نج دروح اخذ من خاطري امج
تسلمين خاله ان شالله متشوفين شر لاتعبين نفسج ولاابد اعتبري نفسج اجيتي خطيه المكان بعيد وانتي مريضه شيوديج فتره وتجي ماما هنا واخذي من خاطره

اي والله هم صدك شيوديني
مبيه حيل
الله حجاج بعد عمري اني مكرمه مبيه حيل امشي منا لهنا وتردين الصدك والله كله من السمن وديكللولي سوي رجيم اكلهم ولكم وين سمني واني شماكله
هوه ماعونين تمن بلغده وكرصتين خبز وتعصرنت ماعون كليجه وجاي
وهسه سويتلي طاوه عليها ٦بيضات و٤طماطيات وراح الف راسي ونام بله شماكله حتى نوم انام من وكت مو هاي لعالم تضل ليل كله تحرفش اكل
متتت ضحك كل هذا ومماكله شي زين خاله شدعوه ٦بيضات هوه انتي راسج وراس عمي ابو غايب

يااا هاي انتي هم هيج دكولين
ولج هوه لبيض ٦بالف قابل اضم منه دخل ناكل والله كريم

هههههه الف عافيه على كلبج وان شالله يخف وزنج
وتكدرين تمشين تصيرين طيره تركض ركض
امين الله يسمع منج
من رخصتج عيوني عود امر من تجي امج
اله صدك ديونه راح تباتين وحيدج ؟

اي خاله شكو عليه قابل زغيره
اي هم صدك بس شدكولين اجي ابات يمج اونسج

توني احجي تحمحم فارس كح
فكت عينه

هاي منو جوه

صفنت بعدتني تدعبل كفت لبرده ومدت رأسه فارس ايده على عكازه ميل رأسه تجاهنه شافته كرمشت عيونه وركزت عدل روحه مسد على لحيته ندارت فاكه كل عينه
ديوووونه وج هذا منو
وفاتت جوه

فتت وراهه وكف فارس لو اكلته وشربته تسلم وتحاجي وترد تباوعلي
وج ديونه ماكلتي لاستاذ هنا
على بختك يمه هاي شصاير بيك ليش هيج ضعفان لاوتمشي على عكازه
و الله حجيه تسمعين لعافيه مريض شويه

يااااا واني شون مادري
وشكد صارلك
وديونه ليش عايفتك
والله ولاسمعنه
ادري جان احد كال
حتى نسئل عنك نندعيلك
صدت عليه وج ديونه صدك تحجين ؟
جريته
امشي لخاطر الله هسه هيج حابته مو هذا ابو لعجل لتحجين عليه

صفرت تهز براسه
عجل اني اروح

طلعت لو متت ضحك عززه نفتحت فد فتحه وبس ذكرته بمجاده طفرت ومن رتباكه ابو لعجل لتعيب عليه صارت تحجي مثله
على بتسامتي لكيته صافن صارت عيني بعينه ميل رأسه جر الفون من ايهم باوع بلساعه واجه ايهم يركض يهز بيه
ماما جوعان
جره عليا خلاه كباله وحاوطه برجليه
ناقص وكت لخذت لنقال تذكرت بطنك موو
ضحك
تحدر وياي ناكل سوه
وين
لبيتنه هناك تتذكر ملاعيبك والشاشه لتدحك بيه كارتون
صفن اصبعه بحلكه فطن ورد
لاعععععععع
ول عليش؟

ترابك هناك

عكض فارس شنو

تربك والمره لعوعو هناك ؟

ندار عليه يهز براسه شنو جريت نفس ونصيت

اديان شتايكول

يكلك تبارك وامه هناك

مسد على راسه يكله وانت شعليك منهم

لالا عوعو شوف يعضون ويتلوني
ايهو يتكربلك وانه موجود غير انعل جلاب اهلو واحسب الله ماخلقو ول انت صاير حبك يسري بروحي
انت صرت بمعزه تبارك

لاعععع ماحبه ترابك ماريد

ههه لا تريد بس لاتعكد حواجبك هيج جنك ذولاك الناس
وميل رأسه يباوعلي
درت وجهي ورحت بصفه لجوله جنت منصيته خليت لطاوه وكمت اكشر بتيته خابرتني ماما تسئل ليش ماجيتي حرت شكله تالي نطقته
فارس هنا
سكتت وردت كالت
ماما خوما اكو شي
لا والله جان كتلج
لعد خوش
امي ديونه عود هله هله بي
ماما سلميلي على تماره وعذراء لصبح جايه ان شالله
محجت
سديته وكملت تقليم وكف مستند على عكازه عاض شفته طابك تك عين يبين ديتلام عدل روحه همس
انه رايح شلون تباتين ويحيدج
هزيت راسي
اي ماعليه شي
ليش ماتجين وياي
لا شعندي
دنكت وبهت لوني من كال
لشوكت
سكتت
تقدم خطواته ثكيله
اديان لشوكت
ماحجيت
خله وطلع

ذبيت كلشي من ايدي غطيت وجهي بيدي ارجف
رجع فارس
محيعوفني
وحيرج الكر والفر
واني رافضته ازيد من قبل
شايله عليه عدال قبل
شون بيه
شون راح اتعامل وياه
وشون راح تكون ايامي لجايه
وكفت اطلع اشوفه كل ضني راح وشي بكلبي ينغز بيه
ياربي شكد متناقضه اني
شريد
وليوين داوصل ماعرف
فكيت لبرده وطلعت لكيته واكف يدخن حس بوجودي شمر لجكاره بطرف ايده وندار يكلي ماغيرتي رايج
سكتت
تقرب
حدري نتفاهم بشقته
رفعت عيني لا
عجل ابات هين تره موكادر اخليج بروحج ولاراضيه تجين وياي ولسه جثير كلام عندي ودي اكلو واسمع منج لماحجينه

هزيت راسي ساكته وفتت اكمل عشه
اشتغل وكل فكري
شون راح يضل
شون نكون سوه بفد مكان
خاف اضعف
لو انكسر
وارجع اكول لا اني قويه
جسمي يتحرك اطرافي تشتغل بس بالي بغير مكان
سويت البتيته وكفت حايره
اكلي بذنجان
لو عيب
هوه مياكله اصلا
زين اكلي طماطه
لو شسوي ياربي شكد عيب شهل احراج لاني بي
وكفت منصيه حايره ايدي على ميز لخالين الجوله عليه ودوي ايهم يمه بره يرطن وهوه يسملعه عيوني تفر شسوي
شسوي
تالي كلت لايكلف الله نفسا الاء وسعها هاي عيشتي وهاي مقدرتي
كليت طماطه
وقلمت خيار خليت الخبز وببسي عندي من مال لضهر لتهيت بلشغل ولاشربناه لااني ولا ايهم اخلي وخلص

رتبت لصينيه وصحت
ايهم تعالو تعشو
فاتو كايده كعدو واني اجيب لمي ولكلاصات عينه ورايه تالي كال
بس ي

ابه حدري اكعدي ابو الهيم جوعان
كعدت بس شنو عيني مرفعته ولالكمه خليت بحلكي مجر اوكل ايهم
هدوء عجيب لجنه بي
ونفس لوكت مفكرت اباوع عليه اكل لو لا
كملو ولملمت
بعده طلعت غسلت ورجعت احساسي مصفر
حجينه
كعدنه سوه
وعلى فد صينيه
وللان اني اكول يمكن حلم
هسه اكعد
لو داتوهم
كل هل احاسيس عندي لان وضع فارس قبل يوحي بان هل نومه مطول بيه
لاكن يبقى الله قادر على كل شي قدير

صليت ودعيت هواي
كون اصبر
كون جروحي تبقى مسدوده
كون متنفتح
وكن يروح وكن شياء لم يكن
على مكان لسجود
شتغلت الكهرباء
رفعت راسي جان مدد ايده على عيونه وايهم عيونه معقوجه كد مباوع بلفون
اخذته منه طفيته وخليته يم راسه
جبت ايهم على جلي هزيته لحد مغفى وغطيتهم
واحس فارس منايم
بلعت ريكه
هزت رجله
كله توحي هوه كاعد
طفيت لضوه ولفانوس نصيته وليغاد تلفلتف مغمضه
ساعه أكثر
لحضه ماغفيت ودك فونه
راسن رفع رأسه عينه فرت كل مكان وجاوب همس
هلا خير
لا مو جاي ليش صاير شي
عجل لاتنتضروني كولي للحجيه تنام وانه لصبح اجي
وعليش تبجي نطينياه
هلا بابا حبيبتي شبيج
ول جاهله انتي جاهله نامي ولصبح اجي وليحلالج يصير
اي انه كلت لثامر يحدر ياخذكم وتردون
شلون عليش عجل ومدرستج
شنقلج هين انتي منو جاي يحشي هل كلام بمخج شهور صار تداومين وتحدرين يمي خميس وجمعه هساع شجاج
تبارك لاتطلعين أعصابي باجر نتفاهم حدري نامي
لاموزعلان بس لاتسمعين من احد
تمام
كتلج مو زعلان
هههه يله راح اكولج والله مو زعلان يا بعد معاليجي انتي
سده
غمضت كل قوتي
كل عاده ميسون
وانوب نطته تبارك تحاجي تعرف نقطه ضعفه
تنهدت استغفر
وادد
بعيدا احسن الج
مرته تريده
تاخر تسئل عنه
وبنته روحه بي معافته اله كال اله لكلمه لتعرفه ميطلعه اذا مو راضي

تحسست خطواته رفعت راسي ندار
راسن نصيت
طلع بره واسمعه اكثر من مره يطك بلجداحه تالي شمره يسب بيه
كمت للميز اخذت مال لجوله وطلعت فكيت لبرده ندار مديتليها اخذه وبسرعه ورث ونطانياهه
رجعت بفراشي
غطيت حتى راسي
تصرفاته تربكتي انام وهيه تعدي هاي ليله
اقره لذكار وستغفر ساعه ساعتين عيوني ذبلت خنطلت وعطره فات بريتي
احس بوجوده
بقربه وخاف ارفع راسي
تلمس شعري يمسد عليه فزيت الم بروحي
نصى يشرلي بيده على كيفج
نزويت لامه نفسي
وهمس
ادياني يمتى تحنين

فكيت عيني هز رأسه
اي اي
يمتى تحنين
فارس فدوه عوفني لا تفكر من ستقبلتك خلص اني ناسيه
ومسامحه تره ستقبلتك لان تربيتي متسمحلي اوكف بوجهك او اقلل من احترامك
لا تتوقع ناسيه
لا فارس لا
اني جروحي مخيطه
وبس تتقرب تنفدك
الله يخليك ابعد ولاتخليه تنزف
انت شبيك
انت نخنت
نغدرت
نضحك عليك
انت حملت تسع أشهر وتعبت وراح تعبتك
انت غسلت ابنك
دفنته
لو نطردت
ونهنت
ونتهمت
كلي انت شمر عليك من كل هذا

يولي لاتهيجين لمواجع بمحراث اعوج
ينكر لكاع أكثر مايكلبه
انه ليش ضميت عنج
غير احبج
ليش اخذت لطفل منج
غير ردتج تردين
نزلتي راسي ونخاط بشواربي وكلت تهون ويتصلح كلشي لجل عين تكرم الف عين هساع ننجمع نحنا وطفلنه بس الله ماراد
ليش هينه عليه
ولصارلي كلو منين مومن وره هل سالفه
تنتضري ٩اشهر
انه انتضره ٦سنين
اكو احد ينتضر احد ٦سنين يموتو
بجيت وهاجت لمواجع
تذكرت حملي
ولادتي
حماره وبيضه لطفل
ترافته
وشتاقيتله
كمت اشهك تقربت لمني بحضنه عصرني مغمض ضلوعي طكت
وكلبه يلكف
نفسه يرجف
جلبت حيل بتشيرته اشهك
لزم راسي بوجه يمسح دمعتي
ولحيته تنغز كل مسامه بيه

رجفت رجف جسمي صار كله يختض اخذ وجهي بيده
وشم اسمي بطرف اصبعه ليمسح دمعه تنزل عشره
ادياني ارجعي واعوضج
ابد
لاتقسين
ماكدر
يولي لاتكسرين بختته بعنادج
وميسون ؟
سكت

بتعددت وكفت على حيلي امسح بدموعي
ارجف
واقوي روحي
ندرت جريت كلاص لمي شربته غصبا عني اريد ابلع لغصه لبلعومي وكف وتقدم توه يحجي
نترت
اااااااااطلع من حياتي وشوف حياتك الله يخليك

خنزر اديان لاتلعبين بلنار يولي انه نار ولو هيجتيه تحرجج

ماخاف الله وياي
كلته وبجيث
قبض ايده على عكازته حيل مغمض نتر
سسسسياج سسسياج لجدامج عالي و محد عبرو غيرج بس بلقران لو مال بيوم لاتتوقعين ارجع اااابنيي
سكتت امسح بدموعي

اذن
رددت الله اكبر الله اكبر

مشى خطوه وصل لنهايه لخيمه فك لبرده وندار منصي بقهر كال

عجل من اليوم نحنا كلمن منا بدربو

.يتتتتتبع

#بارت٤٣
#لهفة_عاشق.
،،،،،،،،،،،،،،

ليش اجيتوا واحنة سدينة الحنين
ليش فززتوا
الجروح الكلنة طابن من سنين

ليش من ردناكم بعدتوا
بيا عذر هسة رجعتوا
بعد ما نرجع الكم تايبين

،،،،،،،،،،،،،،
الكوووه عمر

هلا باضلع شلونك شلون الصحه شلون المحرك والكابريتر وشنهو لخبار

انجعم ولا دابل(داهر ) من الصباحيات ركز وياي اريدك بشغله

ابششششر وانه اخوك ااامر

اريدك تسافر وياي اتعالج

ياساتر ياربي عليش يابه جربت وطلعت خارج نطاق لخدمه لو شنهو

ابن الطراك بطل هل مكسرات وترك لشقه انه احجي صدك

عجل انه مجذب البارحه وصلتك للمخيم كلت راح يداوي روحو يسوي علاج طبيعي ويجي شو صار لعكس وصبحت تريد تسافر شني لسالفه
عمر افهم علي انه موزين عضامي كله تون وكوه امشي روحي دايس عليه وهين لعلاج بطيئ وسالفتو راكده بره احسن

ول يربك ومالكيت غير عمر ولمنضمه شلون اعوفه

مانطول وماريد احد من اهلنه فيصل ماحاجي ولااخذ ولده ماريده يهجس انه محتاجو وثامر صاير هوه ابو لبيت مايكدر يعوفهم عدهم ضروف ولباقين لاهين ويه خطاب وعمليتو

عجل خوش اجي وياك شسوي يتيم ومالك احد

يول لاتخليني اغير رايي وساعته تضل تتوسل
لايابه لا لاتغير ولاتسير ولاتطير هوه عمر متكفل الايتام ولمشردين وحتى طليان لنبي يعقوب هم لويكلولي اسرح بيهم هم اسرح عاد شلون ماسرح بيك انت

جعمك لبين والله لنعل ابوك لابوه يوم لصرت بي صاحبك ثبرك الله شكثر تشلع الكلب ووولي يله اااانكلع

سديته امي بصفي
يمه وين تريد لاتعل كلبي توك كمت ما صار شهر وشحلاتك على علاج لطبيعي تحسنت وصرت خير من الله ياوليدي وين تريد بعد

حجيه خليني وليرحم اهلج انه صار شهور نايم ومن شهر كمت من غصبا عني انه لحاربت تاكوم وتعبت روحي وجبرته على علاج واحسها راح تنتكس خليني اتلاحك لنفسي لاانذب لنوب ومنو الي بعد
زين اذا توك تخابر عمر تكوله حدر وياي عجل انت ماجنت بايت عندو

سكتت

ولاترووح لبيت اخوك انه اعرفك ولا عندك احد هين ماين عليه عجل وين جنت

نصيت افرك بوجهي فتهمت علي خلت ايده على فخذي
جنت يم اديانك

هزيت راسي اي
تنهدت
وشسويت
يمه ماتقبل ترجع
حكها
وانه
انت لغلط من ساسو لراسو

شلون

لاتسئل مايحتاج ذيج هيه واضحه مثل عين لشمس وأديان مو ياهوه لجان انت تعرفها
اديان مو ميسون وتحط على راسه مره وتسكت

يمه منه والله منه كله من وراهه

هذا لحجي كولو لروحك هساع لوجت هين وسئلتك عليش سويت هيج شتجاوبه

اجاوبه بلفكرت بي وكت لرجعت ميسون
يمه انه الف نوبه كتله يابنت لناس الحرمه ارمله اخوي وخذته علمود لطفله
توسلت
وفهمت
وعفت لبيت
وتالي ماقبلت شريد اسويله بعد ابوس رجليه خوما ابوس رجليه
لايابوي فارس يبوس لرجلين مابلحيف

كالته تستهزء وكفت مزنبر
حجيه هاي انتي هم علي
نصت
كولي حجيه كولي لبكلبج قابل هيه ضلت عليج

انت وليدي ومو اني لكول افعالك لغلطت هيه لتسولف
جيت داتصخمه عميته اخذت ضناهه منها وعفت لحركه بصدره وهاي ام و نفسه وماتعرف دموعه شسوت عد ربك وهل اخذه وكعك

يمه تتشمتن بيه ليش مادكولين الله ماقاسمو عجل انتي وياهه عليش ليل نهار تعبدا الله وكت البلاء تذبن لوم بهذا وذاك
ماتشمت ولايخطر على بالك اكو ام تتشمت بضناهه بس حجيتلك لصار والبلاء لتحجي عنو محد تحملو كثر اديان
دارتك
وبارتك
ولاخر يوم عافتك غصبا عنه
وهيه كاتمه مصابه بكلبه

عجل هذا كلامج وينو وكت لصارت لمشاكل
وينو وكت ماطردها فيصل
وينو من تبلت عليه ميسون
انه جنت مشلول انتي شبيج

انه مره مريضه مالي حيل مكاون ومشاكل
فيصل يكول الحرمه طمعانه بي ومو لله بالله مداريتو
وانه لساني عجز وكت لحجيلو على اخلاقه وديانته مايصدك
ميسون من يوم يومي مو كادره عليه وعلى مصايبه ولو عندي حكم عليه جان مافكت ثوبه بكراج بيته وكت لجينه وصرخت لو تاخذوني لو افضحكم هين واصيح رجلي ومايودوني عليه وهوه مريض
تعبت
وعجزت وانه صحتي على كدي ادور صارن بتكاونن جدامي ويامن اصف والمن اخلي بعد شريد اسوي لزمت درب لسكته ولحرمه خلت وراحت
خابرت ماردت
وديت اخيتك ما رجعت
بعد أكثر من هذا شسوي
لاتسوين ولاش انه لراح اسوي ميسسون

عيوني ميسون

اكلج لأ من تالي وكت توزعين عليه عيون هساع تلمين هدومج وتردون للبيت

وانت ؟

انه شعليج مني

عجل راح ترجع لمايعه لحياله ولابسه نقاب لمكر مسويه روحه متدينه

لاتلوصين بلكلام ونجعمي حدري يله هيري روحج

لا والله ماروح تره حرام عليك خاف ربك
انه مرتك مثل ماهيه
وهيه لعافتك وانه لضليت
انه لتعبت
شهور
اغسل وابدل
واخدم
هسه من تالي تريد تبعدني عنك تاتختلي بيها هين
والله رجلي على رجلك
بجت تبارك... بابا ليش تسوي هيج ماما ماعافتك تنام يم رجليك وانه احبك ليش انت ماتحبنه وماتريدنه والله جنت ماسمع كلام ماما لان نصو جذب وماموجود بس هساع كلو صدك
ماما يوم واحد ماراحت وعافتك وانت هساع تريد تعوفنه

خزرته سكتت من بينهم جريت ميسون للغرفه فاتت تتبجبج جدامي كلاص لماي بلاستك طريته بي تطشر كامت تمسح ماي وموع وختلت بلزاويه تكربت جريت طرف ثوبه

ميسون ولخلقج لو حطيتج براسي مارحمج
تره ماكدامج واحد غيشم جلطات براسي اي بس بعدني بعقلي واحسن منج
لاعبالج مادري انتي لدفعتيني بلحمام
ماشفتج صحيح بس على مصحف احلف انتي لسويتي هل مكيده
ولدوه انتي سيف لمجرب بهاي لسالفه عاد شغلتج هاي مسويته كبل وانه لملجوم منج
بس مال تضلين تمثلين ليهساع لاهاي لواكفه وماقبله
تولين دام النفس عليج طيبه وتاخذين بنتج وياج لاسوي بيج لمايخطر على بالج
وانتي هساع لسوي بيج تستاهلي بس واكفه بعيني لشهور لجريتي بيه عدل وياي
ادري مو لسواد عيوني بس داتطلعين زينه بنضر لكل
بس هم مايخالف شفعولج هساع
لكمه
وكلاص لماي
ولهدمه لنضيفه كلهمن وكفن بعيني هساع بس ياريت انتي هم توكف بعينج كل زينيه مسويلجياها بحياتي
وتبشبشج بذني وسب اديان وتهمه بكل لسويتي هذا اطلعو منج وكت لتنكرين نصحي الج وكفتنه هاي
هزت رأسه كاضبه ايدي احبك و الله احبك ومالي غيرك وجثير من كلامها لمصفط ماسمعتله
جريت سويجي سلمت على امي وتبارك لميته بجي وطلعت
توجهت لعمر وبدينه انه وياه نمشي بسوالف لجوازات والحجز وسفرنه
سبوع كملت كلشي والحجيه ردت هيه وياهم للبيت وانطلقت برحله علاج دمرتني دمار

العلاج بره العراق ناحج١٠٠ /١٠٠ بس جثير صعب اجهزه مطوره وصعبه وانه شايله بحيلي ردت بس اخلص
بس ارجع لعافيتي بنهار وياهه وياهه نوبه الوب نوبه اتحمل وبليل ويه همي

والله كل هذا لصار ماردتو
رجعت ميسون بلحضه تسرع كد ماحركت دمي اديان
كد مازغرتي
وكد ماضليت أيام وايام الوم بروحي واكول لو ماملحك
عليها
لومهزمه
جانت شحالي
جان شكلت وشسويت
وبدون تفكير كمت ورديت ميسون الي ياما حلفت وتوسلت
وكلت مو مرتي وكت لتزوجتج مطلكاهه وهيه موفاهمه عليه
وكته ادركت انو راح اعيشج لشعور لموهمه روحج حبي واطبقو حتى تميزين كلامي وتثمنينو وكت لكولج مو مرتي
بتعدت
وتركته
وبعد مده جاي اصلح غلطي عالجتو بغلط أكثر منو
مات لطفل
لخسرني
حيلي
وصحتي
وادياني هم

اديان .. مجرد طلع من المكان طلع من كلبي هم جنت بارده مدري امثل لبرود بس لمهم ماخضع
ولاارجع
صحيح هواي أمور ماتوضحت ومادرته تتوضح لان لو يبرر طول لعمر مستحيل امحي لسواه
تخردلت
ولحضه يمكن بشوفته ردت اضعف بس من وعيت لا والف لا
ضناني
وكرامتي
فوك كلشي
صليت وهواي حاجيت ربي وبجيت
ربي اني انكسرت
نضلمت
واتذيت
ربي شيله من كلبي مثل مشلته من عيني
واجمعني بطفلي لمشبعت منه بجنتك ياربي
مجرد لميت لساجده
و من لحضته قررت ابد ماباوع ليوره
وكل نضري بلايام لجايه للامام
مو اديان لتضعف والأديان لتنهزم

لملمت لمكان خفيف خفيف عزلت
ريكت ايهم وهوه يدوي
وينه عمو
اكل
ماما الوح وياه
لااكل راح نروح على بيبي وعذوره هسه
اكل بشهيه يموت على طلعه هوه جنطي على حطته اخذته واخذت تكسي من لشارع وكبل لبيت تماره
جان يوم لثالث ولهوسه فول
ماما من بين لعالم جرتني
وينج وشصار
كتله انتهت امي ابد لاتحجيلي بهذا لموضوع خليني اعيش فدوه
سكتت صافنه
نصيت
لزمت ايدي رفعت عيني شافت بيه كل لكلام لماكدر احجي
كل لكلام لمكبوت
ندارت دكلي كيفيج يمه انتي ادره

يوم يوم كامل جنت اتناسى كل لصارلي وليله لبارحه بذات اريد امحيها من مخيلتي
ونمت
للعصر كعدت تماره تنده بيه يابه شكد خجلت هاي هم من مصايبي نسبت مصيبته
من فشلتي لميته بحضني وثنينه نبجي كل واحده منا تبجي على كسرته
شويه ونتبهت لروحي بوسته ومسحت دموعه اهديها وترحم لرجله
تالي كالت كومي سوي لحلاوه مرديته طلعت للمطبخ لكيت لبنات مفلسات التمر وبديت اسوي لحد مكملت خليت خواته يلفون واني اقره سوره يس
كل حرف
كل كلمه بدمعه
كل نقطه بمعنى
حشى لله يكتب حرف بدون عبره
بس ياريت لبشر يتعض

كعدت وره مكملت ايدي على خدي لهوسه فول وزعو ولجاهل تركض وره لصينيه صحت يمعودات انطو للجهال تره اثوب من لكبار ندقيت من جتفي لتفتت مرت عمي عارف جرت عينه
شدعواج عيني منطيته ضهرج تره مراح ناكلج اقلها سلمي همزين صحتي من صوتج عرفناج

صفنت
خاله انتي صايره ورايه منين اشوفج قابل اني متعمده؟

و الله كلشي يصير اذا انتو سنين ماسئلتو حتى ارقامكم راحت ماله ائثر عاد من تشوفونه تعترفون بيه

اكلج تره احنا بمصاب واعتقد تعاتبنه مو صح يعني بعد ماله داعي نعيد ونزيد بنسف الكلام لو انتي شدكولين

و الله اكيف شفايتلي اصلا نهميت من شفتكم حسيت روحي رجعت ليام قبل
أيام الفكر
والعوز وتنور لطين
بس شسوي بعد مضروب لجلوله سولفتله وتخبل حنت الموس على .......... ودك رجله بيت عمي وبيت عمي وجابنه مره ثانيه للفاتحه حتى بس يشوف امج
وكفت هزيت ايدي
خاله انتي شبيج شنو هاي لالفاض بعدين شكالولج علينه حتى شوفته تذكرج بلفكر تره عيب هذا لحجي

لا مو قصدي بس من امج كالت كاعدين بالمخيمات وندلينه لعنوان كلبي نكرب وتذكرت أيام لفكر

خطيه بعدهه لاطشه بيكم بس احنا الحمد الله خلصنه منه تعاي وشوفي صرنه أحوال ولعيشه تخبل

الله يزيدكم والمخيمات لتحجين بيه متلكين بيه من امثلاكم تعرفين انتي بعد صرتو أحوال وكذا بس اني اكلج تلكين بيها الناس لفقره لتخاف الله وذوله الي ميتقربون من الحرام
ابد ابد
لان لو يوكعلهم الحرام ويفيدون اهل الحرام جان مصار هذا حالهم وعاشو بخيمه
خنزرت كامت على حيله دتحجي وكفت حماه تماره شيله لحلاوه اخذت لفه وحطيته بديه ومشيت
شاطت وعيونه صارن بكصته محاجيته رحت كعدت يم ماما دمي يفو
يمه شنو جايج أياد
اي
وليش منطيته عنوانه
يااا شبيج سئل وجاوبته شسويله قابل مادلي

سكتت اغلي اغلي
وتزهرت بلعشه لان ماما مرضت على حجي لحجيته ويه ام اياد بين مصبو واني داساعدهم جيت لكيته تشكي وتبجي
خزرتني ماما
تولتني عيب وعيب
سكتت مردت مشكله وله لو اريد احجي اطلع قهل هاي لسنين لمعترفو ببنه كله
كفت لفاتحه وخلصت بس الناس متخلص ضلو سين وجيم وشلون مات
وناس دكول هوه ثرثاري يحجي على فلان وعلان وتماره تهز رأسه تدك على رجليه تلوب اي والله صدك هوه ميسكت ويتم جهاله من وره لسانه
تالي تكابلنه اني وعذراء اخذناهه لمشتمله لان اذا تبقى بكركه لناس تموت وهم عدته بدت وكابلناهه وكعدنه

يوم يومين لسابع خلص واني انخه قاسم
فدوه خل يعذروني
عفيه كلهم عده وفاه
وهيج مرت الايام ونتهى لسابع
دنجي جلبت بينه تماره وين رايحين وعايفيني عيالي وحوش والله شيخلصني منهم واني بلعده
دنجيبه ويانه عمته دكت ولطمت روحي وحدج وعوفي جهالنه
شاطت تماره شالت روحه ولطخته ساعه نتوسل قفلت فدنوب تالي ماما كالت نضل يمها بين ماتخلص عدته عاد تكدر تطلع تحجي تعارك
هسه حتى صوته حرام يطلع

وضلو ماما وعذراء اني رجعت رغم ماما مرضت بس مردت اخسر شغلي
ايهم وين اخذه وين اخلي
تالي عفته يم ماما
وبلشت مثل كل يوم دوام

شنو الراحه
شنو الحياه
ونفس الوقت شنو القهر

الراحه من تخدم ناس محتاجك
الحياه من تفوت مكان غير مكانك وتشوف معاناتهم ودكول الف الحمد احنا وين

القهر من تشوف اب وام طفلهم كدامهم يلوب مريض وهمه عاجزين يسوله شي

صرت اطلع جولات ميدامنه تقريبا بكل مناطق بغداد لبيه مخيمات
فتره افتقدت عمر سئلت كالو مجاز
وين وليش مادري
ولا عندي ذيج لميانه حتى اخابره لو اسئل عنه
إلى أن طول قريب لشهر جان اكوم واسئل قاسم صفن

مئساه مئساه بمعنى الكلمه

ام ايهم استاذ فارس مو زوجج
اي
رديت برتباك
حك شعره عاوص تك من عينه نصيت وكال
المهم استاذ عمر مسافر يمكن يمكن لعمان على دكتور هناك عنده مركز علاج طبيعي وراح ويه ستاذ فارس
خفك كلبي
يربي شبي من ينجاب طاريه جني واكعه من مكان عالي وذكر اسمه يطبني ينزلني للكاع
ندرت ارجع للخيمه
مد ايده بجيه طلع ضرف نطانياه
هاي شنو ؟

هذا راتبج
هههه قاسم وين اكو راتب
والله شبيج
لعد ليش منطونيه لمنضمه
مو اني جبت راتبي وشفت اسمج نازل راتبج جبته وياي

صفنت ومديت ايدي اخذته
انعم الله
ترخصت
فتت للخيمه لضرف بيدي فكيته بي مبلغ بسيط بسته وخليته على كصتي احمد الله
ومرت الأيام هادى بارده
صارت حياتي عباره عن شغل وهموم لناس
وصلت مرحله انسى روحي
يمر الغده وينتهي وكته واني مادري للمغرب تلسعني لجوعه اله اتذكر
وبيوم لشاغر مبي حملات اروح لبيت تماره

إلى أن فد يوم توني جايه من الدوام بعد شالي مذابته وطبكت سياره آخر موديل علينه
فكيت لبرده وانصدم
اياد
شصاير
ولاعرفته
شنو الشكل
والسياره
انسان ثاني
بهتت ونضراته قززتني
درت وجهي وسلامي جان بارد حيل
ماما جتي وياه هيه وعذراء على صفحه زنبرت عليه
خنزرت
قابل اني جبته شو هوه اجه لبيت تماره وتعاي وديني لمخيمكم داشوف بنت عمي
عمه تماره تلعلع من وره لحايط راح ابني وكامت لسيارات تطبك على بيته ردت اموت
بسرعه بسرعه جبته واجيت

احاجي ماما وهوه كاعد عينه بلفون ويرفعه يباوع على خيمه ردت ماما كالت سوي جاي خل يشربه ويروح بدون هتمام ندرت اخلي لمي بلقوري وأحضر ستكاين فات ايهم
يعت بثوبي
ماما ماما عمو عن عن
صديت اسمعله ونفكت لبرده فاتت
ام ثامر
يتبببع

#لهفة_عاشق
#بارت٤٤
،،،،،،،،،،،،،،،،،،

‏هذاك أنة
الونينة يدلي المتيهين لو ضيعوا عنوانة
و هذيچ أنتي
الخطية الما رضت تغفر خطايانة

،،،،،،،،،،،،،،،،،،،،

فاتت ام ثامر ستقبلناهه تبوس بينه وتأخذ من خاطرنه وتتعذر لان موصلت لفاتحه بس من ناحيتي بارده حيل أكثر شي مندمجه ويه ماما
اياد يباوعلي بطرف عينه خليت وكمت اجيب لجاي لصبيته اجه ورايه اخذ ستكانه وكال اشربه بره بين متروح
مجاوبته جنت كاعده روحي على حافه حيل حز بداخلي اسلوب ام ثامر وياي مع العم ويه ماما وعذراء حيل طبيعيه
ضليت منصيه ايهم بحضني
صدت عليا دكله
هااا ولك سنه لاخ تسجل بلمدرسه شو بعدك لسانك مبلوع نصو
ضحك ايهم وجاوبته هوه لسانه ثكيل
دارت وجه
نار صرت
فشلت فشله صرت دم وضليت منصيه كلمه محجيت
ربع ساعه وكامت كالت ثامر بلسياره ينتضرني وكفنه لوكفته سلمت دتطلع وندارت عليه نصيت وتقدمت
اديان مامن طبعبي اكبح(احقر) ويه احد بس نحنا شايلين عليج جثير

فكيت كل عيني مئاشره بيدي على روحي
عليه ؟

هزت رأسه ونصت تكرض بيده دكلي
حبيناج على حب اخونه لموجوع كلبو
وكت لعفتي وجيتي هين عذرناج بس ماتصورنه راح ديرين وجهج منو هينوب
رحتي لاجيتي بعد لاشفتي بيدج خليتي لساحه لميسون
انه موكاعده احرج دمج بس ماريد اطلع من هين وتشيلين غيبتي وراي دكولين ليش ام ثامر دايره وجه مني
وانه ماعرف احجي وجهين لبكلبي على لساني ولعتب على كثر المحبه ولوما نحبج ماعاتبتج وام خطاب مثلي هم
بس اني وكته كتلكم انتو تعرفون شي واني اعرف شي واذا انتي او ام خطاب لو لحجيه شايلين مني لان ماوصلته فتااكدي هل شي لمصلحته وعلى كلن اني وفارس حجينه بموضوعنا وتقريبا حطيننه لنقاط على حروف

عجل دام هيج انه اترخص وكبل لااطلع اكلج
زلمتج طك جبدو منج ومن حرمتو ذيج وابشرجن راح يحط عليجن الثالثه
اودعناج

حجته وطلعت نار وشتعلت بضلوعي تهسترت ثامر خله تنكه لدهن وجيس لتمن بلباب عقل مضل براسي
شهل عائلنه لنعلت سلفه سلفاي وبعدهم همه اهل لراهي
ماما تعض شفته
اش واش اياد بره لطمت على وجهي
شنو اياد ياصخام يمه سمعتي شكالت دكلي يتزوج اني خل يتزوج طبه طب بس خل يطلكني بلاول
بعدين شنو جايبتلي جيس تمن وتنكه دهن تذبهم وتحرك اعصابي وتطلع
مجادي احنا مجادي وتهينه ونقبل منها
اديان كتلج بسس موضوعج شي والواجب شي ثاني
هيه جايه وجايبتهم واجب تعزايه
انتي لجنتي كاعده وجهج يضرب الوان والمره حست بيج وصارحتج بلي بكلبه شنو لستجد هسه انتي تدرين بيهم من أيام مجنتي تخابريهن ودكولين ماما باردين كوه يحاجوني
كتلج شالو بكلبهم لان عفتي
هسه شتغير
شخبلج
لولان سمعتي راح يتزوج

فكيت عيني صافنه فات اياد شكو وشكو ماما كالته ماكو شي ومبطل اسئله
ذوله عيالج
لعد رجلج وين
ليش تشتغلين
وليش معايشه وياه
ليش مشفناه
وليش محضر فاتحه عديله
وكومه سوالف ماله معنى راسي منه صار هل كبره عفته وطلعت هوه وماما الي عيونه شتعلت تتوعدلي
طلعت بره جريت لطابوكه وكعدت يم لتانكي اكب مي وجهي نار
ربع ساعه كاعده مادري بدنيه وين
وارجع اسئل روحي
اني نغثيت من كلام ام ثامر
لو من سالفه زواجه؟

فترت سياره اياد وطلعت رتحت بعد احسن مبيه حيله هذا لثاني لطلعلي صفح
رجعت كعدت ايدي على راسي عذراء تهز بيده خنزرت عليه
شبيج

احنا لو انتي تره كافي تكابرين شوفي شصار بيج من طلعت لمره ليهسه ومفتهمنه انتي تحبي تريدي لو على شنو هذا شلعان لكلب

لج عذراء اني مااكرهه اجذب اذا اكول اكرهه بس روحي ماراضيه تسامحه
لضلمني
وحرمني من أغلى هبه وهبها ربي الي لاتصدكين كلبي ناحيته يصفه
بس هم ماقبل يخوط ويلوط واني على ذمته والله شنو ديحرك دمي
وغير هذا كله عجزت واني افهم اهله تره علموده لمصلحته عفته بوكعته وهمه مجلبين بس شلون عفته ميفكرون
عندي اسبابي
ميفكرون بلضيم لشفته
وج اني دافنه ابني ومن جها ثانيه اطبخ وانفخ واخدم بيهم
وهسه طلعت صفر كلشي ماكو كلشي ممسويه
والتردي شنو

نصيت راسي بجيث والعبره شكت صدري
اريده يطلكني
بلقران اذا كلام اخته صحيح واني على ذمته وتزوج لسوي الهوايل

ماما ساكته سكوته دقني تقربت منها
يوم انني ليش متحجين
ليش ساكته
تره سكوتج ديدمرني ديحسسني اني غلط

ليش انتي صح ؟

برطمت.. يوم ليش دكولين هيج

لان انتي بنتي ومداعرفج شون عاد عيالج
وج انتي من اجه ليش متفاهمتي وياه على كلشي
ليش من اسئلج دكولين بيني وبينه
ابنج راح صبرتي
طلعوج بمكيده صبرتي
هسه الله فرجها ورجلج على حيله كام احطه واحاجي افهمه ليش عفته واهله شسوو ليش هسه كاعده تلوبين وحاركه دمج
ماما يكلي ارجعي

سكتت

شو سكتي سوه بيه كل هذا ويكلي ارجعي
لاوحاط مرته وبنته بشقتي
واهله همه لزعلانين
و الله والله لو اني لو هوه

جريت التليفون خابرته ارجف رد بثكل

هلا اديان خير

منين يجي الخير هاا منين تعال اكلك انت ليش ميجي كل

شي لعينك
يعني بعد كل هذا لسويته واطلع موخوش ادميه
خير شصاير احجي على كيفج لاترعدين

بهتت من بروده من بين سنوني رديت
اسمع اكلك
تتزوج عشره
تنام بحضن ميسون لجربه كبالي
مالي شغله بيك
بس هلسوايات تسويه واني على ذمتك هاي لمارضاهه

ولتريدي

تطلكني

خزرتني ماما عذراء صمت حلكه غمضت ونتر

نجوم لسما اكربلج كلته كبل واعيده هسه
حرامات لتعب بيك

تعايريني ؟

ياريت هاي اخلاقي بس من أذكر تعبي اغم نفسي شلون رجعت تحت رحمتك مره ثانيه وبرضاتي

غصبا عنج زلمتج انه ولتهد زلمته وكت ضيجو حرام تتسمالو حرمه

واني وكت ضيجي منو الي

انه عندج ومايوم عفتج انتي لعفتي غلطت وعترفت يمتى يلين كلبج

وعندك عادي لصار بيه

من كال ؟
افعالك دكول واختك قبل شويه دكول يريد يتزوج

هههههههه

فارس لاتلعب بعصابي ممخابرتك تضحك عليه تريد تتزوج إلى قير بس تطلكنننني سمعت تطلكني

ااانجبي ولاتعلين حسج

ماسمحلك

راح اجيج و الله ولو لكفتج لنعل جلاب اهلج لاتضلين تلوصين عاد

سكتت ونتر جررري عدل اديان وخل نرد
صرختتت
لوووووتموت

عجل اتحملي ليجرالج

طبكته بوجه ارجف ارجف
ماما منصيه وايهم يدوي يمي جريته كعدته كافي اااسكت
خنس
وصاح قاسم
حجيه حجيه ام ايهم
طلعت ماما ورجعت كالت يريدج لبست الإزار وطلعت
خير قاسم كول
تخوصر يتلفت يرفع عينه وينصي
قاسم شبيك
تنهد
ام ايهم مادري شكلج بس خابروني من المنضمه بعد ميحتاجوج وكلولي ابلغج
نصيت الدمعه بعيني مستقره ورفعت راسي
فارس مو
سكت
قاسم فارس مو
ندار وعافيني ماحجه
فتت شايطه
كعدت ايدي على راسي طز بي وبشغله ديلوي ذراعي لو شنو باجر احاجي رئيس لمنضمه وساعته خل تفيده عنطزته

ليلته كد مبيه قوه قويت روحي
أقوي اديان أقوي خلي هوه يضعف وانتي لا
التفكير
والقلق خلاني اتكاسل بعباتي
اباوع حتى اهلي وياي معلعلتهم ماما شافت حالي نست تماره وكابلتني
تعوذت لشيطان
وكمت طلعت توضيت ورجعت صليت
كبره تكبر زغره تزغر
مراح اسوي شي وكلشي اخلي لوكته
سجاتي ومصحفي وخلوتي ويه ربي بردت كلبي ونمت لثاني يوم كعدت مابالي كل كلام قاسم بدلت ورحت للمنضمه صنته
لا احد حاجاني
لا احد جاب طاري شغلي
غمضت اعرفه نطاني جرعه مغثه
ورادني اخابره لو اتوسله
وماكو شي من لكاله
حتى حمله طلعت

بيومه جنت اشتغل بس خايفه
خايفه اخسر شغلي لحبيته
خايفه اخسر معرفتي بهذا لعالم لفتح عيوني على غير شغلات
فتح
عيني على ناس لجوعانه
لمرضه
الي تلم من حاويات لزبل وافك كل عيني معقوله اكو هيج ؟
يمكن هذا لعالم الوحيد لنسى بي اديان تماما واحس روحي اني لاشي يم معاناتهم
للمغرب وصلت تريله مساعدات جايه من لمحافضات المقرر باجر يتم لتوزيع بس ابو لتريله يريد يرجع فكرنه نزلهم بلمقر لاكن لوجبه كبيره الكراتين هواي يعني لتعب يصير مضاعف
المنطقه لمقرر توصل اله قريبه بعد مناقشات طويله احد لناشطين قترح تتوزع فورا بجهد متكامل يعني لفريق كله يطلع ويشارك بلحمله
ترددت وباوع على وقت خاف يخاذنه
خاف تضلم
لو اتخر
بس مكدرت اتراجع كوني وحده منهم
خابرت ماما بلغته حتى ليضل باله وعيوني دورت عمر حتى احد مقرب يكون وياي بس ملكيته هم جان طالع وللان مجاي
نطلقنه ٦ونص تقريبا سبعه ضبط وصلنه وبلشنه
نشتغل وكل شويه اباوع للساعه ولوقت
كم بنيه وياي جانو يشتغلون بهمه ممهتمين وهم همه قداما ميانه همه ولكادر كله بس اني بعيدا عنهم وشغلتي تسجيل يمكن اكثر ضغطا لان بيه تدقيق
ضلمت لدنيه ولمخيم شتغل بلاجكتوره خيم علينه ليل وأبو لتريله يله ويله
المساعدات بنواعه
ولتسيلم يكتب مع نوع لمساعده لستلمه
يعني سالفه جر وعر
لحد مدكت لتسعه
اول مره اتاخر
اول مره يمشي لوكت بيه هلكد

رجعنه بسياره لمنضمه ابو لتريله راح وناس نزلت بطريق ناس اصلا مصعدت هيه راحت من باب لمخيم واني لضليت افر براسي
آخر حد هوه لمنضمه نزلت يمها وتفرقنا وكفت على شارع طلعت فوني
راح دك لعشره
ماما تتصل تسده تتصل عذراء
واني عيني على شارع اريد بس كيه ماكو
لحضات وطبكت سياره لايته قوي صار بوجهي رفعت ايدي على عيني كد قوته
ونفتحت لباب
يله صعدي
بثينه ... واكفه ارتب الاكل وهوه داير مدايري يدردم وكنو يتعمد يدوس اهلي حتى يدوس كلبي
يتعمد يغثني كوني تجاهلته هينوب
منصيه ساكته وهوه يكول لخاله
اكول يمه بيت ابو مزهر يدرون بعمايلو حتى جايين يشوفو
نترت خاله
معليك انت السالفه نطمت ونسدت هوه هساع مريض مسويه عمليه ولعالم جايه تئادي لواجب شعرفه بلمضموم

عجل خل يطم روحو لان لعالم لو تعرف تتفل بنص وجهو ولاتجي تشوفو

حجاهه جار عينه رفعت راسي دحكنه واحد على لاخ نحبسو لدموع بعيوني
اني متجاهلته جاي احاول ماركز بي ليش رجع يحوم حوليا
ضليت إلهي روحي هوه
نصى وطلع للحديقه
تنفست ارجف ماما فاتت دكلي اشوي لخوج معلاجو هزيت راسي ساكته وجيي سيف ومصطفى اخذو لسفره وردو يشيلون بلاكل وكفت اشيش لخطاب وثامر جدامي رايح جاي بلكراج
تصنمت على طباخ مركزه حتى بس مادحك بي
فرغ لمطبخ خا

له صبت النه كتلهم اكمل واجي
شويه وحسيته بضهري واجف
من نفسه من عطره عرفته
غمضت
وهمس
شدعواج ترجفين ونحنا نجيب طاري اخوج

كلبت لشيش نلسعت ايدي تلعثمت صاح
الله الله
جريت نفس ساكته ودق جتفي
ندرت على نص
رفع حاجبو
زعلانه مو؟

ثامر روح
اها هساع ثامر روح
حطي عينج بعيني

اي خلص لبينه نتهى

نصيت وندار صار جدامي ايده بجيوبه يدك برجله بهدوء ينصي ويرفع رأسه تخشب جسمي جدامه وكاضبه روحي امثل لامبالاه

تحمحم ورفع جسمه يباوع لناحيه لباب شاف ماكو احد مد ايده على طباخ طفاه وجرني من ايدي
وكع لشيش على عين جسمي جي بيده خنطل ومشيت وره منصيه للحديقه لورانيه هدني وصرنه عين بعين
روحي رجفت
وايدي لجانت بيده منمله
ميل رأسه جدام وجهي
انت شمسويتلي؟

رفعت راسي هزيته لامه شفتي شابكه ايدي عيونه كوه كاضبه دموعه
شنو
انتي انتي شمسويتلي؟
سكتت
نتر
ول يربج يلكائنات يلسماوات يلدنيه كلها
كمت اجابل سجى تابعد روحي عنج
كمت لحضه لتجين على بالي كبل اتذكر اخوج بلكي اكرهج بلكي اطلعج من بالي بس فشلت ول بثينه ثامر فشل يطلعج من راسو
تدرين لو لا

سكتت مدمعه هزني ختضيت
احجي
دافعي
برري
ول اتعمد احجي على خطاب جدامج
بلكي تدافعيلو
تذميني
تعيليني
ترديني
توكفيني عد حدي
بلكي تطلع منج جلمه تكرهني بيج
وج سكوتج راح يخليني اطر كلبي طلقه وافجرو ديطلعج منو
بجيت ونزل ايده من جتافي يرجف يروح ويجي عاصر لحيته بيده متخوصر رفعت ايدي امسح دمعتي كمز ليمي
عليش لبجي

شهكت مغطيه وجهي بيدي
ثامر انت جرحتني
انت خذلتني
اني لحضه حسيتك تضحك عليه

زنبر لحايط لوراه نثر قبض ايده ضربه مره ولثانيه كضبته صرخ
ول اضحك عليج شنو وختي وختي
ولفضيحه لسواهه اخوج
كله لهذا لابد ماهتملو وكعد اعشكج وتمعشك بيج

خنزرت
كتلك مو ذنبي مو ذنبي
كعد مثني على حافه لصبه لتنزل للحديقه عاض شفته يكرض بيه وايده محاوطه حلكه واني اشهك
ثواني وكف مسح وجه رجع شعره ليوره هدى حيل وهديت حاجاني متوسل
وتالي شلون

مجاوبت
دك رجله حيل قابض ايده
بثينه لثالي شلون شختار انه هساع

وكفت بشموخ جريت نفس مسحت خشمي رافعه ركبتي افوت لهوه لريتي وايدي اهزله بيه
ميحتاج
لاتفكر
ولاتحير
ولاتختار
لان انه ختاريت
ختاريت
حياتي
كرامتي
وعزه نفسي
مولعبه عندك يمتى ماحلالك تلعب بيه ويمتى ماحلالك تزته
ثامر انه الي ماريدك بعد مواااانت
فك كل حلكه عيونه شبحت
توه يحجي ركض فتت للمطبخ لحكني احس بخطواتو بس توقف مافات من سمع ماما ترزل بيه
ثبرج الله ول مصكوعه وين جنتي وين موليه شوفي لبزونه ساحله لشيش ماكلتو
انتي صاحيه انتي
وين عقلج وين جنتي
ول بثينه بثينه

نزيت ابجي تفاجاه شبيج
بلعت ريك نترت
بثينه شبيج وين جنتي وعليش تبجين
خنكتني العبره ولكيت روحي حاضنه ماما مجلبه بيه حيل اشهك وابجي كل قوتي وهيه نصدمت تسويلي
يله وميخالف يفداج كلشي ولج لاتفطرين كلبي يولي لعشه هساع انه اسويلو غيرو
يبووو عليش لشهيك لان رزلتج ياجلمه ردي بمجانج
هاا اهاا سكتت
صمت حلكه بتعدت
متدري لبيه كل ضنه لان لبزونه اكلت لشيش ولان رزلتني
رجليه صارن خيوط كعدت بلمطبخ لامه روحي اشهك
بجيت على حضي
على قسمتي
على نصيبي
كل وكفه يمه
كل نضره
وكل حركه
تمزق روحي
ومحد حاس بيه

نسحبت على كيف للغرفه وكل لبيت يحجي عليه
شجاج
ومصار شي
وشكو منها
همه وين واني وين
تلفلفت مغطيه راسي
وسجى جدامي تبرد اضافرهه
سجى متحطم داخله وتتضاهر بلقوه
مادري شبيه اله كم يوم نكلبت صارت سولته تسبح وتشسور وتبدل
وتكعد من لصبح تلعب رياضه
ادحك بيه واكول
اي قويه سجى
اني هم راح اقوه محد مات وره احد
غفيت كد مابجيت كبل شويه وراسي صدع اخذتني لنومه بعد ماحسيت غير نص ليل
حتاجيت حمام وكمت متكسره
وكفت لميت شعري
انه شلون نمت وحيدي
شعجب
شلون غفيت
دحجت لبنى ومريم نايمات بس سرير سجى فارغ
على كيف تامافززهم طلعت واسمع همس سجى بلحمام وبجيها

خطاب خطاب فدوه اكعد
خطاب عفيه
خطاب راح اصيح لولد

خطاااااااب
يتبببع

#بارت٤٥
#لهفة_عاشق.
،،،،،،،،،،،،،
ﺍﺿﻞ ﻭﺍﮔﻒ ﺟﺒﻞ ﻣﺘﻬﺰﻧﻲ ﺍﻻﻳﺎﻡ
ﺻﺎﻓﻦ ﻋﻠﻰ ﻫﻤﻮﻣﻲ ﻭﮔﺎﻋﺪ ﺍﺗﻔﺮﺝ
ﺍﺳﻒ ﻳﺎ ﻓﺮﺡ ﺳﺪﻳﺖ ﺍﻟﻜﺘﺎﺏ
ﺣﺒﻴﺖ ﺍﻟﺤﺰﻥ ﻣﺎ ﺭﺍﻳﺪ ﺍﺗﺨﺮﺝ
،،،،،،،،،،،،،،،،
ﺳﺠﻰ .. ﻓﺘﺮﻩ ﻣﺮﺕ ﻭﺑﺪﺕ ﻋﺰﻳﻤﻪ ﺍﻻﺭﺍﺩﻩ ﻭﺍﻹﺻﺮﺍﺭ ﺑﻴﻪ ﻣﺎﺑﻴﻪ ﺭﺟﻌﺖ ﻭﻛﻔﺖ ﻋﻠﻰ ﺣﻴﻠﻲ
ﺑﺘﻌﺪﺕ ﻣﻦ ﺍﻟﻲ ﺣﻮﻟﻲ ﻻﻥ ﺍﻛﺜﺮﻫﻢ ﻣﺨﺒﻮﺻﻴﻦ ﺑﻲ ﻭﺣﺮﺕ ﺑﺮﻭﺣﻲ
ﻟﺼﺒﺢ ﺍﻟﻌﺐ ﺭﻳﺎﺿﻪ ﺣﺪ ﻣﺎﺍﺗﻌﺐ
ﻟﻀﻬﺮ ﺍﻏﻂ ﺑﻨﻮﻡ ﻋﻤﻴﻖ
ﻟﻠﻤﻐﺮﺏ ﻭﺍﺑﻠﺶ ﺍﺳﺒﺢ ﺍﺻﻠﻲ ﺍﻗﺮﻩ ﻗﺮﺍﻥ ﺍﺭﺍﺟﻊ ﺑﻠﻨﻘﺎﻝ ﻛﻞ ﺷﻲ ﻓﺎﺗﻨﻲ ﺑﻤﺮﺣﻠﺘﻲ ﻟﺤﺪ ﻣﺎﺍﻗﻔﻞ ﻫﻴﻨﻮﺏ ﻭﺍﻧﺎﻡ ﺑﻼﻭﻋﻲ
ﺍﻟﻴﻮﻡ ﺩﻛﺖ ﺳﺎﻋﻪ ﻧﻨﺘﻴﻦ ﻋﻀﺎﻣﻲ ﺗﺸﻨﺠﻦ ﻭﻋﻴﻮﻧﻲ ﺳﻮﺭﺑﻦ ﻛﺪ ﻣﺎﻗﺮﻳﺖ
ﻛﻤﺖ ﺍﻃﺮﺍﻓﻲ ﻣﻨﻤﻠﻪ ﺗﻤﻄﻴﺖ ﺍﺧﺬﺕ ﺑﺠﺴﻤﻲ ﻭﻧﻄﻴﺖ ﻭﻃﻠﻌﺖ ﺍﺗﺜﺎﻭﺏ ﻣﺘﻤﻠﻤﻠﻪ ﻭﻛﻔﺖ ﺍﻏﺴﻞ ﻋﻠﻰ ﻣﻐﺴﻠﻪ ﻭﺍﺳﻤﻊ ﺻﻮﺕ ﺑﻠﺤﻤﺎﻡ ﺍﺣﺪ ﻣﺨﺘﻨﻚ ﻣﺪﺭﻱ ﺷﺒﻲ ﻣﻴﻠﺖ ﺭﺍﺳﻲ ﻟﺒﺎﺏ ﺑﺲ ﻣﺮﺩﻭﺩ
ﺗﺮﺍﺟﻌﺖ ﺍﻓﺮﻙ ﺑﻴﺪﻱ ﻭﻛﺎﻣﺖ ﺗﻄﻠﻊ ﺻﻮﺕ ﺍﻩ ﺍﻩ
ﻋﻠﻰ ﻛﻴﻒ
ﺭﺟﻔﺖ
ﺑﺨﻔﻪ ﺍﻳﺪﻱ ﺩﻓﻌﺖ ﻟﺒﺎﺏ ﻧﻔﻜﺖ ﻭﻟﻨﻪ ﺧﻄﺎﺏ ﺳﺎﻧﺪ ﺍﺩﻳﻪ ﻋﻠﻰ ﻋﻜﺎﺯﺍﺕ ﻭﺍﻛﻒ
ﺍﻟﻮﺟﻪ ﻣﻄﻌﻮﻥ ﺍﺣﻤﺮ
ﻣﻦ ﺷﺎﻓﻨﻲ ﺑﻬﺖ ﻭﺑﻬﺘﺖ
ﺗﺮﺍﺟﻌﺖ ﺧﻄﻮﻩ ﺍﺑﻠﻊ ﺑﺮﻳﻜﻲ
ﻏﻤﻀﺖ ﻭﺗﺮﻧﺠﺢ ﺟﺴﻤﻪ
ﻓﻜﻴﺖ ﻛﻞ ﻋﻴﻨﻲ ﺷﻬﻜﺖ ﻭﻛﻊ
ﻏﻤﻀﺖ ﺻﺎﻣﻪ ﺣﻠﻜﻲ ﻣﻐﻄﻴﻪ ﻭﺟﻬﻲ
ﻭﺭﻥ ﺻﻮﺕ ﻟﻌﻜﺎﺯﺍﺕ ﻣﻦ ﻭﻛﻌﻮ ﺑﻌﺪﺕ ﺍﻳﺪﻱ ﻋﺎﺿﻪ ﺍﺻﺒﻌﻲ ﻭﺍﻧﺨﺮﻁ ﺧﻮﻑ ﻣﻦ ﺍﺷﻮﻑ ﻟﺒﻼﺗﻴﻦ ﻧﻄﻌﺞ ﻋﻠﻰ ﺭﺟﻠﻪ
ﺑﻤﻜﺎﻧﻲ
ﺑﻤﻜﺎﻧﻲ ﻭﻛﻤﺖ ﺍﻛﻤﺰ
ﻣﺎﺕ ﻣﺎﺕ ﻳﺮﺑﻲ ﻣﺎﺕ
ﻭﺻﻌﺪﺕ ﺩﺟﻪ ﻟﺤﻤﺎﻡ ﻓﺎﻗﺪ ﺟﺎﻥ ﺷﻠﺖ ﺭﺍﺳﻪ ﺑﻴﺪﻱ ﻛﺼﺘﻪ ﻋﺮﻛﺎﻧﻪ
ﺍﺭﻳﺪ ﺍﺑﺎﻭﻉ ﻋﻠﻰ ﺭﺟﻠﻪ ﺍﺧﺎﻑ
ﻛﻤﺖ ﺍﺿﺮﺏ ﺑﻲ ﺧﻔﻴﻒ
ﺧﻄﺎﺏ
ﺧﻄﺎﺏ ﻓﺪﻭﻩ
ﻋﻔﻴﻪ ﺧﻄﺎﺏ ﻛﻮﻡ
ﺧﻄﺎﺏ ﺭﺍﺡ ﺍﺻﻴﺢ ﻟﻮﻭﻭﻭﻟﺪ ﺧﻄﺎﺍﺍﺏ
ﺻﺮﺧﺖ ﻭﻛﻔﺖ ﺑﺜﻴﻨﻪ ﻛﺒﺎﻟﻲ ﺑﺠﻴﺖ
ﺑﻌﻤﺮﻱ ﻣﺼﺮﺕ ﺑﻤﻮﻗﻒ ﻫﻴﺞ
ﻭﻻﺍﻋﺮﻑ ﺍﺗﺼﺮﻑ
ﻟﻄﻤﺖ ﺑﺜﻴﻨﻪ ﺻﻴﺤﺖ ﻭﻟﻤﺖ ﻟﺒﻴﺖ
ﻟﺘﻤﻮ ﻓﻮﻛﺎﻩ ﺧﺎﻟﻪ ﻧﺰﻭﺕ ﺗﺼﻴﺢ ﻣﺎﺕ ﺍﺑﻨﻲ ﻣﺎﺕ ﻭﻣﺼﻄﻔﻰ ﻳﺮﻳﺪ ﻳﺸﻴﻠﻪ ﻣﻴﻜﺪﺭ ﺳﻴﻒ ﻣﺎﻛﻮ ﻭﻳﻦ ﻣﺎﺩﺭﻱ ﺛﺎﻣﺮ ﺗﺨﺸﺐ ﺑﻤﻜﺎﻧﻪ ﻳﺪﺣﻚ
ﺗﺎﻟﻲ ﺻﺎﺡ ﻛﻞ ﺣﺴﻪ
ﻭﺧﺮﺭﺭﺭﻥ
ﻭﺧﺮﺭﺭﺭﻥ
ﻛﻠﻪ ﺑﺘﻌﺪﺕ ﻭﺑﻌﺪﻩ ﺭﺃﺳﻪ ﺑﺤﻀﻨﻲ ﻧﺼﻰ ﻋﻠﻴﻪ ﺛﺎﻣﺮ ﺻﺎﺭﺕ ﻋﻴﻨﻲ ﺑﻌﻴﻨﻪ
ﺩﻧﺠﺖ ﻭﺭﻓﻌﻪ ﺷﺎﻳﻠﻪ ﻋﻠﻰ ﺻﺪﺭﻩ ﻣﺼﻄﻔﻰ ﺟﺪﺍﻣﻪ ﻳﺮﻛﺾ ﺑﻴﺪﻩ ﻟﺴﻮﻳﺞ
ﻭﺧﺎﻟﻪ ﺗﺴﺐ ﺑﺴﻴﻒ
ﺍﻟﻠﻪ ﻳﺠﻌﻤﻮ ﻭﻳﻦ ﻣﺨﻠﻲ ﺍﺧﻮﻩ ﻭﻫﺎﻳﺖ ﺍﻟﻴﻮﻡ ﺍﺷﻌﻞ ﺻﻔﺤﺘﻮ
ﻃﻠﻌﺖ ﺗﻠﺒﺲ ﺑﻌﺒﺎﺗﻪ ﻭﺷﺨﻄﺖ ﻟﺴﻴﺎﺭﻩ ﻭﺻﻮﺕ ﺩﻋﺎﺀ ﺟﺪﻩ ﺭﻋﺒﻨﻲ
ﻣﻴﺴﻮﻥ ﺗﻔﺮ ﺑﻴﺪﻩ
ﺣﺮﺍﻡ ﻟﺠﺎﻥ ﻭﺍﺣﺪ ﻳﺮﺗﺎﺡ ﻫﻴﻦ ﻭﻝ ﺍﻧﺘﻮ ﻣﺎﺗﻬﺠﻌﻮﻥ ﺑﻠﻨﻬﺎﺭ ﺧﻄﺎﻃﻴﺮﻛﻢ ﻣﻌﺮﻩ ﻭﺑﺎﻟﻲ ﺗﻬﻴﺞ ﻋﻠﻴﻜﻢ ﺍﻻﻣﺮﺍﺽ
ﻓﺼﻠﺖ ﺻﺮﺕ ﺍﺳﻤﻊ ﺑﺲ ﺩﻭﻳﻬﻢ
ﻭﻛﻤﺖ ﺛﻮﺑﻲ ﻣﻦ ﻭﺭﻩ ﻣﺒﻠﻞ ﺛﺎﺭﻱ ﻛﺎﻋﺪﻩ ﺑﻠﻜﺎﻉ ﺟﻮﺍﻱ ﻣﻲ
ﺑﺜﻴﻨﻪ ﺗﺒﺠﻲ
ﻭﻣﺮﻳﻢ ﺗﻠﻮﺏ ﻭﺗﺪﻋﻲ
ﻧﺰﻭﻳﺖ ﺍﺭﺟﻒ ﺍﺭﺟﻒ
ﺣﻠﻜﻲ ﻳﺒﺲ
ﺟﺮﻳﺖ ﺍﺑﺮﻩ ﺍﻻﻧﺴﻮﻟﻴﻦ ﺭﻓﻌﺖ ﺛﻮﺑﻲ ﻏﻤﻀﺖ ﻭﺿﺮﺑﺖ ﺟﺮﻋﻪ ﺑﻔﺨﺬﻱ ﺟﺴﻢ ﻧﻤﻞ
ﻣﺪﺩﺕ ﻭﻣﺪﺕ ﺭﺃﺳﻪ ﻣﻴﺴﻮﻥ ﺩﻛﻠﻲ
ﺍﻛﻮﻝ ﺳﺠﻰ
ﺷﻠﻮﻥ ﻭﻛﻊ ﺧﻄﺎﺏ ؟
ﻫﺰﻳﺖ ﺭﺍﺳﻲ ﻣﺎﺩﺭﻱ
ﺟﺮﺕ ﻋﻴﻨﻪ
ﺷﻠﻮﻥ ﻣﺎﺗﺪﺭﻳﻦ ﻋﻠﻴﺶ ﻟﺠﺬﺏ ﺗﺮﺍﻩ ﺟﺎﻥ ﻧﺎﻳﻢ ﺑﺤﻀﻨﺞ ﺑﻠﺤﻤﺎﻡ
ﻋﻠﻴﺶ ﻟﺘﺨﺸﺨﺶ ﺧﻮ ﻛﻮﻟﻲ ﺭﺟﻌﻮﻧﻲ ﻭﺍﺩﺍﺭﻱ ﺷﻜﻮ ﻣﻨﻪ ﻣﻮﺭﺟﻠﺞ
ﻟﻮ ﺑﻨﺎﺕ ﻟﻌﺎﻟﻢ ﺗﺨﺪﻣﻜﻢ ﻋﺎﺩﻱ ﻭﺍﻧﺘﻦ ﺗﺨﺪﻣﻦ ﺭﺟﺎﻟﺠﻦ ﻣﺎﻳﺼﻴﺮ ﺣﺮﺍﻡ ﻋﺠﻞ ﺍﻧﻪ ﻣﻮ ﺧﺪﻣﺖ ﺧﺎﻟﺞ ﻓﺎﺭﺱ ﻟﻮ ﻻ
ﻣﺎﺟﺎﻭﺑﺘﻪ ﻧﻄﻖ ﻣﺎﻛﺪﺭ ﺍﻧﻄﻖ ﺍﻟﻬﺒﻄﻪ ﻟﺨﻮﻓﻪ ﻟﺴﺎﺗﻪ ﺑﻴﻪ
ﺻﺎﺣﺖ ﺑﻴﻪ ﺟﺪﻩ ﺿﻠﻦ ﺷﻮﻳﻪ ﻳﺘﺮﺍﺩﺩﻥ ﺗﺎﻟﻲ ﺧﻨﺴﺖ ﻭﻃﻠﻌﺖ
ﻏﻤﻀﺖ ﺍﻫﺪﻱ ﺭﻭﺣﻲ ﻭﺍﻗﻨﻌﻪ
ﻋﺎﺩﻱ ﻟﺼﺎﺭ
ﻭﺍﺫﺍ ﻧﺎﻡ ﺑﺤﻀﻨﺞ
ﻭﺫﺍ ﻭﻛﻊ ﻭﺷﻠﺘﻲ
ﺷﻐﻠﻪ ﻧﺴﺎﻧﻴﻪ ﺍﻱ ﺍﺣﺪ ﺑﻤﻜﺎﻧﻲ ﻳﺸﻮﻓﻮ ﻳﺴﻮﻱ ﻫﻴﺞ
ﺗﻠﻤﺴﺖ ﻛﻠﺒﻲ ﻟﺴﺎﺗﻮ ﻳﺮﺟﻒ
ﺑﺪﻳﺖ ﺍﻗﺮﻩ ﺍﻳﺎﺕ ﻟﺤﺪ ﻣﺎﺑﺮﺩﺕ ﻭﺍﺳﻤﻊ ﻟﺒﻨﻰ ﻭﺑﺜﻴﻨﻪ
ﻳﺰﻱ ﺗﺒﺠﻴﻦ ﻣﺎﺑﻲ ﺷﻲ ﺷﺠﺎﺝ ﺟﻨﺞ ﻣﺤﺼﻮﺭﻩ ﺑﺠﻲ ﻭﻣﺎﺻﺪﻛﺘﻲ
ﻟﺒﻨﻰ ﻟﺒﻼﺗﻴﻦ ﻣﻄﻌﻮﺝ ﺑﺮﺟﻠﻮ ﻭﺝ ﺷﻠﻮﻥ ﺑﻴﻪ ﺍﺧﻮﻱ ﻫﺬﺍ ﺍﺧﻮﻱ ﻭﺟﻌﻮ ﺑﻜﻠﺒﻲ ﺷﻠﻮﻥ ﻣﺎﺑﻲ ﺷﻲ
ﻭﻝ ﺩﻛﻮﻟﻲ ﻳﺎﻟﻠﻪ ﺍﺻﺒﺮﻱ ﺗﺎﻧﺸﻮﻑ ﺷﻴﻜﻮﻟﻮﻥ ﺍﻧﺘﻲ ﺑﺲ ﻛﻮﻟﻴﻠﻲ ﺗﺤﺠﻴﻦ ﻋﻠﻰ ﺧﻮﻱ ﻭﺣﻨﻴﺘﻮ ﺷﻔﺘﻲ ﺑﻌﺪ ﻋﻤﺮﻱ ﺷﻠﻮﻥ ﺷﺎﻟﺘﻮ ﻟﻐﻴﺮﻩ ﻭﻧﺴﻰ ﻛﻠﺸﻲ ﻭﺭﻛﺾ ﺑﻲ ﻳﻮﻟﻲ ﻣﻮﻛﺘﻠﺞ ﺑﺲ ﻛﻠﺐ ﻧﺤﻨﺎ ﺑﺲ ﻛﻠﺐ ﻣﺎﻋﺪﻧﻪ ﺣﻘﺪ ﻭﺩﺍﻋﺘﺞ
ﻫﺰﻳﺖ ﺭﺍﺳﻲ ﺍﻱ ﺑﺘﺴﻤﺖ ﺗﻤﺴﺢ ﺑﺪﻣﻮﻋﻲ ﺟﺮﺕ ﻧﻘﺎﻟﻲ ﻭﺩﻛﺖ ﻣﻦ ﻋﻨﺪﻱ ﻋﻠﻰ ﺛﺎﻣﺮ ﺧﺰﺭﺗﻪ ﻏﻤﺰﺗﻠﻲ
ﻳﻮﻟﻲ ﺩﺍﻡ ﺷﺎﻟﻮ ﻳﻌﻨﻲ ﺭﻫﻴﻒ ﻛﻠﺐ ﺑﺲ ﻣﻘﻬﻮﺭ ﻣﻨﻮ ﻫﺴﺎﻉ ﻳﺴﻤﻊ ﺻﻮﺗﺞ ﻭﻳﻄﻴﺢ ﺍﻟﺤﻄﺐ ﺍﺻﻼ ﺑﻬﺎﻱ ﺳﻮﺍﻳﺘﻮ ﺑﻌﺪ ﻣﺎﻟﺞ ﺣﻖ ﻋﻠﻴﻪ ﻳﻠﻪ ﻳﻠﻪ ﺍﺣﺠﻲ
ﻗﺮﺑﺖ ﺍﻟﻨﻘﺎﻝ ﺩﻓﻌﺘﻪ
ﻭﺻﺎﺡ ﻛﻞ ﺣﺴﻪ
ﺍﻟﻮﻭﻭﻭﻭﻭﻭﻭﻭ
ﺟﻔﻠﺖ
ﻭﺷﻤﺮﺗﻪ
ﺍﺣﺠﻲ ﻭﻝ ﺍﺣﺠﻲ ﻟﺒﻨﻰ ﺩﻛﻠﻲ
ﻏﻤﻀﺖ ﺧﻠﻴﺘﻪ ﻋﻠﻰ ﺍﺫﻧﻲ
ﺑﺲ ﻛﺎﻝ ﻧﻮﺑﻪ ﻟﺦ ﺍﻟﻮﻭﻭ
ﺑﺠﻴﺖ
ﺗﻨﻬﺪ ﻫﻤﺲ
ﻣﺎﺑﻲ ﺷﻲ
ﺟﺮﻳﺖ ﻧﻔﺲ ﺑﻲ ﺷﻬﻜﻪ
ﻋﺠﻞ ﻟﻴﺶ ﻓﺎﻗﺪ
ﻫﻮﻩ ﻣﺮﻳﺾ ﻻﺗﺨﺎﻓﻴﻦ ﺍﻏﻤﺎﺀ ﺑﺴﻴﻂ
ﻭﻫﺴﺎﻉ
ﺳﻜﺖ
ﺧﻔﺖ
ﺛﺎﻣﺮ ﺧﻄﺎﺏ ﺷﺒﻲ
ﺭﺟﻒ ﺻﻮﺗﻪ ﻛﺎﻝ ﻣﺘﺮﺩﺩ ﻣﻜﻄﻊ ﻳﺤﺠﻲ
ﻧﻘﺺ ﻧﻘﺺ ﺗﻐﺬﻳﻪ ﻭﻧﺨﻔﺎﺽ ﺑﺪﻡ ﻭﻫﺴﺎﻉ ﺟﺎﻱ ﺍﺗﺒﺮﻋﻠﻮ
ﻋﻀﻴﺖ ﺷﻔﺘﻲ ﻛﻞ ﻗﻮﺗﻲ ﻭﻛﻤﻞ
ﺣﺘﺎﺝ ﺩﻡ ﻭﻓﺼﻴﻠﻪ ﺩﻣﻲ ﺗﺸﺎﺑﻬﻮ
ﻭ
ﻭ
ﻭ ﻭﻧﻄﻴﺘﻮ
ﻛﺎﻟﻪ ﻧﺘﺮ
ﻫﺪﻳﺖ ﺣﻴﻞ ﻫﺪﻳﺖ
ﻭﺑﺮﻭﺩﻩ ﺳﺮﺕ ﺑﺠﺴﻤﻲ
ﺟﻦ ﺩﻣﻪ ﻓﺎﺕ ﺑﺪﻣﻲ
ﻓﺎﺕ ﻟﺠﺴﻤﻲ
ﻣﻮ ﻟﺠﺴﻢ ﺧﻄﺎﺏ
ﻭﻫﻤﺴﺖ
ﺷﻜﺮﺍﺍﺍ
ﺳﺪﻩ
ﺍﺩﻳﺎﻥ ... ﻣﺎﺍﺻﻌﺪ ﻫﺴﻪ ﺍﺧﺬ ﺗﻜﺴﻲ
ﻓﺎﺭﺱ ... ﺗﺼﻌﺪﻳﻦ ﻻﻓﻴﻦ ﺣﻀﺞ ﻭﻝ ﻣﻜﺮﻥ ﺟﺪﺍﻣﺞ ﻭﺣﺮﻣﺘﻲ ﺗﺼﻌﺪ ﺗﺎﻟﻲ ﻟﻴﻞ ﺗﻜﺴﻴﺎﺕ
ﻓﻜﻴﺖ ﻋﻴﻨﻲ ﺧﻨﺰ ﻭﺩﻓﻊ ﻟﺒﺎﺏ ﻓﻜﻪ
ﺻﻌﺪﺕ ﺳﺎﻛﺘﻪ
ﻭﻫﻮﻩ ﻳﺪﺭﺩﻡ
ﻧﺴﻮﺍﻥ ﺁﺧﺮ ﻭﻛﺖ
ﻫﺎﻳﻄﺎﺕ ﻧﺺ ﻟﻴﻞ
ﻟﻮ ﺗﺨﺎﻓﻴﻦ
ﻟﻮﺗﺤﺘﺮﻣﻴﻦ
ﻟﻮ ﺗﺤﺴﺒﻴﻦ ﺣﺴﺎﺏ
ﺟﺎﻥ ﻣﺘﺎﺍﺧﺮﺗﻲ
ﺩﺭﺕ ﻧﺺ ﺟﺴﻤﻲ ﻓﺎﻛﻪ ﻋﻴﻨﻲ ﻣﻴﺒﺎﻭﻋﻠﻲ ﻳﺴﻮﻕ ﻋﻴﻨﻪ ﺑﻠﻄﺮﻳﻖ ﻭﻣﺴﺘﻤﺮ ﻳﺤﺠﻲ ﻟﺤﺪ ﻣﺎ ﺑﺪﻳﻨﻪ ﻧﻔﻮﺕ ﻣﻨﻄﻘﺘﻨﻪ ﻧﻔﺠﺮﺕ
ﻭﻳﻦ ﻭﻳﻦ ﻭﻳﻦ ﻣﺎﺧﺬﻧﻲ
ﺍﻧﺠﻌﻤﻲ
ﻻ ﻭﺍﻟﻠﻪ ﺍﻛﻠﻚ ﻓﺎﺭﺱ ﻻﺩﻭﺭ ﺣﺠﻪ ﺗﺎﺧﺬﻧﻲ ﺑﻴﻪ ﻟﻠﺒﻴﺖ ﺭﺟﺎﺀ ﺭﺟﻌﻨﻲ ﺍﻧﻲ ﺗﻌﺒﺎﻧﻪ ﺭﻭﺣﻲ ﻃﺎﻟﻌﻪ
ﻃﺒﺞ ﻃﺐ ﻳﺎﻫﻮﻩ ﻋﺘﺐ ﻋﻠﻴﺞ ﺗﺮﻭﺣﻴﻦ ﺣﻤﻼﺕ
ﺗﺎﻳﻬﻪ ﻫﻴﻪ ﺗﺎﻳﻬﻪ
ﻭﺍﻧﺖ ﺷﻌﻠﻴﻚ ﻋﺠﻴﺐ ﺷﻐﻠﻲ ﻫﺬﺍ ﺷﻐﻠﻲ ﻣﺎﻟﻚ ﺩﺧﻞ ﺑﻲ
ﻧﺪﺍﺭ ﻭﺷﻄﺢ ﺑﺮﻳﻚ ﻗﻮﻱ ﻣﺮﺟﻊ ﺟﺴﻤﻪ ﻟﻴﻮﺭﻩ ﺍﻳﺪﻩ ﺣﻴﻞ ﻻﺯﻣﻪ ﻟﺴﺘﻴﺮﻳﻦ
ﺧﻨﺰﺭ ﻭﻧﺼﻴﺖ ﻣﻨﺪﺍﺭﻩ
ﻧﺘﺮ
ﻳﻮﻟﻲ ﻟﺤﺪ ﻟﺒﺎﺭﺣﻪ ﺍﻧﻪ ﻣﺒ

ﻄﻠﺞ ﻣﻦ ﻟﺸﻐﻞ ﻫﻴﻨﻮﺏ ﺣﺘﻰ ﻗﺎﺳﻢ ﺩﺯﻳﺘﻮ ﻭﺟﺎﻱ ﺍﺧﺎﺑﺮ ﻟﻤﻨﻀﻤﻪ ﺧﺎﺑﺮﻧﻲ ﻗﺎﺳﻢ ﻳﻜﻠﻲ ﺻﺎﺭﺕ ﺩﻡ ﻛﺪ ﻟﻘﻬﺮ
ﻭﺗﺮﻛﺘﺞ
ﺑﻌﺪ ﺷﻠﻮﻥ ﺑﻜﻴﻔﺞ ﻫﺎﺍ ﻳﻠﻪ ﻓﻬﻤﻴﻨﻲ ﺷﻠﻮﻥ
ﺳﻜﺘﺖ ﻭﻫﺰ ﺭﺍﺳﻪ ﻳﻤﻴﻦ ﻳﺴﺎﺭ
ﻣﺤﺠﻴﺖ
ﺩﻛﺖ ﻣﺎﻣﺎ ﺩﺍﺟﺎﻭﺏ ﺟﺮ ﻟﻨﻘﺎﻝ ﻗﻔﻠﻪ
ﺩﺍﺣﺠﻲ
ﻃﺒﻚ ﺑﺎﺏ ﻟﻌﻤﺎﺭﻩ ﻭﻧﺰﻝ ﻟﺴﻮﻳﺞ ﺑﻴﺪﻩ ﻳﺎﺷﺮﻱ ﺍﻧﺰﻟﻲ
ﻧﺰﻟﺖ ﻭﻛﻒ ﺍﻟﺤﺎﺭﺱ ﺷﺎﻓﻨﻲ ﺭﻭﺣﻪ ﻃﺎﺭﺕ
ﻫﻼ ﻫﻼ ﺑﻴﻜﻢ ﻫﺴﻪ ﻧﻮﺭﺕ ﺍﻟﻌﻤﺎﺭﻩ ﻫﻼ ﺑﻴﻜﻢ
ﺑﺘﺴﻤﺘﻠﻪ ﻭﻣﺪ ﺍﻳﺪﻩ ﺑﺠﻴﺒﻪ ﻓﺎﺭﺱ ﻧﻄﺎﻩ ﻓﻠﻮﺱ ﻭﻟﺴﻮﻳﺞ ﻛﻠﻪ ﺻﻒ ﻟﺴﻴﺎﺭﻩ ﻭﻓﺎﺕ ﻳﺼﻌﺪ ﻟﺪﺭﺝ ﻭﺍﻧﻲ ﻭﺭﻩ
ﻓﺎﺭﺱ ﻣﺎﺻﻌﺪ
ﺣﺴﺞ ﻣﻨﺎ ﻟﻌﺎﻟﻢ ﻧﺎﻳﻤﻪ ﻫﺎﺟﻌﻪ ﺧﻮﻣﺎ ﻣﺜﻠﺞ ﺗﻔﺮﻓﺮ ﻟﻬﺴﺎﻉ
ﺩﻛﻴﺖ ﺭﺟﻠﻲ ﻭﺍﻛﻔﻪ ﺑﻤﻜﺎﻧﻲ
ﻻﺗﺤﺎﺟﻴﻨﻲ ﻫﻴﻴﻴﻴﺞ
ﻭﻳﺎﻙ ﻣﺎﺻﻌﺪ ﻭﺍﻧﺖ ﺗﻌﺮﻑ ﻷﺳﺒﺎﺏ
ﻣﻬﺘﻢ ﻭﻻﻋﺒﺮﻧﻲ ﻛﻤﻞ ﻳﺼﻌﺪ ﻭﺻﻞ ﻃﺎﺑﻘﻨﻪ ﻓﻚ ﺑﺎﺏ ﻟﺸﻘﻪ
ﻭﻓﺎﺕ ﺗﻠﻔﺘﺖ ﻭﻓﺘﺖ
ﻧﺼﻴﺖ ﻧﺰﻋﺖ ﺣﺬﺍﺋﻲ ﻭﻫﻮﻩ ﻳﻔﺘﺮ ﻳﺸﻐﻞ ﺍﺿﻮﻳﻪ ﺗﺼﻨﻤﺖ ﻭﺭﻩ ﻟﺒﺎﺏ ﻧﺪﻛﺖ ﻗﻮﻱ ﻧﺰﻳﺖ ﻭﺗﻘﺮﺏ ﻳﻜﻠﻲ
ﻣﻴﻠﻲ ﻣﻴﻠﻲ ﻟﺮﺟﺎﻝ ﺟﺎﺏ ﻟﺴﻮﻳﺞ
ﺻﺮﺕ ﻋﻠﻰ ﺻﻔﺤﻪ ﻓﺘﺤﻪ ﺍﺑﻮ ﻋﻠﻲ ﺍﺧﺬ ﻣﻨﻪ ﻟﺴﻮﻳﺞ ﻭﺗﺸﻜﺮﻩ
ﻛﻌﺪﺕ ﺍﻳﺪﻱ ﻋﻠﻰ ﺭﺍﺳﻲ
ﻫﻮﻩ ﻟﻴﻐﺎﺩ ﻳﻔﺘﺢ ﺍﺯﺭﺍﺭ ﻗﻤﻴﺼﻪ ﻭﺷﻤﺮﻩ ﺟﺮ ﻟﺤﺰﺍﻡ ﺷﻤﺮﻩ ﻭﻧﺰﻉ ﻟﺒﻨﻄﻠﻮﻥ
ﻛﻤﺖ ﺍﻫﺰ ﺑﺮﺟﻠﻲ
ﻳﺘﺼﺮﻑ ﺑﺴﺘﻬﺰﺍﺀ ﻣﺎﺩﺭﻱ ﻟﻴﻮﻳﻦ ﻳﺮﻳﺪ ﻳﻮﺻﻞ ﻧﻀﺮﺗﻪ ﺗﺒﻴﻦ ﺑﺮﻭﺩ ﺍﻋﺼﺎﺑﻪ ﻭﻫﻞ ﺷﻲ ﺩﻳﺸﻌﻠﻨﻲ
ﺭﻓﻌﺖ ﺭﺃﺳﻲ ﺍﺑﺎﻭﻋﻠﻪ ﺍﺭﻳﺪﻩ ﻳﺤﺠﻲ ﺩﺍﻧﻔﺠﺮ ﺑﻲ
ﻧﺪﺍﺭ ﻭﻋﺎﻓﻨﻲ
ﺷﺼﺎﺭ ﺑﻴﻪ ﻋﻘﻞ ﻣﻀﻞ ﺑﺮﺍﺳﻲ ﺭﻛﺾ ﺭﻛﺾ ﻛﻤﺖ ﻭﺭﻩ ﻟﻠﻤﻄﺒﺦ ﻓﺎﺕ ﻓﻚ ﻟﺜﻼﺟﻪ ﻭﻛﻔﺖ ﻣﺘﺨﻮﺻﺮﻩ ﻧﻀﺮﻩ ﻣﺒﺎﻭﻋﻠﻲ
ﻃﻚ ﻟﻘﻮﻃﻴﻪ ﺟﻒ ﺍﻳﺪﻩ ﺟﺒﻴﺮ ﻏﻄﺎﻫﻪ ﻣﺸﻔﺖ ﺷﻲ ﻣﻨﻬﺎ ﺑﺲ ﺭﻓﻌﻪ ﻳﺸﺮﺏ ﺑﻴﻪ ﺗﻬﺴﺘﺮﺕ ﻛﻞ ﺿﻨﻲ ﺷﺮﺏ
ﺗﻘﺪﻣﺖ ﺑﻬﻤﻪ ﺩﻓﻌﺖ ﻟﺒﺎﺏ ﺗﺮﺍﺟﻊ ﻟﻴﻮﺭﻩ ﻭﺑﻌﺪﻩ ﻋﻠﻰ ﺣﻠﻜﻪ ﺭﺍﻓﻌﻪ ﻣﻦ ﺑﻴﻦ ﻋﻴﻮﻧﻪ ﻳﺒﺎﻭﻋﻠﻲ ﻗﺒﻀﺖ ﺍﻳﺪﻱ ﻭﻓﻜﻴﺘﻪ ﻟﻄﻤﺖ ﻋﻠﻰ ﻭﺟﻬﻲ ﻣﺮﺗﻴﻦ ﺻﻴﺤﺖ
ﻫﻢ ﺷﺸﺸﺸﺮﺏ ﻫﻢ ﺷﺮﺏ
ﻧﺰﻟﻪ ﻭﻛﻞ ﻗﻮﺗﻪ ﺿﺤﻚ
ﻫﻪ ﻫﻪ ﻫﻪ ﻫﻪ
ﺑﻬﺘﺖ ﺭﻓﻊ ﺍﺻﺒﻌﻴﻦ ﺑﻴﻨﺖ ﻗﻮﻃﻴﻪ ﺳﻔﻦ ﻣﺎﻝ ﺳﻜﺮ
ﻧﺼﻴﺖ ﻓﺸﻼﻧﻪ
ﻛﻠﻤﻪ ﻣﺤﺠﻴﺖ ﻭﺿﺤﻜﺘﻪ ﻣﻠﺖ ﻟﺸﻘﻪ ﺧﻠﻴﺖ ﺍﻳﺪﻱ ﻋﻠﻰ ﺷﻔﺘﻲ ﺍﻛﺮﺽ ﺑﻴﻪ ﻣﻨﺼﻴﻪ ﻻﺍﺭﺍﺩﻳﻦ ﺑﺘﺴﻤﺖ
ﻭﺗﻘﺮﺏ
ﺻﺮﻧﻪ ﺑﻌﺪ ﺷﺒﺎﺭ ﻣﻴﻠﺖ ﺭﺍﺳﻲ ﺑﻌﺪﻩ ﻣﺨﻨﻮﻙ ﺿﺤﻚ ﻋﻔﺘﻪ ﻭﻣﺸﻴﺖ ﺻﺎﺡ
ﻭﻝ ﻳﺮﺑﺞ ﺍﺿﻞ ﺍﺣﺒﺞ ﻳﻴﻴﻴﻴﻴﻤﺼﻜﻮﻋﻪ
ﻛﻌﺪﺕ ﻋﻠﻰ ﻗﻨﻔﻪ ﺍﻫﺰ ﺑﺮﺟﻠﻲ ﺍﻏﻢ ﺑﻨﻔﺴﻲ ﺷﻨﻮ ﻫﺬﺍ ﻏﺒﺎﺋﻲ
ﻭﺍﺫﺍ ﺷﺮﺏ ﺷﻌﻠﻴﻨﻪ ﺍﻧﻲ ﺷﺸﺸﺸﻌﻠﻴﻪ
ﺍﺣﻤﺲ ﺑﻨﻔﺴﻲ ﻭ
ﺍﺟﻪ ﻭﺭﺍﻳﻪ ﻛﻌﺪ ﻛﺒﺎﻟﻲ ﻳﻤﺴﺢ ﺑﻜﺼﺘﻪ ﺭﺗﺠﻪ ﻟﻴﻮﺭﻩ ﻳﺴﺤﺐ ﺑﻔﺎﻧﻴﻠﺘﻪ ﻟﺪﺍﺧﻠﻴﻪ ﺩﺭﺕ ﻭﺟﻬﻲ
ﺗﺎﻟﻲ ﺗﺬﻛﺮﺕ ﻣﺎﻣﺎ ﻛﺘﻠﻪ ﺧﻞ ﺍﺧﺒﺮ ﻧﻄﻴﻨﻲ ﺗﻠﻴﻔﻮﻧﻲ
ﺍﺷﺮﻟﻲ ﻻ
ﻭﻛﻔﺖ
ﺷﻨﻮ ﻻ ﻣﺎﻣﺎ ﻫﺴﻪ ﺿﻞ ﺑﺎﻟﻪ ﻧﻄﻴﻨﻲ ﺩﺍﻛﻠﻪ ﻫﺴﻪ ﺍﺟﻲ
ﻣﻨﻮ ﻳﻜﻮﻝ ؟
ﺷﻨﻮ
ﻣﻨﻮ ﻣﻨﻮ ﻳﻜﻮﻝ ﺍﺧﻠﻴﺞ ﺗﺮﻭﺣﻴﻦ
ﻓﺎﺭﺱ ﻻﺗﻠﻌﺐ ﺑﻌﺼﺎﺑﻲ
ﻫﺴﺎﻉ ﺧﺎﺑﺮﻱ ﺍﻣﺞ ﻭﺭﺍﻫﻪ ﻧﺘﻔﺎﻫﻢ
ﺷﻤﺮ ﻟﻔﻮﻥ ﺍﺧﺬﺗﻪ ﺷﻐﻠﺘﻪ ﺍﺭﻭﺡ ﻭﺍﺟﻲ ﺍﺭﻭﺡ ﻭﺍﺟﻲ
ﻫﺴﻪ ﺷﺼﺎﺭ ﺑﺤﺎﻟﻪ
ﻫﺴﻪ ﺷﻜﺎﻟﺖ
ﺍﻭﻳﻠﻲ ﻫﺴﻪ ﺍﻳﻬﻢ ﻛﻠﺐ ﻟﺪﻧﻴﻪ ﺑﺠﻲ
ﺍﻟﻔﻮﻥ ﻋﻠﻰ ﺍﺫﻧﻲ ﻳﺪﻙ ﻭﻧﺪﻛﺖ ﻟﺒﺎﺏ ﺗﻜﺴﺮ ﻣﻮ ﺩﻙ ﻋﻘﺞ ﻭﺟﻬﻪ ﺟﺮ ﻗﻤﻴﺼﻪ ﻟﺒﺴﻪ ﻛﺪ ﻗﻮﻩ ﺩﻛﺖ ﻟﺒﺎﺏ ﻧﺰﻟﺖ ﻟﺘﻠﻴﻔﻮﻥ ﺷﻤﺮﺗﻪ ﻋﻠﻰ ﺗﺨﻢ ﻭﻧﺎﻭﺷﺘﻪ ﻟﺒﻨﻄﺮﻭﻥ ﻳﻤﺸﻲ ﻭﻳﻠﺒﺲ ﺑﻲ ﻓﻚ ﻟﺒﺎﺏ ﻭﺍﻧﺼﺪﻡ ﺑﻤﺎﻣﺎ ﻭﺍﻳﺎﺩ
ﺗﻮﻩ ﻓﺎﺭﺱ ﻳﻬﻠﻲ ﺑﻴﻬﻢ ﻭﺯﻧﻜﻪ ﺍﻳﺎﺩ ﻣﻦ ﻳﺎﺧﺘﻪ
ﻭﻭﻭﻳﻦ ﺍﺩﻳﺎﻥ
ﺑﻨﺖ ﻋﻤﻲ ﻭﻳﻦ
ﻭﺍﻟﻠﻪ ﺍﻧﻌﻞ ﻭﺍﻟﺪﻳﻚ ﻭﺍﻭﺩﻳﻚ ﻭﺭﻩ ﻟﺸﻤﺲ ﻟﺰﻛﻪ ﺍﻧﺖ ﻟﺰﻛﻪ ﻭﻳﻦ ﻭﺩﻳﺘﻪ
ﺑﻬﺖ ﻓﺎﺭﺱ ﺛﻮﺍﻧﻲ ﻭﻟﺰﻡ ﺍﻳﺪﻩ ﻟﻌﻠﻪ ﺟﺘﻔﻪ ﻟﻮﺍﻫﻪ ﻛﻞ ﺟﺴﻢ ﺍﻳﺎﺩ ﻧﺪﺍﺭ
ﻣﺎﻣﺎ ﺷﺎﻓﺘﻨﻲ ﺑﺲ ﺑﻬﺬﺍ ﻟﻤﻮﻗﻒ ﻧﺴﺘﻨﻲ ﻭﺻﺎﺭﺕ ﺑﻴﻨﻬﻢ ﺍﻳﺎﺩ ﻳﻤﻜﻦ ﺗﻮﺭﻁ ﻋﻠﻰ ﻋﻤﺮﻩ ﺑﻬﺎﻱ ﺳﻮﺍﻳﺘﻪ ﻓﺎﺭﺱ ﺑﻌﺪ ﻣﺎﻣﺎ ﻭﺗﻼﺯﻣﻮ ﺑﻠﻄﺎﺑﻖ ﻧﺎﺱ ﻛﺘﻠﺖ ﻧﺎﺱ
ﻛﻤﺖ ﺍﻟﻄﻢ ﻋﻠﻰ ﻭﺟﻬﻲ ﺑﺎﺏ ﻟﺸﻘﻖ ﺗﻔﺘﺤﺖ ﻟﻨﺎﺱ ﺑﺲ ﺗﺘﻔﺮﺝ
ﺍﺗﻘﺮﺏ ﺗﺠﻴﻨﻲ ﺩﻓﻌﻪ ﺍﺭﺟﻊ ﻟﻴﻮﺭﻩ ﺍﺑﻌﺪ ﺍﺷﻮﻑ ﻣﻀﺎﺭﺑﻬﻢ ﺍﻛﻮﻡ ﺍﻛﻤﺰ
ﻣﺪﻳﺖ ﺭﺍﺳﻲ ﺍﺻﻴﺢ ﻋﻠﻰ ﺣﺎﺭﺱ
ﺍﺑﻮ ﻋﻠﻲ ﺍﺑﻮ ﻋﻠﻲ
ﻣﺎﻫﻮﻩ ﻭﺻﻌﺪﻭ ﺭﻛﺾ ﻟﺸﺒﺎﺏ ﻟﻤﺮﻩ ﺷﺎﻟﻮ ﻓﺎﺭﺱ ﺻﺎﺭﻭ ﻳﻔﺎﺯﻋﻮﻥ ﺑﺎﻟﻒ ﻳﺎﻟﻠﻪ ﻓﺎﻛﻜﻮﻫﻢ
ﺑﺘﻌﺪ ﻓﺎﺭﺱ ﻳﻜﻮﻝ ﻻﻳﺎﺩ
ﻭﻝ ﺍﺑﻦ ﺍﺍﺍﺍﺍﺍﻟﻄﺮﺍﻙ ﻣﺸﻌﻮﻝ ﻟﺼﻔﺤﻪ ﻭﻣﻬﻤﻮﺩ ﻟﺸﻴﺐ ﺍﻧﻪ ﻳﻨﻜﺎﻟﻲ ﺍﻧﻌﻞ ﻭﺍﻟﺪﻳﻚ ﻭﻝ ﻟﻮ ﺯﻟﻤﻪ ﺍﻧﺖ ﺧﻞ ﻳﻬﺪﻭﻙ ﺗﺎﺧﻠﻲ
ﺩﻣﻚ ﺑﻄﻮﻟﻚ ﻭﺍﺷﻮﻑ ﻳﺎﻫﻮﻩ ﻳﻄﻠﻌﻠﻚ
ﺧﻨﺲ ﺍﻳﺎﺩ ﻳﺮﺟﻒ
ﺟﺮﻳﺖ ﻣﺎﻣﺎ
ﺷﺠﺎﺑﻪ ﺷﺠﺎﺑﻪ
ﻟﻄﻤﺖ ﺗﻌﺾ ﺑﺼﺒﻌﻬﻪ ﻏﻴﺮ ﻣﻦ ﻭﺭﻩ ﺻﺨﺎﻡ ﻭﺟﻬﺞ ﻭﺝ ﺍﺟﻪ ﻋﻠﻰ ﻏﻔﻠﻪ ﺧﻼﻧﻲ ﺍﻟﻮﺏ ﻭﻳﺒﺎﻭﻉ ﻟﺴﺎﻋﻪ ﻫﺎﻱ ﻭﻳﻨﻪ ﺑﻨﺘﺞ ﻭﻳﻦ ﺭﺍﺣﺖ ﻭﺷﻠﻮﻥ ﻋﺎﻳﻔﺘﻪ
ﺍﺗﺼﻞ ﻋﻠﻴﺞ ﻣﻐﻠﻖ ﺭﺣﺖ ﻋﻠﻰ ﻗﺎﺳﻢ ﻳﻜﻠﻲ ﺧﺎﺑﺮﺕ ﻟﻤﻨﻀﻤﻪ ﺭﺍﺟﻌﻴﻦ ﻣﻦ ﻟﺤﻤﻠﻪ ﻭﻣﻤﻮﺟﻮﺩﻳﻦ ﺑﻠﻤﻨﻀﻤﻪ
ﻫﺬﺍ ﻟﺨﺒﻞ ﻫﺎﺟﻦ ﺭﻋﻮﺻﻪ ﻭﺗﻌﺎﻱ ﺷﻮﻓﻲ ﺷﺤﺠﻪ ﻭﺷﺼﻔﻂ ﺻﺮﻧﻪ ﺍﻧﻲ ﻭﻳﺎﻩ ﻣﺮﺍﺩﺩ ﺗﺎﻟﻲ ﻣﺪﺭﻱ ﺷﻠﻮﻥ ﻃﻠﻌﺖ ﻣﻨﻲ ﺧﺎﻑ ﻳﻢ ﺭﺟﻠﻪ ﻭﻋﺒﺎﻟﻪ ﺍﺟﺬﺏ ﻋﻠﻴﻪ ﺣﻜﻨﻤﻲ ﺍﻟﻪ ﻧﺠﻲ ﻭﻳﺸﻮﻑ ﺑﻌﻴﻨﻪ ﻭﻃﻮﻝ ﻟﻄﺮﻳﻖ ﻳﺤﺠﻲ
ﻣﻮ ﻣﺘﺮﻳﺪﻩ
ﻣﻮ ﻋﺪﻫﻪ ﻣﺸﺎﻛﻞ ﻭﻳﺎﻩ
ﺑﺬﻧﻲ ﺑﺬﻧﻲ ﺳﻤﻌﺘﻬﺎ ﺩﻛﻮﻝ ﺍﺭﻳﺪ ﺍﻃﻠﻚ ﺷﻌﺪﻩ ﻳﻤﻪ ﺑﻌﺪ ﻟﺤﺪ ﻣﺼﺮﺧﺖ ﺑﻲ ﺭﺟﻠﻪ ﺭﺟﻠﻪ ﺷﻌﻠﻴﻚ ﺍﻧﺖ ﺍﻟﻪ ﺳﻜﺖ ﻭﺻﻠﻨﻪ ﺻﺎﺭ ﻟﻲ ﺻﺎﺭ
ﻧﺤﺠﻲ ﺑﺎﺏ ﻟﺸﻘﻪ ﻭﻟﺰﻟﻢ ﻟﻜﺒﺎﺭ ﻻﺯﻣﻴﻦ ﻓﺎﺭﺱ ﻋﻴﺐ ﺍﻧﺖ ﺍﺩﻣﻲ ﻭﺻﻮﺗﻚ ﻣﻤﺴﻤﻮﻉ ﻫﻨﺎ ﺗﺠﻔﻪ ﻟﺸﺮ ﻭﺳﻮﺀ ﻓﻬﻢ ﻭﺻﺎﺭ ﻭﻣﻦ ﻫﺬﺍ ﻟﺤﺠﻲ
ﻫﺪﺍﺀ ﻳﺘﻮﻋﺪﻟﻪ ﺍﻧﻲ ﺍﻋﻠﻤﻚ ﻭﻧﺰﻝ ﺍﻭﻝ ﺩﺭﺟﻪ ﺍﻳﺎﺩ ﺻﺎﺡ ﻣﺎﻣﺎ ﻛﺎﻟﺘﻠﻲ ﺍﻣﺸﻲ ﺭﻛﻀﺖ ﺍﺟﻴﺐ ﺟﻨﻄﻲ ﺟﺮﻳﺘﻪ ﻫﻴﻪ ﻭﺍﻟﻔﻮﻥ ﺷﻮ ﻫﺬﺍ ﺑﺲ ﻟﻤﺤﻨﻲ ﺩﻓﻊ ﻟﺰﻟﻢ ﻭﺗﻘﺮﺏ ﺻﺎﻙ ﺳﻨﻮﻧﻪ ﻳﺌﺎﺷﺮ ﺑﻴﺪﻩ ﻓﻮﻭﻭﻭﻭﺗﻲ ﺟﻮﻩ
ﺗﺨﺸﺒﺖ ﻋﻴﻦ ﻋﻠﻴﻪ ﻭﻋﻴﻦ ﻋﻠﻰ ﻣﺎﻣﺎ ﻭﻟﻨﺎﺱ ﺗﺒﺎﻭﻉ ﻳﺎﺭﺑﻲ ﺷﺴﻮﻱ
ﺑﺮﻃﻤﺖ ﻭﺗﻘﺮﺏ ﺍﻳﺎﺩ
ﺷﻨﻮ ﺗﺠﻲ ﻳﻤﻚ ﻣﻮ ﺑﻜﻴﻔﻚ
ﺣﺪﺭ ﻣﻦ ﻫﻴﻦ ﻻﻃﻤﻚ
ﻣﺎﺩﺭﻱ ﺷﻨﻮ ﺟﺎﻱ ﺗﻤﺴﻠﺖ ﺑﺲ ﺍﻛﺪﺭ ﺍﺟﺎﻭﺑﻚ ﺑﺴﻠﻮﺑﻲ ﺍﺫﺍ ﻛﺒﻞ ﺗﺨﻴﻂ ﻭﺗﺨﺮﺑﻂ ﺑﺒﻨﺖ ﻋﻤﻲ ﻭﺗﺪﺭﻱ ﻣﺎﻋﺪﻫﻪ ﺍﺣﺪ ﻓﻬﺬﺍ ﺷﻲ ﻗﺪﻳﻢ ﻫﺴﻪ ﺍﻧﻲ ﻋﺪﻫﻪ ﻭﺿﻬﺮﻙ ﺍﻛﺴﺮﻩ ﺍﺫﺍ ﺗﺘﻌﺪﻯ ﻋﻠﻴﻪ
ﻛﺎﻟﻪ ﻭﻛﻤﺰ ﻓﺎﺭﺱ ﻋﻠﻴﻪ ﺩﻙ ﺑﻮﻛﺴﻴﺎﺕ ﻳﻜﻠﻪ ﺑﻨﺖ ﻋﻤﻚ ﺷﻨﻮ ﻟﻚ ﻣﺮﺭﺭﺭﺗﻲ ﻫﺎﻱ ﻣﺮﺗﻲ ﺍﻧﻪ ﺑﻮﺟﻮﺩﻱ ﺍﺧﻠﻲ ﻭﺍﺣﺪ ﻳﺪﺍﻓﻊ ﻋﻠﻰ ﻣﺮﺗﻲ ﻳﺤﻤﻴﻪ ﻣﻨﻲ ﺟﺮﺭﺭﺭﺭﺭ ﻣﻨﺎ ﺟﺮﺭﺭﺭﺭ
ﺩﻓﻌﻪ ﻭﻛﻊ ﻭﺳﻨﺪ ﺭﻭﺣﻪ ﺑﻠﺤﺎﻳﻂ ﻳﻤﺴﺢ ﺑﻮﺟﻪ ﻗﻤﻴﺼﻪ ﻣﻜﻄﻊ ﻣﻨﻪ ﻛﻢ ﺩﻛﻤﻪ
ﻣﺎﻣﺎ ﺩﻓﻌﺘﻲ ﻟﻠﺸﻘﻪ ﻓﻮﺗﻲ ﻓﻮﺗﻲ ﻭﺝ ﺭﺍﺡ ﻳﻤﻮﺗﻪ ﻭﻳﺒﺘﻠﻲ
ﻓﺘﺖ ﻭﺟﺮﺕ ﺍﻳﺎﺩ ﺗﺴﺤﺐ ﺑﻲ ﻭﺗﺤﺠﻲ ﺑﺬﻧﻪ
ﻧﺪﺍﺭ ﻓﺎﺭﺱ ﺧﺘﻔﻴﺖ ﺗﻤﺎﻣﺎ
ﻭﺭﻛﻊ ﻟﺒﺎﺏ ﻧﺨﺮﻃﺖ ﻧﺨﺮﻃﺖ
ﺣﻀﻨﺖ ﺟﻨ

ﻄﻲ ﻛﺴﺮﺕ ﺍﺿﺎﻓﺮﻱ ﻛﺪ ﻣﺎﻣﺘﻮﺗﺮﻩ
ﻓﺎﺕ ﻟﻠﻤﻄﺒﺦ ﻏﺴﻞ ﻭﺍﺟﻪ ﻳﻌﺼﺮ ﺑﻴﺪﻩ ﻟﻤﺎﻱ ﻳﻜﻮﻃﺮ ﻳﻤﺴﺢ ﺑﻮﺟﻪ ﻭﻳﺒﺴﻖ ﻋﻠﻰ ﺻﻔﺤﻪ
ﻭﻛﻒ ﻣﺘﺨﻮﺻﺮ ﻣﻄﻴﺮ ﻋﻴﻮﻧﻪ ﻧﺘﺮ
ﻛﻮﻭﻭﻭﻭﻟﻴﻠﻲ ﺷﺴﻮﻱ ﺍﻧﻪ ﻫﺴﺎﻉ
ﻣﻨﻄﻘﺖ
ﺻﺮﺥ
ﻭﻝ ﺛﺒﺮﺝ ﺍﻟﻠﻪ ﺑﺠﺎﻩ ﻫﻮﻩ ﺍﻟﻠﻪ ﻳﻮﻟﻲ ﺗﺎﻟﻲ ﻋﻤﺮﻱ ﺍﺣﺪ ﻳﻜﻒ ﺟﺪﺍﻣﻲ ﻳﺤﺎﺟﻴﻨﻲ ﻫﻴﻴﻴﺞ
ﺍﺣﺠﻲ ﺍﻧﻪ ﺍﻧﻪ ﻭﺍﺣﺪ ﻣﻬﺘﻠﻒ ﻣﺜﻞ ﻫﺬﺍ ﻳﺤﺠﻲ ﺑﻌﺮﺿﻲ ﻫﻴﺞ
ﻧﺼﻴﺖ ﻣﺎﻋﺮﻑ ﺷﺤﺎﺟﻲ ﻣﻦ ﻣﺘﻼﺯﻣﻴﻦ ﻭﺻﺪﻙ ﺑﺠﻴﺖ ﺑﺠﻴﺖ
ﺑﺠﻴﻪ ﺍﻟﻬﺒﻄﻪ
ﻟﺨﻮﻓﻪ
ﻟﻔﺸﻠﻪ
ﻭﺑﺠﻴﻪ ﻟﺨﻨﻜﻪ ﻟﺼﺎﺑﺘﻨﻲ ﻣﻦ ﻟﻤﻐﺮﺏ ﻟﻴﻬﺴﻪ
ﻭﺭﻓﻊ ﺍﻳﺪﻩ ﻣﻬﺪﺩ
ﻗﺴﻤﺎ ﺑﺎﻟﻠﻪ ﻳﺎ ﺍﺩﻳﺎﻥ ﺩﺍﻡ ﺟﺒﺘﻴﻪ ﻟﺮﻭﺣﺞ ﻋﺠﻞ ﺗﺤﻤﻠﻲ ﻟﻴﺠﺮﺍﻟﺞ
ﻛﺒﻞ ﻛﺘﻠﺞ ﻧﺤﻨﺎ ﻛﻠﻤﻦ ﻣﻨﺎ ﺑﺪﺭﻭﺑﻮ ﻭﻫﺬﺍ ﻛﻠﺒﻲ ﺍﻃﺮﻭ ﺍﻟﻒ ﻃﺮﺍﻙ ﻳﻜﻮﻝ ﺷﻲ ﻭﻳﺴﻮﻱ ﻏﻴﺮ ﺷﻲ
ﺧﺎﺑﺮﻧﻲ ﻗﺎﺳﻢ ﻛﺎﻝ ﻧﻘﻬﺮﺕ ﻋﻠﻰ ﺷﻐﻞ ﺳﻜﺘﺖ ﻣﻨﺞ
ﺧﺎﺑﺮﻭﻧﻲ ﻟﻤﻨﻀﻤﻪ ﺍﺩﻳﺎﻥ ﻭﻳﺎﻧﻪ ﻻﻳﻀﻞ ﺑﺎﻟﻚ ﺑﻘﻴﺖ ﺍﻟﻮﺏ ﺍﻟﻮﺏ ﻭﺗﺎﻟﻲ ﻋﺮﻓﺖ ﺍﻧﻪ ﻣﺎﻟﻲ ﺳﻠﻄﻪ ﻋﻠﻰ ﻧﻔﺴﻲ
ﻭﻣﻮﻛﺎﺩﺭ ﺍﻛﻀﺒﻪ ﻣﻨﺞ ﻭﺝ ﺍﻧﻪ ﻛﻠﺐ ﺍﺑﻦ ﺳﻄﻌﺶ ﻛﻠﺐ ﺍﻣﺸﻲ ﻭﺭﻩ ﻛﻠﺒﻲ ﻭﻓﺮﻳﺖ ﻟﺴﻴﺎﺭﻩ ﻭﺟﺒﺘﺞ ﻭﺟﻴﺖ
ﻓﺘﻨﻪ ﻟﺸﻘﺘﻪ
ﻫﺎﺟﻮ ﺟﺮﻭﺣﻲ
ﻫﻴﻦ
ﻛﻌﺪﻧﻪ
ﻫﻴﻦ ﺍﻛﻠﻨﻪ
ﻫﻴﻦ ﺿﺤﻜﻨﻪ
ﻏﺎﺯﻟﺘﻪ
ﺩﺍﺭﺗﻨﻲ
ﻭﻛﻠﺘﻨﻲ
ﺳﺒﺤﺘﻨﻲ
ﺷﺎﻟﺘﻨﻲ
ﻣﺎ ﻳﺨﺎﻟﻒ ﻓﺎﺭﺱ ﻣﻴﺨﺎﻟﻒ ﺍﺩﻳﺎﻧﻚ ﺗﺴﺘﺎﻫﻞ
ﻭﻣﺘﻬﻴﺮ ﺍﺗﺤﻤﻞ ﻣﻨﺞ ﻛﻠﺸﻲ ﻭﺍﺻﺎﻟﺤﺞ ﻭﺍﻧﻪ ﻟﻤﻤﻨﻮﻥ ﺗﺎﻟﻲ ﻳﻮﻛﻒ ﻫﺬﺍ ﻟﻌﺎﺭ ﺟﺪﺍﻡ ﻟﺰﻟﻢ ﻭﻋﻴﻦ ﺑﻌﻴﻦ ﻳﻜﻮﻟﻲ ﻟﺒﺎﺭﺣﻪ ﺗﺮﻳﺪ ﺗﻄﻠﻚ ﻣﻨﻚ ﺷﻌﺪﻙ ﺟﺎﻳﻴﻴﻴﺒﻪ
ﺍﻃﻤﻤﻤﻤﺞ ﺍﻃﻤﻤﻤﻤﺞ ﻟﻮ ﺍﻃﻢ ﺭﻭﺣﻲ ﻟﻮ ﺷﺴﻮﻱ ﻛﻮﻟﻴﻠﻲ
ﺩﺍﺣﺠﻲ ﺻﺎﺡ ﻫﺴﺴﺴﺴﺴﺲ
ﻧﺼﻴﺖ ﻭﺭﻓﻊ ﺍﻳﺪﻩ ﻣﻬﺪﺩ
ﺑﻠﻘﺮﺍﻥ ﺑﻠﻘﺮﺍﻥ
ﺍﺩﻳﺎﻥ ﺍﻥ ﺟﺒﺘﻲ ﻃﺎﺭﻱ ﻟﻄﻼﻙ ﻟﺤﺴﺐ ﺍﻟﻠﻪ ﻣﺎﺧﻠﻘﺞ
ﻭﺭﻭﺡ ﻟﻤﺮﺣﻮﻡ ﻭﻏﻼﺕ ﻟﻐﺎﻟﻴﻦ ﻟﻄﻠﺒﺞ ﻟﺒﻴﺖ ﻟﻄﺎﻋﻪ ﻭﺍﺣﺠﺮﺝ ﻫﻴﻦ ﻻﺷﻐﻞ ﻭﻻ ﺍﻫﻠﺞ ﻭﺳﺎﻋﺘﻪ ﺍﺻﻴﺮ ﺻﺪﻙ ﻣﻮﺧﻮﺵ ﺍﺩﻣﻲ
ﻫﺴﺎﻉ ﺭﺍﺡ ﺍﻋﻮﻓﺞ ﻭﻛﻮﻥ ﺍﺭﺟﻊ ﺍﻟﻜﺎﺝ ﻏﻴﺮ ﺷﻲ
ﻋﺴﻰ ﺗﻜﻮﻧﻴﻦ ﻣﺘﻐﻴﺮﻩ
ﻣﺘﻌﻀﻪ
ﻭﺷﻐﻠﺞ ﻣﺎﺭﺍﺡ ﺍﻣﻨﻌﺞ ﻣﻨﻮ ﺧﺎﻑ ﺩﻛﻮﻟﻴﻦ ﻣﺎﻳﺨﺎﻑ ﺍﻟﻠﻪ ﺭﺍﺡ ﺍﺧﺎﻑ ﺍﻟﻠﻪ ﻭﺍﺷﻮﻓﺞ ﺍﻧﺘﻲ ﺗﺨﺎﻓﻴﻨﻮ ﺑﻴﻪ ﻟﻮ ﻻ
ﻭﻛﻔﺖ ﺧﻄﻮﻩ ﺗﻘﺮﺑﺖ ﺷﺎﻝ ﺳﻮﻳﺠﻪ ﻭﺣﺰﺍﻣﻪ ﻭﻃﻠﻊ
ﻛﻌﺪﺕ ﻃﻜﻴﺖ ﺑﺠﻲ
ﻟﻴﺶ ﻫﻴﺞ ﺻﺎﺭ
ﻟﻴﺶ ﺑﻜﻢ ﺳﺎﻋﻪ ﻟﺪﻧﻴﻪ ﻧﻜﻠﺐ
ﻓﺘﺮﻳﺖ ﻻﺯﻣﻪ ﺭﺍﺳﻲ ﻭﺟﺘﻲ ﻣﺎﻣﺎ ﻋﻠﻰ ﺑﺎﻟﻲ ﺧﺎﺑﺮﺗﻪ ﻛﻠﻤﻪ ﻣﻨﻲ ﻛﻠﻤﻪ ﻣﻨﻬﺎ ﺗﻌﺎﺭﻛﻨﻪ ﻫﻴﻪ ﺗﻌﻴﻠﻨﻲ ﻭﺍﻧﻲ ﺍﻋﻴﻠﻪ ﺗﺎﻟﻲ ﺳﺪﻳﺘﻪ ﻓﻌﻼ ﺭﺩﺕ ﺍﺑﻘﻰ ﻭﺣﺪﻱ ﺩﺍﺷﻮﻑ ﺍﻧﻲ ﺷﺮﻳﺪ
ﻳﻮﻡ ﻳﻮﻣﻴﻦ ﺗﻼﺛﻪ ﻣﻮﺻﻞ ﻓﺎﺭﺱ ﺍﺑﺪ ﻭﻻ ﺭﺣﺖ ﻟﻠﺸﻐﻞ ﺑﻠﻴﻮﻡ ﻟﺮﺍﺑﻊ ﻣﺘﺤﻤﻠﺖ ﺭﺣﺖ ﻟﻬﻠﻲ ﺍﻳﻬﻢ ﻃﺎﺭﺕ ﺭﻭﺣﻪ ﻭﻣﺎﻣﺎ ﺑﺨﺎﻃﺮﻩ ﻫﻮﺍﻱ ﻣﻨﻲ ﺣﻀﻨﺘﻪ ﺍﺗﺴﺎﻣﺢ ﻣﻨﻪ ﻭﺭﻓﻌﺖ ﺭﺃﺳﻪ ﻋﻴﻨﻪ ﺑﻌﻴﻨﻲ ﺩﻣﻌﺖ ﻭﺑﺨﻨﻜﻪ ﻛﺎﻟﺖ
ﺍﺩﻳﺎﻥ ﻛﺎﻓﻲ ﺭﺟﻌﻴﻠﻪ ﻭﺧﻠﺼﻴﻨﻪ
ﻧﺼﻴﺖ ﻭﺩﻙ ﻓﻮﻧﻲ ﻫﻮﻩ ﺻﻔﻨﺖ ﺃﻳﺎﻡ ﺍﻧﻲ ﺑﻠﺸﻘﻪ ﺗﻠﻴﻔﻮﻥ ﻣﺮﻓﻊ ﻋﻠﻴﻪ
ﺟﺮﻳﺖ ﻧﻔﺲ ﻭﺟﺎﻭﺑﺖ ﺧﺮﻁ ﻛﻮﻣﻪ ﻭﻛﻠﻪ ﻻﻥ ﻣﻜﺘﻠﻪ ﻋﻠﻰ ﻃﻠﻌﺘﻲ
ﺑﻘﻴﺖ ﺳﺎﻛﺘﻪ ﻻﻥ ﺍﺻﻼ ﻣﻨﻄﺎﻧﻲ ﻣﺠﺎﻝ ﻭﻧﻬﻰ ﻟﻤﻜﺎﻟﻤﻪ ﺏ ﺩﻳﺮﻱ ﺑﺎﻟﺞ ﺗﺒﺎﺗﻴﻦ ﻫﻨﺎﻙ ﺗﺮﺩﻳﻦ ﻟﻠﺸﻘﻪ ﻭﺍﺣﺮﺝ ﻟﻤﺨﻴﻢ ﻛﻠﻮ ﻟﻮ ﺿﻠﻴﺘﻲ
ﺳﺪﻩ ﻭﺍﻳﻬﻢ ﺑﺤﻀﻨﻲ ﺩﻣﻌﺘﻲ ﺳﺎﺣﺖ ﻟﻴﺶ ﻫﻴﺞ ﺩﻳﺼﻴﺮ ﺑﻴﻪ ﻋﺬﺭﺍﺀ ﺣﻀﻨﺘﻨﻲ ﺑﺠﻴﺖ ﻛﻞ ﻗﻮﺗﻲ ﻭﻓﺎﺕ ﻟﻐﻀﺐ ﺍﻳﺎﺩ
ﺷﻔﺘﻪ ﻟﻮ ﻧﺮﻋﺼﺖ ﻭﺍﺗﺨﻴﻞ ﻫﺴﻪ ﻓﺎﺭﺱ ﻳﺪﺭﻱ ﻭﻣﺎﻋﺮﻑ ﺳﺎﻋﺘﻪ ﺷﻴﻔﻜﺮ ﺑﺴﺮﻋﻪ ﺑﺴﺮﻋﻪ ﻟﻤﻠﻤﺖ ﻣﻼﺑﺲ ﺍﻳﻬﻢ ﻭﺟﺮﻳﺘﻪ ﺩﻃﻠﻊ ﻭﻛﻒ ﻛﺪﺍﻣﻲ ﺭﺍﻓﻊ ﺣﺎﺟﺒﻪ ﻳﻜﻠﻲ
ﺷﺪﻋﻮﺍﺝ ﻳﺎﺑﻪ ﺷﺪﻋﻮﺍﺝ ﺗﺮﻩ ﻣﻜﺒﺮﻩ ﺭﺃﺳﻪ ﻟﻬﺬﺍ ﻟﻌﺮﺑﻲ ﻟﺞ ﺑﺲ ﺍﺷﺮﻱ ﺑﺲ ﺍﺷﺮﻱ ﻭﺍﻟﻠﻪ ﻟﻌﻀﻴﻢ ﻃﻠﻘﻪ ﺑﺮﺍﺳﻪ ﻭﺑﻘﺮﺏ ﺯﺑﺎﻟﻪ ﺍﺫﺑﻪ ﻣﻨﻮ ﻳﺴﺌﻞ ﻋﻠﻴﻪ ﻣﻨﻮ ﻳﻜﻠﺒﻪ ﺷﻮ ﻫﻴﻪ ﺳﺎﻳﺒﻪ
ﺧﺰﺭﺗﻪ
ﺍﻳﺎﺩ ﺍﺣﺘﺮﻡ ﻧﻔﺴﻚ ﻣﺎﺳﻤﺤﻠﻚ ﻫﺬﺍ ﺭﺟﻠﻲ ﺷﻨﻮ ﻫﺎﻱ ﻟﺴﻮﺍﻟﻒ
ﻫﻬﻬﻬﻬﻬﻬﻬﻪ ﻻﺻﺪﻛﺘﻚ ﻟﻌﺪ ﺷﻮ ﻋﻴﻮﻧﺞ ﺩﻛﻮﻝ ﻏﻴﺮ ﺷﻲ ﺗﺮﻩ ﻣﺒﻴﻦ ﻋﻠﻴﺞ ﻛﻠﺸﻲ ﻣﺎﻛﻮ ﺩﺍﻋﻲ ﺗﻀﻤﻴﻦ
ﻫﺰﻳﺖ ﺭﺍﺳﻲ ﻣﺌﻴﺴﻪ ﻣﻨﻪ ﺟﺮﻳﺖ ﺍﻳﻬﻢ ﻭﻃﻠﻌﻨﻪ ﻟﻠﺸﻘﻪ ﻭﻣﻦ ﻳﻮﻣﻪ ﻋﺸﺖ ﺣﻴﺎﻩ ﻣﺨﺮﺑﻄﻪ
ﻣﺨﺮﺑﻄﻪ ﺑﻤﻌﻨﻰ ﺍﻟﻜﻠﻤﻪ ﺍﺭﻳﺪ ﺍﻳﻬﻢ ﻭﻳﺮﻳﺪﻧﻲ ﻻﺑﻴﻪ ﺍﺧﻠﻲ ﻳﻤﻲ ﻻﻥ ﻣﻦ ﺍﺭﻭﺡ ﻟﻠﺸﻐﻞ ﻭﻳﻦ ﺍﻋﻮﻓﻪ ﻭﻻﺑﻴﻪ ﺍﻋﻮﻓﻪ ﺑﻠﻤﺨﻴﻢ ﻳﺒﺠﻲ ﻋﻠﻴﻪ
ﻛﻤﺖ ﺍﺧﺬﻩ ﺑﻠﺮﻭﺣﻪ ﻳﻤﻬﻢ ﻭﺑﻠﺠﻴﻪ ﺍﺭﻭﺡ ﺍﺟﻴﺒﻪ ﺍﻧﻮﺏ ﻛﻤﺖ ﺍﺻﺎﺩﻑ ﺍﻳﺎﺩ ﻳﻤﻬﻢ ﻭﻣﺎﻣﺎ ﺗﺘﻜﺮﺿﻢ ﺩﻛﻮﻝ ﻛﻮﺭﻩ ﻭﻛﻮﺭﺝ ﺑﺲ ﻳﺴﺌﻞ ﻋﻨﺞ
ﺗﺎﻟﻲ ﺿﺤﻴﺖ ﺑﺎﻳﻬﻢ ﺑﺲ ﺣﺘﻰ ﻣﺘﺼﻴﺮ ﻣﺸﺎﻛﻞ ﻭﻛﻤﺖ ﺍﻋﻮﻓﻪ ﻛﻢ ﻳﻮﻡ ﺍﻟﻪ ﺍﺭﻭﺣﻠﻪ ﻭﻣﺴﺘﻤﺮﻩ ﺑﺸﻐﻠﻲ
ﻓﺎﺭﺱ ﺑﻌﺪ ﻣﺎﻋﺒﺮﻧﻲ ﻛﻢ ﻣﺮﻩ ﻧﺘﺼﺎﺩﻑ ﺑﻠﻤﺨﻴﻢ ﻳﺨﻠﻲ ﻭﻳﻄﻠﻊ
ﻭﻛﻢ ﻣﺮﻩ ﺍﻟﺤﺎﺭﺱ ﻳﻜﻠﻲ ﺍﻛﻮ ﺍﺣﺪ ﺩﻳﺠﻲ ﻳﺴﺌﻞ ﻋﻨﻜﻢ ﻭﺍﻧﻲ ﻣﺎﻧﻄﻲ
ﺧﻔﺖ ﺣﻴﻞ ﺍﻋﺮﻓﻪ ﺍﻳﺎﺩ ﻭﺧﺎﻑ ﻫﺬﺍ ﻳﻮﺻﻞ ﻟﻔﺎﺭﺱ ﻭﻫﻮﻩ ﻣﻴﻌﺮﻓﻪ ﻻﻥ ﻣﻦ ﺗﻌﺎﺭﻛﻮ ﻭﺻﺤﺘﻪ ﻣﻠﻜﻴﺘﻪ ﺟﺎﻥ ﻣﻤﻮﺟﻮﺩ ﺿﻄﺮﻳﺖ ﺍﺗﻮﺳﻠﻪ
ﻋﻤﻮ ﻓﺪﻭﻩ ﺍﺫﺍ ﻳﺠﻲ ﺩﻋﺒﻠﻪ ﻭﻓﺪﻭﻩ ﻻﺩﻛﻮﻝ ﻟﻔﺎﺭﺱ
ﺟﺮ ﻋﻴﻨﻪ ﺣﺎﻳﺮ ﻫﺰ ﺭﺃﺳﻪ ﻣﻘﺎﻧﻊ
ﻭﻓﺘﺖ ﺑﻴﻮﻣﻪ ﻣﻨﻤﺖ ﻭﻋﺮﻓﺖ ﺭﺍﺡ ﺗﺼﻴﺮﻟﻲ ﺳﺎﻟﻔﻪ ﻣﺎﺑﻴﻪ ﻣﺠﺎﻝ ﻭﻓﻌﻼ ﺣﺴﺎﺳﻲ ﺑﻤﻜﺎﻧﻪ ﻭﺻﺎﺭ ﻟﺨﺎﻳﻔﻪ ﻣﻨﻪ ﺑﺲ ﻭﺭﻩ ﻣﻤﺮﺕ ﺍﻳﺎﻡ ﻭﺍﻳﺎﻡ ﻣﻦ ﺧﻮﻓﻲ ﻭﺗﺤﺪﻳﺪﺍ ﺑﺬﺍﻙ ﺍﻟﻴﻮﻡ ﻟﻤﺎﻧﺴﺎﻩ ﻭﻻﻳﺮﻭﺡ ﻣﻦ ﺑﺎﻟﻲ
ﺭﺟﻌﺖ ﻣﻦ ﺍﻟﺸﻐﻞ ﺻﻌﺪﺕ ﺍﻟﺪﺭﺝ ﻻﻛﺎﻧﻲ ﺣﺎﺭﺱ ﺍﻟﻌﻤﺎﺭﻩ
ﺑﻨﺘﻲ ﺷﻮﻧﺞ ﺍﻟﻴﻮﻡ ﺗﺎﺍﺧﺮﺗﻲ
ﻫﻼ ﺑﻴﻚ ﻋﻤﻮ ﺍﻱ ﻭﺍﻟﻠﻪ ﺍﻟﻴﻮﻡ ﺧﻤﻴﺲ ﺿﻠﻴﺖ ﺍﻛﺘﺮ ﻛﻢ ﺷﻐﻠﻪ ﻭﺗﺎﺧﺮﺕ ﺧﻴﺮ ﺻﺎﻳﺮ ﺷﻲ
ﺍﻱ ﺍﺟﻪ ﻫﺬﺍ ﺍﻟﺮﺟﺎﻝ ﺍﻟﺠﺎﺀ ﺫﺍﻙ ﺍﻟﻴﻮﻡ ﺳﺌﻞ ﻋﻠﻴﻜﻢ ﻭﻣﻨﻄﻴﺘﻪ ﻧﺸﺪﻩ ﺑﺲ ﻫﻮﻩ ﻟﺰﻛﻪ ﺿﻞ ﺭﺍﻳﺢ ﺟﺎﻱ ﺗﺎﻟﻲ ﺣﻤﺮﺕ ﻋﻴﻨﻲ ﻋﻠﻴﻪ ﺍﻟﻪ ﺩﺍﺭ ﻭﺟﻪ ﻭﺭﺍﺡ
ﺍﻭﻑ ﺍﻳﺎﺩ ﺷﻨﻮ ﻣﻦ ﺑﺸﺮ ﻭﺍﻟﻠﻪ ﻛﺮﻫﻨﻲ ﺑﺤﻴﺎﺗﻲ
ﺟﺮﻳﺖ ﻧﻔﺲ ﻧﺼﻴﺖ ﺭﺍﺳﻲ ﻭﺭﻓﻌﺘﻪ
ﻫﺎﻫﻴﻪ ﻋﻤﻮ ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﺍﻧﻲ ﺍﺗﺼﺮﻑ
ﻫﺰ ﺭﺃﺳﻪ ﻣﻘﺎﻧﻊ ﺟﺮ ﻛﺮﺳﻴﻪ ﻭﻛﻌﺪ ﺻﻌﺪﺕ ﺍﻟﺪﺭﺝ ﺷﻲ ﺑﺪﺍﺧﻠﻲ ﺷﺘﻌﻞ ﺷﻠﻮﻥ ﻭﻳﻪ ﺍﻳﺎﺩ ﻫﺬﺍ ﺍﻟﻪ ﻳﺴﻮﻟﻲ ﻣﺼﻴﺒﻪ ﺍﻟﻪ ﻳﻔﻚ ﻣﻨﻲ ﻳﺎﺧﻪ
ﻓﺘﺤﺖ ﺑﺎﺏ ﺍﻟﺸﻘﻪ ﻋﻠﻜﺖ ﺍﻟﻤﻔﺘﺎﺡ ﻭﺷﻐﻠﺖ ﺍﻻﺿﻮﻳﻪ ﻛﻌﺪﺕ ﺣﻴﻠﻲ ﻣﻬﺪﻭﺩ ﺭﺟﻴﺖ ﺭﺍﺳﻲ ﻋﻠﻰ ﺍﻟﺘﺨﻢ ﻣﻐﻤﻀﻪ ﺿﺎﻳﻌﻪ ﺍﻓﻜﺎﺭﻱ ﻣﺘﺼﺎﺭﻋﻪ ﻟﺤﺪ ﻣﺘﻌﺒﺖ ﻭﺩﺍﺣﺲ ﻃﺎﻗﺘﻲ ﺩﺗﻨﻔﺬ ﻭﻧﻔﺲ ﺍﻟﻮﻛﺖ ﻣﺎﺭﻳﺪ ﺍﺧﺬﻝ ﺭﻭﺣﻲ
ﺍﻧﻲ ﻗﻮﻳﻪ
ﺍﺻﺒﺮﻱ ﺍﺩﻳﺎﻥ ﻭﻛﻤﻠﻲ ﻟﺒﺪﻳﺘﻲ ﺑﻲ
ﻻﺗﺘﻨﺎﺯﻟﻴﻦ
ﻻﺗﺨﺬﻟﻴﻦ ﺭﻭﺣﺞ ﻭﺗﻨﺰﻟﻴﻬﺎ
ﺟﺮﻳﺖ ﻧﻔﺴﺖ ﻣﺘﻨﻬﺪﻩ ﻓﺰﺯﻧﻲ ﻓﻮﻧﻲ ﺍﺫﻥ ﺍﻟﻌﺸﺎ
ﻭﻛﻔﺖ ﺫﺑﻴﺖ ﻣﻼﺑﺴﻲ ﻭﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﻟﺒﺴﺖ ﺍﺯﺍﺭﻱ ﻭﺑﺪﻳﺖ ﺍﺻﻠﻲ
ﺭﺑﻊ ﺳﺎﻋﻪ ﺑﻴﻦ ﺻﻼﻩ ﺍﻟﻤﻐﺮﺏ ﻭﺍﻟﻌﺸﺎﺀ ﺳﺘﻐﻔﺮﺕ ﻭﺩﻋﻴﺖ ﻛﻮﻣﻪ ﺍﻟﻠﻪ ﻳﺮﺷﺪﻧﻲ ﻭﻳﻄﻠﻌﻨﻲ ﻣﻦ ﺍﻻﻧ

ﻲ ﺑﻲ ﻭﺫﺑﻴﺖ ﻛﻞ ﺣﻤﻮﻟﻲ ﻋﻠﻰ ﺍﻟﻠﻪ ﺗﺎﻟﻲ ﻛﻤﺖ ﻟﻔﻴﺖ ﺍﻟﺴﺠﺎﺩﻩ ﻭﺭﺣﺖ ﻟﻠﻤﻄﺒﺦ
ﻭﻛﻔﺖ ﻣﻐﻤﻀﻤﻪ
ﻛﻠﺸﻲ ﺑﻴﻪ ﻣﻠﻴﺎﻥ ﺍﻟﻠﻢ
ﻛﻠﺸﻲ ﺑﻴﻪ ﻣﺘﺮﻭﺱ ﻗﻬﺮ ﻭﺍﻣﺸﻲ ﻣﻦ ﻻﺟﺎﺭﻩ
ﻧﻔﺴﻲ ﻣﻤﺮﻭﺩﻩ ﻭﺭﻭﺣﻲ ﻃﺎﻓﺮﻩ ﻣﻦ ﻛﻠﺸﻲ ﺑﺲ ﺷﺴﻮﻱ ﺍﻣﻮﺗﻪ؟
ﻣﺴﺘﺤﻴﻞ ﻻﺯﻡ ﺍﻛﻤﻞ ﻟﺒﺪﻳﺘﻪ
ﺷﻲ ﺑﺪﺍﺧﻠﻲ ﻳﻤﻨﻌﻨﻲ ﺍﺭﺿﺦ ﻟﻼﻣﺮ ﺍﻟﻮﺍﻗﻊ ﻭﻳﺼﺮﺥ
ﺍﻧﻲ ﻗﻮﻳﻪ
ﺍﻱ ﺍﻧﻲ ﻗﻮﻳﻪ
ﺍﻫﺰ ﺑﺮﺍﺳﻲ ﺍﻗﻨﻊ ﺑﺮﻭﺣﻲ ﺍﺗﺤﺮﻙ ﺍﺧﻔﻲ ﻛﻠﺸﻲ ﻳﻤﻜﻦ ﺍﻛﺬﺏ ﻋﻠﻰ ﻧﻔﺴﻲ ﻟﻮ ﺩﺍﻭﻫﻤﻪ ﻣﺎﻋﺮﻑ
ﻓﻜﻴﺖ ﺍﻟﺜﻼﺟﻪ ﻃﻠﻌﺖ ﺍﻟﺼﻤﻮﻥ ﺣﻤﻴﺘﻪ ﺑﻠﻤﺎﻳﻜﺮﻭ
ﺷﻐﻠﺖ ﺍﻟﻐﻼﻳﻪ ﻓﻮﺭﺕ ﺍﻟﻤﻲ ﻭﺣﻀﺮﺕ ﻛﻼﺹ ﺧﻠﻴﺖ ﺍﻟﺸﻜﺮ ﺗﻮﻧﻲ ﺍﻓﺘﺢ ﻛﻴﺲ ﺍﻟﺠﺎﻱ ﻧﺪﻙ ﺍﻟﺠﺮﺱ ﺭﻧﻪ ﻭﺭﻩ ﺭﻧﻪ ﺫﺑﻴﺖ ﻛﻠﺸﻲ ﻭﺭﻛﻀﺖ ﺍﺑﺎﻭﻉ ﻣﻦ ﺍﻟﻌﻴﻦ ﺍﻟﺴﺤﺮﻳﻪ ﺍﻳﺎﺩ
ﻗﺒﻀﺖ ﺍﻳﺪﻱ ﺩﺍﺧﻠﻲ ﻳﺮﺟﻒ ﻣﻦ ﺷﻜﻮﻟﻪ ﺗﻠﻔﺘﺖ ﻣﺎﻋﺮﻑ ﺷﺴﻮﻱ ﻏﻴﺮ ﻣﺸﻴﺖ ﺳﺮﻳﻊ ﻓﻜﻴﺖ ﺍﻟﺸﺒﺎﺝ ﺭﺩﺕ ﺍﺻﻴﺢ ﺍﻟﺤﺎﺭﺱ ﻣﻠﻜﻴﺘﻪ
ﺍﻟﺠﺮﺱ ﺭﻧﻪ ﻭﺭﻩ ﺭﻧﻪ ﺗﻠﻔﺖ ﺃﻋﺼﺎﺑﻲ ﺟﺮﻳﺖ ﺍﺯﺍﺭﻱ ﻟﺒﺴﺘﻪ ﻭﺑﻜﻞ ﻏﻀﺐ ﻓﻜﻴﺖ ﺍﻟﺒﺎﺏ ﻣﺨﻨﺰﺭﻩ ﺗﻮﻧﻲ ﺍﺣﺠﻲ ﺗﻠﻔﺖ ﻣﺮﺗﻴﻦ ﻭﺧﻄﻪ ﺧﻄﻮﻩ ﻭﺣﺪﻩ ﺩﻳﻔﻮﺕ ﺩﻓﻌﺘﻪ ﻛﻞ ﻗﻮﺗﻲ
ﺷﻌﺪﻧﻚ ﺟﺎﻱ ﺍﻣﺸﻲ ﻭﻟﻲ ﻣﻨﺎ
ﺍﺩﻳﺎﻥ ﻻﺗﺴﻮﻳﻦ ﻫﻴﺞ ﻋﻴﺐ ﻋﻠﻴﺞ ﺍﻧﻲ ﺍﺑﻦ ﻋﻤﺞ ﺧﻞ ﻧﻔﻮﺕ ﻧﺘﻔﺎﻫﻢ
ﻋﻠﻰ ﺷﻨﻮﻭ ﻧﺘﻔﺎﻫﻢ ﺷﻌﻨﺪﻱ ﻭﻳﺎﻙ ﺍﻧﻲ ﺑﺎﺑﺎ ﺍﺻﺤﻪ ﻋﻠﻰ ﺭﻭﺣﻚ ﺍﻧﻲ ﻣﻮ ﺍﺩﻳﺎﻥ ﻟﻘﺪﻳﻤﻪ ﻗﺴﻤﺎ ﺑﺎﻟﻠﻪ ﻭﻛﺘﺒﻪ ﺍﺫﺍ ﻣﺮﺣﺖ ﻣﻨﺎ ﻫﺴﻪ ﺍﺻﻴﺢ ﻭﺍﻟﻢ ﻋﻠﻴﻚ ﺍﻟﻌﺎﻟﻢ ﻛﻠﻪ
ﻭﺍﻟﻠﻪ ﻋﻴﺐ ﻋﻠﻴﺞ ﻟﻴﺴﻤﻌﺞ ﻫﺴﻪ ﺷﻴﻜﻮﻝ ﻭﺝ ﺍﻧﻲ ﻣﻨﺞ ﻭﺑﻴﺞ ﺩﻣﺞ ﻭﻟﺤﻤﺞ ﺍﻧﺘﻲ ﻟﻴﺶ ﺑﺎﻳﻌﺘﻨﻪ ﻭﺿﺎﺭﺑﻪ ﺍﻟﺪﻧﻴﻪ ﻗﻨﺪﺭﻩ ﻣﺘﻜﻠﻠﻲ ﺷﺒﻴﺞ
ﺯﻧﺒﺮﺕ ﺭﺍﻓﻌﻪ ﺍﻳﺪﻱ ﻣﻬﺪﺩﻩ ... ﻭﺍﻟﻠﻪ ﻟﻮﻣﺎ ﺩﻧﻴﻪ ﻟﻴﻞ ﻭﻣﻨﺎ ﻟﺠﻮﺍﺭﻳﻦ ﺟﺎﻥ ﻋﺮﻓﺖ ﺷﺤﺠﻲ ﻭﻳﺎﻙ ﻣﻦ ﺗﺎﻟﻲ ﻭﻛﺖ ﺟﺎﻳﻨﻲ ﺗﺼﻔﻂ ﻋﻠﻴﻪ ﻛﻢ ﻛﻠﻤﻪ ﺣﺎﻓﻀﻬﺎ ﺍﺑﻦ ﻋﻤﺞ ﻭﺩﻣﺞ ﻭﻟﺤﻤﺞ ﺍﺷﻮ ﻫﺴﻪ ﻃﻠﻌﺘﻮ ﻭﻳﻨﻜﻢ ﻛﺒﻞ ﻭﻳﻨﻜﻢ ﻣﻦ ﻣﺎﺕ ﺣﺎﺯﻡ ﻣﻮ ﺛﺎﻧﻲ ﻳﻮﻡ ﻃﻔﺮﺗﻮ
ﻭﻳﻨﻜﻢ ﻣﻦ ﻣﺎﺕ ﺑﺎﺑﺎ
ﻣﻦ ﻣﺎﺕ ﻗﺼﻲ
ﻫﺴﻪ ﻫﺴﻪ ﺍﻧﺖ ﺍﺑﻦ ﻋﻤﻨﺎ
ﺟﻨﺖ ﺍﺣﺠﻲ ﺍﺣﺠﻲ ﻣﻨﻔﻌﻠﻪ ﻭﻫﻮﻩ ﻣﻨﺼﻲ ﺭﺍﺳﻪ ﺍﻳﺪﻩ ﺑﺠﻴﻮﺑﻪ ﺑﻌﺪﻧﻲ ﺩﺍﻃﻠﻊ ﻗﻬﺮﻱ ﺍﻫﺰ ﺑﻴﺪﻱ ﺍﺍﺷﺮ ﺍﺳﻮﻟﻒ ﺑﺤﺮﻛﻪ ﻭﻓﺠﺎﻩ ﻭﻛﻔﺖ ﻣﻨﺰﻟﻪ ﺍﻳﺪﻱ ﻋﻴﻮﻧﻲ ﺟﻤﺪﻭ ﻭﺍﻃﺮﺍﻓﻲ ﺭﺗﻌﺸﻮ ﻭﺍﻧﻲ ﺍﺷﻮﻑ ﻓﺎﺭﺱ ﻳﺼﻌﺪ ﺍﻟﺪﺭﺝ ﻛﻞ ﺑﺎﻳﺘﻴﻦ ﺳﻮﻩ ﺭﺍﻓﻊ ﺩﺷﺪﺍﺷﺘﻪ ﺑﻴﺪﻩ ﻟﺤﺪ ﻣﻮﺻﻞ ﻳﻤﻨﻪ ﺑﺪﻭﻥ ﺗﻔﺎﻫﻢ ﺟﺮ ﺍﻳﺎﺩ ﻣﻦ ﻳﺎﺧﺘﻪ ﻭﻧﺰﻟﻪ ﺍﻟﺪﺭﺝ ﺳﺤﻞ

ﻳﺘﺒﺒﻊ

حبي اسمها رفل الكناني☺️✨

#ملوكه

يي عيوني كوليله..شنو سبب هالحبوب ودايما تطلعلي وبكثرة فشنو سببهن..وشوفي شيكلج🥺🌸

#ملوكه