ﺍﺧﺬﻱ ﺗﺮﺍ ﺍﺫﺍ ﻳﺒﻘﻰ ﻋﺪﻧﺎ ﻳﻨﺬﺏ ﺣﺮﺍﻣﺎﺕ
ﺧﻠﻴﺘﻠﻴﺎﻩ ﺑﺠﺪﺭ، ﻃﻠﺒﺖ ﻋﻼﻛﻪ ﺍﺧﻠﻲ ﺍﻟﺠﺪﺭ ﺑﻴﻪ، ﻣﺎ ﻋﺪﻫﻢ ﻋﻼﻛﺔ ﺟﺒﻴﺮﺓ ﺍﺿﻄﺮﻳﺖ ﺍﺷﻴﻞ ﺍﻟﺠﺪﺭ ﻋﻠﻰ ﺟﺘﻔﻲ ﻭ ﺍﻣﺸﻲ ..
ﺟﺎﻥ ﺍﻟﺒﺎﺏ ﻣﺎﻝ ﺍﻟﻜﺮﺍﺝ ﻣﻔﺘﻮﺡ ﻋﻠﻰ ﺣﻴﻠﻪ ﻣﻦ ﺍﻟﻬﻮﻯ، ﻭ ﺑﻴﺖ ﻋﻤﻬﻢ ﻛﺒﺎﻟﻬﻢ، ﺷﻔﺖ ﺧﺎﻟﺪ ﻃﻠﻊ، ﻉ ﺍﻟﺴﺮﻳﻊ ﻧﺰﻟﺖ ﺍﻟﺠﺪﺭ ﻭ ﺧﻠﻴﺘﻪ ﻳﻢ ﺍﻟﺒﺎﺏ ..
ﺗﻘﺮﺏ ﺩﻳﻔﻮﺕ ﻟﺒﻴﺖ ﻋﻤﻪ، ﺷﺎﻓﻨﻲ ﻛﺒﺎﻟﻪ -: ﻫﺎ ﺭﺟﻌﺘﻲ
- ﺍﻱ ﺩﺍ ﺍﺭﺟﻊ ﺷﺤﺎﻃﺔ ﺍﻣﺠﺪ
- ﻭﻳﻦ ﺑﻴﺘﻜﻢ ﺍﻧﺘﻢ ؟
- ﺑﺎﻟﻔﺮﻉ ﺍﻟﺜﺎﻧﻲ
- ﻭ ﺍﻫﻠﺞ ﻳﻘﺒﻠﻮﻥ ﺑﻨﻴﻪ ﺑﻬﺎﻟﻌﻤﺮ ﺗﻄﻠﻊ ﺑﻬﺎﻟﻠﻴﻞ ﺗﺮﺟﻊ ﺷﺤﺎﻃﺔ !
ﺑﻠﻌﺖ ﺭﻳﮕﻲ ﻭ ﺩﺍ ﺍﻃﻠﻊ، ﻛﺎﻝ -: ﺍﻧﺘﻈﺮﻱ ﺑﺲ ﻳﻨﺰﻝ ﺍﻣﺠﺪ ﻧﻮﺻﻠﺞ ﺍﺑﻄﺮﻳﻘﻨﺎ
- ﻻ ﺍﻧﻲ ﺍﺭﻭﺡ ﻫﺬﺍ ﺑﺒﺘﻨﺎ ﻗﺮﻳﺐ
- ﺍﺩﺭﻱ ﻗﺮﻳﺐ ﺑﺲ ﻛﻠﺖ ﺍﻧﺘﻈﺮﻱ
ﺣﺠﺎﻫﺎ ﻭ ﺭﻛﺰ ﻋﻴﻮﻧﻪ ﺑﻌﻴﻮﻧﻲ، ﺑﺴﺎﻉ ﺩﺭﺕ ﻭﺟﻬﻲ، ﻭ ﻧﺒﻀﺎﺕ ﮔﻠﺒﻲ ﺻﺎﺭﺕ ﻃﺒﻞ ﻣﻦ ﺍﻟﺨﻮﻑ ﻣﺪﺭﻱ ﺍﻻﻧﺤﺮﺍﺝ
... ﻳﺮﺑﻲ ﺍﺫﺍ ﻫﻮ ﻭﺻﻠﻨﻲ ﺷﻠﻮﻥ ﺍﺷﻴﻞ ﺟﺪﺭﻳﺔ ﺍﻻﻛﻞ ﺍﻟﺰﺍﻳﺪ ﻭﺍﻟﻠﻪ ﻓﺸﻠﻪ، ﺷﻴﻜﻮﻝ ﻋﻠﻴﻨﺎ ﻧﺎﻛﻞ ﻓﻀﺎﻟﺔ ﺑﻴﺖ ﻋﻤﻪ
ﻧﺰﻝ ﺍﻣﺠﺪ ﻣﺒﺪﻝ، ﺍﻟﻀﺎﻫﺮ ﺍﻛﻮ ﻟﻌﺒﺔ ﺩﻳﺮﻭﺣﻮﻥ ﻳﺸﻮﻓﻮﻫﺎ ﺑﺎﻟﻜﻮﻓﻲ، ﺑﺎﻭﻋﻨﻲ ﺍﻣﺠﺪ -: ﻫﺎ ﺩﻳﻮﺭ ؟
ﺧﺎﻟﺪ -: ﺍﻧﻮﺻﻠﻬﺎ ﺑﻄﺮﻳﻘﻨﺎ ﺍﻣﺸﻲ
- ﺍﻱ ﻳﻼ
ﻣﺸﻮﻧﻲ ﻭ ﺍﻧﻲ ﻋﻴﻨﻲ ﻋﻠﻰ ﺟﺪﺭﻳﺔ ﺍﻻﻛﻞ ﻭ ﺑﻮﺩﻱ ﺍﺑﺠﻲ ﻣﻦ ﺍﻟﻘﻬﺮ
- ﺍﺍﺍ ﺻﺪﻙ ﺩﻳﺎﺭ ﺷﺤﺎﻃﺘﻲ ﺍﻻﺧﺬﺗﻴﻬﺎ ﻣﺠﺒﺘﻴﻬﺎ ﻭﻳﺎﺝ ؟
ﺍﻧﻠﺼﻤﺖ ﻣﻌﺮﻓﺖ ﺷﺤﺠﻲ ﺍﺗﺨﺮﺑﻄﺖ ﺍﻭﺿﺎﻋﻲ، ﻭ ﺧﺎﻟﺪ ﻭﺍﻛﻒ ﺑﺎﻟﺒﺎﺏ، ﺑﺎﻭﻉ ﺑﻄﺮﻑ ﻋﻴﻨﻪ ﻋﻠﻴﻪ ﻭ ﻋﺮﻑ ﺑﺠﺬﺑﺘﻲ : ﻳﻼ ﺍﻣﺠﺪ ﺭﺍﺡ ﻧﺘﺄﺧﺮ
- ﺍﻱ ﻳﻼ ، ﺩﻳﺎﺭ ﺍﺧﺬﻱ ﺟﺪﺭﻳﺘﻜﻢ، ﻣﻮ ﺍﻧﻄﺘﺠﻴﺎﻫﺎ ﻣﻬﻰ
- ﺍﺍ ﻻ ﻻ ﻣﻮ ﺍﻟﻲ ﻣﺎ ﺍﺭﻳﺪﻫﺎ
- ﺑﻜﻴﻔﺞ
ﺧﺎﻟﺪ -: ﺻﻌﺪﻳﻬﺎ ﺑﺎﻟﺴﻴﺎﺭﺓ
- ﻛﻠﺖ ﻣﻮ ﺍﻟﻨﺎ
ﺍﺗﺠﺎﻫﻞ ﻛﻼﻣﻲ ﻭ ﺻﻌﺪ ﻛﺪﺍﻡ ﺍﻟﺴﺘﻴﺮﻥ ﻳﺴﻮﻕ، ﻭ ﺍﻣﺠﺪ ﻳﻤﻪ ﻭ ﺍﻧﻲ ﻭﺭﺍ ﻛﻌﺪﺕ ..
ﻭﺻﻠﻨﺎ ﺑﺎﺏ ﺑﻴﺘﻨﺎ ﻧﺰﻟﺖ، ﺟﺎﻥ ﺻﻮﺕ ﺍﻣﻲ ﻃﺎﻟﻊ ﻭ ﻫﻲ ﺗﺼﺮﺥ ﻧﺰﻟﻮ ﺧﺎﻟﺪ ﻭ ﺍﻣﺠﺪ ﻉ ﺍﻟﺴﺮﻳﻊ، ﺭﺍﺩ . ﻳﻔﻮﺕ ﺧﺎﻟﺪ ﻟﺰﻣﻪ ﺍﻣﺠﺪ
- ﻻ ﺗﺪﺧﻞ ﻳﻤﻌﻮﺩ ﺗﻠﻜﺎﻫﺎ ﻣﺸﺎﻛﻞ ﻋﺎﺋﻠﻴﺔ
- ﻟﻚ ﺩﺳﻤﻊ ﺍﻟﻤﺮﻩ ﺷﻠﻮﻥ ﺩﺍ ﺗﺼﺮﺥ ﺍﻟﻴﻜﻮﻝ ﻣﺤﺘﺮﻛﻪ ﺧﻞ ﻧﺪﺧﻞ
- ﺩﻭﻛﻒ ﻳﻤﻌﻮﺩ ﻫﻲ ﻫﺎﻱ ﻫﻴﺞ ﺻﻮﺗﻬﺎ ﻭ ﺍﻟﻤﻨﻄﻘﺔ ﻣﺘﻌﻮﺩﺓ ﻋﻠﻰ ﺻﻴﺎﺣﻬﻢ .. ﺍﺑﻮﻫﻢ ﺳﻜﻴﺮ
ﺍﻧﺤﺮﺟﺖ ﻛﺪﺍﻣﻬﻢ ﺑﺸﻜﻞ ﻣﻮ ﻃﺒﻴﻌﻲ، ﻣﺸﻴﺖ ﻛﺪﺍﻣﻬﻢ ﻓﺘﺤﺖ ﺍﻟﺒﺎﺏ، ﻭ ﺻﺮﻳﺦ ﺍﻣﻲ ﺯﺍﺩ، ﺍﺗﻘﺮﺏ ﺧﺎﻟﺪ ﺣﻂ ﺍﻳﺪﻩ ﻋﻠﻰ ﻇﻬﺮﻱ ﻭ ﻓﺎﺕ ﺩﻙ ﺑﺎﺏ ﺍﻟﻬﻮﻝ ﻭ ﺻﺎﺡ -: ﻳﺎﺍﺍﺍﺍﺑﺔ ﺍﻫﻞ ﺍﻟﺒﻴﺖ

ﻃﻠﻊ ﺍﺑﻮﻳﻪ -: ﻣﻨﻮ ﺍﻧﺖ
- ﺍﻟﻌﻔﻮ ﺍﻧﻲ ﺍﺑﻦ ﻋﻢ ﺍﻣﺠﺪ ﺑﺲ ﻭﺹ ...... ﻗﺎﻃﻌﻪ ﺍﺑﻮﻳﻪ ﻭ ﻫﻮ ﻳﺼﺮﺥ ﺑﻴﻪ -: ﺩﺯﻳﺘﺞ ﻋﻠﻰ ﺧﻴﺎﺭ ﻃﻠﻌﺘﻲ ﺗﻜﻮ **** ﺑﻨﺖ **
ﺿﺮﺑﻨﻲ ﺭﺍﺷﺪﻱ ﻭ ﻟﺰﻣﻨﻲ ﻣﻦ ﺷﻌﺮﻱ ﺭﺍﺩ ﻳﻔﻮﺗﻨﻲ، ﻟﺰﻣﻮﻩ ﺧﺎﻟﺪ ﻭ ﺍﻣﺠﺪ ﻳﺘﺼﺎﻳﺨﻮﻥ ﻭﻳﺎﻩ ﻭ ﻳﻬﺪﻭﻩ، ﺍﻧﻲ ﺭﻛﻀﺖ ﻟﻠﻐﺮﻓﻪ ﻉ ﺍﻟﺴﺮﻳﻊ ﻭﻗﻔﻠﺖ ﺍﻟﺒﺎﺏ، ﺍﺑﺠﻲ
ﻭ ﺍﺳﻤﻊ ﺧﺎﻟﺪ ﻭ ﺍﻣﺠﺪ ﻳﺤﺠﻮﻥ ﻭﻳﺎﻩ، ﺍﺧﺮ ﺷﻲﺀ ﻃﺮﺩﻫﻢ ﻣﻦ ﺍﻟﺒﻴﺖ ﻭ ﺭﺟﻊ ﻉ ﺍﻟﻐﺮﻓﻪ ﺍﻻﻧﻲ ﺑﻴﻬﺎ ﻳﻀﺮﺏ ﻉ ﺍﻟﺒﺎﺏ ﻗﻮﻱ ﻭ ﻳﻔﺸﺮ ﻋﻠﻴﻪ ﻭ ﻳﺮﻳﺪ ﺍﻟﺨﻴﺎﺭ
ﻭﺍﻛﻔﻪ ﻭﺭﺍ ﺍﻟﺒﺎﺏ ﺍﺑﺠﻲ ﻭ ﻻﺯﻣﻪ ﺍﻟﺴﺮﻛﻲ ﻻ ﻳﻄﻚ ﻭ ﻳﻔﻮﺕ ﻋﻠﻴﻪ، ﻭ ﻣﺎ ﺍﺟﺎﻭﺑﻪ ﻭ ﺍﻣﻲ ﺑﻐﺮﻓﺘﻬﺎ ﺗﺒﺠﻲ ..
ﻣﻞ ﻣﻦ ﺍﻟﺼﻴﺎﺡ ﻭ ﺍﻟﻐﻠﻂ ﻋﺎﻓﻨﻲ ﻭ ﺭﺍﺡ ﻟﻼﺳﺘﻘﺒﺎﻝ، ﻛﻌﺪ ﻳﺸﺮﺏ .. ﻣﺸﻴﺖ ﻟﻔﺮﺍﺷﻲ ﺍﻟﺘﻔﻴﺖ ﻭ ﺣﻄﻴﺖ ﺭﺍﺳﻲ ﻭ ﺍﻧﻲ ﺍﺑﺠﻲ ﻣﺎ ﺍﻋﺮﻑ ﻣﻦ ﺍﻟﻔﺸﻠﻪ ﻛﺪﺍﻣﻬﻢ ﻟﻮ ﻣﻦ ﺧﻮﻑ ﺍﺑﻮﻳﻪ ﻟﻮ ﻋﻠﻰ ﻣﺄﺳﺎﺗﻬﻢ، ﻣﻠﻴﺖ ﻣﻦ ﺣﻴﺎﺗﻲ ﻛﻠﻬﺎ ﻭ ﻣﺎ ﺍﻋﺮﻑ ﺑﻴﺎ ﻃﺮﻳﻘﺔ ﺍﺧﻠﺺ ﻣﻨﻬﺎ ﺍﻭ ﻣﻦ ﺍﻫﻠﻲ ..
ﻟﺜﺎﻧﻲ ﻳﻮﻡ ﺍﻟﻔﺠﺮ، ﻃﻠﻌﺖ، ﺍﺑﻮﻳﻪ ﻋﻠﻰ ﻧﻔﺲ ﺣﺎﻟﻪ ﺳﻜﺮﺍﻥ ﻭ ﻧﺎﻳﻢ ﺑﺎﻷﺳﺘﻘﺒﺎﻝ ...
ﺭﺣﺖ ﻟﻐﺮﻓﺔ ﺍﻣﻲ، ﻧﺪﻫﺘﻬﺎ ﻛﻌﺪﺕ
- ﻛﻌﺪﻱ ﻻ ﺑﺲ ﻧﺎﻳﻤﺔ ﻳﻼ ﻛﻌﺪﻱ
- ﺷﺮﺍﻳﺪﺓ ﺍﻧﺖ ﺍﻟﻠﺦ
- ﻣﻠﻴﺖ ﻣﻨﻪ ﻻﺯﻡ ﺍﺳﻤﻤﻪ ﻭ ﺍﻣﻮﺗﻪ ﺑﻌﺪ ﻣﺎ ﺍﺗﺤﻤﻞ، ﻳﻀﺮﺑﻨﻲ ﻛﺪﺍﻡ ﺧﺎﻟﺪ ﻭ ﺍﻣﺠﺪ
- ﺩﻛﻮﻣﻲ ﻣﻦ ﺧﻠﻘﺘﻲ ﻛﻮﻣﻲ ﻣﺎﻟﻲ ﺧﻠﻜﺞ
ﻋﺎﻓﺘﻨﻲ ﻭ ﻛﺎﻣﺖ
ﺭﺣﺖ ﻟﻠﻤﻄﺒﺦ ﺷﻔﺖ ﺍﻟﺠﺪﺭ ﺍﻟﻌﻔﺘﻪ ﻋﺪ ﺑﻴﺖ ﺍﻣﺠﺪ، ﻣﻮﺟﻮﺩ، ﺭﺣﺖ ﻭﺭﺍ ﺍﻣﻲ ﻟﻠﺤﻤﺎﻡ ... : ﻫﺬﺍ ﺍﻟﺠﺪﺭ ﻣﻨﻮ ﺟﺎﻳﺒﻪ ؟
- ﺷﻤﺪﺭﻳﻨﻲ ﻏﻴﺮ ﺍﻧﺖ ﻋﺎﻳﻔﺘﻪ ﺑﺎﻟﺒﺎﺏ ﺩﺧﻠﺘﻪ ﺑﺎﻟﻠﻴﻞ
ﺻﻔﻨﺖ : ﻳﻌﻨﻲ ﻫﻢ ﺟﺎﺑﻮﻩ !
ﺗﻨﻬﺪﺕ، ﻃﻠﻌﺖ ﺍﻣﻲ، ﺗﺨﺼﺮﺗﻠﻬﺎ -: ﺷﺒﻴﻪ ﻫﺬﺍ ﺍﻟﺨﻨﺰﻳﺮ ﻫﺎﻳﺞ ﻋﻠﻴﻨﻪ ﺍﻟﺒﺎﺭﺣﻪ؟
- ﻳﻌﻨﻲ ﺷﺒﻴﻪ ﻏﻴﺮ ﻳﺮﻳﺪ ﻓﻠﻮﺱ ﻣﻨﻲ ﺍﻛﻮﻟﻪ ﻣﺎ ﻋﻨﺪﻱ ﻳﻬﺪ ﻋﻠﻴﻪ ﺑﺎﻟﺴﺠﻴﻨﻪ، ﻻ ﺷﻐﻠﻪ ﻭ ﻻ ﻋﻤﻠﻪ ﻏﻴﺮ ﺷﺎﺑﻊ ﻋﺮﮒ ﻭ ﻧﻮﻡ ﻭ ﻋﺎﻳﻔﻜﻢ ﺑﺮﺍﺳﻲ
- ﻫﺴﻪ ﺍﻧﺖ ﻋﻠﻰ ﺍﺳﺎﺱ ﺷﻠﻮﻥ ﺷﺎﻳﻠﺘﻨﻪ ﻓﻮﻙ ﺭﺍﺳﺞ
- ﻭﻟﻲ ﻣﻦ ﻭﺟﻬﻲ ﺩﺍ ﺍﺷﻮﻑ ﻭﻟﻲ
ﺑﺎﻭﻋﺖ ﻭﺭﺍﻫﺎ ﺑﺨﺰﺭﺓ -: ﻗﺴﻢ ﻋﻠﻴﻪ ﻳﺠﻲ ﺍﻟﻴﻮﻡ ﺍﻟﻠﻲ ﺍﻧﺘﻘﻢ ﺑﻴﻪ ﻣﻨﻜﻢ ﻛﻠﻜﻢ ﻭ ﺍﺩﻓﻨﻜﻢ ﺑﺄﺩﻳﻪ
... ﺑﺪﻟﺖ ﺍﻧﻲ ﻭ ﺍﺧﻮﻳﻪ ﻛﺎﻟﻌﺎﺩﺓ ﻭ ﻃﻠﻌﻨﺎ ﻟﻼﻣﺘﺤﺎﻥ، ﻭ ﺍﻧﻲ ﻳﺎ ﺩﻭﺏ ﺣﺎﻓﻈﻪ ﻣﻨﻪ ﺷﻲﺀ، ﺍﺗﺬﻛﺮ ﻟﻠﺘﺤﻀﻴﺮﺍﺕ ﺍﻟﻴﻮﻣﻴﻪ ﻻﻥ ﺍﻟﺒﺎﺭﺣﻪ ﻣﻘﺮﻳﺖ ﻫﻮﺍﻳﻪ
ﺑﺎﻟﻄﺮﻳﻖ، ﺻﺎﺩﻓﻨﻪ ﺳﻠﻤﺎﻥ ﺍﻟﻤﺨﺒﻞ، ﻣﻌﺮﻭﻑ ﺑﺎﻟﻤﻨﻄﻘﻪ ﺳﻮﻳﺞ، ﻣﻮ ﻓﺎﻗﺪ ﻋﻘﻠﻪ ﻭ ﺍﻧﻤﺎ ﺗﺼﺮﻓﺎﺗﻪ ﻣﻮ ﻣﺘﻮﺍﺯﻧﻪ
بيج قصص عراقيه حقيقيه من واقعنا.روعه الطائي..ﺷﻔﺖ ﺑﻴﺪﻩ ﻣﻮﺑﺎﻳﻞ ﺧﻄﺮﺕ ﺍﺑﺎﻟﻲ ﻓﻜﺮﺓ ﻓﺼﺤﺖ -: ﻳﺎﺍﺍﺍﺍ ﺍﺳﺎﻣﻪ ﻧﺴﻴﺖ ﺍﻟﺨﻤﺴﻤﻴﻪ ﻣﺎﻟﺘﻲ ﺟﻮﻩ ﺍﻟﻤﺨﺪﻩ ! ﺍﺭﺟﻊ ﺟﻴﺒﻬﻢ ﻉ ﺍﻟﺴﺮﻳﻊ ﻓﺪﻭﻩ
- ﻻﺍﺍﺍﺍ ﺩﻳﺎﺭ ﻣﺎ ﺑﻴﻪ ﺣﻴﻞ
- ﻋﻔﻴﻪ ﻭﺍﻟﻠﻪ ﺟﻮﻋﺎﻧﺔ ﻋﺎﺩ ﺍﻛﻞ ﻟﻔﺔ ﻓﻼﻓﻞ ﺍﺭﺟﻊ ﺟﻴﺒﻬﻢ ﻓﺪﻭﻩ، ﺩﻳﻼ ﻳﺎ ﺍﺳﺎﻣﻪ ﺑﺴﺎﻉ ﺑﺴﺎﻉ
ﺩﻓﻌﺘﻪ ﻭ ﻫﻮ ﻳﺘﻤﻄﻤﻂ ﻣﻨﺎ ﻭ ﻣﻨﺎ ﻟﺤﺪ ﻣﺎ ﻓﻌﻼ ﺭﺟﻊ .. ﺗﻘﺮﺑﺖ ﻣﻦ ﺳﻠﻤﺎﻥ -: ﻫﻼ ﺳﻠﻤﺎﻥ ﺻﺒﺎﺡ ﺍﻟﺨﻴﺮ
- ﻫﻼ ﺑﺎﻟﻮﺻﺨﻪ
- ﻻ ﻳﺎ ﻭﺻﺦ، ﺍﺳﻤﻊ ﺳﻠﻤﺎﻥ، ﺟﺎﻳﺘﺘﻚ ﺑﺸﻐﻠﻪ ﻣﻬﻤﻪ ﻭ ﻣﺎ ﺍﻟﻲ ﻏﻴﺮﻙ
- ﺷﻜﻮ؟
- ﺍﻧﺖ ﺗﻌﺮﻑ ﺍﻛﻮ ﻭﺍﺣﺪ ﺍﺭﻫﺎﺑﻲ ﺑﻤﻨﻄﻘﺘﻨﺎ ؟
ﻓﺘﺢ ﻋﻴﻮﻧﻪ ﻭ ﻛﺎﻝ -: ﺍﺍﺍﺥ ﺻﺪﻙ ؟
- ﺍﻱ، ﻭ ﺍﺫﺍ ﻣﺎ ﺧﺒﺮﻧﺎ ﻋﻠﻴﻪ ﺍﺣﺘﻤﺎﻝ ﺍﻟﻌﺼﺮ ﻳﻔﺠﺮﻧﺎ، ﻭ ﺍﺫﺍ ﺣﺠﻴﻨﺎ ﺭﺍﺡ ﻳﺘﻬﻤﻮﻧﻪ ﻧﻌﺮﻓﻪ ﻭ ﻳﺴﺠﻨﻮﻧﻪ ﻭ ﻳﻀﺮﺑﻮﻧﻪ
- ﺍﻱ ﺻﺪﻙ، ﻳﻌﻨﻲ ﺷﻨﺴﻮﻱ ﻫﺴﻪ ؟
- ﻻﺯﻡ ﻧﺨﺒﺮ ﻋﻠﻴﻪ ﺑﺪﻭﻥ ﻣﻴﻌﺮﻓﻮﻧﺎ ﻣﻨﻮ ﺍﺣﻨﻪ
- ﻣﻨﻴﻦ ؟
- ﻣﻦ ﻣﻮﺑﺎﻳﻠﻚ ﻫﺬﺍ، ﺍﻧﻲ ﺍﻋﺮﻑ ﺭﻗﻢ ﺍﻟﺸﺮﻃﻪ ﻧﺨﺎﺑﺮﻫﻢ ﻭ ﻧﺒﻠﻎ ..
ﺍﻳﺪﻧﻲ ﺑﺎﻟﻜﻼﻡ ﺍﻟﻘﻨﻌﺘﻪ ﺑﻴﻪ، ﻭ ﻫﻮ ﻣﺘﺤﻤﺲ ﻭ ﻣﺘﻌﺼﺐ ﻻﻥ ﺍﺭﻫﺎﺑﻲ ﺑﺎﻟﻤﻨﻄﻘﻪ ﻭ ﻳﺮﻳﺪ ﻳﺨﺒﺮ ﻋﻠﻴﻪ، ﻋﻠﻤﺘﻪ ﺷﻨﻮ ﻳﺤﺠﻲ ﻭ ﺷﻴﺨﺎﺑﺮ ..
ﺧﺎﺑﺮﻫﻢ ﻭ ﺑﻠﻐﻬﻢ، ﻭ ﺍﻧﻄﻴﺘﻪ ﺍﻟﻤﻜﺎﻥ ﻣﺎﻝ ﺍﻟﺒﻴﺖ ﺍﻟﻤﺤﻠﻪ ﻭ ﺍﻟﺰﻗﺎﻕ .. ﺍﺟﻪ ﺍﺳﺎﻣﻪ ﺭﺣﺖ ﻭﻳﺎﻩ، ﻭ ﻫﻮ ﻳﺴﺄﻟﻨﻲ -: ﺷﺒﻴﻪ ﺳﻠﻤﺎﻥ ؟
- ﻣﺎ ﺍﻋﺮﻑ ﻳﻜﻮﻝ ﺍﻛﻮ ﺍﺭﻫﺎﺑﻲ ﺑﻤﻨﻄﻘﺘﻨﺎ
- ﺻﺪﻙ ؟
- ﺷﻤﺪﺭﻳﻨﻲ ﺍﺻﺪﻙ ﻫﺬﺍ ﺍﻟﺴﻮﻳﺞ
... ﺭﺣﺖ ﺍﻣﺘﺤﻨﺖ ﻭ ﺍﺟﺎﺑﺎﺗﻲ ﺟﺎﻧﻮ ﻧﺺ ﺑﻨﺺ، ﻃﻠﻌﺖ ﻟﻤﺪﺭﺳﺔ ﺍﺳﺎﻣﻪ، ﺍﺧﺬﺗﻪ ﻭ ﺭﺣﻨﺎ ﻟﻠﺒﻴﺖ، ﺷﻔﺖ ﺍﻛﻮ ﺩﻭﺭﻳﺎﺕ ﺑﺎﻟﻔﺮﻉ ﻭ ﺑﺎﻟﺘﺤﺪﻳﺪ ﺍﺑﺎﺏ ﺑﻴﺘﻨﺎ ﻭﺳﻠﻤﺎﻥ ﻭﻳﺎﻫﻢ ﻳﺤﺠﻲ ﻭ ﻳﻀﺨﻢ ﺑﺎﻟﻤﻮﺿﻮﻉ ﻻ ﻭﻳﻜﻠﻬﻢ ﺍﻧﻲ ﺷﻔﺘﻪ ﺑﻌﻴﻨﻲ
ﺑﻘﻴﻨﺎ ﻧﺒﺎﻭﻉ ﻣﻦ ﺑﻌﻴﺪ ﺍﻧﻲ ﻭ ﺍﺳﺎﻣﻪ
- ﺷﻨﻮ ﺫﻭﻟﻪ ﻟﻴﺶ ﺍﻟﺸﺮﻃﻪ ﺍﺑﺎﺑﻨﺎ ؟
- ﻣﺎ ﺍﻋﺮﻑ، ﺍﻛﻮﻟﻚ ﺧﻞ ﻧﺮﻭﺡ ﻟﺒﻴﺖ ﻣﻬﻰ ﻭ ﻧﺪﺯ ﺍﻣﺠﺪ ﻳﺠﻲ ﻳﺸﻮﻑ ﺷﻜﻮ، ﺍﻧﻲ ﺍﺧﺎﻑ
- ﻳﻼ
.. ﺭﺣﻨﺎ ﻟﺒﻴﺖ ﻣﻬﻰ ﻭ ﺳﻮﻟﻔﺘﻠﻬﺎ ﺍﻧﻮ : ﺍﻛﻮ ﺷﺮﻃﻪ ﺍﺑﺎﺏ ﺑﻴﺘﻨﺎ ﻭ ﻫﻮﺳﻪ ﺑﺎﻟﻤﻨﻄﻘﻪ ﻭ ﺧﻔﻨﺎ ﻧﻔﻮﺕ ﻟﻠﺒﻴﺖ
ﻫﻲ ﺧﺎﺑﺮﺕ ﺍﻣﺠﺪ ﻉ ﺍﻟﺴﺮﻳﻊ ﻭ ﮔﺎﻟﺘﻠﻪ، ﻭ ﻋﻤﻬﺎ ﻫﻢ ﻃﻠﻊ ﻣﻦ ﺑﻴﺘﻪ ﻭ ﺭﺍﺡ ﻟﻤﻨﻄﻘﺘﻨﺎ، ﺍﻧﻲ ﺻﺒﻴﺖ ﻣﺎﻋﻮﻥ ﺗﻤﻦ ﻭ ﻓﺎﺻﻮﻟﻴﻪ ﻣﻦ ﺍﻟﻠﻲ ﻃﺎﺑﺨﺘﻪ ﻣﻬﻰ ﻭ ﺻﻌﺪﺕ ﺑﻐﺮﻓﺘﻬﺎ ﻛﻌﺪﺕ ﺍﻛﻞ
ﺷﻮﻳﻪ ﻭ ﺍﺟﺎ ﺍﻣﺠﺪ ﻭ ﺍﺑﻮﻩ، ﻭ ﻣﻬﻰ ﺗﺴﺎﻝ ﺑﻴﻬﻢ ﺑﻠﻬﻔﻪ -: ﺷﻜﻮ ﻭ ﺷﺼﺎﻳﺮ
ﺍﻣﺠﺪ -: ﻭﺍﻟﻠﻪ ﻣﺎ ﺍﻓﺘﻬﻨﺎ ﻋﻠﻰ ﺍﺳﺎﺱ ﻣﺒﻠﻐﻴﻦ ﻋﻠﻰ ﺍﺳﻤﺎﻋﻴﻞ ﻭ ﻛﺎﻳﻠﻴﻦ ﻋﻨﻪ ﺍﺭﻫﺎﺑﻲ ﻣﺪﺭﻱ ﺷﻨﻮ، ﻓﺎﻳﺘﻴﻦ ﻋﻠﻴﻪ ﻟﻠﺒﻴﺖ ﻻﻛﻴﻨﻪ ﻧﺎﻳﻢ ﻭ ﻛﺪﺍﻣﻪ ﺍﺑﻄﺎﻟﺔ ﺍﻟﻌﺮﮒ، ﻣﺎﺧﺬﻳﻨﺎ ﻭ ﻃﺎﻟﻌﻴﻦ ﻭ ﺩﺍﻳﻔﺘﺸﻮﻥ ﺑﺎﻟﺒﻴﺖ، ﺧﺎﺑﺮﻧﺎ ﻫﺴﻪ ﻋﻠﻰ ﺍﺧﻮﺗﻪ ﻭ ﻋﻠﻰ ﻣﺮﺗﻪ ﺩﻳﺠﻮﻥ ﻳﺸﻮﻓﻮﻥ ﺷﻨﻮ ﺍﻟﻮﺿﻊ
ﻣﻬﻰ ﻟﻄﻤﺖ ﻋﻠﻰ ﺧﺪﻫﺎ ﻭ ﻫﻲ ﺗﺼﻴﺢ -: ﺳﻮﺩﻩ ﺑﻮﺟﻬﻲ ﻳﺎ ﺧﺎﻟﻮ ﻫﺎﻟﻤﻜﺮﻭﺩ ﻣﻨﻴﻠﻪ ﺍﺭﻫﺎﺑﻲ ﺩﺧﻴﻠﻚ ﺍﻟﻬﻲ ﺗﻮﻛﻒ
ﺍﻧﻲ ﻭﺍﻛﻔﻪ ﻋﻠﻰ ﺻﻔﺤﻪ، ﺳﺎﻛﺘﻪ ﺑﻼ ﺣﺲ، ﻭ ﺍﺳﺎﻣﻪ ﻳﻤﻲ ﻳﺒﺠﻲ ﻭ ﻳﺴﺄﻟﻨﻲ : ﺻﺪﻙ ﺑﺎﺑﺎ ﺍﺭﻫﺎﺑﻲ ؟
ﻟﻠﻈﻬﺮ ﺍﺟﺖ ﺍﻣﻲ ﻫﻢ ﻟﻄﻤﺖ ﻭ ﺻﺮﺧﺖ ﻭ ﺑﺠﺖ، ﻭ ﺍﺧﺬﺗﻬﺎ ﻋﻤﺘﻲ ﻭ ﻋﻤﺎﻣﻲ ﻭ ﺭﺍﺣﻮ
ﺍﻟﻔﻬﻤﺘﻪ ﺑﻌﺪ ﻣﺎ ﺍﺟﻮ، ﺣﺎﺑﺴﻴﻦ ﺑﺎﺑﺎ ﻭ ﻣﺎﻧﻌﻴﻦ ﺍﺣﺪ ﻳﺸﻮﻓﻪ ﻭ ﺣﻘﻘﻮﺍ ﻭﻳﺎ ﺍﻣﻲ ﻭ ﺳﺄﻟﻮﻫﺎ، ﻭ ﻟﻠﻴﻞ ﻳﻼ ﺭﺟﻌﻮﺍ، ﺍﻣﻲ ﻛﺎﻟﺖ : ﺍﺑﻘﻮ ﻫﻨﺎ ﻻ ﺗﺮﺟﻌﻮﻥ ﻣﻨﺎ ﻟﻤﺎ ﻧﺸﻮﻑ ﻭﻳﻦ ﺗﻮﺻﻞ ﺍﻻﻣﻮﺭ

ﻓﺮﺷﺘﻠﻨﺎ ﻣﻬﻰ ﺑﺎﻻﺳﺘﻘﺒﺎﻝ ﺣﺘﻰ ﺍﻧﺎﻡ، ﺗﻤﺪﺩﻧﺎ ﻭ ﺍﻣﻲ ﺭﺍﺣﺖ ﺟﺎﺑﺖ ﻛﺘﺒﻨﺎ ﻭ ﻣﻼﺑﺲ ﺍﻟﻨﺎ ﻭﺭﺍﺣﺖ ﻟﺒﻴﺖ ﻋﻤﻲ ﺣﺘﻰ ﻣﻦ ﺍﻟﺼﺒﺢ ﺗﻄﻠﻊ ﻭﻳﺎﻩ ..
ﻛﻌﺪﻧﻪ ﺑﻔﺮﺍﺷﺎﺗﻨﺎ ﻧﻘﺮﻩ ﻗﺒﻞ ﺍﻟﻨﻮﻡ ...
ﺷﻮﻳﻪ ﻭ ﺳﻤﻌﺖ ﺻﻮﺕ ﺍﻟﻠﻲ ﺍﺳﻤﻪ ﺧﺎﻟﺪ ﻫﻮ ﻭ ﻣﺮﺗﻪ ﺑﺎﻟﻬﻮﻝ، ﺻﻔﻨﺖ ﻭ ﺍﻧﻲ ﺍﺳﺘﻤﻊ ﻟﻜﻼﻣﻬﻢ، ﻳﺴﻮﻟﻔﻮﻟﻪ ﻋﻠﻰ ﺳﺎﻟﻔﺔ ﺍﺑﻮﻳﺔ، ﺗﺮﻛﺖ ﺍﻟﻜﺘﺎﺏ ﻣﻦ ﺍﻳﺪﻱ ﻭ ﻛﻤﺖ ﻟﻠﻬﻮﻝ
ﺩﺧﻠﺖ ﺍﺑﺎﻭﻉ ﺑﻴﻬﻢ، ﻭ ﻛﻌﺪﺕ ﻳﻢ ﻣﻬﻰ، ﺧﺎﻟﺪ ﺻﺎﻓﻦ ﺑﺎﻣﺠﺪ ﻭ ﻫﻮ ﻳﺴﻮﻟﻔﻠﻪ، ﻭ ﺩﺍﻳﺦ ﺑﺎﻟﺴﺎﻟﻔﻪ، ﺍﻟﺘﻔﺖ ﻋﻠﻴﻪ ﻭ ﻫﻮ ﻳﻜﻮﻝ -: ﻫﺎﺍ ؟
ﻣﺠﺎﻭﺑﺘﻪ ﻛﻌﺪﺕ، ﺍﺟﺎ ﺍﺳﺎﻣﻪ ﻛﻌﺪ ﻳﻤﻲ
ﺭﺟﻊ ﺳﺄﻝ ﺧﺎﻟﺪ -: ﻫﺴﻪ ﺫﻭﻟﻪ ﻭﻳﻦ ﻳﺒﻘﻮﻥ ؟
ﺍﻣﺠﺪ -: ﻳﻤﻨﺎ ، ﻳﻢ ﺑﻴﺖ ﻋﻤﻲ ﻭﻳﻦ ﻣﺎ ﻳﺮﺗﺎﺣﻮﻥ ﻗﺎﺑﻞ ﻫﻢ ﻏﺮﺑﻪ
ﺍﻧﺪﺍﺭ ﻋﻠﻴﻪ -: ﻫﻮ ﺍﻟﺒﺎﺭﺣﻪ ﻟﻴﺶ ﻳﻀﺮﺏ ﺑﺄﻣﺞ ؟
- ﻷﻥ ﻣﺎ ﺗﻨﻄﻲ ﻓﻠﻮﺱ
ﻧﺪﺳﺘﻨﻲ ﻣﻬﻰ -: ﻻ ﺗﺤﺠﻴﻦ ﻋﻦ ﻣﺸﺎﻛﻞ ﺍﻫﻠﺞ
ﻭ ﺧﺎﻟﺪ ﻣﺴﺘﻤﺮ ﻳﺤﺠﻲ : ﺷﻨﻮ ﻣﻦ ﺑﺸﺮ ﻫﺬﺍ، ﻻ ﺍﻟﺤﻠﻮ ﺻﺪﻙ ﻭ ﻳﻄﻠﻊ ﺍﺭﻫﺎﺑﻲ ﺍﻻ .... ﻗﺎﻃﻌﺘﻪ ﻣﻬﻰ
- ﻻ ﺧﺎﻟﺪ ﻋﻠﻰ ﺑﺨﺘﻚ ﻫﻮ ﺻﺤﻴﺢ ﻳﺸﺮﺏ ﻭ ﻋﺼﺒﻲ ﺑﺲ ﻣﺎﻛﻮ ﺍﻃﻴﺐ ﻣﻦ ﮔﻠﺐ ﺧﺎﻟﻲ
- ﺍﻥ ﺷﺎﺀﺍﻟﻠﻪ ﺧﻴﺮ، ﺷﻨﻜﻮﻝ ﺑﻌﺪ
ﺍﻧﻲ ﻣﺎ ﻧﺰﻟﺖ ﻋﻴﻨﻲ ﻣﻦ ﺧﺎﻟﺪ، ﻣﺎ ﺍﻋﺮﻑ ﻟﻴﺶ ﻛﺄﻧﻲ ﻣﺎ ﺷﺎﻳﻔﻪ، ﻣﻦ ﻳﺼﻴﺮ ﻛﺪﺍﻣﻲ ﺍﺑﻘﻰ ﺍﺑﺎﻭﻉ ﺑﻴﻪ ﻋﻠﻰ ﻣﻼﻣﺤﻪ ﺷﻠﻮﻥ ﻳﺤﺠﻲ، ﺍﺩﻗﻖ ﺑﻤﻼﺑﺴﻪ ﺑﺸﻤﺮﺓ ﺍﻳﺪﻩ ﻭ ﻫﻮ ﻳﺤﺠﻲ
ﺍﻧﺘﺒﻬﺖ ﻋﻠﻰ ﻣﺮﺗﻪ، ﺗﺒﺎﻭﻉ ﻋﻠﻴﻪ ﺷﻠﻮﻥ ﺍﺑﺎﻭﻉ ﻋﻠﻰ ﺍﺯﻭﺟﻬﺎ ﻭ ﺗﺨﺰﺭ ﺑﻴﻪ، ﺩﺭﺕ ﻷﺳﺎﻣﻪ ﻛﻠﺘﻠﻪ -: ﻛﻮﻡ ﺧﻞ ﻧﺮﻭﺡ ﻧﻜﻤﻞ ﻗﺮﺍﻳﺔ
ﻛﻌﺪﻧﺎ ﻧﻘﺮﺃ، ﻓﺎﺗﺖ ﻋﻠﻴﻨﻪ ﺿﺤﻰ ﻣﺮﺕ ﺧﺎﻟﺪ، ﺗﻘﺮﺑﺖ ﻣﻨﻲ : ﺍﺳﻤﻌﻲ ﻟﺞ ﻋﻴﻨﺞ ﺍﺫﺍ ﺣﻄﻴﺘﻴﻬﺎ ﻋﻠﻰ ﺭﺟﻠﻲ ﺑﻌﺪ ﻟﻮ ﺑﺎﻭﻋﺘﻴﻠﻪ ﺍﻓﻜﺲ ﻋﻴﻨﺞ ﺍﻓﺘﻬﻤﺘﻲ، ﺧﻠﻘﺘﺞ ﻧﻌﺎﻝ ﻻﺳﺘﻴﻚ ﻭﺑﻼ ﻣﺴﺘﺤﻪ ﺗﺒﺼﺒﺼﻴﻦ ﺑﺮﺟﻠﻲ ﺍﻝ ****
ﺍﺳﺎﻣﻪ -: ﻋﻴﺐ ﻋﻠﻴﺞ ﻫﺴﻪ ﺍﺭﻭﺡ ﺍﺻﻴﺢ ﻋﻤﻮ ﺍﻣﺠﺪ ﻋﻠﻴﺞ
ﺟﺮﺕ ﻭ ﺩﻓﻌﺘﻪ ﻋﻠﻴﻪ ﻭ ﻫﻲ ﺗﻜﻮﻟﻪ -: ﺍﺑﻌﺪ ﻣﻨﻲ ﺍﻧﺖ
ﻭ ﻃﻠﻌﺖ
ﺍﻧﻲ ﻣﻨﻄﻘﺖ ﻭ ﻻ ﺣﺮﻑ، ﺳﺄﻟﻨﻲ ﺍﺳﺎﻣﻪ -: ﻫﺎﻱ ﺷﺒﻴﻬﺎ ؟
- ﺧﻠﻴﻬﺎ ﺗﻮﻟﻲ ﺧﻞ ﻧﻜﻤﻞ ﺩﺭﺍﺳﻪ
ﻓﺎﺗﺖ ﻳﻤﻨﺎ ﻣﻬﻰ ﻭ ﻫﻲ ﺟﺎﻳﺒﺘﻠﻨﺎ، ﺑﺮﺗﻘﺎﻝ ﻣﺸﻴﻒ ﺑﻤﺎﻋﻮﻥ ﻭ ﺧﻠﺘﻪ ﻛﺒﺎﻟﻨﺎ ﻭ ﻛﻌﺪﺕ -: ﻫﺎ ﺩﺭﺳﺘﻮ
- ﻛﺎﻋﺪ ﻧﺪﺭﺱ
ﺍﺳﺎﻣﺔ -: ﻣﻬﻰ ﻫﺎﻱ ﻣﺮﻳﻪ ﺭﺍﺩﺕ ﺗﻀﺮﺏ ﺩﻳﺎﺭ
ﺍﻟﺘﻔﺘﺘﻠﻲ -: ﻣﻨﻮ ﻫﺎﻱ؟
ﻣﺮﺕ ﺍﺑﻦ ﻋﻤﺞ ﺧﺎﻟﺪ
- ﻳﻮﻭﻭﻩ ﺑﺲ ﻻ ﻏﻴﺮﺍﻧﻪ ﻣﻨﺞ ﻋﻠﻰ ﺧﺎﻟﺪ ؟
- ﺟﺎﻥ ﻳﺤﺠﻲ ﻭ ﺑﺎﻭﻋﺘﻠﻪ ﺍﺟﺖ ﺗﻜﻠﻲ ﺍﻓﻜﺲ ﻋﻴﻨﺞ
- ﻫﺎﻱ ﺍﻟﻐﻴﺮﺓ ﻣﺎﻟﺘﻬﺎ ﺍﺧﺒﺎﻝ ﻋﻠﻰ ﺧﺎﻟﺪ، ﻟﻮ ﻣﺮ ﺍﻟﻬﻮﻯ ﻋﻠﻴﻪ ﻋﺎﺭﻛﺘﻪ
- ﻫﻮ ﻳﺤﺒﻬﺎ ؟
- ﻳﻤﻮﺕ ﻋﻠﻴﻬﺎ ﺍﺳﺎﺳﺎ ﻣﺎﺧﺬﻫﺎ ﻋﻠﻰ ﺣﺐ ﻭ ﺳﻨﺘﻴﻦ ﻳﻌﺎﺭﻙ ﻋﻠﻴﻬﺎ ﻳﻼ ﺍﺧﺬﻫﺎ، ﻋﻨﺪﻩ ﻣﻨﻬﺎ ٢ ﺑﻨﺎﺕ، ﻭ ﻛﺎﺗﻠﻪ ﺭﻭﺣﻬﺎ ﺗﺮﻳﺪ ﺗﺠﻴﺒﻠﻪ ﻭﻟﺪ، ﻭ ﻫﺴﻪ ﻫﻲ ﺣﺎﻣﻞ، ﻳﻼ ﻣﻌﻠﻴﺞ ﺑﻴﻬﺎ ﻛﻤﻠﻲ ﺩﺭﺍﺳﺘﺞ ﻭ ﻫﺎﻱ ﺟﺒﺘﻠﻜﻢ ﺑﺮﺗﻘﺎﻝ ﺗﺎﻛﻠﻮﻥ، ﻳﻼ
ﻋﺎﻓﺘﻨﺎ ﻭ ﮔﺎﻣﺖ
ﺑﻘﻴﺖ ﺻﺎﻓﻨﻪ ﺍﻓﻜﺮ ﺑﻜﻼﻣﻬﺎ ﻭ ﺍﺑﺎﻟﻲ ﺍﻓﻜﺎﺭ ﻏﻴﺮ ﺷﻜﻞ
ﺛﺎﻧﻲ ﻳﻮﻡ ﺩﺍﻭﻣﻨﺎ، ﻭ ﺍﻣﺘﺤﻨﺖ، ﻟﻤﺎ ﻃﻠﻌﺖ ﺻﺎﺩﻓﻨﻲ ﺳﻠﻤﺎﻥ، ﺍﺟﺎﻧﻲ ﻳﺮﻛﺾ ﻭ ﻫﻮ ﻳﺼﻴﺢ -: ﺩﻳﺎﺭ ﻃﻠﻊ ﺍﺑﻮﺝ ﺍﺭﻫﺎﺑﻲ ﺍﻧﻲ ﺷﻔﺘﻪ ﺑﻨﻔﺴﻲ ﺑﻴﺪﻩ ﻗﺎﺫﻓﻪ ﻫﻤﺰﻳﻦ ﻛﻠﺘﻴﻠﻲ ﻋﻠﻴﻪ ﺍﻻ ﺍﺧﻠﻴﻬﻢ ﻳﻌﺪﻣﻮﻧﻪ
- ﺍﺷﺸﺶ ﻧﺺ ﺻﻮﺗﻚ ﻻ ﺗﻔﻀﺤﻨﺎ، ﺍﺳﻤﻊ ﻻ ﺗﻜﻮﻝ ﺍﻧﻲ ﻛﺘﻠﻚ ﻻﻥ ﻳﻀﺮﺑﻮﻧﻲ
- ﻻ ﻻ ﻣﺎ ﻛﻠﺖ، ﺑﺲ ﻫﻮ ﺍﺭﻫﺎﺑﻲ ﺍﺭﻫﺎﺑﻲ ﺩﻳﺎﺭ ، ﺍﺑﻄﻨﻪ ﻣﻔﺨﺨﻪ ﻳﺮﻳﺪ ﻳﻔﺠﺮﻧﺎ ﻳﺴﻮﻳﻨﺎ ﻧﺎﺭ ﻧﺎﺭ
- ﺍﻱ ﺍﻱ، ﺑﺲ ﻻ ﺗﺤﺠﻲ ﻣﻌﻠﻴﻚ ﻻ ﻳﻠﺰﻣﻮﻙ
- ﻻ ﺍﻧﻲ ﺩﻟﻴﺖ ﺍﻟﺸﺮﻃﻪ ﻭ ﺍﺧﺬﻭﻧﻲ ﺍﻟﺒﺎﺭﺣﻪ ﺑﺲ ﺍﺑﻮﻱ ﺭﺍﺡ ﺟﺎﺑﻨﻲ ﻭ ﺍﻟﻴﻮﻡ ﻫﻢ ﺍﺑﻠﻎ ﻋﻨﻪ
ﺧﺎﻟﺪ -: ﺩﻳﺎﺍﺍﺍﺭ
ﺩﺍ ﺍﺣﺠﻲ ﻭﻳﺎ ﺳﻠﻤﺎﻥ ﻭ ﺍﺟﺎﻧﻲ ﺻﻮﺕ ﺧﺎﻟﺪ ﻣﻦ ﻭﺭﺍﻱ، ﺟﻤﺪﺕ ﺑﻤﻜﺎﻧﻲ، ﺍﻟﺘﻔﺘﺖ ﻋﻠﻴﻪ ﻭ ﻫﻮ ﻳﺨﺰﺭ ﺑﺴﻠﻤﺎﻥ، ﺗﻘﺮﺏ ﻣﻦ ﻋﺪﻧﺎ ﻭ ﻛﺎﻟﻪ : ﻫﺎ ﺳﻠﻤﺎﻥ ﺷﻜﻮ
ﻫﺬﺍ ﺳﻮﻟﻔﻠﻪ ﻋﻦ ﺍﺑﻮﻳﻪ ﻭ ﺍﻥ ﻫﻮ ﺍﺭﻫﺎﺑﻲ ﻭ ﺑﻠﻎ ﻋﻨﻪ، ﻭ ﺫﺍﻙ ﺣﺎﻣﻲ ﻳﺴﻮﻟﻒ ﻭ ﻳﺠﺬﺏ ﻭ ﻳﻌﻀﻢ ﺑﺎﻻﻣﻮﺭ .. ﺧﺎﻟﺪ ﻫﺰ ﺭﺍﺳﻪ ﻭ ﺣﻂ ﺍﻳﺪﻩ ﻋﻠﻰ ﺟﺘﻔﻪ ﻭ ﻛﺎﻟﻪ : ﺳﻠﻤﺎﻥ ﺍﻣﺸﻲ ﻣﻨﺎ ﻭ ﺍﺫﺍ ﺷﻔﺘﻚ ﺑﻌﺪ ﻫﻨﺎ ﻭﺟﻬﻚ ﺍﻓﻠﺸﻪ ﺍﻓﺘﻬﻤﺖ ﻳﻼ ﻣﻨﺎ
ﺫﺍﻙ ﺧﺎﻑ ﻛﺎﻡ ﻳﺒﺎﻭﻉ ﺑﻄﺮﻑ ﻋﻴﻦ ﺗﺮﺍﺟﻊ ﻭ ﺭﺍﺡ، ﺍﻟﺘﻔﺘﺖ : ﻳﻌﻨﻲ ﺍﻧﺖ ﻳﺎ ﺩﻳﺎﺭ
- ﺍﺍﺍ ﻻ ﻣﻮ ﺍﻧﻲ
- ﻭﺑﻌﺪﺝ ﺗﻨﻜﺮﻳﻦ
- ﻻ ﻣﺎ ﺍﻧﻜﺮ ﺑﺲ ﺧﺎﻟﺪ ﻻ ﺗﻜﻮﻝ ﻻﺣﺪ
- ﺣﺮﺍﻡ ﺍﺑﻮﺝ ﻳﺮﻭﺡ ﺑﻴﻬﺎ
- ﻋﺴﺎﻩ ﺑﺲ ﻻ ﺗﻜﻮﻝ ﺍﻧﺖ ﻣﻌﻠﻴﻚ
ﺍﻟﺘﻔﺘﻠﻲ ﻣﺘﻔﺄﺟﺊ ﺑﻮﺟﻪ ﻋﺼﺒﻲ ﺻﺎﺡ ﺑﻴﻪ -: ﺍﻧﺖ ﺷﻨﻮ ﻣﻦ ﺑﺸﺮ ﺑﺎﺑﺎ، ﺍﺑﻮﺝ ﻫﺬﺍ ﻟﻮ ﺿﺮﺑﺞ ﻭ ﻳﻜﺴﺮ ﺭﺍﺳﺞ ﻛﻠﻤﻪ ﻣﺎ ﺗﺤﺠﻴﻦ
- ﺍﻱ ﺑﺲ ﺍﻧﺖ ﻣﻌﻠﻴﻚ
- ﻻ ﺗﺮﺩﻳﻦ ﺑﻌﻴﻦ ﻭﻛﺤﻪ ﻧﺰﻟﻲ ﻋﻴﻨﺞ ﺩﻳﺎﺍﺍﺭ
ﺩﻧﻜﺖ ﻭ ﺣﺠﻴﺖ -: ﻻ ﺗﺤﺠﻲ ﻻﺣﺪ
- ﺧﺎﻳﻔﻪ ؟
ﺳﻜﺘﺖ، ﺍﻧﺪﺍﺭ ﺭﺍﺩ ﻳﻤﺸﻲ ﻟﺰﻣﺖ ﺍﻳﺪﻩ -: ﺧﺎﻟﺪ ﺑﺲ ﺍﺣﺠﻲ ﻭﻳﺎﻙ
ﺑﺎﻭﻉ ﻻﻳﺪﻱ ﻻﻥ ﻟﺰﻣﺘﻪ، ﻧﺰﻟﺘﻬﺎ -: ﻧﻜﺪﺭ ﻧﺤﺠﻲ ﺷﻮﻳﻪ
- ﺑﺨﺼﻮﺹ ﺷﻨﻮ
- ﺍﺷﺮﺣﻠﻚ ﺍﻟﻤﻮﻗﻒ ﺍﻟﻠﻲ ﺧﻼﻧﻲ ﺍﺑﻼﻍ ﻋﻠﻰ ﺍﺑﻮﻳﻪ، ﻻﻥ ﻣﻮ ﻣﺜﻞ ﻣﺎ ﺍﻧﺖ ﻣﺘﺨﻴﻞ
- ﺍﻣﺸﻲ ﻟﻠﺒﻴﺖ
- ﻻ ﺑﺎﻟﺒﻴﺖ ﺍﻟﻜﻞ ﻳﺸﻮﻑ ﻭ ﻳﺼﻴﺮ ﺣﺠﻲ، ﺑﻐﻴﺮ ﻣﻜﺎﻥ ﺍﺣﺴﻦ
- ﺍﺧﻮﺝ ﻭﻳﻨﻪ ؟
- ﺭﺍﺡ ﻟﺼﺪﻳﻘﻪ ﻳﺪﺭﺱ ﻭﻳﺎﻩ
- ﺯﻳﻦ ﻟﻌﺪ ﺍﻧﺘﻈﺮﻱ ﺍﺟﻴﺐ ﺳﻴﺎﺭﺗﻲ ﻭ ﺍﺟﻲ
ﻫﻮ ﻣﺸﻰ، ﻭ ﺍﻧﻲ ﻭﻛﻔﺖ ﺑﺎﻟﻔﻴﺎﻱ ﺍﻧﺘﻈﺮﻩ، ﺭﺟﻊ ﺑﺴﻴﺎﺭﺗﻪ، ﺻﻌﺪﺕ، ﺳﺄﻟﻨﻲ -: ﺍﻣﺞ ﻣﻴﻀﻞ ﺑﺎﻟﻬﺎ ﻟﻮ ﺗﺄﺧﺮﺗﻲ ؟
- ﻣﺤﺪ ﺭﺍﺡ ﻳﻬﺘﻢ ﻟﻮ ﻣﺘﺖ ﺍﺻﻼ
ﺭﻓﻊ ﺣﻮﺍﺟﺒﻪ ﻭ ﻫﻮ ﻳﺒﺎﻭﻋﻠﻲ، ﻣﺪ ﺍﻳﺪﻩ ﺷﻐﻞ ﺍﻟﺴﻴﺎﺭﻩ ﻭ ﺳﺎﻕ، ﺳﺎﻛﺖ ﻣﺎ ﺣﺠﻪ، ﻻﻥ ﺑﺎﻟﻤﻨﻄﻘﻪ ﺭﺍﺩ ﺑﺲ ﻧﻄﻠﻊ ﺣﺘﻰ ﻧﺤﺠﻲ، ﻫﻨﺎﻙ ﻭﻛﻒ ﺳﻴﺎﺭﺗﻪ ﻭ ﻛﺎﻝ ﺍﺻﺒﺮﻱ ﻫﻨﺎ ﺷﻮﻳﻪ ﻭ ﺍﺟﻲ، ﻧﺰﻝ ﻟﻤﺤﻞ ﺍﺩﻭﺍﺕ ﺍﺣﺘﻴﺎﻃﻴﻪ ﻣﺎ ﺍﻋﺮﻑ ﺷﻨﻮ ﺟﺎﻥ ﻳﺮﻳﺪ ﻣﻨﻬﺎ ﺑﻮﻛﺘﻬﺎ ..
ﺑﺎﻭﻋﺖ ﻟﻤﻮﺑﺎﻳﻠﻪ، ﺯﻭﺟﺘﻪ ﺗﺘﺼﻞ ﻋﻠﻴﻪ، ﺑﺎﻭﻋﺖ ﻋﻠﻴﻪ ﻫﻮ ﻓﺎﺕ ﻟﻠﻤﺤﻞ، ﻗﻔﻠﺖ ﺍﻟﺠﺎﻣﺎﺕ ﻭ ﺣﺮﻛﺖ ﺍﻟﺴﻮﻳﺞ ﻃﻔﻴﺖ ﺍﻟﺴﻴﺎﺭﺓ ﻭ ﺭﻗﻘﺖ ﺻﻮﺗﻲ ﻭ ﺭﺩﻳﺖ -: ﺍﻟﻮﻭﻭ
ﺗﺨﺒﻠﺖ ﻣﻦ ﺳﻤﻌﺘﻨﻲ ﺻﻮﺕ ﺑﻨﻴﻪ، ﺻﺮﺧﺖ ﺑﻴﻪ -: ﻣﻨﻮ ﺍﻧﺖ ﻭ ﺷﻴﺴﻮﻱ ﻣﻮﺑﺎﻳﻞ ﺭﺟﻠﻲ ﻋﻨﺪﺝ

ﺗﻨﻌﻮﺻﺖ -: ﺍﻭﻱ ﻋﻔﻴﻪ ﻻ ﺗﺼﺮﺧﻴﻦ ﻫﺸﻜﻞ ﺯﺭﻓﺘﻴﻬﺎ ﻷﺫﻧﻲ ﻣﺎ ﺍﺗﺤﻤﻞ
- ﻭﻟﺞ ﻳﺎﻟﻜﺢ .... ﺷﻌﺪﺝ ﻭﻳﺎﺍﺍﺍﺍﺍﺍ ﺭﺟﻠﻲ ﻛﻮﻭﻭﻟﻲ ﺧﺎﻟﺪ ﻭﻳﻴﻴﻦ
: ﻣﻮﺑﺎﻳﻞ ﺣﺒﻴﺒﻲ ﻭ ﺍﺭﺩ ﻋﻠﻴﻪ ﺍﻧﺖ ﻣﻨﻮ ﻳﻤﺞ ﺍﻭﻭﻱ
ﻛﺎﻣﺖ ﺗﻔﺸﺮ ﻋﻠﻴﻪ ﺑﺼﻮﺕ ﻋﺎﻟﻲ، ﺭﺩﻳﺘﻬﺎ : ﺍﻭﻱ ﻋﻔﻴﻪ ﺩﻭﺧﺘﻴﻨﻲ ﻣﺎ ﺍﺗﺤﻤﻞ، ﺭﻭﺣﻲ ﺍﺟﺎ ﻻ ﺗﺰﻋﺠﻴﻨﺎ ﺑﻌﺪ ﺍﻭﻭﻭﻛﻲ ..
ﻗﻔﻠﺖ ﺍﻟﺨﻂ ﻭ ﻏﻠﻘﺖ ﺍﻟﺠﻬﺎﺯ ﻧﻬﺎﺋﻲ ﻭ ﺧﻠﻴﺘﻪ
- ﻭﺷﻮﻓﻲ ﻫﺬﻩ ﺍﻟﻤﺸﻮﻫﻪ ﺍﻟﻠﻲ ﻭﺟﻬﻪ ﻧﻌﺎﻝ ﻻﺳﺘﻴﻚ ﺷﻨﻮ ﺭﺍﺡ ﺗﺴﻮﻱ ﺑﻴﺞ
ﻣﺴﺤﺖ ﻋﻠﻰ ﺷﻌﺮﻱ ﻣﻨﺎ ﻭ ﻣﻨﺎ ﺧﺎﻑ ﻣﻜﻮﺵ، ﺷﻮﻳﻪ ﻭ ﺍﺟﺎ ﻫﻮ ﺻﻌﺪ ﻏﺮﺍﺽ ﺑﺼﻨﺪﻭﻙ ﺍﻟﺴﻴﺎﺭﺓ ﻭ ﺭﺩ ﺻﻌﺪ
-: ﺍﻱ ﺩﻳﺎﺭ ﻟﻴﺶ ﻣﺤﺪ ﻳﻬﺘﻤﻠﺞ
- ﺍﻣﻲ ﺗﺸﺘﻐﻞ ﻛﻞ ﻭﻗﺘﻬﺎ ﻭ ﺍﺑﻮﻳﻪ ﻣﻴﺤﺒﻨﻪ
- ﻣﺎﻛﻮ ﺍﺣﺪ ﻣﻴﺤﺐ ﺟﻬﺎﻟﻪ، ﻭ ﻋﺼﺒﻴﺘﻪ ﻣﺎ ﺗﻌﻨﻲ ﺍﻥ ﻫﻮ ﻣﻴﺤﺒﻜﻢ
- ﻫﻮ ﺍﻟﻠﻲ ﺣﺮﻛﻨﻲ ﻭ ﺷﻮﻫﻨﻲ ﻭ ﺧﻼﻧﻲ ﻣﺴﺨﺮﻩ ﻟﻠﻜﻞ
ﺳﻜﺖ، ﺍﻟﺘﻔﺖ : ﻟﻴﺶ ﺣﺮﻛﺞ ؟
- ﻭﻛﺘﻬﺎ ﺟﺎﻥ ﻋﻤﺮﻱ ﺧﻤﺲ ﺍﺳﻨﻴﻦ ﻟﻤﺎ ﺣﺮﻛﻨﻲ، ﺑﺮﺃﻳﻚ ﻟﻴﺶ ﺍﺏ ﻳﺤﺮﻙ ﺑﻨﺘﻪ ﺑﻌﻤﺮ ﺍﻝ٥ ﺳﻨﻮﺍﺕ
- ﻣﻌﻘﻮﻟﻪ ؟ !! ﺍﺗﻮﻗﻌﺖ ﺗﺸﻮﻫﺞ ﺣﺎﺩﺙ ﺑﺎﻱ ﻃﺮﻳﻘﺔ ﻛﺎﻧﺖ، ﺑﺲ ﺍﺑﻮﺝ ﻣﺎ ﻣﻌﻘﻮﻝ
- ﻟﻤﺎ ﺟﺎﺑﺖ ﺍﻣﻲ ﺍﻭﻝ ﺑﻨﺖ، ﺣﻴﻞ ﻛﺮﻫﻪ ﻭ ﺟﺎﻥ ﻳﻜﺘﻠﻬﺎ ﻫﻮﺍﻳﻪ ﻻﻥ ﻣﺎ ﻳﺤﺐ ﺍﻟﺒﻨﺎﺕ، ﻭ ﻟﻤﺎ ﺣﺒﻠﺖ ﻭ ﺟﺎﺑﺖ ﺍﻟﺜﺎﻧﻴﻪ، ﺷﺎﻟﻬﺎ ﺑﺎﻟﻠﻴﻞ ﻭ ﺍﻣﻲ ﻧﺎﻳﻤﻪ ﻭﺣﻄﻬﺎ ﺑﻌﻼﻛﻪ ﻭ ﺭﺍﺡ ﺷﻤﺮﻫﺎ ﺑﺎﻟﺰﺑﺎﻟﻪ ﺍﻟﻠﻲ ﺑﺎﻟﺴﺎﺣﻪ
- ﻣﺎﺗﺖ ؟ !!
- ﻣﺎ ﻟﻜﺘﻬﺎ ﺍﻣﻲ ﺩﻭﺭﺕ ﻋﻠﻴﻬﺎ ﻫﻮﺍﻳﻪ ﺑﺎﻟﺰﺑﺎﻟﻪ ﻭ ﻣﺎﻛﻮ، ﻭ ﺑﺎﺑﺎ ﻫﺪﺩﻫﺎ ﺑﺲ ﺗﺒﻠﻎ ﻋﻨﻪ ﻟﻮ ﺗﺤﺠﻲ ﻳﻜﺘﻞ ﺍﺧﺘﻲ ﺍﻟﺠﺒﻴﺮﺓ، ﻭ ﺳﻜﺘﺖ ﻣﺎ ﺑﻐﺖ ﻋﻨﻪ
ﻭ ﻟﻤﺎ ﺣﺒﻠﺖ ﻣﺮﻩ ﻟﺦ ﻭ ﺟﺎﺑﺘﻨﻲ، ﻫﻢ ﺷﺎﻟﻨﻲ ﻣﻨﻬﺎ ﺑﺎﻟﻠﻴﻞ ﻭ ﺣﻄﻨﻲ ﺑﻌﻼﻛﻪ ﻭ ﺷﻤﺮﻧﻲ ﻣﺜﻞ ﺍﺧﺘﻲ ﺍﻻﻭﻟﻰ ﺑﺎﻟﺰﺑﺎﻟﻪ، ﺑﺲ ﺍﻣﻲ ﻓﺎﺯﻩ ﻭ ﻣﻨﺘﺒﻪ ﻭ ﻣﺘﻌﺎﺭﻛﻪ ﻭﻳﺎﻩ ﻣﺪﻟﻴﻬﺎ ﻣﻜﺎﻧﻲ ، ﺭﺍﺣﺖ ﺟﺎﺑﺘﻨﻲ ﻭ ﺍﺟﺖ ﻭ ﻛﻞ ﻟﻴﻠﻪ ﻭ ﺍﻧﻲ ﻃﻔﻠﻪ ﻳﺤﺎﻭﻝ ﻳﻜﺘﻠﻨﻲ.....بيج قصص عراقيه حقيقيه من واقعنا.روعه الطائي
- ﻫﺬﺍ ﻣﻮ ﺍﻧﺴﺎﻥ ﻃﺒﻴﻌﻲ، ﺷﻠﻮﻥ ﻋﺎﻳﺸﻴﻦ ﻭﻳﺎﻩ
- ﺳﻜﻴﺮ ﻭﻟﻤﺎ ﻳﺴﻜﺮ ﻳﺘﺤﻮﻝ ﻟﺨﻨﺰﻳﺮ
- ﻭﻟﻴﺶ ﺣﺮﻛﺞ ؟
- ﻣﺎ ﺍﻋﺮﻑ ﻛﺘﻠﻚ ﺟﻨﺖ ﺻﻐﻴﺮﻩ
- ﻭ ﺍﺧﺘﺞ ﺍﻟﺠﺒﻴﺮﻩ ﻭﻳﻨﻬﺎ ؟
- ﻣﺎﺗﺖ
- ﺷﻠﻮﻥ
ﻟﻠﺤﻈﻪ ﺣﺴﻴﺖ ﺭﺍﺳﻲ ﺍﺷﺘﻌﻞ ﻭ ﺻﺮﺍﺧﻬﺎ ﺻﺎﺭ ﺑﺮﺍﺳﻲ ﻭ ﻫﻲ ﺗﺼﻴﺢ ‏( ﺩﻳﺎﺍﺍﺍﺍﺍﺍﺍﺭ ‏) ﺍﺧﺘﻨﻜﺖ ﻭ ﻛﻤﺖ ﻛﻮﻩ ﺍﺗﻨﻔﺲ ﻭ ﻋﺮﻛﺖ، ﻛﻤﺖ ﺍﻓﺮﻙ ﺑﻮﺟﻬﻲ ﻭﺍﻧﻲ ﺍﻛﻮﻟﻪ -: ﻣﺎ ﺍﻋﺮﻑ ﻣﺎ ﺍﻋﺮﻑ
ﺧﻔﻒ ﺳﻴﺎﻗﺔ ﺍﻟﺴﻴﺎﺭﺓ ﻭ ﻫﻮ ﻳﺒﺎﻭﻋﻠﻲ، ﺣﺎﻭﻟﺖ ﺍﺭﺟﻊ ﻃﺒﻴﻌﻴﻪ ﻛﺪﺍﻣﻪ ﻭ ﻣﺎ ﺍﺑﻴﻨﻠﻪ ﺷﻲﺀ ﺍﺧﺮ، ﻓﺘﺢ ﺑﻄﻞ ﻣﻲ ﻓﺎﺗﺮ ﺟﺎﻥ ﺑﺎﻟﺴﻴﺎﺭﺓ ﻭ ﺍﻧﻄﺎﻧﻴﺎﻩ، ﺷﺮﺑﺖ ...
ﺭﺍﺩ ﻳﻐﻴﺮ ﺍﻟﻤﻮﺿﻮﻉ، ﺳﺄﻟﻨﻲ -: ﻳﺎ ﺻﻒ ﺍﻧﺖ ؟
- ﺛﺎﻟﺚ ﻣﺘﻮﺳﻂ
ﻭ ﺍﺧﻮﺝ ؟
- ﺛﺎﻟﺚ ﺍﺑﺘﺪﺍﺋﻲ
- ﺍﻟﻠﻪ ﺍﻛﺒﺮ ﻣﻦ ﻇﻠﻢ ﺍﻟﺒﺸﺮ، ﻣﻌﻘﻮﻟﻪ ﺍﺏ ﻳﺴﻮﻱ ﻫﻴﺞ ﺍﺑﻨﺎﺗﻪ، ﻟﺞ ﻋﻨﺪﻱ ﺑﻨﺎﺕ ﺍﺫﺍ ﻣﻮ ﻛﻞ ﻟﻴﻠﻪ ﺍﺷﻤﻬﻢ ﻗﺒﻞ ﻣﺎ ﺍﻧﺎﻡ ﻭ ﺍﺧﺬﻫﻢ ﺑﺤﻈﻨﻲ ﻣﺎ ﺍﺭﺗﺎﺡ، ﺷﻨﻮ ﻃﻴﻨﺘﻪ ﻫﺬﺍ ، ﺍﻟﻠﻪ ﺍﻟﻠﻪ
ﻭﺻﻠﻨﻲ ﻟﻤﺤﻞ، ﻛﺎﻝ -: ﺍﻧﺰﻟﻲ ﻧﺤﺠﻲ ﺟﻮﺍ، ﻋﻨﺪﻱ ﻏﺮﺍﺽ ﺩﺍ ﺍﺭﻳﺪ ﺍﺭﻛﺒﻬﻢ
ﺟﺮ ﺍﻟﻤﻮﺑﺎﻳﻞ ﺣﻄﻪ ﺑﺠﻴﺒﻪ ﺑﻼ ﻣﻴﺸﻮﻓﻪ، ﻧﺰﻟﻨﺎ، ﻓﺘﺢ ﺑﺎﺏ ﺍﻟﻤﺤﻞ ﻟﻴﻔﻮﻙ ﻭ ﻓﺘﺢ ﺍﻟﺒﺎﺏ ﺍﻟﻼﺥ ﻣﻦ ﻛﺰﺍﺯ، ﻭﺩﺧﻠﻨﺎ ﻣﺤﻞ ﺑﻴﻪ ﻏﺮﻓﺘﻴﻦ، ﻓﺘﻨﺎ ﻟﻠﻐﺮﻓﻪ ﺍﻟﺜﺎﻧﻴﻪ
ﺍﻛﻮ ﺑﻴﻬﺎ ﺍﻻﺕ ﺗﺼﻮﻳﺮ ﻭ ﻫﻮ ﻛﻌﺪ ﻳﺮﻛﺐ ﺑﻴﻬﻦ -: ﻣﺤﻞ ﺷﻨﻮ ﻫﺬﺍ ؟
- ﻣﺤﻞ ﺗﺼﻮﻳﺮ، ﺗﻌﺮﻓﻴﻦ ﺟﻨﺖ ﻋﺎﻳﺶ ﺑﺴﻮﺭﻳﺎ ﻭ ﻗﺮﺭﺕ ﺍﺭﺟﻊ ﺍﻋﻴﺶ ﻫﻨﺎ، ﻓﺎﺟﺮﺕ ﻣﺤﻞ ﺗﺼﻮﻳﺮ ﻭ ﺍﺷﺘﻐﻞ ﺑﻤﺠﺎﻟﻲ ﺍﻓﻀﻞ
- ﺍﻧﺖ ﺷﻨﻮ ﺷﻐﻠﺘﻚ
- ﺍﺷﺘﻐﻞ ﻣﺼﻮﺭ ﺍﻋﻼﻣﻲ، ﺑﺲ ﺷﻐﻞ ﻣﺎﻛﻮ ﻛﻠﺖ ﺍﻓﺘﺢ ﻣﺤﻞ ، ﻋﻮﻓﻴﻨﻲ ﻣﻦ ﻋﻨﺪﻱ ﺍﺭﺟﻌﻴﻠﻲ ﻟﺴﺎﻟﻔﺘﺞ، ﻟﻬﺎﻟﺴﺒﺐ ﻳﻌﻨﻲ ﻭﺭﻃﺘﻲ ﺍﺑﻮﺝ ﺑﻬﺎﻟﺴﺎﻟﻔﻪ ؟
ﻫﺰﻳﺖ ﺭﺍﺳﻲ ﺑﻤﻌﻨﻰ ‏( ﺍﻱ ‏)
- ﺗﻌﺮﻓﻴﻦ ﺍﺑﻮﺝ ﺭﺍﺡ ﻳﺮﻭﺡ ﺑﻴﻬﺎ ﻣﻦ ﺻﺪﻙ ﻻﻥ ﻭ ﻋﻠﻰ ﺣﻈﻪ، ﺍﺧﺒﺎﺭﻳﺎﺕ ﻋﻨﺪ ﺍﻟﺸﺮﻃﻪ ﻋﻦ ﺍﺭﻫﺎﺑﻲ ﺑﺎﻟﺪﻭﺭﻩ ﺑﺄﺳﻢ ﺍﺳﻤﺎﻋﻴﻞ ﻭ ﺍﺟﺎ ﺍﺳﻢ ﺍﺑﻮﺝ ﻭﻳﺎ ﺍﺳﻤﻪ ﻭ ﻫﺴﻪ ﻫﻮ ﻋﻨﺪ ﺍﻻﻣﺮﻳﻜﺎﻥ، ﺑﺎﻟﻘﻞ ﻫﻮ ﺍﻟﻠﻪ ﺍﺣﺪ ﻟﻮ ﻃﻠﻊ
- ﻋﺎﺩﻱ
ﻳﺮﻛﺐ ﺑﻬﺬﺍ ﺍﻟﻌﻤﻮﺩ ﻣﺎﻝ ﺍﻟﺘﺼﻮﻳﺮ ﻭ ﺍﻧﻲ ﺣﺠﻴﺖ ﻫﻴﺞ، ﺍﻟﺘﻔﺘﻠﻲ ﻭﺭﺟﻊ ﺩﻧﻚ ﻳﺮﻛﺰ ﻭ ﻳﻬﺰ ﺑﺮﺍﺳﻪ ﻣﺮﺍﺿﻲ ﺑﻜﻠﻤﺘﻲ
- ﺷﻮﻓﻲ ﻫﻮ ﻣﻦ ﺣﻘﺞ ﺗﻜﺮﻫﻲ، ﺑﺲ ﻣﻮ ﻻﺯﻡ ﺗﻜﻮﻧﻴﻦ ﻋﺪﺍﺋﻴﻪ، ﻣﻮ ﺿﺮﻭﺭﻱ ﻧﺄﺫﻱ ﻛﻞ ﺍﻧﺴﺎﻥ ﻳﺄﺫﻳﻨﺎ، ﺍﻛﻮ ﺍﻟﻠﻪ ﻭ ﻳﺎﺧﺬ ﺑﺤﻘﻨﺎ ﻭ ﺍﻻ ﻧﻜﻮﻥ ﻣﺠﺮﻣﻴﻦ
- ﺍﻟﻠﻪ ﻳﻄﻮﻝ ﻟﻤﺎ ﻳﺎﺧﺬ ﺍﻟﺤﻖ ، ﻭ ﻟﻮ ﻳﺤﺒﻨﻲ ﻣﺎ ﺟﺎﻥ ﺭﺿﻰ ﺑﻮﺿﻌﻲ، ﺟﺎﻥ ﻃﻴﺒﻨﻲ ﺍﻭ ﺍﻧﺘﻘﻢ ﻣﻦ ﻛﻞ ﺍﻧﺴﺎﻥ ﻳﻀﺤﻚ ﻋﻠﻴﻪ ﻓﺎﺧﺬﻩ ﺍﻧﻲ ﻭ ﻣﺎ ﺍﻋﺘﻤﺪ ﻋﻠﻰ ﺭﺑﻲ
- ﺍﺳﺘﻐﻔﺮﻱ ﺍﻟﻠﻪ، ﺣﺮﺍﻡ ﺷﻨﻮ ﻫﺎﻟﻜﻼﻡ ... ﺍﻟﻠﻪ ﻳﻤﻬﻞ ﻭﻻ ﻳﻬﻤﻞ، ﻭ ﻻ ﺗﻘﻠﻠﻴﻦ ﺛﻘﺘﺞ ﺑﻨﻔﺴﺞ ﻣﻌﻠﻴﺞ ﺑﺎﻟﻨﺎﺱ، ﻭﺟﻬﺞ ﺣﻠﻮ ﻣﻨﺎﻗﺼﺞ ﺷﻲﺀ ﻭ ﺍﻟﻄﺐ ﺍﻃﻮﺭ، ﺍﻛﻮ ﻋﻤﻠﻴﺎﺕ ﺗﺠﻤﻴﻞ ﺗﺮﺟﻌﺞ ﻣﺜﻞ ﺍﻭﻝ ﻭ ﺍﺣﻠﻰ
- ﻭ ﻣﻨﻴﻦ ﺍﺟﻴﺐ ﻭ ﻫﻮ ﺣﺘﻰ ﻣﺼﺮﻑ ﻣﺎ ﻳﻨﻄﻴﻨﻲ ﺍﺧﺬ ﻣﻦ ﺍﻣﻲ
- ﺍﺳﻌﻲ ﺍﻧﺖ ﻭ ﺍﺗﺠﺎﻫﻠﻲ ﺍﻟﻨﺎﺱ ﻭ ﺭﺟﻌﻲ ﻧﻔﺴﺞ
- ﺷﻠﻮﻥ
- ﻫﺎﻱ ﺍﻟﺸﻠﻮﻥ ﻳﻤﺞ، ﺗﺸﺘﻐﻠﻴﻦ، ﺗﻔﻠﺤﻴﻦ ﺑﺪﺭﺍﺳﺘﺞ ﺑﻜﻴﻔﺞ، ﺑﺲ ﻫﺬﺍ ﻃﺒﻌﺞ ﻻﺯﻡ ﺗﺒﺪﻟﻲ
- ﻣﻮ ﺑﺎﻳﺪﻱ ﻣﻦ ﺍﺣﺪ ﻳﺘﻤﺴﺨﺮ ﻋﻠﻰ ﻭﺿﻌﻲ ﻻﺯﻡ ﺍﻧﺘﻘﻢ ﻣﻨﻪ
ﻭﻛﻒ ﻭ ﻫﻮ ﻳﺸﺘﻐﻞ، ﺍﺟﺎ ﻣﻦ ﻣﻜﺎﻧﻪ ﻭ ﺗﺨﺼﺮ -: ﻭ ﻛﻢ ﻭﺍﺣﺪ ﺍﻧﺘﻘﻤﺘﻲ ﻣﻨﻬﻢ ؟
- ﻫﻮﺍﻳﻪ
- ﻣﺜﻞ ؟
- ﻭﺣﺪﻩ ﺑﺎﻟﻤﺪﺭﺳﻪ ﺗﻀﺤﻚ ﻋﻠﻴﻪ ﺩﻭﻡ، ﺭﺣﺖ ﺧﻠﻴﺖ ﺭﺳﺎﻟﻪ ﺑﺴﻴﺎﺭﺓ ﺍﺑﻮﻫﺎ ﻭ ﻛﺘﺒﺘﻠﻪ ‏( ﺑﺘﻚ ﻣﺎ ﺍﺩﺍﻭﻡ، ﺗﻄﻠﻊ ﻭﻳﺎ ﻭﺍﺣﺪ ﻟﻠﺸﻘﻪ ﻭ ﺗﺮﻭﺡ ﻭﻳﺎﻩ ‏)
ﺻﺮﺥ -: ﻻ ﻳﺮﺑﺞ ﻭ ﺷﺼﺎﺭ ﺑﻴﻬﺎ ﺍﻟﺒﻨﻴﻪ
- ﻣﺎ ﺍﺟﺖ ﺑﻌﺪ ﻟﻠﻤﺪﺭﺳﻪ ﻭ ﺧﻠﺼﺖ ﻣﻨﻬﺎ
ﺑﻘﻰ ﻓﺎﺗﺢ ﻋﻴﻮﻧﻪ ﻭ ﺣﻠﻜﻪ ﻣﻨﺬﻫﻞ -: ﻭﻏﻴﺮﻫﺎ ؟
- ﺟﻴﺮﺍﻧﺎ ﺍﺑﻨﻬﺎ ﻳﺘﻌﺎﺭﻙ ﻭ ﻳﺎ ﺍﺳﺎﻣﻪ ﻳﻀﺮﺑﻪ، ﻭ ﻣﻦ ﺍﻃﻠﻊ ﺍﺿﺮﺏ ﺍﺑﻨﻬﺎ، ﺗﻬﺪ ﻋﻠﻴﻪ ﻭ ﺗﻐﻠﻂ ﻭ ﺗﻜﻠﻲ ﺍﻟﻤﺸﻮﻫﻪ ﺍﻟﻌﻮﺑﻪ
- ﻭ ﺷﺴﻮﻳﺘﻲ ؟
- ﻛﺘﺒﺖ ﻟﺮﺟﻠﻬﺎ ﻣﺮﺗﻚ ﻣﻦ ﺗﻄﻠﻊ ﺍﻃﺒﺐ ﺯﻟﻢ ﻟﺒﻴﺘﻚ، ﺿﺒﻬﺎ ﻻ ﺗﺸﺪﻟﻚ ﮔﺮﻥ

- ﻳﺮﺑﺞ ﻭﻟﺞ ﺷﻨﻮ ﻛﻞ ﺷﻐﻠﺞ ﺑﺎﻟﺸﺮﻑ ﺩﻳﺎﺭ ﻫﺎﻻﻧﺘﻘﺎﻡ ﻳﻬﺠﻢ ﺑﻴﻮﺕ، ﻭﻟﺞ ﻫﺎﻱ ﺣﻮﺑﺘﻬﻢ ﺗﺪﻣﺮ ﺣﻴﺎﺗﺞ، ﺍﻧﺖ ﺷﻨﻮ ﻣﻦ ﺑﺸﺮ
- ﻣﺤﺪ ﻛﺎﻳﻞ ﺍﻟﻬﻢ ﻳﻀﺤﻜﻮﻥ ﻋﻠﻴﻪ
- ﻫﺬﺍ ﻣﻮ ﺗﺒﺮﻳﺮ ﺍﻧﺖ ﺍﻧﺴﺎﻧﻪ ﻣﺮﻳﻀﻪ، ﻭ ﺟﺮﻳﻤﻪ ﻳﺨﻠﻮﺝ ﻋﺎﻳﺸﻪ ﺑﻴﻦ ﺍﻟﺒﺸﺮ ﺍﻟﻤﻔﺮﻭﺽ ﺑﻤﺼﺢ ﻋﻘﻠﻲ ﺗﺘﻌﺎﻟﺠﻴﻦ
- ﺩﻧﻜﺖ ﻣﺎ ﺭﺩﻳﺖ
- ﻻ ﺗﻤﺜﻠﻴﻦ ﺩﻭﻝ ﺍﻟﺘﺰﻋﻞ، ﻟﻮ ﻣﻮ ﺗﺰﻋﻠﻴﻦ ﺍﻓﻌﺎﻟﺞ ﻣﺎ ﻳﻨﺴﻜﺖ ﻋﻨﻬﺎ
- ﺍﺭﻳﺪ ﺍﺭﻭﺡ
ﺍﺧﺬﺕ ﻛﺘﺎﺑﻲ ﻭ ﻫﻤﻴﺖ ﻟﻠﺒﺎﺏ
- ﺍﺻﺒﺮﻱ ﺍﻛﻤﻞ ﺷﻐﻠﻲ
ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ، ﺍﺟﺎ ﻭﺭﺍﻳﺎ ﻟﺰﻣﻨﻲ : ﻛﻠﺖ ﺍﺻﺒﺮﻱ
ﺻﺮﺧﺖ ﺑﻮﺟﻬﻪ -: ﺍﻧﻲ ﻣﻮ ﻣﺮﻳﻀﻪ
- ﺍﻱ ﻣﻮ ﻣﺮﻳﻀﻪ ﺑﺲ ﺑﺪﻭﻥ ﻫﺎﻻﻣﻮﺭ ﻭ ﺳﻮﺍﻟﻒ ﺍﻻﻧﺘﻘﺎﻡ، ﺍﻫﺪﻱ ﻭ ﺍﻛﻌﺪﻱ ﻳﻼ ﺩﺍ ﺍﺷﻮﻑ ﺍﺭﻳﺪ . ﺍﻛﻤﻞ ﺷﻐﻠﻲ
- ﺧﺎﻟﺪ
ﻛﻠﺖ ﺍﺳﻤﻪ ﻭ ﻣﻜﻤﻠﺖ، ﻛﻌﺪﺕ ﻉ ﺍﻟﻜﺮﺳﻲ ﺍﺑﺠﻲ، ﺍﺟﺎ ﻳﻤﻲ -: ﺍﺷﺸﺸﺶ ﻟﺞ ﺍﻧﻲ ﺍﺷﻮﻓﺞ ﻗﻮﻳﻪ ﺗﺒﺠﻴﻦ ﻟﻴﺶ، ﺍﻣﺴﺤﻲ ﻫﺎﻟﺪﻣﻮﻉ ﻳﻼ ﻭ ﺗﻌﺎﻟﻲ ﻛﻤﻠﻲ ﺷﻐﻠﻲ ﻭﻳﺎﻳﻪ
ﻳﻼ ﺩﺍ ﺍﺷﻮﻑ ، ﺷﻮ
- ﻭﻳﻦ ﻣﺎ ﺍﺭﻭﺡ ﻳﺴﻤﻌﻮﻧﻲ ﻛﻼﻡ ﺍﻧﻲ ﻣﻮ ﺣﻠﻮﻩ، ﻳﻌﺒﻮﻥ ﻋﻠﻴﻪ، ﻣﺤﺪ ﻳﻌﻴﺶ ﺍﺣﺴﺎﺳﻲ ﻭ ﻳﺤﺲ ﺷﻜﺪ ﺍﺗﻌﺬﺏ ﻭ ﺍﻧﻘﻬﺮ
- ﺗﻌﺮﻓﻴﻦ ﺍﻟﻠﻲ ﻳﺴﺨﺮ ﻣﻨﺞ ﺷﻜﺪ ﺍﻟﻠﻪ ﺭﺍﺡ ﻳﻌﺬﺑﻪ ﺍﻛﺜﺮ ﻣﻦ ﺍﻟﻌﺬﺍﺏ ﺍﻟﻠﻲ ﺍﺗﺤﺴﻲ ﺑﺎﻟﻒ ﻣﺮﻩ ؟
- ﺷﻮﻛﺖ
- ﻟﻤﺎ ﻳﺠﻲ ﺩﻭﺭﻫﻢ، ﺍﻟﻨﺒﻲ ﺍﻳﻮﺏ ﺍﺗﻤﺮﺽ ﺑﻤﺮﺽ ﻭ ﺧﻠﻰ ﺍﻟﻨﺎﺱ ﺗﺸﻤﺮﻩ ﺧﺎﺭﺝ ﺍﻟﻤﺪﻳﻨﻪ، ﻭ ﻫﻮ ﺳﻴﺪ ﻗﻮﻣﻪ ﻭ ﺍﺧﺬ ﺍﻭﻻﺩﻩ ﻭ ﻣﺎﻟﻪ ﻭ ﻛﻞ ﺷﻲﺀ ﻳﻤﻠﻚ ﻭ ﻋﺎﺵ ﺑﺄﺭﺩﺉ ﺣﺎﻝ ﻭ ﺻﺒﺮ، ﻭﻟﻤﺎ ﺻﺒﺮ ﺍﻟﻠﻪ ﻋﻮﺿﻪ ﻭ ﺍﻧﺘﻘﻢ ﻣﻦ ﻛﻞ ﺍﻟﻠﻲ ﺍﺫﻭﻩ ﻭﺭﺟﻊ ﺍﻭﻻﺩﻩ ﻭ ﺍﻣﻮﺍﻟﻪ ﻛﻠﻬﺎ ﻭ ﻋﺎﺵ ﺑﺨﻴﺮ
ﻫﻲ ﺍﻟﺪﻧﻴﺎ ﻫﻴﺞ، ﺍﻣﺘﺤﺎﻥ
ﺍﻭﻋﺪﻳﻨﻲ ﻣﺘﺄﺫﻳﻦ ﺍﺣﺪ ﺑﻌﺪ ﻭﻻ ﺗﻨﺘﻘﻤﻴﻦ
ﻫﺰﻳﺖ ﺭﺍﺳﻲ : ... ﻛﻮﻣﻲ ﻳﻼ ﺳﺎﻋﺪﻳﻨﻲ
ﺍﺧﺬ ﺍﻳﺪﻱ ﻭﻣﺸﺎﻧﻲ ﻟﻠﻐﺮﻓﻪ، ﺍﺑﺎﻭﻉ ﻻﻳﺪﻩ ﻭ ﻫﻮ ﻻﺯﻡ ﺍﻳﺪﻱ ، ﻭﻛﻔﻦ ﻛﺪﺍﻡ ﺍﻟﺔ ﺍﻟﺘﺼﻮﻳﺮ ﻭ ﻛﺎﻝ : ﺍﻟﺰﻣﻴﻠﻲ ﻣﻨﺎ
ﻟﺰﻣﺖ ﻭ ﺍﻧﻲ ﺑﻴﻦ ﺍﺭﻛﺰ ﺑﺎﻻﻟﻪ ﻭ ﺑﻴﻦ ﺍﺑﺎﻭﻉ ﺑﻮﺟﻬﻪ ﻭ ﻣﻼﻣﺤﻪ، ﻣﺪﻧﻚ ﻭ ﺍﺑﺘﺴﻢ، ﺭﻓﻊ ﻋﻴﻮﻧﻪ -: ﻣﻌﺠﺒﻪ ﺑﻴﻪ ﻣﻮ ؟
ﺗﺮﻛﺖ ﺍﻻﻟﻪ ﻣﻦ ﺍﻳﺪﻱ ﺑﺴﺮﻋﻪ ﻭ ﻭﺧﺮﺕ، ﺿﺤﻚ
- ﺧﻞ ﻧﺮﻭﺡ
- ﺑﺲ ﺍﻛﻤﻞ ﺷﻐﻠﻲ
ﺳﻜﺖ ﻭﺭﺟﻊ ﺣﺠﻪ : ﻣﺠﺎﻭﺑﺘﻴﻨﻲ ؟
ﺣﺠﺎﻫﺎ ﻭ ﻫﻮ ﻳﻤﺪ ﺭﺍﺳﻪ ﺑﺮﻓﻌﺔ ﺣﺎﺟﺐ ﻭ ﻳﻀﺤﻚ
- ﻣﺎ ﺍﺭﻳﺪ ﺍﺋﺬﻱ ﻧﻔﺴﻲ
- ﻟﻴﺶ ؟ !
- ﺍﻋﺮﻑ ﻣﺤﺪ ﺭﺍﺡ ﻳﺤﺒﻨﻲ، ﻓﺤﺘﻰ ﻟﻮ ﺣﺒﻴﺖ ﺍﻣﺤﻴﻪ ﺑﺪﺍﺧﻠﻲ ﻭ ﺍﺳﻜﺖ
- ﺍﻟﻘﺼﺪ ﺍﻥ ﻣﺮﺍﺡ ﺗﺤﺒﻨﻲ ﻻﻥ ﺍﻧﻲ ﻣﻮ ﺣﻠﻮﺓ ﻣﻮ ؟
- ﺧﻞ ﻧﺮﻭﺡ
ﺗﻘﺮﺏ ﻣﻨﻲ : ﻻ ﺗﻔﻜﺮﻳﻦ ﻫﺎﻟﺘﻔﻜﻴﺮ ﺍﺑﺪ، ﺧﻠﻲ ﺛﻘﻪ ﺑﻨﻔﺴﺞ ﻭ ﻛﻮﻟﻲ ﺍﻧﻲ ﺣﻠﻮﺓ ﺣﺘﻰ ﻟﻮ ﺍﺣﺪ ﺣﺠﻪ ﻋﻠﻴﺞ ﻟﺘﻬﺘﻤﻴﻦ ﻭ ﺧﻠﻴﺞ ﻭﺍﺛﻘﻪ ﺍﻧﺖ ﺍﺣﻠﻰ
ﺭﻓﻌﺘﻠﻪ ﻋﻴﻨﻲ -: ﺍﺛﻖ ﻭ ﺍﻧﻲ ﻣﻮ ﻫﻴﺞ ؟
ﺑﻘﻰ ﻳﺒﺎﻭﻉ ﺑﻮﺟﻬﻲ، ﺍﺭﺗﺒﻚ ﻭ ﻛﺎﻝ ﻳﻼ ﻋﻮﻓﻲ ﺍﺟﻲ ﺍﻟﻌﺼﺮ ﺍﻛﻤﻞ، ﺍﻣﺸﻲ ﺧﻞ ﻧﺮﺟﻊ
ﺩﻳﺤﺠﻲ، ﻭ ﺍﻫﺘﺰ ﺍﻟﻤﺤﻞ ﺑﺼﻮﺕ ﺍﻧﻔﺠﺎﺭ ﻛﻠﺶ ﻗﻮﻱ : ﻳﺎ ﺳﺘﺎﺭ ﻳﺎ ﺭﺑﻲ، ﺩﺧﻴﻠﻚ ﺍﻟﻠﻬﻲ، ﺍﻣﺸﻲ ﺍﻃﻠﻌﻲ ﺧﻞ ﻧﺮﻭﺡ ﺩﺷﻮﻑ
ﺍﺧﺬ ﻣﻮﺑﺎﻳﻠﻪ ﺷﺎﻓﻪ -: ﺍﻭﻭﻭ ﻫﺬﺍ ﻣﻮﺑﺎﻳﻞ ﻃﺎﻓﻲ ﺷﺤﻦ، ﻳﺎﻟﻠﻪ ﺷﻠﻮﻥ ﺑﻠﻮﻩ
ﺭﺍﺩ ﻳﻔﺘﺢ ﻗﻔﻞ ﺍﻟﺒﺎﺏ، ﻋﻄﻠﺖ ﺍﻟﻴﺪﻩ ﺑﺄﻳﺪ، ﺍﻭﻭﻭ ﺍﻭﻛﻔﻲ ﺍﻭﻛﻔﻲ ﺑﺲ ﺍﺟﻴﺐ ﺍﻟﺪﺭﻧﻔﺴﻲ ﺩﺍ ﺍﺭﺗﺒﻪ
ﺭﺍﺡ ﺟﺎﺏ ﻭﻛﻒ ﻳﻀﺐ ﺑﺎﻷﻳﺪ ﻣﺎﻝ ﺍﻟﺒﺎﺏ ﻭﺭﺗﺒﻪ، ﻭ ﻃﻠﻌﻨﺎ، ﻭ ﺻﻠﻨﺎ ﻟﺮﺍﺱ ﺍﻟﺸﺎﺭﻉ ﻛﺘﻠﻪ : ﻧﺰﻟﻨﻲ ﻟﻴﺸﻮﻓﻮﻧﺎ ﺳﻮﺍ، ﻭ ﺍﻣﺎﻧﻪ ﻟﺘﻜﻮﻝ ﻻﺣﺪ ﺟﻨﺖ ﻭﻳﺎﻱ ﺗﺮﻩ ﺍﺑﻮﻳﻪ ﻣﺎ ﻳﺮﺣﻢ
- ﻫﻮ ﻭﻳﻦ ﺍﺑﻮﺝ ﺍﺫﺍ ﺯﺣﻠﻜﺘﻲ
- ﺍﻟﻌﺎﺭ ﻛﻠﺸﻲ ﻣﻴﺼﻴﺮ ﺑﻴﻪ
- ﻫﻬﻬﻬﻬﻬﻬﻬﻪ ﻣﺎﺷﻲ ﻣﺎﺷﻲ ﺍﻧﺰﻟﻲ ﻣﺎ ﺍﻛﻮﻝ
ﻣﺸﻰ ﻫﻮ ﻛﺪﺍﻣﻲ ﺑﺴﻴﺎﺭﺗﻪ ﻟﻠﺒﻴﺖ، ﻭ ﺍﻧﻲ ﻣﺸﻴﺖ ﻭﺭﺍﻩ، ﻓﺘﺖ ﻟﻠﻔﺮﻉ ﺷﻔﺖ ﻫﻮﺳﻪ ﻫﻮ ﻃﺒﻚ ﺑﻌﺼﺒﻴﻪ ﻳﺴﺄﻝ ..
ﻛﻤﺖ ﺍﺭﻛﺾ ﺍﺣﺎﻭﻝ ﺍﺗﻘﺮﺏ ﺍﺷﻮﻑ ﺷﻜﻮ ..
ﺭﺟﻊ ﺻﻌﺪ ﺑﺴﻴﺎﺭﺗﻪ ﻭ ﺍﻧﻄﻠﻖ ﻫﻮ ﻭ ﺍﺧﻮﻩ ، ﺑﻴﺖ ﻋﻤﻬﻢ ﻛﻠﻬﻢ ﻃﺎﻟﻌﻴﻦ ﺑﺎﻟﺒﺎﺏ ﻭ ﺍﻟﺠﻮ ﻣﺨﺘﺒﺺ، ﺗﻘﺮﺑﺖ ﻟﺒﻴﺖ ﻋﻤﻬﻢ ، ﻓﺘﺖ ﻣﻦ ﺑﻴﻨﻬﻢ، ﻣﻬﻰ ﻭﺍﻛﻔﻪ ﺑﺎﻟﺒﺎﺏ، ﺳﺄﻟﺘﻬﺎ -: ﺷﻜﻮ
- ﻭﻟﺞ ﺣﻤﺰﻩ ﺍﺗﺼﻮﺏ ﺑﺎﻻﻧﻔﺠﺎﺭ ﻭ ﺷﺎﻳﻠﻲ ﻟﻠﻤﺴﺘﺸﻔﻰ ﻭ ﻣﺮﺕ ﺧﺎﻟﺪ ﻫﺴﻪ ﻧﺰﻓﺖ ﻭ ﻫﻲ ﺣﺎﻣﻞ ﻭ ﻫﻢ ﻧﻘﻠﻮﻫﺎ ﻟﻠﻤﺴﺘﺸﻔﻰ ﻭ ﻫﺬﺍ ﺧﺎﻟﺪ ﻣﺪﺭﻱ ﻭﻳﻦ ﻣﺎﺗﻮ ﻣﻦ ﻭﺭﺍﻩ، ﻳﺘﺼﻠﻮﻥ ﺑﻴﻪ ﻭ ﻣﻐﻠﻖ ﺍﻣﻪ ﻓﺮﻓﺤﺖ ﻋﺒﺎﻟﻬﺎ ﺭﺍﺡ ﺑﺎﻻﻧﻔﺠﺎﺭ ﻣﺎﺕ
- ﻭ ﻫﺴﻪ ﻣﺮﺕ ﺧﺎﻟﺪ ﻭﻳﻦ ؟
- ﻣﺪﺭﻱ ﺧﻄﻴﻪ ﺣﺎﻟﻬﺎ ﻳﻘﻬﺮ ﻧﺰﻓﺖ ﻭ ﺍﺗﺨﺮﺑﻄﺖ ﻭ ﺷﺎﻟﻮﻫﺎ ﻟﻠﻤﺴﺘﺸﻔﻰ
ﻓﺘﺖ ﻟﻠﺒﻴﺖ -: ﻫﻪ ﻭ ﻟﺴﻪ ﻣﺸﻔﺘﻲ ﺷﻲﺀ ﻳﺎ ﺿﺤﻰ ﺍﻟﺨﻴﺮ ﺟﺎﻳﺞ ﻟﻴﻜﺪﺍﻡ ..... ﻳﺘﺒﻊ
☆☆☆☆☆☆☆
ﺗﻢ ﺗﻐﻴﻴﺮ ﺍﻻﺳﻢ ﻣﻦ ‏( ﺍﻟﻤﻮﺀﻭﺩﺓ ‏) ﺍﻟﻰ ‏(.اتمنى ان أفعلها ‏) ﻻﺳﺒﺎﺏ ﺍﻥ ﻓﻲ ﻗﺼﻪ ﺑﻬﺬﺍ ﺍﻻﺳﻢ، ﻓﻐﻴﺮﺕ ﺍﻓﻀﻞ ﻣﻦ ﺍﻟﻘﺎﻝ ﻭ ﺍﻟﻘﻠﺖ ..
ﺍﻟﺒﻄﻠﻪ ﻣﺮﻳﻀﻪ ﻧﻔﺴﻴﺔ، ﻭ ﺍﻧﺘﻢ ﺩﺍﺧﻞ ﻗﺼﺔ ﻣﺮﺽ ﻧﻔﺴﻲ ﻻﺯﻡ ﺗﺮﺍﻋﻮﻥ ﻫﺬﺍ ﺍﻟﺸﻲﺀ ﻭ ﺗﻌﺮﻓﻮﻩ، ..
ﻳﺎ ﺗﺮﻯ ﻣﺎ ﻳﻤﻜﻦ ﻻﻧﺴﺎﻥ ﻣﺮﻳﺾ ﻧﻔﺴﻲ ﺍﻥ ﻳﻔﻌﻞ ﺑﻌﺪ ؟
ﺗﺎﺑﻌﻮﺍ ﻟﺘﻌﺮﻓﻮﺍ ...

اتمنى ان فعلها

//// بقلم الكاتبه ❤️////

الحلقة_ 3

المكان : السجن
التوقيت : الثانية بعد منتصف الليل

تقرب و گعد و هو يتلفت و حجة : انت اسماعيل طاهر ؟

-منو انت ؟

-ما عليك اني منو، عندي وياك سالفة اذا وصلتها تحصل منها ملايين وبيوت

-يا ملايين و يا فلوس و اني مسجون انت شرايد مني ؟

-لا تخاف باجر راح تطلع، لأن مو انت المطلوب
فأذا تريد تستفاد اني راح افيدك

- و شلون استفاد ؟

-بالاول تنطيني حجاية الحرف الاحجيلكياه ما يطلع ، و اذا طلع ما راح يخلونك تعيش

-انت جاي تورطني خويه اچفيني شرك رحمة لوالديك

-اسمعني، شغلنا يعتمد على السرية
اذا صرت كتوم و تشتغل راح تفتح قصور و تكوم تلعب بالملايين لعب

-شني هاي السالفة ؟

-بالاول توعدني

-يابه اخذها حجاية ما احجي

-توصل هاي الورقة لواحد اسمه حجي محمود يشتغل فيترچي بمنطقة الطوبچي، و تنطي الورقة و تگله ابو ساجد يسلم عليك و يگول اني عد عيناك

-منو هذا حجي محمود ؟

-شغلنا ما بيه كثرة اسئلة، تروحله و هو يفهمك

........

ديار : لما رجعت للبيت خالد انصدم و معرف يروح لأخوه المصوب لو المرته التنزف ، اني دخلت لبيت مها لكيت اسامه كاعد بالهول

-يلا اسامه خل نروح للبيت مالتنا

-مو ماما كالت النا ابقو هنا

-لا لا خل نروح لبيتنا تحسن

فاتت مها و الحجية ام امجد و هي تكول : عمت عيني انسبو اسباية اللهم يعديها على خير و يجفي الشر

مها تبجي مسحت خشمها و باوعتلي : وين جنتي ديار ؟

- يم وحدة صديقة وياي بالمدرسة رحت اخذ منها الملزمة

- اكعدي ليش واكفه ؟

- لا اريد اروح لبيتنا

-امج تجي بالليل و تاخذكم اكعدوا

... افكر لا مرت خالد تكوله ردت على الموبايل و يعرفني و يجي يفضحني كدام عيال مها، فكلت : لا لا احتاج هوايه اشياء بالبيت ، كوم اسامة

اخذت اسامه و رحنا للبيت
عادة البيت ما بيه قفل، مجرد تفتح و تفوت
ما بيه شيء حتى نخاف ينباك، فالباب بس نردة من نطلع و نسركيه

لكيت السركي مفتوح ..
فتنا للكراج ، ردنا نفتح باب البيت الداخلي ما ينفتح
هو هذا اصلا ما بيه قفل باب حديد سركي من برا و سركي من جوا ، منو مسرگيه من جوا ؟
الا اكو احد جوا

اسامة : منو جوا ديار شو الباب ما ينفتح

كمنا ندك بالباب حيل، شويه و طلعت ماما
فتحت الباب : شجابكم ؟

-انت موجوده ؟ لعد ليش مخليتنا ابيت مها ؟
دا نحجي طلع رجال غريب من الحمام

اسامه بقى صافن بالرجال
باوعت لأمي و خزرتها

الأم : بوري الحمام جان عاطل و صلحه عمو، يلا حبايبي فوتو جوا حتى اسويلكم الغدا

دفعتنا جوا، اسامه راح و اني بقيت خازره بيها
بقت تدفع بوجه ضاحك و هي تكرص بزندي و تهمس : فوتي جوا بسرعه ، مشكور عيني ابو اموني تعبناك

- بالخدمه يابه
طلع و اشرلها
و هي دفعتني جوا وطلعت برا و ردت الباب وراها

احترك دمي فتت للغرفة افتر من العصبية
بودي احركها
لا اشرب من دمها

رحت وراها، لكيتها واكفه ويا، انطاها فلوس خلت بصدرها و مدري شحجوا و سدت الباب و فاتت

دفعتني و مشت مني

بس ردت انطق هسه دا اكول : ش.......
قاطعتني و هي تكولي : ما اسمع منج و لا صوت الرجال اجا يصلح الحمام غير هذا الكلام ما اريد

- بس.......

-گلت ما اريد اسمع منج ولا صوت

صرخت بصوت عالي :- لا مو على كيفج كافي كششتيني بروحي بعمري كرهتيني حتى حياتي

ضربتني راشدي ..
-اني امج مترفعين صوتج عليه افتهمتي

-جاي تعلميني تعلميني ؟
تربيني يعني ؟ من يمتى ؟!
بابا بالسجن و انت هنا بهذا الحال

-و عساه يموت و اني شخصني بأبوج ؟ و بعدين لا تعتقدين ما اعرف منو سوا هالفلم
رحت لسلمان و سلمان حجالي

-يعني شنو ؟

-كلش زين اعرف انت اللي بلغتي على ابوج
و ما كلت لاحد تبقين بنتي و اخاف عليج تنضرين

-تخافين عليه ؟!!
انت لو تخافين عليه جان خفتي على سمعتي شيكولون عليه لو عرفوا امي هيج ؟

-منو يكول ؟
وشعلينا ؟
كلام الناس ما راح يوكلنا خبز، هاي الدنيا يرادلها الكوي يا امي بعدج صغيرة تكبرين و تعرفين

-شاعرف ؟ انو لازم اشتغل مثلج حتى اعيش شو ذوله الناس كلهم عايشين بس موووووو مثلج

-و شعرفج بيهم ؟
اكو احد يجي يكولج اني هيج سويت ؟
كل واحد يشتغل من جوا لجوا حبيبتي

- اللي افتهمه من كلامج دا تنصحيني اشتغل مثلج من جوا لجوا

- وشفايتلج ؟
بس انت حتى شغل الجوا ما يفيدج

-قصدج مشوهه ؟

-عوفينا من هالكلام جبت ويايه جدر تمن و عليه مرك صبيلنياه بصينية دناكل

-اشبعي انت، اني ما اريد
درت عنها و روحي تفور

-ابقي البومة ابقي نگي
ابوج السكران عايفكم براسي، تاكلون و تشربون بتعبي و بعدين تجي تستشرف على راسي بت اسماعيل السكران

عفتها و فتت جوا
تقرب يمي اسامه: ماما و هذا الرج.....

قاطعته : اسسسي لا تحجي بهيج شيء اسامه اني وياك معلينا ابماما ولا ابابا افتهمت ناكل و نشرب هنا من نكبر نطلع من هذا البيت و نعوفهم

-وين نروح ؟

-ما اعرف هسه عوفني اسكت
بقى كاعد يمي و اني صافنه بزماني، و شايلة هموم اكبر من همومي
فاتت اثار اختي، ذبيت حرگت گلبي من امي بيها

-ولي منا يلا ما اريد اشوفج هنا يلا

كمت من حيلي طلعتها من الغرفة و دفعتها للكاع بقت تبجي، اجت امي تركض شالتها و تغلط عليه و ترزل اني صفكت الباب بوجها و فتت كعدتت

هي فاتت تحجي و دفرتني برجلها و هي تغلط و طلعت، صاحت : اساااامه تعال تزقنب

-ما اريد

- ابقى انت و هاي اختك مثل البوم واحد مگابل اللاخ ما الله ياخذكم انتم و ابوكم و اخلص

حطيت المخدة و تمددت و اسامة يمي
بقينه فوك الساعتين اني وياه گاعدين
اسامة : ديار اني جعت

-حتى اني بس ما اريد اكوم و اشوف امي

-اروح اشوفها نامت لو لا ؟

- روح

...راح و اجا : ما موجودة

-لعد وينها

-يمكن طلعت

-كوم لعد خل ناكل

طلعنا للمطبخ خلينا الجدر و گعدنا ناكل، فاتت هي شايله اثار على ايدها و بالايد الثانية بطل سفن ع النص، خلتا گبالنا و حجت : ابوكم احتمال باجر يطلع

اسامه : يعني بابا مو ارهابي ؟

-لا ماما مو ارهابي
وتباوعلي ..
دنكت

- هم راح يطلع و يگابلنا لا هله ولا مرحبا

-اليسمعج ميكول نفسج الكعدتي تلطمين و تبجين عد بيت امجد لما اخذوا

-لعد شسوي گبال الناس اطك اصبعتين و اهزلهم جتف على حبست رجلي، و الا اني ما اطيق اشوف خلقته

-اطلكي ، خلصيني منا عاد مو انت و ابوي كافي اتحملج

-ولج وين انطي وجهي بيكم ، اخذكم و اشحد
خليني ساتره عليكم بهالبيت و نشوف وين تريد توصل خل توصل، الا صدك ولج ابن ام رافد ابن عم مها متصوب خطية

- اي اخو خالد سمعت

- شمعنى اخو خالد ؟
خالد ابنهم الوسطاني

-شمعرفني هيج اجا على الساني

-هااا ، همو نفسكم نروح يمهم هنا شنسوي ضوجة هناك الناس ملتمة

-لا ما اريد

-ليش

-هيج اريد انام

-براحتج اني اكوم اروحلهم انت لملمي البيت و نامي ارجع ما اريد الكا وصخ

...
(بيت خالد)

ضحى: اخ ولج يمة اخذيني وياج بعد ما ابقى يوم واحد لخالد، اخ يا خالد اخ ما توقعت تسوي بيه هيج
.... تبجي

-اسكتي ماما اسكتي تروحين وياي للبيت عد خالد بعد ما الج كعده

اخت خالد : استهدي بالرحمن خالة اخوي مصوب و اللخ يفتر و الدنيا مكلوبه فوك روسنا مو انتم و الدنيا علينا خل نفتهم بالاول

-شنفتهم هاي بنتي تنزف و اخوج الشفية لحد هسه ما بين ملتهي بنسوانه ، خلي يفيدنه

خالد : ها السلام عليكم
تقربت يم ضحى بسرعه ؛ شجاج شصاير متحركة واكعة ؟
دفعتني منها و دارت وجهه و امها صاده عني

شصاير ؟ بتول فهميني

- اخوي شلونه خالد طمني

-زين زين

ضحى:- و تروح تشوف اخوك يلا تجيني زين يخالد

- بس كلولي شصاير وياج عفتج ما بيج شيء

بتول : خويه ماكو شيء نزف بسيط و انطوها علاج وكالولها ممنوع الحركة، و هاي طالعين للبيت

-الحمدلله، يلا لعد خل اوصلكم

ضحى:- منو هاي الجنت وياها ؟

-منو ؟

-تغشم نفسك خالد، بعد سوالفك و جذبك ما يعبرن عليه، يوم واحد ما ابقالك بالبيت اخذني لاهلي

-لا تخبليني شصاير ؟

-طلعتلي بنية على موبايلك تتنعوص و تكلي لا تزعجينا و هو حبيبي و سدت الموبايل بوجهي و بعدين انقفل اخابر عليك ما تجاوب ، تخوني خالد ؟

-و كتاب الله ما عندي شيء جنت دا اشتغل بالأستوديو و اركب الكاميرات ، منو هاي ما ادري و بعدين جهازي طافي شحن

-منو جانت وياك

-ماكو بس .......
تذكرت ديار صفنت، شنو القصة شصاير معقوله !!

-بس شنو لا تقنعني اكو وحدة جانت وياك اذا ما تكول منو هي والله ما ابقالك

-ضحى لا تتخبلين شتعرفيني ابو نسوان ؟
ما عندي شيء والله، يمكن واحد من جماعتي مسوي بيج مقلب

- الصوت السمعته صوت بنيه اني متأكدة

-هسه امشي للبيت والله كريم نتفاهم هناك، منا الناس عيب يطلع صوتنا

-والله ما ارجع ولا اريدك الا تكلي مني هاي الحجت وياي و الا تحلم ارجعلك

-الظاهر انت تعبانه، استراحيلج اسبوع عد اهلج ارتاحي و بعدين نتفاهم

بقت تحجي اندرت عنها و حجيت: بتول انتظركم بالسيارة

الأم: والله و هو ابو الراهي ولا جنه مسوي شي

بتول: خاله انت تهديهم لو تشعلين النار بيهم ، لوما خالد سنين يتعارك حتى ياخذ ضحى، يجي يخونها هسة !!

-لا اخوج ما احترم بنتي شوفي تعامله وياها حتى حمد لله على سلامتج ما كال الها

-والله خالة اجا يستفسر و ناشف ريگه الرجال و بتج استلمته بالأكشر وين و شلون و هسه جايه تلومين
امشن امشن

..... بيت ديار .....

ماما طلعت تتفقد اخبار عد بيت ام رافد و اني بقيت بالبيت، ردت انام ما اجا نوم

عندي راديو شكله كأنه موبايل بقيت ادوس بيه و اكلب اذاعات و افتر بالبيت حتى تصفى الأذاعة
لأن لا دش ولا اريل عدنا باقين هيج ناكل و انام و على هالراديو

طلعت اغنية (اتمنى روحي تصير ) بقيتها وكعدت بالمطبخ مددت رجلية و انتجيت ع الحايط واني اسمع الأغنية و اباوع بحيطان البيت و عقلي يروح بعيد ..

جنت گبل .. لما اريد ابتعد عن واقعي .. اروح اخترعلي عالم اخر اتخيل بيه نفسي حلوة و ممشوهة و الكل تحبني و تتمناني و اعيش فد قصة حب مع شخص من خيالي

الشيء اللي صار بعد مشفت خالد، صرت اتخيله هو فارس احلامي .. وكأن هو ما متزوج ولا عنده اطفال ويحبني و اني احبه و اخترعلي سوالف و دراما بينا من عقلي ..

بقيت متچيه راسي و طايرة ويا الأغنية بخيالي الحالم

رجعت صفنت بالحايط .. اني ليش ابقى اتحلم بيه و اخدع نفسي و امننها بخيالي ؟
لا عمره خالد راح يحبني ولا يتقبلني
والله يعلم لما راح يعرف اني هيج سويت ويا مرته شنو راح يسوي !

بس هو يبقى عالم ثاني
اتخيله بس بخيالي لأن لو ما هذا الخيال فلا اصبر على عيشة اهلي بهذا وضعهم

جريت الراديو و رجعت اكلب بيه،حسيت احد صار فوك راسي !!
رفعت وجهي بسرعة .. و اشوف ابويه كبالي
فزيت من مكاني بقوة
: اااا هلو بابا

-امج وين ؟

- ما اااا ما شسمه ما ادري ، لا لا اااا

-احجييييي شبيييج

-راحت، ااا راحت ااا للبيت

-يا بيت

-مال بيت شسمه ااا عمو ابو رافد

-ليش شكو بهالليل ؟

-ابنهم بالأنفجار

-مات !!.

-لا لا بالمتسفشى ااا المستشفى اي

-اخوج وين اسامه مشتاقله صيحيلياه

-اي
ما عولت بس يكولي اسامه رحت للغرفه ركض حتى اصيح اسامه ، ما لكيته ما موجود
صحت، بابا اسامه ما موجود

-تعاي جاي

رحتله و متخوفه و محد بالبيت سألني : ما عرفتي ليش سجنوني و منو هذا المبلغ عليه ؟

هنا رجف گلبي من الخوف، جاوبته : ااا ما اعرف احنا ماما جانت مخليتنا بالشسمه... هذا ... بيت عيال مها
خلتنا يمهم

:عدنا ثلج شوفي الثلاجة و ثرميلي خيار و لبن بسرعه يلااا

- اي اييي
ركضت اطلع دولكة من الثلاجة، طلعت الثلج البداخله و ضربته بالكاع تكسر جمعته بالدولكه ، بلا غسل خليتلهيا بدولكة كزاز ثانية و كلاص الشرب مالته، وديتهم اله

رفعلي عينه خليت كدامه .. حجه : طلعي شوفي اخوج وينه

-اي

لزمت الباب حطيت النعال برجلي و ركضت من البيت، طلعت ادور بالشارع اسامة ماكو ، رحت لبيت ام رافد اصيح امي ..

متردده ادخل اخاف يشوفني خالد كبالهم و يرزلني
.. دخلت و عفت التفكير وراي
لكيت امي كاعدة ويا النسوان تسولف و تشرب جاي واثار كاعدة يمها ..
اشرتلها تجي هزت براسها

وكفت انتظرها، اجاني صوت من وراي : هنا ديار

التفتت

- شنو معنى السالفة السويتيها ؟

-يا سالفة ؟

-شوفي اكثر شي اكرهه بالدنيا من اوكف كبال بنية و تنكر عينك عينك، انت فاهمتني شنو اقصد
و الا اگلج المثلج حتى كلمة ما تسوى اعاتبها و احجي بيه وياها ، انسانة مريضة و انصحج تروحين تتعالجين من العقد اللي بمخج

راد يمشي ، رجع باوعلي : و عود هم انتقمي مني لأن گتلچ مريضة

...العبرة وكفت بزردومي وبلعتها ، دنكت ما رديت
اجا صوت امي و هي تحجي وياه : ليش خاله ليش تكول عليها مريضة مو عيب عليك بنية و تكسر بخاطرها

-اكول لو تعوفين الحجي و تلتهين بتربية بتج هواي احسن

- يااااا انييييي ما مربية بتيييي ، وينج عيني ام رافد خيه تعاي اسمعي ابنج شيكلي ترضيها اني بتي ما مترباية شسوتلك خالة عيب هالكلام و الكلمة مردودة عليك

ديار: يمه كافي اسكتي خل نروح للبيت
اجت ام رافد وكفت و هي تهدي بأمي و اني اجر بيها واثار نطت بجي و هي مستمرة ترزل بخالد، هو عافها و طلع ما رد ..

بقت امي تلوم و تعاتب بأم رافد على تجاوز ابنها جريتها كوة وكلتلها: دكافي جلبتي عوفيييه

اثار فرفح كلبها من البجي و هي تلزم بذيال امي حتى تشيلها، امي عصبيه و تمشي بقوة صفگتها على وجها لطمتها بالكاع و صاحت بيه
-فوك ما ارد اعتبارج وما ارضى احد يتشمت بوووووضعج، شيلي اختج يلا

- ما اشيلها ولا تسوين روحج خايفة عليه انت اول الناس المتشمت بوضعي و كل مرة تسمعيني حجي و تعيريني و هاي انت امي، ليش اترجى من الغريب يقدر وضعي ما دام بعمرج ما اهتميتيلي لا تدخلين بأموري

عافتني و مشت بعصبية و اثار اختفى صوتها وراي، التفتت والكاها نايمة بالكاع و سكرانة من البجي و حلكها صاير ازرگ

ركضتلها بسرعه كومتها
وصرخت بوجهه : كافي كافي كافي
خافت مني و حظنتني، ضمت راسها بصدري ومستمرة تصرخ

شلتها و ادك على ظهرها و امشي ورا امي

هي تمشي بحرارة، خالد جان واكف براس الفرع جاي يدخن جكارة، وكفت مدري شنو حجت وياه، هو شمر الجكارة من ايده و سحكها برجله

ركضت يمهم حتى اعرف شيحجون..

خالد: خاله محشومة مو قصدي اهينج ابيتنا البيت بيتج و اعذريني بس يا ام اسامة بتج بعمر حرج ولا رقيب و لا حسيب و الواجب ع الاماية بهيج عمر تفتح سبع عيون مو بس عيونها الأثنين

-و انت منو گال الك اني ما منتبها على بنتي

-لا ادري و ازيدج علم اليوم ساعتين هي يمي، راحت وياي لأستوديو التصوير لو اني عار جان بامكاني كلشي اسوي ولا وتعتقدين البنيه هذا وضعها محد يباوعلها و ما عليها خطر اكو بشر اخس من الحيوانات ميهمهم المظهر على كد ما تهمه غريزته الحيوانية و الوكت مو خوش وكت

... التفتت عليه امي، اني مدنكة : صدگ طالعة وياه ؟

- العفو ام اسامه الحساب مو هنا اكعدي ويا بتج وفهميها و علميها، ولا تلومين عليها، اني ما حجيت هيج حتى احرضج عليها لأن الصوج بيج

الام الحريصة تعرف شلون تربي بتها
جان بدال ما كاعدة ويا النسوان الزم مها و اشوف بتي شسوت و وين راحت جاوبت امتحان حتى لو عندج شغل هذا ما يمنع حرصج على بتج، شغل المرأة الأساسي ضناها ..

وهسه اترخص منكم عندي شغل
باوعلي ودار وجهه ركب سيارته ومشى

اني بقيت صافنه بيه وهو يمشي لحد ما صعد وراحت السيارة ، انتبهت على امي متخصرة وتباوع عليه

-لازم عاجبج ؟

نزلت اثار من ايدي: لا عاجبني ولا شي اني راجعه للبيت

-اوكفي
شالت اثار اللي رجعت تبجي: لعد شعندج طالعه وياه اليوم ؟

-هيج

ضحكت و كالت : خالد خوش خالد والله و تعرفين تختارين هه

ومشت ...

بقيت امشي وراها و عقلي مشغول بكلامه و شكله و انفعالاته و هو يحجي و گلبي يرجف
انتبهت اسامه واكف ويا ولد صديقه ، ركضتله ..

-هاي وينك يا اسامة صار ساعة ادور عليك ؟

-- شتريدين ؟

-بابا يسأل عنك

الأم: ليش هو ابوج وين ؟

-بالبيت

-طلعوه يعني ؟

-اي مع الاسف

-امشو امشو دنشوف يمتى يجي اليوم النخلص بيه من شكل ابوكم ونفتك

دخلنا للبيت هي راحت للاستقبال تحجي ويا ابوية و اني واسامه فتنا للبيت، حميت جاي و عدنا صمون يابس تعشينا اني و اسامة
اجت اثار تاكل ويانا عفت الاكل و فتت

فرشت و تمددت و انتقلت لعالم خيالي و اني عود زوجة خالد و هو هيج عصبي و يحاسبني و يخاف عليه

بقيت افكر
رغم اذيت مرته بس هو حسيته خايف عليه و ينصح امي بحرگة حتى تنتبه عليه :- معقوله حبني ؟

لل٥ الصبح و اني سارحة بخيالي و كل شوي عقلي ينتجلي افلام وياه واتخياله يحبني
.. رحت بهذه الليلة بخيال و احلام الها اول ما الها تالي

...... بيت خالد ......

رجعت ب ٣ بالليل للبيت ، ضحى من ما قبلت تروح لاهلها عرفتها تريد تحاسبني حتى تعرف مني البنية الجنت وياها، واخاف اگلها وتروح تسوي مشاكل ويا ديار

ديار مريضة و مرضها اهلها و الناس اللي تتشمت بيها وصايرتلهم مثل اللغم اليدوس عليها تنفجر بيه متفكر هي شنو راح يصير بيها ولا عواقب افعالها وين توديها
كل همها ترضي نفسيتها المدمرة بسبب هالعالم اللي ما يرحم الضعيف بيه

مثل هيج انسان لازم تتعامل وياه بحذر، لا تتعاطف ولا تشد

وضحى اذا عرفت البنية الحجت وياها ع الموبايل ديار متأكد مليون بالمية ما راح تسكت و ولا ديار راح تسكت لو تأذت
وكتها تعال يا عمي حلها

دخت و اني افكر بحجة تقنع ضحى و تقتنع ان اني ما خاينها، و المشكلة ما جاي الكة حجة و اذا بقيت ساكت راح تكبر المشكلة البيناتنا و تبقى تتاذى و هي حامل ..

....فتت للغرفة بس الكلوب الصفر مشتغل و هي نايمة و البنات يمها
سديت الباب على كيف ..
وكعدت افتح بالحذاء ، تحركت بفراشها، شالت راسها شافتني موجود تعدلت كعدت

-واخيرا شرفت ؟

-ضحى نامي هسه و الصباح رباح

-لا والله ؟
كامت على حيلها، شوف اكلك تكلي هاي منو لا وحق الله وسماواته ساعة ما ابقالك بهذا البيت

-اذا ما ثاقة بيه و بنظرج اني ابو نسوان براحتج ذاك بيت اهلج و روحي ارتاحي مني

لطمت خدها : آآآآآئ خالد ترضاها اطلكني، انت تحجي وياي هيج

- عجزت ضحى كافي جزعتيني الساعة ٣ وصوتج طالع

-والله ما يرتاحلي گلب ولا يغمضلي جفن لا ما اعرف الخنتني وياها منو

-يابه جاي اگلچ و القران و الكعبة و المسيح و اليهود
ولج وحق الكواوي..... احلف براس كل واحد عار ما خاينج كااااااافي

بعد بيمن احلفلج و تصدكين ، ما تصدكين روحي فكيني
عفتلها الغرفة وطلعت.

نزلت من غرفتي تمددت على الكرويته بالصالة بقيت اكلبها منا اجيبها منا : شلون يا ربي تخلص

لهناك سمعت بناتي يبجون وهي مريضة فكمت اشوف البنات شبيهم، دخلت لكيتها محظرتلها جنطة هالكبره ومكعدة البنات من النوم و جاي تلبس بيهم

-هاي شجاي تسوين ؟!

تحجي و هي تشهك و الدموع تارسه عيونها:- اذا تهون عليك عشرتي طلكني اني بعد ما اكدر ابقى هنا

-لا اله الا الله، اللهم طولج يا روح ، ولج يبنت الناس ما خليت مقدس ما حلفتلج بيه ، صارلنا كم سنة شفتي مني شي ؟

-لازم نسيت سوالفك بسوريا ؟

-وشسويت بسوريا اني مصور و شغلتي اصور بنات شباب اي شي يطلعلي واشوف رزقتي قابل شعندي، استهدي و عوفي البنات نايمات رحمة للكعبة

-خالد اذا ما تكلي هاي منو الحجت وياي هيج والله ما ابقى حلفت الك بالله

-مدام حلفتي و اصريتي ودكيتي رجل، فأخذيها مني الجنت وياها ديار، ولو مشيتي الها و حجيتي وياها و فشلتيني و ما بقيتيلي اعتبار و ثقة وحق من انزل القرأن يا ضحى ما تبقين ابيتي و اطلع كلب ابن سطعش كلب لو اجيتج بعد

........ بيت ديار ......

نايمة و غاطة بنومتي، و اسمع اثار تبجي ما تريد تروح ويا ماما، مدرت بال، درت وجهي وجريت البطاني لفوك راسي، اجت اثار ختلت بفراشي و شبگت ظهري تبجي بخنيگ

اجت امي فوك راسنا و هي تجر بيها، نطت من البجي
وخرت اللحاف من راسي : تره نعسانه ما نايمة الليل عوفوني انام

-ونومة اهل الگبور مجاي تشوفين فردة هالنعال عاصية و ما تقبل تروح بكد القندرة و تعاند شلون اكدر اسيطر عليجن بعد

ويجي هالسايب ابن ام رافد يحاسبني لان ما اضبط بتي و انتن وحدتجن ما تنكدر الله ياخذجن و اخلص

-اهووووووووو دكافي اريد انام وليييي روحي

-اوجعوا نامت بضلوعج منو هاي التولي

ضربتني على راسي و طلعت و هي تدعي عليه
رجعت لفيت البطانية واثار تلزم بملابسي حيل، دفعتها
- ما راح اطير مطمورة يمج وخري ايدج النكسة مني يلا

اندارت لزمت بملابس اسامه و حضنته و نامت و هي تشهك .

بقيت دايرة وجهي منها، حاولت ارجع انام
طار النوم من عيني

موقف اثار رجعني لعمر خمس سنين
وكتها جنت طفلة عمرها خمس سنوات
اخاف من ابوية فانط من البجي حتى امي تاخذني وياها للشغل

تشتغل ٥ ساعات و بعدها تطلع لبيت ما اعرفه شنو، تبقيني يم واحد رجال و تفوت هي ويا شخص ما اعرفه للغرفة

الرجال اللي ابقى وياه يبقى يتحارش بجسمي و يأذيني
طفلة و انط من البجي و اصيح على امي بالغرفة و ما تطلعلي ..

لما تطلع اني مفرفح گلبي ولما اشكيلها ما تسمعني تبقى تحجي و تضحك ويا الوياها وما تسمع كل الصراخ و البجي اللي ابجيه ..

اتعس ايام حياتي هي ايام طفولتي
من موت اختي انهار
الى حرك جسمي
الى وضع ابوية
الى تصرفات امي
الى وضعي و التشوه الصارلي و اني اشوف الاطفال تضحك عليه و تكش مني و ما تلعب وياي .

كل حقد العالم انزرع بگلبي من وره الناس اللي بعمرها ما رحمتني ...

لما اتذكرت هذه الأيام ما حسيت على دموعي و هي مغركه مخدتي بلا ما ادري

انتبهت لاثار رغم سكتت بس بعد الشهكة بصدرها، انكلبت على جيهتها، خليت ايدي على راسها، اندارتلي بسرعة تباوعلي

ابتسمتلها و الدموع بخدي: اكيد اللي عانيته جاي تشوفي مو ؟

ما افتهمت شنو احجي بس من شافتني ابتسمت اجت حضنتني حيل، بقيتها بحضني و امسد على شعرها

-اكو عمو يأذيج ؟
بقت تحجي السانها ثكيل ما افتهمت عليها، رجعتها لحضني و گلت الها : بعد منا و جاي ما اخليج تروحين ويا ماما تبقين ويانا اني و اسامة ماشي

بقت بس حاضنتني و ما اعرف شدردم

لهناك كعد اسامة وكعدنا كلنا نضحك و نسولف و لعبتهم قالا بالا وهي انطلقت تضحك من كل گلبها

سمعنا صوت بابا كعد، كمنا مستغربين تباوعله
-هاي من يمتى ابوي يكعد الصبح يلبس و يطلع ؟
كل عمره يكعد الظهر ..

ما باوعلنا و لا كال شنو تحتاجون ، بس سد الباب و راح، رحت للمطبخ لكيت امي مبقية الف دينار ع الكاونتر

:اسامة ابقى يم اثار بس اروح اجيب ريوك و صمون و اجي

لبست نعالي و طلعت، اتمشى بالفرع، شفت سلمان ابو الرعاويص نايم بالشارع ع الرصيف ، تقربت يمه

ضربته برجلي: سوووويج

فز من النوم : الوصخة ليش تضربين

-ليش نايم بالشارع

-عمه حليمة طردتني من البيت

-ليش ؟!

جاي احجي وياه شو هذا كام من مكانه ونزع بجامته وطلع : خب هييييي هيييي لا تنزع بالشارع يمعووود صدك انت سويج

ردت اعوفه و اروح
: بس شوفي بس شوفي ديار
باوعته جسمة صاير ازرگ : هاي شبيك مضروب منو مسوي بيك هيج

-هي ضربتني بحديدة على ظهري و على رجلي بس رجلي توجعني

-الله لا ينطيها العمصة هاي ليش هيج مسويه بيك ؟

-لان اكلت كيكة رغيده، و رغيدة الوصخة ضلت تبجي هي كتلتني و طردتني

-كوم وياي كوم، راح اروح اجيب ريوك و اجي

-رجلي توجعني

-اتجى على ايدي خل اخذك لبيتنا

عاونته و مشيته لبيتنا و كعد بالكراج و صحت اسامة و اثار يكعدون يمه على ما اروح اشتري وارجع

طلعت للشارع امشي، واحجي ويا روحي : اذا اجيب ب٥٠٠ بيض و صمون ب٥٠٠ ميكفينا اني و اسامه و سلمان سويج و اثار

خل امر على مها اشوف بيني وبينها اذا عدها خبز تكدر تنطيني و الباقي اشتري بيه بيض و جبن

مشيت لبيت مها، باوعت لبيت ابو رافد سياراتهم بالباب و من بينهم سيارة خالد ، اخذت نفس طويل و فتت لبيت ابو امجد

دكيت باب المطبخ لكيت مها و ام امجد كاعدات بالهول ، صاحت الحجيه : تعاي بنيتي لا ادكين

صبحت عليهم و سألوني على ابوي كلتلهم طلع و مها طارت من الفرح وبقن يسولفن ويايه، اخر شي كلت الها: ما عندج خبز ؟

-اي عندي خير من الله

الحجية : جنج على خبز بنيتي الحلوة دويره

ابتسمت الها، طلعت الي ٥ كرص
مها:-هاي بعد لو كافي

-لا لا كافي

-هاج هذا عجين مال كباب البارحة زاد مني بالعشا اخذي محد ياكله

- ماشي

-اي واكلج ديار

- ها ؟

-الظهر رجعيلنا، طابخين ثواب لعمي المرحوم وراح اعزلج جدرية

-واصل ان شاءالله

عفتهم وطلعت لاسواق الحجي عمر، اخذت ب٥٠٠ بيض كلت اسوي ويا عجين الكباب يكفينا، و خل اخذ وياي هيج حلويات النا نسلس بيهن، اخذت جبس باوعت للمصاص : عمو هذا ١٠ بربع مو ؟

-لا ٤

-شنو عمو كول يا الله

-شوفي ولج تشترين لو تولين منا ؟

-على كيفك عمو هاي اخذنا ٥ و سكتنا بس لا تاكلنا ترا ما ماخذين بلاش و بعدين الينطي الله ينطي انت ما تريد الله ينطيك ؟

-ننطي للمحتاج مو المثلج

ضجت من جوابة، درت وجهي و كلت اله : شكرا عمو

-تعاي تعاي بنيتي لا تزعلين انت حبابه و خوش بنية بس من تجين تنهبيني نهب وما تنطين غير هالربع و الخمسمية

-ما يحتاج عمو بعد ما اشتري منك

- لا لا تعاي تعاي اخذي هذا نص كارتونه جكليت هو شويه يابس بس تكدرون تسوونه مثل المصقول اتمصمصون بيه .

باوعتله گلبته، شلت وحدة اكلتها: اي يفيده مشكور حجي

-هلا بيج بنيتي

اخذت الحلويات و الريوك والخبز و الكباب ورحت للبيت .. صدك لو كالو الرزق من الله يجيك بلا حساب

مشيت للبيت سويتلهم ريوك وكعدنا بالكراج نتريك باوعت لسلمان ياكل سريع : خب هييي الخايس على كيفك شنو تاكل ويا عميان نريد ناكل

-الوصخة اسكتي جوعان

-وجوعتهم خوما بس انت
باوعت لأسامه الفاهي كوه ياكل و هاي اثار تاكل بلا خبز، صكعتها على راسها : اكلي عدل مو خدامتج اني

برطمت و مكامت تاكل : تاكلين لو اجيب النعال ؟

اخذت خبزه و كوه كامت تاكل و هي تباوعلي بطرف عيونها

خو هذا الفاهي اخوي معصعص باقي بس فاك حلكة و يحجي و ذوله ما خلو شي بالصينية، سويتله لفه و خليتها بيدة و كلتلهم : من تكملون جايبتلكم حلويات

هم من الفرحة حتى الريوك عافوه ..
: والله اذا ما اتخلصون الريوك وتشبعون نص فردة نعال ما انطيكم ، شنو تريدون تخلصون حلوياتي

رجعوا اكلو بسرعة
سلمان: سويلنا عزيمة عزيمة خل ناكل حلويات

-سم بگلبك شنو مخلفتك و ناسيتك اني

-الوصخة لا تخليني اكتلج

-بيك خير اكتل مرت ابوك و اختك مو كدرتك عليه ابو الرعاويص

-هن غير ثنين

-ثنينهن كتلنك ؟

-اي

كمت من مكاني : كملو ريوك هسه ارجع

رحت لبيت اهل سلمان شفت الباب اكدر افتحه ، بقيت اباوع بيه و اتمعن

: فلا ابيتلها هالسوايه السوتها العمصه فوك ما خذت ورثه و حق ابوه وشلت حاله فوكاها طاردته من بيت ابوه،اني الج حليمة العمصة

باوعت زين البيت بيه دجة و بعدين درج تنزل للكراج يلا تفتح الباب .. خطرت ابالي فكرة
رحت ركضت للبيت ، اخذت استكان زيت
-كومو وياي يلا

سلمان: رجلي توجعني

-ابقى انت اسامه تعال
سلمان دير بالك على اثار مو تعوفها واذا اذيتها الا اصلخك

اخذت اسامة و رحت لبيت سلمان، فتحت الباب على كيف و كلت اله : اسامه ادهن الدرج و الدچة بالزيت على كيفك بلا ما اطلع صوت و اطلعلي

- خاف تشوفني

-اذا طلعتلك اني ادخل احجي وياها و نطلعلنه حجة و نفلت

-شنسوي يعني

-هسه انت بس نفذ اللي گلت الك عليه و معليك
الصارت صارت و الما صارت نعوفها لله

راح على اطراف رجليه دهن الكاعية مال الدرج و الدچه زيت بسرعة و رجعلي .. سديت الباب وراه
وبأثنين اديه ربدت الباب حيل خبصت البيت عليهم خبص

طلعت حليمة العمصة تركض: ها هاا ها منوووو.......ويا ما جاي تحجي و تركض زلكت رجلها بالزيت وعدل وكعت على ظهرها
كامت تصرخ وتحاول تكوم و هي تصيح : يا يمممممممممه خايبين متت تكسررررت ضلوعي
و طلعت بتها تركض

-افلت اسامه

ركضنا اني و اسامه ميتين من الضحك بس هلكد ارتاحيت، فتحت باب البيت سلمان بعده يعلف ، ضربته على راسه
: خذتلك حقك من احليمة العمصة رابع مربع يالخايس

-الوصخة وين الحلويات يلااااا

-خو همك بس بطنك، بس لا صدك يلا خل نحتفل
رحت جبتلهن الحلويات طشرتهن بصينية و كعدنا ناكل ونضحك.

.................

اسماعيل : مرحبا حجي

- يا هلا و مرحبا تفضل اغاتي

-والله حجي جاي اسأل عن حجي محمود

-وصلت ، انا حجي محمود ... كول

- والله دزني عليك واحد.اسمه ابو ساجد و دز بيدي الك مكتوب
طلعت الورقة من جيبي و انطيتها اله، باوع الورقة تلفت يمنى يسرى وكال : فوت جوا نحجي

فتت وياه : انت جنت بالسجن

-اي والله حجي

-تشتغل شغلتنا و تضم سرنا ؟

-اني عد عيناك ححي انت امر و اني انفذ، والله حجية مليت ادور شغل و عائلتي بلا لگمة و شايل همهم شتخليني اشتغل
بقى يحجي ع الشغل و يفهمني وكال
-اكو شي محتاجة انا هسه اذا سويته الك 2000دولار

- الفين دولار يا نعمتك ربي گلي وانه راسي تحت جدمك

-رايدلي شخص ينفذلي عملية جهادية على معرفتك تجيبه النا وكتها تصير منا و بينا وتكوم تلعب بالفلوس لعب

بس هاا لو طلعت حجاية من حلكك و كشفت امرنا اعتبر من باجر بيتك مفجر و انت و عائلتك تنذبح

-لا لا حجي اني راح اشتغل وياكم و ان شاءالله ايد وحدة و ما اخيب ضنك

-عفية بيك اجرك عند الله عظيم، و اكو شغله ثانية

-شني هي ؟

- باجر تطلع ويا اخوتك تنفيذ عملية صغير

- شني هاي العملية

- عملية اختطاف و هاي صورة المختطف.....يتبع

☆☆☆☆☆☆

#اتمنى_ان_افعلها

///// بقلم الكاتبه ❤️/////

الحلقة_4

المكان : بيت خالد
التوقيت : الساعة الثامنة صباحا

ام رافد : يا يمه سودة عليه وليدي ليش يمة نايم على هالكرويتة و مكسر ضلوعك

...تحركت بمكاني مطيت جسمي احسه مكسر .. فركت وجهي باوعتلها : هلا يمة صباح الخير

-هلا يبعد امك صباح النور، انت نايم هنا ييمة و اني اريد اروح لاخيك النايم بالمستشفى

-اغسل و اخذج يمه هسه دقايق
جاي اكوم نزلت ضحى : و اخذني وياك لبيت اهلي

خالد :- براحتج، يمه كولي لبتول تساعد ضحى و تنزللها الغراض حتى اخذها ترتاح عد اهلها

الأم :- يمه هنا محد مصخرها و اخواتك ممقصرات

ضحى:- لا عمة اني ما رايحة ارتاح ، اني رايحة اطلك و غراضي عود جيبوها وراي

الام: يمه اسم الله الرحمن شصاير يبنيتي

بقت ضحى تشكي مني و الحجية تهدي بيها اني عفتهم ورحت للمغسلة غسلت ..
اجيت بعدها داكة رجل تريد تطلع لبيت اهلها و تطلك

وامي تقنع بيها رادت تحجي وياي طكيت : يممممة ليلي ما نايمة و راسي على ساعة ينفجر و الكعبة الاسمعه يحجي لانفجر بيه

اليريد يروح خل يروح اني ما لازم احد
-انتظركم بالسيارة

................

سلمان ..
جان بيتهم قريب من ملجئ العامرية
بسنة ١٩٩١ و اثناء ما العراق كان بأحتلال الكويت
امريكا قصفت بغداد، و تحديدا العامرية و ملجئ العامرية .. وقتها راح ضحيتها تقريبا ٤٠٠ عراقي بينهم ٢٠٠ امرأة و ٥٠ طفل ..

بوقت الضربة كان سلمان و امه و واخو اله ثاني، بالبيت وابوهم برا البيت ما جان موجود ، واثناء القصف جزء من البيت واكع .. ام سلمان واخوه ماتوا جوا الانقاض بس سلمان انقذوه و هو طفل ابن عمر ٦ سنوات

سلمان ذاك الطفل الجميل .. ما عاد جميل
وراح جماله بالحادثة اللي صارتله
رجله ما انصلحت و بقى طول عمره اعرج
وعقله ... يفتهم بس مو بذاك الوعي
انسان مو كامل اجزاء من عقله تضررت بسبب الحادث الصار وياه.

ابو من بعدها اشترى بيت هنا بالدورة و جاب سلمان وياه و تزوج حليمة ..
حليمة جانت فعلا ينكال الها (زوجة اب) قاسية ويا الى ابعد حد .. خاصة لما مات ابوه
انطتا غرفة اشبه بالمخزن لا مروحة لا تدفئة
كل يوم اطرده من البيت ..

اهل المنطقة كلهم يعرفون سلمان مو بس فرعنا .. المنطقة كلها، معروف بسلمان المرعوص او سلمان ابو الرعاويص او سويج
هيج الناس تطلق عليه
بس هو ما يزعل و شايل گلب ابيض من الثلج

شاغول ما يخلي شغلة ما يشتغلها بس الفلوس لمرت ابوه تكتله اذا ما انطاها

يتغزل بالنسوان هواية و بسبب هالموضوع كل يوم محصله كتله مكسر من وراها، بس حتى اليكتلونه ايام و يسامحونه و يرجعون يتعاملون وياه ويضحكون عليه

هو صانع ويا واحد يبيع فلافل بالمنطقة وكلها تحبه

حسب ما هو يكول مرت ابوه جانت تنتله بالكهرباء
ما اعرف حقيقة او صحيح لان هو جذاب اكشر و اكبر كلاوچي و الحباية يسويها كباية و دائما يحب يبين هو زلمة و يتمرجل على جهال المنطقة.

.... كاعد ويانه و احنه جاي نفتح بالجكليت اليابس و ناكل .. سنونه رادت تتشلع، بس بعد بلاش وماكو اطيب من اكل البلاش

شوية و فات ابوية : ديار

كمت من مكاني بسرعة : ها بابا
فات شاف سلمان عدنا

-هاذ شعده هنا ؟

-بابا حليمة طاردته و اااا جبنا اني و اسامه هنا ويانة يتريك خطية

-بقى ريوك ؟

-لا

-كوم انت هييي روح لبيتكم يلا

سلمان يهز بيده : السكران طلع من السجن هي يا الله

الأب :-شكلت ولك ؟

سلمان :-امشي ارهابي ابو الوصخ

بسرعة ابوي ضربه على علباته و لزمه من فالينته حيل شدها على ركبته : اخنكك و اموتك و اشمرك للجلاب والله اذا مره ثانية حجيت، واذا عديت عتبت الباب الا اخليهم يصلخون جلدك

كمنا اني و اسامة نجر بايد ابوية و نتوسل بيه يتركة: لا بابا فدوة عوفه الله عليك هذا سويج كلشي ما يفتهم عوفه بابا

سلمان جنه جريذي لا حجة لا كال مصخم الوجه هو وصل الباب و هو صاح : اسمااااااااااعيل السكرااااان الخااااايس ابو الوووووصخ الا اروح مره ثانية للشرطة و اكلهم ارهابي

هو طلع يعرج برجله سريع و ابويه طلع وراه، لزمة وراد يجره للبيت، احنا وكفنا اني و اسامة نتكرضم من الخوف على سلمان شراح يسوي بيه بابا

ربك رجال جارنا موجود ركض فاككه من ايد ابويه، وضل يحجي على ابويه و يكله : يا ابو اسامة تصدك بهالولد نعرفه جذاب و فارغ

روح ابني روح لا تجي بعد لهنا

اسماعيل: ** الزمك الزمك وين تروح

فات للبيت عصبي، اني و اخواني نتراجف من الخوف
اثار كامت تبجي : اوووه مو وكتج انت فوتي جوا

اخذتها و كعدنا جوا، هو كعد بالاستقبال فوك الساعة و هو يشرب ، الى ان كام ... صاح على اسامة
طلع اله اسامة يركص : تعال لك هاك روح جيبلي باكيت جكاير ع السريع يلا

..من سمعت صوت اسامة طلع و ابوية يصيح، ركضت لباب الغرفة قفلتها، اجا بابا يدك بالباب قوي: ديار افتحي الباب

-بابا فدوة الله عليك

-جااااااااااي اگلچ فتحي الباااااب

-لا الله عليك بابا فدوة

كام يضرب بالباب قوي و اثار تصرخ من كل گلبها و اني حاضنتها حيل ، دفع الباب و فات و صرخ بأثار تطلع .. و استفرد بيه .

...... الأب هي اكثر كلمة بيها حنية
وخاصة للبنية ..
الأب خيمة لبنيته، فياي الها و سند
تنتجي عليه كلما مالت بيها الدنيا ..
ما تهاب احد بوجوده
ترفع راسها بزوده
تنام و تطمن هو اليحميها
....بس المصيبة لو صار العكس

التفيت بفراشي ارجف و ابجي
اسمع صوت اثار اللي فحطت من البجي
تقربت يمي حطت راسها على راسي
رجعتني لأيام ما رحمتني
بنفس وضعها و بنفس وضعي

هدئت انفاسي، غاب صوتي
كل اللي جنت افكر بيه اعيد الماضي و انهي معاناتي
اختي نامت و هي بوضعها على راسي، عيوني بين النايمة و بين الصاحية، دخلت بحالة اسمع صوت بغرفتي
: ديار ، ديار، ديااااااار
فتحت عيني خفيف اختي انهار كبالي ، شهكت ابجي و كأني اشكيلها : انهاااار اخذيني يمج انهااار

-انت مو مثلي، انت قوية و راح تكدرين

-لا لا ما اكدر
احجي و ابجي

-راح تكدرين راح تسوين اللي ما كدرت اسويه

-انهار انهاااار

فزيت من مكاني ادور انهار
حلم
فزت اختي من راسي ، جريتها حيل لحضني ، حضنتها و كمت ابجي بقوة
هي مستغربة لأن فازة من النوم، ما راح اعوفج
ما راح اخليج تشوفين اللي شفته ما اعوفج
حاضنتها و ابجي

للمغرب و ابويه و اسامه ما الهم صوت بالبيت، انفتح باب البيت، اجا صوت امي : اثااار ، ديااار وينكم

اجت للغرفة لكتنا كاعدين اثنينه بلا صوت

-يا ستار شبيجن شصاير ؟

اثار ركضت الامي شالتها و بوستها و رجعتلي : شبيج ماما ديار صاير شي

اثار حاولت تحجيلها بس متفتهم عليها
: ولج گليلي شصاير

ديار : ليش خلفتيني ؟

-شنوه !! شبيج ماما غير افتهم

-ابويه

-شبي ؟

-دنكت راسي و بجيت

-احجي لا تبجين شسوالج ؟

-وخري مني الله لا ينطيكم وخر

-تعدى عليج ؟

- وخري انت كل السبب بيج وخري

.. كامت من عندي بس حسيتها من صدك فارت، وكفت بالممر و دك اتصالات على بابا ما رد، رجعت خابرت عمو حارت شحجت و شصيحت عليه و كالتله : اليوم كلكم اريدكم هنا

و قفلت الخط بوجهه: ما كافي شمرلي وحدة بالزبالة ، ما كفاني ضيم الراحت مني بساع بساع انوب يعيدها بديار ، والله يا اسماعيل ما اسكتلك

نص ساعة و اجت عمتي و عمي بقت امي تحجي وياهم و تصيح و عمتي تكلها : لا تكبريها ميعاد الرجال كلنا نعرفه سكران و مو بوعيه، اذا على البنية اني اخذها بيدي لجدة تحطلها خركة لحمة و تخيطها و خلصنا
ما عايزين فضايح فكينا ما عدنا شغل و عمل ملتهين ابتج احنه

-يعني متبرين منه مو ... اهااااا خوش لعد اني اعرف شتترف وياه لا ما اجرجرة و اخلي بين الرجلين فلا اتسمى بسمي

فات ابوية للبيت ، كايمة امي هاده عليه ضاربته و دافعته ، هو لازم امي خانكها
اسامة اجاني يركص : ديار بابا راح يكتل ماما الحكي

-معليك بيهم عساهم يموتون اكعد هنا

-فاتت عمتي : اليسمع ميعاد يكول البت ماتت هاي كلشي ما بيها مجمعه اخوتها و جنها حصان
شنو يمه جرح مشاعرج ؟
كسر خاطرج
والله انت و امج اكبر شياطين ابتلى بيجن هالمسكين بلوة عبالجن ما ندري راكباته و صاعدات فوك راسه

هي تحجي و عمي و امي و ابوي هناك مخبوصين، عفتها تحجي و ما رديت

انتهت بعمامي يسحبون ابوية و يطلعون من البيت
وامي راحت لغرفتها ..
مرت ساعتين و امي نايمة بغرفتها واخواني مكابليني و كاعدين

ما الي خلك وكل اللي اتمناه انتحر بفد طريقة و اموت
بس لو متت ذوله شنو ذنبهم يعيشون مثلي لا ام اداريهم و لا اب اليوكف على روسهم

اخوي من كد ما يشوف من امي و ابوي ما يحجي ولا يسأل كل اللي يسويه يجي يختل بحضني
واثار رغم هي طفله بعمر ٣ سنوات بس جاي احسها شايله هموم اكبر من عمرها و الله يعلم شنو الجاي تعاني

لو ضعفت كل ذوله يوكعون و المشكله ما عندي قوة او الأصح ما عندي سند استند عليه و اتقوى

بقيت اباوع بيهم مكابليني ما عافوني لحظة وحدة ، حجيت وياهم : جوعانيين ؟

اسامة : اي حيل

اثار اللوكية من شافتني حجيت و نطقت كمزت لحظني و كامت تتملعب عود حتى تضحكني و تريدني العب وياها

مسحت على خدها وكومتهم للمطبخ لكيت امي جايبة خبز و مخضر بانواعه ، كليت الهم بتيته درك و اثار ثردت الها خبز و جاي وكعدت اوكل بيها هي و اسامة

هم ديسولفون و يضحكون، و اسمع صوت لأمي بالغرفة:- بالله سكتوا خل اسمع

دا تضحك بصوت عالي بالموبايل ، اخذت نفس و تنهدت :- اطخ ابالي اخذكم و اشرد بيكم بس وين نروح ؟ چلاب الشارع اوحش من چلاب البيت

الا صدك اسامة وين رحت انت و بابا ؟

-اخذني على واحد ما اعرفه ضلو يحجون على بنية بالمدرسة

-بنية بالمدرسة شنو، لا يعني قصدي هم اذى سلمان لو راحله

-لا لا

-سلمان وين

-ما ادري ما شفته، ديار بابا كال راح اشتريلكم تلفزيونات ٢ واحد الك و لأختك و واحد اليه

-اقبض من دبش كوم شوف الساعة بالأستقبال بيش

راح شافها و اجا : الساعة ب٨ و نص

-بعد وكت كوموا وياية

رحت فتحت الباب على امي، هي تحجي بالموبايل باوعتلي و اشرتلي براسها بمعنى (شرايده ؟)

جربت الجيزدان مالتها ع الميز لكيت بيه فلوس هواية، اخذت خمس الاف و طلعت ، هي تخزر بيه عود رجعي متكدر تنهي الاتصال ، سديت الباب عليها و طلعت .

لبست اخواني انعالاتهم و باوعت لاثار : تمشين مشي لو تبقين هنا ؟ ترا لو تموتين ما اشيلج

بقت تكمز و تضحك و تدلع كبالي، حجة اسامة : لا لا اني الزم ايدها

اخذ ايدها و كامت تمشي وياه جنها بطة :- مو تترك ايدها اسامة ترا توكع

طلعتهم كدامي وسديت الباب و لزمت ايد اثار الثانية و مشينا ، اول شي رحت للدكان اشتريتلهم
ادور اخذتهم لبيت مها ..

مها: ليش ما اجيتي الظهر مو كتلج ارجعيلي

بلعت ريكي:- ما كدرت

-صاير شي شو مو على بعضج

-لا ما صاير شي بس شويه مريضة

-اكلج ديار بيناتنا الحجي انت و مرت خالد متحاجيات شصاير

-قصدج ضحى ، لا شبيها

-راحت زعلانه لأهلها و عمتي ام رافد تكول ما حجت بس تكول خلي ديار تفيدكم شمسوية ديار و خالد ما راضي يحجي و ضارب الوضعية كلها و باقي بالمستشفى ويه اخوه

-يعني خالد ممهتملها زعلت ؟

-لا مو هيج بس متعاركين وما ادري شصاير بيناتهم ولج هو يعشكها شجاه ما ندري ولو سوده عليه هم شيصير اخوهم مصوب بالمستشفى و حايرين بيه
المحيرني هي ليش جابت اسمج

-ما اعرف، يلا اني اروح تحتاجين شي ؟

-هاج اخذي هذا الجدر و هاي علاكة خليتلج بيها فواكه عود اكليها انت و الجهال

-مشكورة

اخذنا الاكل و ردت اروح للبيت، اتذكرت سلمان و مرت ابوه العمصة ، دكيت الباب على بيتهم طلعتلي رغد بتهم

-سلمان وين

-ما ادري بيه، ديار عدج شي ؟

-لا كولي

-امي وكعت الصبح و ظهرها و رجلها حيل متأذيه خابرت على كرايبنا محد اجا خل ناخذها اني وياج للمضمد اللي براس الفرع

-ابقى هنا اني راح اروحله اجيبه و اجي عدج فلوس تنطينه ؟

-اي اي عندي

-زين لعد خلي اخواني يمج اركض بسرعه اصيحه و اجي و بدربي اشوف سلمان وينه ، بس ديربالج على اخواني والله اذا اذيتهم اكسرج فوك امج

-شنوه ؟

-يعني قصدي ديري بالج عليهم وسدي الباب يلا فوتي

مشيت سريع ع الشارع لكيت سلمان سويج كاعد ويا الولد يضحك ، عفته و رحت للمضمد كلت اله هيج و هيج و المرة متكسرة ما اكدر اجيبها طنكر ما يجي للبيت الا هي تجي للعيادة

عفته و مشيت : ديله هذا هم حظي كسرت المرة تالي اني ابتلي بيها

رحت لسلمان و الولد الواكفين، شفت عباس ابن ام الحصة واكف وياهم ، تقربت يمهم : انت هييي سويج لا بس فالح تفر بالشوارع مرت ابوك مريضة كوم امشي وياي يلا

-روحي اتي الوصخة ما عليه اني

-اكلكم تكدرون تساعدوني هذا ما براسه حظ و مرت ابوه واكعه من الدرج ولازم نشيلها للمضمد

الولد هم بيهم همه، كلهم كالو:- يلا امشي

-اكلك عباس روح جيب العربانة الخشب مال الحصة مالتكم خل نشيلها بيها

-ميخالف هسه اجيبها و اجيكم طياره امشوا كبالي واني الحك كم

شو هذا سلمان رعوصة نفش ريشه و يتمشى كدامنه

-شعدك جاي ويانه يلا امشي ولي

-اتي ولي لا ادفرچ جلاق

غميته و مشيت ، رحنا للبيت .. طلع مو ظهرها رجلها ملتوية و متأذاية شالوها الشباب على ظهورهم و خلوها بالعربانه و زفيناها للمضمد يمكن بينا ١٢ واحد اني و اخواني و رغد و سويج و ولد المنطقة

ناس تصفك و ناس تصفر و عباس طاير بالعربانه واحنا وراه، وشايله اثار على جتفي و اهفي بيها وراهم
ماكو واحد بالحي ما شافنا و كال :- ها خير يمعودين

دخلناها للمضمد لف الها رجلها و انطاها عصارة لظهرها و كال الها : لازم ما تتحركين فد ٥ ايام

رجعنا شلناها و خليناها بالعربانه ، جتفي انخلع بس من ورا اثار ... هم خليتها بالعربانه شفت رغد تحاسب بالمضمد رجعتلها :هاا

-يريد بعد ٣ الالف ، خل انروح للبيت انجيب و نجي

- شترجعين دهاج هاج عي هم بوكه و ما نتهنى بيها دخذي
اخذت من عندي ٣ الاف بقت بجيبي بس ٥٠٠
طلعنا اني ورغد شو ذوله ماكو

اباوع يمنى و اشوف عباس طاير بيهم طيران، طكيناها ركضه اني ورغد وراهم ، غير ربك تگبن العربانه و تنگلب

صرخت : اختييييييي انجعصت ولكم ،اثااار
وركضت حيل اجر بيها من جوا حليمة و هاي كامت تبجي و تصرخ من رجلها، و اني اصيح : شيلي روحج اختي انداست مصارييييييييينها

ذوله الشباب يشيلون بالعمصة و خربانين ضحك ، واثار نطت من البجي تأذت، گامت تشتم بيهم و تصيح عليهم : عساكم لا شلتوني كسرتوني ولد **

هم شبعانين ضحك خلوها بالعربانه و يمشون بيها على كيف، لحد ما وصلناها للبيت و نومناها بفراشها وطلعو الولد .. بقيت اني و رغد دهنه ظهرها بالمسكن و انطيناها العلاج و كلت الها

- عوفيها بغرفتها تنام ترتاح ، وعوفي سلمان يمج خاف تحتاجين شي و خطية شوفي جوعان شيحتاج انطي هو هم اخوج لا تصيرين چلبه انت هم

- اني هم ؟!! ليش منو غيري قصدج

-يعني الا اگلچ امج ؟

-ديار احترمي نفسج

-دولي ، اسمعي شتحتاجين تعاليلي للبيت ماشي ، ولا تنسين التلثتالاف مالتي الداينتجياهن اريدهن باجر البنك مال امج ما مفتح يمي فهمتي ؟

ضحكت : ماشي ماشي اذا ما عندج تعاي هنا يمي بالنهار عطلة و ضوجة

-احاول يلا مع السلامة

طلعت من الغرفة و شلت اثار على اجتافي لكيت اسامة يم سلمان : يلا اسوم ، و انت هيي سويج لا تطلع و تعوف مرت ابوك وحدها انجعم بالبيت و انجب

-انجبي انت يالعورة

مشيت اخذت اخواني و رجعت لكيت امي واكفة بالباب

الأم : وين رحتي و اخذتي اخوتج بهالليل

- ام رغد مريضة و وديناها للمضمد

-و انت شعليج بيها تمرضت ماتت احنا ملنا علاقة تروحين تورطينه بسوالفج الناس ما تتأمن

-والله الناس و الغربه اشرف منكم و امن بيهم اكثر منكم

-السانج بعده ؟ اليشوفج قبل ٥ ساعات يكول هاي مواته بس ا ااها اصحى مني وكلشي ما يصيبج

-بفضلج هاي مو اول مرة حتى استغرب بسببج و بسبب استهتارج خليتي هذا حال بناتج

-لا تتجاوزين

-صيري ام حتى لا اتجاوز، منو بينا ما عانت من وراج
انهار الماتت محتركة لو اللي خلفتيها و صارت من نصيب الزباله لو اني الهذا حالي لو اثار
فهميني منو بينا ما طيحتى حظها

كافي صبغ شعرج ب٣٠٠ ورجليج واضافيرج و جسمج اهم من عدنا .. اهتميتي بحال هالطفلة بكد ما مهتمة تنسقين الحجل ويا السوار

سألتيني وكعدتي وياي و سولفتي كد ما لازمة الموبايل و تخابرين هذا و ذاك

لو عندي ام بيها خير ابوي بعمره ما يتجرأ علينا، انت سبب كل اللي جاي نعانيه ، و الله يطلع حوبتنا بيج ان شاءالله

عفتها و دخلت للغرفة فرشت فراش النا و تمددو اخواني يمي ... صفنت بحالي المثلي هسه بصدمة و منعزله و لا تاكل ولا تشرب و شوف حالي حتى امي مصدومة مني

تعودت اشوف و اتحمل و اتجرع و اعيش عادي ولا كأني صاير بيه شي .. كثرة الطك ع الجسم يدمغ

يربي حتى احساسي ومشاعري مو مثل البنات
يعبرن ينكسرن يبجن ينعزلن اني كلشي ما عندي من البنات ولد بكفشة بت

صفنت صدك شو اني حتى ولا بعمري متخربطة ؟!!
هاي البنات بس يتأثرن يغمى عليهن و يتخربطن عود اني ليش ما اتخربط !!

كسرت صفنتي امي لما دخلت و هي تكول :- الخمسة الأخذتيها مني وينها ؟

ديار:- خلصت

-شخلصها اشتريتني انت و اخوتج الباقي وين

-هاي بس ٥٠٠
شمرتها يم رجليها : و الباقي داينته لاخت سلمان

-عشتو والله ادور عليه هالمسودن و اهله

-اكلج ما تروحين مني ترا ما للي خلكج

-لا تعاي اريد احجي وياج بموضوع

-شنو هو ؟

-تعاي بالغرفة لا كدام اخوانج

كمت من يمهم رحت بغرفتها : شنو الموضوع

-سمعتيني مساعة احجي بالتليفون

-اي سمعتج تتمضحكين هواي

-معليج بضحكي الاريده اگلچ بيه .. عندي شقة بشارع فلسطين هي مو الي بس حجيت بيها راح اجرها الية

-اييه ؟

-شنو اي اطلك من ابوج و نروح نعيش هناكه

-حتى بدل اسماعيل واحد ١٠٠ اسماعيل، و اسماعيل راح و اسماعيل لاخ راجع مو ؟

-اذا اجوني خطار انت شلج علاقة بيهم ؟ انت و اخوتج الكم غرفة خاصة و نظيفة و اخليلكم بيها تلفزيون و اسرة

-تريدين تطلكين اطلكي بالنسبة الية اتحمل هنا احسن ما اروح اتورط وياج، الچلاب الاعرفها احسن من الچلاب الما اعرفها

ما مجبورة بيه روحي اطلكي احسن ما تضلين تسوين كل هالسوالف و انت براس ابوي اني من باجر اطلع ادور شغل اعين نفسي و اخوي و حتى اثار خليها يمي
شوفو حياتكم .. لا انت و لا ابوي الكم علاقة بيه ولا اني الي علاقة بيكم

-الى متى تبقين غبيه و هذا تفكيرج ؟

-لما يموت گلبي مثلج و اكوم ما اهتم ولا اشيل هم هذا جاع وهذا عانى و هذا توجع ..
للأسف ما طلعت عليج

-دكومي كومي ولي من وجهي وجهج بيه سبع لطامات اوي

عفتها و رحت للغرفة، اول ما دخلت .. تضايقت حيل و اني اتذكر الموقف .. كعدت افرك بوجهي وافكر بيا طريقة اخلص منا .

جبتها منا على هنا ما عرفت شسوي
لازم اشتغل سالفة اضل جوا اديهم و تحت حكمهم بعد ما اتحملها
بس شلون ؟

.......عفت كل هالتفكير تمددت بفراشي و فضلت انتقل لعالم خيالي احسن .

الصبح
كعدنا على صوت امي ما رايحة للشغل، رايحة جايبتلنا گيمر عرب ومربى و مسويتلنا جاي وتكعد بينا حتى نتريك وياها

كمنا من النوم غسلنا و كابلناها ع الصينية
اباوعلها الشعر منثور و المكياج و لابسة نفنوف ينكاله (نور و مهند ) مثل اللي تلبسه نور البطلة بالمسلسل التركي نور .. هيج الموديل

اسامة:- ماما طالعة اليوم حلوة

-حبيب ماما انت الحلوة عيونك يروووحي، امممم اني اليوم قررت اكولكم شي و بما انو انتم كبار و اطفالي الاحبهم فحبيت افاتحكم بيه و انطيكم خبر

ديار :- عفت الصمونة من ايدي و باوعتلها

الأم:- قررت اطلق من ابوكم و نعيش بمكان لاخ شكلتو

-رجعتي عدتي الموضوع ؟

-شتكول ماما حبيبي اسامة

اسامة :-ماما اني ما راح اعوف بابا، شكرا اني شبعت ما اريد اتريك

-لك وييين تعااال

ديار:- و اني هم شبعت بالعافية

- يل البوم والله فلا وجه خير انتو و ابقو تحت رحمة اسماعيل يسكر و يصكع على روسكم دا اشوف من اروح اني شلون حتعيشون بدوني، اولكم و تاليكم ترجعون اليه و ما الكم غيري

ما ردينا عليها كعدنا بالاستقبال، و هي تحجي اندكت الباب ، كامت من مكانها .. بس دك الباب قوي نربد البيت

فتحت الباب هي، سمعت صوت ضحى مرت خالد

:- وينها بتج الساقطة وينها تريد تاخذ رجلي مو وييييينج

الأم -حدج عيوني حدج مو بانزين خانه و فايته

ضحى:- لو عندج ذرة مستحى جان لزمتي بتج وربيتيها بواكات الزلم يل ما تستحن برابي.....

دفعتها امي برا و ردتها :- والله لو ما عيونها لام رافد جان عرفت شرد عليج يالعوبة هو لو بيج خير يدور عليج

عدلت زخمت ثوبها و تخصرتلها : و تريدين الصدك رجلج حلو و ينحب ، شلون يمة تغمض بتي حتى ما تشوف الحلوة مالج
وتهزلها بصدرها ..

-والله انتن ساقطات ودايخات بنات شوارع مو مثلجن....

- ساقطات يعيني و شرايده ؟
وتهز بجسمها و متخصرة

-والله اذا بتج كربت من رجلي الا احركجن ..

-والله حبيبتي حلاوتج لا اطلعيها و الجوعان ما تدني نفسه ، الا كوليلي بداعتي سمعت خلودي خلدلد مبورج عد اهلج صدوك ؟

- يا فدوة لالله هو يباوع لشكولجن عابدني عبادة يموت عليه يعشك تراب رجليه

-ههههههههيييييي صدووووك ، مدام هيييج اشعندج ابابي يحلوة
وتهز

.... سمعي بنيتي المثلج مارات عليه هواية بتي لا بحال رجلج ولا بعداله ولو خليت رجلج ابالي اطلكج و ابهذلج و اخليج تفترين و ما تحصلين وبتي تاخذ كلشي، يلا فاركي بابي ولا تشوفيني خلقتج زين يماما

وسدت الباب بوجهه

اندارت باوعتلي : لسة تنكرين انت متحبين خالد ؟

-ما احبه

-لعد شسويتي الهاي و تجت شايشه ؟

-عيبت على وجهي، اخذت موبايل خالد و خابرتها حركت كلبها مثل ما تشمتت بيه و اذتني

-زين تسوين

..... بيت خالد .....

نايم بغرفتي وحدي، ضحى زعلانة و عد اهلها
بس اني و نايم الصبح مثل الكأن اسمع صوت ضحى جوا

رفعت راسي و صدك تدخل ضحى للغرفة

:- اكعد اكعد شوف ويا منو خليتني ، اني احجي ويا ديار و امها الساقطة تطردني لا و تتمركصلي و تهز .........

-رحتي لبيت ديار

-لعد شتريد يمه اسكتلها على عملتها ويايه لا والله ما اسكت و اذا ما اطيح حظها فلا اطلع اسمي ضحى

تنهدت و تعدلت من نومي و كعدت ، هي مستمرة تسولف صياح

-رد عليه ليش ساكت

-كملتي ؟

-كول احجي يلا

سحبت الموبايل من الميز ، طلعت رقم اخوها و خابرت، رد :- هلا ضياء شلون شلونك زين والله الحمدلله ماشية خوية بس ردت اكلك تجي تاخذ اختك مثل ما دخلنا بالمعروف نطلع بالمعروف المرة الما احترمت كلمتي ولا قدرتني تحرم عشرتي وياها

- ياااااا خالد اطلكني

-مع السلامة خوية

-خالد

جريت ايدي منها جريت ملابسي و سويج سيارتي و نزلت بدلت و طلعت .


(بعد مرور ٣ اسابيع )

ماما بلغت ابويه بموضوع الطلاق
.. بس بابا ما رد ولا اجا بقى اسبوع عد اهلها و الوضع سنطة

بهذه الأسابيع ما خليت شي يعتب عليه ما دورته على مود شغل ماكو
رحت لوحدة تطلع تشتغل بالبيوت كلت الها اساعدج و اليطلع منج .. ما رضت كالت : عدي وياي بتي تساعدني
رحت لوحدة خياطة و كلتلها اساعدج و اتعلم منج ما رضت
افتريت ع الأسواق و الدكاكين عاملة اشتغل محد قبل
رحت للسوك و دورت ليما مليت ماكو
ايست من خياتي كلش
واحس ما الي امل اتخلص من اهلي و وضعهم

خالد ما تقربتله ابد
حتى من اباوعه من بعيد يضوج مني ما يتحملني
سمعت من مها عايف مرته عد اهلها و ما يريدها بعد
بس رغم هاي ما رغبني
فبقى شخص ساكن خيالي و بس
افكر و اعيش وياه حياة بخيالي
اما بالواقع فهو يشوف ابليس و ما يشوفني

بيوم .. اجا ابوي دخل علينا
لابس دشداشة بيضة و خاچية مال صلاة و سبحة بيدة

فات علينا لغرفتنا اني و اخواني كعد يمي ، كمت من يمه

- اني يا ولدي تغيرت و الله هداني و بطلت الشرب
باوعلي ... الشرب اللي يأذي بنتي و يخليني اسوي سوالف مو زينه حرمته بعد للأبد و ناويه اقلب وياكم صفحة جديدة ... ديار

-ما رديت
طلع من جيبه موبايل يسمونه (دفتري ) لونه وردي ، هذا الموبايل غالي و مو هواي ناس تشتري

الأب :- هذا اشتريته الج

ما باوعتله ولا رديت

-و اشتريتلكم تلفزيون و دش و ستلايت و اشتريت لاسامة بلي

اسامة تخبل راح حظن بابا و بوسه و صدك بابا الله عليك جبتلي بلي

- اي ، ديار و جبتلج حجابات منا و غاد اريد اشوفج محجبة ممنوع اطلعين مفرعة

حجاها و كام

...بقيت صافنة معقوله هذا بابا

طلع من الغرفة ماما تتصنت كال الها : شوكت ما تريدين الطلاك اني حاضر

جتفت اديها و دارت وجها منه

...راح ، اجت امي فاتت علينا

- دا تحسون اكو شي متغير بأبوكم لو لا ؟

اسامة : اي ماما بابا صاير حباب

ديار : شدا يقصد بهالتصرف

-ما اعرف بس الحلو صار زين وياج و هاي جابلج موبايل حتى احسن من موبايلي بعد شتردين