باوعت عليهة.. حتى انتي يااختي لا تعتبرين نفسج شفتي حنية منهم ترة ديتاجرون بيج

وبجمالج وخصوصا امج لا تعتبرين تحكم امج بحياتج هاي حنية وخوف منهة عليج ..

لاا هذا طمع واستغلال لجمالج للوصول لغايات ابالهة تريد تحققهة بيج....

رباب☆☆ لاطفتهة بالحجي وضحكت وياهة
...يمة يمة فرحه شنو هالحجي طبعا عيني خريجة مدارس انتي

فرحه☆☆ هذا كلام ابوية مجيد وجان يتمنى يحجيه وياج بس تعرفي يتجنب المشاكل دائما لان انسان مسالم ..

شوفي نفسج رباب ترة الحياة تركض ومحد ينتضرج حلوة اي بس الحلاة يروح صدكيني ميبقى على حالة

رباب☆☆ هااااي شلج بيهة انوب شطالبتني جمالي يروح؟ بلة شلون يروح عيوني تنكلب سود لو اني اصير سودة 😒

فرحه☆☆ رغم اني اصغر منهة بالعمر بس فاهمه الدنية وواعية اكثر بهواي منهة ...

كلتلة لا حبيبتي اسم الله عليج انتي جميلة وراح تبقين حلوة وجميلة وعندج حسن محد شايلة... تركتهة ولزمت كتابي وسويت نفسي اقرة

رباب☆☆ تركتهة وكمت .. وهمست كلهن هيج البنات الغيرة ذابحتهن😒 مني هووف..

مرت الايام واني امارس حياتي اليومية .. اطلع للسوك اتسوك واجيب نواقص البيت وبالاسبوع مرة اروح للبستان اشوف شتحتاج.

وبيوم من الايام رحت للبستان لوحدي امي ماكدرت تجي وياية بيومهة لان مرضة

ومفاصلهة هايجه عليه اضطريت اروح لوحدي لأن جان عدنه حصد محصول وجان لازم

اطلعت فلح وعمال بمساعدة جوارينه ابو ريسان .. جنت لابسة نفنوف وفوكاه بس

عباية لان مكان زراعي وبساتين ماكدرت اروح مفرعه لوحدي وكفت يم بيت البستان اراقب العمال..

شفت سيارة بيضة صغيرة دتمشي بالدرب الترابي وجاية على بستانه... ضليت وكافة

واباوع لمحت هاي سيارة عمي ابو مشتاق طبك السيارة ونزل منهة مشتاق ... ما اعرف

شوصف شعوري فرح لهفة حب قلق .. بقيت بمكاني واكفة مارحتلة حسيت رجلية

ثكلن ..اجى مشتاق يباوع علية وعيني بعينه واتقرب يمي ...

مشتاق☆☆ جنت طالع من البيت دروح للدائرة الاشتغل بيهة وكفت السيارات لان اشارة المرور عالكه..

وصدفة شفت وحدة جنهة رباب تمشي لوحدة ركزت اكثر اي والله هاي رباب جانت متهجة

لطريق البستان حاولت اوصل الهة بس جانت السيارات هواي واكفة قبلي..

بهالاثناء هية صعدت سيارة اجرة وراحت اتخبلت من يمي هاي لوحدة يالله شلون..

بين ما مشت السيارت اني طالعه روح روحي
شخطت السيارة ومشيت سريع بس مالحكت

سيارة الاجرة الاخذتهة عاد راسا كملت طريقي لمزرعتهم ... نزلت من السيارة شفته واكفة

بعيد يم بيت المزرعه.. شبت نيران بيه مهما يكون صعبة شلون هيج هية بنت وتوكف بنص فلح والله جريمه وصلت يمهة وسلمت.. شلونج بنت عمي

رباب☆☆ ياهلا ياهلا بمشتاق ياهلا بيك ابن عمي.. شعجب اليوم بينت

مشتاق☆☆ ليش جاية لوحدج رباب ؟ شلون تجين لهنا لوحدج ..انتي متعرفين هالدنية شبيهة؟ ترة البشر وحوش وانتي بنت بنصهم

رباب☆☆ ماعندي احد ياابن عمي ابوية تعرف حالته واخوتي لاهين بنفسهم وامي رجلهة ومفاصلهة كابة عليهة وفرحه تدرس

مشتاق☆☆ يافرحه يمعودة الجية لهنا يحتاجلهة زلم مو نسوان.. اوف استغفر الله يارب.. يلة اني وياج باقي الى ان تخلصين

رباب☆☆ خجلت من موقفة وياية وكلتلة..
ماريد اتعبك مو عندك وضيفة خاف يعاقبوك

مشتاق☆☆ هاي الرسميات مو وياية رباب وطز بالوضيفة هوة قطع راتب خلي يقطعوه..

انتي عرضي شلون اتركج لوحدج كل عقلج اذا يصير شي عليج شيفيدني راتبي.

ضلينه شوي ساكتين ما اتحملت اكثر باوعت عليهة بطرف عيني عتاب وقهر واضح عليه..

ليش رفضتيني رباب ليش ماحاربتي امج علمودي ليش ماكلتيلهة احبك؟ ليش وليش الف ليش ابالي

رباب☆☆ بقيت ساكته ومدنكه راسي ما😔 عرفت شحجي وشنو اكلة.

مشتاق☆☆ مستعد انتضرج طول العمر بس انطيني وعد متكونين لغيري ..

رباب☆☆ شفت نفسي الوكت يمر وامي متقنع باي واحد ...هواي اتقدمولي وكلهم تطلع بيهم الف علة ...

وهو كلامه يسلب العقل يخلي البنت تنجبر بيه وما انكر اني اميل اله هواي

مشتاق☆☆ ليش ساكته وماجاوبتي رباب؟ والله انتضرج طول العمر بس انطيني وعد تكونين الي ومتفكرين باحد غيري

رباب☆☆ ابتسمت ودنكت راسي بخجل وكلتله ... اوعدك مشتاق ماكون لغيرك.. كوة حجيتهة الخجل ذابحني 😶

مشتاق☆☆ يبووووو مي بااارد نزل على كلبي ردت اهجج الفلاحين واشتغل بمكانهم

من فرحتي وحماسي 😀..الله يريح كلبج بنت عمي صدكيني انتضرج لو صار عمرج بالستين

وعجزتي وصرتي مكرمشة ومتتباوعين وسنونج واكعه وشعرج مشيب وتمشين على عكازة همين اخذج اخذج 😎

رباب☆☆ ههههه😂ههههه اوووف كلماته تخبل تخليني انجبر بيه... كملنه المحصول

واخذوه للعلوة ديبيعوه بيت ابو ريسان وبعدين يجيبون الربح ...خلصنه شغلة ودنرجع.. اخذني مشتاق بسيارته

مشتاق☆☆ مو تريدين تشوفين شلون يسوقون 🤗 كعدي يمي واتعلمي

رباب☆☆ 😀 اتعلم صدك تحجي

مشتاق☆☆ ااايييي اعلمج وانطيج السيارة تسوقين بيهه بس مو تلطمينه بلوري لو باص ونصير يخني 😂

رباب☆☆ههههههههههه من الفرحه راد كلبي يطلع 😍 من مكانه كع

دت يمه وساق بلسيارة

وبدة يعلمني هذا سكان وهذا كير وهذا بريك وهذا بانزين ومدري شنووعود ديعلمني واني

مثل المخبلة اباوع ومسوية نفسي افتهم وكل همي بس اريد الزم السكان 😂... طلعنه على

الشارع العام وجان فارغ وبدة يدووووس ويمشي سريع ونوبة ثانية يخفف ويصير

بطيء ويرد يمشي سرييييع خبلني خلاني ابجي من الضحك والخوف واصيح .. مشتاااق اختااف يمعوددد ااااا

مشتاق☆☆ ولج فضحتينه بت فضيله صوتج هرج ااش يلة هااا اها ووكفت السيارة بس اسكتي ولج

رباب☆☆ ضليت اضحك من كل كلبي من كد الضحك عيوني دمعت بحياتي ماضحكت هيج

ضحك ولافرحت هيج فرحه ولاحسيت بهيج اهتمام شعور مينوصف وصلني للبيت ورجع لشغلة..

⚘صارت سنة 1976 امي قررت تزوج غسان ومازن لان تعبوهة يومية شرب وسكر وعربدة

وصرف فلوس كالت تزوجهم وتخلص منهم حتى يعقلون... غسان اتزوج من اقرباء امي

من بعيد وحدة اسمهة جميلة.. ومازن اخذ وحدة من ولايتنه دلونه عليهة الناس اسمهة

سعاد سوينه عرسهم بيوم واحد.. بس فرحة مقبلت تلبس الوان وتنزع الاسود لان السنه

مالت عمو مجيد ماجانت طالعة ... عزمنه كل كرايبنه وجوارينه وصار عرس ضخم والدنية

كلهة اجتي ... ردو خطبوني بعرس اخوتي واحد مهندس ويريد يطلع لبريطانية يكمل

دراسته بس امي ماقبلت كالت ما اكدر بلياهة وين تروح وتعوفني انوب.

مرت فترة على زواج اخوتي وبدت مشاعري تتحرك اشوف نسوان اخوتي بعمري واتزوجن

وصارن مسؤلات من زلم وبدن يتعيقلن ويتمقلجن براسي وسوالف الجناين المتخلص

وتالي حبلن واني بعدني ... ما اتحملت هالوضع اكثر كلت خلي احجي وية امي بلكي تفهمني ... يمة اريد اكلج شغلة

ام غسان☆☆ كولي بنيتي

رباب☆☆ يمة اني اريد مشتاق.. وقابلة بي حتى لو على كد حالة .. حجيت وياهة واعرف كلش زين ردهة

ام غسان☆☆ هالموضوع لاتفتحي وتعرفين رأيي بي وماله داعي هالحجي هسة.

رباب☆☆ اختنكت من تصرفات امي وبديت اطلع حركتي بالجناين امنعهن يشتغلن بالبيت

حتى يعرفن اني سيدة البيت والكلمه كلمتي .. انوب كل وحدة منهن كيفت على هالوضع اني

اشتغل وهنة كاعدات رديت قلبت عليهن وجبرتهن يشتغلن وقسمت الشغل بناتنه بس اني الاقودهن ...

وصل حد بيه اتحكم بالطبخ شنو اليعجبني اني اطبخة كلشي على مزاجي مو مزاجهن..

مرت الايام وحالتي النفسية تتعب اكثر واكثر حتى مشتاق مو بسهولة اشوفة كل اسبوعين مرة...

وبيوم من الايام جنت طالعة للسوك اتسوك وشايلة سلة المسواك ودة اطلع من الجزدان

الفلوس ومامنتبهة اني ودة امشي انضربت بمرة جبيرة بالعمر ووكعتهة بالكاع راسا ذبيت

الغراض من ايدي وشلتهة شفت بوجهة.. يا هاي خاله ام رائد .. مرة جوارينه معتكفة

خطية متطب وتطلع على احد من يوم الاخذو زوجهة وعدمو لان جان شيوعي هالحجي تقريبا بسنه 1963 من عدموه..

سلمت عليهة واتاسفت منهة وكلتلهة ماتركج خاله اني ارجعج للبيت.. خطية اتشكرت مني

شلت سلة المسواك مالتي ومالتهة ولزمت بأيدهة وكمت اتمشى وياهة ونسولف .. خالة اشو لوحدج وين بناتج ولدج

ام رائد☆☆ البنات زوجتهن يايمه خو مو يبقن كدامي اخذوهن اهلهن كرايب ابو رائد الله يرحمه...

وارئد موضف يطلع الصبح ويرجع الضهر خطية ميكدر يتسوك يجي تعبان واضطر اني اطلع للسوك

رباب☆☆ ليش ماعندج غير ولد خاله.

ام رائد ☆☆ لا يمه هو بس هالوحيد عندي ووراه بنات

رباب☆☆الله يحفظه الج يا خاله صدك جذب اني اخدمج بعيوني منا وهيج امر عليج بين ويوم ويوم واشوف شتحتاجين واجيبهن الج

ام رائد ☆☆ يايمة عيوني انتي ماريد اتعبج

رباب☆☆ لا عيب خاله شهالحجي اتعبيني شنو هو اني رايحه للسوك واتسوكلج بدربي وهمين حسبة بناتج واخدمج بعيوني حجية

ام رائد☆☆ ياعيوني يمه ربي يحفظج لشبابج حبيبة ويسعد بختج ان شالله

رباب☆☆متتصورين ياخاله ابوية شكد يحب عمي ابو رائد الله يرحمه خطية والله من اخذوه شبع بجي عليه.. اني ودة احجي وياهة شفتهة كامت تبجي

ام رائد☆☆ عمت عيني عليك ابو رائد سندي بهالدنية العوجه اخذوه برمشة عين مني

اوووف يازمن شراواني من ظيم بس كلهة بجفة وكسرة ضهري باعدام ابو رائد بجفة ..

راباب☆☆ شفتهة شلون تحجي وتبجي ومحروك كلبهة عبالك ستوة اخذوه ولا عبالك صارلة 14 سنه من توفى...

قارنت بينهة وبين امي .. شلون تعامل ابوية وشلون تتضجور منه وشلون تمشي كلمتهة عليه.. وصلتهة للبيت وسلمت عليهة ورجعت

⚘وفعلا كمت بين يوم ويوم من اريد اطلع للسوك امر على خالة ام رائد ......وبيوم من الايام مريت عليهة مثل كل مرة ودكيت الباب..

رائد ☆☆ جنت نايم واسمع الباب يندك .. ما اهتميت وبقيت بفراشي .. زادت دكات الباب

وانسطرت😑 من الدك كمت من فراشي حتى ماغسلت وجهي ولا رتبت شعري فتحت الباب

وشفت رباب بنت ابو غسان كدامي... بوية والله جمالهة يكتل من تشوفهة من قريب يبين

حسنهة اكثر ..عيون وساع وخضر وشعر اشكر وبيضة كطن ..

رباب☆☆________؟

يتبع،،،،،،،،،⚘

حبايب ان شاء الله بليل انزل استفساراتكم☹️❤️ لان هسه مشغوله

#ملوكه

حبيبتي الزوجه ...❤️

❣
❣
❣
زوجك مقصر في أمور البيت❓
زوجك سلبي❓
زوجك عصبي❓
زوجك' صامت❓
زوجك شديد الغيرة ❓
زوجك عنيد❓
زوجك يجامل النساء ويمازحهن❓

⁉️. فما الحل إذاً❓⤵

▪️إن بداخل كل رجل طفلاً حتى وإن كان رجلاً عريض المنكبين أو مفتول العضلات، ومن هنا ينصحك الخبراء بأن تخاطبي طفولته قبل أن تخاطبيه كرجل، فالأطفال وإن كان التعامل معهم ليس بالأمر السهل، لكن هناك الكثير من الوسائل التي تستطيعين بها إقناعهم بما تريدين، وهذا بالتحديد ما يجب أن تفعليه مع زوجك العزيز. وإليك نصائح الباحثين والخبراء من أجل ذلك.

🔴 زوجك عصبي ⁉️

❌لا تقارنيه أو تعايريه بغيره، فأسلوب المقارنة خاطئ جداً في التعامل مع هذا الطفل الذي يقبع داخله، وتجنبي أن تتذمري أمام أهله أو أهلك بأنه مقصر، فقط ذكريه دائما بطلبات البيت بشكل يجعله يخجل من نفسه، وأخبريه أنك قد أحرجت كثيراً أمام أخته اليوم عندما طلبت منديلاً ولم يكن في البيت مناديل، وفي مرة أخرى أخبريه أنك تشفقين على صديقتك لأن زوجها مقصر في طلبات بيته.

🔴 زوجك سلبي ⁉️

❌لا تلوميه على سلبيته وتذكري دوماً بأنه ربما تعرض لظروف في طفولته ومراهقته جعلته سلبياً رغماً عنه، استكشفي ما يستطيع أن يفعله وما هو قادر أن يكون عليه وركزي مجهودك على استفزاز نشاطه وقدراته، أخبريه مثلاً أنك تستطيعين الذهاب لمواجهة مدرس أساء لولدك، لكنك تفضلين أن يذهب هو حتى لا تضطري للمجادلة مع المدرس.

🔴زوجك عصبي ⁉️

❌إياك والمعاملة بالمثل مع زوج عصبي، فعصبيتك ستكون مدمرة لحياتكما معاً، واحذري أن تخاطبيه وهو في طوره العصبي. فالعصبية طبع ليس من السهولة تغييره، ففكي قليلاً قليلاً شيفرة الأمور التي تجعله يتخذ موقفاً عصبياً، حاولي تغييرها ما استطعتِ، وتأكدي أن الحل الأمثل لزوج عصبي هو تجنب إثارته.. لذلك استخدمي أسلوب المناورة كما تستخدمينه مع طفلك، فكما أن الأطفال ينسون عصبيتهم بقطعة من الحلوى وبكلمة حلوة فالرجال كذلك❗️

🔴زوجك صامت⁉️

✋🏻لا تيأسي من صمته أو من المحاولة، ابدأي أنت بالتحدث إليه وأكثري من الأسئلة عن عمله وعن ما صادفه في يومه، اسألي عن التفاصيل حتى لو لم تكن تهمك، وكوني مستمعة جيدة واحرصي على التعبير عن استماعك بانفعالات مختلفة تشجعه على الاسترسال في الحديث، واعلمي أن الإنسان الثرثار هو من وجد أذناً تسمعه وانفعالات تشجعه.

🔴زوجك شديد الغيرة ⁉️

▫الغيرة هي دليل الحب، لكن الشديدة منها تصبح مزعجة، وأفضل وسيلة هي تجنب ما يثيره، وفي حال تعرضك لأي موقف أثار غيرته فاطفئي نار غيرته بتجنب النظر إليه إذا كنتما مع مجموعة من الناس، وعندما تعودان إلى البيت تجنبي التصادم معه، وأخبريه لاحقاً بأنك لم تكوني تقصدين ما أثار غضبه وأن ذاك الرجل الذي عاكسك إنما أهان نفسه أمام الناس ولا يستحق بأن يثير أي مشكلة بينكما، وتأكدي انه سيستطيع بمرور الوقت التعبير عن غيرته بشكل أفضل

📌زوجك عنيد ..⁉️

▫العناد أشبه ما يكون خلقة وليس طبعاً، ورغم ذلك لن تعجز الزوجة الذكية عن ترويض هذا الطبع الخلقي. بداية لا تمثلي دور المرشدة النفسية مع زوجك وتعطيه دروساً في كيفية التخلص من العناد. 👈🏻وهناك اختصاصيون في مجال العلاقات الزوجية قد توصلوا إلى دراسة تقول بأن أفضل أوقات التحدث مع الرجال هي في الصباح الباكر، إذ يكون الهورمون الذكري "تستوستيرون" في أعلى معدلاته، فيكون أكثر استعداداً لسماع الآراء وتلقي المعلومات وأكثر انفتاحاً لسماع الرأي الآخر، وإن كان معارضاً، فاغتنمي دائماً فترة الصباح لتروضي عناده وتمسكه بموقف ما تريدين تغييره عنه، استخدمي الابتسامة والكلام اللطيف لتخبريه بأنك على استعداد لتلبية رغباته، لكن ستكونين سعيدة جداً لو كان موقفه غير هذا.

🔴زوجك يجامل النساء ويمازحهن⁉️

▫بداية تعلمي العدّ إلى المائة عندما يجامل زوجك أي امرأة أمامك بصورة تزعجك أو ينظر الى النساء ولايغض بصره ولا تتسرعي بردة فعلك، وانتظري أن تعودي للبيت وحضري له وجبة يحبها وادخلي إلى قلبه عن طريق معدته
، وأخبريه بأن تصرفه اليوم قد ضايقكِ رغم أنك واثقة من نواياه، في مرة أخرى ربما تمتلئ عينيك بالدموع وهو يفعل ذلك بصورة تضايقك، فاحرصي أن يرى هذه الدموع وأخبريه عند سؤاله لك عنها بأنك قد تضايقت من فعله ذلك ، لكن لا تحاسبيه، سيكون حذراً كالأطفال في مرات أخرى، فالطفل دائماً سيحذر من إعادة تصرف أنزل بسببه دموع أمه، وزوجك أيضاً سيكون كذلك معك

✋🏻وأخيراً

👌ببساطة ضعي بين عينيك أنك لم تتزوجي من فارس الأحلام،
ولن تفعل ذلك أي امرأة، ففارس الأحلام نحن من نصنعه بحبنا ونظرتنا للأمور الإيجابية دائماً ومحاولة غض بصر القلب قبل العين عن الأمور السلبية. وتعلمي دائماً أن تحبي ما تجدين وليس أن تجدي ما تحبين، فهذا ما سوف يجعل حياتك أيتها الزوجة أكثر حباً وأكثر سعادة🥰✨




#اعادة_توجيـهہ_لصديقاتج
#ملوكه
@stylegrils

يي عيوني هالباودر زين لكل البشرات
واذا تريدين تخلين بس وحده..فبالبدايه رطبي البشرة وبعد دقيقتين خلي باودر

واذا بالنهار فكون قبلهن تخلين الواقي🙃🌸

#ملوكه

حبي النيلي او الازرك ميرهم وياه

يرهم وياه البيج ؛ السكري ؛ الجوزي ؛ الماروني 😇

#ملوكه

عفية عليج😻💜..خليج هج قوية..ودايما هج لاديرين بال ولاتفكرين بالماضي ولابالهموم

ودايما فكري باسعاد نفسج بنفسج لأن محد يفيدج..فلااراديا اعصابج ونفسيتج كلها ترتاح🥰

#ملوكه

ومنا بداية القصة👆🏻🙃