#تنسيقات بيشت😍

#ملوكه

احببتك رغم كل شيئ
البارت الثالث

كلت بكل هدوء وجدية
- حيدر مو المهم اعيش مثل الأميرات ولا المهم الفلوس اهم شي عندي هو انتا .... وشلون نكون حياتنا سوا دون مساعدة من احد ....والاهم من كل هذا هو حياتك للسابقة ....
سحبت نفس وكملت
حياتك السابقة اريدك تنساها للابد حيدر ....الله يخليك لاتكسر كلبي ....لان اذا انكسر صعب ...صعب كلش اكدر اسامح ويمكن ينتهي كلشي وللأبد
ابتسم بثقة بينما كلبه نغزة وحس بداخله انو اكو شي موزين راح يصير ويفرقهم ....شنو هو هذا الشي ميعرف

ثقي بالله رقيه من يوم الي شفتج بيه ماكو بنية حلت بعيني لا والله

بقو يتجاذبون اطراف الكلام وخلصو وجبه الغداء وهما مثل عصافير الحب .... حيدر كلبه ممطمئن يحس اكو شي راح يعكر صفو هذي السعادة
الله يستر همسها وهو يوصل خطيبته لبتهم
***
دخلت من باب المطبخ شفت اختي غدير .. اصغر مني بسنتين يعني عمرها 18 بعدها اول مرحلة علوم بايو .... واكفه يم السنك تغسل المواعين ... باعت عليه وكالت
- شرفت ست الحسن والجمال ....وينه حبيب الكلب ليش مطب جوا ؟؟؟
اقتربت منها وكرصت خدها واني اضحك على طفوليتها
- ولج مجوزين من سوالفج شكد وكحة ... حيدر وصلني وراح كال عنده شغل
جاوبتني وهي تغسل المواعين
-اي عيني يوميا غدا وعشا بالمطعم وكذا اوعدنا يااارب
ضحكت وعفتها هذي غدير فرحة البيت وربيعة
ملامحها تشبه بابا ...عيون بنية وشعر اسود وخفة دم مو طبيعية
شفت ماما كاعدة بالصالة هي وبابا يشربون جاي
تقدمت وكعت بصفها بعد ما سلمت عليهم
بدت امي تسالني على حيدر وشكال وسوه
- ماما يمكن باجر راح يجون حتى يحددون موعد لكطعان المهر
بابا كال
-بيها الخير بنتي اهم شي متندمين ورا الزواج
امي جاوبت ووجها عافسته ومدلغمة
-والله يا ابو عبير مدري ليش كلبي ممطمئن حاسه وكانو احنا بيدنا دنسلم بتنا لواحد قمارجي ابو نسوان
ابويه جاوبها وهو مركز نظراته عليه
- بنتج جبيرة وتعرف مصلحتها !! موهيج رقيه
وقبل مااحجي جاوبت امي بسرعة
- والله اني لو منك فلا انطيها اصلا حتى رقيه رغم عمرها العشرين احس عقلها بعده عقل طفلة
.. الله يستر بس... +
وكفت بسرعة لان اعرف اذا ظليت كاعدة امي اظل تحجي على حيدر ومراح اجوز اذا مسود كلب بابا وتخليه يغير رائيه مرة لخ واني مصدكت وكدرت اقنعه

- ماما شنو هلحجي !!! حيدر صار زين وكلنا دنشوف شلون ملتزم من الشغل للبيت ومن البيت للشغل

امي جاوبتني بنتر وهي تلوي شفتها
- اي وشمدرينا صدك حجية ؟؟؟
- ماما صدك جذب ! حيدر ميكذب اني متأكدة وكافي تشيلين خطيته بركبتج مو انتي اتصلين
عفتها وطلعت من الصالة بس صوت امي ظل يرن باذني

- ياريت والله يابنتي نطلع كلنا متوهمين وظالميه وانت كل ظنونج وحجيج الصح ...قابل اني شريد ؟؟
فعلا صار ثاني يوم واجه عمو محمد هو وزوجته وحيدر ....
لبست فستان طويل لونه كريمي وبيه حاشية مثل الورود لونها ازرق وحجاب كريمي ... محطيت مكياج بس كحلة سودا برزت لون عيوني العسليات
اول مطبيت حتى اقدم الضيافة راستا حيدر وكف وهو يبتسملي بحب عيونه تريد تاكلني اكل
قدمت الضيافة وكعدت بصف ماما خجلانه
بس هو مكعد راحة اجه وجفت بصفي وهمس بصوت ناصي
- ولج شطالعة اشتعلو اهلج شوكت نزوج وارتاح
والله ماخليج اطلعين من الغرفه شهر +
بقيت ساكته بس وجهي احسه كام يطلع نار
هذا الحبه بحيدر جرائته وحجيه ... اذا اني استحي وهو يستحي مترهم الشغله ... لازم واحد خجول وواحد جريء هههههههههه
المهم اتفقو على المهر يم السيد حيكون الخميس الجاي اما عقد المحكمة راح يبلش بيها من باجر لان المعروف انو اجرائتها اطول شوية

عمو محمد كال وعلامات السعادة مرسومة على وجهه خاصة بعد ما لمس تغير ابنه للافضل

- والله رقاوي عاشت ايدج من هسه وحيدر مشيتيه على الصراط المستقيم ....كدرتي اتغيره بفترة بسيطة.... هسه ابني صار عاقل
مرت عمي جانت كاعدة بأنفه وحاطة رجل على رجل مبينه مراضيه على زواجنا بس اني مهتمت ...المهم يمي حيدر وبس... بعدين هو وعدني نسكن بمشتمل راح يبنيه الي بحديقتهم الجبيرة
حيدر جاوب ابوه وهو يتصنع الزعل
- ليش جنت قبل مخبل يابه ؟؟؟
ابويا ادخل وضحك بعدين كال
- لا وليدي لاتخاف كلنا جنا هشكل قبل الزواج وبعدين عقلنا ...مو بلله محمد
ظلو يشاقون ويحجون بس امي ومرت عمي ظلن ساكتات وحده تباوع على اللخ بتحدي وبرود ... عبالك كاعدين بحلبه مصارعة ههه
المهم انكضت الليلة بسرعة ومحمد يوصيني ويكول بخدر
- اكلي زين اريد مرتي مربربه ... اريد لحم ..لحم .. تفتهمين عليه !!
باوعت عليه وهمست بدلال خليته يتخبل
- ليش بلله شبيه جسمي ترى ماكو احلى من الرشاقة ؟
اني جسمي جان معتدل متناسب وي طولي
طولي 155 ووزني 60 عندي خدود ورصعه من اضحك تبين
جاوبني حيدر وهو يباوع لشفايفي بهيام
- اوف كلشي بيج حلو وين جنتي مضمومه مدكوليلي شلون مشفتج من قبل !! غير اعمى وغبي اني !! اويلي يابه بركة دعواتج يمه ...شوف الله شنطاني مصقولة تنكرط كرط
المهم طلعو من بيتنا واني احساسي مابين الفرح والتوتر
اي صح جنت فرحانة بس بنفس الوقت متوترة كلش
خايفه .....خايفه افشل ...خايفه يرجع حيدر لسوالفه المكسرة بعد الزواج وكل البنيته يتهدم على راسي
موقفي حيكون صعب
خاصة كدام امي وابويا وخواتي
معقولة يكون حجيهم وتخميناتهم هي الصح واني غلط بغلط ؟؟؟
**
طلعت من بيت عمي وصلت اهلي للبيت بعدين رحت لشقة صديقي رياض .... الي بس عرف بيه راح اتزوح حلف الا يسويلي سهرة بريئة ويعزم بيها جماعتنا
كتله ترى ماريد لاشرب ولا قمار بطلتهن وخلص
حلف وكال اطمئن مجرد سهرة عادية اعتبرها اخر سهرة اتودع بيها حياة العزوبية
***
ياترى شنو راح يصير وي حيدر هل فعلا تاب من الشرب والقمار والسوالف المكسرة لو للقدر رائي اخر

يتبع....

احببتك رغم كل شيئ

البارت الرابع
رحت شقه صديقي وفعلا جانت كعدة ونسه وكيف
ولو هو مكعد راحة ...جايب اشكال والوان بيرة ومزة وحبشكلات بس اني مكست اي شي مجرد بس كعدت واخذتنا السوالف والشقه والضحك
اغلب صدقاني جانو موجودين ...علي وسامر و سمير
بقيت هناك الى ان صارت الساعة بالوحدة
طبعا دزيت كم رسالة غزل وحب لرقيتي
وبينما اني كاعد اكلب بالفون حجة صديقي علي وكال
- اكولك باجر رايحين نسهر بملهى (.....) ليش متجي ويانا نكضي وكت ونتونس ؟؟
عقجت حواجبي وكلت
- لالا بطلت اروح هيج اماكن خلص تبت
علي باوع عليه وضحك وهو يكول بنبرة استهزاء معجبتني
- هااا شبيك تخاف من خطيبتك مو بلله ؟؟؟
جاوبت بسرعة
- لاطبعا وليش اخاف منها !
رياض كال وهو يبتسم بخبث
- عوفه يمعود مبين الحب مسويلة غسل دماغ او يجوز
سكت وهو رافع حواجبه يباوع عليه .... كتله بسرعة
- يجوز شنو كمل
- يجوز فعلا تخاف من خطيبتك هههههههه ذبحتلك البزونه من اول يوم ههههاي
هنا وصلت حدها صدك ضجت من اسلوبهم الساخر عبالك اني طفل او ماعندي ثقه بنفسي
- اسكتو بلله .... الظاهر نسيتو حيدر شنو ومنو ... ميخاف بس من الي خلقه
جاوبني علي وكانو يتحداني ارفض
- اذا هيج صدك ...تعال باجر بالليل واعتبرها اخر سهرة ....ها شكلت ؟! +
سكتت شويه وبداخلي عواصف ودوامات من المشاعر المتناقضة .... اروح لو لا .... اذا مرحت راح يكولون علي مو رجال وفعلا ماشي ورا مرته واذا رحت اخاف اضعف ....اعرف نفسي بس اشوف طاولة ابقمار لا اراديا العب وبدون حساب
سحبت نفس ثكيل وظليت صافن
- خلص حيدر واحنا منريد نضوجك لو نخرب حياتك ولو هو جان مجرد
قاطعته بسرعة وبدون تفكير حز بنفسي اصير كدامهم مثل الطفل الحاير المتردد
- باجر يمكم اني والسهر صباحي وعلى حسابي
صفك رياض وكال بضحكه
- عفيه عليك هذا هو حيدر الي اعرفه
طلعت مناك واني مااعرف الي سويته صح لو غلط
لكن الي اعرفه ومتاكد منه هو انو اني لازم اروح
واثبتلهم منو حيدر ...وشيكدر يسوي اذا قرر شي يريده
********
طبيت للمطبخ واني اعدل فستاني شافتني ماما الي جانت كاعدة تلف كبه
- ها ماما شنو طالعين ؟؟؟
ابتسمت وسحبت نفس
- اي ماما هسه حيدر راح يجي ياخذني حتى نختار بدلة المهر
- بالمبارك حبيبتي يارب اشوفج دوم سعيدة وفرحانه
اتقدمت منها ونحنيت وبست خدها
- الله يخليج الي ماما ...والله حيدر حباب وخوش ولد هسه شوفين
رجعت تلف كبه وجرت حسرة
- علوا يابنتي هو اني شريد غير سعادتكم وراحتكم يا امي ...
كعدت كبالها على الكرسي
- لعد عبير مخابرت ؟؟؟
عبير اختي الجبيرة مزوجة من ابن خالي ومسافرين للنرويج .... وياما ماما وبابا نصحوهم ميسافرون بس زوج اختي جان قافل لازم يسافر ويكون نفسه خاصة لما اتفق ويه صديقه يفتحون مشروع ناجح هناك
- اي خابرت الصبح خطية وهواية فرحانه الج بس مااصور تكدر تجي لحفلة المهر
هزيت راسي بأي كعدت شويه اسولف وي امي لحد ما اجا حيدر ودك هورن .... بست امي بسرعة وطلعت والضحكة مرسومة على شفايفي
فتحت باب السيارة وكعدت

هلوووو
هلاوات حب ...شلونج
جاوبت واني اباوع من شباك السيارة
الحمدلله زينة انت شلونك
من اشوفج اصير زين حبيبي
ابتسمت ودرت وجهي مرة لخ اراقب الشوارع بس احس كلبي ينبض بقوة ....
اني ماحب حيدر اعترف بهذا الشي بس احساسي تجاهه احساس مريح ...يعني احب كلامه ...طريقة لبسه ....اسلوبه ...شخصيته ...حتى عطرة صار يجذبني
اسمع امي دائما تكول
الحب يجي بعد الزواج .... ويمكن فعلا هذا الي راح يصير
ابد مجربت الحب من قبل خلال هل ثلاث سنوات بالجامعة علاقاتي كانت محدودة وي زملائي...وحتى لو جنت احجي وياهم فجنت احجي بحدود الدراسة والمحاضرات وبس
ومسمحت ال اي واحد انو يتمادى ويايه ...خاصة واني ملتزمة كلش وثكيلة الكلام على كد السلام وبس
الطريق كله حيدر يشاقه ويضحك ويسمعني احلى كلام سمعته بحياتي .... كلام يخليني اصفن عليه
اراقب تعبيرات وجه .... عيونه السود رموشة الطويلة ...ضحكته الجذابة لحيته المحددة
المهم وصلنا للمحل ودخلنا وصرنا ننتقل من مكان لمكان ...البدلات اكثرها عاريه الصدر والظهر كله طالع
جنت احاول اختار شي مستور شويه حتى لو اصير زوجته هم تظل استحي منه مو بايدي مااكدر هذا طبعي ومااغيرة وماعتقد اكدر اغيرة
اختارينا البدلة ...جانت لون ماروني طوخ الصدر دلع شويه ربع ردن ...ضيق من الصدر وواسع من الخصر ومدنفش .....

صارت الدنيا مغرب رحنا للمطعم حتى نتعشى ...
المطعم جان جبير كلش الطاولات متوزعة بصورة عشوائية ... كعدنا وطلبنا الاكل وبين ما حيدر ديسولفلي على تحضيرات الحفلة منسمع الا صوت ولد كال بصدمة وتعجب
حيدرررر هذا انت !!!!
***

دخلت ويه صديقي حسين للمطعم ...احس مختنك ماادري شبيه
الي يشوفني ويشوف مدى غنى والدي وشكد احنا مرتاحين ماديا يكول شكد محظوظ هذا الولد
بس هما ميعرفون الحقيقية ....ميعرفون انو اني رغم عمري الي وصل على مشارف الثلاثين بس احس كأني ضايع ...تايه ....ماعرف شاريد ....
حياتي احسها فارغة رغم علاقاتي وسهراتي
بس ممرتاح ....وكاني مضيع شي بس ماعرف شنو هوا ...حسين جان منطلق يحجي ويلغي واني بالي مو يمه فجاة وكف وكلي
- بلله باع هناك هذا مو حيدر صديقنا ؟؟؟؟
التفتت اباوع بس الي جذب نظري مو حيدر
وانما البنت الكاعده كباله
مو بنيه عبالك حورية نزلت من السماء
الخدود المتفحة .... الحلك الصغير ...الملامح الناعمة
الرقه ....كلشي انجمع بيها
وكأنو بيها سحر غريب خلاني واكف مثل المشلول
اباوع عليه بتركيز
حسين كال
امش وياي جواد نروح نسلم عليه ونشوف منو هلصاكة الكاعدة يمه
جاوبته بخزره معروف بيها ومتفاركني ابد
واني شكو ...تريد روح انت اني حكعد هناك انتظرك
كيفك اني اذا مااعرف منو هلكمر الكاعد كباله فلا ارتاح