#ارحام متناثرة

البارت السابع⚘⚘⚘ بقلم فينوس آرام

⚘فرحة☆☆ مرت السنين و وكوة اتأقلمت واتعايشت وياهم... اخوتي صارو شباب ورباب صار عمرهة 12 سنه و اني عمري 9 سنين...

صرت بصف ثالث ابتدائي بس بقينه على نفس الوضع... امي وابوية يفضلون رباب علينه كلنه

ويفضلون اخوتي الولد عليه... جان ابوية يحجي وية اخوتي ويكلهم انتو الي تشيلون

اسمي مو البنات .... وشجرة العائلة ترسم بيكم انتو .. وانتو امتداد لذريتي

ووجودي بهالدنية.. كل هالامور انتو تسووهة مو خواتكم .. لان اول وتالي خواتكم يرحن

للنسيب البنات ميفيدون اهلهم بشي .. انتو سندنة وتشيلون كبرتنه...

هذاالكلام كان كفيل بزرع التفرقة بينة ونفور
اخوتي من عدنه وخصوصا اني لاني اختلف عن رباب .....

اخوتي الكبار غسان و مازن اشتغلو واعتمدو على نفسهم ...واختي جانت هية الكل بالكل بالبيت...

لو مهما تسوي ابد ميعاقبوهة وناطيهة حرية جبيرة واي مشكلة او بلوة تصير توكع براسي

او براس اخوتي وننضرب عليهة... شكد حاول بابا مجيد يمنعهم من ضربي بس مكدر

خصوصا امي متصدك تلكه حجة عليه حتى تكتلني وتضربني ..وبيوم من الايام اجه غسان

متاخر للبيت جنت نايمه وصحيت على عيطة بالبيت كعدتةخايفة ومخترعه..

ابو غسان☆☆ وولك شااارب يالحيوااان يالساااقط هاي تاليهة تجيني شااارب سكرااان

مثل المطي تطوطح يمنه ويسرةةةة لك تعااال ابن الكلب✋👋💥

ام غسان☆☆ لالالا مكييي لاتضربه اصبررر بعد ميعيدهة اصبررر بس خل نشوف ليش شرب لاااتضربة..

ابو غسان☆☆ دكلج وخري عني خليني أئدبة هالساااقط هاي تاليهة يجيني شارب وهوة بعدةة بكد فردة القندرةةةة وخري عنيي

ام غسان☆☆ يعني عليمن يطللع غير على عمامةةة مو اخوتك يشربون وابو مشتاق مو

بعدة يشررب جايبهة من برة المايطلع على اهلة نغل

ابو غسان☆☆ لااا انتي سكتتلج هوااااي ويحتاجلج تأديب 😡✋👋💥💥💥

فرحة☆☆ كعدت من النوم وشفت ابوية مكي ديتعارك وية امي فضيلة واخوية غسان وصار

حجي وصياح وابوية لزم امي فضيلة وغسان موتهم كتل بأيدة وراح جاب القمجي وضرب

غسان صارت امي فضيلة كدامه دتحاميلة لغسان وضربهة ابوية خلاهة فوك اخوية

وموتهة كتل .... كلهة وخري لاتفزعيلة بس ماسمعت كلام .... ضليت جامدة بمكاني

بحياتي ماشفت بابا مجيد يضربني او يضرب ماما امينه جان منظر غريب عليه... ابوية حرم

غسان من الشغل وحبسة بالبيت بس كام يختلق مشاكل وية امي ويتعارك وياهة

ويلزمني يكتلني ويكسر شكو شي بالمطبخ عاد امي فضيلة قنعت ابوية مكي يرجعو يشتغل بلكي يعدل !!!!

مرت الايام وبديت اخذ على اهلي بس امي فضيلة دائما انسه واكلهة خاله وهية تضوج وتكتلني ...

وبيوم اجة ابوية مكي وكال باجر ياخذنه لبستانه لأن تحتاج تنضيف من الدغل الي بيهة..فہ سوة ابوية فزعه عليهة احنه وعمامي ويانه

ام غسان☆☆ رباب يمة انتي روحي للبيت متتحملين شمس وانتي فرحه امشي ويانه دنشتغل يلة يمة

فرحة☆☆ شفت رباب راحت للبيت وماقبلت امهة تشتغل بالكاع اني همين رحت للبيت وراهة دخلت وكعدت.

رباب☆☆ هاي شنو شجابج هنا روحي اشتغلي وياهم

فرحه☆☆ مو شفتج جيتي انتي هنا اجيت وياج.

رباب☆☆ لا بالله انتي شكو جاية.. اولا اني بيضة وما اتحمل شمس انتي سودة تتحملين عادي ..

وثانيا اني اشتغل ابيتنه واساعد امي انتي كلشي متشتغلين ... يلة روحي وياهم اشتغلي لا تبقين هنا

فرحه☆☆ اتذكرت كلمه امي امينه وابوية مجيد كلولي أي موقف صعب يمر عليج لازم

تكونين قوية فہ كلتلهة... اني مامجبورة اشتغل بالكاع وبعدين واذا شكرة وعيونج

خضر وشنو يعني ماعندج ايد تشتغلين ؟ واذا على البيت اني بعدني صغيرة ما اعرف اشتغل شي

رباب☆☆ حجت هيج وياية اتخبلت ورحت اصيح امي من البستان ...يمةةةةةةةة وج يووووم تعالي شوفي هاي.

ام غسان☆☆ جنت انضف الكاع من الدغل واسمع رباب تصيحلي...ها ها رباب شبيج شكو ولج خرعتيني.

رباب☆☆ عيني فرحة متقبل تشتغل بالزرع تريديني اني اطلع اشتغل يلة هية تشتغل حاطة راسهة براسي هالسودة😒

ام غسان☆☆ شنو ؟ رفعت راسي شفت يمنى ويسرة هاي ماكو رحت طايرة للبيت.... دخلت

لكيتهة كاعدة تلعب وتفتر بالبيت... ولج انتي شعندج هنا ليش ماطالعة ويانه امشي يلة دنخلص قبل المغرب

فرحه☆☆ ليش اني اطلع بهالشمس ورباب متطلع ؟

ام غسان☆☆ وانتي تجيبين نفسج على رباب امشييييس كدااامي وبلا لغوة زايدة

فرحه☆☆ ما ما مااطلع معليه .

ام غسان☆☆ شنو معليه؟ لعدد مين نصرف عليج يالحيوانه امشي ولا تصيرين انانية

ويانه احنه اهلج.. امشي ونفس متتنفسين 👋✋💥كوووومي كداميي يلةةةةة

فرحه☆☆ضربتتي وجرتني من شعري واني اصرخ وابجي واكلهة بابا مجيد يصرف عليه انتو ماصرفتو عليه ...

بس مكدرت اكسر كلمتهة وطلعتني اشتغل وياهم بالكاع.. جانو بس اخوتي وعمامي وولد

عمامي وامي يشتغلون واني البنت الوحيدة البينهم اشتغل وعيوني تصب دمع وانوب

اتذكرت دلال امي امينه وابوية مجيد شلون جانو يعاملوني بحنية ويخافون عليه من الهوى الطاير.....

كملنه شغل و

رجعنه للبيت جنت هلكانه من التعب والشمس ضربت براسي واذتني كلش

..حطيت راسي على فراشي وغفيت حتى بدون ما اسبح...

ورة يومين اجة بابا مجيد وشكيتلة وحجيتلة الي سوته بيه خالة فضيلة

مجيد ☆☆ ميخالف بابا هاي امج مستحيل تكرهج بس انتي صايرة حساسة شوي منهن

فرحة☆☆ لا والله بابا بس هية تفرق بنتهة رباب عني لان شكرة وبيضة وعيونهة خضر...

يابة ليشش اني سودة ومو حلوة ليش هيج الله خلقني😢

مجيد☆☆ منو هاي السودة والمو حلوة ؟ اصلا انتي اجمل وحدة شافتهة عيوني ..انتي مو تثقين بأبوج؟

فرحة☆☆ اي 😔

مجيد☆☆ مو تعرفين شكد سافرت ورحت لمحافضات العراق وافتريتهة كلهة

فرحة☆☆ اي 😔

مجيد☆☆ ماشفت وحدة بحسنج وجمالج ولا شفت اجمل منج بنيتي...شعرج يخبل وعيونج

ورسمه وجهج وكل معانيج دكول كمر خوبن سمارج عسل... بوية اني يمج اسود مابين بالظلمه

فرحة☆☆ بس خالة فضيلة وبنتهة يضحكن عليه يابة😢

مجيد☆☆ ههههههه اي وشنو يعني خلي يضحكن عليج قابل شصار من ضحكن عليج اتحولتي خروف مثلا

فرحة☆☆ هه☹ لا

مجيد☆☆ شوفي فرحة اني اليوم يمج وادافع عنج بس باجر يجوز مو يمج اسمعي

كلامي وخليه ترجية باذنج.....مو كل الناس تحب نفس الاكل ومو كل الناس تحب نفس اللبس ومو كل الناس تحب نفس البشر ...

فرحة☆☆ شجاب الاكل بالنص 😐

مجيد☆☆ ابسطهة الج اكثر.. اني احب السمج بس انتي متحبيه مو صح

فرحة☆☆ 😝 اي ماحبهة

مجيد☆☆ هههههه و اني احب اللون الاصفر بس انتي متحبين هاللون مو

فرحة☆☆ اي 😐

مجيد ☆☆ خلص يابوية مو شرط الي تحبة امج فضيلة واختج رباب معناه الدنية كلهة

تحبة احنه منكدر نسيطر على الناس ونتحكم بالي يحبو والي يكرهو بس نكدر نفرض احترامنه عليهم فهمتي بنيتي ...

فرحة☆☆ 😓 لا مفتهمت شي

مجيد☆☆ بنتي هنة يحبن الشكرة والبيضة ويشوفنهة حلوة... بس اني وامج امينه الله

يرحمهة وغيرنه نحب شكلج وسمارج ولون عيونج...كل شخص اله مقياس معين بالجمال والحب ..

فرحة☆☆ بس كرهني بنفسي خلني اشوف نفسي قبيحة واحتقر نفسي حتى كمت احجي

وية الله اكلة ليش خلقت اختي حلوة واني لا.. هوة الله ليش يضلمنه هيج .. وحطيت ايدي على عيوني وبجيت

مجيد☆☆ بنتي خلي ثقتج بنفسج عالية ولاتسمحين لاحد يهزهة الي يكولج سودة ومو

حلوة كوليلة هاي خلقة الله واني عاجبني شكلي وبيك خير اخلق وحدة مثلي وتعال احجي ..

وبعدين ليش دكولين هيج عن رب العالمين يا بنتي لا اني ولا امج ربيناج هيج ..منو احنه

ونعاتب ربنا ونزعل منه المفروض تحبين نفسج وشكلج وتحبين رب العالمين لان خلاج

كاملة والكمال لله ..شناقصج ايد رجل يابنتي غيرج يتحسر علے هالنعمه الانتي بيهة

فرحة☆☆ يعني اني حلوة يابة مو سودة ولا شكلي يضحك والله كمت اخجل من نفسي☹

مجيد☆☆ قربت راسي عليهة وهمستلهة اكوول.... يعني فضيلة عود حلوة 😝اشو

لاشكرة ولا بيضة وحال الضيم حالهة الخشم شكبرة عبالك راس بصل ومعلك بوجهة

والكصة شكبرهة سنطيحة وعيونهة دكم وحلكهة مثل طشت امج التغسل بي هدوم

وفوك الظيم لسانهة مينجرع وتقلد على الناس.. ها بلة هاي شتحطيلهة واتطيب يابوية 😁😂

فرحة☆☆ 😁😂

مجيد☆☆ بنتي الوردة خليج واثقة من نفسج وقوية ولا تسمحين لاحد يهز ثقتج

وهاي الثقة تزيد بدراستج وشهادتج اسمعيني فرحة اخاف اني مموجود.. بااالج وياج تتركين

مدرستج فهمتي بوية ضمان مستقبلج هالمدرسة والشهادة هسة بوكتكم مريودة والهة وزن وثكل..

لو شكد ماسوو وياج واجهيهم واتحديهم ونجحي بحياتج.. حققي حلم امج امينه وصيري معلمه

فرحة☆☆ ان شالله يابة ☺

مجيد☆☆وردة بنيتي يلة هسة جيبي الكتب خلي اقريج مبقى وگت...

جنت دائما انجح واخذ درجات بين ال 8 و 9 ومرات 7 من 10.. مرات قليلة اخذ 10 لان

اعتمد على نفسي بالدراسة..او يجي بابا مجيد ساعتين يحاول ينطيني الدروس المهمة

والباقي اني اتهجة واقرة لان محد يقريني بالبيت اخوتي يعرفون يقرون بس عدهم

انانية وابد ميحبون المساعدة ولا يقبلون يساعدوني بشي احنه الاخوة والخوات بيناتنه

ممتصافين.. ماكو حنية على بعض ماكو حب بيناتنه واحد يتصيد خطاء الثاني

(رحمة ماكو بيناتنه ابد ) جنت افتقد امي امينه هواي... وكلش ارتاح من اتخيلهة يمي
واغفى على رجلهة لو ايدهة واسولف وياهة...

⚘بهالفترة رباب كبرت اكثر وصارت كلش حلوة وتخبل شعرهة طويل لخصرهة واشقر

مثل الذهب وعيون واسعه وخضرة ورموشهة طويلة وهي بيضه ورشيقة وملامحة تخبل فہ

هواي خطابة جانت تجي عليهة من ضمنهم ابن خالي الجبير خطبهة بس امي و مقبلت وصارت زعلة بين امي فضيلة وخالي الجبير

ابو غسان☆☆ بيت ابو كرار ترة مايتعيبون فضيلة شبيهم ليش نرفضهم

ام غسان☆☆ اووع هالعوبة هية وابنهة انطيهم رباب ليش يابة جايزة منهة

ابو غسان☆☆ وبيت ابو حيدر وبيت ابو ناهض وبيت ام قحطان وغيرهم ادري شبيهم

بشنو ميعجبوج خوش ناس وخوش ولد ومستورين

ام غسان☆☆ بلة انت كل عقلك تحجي؟ اني ما انطي رباب لحي الله واحد ..

من اريد ازوجهة انطيهة لواحد مركزز مال وجاه يعيشهة ملكة زما

نهة تريد هالجمال ازوجهة لفلاح مثلا؟

ابو غسان☆☆ بيبيتي احلى منهة واتزوجت جدي .. وجدي جان فلاح وابن فلاح وعاشو

عيشة مستورة وخلفت منه ابوية وعمامي شدخل الجمال بالنص ؟

ام غسام☆☆ هاي بيبيتك مو رباب كل عقلك انطيهة لواحد يشلع كلبهة اوع ...هذا جمالهه

يتكاتلون عليه الزلم شوفهة بعدهة ماكملت 13 سنه وشوف خطابتهة يومية 10 ..10 متوازية

انطيهة لياهو الجان... معليك مكي انت اطلع منهة وعيونك وغلاتك اذا مازوجهة زواجه العمر فلاا اسمي فضيلة..

فرحة☆☆ بهاي الفترة بابا مجيد اتزوج وصار عندة ولد سماه احسان جنت اروح اشوفهم شوي وارجع...

اما الدراسة بدت المواد تصعب عليه وجنت احتاج ابوية مجيد مرات يساعدني

بالرياضيات فہ جنت اكلة لابوية مكي وهو يدز واحد من اخوتي على بابا مجيد.. كلتلة لابوية

مادعرف احل رياضيان ودز اخوية مازن على بابا مجيد لان الرياضيات جان صعب عليه..

مجيد☆☆ جنت كاعد العب ابني احسان واجاني مازن كلي فرحه مدتعرف تحل تمارين الرياضيات ...

كلتلة هسة اجي ما اتأخر... طلع مازن واشوف شكرية كالبه وجهة ... خيرج شكرية شبيج؟

شكرية☆☆ ادري لشوكت تبقى مسؤل عن هالطفلة ترة شلعت كلبي شعندك وياهة؟

مجيد☆☆ شتقصدين شكرية؟ شعندي وية طفلة عمرهة 9 سنين مثلا؟

شكرية☆☆ شمدريني اني اسألك؟ اهتمامك بيهة مو طبيعي جنت تاخذهة للمدرسة

وترجعهة بيدك وانوب هسة حطيتلهة حنتور ياخذهة ويجيبهة وتروح يومية سااااعتين

ادرسهة وتجي وتشتريلهة وكل هذااااا من جيبك وكل طلباتهة اوامر بالنسبة الك عمي

على كيفك ويانه ترة هية مو بنتك صعدت لو نزلت تبقى انت خلك زووووج خالتهة المرحووومه😒

مجيد☆☆ اي صح اني مو ابوهة ولاعمهة ولا خالهه..اني الشخص الرباهة ياشكرية..

شفتهة كدامي تكبر يوم يوم 6 سنين عاشت بحضني اول كلمه نطقت بيهة هية كلمه( ابا )

وكالتهة الي اني ....شاركتهة بفرحهة ابجيهة بضحكتهة بلعبهة وحتى جنت بمرضهة اسهر وياهة شلون تريديني انسى كل هالامور...

هذه بنتي حتى لو مو من صلبي اتعلقت بيهة وما اكدر اتركهة وبالاضافة لهذذا كلة هية وصية امينه

شكرية☆☆ ااااهووو همين جاب سيرتهه

مجيد☆☆ مرة متوفية بشنو يغثج ذكرهة؟

شكرية☆☆ انت منتبه على نفسك شكددد تذكرهةةة ؟ ودائما اطلع الهة ثواب وتقرالهة

الفاتحة وكل سنه بيوم وفاتهة تسوي غدة لروحه وتروح تزور قبرهة... لاا وتريد تاخذني همين وياك ازور قبرهة...

مجيد☆☆ كل عقلج تحجين؟

شكرية☆☆ اي كل عقلي احجي....هاي مامخلفة الك وهيج تذكرهة لعد لو عندك اطفال منهة شسويلهة تمثال؟

مجيد☆☆ تستاهل المرحومه اكثر من هيج

شكرية☆☆ طيب مو اني كدامك اشو فد مرة لابسني يارجال... لو حك الينموت نصير عزاز

مجيد☆☆ بشنو مقصر وياج ؟ كلشي تريدي يجي يمج... مادة فلوس حب وعاطفة وحنان

اتحداج دكولين مقصر بيهن.. بس انتي متحمدين ربج تغارين من مرة ميته لان في

يوم من الايام كانت زوجتي؟ تغارين لان اقرالهة الفاتحة واثوبلهة وفوك الظيم تغارين

من طفلة ميتعدة عمرهة ال10 سنين لأن معتبرهة بنتي واداريهة واذكرهة..... وين

الرحمه الي تكون بگلب المراة المفروض انتي عندج رحمه اكثر مني بهيج امور...شكرية اني

قبلت اتزوجج لان مدحولي بيج خواتي وكالن عقلهة جبير ويوزن بلد !!!!! وينة هالعقل

شكرية☆☆ مو بيدي اغار واضوج وتطلع روحي همين.... اني وابنك احق بهالفلوس

التصرفهة على هالطفلة الي حتى ابوهة وامهة شامريهة وممعترفين بيهة

مجيد☆☆ شكررريةةةةةة.. وعقدت حاجبي عليهة وخنزرت بعيني

شكرية☆☆ 😨

مجيد☆☆ كلمه ثانية والزمج الباب وادزج لأهلج انتي وابنج... ترة مو اني التلوي ايدي

مرة افتهمتي ..بس اضاهر انتي مو مال حجي وتفاهم المثلج يمشي بالاوامر .. خليت احسان بفراشة بالكاع وكمت ...

هذا الفرق بينج وبين امينه الله يرحمهة... عرفتي ليش الحد هسة اذكرهة و اثوبلهة وميفاركني ذكرهة؟

شكرية☆☆ 😒

مجيد☆☆ حضريلي الجراوية وملابسي اريد اطلع..

شكرية☆☆ وين طالع بهذا البرد

مجيد☆☆ 😡حضريلي هدومي

شكرية☆☆ 😑 هسة اجيبهن

مجيد☆☆ غيرت ملابسي وطلعت رحت لبيت ابو غسان لكيت غسان واخوته بالبيت

كعدنه بالحوش ودرست فرحه وفهمتهة على دروسهة حوالي ساعه وطلعت... رحت اتمشى

لدكان ابو غسان شفتة كاعد ومحد يمه... اييه الحمد لله... سلمت عليه وردلي السلام

مجيد☆☆ ابو غسان عندي جلمتين وياك مكدرت احجيهن بالبيت عندك اليوم.. كلت اجيك للدكان واسولف وياك

ابو غسان☆☆ كول خوية أأمر

مجيد☆☆ محشوم خوية ما يأمر عليك ظالم.
شغلة اطلبهة منك واترجاك يامكي بحك الخوة الي بيناتنه تسمعني وتلبي طلبي

ابو غسان☆☆ ضحكت ضحكة ارتباك شنو هالطلب الي يريدة ابو احسان؟ كول خوية وان شالله مگضية

مجيد☆☆ طلبت منك قبل متضرب فرحه انت وام غسان بس للأسف محد سمعلي ..

وطلبت منك متفرقون بينهة وبين اختهة رباب وهمين محد سمعلي.....

ابو غسان☆☆ راسا اتبلعجت وحسيت صرت بنص هدومي وخجلت من كلامه ...اا ليش خوية شنوو صاير ؟

مجيد☆☆ ام غسان حرمه وما اكدر احجي وياه

ة بس العتب عليك يا مكي ليش هيج

تعامل فرحة؟ شنو السبب ادري مو بنتك هية مو منك ومن صلبك هالتفرقة ليش بين الخوات

ابو غسان☆☆ _ادخل بالموضوع ابو احسان شنو صاير

مجيد☆☆ حجيتلة.. كل شي فرحة شكت منه .. وهاي اخر شي من اخذتهم للبستان ينضفوه من الدغل ...

ليش هيج مكي يعني عدكم بس رباب بنتكم لان حلوة؟ معقولة!! موانتو تصلون وتصومون

معناهة تعرفون الله مو صحيح.. زين المن صلاتكم وتعبكم اذا بين ولدكم ما ناصفين ..

وبعدين رباب اكبر من فرحة يعني شغلهة بالارض اضبط من اختهة شنو هالتصرفات الي تصرفتوه وية البنت

ابو غسان☆☆خوية مو هيج.... وقاطعني

مجيد☆☆ ااني اعرف مو من حقي اتدخل بينكم وانتو عائلة.. بس يامكي خلي ربك بين

عينك بأولادك...اسمحلي اكولك انت وزوجتك تربيتكم غلط زرعتو التفرقة بينهم وخليتوهم

واحد يكره الثاني وهذا مردودة عليكم ... واحملك امانه توصلهة لام غسان ... كلهة

فرحه ماطلع شكلهة على الجوراين فرحه تشبهج بالشكل واللون خلي ربج بين عينك

وحكمي بالعدل والضمير بين بناتج.. جريت نفس مليات حسرة ...طولت عليك خوية

اعذرني على صراحتي بس بكلبي حسرة على هالطفلة وروح المرحومه امينه احس فرحه

بنتي واحبهة واعزهة اكثر من احسان احسهة ذكرى من امينه وامانة بركبتي ياخوية

ابو غسان☆☆ ضليت متبلعج ما اعرف شحجي.. صار خوية يجرالك ومتفهم موقفك

وان شالله متتكرر هالامور ...رجعت للبيت واني افكر بكلام مجيد رجال غريب وكلبة حن

على بنتي اكثر مني والصراحة فعلا احنه نفرق بمعاملتنه بين الاولاد بس المصيبة اتعودت

على هالامر حتى لو ردت اعدل بمعاملتي وية اولادي لا اراديا ارجع واميز رباب عنهم دخلت

للبيت وشفت فضيلة تمشط شعر رباب وفرحة عايفتهة هية تمشط شعرهة... صحت لفضيلة واجتي يمي

ام غسان☆☆ ها ابو غسان خير شبيك اشو مو على بعضك

ابو غسان☆☆... بعد ماكو روحة للبستان علمود الشغل.. نروح نتونس نغير جو اي بس

بعد ما اخذكم تشتغلون.. انتي والبنات تبقون هنا اخذ الولد كلش كافي

ام غسان☆☆ استغرب اشو بدون مقدمات حجى وياية...هاه شعجب مو عوايدك شصاير صاير شي؟

ابو غسان☆☆ ماصاير شي ..😒صبيلي جاي فضيلة راسي يوجعني...

ام غسان☆☆ اي صار .. يمي قوري الجاي على الصوبة والاستكان يمي حطيت شكر ودة اصب ..ورد حجة

ابو غسان☆☆ وشغلة ثانية كفي لسانج عن فرحه يافضيلة

ام غسان☆☆ مفتهمت حجيك يعني شنو شتريد توصلي بهالكلام😒

ابو غسان☆☆ كلاااامي واضح و الاطرش يفهمه لا تضلين تعيريهة بشكلهة.. لأن ربج

انطاج رباب شفتي نفسج على الناس ولج لعد لو انتي الحلوة جان شسويتي بالوادم جان

تمشين واتفلين علينه لان سمر مو بيض مدكوليلي شنو من بشر انتي

ام غسان☆☆ على كيفك يابة اليسمعك هيج تحجي يكول ايبااه ابو غسان مثال اعلى لاهلة

ترة انت مثلي اذا مو اضرب مني بعد بهالسوالف

ابو غسان☆☆ وحك رحمه امي كلمه ثانية واتزوج عليج مرة تسوة راسج ششكرة وبيضة

ومعدلة شكلهة يكون يفتح النفس😍 مو مثلج وجهج اغم 😝

ام غسان☆☆ 😱 تتزوج عليةةةةةةة

ابوغسان☆☆_____؟

يتبع،،،،،،،،،،⚘

#ارحام_متناثرة

البارت الثامن⚘⚘⚘بقلم فينوس آرام

#قصة_حقيقية_عاطفية_اجتماعية

ام غسان☆☆ 😱 تتزوج عليه

ابو غسان☆☆ بديت احجي بحنية واميل براسي يمنه ويسرة... اي اخذهة شكرة وبيضة

وعيونهة ملونه تشرح الصدر .. وانتي لا تخافين ماطلكج اجيبهة فوكاج.

ام غسان☆☆ انت صدك تحجي لو تتشاقة شنو شبيك شنو معنى هالحجي؟

ابو غسان☆☆ الشرع حللي 4 واني ماريد 4 اخذ بس 2 كلش كافي

ام غسان☆☆ ليش يابة شناقصني 😡

ابو غسان☆☆ شناقصج ؟ بياض وعيون ملونه وشعر ملون اريد كل هالسوالف مابيج

ام غسان☆☆ وهاي مين طالعلي بيهة يابة تريد وحدة ملونه

ابو غسان☆☆والله البركه بيج زرعتي هالفكرة براسي الشكرات حلوات وتمشين

واتدللين برباب وتقلدين وتصنفين على فرحة لان سمرة زين انتي سمرة وتقلدين على السمر

لعد لو شگرة شسوين؟ 😀والله زرعتيهة ابالي عاجبني اجرب الشكرة بما انو انتي سمرة ☻

ام غسان☆☆😡وانت شحالك دتاخذك وحدة ملونه شايف نفسك لا مال ولا جمال علة شنو ترضى بيك.

ابو غسان☆☆ الحسن بس للبنات مو للزلم واذا ع المال يجي ابيعلهة المزرعه وانطيهة

سياكهة(مهرهة) ... اووف اخذهة اصغر منج وبعدهة حديثة وعيونهة ملونه....بويةةةة اشو الدنية صارت حارة تكتل طفي الصوبة طفيهة😰

ام غسان☆☆ 😨 هذا الخبل شديحجي بعدنه بعز الشتى ومن ذكر البيضات والشكرات

هيج احتر 😡 خرب حظج فضيلة وين جانتلج هالشغلة... سكتت عنه ماجاوبته بس اباوعلة بتك عين.......

صبيتله الجاي ونطيتة الاستكان وطلعت رحت للمطبخ.. والله يالله ماناقصني غير المخابيل..

ماكو غير مجيد قاري براسه اوووف شوكت اخلص منه هالمجيد....

اوووف ياالله حتى اختي ماتت ناقصة عمر من وراه😧 منين طلعليي هذا.

⚘فرحة ☆☆ من ذاك اليوم وامي بطلت دكولي سويدة.. بس بتصرفاتهة دكولهة وتعنيهة وتجرحني هية ورباب.

اما ابوية بعد ابد ما اخذنه للمزرعه حتى نشتغل بيهة... كمنه نروح نتونس ونرجع فہ شوي ارتاحيت من هالامر...

من توفت امي امينه واحنه مامشترين ملابس للعيد لان حزانه ولانطب ولانطلع لأحد ابد لأن

عود خالتي فضيلة جانت حزينه على امي ومتقبل نشتري شي جديد للعيد فہ صار حجي بين رباب وامي فضيلة...

رباب☆☆ يمة هالعيد لازمم تشتريلي ملابس بعد هاي هية خالتي صارلهة كومه متوفية ...
واني كبرت اريد هدوم حلوة وجديدة

ام غسان☆☆ اي ان شالله يمة اذا انتي ما اشتريلج المن اشتري.

فرحة☆☆ ليش خالة شوكت العيد .

ام غسان☆☆ خالة تخلخلج... كم مرة كلتلج لا دكولين خاله يالعوبة اني امج.

فرحه☆☆ 😔..

رباب☆☆ التفتت على فرحه وكلتلة .. بعد تقريبا اسبوعين ويصير العيد... اكلج يمة وين

اتطلعونه بالعيد والله ضاكت روحي من البيت خلي نروح لكربلا مثل قبل كم سنه من رحنه سفرة.

ام غسان☆☆ والله ياريت اني همين عاجبني اروح بس هذا ابوج وين يقنع ياخذنه يكول الدرب بعيد وانتو كومه شلون احير بيكم.

رباب☆☆ اووف 😐 لعد شلون والله ضوجه

ام غسان☆☆ ربابة ابوج يكول يعجيج تلبسين حجاب لأن شوي كبرتي وعيب بعد زحمه تبقين مفرعه

رباب☆☆ 😝 ااايع شنو حجاب يمه.. اضوج منه ماريد البسة صدك تحجين انتي

ام غسان☆☆ بكيفج منجبرج على شي بس الحجاب حلو

رباب☆☆ اصلا جمالي يروح بالحجاب ولا احبة ما ادري شلون تلبسي انتي

ام غسان☆☆ فتحنه عيونه على هالدنية واحنه ملكجات لانعرف شوكت ولا ندري ليش اتحجبنه..

رباب☆☆ هسة عوفي الحجاب يا امي بعدني صغيرة ياحجاب.. كليلي شوكت تشتريلي ملابس مو روحي طلعت.

فرحه☆☆ ااا أني شفت نفنوف كلش حلو بالسوك لونه احمر وعلى كدي يخبل...حجيت

وياهة واحس نفسي مكسورة جناح واخجل اطلب منهة شي لأن اصلا متنطيني وجه من احجي وياهة.

ام غسان☆☆ اي وشتريدين؟

فرحة☆☆عفية اشتريلياه اتمنيت البسة من شفته كلش حلو عفية اريد البسة بالعيد.

ام غسان☆☆😂 تلبسين احمر شتطلعين ولج مضحكة تصيرين ..شوف يالله ههههههه

رباب☆☆ 😂

فرحة☆☆ سكتت ماحجيت صح ماكالتلي سودة لو سمرة بس حز بكلبي كلامهة وانقهرت

كلش وراسا بجيت 😢😭.. يمة وينج شوفي اختج شكد تقلد عليه ضليت ابجي و هية

لاانكسر كلبهة ولاخاطرهة علية ولا اهتمت اصلا ..

جان بابا مجيد يمر عليه بالاسبوع تلث مرات او اربعه  حسب فرغته.... مر عليه ثاني

يوم بالمدرسة....من شفته ركضت عليه ورأسا حضنته حيل وبجيت ...

مجيد☆☆ هلا هلا بنيتي البطلة ... ها هاي شنو شبيج بابا.. ليش تبجين شنو صاير؟

فرحه☆☆ اريد ارجع لبيتنه واعيش وياك يابة

مجيد☆☆ على هاي تبجين ههههه يابنيتي مو تعرفين اني دائما ابات خارج البيت..تعرفين

بشغلي مرات اسافر منو يبقى يمج؟ وما اكدر ابقيج يمج خاله شكرية 😕

فرحة☆☆اني اعرف خالة شكرية متحبني بس ماريد ابقى يم خالة فضيلة ولا رباب ولا عمو مكي ماحبهم ولا يحبوني 😭

مجيد☆☆ هذا شلون حجي بلة اولا خالة شكرية تحبج بس هية عدهة اخوج احسان

وكح وشالشهة فمتكدر تعتني بيج... وبعدين صارلج كم سنه يمهم هذول اهلج يابنتي لازم

تتعودين انو هذا ابوج وهاي امج عجبج او ماعجبج لازم تقبلين هالوضع

فرحة☆☆ يابة يعني حتى الهدوم حسرة عليه ومتقبل تشتريلي اللون الاحبة وتقلد عليه دكولي سمرة وتلبسين احمر شتطلعين

مجيد☆☆ وانتي ليش تطلبين منهم؟ اني موجود ليش مدكوليلي؟

فرحه☆☆ عبالي هالسنه همين حتبقى خالة فضيلة حزينه على امي ....بس رباب كالت

تريد تشتري هدوم للعيد وحجيت وياهن كلتلهن عاجبني نفنوف لونه احمر... وضحكن عليه

مجيد☆☆ هههههه امشي يابة امشي.. هسة نروح نشتري هالنفنوف العاجبج اني وياج.

فرحة☆☆ 😀 صدك بابا

مجيد☆☆ صدك شنو؟ يايوم مجذب عليج يلة امشي... رحنة للسوك وشفت النفنوف الي

تريدة جان سعرة شوي غالي واني حاليا ضروفي تعبانه بس ماحبيت اكسر بيهة...

حجيت وية صاحب المحل يعرفني ويعرف اخوتي الولد اخذت منه النفنوف بضمان اخوي

حمزة لأن عندة دكان غذائية كدامه كلتلة يومين واسددهن الرجل ماعارض لان يعرفني ويعرف اهلي

فرحة☆☆ رجعت للبيت طايرة وفرحانه بالنفنوف لونه احمر وفصاله يخبل جان كلش عاحبني 😍

رباب☆☆ شفت النفنوف الاحمر وانصدمت هاي اشترت ملابس قبلي خرررب راسا سألتهة
... شنو هاي منو اشترالجياه؟😒

فرحة☆☆ رفعتلهة تك حاجب وجاوبتهة ابوية مجيد اشترالياه .

رباب☆☆ 😂 سودة وتلبس احمر شتطلعين قرد

فرحة☆☆ بيج خير اخلقي وحدة احلى مني وعود تعالي عيبي علية.... هسة تروحين للنار وتحتركين هناك .. وعود خلي يفيدج جمالج

رباب☆☆ يووووم يمةةةةة تعالي......صحت على امي واني روحي طالعه من فرحه شنو هالثقة التحجي بيهة ولسانهة طولان يرادلة كص....

ام غسان☆☆ ها ها خير ... باوعت شفت نفنوف جديد لونه احمر شنو هذا النفنوف مينلج

رباب☆☆ اشتراه عمو مجيد الهة😒

ام غسان☆☆ يلة همزين خلصت من مصرفهة عوذة خفة وراحة .

رباب☆☆ اريد نفنوف مثلة لو احلى منه يمة وبااجر تشتريلي

ام غسان☆☆ صار يمة صار اشتري الج وحك عيونج الخضرة اشتري وتدللين اخذج باجر ولايهمج.

فرحه☆☆ اشترت امي نفنوف لونه اخضر لرباب حتى يصير بلون عيونهة ..

صار العيد ولبسنه الملابس الجديدة ورحت اعايد ابوية مكي وامي فضيلة عايدوني بس

امي ما بوستني بس ابوية وشال درهمين وانطاني عيدية ...بس من اجتي رباب ضلو يبوسون بيهة وانطوهة عيدية ربع دينار...

سكتت وحطيت بجيبي الدرهمين وكعدت بزاوية الهول.... ابوي وامي جانو كاعدين

ويتغزلون برباب وجمالهة.. وتهوسلهة امهة وتبوس بيهة واني اباوع عليهم 👀...

اجوي اخوتي ودخلو عايدو ابوية وامي.. جيت اعايدهم ماردولي وخصوصا غسان ابد ماشاف

بوجهي.. بس رباب عايدوهة كوة من ورة خشومهم.... حتى من عايدوهة مابيناتهم حب

الاخوة عبالك مجبورين عليهة بس هية كلش تحبهم رغم هيج يعاملوهة ....ورة شوي امي راحت للمطبخ وصاحتلي جانت دتحضر الريوك ورحتلهة...

فرحة☆☆ نعم ماما

ام غسان☆☆ جيبي الدرهمين يمة انطينياهن بسرعه

فرحة☆☆😨 ليش

ام غسان☆☆ لأنج بعدج ثولة متفتهمين وتضيعيهن... هاي درهمين شنو عبالج قليلة يلة بلا لغوة وطلعيهن بسرعه

فرحة☆☆ خنزرت عليه وفتحت عينهة كلش. خفت منهة وانطيتهة الدرهمين واني عيني

عليهن ومقهورة اكلهة هاي عيديتي اريدهة😢 رأسا شالتهن ونطتهن لرباب

ام غسان☆☆ هاج رباب حطيهن وية فلوسج يمه انتي معتبره ميضيع شي منج.. وانداريت

على فرحة.. لج انتي غضب.. بالج وياج تحجين لمجيد ترة اموتج وادفنج بالبستان افتهمتي

فرحه☆☆ 😨 ضليت ساكته واخاف احجي... اخذت الفلوس رباب ونضرتلي بنضرة مكر

وضحكة استهزاء وراحت... حطت امي الريوك واتريكنه خلصنه وكملنه وكمنه... وراسا الباب

اندكت وطلع بابا مجيد جاينه ديعاد ابوي مكي طلعت ارركض عليه حضنته وعايدني وبوسني

مجيد☆☆ فديت بنيتي الاميرة الحلوة لج شنو هذا النفنوف يخبل عليج ماشالله طالعه كمر

فرحه☆☆ 😀 والله بابا صدك يعني حلوة طالعه اني 😍

مجيد☆☆ اذا بنتي الكمر مو حلوة لعد منو الحلووو شو دتعالي وكعدت بالحوش وكعدت

فرحة يمي.... مديت ايدي بجيبي وطلعت ربع دينار وانطيتهة العيدية

فرحة☆☆ 😗 حبيبي بابا شكرا..فرحت بالربع دينار مديت ايدي بجبي دة احطه ويةة
الدرهمين واتذكرت اخذوهن مني راسا انقهرت☹

مجيد☆☆ شبيج بابا اشو انكلب وجهج؟

فرحه☆☆ اتذكرت امي فضيلة من كلتلي اذا تحجين اموتج وادفنج بالبستان 😦 كلتلة مابية شي بابا.

مجيد☆☆ يلة طالما مابيج شي اني اروح.. فروحه باجر امر عليج اخذج تعايدين عمامج
اخوتي زين بابا عود اتحضري مو تعطليني

فرحة☆☆اخذني اليوم وياك وباجر همين ☹ ماريد ابقى هنا

مجيد☆☆ لا اليوم لاهل ابوج ميصير عيب لازم تروحين تعايدين عمامج...

وباجر ان شالله اخذج اني.... زين بنتي صيري قوية وعاقلة ومؤدبة مثل ما علمتج ماما امينه

فرحه☆☆ قوية..☹ اي بابا حاضر

مجيد☆☆ عفية بنيتي وردة سباعية .. يلة بنتي اني رايح .. يلة خوية ابو غسان اترخص

ابو غسان☆☆ مرخوص خوية مية هلا بيك

فرحة☆☆ طلع بابا مجيد ورباب تباوعلي تك عين لأن بابا مجيد مانطاهة عيدية حطيت

ايدي على جيبي ولزمتة قوي خفت لا تاخذ فلوسي مرة لخ....ورة شوي اجتي امي فضيلة

ام غسان☆☆تعالي فرحة

شكد نطاج مجيد..

فرحه☆☆ ما انطي فلوسي هاي فلوس بابا مجيد ما انطيهة لأحد

رباب☆☆ شكد صايرة صلفةةة هاي يوم شوفيهة شلون ترد

ام غسان☆☆ لج جيبي العيدية لا اصفكج براشدي اخليج تتطشرين

فرحة☆☆ اجتي رباب تركض عليه واصرخ اااااااااااااااا

ابو غسان☆☆ جنت دة البس الجراوية وسمعت فرحه تصرخ طلعت اركض ما اندل دربي ... ولج هااا شبيج بوية احجي

فرحه☆☆ياابة اخذن عيديتي الي انطيتنياهة وهسة يريدن ياخذن عيدية بابا مجيد 😭

ابو غسان☆☆ شنو القصة فضيلة هاي عيدية تاخذيهة شنو ؟

ام غسان☆☆ لان بومة وثولة وتضيعهن هاي درهمين شكبرهن تخليهة بيد هالبومه

ابو غسان☆☆ عوفيهة فضيلة كافي خلي تضيعهن هذا عيد الله همين تسوين مشاكل بي ..التفت على رباب.. بنتي انطيهة الدرهمين مالتهة

رباب☆☆ ما انطي 😏

ابو غسان☆☆ بعد صارت الفلوس بيد رباب مستحيل تطلع.. يلة بابا فرحة ميخالف هية يم اختج قابل وين راحن

فرحه☆☆ ماريدهن خلي تاخذهن بس هاي فلوس بابا مجيد ما انطيهة لاحد وبعد اي فلوس ما انطي 😡

ابو غسان☆☆ لا هاي هية بعد مياخذون منج
...يلة اتحضرتو دنروح لبيت اخوي الجبير

ابو مشتاق صارلكم اكثر من سنتنين ما شايفيهم ولا رايحين واليوم عازمينه على الغدة يمهم اني وعمامكم الباقين

ام غسان☆☆ ماعدنه شي مترهمين وكلشي مخلصين ..

فرحة☆☆ اخذنه ابوية مكي لعمامي الكبار نعايدهم دخلنه وسلمنه وتعايدنه ونطوني عيديات عمامي🤗...

وكعدت مرت عمي الجبير ام مشتاق وام قاسم يسولفن بصوت عالي وية امي فضيلة والعالم كلهة كاعدة...

ام قاسم☆☆ شلونهة فرحة بالدراسة ام غسان يكولون شاطرة ماشالله.

ام غسان☆☆ يييمعودة طاح حظهة وحظ دراستهة ومدرستهة شمستفادة منهة ومن كتبهة

ام قاسم☆☆ كولي ياللله فضيلة هاي بمكان ماتشجعيهة ليش هيج تحجين ع الطفلة

ام غسان☆☆ احجي عليهة لأن غبية وج اتصوري يجي مجيد ابو احسان يكعد يدرسهة

ساعة.. ساعتين وهية بومه ولا ياخذ عقلهة تاخذ 8 لو 7 لو 9 هالثولة... على شنو بعد دتكمل دراستهة هية بس لواكه

ام قاسم☆☆ وشبيهة ال8 و9 واذا معاجبتج درسيهة انتي 😏

ام غسان☆☆😒 والله عندي شغل ومافاضية لهلكلاوات

ام قاسم☆☆ ههه هاا نسيت متعرفين تقرين وتكتبين انتي 🙄

ام غسان☆☆ همست شكد... حقيرة اني الج يالسودة ... درت وجهي وحجيت وية مرت حماية الثانية..

اوف يام مشتاق هالخطاطيب على رباب كومه زهكونه بعيشتنه يومية داكين الباب

ويتوسلون عليهة ونرفضهم.. ويردون يرجعون يخطبون مليت بعدهة ماصارت 14 سنه

والباب ميسكت من خطاطيبهة طابين وطالعين ويتوسلون بينه لعد من تكبر بالسلامهة شيسوون 😏

ام مشتاق☆☆ اذا خوش قسمه زوجيهة شتنتضرين.. مو دكولين رباب شاطرة ونادرة

ام بيت مينخاف عليهة زوجيهة شمستفادة من كعدتهة بالبيت؟

ام غسان☆☆ اي والله شاطرة ونادرة كل اصبع يشتغل شكل بس ابوهة ميقبل يزوجهة

يكول بعدهة زغيرة على الزواج.. بس وعيونج
انتي ادزهم على بنات ام قاسم اكولهم عدهة

بنات عمهة كبار بعمر الزواج بس ميقبلون يجون 😏 يريدون وحدة بجمال رباب بنتييي

ام قاسم☆☆ لا دزين بعد احد ام غسان محد كلج بناتي بايرات حتى ادزين خطاطيب بنتج..

البناتي... الحمد الله والشكر اشكال يتقدمولهن ونضرتلهة باستهزاء.. خوبن ضميهم لبنتج فرحه الزغيرة كلهة سنتين 3 وتكبر

ام غسان☆☆همست اوووف لو الله ماناطيني هالسودة خرب حظي هيج تالي يعيروني بيهة

الله ياخذج واخلص منج كلتلهة .. بعدهة زغيرة قابل الرجال ينتضرهة تكبر 😒

ام قاسم☆☆ ههههههههههه خاف لأن سويدة ميردوهة 😂

ام غسان☆☆ همست 😒 يا ام العوانس هيج تحجين بسيطة.. ههه هية بس سويدة وحدة

عندي نكربسهة براس ياهو الجان بس المصيبة على الخلفتهة كلهة سويدات شراح تسوي هالمكرودة😏

ام قاسم☆☆ المن تقصدين؟

ام مشتاق ☆☆ كولن يالله وبطلن هالحجي يمعودات هذا اول ايام العيد واحنه خوات

عيب ميصير هيج استهدو بالرحمن.. والتفتت على البنات الصغار بنت ام غسان وبنات ام
قاسم وكلتلهم...

شو.. يلة كومن وياية حبابات دنحضر الغدة استوى.. الزلم جاعو يلة يمه رباب تعالي وياية يلة بنياتي...

فرحة☆☆ 😔 كل هالحجي صار كدامي... وضليت كاعدة ومقهورة من امي لأن حجت

عليه وانطت بية كدام كرايبنه... من ضوجتي وقهرتي طلعت بالحوش شفت الجهال ملتمين

ولد وبنات عمومتي يلعبون ويمكزون جانو كلش هواي بيهم كباار وبيهم بكدي واصغر مني..

اتعرفت على بنات عمامي وكمت العب وياهن ماجنت اعرفهن قبل ولا هنة يعرفني لأن من

جنت يم ماما امينه مارحت الهم ابد ومن توفت ماما ضلت امي فضيلة حزينه ومتقبل تطلع لاحد ..

وحتى عمامي من يجونه ميجون كلهم يجون بس الكبار فما جنت اعرف بنات عمي ضلينه

نلعب هواي ونهوس بالحوش وبعدين طلعنه اشترينه من الدكان القريب عن بيت عمي

ورجعنه..اشو شفتهم حبابين مو مثل ماتحجي امي فضيلة دكول عليهم مو خوش وميحبونه وميردولنه الخير ...

رباب☆☆ كمت وية عمتي ام مشتاق للمطبخ اساعدهة وية باقي بنات عمي دخلت وبديت

اخذ المواعين من مرت عم

ي واحطهن بالصينية ويجون الولد يشيلوهن ..وبنات عمي

ماطايقاتني وميباوعن بوجهي 😂 واني اتعمد كدامهن اتنزك اكثر وافر بشعري واسبل

بعيوني وابتسم ابتسامه خفيفة وية زوجه عمي😏 وامي... وكفت يم جدر التمن جان

جبير كلش ومن فتحناه كب البخار الدافي مالته بوجهي وصار وجهي وخدودي وردي على احمر.... امي رأسا ضحكت واتباهت بية

ام غسان☆☆ شوف رباب ميلوكلهة الحر سودة عليه مكانهة مو هنا هاي تعيش برة يم الاجانب تتوالم وياهم هناك هههههههههه

ام مشتاق☆☆ ههه الله يحفظهة الكم ام غسان

رباب☆☆ راسا ضحكت امي بس مرت عمي ام مشتاق ضحكت حتى تجاملهة مو اكثر

واني ضحكت وسويت نفسي خجلانه☺ من كلام امي 😉... اما بنات عمومتي وعماتي

هيج يباوعون عليه 😡.. واني ميته ضحك عليهم ..كملنه اول صينية ودنحضر الثانية

ودنكت دة احط المواعين بالصينيه وشعري انثر على ضهري ...

رأسا حجت عليه بنت عمي ابو قاسم اسمهة فوزية ..

فوزية☆☆ ترة اليدخل للمطبخ لازم يشد شعرة مو يبقي مفتوح شهاللعبان النفس

رباب☆☆ 😏 والله يعجبني افتح شعري واذا ماعاجبج وخايفة يوكع شعر بالاكل تعالي انتي اشتغلي بمكاني... عفتهة ومشيت

فوزية☆☆ احجي مثل الاوادم ولا تشيلين خشمج اشايفة نفسج انتي

ام غسان☆☆ يحگلهة تشيل خشمهة منو بحسنهة وجمالهة 😏

رباب☆☆ دة اطلع من باب المطبخ وحجت فوزية وجاوبتهة امي.. انداريت على امي

وكلتلة عوفيهة يمة عوفيهة وضحكت ضحكة استهزاء والتفتت دة اطلع باثناء التفاتي

طلع كدامي ولد شاب وراسا اصطدمت بي اتاذت ايدي وضجت كلش وكلتلة ..

شبيك متباوع انتبه على طريقك.... ورفعت حاجبي ومشيت... ماعرفت منو هذا الولد هوة

شوي اطول مني وضعيف...اسمر وشعرة اسود وعندة شوارب

مشتاق☆☆ صارلي فترة طويلة ماشايف بيت عمي مكي ابو غسان تقريبا اكثر من سنتين ..

جنت اعرف عدهم بنية شكرة تشبه بيبية ابوية الله يرحمه نسخة منهة بس شايفهة هية

وطفلة ماشايفهة من كبرت...صاحولي بالمطبخ حتى اخذ مواعين الغدة.. دخلت شفت بنية

شكرة شعرهة طويل وبي كسرة كلش حلو دمتشي واستدارت والتف شعرهة وياهة

واتناثر على وجهي واصطدمت بيه ..شافت
عليه بتك عين ..وحجت وياية بتعالي وتكبر

ومشت.. و اتنرفزت كلش من هيج حجت وياية ...رأسا جريتهة من ايدهة

و_________😡؟


يتبع،،،،،،،،،،،،،⚘

#ارحام_متناثرة 9.

البارت التاسع⚘⚘⚘⚘بقلم فينوس آرام

مشتاق☆☆ صارلي فترة طويلة ماشايف بيت عمي مكي ابو غسان تقريبا اكثر من سنتين ..

جنت اعرف عدهم بنية شكرة يكولون تشبه بيبية ابوية الله يرحمه نسخة منهة...

بس شايفهة هية وبعدهة طفلة ماشايفهة من كبرت....صاحولي بالمطبخ حتى اخذ مواعين الغدة..

دخلت شفت بنية شكرة شعرهة طويل وبي كسرة متموج ويخبل دتمشي ودايرة وجههة

وتحجي راسا استدارت والتف شعرهة وياهة واتناثر على وجهي.. واصطدمت بيه وباوعتلي بتك عين وحجت وياية بتكبر ومشت...

اتنرفزت كلش من هيج حجت وياية ...رأسا جريتهة من ايدهة ورفعتلهة حاجبي وكلتلهة...

وثول.. احجي عدل😡 هوة منو اللازم ينتبه؟

رباب☆☆ لزم ايدي وحجة هالكلمتين وياية استغربت... نفضت ايدي من ايدة وكلتلة
..وخر عني انت منو حتى هيج تحجي وياية

مشتاق ☆☆ اني من شفتهة عرفتهة هاي بنت عمي مكي لان ماعدنه غيرهة شكرهة بالعائلة

بس لبستهة ماكلتلهة اني منوكلتلهة.. سالي ابوج ويكلج اني منو.

ام غسان☆☆ شفته لأبن ام مشتاق شلون يباوع على رباب وشلون جر ايدهة وحجة

وياهة وهية كلشي ممسويتله وتالي سألته رباب انت منو وهو ماجاوبهة عاد اني جاوبتهة
هذا مشتاق ابن عمج محمد يمه 😒

رباب☆☆ باوعتلة تك عين وعابسة وجهي ومشيت وعفته

مشتاق☆☆ اتضايقت من تصرفاتهة وباوعت لامي وكلتلهة.... والله لو ما عمي مكي واكف

بعيني لا افر راسهة براشدي اخليهة تعرف شلون تباوع عدل

ام غسان☆☆ تضرب منو ياعمة😳 ؟ صدك انتة متستحي مو اني كاعدة هنا كدامك ماوكفت بعينك؟

وباوعت لأم مشتاق.... مو خابصتنه ولدي احسن تربية واحسن اخلاق هية هاي تربيتج😒 هيج يحجي كدامي لا احترام ولاتقدير

مشتاق☆☆ ليش شبيهة تربيتي مرت عمي؟

ام مشتاق☆☆ اسكت ابني اني اردهة... التفتت عليهة وحجيت وياهة بنبرة حادى شوي...

اذا على الاحترام والتقدير فہ شوفي تصرفات بنتج واذا على تربيتي فہ اني واثقة منهة يا ام

غسان الحمد لله والشكر الدنية كلهة تمدح بولدي واخلاقهم ....وماراح ارد عليج اكثر من

هيج.. بس اخذيهة كلمه مني يافضيلة لا تدخلين بين البزرة هذول يتعاركون ويرجعون

يتصافون ورة ربع ساعه وتالي احنه نطلع بصخام الوجه..

ام غسان☆☆ 😒 همست مابقى(عليه غير وسخ رجلية ) عود دتعلمني شلون اتصرف

والله يالله حجيت بصوت عالي..
شنحجي بعد لا عتب على البنيات اذا حتى

الولد يغارون من جمالهة.. سودة عليه بنيتي مصيبوه بعين من ورة حسنهة.

مشتاق☆☆ سمعتهة هيج تحجي مرت عمي صدك ضحكت شهالعقلية اني زلمه مشورب

شطولني شعرضني عمري 21 سنه اغار من بنية😐 لاصدك خزي اذا هيج تفكر هالمرة

سكتت عنهة شسويلهة الكلام وياهة عقيم وميفيد.. تركتهة احتراما لعمي... دنكت اخذت الصينية ومشيت ... بس ضل حسنهة بين عيوني وابالي..

رغم جمالهة اليسلب العقل بس السانهة الطويل وغرورهة وتكبرهة مضيع كل حسنهة.... نصبنه

الغدة وكعدنه احنه الزلم وتغدينه وكملنه وصار حجي بين عمامي وابوية

ابو قاسم☆☆ شرايكم نروح زيارة للأئمه هاي الجمعه ؟

ابو غسان☆☆ هههههه شنو هاي راضي شجاب هالفكرة ابالك ؟ بس والله يعني تريد الصدك هية فكرة حلوة

ابو قاسم☆☆ احنه عائلة وخوان ومافد يوم طلعنه طلعة سوية خلونه نروح نزور مادام هسة بدت العطلة مالت الجهال نستغلهة

ابو مشتاق ☆☆ والله اني عاجبني اروح للبصرة اريد اخذ هالجوق الموسيقي واروح...

لصديقي عندة كاع وباني بيهة بيت للضيوف وكل ما يجي يحلفني جيب اهلك وتعال بس

والله غير الصدك هناك جنه الله على الارض تخبل اليروحلهة مرة ميعوفهة بعد

ابو قاسم☆☆ اي والله خوية تخبل البصرة فينيسيا العرب يسموهة خضار ومي وحدايق وبساتين وكورنيشات ..تخلي العليل يصحة .

ابو غسان☆☆ هههههههههههه واحد متدين والثاني فالتون ارسولكم على بر وين تروحون دين لو دنية

ابو قاسم☆☆ طالما هيج ناخذ الجنوب مقطوعه نطلع كربلا ونجف وننزل للجنوب ونروح للبصرة

ابو غسان☆☆ وهاي😨 شكد يرادلنه مصرف وتكاليف.. كل واحد عائلته شكبرهة يراد كومه فلوس وانتو تعرفون وضعي هاليومين مو تمام

ابو مشتاق☆☆ احنه خوان ونتعاون بينه هية سفرة عائلية ونريدهة من العمر.....نتونس

ونترفه هيج طلعات تغير المزاج وبعدين البيت موجود يعني لا نحير بفندق ولا طلابته.. والله

ياخوية نحتاج هيج ونسة لأن طلعت روحنه جبناهة ثورات بأنقلابات ومشاركات بحروب

وية دول الجوار وشمستفادين من هالبلاوي بس الشيب والطيحان حظ وكصر العمر

ابو غسان☆☆ اي والله لاعاب حلكك

ابو قاسم☆☆ ها يعني متفقين ؟

ابو غسان☆☆ وهاي ياسيارة التلمنه احنه ومكاميعنه😑؟

ابو مشتاق ☆☆ خوية شبيك سيارات مكومه نأجر سيارة جبيرة تكفيكم وسيارتي بيهة

عائلتي ونروح وتتوزع على الروس الكروة والميكدر على كروته نعينه بيناته بين ما الله يسهلة عليه

ابو غسان☆☆ يلة على بركه الله....خلينه نغير جو نشوف دنية

ابو مشتاق☆☆ خوش..الجمعه الجاية نروح حضرو نفسكم نبقى فد اسبوعين ونرجع...

مو تخبصونه هناك كلمن يضب مرته و

جهاله نريد نتونس مو نكضيهة فشار وكتل ولعبان نفس وفلانه زعلت وفلانه تكافشت وية فلانه .

ابو قاسم☆☆😂 خوية نسوانه.. خواتك وانت جبيرنه ومخول ترزلهن وتحجي عليهن وشتريد تسوي سوي

ابو غسان☆☆ تمون علينه خوية ابو مشتاق

ابو مشتاق☆☆ لا ارزل ولا اضبهن انتو كل واحد اطول مني وشاربكم نازل للكاع عود اني

جبيركم عمي اضيع بينكم فہ الافضل كلمن يلزم حرمته ويفضهة... هوووف بويةةة مشتاك

لشط العرب وللكورنيشات وللخضار والزرع ومشتاك للشختورة مشتاك للبساتين.... مشتاك لكلشي هناك.

ابو غسان☆☆ 😐 شعندك هناك ابو مشتاق اشتو تحجي وتتحلم بالبصرة اخاف مشتاك للكيف والشرب

ابو مشتاق☆☆ يعني لازم عندي نسوان هناك حتى اشتاك عمي الحياة بلا نسوان جنه

وبعدين اذا ع الكيف هذا بكل مكان منتشر موشرط نروح للبصرة وندورة 😂 هههههههههه

مشتاق☆☆همست لأخوية ليث..😐 ولك حسبة ابوك مو خالية اشو يسولف بالبصرة ويتحلم بيهة بس لاعندة ولف هناك...

خطية ليث كلش على نياته وبسرعه يصدك من احجي وياه 😁....

ليث☆☆ 😦ها.. صدك والله كلشي يصير خلي نسأله ونشوف شيكول

مشتاق☆☆ 😐ولك شنسال ليش ماتسكت احسنلك تريدنه ننطرد منا... بس هوة موصوجك صوجي اني الحجيت وياك.....

رباب☆☆ مر الوكت واني اتضجور من الكعدة مليت كل الي بعمري ميجن يمي ولاىيسولفن

وياية واني ما احب اروح يمهن اوع هنة يجن انس ماروح.. سمعت صوت فرحه برة طلعت

شفتهة طالعه وتلعب وية بنات عمي.. واني مصفطه وكاعدة ....اووف جيناهم من الصبح

وهسة صار العصر طلعت روحي كل حركه اتحركهة امي تهمسلي اكعدي لاتسوين هيج لو

تغمزلي لو مدري شسوي تالي طكت روحي وهمست... شبيج يمة مو طلعتي روحي شتريدين

ام غسان☆☆ همست وعيني طايرة على نسوان حمويني... اهجعي بمكانج لا تبقين

تتحركين اريدهن يتخبلن عليج ثكلي شوي وكافي حركه منا ومنا

رباب☆☆ عود ليش؟

ام غسان☆☆ بالبيت احجيلج هسة اسمعي كلامي مبقى شي ونرجع

رباب☆☆ 😧 امري لألله اباوع .....على بنات عمومتي اوع شحالهن سودات يخرعن ويخزن

وهنة فاكات عيونهن عليه ويباوعن لحسني وجمالي.. 😏ههههه شحلاتني عيوني ورسم

وجهي وبياضي وشكاري وشعري كاملة ماناقصني شي 😍.. وكل شوي اسويلي حركه

حتى اضوجهن بيهة مثلا اگلب بشعري لو ارمش بعيني لو افرك خدودي وشفايفي حتى

يصيرن ورديات..... وامي ماقصرت كل شوي وتذبلهة حجاية يم نسوان عمومتي فلان خطبهة وفلانه تخبلت عليهة😂

فرحه☆☆ جان هذا اليوم كلش حلو شبعت لعب بيه وية بنات عمي ماحسيت بغربه ولا

حسيتهن يكرهني مثل ما امي فضيلة علمتنه بالعكس حبينه بعض ولعبنة سوية جان يوم

مميز بحياتي اول مرة بعد وفاة امي امينه اضحك والعب بهالشكل

مشتاق☆☆ صار العصر وعمامي كاعدين ويسولفون واحنه نستمع.. ورة شوي عمي ابو

غسان اترخص من ابوية يريد يروح وكالي صيح الجماعه بوية دنروح ..كلتلة صار عمي ..

تمشيت وصلت للغرفة البيهة النسوان وشفت
رباب تضوي من بعيد بعدهة صغيرة وزاهيتلهة الدنية وتلعب بشعرهة...

وكفت برة بالحوش يم الدرج وعيني عليهة ماشلتهة اراقب حركاتهة ... يا الله حتى من

تتنفس بغرور شنو هالبشر .. بس والله يحقلهة تنغر حلوة وحسنهة ضاوي... استغفر الله

شبيك يويل مشتاق هاي تاليتك ..اني واحجي وية روحي عمي صاح وينكم يااااجماعه ..

رأسا فزيت ورحت اركض لغرفة النسوان ...
عمي مكي يكول يلة دتروحون...

ام غسان☆☆ شفت مشتاق اجة ويحجي وياية ولاجن صاير شي الضهرية.. ضحكت

وكلت درب الجلب على الكصاب كلتلة...كلة اي هسة نجي.. دغيت رباب كلتلة شفتي وغمزتلهة وابتسمت

رباب☆☆ جنت كاعدة واتصفن على الحياطين من الضوجة .. شوي واجه ابن عمي

محمد هذا المكروه اسمه مشتاق يكول ابوية يريدنه ..رأسا امي دغتني وكلتلي شفتي

جاوبتهة... اوع وشنو يعني ...عدلنه ملابسنه ولبست امي عبايتهة وطلعنه.. من دنطلع

بوسوني عمامي ويجرون بخدودي ويكولولي انتي نسخة من بيبيتنه همين جانت هيج

حسن وحلوة مثلج.... همة يحجون واني انتعششش احس روحي اتفوقت على بنات

عمي بجمالي 😍 شعور لايووصف ابداااا بهالاثناء استرق لنضر لمشتاق انتبهت عليه ..

يسوي نفسة ميشوف عليه بس هوة من جوة لجوة يباوع .. عباله ما ادري.. تالي خزرته

بنضرة ورفعت تك حاجب وتركتة ومشيت
.طلعنه ورجعنه للبيت وعرفنه ابوية

يريد ياخذنه سفرة لهواي مناطق وية بيت عمومتي يبوو ردت انجلط من الفرحة وكمت

احسب يوم يوم على جية الجمعه ...صار ثاني يوم وسالت امي.. يمة من شنو تريدين نسوان

عمامي يتخبلن؟ امس خبلتيني لا تخليني اكوم ولا تخليني اتحرك

ام غسان☆☆ لج يالثولة اخاف عليج من عيونهم لان عيونهم تحرك حرك بالمكان...

شفتيهن شلون مفلفلات من حسنج وجمالج لج حيتخبلن منج بودهن تسويلج شغلة حتى

يتكابلن عليج ويضربنج.. اعرفهن تعلميني بيهن همجيات ويغارن.. ولج مني جانن يغارن
عاد منج ميغارن

رباب☆☆ من شنو يغارن منج يمه 😐

ام غسان☆☆ 😒 لاتشوفيني هسة هيج حالي اني بشبابي اخبل.. وبعدين يحسدوني على ابوج

لان خوش رجال وهنة زلمهن زباله اليشرب والي مكعدهة ابيت ايجار.. من هاي السوالف

يغارن مني 😏.. وبعدين يالعوبة خليتج كاعدة يمي حتى يكولون شوف شوووف رباب

بنت فضيلة شلون حسن وجمال وفوكاهة ثكيلة ورزنه وعاقلة معدلة لج شفتي ابن عمج

شلون كام يلوب من شافج ضل مثل الجلب رايح راد بس يتمنى نضرة منج

رباب☆☆ ايع هذا شنو اباوع عليه شايف نفسه فد نمونه والله يا الله شلون جر ايدي الحقير..

ام غسان ☆☆ وهوووة منوو الينطيج الهم... بس السمعه الحلوة اطش بالولاية يمة

افتهمتي لو بعد؟..هسة شوفيلي هاي مكصوفة العمر وينهة خلي تجيني

رباب☆☆ تقصدين فرحة

ام غسان☆☆ اي غمة اكو غيرهة بهالبيت صيحيهة خلي تجي

رباب☆☆ طلعت وكفت بالحوش وصحت لفرحه جانت فوك السطح...فرررحة فرحةةةة تعالي امي تريدج..

فرحة☆☆ جنت اشر هدوم فوك السطح وصاحتلي رباب نزلت اركض.. ها رباب كلتلي تعالي امي تريدج...دخلت شفت امي بالمطبخ..
نعم يمه

ام غسان☆☆ وين العيديات لج بومه؟

فرحه☆☆ مالت منو

ام غسان☆☆ لاتتغابين امس نطوج عيديات كووم كوم وينهن

فرحه☆☆ ضميتهن

ام غسان☆☆ اي عفية روحي طلعيهن ويجيبهن

فرحه☆☆ ما انطي عيدياتي هذني مالاتي... رأسا جرتني من شعري وضربتني راشدي

ام غسان☆☆ امشيييييي طلعيهننن لا اطلع عيووووونج من مكانهن ادبسززززززززز ....
وشمرتهة من ايدي للحايط...

فرحه☆☆ جرتني من شعري وضربتني ودفعتني على الحايط بهذه اللحظة ماحسيت على شي

رباب☆☆ عزةةةةةةة يمةةة شسويتي ركضت عليهة واجر بيهة فرحةةة فرحةةةة

ولج كومي حبيبي ولج فرحةة واضرب بيهة على خدهة

ام غسان☆☆ انصدمت من شفتهة واكعه ومتتحرك جمدت بمكاني ..ولج رباب شبيهة

رباب☆☆ انتي تسأليني تعااالي يمةة شوفيهة شبيهة.. ولج فرحةة كومي حبيبتي وج والله

بعد ماغار منج بس كومي فرحةةة ردي عليه فرحة واهز بيهة واضرب وجهة.. وعيوني تكت دمع عليهة

ام غسان☆☆ اتقربت عليه شفتهة تتنفس وحركت حواجبهة شوي بس جانت مفشوخة

براسهة ( جرح بالراس) وصاير الجرح بين شعرهة شفت لون شعرهة متغير وعرفت

جريتهة وشلتهة من جسمهة ورباب رفعت راسهة وعاطت

رباب☆☆ اااااااااااا ددمممم يووووم دممم هذااا ..وج فرحه ماتت لاتموتين فرحةة

ام غسان☆☆ لااااتصرخين هذا فشخ بالراس دتنفس مبيهة شي لاتصدعيني اوكفيييي

شلتهة وحطيتهة على الفراش..كعدت وفتحت عينهة ورأسا بجت وصيحت اريد بابا مجيد ..

واتذكرت اليوم ثاني يوم العيد ياعزة حيجي مجيد ياخذهة تعايد اخوته عزة العزاج فضيلة

شراح يخلصج من لسانه ..يلة كومي فرحة ابوج راح يجي عليج ياخذج يلة كومي حبابة

رباب☆☆ متاذية من شي فرحة اكو شي يوجعج حبيبتي انتي دتشوفني؟

فرحه☆☆ اشوف امي مصدوعه واول مرة دكولي حبابة ..ورباب تبجي وتحجي وياية...

اول مرة احس بحنية اختي رباب عليه.. ما ادري افرح ما ادري ابجي من وجع راسي..

سالتني رباب بيج شي.. مكدرت اجاوبهة من وجع راسي حطيت ايدي على شعري

حسيت اكو شي لزج بأيدي جريت ايدي وشفت دم وتذكرت دم امي امينه على وجهة

من نسحكت وعبالي راح اموت مثل امي وبديت ابجي واصرخ بعالي صوتي ااااااااااااااااااا

رباب☆☆ لاتخافين حبيبتي لاااا تخافين اهدي مابيج شوي والله التفتت على امي وج

يمه اشو عايفتهة شبيج تعالي سكتيهة احجي وياهة ما دعرف شسويله

ام غسان☆☆ كاااااافي بسسسسس شنو هالعيااارة وكعتي وشوي انفشختي براسج

قابل متي شبعنه وكعات وفشخات براسنه وكبرنه ومصار بينه شي

فرحة☆☆ صرخت بية امي فضيلة سكتت من خوفي وماحجيت بعد.....بعدين كومتني

رباب وغسلتلي وداوت الجرح البراسي وبدلت ملابسي وكلتلي كعدي هنا... كعدت واني

انتضر ابوية مجيد شوكت يجي صارت ساعه فوك ال10 الصبح وبعدة ما اجه كلي ياخذني

لبيت عمامي اخوته....اريد يجي حتى اشكيلة من امي وعمايلهة 😭

ام غسان☆☆ دخلت الغرفة وشفتهة تبجي..
شوفي يالحيوانه هذا جزاااات الميسمع كلام

امه.. لو من البداية سامعه كلامي وجايبتلي فلوس العيدية وناطيتنياهن ماجان هنتج وضربتج ولا جان تاذيتي

رباب☆☆ يمة صدك تحجين انتي؟ عوفيهة البنية انفشخت براسهة ياعيدية ياصخام عوفيهة لخاطر الله

ام غسان☆☆ اسمعي من يجي مجيد بااااالج وياج تحجين كلمه كوليلة اتكربست من

الدرج ووكعت افتهمتي.. لا والله العظيم اكطعج من الكتل واحرمج منه...هووو خلك

رجل اختي ومااتت الله يرحمهة يعني بعد ماعندة شي يمي... افتهمتي شحجيت لولاااا

فرحة☆☆😨 اي..... ضليت مرتبكه وخايفة لاصدك تسويهة وتحرمني من بابا مجيد....

ورة ربع ساعه اندكت الباب واجى بابا مجيد ركضت عليه ركضض وحضنته بكل قووتي وبجيت

مجيد☆☆ رحت اجيب فرحة ودخلت للحوش ركضت عليه وحضنتني وانتبهت. اها

اشو راسهة ملفوف 😳 شبيج بابا ليش راسج ملفوف شصاير بنيتي احجي

فرحه☆☆ وكعتي من الدرج واتكربستي افتهمتي لو لا😭

مجيد☆☆ شنو افتهمتي لو لا؟ احجيلي بابا انتي متكذبين على ابوج مو صحيح

فرحة☆☆ اخذني بابا مو كلتلي اخذج لعمامج يلة كوم اخذني يلة خلي نروح.. واجر بايدة

مجيد

☆☆ شلون اخذج وانتي هيج راسج ولج فهميني شصاير .

فرحة☆☆ ضليت ساكته وعيوني تلمع من الدموع ☹ اخاف احجي اخاف لاصدك

فضيلة تحرمني من بابا مجيد.. اخذني بابا خلي نروح

رباب☆☆ اجيت شفت عمو مجيد لازم فرحه وهي تبجي بسكوت بس عيون تدمع راسا

سلمت عليه وعايدتة وسلم عليه وكلتلة... عمو فرحة وكعت من الدرج مابيهة شي لاتخاف

مجيد☆☆ شلون وكعت؟ قابل اول مرة تصعد درج

رباب☆☆ خجلت منه ... لا عمو بس جانت شايلة الهدوم دتشرهن وثكيلات ومسيطرت ووكعت

مجيد☆☆ انهد حيلي من هيج حجت رباب كعدت بالحوش كلتلة....بنتي رباب هاي اخيتج

وبعدهة صغيرة مو حمل ثكل. ترة عمرهة 10 سنين والله.. زين منهة وشايلة نفسهة شغلوهة

وياكم بالبيت حلوة المساعدة بينكم وعلمود تطلع ام بيت معدلةمثلج.. بس مو تشيلوهة

ثكل بنتي انتي اختهة الجبيرة يعني امهة الثانية لازم تحنين عليهة وداريهة.. وشكد

عندج هية بس هالوحدة قابل 10 حتى تضوجين منهة.. لازم تحبون بعض يا بابا اذا

فد يوم وحدة من عدجن اتأذت الثانية تسندهة الخوات بينهن محنه اكثر من

الصديقات يصيرن لان من نفس الدم ومن نفس الرحم ..فهمتي بنتي هاي من اليوم امانه عندج ..

انتي اختهة الجبيرة أئمنهة يمج لأن امج كبرت وبعد ومبيهة حيل.. وابوج بالشغل ملتهي فہ

انتي لازم تكونين جبيرتهة وتعلميهة الصح من الغلط وديرين بالج عليهة مو صحيح بنتي .

رباب☆☆ عمو مجيد حجة وياية حجي ماسامعته لا من امي ولا من ابوية حسيت

بنفسي شكد مقصرة وية اختي خصوصا اني اكبر منهة عمري هسة حيصير 14 وهية

ستوهة 10 سنين كلتلة حاضر عمو والله اني احب اختي ما اكرهة... بوسني وكلي عفية

ببنيتي الحبابة وانطاني نص دينار كلي هاي الج ولفرحة اشترو بيهن .. طرت من الفرح

بويةةة نص دينار شكبرهةةةة😎.... وكلهة لفرحة من يطيب جرحج اخذج خليهة غير يوم هسة ارتاحي

⚘مرت الايام وصار يوم الجمعه .. لبست نفنوف احمر نص ردن... وشلت شعري بفيونكه

حمرة وبيضة ونزلت كذلة برجم خفيفة ولبست صندل فلات واخذنه جنطة بيهة

ملابسنه وفرحة همين لبست نفوف العيد مالتهة ...وامي اخذت اكل واخذت الفلوس

الجانت تبوكهن 😂 من شغل اخوتي صارلهة كومه تجمع بيهن جنة كلش فرحانين

ومتحمسين للطلعه ...وصلو بيت عمامي بسيارتين وحدة باص مصلحة والثانية سيارة عمي ابو مشتاق صغيرة ..

شفت الباص لو مدري شصار بية.. من اني وطفلة اتمنيت اصعدهة واخيرا حتتحقق

امنيتي واصعدهةة 😍 يوووو رحت اركض مثل الطفلة فتحت

الباب دة اصعد وصار بوجهي مشتاق ______😐؟

يتبع،،،،،،،،،،،،،⚘

الصابون المغربي 🧼

فائدتة: يزيل الجلد الميت من الجسم
اوقات الاستخدام: مرتين في الأسبوع
السعر : هذا الحجم ١٠-١٢ الف حسب الكوزمتك

طريقة الاستخدام :
غسل الجسم بماء دافئ
بعدها اخذ كمية مناسبه و عمل رغوة ع كامل الجسم يترك لمدة من ١٥-٣٠ دقيقه بعدها نشطف الجسم بالمي الدافئ و تنشيفة عن الماء بعدها نستخدم الليفة المغربية السوداء و اذا ممتوفرة اي ليفة تكون ع شكل كف و يكون ملمسها خشن يفرك كل الجسم بحركات دائرية
حتشوفون كمية الجلد الميت الي حيطلع الكم 😑
رح تحسين عبالك اصلاً ممقشرة الجسم ابد

بعدها نشطف الجسم بمي بارد حتى نمنع التهيج الجلدي و نغلق المسام

بعدها شرط أساسي الترطيب لتقشرون اذا مترطبون لان التقشير وحده وهاملة الترطيب..رح يسوي جفاف بالبشرة وتجاعيد ومن كثرة الجفاف يسوي سمار..فلازم ترطيب الجسم🥰


بدون حذف الحقوق❌

#اعادة_توجيـهہ_لصديقتج
#ملوكه
@stylegrils

💛🌱💭

هل تؤمن برسائل الله لك ؟
📮هذه رسالتك اليوم :
سيجلب الله بعد هذا البُعد ، قرباً دائماً .

💛🌱💭
#مساء_الخير

يسعد أوقاتكم بكل الخير
#الابراج_اليومية الاثنين 16 تشرين الثاني (نوفمبر) 2020

#الحمل
مهنياً: تتطور الأمور إيجابياً لمصلحتك وترفع من معنوياتك لتُقبل على الأعمال بحماسة كبيرة
عاطفياً: سعادة كبيرة وبحث عن آفاق جديدة، وهذا له انعكاسات إيجابية تساعدك لتطوير العلاقة مع الشريك
صحياً: تبتسم لك الصحة، وتشعر براحة كبيرة وبسعادة تخفف التشنجات
#الثور
مهنياً: تنشط كثيراً هذا اليوم على مستوى الاتصالات وتبادل المعلومات، وتقوم بعمل مشترك ومثمر مع أحد الزملا
عاطفياً: يحمل إليك هذا اليوم وضعاً عاطفياً مرضياً، فتسيطر على انفعالاتك وتبدو واثقاً بنفسك
صحياً: بدأت تدرك أهمية الانتباه إلى نوعية أكلك، وهذا ما انعكس إيجاباً على صحتك
#الجوزاء
مهنياً: إذا لم تأخذ الاحتياطات الكاملة لمواجهة الامور بموضوعية وتعقل فقد لا تجتاز الامتحان بنجاح
عاطفياً: إرضاء الشريك أصبح ضرورياً إذا كنت مهتماً به، وكل ما عدا ذلك يُفهم على أنك لا تكترث لأمره
صحياً: الوهن الذي أصابك في المدة الأخيرة بدأت عوارضه تخف، وها أنت تستعيد عافيتك
#السرطان
مهنياً: تردّدات الأمور العالقة ترخي بظلالها على وضعك العملي، وهذا لن يدوم طويلاً، فالاستقرار يعود تدريجياً
عاطفياً: من الأفضل أن لا تكون متحفّظاً مع الشريك، فهو قد يحاسبك على أبسط الأمور
صحياً: بادر إلى القيام بحركة شبه يومية تعود عليك بالفائدة وتنشط دورتك الدموية
#الاسد
مهنياً: تزهو مواهبك وتشرق تحت تاثير القمر من برج القوس ، ويكتشف لديك أحد الأشخاص المعنيين ميزة أو قدرة لم يكن أحد حتى أنت على علم بها.
عاطفياً: إحذر الغيرة الشديدة والتملكية، ولا تنقل هواجسك وشكوكك الى الحبيب حتى لو تفاقم الوضع
صحياً: يمكنك ممارسة الرياضة بمفردك وبحرية، وممارسة رياضة المشي من أفضل الرياضات بالنسبة إليك
#العذراء
مهنياً: تتخلص من عمليات التسويف والتأخير لكنك لن تفقد أعصابك وسيطرتك على الأمور، وتتسلم قيادة الدفة مجدداً
عاطفياً: إذا حظيت بالدعم المطلوب من الشريك تحقق انطلاقة ثابتة وناجحة معه، وتكون المرحلة المقبلة مشرقة جداً
صحياً: قد تلازم الفراش يومين أو ثلاثة بناء على نصيحة الطبيب للتخلص من الإرهاق
#الميزان
مهنياً: تخطو اليوم خطوة جديدة نحو نجاحات مهنية قد تساعدك على تطوير قدراتك المهنية واحتلال منصب جديد يليق بك
عاطفياً: الفوارق بينك وبين الشريك تزداد اتساعاً، وهذا بات يحتاج إلى معالجة جذرية وسريعة
صحياً: لا تقلق على صحة الشريك، فهو بخير، بل انتبه إلى صحتك جيداً
#العقرب
مهنياً: تخوض هذا اليوم نقاشات مهمة جداً من أجل بلورة مشروع تحلم به منذ مدة وتعلق عليه آمالاً كبيرة
عاطفياً: تجتمع بالشريك لدرس بعض التفاصيل، هذا اليوم ملائم للاهتمام ببعض الشؤون العاطفية
صحياً: الراحة مطلوبة بشدة وضرورية هذا اليوم، وخصوصاً بعد الجهد الذي بذلته في الفترة الأخيرة
#القوس
مهنياً: تتوضح الصورة أمامك اليوم بفضل الزملاء الذين يكترثون لأمرك ويحيطونك بمحبتهم وتقديرهم الكبير لك
عاطفياً: مزاج الشريك في أفضل حالاته، فحاول أن تطرح معه كل الموضوعات التي تشغل بالك، فتجد الردود المناسبة
صحياً: استفد من هذا اليوم للقيام بمشاريع ترفيهية تفيدك صحياً ونفسياً
#الجدي
مهنياً: لا تكن جازماً في قراراتك، لأنّ بعضها قد يورّطك في مشاكل تعرف متى تبدأ لكنك لن تعرف متى تنتهي
عاطفياً: أفكار جديدة ورائعة يقترحها عليك الشريك، وتكون لها إيجابيات على المدى المنظور
صحياً: كلما أفرطت في التقاعس عن ممارسة الرياضة أفسحت في المجال أمام البدانة لتسيطر عليك
#الدلو
مهنياً: ترتاح تتنفس الصعداء وتتخلص من بعض العواقب والتحديات غير المتوقعة ومن القرارات العشوائية التي يحاول أحد الزملاء دفعك إليها
عاطفياً: لا تقدم على اتخاذ قراراتك في الشأن العاطفي قبل دراستها من مختلف جوانبها، ومعرفة ما تتركه من انعاكاسات
صحياً: تتابع بانتظام ممارسة التمارين الرياضية المطلوبة بغية تحسين وضع عمودك الفقري
#الحوت
مهنياً: تكثر الأعباء وتشعر بالتعب وتفقد الحماسة الكافية لانهاء أعمالك، كن دبلوماسياً وابتعد عن الارتباطات الجدية أو الالتزامات.
عاطفياً: مفاجآت سعيدة تطل برؤوسها في غضون أيام ولا سيما أن الأجواء صافية بينك وبين الشريك
صحياً: تتخلص من حالة نفسية قلقة وتعيش حالاً من الفرح والسعادة تترك ارتياحاً لديك