• ـأنا امرأهہ لعزيمتهـا سبعـة ارواح ، ڪلما اخفقت ازداد دافعي للنجاح،💛✨
تمثل ..

#الدلو #القوس
#الأسد #العقرب
#السرطان #الجدي
@stylegrils 💘🧸

• مصاب بحُب الناس البعيـدهہ ، مبتلي بفقر اللقـاء🖤✨

#العقرب #السرطان #الثور
#الجدي #الجوزاء
@stylegrils 💘🧸

• يڪرهون منْ يشگ فيهـم أو يسي۽ الفَهم وقد يتصرفْون فعلاً معـهہ بما يُثير شڪه فقط لإستفزازهہ ،🖤🕸.

#الجوزاء #الجدي #الأسد
#الحمل #القوس #الدلو
@stylegrils 💘🧸

• ـأذا وقعـوا في الحُب أنتظروا للنهايـهہَ و مستحـيل ان يڪونوا سبَب في انتهـا۽ اي علاقـهه ،💛🤙🏻.

#الجدي#الميزان #السرطان
#القوس #الدلو #العقرب
@stylegrils 💘🧸

#سحر_المقابر

،،،،،،،،،،،بقلم الكاتبه زينب ماجد،،،،،،،،،،،

البارت_13

من شفت شعري شلون مزين ومكصوص انهاريت بالصراخ والعياط والبجي لحد ما وكعد.. فتحت عيني بالمستشفى

وامي عله راسي دموعها تجري وتقره ايات وترتل عله راسي.. باوعتلها ودموعي بعيني

ماما شفتي شلون كصو شعري ماما شلون اشوف نفسي بالمرايا بعد واني شبه صلعه.. ماما ما اريد اعيش

الام.. كولي يا الله بنتي انشالله يكبر ويطلع احله بس انتي عله كيفج ويه نفسج ميصير هيج حرام

اجه ابويه كال ها فتحت كالتله امي اي وعت.. خطيه تراكضو عليه.. واشوف ايهاب واكف بالباب يباوع ودموعه بعينه وما يتقرب

للحضه حسيت فقدته لما فقدت شعري خلص حبنه انتهى.. دار وجه وطلع بقت دموعي تجري وابجي بصوت عالي

بابا لازمني ويكولي بابا بس كوليلي منو والله انعلج سلفه سلفاهم.. بس كولي بنتي.. عاد سولفتله شصار وشنو وكلوني

مجرد ما كملت كلام دخل الدكتور.. كال تعرضت لانهيار عصبي.. سببلها ازمه شكل عدها ضغط 17 دنحاول انزله وخفقان بالقلب كولش قوي والسكر صاعد 300

مو لازم تطلع ابدا لازم تبقى تحت العنايه لحد منتٲكد من صحتها.. انطوني مهدئ ونمت..

ابويه رايح ماخذ عمامي وهاد عله بيت عمي ابو ستار ويكولهم امكم هيه اللي كصت شعر بنتي.. طالعتله عمتي لاعبه جوله بالصياح والعياط لامه الجيران كلهم

حته عمامي وكف عقلهم وضلو يلومون عله ابويه شلون مخلي بنته ويه هيج مره لا تستحي ولا تخاف الله.. التمت الجيران عليهم فاككوهم

وابويه كال لايهاب بعد ما الك مره يمي طلكها.. ايهاب عاد لازم امه ومتعارك وياها. وهيه باقيه تصيح ..ولك اني امك متصدكني ولك يتهموني وانته مصدك اهمده بطني النكلتك علمود مرتك تصيح عليه هذا تالي تعبي بيك

مرت 3 ايام واني بالمستشفى يحاولون يسيطرون عله حالتي ميعرفون شنو بيه ..اخر شي كتبولنا خروج وطلعنا رغم بعدني مو زينه

رجعت للبيت.. جان تتلكاني مرت مسلم تكول يا خطيه هذا الشعر الحلو زينوه حرماات الله يساعدج ويصبرج حبيبتي..

جاي تبوسني ومسلم جرها من شعرها ودخلها للغرفه اسمعه يكولها اذا نطقتي بحرف لو ضايقتيها والله اطلكج..

بس كلامها اثر بيه بقت دموعي تنزل وابجي واني اتلمس براسي ماكو شعر.. متعوده يوميه نازل اله جتفي بدونه احس ما عندي راس

مر اسبوع وايهاب لا مر ولا سٲل.. يقت ادك بكلبي ليش هيج عافني.. لشوي فتحت جهاز واشوف جايتني منه رساله

💬 حبيبي والله مشتاقلج من ادخل الغرفه وانتي مابيها وعلي اختنك ما

مريت مو لان ناسيج لا والله بس ما اريد تشوفين وجهي وتتذكرين الصار بيج كله بسببي 💬

كتبتله💬 ايهاب محتاجتك💬

دزلي💬 يروح ايهاب انتي ثواني واني يمج💬

ما اعرف من كال ثواني واني يمج حركه لا اراديه مديت ايدي عله راسي عود اعدل شعري اتحضرله مديت وماكو شعر

بقيت اصرخ وابجي.. لشوي دك الباب وكالو ايهاب يريد يشوف مرته.. ابويه مانعه كتلها ماما اريده.. عاد دخل ايهاب وعساه لا دخل

اريد اباوع بوجها مو وجه ايهاب.. وجه وحش بوجها اسود وعيون حمر.. بسرعه صرخت طلعوووووه هذا مو ايهاب وخر مني

وهوه يتقرب مني بس يريد يحضني واني اصرخ مو هوه وخرررروه ما اريده وخرروه امشييييي واضرب بيه واني اشوف الوجه الاسود بوجها واتخبل

عاد اخويه مسلم لزمه وكال اطلع متريدك كال والله هيه كالت تعال محتاجتك.. كتله جذاب انته مو ايهاب اطلع برااااا

كعدت كرفصت نفسي وخليت اديه عله راسي وبقيت اصرخ بصوت عالي.. لحد ما وكعت مره ثانيه

اخذوني للمستشفى بس يردون يعرفون شنو حالتي ماكو انخبصو الدكاتره بيه.. يكلولهم ما عدها نبض شلون عايشه عجيب

اتحولت بشر ثاني اصرخ واعيط وما اهدء لزمتني ماما وجتفتني وتقره قران اتخبلت اصيح لا تقرين ما احبه لاتقرييييييييين

واحس كلمات القران مثل التيزاب عله جسمي اذاني حيل. (هذا الكلام كنت احجي واني ما ادري بنفسي الاهل سولفولياه اني جنت مو بوعيي انسان ثاني)

لزموني 3 ممرضين بس يردون يسيطرون عله جسمي واني اصرخ واضرب واصيح لا تقرين

اخر شي انطوني ابرة مخدر ووكعت بسرعه.. باقيه ماما ترتل عله راسي سورة البقره.. صحيت كتلها ماما شصاير

كالت شنو تتذكرين كتلها اتذكر ايهاب صار وحش.. كالت ليش تشوفيه وحش كتلها جذاب هذا مو ايهاب يلعب عليكم وبقت دموعي تنزل وابجي

كالت اي ماما مو ايهاب اهدي اهدي.. رجعت تقره سور عله راسي تضايقت دفعتها لا تقرين.. كالت ليش كتلها يزعجني..

عاد امي رايحه لابويه كايلتله والله مسحوره البنيه ابويه ابد ما يٲمن بهلشغلات كالها ماكو هيج حجي البنيه مريضه

كالته والله مرضها السحر مو شي ثاني يارجال خل نتلاحك البنيه لا مسويات شي عله شعرها ويموتوها ابويه بقه يصيح عله امي

ويكولها عوفي هاي السوالف مال النسوان تصدكن اكو هيج شي.. بقت تتوسل بيه.. ماكو.. اخذوني ورجعت للبيت

طبعا الدكاتره وكف عقلهم مني ساعه يشوفون كلبي مابيه نبض وساعه يشوفوه طبيعي كالو خبلتنا عايشه لو ميته

رجعت للبيت نوموني بالسرير.. بقيت نايمه فتحت عيوني بين الحلم والحقيقه.. واشوف مره سوده مغبره

وشعرها حيل طويل.. شفتها كمت اصيح الحكولي ماما باباااااااا امتد شعرها والتف حول ركبتي

اختنك بس اريد انطق حرف واني اشوف عيونها تخوف وخازرتني.. شفت الموت بعيوني واني لازمه ركبتي بس اريد اوخر الشعر

اخر شي كدرت انطق بس كلمة يا علي دركني بثقل وبخنكة صوت كوه يطلع بس كلت هيج المره صرخت بصوت عالي واختفت

انفتحت عيوني چن جنت بعالم ثاني اهلي كلهم يمي واني لازمه ركبتي واخنك بنفسي واصيح ومختنكه ويحاولون يجرون ايدي ميكدرون

باوعت امي تبجي وكلها تبجي حته مرت اخويه الحاقده كاعده تبجي عله حالي الله اكبر هيج حالتي بجت عليه حته عدوي

لميت نفسي وبقيت ابجي .. عاد ابويه حار يا دكتور يوديني اله ناس تكوله ضغط ناس سكر صاعد ناس يكوله صار عدها توحد

اطباء اشكال والوان وصفو حالتي بس محد وكف عل العله. وداواها ودوني دكتوره نفسيه ما حجيت ولا كدرت انطق

رجعو وودوني دكتور نفسي ثاني حجيت شوي بس ما تحسنت حالتي.. لليل هم نفس المره واشوفها كبالي تمد شعرها وميوصلي واني ميته خوف منها واصرخ الحكونييييي خلصوني منها

شفت اهلي دخلو واكولهم هاي تريد تكتلني ..واصرخ بلا. وعي واني اباوعها خازرتني وتنفخ وطلع صوت مثل الانين المخنوك

عاد امي لزمت ابويه كامت ادفع وتضرب بيه وتكله والله بنتي مسحوره ماتصدك لحد متموووت راح تموتون بنتييييي والله لو اعرف طلاكي يصير ما ابقى ساكته عله حالتها

لزمتني وجرت ايدي واني اصرخ.. بقت تصيح.. يا الله ..يا علي يا عظيم خلصنا.. المره كامت تصرخ واقتربت مني بس ما تكدر تلزمني واني اصرخ

بس امي بدت بتلاوة المعوذات ..قل اعوذ برب الفلق من شر ما خلق.. اباوعها كامت تصرخ بصوت عالي

واني اصرخ من الرعب اللي اشوفه كدامي.. لحد ما اختفت وكعت بالكاع مغمى عليه.. لشوي صحيت عاد امي وابويه

ماخذيني السيد منطيهم حرز وما اعرف شغلات عجيبه.. بس ما اثرت بيه ..هاي المره صرت اشوفها باليوم عدة مرات وابقى اصرخ

ناس تجي تشوف حالي تشبع بجي وتطلع ..وناس وصو بابا كالوله اخذها للنجف خل يكشفون عليها شنو بيها خاف صدوك مسحوره

وودوني لسيد معروف بالنجف كاللهم هذي مسوالها سحر ومو اي سحر هذا سحر المقابر.. اهلي تخبلو كالوله والعلاج

كاللهم هذا السحر بالذات صعب علاجه ونسبة 60 بالميه من المسحورين بيه ماتو لان صعب جدا فكه منكدرله

بس نكدر نهدي وضعها بعض الاحراز والطلاسم ابويه تخبل.. عاد وصفوله اشكال الوان ساده وناس معروفين بهلمجال بي

ت سيد سروط

رحنا سوولنا الاعمال وما كدرو يفكوه بقيت اتٲذه وهاي المره السوده كدامي وتمشي حولي وين ما اروح اتخبلت صرت بغير عقل ابد مو واعيه

انوب كالولنا روح بيت ناس يتسمه بيت ابو مرايا هم اخذوني اهلي كشف عليه وهز راسه كال الله ينتقم منهم شمسوين بيها..

شعرها الكاصيه لافيه عله عظم ميت صار سنه مفارق الحياة ومسوين عليه سحر ودافنين العظم الملفوف بشعرها بقبر بس ما نعرف يا قبر

ما ينفك عنها السحر الا يطلع العظم والشعر من القبر.. بقو يحاولون ويايه وسوولي الطقوس والاعمال وهم ابد مفادتني واني حالتي بالناقص

وايهاب ابد اتخبل اسمع بيه كولولي ابليس ولحد يجيبلي طاري ايهاب كمت اكره طاريه واصيح وانجن لو جابو اسمه

اخر شي كالو لاهلي بس الروحانيين الصبه هم يفكون السحر الصابئه مضبوطين بهلشغل

عاد اهلي كامو يدورون عله روحاني صابئي شاطر ياخذوني اله.. كامو يتمنو يسوون كولشي بس كون يطلعوني من الحال اللي اني بيها

بعدها اخذوني لواحد روحاني صابئي مجرد ما شفت وجهه لعبت نفسي.. كال لاهلي شبيها كالوه يكولون مسوالها سحر مقابر وعجزنا واحد يفكه ويبطل السحر

كشف عني واني مثل الميته ابد مابيه روح بس اباوع الاجواء غريبه مرعبه بيت يخووف.. اتقرب بقه يكلبني منا ومنا ويقره شغلات ما افتهمها

كاله اي صح هذا سحر مقابر وكولش قوي مسويه.. وابطاله صعب لكن راح ابطله بس يكلفك كاله ابويه شكد كاله 5 ملايين

كال والله مستعد انطيك 10 بس خلص بنتي من وضعها لا تاكل ولا تشرب وبس تصرخ وتشوف مره سوده تخنك بيها

كاله ماشي انتو لازم اطلعون بره وتخلوني وحدي ويه المسحوره.. وافقو اهلي وطلعو من عافوني وحدي وياه متت خوف

شكله يخووف ويلعب النفس ولحيته بيضه ومعكشه وكلبيته سوده كصيره جنه وهابي..

مددني ومد ايده خلاها عله صدري ويقره من قره احس جسمي ثكل الساني انعقد وكٲنما طلع روحي من جسدي

بقه يسوي عليه الطقوس واني مثل الميته شلون مخدريني بعمليه ابد ما اتحرك بس احس لشوي بده يفتح دكم قميصي

عرفت راح يحاول يجامعني متت خوف لا اكدر احجي ولا انطق ولا اتحرك شلون امنعه.. طلع اصلا الصابئه ميسوون السحر او يبطلوه الا ينامون ويه المره

كلبي راد يوكف وهوه يحاول ينزعني ملابسي ياربي متزوجه لا تخليه يكشف جسمي بعمره محد شاف جسمي غير زوجي

لا تخلي هذا النكس يبطل طهارتي بقيت بس اريد احجي واني مغمضه مثل الميته وما اكدر اتحرك واحمي روحي

اخر شي بكلب يبجي صرخت بداخلي ها يا علي تتركني دخيلتك يا ابو الحسن انقذني ياااااا علي ادركني

بمجرد ما كلت هيج بداخلي سبحان الله اندفع دفعه الرجل انضرب بالحايط.. كمت عله حيلي واشوف المره السوده خانكته بشعرها... يتبع

🌺🌺🌺🌺

#سحر_المقابر

،،،،،،،،،،،بقلم الكاتبه زينب ماجد،،،،،،،،،،،

البارت_14 والأخير

بمجرد ما كلت هيج سبحان الله اندفع دفعه الرجل انضرب بالحايط.. كمت عله حيلي واشوف المره السوده خانكته بشعرها..

بقت تصرخ وتعيط وهوه يحاول يقره ويوخرها ويسوي بعوده وهيه تلتف وتعيط.. بقيت ابجي واصرخ

كوه لفيت ملابسي وبقيت اصرخ وطلعت شافوني اهلي كتلهم اخذوني كالو شكو كتلهم اخذوني واحجي بتثاقل لحد ما تخربطت

نقلوني للمستشفى نوموني يردون يعرفون شبيه الضغط والسكر والخفقان فد مره حالتي تبجي الصخر

حارو ودوني ائمه مقدسات ماكو ما فادت وياي بقت حالتي بالاسوء وايهاب اتخبل منه اكوم اصرخ لو جابولي طاريه

بس هوه يجي لبيت اهلي بدون علم ابويه يتفق ويه امي ويطب لبيتنه و يباوعلي من الشباك ويبجي وما يتقربلي

عجز كل طبيب وكل سيد وكل شيخ روحاني عن مداواتي الى ان وصلت بيه الحاله عشت بغير

احس روحي بمقبره واشوف اشياء تخوف ساعه اشوف انواع الارواح والجن اللي يصرخ بوجهي واللي يتلفت من يمي

وساعه اشوف شعري يطير ويدخل بٲذاناتي ويطلع من حلكي وساعه يطلع من خشمي

ومرات احسه يركض ورايه ويخنكني.. ومرات احسه ملتصق بيه مثل الذيل اتخبلت تماما.. اني اللي اخاف كمت اشوف انواع الجن

مرت عله هاي حالتي سنه ونص واني صرت مثل الجثه بلا روح مرت سنه ونص واني كلمه ما ناطقه ولا اعرف الدنيا شبيها عايشه بغير عالم

وزني نزل من 67 كيلو لل39 كيلو بقيت عايشه عله باكيتات الحليب والكيك والعصير اللي تجبرني امي وتوكلني واني مثل الميته بس اباوع

مرات من تشيلني امي وربى اختي يدخلوني للحمام يسبحوني واشوف شكلي بالمرايا اكوم اعيط واصيح وابجي بدون حجي بس عياط

اشوف وجهي مثل السعلوه يخوووف ميتباوع فكامو من يسبحوني ميخلون مرايا بالحمام.. انتهت حياتي واني مثل الميت ينتضرون ساعة وفاتي

ابويه منع ايهاب من زيارتي وتعارك ويه ماما لان تخليه يشوفني وحته وصلت بينهم العرك للزعل وميتحاجون

وايهاب انتهى تحسه جثه تمشي بدون روح يجي يبجي يم امي ويشكي ويكوللها والله مستعد انطي روحي بس خل تكوم عله حيلها

ترك امه وكام ما يحجي وياها واكثر من مره تعارك وياها يكولها اذا انتي مسويتلها السحر كولي ارحميني وين دافنين السحر

وهيه تكوم تصيح وتعيط وتلم الدنيا عليه شلون تتهمني اني اسوي السحر تعارك ويه ابوه واخوه لان حته هد وتهديد هد عليها وما فاد وياها ابد مكالت منو كص الشعر او منو سوه هيج.. تنكر

فد يوم من الايام تٲزمت حالتي المره السوده تخنكني وعيوني تطلع همه عبالهم اني دا اجالع والفظ انفاسي الاخيره

نقلوني للمستشفى وايسو مني خلاص الدكاتره كالو بعد ما بيها امل ايام وتموت.. اهلي انتهو ايهاب ادمر

حته حظرو كفني وكتبو عليه دعاء الجوشن وجانو متانين شوكت اموت.. حته صارت مشاكل ناس تكول فاتحتها عله ابوها وناس تكول لا فاتحتها عله رجلها

ايهاب يطالب بيه وابويه يتعارك وياه ومسلم اخويه تقاتل وياه وادخلو بيها عشاير وناس تجي عله ابويه ميصير هيج لازم تنطيها لرجلها

وابويه يكوله انطيتها الهم ورده و رجعوها الي ميته يحلمون يشوفون ضفر منها..

فد يوم اني احس علعالم وعله اهلي بس ما اكدر اتكلم تكول ميته مجرد فتحت عيني لكيت امي تبجي عله راسي

كالت ها ولج يمه سنا تسمعيني ياورده واحله من الورده يمه ذبلوج عساها بحظهم وابختهم

بقت دموعي تجري لما امي تحجي.. كالتلي دموعج غسلني يمه ولج يمه شنو بيدي واسويه والله ييمه لو يطلبون روحي ويكولون تصحه سنا ييمه والله انطيها

اجت ربى شبعت بجي وابويه يبجي واخوي كلهم اباوع وراهم ام شعر الاسود تخزرني تخوف فتحت عيوني وكمت اشهك ونفس يصعد وينزل

امي كامت تلطم عبالها راح اموت ..وتصيح ولكم الله لا ينطيكم بتيييييييي ولكم بتي تمووووت كبال عيني وما بيدي شي

نزعت حجابها وكامت تملخ بروحها اخر شي كامت عله حيلها كال ما اسكت اريد اروح للي يسموه ابو راس الحار اريد اروح دخيله عله العباس ابو الغيره اريد اشوف غيرته تقبل بتي هيج يصير بيها

ابويه كالها وين ناخذها لا اطك وتموت بدينه بالطريق كالتله وخر مني تريد اشوف بتي تموت كبال عيني ما اسكت هيه ميته ميته عود من تموت اروح ادفنها بطريقي

ذوله دكاترتك والمستشفى مالتك ما اشتريهم بنعال موتو بنتي اني رايحه لاهل البيت واشمر ستري هناك وادخل عليهم يقبلون يصير بينه هيج

كامت امي تحجي وتصيح فقدت كالتله مسلم عاوني انشيلها ..شالوني وخلوني بالسياره وطلعو بيه لكربلاء

دخلوني للامام العباس شيول شايليني دخلت امي للمرقد مالته وكامت تصيح ها يلعبااااس تقبل بنتي هيج يصير بيهااااا

والله اذا ما شفيتو بنتي لا امن بعد ولا اريد امام تعبت بنتي كبال عيني تمووووت يلعبااااااااس ..الناس التمت عليها والنسوان تبجي وتدعي

اتعاطفو اللي بالحرم كلهم وياي كالو تعالو ننزلها لنهر العلقمي هذا المي شفا من كل مرض وداء.. نزلوني سبحوني بالعلقمي

وطلعوني نوموني بالصحن ولفوني بالرايه الحمرا مال الامام النزلوها بمحرم .. (هذا

الحجي اني جنت فاقد وبغير عالم ما احس عليهم شلون شالوني وجابوني)

كنت نايمه فتحت عيوني. وراسي عله رجل امي وهيه رافعه عينه علقبه مال الامام ودموعها يجرن بحركه ويوكعن عله هدومها

تكله ها يا عباس تردني اخو زينب يسموك الغيور ابو راس الحار ما تقبل هيج بنيه تنظلم غيرتك تقبلها تنكسر بنتي

تتذكر شسوو بختك وشلون سبوها احلفك بستر زينب رجعلي بنتي لا طبيب ولا دكتور عرف علتها وعفتهم كلهم واجيتك واعرف غيور وما ترد ناخيك

ها يا اخو زينب احلفك بسبي ودموع زينب انتفض ورجعلي بنتي.. اباوعلها وهيه تحجي كدرت انطق او كلمه بعد ما مر عله سكوتي سنه ونص كلت ماما

هيه كمزت واخذتني بثنين اديها ودموعها يجرن وتكولي يروح امج كولي ييمه امريني كتلها جوعانه

حظنتني وتصلي علنبي وتبجي والنسوان يبجن وياها وتكلي والله صار سنه ما سامعه صوتها عرفت يلعباس متخيبني

باوعتلي وتكولي يمه شتردين شتتمنين كولي.. كتلها اريد دجاجه كامله.. يمه اجيبلج دجاج الدنيا كلها سناوي يمه

كامت هيه واني كعدت عله حيلي تعجبت لما شافتني اكعد كالت تكدرين تتحركين كتلها اي

انطتني ايدها والنسوان هوسه بيها التبجي وبيها التصلي علنبي وبيها التدعي.. كمت عله حيلي ومشيت خطوه خطوه

طلعت لابويه واخويه مسلم وامي لازمه بٲيدي همه كاعدين بره التفت اخويه مسلم وشافني امشي..

ركض بكل لهفه. ويصيح خووووويه سناوي وابويه انتبه وركضلي حظنوني ويشهكون بجي بصوت عالي

كتله بابا جوعانه كالتله امي ابو مسلم سنا تريد دجاجه كامله.. كاللها تٲمر دجاجه كامله هيه وبيضاتها ويضحك والدموع بعينه

اخذوني لمطعم يم الامام نزلو اشكال والوان ومن ضمنها الدجاجه اباوع للاكل جن ما ماكله صار سنين اكلت بشراهه عجيبه

وهمه مياكلو بس يباوعون ويبجون.. كملت اخذوني ديمشون بشارع الامام واحس مثل واحد ضربني عله ضهري ووكعت وتقيئت الاكل الكلته كله

انوب رجعت اتخربطت رجعوني للامام امي ما قبلت تاخذني للدكتور دكلهم العباس هوه دكتورها ..اخذوني ودخلوني للحظره مالته

نوموني شوي عن الشباك ولفوني بالرايه مالته مغمى عليه ونايمه وجان بالحلم يجيني رجال متوسط العمر طويل كوولش طلع من نور ويمشي بٲتجاهي

بس شكله ممبين من النور اللي بالمكان بس اشوف شي بين اديه شايل مثل القماش الابيض..

اتقرب مني وانفتح القماش وطلع شعري بين اديه.. وكال (حلفتوني بستر زينب واني زينب عندي غاليه هذه شعرج طلعته من المقبره وجيت)

وانطاني الشعر ورجع اختفى بنص النور كعدت فتحت عيوني واصرخ ماما شفته العباس شفته والله شفته ماما انطاني شعري ماما جابه من المقبره والله شفته احجي وابجي والدموع تجري

والصحن انكلب عله صوتي بالصلوات والدعاء والبجي وناس تجر بثوبي وتكلي من بختج وناس تمسح بيه وتبجي واني اصيح وواكفه عله حيلي

من الفرحه خريت ووكعت.. فتحت عيني بالمستشفى اهلي كلهم عله راسي اول كلمه نطقتها اريد ايهاب.. ابويه باوعلي وكال يجرالج بسرعه رفع الموبايل وخابر عله ايهاب

كاله سنا صحت وتريدك.. بساعه وحده وايهاب يمي اجاني يركض حظني ويبجي ويشهك بصوت عالي كولش واني اشتم بيه وابوس واباوعله ودموعي تجري وهوه يبجي

وامي وابوي وابوي فرفحو من البجي علينه.. كتله ايهاب ليش تركتني.. كال والله ماتاركج يا نور عيوني باعي شعري انترس شيب ولله من قهري عليج

صدك اتعجبت اباوع لشعره واللحيته نصها شيب بقه يبوس براسي وبٲديه.. ورجعوني للبيت وايهاب كال لابويه اريد ارجعها

ابويه كاله ما عندي بنيه الك انطيتكياه مره رجعتها جنازه انطيكياه مره ثانيه شتسوي بيها.. كاله عمي ما اكدر بدونها حاول ويه ابويه ماكو قافل واني روحي مفرفحه عليه اريده مشتاقتله

خطيه راح لم زلم وشيوخ عشاير وساده وجابهم عله ابويه بقو يحجون وياه وكالوله نزعل ونعتبرها اهانه اذا ما رديتها ويانه

بقو يتجادلون الى ان كال خلال اسبوع يشتريلها بيت ويٲثثه الها وياخذها ويعزلها غير هذا الحجي ما عندي اله يمي بنيه

ايهاب كاله تٲمر من باجر اشتري بيت وشتٲمر بيه اني حاظر راح خطيه اشتره بيت واثثه ب5 ايام

انوب اجه اخذني ورحنا البيتنا شكد فرحنه تكول عرسان اخذ اجازه شهر تفرغلي بالبيت مكابلني يكولي اريد اشبع منج

بعد رجوعي بشهر حللت طلعت حامل جان طاير من الفرح.. صار عدنه طفل سميناه عباس عله اسم الامام العباس اللي اله الفضل اليوم بحياتنه السعيده

بس لليوم ما عرفت منو اللي كص شعري او منو سواللي السحر خالته راحت بٲنفجار الشعله صار بالسوك وما لكو جثتها

وامه صار بيها سرطان الثدي وكصو ثداياها ثنينهم لكن ما راح منها المرض بقى ياكل بجسمها الى ان انشلت تماما وانعقد السانها

وبقت عايشه ابيت ستار لان غدير اتزوجت وبناتها ما يقبلون ازواجهم يجن ويخدمنها عله طول يجن يوم يومين يخدمنها ويرحن

فد يوم خابر ستار عله ايهاب كاله تعال شوف امي تره واصله الموت.. ايهاب كاله هاي حوبتنه كاله هاي امك لا تحجي هيج..

اجيت يمه كتله شكو لكيته مدمعه عيونه كال امي تريد تموت.. كتله خل نروح نشوفها.. كال ع

ندج استعداد تشوفيها بعد كل الصار..

كتله امك مريضه والمرض مابيه شماته حبيبي حرام وان كانت امك مو زينه لازم انته تبر بيها لا تصير عاق

باسني من راسي وكال الله لا يحرمني منج بدلي لعبوسي خل نروح نشوفها.. رحت بدلنا اني وياه وعباس ورحنا البيت ستار

من شافته كامت دموعها تجري عله ايهاب.. هوه وكع بحضنها ويبجي.. انوب انطاها عباس كاللها شوفي ابني وهيه بس نايمه مشلوله ما تتحرك بس تباوعله بضحكه ودموعها تجري

انوب خابر صديقه كال سنا شويه واجيج بس اروح لصديقي كتله اخذ راحتك حبيبي.. كاعده يم امه ومرت ستار

جان مرت ستار تكوم تعيط عليها.. تكلها ادري بطن لو فاتحتلج بوري لعبت نفسي من نكاستج كلساع ابدلج.. اباوعلها شلون ترزلها لما راحو ستار وايهاب

كتلها خطيه قابل بيدها كالت يمعوده متت بناتها شامراتها عليه ونايمات باحظان رجولتهن واني متحمله نكاستها واغسللها

من جنت عدها جنه ما رحمتني هسه تردين ارحمها هيه ونكاستها.. صراحه شكد منقهره منها علسوته بيه بس حيل انقهرت وانكسر كلبي من شفت دموعها تجري لا حول ولا قوه ومرت ستار ترزل بيها

للحضه تخيلتها امي وهيج مرت مسلم تعاملها دمعت عيوني.. اجه ايهاب كال يله خل نروح كتله ايهاب خطيه خل ناخذها ويانه

كال عندج استعداد تتحمليها.. كتله لعد ليش لوجه الله حرام هاي ام مهما كانت تعبت وربت مو هيج لازم تتجازه

كال ما اعرف شكولج انتي شنو من ملاك ما ادري كتله مو قصة اريد اصير ملاك بس الدين رحمه واخلاق ونبينا نبي الرحمه وكال بعثت لاتمم مكارم الاخلاق

وهذا اللي ديصير بيها مو اخلاق ولا اكو رحمه.. باسني وكال يله راح اجيب سياره ننقلها..

نقلتها لبيتي واشترينالها سرير كهربائي متحرك علمود اتحكم بكعدتها ونومتها واهتميت بيها مو الها وانما لله

فد مره جانت موصخه حفاظتها غيرتلها ونضفتلها وعطرتها وكعدت اوكلها شوربه كوه اخلي بحلكه

واباوع عيونها تباوعلي وتجري وتمتمت ما اعرف شتحجي احسها تباوعني بندم.. ابتسمت وكتلها ها عمه تبجين.. وين دموعج هاي من هدمتي حياتي وخليتيني جثه بلايه روح وما كلفتي نفسج ودلينه عله مكان القبر

خليتينه اني وابنج مفرفحين وواصلين الموت.. ما اريد اتشمت بيج استغفر الله ..ودا اخدمج مو الج لا والله ..لله عندي ولد وباجر هم اصير عمه

والدنيا ما الها امان يمكن اصير بمكانج واريد اليرحمني مثل ما رحمتج.. بقت تبجي بصوت عالي ودموعها تجري مثل التتعذر مني

دموعي يجرن واني مبتسمه واباوعها كتلها لتخافين سامحتج.. ماكو انسان معصوم من الغلط واني هم عندي اغلاط واريد الله يغفرلي ويرحمني مثل ما غفرتلج ..دنكت راسها وبقت تبجي..

مسحتلها دموعها وكتلها ارتاحي شغلت قران كتلها استمعي وهسه ترتاحين.. بالقران تطمٲن القلوب

وبقيت اخدمها لليوم هيه عندي مشلوله واهتم بيها واحله عيشه عايشتها ويه ايهاب وحللت هسه وهم طلعت حامل وانتضر مولودي الجديد

وصدق القران من كال (ولا يفلح الساحر حيث اتى)

🌺🌺🌺🌺🌺🌺

ولهنا حبايبي تخلص قصتي بسحر المقابر..
والفكرة والعبره اللي اريد اوصلها الكم وهيه معجزات اهل البيت.. اللي اكو ناس تعتبرها خرافه.. لكن اقسم هذي القصة حقيقة..
اتمنى تكونوا استفدتوا من القصه بكد مستمتعتوا بيها..

عيوني القصة بعد نزلتها هسه وكملت🙃

وغسول بيزلين.. يي زين ومشهور اهواي يستعملو
ينظف البشرة ويطي نظارة وينعش البشرة😇🦋


#ملوكه

حبي للتسمين.. يوميا قبل لاتنامين اشربي شراب حليب كامل دسم وموز وضيفي وياه مكسرات وعسل حسب رغبة..يوميا بليل كون تستمرين

وهمين اكلي اي شي يعجبج منا لمن يخزن جسمج ويبين سمن..🥰✨

#ملوكه

حبي الدب تلكينه بالبيجات اللي دزيتلج المكاتب ومحلات الهدايا

وحاليا اغلب مكاتب متلكين☹️..لانو اكثر شي يجيبوهن بعيد الحب

#ملوكه

وهذيني البيجات اللي دزيتهن👆🏻