فرحة☆☆ يابة يعني حتى الهدوم حسرة عليه ومتقبل تشتريلي اللون الاحبة وتقلد عليه دكولي سمرة وتلبسين احمر شتطلعين

مجيد☆☆ وانتي ليش تطلبين منهم؟ اني موجود ليش مدكوليلي؟

فرحه☆☆ عبالي هالسنه همين حتبقى خالة فضيلة حزينه على امي ....بس رباب كالت

تريد تشتري هدوم للعيد وحجيت وياهن كلتلهن عاجبني نفنوف لونه احمر... وضحكن عليه

مجيد☆☆ هههههه امشي يابة امشي.. هسة نروح نشتري هالنفنوف العاجبج اني وياج.

فرحة☆☆ 😀 صدك بابا

مجيد☆☆ صدك شنو؟ يايوم مجذب عليج يلة امشي... رحنة للسوك وشفت النفنوف الي

تريدة جان سعرة شوي غالي واني حاليا ضروفي تعبانه بس ماحبيت اكسر بيهة...

حجيت وية صاحب المحل يعرفني ويعرف اخوتي الولد اخذت منه النفنوف بضمان اخوي

حمزة لأن عندة دكان غذائية كدامه كلتلة يومين واسددهن الرجل ماعارض لان يعرفني ويعرف اهلي

فرحة☆☆ رجعت للبيت طايرة وفرحانه بالنفنوف لونه احمر وفصاله يخبل جان كلش عاحبني 😍

رباب☆☆ شفت النفنوف الاحمر وانصدمت هاي اشترت ملابس قبلي خرررب راسا سألتهة
... شنو هاي منو اشترالجياه؟😒

فرحة☆☆ رفعتلهة تك حاجب وجاوبتهة ابوية مجيد اشترالياه .

رباب☆☆ 😂 سودة وتلبس احمر شتطلعين قرد

فرحة☆☆ بيج خير اخلقي وحدة احلى مني وعود تعالي عيبي علية.... هسة تروحين للنار وتحتركين هناك .. وعود خلي يفيدج جمالج

رباب☆☆ يووووم يمةةةةة تعالي......صحت على امي واني روحي طالعه من فرحه شنو هالثقة التحجي بيهة ولسانهة طولان يرادلة كص....

ام غسان☆☆ ها ها خير ... باوعت شفت نفنوف جديد لونه احمر شنو هذا النفنوف مينلج

رباب☆☆ اشتراه عمو مجيد الهة😒

ام غسان☆☆ يلة همزين خلصت من مصرفهة عوذة خفة وراحة .

رباب☆☆ اريد نفنوف مثلة لو احلى منه يمة وبااجر تشتريلي

ام غسان☆☆ صار يمة صار اشتري الج وحك عيونج الخضرة اشتري وتدللين اخذج باجر ولايهمج.

فرحه☆☆ اشترت امي نفنوف لونه اخضر لرباب حتى يصير بلون عيونهة ..

صار العيد ولبسنه الملابس الجديدة ورحت اعايد ابوية مكي وامي فضيلة عايدوني بس

امي ما بوستني بس ابوية وشال درهمين وانطاني عيدية ...بس من اجتي رباب ضلو يبوسون بيهة وانطوهة عيدية ربع دينار...

سكتت وحطيت بجيبي الدرهمين وكعدت بزاوية الهول.... ابوي وامي جانو كاعدين

ويتغزلون برباب وجمالهة.. وتهوسلهة امهة وتبوس بيهة واني اباوع عليهم 👀...

اجوي اخوتي ودخلو عايدو ابوية وامي.. جيت اعايدهم ماردولي وخصوصا غسان ابد ماشاف

بوجهي.. بس رباب عايدوهة كوة من ورة خشومهم.... حتى من عايدوهة مابيناتهم حب

الاخوة عبالك مجبورين عليهة بس هية كلش تحبهم رغم هيج يعاملوهة ....ورة شوي امي راحت للمطبخ وصاحتلي جانت دتحضر الريوك ورحتلهة...

فرحة☆☆ نعم ماما

ام غسان☆☆ جيبي الدرهمين يمة انطينياهن بسرعه

فرحة☆☆😨 ليش

ام غسان☆☆ لأنج بعدج ثولة متفتهمين وتضيعيهن... هاي درهمين شنو عبالج قليلة يلة بلا لغوة وطلعيهن بسرعه

فرحة☆☆ خنزرت عليه وفتحت عينهة كلش. خفت منهة وانطيتهة الدرهمين واني عيني

عليهن ومقهورة اكلهة هاي عيديتي اريدهة😢 رأسا شالتهن ونطتهن لرباب

ام غسان☆☆ هاج رباب حطيهن وية فلوسج يمه انتي معتبره ميضيع شي منج.. وانداريت

على فرحة.. لج انتي غضب.. بالج وياج تحجين لمجيد ترة اموتج وادفنج بالبستان افتهمتي

فرحه☆☆ 😨 ضليت ساكته واخاف احجي... اخذت الفلوس رباب ونضرتلي بنضرة مكر

وضحكة استهزاء وراحت... حطت امي الريوك واتريكنه خلصنه وكملنه وكمنه... وراسا الباب

اندكت وطلع بابا مجيد جاينه ديعاد ابوي مكي طلعت ارركض عليه حضنته وعايدني وبوسني

مجيد☆☆ فديت بنيتي الاميرة الحلوة لج شنو هذا النفنوف يخبل عليج ماشالله طالعه كمر

فرحه☆☆ 😀 والله بابا صدك يعني حلوة طالعه اني 😍

مجيد☆☆ اذا بنتي الكمر مو حلوة لعد منو الحلووو شو دتعالي وكعدت بالحوش وكعدت

فرحة يمي.... مديت ايدي بجيبي وطلعت ربع دينار وانطيتهة العيدية

فرحة☆☆ 😗 حبيبي بابا شكرا..فرحت بالربع دينار مديت ايدي بجبي دة احطه ويةة
الدرهمين واتذكرت اخذوهن مني راسا انقهرت☹

مجيد☆☆ شبيج بابا اشو انكلب وجهج؟

فرحه☆☆ اتذكرت امي فضيلة من كلتلي اذا تحجين اموتج وادفنج بالبستان 😦 كلتلة مابية شي بابا.

مجيد☆☆ يلة طالما مابيج شي اني اروح.. فروحه باجر امر عليج اخذج تعايدين عمامج
اخوتي زين بابا عود اتحضري مو تعطليني

فرحة☆☆اخذني اليوم وياك وباجر همين ☹ ماريد ابقى هنا

مجيد☆☆ لا اليوم لاهل ابوج ميصير عيب لازم تروحين تعايدين عمامج...

وباجر ان شالله اخذج اني.... زين بنتي صيري قوية وعاقلة ومؤدبة مثل ما علمتج ماما امينه

فرحه☆☆ قوية..☹ اي بابا حاضر

مجيد☆☆ عفية بنيتي وردة سباعية .. يلة بنتي اني رايح .. يلة خوية ابو غسان اترخص

ابو غسان☆☆ مرخوص خوية مية هلا بيك

فرحة☆☆ طلع بابا مجيد ورباب تباوعلي تك عين لأن بابا مجيد مانطاهة عيدية حطيت

ايدي على جيبي ولزمتة قوي خفت لا تاخذ فلوسي مرة لخ....ورة شوي اجتي امي فضيلة

ام غسان☆☆تعالي فرحة

شكد نطاج مجيد..

فرحه☆☆ ما انطي فلوسي هاي فلوس بابا مجيد ما انطيهة لأحد

رباب☆☆ شكد صايرة صلفةةة هاي يوم شوفيهة شلون ترد

ام غسان☆☆ لج جيبي العيدية لا اصفكج براشدي اخليج تتطشرين

فرحة☆☆ اجتي رباب تركض عليه واصرخ اااااااااااااااا

ابو غسان☆☆ جنت دة البس الجراوية وسمعت فرحه تصرخ طلعت اركض ما اندل دربي ... ولج هااا شبيج بوية احجي

فرحه☆☆ياابة اخذن عيديتي الي انطيتنياهة وهسة يريدن ياخذن عيدية بابا مجيد 😭

ابو غسان☆☆ شنو القصة فضيلة هاي عيدية تاخذيهة شنو ؟

ام غسان☆☆ لان بومة وثولة وتضيعهن هاي درهمين شكبرهن تخليهة بيد هالبومه

ابو غسان☆☆ عوفيهة فضيلة كافي خلي تضيعهن هذا عيد الله همين تسوين مشاكل بي ..التفت على رباب.. بنتي انطيهة الدرهمين مالتهة

رباب☆☆ ما انطي 😏

ابو غسان☆☆ بعد صارت الفلوس بيد رباب مستحيل تطلع.. يلة بابا فرحة ميخالف هية يم اختج قابل وين راحن

فرحه☆☆ ماريدهن خلي تاخذهن بس هاي فلوس بابا مجيد ما انطيهة لاحد وبعد اي فلوس ما انطي 😡

ابو غسان☆☆ لا هاي هية بعد مياخذون منج
...يلة اتحضرتو دنروح لبيت اخوي الجبير

ابو مشتاق صارلكم اكثر من سنتنين ما شايفيهم ولا رايحين واليوم عازمينه على الغدة يمهم اني وعمامكم الباقين

ام غسان☆☆ ماعدنه شي مترهمين وكلشي مخلصين ..

فرحة☆☆ اخذنه ابوية مكي لعمامي الكبار نعايدهم دخلنه وسلمنه وتعايدنه ونطوني عيديات عمامي🤗...

وكعدت مرت عمي الجبير ام مشتاق وام قاسم يسولفن بصوت عالي وية امي فضيلة والعالم كلهة كاعدة...

ام قاسم☆☆ شلونهة فرحة بالدراسة ام غسان يكولون شاطرة ماشالله.

ام غسان☆☆ يييمعودة طاح حظهة وحظ دراستهة ومدرستهة شمستفادة منهة ومن كتبهة

ام قاسم☆☆ كولي ياللله فضيلة هاي بمكان ماتشجعيهة ليش هيج تحجين ع الطفلة

ام غسان☆☆ احجي عليهة لأن غبية وج اتصوري يجي مجيد ابو احسان يكعد يدرسهة

ساعة.. ساعتين وهية بومه ولا ياخذ عقلهة تاخذ 8 لو 7 لو 9 هالثولة... على شنو بعد دتكمل دراستهة هية بس لواكه

ام قاسم☆☆ وشبيهة ال8 و9 واذا معاجبتج درسيهة انتي 😏

ام غسان☆☆😒 والله عندي شغل ومافاضية لهلكلاوات

ام قاسم☆☆ ههه هاا نسيت متعرفين تقرين وتكتبين انتي 🙄

ام غسان☆☆ همست شكد... حقيرة اني الج يالسودة ... درت وجهي وحجيت وية مرت حماية الثانية..

اوف يام مشتاق هالخطاطيب على رباب كومه زهكونه بعيشتنه يومية داكين الباب

ويتوسلون عليهة ونرفضهم.. ويردون يرجعون يخطبون مليت بعدهة ماصارت 14 سنه

والباب ميسكت من خطاطيبهة طابين وطالعين ويتوسلون بينه لعد من تكبر بالسلامهة شيسوون 😏

ام مشتاق☆☆ اذا خوش قسمه زوجيهة شتنتضرين.. مو دكولين رباب شاطرة ونادرة

ام بيت مينخاف عليهة زوجيهة شمستفادة من كعدتهة بالبيت؟

ام غسان☆☆ اي والله شاطرة ونادرة كل اصبع يشتغل شكل بس ابوهة ميقبل يزوجهة

يكول بعدهة زغيرة على الزواج.. بس وعيونج
انتي ادزهم على بنات ام قاسم اكولهم عدهة

بنات عمهة كبار بعمر الزواج بس ميقبلون يجون 😏 يريدون وحدة بجمال رباب بنتييي

ام قاسم☆☆ لا دزين بعد احد ام غسان محد كلج بناتي بايرات حتى ادزين خطاطيب بنتج..

البناتي... الحمد الله والشكر اشكال يتقدمولهن ونضرتلهة باستهزاء.. خوبن ضميهم لبنتج فرحه الزغيرة كلهة سنتين 3 وتكبر

ام غسان☆☆همست اوووف لو الله ماناطيني هالسودة خرب حظي هيج تالي يعيروني بيهة

الله ياخذج واخلص منج كلتلهة .. بعدهة زغيرة قابل الرجال ينتضرهة تكبر 😒

ام قاسم☆☆ ههههههههههه خاف لأن سويدة ميردوهة 😂

ام غسان☆☆ همست 😒 يا ام العوانس هيج تحجين بسيطة.. ههه هية بس سويدة وحدة

عندي نكربسهة براس ياهو الجان بس المصيبة على الخلفتهة كلهة سويدات شراح تسوي هالمكرودة😏

ام قاسم☆☆ المن تقصدين؟

ام مشتاق ☆☆ كولن يالله وبطلن هالحجي يمعودات هذا اول ايام العيد واحنه خوات

عيب ميصير هيج استهدو بالرحمن.. والتفتت على البنات الصغار بنت ام غسان وبنات ام
قاسم وكلتلهم...

شو.. يلة كومن وياية حبابات دنحضر الغدة استوى.. الزلم جاعو يلة يمه رباب تعالي وياية يلة بنياتي...

فرحة☆☆ 😔 كل هالحجي صار كدامي... وضليت كاعدة ومقهورة من امي لأن حجت

عليه وانطت بية كدام كرايبنه... من ضوجتي وقهرتي طلعت بالحوش شفت الجهال ملتمين

ولد وبنات عمومتي يلعبون ويمكزون جانو كلش هواي بيهم كباار وبيهم بكدي واصغر مني..

اتعرفت على بنات عمامي وكمت العب وياهن ماجنت اعرفهن قبل ولا هنة يعرفني لأن من

جنت يم ماما امينه مارحت الهم ابد ومن توفت ماما ضلت امي فضيلة حزينه ومتقبل تطلع لاحد ..

وحتى عمامي من يجونه ميجون كلهم يجون بس الكبار فما جنت اعرف بنات عمي ضلينه

نلعب هواي ونهوس بالحوش وبعدين طلعنه اشترينه من الدكان القريب عن بيت عمي

ورجعنه..اشو شفتهم حبابين مو مثل ماتحجي امي فضيلة دكول عليهم مو خوش وميحبونه وميردولنه الخير ...

رباب☆☆ كمت وية عمتي ام مشتاق للمطبخ اساعدهة وية باقي بنات عمي دخلت وبديت

اخذ المواعين من مرت عم

ي واحطهن بالصينية ويجون الولد يشيلوهن ..وبنات عمي

ماطايقاتني وميباوعن بوجهي 😂 واني اتعمد كدامهن اتنزك اكثر وافر بشعري واسبل

بعيوني وابتسم ابتسامه خفيفة وية زوجه عمي😏 وامي... وكفت يم جدر التمن جان

جبير كلش ومن فتحناه كب البخار الدافي مالته بوجهي وصار وجهي وخدودي وردي على احمر.... امي رأسا ضحكت واتباهت بية

ام غسان☆☆ شوف رباب ميلوكلهة الحر سودة عليه مكانهة مو هنا هاي تعيش برة يم الاجانب تتوالم وياهم هناك هههههههههه

ام مشتاق☆☆ ههه الله يحفظهة الكم ام غسان

رباب☆☆ راسا ضحكت امي بس مرت عمي ام مشتاق ضحكت حتى تجاملهة مو اكثر

واني ضحكت وسويت نفسي خجلانه☺ من كلام امي 😉... اما بنات عمومتي وعماتي

هيج يباوعون عليه 😡.. واني ميته ضحك عليهم ..كملنه اول صينية ودنحضر الثانية

ودنكت دة احط المواعين بالصينيه وشعري انثر على ضهري ...

رأسا حجت عليه بنت عمي ابو قاسم اسمهة فوزية ..

فوزية☆☆ ترة اليدخل للمطبخ لازم يشد شعرة مو يبقي مفتوح شهاللعبان النفس

رباب☆☆ 😏 والله يعجبني افتح شعري واذا ماعاجبج وخايفة يوكع شعر بالاكل تعالي انتي اشتغلي بمكاني... عفتهة ومشيت

فوزية☆☆ احجي مثل الاوادم ولا تشيلين خشمج اشايفة نفسج انتي

ام غسان☆☆ يحگلهة تشيل خشمهة منو بحسنهة وجمالهة 😏

رباب☆☆ دة اطلع من باب المطبخ وحجت فوزية وجاوبتهة امي.. انداريت على امي

وكلتلة عوفيهة يمة عوفيهة وضحكت ضحكة استهزاء والتفتت دة اطلع باثناء التفاتي

طلع كدامي ولد شاب وراسا اصطدمت بي اتاذت ايدي وضجت كلش وكلتلة ..

شبيك متباوع انتبه على طريقك.... ورفعت حاجبي ومشيت... ماعرفت منو هذا الولد هوة

شوي اطول مني وضعيف...اسمر وشعرة اسود وعندة شوارب

مشتاق☆☆ صارلي فترة طويلة ماشايف بيت عمي مكي ابو غسان تقريبا اكثر من سنتين ..

جنت اعرف عدهم بنية شكرة تشبه بيبية ابوية الله يرحمه نسخة منهة بس شايفهة هية

وطفلة ماشايفهة من كبرت...صاحولي بالمطبخ حتى اخذ مواعين الغدة.. دخلت شفت بنية

شكرة شعرهة طويل وبي كسرة كلش حلو دمتشي واستدارت والتف شعرهة وياهة

واتناثر على وجهي واصطدمت بيه ..شافت
عليه بتك عين ..وحجت وياية بتعالي وتكبر

ومشت.. و اتنرفزت كلش من هيج حجت وياية ...رأسا جريتهة من ايدهة

و_________😡؟


يتبع،،،،،،،،،،،،،⚘

#ارحام_متناثرة 9.

البارت التاسع⚘⚘⚘⚘بقلم فينوس آرام

مشتاق☆☆ صارلي فترة طويلة ماشايف بيت عمي مكي ابو غسان تقريبا اكثر من سنتين ..

جنت اعرف عدهم بنية شكرة يكولون تشبه بيبية ابوية الله يرحمه نسخة منهة...

بس شايفهة هية وبعدهة طفلة ماشايفهة من كبرت....صاحولي بالمطبخ حتى اخذ مواعين الغدة..

دخلت شفت بنية شكرة شعرهة طويل وبي كسرة متموج ويخبل دتمشي ودايرة وجههة

وتحجي راسا استدارت والتف شعرهة وياهة واتناثر على وجهي.. واصطدمت بيه وباوعتلي بتك عين وحجت وياية بتكبر ومشت...

اتنرفزت كلش من هيج حجت وياية ...رأسا جريتهة من ايدهة ورفعتلهة حاجبي وكلتلهة...

وثول.. احجي عدل😡 هوة منو اللازم ينتبه؟

رباب☆☆ لزم ايدي وحجة هالكلمتين وياية استغربت... نفضت ايدي من ايدة وكلتلة
..وخر عني انت منو حتى هيج تحجي وياية

مشتاق ☆☆ اني من شفتهة عرفتهة هاي بنت عمي مكي لان ماعدنه غيرهة شكرهة بالعائلة

بس لبستهة ماكلتلهة اني منوكلتلهة.. سالي ابوج ويكلج اني منو.

ام غسان☆☆ شفته لأبن ام مشتاق شلون يباوع على رباب وشلون جر ايدهة وحجة

وياهة وهية كلشي ممسويتله وتالي سألته رباب انت منو وهو ماجاوبهة عاد اني جاوبتهة
هذا مشتاق ابن عمج محمد يمه 😒

رباب☆☆ باوعتلة تك عين وعابسة وجهي ومشيت وعفته

مشتاق☆☆ اتضايقت من تصرفاتهة وباوعت لامي وكلتلهة.... والله لو ما عمي مكي واكف

بعيني لا افر راسهة براشدي اخليهة تعرف شلون تباوع عدل

ام غسان☆☆ تضرب منو ياعمة😳 ؟ صدك انتة متستحي مو اني كاعدة هنا كدامك ماوكفت بعينك؟

وباوعت لأم مشتاق.... مو خابصتنه ولدي احسن تربية واحسن اخلاق هية هاي تربيتج😒 هيج يحجي كدامي لا احترام ولاتقدير

مشتاق☆☆ ليش شبيهة تربيتي مرت عمي؟

ام مشتاق☆☆ اسكت ابني اني اردهة... التفتت عليهة وحجيت وياهة بنبرة حادى شوي...

اذا على الاحترام والتقدير فہ شوفي تصرفات بنتج واذا على تربيتي فہ اني واثقة منهة يا ام

غسان الحمد لله والشكر الدنية كلهة تمدح بولدي واخلاقهم ....وماراح ارد عليج اكثر من

هيج.. بس اخذيهة كلمه مني يافضيلة لا تدخلين بين البزرة هذول يتعاركون ويرجعون

يتصافون ورة ربع ساعه وتالي احنه نطلع بصخام الوجه..

ام غسان☆☆ 😒 همست مابقى(عليه غير وسخ رجلية ) عود دتعلمني شلون اتصرف

والله يالله حجيت بصوت عالي..
شنحجي بعد لا عتب على البنيات اذا حتى

الولد يغارون من جمالهة.. سودة عليه بنيتي مصيبوه بعين من ورة حسنهة.

مشتاق☆☆ سمعتهة هيج تحجي مرت عمي صدك ضحكت شهالعقلية اني زلمه مشورب

شطولني شعرضني عمري 21 سنه اغار من بنية😐 لاصدك خزي اذا هيج تفكر هالمرة

سكتت عنهة شسويلهة الكلام وياهة عقيم وميفيد.. تركتهة احتراما لعمي... دنكت اخذت الصينية ومشيت ... بس ضل حسنهة بين عيوني وابالي..

رغم جمالهة اليسلب العقل بس السانهة الطويل وغرورهة وتكبرهة مضيع كل حسنهة.... نصبنه

الغدة وكعدنه احنه الزلم وتغدينه وكملنه وصار حجي بين عمامي وابوية

ابو قاسم☆☆ شرايكم نروح زيارة للأئمه هاي الجمعه ؟

ابو غسان☆☆ هههههه شنو هاي راضي شجاب هالفكرة ابالك ؟ بس والله يعني تريد الصدك هية فكرة حلوة

ابو قاسم☆☆ احنه عائلة وخوان ومافد يوم طلعنه طلعة سوية خلونه نروح نزور مادام هسة بدت العطلة مالت الجهال نستغلهة

ابو مشتاق ☆☆ والله اني عاجبني اروح للبصرة اريد اخذ هالجوق الموسيقي واروح...

لصديقي عندة كاع وباني بيهة بيت للضيوف وكل ما يجي يحلفني جيب اهلك وتعال بس

والله غير الصدك هناك جنه الله على الارض تخبل اليروحلهة مرة ميعوفهة بعد

ابو قاسم☆☆ اي والله خوية تخبل البصرة فينيسيا العرب يسموهة خضار ومي وحدايق وبساتين وكورنيشات ..تخلي العليل يصحة .

ابو غسان☆☆ هههههههههههه واحد متدين والثاني فالتون ارسولكم على بر وين تروحون دين لو دنية

ابو قاسم☆☆ طالما هيج ناخذ الجنوب مقطوعه نطلع كربلا ونجف وننزل للجنوب ونروح للبصرة

ابو غسان☆☆ وهاي😨 شكد يرادلنه مصرف وتكاليف.. كل واحد عائلته شكبرهة يراد كومه فلوس وانتو تعرفون وضعي هاليومين مو تمام

ابو مشتاق☆☆ احنه خوان ونتعاون بينه هية سفرة عائلية ونريدهة من العمر.....نتونس

ونترفه هيج طلعات تغير المزاج وبعدين البيت موجود يعني لا نحير بفندق ولا طلابته.. والله

ياخوية نحتاج هيج ونسة لأن طلعت روحنه جبناهة ثورات بأنقلابات ومشاركات بحروب

وية دول الجوار وشمستفادين من هالبلاوي بس الشيب والطيحان حظ وكصر العمر

ابو غسان☆☆ اي والله لاعاب حلكك

ابو قاسم☆☆ ها يعني متفقين ؟

ابو غسان☆☆ وهاي ياسيارة التلمنه احنه ومكاميعنه😑؟

ابو مشتاق ☆☆ خوية شبيك سيارات مكومه نأجر سيارة جبيرة تكفيكم وسيارتي بيهة

عائلتي ونروح وتتوزع على الروس الكروة والميكدر على كروته نعينه بيناته بين ما الله يسهلة عليه

ابو غسان☆☆ يلة على بركه الله....خلينه نغير جو نشوف دنية

ابو مشتاق☆☆ خوش..الجمعه الجاية نروح حضرو نفسكم نبقى فد اسبوعين ونرجع...

مو تخبصونه هناك كلمن يضب مرته و

جهاله نريد نتونس مو نكضيهة فشار وكتل ولعبان نفس وفلانه زعلت وفلانه تكافشت وية فلانه .

ابو قاسم☆☆😂 خوية نسوانه.. خواتك وانت جبيرنه ومخول ترزلهن وتحجي عليهن وشتريد تسوي سوي

ابو غسان☆☆ تمون علينه خوية ابو مشتاق

ابو مشتاق☆☆ لا ارزل ولا اضبهن انتو كل واحد اطول مني وشاربكم نازل للكاع عود اني

جبيركم عمي اضيع بينكم فہ الافضل كلمن يلزم حرمته ويفضهة... هوووف بويةةة مشتاك

لشط العرب وللكورنيشات وللخضار والزرع ومشتاك للشختورة مشتاك للبساتين.... مشتاك لكلشي هناك.

ابو غسان☆☆ 😐 شعندك هناك ابو مشتاق اشتو تحجي وتتحلم بالبصرة اخاف مشتاك للكيف والشرب

ابو مشتاق☆☆ يعني لازم عندي نسوان هناك حتى اشتاك عمي الحياة بلا نسوان جنه

وبعدين اذا ع الكيف هذا بكل مكان منتشر موشرط نروح للبصرة وندورة 😂 هههههههههه

مشتاق☆☆همست لأخوية ليث..😐 ولك حسبة ابوك مو خالية اشو يسولف بالبصرة ويتحلم بيهة بس لاعندة ولف هناك...

خطية ليث كلش على نياته وبسرعه يصدك من احجي وياه 😁....

ليث☆☆ 😦ها.. صدك والله كلشي يصير خلي نسأله ونشوف شيكول

مشتاق☆☆ 😐ولك شنسال ليش ماتسكت احسنلك تريدنه ننطرد منا... بس هوة موصوجك صوجي اني الحجيت وياك.....

رباب☆☆ مر الوكت واني اتضجور من الكعدة مليت كل الي بعمري ميجن يمي ولاىيسولفن

وياية واني ما احب اروح يمهن اوع هنة يجن انس ماروح.. سمعت صوت فرحه برة طلعت

شفتهة طالعه وتلعب وية بنات عمي.. واني مصفطه وكاعدة ....اووف جيناهم من الصبح

وهسة صار العصر طلعت روحي كل حركه اتحركهة امي تهمسلي اكعدي لاتسوين هيج لو

تغمزلي لو مدري شسوي تالي طكت روحي وهمست... شبيج يمة مو طلعتي روحي شتريدين

ام غسان☆☆ همست وعيني طايرة على نسوان حمويني... اهجعي بمكانج لا تبقين

تتحركين اريدهن يتخبلن عليج ثكلي شوي وكافي حركه منا ومنا

رباب☆☆ عود ليش؟

ام غسان☆☆ بالبيت احجيلج هسة اسمعي كلامي مبقى شي ونرجع

رباب☆☆ 😧 امري لألله اباوع .....على بنات عمومتي اوع شحالهن سودات يخرعن ويخزن

وهنة فاكات عيونهن عليه ويباوعن لحسني وجمالي.. 😏ههههه شحلاتني عيوني ورسم

وجهي وبياضي وشكاري وشعري كاملة ماناقصني شي 😍.. وكل شوي اسويلي حركه

حتى اضوجهن بيهة مثلا اگلب بشعري لو ارمش بعيني لو افرك خدودي وشفايفي حتى

يصيرن ورديات..... وامي ماقصرت كل شوي وتذبلهة حجاية يم نسوان عمومتي فلان خطبهة وفلانه تخبلت عليهة😂

فرحه☆☆ جان هذا اليوم كلش حلو شبعت لعب بيه وية بنات عمي ماحسيت بغربه ولا

حسيتهن يكرهني مثل ما امي فضيلة علمتنه بالعكس حبينه بعض ولعبنة سوية جان يوم

مميز بحياتي اول مرة بعد وفاة امي امينه اضحك والعب بهالشكل

مشتاق☆☆ صار العصر وعمامي كاعدين ويسولفون واحنه نستمع.. ورة شوي عمي ابو

غسان اترخص من ابوية يريد يروح وكالي صيح الجماعه بوية دنروح ..كلتلة صار عمي ..

تمشيت وصلت للغرفة البيهة النسوان وشفت
رباب تضوي من بعيد بعدهة صغيرة وزاهيتلهة الدنية وتلعب بشعرهة...

وكفت برة بالحوش يم الدرج وعيني عليهة ماشلتهة اراقب حركاتهة ... يا الله حتى من

تتنفس بغرور شنو هالبشر .. بس والله يحقلهة تنغر حلوة وحسنهة ضاوي... استغفر الله

شبيك يويل مشتاق هاي تاليتك ..اني واحجي وية روحي عمي صاح وينكم يااااجماعه ..

رأسا فزيت ورحت اركض لغرفة النسوان ...
عمي مكي يكول يلة دتروحون...

ام غسان☆☆ شفت مشتاق اجة ويحجي وياية ولاجن صاير شي الضهرية.. ضحكت

وكلت درب الجلب على الكصاب كلتلة...كلة اي هسة نجي.. دغيت رباب كلتلة شفتي وغمزتلهة وابتسمت

رباب☆☆ جنت كاعدة واتصفن على الحياطين من الضوجة .. شوي واجه ابن عمي

محمد هذا المكروه اسمه مشتاق يكول ابوية يريدنه ..رأسا امي دغتني وكلتلي شفتي

جاوبتهة... اوع وشنو يعني ...عدلنه ملابسنه ولبست امي عبايتهة وطلعنه.. من دنطلع

بوسوني عمامي ويجرون بخدودي ويكولولي انتي نسخة من بيبيتنه همين جانت هيج

حسن وحلوة مثلج.... همة يحجون واني انتعششش احس روحي اتفوقت على بنات

عمي بجمالي 😍 شعور لايووصف ابداااا بهالاثناء استرق لنضر لمشتاق انتبهت عليه ..

يسوي نفسة ميشوف عليه بس هوة من جوة لجوة يباوع .. عباله ما ادري.. تالي خزرته

بنضرة ورفعت تك حاجب وتركتة ومشيت
.طلعنه ورجعنه للبيت وعرفنه ابوية

يريد ياخذنه سفرة لهواي مناطق وية بيت عمومتي يبوو ردت انجلط من الفرحة وكمت

احسب يوم يوم على جية الجمعه ...صار ثاني يوم وسالت امي.. يمة من شنو تريدين نسوان

عمامي يتخبلن؟ امس خبلتيني لا تخليني اكوم ولا تخليني اتحرك

ام غسان☆☆ لج يالثولة اخاف عليج من عيونهم لان عيونهم تحرك حرك بالمكان...

شفتيهن شلون مفلفلات من حسنج وجمالج لج حيتخبلن منج بودهن تسويلج شغلة حتى

يتكابلن عليج ويضربنج.. اعرفهن تعلميني بيهن همجيات ويغارن.. ولج مني جانن يغارن
عاد منج ميغارن

رباب☆☆ من شنو يغارن منج يمه 😐

ام غسان☆☆ 😒 لاتشوفيني هسة هيج حالي اني بشبابي اخبل.. وبعدين يحسدوني على ابوج

لان خوش رجال وهنة زلمهن زباله اليشرب والي مكعدهة ابيت ايجار.. من هاي السوالف

يغارن مني 😏.. وبعدين يالعوبة خليتج كاعدة يمي حتى يكولون شوف شوووف رباب

بنت فضيلة شلون حسن وجمال وفوكاهة ثكيلة ورزنه وعاقلة معدلة لج شفتي ابن عمج

شلون كام يلوب من شافج ضل مثل الجلب رايح راد بس يتمنى نضرة منج

رباب☆☆ ايع هذا شنو اباوع عليه شايف نفسه فد نمونه والله يا الله شلون جر ايدي الحقير..

ام غسان ☆☆ وهوووة منوو الينطيج الهم... بس السمعه الحلوة اطش بالولاية يمة

افتهمتي لو بعد؟..هسة شوفيلي هاي مكصوفة العمر وينهة خلي تجيني

رباب☆☆ تقصدين فرحة

ام غسان☆☆ اي غمة اكو غيرهة بهالبيت صيحيهة خلي تجي

رباب☆☆ طلعت وكفت بالحوش وصحت لفرحه جانت فوك السطح...فرررحة فرحةةةة تعالي امي تريدج..

فرحة☆☆ جنت اشر هدوم فوك السطح وصاحتلي رباب نزلت اركض.. ها رباب كلتلي تعالي امي تريدج...دخلت شفت امي بالمطبخ..
نعم يمه

ام غسان☆☆ وين العيديات لج بومه؟

فرحه☆☆ مالت منو

ام غسان☆☆ لاتتغابين امس نطوج عيديات كووم كوم وينهن

فرحه☆☆ ضميتهن

ام غسان☆☆ اي عفية روحي طلعيهن ويجيبهن

فرحه☆☆ ما انطي عيدياتي هذني مالاتي... رأسا جرتني من شعري وضربتني راشدي

ام غسان☆☆ امشيييييي طلعيهننن لا اطلع عيووووونج من مكانهن ادبسززززززززز ....
وشمرتهة من ايدي للحايط...

فرحه☆☆ جرتني من شعري وضربتني ودفعتني على الحايط بهذه اللحظة ماحسيت على شي

رباب☆☆ عزةةةةةةة يمةةة شسويتي ركضت عليهة واجر بيهة فرحةةة فرحةةةة

ولج كومي حبيبي ولج فرحةة واضرب بيهة على خدهة

ام غسان☆☆ انصدمت من شفتهة واكعه ومتتحرك جمدت بمكاني ..ولج رباب شبيهة

رباب☆☆ انتي تسأليني تعااالي يمةة شوفيهة شبيهة.. ولج فرحةة كومي حبيبتي وج والله

بعد ماغار منج بس كومي فرحةةة ردي عليه فرحة واهز بيهة واضرب وجهة.. وعيوني تكت دمع عليهة

ام غسان☆☆ اتقربت عليه شفتهة تتنفس وحركت حواجبهة شوي بس جانت مفشوخة

براسهة ( جرح بالراس) وصاير الجرح بين شعرهة شفت لون شعرهة متغير وعرفت

جريتهة وشلتهة من جسمهة ورباب رفعت راسهة وعاطت

رباب☆☆ اااااااااااا ددمممم يووووم دممم هذااا ..وج فرحه ماتت لاتموتين فرحةة

ام غسان☆☆ لااااتصرخين هذا فشخ بالراس دتنفس مبيهة شي لاتصدعيني اوكفيييي

شلتهة وحطيتهة على الفراش..كعدت وفتحت عينهة ورأسا بجت وصيحت اريد بابا مجيد ..

واتذكرت اليوم ثاني يوم العيد ياعزة حيجي مجيد ياخذهة تعايد اخوته عزة العزاج فضيلة

شراح يخلصج من لسانه ..يلة كومي فرحة ابوج راح يجي عليج ياخذج يلة كومي حبابة

رباب☆☆ متاذية من شي فرحة اكو شي يوجعج حبيبتي انتي دتشوفني؟

فرحه☆☆ اشوف امي مصدوعه واول مرة دكولي حبابة ..ورباب تبجي وتحجي وياية...

اول مرة احس بحنية اختي رباب عليه.. ما ادري افرح ما ادري ابجي من وجع راسي..

سالتني رباب بيج شي.. مكدرت اجاوبهة من وجع راسي حطيت ايدي على شعري

حسيت اكو شي لزج بأيدي جريت ايدي وشفت دم وتذكرت دم امي امينه على وجهة

من نسحكت وعبالي راح اموت مثل امي وبديت ابجي واصرخ بعالي صوتي ااااااااااااااااااا

رباب☆☆ لاتخافين حبيبتي لاااا تخافين اهدي مابيج شوي والله التفتت على امي وج

يمه اشو عايفتهة شبيج تعالي سكتيهة احجي وياهة ما دعرف شسويله

ام غسان☆☆ كاااااافي بسسسسس شنو هالعيااارة وكعتي وشوي انفشختي براسج

قابل متي شبعنه وكعات وفشخات براسنه وكبرنه ومصار بينه شي

فرحة☆☆ صرخت بية امي فضيلة سكتت من خوفي وماحجيت بعد.....بعدين كومتني

رباب وغسلتلي وداوت الجرح البراسي وبدلت ملابسي وكلتلي كعدي هنا... كعدت واني

انتضر ابوية مجيد شوكت يجي صارت ساعه فوك ال10 الصبح وبعدة ما اجه كلي ياخذني

لبيت عمامي اخوته....اريد يجي حتى اشكيلة من امي وعمايلهة 😭

ام غسان☆☆ دخلت الغرفة وشفتهة تبجي..
شوفي يالحيوانه هذا جزاااات الميسمع كلام

امه.. لو من البداية سامعه كلامي وجايبتلي فلوس العيدية وناطيتنياهن ماجان هنتج وضربتج ولا جان تاذيتي

رباب☆☆ يمة صدك تحجين انتي؟ عوفيهة البنية انفشخت براسهة ياعيدية ياصخام عوفيهة لخاطر الله

ام غسان☆☆ اسمعي من يجي مجيد بااااالج وياج تحجين كلمه كوليلة اتكربست من

الدرج ووكعت افتهمتي.. لا والله العظيم اكطعج من الكتل واحرمج منه...هووو خلك

رجل اختي ومااتت الله يرحمهة يعني بعد ماعندة شي يمي... افتهمتي شحجيت لولاااا

فرحة☆☆😨 اي..... ضليت مرتبكه وخايفة لاصدك تسويهة وتحرمني من بابا مجيد....

ورة ربع ساعه اندكت الباب واجى بابا مجيد ركضت عليه ركضض وحضنته بكل قووتي وبجيت

مجيد☆☆ رحت اجيب فرحة ودخلت للحوش ركضت عليه وحضنتني وانتبهت. اها

اشو راسهة ملفوف 😳 شبيج بابا ليش راسج ملفوف شصاير بنيتي احجي

فرحه☆☆ وكعتي من الدرج واتكربستي افتهمتي لو لا😭

مجيد☆☆ شنو افتهمتي لو لا؟ احجيلي بابا انتي متكذبين على ابوج مو صحيح

فرحة☆☆ اخذني بابا مو كلتلي اخذج لعمامج يلة كوم اخذني يلة خلي نروح.. واجر بايدة

مجيد

☆☆ شلون اخذج وانتي هيج راسج ولج فهميني شصاير .

فرحة☆☆ ضليت ساكته وعيوني تلمع من الدموع ☹ اخاف احجي اخاف لاصدك

فضيلة تحرمني من بابا مجيد.. اخذني بابا خلي نروح

رباب☆☆ اجيت شفت عمو مجيد لازم فرحه وهي تبجي بسكوت بس عيون تدمع راسا

سلمت عليه وعايدتة وسلم عليه وكلتلة... عمو فرحة وكعت من الدرج مابيهة شي لاتخاف

مجيد☆☆ شلون وكعت؟ قابل اول مرة تصعد درج

رباب☆☆ خجلت منه ... لا عمو بس جانت شايلة الهدوم دتشرهن وثكيلات ومسيطرت ووكعت

مجيد☆☆ انهد حيلي من هيج حجت رباب كعدت بالحوش كلتلة....بنتي رباب هاي اخيتج

وبعدهة صغيرة مو حمل ثكل. ترة عمرهة 10 سنين والله.. زين منهة وشايلة نفسهة شغلوهة

وياكم بالبيت حلوة المساعدة بينكم وعلمود تطلع ام بيت معدلةمثلج.. بس مو تشيلوهة

ثكل بنتي انتي اختهة الجبيرة يعني امهة الثانية لازم تحنين عليهة وداريهة.. وشكد

عندج هية بس هالوحدة قابل 10 حتى تضوجين منهة.. لازم تحبون بعض يا بابا اذا

فد يوم وحدة من عدجن اتأذت الثانية تسندهة الخوات بينهن محنه اكثر من

الصديقات يصيرن لان من نفس الدم ومن نفس الرحم ..فهمتي بنتي هاي من اليوم امانه عندج ..

انتي اختهة الجبيرة أئمنهة يمج لأن امج كبرت وبعد ومبيهة حيل.. وابوج بالشغل ملتهي فہ

انتي لازم تكونين جبيرتهة وتعلميهة الصح من الغلط وديرين بالج عليهة مو صحيح بنتي .

رباب☆☆ عمو مجيد حجة وياية حجي ماسامعته لا من امي ولا من ابوية حسيت

بنفسي شكد مقصرة وية اختي خصوصا اني اكبر منهة عمري هسة حيصير 14 وهية

ستوهة 10 سنين كلتلة حاضر عمو والله اني احب اختي ما اكرهة... بوسني وكلي عفية

ببنيتي الحبابة وانطاني نص دينار كلي هاي الج ولفرحة اشترو بيهن .. طرت من الفرح

بويةةة نص دينار شكبرهةةةة😎.... وكلهة لفرحة من يطيب جرحج اخذج خليهة غير يوم هسة ارتاحي

⚘مرت الايام وصار يوم الجمعه .. لبست نفنوف احمر نص ردن... وشلت شعري بفيونكه

حمرة وبيضة ونزلت كذلة برجم خفيفة ولبست صندل فلات واخذنه جنطة بيهة

ملابسنه وفرحة همين لبست نفوف العيد مالتهة ...وامي اخذت اكل واخذت الفلوس

الجانت تبوكهن 😂 من شغل اخوتي صارلهة كومه تجمع بيهن جنة كلش فرحانين

ومتحمسين للطلعه ...وصلو بيت عمامي بسيارتين وحدة باص مصلحة والثانية سيارة عمي ابو مشتاق صغيرة ..

شفت الباص لو مدري شصار بية.. من اني وطفلة اتمنيت اصعدهة واخيرا حتتحقق

امنيتي واصعدهةة 😍 يوووو رحت اركض مثل الطفلة فتحت

الباب دة اصعد وصار بوجهي مشتاق ______😐؟

يتبع،،،،،،،،،،،،،⚘

الصابون المغربي 🧼

فائدتة: يزيل الجلد الميت من الجسم
اوقات الاستخدام: مرتين في الأسبوع
السعر : هذا الحجم ١٠-١٢ الف حسب الكوزمتك

طريقة الاستخدام :
غسل الجسم بماء دافئ
بعدها اخذ كمية مناسبه و عمل رغوة ع كامل الجسم يترك لمدة من ١٥-٣٠ دقيقه بعدها نشطف الجسم بالمي الدافئ و تنشيفة عن الماء بعدها نستخدم الليفة المغربية السوداء و اذا ممتوفرة اي ليفة تكون ع شكل كف و يكون ملمسها خشن يفرك كل الجسم بحركات دائرية
حتشوفون كمية الجلد الميت الي حيطلع الكم 😑
رح تحسين عبالك اصلاً ممقشرة الجسم ابد

بعدها نشطف الجسم بمي بارد حتى نمنع التهيج الجلدي و نغلق المسام

بعدها شرط أساسي الترطيب لتقشرون اذا مترطبون لان التقشير وحده وهاملة الترطيب..رح يسوي جفاف بالبشرة وتجاعيد ومن كثرة الجفاف يسوي سمار..فلازم ترطيب الجسم🥰


بدون حذف الحقوق❌

#اعادة_توجيـهہ_لصديقتج
#ملوكه
@stylegrils

💛🌱💭

هل تؤمن برسائل الله لك ؟
📮هذه رسالتك اليوم :
سيجلب الله بعد هذا البُعد ، قرباً دائماً .

💛🌱💭
#مساء_الخير

يسعد أوقاتكم بكل الخير
#الابراج_اليومية الاثنين 16 تشرين الثاني (نوفمبر) 2020

#الحمل
مهنياً: تتطور الأمور إيجابياً لمصلحتك وترفع من معنوياتك لتُقبل على الأعمال بحماسة كبيرة
عاطفياً: سعادة كبيرة وبحث عن آفاق جديدة، وهذا له انعكاسات إيجابية تساعدك لتطوير العلاقة مع الشريك
صحياً: تبتسم لك الصحة، وتشعر براحة كبيرة وبسعادة تخفف التشنجات
#الثور
مهنياً: تنشط كثيراً هذا اليوم على مستوى الاتصالات وتبادل المعلومات، وتقوم بعمل مشترك ومثمر مع أحد الزملا
عاطفياً: يحمل إليك هذا اليوم وضعاً عاطفياً مرضياً، فتسيطر على انفعالاتك وتبدو واثقاً بنفسك
صحياً: بدأت تدرك أهمية الانتباه إلى نوعية أكلك، وهذا ما انعكس إيجاباً على صحتك
#الجوزاء
مهنياً: إذا لم تأخذ الاحتياطات الكاملة لمواجهة الامور بموضوعية وتعقل فقد لا تجتاز الامتحان بنجاح
عاطفياً: إرضاء الشريك أصبح ضرورياً إذا كنت مهتماً به، وكل ما عدا ذلك يُفهم على أنك لا تكترث لأمره
صحياً: الوهن الذي أصابك في المدة الأخيرة بدأت عوارضه تخف، وها أنت تستعيد عافيتك
#السرطان
مهنياً: تردّدات الأمور العالقة ترخي بظلالها على وضعك العملي، وهذا لن يدوم طويلاً، فالاستقرار يعود تدريجياً
عاطفياً: من الأفضل أن لا تكون متحفّظاً مع الشريك، فهو قد يحاسبك على أبسط الأمور
صحياً: بادر إلى القيام بحركة شبه يومية تعود عليك بالفائدة وتنشط دورتك الدموية
#الاسد
مهنياً: تزهو مواهبك وتشرق تحت تاثير القمر من برج القوس ، ويكتشف لديك أحد الأشخاص المعنيين ميزة أو قدرة لم يكن أحد حتى أنت على علم بها.
عاطفياً: إحذر الغيرة الشديدة والتملكية، ولا تنقل هواجسك وشكوكك الى الحبيب حتى لو تفاقم الوضع
صحياً: يمكنك ممارسة الرياضة بمفردك وبحرية، وممارسة رياضة المشي من أفضل الرياضات بالنسبة إليك
#العذراء
مهنياً: تتخلص من عمليات التسويف والتأخير لكنك لن تفقد أعصابك وسيطرتك على الأمور، وتتسلم قيادة الدفة مجدداً
عاطفياً: إذا حظيت بالدعم المطلوب من الشريك تحقق انطلاقة ثابتة وناجحة معه، وتكون المرحلة المقبلة مشرقة جداً
صحياً: قد تلازم الفراش يومين أو ثلاثة بناء على نصيحة الطبيب للتخلص من الإرهاق
#الميزان
مهنياً: تخطو اليوم خطوة جديدة نحو نجاحات مهنية قد تساعدك على تطوير قدراتك المهنية واحتلال منصب جديد يليق بك
عاطفياً: الفوارق بينك وبين الشريك تزداد اتساعاً، وهذا بات يحتاج إلى معالجة جذرية وسريعة
صحياً: لا تقلق على صحة الشريك، فهو بخير، بل انتبه إلى صحتك جيداً
#العقرب
مهنياً: تخوض هذا اليوم نقاشات مهمة جداً من أجل بلورة مشروع تحلم به منذ مدة وتعلق عليه آمالاً كبيرة
عاطفياً: تجتمع بالشريك لدرس بعض التفاصيل، هذا اليوم ملائم للاهتمام ببعض الشؤون العاطفية
صحياً: الراحة مطلوبة بشدة وضرورية هذا اليوم، وخصوصاً بعد الجهد الذي بذلته في الفترة الأخيرة
#القوس
مهنياً: تتوضح الصورة أمامك اليوم بفضل الزملاء الذين يكترثون لأمرك ويحيطونك بمحبتهم وتقديرهم الكبير لك
عاطفياً: مزاج الشريك في أفضل حالاته، فحاول أن تطرح معه كل الموضوعات التي تشغل بالك، فتجد الردود المناسبة
صحياً: استفد من هذا اليوم للقيام بمشاريع ترفيهية تفيدك صحياً ونفسياً
#الجدي
مهنياً: لا تكن جازماً في قراراتك، لأنّ بعضها قد يورّطك في مشاكل تعرف متى تبدأ لكنك لن تعرف متى تنتهي
عاطفياً: أفكار جديدة ورائعة يقترحها عليك الشريك، وتكون لها إيجابيات على المدى المنظور
صحياً: كلما أفرطت في التقاعس عن ممارسة الرياضة أفسحت في المجال أمام البدانة لتسيطر عليك
#الدلو
مهنياً: ترتاح تتنفس الصعداء وتتخلص من بعض العواقب والتحديات غير المتوقعة ومن القرارات العشوائية التي يحاول أحد الزملاء دفعك إليها
عاطفياً: لا تقدم على اتخاذ قراراتك في الشأن العاطفي قبل دراستها من مختلف جوانبها، ومعرفة ما تتركه من انعاكاسات
صحياً: تتابع بانتظام ممارسة التمارين الرياضية المطلوبة بغية تحسين وضع عمودك الفقري
#الحوت
مهنياً: تكثر الأعباء وتشعر بالتعب وتفقد الحماسة الكافية لانهاء أعمالك، كن دبلوماسياً وابتعد عن الارتباطات الجدية أو الالتزامات.
عاطفياً: مفاجآت سعيدة تطل برؤوسها في غضون أيام ولا سيما أن الأجواء صافية بينك وبين الشريك
صحياً: تتخلص من حالة نفسية قلقة وتعيش حالاً من الفرح والسعادة تترك ارتياحاً لديك

#إحذري_قول_هذه_الأمور_للشريك_حسب_برجه 🤦‍♀☹️👇

#تريدين تفادي وقوع أي صراع مع الشريك أو التسبب بأذيته عن غير قصد؟ تفادي التفوّه بهذه العبارات التي تزعحه بشكل كبير، وذلك حسب #برجه:💜🙈👇

#برج الحمل: 💜🙈
إحذري إتّهام شريككِ بالغرور وبأنّه متعجرف، فالأمر سيثير غضبه!

#برج الثور: 💜🙈
حتّى ولو في لحظة غضب، تفادي اتهام رجل الثور بأنّه لا يهتمّ لأمركِ ويهملكِ.

#برج الجوزاء:💜🙈
قد تدفعكِ مزاجية هذا البرج إلى اتّهامه بأنه يقوم بتضييع وقتكِ في علاقتكِ معه، فهذا الأمر يجرحه كثيراً ويشعره بأنّه لا يستحقّ الحبّ.

#برج السرطان💜🙈
هذا البرج مخلص بشكل كبير للشريك، لذلك، أكثر ما يجرحه هو أن تقومي بإتهامه بأنّه ليس أهلاً لثقتكِ، وأن تشكّكي بوفائه.

#برج الأسد:💜🙈
حتّى ولو وبدا الشريك بأنّه متعلّق بكِ بشكل مفرط، لا تشتكي من أنّه يطلب من علاقتكما أكثر من اللازم، فهذا الأمر قد يدفع به إلى الإبتعاد عنك.

#برج العذراء:💜🙈
"أنت لا تعرف شيئاً عنّي" عبارة كفيلة بإشعاره بأنّه غريب، ولا يربطه بكِ شيء!

#برج الميزان:💜🙈
إنتبهي من اتهام مولود هذا البرج بأنّه ضعيف الإرادة، أو التشكيك في قدرته على الإستمرار في مشروع ما!

#برج العقرب: 💜🙈
"أنت حتماً مجنون" عبارة كفيلة بجرح مشاعر الشريك، خصوصاً وأنّه يتصرف بطرق خارجة عن المألوف، ويهمّه أن ترحّبي بفرادة شخصيته هذه بدلاً عن انتقادها.

#برج القوس:💜🙈
قولي ما تشائينه عند الشجار مع مولود هذا البرج، ولكن احذري من نعته بالمزيّف.

#برج الجدي: 💜🙈
لا تشكّكي في إخلاص الشريك لكِ إن كان من مواليد برج الجدي، فهذا الاتهام قد يفقده صوابه!

#برج الدلو:💜🙈
إحذري من إتهام مولود هذا البرج بالأنانية، فهو يحرص على المحافظة على مساحته الخاصّة، وينفر من الشريكة المتطلّبة التي لا تفهم ذلك.

#برج الحوت:💜🙈
عليكِ أن تنتبهي جيّداً إلى أنّ مولود هذا البرج حسّاس بشكل مفرط، لذلك، لا تقومي بأي شكل من الأشكال بإتّهامه بأنّه يبالغ في ردّات فعله

 @stylegrils

#ارحام_متناثرة

#قصة_حقيقية_عاطفية_اجتماعية

البارت العاشر⚘⚘⚘ بقلم فينوس آرام

⚘مرت الايام وصار يوم الجمعه .. لبست نفنوف احمر نص ردن... وشلت شعري بفيونكه

حمرة وبيضة ونزلت كذلة برجم خفيفة ولبست صندل فلات واخذنه جنطة جبيرة

بيهة ملابسنه وفرحة همين لبست نفوف العيد مالتهة ...وامي اخذت اكل واخذت الفلوس

الجانت تبوكهن من شغل اخوتي صارلهة كومه تجمع بيهن هههههه...جنة كلش فرحانين

ومتحمسين للطلعه ...وصلو بيت عمامي بسيارتين وحدة باص مصلحة والثانية سيارة عمي ابو مشتاق صغيرة ..

شفت الباص لو مدري شصار بية ...من اني وطفلة اتمنيت اصعدهة واخيرا حتتحقق

امنيتي واصعدهةة 😍 يوووو رحت اركض مثل الطفلة فتحت الباب دة اصعد وصار

بوجهي😐مشتاق راسا اتراجعت ليورة وخليت واخوتي يصعدون قبلي وبعدين صعدت اني

وفرحة سلمنه وردولنه السلام... شفت السايق ماتمالكت نفسي رحت اركض لابوية وكلتلة

عفية يابة خليني اكعد يم السايق اريد اشوف شلون يسوق.. ابوية ضحك وكلي تعالي

كعدي وراية وتصيرين قريبة عليه ..صحت لفرحه حتى تجي يمي بس ماقبلت تجي بقت

كاعدة يم بنات عمي الي بعمرهة تركتهة ورحت كعدت بالكشن ورة ابوية ما احس الا

مشتاق يجي يكعد يمي رفعت عيني ولكيته كاعد بصفي درت وجهي على الجامه وكلت

هوووف 😒 بصوت عالي شوي.. بس هوة ماعندة احساس ولا اهتم ... مشت السيارة

وراسا ميلت راسي وباوعت على السايق حتى اكدر اشوفة اريد اعرف شلون يلزم السكان وشلون تمشي السيارة اريد اكتشفهة 😍 ..

مشتاق☆☆ شفتهة ميلت راسهة وهية مفرعه و تجذب كلش تجبر العين تباوعلهة... همست بصوت حاد.. شدسوووين رجعي لمكانج

رباب☆☆ ضجت من هيج حجة وياية مامتعودة احد يأمرني كلتلة.. شنو هاي شعليك انتة؟

مشتاق☆☆ لج شنو شعليه الدتسوي عيب شلون تمدين راسج وتباوعين لرجال غريب

رباب☆☆ باوعتلة تك عين.. بكيفي.. ابوية وقابل😑

مشتاق☆☆ هسة احجي وية عمي اريد اشوف شلون يقبل على هالمهزلة.. وبعدين

احنه رايحين لاماكن مقدسة حطي شي على راسج شنو هيج طالعه كدام الغرب

رباب☆☆ معليك بية... ابوية اخوية انت هالشي ميخصك وبعدين مو هذيج سيارة اهلك ليش جاي هنا؟..

مشتاق☆☆ ميخصني شنو؟ لاتحجين هيج ويايه افتهمتي. ترة طريقنه على النجف عادي

كلش ادفنج وارجع.. وبكيفي اي سيارة تعجبني اصعد بيهة معليج انتي😏

رباب☆☆ 😒 هذا ليش هيج يحجي وياية عزة اني ام السان ما اكدر اردة امداج رباب

زين ليش خايفة احجي ردي عليه ولج... لا ولج انجبي وسكتي هذا شكله خبل وخاف

يسوي هوسة ومالي خلك مشاكل اووووووف منين طلعلي هالعلة ياالله..

درت وجهي للجامه وضليت اتفرج اتذكرت روحتنه قبل كم سنه من جانت خالتي امينه

عايشة وكعدتنه باللوري ههه والله ايام تخبل ضليت اباوع من الجامه هواي متغيرة الشوارع

والسيارات كثرانات وبيوت مبنية حديثة مترتب المكان صاير كلش حلو ..قبل جانت

المناطق الزراعية اكثر.. هسة كلهة بنايات ومدارس.. ابتسمت وية نفسي حلوة هاي الذكريات.

فزيت على صوت الجهال يتعايطون جانو كاعدين اخر شي بالسيارة.. يلعبون بيناتهم وكبت العيطة ...

ضليت طول الطريق اريد اتحرك ومشتاق خانكني كرهته وكرهت حتى السيارة من وراه ..

وصلنه كربلا زرنه واندعينه وطلعنه للسوك اشترو اهلي دهينه 😁 واني اخرب عليهة

لزمتهة بالشارع وكمت اكل ما اشوف الا ومشتاق واكف كدامي

مشتاق☆☆ شفتهة تاكل بالشارع لو عيوني طفرت رحت اركض عليهة.. شنو هاي ولج

شدسوين امشيي كعدي بأي مكان وبعدين اكلي عيب تمشين وتاكلين بالشارع شيكولون الناس علينه

رباب☆☆ يعني شيكولون وحدة دتاكل قابل شمسوية بابا معليك بية مو طلعت روحي

مشتاق☆ لج انتي متجين بالعيني والاغاتي وكفت سامت روحي كدامهة وكلتلهة ....

تروحين تكعدين هناك على المصاطب لو اخذج بمعرفتي واسحلج من هالشعر الاشگر الحضرتج متعجبة بي. دة اكلج عيب افتهمييي

رباب☆☆ همست اهوو ياالله هذا ماعندة خوات بس اخوة ومالكه احد يلتهي بيه غيري..

التفتت يمنه.. ويسرة شفت امي ملتهية بالمشترة وية النسوان وابوية وية الزلم

يسولف شفت روحي محد يمي بلعت اللكمه وضميت الدهينه بالعلاكه وباوعتلة تك عين

ورحت امشي سريع يم امي وهو يمشي وراية.. بقينه للضهر بكربلا وراهة كالو يلة

دنروح للنجف قبل لا اصعد بالسيارة كلت لابوية .. يابة خلصني من ابن اخوك ترة لعب نفسي

ابو غسان☆☆ بنتي عيب هذا ابن عمج وجبير مو زعطوط احترمي وجوده ولازم تسمعين كلمته

رباب☆☆ انتة موجود واخوتي موجودين اسمع كلمتكم بس هوة شكو حتى ميخليني

اباوع مثل الناس كل شوي نزلي عينج ديري وجهج دة اكل ومنعني من الاكل ادري هوة

شعليه شدخلة ..عفية احجي وياه كله خلي يكعد بغير مكان لايكعد يمي ... بهالاثناء اجة مشتاق وكف يمنه😧

مشتاق☆☆ شفتهة من بعيد مبينة جانت تحجي وتشكي لعمي وصايرة حمرة من

الضوجه وعرفت دتحجي عليه لأن رجلي حكتني😁 ماجذبت خبر رحت اسرسح يمهم

وصلت وسمعتهة دكلة احجي وياه خلي يكعد بغير مكان راسا كلتله

... ها عمي خير خو ماكو شي اشو بعدكم واكفين

ابو غسان☆☆ عمي مشتاق انت الجبير خليك اعقل منهة عوفهة لرباب خليهة على راحتهة

مشتاق☆☆ وهذا انت كلتهة عمي اني الجبير شلون اعوفهة على راحتهة وهية بهالعمر معقولة عمي تقبل بنتك تباوع لرجال غريب ؟

ابو غسان☆☆التفتت عليهة.. عليمن باوعتي؟

رباب☆☆ كذب يابة مو تعرف بية اريد اشوف السايق شلون يسوق السيارة.. هوة يكول تباوعين عليه شكد جذاب😒

ابو غسان☆☆ عاد لا تحبكهة يا ابن اخوي هية من زمان بنفسهة تشوف السيارة شلون تمشي

مشتاق☆☆ اني دة اتعلم سياقة هالايام وبس اضبطهة اخذج بسيارتنه واخليج تشوفين شلون اسوق

واذا تحبين هاي سيارة ابوية الصغيرة امشي كعدي وياهم واتفرجي على عمج شلون يسوق

على الاقل مو غريب.. رفعت ايدي وتخصرت... بعد امر خدمه كولي

رباب☆☆روح انت اكعد بالسيارة مالتكم شكو جاي هنا وكلشي ماريد منك بس عووفني ولاتكعد يمي

مشتاق☆☆ لا عاد انتي شعليج بكيفي وين ميعجبني اكعد.. اكعد هذا ميخصج😏

رباب☆☆ طلعت روحي والتفتت لابوية ..
يابة يمعود شوفلك صرفة وياه .

ابو غسان☆☆ حسيت ابن اخوي عينه على رباب وبصراحه كيفت وين الكه احسن من مشتاق...

راسا ضحكت وكلتلهم.. على مناكركم هذا لاراح نوصل نجف ولا نشوف البصرة امشو بوية امشو اتاخرنه

رباب☆☆ صعدنه للسيارة وهمين اجة ولزك يمي ما اهتميلته بس بقى هيج وجهي 😒طول الطريق...

مشينه وصار وكت العصر وصلنه للنجف زرنه وصلينه.. وباليل طلعنه على برد الهوى.. صارت

الدنية ضلمه وليلت ورة شوي السايق وكف السيارة ..ما اعرف ليش خفت.. ابوية جان كاعد كدامي و راسا دغيتة وكلتلة يابة يابة

مشتاق☆☆ ناايم ولج نايم عوفي شبيج

رباب☆☆ اشو السيارة وكفت ليش

مشتاق☆☆ عادي السايق تعب و يريد يبدل مكانه وية صديقة السكن حتى يستريح ونكمل

مشي شوفي شلون حاط يمه ماعون شكبرة كرزات وجكليت واكل وكل شوي وياكل حتى مينام وتنگلب بينه السيارة ...

رباب☆☆ ياستار ...

مشتاق☆☆ اي وتموتين واني كاعد يمج خوش موته اخر وجه تشوفي وجهي ☻ لجهنم كُبل😂

رباب☆☆😧شكد ممل يالله عبالة يضحك اوع.. عفتة وما رديت عليه...

الليل كلة السيارة تمشي بينه حسيت نفسي بعد ما اكدر اقاوم نعست كلش وجمسي كام يوجعني غفيت ونمت وما ادري بعد بالدنية

مشتاق☆☆ عنيدة بنت عمي وراسهة يابس بس اني اعند منهة طول الطريق وهية لايفة

وجهة للصوب الثاني حتى لاتشوفني وكلمه وحدة ماحجت وياية تالي تعبت وماكدرت

تقاوم غفت ...من غفت انتكلت على جتفي 😁 سويت نفسي ممهتم ومانعسان بس اني

عيوني تحركني من كد ما مغفي واريد انام اخذت غفة ونمت ..وصحيت وكت الفجر جان

النهار بعدة ماطالع بس ضوة خفيف ورة شوي كعدت رباب شافت نفسهة نايمه على جتفي..

اشو هاي ابد ولا 😐اهتمت عدلت كعدتهة وردت دارت وجهة ولا جن ايدي خدرت من ثكل راسهة هالبومه 😑 ..

وصلنه لمكان اسمه على الشرقي نزلنه وغسلنه واتريكنه وشوي كعدنه وارتاحينه حوالي ساعتين وردينه صعدنه بالسيارة دنروح للبصرة...

ضلينه ساكتين طول الطريق جنت اتمنى احجي واسولف وياهة بس كرامتي متسمحلي

هية متكبرة وشايفة روحهة واني ماريد انزل نفسي الهة صعب عليه هالامر ..

وصلنه البصرة ونزلنه بفندق بسيط كل عائلة بغرفه حتى شوي نرتاح.. وراح ابوية لصديقة

حتى يكله على البيت وخطية اجة صديقة وياه كاللنه بيتي موجود وتكعدون بفندق حتى عيب بحقي..

رحنه للبيت جان بنص الكاع ويمهم اكو نهر يمر بين الاراضي فد شي كلش حلو.. البيت صغير بس لامنه هية جم يوم ويكضن..

النسوان اخذن غرفتين وية جهالهن واحنه الزلم بغرفة ماقصرو ويانه بيت صديق ابوية قامو بالواجب واكثر

رباب☆☆ وصلنه للبصرة ونزلنه بفندق ارتاحينه شوي امي راسا بدت تحجي عليه

ام غسان☆☆ شعندة هذا الاطرم لازك بيج ؟

رباب☆☆ شسويلة قابل اني لازكه بي هو يركض وراية

ام غسان☆☆ وانتي همين ماصدكتي مكيفة بي لج عوبة اذا هوة لازك بيج ليش ماغيرتي

مكانج وجيتي يمي كعدتي ولج شلون تخمدين على ايدة ادبسزز عبالج ماشفتج

رباب☆☆ قابل نمت على ايدة متقصدة ماحسيت على نفسي الا واني منتكية عليه

ام غسان☆☆ بعد ديري بالج الكاج يمه اكسر ركبتج كسر بيدي افتهمتي لو لا 😡

رباب☆☆ استغربت اول مرة بحياتهة امي تعصب عليه كلتلة.. صوتج يمة لا احد يسمعنه

ام غسان☆☆ طززز باليسمع افتهمتي لو لاا

رباب☆☆ اي اي والله افتهمت خلص 😑 ..

ورة شوي اجة عمي ابو مشتاق لابوية وكله يلة دنروح لبيت صديقة اخذنه غراضنه ورحنه ...

بقينه اول يوم ما طلعنه كالو تعبانين وعيب من الناس مستضافينه ابيتهم خطية ابد ماقصرو ويانه وقامو بالواجب.....

صار ثاني يوم وابوية كللنه يلة اتحضرو دنطلع لشط العرب...طلعنه سوية كلنه.. شوي وشفت

مشتاق جتي عيني بعينه ووخر عينه عني عشتو عود ميباوع .. تركته ودرت وجهي عنه
صعدنه السيارة وكعدت يم امي ووصلنه شط

العرب جنة احنه البنات نمشي بالنص والزلم محاوطتنه من كل جانب... ليكدام ابوية

وعمامي و ورانه ولد عمومتي وا

خوتي واحنه بالنص ..وكل ما اندار واباوع يخزرني بنضرة

مشتاق لعبت نفسي منه😒.. وصلنه شط العرب مكان كلش بديع بساتين على الجهتين

من الشط ومي جاري وبلم عشاري وكورنيشات شي مو طبيعي بالجمال انطلقنه هناك الولد

لعبو طوبة.. والزلم يشربون نركيلة.. بس عمي ابو مشتاق جان ويشرب عصير شكلة غريب

بس كاعد لوحدة مايمه احد .. والبنات الصغار يلعبون ويركضون ..

ضليت لوحدي اتلفت كل بنات عمي نافرات مني وميمشن وياية.. سويت نفسي مامهتمه

رحت اتمشى لوحدي شكد جنت منتضرة هالطلعه وفرحانه بس هسة كئيبة كلهم

صايرين مجموعات ويسولفون وينكتون ويضحكون واني لوحدي حتى امي ردت

اجتمعت بنسوان عمومتي وكعدن يسولفن جان كل ضني حسني وجمالي حيخليهم

يلتمون علية ويطلبون رضاية ويسولفون وياية ويهتمون بيه بس انصدمت بواقع ثاني.

شوي وحسيت احد وراية يمشي التفتت شفت مشتاق .. هم انته ؟

مشتاق☆☆ اي اني عندج مانع.. خاف البصرة اتسجلت باسمج

رباب☆☆ شكو جاي وراية روح وية اصدقائق

مشتاق☆☆ مو لسواد عيونج جيت وراج بس مهما يكون انتي بنت عمي وعرضي شلون تمشين لوحدج بنص هالناس

رباب☆☆ عيوني خضرة مو سودة خاف متعرف تشوف😏

مشتاق☆☆ اني وين احجي وانتي وين تحجين.. خلي لسانج بحلكج وسكتي لاتحجين صوتج ينرفزني

رباب☆☆ لابلة ممجبور تمشي وراية وتسمع صوتي

مشتاق☆☆ مجبور والله لان اخوتج الطايحين حظ عايفيج لوحدج تتمشين يمكن

حاسبيج زلمه وخاليج على راحتج.. خرة بحظهم اني عندي اخت واعوفهة تمشي لوحدهة ليش ماعندي غيرة

رباب☆☆ ارفعلتة اصبع ايدي السبابة وحجيت بعصبية.... لااا تحجي عن اخوتي افتهمت

مشتاق☆☆ 😡 ولج نزلي اصبعج لا اكسر ايدج... لسانج طلعي على اهلج ..هنا تحطي

بحلكج وتسكتين ونفس ما اسمع لا اشمرج بهالشط والله العظيم واخلي هالشكرة المتعجبة بنفسهة في خبر كان تصير.

رباب☆☆ 😠 اووف اللهم مطولج ياروح ..

ضليت اتمشى على كورنيش شط العرب..
وروحي طالعه من مشتاق اخاف اتحرك حركه

غلط ويطلع لسانه عليه 😧 شهالسفرة الطلع الروح يالله وطلعت من خشمي من اولهة... ورة شوي صاحلي

مشتاق☆☆ لا توصلين هناك اكو شباب رجعي

رباب☆☆ وشسويلهم واذا اكو شباب شنو شغلك لعد؟

مشتاك☆☆ 😡تخبلت من لسانهة الطويل جريتهة من شعرهة كدام العالم وحجيت

بهدوء.. ولج من احجي وياج اسمعي زين لا اصفكج براشدي واطرشج

رباب☆☆ تخبلت من هيج سوة ...وخر عني نزل ايدك اشايف نفسك خلك ابن عمي لا ابوية ولا اخوية

مشتاق☆☆ لو بيهم خير جان ما هتميت ولا شفت خلقتج شعبالج عاجبني امشي وراج لج
بس غير حظي الاغم خلاج بنت عمي ...

رفعت عيني شفت ابوية من بعيد يأشرلي بايدة يعني ارجعو.... يلة امشي ابوية يريدنه

رباب☆☆ضليت ساكته مكدرت احجي تصرف مشتاق صدمني محد هيج متعامل

وياية لا ابوية ولا اخوتي اصلا اخوتي ميتجرئون هيج يسوون... رجعت وياه وكلبي يدك سريع طلع ابن عمي مرعب والله😑 .


وصلنه يمهم وكالو دنصعد بالبلم العشاري بس
امي ماقبلت رادت شختورة ( بلم صغير )

دكول من زمان عاجبني اصعد بيه... رحنه احنه بالشختورة وبيت عمي ابو مشتاق بالبلم

العشاري ومشتاق يباوع عليه واني مامهتمه اله اباوعله بتك عين .. من مشة بينه البلم

صارت تموجات بالمي شي يجنن 😍 مديت ايدي وبديت اشمر بالمي والعب ومشتاق هيج

يباوعلي😨 يمكن خايف اوكع واغرك بس اني ابد مهتميتله وضليت العب بالمي واضحك

وفرحه سوت مثلي وكمنه نشمر بالمي وحدة على الثانية ونشيلة ونشمرة فوك الى ان تبللنه..

بس امي عصبت وكامت تحجي وتدعي على فرحة.. راسا كلتلة يمة شبيج تدعين عليهة مو اني دة العب وياهة

ام غسان☆☆ كافي طيحان حظ.. بللت هدومهة وهدومنه شنو عمية انتي مدتشوفين

رباب☆☆ باوعت على فرحه وكلتلهة لاتشمرين مي ليفوك شمري من هاي الجهة مبيهة احد.

طلعنه من المي ورجعنه للكورنيش واحنه مبللين بس اتونست .. على الاقل لعبت وية فرحه ..

صار الليل وراحو اخوتي ولد عمي جابولنه عشى جاهز اتعشينه ودنرجع لبيت صديق عمي ..

احنه ودنطلع من الكورنيش شفت ابوية وعمامي شايلين عمي ابو مشتاق😳.. اثاري شارب هواي وسكران ومبي يمشي ..

دكول مرته من يشرب ينام راسا وميتعارك وية احد بعد😂 جانت طلعه حلوة من العمر ...

بهالفترة بديت اتعرف على بنات عمي بس هنة مديتقبلني ولا اني دة اتقبلهن.. نحجي كلمه

كلمتين وبس. خصوصا باليل من نجتمع ونريد انام ومنكدر. يبقن يسولفن ويضحكن وينكتن

بينهن واني اباوعلهن تك عين ..روحي تطلع لان ميعبرني وميحجن وياية.. جنت اشوف

ضحكهن وسوالفهن سوية واني لوحدي اموت بقهري حاولت ما اهتم واكابر بس صعب.. جنة بدون ناس متنداس😔..

مرت الايام ومابقينه مكان مارحناله ومشتاق على وضعه ينطي الاوامر امشي منا وسوي

هيج خبلني كل هالامور وامي مانتبهت على مشتاق اصلا جانت ملتهية وية النسوان ولا

شافتني تسولف وتحجي تضحك.. من جنة طالعين وصارت على طريقنه كنيسة اسمهة مريم العذراء بالبصرة..

زوجه عمي ام مشتاق رادت تنزل تطلب م