#الانتحار

#بارت8

........................

القاضي ..بسبب محاوله من المدعيه سناء باعطائي رشوه مقابل الحكم بصالحها بهذه القضيه تقرر ان الوصايه للاب ورفعت الجلسه

طارق بصدمة وذهول ...شنو شنو هلا هلا بلا تعب بلا كلشي واحنا الجنا نتحضر طول هالشهر اوووووو والله وحمل ونزاح عن صدري ..

شلت يوسف وفريته ورحت بشرت حسين وعزمتهم بيت حسين كلهم ويوسف واني طايرين من الفرح خلصت من هالبهذله عاد رجعنا لحديثه ..

ومرت الايام طبيعيه وراها بشهرين سناء خابرت ماجد تريد ترجع

طبعا ماجد بحكم شغله طلع من بيت العائله وكعد ب k3 هوه ومرته

وبسبب شغله موظف يحقله بيت بلاش ولان مهندس بشارع المهندسين والاطباء يعني بيته حيل فخم وكبير وهوه رتبه شويه شويه وجان عنده تليفون ارضي ..

خابرته سناء تريده يكون صلح بيناتنه وانو البنات ميصير يعيشون مشتتين هيج

وانها عرفت غلطها وتريد تفتح صفحه جديده جا ماجد بلليل وحجالي الصار

اني تخبلت ماضل عقل بيه كتله كل عقلك تحجي هاي وانته شاهد شصار ..

ماجد ..بناتك يحتاجون امهم شكد تحاول يحتاجوها ولو تشعل العشره شموع ماتعوضهم حنية الام ..

طارق ..كتله اي شلون حنيه عاد

ماجد ..تعدلت هسه ماكو انسان مايغلط

طارق ..فات ابويه جان يسكت ماجد كتله كمل كمل شو سكتت .

ناظم ..ها شبيكم مثل ديج الهباري

طارق ..اسمع ابنك العاقل ابو گلب الرهيف مخابرته ست سناء تريد ترجع وناخيته يكون صلح بيناتنه والله وعرفت تختار ابويه عصب ..

ناظم وهوه ينتفض بصرخه ... الله بسما اشوف بيكم واحد يحجي ويه هالكلبه اتبرى منه وانعل ابو لابو الجابه ..

طارق بضحكه ...ابويه ترا انته الي جبتنا

ناظم ينافخ وهوه يكعد ع القنفه ويرزل طارق ويكله ..انجب انته يالاغبر

جانت ساعه غبره يوم جيت بيها لهاي الدنيا ماشفت منك الراحه راكب صماخك وماشي مثل المطي

متتحاجه ولاتسمع نصيحه الاكبر منك هاك استلم نتيجة هالزبل المخلي فوك كتفك

والله احلف عليك ما ولدت وبراسك عقل سدو الموضوع لنعل ابوكم لابو رجعة لهالمره ولهذا البيت ماكو

ماجد ...بس يا ابويه طارق راح يرجع لدوامه والبنات شلون يريدون يوعون على اب وام

خو مايكبرون ويكولولي بابا ولزبيدة ماما البنات يحتاجون....

ناظم قاطعو بصوت رج اركان البيت وكال ..كاااااااااافي كلت العندي وانتهى يلا كوم على بيتك تارك مرتك وحدها بالقصر مالتك يلا ارجع جاييني بتالي الليل يتفلسف براسي

طارق ..هاااااا شبعت بالعافيه عليك حتى لاترد عليها بعد

ماجد ...كافي عاد خلي عقلك براسك ولاتكابر على حساب بناتك فكر شغل هالدماغ وفكر ترا راح تدمرهم

طارق ...راح ماجد بعد ماترزل من ابوية ومر شهرين وبيوم جنا كاعدين العصر وخواتي واخواني ملتمين جان يندك الباب

راح احمد فتحه هلا هلا تفضلي نداريت طفرت من مكاني هاي شجابج هااااا

ولج شجاي تسوين هنا وبكل عين وقحه جايه وكعت يم رجلي وتتوسل

سناء ...طارق امانه سامحني الله يخليك اني غلطت وادري غلطي كبير وماينغفر

بس انت كلبك جبير وادري راح تسامحني منك السماح والله جانت الهرمونات ماثره عليه ومجنت بوعيي

اعرف قصرت والله ما اعيدها بس رجعني وخل نفتح صفحه جديده والله ما اكدر بلا بناتي وحالتي حاله

طارق ...جان وجها تعبان حيل تحجي وترجف وجها شاحب هاي شبيها ليش هيج صايره ..

سناء ...والله مبقالي احد امي انضربت جلطه وداريتها ماكو شهر وماتت

وهذا حالي من بعدها اتوسل بيك اني خسرت كلشي خسرت ابوية وامي وانوب هسه بناتي الله يخليك لاتاخذ بناتي هم اصير خدامه بس المهم اشوفهم ..

وتين ..طبعا توفت بيبي بسنه ال95 وبابا شفق على امي وبيبي عنود ام بابا هم شفقت وكالت ننطيها فرصه ثانية هذا
گلب الام منريد نحركه ونصير ظلام ..

اوووووووف ياريت حركو كلبها ومانطوها فرصه على الاقل جان حصلنا اب حنون بس بهاي العمله السوده احنا خسرنا

ودفعنا ثمن غالي اتدمرت حياتنه وخسرنا الاب والام هيه اصلا خاسريها من زمان ..

من هاليوم تغير كلشي انقلبت حياة التوأم تتعامل وياهم زين وتحبهم كدامه

بس وراه يبوووو شسوت وشعملت عمل اذا تحج بيت الله 50 مره هم ماتخلص ذنوبها

نرجع لاحداث القصة

بابا ما لين گلبه عليها بس خواته انكسر كلبهم عليها وبيبي هم وعمو ماجد

بس البقيه جانو معارضين ضلوا يلحون وهيه بعد جت من بغداد يعني وين تضل اضطروا يفتحولها غرفه وتنام بيها

لبين ماتنحل المشكله بس بابا جان قافل ميرجعها على الشي السوته ..

وضلت امي تتودد وتحاول تصلح الوضع الا ان بيوم طلعت للسطح وهددت تنتحر

سناء ...صعدت للسطح وكمت اصرخ واتوعد كدامهم انو راح انتحر وابليهم

وركضوا وراية لزموني

طارق ....شفتها صعدت للسطح اتخبلت ركضت وراها ولزمتها انوب صارت فضيحه ونزلوها بالكوه واضطريت ارضخ لامر الواقع بس كعدت وحجيت وياها

كتلها شوفي داكولج ترجعين بشروطي وهيه التالي طلاق ماكو تنسين ترجعين مرا الي

واجباتي طلباتي كلها تنفذيها والبنات مايتميزون عن بعض وتعيشن ام الهم وزوجه الي

وياويلج ياسواد ليلج اذا اعرف بيج ميزتهم ..لو ماذيه وحدة بيهم احسبي الله ماخلقج واصحي ع نفسج لان انتي امهن وهنه بناتج ومالهن غيرج خطية اطفال بعدهن شنو ذنبهن هيج تعامليهن بالتفرقة

وتين ..قبلت امي بكل شروطه ماجان عدها حل لازم تبقى يم اختي((ايلين))

مرت الايام عاديه ورجع ابوية وامي ل تيوان وكانت حياة طبيعيه لاخواتي سابين وايلين ..

الى ان بسنه ال ١٩٩٥ شهر السادس صارت امي حامل بلغلط شلون بلغلط معرف من عرفت جنت اتخبلت ..

سناء ...لاااا مكدر اجيب هل طفل مستحيل لالالا لو اموت ماجيب هل طفل لازم اشوف صورة حل ..بعد سابين ايلين عمرهم بس سنه ونص

ورادت تذبني حسب كلامها شالت قنينه الغاز وخلتها على الطبله نيمتها يعني

وتمددت يم الطبله وجرت القنينه حتى توكع على بطنها وجانت تشيلها وتنزلها في سبيل تذبني

وشربت اعشاب وانواع الحبوب بس اني لزكت ماقبلت انزل هههههههه
رجع بابا وشاف شكلها غريب

طارق ..رجعت من دوامي وشفت سناء جانت باجيه والبيت مامرتب والادويه طالعات كلها

سالتها شمسويه شبيج ليش هيج البيت ماحجت بس تبجي صيحت عليها متحجيييين شبييييج ..

سناء بانهيار ..اني حامل الدوره ماجتني وكشفت عليه الجده وكالت احتمال حامل .

طارق ..اني طبعا ما جنت رايد طفل اخر وضعي مو تمام وياها يكفوني هالاثنين

كوه متحمل صياحاتهم ونوب جت كالتلي حامل معرف شصارلي كتلها نروح باجر للدكتوره تفحصج نتاكد واذا طلعتي حامل انزله الج

لان وضعنا ميساعد طفل اخر هيه كمزت من يمها يمكن عبالها راح اكللها بقي وضحكت كالت ..

سناء ..صدك تحجي اني هم كلت هيج بعدهم البنات صغار ويحتاجون عنايه

واني وحدي مكدرلهم ومحد دا يساعدني بيهم دا اهلك وميجي الليل انام عبالي راح تعارض وخفت اكلك ..

طارق ..لا ما اعارض اني شايف الوضع ميتحمل طفل ثالث ..

سناء ..خوش لعد ابدل ونطلع ورى الغدة ونشوف الدكتوره ..

طارق ..ماشي يلا صبي غده خلي نلحك تغدينا وطلعنا للدكتوره حجزنا وننتظر موعدنا

سناء ..من فااتني الدوره وماجت عرفت وخفت رحت على الجده كتلها فدوه بس فحصيني ماجايتني صارلها 20 يوم

عاد فحصتني وكالت حامل بس انتي تاكدي يم دكتوره نسائيه احسن ..

رجعت اعصابي نار وتخبلت مخليت شي مشربته ولا خليت ثقل ماشلته

وطلعت للدرج هروله وما صار الاريده وما نزل الجنين ضليت على هالحاله اسبوع

اني اشرب حب واعشاب وكهوه واشكال اسوي واهلك نفسي بلشغل حتى يوكع الطفل بس موكع ..

وبيوم جا طارق وشاف الحاله الانا بيها وسالني شبيج شصاير وحجيتله الصاير

جنت خايفه من ردت فعله بس جان هادء معصب وكال نزله اني طرت فرح متوقعت يلا يلا انزله كتله اليوم نروح نزله حتى لا اتاخر اكثر ويثبت اكثر ..

عاد طلعنا بعد الغدا رحنا على دكتوره مها بالقائم حجزت وبس اجا دوري كبل فتت

حجيتلها وضعي واني ام لتوأم وكتلها بعدهم صغار مكدر ادبرها

و وضعي المادي مو كلش زين تعبان وهوه جذب وضعنا عال العال بس ما اكدر اتحمل مسؤوليه طفل ثالث ..

الدكتورة ..ماما عمليه الاجهاض شيليها من راسج ماكو دكتوره راح تجهضج هذا الشي ممنوع وقسم اقسمنا علي واصلا حرام هالشي ..

سناء ..اصريت عليها وتوسلتها وبجيت شويه يمها الله يخليج دكتورة انقذيني حياتي راح تدمر اذا اجه هل طفل ..عاد كالت ..

الدكتورة ..اكو ابره تجيبيها راح اكتبلج اسمها وتشوفيلج احد يضربلج اياها

بس اني معليه ومو على مسؤوليتي راح اما تنزله للطفل او تثبته واذا نزلته راح يصير عندج نزيف حاد واحتمال تموتين بي ..

واني راح اكتبلج اسمها على ورقه بيضه بدون توقيعي او اسمي وانتي اذا نطوج اياها الصيدليين الكي احد يضربها الج

وهاي ترى على كامل مسؤوليتج اني معليه واخاف يصير شي ترى ماعندج اثبات ضدي ..

سناء ..مو مشكله كتبي اخذت اسم الابره ورحت لطارق وكتله الصار ..

طارق ..مو مشكله اني اعرف اضرب ابر بس لازم ندبرها ..

سناء ..شلون هيه كتبت اسم الابره و ماوقعت يعني منكدر ناخذها الا بوصفه طبيه ..

طارق ..معليج انتظري انتي بالعياده واني اطلع اجيبها ..

سناء ..خلى التوأم يمي وطلع وراها بساعه رجع وعيونه تطفر شرار وتعبان ومحترك ابو من الحر ..

طارق ..كومي دبرتها بالف ياويل يلا قبل ابو صيدلية ينطيني اياها ..

سناء ..شلون قنعته ..

طارق ..الا وقعت على تعهد انو اخذتها على مسؤوليتي ..

سناء ..اهااااا لعد شكد خطره هالابره ..

طارق .. امشي يلا

سناء ..رجعنا للبيت وحللها طارق وضربها الي ننتظر يصير نزيف حتى نروح للمشفى

بس ماكو اذا مصار نزيف يعني تثبت الطفل وهاي مشكله وننتظر ساعتين

5 ساعات يوم كامل ماكو شي رجعنا ثالث يوم للدكتوره هيه ش

افتني كالت ها قررتي تولدي كتلها لا اني ضربت الابره استغربت عليه ..

الدكتورة ..يمممممه منج شكد عينج قويه مو كتلج احتمال تموتين بيها مافكرتي بالتوأم العندج ..

سناء ..دكتوره الله يخليج هسه مو وكت هالحجي اني ضربتها بس مصار نزيف عندي شلون بهل حالة شنو يعني ...

الدكتورة ..اي واضحه يعني تثبت الجنين متكدرين تسوين شي بعد ..

سناء بقلة حيلة ..فدوة دكتورة بس فحصيني شوفي بعد موجود ماكو غير طريقه عاد والله فحصتني وتحجي عليه ...

الدكتورة ..ماما ماكو غير طريقه ارضي بامر الله الي تسوي حرام وهذا قتل روح جيبي

ولبين ماتجيبين بناتج صارو سنتين ميصير انتي ام خافي الله يعاقبج بناتج اذا قتلتي هالطفل ..

سناء ..طلعت واني النار تطافر مني وكلت لطارق وعصب

((ذلك الشعور بانني الطفله المحببه القادمه لم يكتمل كنت منبوذه حتى قبل ولادتي ))

رجعت سناء وطارق والشرار يتطاير منهم وهاي الشراره انعكست على حياة التوأم وعليه بعد ما ولدت

طارق ..من طلعت وكالت مابيدنا شي غير انو انجيبها خلاص استسلمت لامر الواقع ..

بس بداخلي غضب ماعرف السبب لان سناء ماحبتني ولان مامستقر وياها

بس جان اكو شي بكلبي انتزع من زمان ما احس انو هاي سناء المتت عليها الحبيتها ..

احيانا الحب وحده ميكفي عايش وياها بس بنفس الوكت مو عايش متأقلم وراضي بامر الواقع ..

ورايا بنات وماريد اشردهم بس ماعرف وشلون ملت لسابين اكثر جانت عيونها تشبه عيوني

ويمكن لان سناء تحب ايلين اكثر جنت اريد اعوض نقص الحب بكلب سناء تجاه سابين واحبها انا والاعبها اكثر من ايلين ..

لان ايلين جانت محور اهتمام سناء اكثر من سابين جانت الاولويه الها

وبعدين سابين جنت اجيبلها العاب كثير اجيب للاثنين بس اخلي سابين تختار اليعجبها اول ..

لان جانت تكسر بخاطري كبرو شويه شويه وحبل سناء جان صعب حيل خفت لا هم يجون توأم نوب اتخبل ..

ومجان اكو الاجهزه الموجوده هسه حتى نعرف اذا توأم والجنس وهاي الامور وبهاي الفتره تعبنا ثنينا ..

خسرت المعمل لان صارت ظروف قاسيه وكام محد يشتري وجنت دا اخسر بي

وبعته بسعر رخيص وتدهورت الاحوال والشقه محد ماجرها وانوب اكو طفل معرف طفلين على الطريق ..

وراتب التدريس مو كثير كله ٣٠٠٠دينار كل هذا سبب ضغوط عليه وعلى سناء وانعكس هالشي على التوأم

سناء ..الحمل جان صعب وجنت اعصاب ما اتحمل نفسي ونوب اول اشهر بس استفرغ كلشي اكله اذبه وهالطفل ماعندي رغبه بي ..

وياخوفي هم توأم اتخبل والله وكل هالامور ضلت ابالي وجنت من اتعصب او يضلون يبجون البنات اروح افرغ عصبيتي بسابين اصيح عليها او اجبرها تضل كاعده وماتلعب ..

ومن تبجي اعيط بوجها وادلل ايلين كدامها معرف ليش جنت اسوي هيج

جنت اعتبرها شريجة الي او عدوتي مع العلم ما جان الها ذنب بس مع هذا كل عصبيتي جانت عليها

طارق ..بدت علاقتنا من سيء لاسوء سناء تلومني على حبلها وتكول انته دمرتني ومن هالحجي كله بسببك

اصلا شنو عليك كاعد ولا يمك اني احبل اني اجيب اني اسهر واتعب وانته ولايمك

وجانت اعصابها تنعكس عليه وعلى سابين تصيح وتتافاف واني انحازيت لسابين بسبب معاملة امها الها وصار الحال كالتالي ..

سابين بنت ابوها وايلين بنت امها ماعرف بوقتها اذا جنت اكره ايلين او لا مجان عندي مشاعر كلها غضب ..

ومن نكعد سوى واحد يناكر بلثاني هيه تغورني بأيلين وشلون تدللها واني اغيضها وشلون اعامل سابين

صارت شغله جكر بس واحد يغيض الثاني بالطفل العنده مفكرنا انو هذا الشي غلط

وراح ينعكس عليهم وع تربيتهم وع نفسيتهم مع العلم احنه مثقفين ومتعلمين ودارسين

ونعرف الصح من الغلط بس مع الاسف دمرنا العائله بعنادنا وراح ننجرف للهواية بهذا اسلوبنه

مرت ايام حبل سناء التسعه اشهر وبيوم ١٠/٢/١٩٩٦ جاها طلق الولاده وكبل وديتها للمشفى ..

ساعه ١ بلليل جابت بنت بعد معانات ٤ ساعات طلق اجت الممرضه وخلتها بيدي كالت امها رفضت ومقبلت تشيلها ..

اخذتها بحضني اباوع الها كمرة بيضه وصغيرونه حيل تجنن واني مامفكر باسم الها

كعدت افكر شسميها لبين مايطلعون سناء للغرفه بس ماخطر اسم على بالي ..

بس صافن بوجها واحجي وياها واكوللها ياترى بنت من راح تكونين اتمنى امج تحبج وتعاملج زين وماتفرق بينج وبين خواتج

اووف يابنتي اجيتي لعائلة غلط ومع اهل غلط ماجنت اتمنى تكونين بوسط ام واب معدوم بينهم الالفه والتفاهم والحب ..

شنو ذنبج بعدج صغيرة لحمة حمرة متعرفين بالدنيا شي وراح تشوفين ايام اسود من سواد الليل

دمعت عيني وجريت حسرة بقهر هل طفلة الله يكون بعونها شنو من مصير راح ينتظرها ..

طلعو سناء للغرفه ورحتلها والطفله بين ايدي

سناء بعد الولادة وهيه متمدده ع سرير المشفى وحيلها مهدود من تعب الآم الطلق والولادة

جانت عكس كل أم بانتظار مولودها الجديد تحضنه وتشمه وترضعه هل شي ماشفنا من امي جانت معدومة الاحساس وقاسية القلب

الام تفرح من اتشوف مولودها وتشيله بس امي جانت تتمنى الموت لطفلتها البريئه

جانت تحجي ويه نفسها وتكول

...بعد معانات اربع ساعات والغبيه متقبل تطلع متت ..

الله يشيلها عساها لاعاشت شسوت بيه كلت هسه اذا طلعت ولزمتها اخنكها واخلص منها منو يكولي ليش ..

كل الكره شلته وبكلبي تجاها يمكن السبب الولاده مخلتني احبها معرف منزرعت بكلبي ذرة محبه اتجاها

اول مطلعت الدكتوره مها كالت مبروك بنوته تخبل اني عطت بوجها گلعيها لابوها ماريدها لا اطلع بروحها وصوتها وهيه تصرخ نرفزني ..

كرهتها من كل كلبي حتى مجان الي نفس اشوفها ولا باوعتلها كبل ودتها الممرضه لابوها

الدكتوره ...ماما استهدي بالرحمن ترى الولد والبنت بيد الله مو بيد العبد ..

سناء .... ماريد لا ولد ولا بنت لا اعترف بيها ولاتعترف بيه من البدايه اني ما ردتها ونوب تعبتني يلا طلعت ..

مارضت الدكتوره على كلامي طلعت ضايجه وتكول الله يهديج

د .مها ...طلعت من يم سناء ورحت لزوجها كتله هيج الصار يجوز لان تعبانه

شفته مايتجاوب ويايه حالته اضرب بعد من زوجته كتله البيان راح انطلعلك ايا شراح تسميها حتى اكول لاحمد يسوي

طارق بحالة يأس ..ماعرف ممقررين الها اسم ..

د .مها ..استغربت شايليها ٩ اشهر وممقرريلها اسم انقهرت عليها وكلت عسى ربي يزرع محبتها بكلوبكم كتله شرايك اقترحلك اسم ..

طارق ..بكيفج سميها انتي ..عفت الدكتور ومشيت رحت اشوف سناء

لان طلعوها فتت وبايدي الطفله والي ما نعرف شنسميها اول مافتت عاطت سناء مثل المخبلة ..

سناء ..طلعهااااا مااااااااريد اشوفهااااااااا وابد لتطلب مني اربيها الك ابد متت وما طلعت متتتتت كله بسببك خطيتها انته تشيلها ..

طارق ..اني تخبلت عليها وعليت صوتي وسبيتها والتمو العالم يهدون بينا فضحنا نفسنا وجت الدكتوره تهدي وتكول ..

د .مها .. يمعودين اذا متريدوها اكو كثير عوائل محرومه ياخذوها ويربوها احسن تربايه ..

طارق ..فشلت من حجت هيج كتلها لا احنا نريدها طلعت سناء ورجعنا للبيت

وهيه متقبل ترضعها عاد جبتلها حليب قواطي تبدللها وتشربها بس اذا تموت من البجي متشيلها ..

ورى اسبوع من ولادتها احنا ماختارينالها اسم رحت اطلعلها بيان ولاده وكالو شتسميها

كتله ماعرف اقترحلي جان اشوف دكتوره مها سلمت عليه وسالتني شداتسوي كتلها بيان ولاده ..

مها ..هااااا اخيرا شقررت تسميها

طارق ..والله دكتوره ماعرف شرايج ب وتين

د .مها ..اي حلو خوش لعد سميها وتين ..

طارق ..طلعت البيان ورجعت للبيت كلت لسناء سميتها وتين ماردت عليه ولا كانو احجي وياها اوووووف شيخلص العمر وياها انعل حظي ع هيج مره

مشت الايام والوضع كل يوم يسوء اكثر كبروا سابين وايلين وصاروا يديرون بالهم شويه على وتين

اني مالي خلق للجهال ولا البجي والصياح ارجع تعبان هلكان من الشغل واريد هدوء

وبنهايه سنه ١٩٩٧ خابرني ماجد وبشرني انو مرته حامل وبسنه ال ١٩٩٨ جابت بنت وبنفس السنه ورى شهر من ولادة زبيدة
اجاني الخبر الي صعقني وهد الدنيا ع راسي

وللحكاية بقية ...

- اشعر بخيبه كـ مريض في غرفة الإنعاش سمع أقرب الناس إلى قلبه يقول ألم يمت بعد 💔

يتبع ........

غداً الاحد ينطلق العام الدراسي الجديد لطلبة الجامعات الحكومية والاهلية وللمراحل كافة وفق نظام التعليم المدمج الذي سيكون حضوري للجانب العملي والكتروني للجانب النظري وفق الجداول التي تم اعلانها من قبل عمادات ورئاسات الكليات.

ملاحظة :- المرحلة الأولى يكون دوامكم بداية سنة 2021
@stylegrils

#فقرة_للمتزوجات

بمأانو هالاشهر اهواي اعراس صارت
فكتبولنة مواقف او جفصات😂

صارت وياكم بزواجكم او بالحفلة وماتنسوها ابد
🤗❤️..دزولي عل البوت
@maloka97_bot
بليل..عود انزلهن


#ملوكه

#مشاركة
احترك شعري وحاجزة البوم وصارت مشكلة وماصورت وصورت بالفون ونحذفن😭😭😭

#رد
مو عرس ضيم ضيم🤦‍♀💔

#مشاركة
باقة ورد مالتي انباكت😢
مدري منو اخذها من ايدي واني ادخل للفندق

#رد
يمة شنو هاي خوش حرامية..خايبين هي وردات شبيكم يحظي😂

#مشاركة
متت من الجوع وكلها اتعشت وانه بعدني انتضرت لحد مايزفوني اول ماطبيت للغرفة.. كتله اريد عشة جوعانه😂

#رد
عفيه عليج اهم شي الاكل😂🌚

#مشاركة
طلعت من الصالون ودرج كان ومانتبهت انلوت رجلي😑 ووكعت بس ورة الوكعة شالني🤗😂

#رد
فرحانة بالشيلة انتي😂🙈

#مشاركة
صديقتي بعرسها انكسر كعبها🥺

#رد
خطيية😂🤦‍♀

#مشاركة
داشمر الماسكة مالتي بالقاعة وعلكت بالثرية🤣🤣

#رد
ههههه..هاي تلكين كلها عينها عل ماسكتج تاليها ولاوحده بيهن حصلته😂💔

#مشاركة
بالخطوبة وكعت الحلقة ودنكت اخذها حسبالهم سويت سحر للولد☹️

#رد
وفف..شني هالعقول🤦‍♀💔

#مشاركة
صارت مشكلة من اجو وراي بين ام زوجي وعمتي واني انغمه عليه من صدمة وصار وجهي خريطة مكياج من 😭😭الدموع

#رد
ياا شنو توازن عل العركة بليلة عرسج🤧