_ رنيم نسيتي السويتي لو اذكرج ؟!

_ تهددني عثمان

_ لا عيني ما اهدد بس انتي ماهمه لتتصرفين وكانو انتي ملاك

_ شوف ما اسمحلك تحجي ويايه هيج افتهمت

_ انتي دحكي علي عدل رنيم السويتي ابشع جريمه صارت ماسووها حتى داعش
كيف انج سويتي وبدم بارد ماتحركت بيج شعرايه

((وتين ...جان عثمان مشغول بسنة ال٢٠١٥ وال٢٠١٦ بداعش جانو يدافعون عن حديثه طلعتو وفوتو من حديثه جانت بالطيارة او الهيليكوبتر ماجان اكو طريق بري مخاطره اليطلع بري لبغداد))

رنيم ....تعال خلي نحجي عثمان

_ وين للشقة ؟

_ لا خلي نطلع لكافي تشي تشي

_ اوك

وتين ...الو وينكم اركان

اركان ...اممم بالفاميلي يمكن تغير مكان اللقاء تعالي لمطعم ابو شهاب

_ عشتوووو على اساس انت تجي تاخذني

_ ول يابه بنتي اهلي ميعرفون باربيل جثير تعالي بس اليوم

_ اوك بس هالمره افندينا

_ فديتج
..........

عثمان ...هلو رنيم

رنيم ...هلا عثمان اكعد خلي نشرب شي واحجيلك البكلبي ولاتحكم عليه من برى

_ كولي خلي نشوف احجي العندج

_ شوف عثمان سابين من انتحرت اني ماشجعتها والله كل الصار انها هددتني انو تكشفك ..تكشف انك اغتصبتها

_ لتعيدين كلامج هذا اعرفو ...غيرو

_ عثمان اني من اول يوم شفتك حبيتك ادمنتك مكدرت ابادر واعترفلك

خفت لاتتغير صداقتنا وطلعتي للخارج كلو بسببك مكدرت ابقى اشوفك كبالي

ومكدر اسيطر على مشاعري وماجان معلوم شوكت تزوج

خفت لاتزوج واني احضر زواجك وهيج اتدمر عثمان افهمني

_ كتلج مره وارجع اكولها الج الديانات مختلفه واذا تريدين نزوج لازم تاسلمين

هيج يلا نرهم مال هذا لبسج وبمجتمعي ويم اهلي مستحيل

_ اي خلص لتلومني على الشي السويتو كلو جان لمصلحتك

ردت احميك ما اتحمل اشوفك بالسجن او يمكن تموت بسبب هالشي افهمني

انت ليش كلبك حجر ويايه هيج ليش ماعاملتني مثل سابين ليشش كول عثمان

_ رنيم كافي لخاطر الله كافي لتذكرين اسمها بالكوه شاغل نفسي عنها اترجاج اسكتي دماغي حينفجر

_ اييييه سكتنا عيني سكتنا بس اسمع ديييير بالك تتهمني مره الخ افتهمت

سابين الكاتل نفسك عليها فضلت انو تنتحر على انو تعيش وياك

انتحرت بسبب اغتصابك الها مو بسبب اني نطيتها سجينتك واضح كلامي

اني العليه دست على نفسي وكلبي لخاطر شنو لخاطر اعالج حبيبت حبيبي

وبالتالي اطلع اني السبب بموتها وتجي حضرتك تهدد ما اسمحلك ولا بأي شكل كان

عثمان صرخ بيها ودفر الميز وكام وطلع من الكافي

................

ام عثمان ...يمه وين خطيبتك شو ماجت

اركان ...هسه تجي ازدحامات اكيد ماضل شي توصل

ابو عثمان ...والله عيب مارحت جبتها جان تركتنا هنا وطلعت جبتها

اركان ...ياب اتطول هيج هيه تجي اسرع بعدين كلو صوجكم متعرفون باربيل

ام عثمان ...والله صح شيعرفنا يادوبنا احنه بيته والسوك اليمنه

وصلت وتين ...مرحبا شلونج عمه شلونك عمو

ام عثمان ...هلا هلا بنت حلال هسه جنه نسال عنج تاخرتي بنيتي وين جنتي

وتين ...والله عمه عصيت بالترفكات

اركان ...شفتي كتلج على جيه

وتين ...تعشينا واكلنا كيك وعصير وهالسوالف بس عمي وعمه تعبو ورادو يرجعون

اركان كللهم التكسي يوصلكم اني ووتين راح نشوف فلم ونجي

ركبو السياره وطلعو على كرت عنوان الموتيل

اني واركان شفنا فلم وطووووول السعتين هو ولا كعد ولا هدى مره يطعمني مره يبوس خدي

مره يلزم ايدي وياكل اصبعي يكول عبالي بوشار هههههه

خلص هاليوم ورجعني للشقة ضل يتوسل يبقى يمي وماخليتو

ام عثمان ...اركان اركان كوم يوم تعال تريك وخلي نطلع نشوف القاعات نحجزلنا قاعة لعرسك دكووووم ياتمبل

اركان ...اي يوم كمت والله تريكنا وطلعنا فترينا على القاعات

حجزنا قاعة جانت كبيره حيل بس ايجارها ٩ورقات بس حلوه تستاهل القزمه اسويلها احلى عرس قابل كم مره راح اتزوجها

_ الووو ست توتة وينج حبيبي

_ هاااا عندي دورة تقويه اوتوكاد ليش

_ حجزنا القاعة تعالي اذا الذهب ماعجبج تعالي نبدلو

_ اوك ربع ساعة واطلع واجيك وينك انت

_ تعالي للقلعه وهناك اخابرج ونلتقي

_ كملت دورتي وطلعت للقلعه التقيت بي هناك الذهب الي مشتري جان ثكيل ماعجبني وكبار

كم قطعة ناعمه عجبتني خليتها الباقي بدلتو احب البس سوارين بس بايدي مايعجبني البس اكثر اشتريت اربع سوارت كل ثنين شكل

وحلقه ساده وحلقه تركيه ومحبس انفنتي وكلاده ٣نجمات وحده اكبر من الخ

وسلسلتها حيل نازكه وتراجي قلب الحب وترجيه نجمه كبش ناعمه

لان اني البس ترجيتين عندي ثقبين باذني وحجل ناعم كلش وسوار الخ سلسله كلش
ناعم

طبعا بسعر الذهب مالتو الي اشترا اني اشتريت بي ما كلفتو اكثر من الذهب الي هو جايبو

كملنا وطلعنا اجرنا بالصالون جان صالون كلش كبير وهسه احجيلكم عنو

واجرنا البدلة مال الحنه وبدلة العرس اركان جان موصي عليها من تركيا بدلات تركيا رخيصه تنباع فهو اشتراها كال احلى تبقى ذكرا

رجعت للبيت متكسره يلا يلا افوت اسبح وانام وميته جوع ومالي واهس اسوي غدا

ثاني يوم بتاريخ ٢٠١٨/ ٥ / ٢٠جانت الحنه مالتي بس

المشكله منو يسويلي اياها

اني لاعندي اقارب لا صديقات جثيرات تمارة ابدعت جابت شكو بنت تعرفها

سويناها بالشقة مالتي طبعا بس البنات حضرو ام تمارة جانت مريضه ما اجت

اجت رنيم وبنات عم اركان يعني شكو بنت اعرفها ما اعرفها اجو للحفلة تونست جثيييير جثيييير

نسيت نفسي بهالحفلة وحنيت ولوصو البنات لوص بالحنه

ركص واكل وشرب بيبسيات ع عصاير وكيك ورا ساعتين هالهوسه كعدت ابجي

تذكرت من جانت حفلة خطوبه سابين وشلون بعدها صار الوضع

الكل عبالهم ابجي من الفرح بس ابجي جنت ابجي من قهري من وحدتي

صح جثير ناس ويايه صح تمارة تضل تسال عليه وتجيني واروحلها نطلع سوا ناكل سوا

اغلب الوكت فرهاد بشغلو وهيه ابيتها وحدها ومن يكون اركان بشغلو اروحلها او تجيني

بس بقى اكو فراغ كبيييير بقلبي حتى اركان ماكدر يسدو الي

يمكن وحدها تمارة عرفت او حست اني ليش ابجي حضنتني وماحجت شي ولا واستني

ماجنت احتاج احد يواسيني جنت اريد ابجي وبس ما اريد احد يكولي كافي اريد ابجي وابجي

واطلع حركة كلبي وبس خلصت الحفلة وكلمن سنفر لبيتو

تمارة اخذت اذن من فرهاد وضلت يمي الليل كلو

بقينه وحده تصفن بلخ نحجي نكت ونضحك من القهر

مو لانها تضحك كعدت اخذت دور الام وكامت تنصح بيه وكل ماتحجيلها شغله طايح حظها تجيها كوشه شحاطه كلاص يسكتها

تمارة ...ولج سمعيني خو مو تروحين مغمضه مثل الثولات الاعرفهم لازم تفهمين يابا اذا تستحين احجيلج فتحي بالنت كلشي اكو

وتين ...بنتي ماريد افتح اليصير خلي يصير ليش مكبره الموضوع

تمارة ...اهمداج اي والله طايحة حظ لازم تعرفين كم شغله عجل هيج مثل ما ربك طبك تفوتين للزواج

وتين ...اييييه عوفيني يجوز اعرف شدراج

تمارة ...اي والله ينخاف منج

في مكان اخر

اركان ....يووووم يوووووم

ام عثمان ...ها وجع نصي صوتك ابوك تعبان

_ ضايج يوم هم اليوم حنتي هم كآبه

_ لا والله لتكون تريد حفلة حنه واحنيك

_ اي اريد عجل بس وتين الها حفلة

_ ماتكعد راحه انت الخ هاي العادات تريد تغيرها هسه

_ والله راح اموت من الضوجه شسوي

_ موت وخلصني من ملحتك

_ عجل راح اروح اشوفها واجي

_ تعال جاي وييين تروح هااا متكولي شبيك ابني اثكل شويه

عثمان ...كافي شخبصتنا انت الخ عايف شغلي وجاي علمود عرسك نجب واكعد كافي تنطنط ترا راسي طبل صار

وللحكاية بقية ...

لافرق بين عقلي وقلبي
ذلك ينبض لك وهذا يفكر بك
كلاهما انت ولااعرف اين انا ❤️❤️


يتبع .....

🌿☁️♥️

وجود أشخاص تحبهم ، يرفع قدرتك على تحمل صعوبات الحياة

#مساء_الخير 🌱


🌿☁️♥️

يسعد أوقاتكم بكل الخير
#الابراج_اليومية السبت 19 كانون الاول (ديسمبر) 2020

#الحمل
مهنياً: يوم مناسب جدا وواعد يجعلك تستفيد من حياة مهنية صاخبة لالتقاط فرص معينة تفتح أمامك الأبواب.
عاطفياً: تطرح مواضيع شائكة تتسبب بجرح مشاعر الشريك، وربما يحاول النيل من سمعتك وتشويهها أمام الآخرين.
صحياً: خفف قدر الإمكان من ساعات العمل الإضافية، وخصص المزيد من الوقت لنشاطاتك الترفيهية.
#الثور
مهنياً: يحمل إليك هذا اليوم فرصاً جديدة لها علاقة باتفاقات قديمة لك مع بعض المؤسسات أو رجال الأعمال.
عاطفياً: تسيطر الهواجس العاطفية على تفكيرك، وقد تخرج قصة شخصية إلى العلن وتشكّل بعض الاضطراب العابر.
صحياً: إحذر قد تصاب بأزمة غضب او تسمع كلاماً مسيئاً أو تتعرض لإهانات ولا تستطيع السكوت عنها.
#الجوزاء
مهنياً: تعيش أوقاتاً مسلية وتفرح بلقاءات عمل وبجلسات مميزة مع الزملاء تتبادلون فيها الأفكار ومشاريع المستقبل.
عاطفياً: عليك تسهيل الأمور والتخلّص من العقد بدل تأزيمها، واستدراك المواقف الحرجة والإسراع إلى المعالجة وتلطيف الأجواء بدلاً عن إثارة الفتن والخلافات.
صحياً: كثرة الإرهاق تكون عواقبه وخيمة عليك، فإذا قسوت على نفسك سوف تنهار.
#السرطان
مهنياً: يغادر كوكب زحل من برج الجدي من بعد أكثر من سنتين ونصف السنة، ويحررك من بعض الأعباء أو من محاسبة خضعت لها طويلاً.
عاطفياً: يوم خالِ من الظروف الضاغطة، وتسود سماءك مع الشريك أجواء لطيفة ومشجّعة على التعبير عن عواطفك الدفينة.
صحياً: قراراتك الصائبة صحياً تكون دافعاً إلى حث الآخرين على مجاراتك في كل ما تقوم به رياضياً.
#الاسد
مهنياً: يترك كوكب زحل برج الجدي بعد سنتين ونصف من الإقامة فيه، لينتقل إلى موقع أفضل لك هو الدلو .
عاطفياً: تعرف أوقاتاً عاطفية جميلة واستثنائية، وتعرف بعض العلاقات تحسناً ملموساً.
صحياً: أنت مفعم نشاطاً وحيوية، والفضل في ذلك كثرة التمارين الرياضية التي تمارسها.
#العذراء
مهنياً: يخرج كوكب زحل من برج الجدي وينتقل إلى برج الدلو ويحذرك من ارتكاب الأخطاء أو من تحدي بعض السلطات.
عاطفياً: لا يوفّر لك هذا اليوم الأوقات العاطفية التي تتوخاها، ما قد يجعل بعض العلاقات معقّدة ومتوترة في بعض الأحيان.
صحياً: استغل الطقس عندما يكون جيداً للقيام بالتمارين الرياضية في الهواء الطلق.
#الميزان
مهنياً: لا تميل ‏إلى الاستسلام ولا تفقد العزيمة القوية التي تميّزك أو تتأخر عن مواعيدك، أنت الذي يشدّد على أهمية الدقّة في المواعيد.
عاطفياً: إذا كنت متزوجاً تستعيد حلاوة الأيام الأولى من العلاقة وتعيش أجواء لا تنتسى.
صحياً: تكون الظروف ملائمة جداً ويرافق النشاط خطواتك وتهتم بأمور جديدة تفيد الصحة.
#العقرب
مهنياً: إحذر سوء التفاهم او التراجع المعنوي، الأجواء معاكسة والخصم قوي، لا تخالف القانون فقد تثار قضايا مالية دقيقة مع بعض الجهات.
عاطفياً: توضح أمراً مهماً للحبيب كنت تخاف التصريح به، وتفتح أوراقاً أردتها مستورة.
صحياً: تعالج مشكلة صحية طارئة، ويطلب إليك أن تكون صاحب إرادة قوية.
#القوس
مهنياً: يدخل كوكب زحل برج الدلو ويفرض عليك نظاماً جديداً، وضرورة التأني في كل شيء، وتخفيف النمط وعدم المجازفة أو المخاطرة في أي مجال.
عاطفياً: شكوكك في الحبيب ليست في محلّها، إمنحه بعض الثقة لأنه أهل لها وسيفاجئك في أمور كثيرة.
صحياً: قد تجد حلاً لمشكلتك الصحية إذا عرفت كيف تتقيّد بالإرشادات الطبية المطلوبة منك.
#الجدي
مهنياً: يترك زحل برج الجدي بعدما كان يعرقل عليك الأوضاع في بعض الأحيان، وتتاح أمامك فرصة ذهبية فلا تهدرها
عاطفياً: حان الوقت لمصارحة الحبيب بحقيقة مشاعرك فهو يستحق، وينتظر إعلان ذلك على أحرّ من الجمر.
صحياً: خصّص بعض الوقت للرياضة على الرغم من كثرة انشغالاتك، فأنت بحاجة إليها.
#الدلو
مهنياً: إحذر غيرة بعض الزملاء منك، فقد يضعونك في مشاكل أو يحاولون تشويه صورتك أمام أرباب العمل.
عاطفياً: لا تثر غيرة الحبيب فأنت لا تعرف ما ينتظرك، فتجنب حصول الأسوأ وعامله باللين والحنان.
صحياً: قد يصاب أحد الأشخاص الأعزّاء على قلبك بمرض سرعان من يشفى منه، لكنك تعيش قلق نظراً إلى تعلقك به.
#الحوت
مهنياً: ما تواجهه اليوم هو مجرّد تراكمات قديمة لن تؤثر في محيطك المهني، وتتجاوز ذلك براحة تامة.
عاطفياً: يفترض أن تفكر في الاستقرار جديّاً، وخصوصاً أن الشريك المناسب لذلك موجود إلى جانبك.
صحياً: تحاش كل ما من شأنه أن يدفعك إلى تناول كميات كبيرة من الطعام، واكتف بالكمية التي يحتاج إليها جسمك.

لو قلت للأبراج إنك ما تحبهم .....

#الرد 💔😂👇👇

#الحَـمل : ومنو كلك اني اطيقك اصلاً؟😤
#الثور : أها... وبعدين؟😠

#الجوزاء : شكراً😶

#السرطان : اصلاً • ﻣﻣـ̲ٓۛـٓو ضروري الكل يحبني ☺️

#الاسد : مسكين... ٲڪيـْـد تعاني من حاله نكران للذات.😌

#العذراء : عادي الباب كدامك🙂

#الميزان : مُعجبين يغارون مني 🙄

#العقرب : أوكي 😆

#القوس : ﯙ୭اﯙ ...وقاحه!!؟😮

#الجدي : يعني المفروض ابچي لو أنتحر؟😒

#الدلو : ما فهمت😳

#الحوت : هههه اوكي و • لـٰ̲ـٰيـۛۛش تكلمني؟😐

@stylegrils

مواليد شهر ١١ . ٦ . ٨ . ٣ . ٧ . ١٢ .

اهل القلب الطيب😍💜 ... واللسان الطويل
والعيون الحلوة ... والشخصية المزاجية


@stylegrils

ادري مقصرة وياكم بالنشر🥺

بعد من باجر ارجع بالنشر طبيعي
ولخاطر الحلوين رح انشرلكم 5 بارتات طوال😍❤️

#ملوكه

#الانتحار

#بارت49


ام عثمان ...شوف اخوك شكد ثكيل ماتصير مثلو ساعة الخير الاخطبلو وازوجو شمعة بيتي

اركان ...ايييه طبعا بس عثمان شمعة بيتج واني ابن البطه السوده لاكيني بالشارع موووو

ام عثمان ...ماتنجب ولك اثكل حتى تصير هيبه مثلو اثكل طلع على لساني شعر واني احجي وياك

اركان ...زين يوم كولي ثكلت بس البنات منو يجيبهم اروح اجيبهم

ام عثمان ...لاااااااع كل وحده بيهم عدها اخ وعدها اب همه يتكفلون ابناتهم انت شنو حتى تروح تجيبهم

اركان ...راح تجلطيني اليوم من جيتي ماشفت راحه والله مرتي ياعالم مرتي حارميني منها شكو ليييييش

عثمان ...يوم خليني انطي كم بوكس بخشمو وكم دفره بخاصرتو اخلي مايعرف دربو والله سطر راسي والله راح اطك وانفجر وانتو حاجزيني هنا خلي اولي لشقتي متشوفيها منين ما اندار اطخلي حاجه

ام عثمان ...اااااه ياعثمان انت هم ماتتحمل ابني تحملنا بس هاليوم شبيك عرس اخوك هذا شجالك متكولولي

وانته كافي لا اطلع من طوري اعقل عاااد فايته انطمر دشوف شوكت يخلص هالعرس مالتكم

اركان ...ارتاحيت ترزلنا

عثمان ...لا وانت الصادك هاي الرزاله كلها الك مو الي

اركان ...هههههه معرف ليش شميتها كلو ريحتك

عثمان ...نجب اني فايت انام

اركان ....بكلبي طمره اي والله كلو منو هسه لو واكف بصفي كتلو كوم نطلع نفتر اذبو بالسوك واطلع لمرتي بس هالراس اليابس شيقنعو

في مكان اخر

وتين ...كعدت ثاني يوم الصبح رحت للمقبره زرت سابين خليتلها ورده

سابين حبيبي اليوم زواجي من اركان انتي جنتي دائما تمدحين بي وانتي الي كلتيلي متلكين مثلو

هوه حباب وحنون ويحبني يموت عليه اتمنى لو جنتي حاضره بهاليوم

اتمنى اريد تشوفيني وتبقين يمي وتحميني وتزوريني بالحلم

مشتاقتلج جثييير شلونها اختنا ايلين لكيتيها هناك اكيد

هسه اجتمعتم ثنينكم تحجون وتضحكون واني تاركيني وحدي هنا 😔

سابين احبج والله بس مشتاقتلج الله عليج تعاليلي اليوم بالحلم اريد اشوفج وجيبي ايلين وياج

طلعت للصالون ساعه١٢ الظهر اني وتمارة جان كلش جبير من حجزت كلتلي لاتسبحين راح تجين هنا نبدي بيج احنا

رحت اول شي سوولي التنظيف للبشره كلها من فوك لجوى بدت حواجبي وجهي ونزولا بعدين سبحت

بعد الحمام ماسكات للوجه وتنظيف بشره وماسكات للشعر

بعدها وحده لزمت شسوار لشعري وحده لاضافر ايدي ورجلي

وحده للميك اب يعني فعلا فلوسو بي هالصالون صح غالي بس يسوا

اني عن نفسي اكوللكم طلعت اجنن ماعرفت نفسي مكياج ترابي يجنن ورموش

ماصبغت شعري لان هو اصلا تمري ماحبيت اعدمو بالصبغ ولاميشتو

كبل تسريحه ولبست اخر شي الفستان جان قصه قلب على الصدر كلو تول ونقشات فراشات تجنن وكلوش من جوى

مو جثير كلوش ذاب نفسو اكو من ورا على الظهر فيونكا كبيره تخبل جان يجنن باختصار

وتمارة سوت ميك اب باعتبارها من طرف العروسه فالصالون يعطي ميك اب وشعر هديه لبنت تجي ويايه

سوت شعرها كيرلي جان كلش طويل طلع يخبل خلتلها اكسسوار على الشعر ومكياج ذهبي للعين طلعت كيكه احلى مني

جا اركان وفرهاد ساعه ٤ونص

اركان ...خابرتها الو حبيبي انتظرج يم الباب

طلعت بنت الاوادم نوب مامخليه البرنص عدل طلعت تخبل

_ ولج وين البرنص شو ماخالتو

_ هذا شنو عجل

_ تسمين هذا برنص شعرج كلو طالع

_ عجل شلون تريد تصور بالبارك استاذ

_ امشي امشي امري لله راح تموتيني بس بربي طالعه كيكه معرفتج

وتين ترفع خشمها بتملق وتكول ...اعرف اني كيكه اصلا بس انت اعمى ماتشوف

_ ترى هسه اكلج وانعل ابو العرس لابو الشكليات

_ لاعيني لا امشي الصور تنتظرنا امشي عوف الاكل هسه متوحش

_ هيه ضلت بيها متوحش ضل بيها عقل سلبتي كلشي الله الواحد اصبر هالكم ساعة بعدها انتي الج الله

_ دخيل ربك دمشي هسه تاخرنا

تمارة ...هلو خوخايتي

فرهاد ...منو انتي ؟

تمارة ...تمورتك ولك ماعرفتني

فرهاد ...بربج ولج شنو مسويه بنفسج لا امانة الله كاميرة خفيه

((وتين ...فعلا اختلفت تمارة جثير مكياج طوخ وشعر وفستان اجرتو من المحل البصف الصالون ماخليتها تلبس كردي طلعت تخبل)))

تمارة ...شبيك فرهاد انضربت على راسك يلا نلحكهم لانضيعهم وبعدين اموت قهر اذا ماطكيت صور وياهم

بعدو صافن يربي شبيك قابل اول مره اتمكيج اليشوف ردة فعلك يكول ابد ميبستها علي

فرهاد يدحك عليها بشغف ويكولها ...هاااااا اكلج تعالي نعرس وياهم

تمارة ترفع تك حاجبها بعدم رضا كالت ....عشتووووو متاكده ماسمعت كلشي حجيتو هسه متاكده وابصم بالعشرة

_ ولج طالعه غير عن كل مره بعرسج ماشفتج هيج

_ اي طبعا ماشفتني هيج عقلك جان ضارب لغير شغله بحال شكلي بحال بدلتي جنت فاصل من الرئيسي

فرهاد يكزز ع سنونو ويضحك ويكول ....والله والخلقج ما اتركج اليوم اليوم اخليج تحملين بتوأم

((جانت تمارة همها الاطفال ماجان اكو سبب يمنعها من الحمل لابيها ولابفرهاد بس حكمة الله ما اجاها اطفال وشكد زرعت ويفشل)

تمارة ...الله كريم فرهاد الم

هم لتضيعهم

فرهاد ...انقهر من كل كلبي عليها بس يربي شسويلها قابل بيدي

والله حتى علاج تعالجت واني مبيه شي وسويت فحوصات لخاطرها بس يربي شبيدي وزرعنا جثير وماصار شسويلها بعد اكثر

تموشتي حبيبي اليوم اخذلج احلى صور واحلى لقطات ونبقيها يمنا نتذكرها حلو هيج شي مو

تماره ...اييي طبعا حبيبي احلا ذكرى ..

جنت مقهوره من ذكرني بالجهال بس بطبعي اني بنت مرحه واحب الحياة

وبعد سلمتها لله هو شوكت يريد يرزقنا المهم عندي هسه استمتع بهاللحظات ويه هلمكروده همزين شافت يوم حلو بحياتها

وتين ...وصلنا للبارك جانت المصوره تنتظرنا بالباب

كبل كصينا ورقة دخول وفتنا سوينا حركات واشياءات تخبل

اللقطات اخذناها من العمر جانت اسعد ايام حياتي ماخليت لقطه ماجربتها

اركان ...حبيبي يرادلج مليون هسه يلا نسحبها بالبوم

وتين ...هههه لتخاف ما اطلع ولا صورة احفظها بهارد خارجي اذا هاي اطلعلي كم صوره ديكور للغرفة مالتنه

اركان ...ابيييييه ريحتيني تعالوا ياب تعالوا فرهاد تمارة تعالو ماتريدون صور تعالوا

تمارة ...شلون ما اريد اذا ويا روحي ما اصور عجل ليش حاضره اني

تعالي ولج اليوم حركات الكيوت اعلمج اياها تعالي

وتين ...ههههه تمارة شبيج تحسسيني اول مره تتصورين

تمارة ...ولج هذا عرسج عرس حبيبت كلبي صوروني صوروني يلاااااا

وتين ...اخذنا لقطات مجنونه كلش وراها رحنا للاستوديو اخذنا كم لقطة محترمه مال عربان ثكال وهيبه

وبعدها رحنا للقاعة ماتوقعت يكون عدهم هلكد اقارب وكلها حاضره

اخر كشخه اخر لبس ومكياج القاعة ترتيبها جان يجنننننن ماليها كلها كرستال وتلمع

اركان ...جانت لازمه ايدي قوي حسيتها جانت خايفه خليت ايدي على خصرها من ورا ومشيتها على كيفي

وتين ...اكلك اخاف اوكع اول مره البس كعب بهذا العلو اصير مصخره والله

اركان ...هههه لتخافين ماخليج توكعين واذا وكعتي اوكع وياج ونصير مصخره ثنينه

وتين ...لابربك مو وكت الشقا الزمني عدل انت لابس فلات ما اسامحك اذا توكع

_ لتخافين هياتنه وصلنه كعدتها وكعدت بصفها اريد اهمسلها جانت ملامح وجها تموت ضحك وكتها

بين خايفه بين مصدومه بين فرحانه جانت طفلة والله وكتها ومضيعه امها اكلج توتة

_ هاااااا كول شكو او اكلك اول شي اني شوكت تخلص الحفله تلفت اعصابي

_ ههههه له له هسه فتي يمعوده بعدج ويييين يلا تخلص

_ يبووووو يربي كول شردت

_ هاا وجهج شبيييي شو ساح المكياج

_ يبووو عرفت والله كتلها لاتخلين اساس جثير كعدت ساعه تدمج بي اكو حمامات اروح اشوف وجهي بيها

_ شبيج ولج مجنونه مابي شي وجهج مكياجج بعدو حلو بس الايموشن مالتو يضحك

_ شنوووو يا ايموشن شدا تحجي

_ شبيج حبيبتي ضيعتي اللغة الصارلج سنه تدرسيها

_ اركان شبيك لخاطر الله شبي وجهي

_ يضحك وجهج لافرحان لامصدوم لاحزنان

_ من الخوف شبيك والله ظهري كام يوجعني

_ شدخل ظهرج

_ اووووف يربي من تبرد وتكوم ترجف مايوجعك ظهرك

_ اي بلي

_ اي نفس الشي هسه اني بردانه يعني

_ بس الجو معتدل

_ يحظي الاغبر غلس ماكو شي

_ يلا تحضري نكوم نركص سلوو علمود الفيديو

_ خرب حظي منو خلى هالبرنامج التعبان اني والسلوو والكعب اكيد تحلمون

اركان ...مانطيتها مجال تضل تحجي اذا اتركها تبرر مانركص سحبتها للستيج غصب جانت تهمس وتكزز على سنونها

والعصبيه فولت عدها بس مادرتلها بال عرسي ياعيني عرسي اريد افرح

سحبتها وحضنتها من خصرها وعزفت الموسيقى الهادئة وجنت اشتم بركبتها واحس بنفسي شطت وفوعرت

وتين ...اركان والله اموتك اكعد راحه

_ اييييه موتيني موتيني ياحلات الموت بحضنج

_ جديات احجي ترى

_ اني هم جديات ...احجيلج شغله

_ اول شي الزمني زين لتخليني اتعثر وتجلب البدله تشحط شحط انت

_ هسه لتخافين عيني ماخليج توكعين بس اكلج شغله من جديات

_ كول !

_ بعد الحفلة شراح يصير ؟

_ احم شنو شراح يصير؟

_ نروح للموتيل وانعل حظ السنوات اليبستيها عليه كلها اطلعها بيج

وتين رفعت راسها وفتحت عينها بصدمة وكالت ...اركان حبيبي عمري شجالك انت

اني كلبي بين رجلي من خوفي تزيدها عليه ليش

اركان ...ههههه عجبني اخبث وياها واشوفها مرعوبه اكلج عوود اكو احد شرحلج الراح يصير لو تعرفين انتي شطوره ماينخاف عليج

وتين نبتت اضفرها بركبتو بقوة وكالت ...بلا قلة ادب شهالحجي بربك

صعدت عندي الحراره فول من الخجل هذا شدايحجي المكان مو مال هالسوالف خفت يبين على وجهي

اركان ...حبيت استفسر بس ميصير يعني بالاخير ماريد مرتي تطلع ثوله وتكول شنو دا تسوي

وتين ...خلص السلو خلي نرجع

_ لا بعد مخلص

_ شكو وكفت الاغنيه

_ البرنامج بعدو شغال حبي جان ابوسها من خدودها ثنينهم والكام تصور وبست راسها وجها انگلب الوان

هيه تستحي ونوب سويت هالشي جدام الكل صارت طماطه تخبل يربي شوكت تخلص الحفلة رجعنا كلمن لمكانو

كتلها فرديها توتة شبيج يبوووو عاكده حواجبج هيج هسه شتكول العالم العروسه مغصوبه

وتين ..انجب اركان تعرف ليش هيج وجهي

_ حبيبي انتي هسه بس نفوت للشقه اراضي

ج

_ انجب كافي اسكت ...كام ركص ويه جماعتو وماخله قصور

وراها فوتو الكيكه جانت كبييييره وسيف وياها ادري راح نقاتل بمعركة احد شكو هالسيف

اركان ...انجبي لج عجبني وجبتو دحكي شكبرها غير نكصها بي

_ اي جيب موس كبيره ليش سيف اكلك جان سويتو ابو حدين هالسيف

_ ادللي على المراة الثانيه لسويها خوش فكره

وتين طنكرت وخزرتو بنظره غضب

_ هههههه اشاقه ام دم الثكيل بس تعيب ولاتعرف تريح كلبي بحبيبي وحياتي

وتين ضحكت وكالت ..احبك موت

اركان كمز گلبو وكال ...شنو شكلتي ؟

_ كلشي ليش حجيت شي اني

_ امداج
كصينا الكيكه كلمن وكل الثاني وتعاركت تمارة ووتين على هالشي وتين متقبل تتبع هالتقاليد

وتمارة عندت فضت بالخير وشربنا البيبسي واكلنا العشا كص وكباب ويلا يلا يلا للموتيل اختصرتها الكم لان اريد اتزوج عاد مابيه صبر

وتين ...طلعنا من القاعة ودعناهم ويلا للموتيل الطريق كلو ارجف طفيت التبريد لان جمدت

مو من البرد لا والله من الخوف فتنا للغرفة رتبوها الرباعي اللطيف ورد وشموع على الكاع ونفاخات ماكو مكان نخلي رجلنا بي كلو زينه تجنننننن

اني العروسة ونسيت نفسي طلعت تليفوني ودك صور للغرفة اعرف بنفسي مستحيل اوصل واسوي نفس الشي مره الخ

اركان ...الكل برى ديييي يلاااا هوونه
انتي هم يوم برى اخذي رجلج ويلااااا للشقتكم وماريد كلمة زايده

ام عثمان ...شبيك اثكل يول ابني اضل اعلم بيك شجاك

اركان ...عوفوني خفيف اليوم ياعالم زواجي شعليكم بيه والله خووش هاي يلا يلا طلعي بدون محاضراتج قفلت الباب علكت السبلت وينج توتة

_ ها حبيبي

_ شكلتي

_ ههههههههه معرف نسيت

اني اعرف شلون اذكرج جريتها ونيمتها ع الجرباية واجيت فوكاها وووووووو

الباقي تعرفو يالمزوجات ثاني يوم الصبح كعدت من النوم

سبحنا وبدلنا وطلعنا جانت ليلة وحده بهاي الغرفة وثاني يوم رحنا لغير موتيل

ماجرين بي شهر اهل اركان جانو يريدون يطلعون واحنا اخذنا شقتهم الجانو بيها

رجعوا واحنا بقينا قضيت شهر العسل بين الفاميلي المصايف جبل كورك الاسواق المطاعم دي ما دي باختصار احلا شهر عسل كضيتو ويه اركان جان يجنن ولا بالاحلام

اجت السنه الدراسية ولازم ارجع اداوم كعدت اني واركان بيت اجار بالموصل

حتى اقرب الي الكلية وداومت من هناك تعلمت اللهجة المصلاويه هم تفطس ضحك

كلو بحرف ال غ المهم بعد شهر وشويه انتظر الدورة الشهرية تجي مااااكو انقطعت

يولي تعالي ماكو سويت تحليل بالبيت طلعت حامل كمت الطم

يربي شلون اني دا ابلع حب المفروض ما احمل بي حملت

رحت تاكدت يم الدكتورة ومن تمام اكدتلي الخبر كتلها اريد انزلو ماقبلت ورزلتني

ورجعت للبيت سويت عركة مطنطن لاركان تذكرت وكتها انو اكو ايام اركان هو جان يجيب الحبايه بيدو الي اشربها من رجعت وهديت البيت على راسو

اركان ...جنت انطيج فيتامينات بدل المانع حبيبي اريد طفل منج شسوي

وتين ...كمت الطم رحت لاكثر من دكتورة اركان ماجان راضي على تصرفاتي

وانو اريد انزلو كلهم ماقبلو كالو منتحمل هيج مسؤولية

بالاخير رحت لاربيل كلت بلكت وحدة هناك تسويليا والله ولكيت وحدة قبلت من وداني اركان كلي

اركان ...اذا تنزلي معناتها لتحلمين بعد ادحك بوجهج او اجي يمج

اني اريد طفل منج من محبتي بيج وانتي تريدين تذبي

شكد انانيه طلعتي ماقصرت وياج بشي وكلشي ردتي سويتو الج

تكومين تنكرين نعمة الله الي غيرج يتحسر عليها شتفرفين عن امج الي رادت تجهضج وتقتلج ابطنها ها

وتبن دنكت راسها بقهر وحجت ويه نفسها كالت ...كلامو صحيح شفرق ع امي الي رادت تقتلني ابطنها دحكت علي شفتو ينافخ من العصبيه والقهر مانكر انقهرت علي جثير ماجنت افكر بهالطريقه والله مو قصدي

بس جنت خايفه لاتصير حياتهم نفس حياتي العشتها خفت لا ما احن عليهم خفت لا اقسى عليهم وااذيهم واتحمل خطيتهم مثل امي لان زرعت هل شي بداخلي ومستحيل انسى مأساتي العشتها يم اهلي

نزلت من السيارة وعفتو متعصب وفاير دمو فتت للدكتورة سويت سونار ...
دكتورة اكدر اعرف شنو جنس الطفل

الدكتورة ...بعد بنتي بعدو كيس للشهر الرابع يلا يبين

وتين ...زين شكد طولو دكتورة

الدكتورة ..هههه اكلج بعدو كيس نبض مابي فاذا تريدين تنزلي هسه حلال

بس من يصير بي نبض حرام هسه هو عباره عن كيس ملقح بعد كلشي ما صار قرري

وتين سكتت وصفنت فكرت اخر مره اتخايلت هل طفل شلون راح احضنو وارضعو وشلون حيكون اركان فرحان بي كلت خلي اجيبو وان شاءالله اكون أم حنونه ومحبه الو وانطي الحب والاهتمام الي ماشفتو من امي

كتلها لا ما انزلو خلي خطيه شنو ذنبو عوفي يعيش

الدكتورة ...واني شعليه حتى اعوفو غير انتي جيتي تتوسلين انزلو

اذا تخلي خير على خير اكتبلج حبوب مقويات تاخذيها حسب الوصفه وتراجعيني اذا صار شي

وتين ...اوك دكتورة اخذت الوصفه اشتريتها من الصيدلي ورجعت للسيارة اركان مايدحك بوجهي

عبالو بهالعشر دقايق اجهضتو ونزلتو جان وجهو ميتفسر اني هم ماكتلو انو بقيتو

خليتو ربع ساعة يحرك بدمو يزمر للسيارت عصبي بال

سواقه ... اكلك ..

اركان ...لتحجين ويايه افتهمتي ولتسمعيني حسج سويتي البراسج ومحد وكف بعينج ولي عني

وتين تضحك بسرها وكالت ...بس اكلك شغله بعدها سوي التريدو

اركان ينافخ بقهر ...انجبي ماريد اسمعج اصلا اتنرفز من صوتج

وتين ...هههههه شراح انسمي او انسميها شوف اذا بنت الي اني اسميها واذا ولد اسمحلك انو تقترح

بس هم اني اسمي بالاخير اني التعبانه بي وشايلتو ابطني ومتوحمه بي

والنوب راح اولدو واموت تعب يحقلي انا اختار الاسم صح لو لا

كالت بالرابع يبين جنسو ونطتني هاي الادويه كلها مقويات علمود يكبر وميصير عندي نقص دم

اركان دار وجهو عليها بأستغراب وصفن عليها وكال شدا تحجي هاي

ضربت بريك ووكفت السيارة ودحكتلها وهيه مستمره تشرح السونار والنبض والطول وهالامور شوكت تبين .وتين .وتين سمعيني

وتين ...ها ها كول

اركان ...الي افهمو من كلامج يعني انتي منزلتي

وتين ...لا منزلتو ليش انزلو خطيه ابني هذا بنتي هايه

اركان ...مخبلة انتي منو الجنت وعندت

_ اي اي غيرت رايي كافي مكلت عندك اقتراحات او اكلك لا تقترح شي حاسه بيها بنت راح تطلع

_ حضنتها من كثر مو فرحان جنت خايف اكول لاهلي راح تنزلو غير تسودني امي

بستها تخبلت كمت امشي سرعه وازمر واصيح راح يجينا نونو وانتبهت اني اسوق سريع

خففت وربطتلها حزام الامان بعد ماجنت امشي ١٢٠ كمت امشي ٦٠ ووتين تخبلت

وتين ...دوس شويه اركان مو معقوله نوصل بالليل شبيك

اركان ..ماراح يصير شي حبيبي ما اكدر النونو يتاذى

_ حبيبي النونو بعد نبض ماعندو شلون يتاذى

_ انجبيييي خلي كلبج رحيم ديري بالج علي طعمي شربي ريحي شغل بيت بعد ماكو دراسه ماكو تاكلين وتنامين

_ شنو بهيمه اني لان اني حامل مو والدراسه ماسمعت كلت شي يخصها

_ اي راح تاجلين هالسنه حتى لايتاذى النونو

_ جنيت انته شغل ماكو بيها جواب بس الدراسة ليش

ترى اكمل دراسة وبين مايولد خلي اخلص من هالسنة شكو اكعد بلبيت

بعد التواسيل يلا قبل ولان ارجع متاخر هو جاب بنت خطيه يتيمه

وشكد فقيره تنظفلي البيت الصبح وتطلع واحنا ماعدنا شي بالبيت يعني حتى نخاف علي

واني ارجع خطيه طابخه وحتى الميز مرتبتو واركان يصخي وياها حيل خطيه

ينطيها ضعف حقها ٣مرات وحتى خليناها تبقى يمنه اني وحدي بلبيت

واركان كال احجي وياها هيه ماعدها احد وماجره شقه مهرهره وتعبانه

خلي تبات يمج ونسويلها غرفة وهيج تصير من اهل البيت

والله خوش فكره بس خلي اسالها يجوز البنيه ماترتاح يجوز ترفض

خطيه من كتلها كالت وبيتي وغراضي كتلها ابدا جيبيها يمي نستخدمها اني وانتي

وهذا يصير بيتج تنامين هنا على دفو بالشتا برد بلصيف اكل متوفر ماحاجه تطلعين تتسوكين

مي حار اكو والله مثل اختي اعتبرج بالف ويل يلا اقتنعت واني فرحت طرت من الفرح

لان اركان جان يشتغل شغلتين يعني يطلع مايرجع للعصر ساعه اربعه

او يرجع يطلع مرات مايرجع للبيت بالليل او يرجع متاخر الا ان استقر وضعو الحمدلله

ثاني يوم اني طلعت لدوامي وهيه خابرلها اركان على سايق يعرفو راحوا جابوا غراضها وانتقلت عاشت ويانه

واني قضيتها مابين الدوام وطلعه وفوته ومرات جنا ناخذها ويانه

مرات تستحي خطيه تبقى بلبيت او تكون تعبانه من الشغل

بس شلون عليها نظافه وشغل مرتب اني تعلمت منها

مرت الايام على هالروتين واني قضيتها انام وطلعات عبالكم اقضيها درس لاعيني لا

كلها ونسه الا ان صار موعد السونار طبعا جنت كاعده على نار

اريد اعرف الجنس شنو لان مريم الي جبتها كعدت بالبيت ويايه عدها مكينه ومتشوقه تريد تخيطلي ملابس

خيطتلي اشياء بيضه نقطه شويوووونه كلها صغار بس كالت لازم نعرف شنو بيج حتى نسويله زخرفات نقشات

ورحت سويت سونار وجانت مفاجئه مقبلت الدكتوره يفوت اركان

شغلت النبض مال الجنين واركان برا بيني وبينو قطع بلاستك سمع صوت النبض

جانت الصورة مو واضحه كتلها دكتورة شو هيج شكلو ليش

الدكتورة ...هذا اول سونار الج

وتين ...لادكتور هذا الثاني ...الاول اول ماعرفت اني حامل سويتو ولان يكولون مو زين كثرتو مااخذت بعدها كلت لمايبين جنسو اسوي ليش اكو شي

الدكتورة ابتسمت وكالت .....

وللحكاية بقية ...


يتبع ...

#الانتحار

#بارت50


الدكتور ابتسمت وكالت ...حبيبتي انتي حامل بتوأم بنت وهذا ولد

وتين بصدمة ...شنوووو دكتورة شكلتي بربج عيدي كعدت على حيلي نسيت حتى امسح الجل عن بطني شكلتي دكتورة

الدكتورة ...بنتي انتي حامل بتوأم هاي صورتهم والحمدلله نبض طبيعي انقسام متجانس وكلشي مابيهم

تعاليلي بعد 3 اشهر اسويلج سونار الخ نعرف وزنهم وتكوينهم اذا تمام

وتين ...كمت اكمز من الفرح والدكتورة تدحكلي مصدومه

الدكتورة ...بنتي ميصير تكمزين ترى يوكعون ديري بالج حمل التوأم اثكل واصعب

لازم تمشين هيدي هيدي وتدارين صحتج طلعتج نزلتج كلها هاي لازم تنتبهيلها

منو جاي وياج خلي يجيبلج هالادويه من الصيدلي

وتين حبيت اخبث ع اركان واحرك اعصابو طلعت بوجه حزين ومو عاجبني الوضع

اركان تخبل شبيج النونو بي شي مارديت علي من طلعت بالسيارة انرعصت متحملت اضل ساكته اني حامل اركان

اركان ..مبروك هستوج عرفتي

وتين ...لالا ولك حامللللللل بتوأم توأم توأم توأم توأمممممم

اركان طار من الفرح ...شنوووووووو بربج كولي والله انتي وحده جذابه واني مستحيل اصدكج والله انتي وحده حياله

وتين تحجي وتكمز وتضحك ....وربي بتووووووم بنوووووووته
بنات هم يربي شلون رزق يجنن كون يطلعون يشبهوني

اركان يداهرها كال ...هاااا ليش يابه شبيها امهم
امهم جانت تريد تذبهم لو نسيتي

وتين ...اشششش ليسمعوك خطيه غلطة وكفرت عنها المهم اقترح اسم اذا تريد

اركان ...مو على اساس البنات انتي تسميهم والولد تسمحيلي اقترح وانتي تختارين

اييييييي مو حامل ابنت و ولد

لحظه لحظة ولج لتخبليني مو كلتي توأم بنات لو توأم بنتين و ولد يعني همه توأم بس كم طفل اكو

_ اثنييييين بنت و ولد اختار الاسم اذا ماعجبني ما اوافق عليه

_ الف نعلى على بليسج كاعده تحركين باعصابي بنت اللذين

شخطت السيارة اريد اوصلها للبيت وانعل بليسها اول مافتت طخيت السيارة اباب البيت

ما اهتميت شلتها وفتت افتر بيها ومريم تدحكلي وتكول شكو شكو

وتين ...نزلني راح توكعني يارجال كالت ميصير تتحركين جثير خاف يوكعون

اركان ...لابربج من صدك عود اني جاي افرج خاف يصير شي

وتين ...لا ميصير بس نزلني

اركان ...وين تعالي بنت الكلب موتيني بهالخبر اليوم اعاقبج فتت للغرفه وحطيتها ع التخت وووووووووو

وتين ...طلعت بعد ماسبحت

مريم ..خير وركي وتين اش اكو اش صاغ

وتين ...ولج متعرفين طلعت اكل دبل مال اثنين انجلبت على الاكل لان حامل بتوأم

مريم ...وانا اقول هالبنت اكلها ما طبيعي طلعتي حامل بتوأم الف مبروك حبيبي قبانم يكبغون يم خالتم مريم بس دحقي بطنكي كوي ماكبيغه

وتين طكت ضحك ع لهجتها المصلاوية الي ماتفهم منها شي بس مقتطفات كلتلها لتخافين هسه تكبغ 😂

مريم ...وتقلدين على لهجتي زي ما اسمحلكي سنه الخ انتي تداومين كوي واعلم مصلاوي قح

وتين ...علميهم قححح عمري انتي اذا انتي مو يمي شسوي بنفسي اني غير انجلط واموت

ومرت الايام بين كليتي وبين البيبيات مريم فرحت اكثر مني

وتجيب وتخيط لاصتها عليه خطيه ماخلت شي ما فصلتو

واني جبت سرير ابو النفرين هو سريرين ملزوكين ابعض

هزاز على الكهرباء وشتريتلهم الممات والرضاعات واللهايات حتى الاحذيه جبتها الهم

اكسسوارات العاب الدلوعات اشتريت هم كراسي طعام الهم

اعرف بعد وكت بس جهزت كلشي لطفل عمرو من يوم لسنتين

اركان خابر اهلو تخبلوا وفرحوا امو كالت جيبها يمي اداريها خطيه

بس مكدرت لان عندي كلية كاموا همه جو اشتروا بيت بالموصل

وانتقلت عشت وياهم وطبعا اخذت مريم كافي ايجارات

عمه صبرية هم متكدر تشتغل جثير وتتعب وحيييل حبت مريم وارتاحت وياها على شغلها النظيف

وخلال هالفتره اركان جان يطلعني للسوك مشي وللمطعم مشي يطيح حظ حظي

يكول حتى طبيعي ونخلص اني هم جنت اريد ولادة طبيعية وبدون بهذلة العمليات والجرح

والمصيبه مو ارجع تعبانه ميته تعب اروح مشي وارجع مشي

ميخليني انام او ارتاح لا كومي طلعي الدرج فد خمس ست مرات حتى تولدين طبيعي متت متت وماخلصت

ونوب بداية الاشهر مالتي الا كرهت الحمل والاطفال

جان وحامي صعب موت بس استفرغ مايثبت الاكل ابطني

ونوب اشتهيت الركي واني بالشتا واشتهيت صابون حلب او صابون الركي تعرفو اي اي اشتهيت اكلو

اركان ...شنوووو تخبلتي تريدين تموتيهم

وتين ...بس وحده فدوه ما اريد اكلها كلها بس اشمها او احتمال اضوكها وبس هيج شي قليل

اركان ...يوووووم ولج يووووووم

ام عثمان ...اسم الله ولك شبيك تصيح مابيه حيل اطلعلك

اركان ...تعالي على جنتج متوحمه على صابون ركي ولج الوحده تتوحم على مشاوي على فواكه موالح طرشي مو منظفات طيح الله حظج

وتين ...هسه لتعاندني وروح جيبلي اريد صابون ركي مو بكيفي والله احك وجهي واخلي بنتك وابنك يجون خضر

اركان ..اموتج والله مو زين خبله شنو صابون كل عقلج تحجين لو تشاقين الله عليج

وتين ...شبيك اركان والله ارييييييد صااااااابونه

وراها جابلي الصابونه
اكلت منها شو

يه بس حك طفيت مشتهاتي

وتوحمت على باجه واني ما اكلها ابد وتلعب نفسي منها شلون اشتهيتها ما اعرف

خلصت امتحانات الدور الاول ورحت للدكتورة المفروض اجيب طبيعي على هذا العذاب الجنت اتعذبو

انوب طلعنا طريقه شلون نعرف انو ولادة طبيعية لو عمليه

وسويناها انا واركان ومن كلتلي الدكتورة عمليه التوأم ماعدهم مي جثير

وبلش الاوكسجين يخلص عندهم وماعندج توسع اصلا باجر من التسعه الصبح تجين يمي اسويها الج

طلعت وجهي اصفر من الخوف عملية يبو يربي وين جانت و وين صارت

رجعنا للبيت اركان جان ضايج ومتعصب ومالو خلك احد

عمه كلتلي شنو لازم احضر حتى اخذها للمشفى جنت احضر ومريم ويايه وارجف

عاد خطيه هيه اخذت الجنطه وحضرت كلشي

اركان طلع يبجي خايف واني عجل شكول لنفسي هاي واني راح افوت عمليات واتخيط شحجي

كعدت اهدي بي واني نسيت نفسي اصلا انا احتاج من يهديني

بعدها هو طلع جاب عشا من برا اكلت جان لازم اوقف كلشي ساعه ٧ المغرب

لازم اتعشى واشرب مي وبعدها مااكل شي ولا اشرب اي شي

مكدرت انام من الخوف صارت ساعة سبعه الصبح اركان يشخر من التعب

بدلت لبست شي مريح ومالبست شي بي معدن علمود العمليه منكرت اضافيري من التوتر

معرف وين جان عقلي تمكيجت عبالك رايحه لعرس

بس ماخليت كحل بعيني حتى لاتنلاص راح تكولون خبله حقكم بس جنت متوتره حيل

و حميت مي للرضاعة كلت اخاف اطول وما افيق من البنج

خطيه جهالي يبقون بدون اكل يعني وجان المشفى قريب ومتوقعت تكون عمليتي اول وحده

كلت اطلع ب ٨وافوت اخر وحدة للعمليات ماحسيت الا واركان كعد بالسبعه ونص

وعمه صبرية دكت الباب عليه يلا نطلع هنا الضغط عندي يقرا صفر

رحنا للمستشفى اني واركان مريم ضلت بلبيت اخاف نحتاج شي تجيبو النا وهم بقت يم عمي

فتت للمشفى جنت امشي وارجف فتنا للمختبر سوينا تحاليل وبعدين قياس الضغط والسكري

وبعدين ضربت ابره معرف مال ايش وبعدها صاحت اسمي الدكتورة فتت للعمليات

جانت بارده ثلج ضلت تحجي ويايه الدكتورة قاسو ضغطي مرة الخ جان هابط

نطتني ملح وانتظرت شويه شكلتلي كانونه وضربتني مخدر بيها يمكن

وبعدها خلت جهاز التخدير عليه وطفيييييت شوكت حسيت من شويه راح المخدر

ضليت اصيح واني احس العمليه بضهري مو ابطني ومتت من الوجع

من شالوني من سدية العمليات وخلوني بسدية الغرفة جنت راح اموت

اول مافقت جنت مثل المخبله بس اصيح وماقبلت اشيل التوأم ولا اشوفهم

خفت لايصير بيهم شي جنت متوجعه مردت ااذيهم بلحظة وجعي

عمه صبرية بدلتلهم وشربتهم حليب واني اصيح اريد مخدر نطوني مخدر راح اموت

شويه شويه راح الوجع وهديت شلتهم ثنينهم مافرقت بيناتهم جانو لابسين ابيض ماعرفت ياهو البنت وياهو الولد

مافكرت بالاسماء من جنت حامل بس البنوته جنت مقرره اسميها سابين

والنونو ابو اقترح باخر لحظه اسم عجبني سميتو وسام

اقترح عليه جثير وجان ابالي اسم قيصر بس من شفتو نعوم استكبرت الاسم علي وغيرتو

رضعتهم سابين شربت بس وسام جان تعبان مجانو منظفي زين

جان اكو مي بصدرو لهذا بقى ١٠ساعات ميقبل يرضع

بالليل ساعة عشره خابرت عمتي على اركان جان دا يجيب اكل

والله خابر عاد هوه على صديقو دكتور يشتغل بنفس المشفى

عاد جا اخذ وسام نظف خشمو وطلع الماي من صدرو وجابوليا

جان فارط من الجوع رضع الحمدلله ونمنا كلنا ثاني يوم الصبح طلعت من المشفى

ماتحملت ريحة الديتول رجعت للبيت بس جنت اموت من ارضعهم

الوجع اليصير بيه عبالك دا اتمزق من يرضعون سبحت بعدها ونمت

اركان بقا بعيد عني فتره جنت اكول بسبب الولاده بسبب التوأم ميخلوا يرتاح لان مينامون بالليل بس يبجون جنت عاذرتو

فتره بعد فتره شهرين وسنتين وصارت الفجوه بيناتنه كلش كبيره

جان يتعصب على اتفه شي وميحب احد يعارضو ولا اناقشو

وصار يتدخل بكلشي تجي ايام يكون هادء وحلو اسلوبو وتعاملو

بس يخرب كلشي بس يجي الليل كلت مسحور او عين

ورحت لشيخ معروف كلش حتى يشوفلي شبي هو طبعا ماقبل يجي وتعصب وكسر البيت

وفوك كل هذا طلع كلشي مابي جنت اتمنى يطلع بي شي حتى اكدر اعذر تصرفاتو

واكول مو بارادتو وصلت للاهانات والتعيير بيه وباصلي ونسبي

والبيئه الجيت منها وحتى تطورت وصارت ضرب وضرب مهين مو اي ضرب

وحتى كام جان يجرح يكعد يعيب عليه وعلى جسمي اريدج تضعفين خلال شهر اريد وزنج يصل ال٥٠

من انزلو وفعلا انزلو الو لل٥٣ يكولي لا صرتي مومياء ارجعي سمني

ومن ارجع اسمن تعالي نحتي هالجزء وتعالي سمني هالجزء

عبالك الموضوع بيدي واكدر علي كمت اضوج منو حيل
وصارت المشاكل تكبر وتكبر وتكبر

وصرت ماعجبو ودوم يعيب عليه
مع العلم شافتني الكاتبة سارة بالحقيقة ما اعتقد اني بشعه لدرجة انو يحجي عليه هيج

ضلت طلعاتو من البيت يطلع من الصبح مايرجع لليل

من غير مراسلاتو ويه غير بنات ويبعثولو صورهن بدون ملابس

وحجي مقزز يلعب النفس واتعارك ويا بقيييييت الا ان ماشفت نتيجة لصبري ويا

وكل يوم اكول باجر يتغير ضلي زينه ويا لاجل يقدر كل ثانيه صبر

تي بيها علي

بس عبث ونوب الطامة الكبرى اكتشف انو جان متزوج من قبل عقد محكمة يعني بدون عرس بس مهر

وهو حجا الي كام يقارن بيني وبينها وكل مقارناتو جانت تجرحني

مثلا يكول جانت احلا منج واطول منج جانت مثل بنتي

اشيلها بحضني شعرها اطول من شعرج ماجان يذكر اي صفه ايجابيه بيه

كلها جانت سلبيه عليه ونوب من يتمرض يهذي باسمها

او من يرجع مرات للبيت والله بدون ما احجي ويا واستقبلو استقبال حلو وادللو

يجي يذكرها مشتاق الها واني تورطت بزواجي وياج واريد ارجعلها

مع العلم طلاقهم جان بسبب كونها خانتو مع صديقو يعني انسانه خاينة

ورغم هالشي يحن الها ويريدها انقلب هالرجال مليون درجة عليه

اذا مو مسحور ولامضروب عين شبي لخاطر الكعبه

وكل هذا جان ينعكس بصورة سلبيه عليه وعلى التوأم ما جنت اضربهم لا والله ابد ربي يشهد عليه

بس توصل بيه اضوج من صوتهم من يبجون اجي ارضعهم اهتم بيهم وانيمهم

وانزل جوا اكسر واصيح واريد احد يجي يطبطب على ظهري يخفف عني خنكتي ماكو

الى ان بيوم من الايام جنت نايمه ومقهوره كلبي شابع قهر منو والله حلمت حلم بخواتي التوأم سابين وايلين

جانو لابسين اسود ويبجون من ركضت عليهم دا احضنهم نفرو من يمي وابتعدوا عني

كالو انتي بعد السويتي الج عين تجين من سالتهم شسويت

سابين ..اتزوجتي اخو الجان سبب بموتي

وتين ..فزيت وكعدت من النوم مرعوبه شنو من حلم هذا ربي سترك شتقصد سابين بهل كلام شنو اخو الي اتسبب بموتها يعني تقصد عثمان مفهمت شبي عثمان ليش متسبب بموتتها اتعوذت من الشيطان كلت يجوز خربطة ومجرد حلم

دحكت ع الفراش ماهوه اركان كمت من التخت اطمنت ع سابين ووسام نايمين الحمدلله

لبست روبي ونزلت الدرج شفت ضوه الاستقبال معلوك ردت افتح الباب بس سمعت صوت اركان وعثمان ديحجون

ركزت زين وهنا جانت الطامة الكبرى سمعت كلام طربك الدنيا ع راسي خلاني اموت بكاعي صدمة دمرتني سمعت اركان يحجي ويه عثمان يكولو

اركان .. كلو منك انت وهالسافله سابين
تلوصون وتنتحر بسببك واني ابتلي باختها لاجمال لا اخلاق لا طول لاجسم عارضات
لو ما انت وعملتك السودة جان اني هسه وين

عثمان بعصبيه ...اركان كافي الخاطر ربك البيه مكفيني ادري غلطت واغتصبتها بس اقسمت مجنت بوعيي جنت فاقد ومن صحيت اتخبلت واتندمت ع الشي السوتيو من يوم الانتحرت واني عايش بكابوس فضيع بكل مكان اشوف شبحها كبالي مداعيش بسلام هسه انت تريد تكملها عليه كافي اطلعوا من راسي خلوني بحااااااااااالي اريد ارتاااااح

وتين ...مداستوعب الي داسمعو ردت اصرخ اصيح بس ميفيد يعني عثمان مغتصب سابين لالالا مستحيل واني كل هاي المدة عايشة ويه قتلة اختي ومادري زين شلوون ليش مادري اني ...ليش ضموا عليه ليششششش وانوب اركان يدري بجريمة اخو وساكت ...يالله شديصير بالدنيا

معناها الحلم الي حلمتو هسه مجان خربطة ولامجرد حلم جان تنبيه الي ورسالة من سابين صحتني ع زماني اكيد روحها مامرتاحة بقبرها لان الجاني مماخذ عقابو ..

وبعدين اتذكرت الهارد الي اخذتو من بيت عثمان بس وين حطيتو يالله ركضت فوك دورت علي بكل الجنط القديمة مالتي اي يالله هياتو الحمدلله لكيتو طلعت الهارد وشلت تلفوني واتصلت ع تمارة

الو تمارة حبيبي اريد اشوفج عادي تجين للموصل لو اني اجيج

تمارة بقلق الساعة متأخرة خافت صاير شي كالت ..هلو عمري خير شكو شصاير

وتين ...حبابه لاتسالين اذا متكدرين حتى اني اجيج

تمارة ...لاعمري عادي اصلا عندي شغل بالموصل وجايه بعد باجر اذا هاي نلتقي

وتين ...تمام حبي ان شاءالله انتظرج ...وبعد ما مر يومين وجت تمارة جان فرهاد وياها

كتلهم اريد اطلب طلب اذا صعب ومكلف تكدرون ترفضون تساعدوني ما اريد احملكم اكثر من طاقتكم

فرهاد ...كولي اختي انتي والله شاهد

تمارة ...عيب عليج هالحجي وتين شوكت رديناج

وتين ...ادري والله حشا ابد مامقصرين وياي ...اوك هذا هارد ما اريد اشرح التفاصيل اذا تعرفون احد يكدر يرجعلي المهملات منو اريدو ضروري

فرهاد ...خير شكو وهذا تقريبا محروك

وتين ...لا مو محروك الذاكرة مابيها شي بس الغلاف احترك

فتحتو بس جان فاااارغ والمفروض ميكون فارغ اريد احد يرجعلي شكو شغله انمسحت منو لان امبين تم حذف كل البيانات منو

تمارة ...غير نعرف شنو هذا زين من وين جبتي

وتين ...تموش حبي كتلج بربج لتسالين بس كولو تكدرون لو لا

فرهاد ...ادورلج ادللي

وتين ...بس فدوة فرهاد هالشي كلش غالي عليه يعني دير بالك علي

اريد تهتم بي وماريد احد مبتدأ يعطلو اريد البي يطلع ولاتشوفو انت

بس تلكه احد مضبوط انطيني رقمو اني احجي ويا الموضوع كلش جدي

فرهاد ...صار اختي بس لاتورطين نفسج بشغلات كبيره

وتين ...لا ان شاء الله مجرد فضول ويبقى فضول الانسان كتالو ان شاء الله ماكو شي ومعتقد اكو شي

فرهاد ...اوك صار عجل ادللي بس هالشي تريدي

وتين ...اي والله بس هذا واعتذر اذا راح اتعبكم

ضل الهارد يم فرهاد اسبوعين لبين مالكا شخص يكدر يرجع محتوياتو

وبهاي الفتره اني كل يوم ي

مر تتلف اعصابي اكثر ويه اركان

جنت اكعد واحجي لعمه صبرية واكوللها هيج وهيج دا يسوي

جانت تكول صبري لخاطر الجهال واكو وراها فرج بس المشكلة اني مو من النسوان التقليديات

الي يسلمون امرهم لله وخلص ويكملون حتى لو جانت حياتهم جحيم

لا حجيت ويا وكتلو اذا متحبني كول واذا اكو بنت جديدة هم كول حتى اتنازل عنك

بس ما اريد توصل بيناتنه انو احقد عليك واكرهك مثل ماجانت حياة امي وابوية وبسبب هل كره انعكس ع حياتنه احنه اطفالهم التعيسين

خلي ننفصل الحياة هيج متمشي ننفصل وكلمن يمشي بحال سبيلو دحك لمعاملتك الي شونها .

اركان ...شبيها معاملتي عيني شو اوديج للكلية من الصبح

واجيبج مبرده وشديتلج سبلت وموجود حاجاتج وحاجات اطفالج متلبيه

ومدا اطخج شتريدين بعد ابوج بنفسو ما وفرلج نص الوفرتو الج تعرفين هالشي لو لا

وتين ...اركان هذا مو كلام انت عصبي على طول ماتكعد ويانه مدا نشوفك

ترجع من شغلك تضل كاعد جوى ويه اهلك واني مكدر انزل التوأم

لان يهوسون واهلك يحتاجون راحه ومن انزل مرات انيمهم وانزل وحدي

تكول طلعي فوك وتفشلني احجيلي شسويتلك كول والله انت مو اركان الاعرفو نسيت اول سنه زواج

اركان ...كااااافي انتي بس تريدين تنكدين عليه اني تعبت بعد مكدر كافي قدري ظروفي

وتين ...سكتت ما حجبت ويا لان كل ما اتناقش ويا يطلعني اني الغلطانه ضليت ساكته

الااا ان بيوم الكطتو بالكلية ويه زوجتو سابقا مع العلم انو هيه تزوجت يعني ع ذمة رجال غيرو شفتهم يمشون سوى عادي ولازمين ايادي بعض

واخذها للكافي وكعدو سوى واني اي اني محرم عليه اروح للكافي والله بحجة اغار

وهو كاعد وياها فتت بكل برود اعصاب طلبت حمص بطحينه وزلاطه ومركه فاصوليا حب وتمن

واخذت الصينيه للميز الي همه كاعدين علي من شافني انصدم وهيه متعرف انو اني زوجتو

انزعجت الهانم كطعت عليها الاجواء كالت العفو منو انتي مو من الادب تكعدين بدون استاذان

طبعا جان كاعدين كرسي يم كرسي يتحارشون ابعض من جوا جوا

ولازمين ايد بعض دحكت عليها ربي تكول سمجه شفايفها تلعب النفس نافختها بوتكس وفلر

الا ان رادت اتطك سمره وقصيره وسمينه شكيت بيها حامل لان كرشها كبير

ورجعت دحكت علي راد يحجي الكافي مليان اشرتلو اششششششششش ولا حرف

كملو واعتبروني ماموجوده كملو لتستحون مثل اختكم اني كملو

راد اركان يلفلف السالفه بحجة الشغل واني اعرفها زوجتو سابقا عبالو مشفت صورتها بملفات طلاقو منها

اركان ..شبيج وتين خلي اعرفج الست نور مديرة المشروع الحالي ...

قاطعتو ..قصدك زوجتك السابقه وحبيبتك السريه الحاليه

والي هاجر بيتك مرتك واطفالك علمودها الصراحه توقعت يكون ذوقك ارفع من هيج بس انو اشوف هالنموذج كبالي خاب ظني بيك

والله متوقعت تكون هاي مواصفاتك للحبيبه والزوجه والام لبيتك

هيه هاي الخبصتني بيها نور ونور ونور وتهذي بيها

وتتفنن بيها من العصبية الجنت اعاني منها من النار الجانت تطلع مني

اني مطلبت الطلبيه حتى اكلها لا جان اكو موال ردت اغني لزمت راسها

وطمستو بنص الحمص بطحينه انتفضت من ايدي وكامت تصيح واركان ركض يجيبلها كلينكس

واني كملت عليها بقت الزلاطه والتمن والمركه سويتلها خلطه وخليتها فوك راسها

خليت اليسوى والمايسوى يتفرج ودكيت راسها على الميز قوي

ونطيتها الحلقه كتلها الف مبروك عليج السرطان الاخذتي

راح تموتين الف موته وانتي يمو وطلعت ...ركض ورايه حتى يصيح ويرفع ايدو

وجان وجهو يطفر نار من السويتو واني طبعا صايدتو وياها بالماسنجر

صور ومحادثات كلها مسكرنتها ومخليتها بمكان معين امن محد يكدر يوصلو

بس من شفتو يتمشى وياها علني مو خايف انو ممكن اشوفو

جنيت ماضل عقل براسي وجان اكو كبالي امن هو جا راد يصيح اني كلت اتغدي بي يابنت قبل لايتعشى بيج

كافي مذله كمت اصيح بكل علو صوتي سامعين بدموع التماسيح وكيد النساء

بهذاك اليوم اني هالاوبشنات الثنين شغلتهم ثنينهم ولك اني وتين الي ياما دكت ع راسها طبول يابو طبول

راح اخذ حقي مو اني الينداس عليه بهالطريقة الوسخه ماجان لازم اسمح لنفسي انو تنهان يم هيج حثاله

اجو الامن يركضون خير اختي شبيج كمت اشهك بالبجي هذا يتحارش بيه

ولزموا وكتلوا كتله مرتبه بردت كل شرايين كلبي اي نعم

هالانسان الجنت اموت عليه في يوما ما كرهتو حد الموت

وجنت اتمنى يموت كبالي واخلص منو لان ابد ما انصفني

وجنت اعذرو واعذرو واعاتبو واكلو لاتخليني اكرهك ترى من انسحب ما ارجع

وماجان يهمو وجان يتراسل وارجع واكولو اذا تتراسل امسح الرسايل ياعيني لتخليني اشوفها

هم جنت راضيه بهالحل وهم مايفيد يخليها على القصد حتى اشوفها وانقهر

رجعت للبيت حضرت جنطتي خليت كم هدمه الي وللجهال واخذت مستمسكاتي ومستمسكاتو كلها واخذت التوأم وطلعت لاربيل

اجرت شقة الجن الازرك مايعرف مكاني وخابرت على تمارة

كتلها هذا الصار اريد اتطلق وكالت حق ونوكف وياج

وهيه جنت احجيلها كلشي وجانت تنصحني واجرب نصايحها بس ماجان يفيد

ومر اسبوع اني باربيل وه