صحتي على كدي وعيني رايحه وامها اداري لبنيات لصغار وحوريه راح تنام بلفراش يعني
شلون راح ناكل ونشرب كلت الفصل انعيش من عنده الحد ماتتعافه ابنيتي
فقار ولا يهمك يابو حوريه الفتره الي تضل حوريه بلفراش عيشتك من هاي الرگبه ولاتفكر وبس
تتعافه هم انعوضكم ونطيكم مبلغ الي تريده ترا احنه نعرف الاصول يابو حوريه
ابو حوريه ماتقصر ياشيخ كفو منك ادري بيك اصيل وبن اصول وعمرك ماقصرت ولاراح تقصر
فقار تسلم تسلم يابو حوريه وهسه ارخصني امركم ورا صلاة العشه
فارس. نتئسف منك عمي مره ثانيه الي صار قضاء وقدر ومقدره الله والحمد الله على سلامة بنتك
ابو حوريه لا ياشيخ انت معذور وهاي دنيه الله يحفضكم ويستر عليكم انشوف بيها العجايب

وطلعو فقار وفارس رجعو ع البيت وجدهم صار متصل اكثر من ٢٠ مره وراحو بسيارة فقار

زوج الام ههههههه شفتي شلون طحنه بصيده
ام حوريه شتقصد
زوج الام ولج هذول الي راح يطلعونه من الفكر
ام حوريه والله انت مادري شلون اتفكر بنيتي بعدها ماصاحيه من البنج وانت اتخطط دكول الحمد الله ماماتت
زوج الام انجبي وسدي حلكج اشو انتي مو وجه خير فكر وطول عمرج راح تضلين هيج ولا
تخافين ع بنتج مثل الاحصان مابيها شي اصحه مني

فارس والله مادري الهسه مامستوعب شلون صار الحادث بسرعه وفجئه همزين ماماتت
فقار لاتفكر ياخوي الحمد الله على سلامتك واهم شي البنيه ماصاربيها شي والله لطف بحالتها
بس هذا ابوها مارتاحيتله
فارس هذا رجل امها ابوها متوفي
فقار ع العموم خل ننزل انشوف جدي ترا ضال باله يمك

جوريه جانت الساعه ٦:٠٠العصر كل الخطار الي عدنه راحو عدا عمتي ام منال وبنتها جانو
كاعدين بلحديقه هن وام فقار وجدته وسرى وسجى. اما اني دخلت الغرفتي ما احس نفسي من
عدهم واستحي اكعد وياهم بس ،،،شوي واندك الباب
جوريه منو
منال اني منال
جوريه،،،،،،،

يتبع،،،

البارت#١٧

جوريه منو
منال اني منال
جوريه اتفضلي
منال تسمحيلي اكعد
جوريه اشرتلها وكلتلها اتفضلي
منال جوريه تعرفين اني منو
جوريه اي انتي منال بنت عمتي
منال لا اقصد اني خطيبه فقار صار النه سنه مخطوبين
جوريه بلا مبالات ادري
منال. جوريه. شوفي اني احب شيخ فقار من جان عمري ١٢ سنه جنت اشوفه واباوع ع طوله
جان هو بهذاك الوكت عمره ١٧ سنه ابواع عليه وع هيبته من زغره وهو مهيوب وجنه جبل مايهزه
شي ولا عمري شفت دمعه نزلت من عينه حتى من ينجر بجسده او بروحه اضافه الى حجيه
لمعدل الي يوزن عشر زلم بعگلهم وشكله الوسيم الي كل بنيه تتمناه جنت اشوف هذا كله كبالي
واغمض عيوني اكول ياترى يجي يوم واصير زوجه الهذا الانسان العضيم واصير ام الجهاله
وضل عايش وياي هذا الحلم يوم عن يوم يكبر وكلما يكبر اني اخاف اخاف لان فقار يكبر وياه
واكول باجر يتزوج ياربي وشلون اذا اتزوج ونار حبي الي كبرتها كل هاي السنين شيخمدها
الى ان وصل بيه الصبر الحده وخفت افكده للابد استجمعت كل جرائتي ااخ اتعرفين شنو
ابنيه تروح الولد وتكله هي تحبه لا مو اي ولد تروح لشيخ فقار ترى صعبه كلش صعبه اعترفتله
واني ادعي ربي خوف وخجل وترجي ان مايرد طلبي بس الحمد الله لطف بحالي وخطبني
وصار سنه واحنه ع هذا الحال كلي حتى تتعودين علي وخلي اتعود عليج لان اني صعب ومو
كل مره تتحملني وبلفعل هو صعب مايحب احد يشاركه او يدخل ابشي هو ايسوي وايضاً
عصبيته المفرطه الي تخلي مو اي شخص يكدر يفهمه رضيت واتحملت سنه وهم اتحمل سنين
بعد بس الي اذاني من اخذج رغم ادري هو زواج مصلحه ماعرف اذا كلج او لاء اني خايفه من
هذا للزواج احس راح افگده واني مابيه حيل ع هذا الشي دنكت وساحلت دمعه من عيني 😔
جوريه. لا تخافين اني ماريد شيخج هذا واخذت منه وعد مايتقربلي ولايعتبرني زوجته
منال. بس هو اتقربلج امس والكل درا وشاف النيشان
جوريه لا ماتقربلي وهذا النيشان من رجله هو
منال. لا جذب شيخ فقار مايسوي هيج
جوريه اهوو هسه شيفهمها هاي دروحي شوفي رجله بنفسج
منال. لا لا ما اصدك
جوريه. لاصدكي يروحي لان اني مامستعده انطي نفسي الواحد مثل فار اقصد فقار لان ابد مو هو
مطلوبي ولاهو فارس احلامي
منال. احترمي نفسج اشو ما اسمحلج تغلطين عليه بهاي الطريقه فقار يسوه كل الزلم
جوريه بنسبه الج اما اني لا بعيد كل البعد عن فارس احلامي يعني اني اريد واحد مثقف
سبورتي ماعايش بالارياف والاقضيه دارس وفاهم مو عقله رجعي وكل همه الفصل والنهوه
والعقل العشائري المتصلب
منال كمت من يمها ضايجه لان هيج تحجي ع فقار الي ما اتصور اكو منه ثنين اني مشتهيه
تراب جدمه ( قدمه ) وهي صارت مرته ومتعافيه نزلت وشفت فقار يريد يصعد الدرج
منال. شلونك ياشيخ
فقار تعبان والله
منال. بخوف اسم الله شبيك
فقار لا مابيه بس مشتهي انام ورتاح احس جسمي مهدود
منال. نزعت محبسي من غير مايشوفني وذبيته يم رجليه وكلت يوو طاح محبسي ودنكت اجيبه
وشفت كعب رجله مضمد صدك يعني صدك الي كالته جوريه
فقار يله منال انه رايح انام
منال ☺️ع راحتك ياشيخ الشيوخ
فقار صعدت
سجى صحت ع فقار وهو يصعد شيخ
فقار التفتت نعم
سجى بلا امر عليك خويه اذا انت رايح يم جوريه كوللها اجت وحده اسمها مروه وتكول هي
صديقتها وتريدها
فقار. هزيت راسي بمعنى اي وكملت الدرج اصعد وماعرف شبي كلبي وهو الماراجف كبل
احسه يصعد الدرج كبلي يريد يشوفها معقوله تريد اتشوفها فقار ملهوف ومشتاگ وهي امس
دخلت على حياتك فتحت بابا الغرفه لكيت جوريه كاعده وصافنه وخاله ايدها ع خدها وتنافخ
اذكرت مساع شهكاتها ودموعها
جوريه. جنت طاكه روحي مشتاقه البابا والنضوري مشتاقه البيتنه دخل فقار نزع الغتره
والعكال وهو يفتح ازارا الدشداشه ويحجي
فقار ماتعرفين تكولين الله يساعدك گواك الله
جوريه يحجي وكأنما مامسوي شي بس اني لازم اغيضه وانرفزه اكثر كتله اهووو رجعنه
فقار. حجيت وانه صاك ع سنوني وفاتح عيوني ع كبرهن اخر مره اكلج احجي عدل وياي
احترميني انتي ماتفهمين
جوريه. خفت من عنده ضلت تنزل دموعي بسرعه وهي جانت تريد الحجه حتى تنزل
فقار اتقربت من يمها ورفعت وجها بيدي كلتلها لاتخافيني انه ما أذيج اريدج تتحترميني وبس
جوريه. رفعت عيوني اباوعله واجن عيوني بعيونه التعبانات
فقار. ضليت اتنقل بين عيونها الزرگ كلها دموع احس دمعتها توجع كلبي مديت ايدي اريد
امسحها بس هي فزت من مكانها
جوريه لاتلمسني فقار انت شنو كلت وين وعدك حجيت وانه خاله ايدي كباله ✋
فقار غمضت عيوني بغضب وفتحتهن ابقوه شوفي جوريه انه ماميت على لمسه منج بس انه ما
احب اشوف دموعج شوفي ياعيني احترميني ترى انه محد معلي صوته بوجهي والكل
تحترمني وتحسبلي احساب وما انصحج تختبرين صبري بهذا الشي لان انه حوصلتي
زغيره ( جمله تطلق على الانسان الي بسرعه يتعصب او يغضب) وهسه روحي صديقتج مروه
جايه
جوريه. مجرد ما كال مروه ماعرف شنواصف الفرحه الي اعترت جسمي والضحكه الي ترست
وجهي حسيت اكو واحد من اهلي اجاني كئنما مسج

ون وواجتله زياره رغم ان مابتعدت عنهم
بس يوم واحد نزلت اركض حتى مارديت ع فقار
فقار. جنت اصيح عليها اتطفي الضوه بس اشو هاي نزلت ركض حسبي الله علورطه كمت انه
طفيت الضوه

جوريه. وانه اركض لكيت سجى كبالي. كلتلها وين مروه
سجى على كيفج لاتطيحين بديوانيه
جوريه كملت ركض وماحسيت اله انصدمت بواحد طااخ
قسام. اسف اسف خليت ايدي على كلبي اااخ ياكلبي سيطر ع انفاسك
جوريه انت شنو اتسوي هنا خليت الحجاب على راسي
قسام. احنه اهنا ضيوف عند عمي مادريتي
جوريه عفته ورحت
قسام. ااااخ ولك قسام سيطر على انفاسك اخ يا ربي دعمت بيه اخ ياربي شسوي هاي زوجة
ابن عمي زوجة الشيخ شلون يربي

جوريه. دخلت لكيت مروه وامها وخالتي ام فقار اتسولف وياهم هي والجده
جوريه السلام عليكم ركضت شبكت مروه وهي شبكتني وتبجي واني ابجي
مروه. اشتاقيتلج ياحقيره
جوريه واني اكثر يوم واحد مر علي جنه سنه بدونج وخرت عنها وسلمت على امها شلونج خاله
وبوستها
ام مروه هلا حبيبتي بلمبارك عليج بنيتي ونطتني هديه جايبتها وياها
جوريه. الله يبارك بيج ياخاله مشكوره عليمن مكلفه على نفسج
ام مروه يو يمه لاكلافه ولاشي انتي بغلات مروه الله شاهد
جوريه رجعت كعد يم مروه اي ولج سولفيلي شخبار بابا ومنتضر وسلاسل شلونها ويا جنت
احجي على كيف حتى لايسمعوني
مروه. يوو سكتي وخليها ابوج من امس طالع من البيت ومنتضر شكله مايبشر بلخير شفنا
اليوم الصبح شكله كان ضايج يمكن مامرتاح وي مرته
جوريه ااخ اويلي عليكم انعصر كلبي من سمعت حجي مروه
مروه. لا ونوب لاتسوي غده ولاريوك بس لاتخافين احنه مامعتمدين عليها امي تسويلهم
وانه اودي
جوريه اي عفيه مروه لاتعوفينهم اني انشاء الله ما اطول اهنا راح اطلع روح فقار لحد ما اخلي
يطلكني ومنتضر يطلك اخته ونرتاح
مروه اله كليلي شسويتي مثل ما وصيتج
جوريه اي والله جاي اسوي كلشي راح اطلع روحه شكله يحب واحد يحترمه وانه عرفت نقطة
ضعفه
مروه اي عفيه عليج خليج هيج مو تضعفين لحضه الخاطر اخوج ترى هاي سلاسل معذبته وهم
مالهم غيرج لازم ترجعيلهم وتزوجين اخوج بيدج الوحده ثانيه وانتي تشوفيلج حياة افضل
من حياتج وي هذول الناس الرجعيين
الجده اشو انتن اشجاي تتساسرن اني كلبي مامرتاح الهاي الدگمه
مروه. 😳
جوريه جاي اركع الموضوع كلتلها لا صديقتي وجاي اطمن عليها
الجده هههه ترى اتشاقه وياج بنيتي
مروه هههه 😊ياربي والله كرهت هاي العجوز من اول ما اجيت وهي طايحتلي دكمه دكمه وهي
جنهه كبايه وماكاعده راحه
ام. فقار. خيه ام مروه لو جايبه سلاسل وياج نشوفها
ام مروه. والله ياخيه حرام اخذها من ايدين رجلها وهو اليوم كاعد يمها انشاء الله باجر امركم
واجيبها
جوريه اذا اجت هي انه اروح اريد اشوف بابا
ام فقار بدينه بلتحايل
جدة فقار لا يمه حقج حقج قابل سلاسل على راسها ريشه وانتي لا
ام فقار بس احنه مو بيدنه امرها عدها رجل وهو يكول
جوريه. وسلاسل عدها رجل وهم هو الي يكول يجوز مايرضى
ام فقار اشو انتي السانج طويل وتردين الكلمه بعشره
جوريه والله خاله ماكلت شي كل الي كلتي كلته اني نفسه
جدة فقار. هدي يمه بنيتي ترحين لهلج وسلاسل تجي لهلها ولاتخافين وثنينجن امرجن عند
زلمجن والطيب البي خير يخلي مرته اتروح لهلها
جوريه. اسفه خاله والله مو قصدي بس من شوگي على اهلي كمت بست راسها وراس الجده
ام فقار لا ماصار شي بنيتي
جدة فقار اصيله يابنت علي
جوريه وضلينه كاعدين قرابت الساعه انسولف حسيت ام فقار ضاجت مني بس مروه شجعتني
وكلتلي عفيه ع الي سويتي اكيد هو مايرضى اتزعلين امه واذا زعلتيها هو راح يضوج منج
لذالك اتندمت لان اعتذرت من عدها ( كلام من صاحبة القصه : اني بهذاك الوكت جان كل
همي ابوي واخوي تئذو هواي وجرحني كلام صديقتي من كالت اخوج متئذي واني الي ادري
بي جان حلمه ياخذ مره اتدلله وتهتم بي فابلفعل قررت اخليهم يكرهوني كلهم وبنفس الوكت
اني جنت رافضه زواجي من فقار مما ساعدني انفذ خطت صديقتي بأن اخلي الكل يكرهني)

ودعنه ام مروه وبنتها وصلناهم للباب بعد ما طلعو دخلنه للبيت شفنا منال وامها كاعدات بلحديقه ويضحكن
جدة فقار. يمه ام منال ليش ما اجيتي كعدتي ويانه
ام منال لا خاله بس منال جانت عدها احجايه وياي
جدة فقار. هاا يله خل نذكر الله كومي صلي انتي وبنيتج يالله ورحت
جوريه رحت اني هم اصلي واني جاي امشي اصتدمت ابشخص اااخ ما صارت كلساع واحد
صاير كبالي باوعت ابوجه الي انصدمت بي جان رجال جبير بلعمر والشيب امغطي لحيته
وشواربه وبي قساوه ابكل تعابير وجها وحده شديده بعيونه رغم كبر سنه يشبه فقار ابصفاته
حجي سلمان. انتي منو
جوريه حتى صوته نفس الصوت بس بحكم الشباب صوت فقار اعله وحاد شوي ضليت ساكته
ماجاوبته عرفته منو عرفت هذا الشكل مو غريب
جدة فقار هاي بنت ابنك وزوجة وليدك فقار
حجي. سلمان. هااا هاي بنت عليوي وليش ماتجاوب بس لا خرسه
جوريه حجيت بحده لا مو خرسه اي اني بنت علي
حجي سلمان. لا بارك الله بي ولابذريته واشوف اللسانج طويل وتراددي

ن وماتخافين
جوريه. لا ابد ياشيخ اني ما ارادد بس ما اخاف اي تكدر اتكول ما اخاف اني اخاف بس من
الله
حجي. سلمان بنبره كلها غضب وصوت يرعد لا والله انتم ماتخافون لان انتم اولاد حرام مثل
امكم ورخاص مثل ابوكم
جوريه. ودموعي واكفات بطرف عيني بس اني امانع وماخليتهن يطيحن لازم احركهن بنار
الكبرياء كتله اتشرف حتلو بنت حرام وحتلو رخيصه مثل ابوي اتشرف لان هم امي وابوي درت
وجهي وصعدت الدرج فتحت الباب شفت فقار جاي يصلي ضليت مسيطره ع نفسي لحد ما
دخلت الحمام وخنكت شهكاتي بيدي ونزلن ادموعي مثل بركان من نار

يتبع،،،،،،،

بقلم #مولاتي يازينب
البارت#١٨

جوريه. ودموعي واكفات بطرف عيني بس اني امانع وماخليتهن يطيحن لازم احركهن بنار
الكبرياء كتله اتشرف حتلو بنت حرام وحتلو رخيصه مثل ابوي اتشرف لان هم امي وابوي درت
وجهي وصعدت الدرج فتحت الباب شفت فقار جاي يصلي ضليت مسيطره ع نفسي لحد ما
دخلت الحمام وخنكت شهكاتي بيدي ونزلن ادموعي مثل بركان من نار
(( ماكان ذنبي يا ضلام،، كان قضاء الله وقدره،،،فبه تعيرونني وبه الام ،،،،،لكن ساصبر واحمد الجبار لانه وحده بلغيوب علام))
مسحت دموعي وتوضيت وطلعت مالكيت فقار بلغرفه لبست احرام الصلاة وفرشت السجاده
شوي ودخل فقار للغرفه.
فقار. دخلت. وشفتها تبجي ياربي جنها متقصده توجعلي كلبي تقربت منها وهي تريد تتوجه
للصلاة كلتلها ليش تبجين
جوريه. ابجي لا ما ابجي وخر خليني اذكر ربي وادعي عليكم من كل كلبي انتم ليعيش وياكم يشبع بجي مو بس يبجي
فقار اتنهدت اطرد الغضب الي بداخلي اللهم انطيني الصبر منو امئذيج سويتلج شي انه
جوريه. اي اصلاً كل المصايب منك ياشيخ ومن امك وجدتك وهذا الشايب العايب والحقيره اختك
سلاسل كلكم خربتو حياتنه الي جانت رغم بساطتها بس حلوه
فقار. فقدت السيطره ع نفسي لزمت ايدها ولويتها ورا ضهرها حاسبي ع الفاضج ترا اكص
اللسانج ها ولاتضنينه بس حجي
جوريه ضليت ابجي ياخي عتقوني ما اريد اضل اهنا حياتكم كلها تعب اذيه تعيروني بشي
مالي ذنب بي انتم مو اهل انتم شياطين
فقار. دفعت ايدها ابغضب فهميني شلي صار
جوريه. ما افهمك وما افهمك طلكني وريحني
فقار. كليلي منو الي خطفني وراح اطلكج من عين باجر
جوريه مااااااادري يا اخي ماااااادري
فقار. صوتج بنت ال،،، لاتخليني امد ايدي عليج
جوريه لابالله اتمد ايدك علي عساس انت يالهمجي ياذو العقل العشائري المتصلب ماتمد ايدك
ع مره اصلاً انتم هاي النماذج عدكم المره حيوان وشي سهل اتمد ايدك وتضرب
فقار. 😡 شديت ع قبضاتي والغضب اتملكني اتهينيي وتعلي صوتها علي شوفي يابنت ال،،،
منو الهمجي الي بيناتنه انه لو انتي ياغبيه انتي حتى اسلوب ماعندج بلحجي كله صياح
وتجاوز ياغبيه وجهج البريئ الي شفنا امس انكلب اليوم شيطان ولو ما انتي متوجها الربج
جان عرفتج قيمتج ياحيوانه عفتها ونزلت الدرج بسرعه
ام. فقار ها وليدي شبيك
فقار اتنهدت بغضب سلامتج يمه مابيه شي
ام فقار. يمه اني ادري بيك متئذي من هاي العله الي جبتها وخليتها ع كلبك يمه لاتنطيها اكبر
من حجمها ترا اتمادت علينه واللسانها طال
فقار. لا يمه ماتهمني ولا اتضوجني وانه ما احسب احساب الحجي وحده طفله وراح اربيها
الج وانتي اتشوفين يمه بس انه تعبان شوي من الشغل
ام فقار. يمه انت متعب نفسك بشغل التكول رئيس دوله يايمه ارتاح شويه منا طلايب العشيره
ومنا الشغل ومنا هاي السحليه المردت كلبك اشضل بشبابك اوليدي
فقار ابتسمت. يمه لاتشغلين بالج بيه اله فارس وين خل انروح للناس اهل لبنيه المدعومه
ام فقار اتحسرت ااخ يايمه خذه حيلي وليدي مشدوه باله عين وصابته قبل اشوي طلع لديوان
راح الجدك
فقار. يله يمه من رخصتج تأمرين بشي
ام فقار لاسلامة عمرك يمه روح الله يحرسك وليدي وام البنين تبرالك
فقار بست راسها تسلمين يالحنينه

بقلم مولاتي يازينب جوريه كملت صلاتي ورفعت ايدي ادعي وابجي(الاهي انت تعرف انه هذا مواسلوبي وي
الناس ولا طريقت تعاملي ما احب اغلط ع احد بس الاهي اني تعبت هذول الناس مايحبونه
وعمرهم مراح يحبونه وهذيج مئذيه. اخوي وهو ما الهم احد منتضر وبابا متئذين بسببها
وبسبب جدها واخوها واني هم متئذيه الاهي خلصني من هذا الزواج يامخلص الجنين من بينه
مشيمة ورحم يامخلص اللبن من بين فرث ودم يارب انت قادر ترجع حياتي الاوليه ماريد شي بس ارجع
الاخوي وابوي ونعيش مثل قبل. ((كلام صاحبة القصه نصاً:: قد تعتقدون اني ابالغ بخوفي
وحبي ع ابوي واخوي بس هاي الحقيقه اني صرت مسئوله عنهم من عمر كلش زغير وجربت
معنى الام والمسؤليه فحسيت اني ام وهم اولادي وتخيلو شعور الام لمن اتحس ان ابنها متئذي
وما مرتاح وهو ماله احد بهاي الدنيه غيرها ))

بعد مرور اسبوعين مشت الحياة على الروتين المعتاد

منتضر مثل ماهو يتمنه نضره من سلاسل متاني يمته تحن عليه

سلاسل المتجاهلته تحس بلعذاب لان كلبها وي واحد ثاني وصارت الغيره وماتكدر اتخون حبه
وكالعاده بعد مايطلع منتضر وبابا من البيت اتخابر حيدر من تلفونها السري وتضل تبجي
ويتجددالحب بداخلها

وبابا الي كاتله الشوك علي و متعذب على حالت منتضر بس ايصبر بي ويكله يجي يوم وتنحل
هاي المشاكل

فارس بعد مدعم لبنيه حوريه ضلت هي طريحه بلفراش وكاللها الدكتور بعد ماسوت العمليه
لازم اتضل مدت ثلاث اشهر بلفراش وضل هو يوميه يروح الهم وياخذ مسواك اكل ومرات ملابس

شيخ فقار جان لطيف وياي وعقله كلش جبير وياي رغم اني دائماً اتعمد اقلل من احترامه مثل
اعلي صوتي عليه واذكره بكلمة همجي او صاحب العقل العشائري المتصلب احسه دائماً يريد
يكتلني ويوذرني قطع ويحركني او يتفنن بقتلي بس

ماجان يسوي شي من هذا رغم العصبيه
الي تضهر ع كل جزء بوجهه وبصوته
اما باقي افراد العائله ضلو يضوجون من تعاملي وياهم جنت اتعامل وياهم بحده كأنهم غرب
رغم اني كارها هذا الاسلوب بس الاخبار اخوي وابوي الي توصلني من مروه صديقتي
تخليني انجن وازيد بتعاملي القاسي بلاضافه الى كلام جدي المجرح الي بطالعه والنازله
يذكرني ان اني بنت حرام وجدتي وحده زانيه وامي سحرت الابوي حتى تاخذه ويكلي دائاً ان
اني طالعه ع امي وجدتي جنت انصعق من كلامه واتمنى ما اضل بهذا البيت لحضه وازيد
بخططي واتعامل وياهم بقله احترام

ام منال. جانت احسها مثل الملاك الطاهر احسها حيل تريد رضا فقار ودوس ع كلبها وتتحمل
لخاطره رغم الغيره الي بداخلها مازعجته بلكلام الغيره ابد

الساعه ب ال ٥:٠٠ العصر قبل رمضان بيومين

فارس. اتسوكت مسواك هواي الرمضان ورحت للناس الي كل عاده صرت يوميه اروح الهم
واوديلهم مسواك ومئونه وكل مره يطلعلي ابو حوريه ياخذ المسواك واكعد يمه شوي بلبيت اشرب
استكان جاي وبعدها اطلع هلمره دكيت الباب واجاني صوت من ورا الباب. صوت طفله عمرها ١٠ سنوات
البنت. منو
فارس اني عمو فتحي الباب
فتحت الباب كلتلها وين ابوج كالت راح هو وامي كلتلها ومنو بلبيت كالت. محد بس اني
وخواتي كلتلها صيحي الخواتج وتعالي دخلن هاي العلاليگ
البنيه هاي كلهن النه الله ياربي فواكه وركي تحجي وهي تتفحص بلعلاليك بشراها
فارس انكسر كلبي كلتلها اي عمو. هاي الكم الف عافيه صاحت الخواتها وضلن يدخلن
بلعلايك وانه انزلهن من السياره شوي واجت طفله عمرها ٧ سنوات
البنيه عمو حوريه تصيحلك جوه
فارس حوريه اختج ليش شتريد

يتبع،،،،،،،

بقلم #مولاتي يازينب
البارت#١٩

البنيه عمو حوريه تصيحلك جوه
فارس حوريه اختج ليش شتريد
البنيه. اتكول تريد تحاجيك كلمتين ضروري
فارس بس مايصير محد بلبيت شلون ادخل لا امج ولا ابوج راحت لبنيه وشوي ورجع وكالت
البنيه عمو اتكول ما اكدر اطلعلك ولازم احجي وياك بسرعه ادخل
فارس امري لله بس اشلون اذا اجه ابوج شكله بالله دخلت يالله يالله احم احم سمعت نفس
الصوت الي سمعت بيوم الحادث بس بدون عياط وصياح
حوريه اتفضل اهنا شيخ حياك
فارس اجيت المكان الصوت الي هي عباره عن اغرفه طين بيها شباك مغلق بكراتين داخل الغرفه
بوفيه كلها افراش وحصيرع ع الكاع وترمز مي ع ميز حديد صغير وجانب الحاط اكو فارش
مفروش شفت بي لبنيه كاعده ومدده رجليها ومتغطيه بس ما اكدر اوصف صدمتي من اجت
عيني بعينها خذه عقلي جمالها وكلبي ضلت تسارع نبضاته جانت بيضه وخدودها الحمر الي
منمشتهن الشمس وعيونها كبار صفر وحواجبها طويله رموشها كثيفه لابسه شيله مجرد ما
شافتني دنكت
حوريه اتفضل شيخ
فارس انتبهت من صفنتي وغضيت نضري
فارس كولي خويه شتردين مو حلوه دخلتي البيتكم وابوج ما موجود
حوريه. لاتخاف اريد اكلك كلمتين وبعدها روح
فارس كولي
حوريه اتفضل اكعد
فارس كعدت واني داير وجهي عنها بس عيوني تخوني مرات وتسترق نضرات الها
حوريه. شيخ ترا زوج امي ناوي عليكم نيه كشره شافكم انطيتو وجه بزياده وهو طماع وانتم
جزاكم الله خير من يوم الدعمه اضن كافي لهنا شيخ
فارس. خويه هذا اقل شي اقدمه الكمم بعد الي صار بيج مو شوي وانه السبب بي
حوريه بس ياشيخ فارس ابوي يريد يبليكم بيه ويلزكني بيك ويغصبك تتزوجني لان انت
دعمتني وجاي يضغط علي ويطكني كل يوم ويكلي حتى من اطيبين ابقي عرجي ع رجلج
حتى انكول بيها عيب ومحد ياخذها بعد ويجبرك انت تاخذني خويه وكفو عند حده ترا هذا
طماع ومايستحي ترا اني اعرفه زين
فارس. التفتت الها وباوعت بعيونها وهمت بيهن كلتلها ياريت
حوري هاااا
فارس العفو درت وجهي اقصد انتي مابيج شي والف واحد يتمناج حلوهفقيرة كلب وياريت
تصيرين الي من رخصتج وكمت
حوريه. بس شيخ لحضه شوي هذا زوج امي حرامي افهم اشجاي احجي
فارس مايكدر علينه احنه شيوخ ولد حجي سلمان وانه اتشرف ييج زوجه من رخصتج وطلعت
اااخ كلبي ربي دخيلك شنو هاي لبنيه تخبل طيرت عگلي وسحر الي بععيونها يكتل بس انه
شلون كلتلها هيج وانه ادري جدي ماراح يقبل بيهم اصلاً هو ماراح يقبل اتزوج من غير اقاربنه
طكيت لستيرن بيدي بس لا هاي خطفت كلبي بعيونها الي مثل الصحاري ابلونها

حوريه ياخايبه هذا شبي الرجال اكله يريد يلعب عليكم يكلي ياريت 😱ياااا صخام بوجهج
حوريه هذا خبل خطيه استغفر الله ياربي شافي اي اني من يوم شفته كلت بعقله شي خطيه
اوف ياربي الحمد الله ع نعمت العقل مايستاهل خطيه
ردت عليهابنت زوج امها الي عمرها١٤سنه اسمها ميساء امداني يالغمه خايبه هذا هايم بيج
حوريه ياء ولج انتي شتحجين ولج يعني شنو هايم بيه
البنيه يحبج يالثوره
حوريه خايبه دسكتي سكتي تكلي يحبج. ماشفتي شلون وجها يصير من يباوعلي هاي
اعراض المرض المخابيل هيج شكولهم انتي ماشايفتهم
ميساء خايبه امداني اي والله حتى الاثول يفتهم اي مخبل مخبل بيج يحضي يفلت وجها من يباوعلج
حوريه وانتي شم فهمج بهاي السوالف ياربي دخيلك اكيد انتي هم عداج وصرتي خبله مثله
ميساء حجيت واني كمت اريد اطلع من الغرفه خايبه انتي لو افهم الحايط هم يفتهم علي
وانتي ثور الله بكاع الله
حوريه. ياء خايبه ولج تعاي وين رايحه يااء هاي شتكول حب وماحب خايبه شلشتني (شغلت عقلي )وراحت

جوريه جنت كاعده بلحديقه كاعده اني من جها ومن جها ثانيه كاعده ام فقار وجدته واخته
سرى الي جايتلهم زياره طبعآ الكل ماطايقني واني مسويه نفسي مامهتمه كاعده اكلب بكتاب
لكيته كبالي ع الميز ماعرف مال شنو لان ماجان بالي يمه بس اكلب حتا اضيع وكت لان اني
والملل صايرين اخوان وهاي الايام الي كضيتها هنا احسها سنين مو ايام
جده فقار اكول يالعصه شبيج كاعده بحدج جنج ممروض (مريض)تعاي يمنه مثل الاوادم
جوريه شكرا عاجبني اكعد هنا (اني اضوج اتعامل ويها هيج لان مره جبيره والواجب احترمها
بس شسوي كل الي اريده يوصلون تعاملي السيئ الفقار حتى يكرهني ويطلكني
جدة فقار وهي تكلب خلقتها وتحاول تقلد صوت جوريه ( انتم سدو خشمكم بيدكم وحجو ويطلع
نفس الصوت 😂) شكرا عاجبني اكعد هنا خايبه عساج ماكمتي وضل الكرسي لازك بيج
وسمونج ام كرسي وياخذونج للنجار انتي والكرسي وكلما يريد يكص الكرسي ينكسر المنشار
يالعوبه يلعصه ومن تموتين يسولج كبر انتي والكرسي
جوريه لزمتني الضحكه ودرت وجهي وضحكت
جدة فقار تضحك ام ضروس ليش ادورين وجهج حتى لانشوف الكشره مالتج من ساعتك
الكشره وليدي فقار
فارس واني داخل ليش ساعة كشره فقار السلام عليكم
الكل وعليكم السلام
جدة فقار ساعته كشره عليك وعلى هاي العصه الي جنهه شص
فارس. بالله هسه اني صدك ساعتي وساعته كشره على روحي لا مو بس كشره واكف ميلها
ومكس

وره بس هاي العصه على كولتج ساعة حتى جدها بيضه وجديده وماطابه تصليح بعد
شوفيها باعي جهرتها غير وجها بي كل الخير
جوريه. يربي شكد احب هذا الانسان احس كلبه نضيف مثل نضوري اخوي. مابدي اتعامل
ويا بقلة احترام ف دائماً من يجي او يتواجد مكان بي اني ما اكدر اله اعوفه واروح ما اريد
اجرحه بكلمه كمت ردت اروح
فارس. لا لا تروحين اني رايح اله صدك يمه وين فقار
ام فقار. يم جدك وليدي
فارس. اي يمه صدك جدي رايح البغداد تدرين ايريد ايكضي شهر رمضان ابيت عمي رحمان
بالمزرعه مالتهم
ام فقار اي حبيب ادري واني رايحه ويا وحتى سجى اختك بس امي الله يحفضها ماترضى
جدة فقار. جا شلون اروح وخلي هاي العصه يم وليدي فقار ابحدهم
فارس. حجيه وليدج يريد الفكه منج هو يريد ايضل يم العصه
جدة فقار. جا ولك وانت ليش ماتروح

فارس ها انه علمود الشغل مايرضه فقار اعوف الشغل
فقار. لا مرخوص روح
فارس. بسم الله انت منين طلعت
فقار اجيت وكعدت ابين امي وحبوبتي كتلك روح مرخوص
فارس بس انه منو كلكم اريد اروح
سرى فارس مو قبل اشويه تكول كاضني الشغل وفقار
فارس. لا اقصد انه بعد منو يروح هذول الناس اهل لبنيه المدعومه خطيه يوديلهم اكل وهاي
السوالف بعد شهر رمضان خطيه تدرون
فقار لاتشيل هم روح وانه اوديلهم كلشي يحتاجونه
فارس كعدت يم حبوبتي وهاي اني كاعد ع كلبك وع كلب العصه انه وحبوبتي
جدة فقار اي والله افيرس بعد ايدي اول مره اتصير وياي
فارس. عجوز النار اسمي فارس
جدة فقار گم لا بارك الله بيك يادبي
فارس. هاي عضلات مو كرش يحضي شبيج ماتشوفين
فقار. اي صدك حبوبتي ليش ما انتي رايحه وياهم يعني تغيرين جو هناك جو بغداد حلو
جده فقار اي طبلي بغير اسلوب وكلي روحي بس لو توذن ماني رايحه
فقار. شنو قصدج يعني واذا رحتو كلكم
فارس حتى لايصفالكم الجو شبيك امبينه
فقار ليش انتم كاعدين وياي بغرفتي حتى يصفالي الجو من عدكم لا صدك حبوبتي ليش مانتي رايحه
جدة فقار. اوليدي مابيه شده ع السفر
فقار وانت فارس
فارس لا خويه خليني يمك اني اساعدك مادري ليش لازكلي كلساع وكلي روح ترا مثل ما كلت
انه ماكاعد وياك بغرفتك
ام فقار. يمه وانت ليش ماتروح روح ارتاح شوي كم يوم احسك حيل تعبان
فقار وانه اباوع الجوريه ملتهيه بلكتاب الي بيدها لا يمه اشلون اروح واترك العشيره بيدمن
وتدرين بيه ماأحب اسلم شغل المعارض بيد العمال
فارس. اي امبين من نضرات عيونك ماتريد تترك العشيره ولا البيت ولا المعارض
فقار. 😒
حجي سلمان. السلام عليكم
الكل عدا جوريه وعيكم السلام
سرى كمت بست راسه هلا جدي شلونك
حجي سلمان هلا بنيتي يمته اجيتي
سرى. قبل ساعتين تقريباً
حجي سلمان هلا بيج
جدة فقار اتفضل حياك ابو عقيل تعال اشربلك استكان شاي
حجي سلمان زاد فضلج ام داود( جدة فقار ) صبيلي استكان
جوريه. عفت الكعده وكمت رحت الغرفتي
حجي سلمان لا يابنت الحرام ماتعارفين تكولين من رخصتكم
جوريه كملت طريقي كأنما ماسمعته
فقار. التفتت ع جدي شيخ لاتكول عليها بنت الحرام هاي بنت ابنك لو اطير هم اتضل بنت ابنك
حجي سلمان اشوفك ادافع عنها ياشيخ لايكون حبيتها
فقار. حجي مال احبها شي ومال ادافع عنها عن ذنب مو ذنبها شي ثاني ابنيه مالها ذنب
لاتسمعها حجي وكلكم اكلكم الي يسمعها كلمه موزينه فقصده يسمعني انه
حجي سلمان الله كريم ياوليدي صرت وي بنت عليوي عليه
فقار كمت وكفت جدي يعني صرت وي بنت اعليوي ليش بنت عليوي اشسوت شنو ذنبها بلي
سوته امها وابوها من رخصتكم رايح ارتاح شوي
ام فقار. هاي لبنيه كلبت حياة وليدي كلاب تعبته وائذته حيل حتى شكله متغير وصاير يتحدى اكبر واحد علمودها
فارس يمه شلكم بهذا الحجي اول شي هي زوجته ومايرضا عليها ومثل ما كال لبنيه مالها ذنب
وفقار طول عمره مايرضا بلغلط حتلو يطلع من اكبر واحد
ام فقار وبرئيك يا فارس من تكوم وتعوف الكعده والكاعدين كلها اكبر منها حتى من رخصتكم ما كالت
فارس. انتي كلتيها كلهم اكبر منها يعمي هي اصغيره تريد واحد يعلمها ماتعرف نضام بيتنه
ولازم نتعامل احنه وياها بعقلنه الاكبر من عقلها
ام فقار. بس هاي لبنيه خبيثه وكل تعاملها موزين ويانه
فارس. يمه انتي الجبيره جربتي يوم كعدتيها وكلتيلها يمه احنه اهلج ونحبج ونريدج وانتي
زوجة ابنه احترمينه ونحترمج سولفتي وياها مثل ما تسولفين وي بناتج تر والله رغم الي تسوي
بس هي كلبها طيب امبينه طيبه من شكلها
حجي سلمان راح يفتح النه محاضره ابن عقيل خل اكوم كلامكم يسد النفس
فارس كلت ابيني وبين نفسي كلامنه يسد النفس لو انت ماتحب الحقيقه

فقار صعدت لكيت جوريه نايمه ع بطنها ع الجربايه وخانكه وجها بلمخده وتناشغ
فقار كعدت يمها ع الجربايه خليت ايدي ع شعرها وفزت مثل المكروص
جوريه شيييييل ايدك عني ترحون فدوه الامي كلكم
فقار بصوت اعله من صوتها سمعي لج الي سويتي غلط يعني اهلج ماعلموج من تكومين من يم
واحد اكبر منج وحتلو واحد اصغر منج تستئذنين
جوريه كمت واني ابجي منين اترخص فقار واني كرهت البيت كله من ور

ا جدك كل شوي يكلي
انتي بنت حرام وامج بنت حرام ويهيني كلساع ولك تعبت والله فقار تعبت
فقار. اباوع لعيونها ودموعها مثل خرزات الكهرب وتساقط على اخدودها الي مثل القطن
بترافتهن احس كلبي يتكطع وي ادموعها ودموعها سجينه بصدري كمت وكفت اكبالها خليت
ايدي ع وجناتها ومسحت ادموعها ودنيتها الصدري وشبكتها لفت ايديها علي بحركه وشبكتني😳
فقار. جوريه. اني ماعرف شنو مشاعر ولا عمري أامن بالحب بس خل اوصفلج شعور بيه
احسه نفسه الي يحجون عنه بلقصص
انه شيخ بهيبتي الناس تحلف
كلبي يابس لا مايعرف الحب
جوريه يمج اي يمج كلبي يضعف
يبدي يخفگ نبضاته تسرع
وصح ايدي من حديد بس بحضرتج ترجف
ترجف من تلامس طول ضلج
وشفافي بلهفه تريد
تخط على شفافج وتكتب
سطر حب وعشك
سطر بوسات وتصف
خربتي القساوه البيه حيل
وصرت يمج من الترف اترف
بقلم مولاتي يازينب👆🏻
هذا البيه جوريه كليلي انتي شنو هذا الشعور
جوريه كلت ابنفسي لا ياربي مستحيل هذا شلون حبني ليش حبني ماردت هذا الشي يصير
لا لا لازم امحي هذا الشعور من عنده لان اذا اتعلق بيه ماراح يعوفني ابد واذا ماعافني ماراح
يرتاح منتضر بحياته ولا راح ابوي يتهنه اباقي اسنينه وراح اضل انه اسمع من جدي كلام الي
يسمني كتله واني اتبعد عنه هههه هاي اوهامك ياشيخ هذا الي تكول عنه كله اوهامك انت وين
والحب وين الحب اله اهل وانت غريب مو من اهله
فقار غمضت عيوني بغضب ورجعت فتحتهن جوريه انه من اخذتج مانوية احبج اخذتج مصلحه
تخلص واعوفج بس احنه مابيدينه امر ع كلوبنه وكلبي خانيي وحبج تعرفين شنو فقار يحب
يعني حلت معجزه جوريه احبج يعني صرتي اميره على عرش كلب فقار ومو اي وحدهه يحصل
الها هلمرتبه جوريه اني من احب اصير ام وابو اصير اخو وصديق اصير حبيب وعاشگ
ومغرم اصير طفل محتاج الحنان وينطي حنان
جوريه كلت ابنفسي ياربي شهلورطه لا لا جوريه لاتفكرين بمصلحت نفسج واخوج محتاجج

اخوج عزوتج هذول مو عزوه هذول عافوج من سنين تردين اتشدين الضهر بيهم هسه كتله هههه
اشوفك حيل مغروم ومنو كلبك الي مو اي وحده تستحق تكون على عرش اني وحده مايهمني
لا كلبك ولا عرشك ولا المرتبه وحافض على وعدك وياي رجأاً
فقار درت وجهي اتنفس هو لان احس روحي اختنكت صعبه فقار يعترف ابمشاعره ويلكه
الرفض احسها اهانه الي جبيره حتى ماجان عدها اسلوب وياي اخذت شهكت هوا وزفرتها
التفتت عليها بس هلمره اتغيرن كل تعابير وجهي خليت ايدي ورا ضهري شوفي انه صحيح
مو بلسهوله احب ولا بسهوله انسه بس اذا هذا الحب ذلني ادوس عليه بثنين رجلي وانعل كلبي
لابو الحب وياه لاتضنين مشاعري تسيطر علي ولااتضنين انه اتصرف بعواطفي وانه عند وعدي
انشاء الله عفتها وطلعت

يتبع....

#نهوة_الشيخ
بقلم #مولاتي يازينب
البارت#٢٠

منتضر. رجعت ع البيت الساعه ب٧:٠٠ بليل
منتضر دخلت للبيت جنت جايب وياي هديه السلاسل جايب الها بدله شفتها وانه متعدي بلسوك
اتخيلتها ع سلاسل اتجنن مالكيت روحي اله وانه مشتريها وراجع كبل للبيت دخلت وابوي طلع
منتضر ها يابه شلونك
علي. هلا بويه حبيبي
منتضر. وين رايح
علي. رايح يم عمك سراج
منتضر اشوف هليام كثرانه روحاتك العمي سراج خاف جاي تلعب من ورانه
علي. اكول ادخل ادخل لا ادخلك جلاليق
منتضر هممم وضحة الفكره روح روح الله يهني سعيده بسعيد
علي. الحمد الله والشكر اتخبل الولد عاد صير ابو قبل لاتتخبل عاد تلكالك واحد يدير باله عليك
منتضر جا انت موجود ودخلت اضحك
علي. ضحكت عليه وهزيت ايدي وطلعت
منتضر صحت بصوت عالي سلاسل
سلاسل جنت توني طالعه من الحمام ولافه الخاولي ع راسي ها هلا الله يساعدك
منتضر. اشكرج نعيماً
سلاسل الله ينعم عليك
منتضر. شوفي شنو جبتلج
سلاسل اخذت العلاكه من عنده شكرا عفته وردت ادخل للغرفه
منتضر اوكفي هوب هوب ويين و
سلاسل. ها تريد شي
منتضر اي فتحيها شوفيها انطيني رئيج
سلاسل. اي بلغرفه راح اشوفها
منتضر همممم دخلت وراها للغرفه
سلاسل فتحت العلاكه شفت بيها بدله قصيره جوزي مايل للسواد بيها كرستال مخصره رجعتها
بلعلاكه كتله شكرا حلو ذوقك
منتضر اتقربت من عدها شلت الخاولي من راسها واباوع القطرات الماي تنزل من شعرها
منتضر طلب واحد لاترفضينه
سلاسل. دنكت راسي اطلب
منتضر لبسيها خل اشوفها عليج
سلاسل. اي انشاء الله البسها مو اليوم
منتضر ادري بيج جاي تصرفيني لاء لبسيها واليوم كتلج لاترديني
سلاسل اتنهدت بنفاذ صبر كتله عشر دقايق وانزعها
منتضر ليش مو هديه مو انه جايبها الج حتى الهديه كارهتها مني
سلاسل. استغفر الله اتفضل اطلع راح البسها راح طلع وانه محتاره يربي شلون راح البسها
ما احب اكشف جسمي اله وهاي البدله قصيره والايدين والصدر مكشوف منتضر هواي يكسر
خاطري بس مو بيدي احب حيدر وما احب غيره لو اموت. اخذت التلفون ودزيت مسج الحيدر
شوفلي حل ترا كلش تعبت مااكدر اضل اهنا بعد كلبي يمك واني اشعر بتئنيب الضمير على
منتضر ضميت التلفون لبست البدله جانت كلش ضيكه ومخصره مشطت شعري خليت شال
جبير ع ايدي وصدري طلعت واني كارها السويته لكيت منتضر جاي يطوي السجاده وهو
مدنك ويتمتم بلدعاء بخافت الصوت

منتضر. خليت السجاده ع القنفه ودرت وجهي شفت ملاكي واكفه تباوع علي كلتلها ها لبستيها

صارت ع قياسج
سلاسل اي لبستها شكرا
منتضر خليني اشوفها اذا لافه نفسج لف ليش لبستيها
سلاسل استحي ما متعوده اكشف جسمي خل اروح احضر العشه
منتضر ولج انه زوجج شنو ما متعوده ما اسويلج شي والله الابرضاتج هسه بس اشوفها عليج
سلاسل منتضر كافي تضغط علي ترا تعبتني هواي اتلح
منتضر ولج حافضي على الفاضج وغصبا عليج اشوفها انتي مو مال احترام ومتانيج لحد
ماانتي توافقين هو انتي منو اصلا جريت الشال منا بلكوه
سلاسل ضميت جسمي بئيديه واحاول استر نفسي بشعري الطويل
منتضر اتقربت منها رفعت شعرها بيدي وكلتلها
تعب كلبي يابنت الناس حسي
يامن صرتي الكلب والروح يامن صرتي نفس
صرت انه طالب عشگ وصرتي انتي درسي
لج ما اكدر بلياج لج ماعوفج انسي
تعب كلبي يابنت الناس حسي
كلبج رفضني ليش يا احله ورده
كلبي مشتهي حضن احباب اي والله وده
وده يخلص الليل على ايدج مو على المخده
تعب كلبي يابنت الناس حسي
بقلمي مولاتي يازينب
سلاسل. ضليت ابجي
منتضر كافي تعذبني كتلك ما احبك مو بيدي والله لاتحبني اترجاك ما استاهل حبك اني ما
استاهلك اصلاً
منتضر سلاسل. ليش تحجين هيج ولج انه احبج جربي انطي كلبج فرصه تعبت وانه اكلج هذا الحجي
سلاسل. خليت ايدي على وجهي وزدت بالبجي ماينفع منتضر والله ماينفع كلبي ماينفع ويا
لافرصه ولا غيرها
منتضر شلت ايديها من وجها ومسحت ادموعها ورفعت وجها بيدي ليش تحبين واحد ثاني
كليلي وريحيني ليش رافضتني
سلاسل. كلت بنفس اتمنى اكلك بس والله اخاف اخاف تروح لهلي وتكلهم وادري ان ماراح
تسكت لا منتضر لايروح فكرك بعيد بس اني احس هنا غربه عيشتكم مو مثل عيشتنه يعني اني
متعوده على جو الاهل ودائماً نطلع ونمشي هنا محبوسه بين اربع حيطان انه متعوده ع الدلال
والي اريده الكاه كبالي وهنا عكس الي اتمنى كلش
منتضر. اذا ع الطلعه لو تردين ترحين لصين اخذج واذا ع الفلوس هم اوفرلج كل الي تردين
انتي طلبي واحجي انتي عمرج ماطلبتي
سلاسل. منتضر ماراح تفهمني انت كتلك ماعاجبتني العيشه هنانه ماريد اضل اهنا ما اكدر
احبك مو بيدي يا اخي هذا كلبي هيج يكول
منتضرسحبت ايدي على كيف من وجها ودرت وجهي اريد اروح
سلاسل. لزمته من ايده لحضه منتضر والله كلبي يتكطع عليك اني مو قاسيه ما احب أئذيك
انت الف وحده تتمناك وكتلك اني ما استاهلك منتضر أشر على اي وحده انه اروح اخطبها الك
اريد اشوفك مرتاح ماريدك تتعذب بسببي منتضر فدوه شيلني من راسك بنات الديره كلهن
يتمننك
منتضر دنكت ورفعت اعيوني ب

اوعت الها هه ادري بس انه اتمنيت وحده منهن سحبت ايدي من
ايدها وطلعت
سلاسل ضليت ابجي كعدت بالكاع وانه اجر بشعري ياربي شوفلي حل يا الله انه جاي اموت
بين كلبي وعواطفيً جاي أئذي شاب مشتريني باغله الاثمان بس كلبي يحب غيره
منتضر طلعت بره وبمكاني المعتاد بنفس الضلمه ع نفس الطابوكه الي تعودت من صغري اكعد
واشكي همومي بسواد الليل

جوريه. دخل عليه فقار بس مو مثل مانزل دخل وعيونه تجدح نار وشاد ع قبضاته الثنين
والغضب مرتسم على وجهه سد الباب حسيته راد ينكسر من قوت الضربه ومد ايده ع المفتاح
بدون مايباوعله وقفله اجه يتقرب علي واحسه يريد يحركني بناره

يتبع
.
.

حبيبتي ماكو مرطب..يزيل تجاعيد🤦‍♀💔
التجاعيد بس بياض البيض زين اله..لان يشد البشرة
والتجاعيد سببه من الجفاف وخشونة البشرة..فبأي مرطب تكدرين تخلين

هو بشكل عام كلت انو اذا بشرتج حساسة ..فتحسين بوخز وبحرقة يعني ميوالمج هالمرطب الليلي..فحسب البشرة

#ملوكه

حبي حسب بشرتج..اذا بشرتج دهنية اخذي مرطب نتروجينا ؛أفين

واذا بشرتج مختلطة المرطب عندج جونسن ؛سيتافيل ؛clinique ؛نيفيا سوفت
هذيني احسن مرطبات للبشرة المختلطة

واذا بشرتج جافة فاخذي سيرافي🙃💞


#ملوكه

عيوني استعملي قرنفل..طبعا شايفة قرنفل انو يجي مثل عود صغار ونهايته مدببة
فتاخذين فد عودة قرنفل وتخليها عل السن اللي يوجع..وبقيها بين سنون..منا لفد نص ساعه وذبي

رح تحسين السن قل الالم🥺💔
لانو قرنفل من فوائده أنو مسكن للاسنان

#ملوكه