عالم البنات🙈🎀

#تقمص_الشخصيات_في_الجامعة
موضوع شوية مهم خصوصاً لطالب المرحلة الأولى أو المُقبل على الكلية
خلال دخولك لكليتك حتلاحظ كومة أشياء بكل الأقسام على حد سواء ، وهو #تقمص_الشخصيات
حتلاحظ الناس بالكلية مختلفين بشكل كبير عن طبيعتهم في مجتمعهم الخارجي او حتى بالقسم الداخلي خصوصاً طلبة المحافظات .
لربما تلاحظ طلاب يمشون ويكشخون وكأنو شخصيتك بملابسك وبشي أسمه " الثكل "
حتلاحظ تكبر وغرور عند قسم كبير .. وهلشي يختلف حسب المحافظة إللي انت مقبول بيها طبعاً ، كل كلية إلها جوها الخاص مثل الأسرة تماماً .
هلشي لازم تحاول تبتعد عنه قدر الأمكان ، حاول تكون على طبيعتك لكن أكو أماكن تطلب بيها تكون #أكثر_رسمية مو تتقمص شخصية غير شخصيتك او تتصنع لان المتصنع ما يجذب إلا المتصنع مثله ومثل ميكول المثل " الطيور على اشكالها تقع " فقدر الامكان لا تلبس ثوب غير ثوبك 💚
عزيزي الطالب خلي ببالك ترا الانسان مو بملابسه وشلون يمشي وما يحجي ويتكبر ومختلط مع شلة جماعة مثله ، هيج نوعية قافلة تلكاهم من الصعب يفهمون هذا الكلام
كلامي موجه للطلبة إللي يحسون أنو همه ملاحظين هذه الظاهرة
تعامل مع مجتمعك بإيجابية ولا تنسى إنك دا تدرس بالعراق وهذا لوحده يعتبر إنجاز 💪🏻
ومع الوقت حتكتشف كومة اشياء لوحدك ..

#نصيحتنا ؛
خلي تعاملك مع الطلبة زين ❤️ اعتذر إذا تأخرت بمواعيدك أو خطأت بحق أي احد ، خلي علاقتك طيبة مع طلاب مرحلتك ، لا تعمق كلش ولا تحب كلش ولا تكره كلش ، خليك حيادي وطيب وخلوق خصوصا مع الدكاترة حتى لو كان الدكتور مو زين بنظرك فأكسبه بس مو بتحايل أو تقرب مصلحي ..

أهم شي تكون على طبيعتك ، لكن اكو أماكن تطلب منك أكثر رسمية مثل مذكرت ، خليك معتني بملابسك وترتيبك لكن بدون لا تخليهم اغلى شي بيك حتى لا يسترخصك الناس او ع الاقل الجيل الزين من الناس لان مو كلها تشوفك غلط ..
وتأكد أن كل مجتمع مهما كان مهمش أكو قسم من الناس زينين ويشبوهك بس يحتاج تعطيهم فسحة من حياتك حتى يعرفوك وتعرفهم ❤️

#اعـاده_توجيـــہ_للفائده
#ملوكه
@stylegrils

430 views”“S҉E҉N҉O҉R҉I҉T҉A҉""✿❧, 01:13