///البارت الرابع ///
#درب_العشگ🔥
#بقلم_الكاتبة_شمس

گعدت مختنگة الصبح .. مر طيف بابا علية ..
عبالك كان يمي گاعد ويبتسم . بس كلما اقترب منه يبتعد شگد تمنيت احظنه واشبع منه ..
تندمت حيل لأن انشغلت بدراستي ومااستغليت فرصة مرضة وگعدت يمه وباريته ..
ولو هو گضاها سفر للعلاج ..

رحت للمطبخ لگيت ماما گاعده ويمها جنه وعبدووو دتريگهم ..
گلتلها . صباح الخير ماما ..
ماما .. صباح النور . شنو هالنشاط من الصبح . غير اليوم خفر انتي ..
رفيف .. اي خفر بس گعدت مخنوگة . حلمت ببابا ..
ماما .. ان شاء الله خير ..
رفيف .. يوووم اشتاقيتله هواي .. نزلت دموعي .
ماما .. كلنا مشتاقيله حبيبتي .. لابد انتو تطلعون وتمشون وتداومون . وتنسون .
الا اني .. كلشي بالغرفة يذكرني بي .. مااذاني بيوم لو جرحني ..
حتى من حبني سوى المستحيل واخذني .. رغم تفكير اهله وعادتهم .

رفيف .. بابا ماكو منه .. كبرنا وهو مابطل كلمة حبيبتي الج . ابد ماشفته يوم صاحلج بأسمج ..
ماما .. اي والله ماكو منه . مااعرف شلون ابوج طلع من هيج عائلة .. بس ولو درس ببغداد ومحامي ومثقف .
مو مثلهم ..

بقينا نتذكر اني وماما ودموعنا تنزل .. دخل رامي مبدل يريد يداوم ..
ياساتر من الصبح .. شكو هالبجي ..

ماما .. ماكو شي ماما . تعال اسويلك ريوگ .
رامي .. لا اتأخرت .. باوعلي ..
يحلوه خليتلج المفاتيح ع الكومدي اخذيهن .

شويه واجت سيارة الفوج مالته . سلم وبوسنا وطلع ..
بعدين گعدت هند ورحيق واحمد .
تريگنا وكملنا .
گالت رحيق .. رفيف ترحين ويانا للسوگ محتاجه غراض .
رفيف .. وانتي تاركة بغداد كلها وجاية تشترين منا .
رحيق .. لا وج بس اشتهيت اشتري من سوگ البصره .
احمد .. كلمن يرجع الاصله فوفة .. رحيق من يومها اشكال اكو ببغداد . تگول مايحلالي الا سوگ البصرة ومولاتها ..

ضحكنا عليها . گلتلها بس ابدل واجي .
ماما .. مو تتأخرن ..
رحيق .. لا مانتأخر ان شاء الله

بدلنا واخذنا احمد .. اشترت رحيق الها والبنتها . وزوجها يضحك يگلها بالجذب اذكريني بفانيلا . شورت ..

خربني ضحك .. شفت يلگ شتوي حلو اشتريته. واخذت بوت قصير ..
ورجعنا ..
لليل عندي خفر بالمستشفى .
لبست بلوز وبنطرون وفوگة يلگ الي اشتريته طويل ..
ورتبت نفسي مااعرف ليش كنت اتمنى اشوف صگر بيومها ..

اخذت سيارة رامي ورحت .. دخلت للمستشفى . ذبيت جنطتي باللوكر . واخذت سماعاتي ولبست الروب .
ورحت للانعاش بوجهي ..
كنت اتمنى اشوفه او اشوف امه موجوده .
بس كانت مريضه ثانيه بمكانهم .
بقيت صافنة .
گالت بنيه .
دكتوره . همزين اجيتي . هذا المغذي مايمشي مااعرف شبي ..
سويته الها . وطلعت .

ليش يارفيف هيج ضجتي . هي كلها كم يوم شفتي .
وليش بس هو .
اشو حياتي كلها شفت اشكال وانواع من الرجال . ماكو واحد شدني هيج ..

بس ماكو مثله رجال مر بحياتي .. شخصية ماشفت مثلها بس ببابا الله يرحمة .
معقوله شدني بهذا الشكل لان تصرفاته تشبه تصرفات بابا لو اكو شي ثاني ..

طردت الافكار الموجودة ببالي ورحت افتريت ع الردهات كلها جيكت الحالات .
ورجعت للغرفة .
لگيت سوزان تگلب بالموبايل ..
بوستني وگعدت .

سوزان .. شفتي الحظ العصفور طار .
رفيف .. ياعصفور ..
سوزان .. قصدي الصگر طار ..
رفيف .. ههههههه ضحكتيني واني ضايجه .
سوزان .. لويش ضايجه ع الصگر الي طار .
رفيف .. انتي شتحجين شلي بي ..
سوزان .. امممم يمكن انتي بمكان گلبج حجارة . اني واحد مثله يتقربلي واصدة واگول عليه متعججججرف .
رفيف .. لتقلدين عليه .
سوزان .. صدگ شگال رامي علية.
رفيف .. ههههه گال مهرج ..
سوزان .. لا بربج .
رفيف .. والله . وج اكو وحده تسوي سوايتج . لابخة وجهج لبخ وجايه . جان خليتي طبيعي . خوفتي اخويه .
سوزان .. اوووي خوفته . طلع هم مايع مااريدة بطلت .
رفيف .. ههههههه وج الي يشوفج يگول رامي لازگ بيج ومترديه ..
سوزان .. تقلدين مو . اذا مااتزوج اغاته شوفي .. وله اگلج اني عيني ع دكتور حسين يخبل مايتفوت وشخصيه .
رفيف .. عزااااا وج دور رحتي الدكتور حسين . بگد ابويه سوزان .. ليش هو اكو احلى من الشيب والوقار .

رفيف .. دكافي كافي هواي حميتي اليوم . ههههه دكتور حسين . لا مو الهلدرجة .
سوزان .. اروح للطوارئ اني احسن اليوم خفارتي هناك احسن من هنا . ع الاقل هناك ناس رايحة راجعه .
مو هنا بس العجايز ..

راحت واني متعجبه بيها .. الي يشوفها يگول مو طبيبه .
دخلت بلقيس . سلمت ..
وگالت دكتورة .اكو مريضه جابوها هسا .
رحت شفتها وكتبتلها علاج .
وبقيت شويه الى ان نطوها العلاج واخذته .
رجعت للغرفة .
بقيت اتصفح بالفيس .
اخذتني ايدي الصفحته ..
ماناشر شي .
دخلت ع منشور والدته ..
الكل تتحمد السلامتها ..
لفت انتباهي .. واحد كاتبله . الحمد لله على سلامة الوالدة استاذ صگر ..

استاذ ??
اممم ليش هو شنو يشتغل ..

خلص اليوم عادي .
للصبح ردت اطلع من المستشفى . صار بوجهي دكتور حسين . سلمت عليه .
-هلو رفيف صباح النور . ها راجعه للبيت

.
-بلي دكتور ..
-اوصلج .
-شكرا دكتور .. من رخصتك ..
ردت اروح . گتله دكتور شلونها المريضه ام القسطرة الي سويتلها البارحة…
-ها اهل الشيخ غالب .. لا الحمد لله طلعت سلامات . وهسا شوية وامر للمستشفى اشوف حالتها واذا زينه اخرجها ..
ترحين وياي تشوفيها ..

هاااا .. لا تعبانه . بس سلملي عليها وطمني اذا زينه ..
دكتور حسين .. ان شاء الله.
#بقلمي_الكاتبة_شمس
…………………………………………
رجعت للبيت ميته تعب ..
الكل بعدة نايم . بس الولد دوام ماكو .
سلمت ع ماما . ورحت نمت بسرعه ..
ماحسيت الا جنو تصيحلي .
هالة هالة . هي تصيحلي هاله عود خالة .

فتحت تك عين . گلتلها روحي الماما .
شويه واجت رحيق بيدها گلاص مي .
تگومين لو اذبة عليج ..

رفيف .. لاااااا حبابه نعسانه اريد انام .
رحيق .. وج راح نروح گومي . اريد اشوفج .
رفيف .. لا صدگ مصارلكم يومين من اجيتوا شبسرعه ترحون ..
رحيق .. اي احمد خطيه ماخذ يومين اجازة عمودي . وخلصن .
رفيف .. اي خلي يروح وانتو ابقوا خلونا نشبع منكم .
رحيق .. يماااا واعوف حبيب الگلب وحده . اموت غير .
رفيف .. شدعوه تموتين . قحط .
رحيق .. من تحبين وتتزوجين راح تتذكرين كلامي ..
رفيف .. يمااا الله يبعدنا خليني هيج حرة احلى .
شجابني ع الحب والزواج ..
رحيق .. اي خلينا نشوفج عود . دگومي يله نتريگ سويه

گمت وياها . تريگنا . وبدلوا وراحوا قبل الغدا . امي توسلت بيهم يبقون وماقبلوا .
گالوا ورانا طريق .
گالتلهم عاد تغدوا واطلعوا ..
احمد .. لا عمة هم يله نوصل واذا جعنا ناخذ من الطريق ..
بوستنا وحضنت جنو حيل وعضيتها وبجيتها قبل لتروح .
فديتهم يخبشوون بخدودهم ..

راحوا ماشبعت منهم . بين الدوام والنوم . خلص الوقت .

بقيت ع هذي الحالة شهر .. من المستشفى للبيت .
وع نفس الروتين ..
وبقت صفحة صگر . شاغلة تفكيري .
اضوج ادخل عليها .
استمتع بمنشورات . اضحك الضحكه .
وادعي الدعائة . واراقب تعليقاته ..
گمت احس باحساس خفي اتجاهه .. وگعت نفسي بمطب ماله مخرج .. وهو الحب من طرف واحد .

كنت اگول عليه متعجرف . ومااحب تعصبة وحديته .
بس من كان يكتب يومياته ماادري شلون عيشني وياه لحظة بلحظة .
وصار يشغل تفكيري وحياتي بهالسرعة ..

كنت دايما اقطع افكاري .. واگول هي صدفة وراحت الحالها . لويش الهلگد انطيته اهتمام ..

كلما اگول خلص راح اقطع التفكير .. يرجع يمر بخيالي وارجع ادخل ع صفحته وابقى اراقبة ..

اني المفروض واعيه ومثقفه وماانجرف الهيج مشاعر .
كنت انتقد سوزان وتصرفاتها ..
بس اشوف نفسي صرت مثلها .
كنت احسد ماما وبابا ع حبهم واتمنى احد يحبني مثل حب بابا الماما ..
هو الي شافها وراقبها . وطلبها وسوى المستحيل واخذها رغم اهله معارضين .

اني ليش ماكو هيج انسان بحياتي . مع انه ماناقصني شي . جمال ونزاكة وشهادة ووضيفة . مو اريد اجمل بنفسي . بس اني فعلا دااحس ماناقصني شي .
ليش ماالگة الانسان الي اتمناه .
وحتى من لگيته . مااهتملي وگمت اني الي اركض وراه مو هو واراقب صفحته ومعيشة نفسي بوهم ..

حتى رحيق .. احمد هو الي حبها وخطبها . وهسا شحلاتهم . اللهم لا حسد . بس دااشوف نفسي راح ادخل 28 سنة واني ماعندي عائله رغم اني احب الاطفال وجو العائلة والاستقرار ..

افكار لأيام تاخذني وتجيبني . والسبب صگر ودخوله بدون مقدمات الحياتي ..

بيومها ضجت حيل . ونطيت صفحته حظر . حتى ماافكر بي . مو رفيف الي تضعف ووتنجرف ورى عواطفها بهذا الشكل ..
يجي يوم الي اخذ بي الانسان الي يستحقني ويقدرني واكون عائله حلوه ومستقرة ..
ربي ثقتي كبيرة بيك .
صار فوگ الشهر افكر بأنسان غريب . نسيني هالشخص وعوضني بالاحسن ..

حاولت انساه . وفعلا گمت افكر بي . لكن سرعان مااشغل نفسي بغير شي . او اروح اگعد وي هنوده لو ماما واسهر وياهم الى ان اتعب وانام بسرعة حتى ماافكر بي ..

بعد شهر ونص ..
گعدت العصر وتفاجأت بوجود خطار ..
غسلت وبدلت احنه عادتنا نبدل من يجي خطار .
لفيت شعري . ووجهي صافي مخليت اي شي بي .
مجرد غسلت بالصابونه .
وردت ادخل اسلم . عبالي صديقات ماما . كانوا دايما،يجونا ..

صارت بوجهي هنوده دتضحك ..
گلتلها منو هنا ..
ماادري مااعرفهم . بس يگولن جايات ع شغلة خير .

رفيف .. همزين مادخلت لعد .
هند .. لا تعالي دخلي خلي نشوف شيردن . بس خلي اجيب مي واجي .
راحت جابت مي وقواطي عصير .
ودخلنا .
سلمت . هن گامن بسرعه وسلمن عليه وبوسني .
بقيت صافنة .
بعدين لمحت بنيه وياهن شايفتها بس وين ماادري ..

حجت مريه كبيرة ومبين عليها الوقار ..
گالت احنه جايين نخطب المحروسة .الابنه .
هو شافها وعاجبته وسألنه عليكم ونعم الناس . ومن عرفنا ابوها الاستاذ غازي المحامي . زادنا نسبكم شرف .
اني مستغربة . بحياتي مااتوقعت اتزوج زواج تقليدي ومن غير مااعرفة ويعرفني او حتى شايفته ..

البنيه الي وياهم حجت .. گالت امي رادت تجي بس مريضه وصارلها شهر من سوت عمليه والدكتورة تعرف حالتها ..

انتبهت بسرعه الحجيها .. معقوله واني اگول وين شايف

تها ..
لامستحيل هو . يمكن واحد من اقاربه او الي وياه ردت اتأكد اكثر .
گلتلها لاصغرا بيج . بس ماتذكرتها ..
البنيه .. امي الي تخربطت عندكم واخوي صگر الي بقى بالمستشفى يمنا وگلبها للمستشفى وانتي صرتي عصبيه عليه هو نفسه ..

گلتلها . ها اي تذكرت .. ( مااتوقعت هيج الصدفة تلعب دورها . وليش صدفة . يمكن قدر الله وقسمته .. )

گالتلها ماما .. نشوف اخوتها وعمامها ونرجعلكم خبر ..
المريه .. بس يسئلون عن الشيخ غالب . گولولهم الساده وماكو احد مايعرفنا . وأسألوا براحتكم ..
الوالد الله يرحمه . لزم قضايا للشيخ .ويعرفة حگ المعرفه .
واني اخت الشيخ .
وهاي منى اخت صگر وبنت الشيخ اخوي .
وهاي اختي……
وبقت تعرفنا عليهم ..
وبعدين سلمن وطلعن ..
واني لساتني مصدومة وممصدگة .
وماحسيت بفرح او او اي مشاعر . مجرد توتر وخوف واستغراب....

يتبع..

قۣۗـۙصۣۗـۙصۣۗـ📚ۙ وۣبۣۗـۙسۣۗ

///البارت الخامس ///
درب_العشگ🔥
بقلم_الكاتبة_شمس


انة صكر ابن البصرا يلما تعرفوني…..
السلام عليكم
اسمي صگر غالب ال…… محامي مع وقف التنفيذ ..
يعني اشتغل بقضايا الي يوكلني بيها الشيخ وبس ..

ابن شيوخ ابا عن جد . سادة وجدنا رسول الله ..
معروفين بالنخوة والوگفات الحلوه ..
مو غرور . بس افتخار بأهلي واصلي وعمومتي ..
انة من يوم الي جابتني امي .
علمني ابوي ع القوة وخلة گلوبنا خشنه .
ماعرفت الخوف بيوم .
ولا رضخت الاي بشر بساعة ..

احنه اثنين اخوة .. انة واسد اخوي الله يرحمه .. راح من عدنا بساعة غدر ..
ابوي الشيخ . من كبار الشيوخ وماكو مشكلها ماخلها بين العشاير ..
بيوم صارت شغلة فصل .. وابوي تكفل بيها .
وحكم الطرف . والطرف الثاني ماقبل ع الحكم وبقى يتوعد الابوي ويهدد ..

بساعتها ردت اگاومهم واهجم عليهم . لو مالشيخ يگعدني ..
بيوم طلعنا وجان اسد اخوي يسوق ..
وابوي لگدام وعمي وراه واني ورى اسد .
اعترضتنا سيارة وضلت ترمي علينا ..
وجانت بجهتنا ..
اتصوبت اني بكتفي ..
وابوي الحمد لله مابي شي هو وعمي .
بس اسد لگيناه سابح بدمه ..
ابوي گام يصيح .
الحگ اخوك . وليدي راح يابويه ..

اخذناه للمستشفى ماطول ومات ..
انگلبت المستشفى بيومها ..
ابوي بيومها مانزلت دمعته ابد .
ويگلي لاتخلي العدو يتشمت بينا ..
ابجي ببيتك ونوح على اخوك ..

هو يواسيني .. على روحت عضيدي واخوي الوحيد .
واگعد بتوالي الليل الگيه يبجي بصلاة الليل ..
ويهمس بأسم اسد ..

امي من يوم الراح اسد . وهي ماصحت . كل يوم وگعة ومستشفى .
اني عندي اربع اخوات ..
اثنين متزوجات . واثنين لا .
وديناها عند اختي الجبيرة حتى بلكي تبعد وترتاح ..

بيوم . خابرت منى اختي .. گالت الحگ امك ياخوي ..
ركبت بلا وعي واجيت اركض للمستشفى .
همه راحوا قبلنا ..
اتفاجأت بولد عممومتي وراي ..

دخلنا المستشفى جانت نص الليل .
وماكو دكتورة بس دكتور ..
واحنه ماعدنا مرة تنكشف على رجال ..
گلتلهم الا دكتورة تفحصها ..

الدكتور .. اوك اخذوها سوولها تخطيط وتحاليل واني هسا ادز دكتورة تجيكم من فوگ ..

شويه اجت دكتورة ..
بالبداية مااهتميت الشكلها ولا منو هي ..
المهم عندي امي ..
گالت شسمها المريضه ..
گلتلها غنيه ..
رادت تدخل الردهة باوعتلي . وگالت هاي ردهة نسائية مايصير تدخل ..
تعصبت من حجايتها .
ورديتها . گلتلها اعرف حدودي من تشوفيني ادخل يله الج حق تحجين .

جانت شايفة نفسها حيل ..
طلعت گالت لازم ننقلها للانعاش ..
وگالت عندها جلطة .. اتخربطت احوالي ..

هي حجت وي الممرضه وراحت ..
اخذنا الوالدة للانعاش ..
وشويه واجت جيكت حالتها . وطلعت بيدها ورقة .
گالت هذا العلاج اريدة من برة ..

اخذته منها وانطيته المسلم .. گتله ركض جيبه وتعال ..

حسيت نضراتها غريبه وكأنه ماعاجبها ..
خليتها ببالي ..
اجه مسلم جاب العلاج .
گتله اوگف خلي تجي الدكتورة ..
مسلم .. خلينا ننطيه للممرضه هي تعرف ..
صگر .. لا الا الدكتورة تجي ..
رحت ادور عليها .
طلعت من ردهة ..
گلتلها -دكتورة من رخصتج .
جبنا العلاج وانتي ماكو . حالة الوالدة تعبانة ومحد مهتم ..
هذا يتسمى اهمال ..

باوعتلي بأستغراب ..
إهمال !!!!
لو فعلا إهمال مانزلت من فوگ للطوارئ . ومااهتميت لان اني خفارتي هنا مو بالطوارئ .
ولا نقلتها للعناية حتى تكون تحت المراقبة .
ومثل متشوف عندي حالات هواي .
والوالدة مو الوحيدة بالمستشفى.

گلتلها .. لو سمحتي لاتعلين صوتج .
-اني دكتورة مو موضفه عندك حتى تحجي وياي بهيج لهجة .
الوالدة اهتمامي بيها مايفرق عن بقية مرضاي .
واكو ممرضات همه الي ينطوها العلاج بموعدة وهسا داخلة واشوفها .

تركتني وراحت .. اوووه شگد گوية عين . وين جانت الك هاي ياصگر .
نسوان العشيرة كلها تدنگ من تمر يمهن ..

عصبتني حيل وطلعت قهري بالولد ..
شفتها الليل كله تروح وترجع تشوف حالة الوالدة ..
سألت عليها عرفت اسمها رفيف ..
رحت ادورها بالغرف ..
جان الباب مفتوح شويه ..
شفتها مغمضه ومخليه راسها ع الكرسي ..
رموشها طوال وعندها شامه جوه شفتها محليتها وميزتها بنومتها تحسها ملاك ..ولا عبالك ام اللسان الي مساع ..
تجادلني بالحجي ..

رجعت دگيت الباب .. گعدت .
كحيت وگلتلها .. دكتورة رفيف من رخصتج ..

عدلت گعدتها ...
وگالت تفضل ..
گلتلها .. قبل شوية كنت خايف ع الوالدة . وماقصدي اعلي صوتي او احجي وياج بهيج حدية ..
رفيف .. لا عادي . بس ياليت تقدرون وضعنا وتعبنا قبل ماتتهمونا بالاهمال وبعدين تعتذرون ..
گلتلها .. اني مااعتذرت بس وضحت موقفي .. وشكرا ع اهتمامج بالوالده ..
ودرت وجهي ومشيت عنها واضحك

بمكر ..
هينه . مو انتي دكتورة وشايفه نفسج عليه ..
اراويج منو صگر ..

الليل كلة بقيت گاعد مانمت ..
اروح وارجع بمكاني ..
شفتها اجت . بس ماباوعت . دخلت للانعاش وطلعت .
وهم ماباوعت ..
صرت گبالها وگلتلها .. بشري دكتورة ..

گالت .. ان شاء الله تصير احسن . والصبح يجي طبيب الاختصاص ويشوف حالتها ويخبركم .

للصبح اجت هي والدكتور وممرضات .
الدكتور گال ..
ممنوع توگفون هنا .
هنا عناية مركزة ومعقمة ..

ضجت حيل منه .. الي يشوفه يگول واگفين بطر .
شايفين روحهم ع المراجعين .
وهمه واحدهم بس اذا عنده عرف يركضله بإيدة وبرجله ويدخل العشيرة كلها للمستشفى..
قبضت ايدي حيل .
من اتعصب اقبض ايدي . وكأنه اقبض غضبي جوه ايدي ..

تدخلت الدكتورة .!!
دكتور . هذولي عائلة المريضه الي بلغتك عنها . واكيد مشغول بالهم عليها ..

دخلوا لجوه وشويه وطلعت الدكتورة بأتجاهنا ..
تقدمت الها بس هي ارتبكت ..
گامت من تشوفني تتوتر ..
ومن غير ماتباوع بوجهي .. گالت الحجية لازمها عملية قسطرة لأن عندها انسداد بالشرايين ..

صگر .. وشوكت تسووها ..
رفيف .. هاي يم دكتور حسين بقت .. رحوا وافتهموا منه
شويه وطلع الدكتور وفهمنا ع العمليه ..
رحت ادور على رفيف اكيد هي تعرف هذا الدكتور زين او لا ..
رحت للغرفه لگيتها تلبس تريد تطلع .
دگيت الباب .
توترت . الغرفه بيها دكتورات مااعرف ممرضات . ناس داخله وناس طالعه ..

گلتلها من رخصتج . جابت جنطتها واجت .
گالت .. تفضل ..
باوعتلها بحديه . هي بعدت عيونها ..
گلتلها .. بخصوص العملية . شتگولين نطلعها ع حسابنا لو دكتور حسين زين .
رفيف .. بالعكس . دكتور حسين استاذي .. وهو قدير بمهنته وفاهم . انصحكم تبقون تراجعون عنده ..
وبعد انتو احرار بهذا الشي ..
صگر .. جيد . هذا هو وشكرا ع النصيحة ..
رفيف .. لا شكر على واجب . اترخص بعد خلص دوامي .
صگر .. براحتج دكتورة . واذا تحبين اوصلج او واحد من الشباب يوصلج ..
رفيف .. لا شكرا عندي سيارة ...

من گالت عندي سيارة . شبت النار بيه .. وين صايرة عدنا حرمة تسوق سيارة ..
لاعبالكم متخلف وجاهل ..
رغم اني محامي ودارس وفاهم بس هاي عاداتنا ومانغيرها بيوم وليله ..
ماانكر احب البنيه المثقفه والدارسه بس مايمنع انه تمشي على تقاليدنا ..

خليت فكري يمها .. طلعت اورث جكارة ..
وشفتها ركبت السيارة وتعاين عليه بالمرايا .
وعبالها مامنتبه ومااشوفها ..

رجعت للمستشفى .
والتهينا بالوالدة ..
حالتها زادت للاسوء .
ثاني يوم . اجت وشفتها مرت ع المرضى . وبعدين راحت للكافتريا .
تقدمت گتله انطيني جاي وحساب الدكتورة عليه .

اخذلها جاي ولفة . انطته فلوس گالها واصل ..
هي ضاجت .
وگالت لا الا تاخذهن وماقبلت ..
اخذتهن وخليتهن بالجيب الفوگ ..
هي عصبت وراحت لجوه ..
طلعتهن اشتميتهن وابتسمت .
خليتهن بقطعة كلينس وضميتهن بجيبي ..

تدهورت حالة الوالدة واجه الدكتور شافها وحدد العمليه باجر وبمستشفى اهليه .
اجه الشيخ . ومن شافه الدكتور عرفه . ورحب بي وشالنا بالصلوات ..

همه يسولفون . واني كان انتباهي عليها . حاطه دفتر صغير وتكتب بي ملاحظات .
مخليه القلم وتشخبط بي ..
اني ماشلت عيني عليها ..
الى ان ابوي .. گال صگر يله انتبهت .
هي راحت وي الدكتور .
واني عيوني وراها ..

للظهر . طلعت واجه ولد اخذها .. كتلني الفضول ولازم اعرف سالفتها شني ..
اخذت عنوانها واسمها الكامل بطرقي الخاصه ..
اسمها كان مو غريب عليه ..

مااعرف ليش شغلتني بنيه وبيومين بهذي الطريق .
بس يمكن تحديت نفسي بيها ..

نقلنا الوالدة على غير مستشفى ..
والتهينا وياها ..
سوولها عمليه وعدت بخير وسلامه ..

بعد العمليه مر الدكتور وشاف حالتها واثناء الحديث جاب سيرت رفيف ..
حسيت گلبي رجف ولاول مرة يصير هيج ..

طلعت الوالدة للبيت وبدت تتحسن ..
احنه انشغلنا مشاغلنا وعدنا شركة هم هملناها الفترة الي راحت ..

بس بقت رفيف ببالي وماغابت ..
بعدين گلت اكيد عندها فيس او صفحة ..

گمت ابحث .. وماكو هواي اسماء نفس الاسم ..
اخر شي ..
كتبت د.رفيف التميمي ..
طلعتلي صفحة بيها صورة بنيه لابسه صدريه مال اطباء ومخليه سماعات ..
دخلت ع الصفحة ..
شفت منشور بي رثاء الوالدها ..
وصورة والدها ..
من شفته عرفته ..
اووووه واني اگول الاسم مو غريب عليه ..
غازي التميمي . محامي ابوي سابقا

نزلت ع المنشورات . ناشرة صور اخوانها . ومنزله شعر بيهم وتفتخر بخوتهم ..
ومنشورات عن اطفال ناشرتهم ..
عجبتني صفحتها حيل ..
والاكثر مابيها اصدقاء شباب ..
صفحتها صارت هاجس بالنسبة الي كل يوم ادخل واتابع يومياتها ..
جان بودي ادخللها واحجي وياها .
بس هذا مو طبعي .. وخفت لاترفض وتحجي الاخوانها وتصير عيبة بحقي وحق اهلي وسمعتنا ..
مو صگر ابن الشيخ غالب الي يدخل على حرما ويحجي وياها باالختلات والسر ..

مر شهر ونص ورفيف صارت مثل الحلم الي .
وخاصة بعد مااشوف رجليه تاخذني الحي الجزائر حتى بلكي اشوفها ..
لو اوگف گبال المستشفى واعاين بلكي تطلع وامتع ناضري بيها ..

من زم

ان واني امنيتي اخذ مرة فاهمه ودارسه وتفهمني .
بس ابوي ماعده الا الزواج من من بنات عمومتنا . ويگول السيد مايتزوج عاميه الا علويه ..
والصرحة كنت مختلف وياه بهذي الشغله .
وهذا سبب من اسباب رفضي الفكرة الزواج ..

انة طالع دول وشايف وخاصه الخليج ..
ومن حقي اختار البنيه الي تناسب عقلي وتفكري ..

وبيوم الي فاتحت اهلي بموضوع الخطبه .. رفضوا .
وخاصه بعد ماعرفها دكتورة ..

الشيخ .. بويه هاي مو من ثوبنا . باجر تمشينا ع مرامها لأن دكتورة واني گتلك ماتاخذ الا علويه ..

صگر .. يابة البنيه بنت ناس وابوها غازي المحامي الي جان يشتغل وياك ..
واخوانها ماشاء الله واحد مهندس وواحد ملازم .

الشيخ غالب .. لا يبوي مااريد غريبه تطب بيتي . ابوها اعزة الله يرحمه . بس البنيه غريبه ومانعرف شي عنها ..

………..،…………………… ..
صگر .. افة عليك شيخنا . اني اجيب حرمة للبيت ومااعرف راسها من ساسها ..

ابوي راكب راسة والف سيف وماقبل الا اخذ علويه ..
من بنات عمومتي ..
واني گتله مااتزوج بحياتي ..

امي تبجي . وتگلي تحرمني من ولدك يصگير .
باوعت الابوي وگالتله ..
خله ياسيد ياخذ الي يريدها .. ولاتحرمة .
بس بشروطنا .
والي يريد شي يعوف شي ..
بس اهم شي مايحرمني من شوفت خلفته .
واريد نسلهم يكبر ويصيرله سند بعد ماراح اسد الله يرحمة ..

خلوا شروطهم .. بالبدايه ماوافقت وعاندت .. بس اعرف الشيخ مايتراجع اذا خله شي براسه ..

وبعد كم يوم وافقت ع شروطهم ..
وراحن اخواتي وعماتي يخطبن .. لان امي بعدهي مريضه ومو حمل طريق ..

كان يوم سعدي .. عمامي ماقبلوا ورفضوا .
بس بعد كلمة. الشيخ غالب . محد اله كلمة ثانية ..

………………………
رفيف ..
كنت مصدومه ولو افكر سنين مااتوقع هذا المتعجرف يجي يخطب ..
وليش خطب وشلون وهو حتى كلمة مابيناتنا ..
بدأ گلبي يلعب ومامرتاحة للموضوع ..

اجو اخواني ..
وماما سولفتلهم ..
رامي حسيته وجه معبس ..
وگال .. همه خوش ناس اهل حسب ونسب .
بس ترى نفسهم الي عندهم طلابه وي حسين .
واخاف عمامي يسون سالفه وتكبر ..

رافد .. بعد موافقة رفيف وموافقتنا محد اله حق يحجي .واني من باجر اسأل ع الولد واذا يستاهلها .
مااوگف بطريقه ولا اي واحد يوگف ..

رامي .. عوفها عليه . هاي رفيف مو اي وحدة . لازم الي ياخذها يخليها بعيونه وغمزلي ..

استحيت ودنگت ..
رامي .. ها ام اللسان وين راح السانج ..
هند .. دسألوها اذا موافقه او لا ..

ماما .. اي صدگ شنو رأيج رفيف ..
رفيف .. ماادري ماما انتو اعرف . واذا اخواني شافوه مناسب بعد بكيفهم ..

رافد .. هاهي رامي توكل واسأل اكثر . همه نفسهم الي الوالد يشتغل وياهم قبل .
رامي .. اي همه .. بس لازم نگول العمامي بعد مانسأل ..
رافد .. قصدك انطيهم خبر مو أسئلهم . لأن احنه المسؤولين عنها مو همه ..

ماما .. يمه بهداوة قابل هي عركة . مهما يكون عمامكم واهلكم ..

.. مر كم يوم ورامي اشتغل مباحث .
ومازلت متوترة وخايفه . وكنت اتمنى تطلع فد شغلة صغيرة عليهم حتى ارفض .
بس بالليل من اتخيله شكله وشخصيته . ابتسم واحس بفرحة بداخلي ..
يعني كنت متناقضة بذيج اللحظة بين گلبي وعقلي ..

الى ان اجة رامي ورجعلنا خبر ..
گال صار اسبوع ماخليت مكان مادورت . والولد ماعليه شائبة ..
صاحب نخوة وشايل شغله ابوه على كتافة ..
وهو خريج قانون ومحامي ..
من سمعت خريج ومحامي . حسيت براحة .
يعني دارس وفاهم .. واني عبالي جاهل .
لأن اسلوبه جاف ..
اووووف هذا بس لا عمره كله هيج متعجرف يبقى ..

رافد اتصل على عمامي وخبرهم .. وعمي گام يحجي .
وتجادلوا هو ورافد ..
رامي تعصب وگال ..
يمه ردي خبر للجماعه مو بكيف واحد هي ..

رفيف .. لا ماما . انتظري . مااريد مشاكل .. وبعدين اكيد يردون عمامنا شنگللهم متعاركين لو ماراضين .
الافضل تتفاهمون وي عمو حسن وهو يقنع عمو هادي ..

ماما هم ايدت كلامي ..
بس لليل .. اجة عمو هو وحسين وعلي ابنه الثاني .
هادين علينا ..

عمو هادي .. انتو بكيفكم تنطون ماعندها عمام اهل . غير تستشيرون الاكبر منكم .
شو انتو ماتعرفون الاصول اخذتوا طباع خوالكم .. وتربيتوا على عاداتهم ..

رافد .. عمي لاتتجاوز ومثل مانحترمكم واجب عليكم تحترمون خوالي وامي ..
ادري من يوم يومكم ماتحبون امي .
بس مو بكل سالفه. جبتوا سيرتها . لاتخلونا نتصرف غير تصرف ..

هادي .. ولك السانك شطوله وانت ماتعرف بالاصول . الي تنخطب ينشدون ولد عمها يابه تردوها لو ننطيها مو بكيفكم تنطوها ..

رامي .. لا عليك الله ههههه . تريد رفيف الدكتوره والمثقفه انطيها الكم حتى تسوون بيها مثل ماسويتوا بأمي ..
وبعدين منو بيهم يوصل الاضفرها وانطيها الها .

حسين .. واني مو بعينك . اشو شاغول وعندي سيارة ومتمكن شنو ناقصني ..

رامي .. ناقصك هذا . واشر على عقله ..

حسين .. والله احسبوا حسابكم . لو تبقى تعنس وماانطيها الذوله . نسيتوا شسوو بيه .
انهي عليها واخليها معلگة ومااخليها تاخذ واحد منهم .

رافد .. انت رجال وانهى .. يله اطلع برة برة ..
رامي سحب حسين وعلي و

طلعهم ..
وعمو طلع وراهم ويهدد . الا اروحلهم واگلهم البنيه نلهي عليها ابن عمها واخربها ..

رافد .. اطلع عمي ولاتخليني اتجاوز عليك . لاتبقى بحجي ابنك الزعطوط ترى تخسر ..

ماما تخربطت هبط ضغطها ..
ورامي عصب ويعيط ويضرب بإيده ويروح منا ويجي منا .

البيت بساعة وحدة انخبص . هذا كله لأن رفيف رادت تفرح ..
بقيت افكر بكلام حسين وخفت لاصدگ يسويها وينهى والله لو اموت مااخذ هذا الزعطوط.

يتبع….

عمري اثنينهن نفس الشي..بس اذا بشرتج مختلطة فاستعملي جونسون

والترطيب مرتين باليوم صبح اول ماتكعدين من نوم
وبليل قبل لاتنامين🥰✨


#ملوكه

حبي بهالبيج 👇🏻تلكين صداري

هو بشكل عام صدريات يبيعوهن بمحلات مال مستلزمات طبيات

#ملوكه

ويله اتحضرن نكمل لعبة البارحة..😎💜

#ملوكه

النقاط:🥰✨

نازوكه 1
ضحى 3
اA1
براء 2
مريم 1
ام مقتدى يوسف 1

#ملوكه

ونبدي بدايتنا بسؤال سهل🌚

اكمل المثل

سبع صنايع و...🤔

@maloka97_bot

برافوو..واول نقطة لسجى..جانت الاسرع😎

الجواب والبخت ضايع


#ملوكه

حرمات ضحاوي ماهي🥺✨..يجوز ماعدها نت

#ملوكه