لكل ياكل ويشرب واني بقيت سارح البال ع كلام اخواني

صارت عندي خوفه بنفسي شنو المجهول المنتظرني يعني معقولة سناء راح اكون تعيس وياها واتندم لالا مستحيل

بعدين اتعوذت من الشيطان وكتلهم راح انام شوي كعدوني العصر

ماجد وعلي ..تدلل عيني

طارق ..رحت تمددت وغفيت اسمع ماجد وعلي يصيحون يلا كوم ماضل وكت راح تتاخر كوم ولك

طارق ..كمزت شفت الساعه لا يربي الساعه 4 العصر ع السريع افوت اغسل و ابدل واطلع طلعت من الفندق اجرت سياره ورحت لبيت ام حسين ..

اني متفق وياها ع الاربعه اجيها تاخرت للخمسه يلا وصلت اخذتها هيه وبنتها

وصلت لبيت سناء شفت الهوسه عالكيها الدك والركص شفت عمتي ام سناء برا

سلمت عليها وكلتلها بس اخذيلي طريق البسها الذهب فاتت علا اساس اخذتلي طريق

اباوع الكل ملابس شي علا راسه فتت ما عليه بيهم اويلي شلون شفتها تخبل متت سحت اريد اتماسك شويه ..

طالعه تخبل بنت اللذين الشعر لافته الشفه مليانه ولونها وردي تجنن والفستان يخبل

اريد ما اطلع من يمهم اريد ابقى كعدت يمها والكل تهلهل وتغني اغاني شعبيه واني ولا يمهم بس صافن على سناء ..

همست اباذنها طالعه كيكه شوكت اكلج هيه باوعتلي بنظره تحدي وتكلي

سناء ..تحلم تشوف هذا اليوم فهمت لو لا

طارق ..ضحكت على تفكيرها هاي شجاي تسولف اليوم حنتها وباجر بحضني اكسرها ..

تعمدت واني البسها كلادة الذهب اتقرب واباوع لصدرها وهمستلها هذا المن مطلعته حسيت بيها صخنت البنت ههههه ..

كامت تهوي والجو معتدل وام حسين تباوع علي وتضحك ههههههه

والله الا انهيج صبري لبستها التراجي واني اتعمد اتقرب بحجه اشوف شلون اسدها وهيه تبعد براسها ..

لزمت ركبتها بايدي وايدي الثانيه على اذنها وهمستلها هاي ركبتج البيضه باجر تصير زركه

هيه مسكت ايدي الي تحاوط ركبتها وعصرتها اني محسيت بأي وجع لان جانت ماعدها قوه ..

وكذالك سويت بالترجيه الثانيه وكتلها احلم مو هسه اشوفج اليحلم شيسوي

ورجعت على اصابع ايدها لبستها الحلقه والخواتم والسوارات وهيه على اعصابها واكفه واني اضحك بكلبي ...

بس هيه ليش هيج متشنجه مني وتضوج من الزمها هاي لمسات بسيطه وهيج ضاجت باجر شراح تسوي والله الله يعيني اني شكلي مال تعب مو مال راحه ..

جابو الكيك كصيته وياها وعصرت ايدها خفيف هيه باوعتلي باستغراب يمكن عبالها سوت شي غلط

او اني تعصبت بس بالعكس اني ريلاكس ردتها تشوفني وردت اودع عيونها لان ماضل شي واطلع

جت بنت خالتها خلت الكيك بالصحن وشوكتين وكلاصين شربت رتبتهم ع الطبله يمنا وكالت يلا متوكلها ..

كتلها لا اذا اوكلها راح اطلع وبعدني مشبعت شوف منها الكل كام يضحك

كمت وكلتها وكلتني كيك العادات القديمه الي ابالكم اي هيه نفسها هاي الحركه المشهوره

وشربتها وشربتني عصير جابولي الحنه وكالوا حنيها يا عريس اخذت شويه وخليته على ايدها وضل باصبعي شويه حنه خليتها على ركبتها انرعصت

سناء ..لااااا عفيه شنو هاي مو راح تنصبغ ركبتي

طارق ..ضحكت عليها يربي راح تموتني جو البنات مسحولها ايا واني قبل لا اودعها كلتلها باجر اصبغها الج هالركبه البيضه عفتها وطلعت

سناء ..صادفت الحنه جان يوم اربعاء والزواج جان يوم الخميس وبيوم الحنه انخبص البيت كثير و بنات خالاتي وعماتي دك و ركص للكاع ..

اني طبعا ما رحت للصالون بس لبست البدله مالت الحنه جانت لون ماروني ومنفوشه شويه وكلها ورد ناعم تخبل وصدرها دلعه

مجانت اكو بدلات هالوكت سويت شعري حلو لفيته باللورات ماكو كاويات بوقتها هسه الناس المدلله

و خليته يصير كثير من لفيته ومكياج خفيف كلش كل هذا وبنات خالاتي وعماتي ويايه الف ويلفون البس ويلبسون خبلوني ويغنون ويركصون وجان كلش فرحانين ..

نزلوني بعد ما كملت جوا كعدت ع التخم مالتنا وجابوا طبله الي راح يخلون عليها الكيك والعصير والحنه

والكل تركص وماما كاعده يمي مهمومه وضايجه الكل عبالها ضايجه لان راح تودعني بس اني اعرف سبب ضوجتها ..

المهم حجيت وياها بصوت ناصي ماما رحمة لاهلج فرديها راح ننفضح

وجان تكوم تهلهل ويندك الباب الكل وكفو منتظرين يفوت العريس ومحد ستر نفسه

لان لبس كبل مو مكشوف مثل هسه فعادي يطلعون كدام العريس هيج فات العريس الافندي وتلكو بالهلاهل والجكليت يتناثر فوك راسه

اني جانت عيوني بالكاع بس من رفعت راسي وشفته انسحرت بي صدقه شلون طالع حلو يخبل شنو مجنت منتبه علي قبل

جا كعد يمي وهمس طالعه كيكه شوكت اكلج عوذا بكلبي هذا شنو ميستحي ابد ولا اكو اخلاق عنده

من جابو الذهب حتى يلبسني ايا تقرب حيل هوه يلبسني الكلاده وكال هذا المن مطلعته ونزل عيونه على صدري ..

عزاااا هاي وجايبتها مستوره عود بس نقطه امبين منه هذا شنو من بشر اخلاق ماعنده

كلت بكلبي ايا ادبسزز ومن راد يلبسني التراجي هم كعد يحوص ولا يكعد راحه

هم يهمس ويسوي حركات انو يكلي ازورك ركبتج انوب يهدد ويكلي تحلم تسويها لان اني هددته بهاي الجمله هههه ..

بس والله رحت بيها كلت بكلبي لو تعارفنا بغير طريقه يجوز

جان حبيتك ..يلا هيه كم شهر وتمر وهذا كله يصير خبر كان ..

جابوا الكيك والشربت ولازم نسوي الحركه المشهوره واحد يطعم الخ كانت حركه فد شي بهذاك الزمن جديده وحناني بايدي وضل شوي وخله على ركبتي ضجت كتله مو تنصبغ شلون هسه ..

انحنى الي وكال باجر اصبغها الج عزااااااا والله اني متورطه شلون هسه صفنت علي هذا جديات دا يحجي واني نسطرت بمكاني ماتحركت

جت بنت عمتي مسحت ركبتي وكالت شكالج حتى سطرج هيج ضربتها على بطنها اووووش ولا حرف ابتلي بيج وربي ..

كمل وسلم وراح اووووف ارتاحيت شويه من الضغط جت ام حسين خطيه جايبه فلوس خلتها بيدي وباركتلي وبنتها هم باركتلي ناس اوادم وراحوا طلعوا
‏
وبعد ماطلع طارق وام حسين علكوها البنات ركص واكل وشرب وكوموني اركص وياهم

اتحججت انو الحذاء مضايقني ورجلي تاذت بسببه وتعذرتهم

مالي خلك اكوم اركص اصلا لازم اسوي جنازه لان مو زواج الاحلم بي هذا ...

اصلا مادري شلون سويت هيج وخطيت هاي الخطوه لان ادري راح يكون زواجنه فاشل

اوووف ليش قبلت اتزوجه ليش يربي جنت احلم احب شخص ويحبني وينولد عشق بينه يخليني ابقه سهرانه افكر بي وماكدر انام

مثل كل بنية تحلم تعيش قصة حب وتزوج التحبه لكن جرت الرياح بما لاتشتهي السفن

كملت حفلة الحنه واني متت اليوم من التعب ماجنت اكدر احرك ساكن

المهم تركتهم وكلت لماما اني راح اطلع لغرفتي ما اكدر اتحرك بعد تشنجت من الكعد

امي ..طلعي ماما هسه البنات يلملمن الباقي

سناء ..اني طلعت نزعت البدله فتت سبحت وطلعت لبست شيله خفيفه مال نوم ونمت

طارق ...رجعت ام حسين وبنتها لبيتهم وتشكرتها على وكفتها ويايه والمراة عزمتني اتعشى يمهم لان ماكلنا شي

تعذرت منها وكتلها غير مره ومشكوره ماقصرتي بس تعبان يادوب اوصل وانام

بكلبي باجر اليوم المنتظر
رجعت فتت لغرفتي سبحت وبدلت وندك الباب فتحته اخوتي جايبين اكل وجايين
ماجد ها طروق شلون الاجواء فرفح گلبك شويه

علي ....اوووو طبعا يفرفح حبيبت الگلب بعد شيريد

طارق ... تسكتون لو تطلعون خلك الكم ماعندي اليوم يلا شيلو عشاكم وكلمن على غرفته يلااااا

ماجد ...جايين ناكل وياك حبيبي اخر يوم نشوفك باجر راجعين

طارق ...لابربك ليش ماصارلكم كم يوم ابقو حبابين

علي ....ووووين نبقى راح تزوج ومانشوفك بعد راح تلزك بلشقه وماتطلع منها

طارق حجه بنبرة يغور علي ....وانته شكو غاير محموس مو لان زواجي عن حب وانته لااااااا

علي ...خاب دطير عني اروح انام احسنلي

ماجد ..اني هم جاي انتظرني

طارق ..الله وياكم سدو الباب
اوف اخيرا طلعوا ارتاح شويه افكر شويه كعدت الافكار توديني وتجيبني

شيصبرني ويجي باجر اوووف يلا قابل هو هو شنو انتظرت كل هالمده ماتنتظرها كم ساعه ..

بس كعدت ارجع بذاكرتي واشوفها بالبدله اووووف ربي تجنن تخبل وضحكت على تصرفاتي وياها شلون ضوجتها ياربي والله احبها

سناء ...كعدت الصبح بعد ماخلصت عجقت الحنه كعدت على فتحت الباب

ماما تكول اشش بعد وكت لتكعدوها والبنات يصيحون فوك راسي لا خاله شنو بعد وكت يادوب نلحكها

كمت منزعجه منهم وعطت بيهم زواجي لو زواجكم شكو زاعجيني من الصبح جنت معصبه مو منهم من الزواج وطلعته بيهم ..

ضاجوا خطييه وطلعوا وضلوا بزواجي ضايجين لاركصوا لا هلهلوا

صوجي صيحت بوجهم يلا بعدين اعتذر منهم كمت سبحت ولبست قميص خفيف وتنوره هاي ملابس البيت مالتي ونزلت تريكت ويه الكل ..

بابا وماما والبنات صاروا مقيمات عندي وحده تروح والثانيه تجي يعني البيت ابد ما خلى

اكلت لكمتين ع الماشي وكلت لبابا يوديني للمركز جان عباره عن حفافه و وحده تسوي الشعر ومكياج بهذاك الزمن بس الطاك يروح للمركز شغلهم جان بسيط مو كلش مبهر مثل هسه ..

هاي استعدادات العروس طولت بيه ٤ ساعات لان شعري سرح ما نلف بسهوله كملت ..

بابا خطيه ضل واكف ينتظرني طلعت وركبت ويا ورجعت ع البيت طبعا ماشتريت بدله ولا اجرت لبست كوستم ابيض كلش انيق وكعدت عبالك بعزا ..

البنات زعلانات مني حقهم والله وماما دمعتها بطارف عيونها واعرف سبب هالشي

بس ملازم اتراجع عندي هدف بهل زواج ولازم احققه سمعنا صوت السيارات واغاني عرفت جو بس نصدمنا شكد جايب عالم ....

مو علا اساس ماعنده احد فات هوه للاستقبال ويا ام حسين وبنتها

واكو نسوان ماعرفتهم جو هلاهل واغاني شعبيه وجكليت يتطاير بالهوا وبره هم اكو زلم يهوسون اله ..

وراها بشويه فات هوه ولابس قاط اسود مرتب وقميص ابيض والعطر مالته يدلي سابع جار لو تاه اوف شكد كشخه والبنات فاتحات عيونهم على وسعها ..يردن ياكلنه لان جان هيبة وانيق وحلو

وجان ويا ولد ما عرفته اووووف شكد كيوت وحلو طلع صديقه حسين عرفت من كاله حسين جيب السياره قريب للباب جا كعد يمي هوسوا شويه ..

واهلي وبدت البواجي والدموع اني مابجيت لان مامعتبرته زواج الصراحه

هو استاذن وكال لاتخافين عمتي سناء امانه عندي اتمنى ترتاحين غطا راسي بلبركع وطلعني ..

وشفت بابا رحت بوسته ودمعت عيوني كتله بهمس لتخاف بابا اطمن كم شهر

وارجع كلشي الك انتظرني

بابا ..والله ظلمتج يابنتي انعل ابو الساعه الطاوعتج بيها بس بعد صارت ومانكدر نتراجع هسه خلصيها بسرعه وارجعي ..

سناء ..مسحت دموعي وبست ايده وهزيت راسي بأي و ودعته ورجعت يم طارق

هوه سلم على بابا وطلعني ركبت بالسياره جانت بيضه بس كوم عالم اكو لزم ايدي واني قطعه ثلج تجاها وكال شلونج ياعروس مارديت علي ..

طارق يحجي ويتوعد ..ردي ردي احسن ماتندمين ترى اليوم ماكو حجج ولا اكو مهرب اليوم يومي ترا مارحمج

سناء ..هففففف زينه بس كولي منو هذول العالم برى ضحك وكال ..

طارق ..عبالج اجيج بطرك نفسي لا حبيبي لا عشقي جبت كل الاعرفهم ماردت عرسج يكون عادي واذا اهلي ما اجو اجيب اصدقائي واهاليتهم ماردت تذكرين يوم فرحنا على انو يوم عادي

سناء ..حسيت بالندم على الشي الداسوي لان الولد حبه صادق الي .. يربي ليش مدا اكدر احبه داشوفه سوا كولشي الي خطية

ومن يحجي عيونه تلمع وكانو طفل جايبيله لعابه والله كلبه صافي ليش ابتلى بوحده كلبها اسود مثلي ليش يربي ليش

غصيت ودمعت عيوني وماحسيت ع الزفه الا واحنا واصلين بيت لبيت كبير واسع وحلو كتله طارق وين احنا

طارق ..بيت ام حسين راح يصير العرس بي لبين ماتبارك العالم وتطلع واحنا نروح لشقتنا

سناء ..هااااا اي

طارق يضحك وغمزلها ..ليش مستعجله تريدين توصلين الشقه

سناء ..احم ها لا مو مستعجله باوعت علي كام يضحك بقوى فشلت هاي شدا احجي اني امداني خل اسكت لا اجفص بعد اكثر

فتت وكعدوني على تخم اني وطارق وبدت العالم تبارك وناس تركص والشباب مخلوا قصور هدوا للبيت من الدبجات والهز فرطوا بنفسهم ..

صارت ساعه 8 بلليل جابتلي ام حسين اكل وكالت يما ما اكلتي من الصبح هاج اكلي لكمتين تسند كلبج

جنت جوعانه واكلت خطيه هيه تلفلي كباب ودجاج واني اكل وكتلها خاله شكرا شبعت ..

ام حسين ..يمه تحتاجين حمام شي كولي راح اخلي بنتي يمج اذا احتاجيتي شي ..

سناء ..تشكرتها خوش مره حبابه وطارق بهل اثناء جان يم اصدقائه صاحوا ياكل وياهم ..

‏بدت العالم تخف كلمن جا بارك وسلم ونطا هديه زواج وراح فات طارق كال يلا راح نطلع احنا ساعه 9 هم تاخر الوقت ..

مسك ايدي وخلا البركع على راسي وطلعني من البيت وركبني بسياره دنروح للشقه
‏نص ساعه بلسياره وجان نوصل للشقه
وهنا بدت دكات كلبي تقرا الف مادري ليش يمكن لان خايفه او ممتعوده علي او ماحبه ماعرف مشاعر مخربطه كامت تتلاطم بداخلي

شنو من حياة منتظرتني شنو من مصير منتظرني جنت خايفه لا اكون اتسرعت بهذا القرار والخطوة الخطيتها اخاف توكعني بالهاوية احس هذا باب الجحيم راح ينفتح الي مو باب شقة .!!!

وللحكاية بقية ..

((هل تعلم من ان تحب شخصا وتظن انك ملكت الدنيا ولكن الحقيقة انك ملكت الجحيم بعينها
اتعلم ماذا يعني هذا ؟ انه ذُبول قلبك
ولم تعد تشعر بأن الحياة حيـاة..!!!
معناه ان اختيارك كان خاطأً ويجب عليك ان تتحمل نتيجة سوء اختيارك 💔))

يتبع ......

#الانتحار

#بارت4

...................

وصلنا للشقة و نزلت وهو ماسك ايدي فوتني للشقه وسد الباب وقفله و وكف يم الباب وانتجه علي

طارق .. طبعا بسبوعين كملت ترتيبات الزواج وتزوجت غصب عن اهلي محد راضي عن تصرفي بس الغريب اهلها مامعارضين ولا هيه ..

ماصدكت شوكت تخلص هوسه العرس واخذها اوووف شكد مشتاقلها

صارت ساعه ثمانيه وصاحني حسين تعال اكل ويانا خلي العروس تاكل براحتها ..

طلعت وعفتها واني ماريد افارقها ثانيه كعدت اكلت شويه مالي نفس وشربت جاي

وضلوا يحجون واني اريد اطلع شو باوعت للساعه لا يربي الساعه 9 خررررب شوكت مشا الوكت ..

كمت كلتلهم يلا اني اروح هم تاخر الوكت لازم اطلع يادوب نوصل

وصاروا يهوسون ويركصون يابا مشبعتوا ركص

وصلت للصاله وغطيتها ع السريع لحد يشوفها مع العلم هيه سافره ولزمت ايدها شفتها قطعه ثلج ..

مسكتها قوي بس ما اذيتها واخذتها للسياره وطلعت كعدت يمها

يلا اودعناكم بكلبي اكول بس فكوني استفرد بيها شسويتوا بحالي ..

مشا التكسي وهالطريق احسه صار سنه ولايقبل نوصل وصلنا كتله عندك ننزل

حاسبت التكسي وطلعت ومسكت ايدها وسحبتها صارت تحت كتفي وحضنتها

وطلعتها للشقه فتت وقفلت الباب شو هاي ندارت عليه و مستغربه انتجيت وكتلها شكو

سناء ..ليش قفلت الباب

طارق ..ضحكت وكتلها لعد اعوفه مفتوح حتى ننباك او ننقتل جنت اشاقيها هيه خجلت وحست انو سؤالها جان غبي ..

سناء ..لا نسيت عبالي ابيت احنا

طارق .. لا عمري انتي بشقه وعن قريب اشتريلج بيت .. انتبهت عليها فرفحت وكالت

سناء ..صدك وتسجله باسمي اريد

طارق ..باوعت عليها كتلها هالكد تضوجين من الشقق

سناء ..اي احب البيت ويكون النا يعني باسمنا حتى ما اخاف فد يوم واحد يطردني منه

طارق ..تدللين هو شكو شي عندي هو الج كم سناوي عندي اني ياعمري انتي

جنت اباوع على تفاصيل وجها فرحانه

اذا من صدك البيت يفرحها والله اشتريلها بيت وشتريد بعد اجيبلها بس المهم عندي اشوف ضحكتها

تقربت الها وهيه ملامح الفرح على وجها اختفت انكلبت مباشرةً لخوف وجها اصفر

اني اتقرب وهيه ترجع وتكول طااااااااارق شكو اني ما حجيت ضليت اتقرب منها وهيه تبتعد

الا ان فاتت برجليها لغرفة النوم واني قفلت الباب ..

اباوع لوجها كام ينطي الوان وبكلبي اضحك عليها شكد خايفه مني

بس والله ماريدها تخاف ماراح اجبرها على شي احجي بيني وبين نفسي

رحت كعدت على طرف التخت وسويتلها مجال واشرتلها تجي تكعد يمي ..

هيه ماجت كتلها تعالي نحجي بس لتخافين تعالي يمي

سناء ..لا احجي من يمك واني اسمعك من يمي

طارق ..ضحكت عليها وكمت ع السريع مشيت ليمها شلتها وفريتها وهيه تصيح

نزلني كعدت على التخت وخليتها بحضني وكتلها مو كتلج بس نحجي ليش تعبين كلبي ..

هيه ضلت اعصابها متشنجه ردتها تاخذ راحتها نزلتها وخليتها بصفي كتلها شبيج ليش خايفه مني ..

سناء ..لانك تخوف

طارق ..عكدت حاجبي وليش اخوف بله

سناء ..ما اعرف

طارق ..كمت تركتها رحت غسلت وبدلت ملابس بيت ورجعت تمددت ع التخت هيه ضلت بمكانها كتلها ماتبدلين

كالت اي راحت ورى نص ساعه يلا اجت اني متمدد واعرف جاي تاخر بنفسها

حتى انام يلا تفوت سويت نفسي نايم وفاتت على كيفها طفت الضوه وتمددت على حاافه التخت حتى لا احس عليها ..

هيه تغطت وناطيتني ضهرها اني سحبتها ليمي وهمستلها لاتخافين انتي اقرب من روحي الي ..

اضوج اذا خفتي مني فلا تخافين وشوكت ماتكونين مرتاحه وجاهزه نصير زوج وزوجه اني مو طبعي اخذ جبر

سناء ...اوووف يربي اريد هل يوم الاكشر يخلص بس والله غباء اذا اليوم خلص زين وباجر والورا شسوي ياربي شسويت بروحي

غفيت وماحسيت على شي الا ان كعدت الصبح الشمس بعيني فايته من طرف البرده كبل فزيت شفته مو يمي ..

تنهدت وسحبت نفس وكلت همزين يارب ما يكون بالشقه ع السريع فتت للحمام

بد

لت ملابس النوم لبست تنوره اوفوايت قصيره بس مو كلش قصيره

شويه يطلع الساق منها وكلوش وكسرات تنانير قبل وتعرفوها و قميص وردي ساده ..

وسويت شعري سمعت الباب انفتح ونطبك طلعت راسي من الغرفه شفته جا وجايب بيده علاليك هو شافني وكال همزين كعدتي ..

طارق ...تعالي ناكل ميت جوع وانتي هم اكيد جوعانه تعالي حبيبي

سناء ...طلعت بس ما حجيت ولاتشكرته كعدت وهو يحط كبالي الاكل ..

جايب جبن وكاهي وصمون وبيض مسلوق وجاي ومربى وبسكت ممخلي شي

استحي اكل يمه بس جوعانه شسوي كعد يمي اووووي ليش هيج سوى جان يكدر يكعد كبالي وقرب من اذني وكال

طارق ..شلون جانت نومتج البارحه

سناء ..اني احتريت كتله اي زينه

طارق يداهرها بضحك كال ..شنو الزينه الحضنه

سناء ..اني راسي كام يطلع دخان منه كتله احم ها لا اقصد ارتاحيت بالنومه جاوبني بنبره خبيثه

طارق ..هاااا يعني تريدين كل يوم انيمج هيج

سناء ..اني صرت طماطه لالا مو قصدي هيج لا والله ..سكتت لان اعرف بنفسي دا اجفص وهو عاجبه هالجفاص

طارق ...يلا حب تعالي اطعمج و وعد راح تحبين هالشي مثل ماحبيتي ليلة البارحه

سناء اتحوص بمكانها وضايجه من كلامه ... ومنو كال حبيت ليلة البارحه اصلا ماحبيتها ولاحلوه ولاكان بيها طعم انتبهت اله جان يباوع عليه بطريقه غريبه

طارق ...باوعت عليها بنظرة صلفه كتلها هااا تريدين بيها طعم وغمزتلها بابتسامه ماكرة

سناء ..جان يحجي بصوت ناصي وقرب مني

طارق ..مو انتي جنتي خايفه وما حبيت اضغط عليج لهذا اجلت الطعم نطيتج بس الحضنه

واذا انتي ضايجه بسبب تصرفي البارحه كومي هسه اطعمج

سناء شهكت وفتحت عينها ...ياااااا عزززا اصخام شكد منحرف هذا كتله بلا انحراف خلي نتريك رجع راسه ليورى ولاكانو حجا شي

طارق ..عدلت كعدتي ومديت ايدي ع الاكل وكتلها اي ناكل ليش ماناكل ناكل ونوكل الحب هم

سناء ..لا شكرا ميحتاج عندي ايدين واكل وحدي

طارق ..لااااا حرمتيني من شغله هاي ما اسمحلج تحرميني منها يلا كولي آآآآآآ

سناء ..غصبني ووكلني وجان يخلي لكمه بحلكي كتله كبيره دحسها كوه وباس خدي

طارق ...خلصنا اكل وكتلها يلا نطلع نفتر وين تريدين تروحين

سناء ..لمكتب عمو جميل

طارق ..اممممم شسوين ؟

سناء ..عندي شغل كثير تراكم عليه

طارق ..عصبت وكتلها لايابا لا ..اني اريد اطلعج لان اعرف اذا ضليت بالبيت ماراح احصل منج شي

فحتى لا نقضيها مثل الاخوه قررت اطلعج فاذا تريدين تطلعين علمود الشغل اعذريني اشتغلي بيه اني وعوفي شغل جميل ميطعم خبز

سناء ...لااااا انته شكد منحرف

طارق ...شنو منحرف حبيبي غير مرتي واحبها واتغزل بيها
زين شرايج اخلي يومج هذا بي طعم واعوضج عن ليله البارحه

سناء ....تقرب مني وصار يحجي بصوت ناصي كلبي اشتعل كام يدك سريع معرف شبي وهذا الثاني يتغزل وصاير ادبسزز

طفرت من القنفه وكتله انته ماعندك شغل عمل دروح على شغلك يكفي تسخت

طارق ...بصوت ناصي اي عندي شغل لازم اكمله وانتي طلبتي اروحله تعالي اكمل شغلي واتركج

سناء ....طيح الله حظي اجيب السوالف المكسره لنفسي شنو لا والله هوه ادبسززز

بيني وبين نفسي احجي كتله لا اقصد شغلك انته ماحسيت الا صار فوكايه

طارق ...بكلبي اكول والله ما اصبر انتي مرتي تزعلين يوم يومين اراضيج

بس مال اعيش وياج مثل الاخوه بدون كلشي هاي ما اكدرلها اعذريني ..

هسه لو تنطيني بوسه اصبر بس هاي مصومتني عنها مسويه بيه جفاف وهيه جاي تحجي اني ولا يمها ما اسمع شجاي تكول

عيوني بس على شفايفها المليانه شلون تتحرك ما احس على نفسي الى صرت فوكاها

نزلت بيها بكره ضليت ابوس بركبتها وهيه تدفع بيه واني احاول امسك ايدها بس ترجع تفلتها وتدفع واني مستمر رفعت ايدها لفوك وشكيت قميصها الي لهسه تعاتبني بي

سناء ..لا يالله انجن الرجال صارت افعاله جريئة شكك قميصي صرخت وكمت اضرب بي

كتله ايا حقير يامتوحش احد يشك القميص جان عاجبني هل قميص الله لاينطيك

طارق ...ماهتميت شحجت وشسوت رادت تدفعني وضلت تضرب بصدري تريد تمنعني من حقي بيها بس ماكدرتلي ونزلت على صدرها وووووووو

بعد ما اخذتها كامت تبجي تهسترت وبس تكسر وتصيح ..

سناء بصياح واتهسترت ...شي مقزز حيوان مو بشر ...انته الله بس شكلك بهيئه بشر الله يلعنك الله ياخذك .. ياحقيررر

طارق ..ضلت تبجي وتصيح وتسب واني احاول اهديها بس جنت ماتقبل المسها وكل ما اتقرب منها اريدها تسكت تصيح

سناء ..لتتقرب مني ماريدك ترا اكلب الدنيا عليك عووووفني بحالي متوحش حيوان وكمة الطم ع وجهي واصرخ

طارق ..كتلها اعوفج بس اهدي يابنت الناس قابل اغتصبتج هوه انتي مرتي

ونوب زدت الطين بله كامت تبجي بالزايد وتدفن راسها بالمخده وتصيح بكل علو صوتها وتبجي ..

بح صوتها متت اني شسويت لو ادري هيج تتاذى والله فلا اتقربلها هاي شجاها اويلي

كلشي ماريد بس خلي تهدأ انهارت بعد مايطلع صوتها اوف ياربي شكد ما صيحت وبجت كعدت بالكاع وتشهك وتبجي ..

كتلها واني واكف بعيد عنها راح اطلع انتي بس لاتبجين راح اعوفج

ترتاحين تريدين اجيبلج امج

هزت راسها بمعنى لا كتلها شلون تبقين وحدج كالت اي عوفني وتشهك كوه تطلع الكلمه من حلكها

اني كلبي نعصر عليها تندمت بكد شعر راسي ليش هيج صار وافكر هيه ليش نفعلت هيج مو ممسوي شي حرام ليش اولها وتاليها الي ..

يجوز جانت تحتاج وكت او لان اني طوختها وبينت وكانو اخذتها غصب

اووووف شيحلها هسه عفتها بلشقه وطلعت وكلبي محروك امشي وما اعرف وين رايح وين اولي

ضليت امشي 3 ساعات بدون وجهه شفت مقهى كعدت بي جكاره تعلك جكاره تطفي والجاي بلثواني بجيني حتى ابو الكهوه انتبه علي ..

صاحب القهوة ..عمي شبيك تره كلبت الكهوه كئابه الكل منتبه عليك شصاير بيك حتى هيج مهموم ..

طارق ..بكلبي اكول شحجيلك اخذت مرتي ونهارت وجنت عليه اووووف

كتله مابيه شي هذا طبعي اني هيج ادخن وجاي افكر بشغله شلون احلها يلا شكد الحساب حاسبته وطلعت على حسين دكيت الباب طلعلي ..

حسين ..ها ولك عريس وطالع هاي شلون كلت بعد منشوفك شبسرعه

طارق ..اكدر افوت انتبه عليه مهموم

حسين ..فوت شصاير احجيلي

طارق ..اتنهدت وكتله مكدر احجيلك بس تعبان شويه واريد ارتاح

حسين ..جنت كاعد ويه امي واختي وجان يندك الباب كمت فتحته شفت طارق استغربت

لسه البارحه زواجه هذا شعنده جاي بهيج وكت كتله ها شو طلعت كلت مراح نشوفك

كلي تعبان وبس اريد ارتاح شويه عرفت صايره مشكله بيناتهم مالحيت بلسؤال علي ..

كتله تفضل اخوي فات تمدد ولني طس بالنومه بسرعه مالحكت اروح للمطبخ اجيبله مي جاي ..

صارت الساعه 8 بلليل كلت لامي اكعده اخاف سناء يضل بالها علي كالت كعده يمه

كعدته فز وكال شبيها ها شبيها كتله منو هيه وها صفن بوجهي

طارق ...ها جنت احلم ساعه شكد

حسين ...الساعه 8 شكو شصاير وياك انته وتارك مرتك لسه البارحه تزوجت تحجي لو شنو

طارق ... حسن خوية اعذرني اني اروح بعدين نحجي طلعت وضليت امشي واني افكر صارت زينه هسه

وبكلبي اكول والله مايستوجب السوته قابل شسويت وارجع وافكر هسه هيه اكلت شي الثلاجه مليانه اكل نايمه كاعده ..

ضليت امشي واني اتمنى ارجع اشوفها هديانه واعتذر منها وتسامحني تعبت من المشي

عاد اخذت تكسي وطلعت للشقه وصلت فتحت الباب شفت الصاله مرتبه وافارغه كلت اكيد نامت

رحت غسلت وذبيت ملابسي و فتحت باب الغرفه على كيفي شفتها متمدده ونايمه

فتت على كيفي اخذتلي ملابس لبستها ونمت بالصاله وماحسيت على شي

سناء ...من سوى بيه هيج واني اريده يوخر عني واترجى بي وهو ولايسمعني واخذ الي يريده بقوته

اني حسيت نفسي ضعيفه وكتها وكرهت هذا الاحساس وماحسيت الي قيمه

ونوب اذاني حيل وهو قبلها بليل جان واعدني ميصير شي بالجبر وسوا هذا الشي

جنيت تهسترت ما اعرف تخبلت نسيت نفسي مرته وهذا واجبه بوكتها كسرت كلشي وصيحت

ردته بس يطلع هوه ضل يحاول يهدي بيه واني ما اكدر اباوعله عاد هوه تركني وطلع ..

كعدت بالكاع ضليت ابجي الا ان حسيت راسي راد ينفجر عاد تمددت شويه ونمت

وكعدت المغرب عزلت الهوسه ع السريع ونظفت الشقه صغيره متاخذ وكت وسبحت واكلت نستله لان حسيت طاقه ماعندي واحتاج سكر ..

وجنت دا اباوع من شباك غرفه النوم وشفته جا كبل سويت نفسي نايمه ما اريد اتواجه ويا

وحسيت علي فات للغرفه اخذ ملابسه وطلع ما انكر حسيت بندم شويه

كمت اتذكر شون جان خايف عليه وجان يريد يهديني ويكولي والله بعد ما اتقرب منج بس اهدي ..

بس ارجع واكول مو بهاي الطريقه الوحشيه ياخذني ضليت بالفراش اتكلب ما اكدر انام

بس جنت اريد افوت للحمام انتظرت كلت اكيد هسه نام كمت طلعت على روس اصابيعي حتى لا اطلع حس

فتت ع السريع وطلعت شفته كاعد انصدمت خرررب باوع عليه ونزل راسه وكال ..

طارق ..اعتذر منج سناء اسف ع كوولشي بدر مني

سناء ..حجه هل كلمتين ورجع تمدد ودار ضهره الي ونام على القنفه

اني انقهرت بس ليش نقهرت ماعرف يمكن علي لان حب الشخص الغلط وهو انسان كلبه نظيف

اتمنى اكدر احبه شي يوم اتمنى رجعت للغرفه تمددت وضليت افكر بالايام الجايه

شلون راح تنقضي نعست وغفيت وكعدت الصبح على صوته وهوه بالغرفه فتحت عيوني وشفته دا يطلع ملابس اله

كعدت عدلت شعري وشلته ليفوك وهوه ولاباوعلي بس كلي ها شلون صرتي كتله احسن

طارق ..اني طالع ما ارجع لليل تريدين تروحين يم امج

سناء ..لا راح ابقى بالشقه تعبانه مو مال اطلع

طارق ..بكيفج اكو اكل اذا تريدين طبخي واذا متعرفين علمود هسه اجيبلج واروح

سناء ..تشكرته كتله اني اسوي لنفسي لتعب نفسك

طارق ...براحتج

سناء ..طلع اني رجعت تمددت ورا نص ساعه كمت سبحت ترتبت وسويت ريوك الي جاي وجبن ونساتل

وكعدت اكل شويه عزلت البيت ميحتاج كثير شغل ومر اليوم عادي وطارق ما رجع لل11 بلليل

وضلت تمر الايام على هالمنوال هوه يطلع من الصبح مايرجع لليل واني بلشقه الهي نفسي بلشغل او اتمدد واضل نايمه ..

ضلينا على هالحاله شهرين وطول هالمده اني انبش بالشقه نبش اريد الكى ورقه سند شي ماكو

الى ان اجا مره من وكت من شغله جنت لابسه مل

ابس النوم شيله زهري وقصيره ومفضوحه من يم الصدر

اني فزيت ونداريت عبالي حرامي
شفته كتله شو من وكت جاي ..

طارق ..اي تعبت كل يوم نفس الوضع

سناء ..بس ما ابدى اي اهتمام من شافني هيج كال اني اخذ ملابسي من الغرفه واطلع كتله براحتك فات اخذ ملابسه وطلع اني فتت تمددت وغفيت

طارق ...من بعد الصار وردت فعلها المبالغ بيها اني معرف ليش كلبي لزمني

كلت بعد ما اتقربلها الا هيه تطلب حتى لو اعيش العمر كله وياها على انو اخوها بلغرفه ..

المهم اني ما اجرح مشاعري بيدي حبيتها من صدك ليش ماتبادلني شعور الحب

قابل شطلبت واني منطي وعد لنفسي اعيشها اميره شتطلب اجيبه الها

ليش هيج سوت ضليت على هالحاله شهرين اني كوه كاض نفسي عنها وهيه ولاعبالك زوجها ..

عادي عدها كمت اطلع من الصبح ما ارجع لل11بلليل حتى لا اشوفها

احاول الهي نفسي عنها مر هالشهرين وكانو اخذ نص عمري

الى ان فد يوم تعبت حيل اكلي قليل وكلبي مهموم وراسي مشغول وشغل صعب لازم تركيز تعبت حيييييل ماضل بيه حيل ..

رجعت ب 9 للبيت شفتها لابسه شيلة نوم لونها زهري طالعه اميره تخبل بس بينت نفسي انو ما مهتم ..

شفت ملامح الاستغراب على وجها من شافتني رجعت بوكت وهم ماهتميت الها

انوب كتلها اخذ ملابسي واطلع انام برا بس متحملت انتظرت الى ان تنام وكلت بس اتمدد يمها شويه

جنت مشتاقلها بعد ما اتحمل وهاي شكلها ماراح تحن وتجيني رحت تمددت يمها واشم بشعرها اوووووف شكد مشتاقلها

على اساس بس شويه يمها واكوم حتى ماتحس عليه ضليت يمها كل شويه اكول هسه اكوم وما كمت

الا ان غفيت للصبح وماحسيت ع نفسي كعدت شفتها كاعده وتباوع عليه استغربت

ليش ماصيحت اني فزيت ماعرف جنت ناسي المشكله وكتلها اعتذر بلغلط نمت

وماحسيت ع نفسي غفيت ..ردت اكوم من السرير شو هاي سحبتني عليها ووووووووووو

سناء ...جنت متمدده وحسيت علي من جا تمدد يمي سويت نفسي نايمه لشوكت ابقى يمه هاي شهرين متزوجته لازم مااضيع وكت واتصرف بسرعه نمت وكعدت الصبح شفته جان مثل الطفل نايم ...

مايستاهل وحده مثلي ضليت اباوع لعيونه ما انكر عجبني شكله من كعد وفتح عيونه جفل وكال اعتذر بلغلط راد يكوم سحبتو وووووووو ..

لازم امشي شويه بلعلاقه والا ما احصل منه شي كمت اتدلعله واتموعله

صح جان حباب بس ما دخل كلبي ابد ماعرف ليش يربي

وراها بسبوع عزمنا اهلي لان من تزوجت صار شهرين مارحت الهم ولا حاجيتهم وعيب ..

عزمناهم وعزمنا بيت ام حسين راح طارق جاب اكل من برى والتمينه كلنا اكل وسوالف جنت محتاجه هذا الشي لان ضليت محبوسه ..

جان يوم كلش حلو خلص هاليوم واني تعبت ورحت تمددت وجا يمي ايصيح اريييييد كتله هاااا شكو شتريد

طارق ..ارررررريد

سناء ..دكول شتريد
وجان يجط فوكايه ووووووو

وضليت اني ادور بجنطة الشغل مالتو بس بلا فايده وامي صارت تلح عليه كثير وشصار ليش لهسه ما كدرتي تسلبي ..

اني جنت اضوج منها بس هذا هو الاتفاق والخطه مرت الايام وعادي اني احاول اجرجره بالحجي

بس هوه لا ماينطي تفاصيل ومره سالته الشقه هاي مالتك يعني باسمك كلي اي كتله بصيغه دلع زعلت

طارق ..لا لا ليش حبيبي يزعل علي ...شكلت وزعلتج

سناء بدلع ماكر ..اريد شقه باسمي باجر تروح تزوج ثانيه وتدللك وتطردني وتبقيها هيه هنا انتو الرجال ما الكم امان كام يضحك وكال

طارق ..ماعاش اليزوج عليج انتي النفس مالي اذا ماشمج اموت ..

سناء ..امممم لعد اريد الشقه الي معليه

طارق .. بويه ما هاي شقتج شتريدين بعد

سناء ..سجلها باسمي

طارق ..صاااار ادللي

سناء ..وكل يوم اكله سجلتها يكولي باجر وتركته عرفت مراح يسويها لازم اني اتصرف

طارق ... لحت كثير ع تسجيل الشقه باسمها وهالشي غريب وبيوم اني رحت وشتريت بيت على اساس اسكنها بي

وفعلا سجلته باسمها وهم جنت فرحان بلمشروع الي نجح فتحت معمل طابوك باسمي

ودخلت حسين ويايا واني راجع للبيت فتت على كيفي حتى احضنها وافاجئها

((وتين ....تزوجوا ماما وبابا بسنه 82 وكانت حياتهم مليانه نفاق من ناحيه ماما طبعا

بابا كان قلبو حنين ويحبها وشتريد يجيبلها ومدللها وما وداها للانبار على اهلو ابد وسكنها بغداد حتى قريبه من اهلها ..

لان يكول ليش اسكنها بديرتي ومحد هناك طايقها اخليها يم امها على الاقل جان يحبها من كل گلبو

بس هيه جانت منافقه وامها ضلت تحشي براسها يلا سلبي شعنده ممتلكات

يلا ويلا ولازم تتحركين خلي يوقع على ورقه فارغه وانتي رتبي الامور على انو متنازل عن كلشي الج وكل ماتزور امي بيبيتي الي هيه امها يكعدون يخططون للموضوع ..

امي تتعامل حلو ويه بابا بس من تتعصب منه يطلع وجها الحقيقي ومشاعرها الحقيقيه تجاه بابا ..

وبابا جان يحس انو هيه متحبه بكد ماهوه يحبها بس جان عندو امل انو تتقبله وتحبه

وضلت امي تحاول تاخذ السندات الى ان فد يوم جانت بيبي يم ماما بالشقه وبابا رجع بوقت فرحان بمشروعه الي نجح يريد يبشر ماما وجايبلها هديه ومن فات البيت سمع بيبي تكول ..

بيبي ..شلون جارعته لخاطر ربج يل

ا خفيها وسحبي املاكه وطلكي لايروح عليج العمر ومحد يكلبج من تكبرين

سناء ..اي ماما وداعتج مكاعدة اني ويوميه داكوله سجل الشقة بأسمي وهم نبشت الشقة شبر شبر ع اي ورقة مستند اصخام ماكو اي شي بالبيت

طارق ...اني هنا انصدمت صدمة عمري وعرفت المصيبة الي طاحت ع راسي شنو تكون
...............

(( صدمات جثيرة راح تشوف يطارق هل صدمة نقطة ابحر من صدمات سناء الك ...القادم افضع واسوء ...صدمة اقوة راح اتشوفوها بالبارت القادم ))

وللحكاية بقية ..

(( قد تعتقد يوما انك قد ملكت الدنيا بحب شخصا اعطيته ما تستطيع من حبك واهتمامك .. ولكن يصدمك القدر بشخص قد ظهر من قعر الجحيم .. شيطان بهيئة بشرية .. يغير حياتك واسلوبك وحتى تفكيرك .. ويصدمك صدمة عمرك لن تستفيق بعدها ابداً ))

#يتبع .......

حبايب اللي دزن استفساراتهن
ان شاء الله مغربية انزلهن وارد عليهن

لان هسه مشغولة🥺❤️

#ملوكه

..........
•لا تغاري منها !
•تعلمي منها، لا تستهزئي بها ، ساعديها !
•لا تعلم ، هي ليست غبية !
•علميها ، هي مثلكِ تماما ، تستطيع ان •تنجح و تبدع ، فقط كوني معها و اثبتي لهم عكس المقولة

▪"عدوة المرأة هي المرأة نفسها "🙂💔


#اعادة_توجيـهہ_لصديقتج
#ملوكه
@stylegrils

لاتفسحي المجال للمستهزئين بأحلامكِ وافكـاركِ ان يتمادوا بالسـخرية منها❌حتى لـو بدت مستحيلة ..

يكـفي انك تشعرين بالسعادة حين تفكـرين فيها وهذا مايهم في الـوقت الحـاضر ..🥰💜


#اعادة_توجيـهہ_لصديقتج
#ملوكه
@stylegrils

وفف..طبعا ليسه اكو هج امهات يفكرن
فهالشي غلط🤦‍♀💔..لان هاي نظافة شخصية للبنية
فحتلو مامتزوجة هذيني مفروض عل كل بنت تطبقهن بروتينها اليومي من تنظيف وعنايات..الخ
وانتي منا رح تصيرين عروس🙈وتعرفين بالزلم يردون المرة بشرتها املس فلاتهملين بنفسج وبلشي من اليوم🥰

فحبيبة اذا هاي اول مرة الج..فزيليها بالشيرة او الشمع..وكل اسبوعين او3 اسابيع..كرري منا لمن شعر يخف..واذا متتحملين الألم..فاستعملي مخدر عل منطقة وبعده زيلي

وتبيض الاسنان والعناية بيها..رح اوجهلج عنه
واذا شعرج طويل وتريدي تسرحي..انصحج لاتستخدمين اي مواد مسرحة او كرياتين..لان هذيني يتعب الشعر
كل 3 او 4ايام..خلي زيت زيتون ووزعي عل كل خصل..فد ساعتين وغسلي
هاي اذا تسوينه من روتينج وتستمرين عليه..رح تشوفين شعرج ناعم واحسن من قبل😍💜

#ملوكه

منا وليجوة كل العنايات بالاسنان👆🏻❤️

عيوني هالعصارة متفيد للحبوب..هاي بس اللي عدهم تصبغ قوي مثل الكلف يستعملو ..بس اذا بشرتج مابيها كلف..فلاتستعملي هالنوب بشرتج متتحمل مكوناته🥺وتتحسسين

وماسكات للشعر هسه اوجهن وحاجيه عنهن قبل كلهن زينات ويغذن الشعر وبي بروتين وزيت جوز الهند همين زين لتقصف وللنفشه وينعم الشعر🌚🌺

#ملوكه

العنايات بالشعر🌚✨..منا وليجوة تلكين كلشي عنهن

واذا تريدين لتنعيم الشعر وترطيبه هالخلطة تفيدج☺️🌸