من تكمل فحص يحولوها لهاي الغرفه وبس ترتاحين شويه راح نفتح تحقيق بحالتج وتحجين النا الصار

سابين ...سكتت جنت رايده بس اخذ وتين واطلع شنو احجيلهم شنو تحقيق ماريد كولشي ماريد

نمت لان نطوني مخدر ماحسيت على نفسي

كعدت جانت الدكتوره تريد تضربني ابره بالكانونه وسالتها

وتين وينها ما خلصت فحص كالتلي امبلا هياتها مو هاي اختج

دحكت على يميني جانت نايمه واكو دكتور ومساعد الها واكفين فوك راسها يريدون يكعدوها

بس هيه طاسه بالنوم ماكعدت خفت عليها سالتها شبيها ليش متكعد

الممرضه ...لتخافين تاثير البنج بعدو بيها مازال

بس يزول ترجع تفيق انتي ارتاحي ولتخافين عليها مابيها شي اختج

سابين ...ضليت لازمه كلبي ليصير الها شي كلو بسببي

يربي شسويت بنفسي اني كلو مني اجت ساعدتني ونوب تاذت اكثر مني

لو ميته وخلصانه ومخلصه الكل مني ضليت انتظرها تكعد ماكعدت اصيح الها بس ماتسمعني

جابلي هذا حميد بسكت وعصير وكال

حميد ...اكلي هذا الآمر دزو

سابين ..منو ؟؟

حميد ...آمر فوجنا عثمان

سابين ...ماعرفت منو عثمان منو آمر الفوج هذا

اكلت شويه ونمت وكعدت بعد ساعتين على لمسات وتين لشعري وراسي

اول مافتحت عيوني جانت يمي فزيت حبيبتي وحضنتها

وكمت ابجي وابجي وهيه هم تبجي وتكولي

وتين ..غصيت بحضنها وابجي كتلها ليش هيج سويتي بيه ليش جنتي تريدين تنتحرين

ليش مافكرتي بيه تتركيني وحدي لييييش

سابين ...جنت حاضنتها مثل الام من تحضن اطفالها بساعة الخطر وخايفه عليهم جانت تبجي

وبهل لحظة اتذكرت من حجت هيج الصار ويايه وتهسترت

تذكرت فرقد من اجا وشكك ملابسي واغتصبني وجان يجلد بيه بالصونده

والدنيا صقيع ثلج بالاخير اغتصبني بس مو مثل الرجل وزوجتو

لا اغتصبني من خلاف بالحرام الي حرمو ربنا جنت دا اموت

حسيت روحي طلعت تخبلت واني اريد اتحرك من يمو اريد يتركني

بس ماكو فايده طلع من الغرفه واني عندي سجين ماخذتها وضامتها

جنت اريد اذبحو بيها وانهزم بس ماجانت تصيرلي فرصه

طلعتها وردت افوتها بنص كلبي وكتها سمعت صوت وتين تصيحني

ونكسر الباب وفاتت اخذتني ضلت السجين بيدي ارجف واركض الى ان ذبيتها بالبوادي العبرنا منها

وبعدها لكاني عثمان واخذني للمشفى من تذكرت هالشي وشلون صار

انوب حجي الدكتوره كالت حرام هل معاشرة كمت ادك والطم وتخبلت وانهاريت

اتدمرت حالتي النفسية واتكسرت ..الشيطان سيطر عليه وفقدت وكتها ايماني بالله( استغفر الله)

كمت اصيح نزلت من السديه وشمرت السيروم بالكاع

وفكيت الكانونه ولبست ردت اطلع نسيت حتى وجود وتين

تاخرت جثير عليه جثييييير تاخرت وين جانت ليش محد ساعدني قبل ليصير هيج لييييييش

كمت اصيح لزمت السرنجه وترستها هوى جنت اريد افوتها بجسمي واموت حتى اخلص

جان يفوتون زلم اثنين ووتين جانت تصيح وكفوووووها ساااااابين لتخافين

انتي يمي ماراح اتركج ماجنت استوعب كلامها راح تتركني وراح ارجع للجحيم الجنت بي

لا وحتى لو متاركتني اني ما اكدر اكمل بعد كلشي صار

ضليت اصيح ووتين تريد تكوم متكدر كامت تصيح سااااعدوونا

والعسكريين الفاتو كبل لزموني واخذو مني السرنجه اني فوتتها بصدري ردت اضغطها

بس لزموني واخذوها مني ردتهم يتركوني اشمئزيت منهم

ضليت اعيط واكوللهم لتلمسووووني اتركوووووني لتلمسونييييي حسيت نفسي مقرفه مقززه

ختلت بزاويه الغرفه واني اعيط لتتقربون فاتت الممرضه وتحجي ويايه لتخافين انتي بامان محد يوصلج هنا

وتين ...هنا خسرت اختي بهاي اللحظه خسرتها

ما استوعبت هالشي الا بوكت متاخر جانت تتنفس واكلها قليييل كلش

وبس اما احساسها جان ميت ماجانت تحس بالوكت فعالياتها تحت الصفر

اذا احجي وياها تكون شارده ماتسمعني الا المسها يلا تحس انو دا احجي وياها

ضربتها الممرضه مهدء ونامت بعدها بساعة فات الرجال الشفتو من جنت متصوبه

عرف عن نفسو وكال اني امر الفوج عثمان اريدج تحجين للمساعدين مالتي كلشي

حتى نفتح تحقيق بحالتكم سالتو عن فرهاد زوج تماره وينو كال

عثمان ...الرجال الضخم المتصوب موجود بالغرفه اليمكم

وعلي حجز مايطلع الا نفهم سالفتكم شنو

وتين ...كعد هو على صفحه واجو ويا 3 زلم واحد كعد يسالني وحجيتلو الصار كلو

وتوسلتو يساعدنا كال لازم نسمعها من الطرفين بس الج حق ترفعين دعوى علي

لان ضربج طلقه ناري وطلعو الزلم الثنين بعد ماحجو بصوت ناصي مع عثمان

هو ضل كاعد وصافن بالسقف بالاخير كال

عثمان ...بيت جدج معروفين جثير بالمنطقه وسالفتج مافاتت بعقلي يكون بعلمج

وتين ...كلت يربي شلون مصيبه ليكون يوكف وياهم ضدنا ويغمض عيونو وميشوف السووا بيت جدي بينه

كتلو العفو منك بس ترى الحجيتو هو الصح تكدر تحقق وتشوف

وتكدر تسال سابين بس تكعد جان يدحك عليها نظره طووويله

وسالني هاي اختج متزوجه مو ..كتلو اي متزوجه ليش

عثمان ...زوجها ابن عمج فرقد مو

وتين ...اي نعم

عثمان ..خوش عجل

وتين ...جان يروح اني ضليت كاعده يربي لازم نطلع

شلون مصيبه هاي جان بعد ساعتين تفكير فات فرهاد

فره

اد ...كتلهم اريد اشوفهم شلون صارو واطمن عليهم يلا قبلوا يفكوني

وتين ...اعتذرت منو على الشي الصار بي بسببنا جان يكول

فرهاد ...لازم نطلع منا هذول ماراح يتركونا الا تحقيق وهوسه

بس نفوت اربيل تصير النا الافضليه

وتين ...شلون دحك حالة سابين منكدر نطلعها من المستشفى

فرهاد ...مو مهم حالتها هناك تتعالج المهم اني شلون انهزم مكلبشيني بالغرفه وسيارتي بعدها يم الجسر

وتين ..المفتاح يمي اخذتو من سابين نكدر نطلع بس لازم محد يشوفنا

فرهاد ...عفيه عليج اليوم بالليل لازم نطلع والا راح نتحول للسجن وتنلاص

وتين ..المهم اتفقنا انو نطلع شلون ماشلون لازم ننهزم

فرهاد بس يفوت اربيل يختل عند احد واحنا مناك نرفع دعوه

وعم تمارة يتولى هالشي صار الليل واني انتظر اعصابي تلفانه

فرهاد فات ساعه ٣ الفجر كال يلا استغربت شلون طلعت

فرهاد ..مو مهم كومي اني اخذت العكاز مالتي وسابين سندتني

وكمنا طلعنا جان اكو تكسي برى صديق فرهاد الجنا يمهم

ودانا خارج حديثه كعدنا ابيت رجال وراها بساعة اجا بسيارة فرهاد

ركبنا وكبل لاربيل تقريبا وصلنا للسيطره جان تلحكنا دورية شرطة

فرهاد ما وكف وداس سرعه وصلنا السيطره حجا وياهم كردي مافهمت كلشي

بس همه فوتوا ووجهوا سلاحهم على الشرطه احنا مشينا

فرهاد ...ارتاحوا خلص راح نروح لبيتنا ترتاحون وعم زوجتي موجود

راح يسمعكم من تريدون تحجون ونشوف شنسوي بقضيتكم

وتين ...فتنا لبيت تمارة ماجنت متوقعه انو عدهم هيج عز

البيت يجنن انبهرت بس مو لفتره طويله حتى مالحكت اتعرف عليهم

و انهارت سابين وماعرفت شنو اسوي كمت اضرب بيها واهزها

سابين شبيج سابين فدووة كعدي جان الطريق وعر وكامت تنزف

وماحسيت عليها من ضربوها المهدء وكعدت هيه بدون حس ماحجت كل شي

كبل شالها اخو تمارة و وديناها للمستشفى لان جانت غركانه بالدم

فرهاد هم راح حتى يشوف جرحو اذا نظيف فاتت الدكتوره عدها

ورا ربع ساعه طلعت كالت هاي منو موجود من اقربائها درجه اولى كتلها اني اختها

الدكتورة ...حبيبتي اختج مغتصبيها ومتاذيه هواي

لازم تضل بالمستشفى نعالجها ونشوف جرحها حتى يلتأم يلا تطلع

واذا ردتوا تطلعوها لازم تنفذون الاكوله بالحرف الواحد لبين ماتتعافى وتشفى

وتين ...هنا اني عبالك واحد ضربني على راسي كلشي مستوعبت من كلامها

كتلها دكتوره شلون مغتصبيها يعني ..ترا اختي متزوجه هنا انصدمت الدكتوره

الدكتورة ...لعد الحيوان زوجها من سوى وياها هيج مايعرف هل شي حرام بله

روحي بنتي رفعي علي دعوى هذا مصيره اعدام

وتين ...بقيت باهته وافر باذاني شدتحجي هاي سالتها شلون يعني مفتهمت

الدكتورة ...تعالي للغرفه نحجي

وتين ...رحت وياها وحجتلي الصار مافتهمت كلشي بس تمارة بحكم كونها مزوجة جانت تفهم وكامت تلطم وتكول

تمارة ...مستحيل اكو هيج بشر لا مستحيل

وتين ...خو اني بس اصفن عليهم شنو الفرق هيه زوجتو

تماره ...من اوصل البيت افهمج

وتين ...رحنا طلعنا اخذنا فرهاد وسابين وادويتها وشنو لازم نسويلها وكلو درج ماكو وتواليت لازم غربي ومن هالامور

رجعنا اخو تمارة للبيت نيمت سابين بغرفة جانو محضريها النا

وطلعت تعرفت عليهم ام تمارة حبابه كلش وابوها متدين حيل واخواتها الصغار يجننون

مو توأم بس متقاربين بالعمر ميتفرق بيناتهم كعدت وكالت ام تمارة كومي بنتي جيبي شي للبنت لبين مايستوي الغدا

كامت خطيه جابت بسكت همه يسووا بالبيت وعصير كعدنا

اني مالي نفس اكل كلشي جتفي ورجلي ما احس بيهم من الوجع

جاملتهم واكلت شويه حجينا شويه و امها كالتلي

ام تمارة ..اذا تعبانه ارتاحي بنتي اني راح اروح اجهز الاكل هم جعتوا خطيه بنتي تمارة شوفي فرهاد شلون صار

وتين ...فرهاد مارجع للبيت لان باعتبارو مهزوم بات يم بيت اقاربو

اني مددت رجلي وداريد اغفي شويه بس اريد هالعذاب يخف شويه خرب حظي شون عذاب ..

((هل تستحق هذه الحياة ان نعيشها بهذه الطريقه
ولدنا في الفوضى وعشنا فيها حتى سلبت انسانيتنا نحن لم نعد بشرا بعد الان كما اننا لسنا من الحيوانات ماذا نكون هل تستحق ان نعيشها بهذه المعانات ))

رفعت راسي للسقف واني افكر بشنو ابدي شراح يصير بينا

ماجانت عندي فكره بتاتا ورا ساعة افكر بس ما اعرف بشنو افكر

جثير شغلات وما اتذكر كلشي منها جان يصبون الغدا اكلت كم لكمه وكمت

اخذت اكل لسابين كعدتها تاكل حتى تاخذ علاجها اكلت شويه وماحجت شي

احجي وياها اكوللها تمارة راح تطلعنا نفتر هسه بس تتعافين نطلع للقلعه والفاميلي

ونروح للمصايف ونفتر كل المحلات والمولات راح نتونس بس ما ابدت اي رد فعل

جانت صنم الله وكيلكم ماتحركت ابد
فاصلة عبالك بغير عالم

مثل الي مبنجه ماكو اي استيعاب منها بس صافنه وتدحك جدامها

مرت 3 ايام واحنا يمهم جان يجي عم تمارة حجيتلو الصار كلو

الشي الاعرفو اما عن حالة سابين كلشي ماحجيت لان ما اعرف هيه بشنو مرت بفترة بقائها ابيت فرقد

واحنا كاعدين جان يندك الباب فتحو اخو تمارة ويبووووو هذا عثمان

ا

ستغفر الله ياربي شنو هالمصيبه بس لا يرجعنا يربي هسه اضرب نفسي طلقه واضرب سابين هم وما ارجع

جان يكول

عثمان ...اني امر الفوج عثمان اكو بنتين يمكم سابين ووتين طارق
اريدهم يجون ويايه للتحقيق

وتين ...طبعا عثمان جان جاي علينه وجان عمو علي هو الي دازو

والا هي هاي مو شغلتو بس لان يعرفون بيت جدي جا حتى يلملم السالفه

اني طلعت علي وماجنت خايفه كلت اي شي يصير غصب عني منا ورايح راح انهي

واذا ما عشنا حياتنه مثل البشر انتحر وربي ..كلت خير امر اتفضل اخويه

عثمان ...احم بس اهدي شوية لازم تجون ويايه لازم نسمع من الطرفين نحتاج اقوالكم

وتين ...اي اجي بشرط

عثمان ...اي تفضلي

وتين ...بس انتظر شوية فتت للبيت وكلت لتمارة ما اريد اروح وحدي

اخاف انسجن هناك هذول مايتامنون اريد احد يجي ويايه

تمارة ...اصلا اني ما ادزج وحدج عمو يروح وياج اوك وابنو محامي هم يروح وياكم

وتين ...راحت عاد تمارة سالت عمها وكللها موافق رحت نطيت اقوالي الو

وشرحتلو كل الصار الجنت حاضرتو من لحظة اتهام سابين الى لحظة الي هزمتها بيها

وبيا حال شفتها وتمارة جت ويايه هم وكتلو عن كلام الدكتورة شلون كلتلي مغتصبها من خلاف

عثمان فتح عيونو وكال

عثمان ...منو دكتورتها اريد تقرير الفحص منها ولازم تثبت بهل تقرير الي شافتو بالتفصيل

وتين ...كلنالو على الدكتورة وراح وراها بيومين طلب تنفحص سابين

فحصوها ونطوا تقرير كامل بكلشي بيها من كدمات حروق تعذيب واغتصاب كلو تقرير مفصل

بس كل هذا احنا سابين ماحجت حرف بهاي الاثناء فرقد جان طليق بحكم المعرفه البيناتهم

من رجع عثمان حتى يرجع يحقق ويا مالكاه نبش حديثه نبش ومالكاه

فرقد جان مهزوم يعرف نفسو اذا يلزمو راح ينعلون حظ حظو واحنا مجنا نعرف بي جاي لاربيل

جنا ماخذين سابين يم دكتور نفسي يشوفها ليش ماتحجي ولاتتفاعل واكلها قليل

سوينالها فحوصات يم اكثر من دكتور بس ماكو نتيجة اخر شي اتجهنا للدكاترة النفسيين

اثاري فرقد مراقبنا ومن طلعنا كام يضرب علينا بمسدسو

الله ستر فتنا للبيت وتلاحكنا نفسنا مامتنا واخو تمارة خابر الاسايش

وجو للبيت بس مالكوا امنو البيت وقدموا شكوا ضدو

وانطينا الصوره والاسايش ماقصروا نبشو اربيل ولكطوا
بالسيطره وحبسوا

بس عثمان جا كال اني راح احقق ويا هذا تحت مسؤوليتي

معرف اشلون ناقلي من سجن اربيل لحديثه هناك كام يحقق ويا صديق عثمان

وبيوم جانت تمارة تريد تغير نفسيتنا جان تمكيجنا ولحت على سابين

صح جانت مو بصحتها وجانت ضعفانه حييييل بس طلعت تخبل

جنا نريدها بس تنطي رد فعل طلعنا حتى نجيب ملابس لان ماعدنا كلشي

وام تمارة شكد حنونه بعد عمري عاملتنا عبالك بناتها

شكد حزت بكلبي لو امنا هيج عاملتنا شجان صار تنقص لو تموت

المهم جبنا النواقص الضروريه وسابين بس تمشي وتدحك للكاع

عبالك توحدت متريد تشوف بشر بس لازمه ايدي

اريدها تدحك تشوف السوق ماكو مقبلت خايفه تمشي وعينها بالكاع

ورجعنا شفنا عثمان كاعد يتناقش ويه ابو تمارة علمود قضيتنا

عثمان ...اريد اسويلهم حمايه لبين ماتنتهي القضيه لان اخوان فرقد و ولد عمها ماراح يتركوكم بحالكم

تجنبا لاي شي اريدهم يكونون بحمايتي واني قريبهم اكثر منكم

وتين ...عارض ابو تمارة وماقبل جان خايف بحكم صلة الصداقه بين عثمان وبيت عمي

وهنا احنا فتنا للبيت وشافنا عثمان بس عيونو وكعت على سابين مانزلها ابد جانت نظراتو غريبة

وللحكاية بقية ...

جمرة الحب اشتعلت بقلب عثمان من ناحية سابين ياترى راح يكون هل حب سعيد وينقذ الجميع لو لعنة تنصب عليهم كلهم ... محد يدري تابعوا القصة للنهاية

يتبع ....

#الانتحار

#بارت36



وتين ...وهنا احنا فتنا للبيت وشافنا عثمان بس عيونو وكعت على سابين مانزلها ابد جانت نظراتو غريبة

وكفت جدام سابين ودحكت علي بمعنا شبيك هو انتبه على نفسو نزل راسو وسلم واستاذن وطلع

ضل القاضي عم تمارة وابن المحامي مالتنا ويانه الا ان توضحت القضية الهم من طرفي

وكالو ترفعين دعوه على اهلج العشتو بصغركم والى هسه اسمو تعنيف اسري

يحاسب عليه القانون وراح ينسجنون اني مردت تكبر المشكله

كتلو عمو اريد بس نعيش اني وسابين ومحد يوصللنا

وانو يكون النا حق نقتل اي شخص يفكر مجرد تفكير ياذينا

الي شفنا احنا مو قليل ياعمو كل الي نريدو انو نعيش

مانريد نطلب اكثر من هيج والشي السووا بينا ينجازون همه وربهم

مرت اسابيع وهو يشتغل بالقضية وعثمان كل يوم والثاني مشرفنا

ومشا ويانا علمود الدكتور النفسي وكل اسبوع نغيرلها دكتور

ماجان اكو نتيجة تذكر منهم الا ان بيوم فتت للغرفه ساعه 11الضحى

اريد اكعدها حتى نروح للدكتور ماكعدت اهز بيها ماكو البنت جثه الله وكيلكم

صيحت على خاله ام تمارة تعالي فدوه سابين مدا تكعد مدري شبيها

ركضت عليها تهز بيها فحصت تنفسها كامت تصيح ع ابنها رائد

ولك الحكنا اجا يركض غرفتو قريبه علينا شيلها ولك البنت ميته ماكو نفس

تخبل شدا تحجين جاب مرايه خلاها يم خشمها نفسها كوه يطلع

شالها وركض على الانعاش سوولها غسيل معده طلع الدكتور وكال

الدكتور ...هاي شاربه ادويه همزين حسيتوا عليها وجبتوها جان ماتت باخر لحظة كدرنا ننقذها

وتين ...فتت عليها الاجهزه الخاليلهيا جنت فاقده الامل انو ترجع تعيش ويايه حياة طبيعية

بس انو توصل بيها للانتحار هالشي تلف نفسيتي جثيير

جا عثمان شلون سمع بالخبر ما اعرف طلعت من يمها جان اشوفو بوجهي

عثمان بخوف وقلق ..شلونها ها كولي شلونها

وتين ...استغربت هذا شبي شدعوا خايف عليها هالكد كتلو بخير وانت شلون عرفت

عثمان ...مو مهم اريد اشوفها واريد تجون تعيشون بشقتي

اني ممتواجد بيها فرقد انهزم ومانعرف وينو واخاف لايهجم على البيت مره ثانيه

واهل البيت يتاذون وانتي اكيد متريدين احد يتاذى الاحسن تجون بشقتي

واني صدكيني وياج وويا اختج احنا هاي المدة كلها نحقق ويه فرقد

وعرفنا كلشي سوا بحقج وحق اختج كلو ادري بي

ؤ علمودج وعلمود اهل البيت الكاعده يمهم حرام لايتاذون

وتين ...طبعا عثمان ماجان خايف على اهل تمارة

انما جان رايد تبقى سابين كبال عينو اني فكرت بالموضوع

وما انكر خفت من اختفاء فرقد وخفت اكثر على اهل البيت

ناس طيبين ماريدهم يتأذون مارديتلو خبر كتلو ان شاء الله

بس مجان عندي غير خيار طلعنا سابين بس فاقت من المستشفى ورحنا للبيت

هناك حجيتلهم الكالو عثمان ابو تمارة كال محد يوصللكم وانتو ابيتي ونشدد الحراسه

بس اني مكدرت تعذرتو وكتلو عمو اني راح احس بالذنب اذا احد تأذى منكم

وما اكدر تشكرتهم جثيييير جثييييير الوكفه الوكفوها الي ما وكفوها القريبين مني

بقيت 3 ايام يمهم بعدها قررنا نطلع من بيتهم حفاظا عليهم

كلت لعثمان من جنت بالمستشفى اريد افكر واخذت رقمو وخابرتو اجا حتى ياخذنا

نرجع بالاحداث لمن عثمان جان يحقق ويه فرقد ...

عثمان ...مصطفى وين وصلت بالتحقيق اعترف هالكلب شي

الضابط مصطفى ...لاسيدي معترف لساتو يراوغ ويانه

عثمان ...اني اعرف شلون اخلي يحجي كل العندو جيبولي ابوه للسجن

مصطفى ...سيدي اخاف والدك مايرضى هو على فرقد گلب الدنيا علينه

عثمان ...ماعليكم جيبو ابوه للسجن هسه اكيد ماراح يقبل ابو ينذل اذا جبت ابو راح يعترف بالعندو يلا

طلع مصطفى ويا جم واحد جابو ابو احمد وجو خليتو بالغرفة يم ابنو وتخبل

فرقد شاف ابو اتخبل كام يتلاوه ويلعن ...ليش جايبين ابويه ياجلاب يا ادبسززيه والله لعلملك النبي عربي يا جلاب

عثمان ...عفتو يعوي وكعدت احقق ويه ابو كتلو تحجي لو تنضرب بكيفك احفظ مي وجهك واحجي

فرقد اتخبل وكام يرافس بمكانو ويصك ع اسنونو ..ولك جلب الحكومه اكص لسانك اذا هيج تحجي ويا ابوي

عثمان ...صفكتو براشدي فريت وجهو بي ..انت اسكت دورك ما اجا خلي اربي ابوك بعدين اجي اربيك

ضليت وياهم كتل ومسبات واهانات الا ان ثنينهم اعترفو بكلشييي سووا بهاي سابين

الي هيه طلعت زوجتو من صدك تهسترت وهو يحجيلي شلون عذبها وشلون فبرك الصورة حتى تثبت التهمه عليها اتخبلت

طلعت من يمهم لو باقي جان مات بيدي وراها ب5 ايام ضل محتجز يمنه

صارت هجمه من مسلحين علينه وجان بس حارسين على الغرفة البيها فرقد

ماجنت اتوقع منهم يوصلون هالمرحله من الجراءة

اخوانو و ولد خالتو وعمو فاتو هددوا الحراس بالسلاح وكدروا يهربون فرقد وهزموا وسلموا نفسهم تخبلت هالمجرم انهزم

نشرت استنفار وطلبتو بكل السيطرات كتلهم هالشخص اريدو وطلعت لاربيل

خفت لايوصللهم وياذيهم نوب من دكيت الباب عليهم كالو سابين مو زينه

واخذوها للمشفى شبيها خير كالو والله نفسها جان كلش ضعيف واسعفوها

وهسه خابرونا كالو منتحره بالدوه شخطت سيارتي وركض للمشفى

وتين ...عاد فتنا لشقتو كلش حلوه صح صغيره ململمه بس تجننن فد اثاث ماثثها يخبل هاي ملكك سيد عثمان

عثمان يضحك يحاول يلطف الجو ...هههه لتكوليلي سيدي احسج من جماعتي اليصيحولي سيدي سيدي

وتين ...هههه عجل شكولك سيد عثمان

عثمان ...كوليلي عثمان حاف لا هاي الشقه مو ملكي اني استاجرتها كم يوم

لبين ما يكملون من البيت مالتي دا انصب بي كاميرات للامان

وهم يرادلو تاثيث اني ما اكعد بي جثيير بس انام ف بي نقص جثير علما يجيبو ننتقل ..

وتين ...ها يعني نكعد هنا مؤقت زين عثمان شراح نسوي شلون راح تلكون فرقد

اخاف ليروح على اهل تمارة وياذيهم وهو ميعرف انو احنا انتقلنا يمك

لتخافين خليتلهم حراسه وكاميرات راح نراقب شارعهم

اي حركة غريبه يلزمو الاسايش اتعاونا وياهم وراح الزمو ان شاء الله

انتي لتشيلين هم ارتاحوا وشتحتاجين كولي

زين لازم نروح نغير دكتور سابين لان هذا مستفادت علي شي مدا تتفاعل ونوب انتحرت

زين تعالي كعدي وشرحيلي الوضع شبيها خلي افهم راسي من رجلي

اوكف لحظه افوتها ترتاح واجي ..فوتتها للغرفة وكلشي ممكن انو ياذيها طلعتو من الغرفة الات حادة يعني تحسب لاي ظرف

ورحت حجيت لعثمان كلشي وهو تفهم وكال

عثمان ...خوش عندي اصدقاء عرف هنا راح يساعدونا بهالشي

وتين ...استقرينه يمو وغيرنا الدكتور وديناها لدكتورة معالجه وضلت شهر الجلسات مستمره

بين يوم ويوم الجلسه مالتها حتى نشوف اذا تتجاوب بس بنهايه الشهر ما استجابت

فوتتها للغرفة ونامت وبس فتت اسبح وطلعت انشف شعري

رحت للغرفة شفتها ماكو لايالله سابين وينج خررب دورتها بغرفة عثمان ماكو

ركضت نزلت جوا شفتها بالمطبخ واكعه بالكاع وغركانه بدمها جانت مكطعه شرايينها ومنتحره

اتخبلت كمت اصرخ وادك والطم ولج شسويتي ليش هيج

ونفس الموال اخابر عثمان لو اتصرف اني خابرتو وطلعت اركض

صيحت الجيران بالشقق المجاوره النا وجو ساعدوني

طلعوها ويايه واخذتها للمشفى وعثمان ورا ساعة وصل عدنا

هم فاتت عمليات كاصه ايدها قوي خيطو ايدها وطلعوها ضلت 3ايام بالمستشفى وطلعناها

عثمان ...تخبلت من سمعت بيها جنت بالطريق اني لاربيل ودست بانزين معرف شلون وصلت الها

الازدحامات موتتني فتت اركض والهث اريد اشوفها والطريق كلو ادعي ياربي ساعدها نجيها يا الله يارب دخيلك

الدكتورة مسمحتلي افوت دفعتها وفتت لزمت ايدها الثانيه

ابوس بيها واتوسل بيها تفتح عيونها بس فتحي عيونج والله كلشي راح يتغير للاحسن

فتحي عيونج دخيل الله والله اعوضج الفات واصيرلج ام واب

((خلي نرجع بالاحداث شوية بس لتضوجون انتوا ردتوا توضيح الامور الغامضة وجواب لكل اسألتكم))

خابروا اهلنا من جنا بمشفى حديثه قبل لاننهزم لاربيل

وكالولهم بابا كلو ماعندي هالبنات ماتو من زمان لحد يزعجني

اريد اموت مرتاح همزين نهزموا وخلصوني من همهم وعساهم بالموت

طلعنا سابين من المشتشفى وعثمان ماقبل انها تمشي شالها ويمشي

حسيت بي مهتم بيها حييييل كلت بلكي ياربي تعوضها

ورجعنا للبيت شفت رجال اشكر عيونو عسليه ولحيتو حمره اول مره اشوفو مو من جماعة عثمان شافو عثمان جان يكلو

لا هلا بيك شجابك ولك

اركان ..افه عليك هيج تستقبل اخوك

وتين ..واااتتتتتت هذا اخوك بربك كول والله

اركان ...بما انج تحجين هذا يعني انتي وتين والي باقيه على الصامت سابين

وتين ..تقرب وسلم على سابين الي عثمان شايلها ميقبل يخليها تمشي

وسلم عليه جان ينزل راسو ويصير قريب من وجهي تشرفت بيج ست وتين

وتين ...الي الشرف بس ماتتشابهون شلون هيج صار الانتاج مالتكم

واحد اسود واحد اشكر اقصد الشعر يعني واحد ضخم و واحد ناعم شلون هيج

اركان طك ضحك وكال ....هههههههههاي صدك والله يعثمان مثل ما كلت ام لسان طلعت

عثمان ...انجب واكعد هناك لتعث البيت افوت سابين لغرفتها

وتين ...رحت ويه عثمان نيمناها بسريرها وطلعنا رجعنا يم اركان

حجي وسوالف طلع عثمان حاجي لاهلو كلشي فيعرفون بالقصة

اركان ...ابويه يكلك شوكت مقرر تفرج عن ولد عم فرقد واخو

عثمان ...كتلو ما افرج عنهم وكل ما اتعصب ابرد كلبي بيهم

هييييييج الا ان يسلم نفسو هالكلب اذا من صدك خايف على اخو يطلع

اركان ...بس انته ما الك حجه باحتجازهم ترى والمحامي مالتهم طلعهم

عثمان انتفض من مكانو وصرخ ...شنووووووو شوكت طلعووووهم

اركان ...اليوم طلعوهم صارلك شهرين محتجزهم

مرت الايام واحنا بطلنا نغير الدكاتره لسابين لان جانت حالتها تتازم ورا كل معالجه

وماتحجي للدكتور الشي الي صار وياها ولهذا متستفاد وعثمان ضل يطلعنا

ويحاول يغير من نفسيتها واهل تمارة ماقصروا ضلوا يدورون على فرقد

حتى اسايش اربيل دكوا اسمو حاسبة حتى يلزموا لو فات

بس عبث عبالك فص ملح وذاب ماكو اختفى وما طلع ابدددد

وعثمان كل يوم يمر يتخبل اكثر حتى صارت بي حاله نفسيه من ورى فرقد يهذي باسمو

صار شغلو الشاغل يلكاه وسابين مره تحجي وعشره تسكت

وحالتها هيه هيه بدون اي تحسن

اني كملت الدراسه المتوسطه والاعدادية والحمدلله نجحت واعين نفسي وسابين

ماريد ابقى عاله على اي شخص كافي فتت اول كلية وتعلقت ب اركان جثير

جان يجي علينه ونكعد ويا اني وسابين نحجي ونضحك

وسابين تتفاعل ولو بشويه ويا ونضحك وبيوم راد بابا يشوفني اني بهاي الاثناء مجان عندي اي تواصل ويا

جا عثمان وكال ابوج يريد يرجعج واضبط شي انو تزوجين اركان حبر على ورق حتى يسقط حقو بيج

هنا اني مقبلت اروح ولح عليه كال روحي لازم تخلصين منهم

حتى يخف الشغل علينه ونركز على طرف واحد

انخطبنا شكليات وعقدنا على الورق ورحت ويه عثمان واركان

وصلنه لبيت بابا دخلنه وانصدمت بشكلو

جان وجهو تعبان جثيير وامبين علي المرض اخذ قطعه منو

((طبعا مضى على بقائنا يم عثمان ٤سنوات احداث عادية ونفس الراحت ))

من رحت تكآبت من فتت للبيت جان كل ركن منو يذكرني بحادثه معينه

جان كلشي بي يخوف ومأساوي فتت شفت الما تتسمى كعدت بعيد عنها

هيه سلمت على عثمان واركان بس ماردولها السلام كلت لطارق نعم تفضل تريد تشوفني خير صاير شي

طارق بندم يحجي ...بنتي اريد ننسى الصار اني ماباقلي شي كم يوم ويجوز كم ساعه واموت

اريد ترجعين يمي وتسامحيني خليني باخر لحظاتي احضى بسلام وياج ونجيب سابين ونعيش حتى لو ساعة وحده بسعادة

هنا وتين طكت ضحك بحيث غصت وانكطع نفسها وكالتلو ...من كل عقلك

كول والله مليون مره حتى اصدكك انت بكامل قواك العقليه

لو ضربتك سناء على راسك او لحظه لحظه مو يكلك البشر يتلبسهم الشيطان

انت معرف يا ملاك تلبسك فجأة وطلعت منك كل هاي الحنيه

انت گلب ماعندك بربك بربك دا تستوعب الكلام الطالع منك

لو غاصب نفسك علي وبس تريد ترجعني حسيت نفسك خسرت جيس ملاكمتك

وكلت لازم ارجعها اتدرب عليها احجييييييي كوووول شي لييييش عيشتني هيج ليييييش ما انصفتونا

شنو هل تغيير المفاجأ لحضراتكم بعد العنف والضرب والتعذيب الي شفنا منكم

هسه جاي تريدنه نرجع اسرة وحدة متكاتفه ضحكتني عن جد ترا ميلوكلكم هذا الدور ..

هنا وتين اتهسترت وكامت تضحك وتبجي وانهارت اعصابها

ركض اركان ورجعني لورى عنو هدأت من نفسي شويه

ميفيد شما راح احجي ماراح يفيد هالناس ماعدها گلب ولاعقل يستوعب الاحجي

كتلو اني رجعه ما ارجع كامت نطت سناء وكالت

سناء ...مو على كيفج افتهمتي لو لا بنت عزبه وعايشه ويه رجال غريب بله اختج كح ....ة

ماتفرق تعيش ويه عشره ميهمها لتكونين تعلمتي منها تفووووو عليكم على تربايتكم

وتين فقدت اعصابها اتقربت منها وابتسمت ولزكتها براشدي قوي طبعت اصبايع ايدها ع خدها

وتين ..هيج طلعت بي كل حركه كلبي مال اسنين التعذيب رفعت ايدها تريد تضربني ولزمها عثمان

عثمان ...لهنا وبس ايدج هاي اذا مديتيها عليها اضمنلج انو ماتطلعين من السجن واضمنلج انو تعيشين بجحيم بي

سناء ...هه بصفتك منو بله فهمني منو انت حتى جاي تعلمني شون اتصرف ويه بناتي

اركان يتدخل بثقه ...وتين زوجتي وعثمان اخويه رائد بالشرطة والي يلمس مرتي ..اخويه اكيد ماراح يعديها الو افتهمتي

طارق انصدم ودحك ع وتين وكال ...شنوووو شوكت تزوجتي بنتي ليش مكلتيلي بعدج صغيره ليش تريدون تموتوني

وتين ...ريح واستريح موت محد بحالك هم اني بكيفي اتزوج اطلق براحتي

ليش من شوكت جان عندي السند الاستشيرو شوكت جان عندي اهل احتمي بيهم ويخافون عليه ويحبوني جاي هسه تطالب بحقك ك أب هه عشنا وشفنا

انتوا اثنينكم مجرمين لازم يعاقبكم القانون ع افعالكم الشنيعه بحق اطفالكم

طارق بحسرة اتنهد ودنك راسو حس بتأنيب الضمير

سناء وهيه اتصك ع سنونها بحقارة ...هو اصلا اني جنت غاسله ايدي منج من يوم الي انولدتي بي

جنتي مصدر ازعاج وعار هم طلعتي وتلومينا ليش ماحبيناج

ولج انتي زباااااله منبوذه حقي ماحبيتج وعذبتج ومثلت بيج تستاهلين ..وطكتها بضحكة

وتين خافت لاتفقد اعصابها اكثر لان شريط طفولتها ويه خواتها كلو مر من جدامها بهل لحظة كالت ...خلص وقتنا هنا يلا نمشي طلعت ورجعنا لاربيل

((تركنا الحمايه مصطفى وحميد ويا سابين بلبيت ))

جانو مخابرين على عثمان اكثر من مره بس موبايلو بالسياره اول ماركبنا السياره فتحو وخابرهم

عثمان ...ها خيير شكو حميد شصاير ضل بالي صار شي

حميد ...الحكنه سيدي البنت خنكت نفسها بالغاز الحكنه صار ساعه اخابرك وينك سيدي

عثمان بصدمة خلتو ميستوعب الكلام ...انت شجاي تحجي جاوبني شجاي تكول

انتو عجل شنو شغلكم لشنو خلوكم هاااا احجيييلي وينكم هسه بيها شي احجوا بيها شي

مصطفى ...حميد شو جيب الموبايل الو سيدي نعتذر منك جثيير تركناها نايمه

بس جانت قافله الباب على نفسها وردناها تفتحو ماقبلت

كامت تبجي وتصيح طلعو برا ماريد اشوفكم طلعو برا وتركناها بالغرفة

كعدنا بالصاله شمينا ريحة الغاز وركضنا نتفقد شصاير شفناها بالكاع

لحكناها للمستشفى وننتظر الدكتور يطلع من يمها محد يقبل يحجي شي

((طبعا محد يدري شلون عاشت سابين خلال فترة حجزها ابيت فرقد بقت هل فترة غامضه وسر مدفون ومنعرف شصا

ر بيها وشسووا بيها الي مأيسه من حياتها وواصلة مرحلة تريد تنتحر وتخلص من حياتها ..لكن بعدين عرفنا وراح نذكرلكم شلون عرفنه بمرور احداث القصة ))

نرجع بالاحداث ..

سابين ..جنت اريد انزل للطابق الجوا جان اسمعهم يحجون

حميد ...هيه هاي البنت الي اغتصبها هل مايتسمى الحيوان فرقد

مصطفى ...اي هيه بس والله حلوه متستاهل الصار بيها المفروض واحد ياخذها وبس يدحك عليها حتى اخاف ادحك عليها لاتخلص

حميد ...يبو لو الله قاسمها الي غير ابيع اهلي علمودها مو مرة ملاك وربي

سابين ...من سمعتهم هيج حجوا صرخت بيهم اييييي اني الي اغتصبوها اييييي

اني الي عذبوها ايييي اني الي دمروها اييييي عدكم اي استفسار هااااا احجو عدكم اي شي

تريدون تعرفووووو احجووووو وجان اركض اخذت سجين فواكه الجان جدامهم يقشرون بيها وطلعت اركض لغرفتي

رادو يجون ياخذوها مني وهددتهم اذا تقربوا اذبح نفسي

وصلت حاله هستيريه الكل تدحك علي هالنظره اواذل شي يخطر على بالهم هو الاغتصاب

تقربوا جثيير وكمت اصيح لاتتقربون ابقو بعاد عني لاتتقربوون مني

جان واحد يركض بيهم ولزم ايدي البيها سجين واخذها مني وطلع

اني ضليت اصيح وابجي والثاني يحاول يهديني بعدين سكتت

وكتلو اريد انام سويت نفسي نايمه وبس نزلو سديت باب المطبخ وعلكت غاز عيون الطباخ الخمسه

وخليت الغاز ينتشر وضليت قريبه منه حتى اتنفسو وشربت قاصر حتى فد مره اخلص هالمره

كافي عذاب تعبت ضليت فتره بعدين غفيت ما اعرف شكد مر وقت عليه بالمطبخ

كل الاعرفو الدكتور مخليلي اوكسجن ورجعت نمت

عثمان ...اني من فتحت خط وسمعتها بالمستشفى شخطت بالسياره

الطريق طويييييل من تيوان لاربيل بالقليل ٥ساعات او ٦ سقت باقصى سرعه

وتين تلطم وتكول ماتت الله ينتقم منك يا فرقد الله لايوفقك ياحقير

كلو صوجك شلون انهزم منكم شلون جان لازم تشدد علي الحراسه

نرجع بالاحداث شون نهزم فرقد

احمد ...قررت اني وولد خوالي وانمار ابن عمتي انو نطلع فرقد نسوي سطو مسلح ع مقر الشرطة ونهربو

امي ذبحت نفسها علي طلعو اخوكم طلعوا ونوب تتخربط علينا

اخذنا اسلحتنا وطلعنا بالليل وماجان براسنا نقتل احد

نستدرجهم لمكان اطلاق نار ومن يفرغ المقر نطلع فرقد تهريب

ونجحت الخطه نصنا صار بمكان واطلق النار والشرطه لحكتهم

والنص الثاني طلع فرقد نطيتو رزمة فلوس وكتلو وجهك لتشوفنيا فاهم

اختفي عن الانظار الا ان تبرد السالفه وفعلا اختفى فرقد فص ملح وذاب وماكدرنا نلكا ابد
....

عثمان ...طولنا يلا وصلنالها جان تنفسها حيل صعب واجهزه جثييره

والكلور الشربتو زاد الوضع سوء جانت تحتضر شنو اسوي

يربي ما كو تربطت ايدي ورجلي وفجأة جت على بالي طلعت تلفوني وخابرتها

وتين ...فتت مثل المخبلة اركض اريد اشوفها بس هيه بقت الي بهل دنيا

بس هيه انانيه لاتتركوني وحدي جنت منبوذه وبس انتو يمي لتتركوني ((لم نتعلم التاقلم مع محيطنا بقينا انطوائيين ))

شفت غرفتها بالعنايه اريد افوت فقدت والدكاترة يهدأون بيه

عثمان انهار ومجان يرد عليه اصيح علي كوللهم يفوتوني راح تموت

خلي احجي وياها بس تسمعني راح تقاوم وترجع عثماااااااان والدكاتره منعوني منع تام انو افوت

ونطوني مهدء اعصاب بس طولت يلا نمت ضليت يم بابها

ادحك عليها واكول راح تطلع تجاوزنا الاسوء من هل شي راح نتجاوزها محد راح يموت راح نعيش وغفيت واني افكر بهالشي

عثمان ...بعد مافدمره ايست من كولشي شلت تلفوني ورحت ليغاد

وخابرت صديقتي الدكتورة رنيم مره مرتين عدة مرات ماردت انوب الخط كام ينلغي اشتعلت بنار ياربي دخيلك

ولج ردي فدوة ردي ماكو ابد تالي دزيتلها رساله اتوسل بيها مسألة حياة او موت المهم اترد واستمريت بالاتصال

جنت مفزوع اريدها تعيش اريدها تتنفس وتعيش ويايه وراح انتقم الها

اول ماردت جان اول شي اكولو الها راح تموت تعالي ساعديها

الله يخليج رنيم تعالي راح تموت جاوبتني منو هيه اهدء كتلها تعالي هسه

وبعدين اشرحلج منو ابوس ايدج تعالي والله راح تموت راح تروح من بين اديه

وتين ...سمعتو يكول راح تموت طلعت وكوه امشي اريد اوصل غرفتها سابين ماتت وتركتني مثل ايلين معقوله ؟؟!!!

وللحكاية بقية .....

- اشعر بالعذاب كمن يشنق حياً كمن يموت حرقاً كمن يستأصل قلبه بلا مخدر كمن يعجز عن التنفس كـ سجين ليلة الإعدام كـ مسن اهلكتهه الأمراض كـ من يغرق حد الهلاك 💔

يتبع ....

#الانتحار

#بارت37

وتين ...سمعتو يكول راح تموت طلعت وكوه امشي اريد اوصل غرفتها سابين ماتت وتركتني مثل ايلين معقوله

عثمان ..رنيم الله يخليج تعالي اني اعوضج كل خسائرج بس تعالي

كالتلي موافقه باجر اجي بس لحيت عليها تجي اليوم الوضع ميتحمل تاخير اي ساعة

سديت التلفون وانتظر بالمستشفى بيأس رجعت
خابرتني رنيم كالت

رنيم ...راح اوصلك باجر اذا ماتاخرت الطيارة

عثمان ...رنيم فدوة ليش باجر

رنيم ...ماكو طيارة للعراق مباشرةً راح اطلع لتركيا ومناك لبغداد وين الاكيك بس اوصل اكو فد نقطه معينه نلتقي بيها

عثمان ...لا اني اجي اخذج من توصلين اني بالليل اطلع لبغداد زين لتتاخرين باي

اخذت اذن من الممرضه كتلها بس خمس ثواني اشمها واطلع الله يخليج وافقت

وكالت بسرعه اذا احد شافك اني راح اتعاقب والزم خفر

فتت شميتها بكل قوتي خفت لا تتركني خفت مرت ٤سنوات وهيه تحت عيني

اتعلقت بيها جثيير وصارت قضيتها قضيتي واتحديت الكل ع مساندتها وانقاذها من الي هيه بي

وكل يوم حبها يكبر بداخلي عن يوم القبلو بس للاسف تفاعلها قليل حيل وياي

مو بس وياي ويه اي رجل تفاعلها قليل ويا حقها المرت بي مو قليل

اعذرها واكول لنفسي اصبر كلشي راح يتغير وسابين الي تخاف منك وتتجنبك

راح تعشقك بست ايدها وخدها وهمست باذنها اعشقج وراح اعلمج شلون تعيشين وشلون ترجعين تحبين الحياة وعد مني الج وطلعت

صارت تحدي بيني وبين نفسي لازم انقذها لازم

خابرت على اهل تمارة وكتلهم الصار ردتهم يبقون يمها هيج اامن اتركها يمهم وطلعت بالليل لبغداد

اول ما وصلت رحت انتظرها يم المطار صارت سنه هالكم ساعة

جان انتظار حارك للاعصاب واكز على سنوني ومتحلف الكا هالحقير فرقد الي دمر حياة هل وردة

خابرت جماعتي وكتلهم دورولي علي اريد تخلقولي ايا جدامي بمده اقصاها اسبوع فهمتوا جيبوا هالحقير

ماراح اقدمو لا لقضاء ولا محكمة راح اسلخ جلدو عن لحمو بيدي واكسرلو عظامو عظم عظم

جت رنيم جنت شارد وافكر اشرتلي ما انتبهتلها معرف شلون صحيت من شردتي ودحكت عليها

جانت كبالي وتاشر رحت ركض اخذت جنطتها وصعدنه بالسيارة حجيتلها مقتطفات ماتعمقت

لان ردت اكعد كعدة وياها واخليها تشوف سابين بعينها

ووديتها لبيت اهلي ..اهلي عدهم بيت ابغداد ارتاحت ساعه

واخذتها بوجهي لاربيل وبالطريق حجيتلها كلشي باختصار

جانو مطلعين سابين من المستشفى تعصبت وكمت ارزل بيهم

جان تجي وتين وتكول نصي صوتك سابين دا تموت اخر لحظات حياتها هاي

واصرت انها ماتريد تموت بالمستشفى ورجعناها للبيت

كمت الطم يربي شدا يحجون هذول انوب هاي اختها هم جنت ع الاخر وفقدت عقلها

رنيم ...وصلنه لاربيل
انتبهت على هالبنت ((وتين)) جانت ضعيفه نعومه قزومه وحلوه مراسيمها

وجانت تحجي عادي انو اختها سابين راح تموت

الله اعلم شنو الظروف الي مروا بيها حتى خلت ذكر الموت على لسانها يكون بهالسهوله بدون ماتتاثر

كتلو عثمان كولي وينها اريد اشوفها

وتين ...ومنو انتي بلا زحمه ؟

رنيم ...اني الدكتوره رنيم الي راح اشرف على حالة اختج وتتحسن ان شاء الله

وتين بيأس ...هه خلي تعيش بالاول بعدين اشرفي عليها

الحيوانه ماتقبل تعيش لخاطري طبعا منو اني بالنسبه الها قابل توأمها اكيد لا

فتت لغرفتي وشفت رسالتها جان نصها كالتالي

((خلقنا من الفوضى لم نتعلم اساليب العيش الحضاريه كنا كمن فقدوا ذويهم واصبحوا مشردين واجبروا على الخضوع لتدريبات سريه تجعل منهم قتله محترفين نزعت الرحمه من قلوبنا لم نعش كبشر كما لم نعش كالحيوانات مررنا بالاسوء والاسوء من الاسوء لانزال احياء ماذا يريد مني الهم ماذا يريدون مني هل اذيتهم عندما ولدت لم نستحق ان نعيش هكذا انا راحله كتبت بالفصحه لان حسيت انو اريد اكون بشر باخر لحظات حياتي احبج جثييييييير وتين عيشي الحياة الحياة الي نسلبت منا عيشي واستمتعي واحنا اذا شفناج مستمتعه راح نستمتع احبج سامحيني باي ))

وهاي الي بالاسفل 👇👇صورة الرسالة الحقيقية من شافتها وتين وكتها شككتها من قهرها وعصبيتها بس رجعت رتبتها وضمتها ودزتها هسه الي

وتين ...جان اهتمام عثمان مو مبين بسابين بس بعد هالحادثه بين اهتمامو بيها اكثر واكثر

جان يطلعها جثير ورنيم تعرفت عليها حبيتها جثيير جانت انسانه مثقفه حيل وتتفاهم ويه المقابيلها بسرعه

حتى اني كمت احجيلها وافضفضلها بقت شهر يمنه بنفس البيت وتعالج بسابين تحسنت شوييييه اختي وياها

رنيم ...جنت ادري راح اتعب بعلاج سابين لكن ما ايست اتحديت نفسي واصريت ع علاجها

لان شفتها بنية مسكينة عانت جثييير بحياتها وهيه بعدها بعمر الورد

جان وضعها سيء كلش من شفتها بس وضع عثمان جان اسوء

وفاقد للامل جنت اريد افتهم الوضع على البطيء واستوعب الصاير وياهم

حتى وصلوا لهاي المرحله لهذا انتظرتها تتحسن شويه وكبل بديت وياها

بس جانت مرحلة صعبه جدا وهيه هم جانت فاقده الامل انو تعيش

جانت محطمه نف

سيا فوتتهم كلهم للمعالجه سابين ووتين وعثمان

بس مو سوا كل واحد وحد وكتلهم اريد تحجولي الصار وياكم بالتفصيل

ما واجهت صعوبه مع وتين وعثمان بس سابين جانت كلش صعبه جانت شبه ميته بس النفس يصعد وينزل

وتين حجتلي من جانت صغيره لحد ما وصلت الها الصار وياها

(( انتبااه كل الي راح ينذكر هسه من سجلات الدكتورة رنيم وتسجيلات الصوت للجلسات النفسية ))

ونجي لاقاويل عثمان

رنيم ...اي عثمان اريد تحجيلي بالتفصيل الممل وماتنسى اي تفصيل

كلو راح يكون مهم افهم منو الصار ويه سابين واساعدها شكد تساعدني انت ووتين اساعد سابين بالمقابل

عثمان ...اوك رنيم المهم تتحسن سابين ابدي وياج من شفتها اول مره على الجسر

((وسولفتلها كل الي صار بهذاك اليوم ))

وبعدين اعتقلت فرقد وسابين وفرهاد ..

فرهاد وديتو للمشفى وفرقد حجزتو بالمقر (( وسولفتلها الي صار بذاك اليوم بالتفصيل ))

بعدين انهزمت سابين ووتين وفرهاد لحكناهم وماكدرنا نفوت لاربيل بحكم انو احنا دنلاحق كردي بس كدرت اندل بيتهم بحكم شغلي ((وهنا هم سولفتلها كوول الي صار ))

رجعت مفول على الاكراد وهذول شلون ما معتبرينا وماضلت هيبه النا

ينهزمون من عدنا وهمه اصلا متصوبين الفشله الحصلتها والرزاله من ابويه سودت وجهي

رجعت للبيت متخبل فتت سبحت وبدلت داطلع

ام عثمان ...تعال يمه اكل لكمه تاخرت بشغلك اليوم وين جنت

عثمان ...ماريد يمه عندي شغل والله مالحك

ابو عثمان ...عثمان خابرني ابو احمد وكال انك محتجز ابنو

عثمان ...اي ابويه صحيح موجود يمنه

عثمان ...ابني هذول ناس نعرفهم من زمان واني علاقتي بابوهم قبل لاتكون بيهم

ماريد اسود وجهي وياهم ترا فضلهم كبير علينه ابني لفلف السالفه وطلعو ابو احمد خوش رجال ماريدو ينضر

عثمان ..استغربت ابويه هيج يحجي شبي هذا يالكعبه

كتلو ياب شبيك شدتحجي انت ابنو متهم بجريمة قتل مستحيل الفلف السالفه وعلا عنادهم راح الزمها اني وصديقي

وسبع البيهم اليكدر يطلعو من بين اديه

‏ابو عثمان ...عثمان لاتكسر كلمتي

عثمان ...مادرت بال وطلعت وطبكت الباب قوي وكلت اليوم اكضي التوبه بهالكلب والله الا اخلي يحجي كلشي

مصطفى وينك

مصطفى ...نعم سيدي

عثمان ...جيب هذا الكلب فرقد لمكتبي

مصطفى ...حاضر سيدي
رحت جبت فرقد واستأذنت سيدي

عثمان ...فوت مصطفى

مصطفى ...هذا فرقد سيدي

عثمان ...اي يا فرقد تفضل احجيلنا مشكلتك ويه هالبنات النهزمو والرجال والوياهم

فرقد ...سيدي اني مظلوم والله هاي زوجتي وخطفوها مني والرجال ما اعرفو ساعد بخطفها

عثمان ..والبنت الثانيه

فرقد ..البنت الثانيه اختها جانت تريد تخرب زواجنا بشتى الطرق

ومن ماكدرت التجأت للخطف ويجوز فكرت تهددني انو لو اطلقها لو تقتلها

عثمان ...شنوووووو مصلحتها تقتل اختها البنت وضعها جان مزري هل جان هالشي بسبب اختطافها من قبل فرهاد ووتين

فرقد ...اي سيدي همه خطفوها ولمن رادو يهربوها شفتهم ولحكتهم وصار الي صار

سيدي وجان دفاع عن نفسي وعرضي لان هالرجال جان شايل مسدس

عثمان ...بس زوجتك يا استاذ جانت خايفه على اختها ماجان باين انها مخطوفه من قبلها ..

وجان بهل لحظة كمت وانفض وجهو براشدي فريت راسو فر

صرخت بوجهو وكتلو ولك تجذب علينه عليمن تضحك بكلامك قصتك الطفل مايصدكها

احجي لا اكفر بييييك يلااااا لصبري حدود ترا احجييييي

ونزلت بي دك كتل شوهت ملامح وجهو الا فكو مني مصطفى وطلعو برا المكتب

رنيم ...زين كمل شصار بعدين هل اعترفلك فرقد بالسووا بسابين

عثمان ...لا طبعا ما اعترف

رنيم ...اي وشلون خليتو يعترف عجل

عثمان ...سهله يارنيم فكري بيها جبت ابو وهنتو كبالو وماتحمل فرقودي هالشي

كام يصيح ويهين ويغلط وكل مايغلط اغلط بحق ابو اكثر صار يرافس بمكانو

وابو رجال جبير ماتحمل الضرب والاهانه فقد وفرقد اعترف بكلشي سوا

رنيم ...اي احجيلي بالتفصيل شنو سوا بيها

عثمان ...شي يوكف عقلج يارنيم صدكي محد يستوعب كم الوحشية الي بداخل هذا المخلوق سوايتو حتى اليهود ماسووها

هذا الكلب اخذها وتزوجها غصب
او بالاحرا مو غصب بس اتهمها بشرفها وعذبها 3 سنوات هيه تحت التعذيب والاهانه

بعدين وتصوري صديقو الروح بالروح وايصير ابن عمو اسمو يزن قتلو مات من اثر التعذيب

رنيم بصدمة ...شنووووو القضيه بيها قتل ياربي دخيلك شلون قتلو زين همه ليش تهموها بشرفها

عثمان ...قلة عقل ودين يارنيم جنت احقق ويا جان مختل عقليا

باحد الايام حجالي وجان يضحك ويكول لو يرجع الزمن اعيدو واسوي اكثر سالتو شلون قتلت يزن جان يسولف ويكول

فرقد ...هههههههاي ماتحمل بيدي دفرتين جوعتو الا ان نزل وزنو وصفا بس الجلد والعظم وصرت اشوف كلشي بداخلو

اجيت بيوم وضليت اضرب بي واضرب بي الا ان دميتو وكلب وجهو الوان

صار يتشاهد كبالي جان منظرو الاتحفه ..بس سيدي اني مسويت ش

ي اني بس علمتو انو مايتجاوز على شرفي

لو انت بمكاني شتسوي اصلا جان قليل بحقو الي سويتو بي

ضربتو على راسو بالرشاش مالتي مثل مايضربون كره البيسبول

وطفرت الدم من راسو ووكع ولفظ انفاسو الاخيره

وسابين سويت بيها العمايل اذا اعددلك ماتخلص

عثمان ..هنا من جان يحجي كوه لازم اعصابي عنو بس ردتو يحجي ويكول الي عندو والا جان دفنتو بالكاع الواكف عليها

رنيم ...اووووف كمل عثمان اسمعك

عثمان ...جان يحجي ويتمتع بالحجي ويتفاخر

فرقد ...ويجوز انسى كم شغله حرك وحركناها بزيت مغلي ضرب وضربتها ودميتها وشغل وشغلتها مثل الخدامه كسرت ظهرها بالشغل

هم مره فوتتها على جماعتي ونزعتها كل ملابسها وضلت صافنه البنت انصدمت من المستوى الي وصلتلو

تسالني بعد ايييي اييييي اغتصبتها بس ما وسخت نفسي ما قربت منها بعودة الماسحة من اسفلها فوتتها بيها وضليت افوت بيها الا ان مزقتها وفقدت

جانت ايام حلوه قضيتها وياها ها نسيت مره ضربتها بحزامي زوركت وجها وجسمها

بالاضافه للضرب الجانت امي تضربها وتهينها هاااا جانت اخليها تغسل هدوم بنص الشتا

وايدها تجمد من البرد واول ما تكمل اخلي ايدها على الصوبه واستمتع وهيه تتوسل اتركها

رنيم ...جانت دكه ما استوعبتها هل اكو هالوحشيه بالعراق وصلنا لهالمرحله معقوله زين اهلها وينهم عنها عثمان فهمني

عثمان ...اعتقد تبروا منها لان من تواصلنا وياهم من جانت بالمستشفى رد علينا ابوهم وكالو ماعدنا هيج بنات لان بناتنه ماتن

رنيم ...لاحول ولاقوة الا بالله طبعا بحكم عاداتنا المتخلفه ما استغربت

عثمان ...رنيم اريدج تحاجيها لسابين لان كل الدكاتره الوديناها الهم ماحجت كلمة وياهم

ضلت ساكته وهاي صارلها 4 سنوات عايشة بصدمة وصمتها دمرني حاولي وياها انتي عندج طرقج الخاصة الله يخليج

رنيم ...اطمن عثمان عوف الشغله عليه اطلع انت وخلي سابين تجي

فاتت سابين كمت لزمتها من ايدها وجبتها كعدتها كبالي

وبديت اسالها اسمج شنو ماردت شكد عمرج ماردت

ضليت اسالها عن طموحها ماردت حاولت ابدي بشغلات ايجابيه واشوف تفاعلها

ماجانت اكو نتيجة وهيه بس تهز بجسمها وفاتحه عيونها ع وسعهن كمت احجيليها عن نفسي حاولت اتقرب منها

حتى تامن بيه حجيتلها عن عائلتي حجيتلها عن بيتي بلندن حجيتلها عن جثيير امور

شوفتها صور خلابه اني ماخذتها بعدستي وجانت مهتمه

وتعمدت اثناء ماجنت اشوفها صور اشوفها صورة لملاك سماوي ابيض

حتى احرك ذكرياتها ومشاعرها واخليها تذكر توأمها لان جانت بدون ملامح وبدون مشاعر

شافت الصوره وضلت تدحك عليها هنا نطقت وسالتني هاي وين بلندن؟

جذبت وكتها وكتلها اي بلندن بس اني جايبتها من النت

كتلها عجبتج هالصوره سابين ؟

سابين ...لا

رنيم ...ليش ؟

سابين ...كلها نفاق

رنيم ...شلون يعني علوا تفهميني !سابين !ساااابين بعدج ويايه

سابين رفعت راسها ودحكت ع رنيم وكالت ...اي اي بعدني

رنيم ...ليش ماحبيتيها

سابين وهيه نظرها باتجاه واحد مثل الي فاصل من الدنيا جاوبتها ...مااعرف

رنيم ...زين هل ذكرتج بشي هل اشارتلج بشي

سابين ...لا

رنيم ...زين احجيلي انتي شويه عن نفسج اريد اتعرف عليج اذا ممكن

سابين ...ليش تريدين تتعرفين

رنيم ...حابه نكون صديقات ونوثق ابعض نطلع سوا نفوت سوا نسوي اجتماعات نوم تعرفين شنو يعني اجتماع نوم

سابين ...لا ما اعرف

رنيم تاخذ ايد سابين وتمسد عليها بلطف وكالت ...يعني اجتمع مع صديقاتي نتعشى ونكعد نحجي الصار ويانا خلال الاسبوع الفات

و نسهر ونشوف افلام سوا ونام كلنا بغرفة وحده نفرش بالكاع شرط وكل اسبوع تصير ابيت وحدة من عدنه شنو رايج

سابين ...اممم شنو تستفادون من هالشي

رنيم ...امممم خوش سؤال نضل قريبين من بعض ونخفف من ضغوطات الحياة والشغل

وننسى همومنا هم وكلشي سيء صار ويانا نحجي نضحك نبجي نسند بعض بهيج شي

مانحتاج للعائله نحتاج لصديق فقط يسالنا شبيك شبيج ونجاوبو بدون اي حواجز

يشعر بوجعنا وياخذ نص الوجع عنا !شنو رايج تحجيلي وانصير اصدقاء

سابين سحبت ايدها من رنيم ونفرت وكالت ....لا ماكو شي اسمو اصدقاء

الكل يتخلون بلحظه ..علاقات الدم ما دامت يمنا ف شلون راح تدوم الصداقة

رنيم ...كانت اول جلسه كلش ايجابيه متوقعت تتفاعل ويايه وتنطق هالشي كلش زين

اذا استمرينا بهالشي كل يوم راح تتحسن بظرف شهرين بالجثير

طلعت جان يستلمني عثمان ها بشري هزيت براسي وطمنتو راح تتحسن اريد وكت بس

مر اسبوع كلت ابعد فترة المعالجه الثانيه حتى لايصير عليها ضغط نفسي وتتازم حالتها

بالجلسه الثانيه جانت ترسم ما انتبهت لكلامي الي جنت احجي وياها من كملت رسمتها طلبت منها انو اشوفها

ممكن سؤال سابين

سابين اي سالي

رنيم ...شنو معنى هالرسمه

سابين ...اممممم ليش مامفهومه بالنسبه الج

رنيم ...احب اسمع تفسيرها منج كل شخص يفسر شكل واريد اعرف تفسيرج الها

سابين ...اممم هاي ايد دا تغرك و وصلت للقاع

رنيم ...زين سابين ليش رسمتيها بشنو حسيتي من جنتي ترسميها

سابين ...كلشي تخيلتها هيج ورسمتها

رنيم تحاول تسحب منها الكلام ...تريدين تحجيلي عنج ؟

سابين ...شتريدين تعرفين

رنيم ...اي شي احجيلي اي شي

سابين ...ما اريد احجيلج ما اعرفج

رنيم ...امممم زين تريدين تعرفيني

سابين بيأس ...لا

رنيم ...بالجلسه الثانيه جانت عدائيه باجوبتها وهالشي جان سلبي حاولت وياها بس ماتغير شي

وراها بيومين وبعدها ب ٣ايام وبعدها بأسبوع كررت الجلسات وجانت كلها سلبي

بس بيوم خابرتني من موبايل اختها اريد احجي وياج كبل بدلت ع السريع واجيت لبيت عثمان وحجتلي

سابين ...جان التوقيت مسائي المغرب تقريبا تقرب مني ولد ما اعرفو وحاول يتحرش بيه دفعتو دفعتو مافاد

جنت اريد انهزم بس جان لازمني بقوه وغارز اضافرو بيه

رنيم ...اي اسمعج كملي

سابين ...كلشي انقلب معرف شلون صرت اني متهمه بالزنا مو منطقي و ويه منو ويه صديقو لروح بالروح واخو

مع انو الولد مجان نفس الي تعدى عليه ومعرف هذا شلون دخل بالقصة وكتها

رنيم ...منو صديقو

سابين ...يزن ابن عمتنه

رنيم ...الي مات

سابين ...اي

رنيم ...كملي حبي بس لاتضغطين على نفسج

((هسه راح نرجع بالاحداث لذيج الايام المشؤومة حتى ترويلكم سابين شنو الي صار وياها بذاك اليوم والي جانت الاحداث غامضه وسر مدفون محد عرفو اله بهل يوم من رنيم سوتلها جلسة وروتلها كل الي صار وفضحتهم ))

فرقد ..((من اغمى ع سابين سحلتها للشقة مالتي فوتتها للغرفة وقفلت الباب عليها كعدت شويه بالهول افكر اني ليش بليت ((بلاء يعني ))

يزن اصلا ماشفت وجهو بس هوه يحبها لسابين وهالشي واضح من ملامحو

اول ماجت والتسجيل هم جان بصوتو ونفس الملابس

وماجان بالبيت من شفت سابين ويا بس هوه ليش رجع للبيت بعد ما ركضت ورا ليش شنو الي ابالو بشنو جان يفكر

يربي يمكن غلطت من سويت هالصوره لالا ماغلطت خليهم يستاهلون جانو يتباوسون بالبستان

الله اعلم وين واصله علاقتهم قليل بحقهم السويتو افتر واحجي ويه نفسي

اووووف ربي يمكن بردت الغرفه فتتها جانت ثلج اااااااخ ربي

بس لو جاره عدل ويايه جان عيشتها ملكه خليها تستاهل الحقيره

قفلت الشقه ورجعت لبيتنا وجان اشوف الحقير جدامي ردت اطلع بروحو الكلب

يزن ...فضوها وخلصوني طالما هيج الكل متفق خلي يجي يطلع روحي وتفض

هذا حال اليتيم تعال تعال فرقد جيت بوكتك يلا تعال شتنتظر

تعال اضرب كسر سب ونعل اني الي شفتني بالبستان مو

غرييييب شلون ماشفتك اني طلعت بيومها حتى اجيب اراده لان اتصلت بيه

جانت واكعه متاذيه ويوم الافوت للبيت احصلي بوكس معدل على شنو ما اعرف

واكتشف نفسي زاني ويه خطيبتك خوووووش سيناريو متوقعتك مؤلف محترف

فرقد صرخ بوجهو ...انجب ولتطول لسانك ياكلب

يزن ...وووووينو هاااااا وينو لساني الطويل هاااااااا متسبع علينه

طول عمرك اعتبرتك اخويه هيج تتبلى عليه ولك حقييييير تلبسني تهمه ما الي ذنب بيها

فرقد ...وهذااااا شنوووووو هذا مو صوتك مسجل هااااااا

مو انت التكول فرقد مايستاهلها لو يمي اعيشها ملكه كوووووول

شنو هذا مو انته هم هنا اني متبلي عليك احجييييي

يزن ...هنا جمدت بمكاني ونصدمت معقوله هذا شجابو اله ومنو سجلو

اصلا جنت اشاقه وكتها جنت ضايج من تصرفاتو ويه سابين لهذا حجيت

بعدين صفنت وتذكرت اني حجيت هيج بس لاراده

مستحيل هاي اختي معقوله ما استوعبت شي دحكت الها جان تنزل راسها

عرفت انو هيه مسويه مشكله لا شنو مشكله ملوصه ومسوية كارثة كلت خلي ارجع للبيت واطيح حظها

شو امي وانمار طلعو واراده جت همست باذني اني اعتذر منك جثير بس اتمنى تسامحني راح احل كلشي
.....

سابين ...من مشت السيارة وعافوني اهلي يم هل مجرمين حسيت روحي انقبضت عليه

اختنكت وبلاعيمي صارت توجعني وين رحتو وتركتوني ويه هالوحوش

بعدها السيارة ما غابت عن عيني جان انسحل من شعري وفوتني فرقد جوى البيت

وكام يدفر بيه برجلو واني معرف اضم وجهي لو بطني لو ظهري لو صدري

عبالك يهودي يضرب بلا وجع گلب وليش احد كلو كافي شدا تسوي بيها

بس نواره عمة بابا خطيه كامت تصيح علي وتدفع بي وتضرب بي

وتكولو عوفها الله لايوفقك لا بيبي ولاهاجر ولاحتى احمد حجو شي

فقدت الوعي بسبب الضرب وراها من صحيت شفت نفسي بالشقة بغرفه ظلمه

نايمه على الكاع وجمدانه من البرد شفت ضوه من جوا الباب

رحت دكيت طلعووووني الله يخليكم بيبي الله يخليج تعالي طلعيني

جان اسمع واحد دا يمشي وصل للباب وفتح القفل رجعت لورى وهذا فرقد

استغربت يربي بكلبي ماليه حيل انضرب بعد يربي هوه يتقدم واني ارجع لورى شحط الكرسي وكعد

فرقد ...اييييييه يا ست سابين عبالج الشغله راح تنتهي مو هههههه

والله يا روحي بعدها باولها كل هذا بعد ماشفتي شي بعد الجاي اعظم وادهى

سابين ...اني مجنت منتبهه على الغرفة شنو بيها

اول ماكعدت رحت ليم الباب جان ياشر على زاوية الغرفة

وكال هذا هم بعدو مشاف شي دحكت

ولني هذا يزن

تخبلت لا يالله هاي شصاير بي الولد عزززة العزاني

وجهو كلو دم وعيونو مضروبه وارمه زركه يربي وراسو ينزف

كمت اصيح على فرقد انت شسويت بي هذا راح يموت وتبتلي كوم طلعو للمستشفى

فرقد بضحكة استهتار ...لا حبيبي انتي ..وتقربت منها ولزمت شعرها وجريتو لورا قوي

وكتلها لتخافين اهلو تبرو منو مثل ماتبرو اهلج منج

ثنينكم صرتوا يمي وراح العب فلقه بيكم صبروا وشوفوا راح انفذ المثل اليكول اجرح وداوي

يزن ...من صارت المشكلة بيني وبين فرقد ردت اطلع ويه اهلي جان انضرب بوكس على وجهي

كمت تعاركنا اني وفرقد واحد يضرب الخ بس جا احمد هم ثنينهم صاروا عليه

ولمن جنت اريد افك نفسي نضرب راسي بالمغسله وفقدت الوعي وماحسيت على شي

الا لمن صاحت سابين سمعتها وكعدت شفت نفسي بغرفة مكلبج ومربوط على الحايط

هاي شنو بيا زمن احنا ماكو نظام ماكو قانون رفعت راسي فرقد وسابين كبالي

سابين ...فكو فرقد والله العظيم مجان نفسو الولد بالبستان

حرام عليك ما مسوي شي يزن والله الولد ظلمتو فكو الله يخليك هذا اخوك مو صديقك عوفو

يزن ...لتتوسلين بي سابين عوفي الشيطان ركبو ما ضلت اخوه ولاصداقه بيناتنه

صارت مافيا وعصابات وتعذيب عوفي عوفي خلي نشوف وين راح يوصل

بس قسما بالله يا فرقد اذا طلعت منا راح تشوف جهنم بعينك والله

وانعل ابو اخوتك لابو العشره الضيعتها وياك يا مفتري يا متخاف الله

اذا انته رجال فكني مو تلتم انت واخوك عليه يا سافل

فكني ولك حقير ماتستحي مستكدر عليه بعون اخوك ولك تفووووو عليك وعلى اصلك السز

فرقد يضحك بخبث ورعونية ويكول ...اهدء ابو الشباب حبيبي لاتتسبع جدام حبيبتك

واما اذا مفكر تستفزني غلطااااان حبيبي اني محد يكدر يستفزني

على الاقل مو شكولك هاي اما بالنسبه لجهنم التحجي عنها صدكني اني الراح اشوفك واضوكك اياها

وجهنم ارحم الك من الراح تشوفو وانتي هم مشموله ست الحسن

اني تلعبون عليه من ورى ظهري ومستغفليني وتروحون تتحاضنون بنص البستان وكاضيها بوس وحبجيات تخسون والله ماعاش ولايكون الي يستغفل فرقد

سابين ...كمت ادفع بي واصيح علي انت واحد مريض

حرام اذا انت صاحي انت شيطان بهيئة بشر

واذا جنت شيطان يعني شراح تسوي لزم فكي قوي ومردو بيدو جان يكول

فرقد بغيض ...حببببيتج ياحقيره تعرفين شنو يعني حبيييييتج

من جنتي صغيره ياحيوانه من صغرج وانتي كاعده ومتربعه بنص كلبي

وحتى زواجي هذا الي جذبت بي عليج كتلج بس على الورق

بس الحقيقه اني بداخلي اريدو يستمر ويصير حقيقي وبالاخير شلون جازيتيني هاااااااا

شلووووووون احجي لو لامه ملابسج ومخليه الحلقه وطالعه

جان اهون عليه بجثييييير بجثيييييير لعبتي بيه وبمشاعري وبشرفي وخليتيني مثل الاثول يمج

ليييييش ومنو اختاريتي هاااااااا كلب حقير مامعروفه صلعة ابو منين منو الحقير الي اختاريتي هااااااااا

سابين ...كمت اضحك بهستيريه على الوضع السخيف الاني بي

اهلي تبرو مني وهذول الفكرت اني اعرفهم طلعت ما اعرفهم بيوم لا بساعه وحده كلها كلبت عليه

ضليت اضحك جنت مختنكه والضحك هو الشي الوحيد الصار رد فعلي لهذاك اليوم

واما فرقد ويزن ملامحهم الجانت كلها استغراب من ضحكي ضلو يدحكون عليه

اعتذر منكم بس مكدرت اتحمل وانفجرت بالضحك اسفه بس انت واحد مريض فرقد

لازم تتعالج صدكني انت لو مخبل لو ممسوس ماكو خيار اخر واليكول عنك عاقل هذا هم مخبل مثلك

لزمني من شعري وكام يصيح وعيونو تطافر نار وشرار اني ابتسمت كدرت اعصبك هااااا

اشو عصبت لازم معجبك الحجي اي اي صحت ايييييي انت مخبل مو صاحي وهذا هو السبب الماخلاني احبك

منو المخبله التحب همجي ومتوحش مثلك جنت اعرف نفسي راح انضرب بسبب بدون سبب راح انضرب

على الاقل خلي اهينو شويه حتى يكون اكو سبب للضرب الراح اكلو

بلكت هم يقوي ايدو من يضرب وتطلع روحي واخلص

شنو من عيشه عشناها احنا هم نعتبر عشنا حالنا حال البشر

كام يصيح اني مخبل ولجججج احجي عييييدي الكلتي

ايييي ايييي انت مخبل مو صاحي انقهر عليك اصلا انت ماعندك عقل

او انت جنت غايب وماحصلت عقل براسك هذا اذا يفتحو يلكون بي نعالات مو مخ ودماغ نعااااالااااات واضحك بكل قوتي

جان يضربني بوكس على بطني خلاني استفرغ ورجع رفعني من شعري وضل يضربني راشديات

الى ان انشكت شفتي وكامت تطفر دم واني بهذيج اللحظة عبالج احس بشي

لالا ماجنت احس باي شي ولاجنت اصيح جانت الضربات تجيني

واني الله وكيلج ما صحت بس دموعي تنزل من الوجع

دكتورة رنيم ...اهدي حبيبتي اذا تريدين نتوقف شوية حتى ترتاحين

سابين ...هههه لاااااا دكتورة لااااا عليش نتوقف خليني احجيلج كولشي شفتو بحياتي

رنيم ...ماشي حبيبتي هاج شربي مي وكملي


وللحكاية بقية .....

‏عندما ترى كوابيسًا في نومك تستيقظ، وعندما تراها في يقظتك تنام.

يتبع ...

#الانتحار

#بارت38

...................

رنيم ...ماشي حبيبتي هاج شربي مي وكملي

سابين ...شربت مي وكتلها الشي الوحيد الماكدرت اتحكم بي واضمو بذاك اليوم

هيه دموعي بس ورى فتره هاي هم تاقلمت والدموع ما بعد تنزل

انهان وانضرب واشتغل مثل الحماره الخدامه احسن مني وما ابجي ولا اتنهت صرت بين قوسين جثه تنتظر تتوقف عن الشغل وبس ..

وضل يدفر بيه وداس حتى على راسي ويفرك بي قوي بالكاع

جان بالاخير قبل لايطلع دفرني على وجهي احس خشمي انمرد وفعلا هو انكسر

كمت اتلوى من الوجع بس بنفس الوكت ما ابجي بس اتمرغل بالكاع

واسمع يزن يصيح علي عوووووفها ابن الكلب

الله لايوفقك عووووفها يا مراه انت هم حاسب نفسك رجال

ياحقير تعال اعلمك الرجوله يا جحش والله ازوعك العافية

اتنهد فرقد واتقدم يم يزن وتفل بوجهو وضحك وراح ع سابين وكال ها اني مخبل مو هو حقج محد يعتب على الخبل

وشما اسوي بيج اني خبل محد يدخل بيه تونسي هسه وبعد ساعه ارجعلج ماتأخر

سابين ...طلع فرقد ويزن الجان مربوط مايكدر يتحرك ضل يصيح ويصرخ بعلو صوتو

يزن ...ساااااااابين احجيييييي شي سمعيني صوتج لتسكتين

شنو من بشر انتي تعرفي متخبل ليش استفزيتي ولج ليييييش سابين تعالي فكيني

خلي اطلع انعل سلفه سلفا سااااابين داحجي وياج تعالي فكي رباطي

سابين ...جنت متمدده على ظهري ولازمه خشمي واحس بي مو طبيعي صار

جان حااااار حيييييل وينزف ماتوقف النزيف خليت ايدي على عيوني والثانيه على خشمي

وكتلو يزن انت شلون فتت هنا شلون وصلك هالافتراء

يزن ...بس كوليلي شلونج تعالي خلي اشوفج وجهج كله دم دتعالي ولج

سابين ...هههههههههههه ضحكت بحرگة گلب كتلو لتخاف ميصير بيه شي ..مامتت يم سناء وماراح اموت يم فرقد

يزن ...شدا تحجين انتي معقوله كل هالضرب وبعدج تضحكين

سابين ...كمت اضحك وابجي بنفس الوكت مره اضحك مره اشهك بالبجي

صيحت على يزن شنووووووو ذنبي اني هااااااااااا ليييييييش لييييييييش حظي ذبني لهالعيله لييييييييييييش

بس جان كلشي مخربط بيه رجعت سكتت وحجيت بهدوء

تعرف مره متت من جنت صغيره بس الدكتور الغبي بالكوه رجعني للحياة

لو يعرف الشي الي انعاني منو مجان رجعني جان رحم بحالي وعافني اموت

وهنا طكيت ضحك وكتلو الوضع مهزله اعذرني دا اضحك الوضع مهزله مهزله

ضليت بالكاع اصفن ليزن واضحك واكلو انته شلون فتت هنا

مو جنت صديقو اللح مو جنت اخو شصار خوتكم طلعت فشل بفشل

هو هم من حرگت گلبو كام يضحك بعلو صوتو

يزن ...ههههههههههههههههه اعررررررف اعرررررف

يزن يحجي وينهت كال ..القبيله هاي ماسامعه بيها الولد اذا زنا ينرجم

او يفوت يتعذب يم ابو او اخو البنت الزنا وياها

واني معرف شوكت زنيت وياج وجاي اتعذب بسببج

سابين ...كمت اتهسترت من الضحك تمرغلت بالكاع وخشمي كل ما اضحك يوجعني اكثر بس جنت متونسه بالوجع جثييير تونست بي

فرقد ...طلعت ادخن وادخن وكلبي محترك واريد اذبحهم

بس ماراح يشفى غليلي بسيطه صبروا عليه والله لطلعها من عيونكم

ونوب كمت اسمع صوت ضحكهم اني كل السويتو حتى اطلع روحهم

نوب هذول ميهمهم اني كانو جمعتهم سوا كمت اتشيطنت

واخذت حبل وفتت ربطت سابين الجانت كاعده بالكاع يم يزن وتحجي ويا وتضحك

وهالكلب الجان يضحك نرفزني وهاي ربطتها وجريتها من شعرها لاخر الغرفه وبديت بيزن

دك بوكسيات ودفرات طلعت روحو وجان اكو بوري بالغرفه فوك الرف

شلتو وضليت اضرب بي على ظهرو وخاصرتو الا ان اغمى علي

تحسستو لساتو يتنفس كلت خلي اعوفو كم يوم يتعافى بعدين ارجع اربي هالكلب الحقير

عفتو وخلي الثانيه شسوي بيها يعني والله ماريدها تموت بسرعه

عفتها وطلعت رحت لبيتنا تلكتني امي

هناء ...وينها ست الحسن ليكون رف كلبك عليها وراح تسويها مرتك

فرقد ...يووووم اللله يخليج ابوس ايدج

لتزوديها عليه وهالكلبه ماريد احد يكول عنها مرتي

هاي خدامه يمنا تجي تنظف تنهان تنضرب محد يفزع الها فاهمين اني طالع اندفس فوك

هناء ...والله الا اطلع روحها اصبري عليه يا سابين ما اكون بنت ابويه اذا ما خليتج تتمنين الموت وماتلكي

سابين ...ضليت بالغرفه ارجف من البرد واتلفت يمين يسار اريد الكى شي التف بي ماكو

مااعرف شكد مر وقت وغفيت كعدت الصبح على صوت دفرات مرت عمي

هناء ...كوووومي ست الحسن كوووومي نايمه ضحاوي كومي لج

سابين ...جانت تدفر بيه بكل قوتها كمت دحكت عليها جان تصيح نزلي راسج

ولزمتني من شعري وجان تدفن راسي يم رجلها

هناء ...هناااا مكانج فهمتي كومي هسه ساعدينه بالشغل يلااااااا

سابين ...كمت وتحسبت ربي بكلبي عليها كلت اذا على الشغل سهله

طلعت من الغرفه وجان يصير بوجهي غراب البين فرقد

دحكلي بعيون مليانه حقد وماحجا شي رحت غسلت

اول ماشفت وجهي نخرعت شنو هذا يالكعبه وجهي كلو ازرك

انوب خشمي وارم صايره زومبي بالكوه غسلت وجهي

جنت بس ارش المي علي مكدر حتى المسو مسحتو شلون ماكان وطلعت

اني عبالي راح اشتغل شغل عادي اثاري طلعت الخدامه احسن مني
اول مافتت بيبي نبت ابوجهي

بيبي ..هالعار شتسوي ابيتي هاااا طلعوها بنت الحرام ماريد اشوف جهرتها هنا الي طمست راسنا بالطين مالها مكان ابيتي

سابين ...حزت بكلبي كلمتها متغيره عليه شلون هيج كلبت عليه وهيه جانت تموت عليه

صاحت بوجهي هناء شدا تننظريييين وجان تضربني راشدي

خلت روحي تطلع لربها اني اصلا وجهي ورمان وهاي ضربتني على مكان الورم

شكد حقدت عليها وكتها جان توكف يم راسي

هناء ...لتتلوين مثل الحيه كومي عندج شغل جثير لازم تخلصي

خاف عبالج هالحركات تخلصج منا لا عيوني

لسه مااااشفتي شي كوووومي استلمي الحمامات اريدها تلمع مال البيت كلو

شكو حمام اريدج تجلفي بسيم المواعين وياويلج اذا سختي بشغلج

سابين وهيه كاتمه وجعها والمها اخذت سيم المواعين وجلفتلها كل الحمامات مابيدها حيله

كملتها جان انزل وشفتها كاعده ولافه رجل على رجل وكالت

هناء ...هاااا كملتي خانم

سابين بتعب ...اي صاحت بوجهي

هناء ...كووولي نعم لا اكسر راسج تعلمي على الاصول يابنت الشارع

سابين ...كلت بكلبي حسبي الله ونعم الوكيل ..حاضر عمه جان تكول

هناء ...يلا نظفي شطفي البيت كلو اريدو يلمع .

سابين ...بس عمه الدنيا شتا والبيت كلو مفروش

هناء ...اي وشصار شيلي الزوالي وشطفي ومسحي ورجعي الزوالي وكنسيها صعبه؟

سابين ...يربي شهل عذاب لشوكت نتحمل هل مأسات

شلون راح اكدر اشيل هل زوالي وهمه كل زوليه عدهم 3نسوان يلا يشيلوها من الثكل

تريدني اشيلها وحدي اخذت عدة المسح والشطف وطلعت على الطوابق الفوك

طولت بيها يوم كامل يلا خلصتها شطف وتلميع وحسيت ظهري انقسم 5 اقسام

من شيل للاشياء الثقيله جنت اريد بس ارجع وانام نوب ميته من الجوع

كمت ادوخ صارلي كذا يوم مماكله دا انزل جان تكول

هناء ...اكو هدوم بالحمام غسليهم برا على ايدج

سابين ...الحقيره عدها غساله وخلتني دووووم اغسل على ايدي برا

وبالصابون حتى مو بتايت وبمي بارد والدنيا ثلج شبه متجمده والصابونه ماتسوي رغوة

الدم جمد بيدي بعد ما احس بيها معرف شلون بهل لحظة فقدت الوعي

وكعدت وشفت روحي نايمة بالمشتشفى ما اعرف شصاير

بس جانت غرفه داااافيه وجان اكو بسكت يمي فتحتو واكلت بدون ما اسال المن هذا

جنت جوعاااانه مووووووت جنت اكل بس اكو شي بخشمي غريب فاتت الممرضه

الممرضة ...هاي صحيتي

سابين ..جنت اكل كتلها شنو صاير بخشمي اكو ضماد جثير

الممرضة ...خشمج مكسور وسوينا الج

سابين ...زين اني منو جابني هنا

الممرضة ...زوجج وجان كلش خايف عليج خطية

سابين ...بكلبي اكول تهيييييي بهيييييي خايف عليه لا والله خايف تموت جيس الملاكمه مالتو

بعد بمنو يفرغ شحناتو العصبيه طلعت الممرضه جان يجي الافندي جرني من ايدي

فرقد ...يلاا كافي عرامه كومي كلشي مابيج

سابين ...دا يجر بيه ويطلعني فات الدكتور كلو

الدكتور ...هاي شدا تسوي ترا شويه شويه عليها البنت ماتتحمل هيج تعاملها على كيفك وجيبها بعد 3ايام نفحصها نشوف شلون صار خشمها

فرقد ...صار دكتور امشي يلا فضيني طلعي امشي

سابين ...كوه كمت احس عظامي مكسرة ونفسي دا تلعب اول ماركبت بالسيارة جان يكول

فرقد ...حسابج بالبيت

سابين ...وصلت للبيت كال يلا كملي الشغل بسرعه وامي ما اريدها تطخ شي

انتي منا ورايح خدامة هذا البيت افتهمتي وجان يضربني على خشمي الحقير

يعرفني راح اتوجع لاجت روحي ساعتها وصاحت علي نواره عمة بابا وجت اخذتني للحمام غسلتلي

واني بس الدموع تنزل مني وتهدي بيه وتكلي صبري ماحجيت شي طلعت وكتلها شنو اسويلج

هناء ...كملي غسل ملابس

سابين ...غسلتها نشفتها وكالت سوينا عشا سويتلهم سم وجلفت المواعين

وماقبلت اكل وياهم البقى بصحونهم كالت لتذبي اكلي انتي اني ميته جوع مو مال اكول هاي فضالتهم او غيرو

تحسبت ربي واكلت اخذت شويه خبز ليزن هم صارلو

فترة مماكل

كتلهم كملت جت ضربتني وكالت

هناء ...منو كلج تجين للاستقبال هاااااا انتي مكانج بالمطبخ تخدمين متجين تسالين

سابين ...كملت شتريدون بعد

هناء ...من اريد تروحين اني اكلعج فهمتي نظفتي يله ولي من وجهي

سابين ...محد حجا وياهم لا عمي ولاحتى احمد كام نزل راسو وطلع فوك للغرفه ميريد يشوف الي ديصير بيه

وعمة بابا طلعت اخذتني وكعدت يمي بالمطبخ ضلينا نحجي الى ان صارت ساعه 1بلليل

اني متت على نومه وهيه مرت عمي متقبل انام الا تجي تكول يلا روحي

جان اغفي على الميز هسه توني غفيت جان يندفر الميز فرقد جدامي

فرقد ...طابتلج النومه كومي خانم

سابين ...طلعت ويا وفتت للغرفه جنت ميته برد كتلو اريد اي شي اتغطى بي

راح اموت من البرد مارد عليه وقفل الباب علينه كبل طلعت الخبز واهز بيزن اريدو يكعد ماكو

جسمو قالب ثلج دكيت الباب على فرقد افتح الباب يزن راح يمووووت افتح بس مارد عليه

اصلا ضليت كاعده يمو معرف شنو اسويلو شويه فتح عيونو طبطب عليه

اكعد كل هذا الكدرت اشوفو واجيبو اكل قبل لا يجي احد

كام يبتسم وكال الله على الظالم اكل ع السريع ويرجف من البرد جان يفتح الافندي الباب

جايب جرجف خفييييف بتموز مايدفي بس نقشمر على نفسنه

شكيتو قطعتين ونطيت ليزن لفيتو بقطعه واني تلفلفت وارجف مدري شون نمت

كعدت على دفره هالمغضوب وسمعت صياحات يزن جان يضرب بي ويدفر بوكسيات ويضرب بي

صرخاتو جانت تاخذ قطعه من روحي جنت ارجف اول مره اخاف منو جان وحش مو بشر

يضرب بكل قوتو ولاعبالك صديقو قريبو هذا ما اكدر اكوم اوكفو

اخاف لا احصلي ضربه واني مو ناقصه كمل ضربو ليزن وسحلني من شعري وطلعني من الغرفه سحل

اخذني لغرفتو وكام يضربني بالحزام بدون رحمه يضرب ويصيح تغطي خايفه علي مو
هسه اشوفج الرحمه شلونها

يتعب ياخذ ريست ويرجع يكمل

اني جسمي مابعد احس بي من الضرب سكتت بس دموعي تنزل جان يسحلني للحمام

فتح الدوش مي ثلج وكام يشكك بملابسي اريد ادفعو بس اعرف ماراح اكدر ادفع بالحاله الاني بيها

جنت اتوسل بي انو يكفي الله يخليك كافي تعبت كاااافي الله يخليك كافي

شكك كل ملابسي ويكول وينها ها شامتج المعتز بيها ويبوسها وينها

اني بس اصفن علي هذا شبي واريد يبتعد عني اتقززت من لمساتو ومن جسمي هم

حسيت نفسي توسخت ارجف جوا الدوش جان يطلع سجين ويكص الشامه على فخذي

فرقد يلهث من التعب ...هاي شامتج الباسج منها مو

سابين ...وجان يكصها ونوب الشامه الي على ركبتي هم كصها

فرقد ...هاي هم مو جنتي تذوبين من بوساتو ولمساتو يلا ذوبي من وجعي هسه

سابين ...وكصها خلاها تطفر دم عافني جوى الدوش وطلع

جاب منشفه لفني بيها وخلاني يم الصوبه نشفلي جسمي

وجاب مرهم خلى على الاماكن الزركه ولبسني ملابس ولفلي ركبتي وفخذي بالشاش

عبالك مو نفسو الوحش الاذاني قبل شوية جان مهتم جابلي ملابس نظيفه مبين مشتريها

لان بيها ريحة التخزين وماغاسلها لبست جنت ما ادحك بعيونو جثير كرهتو

صح مرتو بس ميحق الو هيج يسوي بيه جان ينيمني على التخت

فرقد ...ارتاحي ساعتين ومن اكعدج تروحين تعاونين امي بلشغل

سابين ..تمددت مكدرت انام كمت دافتح الباب وانهزم بس مقفول

دورت بالغرفه على شي حاد اكدر ااذي بي نفسي ماكو

دورت على سيم كرت تلفون ماكو والشباك مغلق ضليت متمدده

شبعت دفو جان يفوت

فرقد ...يلا كومي اوديج لبيت اهلي تنظفيلهم البيت

سابين ...كمت طلعت ويا بدون ما احجي وصلت ونفس الروتين

اكو انسان يجلف ارضيه الحمام بسيم مواعين بهذاك اليوم ماصارت مشاكل

بس جان ينكسر ظهري من الشغل بس نواره عمة بابا جانت تحن عليه

وتجيبلي لفات بالبوكه اكلها بدون ذكر الاهانات والراشديات الاحصلها اذا اتاخر بالتنظيف
مكان معين

ويوميا خلتني اشيل الزوالي واشطف بنص الشتا يوميا وهيه جانت يفوت الشتا ويطلع ماتشطف البيت الا كم مره

بس شلون تريحني صارت عدها خدامه خليها تشتغل شنو عدها

ومرت سنتين على هالعذاب النفسي والجسدي والعقلي وكل يوم مشكله شكل

هاجر مو جثير شدت ويايه واحمد هم بس بيبي وهناء مرت عمي وفرقد ماقصروا طلعوا روحي من مكانها

راح اختصر واحجيلج اعظم الاشياء واسوئها الي اتبعوها بحقي

رنيم ...ماشي ع كيفج حبيبتي

سابين ...مره دا اسويلهم غدا واني كلشي ما اعرف بس هناء تشرحلي واني اسوي التكوله

دا اقلي الدجاج على النار جانت المسكه مال الطاوه طالعه لبرا خارج الطباخ يعني

جان تتعصب هناء وكامت ترزل وتصيح

هناء ...دمااااغ سزز ماعندج عقل كم مره اكلج المسكه ماتخليها طالعه لبره واحد يتعدى ويجرها وتوكع وتسوي مشاكل وتحرك جهالي لا سامح الله

سابين ...دا اريد اعتذر منها جان تكول هيج توكع شوفي وجان تضرب مسكه الطاوه وتكلبها عليه

شحجيلج ششرحلج زيت ويغلي ونطش عليه كمت اصررررررخ لحكووووووونييييي متت من الوجع

رنيم تسمع وداخلها يتكطع ع كم الاجرام والعنف الي اتعرضتلو هل بنت ياربي شنو هل ظلم بقيت استمع الها بتركيز

سابين ...كمت ابجي واصيح ركضت للحم

ام اريد بس شي بارد اخلي

غلى جسمي وكفت جوا الدوش اصيح اااااااخ يااااربي يا الله يا ربي ساعدني يا الله واصيح عممممممممه ساعديني الله يخليج

وفوك كل هذا هيه تجر بشعري وتضرب بيه الحقيره تكلي نصي صوتج واني شلون انصي صوتي واني محتركه

بس ابجي واصيح ونوب لوصت اني وزدتها سوء من فتحت المي البارد عليه اكبر غلط الشي السويتو

محد موجود بالبيت الكل برى وماخابرت فرقد او احمد يجون يشوفوني او يودوني للمستشفى

حبستني بالمخزن وخلتني اون من الوجع وافتر مثل الخبله مكدر اسوي كلشي

لا اكدر اكعد ولا امشي وملابسي احسها لزكت عليه احسها لزكت بجسمي

تيبست ادك بلباب واكول بلكت احد يطلعلي نواره جانت يم بيت جيرانهم

ومن وصلت للبيت
اسمعها تتعارك هيه وهناء تكوللها فتحيلها الباب يا متخافين الله

اني ماحسيت على نفسي فقدت كعدت اون واهذي بايلين ايييلييين اييليين

جان ينفتح القفل ويندفر الباب قوي وفات فرقد يركض الي على الدكتور

من شالني حسيت نفسي دا اموت وهو ايدو على الحرك ادفع بي

واكلو نزلني اريد امشي دا احترك دا تاذيني جان ينزلني مشيت لوحدي للسيارة

ما اكدر اكعد وصلنا للاسعاف جا المسعف كالي بدلي لبست الثوب وكشف عن بطني من الاسفل كلو محترك و وارم

والجلد سايح ونوب من جدام متشوهه اصلا صايره لوووص الثوب مالتي جان لازك عليه

كوه شلعتو انوب كام ينزف كام جاب قطعة شاش وصار يجلف بمكان الحرك يريد يشيل الجلد المايع

يجلف بي ويدهن اني لعبت نفسي واستفرغت واغمى عليه من الوجع والمضمد من شافني اول مره

كال هاي وين جنتي وليش متاخرين يلا جابوج كمل ولفلف الحرك ونطاني ادويه

كوه امشي احس نفسي بجهنم امشي وادعي بكلبي وابجي كلت للمضمد فدوه بس نطيني مهدء منوم اريد انام

ما اريد احس بالوجع كلي وصفتلج هسه تستلمي من الصيدلي

طلع جذب بس يريد يهديني رجعني فرقد للشقه ونمت بغرفتو

بس شفت الويل يلا نمت معرف وين انام ومعرف شلون اندار جنت بس اتلوى

وهو يفووووت ويطلع مثل ام العروس ونوب يكول تستاهلين
الله جازاج متت على ما غفيت

ونوب كعدت الفجر الحرك يحكني ياكل بيه اكل ومكدر اطخو

والمصيبه انو المضمد كلو لازم كل يوم كل يوم بمي دافي وصابون ركي وقطعه شاش تجلفلها الحرك وتشيل طبقه الجراحه عنها

وتدهنها بالمرهم وتلفها جان الجحيم بعينو صارت سبعه الصبح جان يفوت فرقد

فرقد ...يلا للحمام

سابين ترجف من الخوف ...ليش

فرقد ...اسويلج الجرح

سابين ...اني بيا حال جنت واكلو اريد عمة بابا تسوي جان يصيح بوجهي

فرقد بصرخه ...كوووومي ترا اكفر بيج مو ناقصج ما معطل نفسي لخاطرج خانم كوووومي

سابين ..عندت ما كمت كتلو البارحه سوا بعد خلي لباجر نبدلو اني ماعبالي المضمد هيج كلو كل يوم يتبدل

سحلني من ايدي وفتت وكام يجلف واني انعل واسب وافشر وادفع بي

واكوم وازحلك واوكع وهذا مستمتع اجت ليمه يعذبني وبحجة دا يعالجني ويفرك بكل قوتو الحقير السافل

الا يطلع الدم مني يخليني انزف يلا يعوفني ضليت على هالحاله اسبوعين

اني هيج متمرمره بسبب امو الحقيره الي ما اعتقد حجا وياها

ورا ما شويه نشف الجرح جت الخانم امو

هناء ...يلاااااا كافي دلال نطاج ابني عين زايده
يلاااا البيت جاف كومي نظفي

سابين ...وبكلبي اكول حسبي الله يعني ماراح اخلص منج ياحقيره

كمت بدلت وفرقد جان برى وفات شاف امو كللها هلا يوم شعندج هنا

هناء ...جيت اشوف هالحيه

فرقد وهو يضحك ...كلشي مابيها هسه اغيرلها على الجرح وتروح تخدمج

سابين ...بكلبي وارجع لحياتي الي كلها عذاب ورزايل وراشديات

وفعلا رجعت انام بالغرفه الحبس ويه يزن بدون فراش بدون غطى عالكاع

شلون الله رحم بحالنا وما متنا من البرد ما اعرف وبيوم

فات فرقد محمل علينا لزمني دك كتل كتل كتل خلى وجهي هريسه

وصار عندي نزف وهو مو موعد الدوره ولزم يزن ضل يضرب بي الا ان جتو ضربه على راسو

اعتقد هيه هاي كانت سبب وفاتو وهم ضربو على خصرو وكفت كلاتو

كمل ضرب وطلع ما التفت ورا اني ضليت بمكاني لليل واشوف يزن غركان بالدم ومايتحرك

سحلت بنفسي ليمه ماعندو نفس كمت الطم واصيح واضرب بالباب اجا فرقد شافو ماكو نفس سحلو وطلعو برا وماشفت يزن بعدها

رنيم ...ليش وين راح تركو يعني

سابين ...لاااا دكتور لااااا اني هم عبالي طلعوا بس هو مااااااااااات بسبب الضرب ماااااااات

وقلة الاكل والشرب اني ما اكدر اجيبلو اكل ومي مايشرب وجروحو التهبت جثيير

وضربو ضرب قوي هذاك اليوم مات على اساسو وما عرفت هالشي اني الا وكت متاخر

رنيم ...يعني ماسوولو فاتحه ليش ما عرفتي انو مات

سابين ...ما سوولو فاتحه بس دفنو حتى ما ودوا للدكتور وعاينو بالقصر مالتهم

ودفنو محد شاف محد درى اني وكتها دخلت حالة كآبه من عرفتو مات

ومره جابو رمل جانو يريدون يصبون الطرمه لان تكسرت تفطرت

وشدت عليه مرت عمي

هناء ...تعالي لزمي هالمنخل وكعدي نخلي الرمل اريد الناعم وحد والخشن وحد

سابين ...دمبر كامل مال رمل خلتني بعز البرد اكعد انخللها الرم

ل

وكاعده يمي تكرز حب وتتفل القشر عليه بسرعه بسرعه استعجلي وبيبي كاعده ولا كانو تشوف او تسمع مرت ابنها شداتسوي

وكسرت ظهري بي يومين انخل رمل من الصبح لليل ماتهدني تخيلو تكعدون هالكعده هاي بس تنخلون شيصير بيكم

مره جان جايب اصدقائو للبيت وسمحلهم يفوتون عليه

وجان يششكك الملابس عني ويكوللهم تفرجوا دحكوا شنو سويت بيها

ويضحكون ويتلمسون بكيفهم واني اصيح وماكو فايده تمنيت اموت وكتها تمنيت اذبحهم توسخت جثييييير ماكو شي يرجع لطبيعتو

رنيم بصدمة لطمت ع وجها ...اغتصبووووج ؟

سابين وهيه تصرخ بهتسيريا وتملخ بروحها ...هو شضل على الاغتصاب دكتوره كوليلي شضل

اني توسخت ومي الله كلو ما ينظفني تحاولين عبث عبث كل محاولاتج ماراح ارجع سابين القديمه اني خلاص انتهيت انتهيت ميفيدني علاجج ولامحاولاتج اني انسانه ملعونه تعيسه ولازم اموووووت لازم اموووووووت واصرخ بكل جوارحي وابجي

رنيم انتفضت وحضنتها وهيه تحاول تهديها ...اهدي سابين حبيبتي اهدييي لازم تقاومين وتعيشين وهالدعوه مستمره راح ينمسك وتاخذين بثارج

سابين ...واذا اخذت بثاري شنو الراح يتغير الحرك البيه يختفي

الكدمات تختفي سني يرجع ينبت مثلا هااااا شرفي يرجع

عقلي راح ينسى الصار اني انام واحلم بكل هاي الامور واتوجع

وعبالك دا اعيشو من جديد وكل يوم نفس الشي كل جزء بجسمي وارم ومتاذي

بحاله وحده ارجع اذا فقدت الذاكره اكو عمليه سمعت عنها استأصال الذاكره الصوريه

وتبقى بس الذاكره المعلوماتيه بهيج حاله كل الصور راح تختفي للابد

وماراح ارجع للموت واني اكمل الحياة طبيعي بس مرات اتسال هل جسمي راح ينسى ؟؟؟

رنيم ...اذا تحبين نوكف ونكمل باجر انتي هم اخذي ريست وارتاحي ...

وللحكاية بقية ......

- هناك فوضى عارمه تشتاحني
اشعر كما لو أن هناك الف شخصا يبكي داخلي اشعر كما لو أن ألم جروح البشر كلها تسكنني اشعر كما لو انني عاجز عن التنفس اشعر كما لو أن روحي تنتزع بكل وجع وألم وصراخ 💔
...............


يتبع ....