النفوس التي لا تستسلم أبدًا: ‎#السرطان ‎#العقرب ‎#الحوت ؛🦋✨
-

‏لا تتظاهر انك أنصح وأفضل مني لأن هذه آخر مرة اكلمك فيها يقولها ♥️✨

#القوس #الجوزاء #الاسد
#الدلو #العقرب #الثور

‏هذه الابراج لا يغدرون بك ابداً هم أكثر من يصون الامانة و يحافظ عليك ♥️✨

#الحمل #السرطان #الميزان
#الجدي #العذراء #الحوت

وفف☹️..عيوني ماكو برنامج زين يرجع ااصور محذوفة

اكو فد برنامج اسمه diskdigger هذا لو يرجع صور وتكون متشوهة لو متلكين صور اللي تريدي
فعادي لاتهتمين 🥺💔جم يوم وتنسين

#ملوكه

يي حبي غسول كلين كلير وسيرافي زين للبشرة المختلطة

فسبب خشونة البشرة مو من الغسول..من الجفاف لان مدترطبين بالشتا بشكل يومي🤦‍♀💔 فيصير جفاف والبشرة تخشن
فالتزمي بالترطيب

#ملوكه

///البارت الحادي عشر///
درب_العشگ🔥
بقلم_الكاتبة_شمس


گعدت من الصبح .. لأن نمت من وكت .. باوعت النفسي عبالك اني بحلم ..
من التعب البارحة نمت وماادري بنفسي .
حتى مااتذكر شي ..
باوعت اليميني شفت صگر . نايم وشعرة مبعثر . وشكله حلو ..
تذكرت الي صار بينا ابتسمت .
كان يتعامل وياي بعشق وحب . واحتواني مثل الام من تحتوي طفلها . ماخلاني اتأذى ولا كان همجي بتقربة الي ..
عيشني برومانسيه .. باوعت الايدة .. وتخيلت شلون كان يمشيها ع شعري ووجهي الى ان رحت وياه العالم ثاني . رغم كل بنيه تتوتر وتخاف بهيج يوم .
لكن هو گدر يسحب التوتر مني بهمساته وغزله ورومانسيته ..
همساته بأذني .. وهو يگلي احبج اعشقج . حرف الجيم بأذني مثل السحر او مخدر انسال بجسمي .
وگدر يزيل التوتر مني بدفو انفاسة ..

استرجعت احلى ليلة بحياتي وهو كان نايم ..
حاولت اضوجه واصحيه ..
گمت العب بشعرة وامشي اصبعي ع وجهة وعيونه وصدره ..
وهو ولا عبالك نايم ..
بعدين دار وجهه ع الجهة الثانيه .. اخذت اطراف شعري وامشيها ع خشمه ..
وكان نايم او بالاحرى يمثل النوم ..
واني دا اتحارش بي واضوجه ..
التفت بسرعه ولزمني بثنين اديه وسحبني فوگة .
وگال انتي الي جنيتي ع نفسج ..
ضحكت بصوت ..
گتله ضجت گاعده وحده ..
گال .. وانتي گاعده وصافنه عليه . حسيت بيج بس ردت اخليج تتأملين بيه وردت اشوفج وين توصلين .
بس من گمتي تدخلين شعرج بخشمي مااتحملت .
وهسا لازمج عقاب لأن صحيتيني ..

ودارني وصار هو فوگي .. وسحب شعري عن عيوني وگال .. صباح الخير . يالخير كله ..
ونزل ع وجهي يتحسس بشرتي بأطراف اشفافه وانفاسه الى ان………… وهاي كانت وجبه صباحيه من الحب والعشق ..

وآه يادرب العشگ .. مالك امان ..
تفتحلنا الجنة بأول خطانا ..
وتخلينا نمشي مغمضين ..
ومانعرف الممشى وين راح تودينا……

گال عجبج الريوگ . لو بعدج جوعانه ..
گتله .. لا شبعت مااريد شكرا ..
وگمت عنه بعد ماسحبت الروب وخليته ع جسمي ..
دخلت سبحت .. وطلعت ابدل .
هو هم دخل بدل وطلع ..
اني لبست بنطرون . وقميص وسترة طويله فوگاه . خليت مكياج خفيف ..
ولبست شالي . وخليت النضارات ع راسي .

شافني گال .. هاي شلابسه حبيبتي ..
ضحكت . گتله ليش شبيه ..
صگر .. گال شويه ويجون اهلي يسلمون علينا . ووياهم واحد من ابن عمومتي ..
البسي شي فوگاهن وبالمطار انزعي .
الله وكيلج بس يشوفوج هيج . تلگيها طشت بالگرنة كلها

رفيف .. هي هاي مشكلتنا . مانرتاح لأن دايما نفكر بكلام الناس وشراح يفكرون بينا ..
ليش مانتصرف ع الشي الي مقتنعين بي صح ومو خطأ.
وبعدين السترة طويله مو قصيره ومطالع شي مني .

صگر .. حبيبتي احنه عشاير وتعرفين بالبدايه عاداتنا .
واهلي وموقفهم ..
رفيف .. خلص حبيبي . الي تريده يصير .
نزعت السترة خليتها بالجنط . ورتبت الغراض كلهم بالجنط صگر بدل وكمل ..
طلعت جبه من الي اشتريتهم . لبستها فوگ ملابسي .

گال يله خلينا نروح المطعم الفندق نتريگ لو نطلب لهنا شتگولين..
گتله مااشتهي هسا لان من الصبح خليها بالمطار ناكل شي ..
گال .. على راحتج حبيبتي ..

شويه واجو ابوه وامه . وماما ورافد هم اجو ..
سلمنا عليهم وودعناهم .

باوعت الامة عينها ع لبسي . همزين لبست جبه .
والشيخ يوصي بي . ويگله مو تگضيها ونسه وتترك الشغل الي دزيتك عليه ..
صگر .. ان شاء الله يابة ..

گال صگر .. يله نروح .
الشيخ .. خلي مسلم يوصلكم للمطار
رافد .. شيخ من رخصتك . احنه رايحين للمطار والسيارة مابيها بس اني والوالده . نوصلهم ويانا .
الشيخ .. هاهي براحتكم . مودعين بالله ..
حظن صگر وطبطب ع ظهرة ..
وامه هم حظنته وراحوا ..
صگر ورافد طلعوا الجنط للسيارة ..
واني وماما نمشي وراهم ..
صعدت يم ماما ورى . ولازمه بإيدها ومخليه راسي ع كتفها ..
وصگر يضحك هو ورافد عليه ..
رافد .. الله يساعدك يخوي .. مالگيت تاخذ الا اخر العنگود . راح تشلع گلبك بالدلال ..
صگر .. اكو احلى من اخر العنگود شما يدلل يصير احلى … بقوا واحد يصد وواحد يرد الى ان وصلنا…

وصلنا للمطار واحنه اصلا موعد رحلتنا ب 12 الظهر ..
يعني عدنا وقت ..
كمل صگر الاجراآت كلها ..
واني واهلي گعدنا بالانتظار ..

رافد .. رفيف بعد مااوصي . اريدج تصيرين قويه وتبيضين وجهنا ..
رفيف .. لاتوصي حريص حبيبي ..
ماما .. واتصلي كل يوم حتى اطمأن عليج .
رفيف .. ان شاء الله ماما ..
اااه رافد لو جايب هنوده وعبدوووو من هسا اشتاقيتلهم

رافد .. جان نايم وماگعدته وزحمه نجي كلنا بوهستنا .
رفيف .. ورامي هم ماودع

ته ..
ماما .. رامي گال اجي وراكم عندة شغل ..

اجه صگر . جايبلنا اكواب شاي وتوست عليه جبن ومي .
اكلت شويه لأن خاف اصعد بالطيارة ويصير عندي هبوط ..
وممتعودة اكل بالطيارة . لأن مرة رحت الاربيل . وبالطيارة صار هبوط وتخربطت لأن مماكله شي .

كملنا . گال صگر يله حبيبي خلينا نروح ..
بهذي اللحظه اجه رامي ..
شهگت وهو يضحك ..
حضنته وبوسته ..
صگر .. هوب هوب شبيج منا عالم شتگول .
رفيف .. شنو غير اخويه ..
صگر .. وشعرفهم اخوج ..
اهلي يضحكون علينا ..
بقلمي_الكاتبة_شمس
……………………………………
رامي .. استاذ صگر مو تكوش عليها .. احنه هم النا حصه ترى. ويضحك .
هههههههه ضحكنا كلنا ..
اخذت السترة مالتي . ورحت للصحيات بدلت ونزعت الجبة .. ورتبت نفسي .
وطلعنا . ودعت اهلي وبوستهم ..

وتوجهنا للطيارة .
خليت نصاراتي ع عيوني . وصگر هم . وخلينا ايد بإيد ومشينا .
كانت هذي اول رحلة الي بدرب العشگ ..
كانت الفرحة مرسومه ع وجهي وملامحي .
واحس الناس كلها فرحانه الفرحي ..
صعدنا بالطيارة وگعدنا بمكانة ..
اني گعدت يم الشباك . وصگر يمي .

من حركت الطيارة غمضت ولزمت بي وهو يضحك عليه
گال خلي راسج ع كتفي وغمضي .
خليت راسي ع كتفه . وعبالك الامان والاطمأنان بكتفه .
فعلا حسيت براحة ..
واتمنيت ابقى هيج مغمضه ع كتفه عمري كله ..

مشت الطيارة واستقرت بالجو . واني بعدني مغمضه
همسلي . ها حبيبي نمتي ..
گتلة .. هههههه لا بس حسيت بشعور حلو واني مغمضه ..
گال ابقي مغمضه .. وقرب انفاسه يم اذني ..
وگام يتغزل بيه .
ويحجي اشياء خلتني اروح بعالم ثاني وياه .
وكلما تقرب انفاسه الاذني . اذوب اكثر .

فتحت عيني ورفعت راسي ..وابتسم
گال ليش گمتي ..
گتله لو باقية اكثر جان نمت ..
گال .. هههههه اروح فدوة للي يحب النوم ..

گعدنا نسولف ونضحك…
گال جعتي اجيبلج شي ..
گتله .. لا مااشتهي ..

الى ان وصلنا الدبي . گمت اباوع من الشباك من نزلت الطيارة .. صح دخت . بس المنظر يستاهل المجازفه ..
شگد مااوصفه مو كافي ..
كانت هذي اول مرة ادخل بيها دبي بالواقع ..
وكانت احلى من الي نشوفها بالنت ..

نزلنا من الطيارة خليت نضاراتي . ودنمشي ..
انتظرنا جنطنا . اخذناهم .. واجرنا تكسي ..
طبعا اني مثل الاطرش ..
بس صگر يعرف المناطق كلها ..
گله اخذنا الفندق اتانا دبي يمكن هيج اسمه مااتذكر ..

وصلنا للفندق .. روووعة بمعنى الكلمة ..
كان راقي جدا .. هواي شايفه فنادق بالعراق ..
بس هذا غير ..
والخدمة راقية عندهم .. يعني يرافقوك من اول متدخل من الباب ..
لحد ميوصلوك للغرفه ..

وگف صگر يأكد الحجز .. واني انشغلت اباوع الذني ..
سائحات يمكن ..
لابسات بكيني ومايوهات .
ويمشن عادي ..
والله الستر حلو ..
احس روحي من امشي ملكة ..

التفت صگر .. گال ها حبيبي شبيج ..
گتله باع ذني لو ميلبسن ملابس مو احسن ..

صگر .. حبيتي ذولة سواح يعني من غير دول ..
رفيف .. وذني موضفات الخدمة والنادلات هم سواح . شوف شلابسات ..
صگر .. عملهن يتطلب .. والي شايفتهن ذني خريجات كليات يعني مو اي وحده تجي تشتغل هيج ..

دا نمشي واباوعله .. دخيلك ياسيد ولاعرفتك بدبي ..
صگر .. ههههههه ليش ..
رفيف .. اشو تحجيها بشكل عادي .. عملهن يتطلب .
لو ابقى ميته جوع ولااشتغل هيج شغله ومطلعة نص جسمي ..
صگر .. هههههه طبعا احجي بشكل عادي .. اني عليه بمرتي . اغار على مرتي وبس. بعد شلي علاقه بالغير شيلبس وشيسوي . والناس اذا مايحكمها ضميرها اني احكمها ..
وبعدين اني شايف اشكال من ذني . وماحبيت ولااجت عيني الا ع البصراويه وغمزلي ..

خلاني اضحك .. وصعدنا بالمصعد والنادل ورانا بالجنط ..
صعدنا للغرفه .
الغرفة كانت تطل على الشاطئ .. قريب منها . والشمس مخليته يلمع ..

اگدر اشوف دبي كلها من الغرفه ..
وحتى برج خليفه مقابيلة ..

واني واگفه اباوع .. اجة صگر ولف ايده ع بطني وحضني .. حبيبتي عندة وقت هواي واخليج تشوفين كل المناطق السياحية .. بس خلينا نرتاح كم ساعه ..

التفتت عليه صار وجهي ع وجهه ..
گال ترى انتي تتحارشين بيه اني مالي دخل ..

ضحكت وگتله اروح اسبح وارجع ..
دخلت سبحت وطلعت .. لگيته نايم ع السرير وغافي ..
مشطت شعري ولبست ثوب نوم قصير .
واجيت يمه ..
هو حس بيه . مد ايده الي .
نمت بحظنه وغفينا ..
وماحسيت الا واحد يتلمس بوجهي.
فتحت عيني وگتله ..
لازم شبعت نوم ..
گال اويلي ع الشامه . وگامه باسني منها .
گتلة ..
خليني اگوم ارتب الجنط .. ردت انهزم منه ..

صگر .. لا اتركيهن مثل ماهمه .
رفيف .. ليش ?
صگر .. راح اشوق شقه للإيجار . احسن ..
رفيف .. لا هنا المنظر حلو ..
صگر .. عادي حبيبتي اشوف شقه هم الها اطلاله . وقريبه ع المولات والمتنزهات ..
بس علمود ناخذ راحتنا اكثر ..
رفيف .. بكيفك حبيبي ..

صگر .. هسا خلينا نبدل . مدام العصر . نروح نتغدا . واخذج للشط نراقب الغروب شتگولين ..
رفيف .. واااااو .

هو دخل يسبح . واني طلعت بنطرون جينز .. وقميص طويل وعليه يلگ جينز قصير .. وحذاء سبور

ت ..

طلع صگر .. گال عمي هي گوه . الحلو حلو لو يگعد من النوم ..
- ههههههه نعيما حبييي .
- شكرا يروحي .

گتله شنو اطلعلك ملابس .
گال طلعي برموده وتشيرت .. وحذاء سبورت هم ..

لبسهن طلع يخبل ..
گتله .. ما ما اغار اني .
گال .. هههههه شتغارين قابل مثلج طالعه كيكه المفروض اني الي اغار مو انتي ..

رفيف .. اي اي قشمرني ..
مشط ولبس شفقته ع راسة واخذ النضارات وگال .
يله گلب خلينا نبدي شهر عسلنا ..

ضحت وطلعنا ..
نزلنا نتغدا بالمطعم .. كملنا.
ورحنا للشط ..
وصلنا يبوووووه ع السائحات مبدعات هناك ..

لبست نضاراتي .. وگعدنا نتأمل الغروب . وبعدين طلبنا عصير كوكتيل ..
گال انزعي حذائج . خلينا نمشي يم الشط .
نزعنا . وبقينا نمشي ع الشط ..
ودور يضحك ويغنيلي ..

" حافية القدمين "
قاتلتي ترقص حافية القدمين بمدخل شرياني
من أين أتيت؟
وكيف أتيت؟
وكيف عصفت بوجداني؟!
بقلمي_الكاتبة_شمس
…………………………………………
اكو بنات مرن من يمنا لابسات بدي وشورت والشعر يتطاير منهن ..
سمعنه يغني .. يباوعله ويضحگن . ووحدة غمزتله .
هو بسرعه باوعلي ..
گتله شفتهن ..
گال ..اي هههههه .
ردت التفت عليهن .
گال هااااا وين ..
گتله .. والله لو مابدبي جان نتفت شعرها . شلون تغمز متستحي ..
هو طاگ من الضحك عليه ..
گتله.. فرحان مو لأن تغمزلك ..
گال .. لا بالقرآن . بس اضحك وفرحان لأن اول مرة اشوفج تغارين عليه وتحبيني هيج ..

ابتسمتله .. وگتله انت مالتي الي تباوعلك اموتها وربي
صگر .. اروح فدوة ال الله الي خلقج . وخلاج نصيبي ..
ضحكنا ومشينا ..
وهو كل شويه يگلي تغارين عليه صدگ .
اويلي يربي ماوحدة تغمزلي بعد .
نرفزني .. اخذت مي بإيدي واذب عليه . وهو يذب عليه .
تالي سحبني من ايدي وحظني ..

صار الغروب والمنظر روعة واخذنا صور للغروب والنا هم ..

بعدين گتله خلينا ندزهم الماما .
ياااااا ذكرت ولاخبرناهم وطمناهم ..
صگر .. اي صدگ هاي شلون فاتتني . ولو الي وياه هيج مرة شلون ماينسى .

رجعنا للفندق .. واتصل صگر ع اهله وطمنهم . وبعدين اتصل ع اهلي .. وحجيت وياهم ..
ودزيتلهم الصور ..

بعدين فتحت موبايلي ..
ونزلت ع الفيس .. صور الغروب وصور صگر وهو داير وجهه مبين بس الجانب وي الغروب عبالك منظر تخبل ..
وكتبت ..
وقت الغروب بدبي وعلى شاطئ جيمرا ..
مع شريك عمري ورفيقي ..

دقايق وبدوا صديقاتي يباركون ويعلقون وسوزانا هم ..
كتبت .. انتوا السابقون ونحن اللاحقون ههههه .

گتله .. باع سوزانا شكتبت .
گال .. والله خفيفة وماتعجبني .
گتله .. نفس تفكير رامي . معقوله انتو الرجال تفكيركم واحد وتهمكم المظاهر بس .
اصلا هي گلبها طيب ونضيف .. وهذت الي يهمني ..

صگر .. احنه شرقيين وخاصه ولد الجنوب . نباوع للمرة المحشومه . والي تصرفاتها تعكس اخلاقها .
قابل احنه الله ونعرف شنو الي بگلبها ..
بس اذا هي تمشي وتوزع ابتسامات .. وكل ساعة تحجي وي واحد . طبعا ناخذ عليها نظره مو حلوه .
هو اني وماانطيتها وجه .
وكل ساعه مطلعتلها حجة تحجي وياي ..

رفيف .. اي جائز ماعندها نيه سيئة يمكن تريد تساعد .
صگر .. والله اني هذا رأي بعد انتي هي صديقتج واعرف بيها ..

بدلنا ونزلنا جوه بالفندق يم المسبح ..
وافترينا ورجعنا للغرفه ..
گعد يبحث بالموبايل يدور ع شقق للإيجار . ويحجي وي الشركات .
الى ان عجبته وحدة .
گال تعالي شوفي صورها ..
باوعتلها فعلا شكلها واثاثها يفتح النفس ..
گال هاي احسن الشقق المعروضه . وقريبه ع الاماكن السياحيه والمولات ..
گتله ماشي . احجزها ..
طلب حجز .. واتفق وياهم ..

گال هسا خلصنا من سالفه ايجار الشقه . جعتي لو لا .
گتله شويه .
زين راح نطلب عشا خفيف . اني هم مو هالگد جوعان
كانت ساعه 11 بالليل ..

كان العشا مقبلات وستيك وخضار مشويه وتوست وشوربه ..
كملنا .. رحنا وگفنا ع الشرفة شويه .
خليته يباوع وگتله هسا اجي .
رحت طلعت ملابسي ..
وبدلت لبست ثوب طويل ومفتوح من الظهر والبطن وبي فيكة حلوه .
وسرحت شعري وتبت مكياجي خليت عطر .
هو دخل وسد باب الشرفة والستاير .
وگال ..
هذا المنظر الي يفتح النفس وضحك ..
طفة الضويات وفتح اضويه النوم .
گتله . ليش طفيتهن خلينا گاعدين .
گال .. لازم ناسيه بعدنا عرسان ..
سحبني من ايدي .. ووووو💑

يتبع…

///البارت الثاني عشر///
درب_العشگ🔥
بقلم_الكاتبة_شمس


……………
"شقق دريم إن دبي - سيتي ووك "..

كانت حلم بالنسبه من شفت الشقة الي اجرها صگر ..
مكان جدا رائع .. ويبعث الراحة في النفس ..
اعرف هسا البعض يگول مشايفه ..
اي صحيح .. اني دكتورة ودرست ببغداد ورايحة الاربيل وللموصل . وهواي محافضات ..
بس ماطالعه خارج العراق بحكم دراستي ودوامي ..

بس من شفت هيج مكان كان حلم بالنسبه الي ..
الشقه تطل ع منظر رائع ..
والجو يفتح النفس ..
بيها غرفتين وصالة جلوس بيها تلفزيون شاشه كبيره
ومطبخ مجهز .. ومايكروف واهم شي مكينه القهوة
عشقي…
والاهم واي فاي مجاني ..
باوعت للثلاجة ..
وگتله حبيبي لازمنا اشياء للمطبخ ..
والثلاجة لازم نمليها ..

[طبعا احنه اجينا للشقه ساعه 12 الظهر . لأن تأخرنا بالگعدة ..
بسرعة بدلنا وحظرنا اغراضنا وطلعنا من الفندق بعد مادخلنا للبوفيه اكلنا شغلات خفيفة واخذنا جاي ..
وسدد صگر حساب الفندق واجينا للشقة لأن الحجز ليروح..]

صگر .. صار حبيبي .. رتبي الغراض بالغرفة بين مااجيب الشركة السيارات للايجار .
اجيب سيارة واجي ..

دخلت رتبت ملابسنا بالكنتور ..
طلعت مناشف خليت بالحمام ..
واصلا الغرفة كانت مجهزة من كلشي ..
اخذت الفرش والمعجون . وديتهم للحمام ..
رتبت العطور ع الميز ..

بعد ماكملت اجه صگر .. گال ها حبيبتي كملتي .
گتله واخيرا خلصت ..
صگر .. يله نروح . اجرت سيارة حتى نفتر براحتنا ..
لبست شالي واخذت نضاراتي وبس .
ماكو داعي اخذ جنطتي مااحتاجها .
واحنه رايحين للتسوق ..
اول بداية . رحنا السوبر ماركت ..
اخذنا معلبات واجبان وبيض وكلشي نحتاجه ..
وبعدين گتله متخلينا نروح .
الدبي مول .. امنيتي اشوفه ..
گال . خليها للعصر كلش .
حتى نبقى لليل ونتعشا هناك .
لان اذا دخلتيه هسا ماتطلعين النص الليل .
مو عبالج مول عادي لو مول متسمعين عنه بالتلفزيون .

فعلا رجعنا للبيت بعد ماجبنا غدا ويانا ..
تغدينا . واتصلت ع ماما ماسنجر وگعدت اسولفلها وفرحانه ..
واخواني هم سلمت عليهم ..
واتصلت ع رحيق هم ..
كملنا غدا ..
ورتبت الغراض بالمطبخ ..
گتله يله خلينا نبدل ونطلع ..

گال يله ..
بدلنا ورحنا الدبي مول .. اممممم فعلا يسوي واهس للتسوق .. كبير حيل ..
يمكن كبرة يساوي منطقة وحده من مناطقنا ..

بعد عراقيه ودخلت المول . تگعد ساكته وعاقله .
لو تتخبل ع التسوق ..
عندي قاعده .. ( التسوق هي الراحة النفسيه لكل عراقية ههههههه )
اخذت الي احتاجهن ..
وشفت كم قطعه ملابس نوم حلوات وغريبات .
اخذتهن ..
واخذت اثواب بينصل حلوات . وكيلوتات .. لان ماشتريت هيج شي بالنيشان مالحگت .
بس من كلشي قطعه . لان اني اصلا راح البس جبه .
وصگر هم اخذ تشيرتات .
وعجبته دشداشه خليجيه . اخذ منها ..

نسينا نفسنا بالمول .. اخذهن للسيارة واجه ..
رحنا للمدينه المائيه وعبالك گاعدين بوسط البحر .
والاسماك والحيوانات البحريه شكلها رووعه عن قرب .
بقينا نفتر من مكان المكان ..
الى ان تعبنا وصارت عشره بالليل ..
حتى عشا ماتعشينا من گد ونستنا ..
رحنا تعشينا .. وطلعنا للشقه ..
رحت للمطبخ . سويت گهوه الي والصگر .
وبقينا سهرانين ..

كانت ايام حلوة .. عشت فيها شهر عسل حقيقي ..
صگر عنده شغل بدبي .. يطلع الصبح ويرجع الظهر .
اني ابقى نايمه الصبح .
والظهر نتغدا وابقى احجي وي ماما ..
الى ان يگعد صگر ونطلع نفتر ونتونس ...
فعلا ايام ماتتنسى…

بقينا اكثر من اسبوعين . وصگر خلص شغله هناك .
لأن اكو شركة بدبي ..
الها فرع بالبصرة . اخو صگر الي كان مترئسها ..
وبعد اسد صگر ..
وكان رافض لان بيها سفر وتعب .
بس الشيخ اصر عليه ..

وصار وقت الرجعه للعراق ..
رحنا اخذنا هدايه للكل ..
وكان صگر مايعرف شيجيب الاخواته وامه ..
اني الي اختاريتلهم ..
حتى مرت اسد وبناتها ..
والشيخ اخذله عبايه درجه اولى ..
وحبيبي ماخله احد .
حتى عبدووو وجنو اشترالهم ..

رغم الونسه والراحة النفسيه الي عشتها بدبي ..
وصگر عيشني بيها احلى ايامي ..
الا اني اشتاقيت للبصرة . والاهلي .

رجعنا للعراق .. وكان ابن عم صگر . مسلم منتظرنا بالمطار ..
اخذنا للگرنه .. اني لابسه جبه وشال ..
مااعرف ليش اول مادخلت الگرنه . انقبض گلبي .
وحسيت روحي اختنگت ..

طلعت راسي من شباك السيارة اريد اتنفس شويه ..
من وصلنا البيتهم ..
ذبحوا خروف جوه رجلينا ..
والشيخ مسوي غدا الوجه الله ..
وعازم اهلي هم ..
من دخلت وشفت ماما ورحيق گدامي وهنوده .
انجنيت .
ركضت حضنتهم مشتاقتلهم موت ..
وشلت عبدوووو وجنو وعصرتهم حيل ..
سلمت على اهل صگر كلهم ..
وخاله ام صگر بست راسها ..گالت طبتج خير ان شاء الله

هناك عماتهم و

اقاربهم ..
اجو بنات اسد . حضنوني ويصيحون عروسه عروسه .
منى .. ههههههه من يوم الي شافن الصور من دزاهن صگر النا لسا .
وهن خابصاتنا . عروسه وعروسه ..

صبوا غدا .. وتغدينا كلنا سوه .
صگر ماشفته لأن اول ماوصلنا . حضروا الغدا .
كملنا الغدا .
دخل صگر .. وامه شافته گامت تبجي وحضنته.
وتگله يأسد . ماشفت اخوك عريس ..
نزلت دمعتي ع المنظر ..

گالتله اخذ مريتك ورح ارتاح يمه ..
باوعت الامي ..
گالت هاي شفناج كافي ..
كم يوم ونعزمكم وتجونا ..

سلمت عليهن وراحن .
وصگر صعد لبس دشداشه ونزل .
گال اروح اسلم ع الناس واجي .
اصعدي انتي ..
صعدت للغرفه كانت الاخشاب تركيه ونازكه بشكل ..
لونها فضي وابيض ..
والفرشه فضيه فارشين .
عجبني الترتيب .
فتحت الكنتور ..
لگيت ماما جايبه غراضي وملابسي الي بقن ببيت اهلي ومرتباتهن بالكنتور ..
طلعت دشداشه قصيرة عندي لبستها .
وفتحت شعري ونمت ع السرير ..
منتضرة صگر ..
وهو اتأخر جوه .. واحنه اصلا گاعدين من الصبح وتعبانه من السفر ..
غفيت بسرعه ..
شويه وحسيت صگر اجه سحبني الحظنه ونام .
واني قرفصت بحظنه . مثل طفل مشتاق الامه .
ماگعدنا للعصر كلش ..
شفت صگر مدخل الجنط للغرفه ..
فتحتها وطلعت الملابس رتبتهن .
وفرغت الجنط كلها . بس جنط الهدايه خليتهن ع جهة .
طلعت سبحت ولبست گلبيه لونها اوڤ وايت وذهبي خليجيه اخذتها من دبي ..
گعدت صگر ..
صگر حبيبي متگعد اريد انزل واستحي .
انزل وياي حباب ..
صگر .. صار يروحي اني هم اريد اگعد لاتجي وادم .
گعد سبح وبدل لبسه العربي گالعادة .
ونزلنا ..
لگينا عماتهم لسا موجودات ..
والبنات كلهن گاعدات بالصاله مجموعات ويسولفن ..
شافنا سكتن ..
گلت مساء الخير ..
كلهن ردن. مساء النور .
صگر .. ها العلويات كلهن ملمومات خير ان شاء الله
امه .. خير يمه خير . ارتاحيتوا انتو ..
صگر .. الحمد لله ..
امه .. ابوك سأل عليك وگتله عوفه نايم تعبان .
صگر .. اي هسا رايح .
باوع المرت اسد وگال ..
بنين والق وين .
مرت اسد .. يلعب بالحوش تلگيهن ..
صگر .. جبتلهن لعبات وهدايا . والجن هم بس اختيار مرتي لان مااعرف ذوق البنات ..
البنات كلهن تشكرنه .
الا عمته الصغيره . تصير ام زينب مرت اسد .
هاي ماشايفتها ابد اول مرة اشوفها ..

صگر راح واني گعدت يمهن ..
گالت عمته ام زينب .
عمه انتي هسا شگد صارلج من تزوجتي ..
گلتلها عشرين يوم النا ..
عمته .. اي يعني صارلج هواي وتونستي بالخارج وطلعتي . وخلص العرس . بعد شكو تلبسين ابيض وهاي الالوان ..

جاوبتها بتساؤل .. ليش بيها شي ..
عمته .. لا مابيها بس البيت بي حزانه وماطالعة سنته . والمات النا رجال يعد الدوواين .
واحترام الميت واهله وحزنهم واجب عليج .. كون صرتي مرت ابنهم .. ماگلنالج البسي اسود .
بس لاتلبسين الفواتح .. البسي الوان طوخ ..

تعجبت الكلامها وباوعت الخالة ام اسد .
گالت .. خيه على كيفيج وي مريت ابني . بعدهي ماتعرف طبايعنا . تتعود شويه شويه ..

ماادري ليش حسيت ام اسد مساندتها بالكلام .
سكتت واستأذنت ..
صعدت الغرفتي .. ودمعتي بطرف عيني ..
اختنگت .. يعني عرس ماسوينا وگلت ميخالف وحقهم وابنهم صارله اشهر متوفي ..
وكلشي بسرعه صار وقبلت .
لامثل البنات جهزت ولااختاريت غرفه ولاذهب ولااي شي كان اختياري .. حتى لبسي تحكموا بي ..
وتحملت وسكتت لان حبيت صگر وعشگته ..
بس مال يحكمني ويقررن اللون الي البسه . هاي ممتوقعتها ..

اخذت نفس بغرفتي . حسيت بحر فضيع .
كان بدايه الرابع ومشغلين بس مراوح .
فتحت التكييف ووگفت گباله .. اريد اتنفس ..

اندگت الباب . ودخلت منى . شافتني واكفه ع التكييف .
گالت شعرج رطب تتمرضين هيج ..
گلتلها لا احتريت .
گالت .. لا تاخذين من خاطرج على عمتي .. هي هيج طبعها ..
رفيف .. لا عادي حقها ..
منى .. ولاتگلين الصگر . اخاف تصير مشكله .
رفيف .. مو من طبعي انقل حجي . وثانيه شغله تافهة ماتستوجب اگله..
منى .. انتي هم اعذريها ..
بنتها ترملت وهي بعدهي حديثه (صغيرة)..
وماتتحمل تشوف بنتها مترمله واحنه فرحانين .
حتى الصبح رزلتنا لان منتظريكم على نار . وكل ساعه نباوع من الشباك .
تگول .. نسيتن اخوجن الميت وبالعجل فرحتن .
رفيف .. بس هذا قضاء وقدر . والي صار حكم الله . وماعلينا الا نتقبل وندعي ونصلي الامواتنا .
يعني ندفن ارواحتنا بعد الي راحوا حتى نوفيلهم .
اني بابا اغلى من روحي عندي ..
وصارله . اربع سنوات متوفي .
ولسا اتذكره وابجي . وشوفته بقت غصة بداخلي . تلازمني للموت ..
بس رغم حزني الي بداخلي . درست ونجحت وتعينت وتزوجت هسا ..
لأن متأكده اذا شافني فرحانه ومرتاحه . راح يرتاح هو بگبرة ..
منى .. هنا مو مثلكم خيه . مايصير نفرح الا بعد سنتين ثلاثه ..
رفيف .. مااعرف شأكلج بعد ..
زين زينب شنو وضعها ..
منى .. زينب اخذت اسد عن حب . وهي طفله انتضرها لما كبرت وخطبها ..
وهي تعشگه كلش .. بحيث من تزوجوا . وتسمع صوته من بعيد ..
تبقى تگمز بباب الحوش تنتظرة .
جنت اسميهم قيس وليلى . رغم هو اكبر منها بهوا

ي ..
بس يگول احسها بنتي مو مرتي ..
مدللها دلال ..
من تحبل . يشيلها على جتافه .
وخاصه من حبلت بألق .. وگعت وحملها تهدد .
وگالتلها الدكتوره .
لازم تنامين على ظهرج ..
وهو سوده عليه . ياخذها للحمام شيل ويرجعها ..
ويخلي الطشت جوة راسها ويغسللها بيدة .
لاتتعجبين .. اهلنا كلهم هيج يحترمون المرة .
اني ماخذة ابن عمي مسلم اذا تعرفيه هم هيج ..
وابوي يحترم امي ومايگلها الا علويه وشتگول يگلها آمري ..
وحتى صگر . يحترمنا ويقدرنا . وصح هو عصبي بس من شافج وعشگج وخبلنا الاتخطبوها الي .
شفت عشگ اسد الزينب گبالي ..

من سولفت قصتهم حيل ضجت عليها وكسرت گلبي .
وگمت ادعي بكلبي واگول ..
ربي احفظليا واحميه من كل شر .
زين وصابره زينب . لو اني لاسامح الله اموت وراه .
……………………………………………
گلتلها زين هي هنا باقيه عندكم ..
منى .. اي اخذتها امها بفترة العدة .. وبعدين بناتها تعودن الا هنا يردن ..
وهي بقت هناك ..
تالي گالت اني ارجع وهم مااگدر عن غرفتي وريحة اسد بيها ..

قاطع حديثنا صگر دخل للغرفه..
منى .. يله اني اترخص . ارتاح خويه ..

صگر .. وين رايحة دگعدي لو لأن شفتيني اجيت . اطلع شلون .
منى .. لا والله بس تدري البنات وحدهن اساعدهن بالعشا .

نزلت منى . واني گمت فتحت الكنتور .
اباوع .
اجه صگر وحضني من ظهري .
-تردين تبدلين .
-اي
-ليش هاي حلوه عليج ??
-لا .. احس روحي نشاز كلها لابسه اسود واني لابسه هيج ..
-وشعليج بيهم انتي غير عروس .
-خلص العرس ..
-عرسنا مايخلص لو بعد سنين ..

وسحبني گعدني بحظنه ..
-احسج مامرتاحة .
-لا بس تعبانه . خليني ابدل وننزل عيب منهم
-شو كله عيب وعيب . ليش تتقيدين حسي نفسج ببيتج ووي اهلج. حاولي تتأقلمين وي الوضع..

-مو ما اعرف اطباعكم. واخاف مايعجبهم تصرفاتي ..
-سوي الي تقتنعين بي حبيبتي ..واعرف عقلج وتفكيرج
وادري بيج متخطئين بحق احد ..

بوسته وحضنته .. راد يتمادى .
گتله لاحباب مو وقتها خليها بعدين ..
صگر .. هم گولي خاف عيب ..
رفيف .. ههههههه لزمتها عليه ..

رجعت باوعت للكنتور . مابي الوان غامقه . بس دشداشة لونها جويتي ..
لبستها ولفيت الشال ..
گتله يله ننزل ..
اتصلت ماما ..
گال نازل قبلج ..
سلمت وگالت شلونج مرتاحة .
گلتلها زينه الحمد لله ..
بقينا نسولف شويه .
وگالت عگب باجر اذا فارغين نعزمكم .
گلتلها الله كريم نشوف .
كملت المكالمه ونزلت .
لگيت صگر يلعب وي بنات اخوه . والق حاضنته من رگبته وتگله انطيني الهدايه يله ..
غمزلي صگر .
گال . الهدايه موعندي . عند العروسه ..
هنة يباوعن وخجلانات ..
گلتلهم تعالوا وياي ..
صعدنا اني وياهن .
واجه صگر وراي .
ونزلنا الجنط ..
گعد صگر بالگاع ويفتحهن . واخواته داير مدايره .
والق تگمز وبنين گاعده بصف عنها وتفتح وياه .
كان جو حلو وذكرني بأهلي ..
انطاهن الالعاب وملابس جبنالهن .
اخذنهن فرحانات ..
ماما شوفي ماما ..
وهي تبتسم وساكته ..
مااعرف ليش !!
احسها بعالم ثاني مو يمنا ..

اني عيني عليها واراقبها ..
وانتبهت بسرعه ع صوت صگر .
رفيف رفيف ..
گتله .. ها حبيبي . لااراديا طلعت حسيت الكل عينه صارت عليه .
الي ابتسموا والي ماعجبتهم الكلمه ..
گال .. ترى اني مااعرف انتي الي اختاريتي .
گتله .. اني مرتبتهم هناك وكاتبه على كل علاگة اسم صاحبها او العائله ..
گال .. شفتوا مرتي الذكيه . ويگلك ليش تحب البصراويه ويضحك ..
عمته الجبيرة سوتها بالضحك .. يمه والعلويه موش بصراويه وماتعجبك ..
صگر .. لاعمه العلويات كلهن على راسي شعندي غيرهن بس القلب ومايهوى ..

اني بس استمع وابتسم ..
عماته ضايجات لان مااخذ منهن يمكن . ومرت عمه من اجينه هم تباوع بطرف عينها .

بدأ صگر يصيح بالاسماء .. وعبالك ديوزع نتائج .
يضحك شكله ..
صاح هيلين . هيلين ماتسمع بالمطبخ خطيه .
اجت ترگض وبيدها الخاشوگه .
كانت تسوي عشا .
انطاها . ودور صاح شيرين . هم اجت تركض .

وزع الهدايا للكل وحتى عماته . بس مال ابوه عزلها .
ع جهة ..

جابوا السفرة . هم النسوان وحد والرجال وحد ياكلون ..
جابو العشا .
مسوين تمن ومرگ وتشريب دجاج ..
صگر راح يم الرجال برة .
گعدن النسوان كلهن ياكلن .
اني اشتميت ريحة الاكل لعبت نفسي ..
حسيت راح استفرغ .
خليت ايدي ع حلگي وخشمي واگلب بالاكل مااگدر اكل والدجاج اصلا مااحبه ومااطيق ريحته اذا گلي بس اذا كان مشوي ومتبل ..
شفت عمته انتبهتلي . بسرعه سحبت ايدي ..

يتبع…………

///البارت الثالث عشر///
درب_العشگ🔥
بقلم_الكاتبة_شمس

خليت ايدي ع حلگي وخشمي واگلب بالاكل مااگدر اكل والدجاج اصلا مااحبه ومااطيق ريحته اذا گلي بس اذا كان مشوي ومتبل ..
شفت عمته انتبهتلي . بسرعه سحبت ايدي ..

گالت .. هاعمه ليش ماتاكلين . خاف مايعجبج . نسويلج شي ثاني ..

گلتلها .. لا شكرا . مااشتهي . راح اكل سلطة ..
من گلت سلطه وحدة باوعت للثانيه ..

گعدت اكل على عيوني بالگوة ..
ماصدگت يمته يخلصن ويگومن ..
كملن گمت اشيل وياهن المواعين .. خليتهن ع السنگ واصفي بيهن ..
هن مايحجن ابد وتحسهن منعزلات ..
گمت اغسل المواعين واجت هيلين گالت اتركيهن عنج اني اختصاصي المواعين ماانطيهن ..

تركتها .. ولان البنات كلهن مجموعات بالمطبخ .
مارحت للصاله .. لان هناك عمات صگر گاعدات واتقيد يمهن ..

البنات يرتبن واني بس گاعده .. انتبهت ع زينب گاعدة تصفط بالخبز وتسويه مجموعات وتلفهن بأكياس ..
كملت خلت واحد فوگ اللخ بالمجمده..
ورجعت گعدت ..
كانت سارحة بعالم ثاني .. وتصفن من غير ماترمش ..
العالم تسولف والي تضحك وهي ماكو بغير عالم ..

اجت بنين گالتلها ماما ماما .. ماحجت بس اشرتله براسها بنتها همستلها بأذنها .وهي هزت راسها ..

كان صمتها وهدوئها يخوف ..

گعدت منا تحجي وتتشاقى وي الق تگلها لعابتج محلوه والق تگلها والله حلوة

واحنه نضحك عليها ..
گلتلها زينب الق تشبهج حيل ..
ابتسمت وگالت اي كلها تگول .
بس بنونه ع المرحوم ..

ردت اخذ وانطي وياها بالحجي . بس هي متنطي مجال كلمتين وتختم الموضوع ..

اجه صگر .. گال مرتي هنا واني ادور عليها..
ابتسمتله ..
سحبني من ايدي واخذني ..
انتبهت زينب تباوعلنا ..
گتله صگر .. لاتسوي هيج يم زينب . احسها تتذكر حبها وي اسد واخاف تضوج ..
گال .. شنو وصلتلج قصتهم ..
گتله .. اي منى سولفتلي ..

گال .. اي بس ماعدها هيج مال تغار او تضوج .
گتله .. صحيح متضوج من سعادتنا . بس يمكن تتحسر على ايامها وياه .. اني مرة واحس بيها . اسم الله عليك لو يصيرلك شي اتخبل . ويمكن ابقى كل عمري اتحسر وانقهر .. هاي اذا مامتت ..

صگر .. اسم الله عليج يروحي . لاتجيبين هيج اشياء على بالج .. ولاتفكرين بزينب . اشوفج هواي مهتمه وتفكرين هيج تتعبين .

رفيف .. تقهرني احسها موطبيعيه ..
صگر .. ومنو گالج هي عاقله .. هسا هادئه . اول مامات تخبلت . وحتى تسولف وي روحها هواي .
ومن نسألها تگول . هذا اسد يسولف وياي ..
لو تسد غرفتها وتقفلها وتطلع بناتها ..
ومن ندگ الباب ونكسرها عبالنا شو شتسوي الروحها
تفتحها وتگول شكو .
اسد نايم ويگول مااريد صوت ..
تتخيل اسد موجود بحياتها .. لهذا وديناها الاهلها فترة هناك ماتتذكره .. وماخلينا شيخ وامام يعتب علينا .
الى ان تحسنت هسا وصارت احسن ..

هو يججي واني دموعي تنزل ..
گتله شگد احترم الانسانه الوفيه الزوجها .. والي تبقى على ذكراه وتربي اطفالها وتكبرهم وتهتم بيهم ..

صگر .. اكو نسوان يتزوجن علمود اولادهن او ماعدهن يعيشنهم ..
رفيف .. اني وياك . بس الي متمكنه وعندها فلوس واهل زوجها وزوجها ممقصرين عنها ومراعين اولادها
ليش تفكر تتزوج وتجيب زوج ام الاولادها .
ومهما يكون مايصير مثل حنية الاب عليهم .
حتى لو عمهم هم ..
ليش المرأة تحب تسوي نفسها كائن ضعيف وتعتمد ع الرجال بكلشي ..
اذا عندها راتب واهل يراعوها ليش ماتوگف على رجليها وتصير قويه وتربي اولادها هي وتعلمهم .
اكو هواي نسوان يترملن ويبقن وفيات الازواجهن ويربن جهالهن ويكبرنهم ..
لان بمجرد ماتتزوج راح تنسى زوجها المتوفي . وتعيش حياتها وتجيب اولاد غير اولادها . وزوج الام جائز يفرق بين اولاده واولادها ..

صگر .. هسا اذا متت اموت مطمأن. مرتي تبقى وفيه وماتتزوج غيري .

رفيف .. هههههههه لاتحجي هيج اسم الله عليك .

گال نسيتيني وكان مخلي علاليگ ع الثلاجه .
جابهن وفتحهن ..
بيهن كرزات وحلويات وكولا . وطلع لفة همبرگر وفنگر
ونطانياهن ..
ضحكت اني ..
گال ادري متاكلين التمن والمرگ بالليل .
فجبتلج لفه ..

حضنته .. فديت حبيبي الي يراعي مرته ..
كنت فعلا جوعانه . اكلت اللفه والفنگر .
واحنه نسولف ونضحك ..
فعلا حياتي وي صگر وبغرفتنا احلى من العالم الخارجي .
ساعات اتمنى نبقى اني وياه وحدنا بالغرفة ومانطلع منها ابد ..

كملت وشلت الباقي ورحت غسلت واجيت .
بدلت واجيت يمه وهو گاعد يگلب بالتلفزيون
فتح ايدة ونمت بحظنه ..
طلع فلم اجنبي على Mbc2
گعدنا نتفرج الى ان نمنا ..

صگر ثاني يوم بدأ يشتغل ويغيب هواي .
يعني يجي الظهر يتغدا وينام .
والعصر يطلع وي الشيخ مشيات وفواتح وكذا .
وبس بالليل نسهر ونلتقي ونفرغ اشتياقنا ..

كل ليله نگضيها سوة تعوضني عن النهار كله ..
بس بالنهار ..
احس نفسي اتضايق ..
الكل مشغول بحاله ..
اي تصرف اتصرفه عندهم غريب عن عاداتهم وتقاليدهم ..
مااعرف شلون اتصرف ..
ولبسي متقيدة بي كلش .
مع انه ماكو ولد تدخل البيت بس بنات .
ماعدا الشيخ .
ويرجع من المضيف ساعه 12

بالليل ينام بسرعه ويگعد من الصبح ومانشوفه ابد .
الا كم يوم نلتقي مرة اسلم عليه ويسألني عن حالي .
نوعا ما احسن من خالة ام صگر ..
دايما ترشدني ع تصرفي ولبسي وتعلمني طبعهم .
عبالك طفله مو راشدة وكبيرة ..

حتى عزومة اهلي كل يوم مأجلتها . لان صگر مايفرغ واخاف احجي واگول اهلي عازميكم .
وانحرج وميقبلون يجون ..

كنت انتظر شوكت تخلص اجازتي واداوم تعبت نفسيتي حيل . ع الاقل اگضي النهار بالمستشفى وبالليل صگر يمي ..
………………………………………………
عماتهم دائما عندهم وماكو راحة .. دايما خطار وشغل
صحيح البنات مايخلني بس اني استحي اشوفهن يشتغل واگعد واسكت ..

بهذي الفترة احس شهيتي انقطعت ..
ونفسي تلعب ومعدتي نار وتغلي ..
شكيت بنفسي حامل . بس مااتوقعت احمل بسرعه .
وخاصة بعد يومين للموعد ومامعقوله اكون حامل بهيج سرعه ..

اتصلت ع دكتوره صديقتي وسألتها ..
گالت .. شي طبيعي يصير حمل . لان اذا تزوجتي وانتي بفترة التبويض احتمال كبير يصير طفل وبسرعه .
ولمدة اسبوعين وتبدي اعراض الحمل واكو تبين عندهم قبل مايسون تحليل حمل ..
فأنتي للتأكد انتظري هاليومين وسوي تحليل وشوفي ..

من گالت احتمال . گمت اخاف ع نفسي اكثر .
انزل واصعد من الدرج ع كيفي .
كنت بودي ابشر صگر . بس گلت اتأكد احسن ..
خاف يطلع مو حمل واتفشل ..

وفعلا مرت كم يوم وطلبت الصگر اروح الاهلي كم مرة يعزمونا مااروح ..
اهله ماقبلوا يرحون .
رحنا بس اني وياه ..
هو وصلني الصبح وراح عندة شغل .
استغليتها فرصه وسولفت الهنوده وماما .
فرحوا . وبسرعه لبست ماما وراحت للصيدليه جابت اختبار بيتي واجت ..
اخذته وحللت وطلع خطين ..
حضنتهم وممصدگة. واحرگ بروح عبدووو اگله بعد حيصير عندي نونو مااريدك وهو يضوج ..

اجه صگر ع الغدا وماگلتله وطلبت من ماما متگول اريد اسويله مفاجأة..

بقينا للعصر وورجعنا ..
رحت وي البنات اسوي عشا ..
زينب ماهي عند اهلها . بس هيلين وشيرين .
تعشينا وكملنا ..
ردت اصعد الغرفتي .
صاحتني خالتي ..
گلتلها ها خاله ..
تعاي يمه اختاري ..
باوعت شأختار خاله ..
هاي العبايات جابولياهن من مكه ومن الزينات باعي سوادهن وقماشهن ..
شوفي الي تعجبج حتى اخيطها الج ..

صفنت بوجهها ..
گلتلها .. لا شكرا مااريد .. اني لبست جبه .
ام اسد .. اي يمه مابيها شي . عود البسي العبايه فوگها ومن توصلين المستشفى انزعيها ..

ماعرفت شأحجي .. گلتلها خاله بس صگر ماگال البس وقبل البس بس جبه .
ام اسد .. يمه صگر شيعرف بسوالف النسوان ولاتبقين كلشي وگلتي صگر . الزلم ماندخلهم بسوالفنا .
انتي من عدنا صرتي واذا خلفتي منه تصيرين ام السادة والعلويات . ولازم تصيرين قدوة الج ..

گلتلها .. خاله اعذريني مااگدر مامتعودة . خلي اتعود والله كريم .عادي البسها بزيارات وكذا الى ان اتعود هسا مااگدر .

ام اسد .. اني راح اخيطها ومنا لمن تكمل الله كريم ..
تركتها ومشيت ..
بس روحي تغلي ..
يعني كلشي يقررون بكيفهم ويخلوني..
امام الامر الواقع ..
حتى فرحتي بالطفل راحت .
صعدت الغرفتي . فرشت فرشه ماروني حلوه .
وخليت حلويات وكرزات وجبس بمواعين مال تقديم .
ورتبتهن ع الطاوله .
وخليت گلاصات .
وجبت التحليل خليته بعلبه وخليته ع الطاوله ..
لبست ثوب ماروني طويل وبي فتحات ..
انتضرته الى ان اجه .
ضحك گال . ذوله لزگوا بالمضيف واني گاعد على نار
اشتاقيتلج يروحي بوسني ..
شنو هالترتيبات . وعلبه . هاي الي .
گتله اي الك .
گال .. اممممم حتى مو عيد ميلادي شكو ..
گتله افتحها وشوف ..
فتحها وصفن . شنو هاي ??
ضحكت گتله عليك الله ماتعرفها . محامي ودارس وطالع ومسافر . وماتعرف شنو .
ضحك . گال شمعرفني بسوالف النسوان .
گتله هذا تحليل حمل .
صگر .. اي يعني ذني الخطين حامل .
رفيف .. ايون .
صگر.. اويلي اروح فدوة للأيون وحضني .
گاله اخ عصرتني .
صگر .. اهلي يدرون .
رفيف .. لا بس انت ..
صگر .. اروح ابشر الشيخ وامي ..

هو راح واني گعدت انقش بالكرزات . واتصفح بالفيس
مرت شويه .
وصارت هوسه ..
واجت هيلين تركض .
رفيف .. امي تخربطت الحگيني ..
اني لابسه ثوب نوم .
بسرعه لبست الجبه وخليت الشال ع راسي ونزلت ..
رحت لگيت صگر يصحي بيها ..
حتى ماعندي معدات هنا ..
گتله شويه وخر ..
شفت نبضها سريع .. گلتلهم عندكم جهاز ضغط .
جابته شيرين واجت ..
قست الضغط مرتفع شويه ..
اخذت علاجها . خليتلها حبه جوة اللسان .

گتله تعال صگر وياي ..
صعدت فتحت الكنتور . طلعت الجنطه مال مستشفى .
بيها الختم مالتي . واخذت ورقه كتبت عليها علاج وختمت بالختم .
وگتله من اي صيدليه . جيب هذي الابر .

راح جابهن واجه . ضربتها ابرتين . ومهدئ حتى تهدئ .
صحت شويه . وبعدين رجعت نامت .
اجه الشيخ يطمأن عليها .
گال الله يرضى عليج بنيتي .

گتله بالعكس عمو هذا واجبي ..
عدأ الوضع صعدنا ..
صگر ضايج حيل ومااعرف شبيه ..

گتله اكو شي صاير ..
صگر . لا ماكو .. هي وحدها تخربطت .
رفيف .. عجيب قبل شويه اني يمها مابيها شي .

[صگر .. رحت ابشرها بالطفل . فرحت وباركتل