#ارحام_متناثرة

البارت السادس⚘⚘⚘⚘ بقلم Venus Aram

امينه☆☆ دخلت للمدرسة ولكيتهم مبقيهم بالصف ممخليهم يطلعون للساحة لان طين

اترخصت من المدير ورحت لصفهة شفتهة كاعدة برحلتهة وتلعب وية صديقتهة اترخصت

من معلمتهه واخذتهة دنرجع....اشتد المطر بالطريق وكمت كوة اشوف دربي..الشارع مبلط

بس صار طينه وزلك لان السيارات تحمل طين بتايراتهة حطيت فرحه جوة عباتي ومشيت

سريع وفجئة سمعت هورن وشفت سيارة كدامي..........😱 رأسا شمرت بنتي بعيد.. ااااااااااااااا💥

فرحة☆☆ اجتي امي عليه وطلعتني من المدرسة... جان الجو بارد ومطر هواي والكاع

طين..ولان مطر قوي امي دخلتني جوة العباية
حتى لا اتبلل اكثر واتمرض...جانت امي تمشي

سريع كلش وكايدتني من ايدي واني طايرة وراهة .....وما احس الا امي شمرتني بعيد

وعاطت...اني رأسا انشمرت ووكعت جفي اني وجنطتي المدرسية على الكاع واطشرت

الكتب... كل هذا واني ملفوفة بالعباية..اريد اطلع من العباية اشوف شنو صار ماكدرت

وكلش اختنكت وانوب اسمع العالم يكولون ياستار ياستار يمكن ماتت...اجوي النسوان و

طلعوني من العباية واشوف امي امينه واكعه وامددة على الكاع ووجهة مغطى بالدم...وطالع

دم من راسهة رحت اركض عليهة واصرخ ....
ماماااا ماماا يوووم واخض بيهة. يوووم كومي

دنروح للبيت يووم يمةة..... واحرك بيهة واجرهة من ايدهة وهية ابد لا حس ولا نفس

متتحرك😔 والناس تجرني واني لازمتهة من ايدهة واكولهم اريد امي عوفوني وادفر

برجلي واصيح وينك باباااا اريد ابوية يوووم كوومي... واصرخ بعالي صوتي جنت خايفة

من امي لان وجههة كله دم والشارع بي دم وخايفة ومرعوبة لا تعوفني وتتركني ويصير

عليهة شي لان جنت اعرف الدم يعني موت.....
جنت خايفة منهة وخايفة عليهة ومن خوفي مجلبة بأيد امي وما اقبل اعوفهة...

ابو حسين☆☆جنت بالسوك وشفت الحادث كله كدام عيني ركزت...جان سايق الباص

يمشي مشي سريع وارعن بنص هالشوارع الضيقة والمطر قوي ومليانه الشوارع مي

وطين وصاير الشارع زلك شفت ام فرحه شلون نقذت بنتهة وشمرتهة وحتى عبايتهة انزعت خطية واندعمت بالباص..

رحنه نركض عليهة وصلنه لأم فرحه شفناهة مسلمه الامانة لان راسهة مفتوح وهواي دم نازفة.....

الناس انقسمو نصين جماعة استلمو السايق لزمو وضربو لان جان يسوق برعونه...

وجماعه ركضو على الشرطة والاسعاف يجيبوهم... واني اخذت الطفلة دة اوديهة لبيت

ابو غسان جانت تبجي وخايفة المسكينه مني كلتلة اني مثل ابوج انتي رضعتي وية بنتي

بس ردت اهدئهة لكن بقت تبجي ومقبلت تسكت.. قبل لا اوصل بيتهم شفت مكي راجع

من دكانه صحتله من بعيد... ابوو غسااان مكييي ابو غسااان...

ابو غسان☆☆ قفلت الدكان لان المطر قوي واشتد كلش فہ كلت بعد محد يجي يشتري

ورجعت للبيت بالطريق شفت جيرانه ابو حسين شايل فرحه بأيده ويصيحلي...

اتفاجئت من شفت فرحة بيدة معقولة امينه دزت فرحة بيد ابو حسين بهيج جو ؟ لا

ممعقولة متسويهة امينه... رحت لابو حسين وسلمت عليه وردلي السلام...

ابو حسين☆☆ ابو غسان اخذ الطفلة يم امهة وتعال وياية بسرعه...

ابو غسان☆☆ اباوع للطفلة مبللة ومطينه وتشهك وتبجي انصدمت من شفتهة هيج ...

خير ابو حسين شصاير شبيهة فرحة وين جانت؟

ابو حسين☆☆ مو وكت حجي هسة امشي وياية ياخوية بالطريق افهمك اخذ الطفلة بسرعه وديهة لامهة.

ابو غسان☆☆ اني هم ماجذبت خبر شلت فرحه ودخلتهة للبيت وهي على بجية وحدة

بس ما اهتميت ردت بس ارجع واشوف شنو صاير ..فضيلةةةة فضيلةةةةة وينجج

ام غسان☆☆ ها ها ابو غسان اجيت ... شفت فرحه بيد ابو غسان وجانت مطينه ومبللة

وتبجي وخايفة مدري شبيهة... هاي شبيهة😳
شنو صاير خير مكي احجي شكو شنو القصة.

ابو غسان☆☆ علمي علمج ما ادري شكو اخذيهة مني هسة دينتضروني برة .... ذبيت فرحة من ايدي وطلعت اركض..

بالطريق كلي ابو حسين على الحادث وصلنه لكيناهم ماخذين امينه للمستشفى وجانت

منتهية خطية الله يرحمهة والسايق ذابي بالسجن ... بس المصيبة زوجهة مو هنا مسافر

للبصرة بشغل شلون نوصلة خبر ما ادري .....
رحت على بيت اهل مجيد وحجيت وية اخوه

محمود وباقي اخوته ورجعت للبيت حتى انطي خبر لفضيلة واخوتهة وخواتهة ....

ام غسان ☆☆😳من شفت فرحة بهالوضع انصدمت وصفنت كلت اكيد صاير شي

على امينه انوب اريد احجي وية هالطفلة أسألهة شنو صاير وين امينه وانتي ليش

مطينه فهميني شنو القصة متجاوب بس تبجي وتصرخ ودكول اريد امي....

ضل كلبي نار على اختي لا اكدر اطلع واشوف شكو شصاير ولا احد ديجي ويفهمني

بالموضوع ...صحت لرباب وكلتلهة تاخذ اختهة تغسل بالحمام وتنطيهة ملابس من ملابسهة لان امبلله ...

ورة تقريبا ساعة ونص بّيَنْ مكي اتلكيته ملهوفة ...خير مكي شنو صار فدوة لعينك فهمني احجيلي شكو

ابو غسان☆☆ دخلت للبيت واني ما اعرف شلون افاتحهة بالموضوع تالي كلت خلي

احجيهة رأسا بدون مقدمات والي يصير خلي يصير ..فضيلة ...أأأ امينه اندعمت بالسيارة وانطتج عمرهه

😔.

ام غسان☆☆ كلي هيج وفقدت... كووول غيرهة مكييي شدتحجي وين اااختي شصااير بيهة اااحجيي فهمنييي

ابو غسان☆☆____😔 الله يرحمهة

ام غسان☆☆يبووووووو يبوووو اخيتييييي ولجججج امينةةةةةةة يبووووو يبوووووو

شلون ماتت ليشش ماتت فهمني بعدهة حديييثة ماشافت شي بحياتهة يبووووو

ابو غسان☆☆ فقدت وكامت تصيح وتصرخ وادك وتلطم وتفتر بالحوش والجهال انصدعو من صوتهة .. فضيلة اهدي على كيفج

اهدي مو هيج ماراح ترجع بصياحج بوية اهدي لزمتهة وكامت تبجي المسكينه...

اخذنة الجنازة اني واخوتهة واخوة مجيد حضرو كلهم ورحنه دفناها ونصبنه الفاتحة ...

ورة يومين اجة مجيد من البصرة وشاف فاتحة منصوبة اباب بيته اجة مصدوم و

يركض ويكول... منو الماتلي بوية ويدك على راسة ويلطم جان متصور عمة الجبير متوفي

بس من عرف امينه انهار ووكع بالكاع وماكدر يتحرك شلناه ودخلناه للبيت.. بقى ايام

الفاتحة واكف على رجليه ويانة مقبل يتركنة
رغم مريض ومبي حيل يمشي ويكعد... كلش

اتأذة خطية لأن ماحضر دفنتهة ولا شافهة قبل لا تتوفى.... حاولو اهل السايق وية مجيد

حتى يدفعون دية ويطلعون ابنهم لكن ماقبل يتنازل مجيد عن الدعوة ضد السايق كال هذا

يطلع ويسوق باستهتار مرة ثانية ويقتل نفس بريئة خلي القانون ياخذ مجراه ويأدبة...

مجيد☆☆ خلصت الفاتحة ورحت لبيت ابو غسان دشوف فرحة مكدرت اشوفهة زين بأيام

الفاتحة لأن جنة مخبوصين ... جنت اشوفهة نص ساعه او ساعه باليوم وبس ...

اول مادخلت لبيت ابو غسان ركضت عليه المسكينه تبجي وتشهك ودكولي يابة اجي

وياك لاتعوفني.. يابة جيبلي امي اريد امي.... رفعت راسي وعيوني غركانه دموع وحجبت

وية ابو غسان وكلتلة ...خوية ابو غسان اخذهة وياية اليوم

ابو غسان☆☆ لا خوية مجيد انت على العين والراس شوكت متجي وتريد تشوفهة البيت

بيتك.... بس هسة لا الوضع اختلف و لازم بعد تبقى هنا يمنه ميصير تاخذهه.

مجيد☆☆ اني فاهمك ابو غسان وهذا حقك بس فرحه شلون حتفتهم انو لازم تبقى هنا وهية بهالعمر؟ والشافته كدامهة مو شوي .

ابو غسان ☆☆ الايام كفيلة تنسيهة خوية وهية بعدهة طفلة تلتهي وية اخوتهة وتنسى

مجيد☆☆ ضليت ساكت بس الغصة بكلبي لأن فرحه تبجي ومجلبة بية وخايفة متريد تبقى هنا ...

اوووف يا امينه وينج شسويتي بينه من رحتي مافكرتي بيه مافكرتي بفرحه اووف😔.

اترخصت وكمت دة اطلع بعدني مامشيت
وفرحة جلبت برجلي وغصت وصار وجهة احمر من البجي

فرحة☆☆ بابااا حبيبي لاتعوفني عفيةةة بابا الله يخليييك بابااااااا لا تعوفني اريدك اخذني

يااابة وياااك اريد امي ماماااااا وينج امييي امينه يوووم بابااا..

مجيد☆☆ فرفحت عليه الطفلة واني مفرفرح عليهة شسوي شلون اقنع ابو غسان كعدت بالحوش وشبكتهة وبجيت ...

ولج بنيتي هذه امج وهذا ابوج وج بوية انتي يم اخوتج واهلج لا تخافين..واني يومية اجي

عليج اشوفج واشتريلج كلشي .. وهية ابد ولا سكتت الطفلة متريد شي بس تريديني ..

ام غسان☆☆ هسة شنو معنى هالتصرفات يامكي عوفه خلي ياخذ بنته والله انت تنطق الحجر مدكولي شبيك ليش هيج دتصرف.

ابو غسان☆☆ ولج بابا يعتبر غريب عنهة هو زوج خالتهة وخالتهة توفت راحت لدار حقهة

على اي اساس تبقى يمه بالبيت؟ شنو تريدين العالم تاكل وجهي

ام غسان☆☆ والله محد مكبر الموضوع غيرك هذا ابوهة بالتبني ابوهة الداراهة وكبرت

كدامه يعني هوة احق بيهة منك رباهة 6 سنين تريدهة بيوم ويومين تتعود تبقى يمنه ؟؟ دة اسمعهة شلون تفرفح

ابو غسان☆☆ وللجججج اسكتي لا تخلييني اطلع خبالاتي عليجججج شلووون احق بيهة

مني فهميني.. ليشش هوة منوو نطاهة للطفلة مووو انتييي..... هاي بمكان هالحجي الماصخ

مالتج روووحيلهة لزميهة حضنيهة طمنيهة حسسيهة بحنان الام الي فقدته منج ولكته يم خالته امشي اتحركيي كداممميييي

ام غسان☆☆ عزة انوب طلع خبالة علية... طلعت رحت للحوش وهو يمشي وراية صحت لفرحة... تعالي خاله تعالي يمي

ابو غسان☆☆ انداريت عليهة وحجيت بأستغراب ..خالة شنو ؟ صدكتي انتي خالتهة

لو بس اعرف ربنا من خلقج على منو حسبج معقولة حسبج على البشر الك بيهة رادة ربي .....

تعالي بنتي تعالي بوية امشي اني وياج نروح للدكان نشتري ونرجع ..رحت لزمت ايدهة

وهي خايفة مجلبة بدشداشة مجيد .. اخذتهة واشترينالهة سوالف الجهال... صار الليل وهي

على حطتهة بس تبجي جريتهة وشلتهة وهية تبجي خايفه من الشافته وتفرفح على مجيد كلتلة خوية تتعود شنسوي شوي شوي وياهة..

رباب ☆☆ الدنية كلهة مخبوصين بفرحه ويسكتوهة وهية بس تبجي وانوب اخذهة

ابوية وعافني انفجرت بغيرتي وطلعت روحي
.. يمةةةة ليش اخذو هاي السودة وعافوني 😡

ام غسان☆☆ لا يمه ماعافوج بس هية لان تبجي تريد خالتج امينه

رباب☆☆ وصايرة ادورين حجج لهاي السودة اني ماريدهة بالبيت ويانه 😭 خلي تروح

ام غسان☆☆ لاتبجين بنيتي هسة يجي ابو وياخذج تشترين لا تبجين

رباب☆☆ جنت متقصدة اضل ابجي ردت ابوية يشوفني .. رجع ابوية وياه هاي السودة ومشتريله علاكه

كاملة حلويات 😒.

ابو غسان☆☆ دخلت البيت هلكان وتعبان لان النهار كله واكف على رجلي وشايل بيدي فرحة

منا دخلت وشفت رباب تبجي بصوت عالي وتصرخ سالتهة....شنو شبيج رباب ليش تبجين

رباب☆☆ 😭 ضليت ابجي وماحجيت ولا كلمه وياه

ام غسان☆☆ اخذهة اشتريلهة مكي دكول ليش ياخذ فرحه ومياخذني

ابو غسان☆☆ ربيناهة على دلال واومرهة مجابة مطاعه اتجبرت بألله رغم تعبي اخذتهة

وطلعت....اشترت اي تريدة يلة قبلت تسكت ورجعنه نتمشى بالطريق

رباب☆☆ يابة هاي السودة راح تبقى تعيش يمنه

ابو غسان☆☆ يابنتي هاي اختج عيب دكولين عليهة سودة هية خمرية و لونهة حلو..

وبعدين اي لازم تبقى تعيش يمنه بعد ميصير ياخذهة عمج مجيد

رباب☆☆ اي بس هية مو مثلي بيضة وعيونهة خضر وشعرهة اصفر اني اخبل و احلى منهة

ابو غسان☆☆ اي بنتي كلمن وبشرتهة وهية همين حلوة

رباب☆☆ 😒 حلوة ااايع...اني احلا منهه ترة

ابو غسان☆☆ ايي بنيتي انتي كمر وشايلة حسن محد شايلة تشبيهن بيبتي تعيشين بكد ترابهة ان شالله..

رباب☆☆ فرحت من هيج حجة وياية ابويةة وحسيت ردت الروح بيه ☺

ابو غسان☆☆ بنتي ربابة.. فرحة اختج وتحبج وانتي اختهة الجبيرة و انتو مو جنتو

صديقات تحبيهة وتريدين تجي يمج حتى تلعبون ..هاي هسة صارت وياج بنفس البيت

رباب☆☆ جنت احبهة بس ماريدهة وياية بالبيت خلي ابوهة ياخذهة وترجع وياه ماريدهة يمنه ☹

ابو غسان☆☆ اااااني ابوووهةة وابوووج.. مجيد موو ابوهة افتهمتي بنتي.

رباب☆☆ 😒☹

ابو غسان☆☆ فرحه كلش تعبتنه باول اسبوع لان فضيلة تعاملهة ابرود مو بحنان الام مثل متعامل رباب..

وهالطفلة اتعودت على دلال يم مجيد وامينه ومكدرت تتاقلم بسهولة ويانه بس وراهة شوي اتعودت وبدت تاخذ علينه ...

مجيد☆☆ مر اسبوع وفرحة ماراحت للدوام مريت عليهم للبيت لكيت مكي.. سلمت عليهم وسالتهم ليش فرحة ما تداوم بالمدرسة

ام غسان☆☆ يااااا يامدرسة رحمه لاهلك خل تولي هية ومدرستهة .. امينه ماتت من وراهة

مدكولي بشنو فادتنه وشحصلنه بس المصايب جابتلنه

مجيد☆☆ ذكري ربج ام غسان شنو هالحجي المرحومه هذا يومهة ولهنا خلصت خبزتهة

بهالدنية وبعدين هاي وصية امينه جانت تحضرلهة للمدرسة قبل لا اداوم تجين هسة تبطليهة؟

ام غسان☆☆ يمعود منو ياخذهة ويرجعهة من المدرسة غسان ومازن يشتغلون وعمار

ونبيل مدرستهم على غير طريق وابو غسان مابي حيل واني ما اطلع من البيت

مجيد☆☆ جنج على هاي ام غسان اني يومية اجي عليهة اخذهة وارجعهة وادرسهة همين غالي والطلب رخيص...

ابو غسان☆☆ واكفة يا خوية الشغلة.. يعني..
انت تطلع من الصبح وتجي لهنا وتاخذهة وترد ترجع ....

متشوفهة تعب وهلاك عليك..شلون اكلة خايف من كلام الناس ما اكدر احجي هيج وياه شسوي

مجيد☆☆ فهمت مضمون كلامه وراسا رديته
....ترة هية بنتي ربت 6 سنين بحضني

وكدام عيني شفتهة بمرضهة وبفرحهة وبجيهة وبلعبهة لا تطالبوني انسى هالماضي بسهولة...

وبعدين لا تعب ولا هلاك اذا اضطر احطلهة خط حنتور.. عربانه اي شي يوصلهة ويرجعهة وانيي ادفع الاجور انتو مالكم شغل

ابو غسان☆☆ لا مو هذا القصد الفلوس شنو بس... قاطعني

مجيد☆☆ خوية ابو غسان لاتطولهة وهية كصيرة التفتت على ام غسان وكلتلهة..

خيتي حضريهة باجر رحمه لاختج...على الاقل نحقق حلمهة وهية بتربتهة نايمه ويصير عد فرحهة شهادة

ابو غسان☆☆ خلص خوية مجيد هية همين بنتك واني ما انكر هالامر الك فضل بتربيتهة.. الي تريدة سوي براحتك خوية .

مجيد☆☆ حسيت نفسي سويت انجاز من قنعتهم بفروحه تكمل مدرسة...

مريت عليهة ثاني يوم واخذتهة قبل لانوصل للمدرسة شافت الشارع الي اندعمت بيه امهة امينه وضلت تبجي وتصرخ...

رجعتهة للبيت راسا وقررت انقلهة لغير مدرسة وبغير مكان اصلا ...ورة تقريبا 10 ايام

نقلتهة لمدرسة شوي ابعد مكانهة بنص السوك وصارت على طريق اخوتهة عمار ونبيل..

بس ماكلفتهم ياخذوهة وياهم ويرجعوهة لان احسهم ميحبوهه.. و بقيت اني المسؤل عنهة

اخذهة وارجعهة واخصص وقت على جية ابو غسان وادرسهة ساعه.. ساعتين حسب فهمهة
وادراكهة...

جان ابو غسان ميقبل اصرف عليهة يخجل مني بس اني اجيبلهة الي تريده والتحتاجه بدون علمه...

رباب☆☆ من يوم التوفت خالتي واجتي فرحة يمنه واني ضايجه وطالعه روحي منهة...

شكد جنت احبهة قبل...بس ما اعرف ليش ضجت منهة وكرهتهة هسة ...كلش اضوج من

اشوف ابوية يسولف وياهة لو عمو مجيد يدرسهة ومهتم بيهة.. اني احلى منهة وابيض

منهة واحسن منهة على شنو يهتمون بيهة هالكد وتاركيني 😒

غسان☆☆ اجتي فرحة يمنه .. لا اني ولا اخوتي الباقين طايقيهة .. صح ماميزيهة مثل

رباب بس سمعت ابوية وامي يكولون البنية ثكيلة وفعلا كمت اشوفهة اني واخوتي كلش ثكيلة..

انوب كرهتهة وزاد كرهي اكثر من شفت عمي مجيد مهتم بيهة .. رغم نشوفهة تبجي وممتأقلمه ويانه

بس ماعدنه حنية عليه ابد... اعتبرت هالامر عادي لان امي نفسهة ماعدهة حنية على

فرحه فہ جنه ممهتميلهة .. ونتنرفز من نسمع صوتهة لو نشوفهة ..

وطالما زرعو امي وابوية هالافكار براسنه معناهة صحيحة.

فرحه☆☆ من توفت امي واني ضايعه ..هذا البيت غريب علية ما احسهم اهلي ولا احس

هذا الرجال ابوية ولا هاي امي اشتاق لحضن امي ودفاهة اشتاق لكعداتهة وياية ولعبهة

وسوالفهة وضحكهة اشتاق لابوية مجيد وحنية كلبة عليه.. ماما وينج والله احس

روحي وحيده بنص غربة حتى كلمه ماما كوة تطلع من حلكي بس لان يرزلوني وميقبلون الا

اكولهة ماما لخالة فضيلة.. احسهم غربة عني😭 ماريدهم

⚘فرحة☆☆ مرت السنين و__________؟

يتبع،،،،،،،،،،،⚘

حبايبي ان شاء الله من يقوة النت مغربية انزل استفساراتكم🥰💜

#ملوكه

# فوائد المشي نصف ساعه يوميا 🏃🏻‍♀:

💫1-تعالج العصبية والاكتئاب
💫2-تحمي من الأمراض
💫3-تقوية الذاكرة
💫4-تقلل من الوزن
💫5-تقلل من التوتر
💫6-تحسن وظائف القلب

لازم تخصصي نصف ساعة يومياً لرياضه المشي لانها تحسن من النفسيه و الجسم فلا تبخلي على نفسك وحافظي على صحتك واستمتعي
بالحياة🌸🌷


#اعادة_توجيـهہ_لصديقتج
#ملوكه
@stylegrils

#الحياة_الزوجيه
💔 كيف تتعاملين مع زوجك الشكاك

😔 إن معاناتك المستمرة من الشكوك التي تحوم حولك من قبل زوجك واستمرار تلصصه عليك، يخلق لديك حالة من اليأس وحتى شعور بعدم الراحة والأمان في ظل هذه الشكوك التي تحوم حولك


📌1-تعاملي معه بحذر: عليك لدى التحدث إلى زوجك التنبه إلى العبارات التي تستعملينها، خصوصاً إذا كان زوجك من هذا النوع لأنه يحاول القراءة بين السطور ويعتبر كلامك في حال وجهت له ملاحظة بمثابة تهديد. لذلك، حاولي لدى التحدث معه أن تختصري الكلام وتنتقي كلماتك بعناية وتكون عباراتك مفهومة حتى لا يسيء فهمك.

📌2-الصراحة أساسية: إن مصارحته الدائمة بكل ما تفكرين به وما تريدين فعله أساسية حتى تنعمي بحياة هدئة. حاولي تجنب الغموض في علاقتكما لتتجنبي إثارة ريبته وشكوكه.

📌3-لا تكوني ضعيفة: تجنبي الاعتذارات الدائمة وأن تبدي أمامه بمظهر الضعيف فإن هذا التصرف سيثير الشكوك لديه وقد يعتبر أن هذا الضعف ناتج عن شيء تريدين إخفاءه عنه وتسعين من خلال هذه التصرفات إلى تجنب معرفته بالموضوع.

📌4-كوني لطيفة: تجنبي مع زوجك الشكاك توجيه الملاحظات القاسية إليه أمام الناس، وأعطيه الملاحظات على السلوكيات التي تزعجك عندما تكونان لوحدكما وبأسلوب لطيف. وفي حال وجدت أنه غير مقتنع بكلامك لا تجادليه.

📌5-تسلحي بالأدلة: في حال أردت محاورته ومناقشته بموضوع معين تسلحي دائماً بالأدلة والاثباتات المقنعة ولا تنسي الحوار الهادئ من دون الدخول في جدال عقيم.

📌6-لا تسكتي عن أخطائه: إن سكوتك المستمر بشأن الأخطاء والهفوات التي يحاول القاءها عليك يعني أنك راضية بها. لذلك، ننصحك بعدم السكوت لدى اتهامك بأي أمر غير صحيح إلا أنه عليك تجنب الانفعالات والدخول في جدالات لا توصل إلى مكان معه. بل حاوريه بهدوء حتى تصلي إلى هدفك.

#اعادة_توجيـهہ_لصديقتج
#ملوكه
@stylegrils

عمري هذيني درجات صبغات اللي تناسب👇🏻😇 البشرة الحنطية..واكو بيهن ميش وصبغ

فالاسم ونوعية الصبغ مااعرف بيهن ياهو زين لان مامجربته☹️..فكون تسألين أحد مجرب الصبغ..

والتاتو سوي 6d تصير شعره شعرة فيبين وكأنو طبيعي


#ملوكه