اكمل

والحمدلله كملتها وخلصت مثل الهم جان ع صدري وانزاح

اشكركم جثير على دعواتكم الصادقه اكيد راح تنفعني متضرني واشكركم لان وكفتوا بجانبي وقرأتوا القصة برحابة صدر ومامليتوا مني وحسابي راح اتنزلوا ست سارة وان شاءالله كل مايصير عندي مجال افتح نت واجاوب ع اسئلتكم واستفساراتكم لان والله مافتح دائما وحتى سارة تدري بيه مهملة من هل ناحية لان شغلي ماخذ كل وكتي

الذِي أَوجَدَ فَينَا الصَبر ؛ قَادِر عَلىْ أن يُفرِحَنا بَأضعَافّ مَا نَطلُبْ ، قادِر عَلىْ أن يَهبنَا مَا نَحلُم بَه ، قَادِر عَلىْ إدَخال السَعادَة إلىّ قَلُوبنَا المُتعَبة ..

وبالنهاية اتمنى تترحمون لاخواتي التوأم سابين وايلين

وهسه اسلم القلم لايد كاتبتنه المتألقة سارة المجيد حتى تختم القصة مع السلامة

_ بالف سلامة حبيبتي ربي يفرج عليج همج ويحقق كل امنياتج ويجازيج ع كد تعبج بهاي الدنيا وان شاءالله ربي يعوضج باطفالج وتشوفيهم باعلى المراتب

ومثل مدتشوفين حب الناس ودعواتهم الج ولخواتج هاي فضل من الله انو القصة انتشرت وشفتي شلون العالم دعت ع الناس الظلموكم ودعوا عليهم حتى تشوفين اشلون ربنه فضل عليكم حب العباد وشلون صب اللعنة ع كل من اجرموا بحقكم وظلموكم
حتى تعرفين انو الله عادل وحشا ابد مايظلم بشر

.........
وها قد وصلنا احبتي الى نهاية قصتنا بعد ماعشنا احداثها بكل حذافيرها عشنا الظلم الي تعرضولو وعشنا الوجع الي تحملوا وعشنا التعذيب الي تمثل بيهم

وشفنا العدالة الالهية شلون تجسدت بهذه القصة وشفنا شلون كلمن اخذ جزائو العادل

#فرقد الي مخاف ربو وشكد ظلم وطغى وتجبر وقتل انسان بريء وين صفى تاليتو ع حبل المشنقة وتطبق عليه قول الله تعالى وبشر القاتل بالقتل

#عثمان الي كلنه سمينا البطل المنقذ للاسف الشيطان غوا وارتكب ابشع جريمة وربنا ماتركوا انفضح واتحقق العدل من انلزم وانحكم مؤبد

#رنيم الي شاركت بهل جريمة من بعد ما امنت سابين بيها تسترت ع جريمة عثمان ومافضحتو بسبب حبها الو

واخذت جزائها العادل وانشطب اسمها من سجل الاطباء وخسرت كل املاكها يعني حياتها اتدمرت

#ارادة الي ركبها الشيطان وخططت ودبرت المكيدة والاتهام الباطل بحق سابين اعترفت بذنبها حتى تكفر عنو واتدهورت حالتها النفسية واصبحت شبه مختله عقليا لان شبح اخوها وسابين ضل يلاحقها

#طارق الي ماحتوى بناتو وشارك بتعذيبهن بالنهاية انجلط وانشل والحاجتين جواه تكرمون ومات موته مذلوله

#سناء الي جانت سبب الاول والرئيسي بهاي القصة عذبت البنات وكانت سبب بدمارهن ووجعهن ومراعت الله بيهن

نهايتها صفت مفلسه وحيدة تعيسه منبوذه بعد وفاة ابوها وعاشت بذل عند مرت ابوها وان شاءالله تاخذ جزاءها بالاخرة لان عذاب الاخرة اعظم وادهى

#علي عم وتين مات بابشع طريقة لان مانصف البنات وجان قابل ع كوولشي صار بسابين ومارحمها ..والله هم مارحمو بوفاتو انمرد جوا التريله ومات

#هناء الي شاركت بالتعذيب واتفننت بي الله حرق قلبها من اخذ منها اعز ماعدها ابنها وزوجها وفقدت ودخلت حالة اكتآب

وفي النهاية حكمت المحكمة الإلهية بالمجرمين البشرية وتم تنفيذ الحكم العادل بهم والله ناصر المظلومين رفعت الجلسة

طبعا اتمنى القصة يقرأوها الشباب حتى ياخذون منها العبرة ليغلط ويسوي الحرام وبعدين يتندم ويكول ليش هيج سويت وين جان عقلي ويكوم يدور التوبة والاستغفار خو ابقه ايماني بربي قوي واخلي ثقتي بي كبيرة لان ربنه مايخذل عبدو اذا التجأ الو دائما الله سبحانه وتعالى ويه العبد اذا العبد مشى بطريق الصحيح والصواب لان الانسان ربنه خلقلو عقل وميزنه عن باقي المخلوقات ...

والانسان مخير مو مسير وجدامو طريقين طريق خير وطريق شر وربنه دلانه ع طريق الخير وعلمنه شنو بي بقت بعد يم الانسان بشنو توسوس الو نفسو ..

فرقد وعثمان اكبر مثال جدامكم غلطوا لان وسوس لانفسهم الشيطان وراها صحوا ع نفسهم واتندموا لكن للاسف بعد فوات الاوان وضاعت حياتهم وفقدوا مكانتهم واهلهم وناسهم هذا جزاء الي مايفكر صح .. ويمشي بطريق الشيطان يكون نهايتو الجحيم الابدي

وطبعا اكو جثير بنات يعانون مثل حالة سابين ووتين واكولهم كونوا اقوياء ابد لتستلمون للشيطان وللوحوش البشرية خلوا ايمانكم بالله كبير لان ربنه عند حسن ظن عبدو به ابد لتفقدين ايمانج لان هذا امتحان من الله وبلاء ربنه يجازي بي الانسان ع كد صبرو وتحملو وكل ما الانسان صبر واتحمل الله ينطي درجة عالية بالجنة لان الجنة مهرها غالي مو اي واحد يدخلها واشد بلاء همه الانبياء والصالحين ثم الادنى يعني الله اذا احب عبد ابتلاه
وسابين ووتين ربنه ابلاكم بهل شي وصبرتوا جثيير ع هل بلاء بس سابين كانت محطمة اكثر واتدهورت نفسيتها وللاسف نحرت نفسها بس المريض ماعلي حرج واكيد مكانت مسؤولة عن افعالها

ان شاءالله ربنا يرحمها ويغفرلها ويجازي الي وصلها لهل حالة البائسة ويكون برقبتهم هل ذنب الي سوتو بنفسها

واتمنى من بعض الاهالي الي يقسون ع اطفالهم ان يحتوون اولادهم وبناتهم ويراعون الله بيهم

ويتجنبون العنف الاسري لان يودي الى الهلاك وهل قصة خير دليل ع هل شي

وفي نهاية قصتي هذه .. ومثل باقي قصصي ..لا بد ان ناخذ عبرة .. عندما تسول لك نفسك بظلم الناس واذيتهم ..و عندما تفرض رجولتك وقوتك على فتيات بريئات لا ساند لهن ولا حول ولا قوة لهن الا بالله فتذكر ان لهن رب يتابعك من سابع سماوات لا يغفل عنك طرفة عين ..و ان من كان الله ناصره ما خذل ولا ضاع له حق ..ومن اراد اذية الغير بغير حق فبشره الله تعالى بعذاب اليم وخزي وعار في الدنيا والاخرة ..فقال الله تعالى في كتابه الكريم (( انما السبيل على الذين يظلمون الناس ويبغون في الارض بغير الحق أولئك لهم عذاب اليم )) .. ف صدق وعد الله فيهم .. ونصر من ظلم ..والله يمهل ولايهمل

واخيرا اقول للظالم اذا دعتك قدرتك الى ظلم الناس فتذكر قدرة الله عليك

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

اتمنى استفاديتو من القصة وشكرا الكم❤️

النهاية...

حبي لو تصوريلي علبة او مكوناته

لانو مامفهوم☹️💔 ..اللي مكتوب جل بالخرسانة الاضافي

#ملوكه

@like
عمري من هالبوت..تكتبين الاسىلة اللي تريدين وتدزين سمايلات وتوجهي🥰✨

#ملوكه

عيوني اذا بشرتج دوم تتكشر ومايصير بيها اي دهن..فمعناه جافة

واذا تتزيت بس بالكصة والانف والحنج معناه مختلطة
واذا تحسيها تتزيت بكل الوجه حته الخدود فمعناه دهنية

والغسول ميأذن البشرة🥰✨

#ملوكه

لاعمري مايأذي..وزين يفيد وكت اللي ماتحفين بالخيط ومستعجله فتكدرين تسوين بي
وهمين تكدرين تشيلي وياج بالجنطه لأي مكان😇🌸

#ملوكه

حبي هسه اوجهن🙃

#ملوكه

النت ضعييف اليوم مدري ليش🤧💔

منزلة مجموعة استفسارات ماتحملن البقية
من يقوة النت..اعيد اراسالهن🥺

#ملوكه

🤦‍♀💔وفف
عيوني هاي لازم بارادتها هي تبطل هالشي
لانو هاي مثل وسواس

فكون تخلي ببالها انو هاي كل جراثيم ..وحته اظفر شكله يتغير اذا تاكله او تكصه

فكوليلها اذا تريدين شكل الاظفر حلو ويطلع مرتب
فكون تعودين نفسج ماتاكلي..منا لمن تبطل🥺

#ملوكه

حبي هالصابونة يكولون انو تفتح الجسم بعد مادري اذا صدك مجربة للتفتيح

بس مدام بشرتج تقريبا جافة..فاذا تستعمليها بس مرة او مرتين باليوم
وكثري من الترطيب وخاصه هسه شتا فالبشرة بسع تجف

وهالكريم سامعه عنه..فمادري اذا زين او لا
لان مامجربته🌚🌺


#ملوكه

حبي استعملي فيوسيدين لمدة 3 ايام اشويه يقلل منهن..🥰✨
وحسب نوع الحبوب اذا جانت هرمونية او من الحرارة او من الاكل فكون تعرفين شنو السبب حته تبتعدين عنه

#ملوكه

عيوني عصارة لتنحيف البطن وازالة التشققات وحبوب تبيض ..ماكو هج شي هذيني كلهن جذب 🤦‍♀💔

اذا انتي عن قريب عرسج..فانصحج بالمراكز سوي مثل روتين اسبوعي تنظيف كامل للجسم من جلسات الهاروفيشيل او ديرمابن..الخ
فاشويه اشويه بالجلسات البشرة😻 تتفتح وتصير نضارة
ولتنحيف البطن سوي شراب الزنجبيل او شراب الكمون وليمون لو القرفه
وبنفس الوكت العبي رياضه بطن..اذا تستمرين يوميا ولمدة شهر تشوفين فرق
وتوريد الشفة عادي اذا يعجبج سوي
ولتطويل الشعر..كل 3 ايام دهني شعرج لو بزيت زيتون او زيت الخروع او زيت جوز الهند🙃

#ملوكه

عمري كل صبغة تختلف عن الثانية بتدريجاتها🥺🌸

لان اللي مسويه هج شعرها يعني مااعرف بيها شسم الماركه اللي مستعملته
او ممكن خابطة لونين

فمن تشترين الصبغة كون تسالين أبو المحل يجيبلج نفس الدرجة..او يطيج لونين قريب عليه

#ملوكه