ي بيد اخوج النكس

هزيت راسي امسح بدموعي نصيت وفتت من يمه قبض ايده كل قوته حتى دمارتو بينت بس متحرك
منطه رده فعل
محرك ساكن
هذا ليرجف من قربي
ليموت بخطواتي تحول صخره
ملامحه جامده
جامده كل حب مابيه
من يومه
من لحضته عرفت احنا نتهينه

خلص ابد مادوس نفسي
ولا ادوس كرامتي
لميردني ماريده
يستحيل بعد ينول نضره مني
ورقه
ورقه وحركته بعد من هذا ليوم
اي اي
ثامر ورقه وحركته
اديان ... ايهم تحفظ لو شلون

ماما ولله حافظ

اقره يله

قل هوه

ها ها ها هاي شكلنه مو كلنه نسمي بلاول

نثيت يله .. بسم الله الرحمن الرحيم قل هوه الله الصمد

اااااايهم الله احد مو فقعت مرارتي

ضحك صام حلكه بيده نترت .. هيه مو مال ضحك هذا قران حرام حبيبي يعني ميصير هيج سبوع صارلنه بسوره الاخلاص شوكت نحفظ لباقي يعني هاي لو اغنيه جان ركض حفضته
اي ثوفي شلون حافظ ....
جيناك بهايه ها هاا واهلك وفايه ها ها بث اثر بيدك وثوف نجيبه ليمك متثوف احنا من ثاحب من عوف احنا مابينه مخربط

يغني يكمز يسوي بيه حركه مجتف ايده متت ضحك حتى فارس مبتسم شوف لشيطان شلون منعول ايه صار سبوع محفضها واغنيه طشت من يومين كل شويه يطلعها بلتاب وحفضها
جريته بحضني يكركر شاورته تحفظ لو ازعل هز رأسه يضحك
اي اي احفظ
بسته
عفيه بلسبع حتى اسويلك كاستر وجلي وتراب الملوك وكلشي تحبه

ركض شال لتاب وفات يوتيوب طلع طلب البحث شلون يسوي حركات يقرب لتاب على حلكه بعد شويه يفوت راسه بي يهمس
قل هوه الله الصمد
اباوع عليه مبتسمه مرتاحه حيل هل فتره داحس بروده بااايامي لخاليه من كل كلشي ومابيه غير ايهم وفارس
الكل بتعد خاصه بلفتره الاخيره من صار موضوع سجى وخطاب
لوضع توتر مجنت اشوفهم ولايجون بس هاي لكم دقيقه لتخابر لحجيه بيه لو لبنات توضح كلشي
بتعدو مشاكهلم اخذتهم منه حتى فيصل قليل يجي نص ساعه ويروح
اطلع اسلم واقدم جاي بعينه ماباوع يكعد يم فارس يسولف ويتصفحله بلفون حتى لو فارس ميحجي شويه ويطلع

وهيج مرت الايام حتى مراجعه عد فارس مكدت اخذه لااندل ولااكدر وحدي وما عندي جرى احاجي فيصل بقيت ساكته وهم مطمئنه لان علاجه مخلص ومواضبه دانطي منه
ايهم ديسمع للايه واني كمت طبخت الغده كملته وجيت على فارس وياي كرسيه لمتحرك خليته كباله لملمت لجرجف من عليه دشداشته مرفوعه نزلته مجرد ايدي تلامس جسمه يكزبر يتئاثر
بس ايدي لامست فخذه حبحب بتسمت منصيه مستمره انزل رجليه وداخلي يكلي
لو مو يعوفج
لو مو يرجع مرته ويحطه مره عليج
يضل هوه هوه فارس ليرجف يرجف بقربج
رفعت راسي لزمت ايده سانده ضهره رفتعه كعدته على كرسي واخذته للحمام سبحته وضيته جنت كل يوم اسويله هيج
نشفته وعطرته امشط بشعره ومرخي جسمه مرجع رأسه على حافه الكرسي مغمض
وكفت لثواني بقه مغمض خليت ايدي على جتفه
فارس نمت
فتح عيونه مثكله
يله نصلي
مديت ايدي كبرت غمض ندرت
فارس فك عينك كدام ربك حتى لو متكدر توكف تصلي بحواسك صلي بعيونك بلسانك
يله عفيه مو كل يوم اعيد نفس الكليشه
هدت ملامحه

بديت اصلي مثل كل يوم اربع ركع الضهر وكعدت اسبح طبيعتي من اصلي افصل عن كلشي وين اله ندرت لكيت وجه مطعون طعن تنفست استغفر كمت غسلت وجه ورحت صبيت الغده غديته وأخذ علاجه بس ممرتاح يلوب براسه فاك عيونه عرفته راح يتقيى ركضت جبت سطله وتقربت بس رفعت رأسه من يم ركبته تقيى كلشي بطنه
تعب يلهث شفته ترجف مسحت وجهه ومددت حتى دموع من عينه طلعت
ربي شسوي والله اريده يطيب
غمض ولملمت كلشي يمه فوني يتصل رحت للغرفه جاوبت عذراء سلمت ونطيتي ماما بس كالت شونج عبالك داست على جروحي
يوم تعبت
بنتي الج الله شتسوين بعد
يوم ديختنك خاف على غفله يخنكه ويموت
ميخنكه لقران اقوه منه قريتي اليوم البقره لو لصافات
البقره يمه الصافات غير يتخبل
وج بعد احس بلكي يطلع منه ولنه متعافي وج امي حتى العافيه ترجعه هذا مسيطر عليه حتى علاج مديمض بي
لعد اليوم بليل اقراهه
امي المغرب
ماما والله اخاف
وج اديان كد القطره لاتخافين انتي ايمانج قوي هوه يخاف منج

شكد مااخاف
شكد ماكلام ماما يترسني قوه واردد يطيب والله يطيب استمر بلداسوي وعلى يوم اشوفه يصلي بدون خوف
بدون ميتخربط
ايهم غفه خليته بفراشه غطيته وطلعت مددت كباله على قنفه لحد مغفيت وكعدت لمغرب جان دقايق بعد ويصير الاذان ركض ركض توضيت حتى الأيهم مباوعت جبت المصحف واجيت يم راسه اقره كعد مخنزر يعن براسه ولاهتميت
اقره واقره ختمته وبعده صليت كباله جيت داكومه اخذه افوته حمام واوضي مقبل لازمه ايده لسليمه يجرهه مني
اتوسل واقنع قفل داير وجهه
حيل تعبني ماضغطت عليه عفته
لليل بين عشاه وعلاجه وايهم تااخر لوكت وعينه مغمضت عرفته شد وياي حتى اعوفه ابطل اوضي
ابطل اخلي يصلي
وابطل اقره القرآن يم راسه
كم مره لاحضته أكثر شي من اقره سوره الصافات لو سوره الدخان هيج يشد وياي
ماانكر خوفي لان ادري مو هوه هيج ديسوي ويرجع كلام ماما يدك براسي انتي ايمانج اقوه

بيومها نمت مرهقه
خ

وف على قلق حضنت ايهم عبالك احتمي بي
لنص ليل تحسست لمساته على وجهي بقيت مغمضه بس كاعده
مكاني بصف سريره فيت جواه حتى اذا يحتاج حمام بليل بس يدق جتفي افز
اليوم موصل جتفي ايده تمشي على وجهي اصابعه تتلمس شفتي
بلعت ريك اخاف حتى صوته يطلع
وووين رجعني
وين وداني
اخذني لفارس مال قبل ولديان القديمه
ايدي لجوه لجرجف حيل حيل ضاغطه على دوشك كمت اكطع بلنفس عزه حفضح روحي
تحركت احسسه كعدت جر ايده كمت لحيلي مرتبكه
لحضه ردته
حنيتله
بس من ركزت بعينه لملمت روحي وعيت
كمت الم بشعري وكفت اخلي كذلتي وره اذني
عينه متشكله عليه
فارس تروح حمام
هز رأسه اي نصيت كفيت لفراش وجبت كرسيه
جان نفسه نار جسمه مخنطل
مجرد رفعته رتمه على جسمي وجه صار مباشره يم عضم كتفي حتى فكت حلكه وسدته من بلل شفته حسيت بيه
تخربطت احولنا تلاشيت كلشي خليتا على كرسي يفر براسه وين ماعيني تروح نصيت يم رجله اخليه على مسند منصي وياي وكفت اندار ندار رأسه وراي عيني صارت بعينه باوعني متوسل
لأول مره من تمرض يريدني
يريدني بعيونه
يردني بحاله وبوضعه هذا
عرفته من جسمه ليرجف
من ايده لقابضه
من حراره شفته من صارت على كتفي

سكتت وكتفيت انصي وادير لكرسي للحمام وصلته ردت انزله من لكرسي قوه روحه
فارس شبيك
عكض دار وجه
عرف ملنت
عرف فهمت عليه ومطاوعته
فارس
مرفع رأسه
تروح للحمام لو لا
هز رأسه منصي مخنزر على كاع لا
فريت لكرسي رجعته مقبل ينام بفراشه
عفته ورجعت لفراشي مغطيه راسي
اااياج تضعفين
اااياج ترضخين
اياج واااياج
مداريته اي
بس زوجه اله بعد الصار لا

مددت جسمي يختض مثل السعفه صامه حلكي عبالك ديسمع نفسي لمضطرب
لحضه مغفيت
ولارفعت راسي اباوعله لحد مطلع لصبح تحرك فراش ايهم كعد كف الغطه وراح يدودو ويصعد بحضنه وينزل عاد كمت شافني ركض بحضني بسته ورحت غسلت وجهي وسويت ريوك
بيومه متريك
ويومين ميباوع بوجهي رجع يستنكف من مساعدتي اله حيل حيل يضطر
من تخابر لحجيه ولبنات يدير وجه والحجيه تبجي
سوده عليه ادري بيك زعلان بس لوتدري شديصير وانت ماكو جان ماعتبت
موالك النومه يبييي موالك النومه يخيي ول والله من نام الحيد كلها تفرعنت
يسمع عيونه تريد تنط اترخص واسده انوب يخنزر يريدهم واني مابيدي شي
كل جهد ابذل حتى اخطي خطوه وياه ليكدام يرجعني كومه ليوره
اكله قل
علاجه يصم حلكه يشلع كلبي اله يشربه
تدهور وضعه وخفت خابرت لبنات كالت ام ثامر بنتي فدمره نفسيته مدمره ماكدر اعوفه راح تجيج ام خطاب كتله عنده مراجعه فدوه خل نودي كالت بااسرع وكت همه يمج سديته وشفت شعندي نواقص
من البلكونه صحت ابو علي اجه نطيته ورقه كاتبته تسوكلي خطيه كومه
لحوم ومخضر صدانيك مي ترست الثلاجه والمجمده حتى من يجون ماحتاج شي
يومين وره مخابرتي ويه ام ثامر وانصدم بجيتهم وياهم ميسون روحي تفركطت
الحجيه اول فوتته عليه تماسكت روحي كدامه تلكيته برحابه صدر اي شي مبينت كدامه
ميسون وتبارك ركضن يبوسن ويسلمن على فارس واني بعدني استقبل لحجيه حضنتني حيل تبوسني منا وتردني منا كمشت ايده وصلته ليمه بتعدت ميسون والحجيه بس صار كباله وكعت عوجيته من ايده نامت فوكاه صوت بجيها شك كلبي وفارس لدموع بعينه تلالي

ام خطاب بعد ماتسالمنه عيونه جانت تتنقل بيني وبين ميسون بس جنت بارده حيل مهتميتله رغم ماسلمت وتباوعلي بحق مبادلته حتى النضره
عفتهم ورحت للمطبخ طلعت صينيه وخليت كلاصات الماي لحكتني ام خطاب تتبلعم
عذرينه خيتي والله جت من غصبا علينه فضحته لمصكوعه لسانه شطولو وركبت رأسه اله تجي
ندرت ورديت ببتسامه.. ام خطاب لايضل بالج جايه على رجله وبيت رجله اني شكو تتعذرين مني
سكتت منصيه فكيت كلاص الماي نطيته وطلعت

الحجيه تنحب يم راسه
يوليدي ويخيي عليش هيج صار بيك ول والله كسرت ضهري هاي نومتك لو انه بمكانك ولا انت
فك عينه حيل عيونه مغوركه ثامر جرهه جوه جتفه يسكت بيه
جده يزي انتي مريضه
نطيته مي شربت وتترحم على والديه واني اردهه والديج يمه
ميسون بس تخوزر وتبارك صاعده يم فارس على سرير حاضنته وبيده لسليمه لافها

تقربت مسحت عيونه نترسو دمع محبوس نطت ميسون بصفا الشال على وجهه دكله
عمت عيني عليك يابو بيتي ان شالله لعدوينك هاي لنومه ان شالله للفاتو بيني وبينك والله على عصابي ماجيتك وروح المرحوم مايخلوني اله انه كتلت روحي يابعد اهلي انت شعندي غيرك انه شو لاام لا اب ولا احد ماتهون عليه هاي وكعتك ولا اتكون عليه عشره ست سنين وفتنه بسنه السابعه وانت خيمه على راسي شلون مااحترج عليك
تقربت مسحت عيونه نترسو دمع محبوس نطت ميسون بصفا الشال على وجهه دكله
عمت عيني عليك يابو بيتي ان شالله لعدوينك هاي لنومه ان شالله للفاتو بيني وبينك والله على عصابي ماجيتك وروح المرحوم مايخلوني اله انه كتلت روحي يابعد اهلي انت شعندي غيرك انه شو لاام لا اب ولا احد ماتهون عليه هاي وكعتك ولا اتكون عليه عشره ست سنين وفتنه بسنه السابعه وانت خيمه على راسي شلون مااحترج عليك

اسم

ع منصيه بداخلي اكول شتغلت رحمه الله
اول جفصه
اول خنجر
اول مسمار
ست سنين وفتنه بلسابعه
والحر تكفي الاشاره
عستها ام خطاب ندارت جاره عينه وكامت كعدت يم رجله تفرك بيهم
خليت وكمت للمطبخ
مطلعت بعد منه اله صبيت الغده وتغدو وشربو جاي اله مددت بلغرفه شويه جاني ايهم مبوز نومته على ايدي استفسر منه
حبيبي شبيك
برطم
كعدت لحيلي
ايهم منو وياك
اشر على هول
حتركت شسووله
جريته من ايده للممر من بعيد كتله منو اشر على تبارك الي ماتحركت من يم فارس
ثنيت كباله .. شبيها
تتلتني
ليش ؟
دول ابويه هذا لا تدعد يمه انت ماعندك ابو
ميخالف حبيبي معليك بيه لتروح يمها اني مو امك؟
هز رأسه اي
لعد هذا هم ابوهه وانت ابوك فوك يم الله بلجنه
سكت مقهور

اخذته نيمته وطلعت الشقه صنتى بردات الممر مجرورات على هول من مريت مشافوني شربت مي ورجعت واسمع ميسون دكول لام ثامر
يولي هاي هايطه بفلوس اخوج حدري افتحي الثلاجه والمجده وشوفي التبذير والبذخ والله تلكيها مكوشه على كل فلس عندو

ردته
اي تبذير شوفت عينج ماعدهه هين احد تتسوك وتخلي بلبيت مو هل جينه وماخلت شي ماحطتو جدامنه قابل اله تراها للبيت وللخطار
اي ومنيلها شو اخوج مكرم وكاعد

يااا وانتي شعليج شتقصدين بهذا كلامج ميسون انجعمي وهيدي وليرحم اهلج وج محفظته من وكع مليانه فلوس ضلت يمي ومن جبناه هين توسلت بيه تاخذه مارضت اله كتله موالج يابه خليهن للبيت نحنا بمحنه وخطار رايح جاي واريدله علاج واكل خليهم اصرفي منهم عليه وهل جاي تصرف لاتخلين بختج البنيه ماكو منها قابل منين تريد تروح تجيب

سكتت مطلع حسه
رجعت للغرفه كعدت اقنع روحي
سكتي عيب
لاتحجين ولاتفكين حلكج وهيج شكول توقعي كلشي يطلع منها
وفعلا صرت شسمع اسكت وهيه ماخذه راحته بلبيت تفتر وتتلزك بصف فارس وتبارك مفاركته
اباوع ولتزم لصمت وكل ماعيني تصير بعين فارس انصي كنما اكله
هذا غلطك
وخذلانك كدامي وبيتي وعلى كلبي كاعده برضاي أو غصبا عني
بيومه بليل حرت وين انام وشلون اذا كعد بليل منو يمه ثامر مدد بلهول كلت اخذه بلغرفه حتى ميزعجهم زنبرت ميسون وين ماخذته
وين تريدين بي
هوه وين حيلو تايكوم
عليش مسحسلتو شنو بس انتي حرمتو تره حالي من حالج
هم يحقلي إداري عجل عليش جايه قابل اتونس
حدري حدري نامي بغرفتج ونحنا اهلو كليته يمو

خجلت صرت شكدوتني ثامر صافن عليها والحجيه دكله شجاج نفتحتي لبنيه موزين منها شايل هم كعتو
سكتت تفر بيده

عفته ورحت للغرفه من صدك داحس داجمع عليه
لثاني يوم لصبح جوي بيت فيصل كلهم وكفت فد وكفه بلمطبخ ميسون كدامهم متحركت ولا كامت كضته يم رجلين فارس تفرك بيه للعصر وراحو ثامر جان حاجزله عند الدكتور لملمت علاجه واورق مراجعته نبصت نفسه اني اروح عاد لهنا وكفت كدامه كتله
لااني لروح
اني لصار شهور مراقبه وضعه
اني لعرف علاجه وقته و شنو لصار بي بهاي لفتره
ثامر ايد كلامي نخلست وطلعنه اني وثامر وام خطاب العجبني شغله وحده
رغم كل الصار بين العائلتين بس الاحترام موجود ثامر ويه ام خطاب
كد مثكيل
كد ممحترم
خاله وخاله وهيه احسه هواي خجلانه بس مبيدهه شي

بيومه جيكه لدكتور وللاسف اي تحسن بحالته ماكو العلاج عبالك مديمض بي سئلني انتي زوجته جاوبته اي نطلني هواي تعليمات
اكله شربه
رياضه لرجليه
ومساج لوجه حتى حلكه يرجع لمكانه وبعد هواي نقاط رجعنه لمغرب لحجيه على سجادته تدعي خليت فارس بصفه بكرسيه ضلت تقراه ايات وتسمح بي
حيل رتحت هوه ملامحه مرتاحه من شاف اهله ولمتهم داير مدايره
ثاني يوم ثامر وام خطاب رجعو وميسون بكل عين وكحه وكفت كبالهم تصيح
رجلي
رجلي
وماعوفه
كل عقلكم
تبارك تبجي مجلبه بي ماعوف بابا وهوه بس عيونه فاتحه
ام خطاب حجت رادت مسمعتله ولا اني فتحت حلكي
الحجيه هم بقت وراحو بعد ايست ميسون تعوفنه

مبينت حركان دمي
مقويه روحي متحمله وجودهه وكل سوالفه
رجعت اتصرف كنما هيه مموجوده
بس مدح الحجيه ودعواته اليه كافيه
تبارك لسان حيل وكل ميفوت ايهم للهول تطرده يبجي واجيبه للغرفه الزمه لتاب واقنعه كم يوم ويرحون وهم اقنع روحي
اربع ايام على هذا الحال ميسون بكلشي حاطه روحه ماهتمله فيصل كام كل يوم من يجي من شغله الضهر يمر شويه ويروح
واليوم بعد ماغديت فارس اخذته للحمامات مجنت ناويه اسبحه بس شفت ضهره منطعن أحمر كد النوم كلت خطيه خل اسبحه نزعته ملابسه وبلدوش لرشاش غسلت كل جسمه جان مسترخي مغمض هل فتره كد ممرتاح عيونه دوم متروسه دموع مادري شمعناهه
سبحته كامل وطلعت دجيب ملابسه صارت بوجهي ميسون باوعتلي من فوك ليجوه هدومي جان بيه مي شويه لاطشه عليه خنزرت معبرته فتت طلعتله لداخليات ورجعت لبسته لدشاشه بيدي توني اخليه بركبته عاط ايهم صوت كل حيل مضل بيه طلعت بدون عقل اركض والكاه لازم ايده مفرفح تلمسته اصبعه ازرك مثل النيل اكلب بي لك امي شبيك ميجاوب فقران يشهك
عقلي طار واريد اعرف بيمن تعور وكفت تبارك فوك راسي دكلي اني عورتو اخذ التاب مالي واخذته منا لحكني

دفعتو بلغرفه وجاي أسد الباب مد ايده ونسد على اصبعه
ماحجيت كلت جاهله ومامتعمده بوسته وسكته واسمع عياط ميسون هرج الشقه
فكيت عيني اريد اكوم ماكدر فيصل فات للحمام يركض وهيه تصيح
يبووووو يبووو الحكي عمه الحك ابو حسن يولو لو تلحكون لو ماتلحكون هل ما تخاف الله موته الرجال بلحمام

يبووووووَ
يتبببع

#لهفة_عاشق.
البارت 38



،،،،،،،،،،،،،،،،،،،،،،،،،،،
صعـبه هواي ؛
منَ تمشي بڪَلب مڪسور
يضحـڪ بالجذب مرات
يسڪت حيل ؛
بس يبقى الحجي بروحه

،،،،،،،،،،،،،،،،،،،،،،،،،،

على عياط ميسون وركضه فيصل وكفت ذبيت ايهم من حضني دطلع باوعت لثوبي كله مي لازك عليه علسريع جريت ازاري لبسته وطلعت اركض الحجيه تبجي وميسون تولول اباوع فارس مدد بلحمام بحضن فيصل طفرت من فوكاه لصفحه لثانيه اكلهم شبي ميحجون بس هوستهم ماخذه الدنيه شلت رأسه من حضن فيصل كل حيل مضل بيه
كل ضني نتهت
مات
وجه اصفر ليمونه
عقلي بطنش هزيته من وجه اصيح فارسس
ندفعت من جتفي ونوخذ من حضني
ميسون دفعتني وفصيل شاله وركض بي
صرت مثل لمجنونه اتنقل بينهم
الحجيه بجيه رجفه بونين دكلي وين جنتي موعساس جاي تسبحي شو طلعتي من عرفتج وفيصل بعيونه مخنزر يتوعدلي
وميسون تلعلعل
كله منج الله لاينطيج ول موتي لرجال لاتحكين هيج لاتمكرين هساع تحجين شسويتلو

صفنت فاكه كل عيني مصدومه تبارك هجمت عليه طوله يوصل لخصري تضرب بيه جموع
خبيثه موتي بابا موتي بابا
صرخت ايدي على راسي

بسسسسس بسسسس مسويلته شي والله مسويتله شي نتر فيصل ااااانلعكي من هين
والحجيه مفكت حلكه يابه شصار بيه مت مت
تورشعوني كلمن من صفحه حجي وغلط فيصل يفرك بصدر فارس وميسون تكب مي على وجه فتح عيونه ركضت ليمه دفعتني ميسون وكفت لحجيه مدت لعوجيه بيده بعدتنه ثنينه ميلن ملين وكعدت يمه لازمه ايده هوه صافن عيونه بلسكف
نهد حيلي
رخه جسمي
كعدت سانده لحايط لامه رجلي نصيت ومن صدك نزلو دموعي

تهمه
على هبطه
لحضه نترست خوف
وكف فيصل رافع حاجبه يكلي تهيري تاتحجين شسويتيله لا قسما بالله اطلعج منا بمصيبه ما يعلم بيه بس الله
وكفت مبرطمه... ابو حسن انت شددكول معقوله تشك بيه ؟

عجل ليش مااشك انه فتت لهين سئلت عنو كالو اديان جاي تسبحو شو وره شويه افوت لحمام الكاه اخوي لا صوت ولاصوره
غركتي
خنكتي
الله ليعلم شسويتيلو

رجفت من كلامه مقويه روحي كد مبيه قوه صكيت سنوني اسب بروحي
اشعلج واحركج بكاز ونفط اذا كدامه نزلتلج دمعه
وكفت كباله رافعه اي
اسمع اكلك انت بكد ابويه وماريد اجرحك بلكلام حمايه لجبير وحترامك من حترام رجلي بس لهنا وكافي
تكرهني
متطيقني
ماخذ موخوش فكره عني
كل هذا شي راجعلك بس مال تتهمني هيج تهمه لاهاي المارضاهه
هذا ابنكم كدامكم صحه واذا بيكم حظ وعدكم عقل يعرف غليمه اعرفو منو سوه بي هيج
خنز وده يفترسني عفته وفتت للغرفه
ميسون تخرط تخرط
كلبي شتعل
مشايفه هيج قابليه مشايفه هيج حقاره
نقهرت قهر بيومه نمليت ملي وضليت بلغرفه مطلعت وصوتهم بره يحجون بهل موضوع زرف اذني زرف
بجيت
اي بجيت لان اني بشر والي طاقه وهسه طاقتي خلصت

صار أيام متحملتهم الحجيه على راسي اخليه وفارس رجلي من غصبا ماعليا إداري بس ميسون
بشنو تحقني
بشنو مجبوره اتحمله واسكت
وين اكو ضره تتحمل ضرته وانوب
بيتي
وبمكاني وهيه لراكبتني
ليون اضل اسكت
ولعيب ليوين يضل ملاحكني
أكثر شي قهرني سكوت لحجيه كمت الوب وافتر بلغرفه مثل لمخبله
ليش محجت
منطقت
شنو مصدكه
ايهم إصبعه ورم زرك ونام يشهك ردت اطك
للعصر اذن كمت صليت هداء لبيت طلعت فيصل رايح فت للحمام اتوضى وافكر
معقوله هيه وكعته
يطلع منه هيج شي ؟
لهاي لدرجه؟
شسوتله مثلا؟

غسلت وطلعت فتت للغرفه صليت بالي مويم الصلاه
فارس من فك عينه نضرته جانت بارده
مبيها اي شي
وهوه من عنده شي بعيونه بعيونه يسولف
حترك دمي لميت السجاده وطلعت لكيت لحجيه تصلي وميسون تطركع بلمطبخ تبارك مدده رجل على رجل التاب بيده فتريت وفتت للمطبخ لكيته تسوي اكل تقربت دكلي كبه وعلى ميز مسويه زلاطه تتحرك كنما بيتها حتى بوجودي بصفها مهتمت من شافتني جرت عينه بعصبيه طفت لطباخ وركعت لماعون بلصينه كم كبايه تطشرن شالته تباوعلي صفح وطلعت
ميخالف اديان سكتي
لاتعيشين دور الضراير وبيتج خطار
لاتفكين حلكج ورجلج بمحنه
صبري يومين وتولي
طلعت والكاه كاعده بصف فارس تلفله مقربه لكمه تريده ياكل كل عقل مضل براسي ركضت ليمه
انتي شدسوين

يرعبهم كونك مختلف، كونك لا تشبه تكرارهم، كن كما انت وحافظ على غرابتك لاشيئ اسخف من ان تكون مألوفا 🍂🍁
شنو شكو فارس موزين عليه هذا الاكل الكبه متروسه نشويات ودهون هوه ضغطه واكف على حافه وهذا الاكل مو صحي اله اني عندي جدول وتعليمات بااكله

هههه والله انتي تضحكين مدري انتي هيج بلمكر فنانه يولي عليمين على ميسون وج انه موكفه لفلوجه جنت على تك رجل جايه تمثلين علي واصدك كبل جم ساعه جيتي تموتي بلحمام لوما لحكتلوو انه هسه خايفه عليه من اكله
شو نكلعي نكعلي مالي خلك تمثيلج
تمثيل شنو عيب عليج حترمي روحج انتي بيتي ماريد اهينج وهم عمتي موجوده عيب اتجادل وياج بس اكلج شغله وحده خليها بالج وبطلي مكايد
اني لو اريد اموته جان موته من ضلينه كل ذيج لفتره بس اني وياه مانتضرج تجين داموته

والله لمثلج تصير ستاذه بهاي لسوال

ف عاد اني شكول اكول انتي اذا موتي وانتو وحيدكم راح تبتلين مابيه مجال بس من نحنا هين عادي عبالج تفلتين منا كلتي اموته وهمه وهمه يبتلون

هزيت راسي اصفك بيدي مئيسه انتي الحجي وياج ضايع ماتعب نفسي بس سبحان الله هيه مكيوله ليشوف نفسه شي عباله كل الناس نفسه
عفته وطلعت طبهم طب توكله تموته بعد مالي شغله بي لزمت لفون دكيت لماما حجيتله سكتت لابيه تئايدني تخاف اكب ولابيها تعيلهم تهديني خاف تزيد همي
سديت بابي وكعدت اضحك على روحي بيتي ومحبوسه بغرفه لعد ميسون شكد كادره
حتى ايهم حبسته مالي خلك يطلع ويتلاغه ويه تبارك

لليل اسمع لشاشه مشتغله على زي الوان هاي لقناه اني اصلا ماسحته ماباوعه وصوت لصد والرد شعلوه وريحه الاكل تعط سكنت لمطبخ تسوي وتذب بلزباله بكيفه
ايهم جاع طلعت حميتله جاي وباكيت جبن ورجعت اوكله بس شنو انذبح قطره دم ميلكون بيه كد القهر الصاله الكوشات مطشره والممر مطشره شحاطته وحذاء ونعال بنته على طوله
المطبخ الموعين ماليته ولسنك كله تمن وغف صابون الحاويه مليانه ملي
روحي طكت واني أفكر شسوي لحد مصاحت الحجيه
اديان اديان

ركضت والكاه فارس يتنفس سريع كصته تنضح عرك وعيونه تريد تطلع محاجيتهم راسن قست ضغطه معلك الحجيه كالت شبي مشيت واكله عمه راح يروح من ايدنه ضغطه ملعلك
عباته على تخم جريته ونزلت على ابوعلي شافني على درج تفاجاه يعرفني مانزل كام من كرسيه

خير عمي محتاجه شي

عموو عفيه لحكلي فارس تخربط وضغطه معلك فدنوب بلكت ناخذه مستشفى

اي اي بنتي تدللين راح اطلع لسياره وانتي جهزي

رجعت صعد اخذت جبتي لبسته وجيت كعدته منتهي ميسون خنست والحجيه تخابر على فيصل والده خما انتضرهه بس صاح ابو علي هاا يابه كتله فوت عمي شلناه اني وياه للطابق وكفنه نزله الدرج صعبه ابو علي رجال جبير وخاف أني هم ماسيطر اباوع على فارس غاب عن الوعي تخبلت خليت ابو علي يدك باب لشقق لكبالنه حتى يساعدونه بنزلته والجيران خطيه مقصرو لااني ولا ابو علي شلناه شباب ثنين من الشقتين لكبالنه تكابلو علي بثواني نزلو وكفو يسئلون نروح وياكم محتاجين شي تشكرت منهم وطلعنا
طول الطريق بحضني نايم اقره ايات وامسح على وجه اسبح وانفخ بوجه
وصلنا وتلكوه شو كبل فوتو للانعاش

اقل لنص ساعه واجه فيصل يهف وراه ابنه حسن بدون سلام وكلام كال شكو وينه شبيه
نصيت وأبو علي جاوبه
ماندري تخربط وهنا كبل خلو بلنعاش
عافنه وراح حسن سلم باحترام ورديت وراح وراه ابوه شويه واجه من بعيد ينتر ويشمر بيده
اخويه اذا صار عليه متلومين اله روحج

سكتت منصيه لمستشفى مليانه وأبو علي واكف مجادلت طلع لدكتور يسئل ويستفسر شلون هيج صار كتله مادري جان مابي شي وفجاه تخربط
نتر فيصل
عليش تجذبين كوليله اليوم بلحمام شصار والله ليعلم شصار وراهه
والله ضغطه معلك وحتمال عنده تسمم هسه بلمعده هسه راح نطلعه من الإنعاش لان دخلناه علمود جهاز القلب ممتوفر بس هنا

صفنت تسمم شنو منين اجاه
كعد فيصل ايده على رأسه يخرط
جعمكم الله حشى مو نسوان طراكيع بالله كل حيلي راح من شفتو بلانعاش يولو شخليتن بلرجال جلطات ثنين وتسمم وضغط شلون عايش ماعرف

صوته عالي يدوي هاي عود سوالف ديسولف حسن يسكت بي جابله مي شرب ابو علي يفر بعيونه رجع عليا كله اخذهه وروح باوعلي تروحين ؟
تماسكت روحي برود رديت ابو علي توكل رحمه الله والديك ماقصرت اني باقيه هنا
وكف منزبر .. شعندج

ابو حسن رجلي هذا رجلي شعندي شنو

فات سرير فارس من يمنه سكت المغذي بيده يفر براسه يون مشيت وياه لازمه ايده فارس واعي
هز رأسه اي
تنفست ارجف ربي رحمتك الف الحمد الله

فوتو لغرفه لغسيل كعدت على كرسي بلنتضار ادعي واستغفر ساعه أكثر مطلعو
أعصابي تلفت وكفت الوب معقوله هلكد يتاخر الغسل الغرفه لبصف لغسل بيه ممرضه فتت عليه سئلته كالت لاميتاخر بس ميطلعو اله يرتاح
بردت ورجعت كعدت نفكت الباب وطلعو جان مفتح حمدت الله حولو للغرفه كعدو داير مدايره غطيته ومسحت وجه يباوعلي ويدير رأسه حسن يمرغ برجليه
عمي انت زين
يهز رأسه اي
شكلوله مغذي وغمض كعدت منصيه أفكر منين تسمم و شلون
اجه لدكتور حجه لحاله صفنت يكول امعائه متمزقه سبوع لازم راحه تامه الاكل فقط سوائل وعصاير كتله هوه هذا لجان ياكله اصلا لان علاجه قوي ميتحمل غير الاكل الصحي شرحتله انو
بلريوك اسلكله بيض والغده شوربات بنواعه والعشاه اسويله شي مشوي مره صدر مره تكه
صفن كال لا لعد مستحيل متائر منهم
تذكرت لكبه هم كتله كال مره وحده متاثر يجوز سببتله رتفاع بضغط لان دسمه ووحتمال مالحه اي بس مومعناه تسمم
دخت وضليت حايره لعد شنو لسممه

لكم ساعه مرن عليه دهر
تفكير
وبالي يم ايهم عفته يبجي مستغرب ضلته يمهم بين هاي افكاري فات عمر يلطم على زنوده فتح فارس ونصيت اضحك
عرفته يموت من رفن معاليجه عرفته يموت من رفن معاليجه

بضحك وفيصل يكله

ها يابه كلبته على معالجيه

عمر ... ول يالله غير الكاع محضوره جان عرفت شلون اهوس يربكم راح يصير بيه سكر من هل رفيج

على يوم يخابروني تعال شيعى

حسن ... يمعود اسم الله الله لايكوله

عجل سايم الله عليكم ادفنو ياله دكولون خاطر احدر بس اكل بفاتحتو لان مليت كل نوبه اجي متخربط ودور الكاه عايش

جنت كوه لازمه نفسي ماضحك وحجيه يموت ضحك كعد بصف فارس حاضن رأسه بيده يبشبش يم اذنه بضحك
مهود الشيب يمتى دكوم بلقران محلات لبلنكو يبجون عليك
المزه تلطم
البطل يشيل روحه ويطره
الجاجيك حمظ
ول كوم عاد تراك طوخته

بتسم فارس بيده لسليمه بعده ودار وجه شافني غمضت عفته و كمت طلعت رحت للحمامات غسلت
ورجعت بس مفتت للغرفه ستحيت من عمر كعدت بلباب نص ساعه وطلعو عمر وفيصل عمر كال خيتي محتاجه شي جاوبته سلامتك فيصل منطق معبس مشى يفر بسبحته طلعو وفتت بس حسن ضل وفارس لكيته نايم سئلته نبقى كال الافضل للصبح لان تعبان خل نتااكد احسن
هزيت راسي وعلى كرسي كعدت اغفي وهيج خلصت هاي اليله
ثاني يوم طلعنا للبيت فارس جان احسن بهواي وجه طبيعي بس وياي ابد موطبيعي حتى من احاجي على علاج لو حمام مينطي رده فعل
باب العماره حسن وأبو علي صعدو لدرج وأبو علي يلوب يتلفت كل شويه يكلي بنتي ويسكت جنت مخبوصه ممركزه حيل وياه بحيث فتت للبيت وعفته حتى اعدل مكان فارس واهيى فراشه
ايهم يجر بيه يشكي من تبارك نترت بي سكته ابد مو وكته

نام بفراشه حسن ترخص هم الله ينطي من البارحه يفر ويانه الحجيه تسئل وتستفسر شبي حجيتله ميسون تفر بحلكه يمنه يسره تعوج بي
جنت تعبانه لدرجه لهلاك ليلي منايمته مو بحاله ابد رحت بلغرفه مددت وخرطه يوصلني تحوم بلممر تدردم مشغله لغساله صوته يدوي ويه لغوته تحجي على ايهم
عذه حتى عذه مو جاهل شيطان الله مايجرعو هذا عليش متكفلته ذبي داير ايتام لو حتى دار الايتام مايتحملو
جعمو الله شكثر ينوص ليكول جرو مخنث
عو ع عو ع والله لو عندي لفصم ركبتو كد ماعوه
غمضت ساده اذني ايهم يلعب بلمكعبات كبالي جريته من ايده قفلته بحضني
ايهم شسويت ورايه
برطم
بسته
ماما شبيك حبيبي
تتلوني
منوو
هاي مره لعوعو
بتسمت ايهم ليكرهه يسمي عوعو كد ميخاف من صوت لجلاب تكرمون بلمخيم
شسوتلك؟
رفعلي ايده عضه صايره مثل الساعه بمعصم ايده
كعدت محتركه منو منوو هيج سو بيك
ترابك(تبارك )
غمضت شون اكوم عليها شيخلصني وهمه روحهم ببها حتى فارس
دست
دست على روحي وسكت بس ميسون متسكت تالي يم الغرفه وصلت تشمر حجي كومه واسمع لحد مكالت
نغ.... مبين نغ...... مدام مينجرع

هنا خلصت طاقتي وطلعت بدون تفاهم كل قوتي فكيت لباب ركض فاتت للحمام فتت وراهه نصت على الغساله تطلع ملابس تقربت فريت الموقت فترت الغساله وايده بنصه عاطت

كبرررررر حتى كبررررر تريدين تموتيني ثبرج الله ان شالله

ليكبرج وينام على كلبج يامنحطه النغ...... لتكولين عليه يسوه راسج ويشرفج هذا يتيم وأبو شهيد ميسون سكتتلج هواي بس مال تضلين تسترعنين وبيتي تره هاي ما اسكتله
دتخوطين وتلوطين واني ساكته خيستي الشقه
وجولين بكيفج واني ساكته فحذري غضب الحليم اذا غضب
اااحذري
فرت ايده ....لابله احلفي تاصدكج عيوني انه ميسون محد يهددني ابن اخوج شكول عليه شويه يوم واحد نحب نحيب مال شهر
والشقه لدكولين عليه هاي شقه رجلي عيوني تره فارس زلمتي مثل ماهوه زلمتج وخل اذكرج بسالفه يمثبوره تره فارس خلاني عليج ماخلاج عليه لان وكت لتزوجتي جان مطلكني بس وره ماتزوجج ردني يعني انه صرت لجديده وانتي لقديمه خاف ما تدرين

خنزرت ضحكت وشالت ثوبه شكلته بلداخليات لعبت نفسي من رجليه مليانه دوالي باوعتله من فوك ليجوه لسانه مينجرع ومستحيل انزل نفسي لمستوى اخلاقه
عفته وطلعت كامت تغني بس صبري عليه اليوم بس صبري علي باجر بس صبري علي باجر
غميته وطلعت صارت لحجيه بوجهي خجلت ونصت فاتت للحمام
يالله هسه شدكول عليه
ضليت بس هيج احرك احرك بروحي يوم يومين طنشته لان متتقارش رجعت إداري فارس بس بليل انام بغرفتي بعد مادخله حمام وشربه مي حتى ميحتاج شي هيه تنام بمكاني بصف لسرير تركتها
شي واحد جان مدوخني
فارس عيونه متروسه حجي وشفته ترعش بس مافهم عليه
الحجيه هادى حيل دوم لو تصلي لو نايمه متدخل ب اي شي ولا اني اكعد يمها هواي من وره ميسون

اليوم داسوي مسجاج لصفحه وجه لمشلوله وهوه مغمض ابد مفتح
لاتاثر
لاباوعلي
اني هم كلت بعد احسن خلينه هيج افضل اله والي خليت راسه على مخده وكمت لملمت الكريم وشلت علاجه فتح صافن
عفته ورحت للمطبخ خسلت ورجع لكيت ميسون هم مخليه رأسه على رجليه وتفرك بوجه وتنصي تبشبج بذنه يفك عيونه مخنزر
وكفت اباوع داشوف وين توصل رفعت راسه شافتني ميلت رأسه عليه جاره عينه جابت شفته على شفته بحركه تلعب النفس باسته
غمضت قابضه ايدي
عفاه ومشيت
لغيره صعدت عندي مدري شكد
نمل جسمي
الحقيره القذره دتعلب بعصابي شون بيه شون
تبارك فاتت دكلي رجال يردج بره فزيت وعيت لروحي وطلعت لابسه لازار لنه ابوعلي

هلا عمي تفضل

بنتي اريد احاجيج بسالفه

اي ابويه كول

اني ذاك اليوم دافحص بواري لعماره من الخارج والكاكات جان

الكه هاي علاكه الدوه مشدوده ومشموره ليوره فتحته شفت الراجيته وقريت اسم الاستاذ فارس كلت خاف لزغير الله يسلمه شامرهم وانتو متدرون وخاف تحتاجيهم عاد مرتين اجيكم وتطلعلي مره ماعرفه ولاشايفه اسئله عليج دكول مموجوده ادير وجهي وانزل
اخذت لعلاكه صافنه هذا علاج فارس لقديم من جبنه لجديد لدكتور كال اتركو وغيره اصلا منو ذبه معقوله ايهم ؟

ترخص من ابو علي تشكرت منه وفتت صارت بوجهي ميسون متخوصره توني احجي اشرتلي اصبري بيده وتربعت بلكاع تصيح
عمممممه لحكي عمممممه هساع عرفت منو يريد يموت فارس
عرفت عليش تسمم
ها اها هاي جدام عيني عينك وبذني سمعت بلاويه
وج عمه هيه سممت فارس هاي علاكه الدوه جانت مليانه تلكياه دارته بحلكه كله تاتخلص منو وشمرته من فوك تامتنفضح بس الحارس كشفها وانه سمعته
عمت عيني عليك يا بعد عيني عمت عيني عليك
فكيت كل عيني عليه
كل اذني
صافنه مصدومه
شنو هذا المكر قبل لاافضحه فضحت روحه
قبل لاافتح حلكي فصلت لسالفه بس عكسته دارته براسي
فقدت
ضربته بلعلاكه تطشرت وتلازمنه ضربه اله وضربه الي
الحجيه تفتح بلعب وتسد تصيح يولن ثبرجن الله تريدين تموتن وليدي هاي لعلب من جينه جان ملايه هساع فارغه بس لاتسمم بيهم

فارس بس صافن عيونه مدمعه وتبارك ويه امه عليا
كرهت روحي
كرهت حياتي
ونفسي
وسلوبي
يعني معقوله اوصل لهاي لمرحله
كعدت ايدي على راسي دموعي نزلن
كل قوتي خلصت
جسمي تخردل
مو من الضرب لا من الصدمه والقهر
شألت الموبايل الحجيه على فيصل دكله حدر جاي اخذني انه النساوين هينا فرن راسي راح يموتي ويمتون اخوك
سدته تقربت منا
حجيه انتي خوما مصدكته
سكتت
بجيت
حجيه كلمه ورد غطاه انتي خوما مصدكه اني اريد اموت فارس ؟
نصت تسبح وترفع شيلته تمسح دمعته كالت
لو وليدي بحيله جان ما صار كل هذا
لو وليدي بحيله جان هوه لكال منو يريد يموتو ويخلص منو
الله الله على من يريدلو الاذيه

وكفت على حيلي اشهك ماخذت منها لاحق ولاباطل ندك الباب وفات فيصل ويه مرته وجنته صرنه مهزله
هوه نزل علينه دوسه ونص
ماتستحن ماتخجلن نسوان لو بلاوي والله ثنينجن ابلغ عليجن اتهمجن بتسمم اخويه واخيسجن بلسجون وانعل ابو ليطلعلجن
مرته تفر براسه وترد دكول
يمعودين تحجون صدك وين عايشين احنا اكو نسوان يموتن زلمتهن
تعبت
تعبت وروحي ملت مكتلهم غير كلمه وحده
حسبي الله ونعم الوكيل وبيكم كلكمممممممممم

صرخت ونتر فصل نكلعلللللي
هزيت راسي وهوه هذا لراح يصير
جريت ايهم وجبتي وطلعت
ابجي ابجي
وايهم مرعوب من بجاي شافنه ابوعلي مكدرت اكله غير فدوه عمو وديني لهلي
كلتها
بكسره
بقهر
بضيم كومه

والرجال مكال لا اخذني
طول الطريق جنت جثه
بس جسم
بس لشه
روحي ميته
ابوعلي خطيه يباوعلي بلمرايه شون ابجي ساكت محجه وصلني ورجع
فتت للمخيم
خطوه
خطوه
مكان مكان
زاويه
زاويه
خيمه
خيمه
تذكرني بي
رفعت راسي للسما صافيه مومثل حضي مشخط بجيت بكسره
ليش هيج ربي ليش ليش طلعتني منا
ليش خليته كبالي
وليش هسه كسرتني
حجيتهم وبنفس الحضه ستغفرت ربي اني شدسوي
داعصي
داعترض
غمضت اردد
ولا تحسبن الله غافلا عما يعمل الظالمون
الله ياخذلي حقي
ربي يشوف ويسمع ويعرف منو ليرد الوكعه لمنو

فتت للخيمه ماما ستغربت عذراء حضنتني طايره وترد على ايهم تحضن بي
سلمت روحي ممروده فتهمت عليه ماما
عيوني مجنت أكد افكه كد مابجيت كنفذت بحضنه ابجي وهيه تستغفر لحد ماوصلت لدرجه ماكدر افتح بيه عيني
ثكلن حيل وغفيت على رجليه
جانت ماما فاهمه مومئنه بكلشي يصير يمكن لمصايب لصارتله خلته راكزه حيل بحيث مضغطت عليه وسئلتي ولا اني حجيت
يوم يوم كامل مكنفه اسمع كلشي داير مدايري وماكدر اكوم
عذراء كل شويه دقني بس كومي وماما ترده
عوفي اختج بضيمه
ارتاح وانترس راحه
محد يحس بيك كد اهلك
ولااحد يخاف عليك كثرهم
وماما طبقت كلامه لدوم دكوله
لوشيصير هذا من الله والحمد الله مدام اشوفكم سالمين الباقي كله سهل

معناهه لو شصاير وياي يمر بس مدامدام اني كباله كله يهون

لثاني يوم كعدت لفجر صليت وصليت مال لبارحه قضاء هم ورجعت مددت اباوع لركان لخيمه بداخلي اكول صدك وصله وكاعدين جواهه بس مليانه راحه ويرجع يروح بالي للشقه وضيمها وشصار أشكالو وشسوو
اغمض والفلف روحي كل قوتي ماريد أفكر بيهم
للصبح فكيت عيني على ايهم يشخبط بصباغ عذراء وهيه تسوي ريوك ماما كاعده تخلي خبز بلصينيه ودير شكر بلكلاصات جان تنفك لبرده علينه وتفوت ام ايهم مزنبره ابني وين

وين ابني

.يتبببع

#لهفة_عاشق.
البارت 39


،،،،،،،،،،،،،،
و انـتَ هنـاك
اگول يجوز بردان..
اغطي بصـورتك
كل عقلي ادفيـك
،،،،،،،،،،،،،،،

عذراء ... انتي هيووو شكو من الصباحيات فايته مدرعمه لو تحجين باادب لو اسحلج هنا واسويج فرجه لكل المخيم

ام ايهم ... اوووي هاي انتي بعدج بهذا لسان لسليط يمه ولاتنجرعين بعدين اني متايهتلج ولاجايه على شكولك جايه على ابني اخذه واروح
الله الله شكالولج عيني وين كاعدين بلشورجه لو بسوك جميله كل يوم تبيعين ببنج وتشترين هااا اخذته هاا رجعوليا

والله بكيفي ابني واني حره انتو شكو يانعم أجداده وشلون أجداد كاتلهم الفكر وتريدون ابني يبتلش وياكم هنا بلحر والبرد ادري شجاريلي عايفته

اديان .. والله هذا لحجي كولي لروحج دومج بايعته واحنا المشترين وتره عرفنه هاي لقوانه كل ماجيتي معناهه خلصتي فلوس

هاي اني

عذراء ... اي لعد ابويه ويله ولي منا
اديان .. عذراء سكتي هيه هسه راح تطلع بدون فضايح

وج هاي وين تستحي هيه تموت على الفضايح
كتلج سكتي

جنت كوه لازمه عذراء وماما حاضنه ايهم زنبرت تلعلع وعذراء تريد تهد عليها لمت علينه العالم وصرت بينهم الوب احير اصم حلك منو لو اسكت منو
تالي سحلته عذراء شمرته بره ولن رجله لمعصعص بره واكف شاف مرته مسحوله كام يفشر ويغلط جريت عذراء

فوتي لج تخزينه

وخررري والله مافوت اله اخلي دمها بطوله شنو تفشر هيه وهذا العار واسكتله
لج عيب صوتنه يطلع فوتي فوتي
جريته وانتبه ماما دموعه عشره عشره صديت والكاهه مصعده ايهم بلسياره وطلعو روحي فرفحت اركض واصيح
وين ماخذته وين موديته
الطم وادعي دفعتني عذراء
كله منج كله منج
بجيت يعني شلون لو نفضح رواحنه يطلع صوتنه ونتكافش والناس تتفرج لو ينذب الصوج بيه لان ما اقبل بلعيب؟

ام غايب تدوي مسكتت
اديان رجلج وين
اديان خابري هسه يكسر رأسه
ولج ليش ماخليتي عذراء تموته
خاله فدوه اسكتي لاتزيديه
ياااا واني شحجيت
عفته وطلعت الناس بعده ملتمه متصدك تلكه سالفه تسولف بيه مشيت للتانكي كعدت اغسل ودموعي تجري
حتى مشفته لالمحته طلعت طايره هيه وفرفح وليدي بيده شدعيلج شدعيلج ياامه ويكولون ثلثين الدعاء للداعي
رررربي تعبت

غسلت ورجعت امشي لاكاني قاسم
ام ايهم محتاجه شي
نعصر كلبي شحتاج وشتكدر تسوي بكلبي اكول
سكتت رد كال لعد أستاذ فارس وين
برطمت منصيه سحبت نفس ورفعت راسي
مريض كتله
فك عينه .. واني اكول ليش هاي لفتره ماكو
مسحت وجهي هزيت راسي انت متدري يمكن لان الوحيد ما جيت كل جماعه المنضمه واصدقاء جوي بس انت لضاهر متعرف
والله العضيم وداعه جهالي مادري ام ايهم شصاير كليلي اني اعزه لستاذ فارس
مشلول فارس ضربته جلطه وحاليا مشلول
كلته وختفه صوتي نبح حابسه دموعي
لو هوه هنا جان مصار كل هذا
لو هوه بحيله جان محترك كلبي كل هذا لحركان هسه
صفك بيده قاسم عيونه بكصته بتعد يطلع تليفوته من جيبه و يخابر عفته وفتت للخيمه كعدت راسي بين رجليه لا حول ولا قوه كل شي ماكدر اسوي

بجي ماما
وغضب عذراء خلاني انزوي مغمضه صامه اذني
ربي والله هذا هواي
والله كل كفخه على راسي تروح نص عمري
تفني نص حيلي
ستغفرت وضليت استغفر صاح قاسم
ام حازم يابه ام ايهم وينكم
طلعت كوه واكفه مد ايده نطاني ورقه بيه رقم كال هذا رقم استاذ عمر خابرته اعاتبه علمود استاذ فارس وسئلني على مخيم واوضاعه سولفتله لصار ليوم شو كللي ودي رقمي لام ايهم ضروري تحاجيني
ستغربت أخذته ورجعت كعدت شيريد عمر ؟
اخابر لا
شون بيه
ضليت اضرب اخماس بسداس لحضه راح بالي بعيد خاف فارس
خاف بي شي
رجف كلبي سحبت الفون فتحته جان مغلق البارحه مرتين ام خطاب تصلت وغلقته مجنت كادره كلمه احجي
من فتحنه كومه مكالمات ام ثامر والحجيه بلعت ريك وبعدين طردت أفكار السوء من راسي
لا مبي شي لو بي شي جان بين على قاسم
جان عمر كله
احسن شي اخابره
خليت الرقم ودكيت شويه وجاوب سلمت ورد بعدين كال
خيتي سمعت امو الأيهم ماخذتو شنو الموضوع؟
جاوبته
اي والله اخذته مثل مكلك قاسم
شلون تاخذو مومن حقه
سكتت غصه بكلبي جريت نفس ورديت
هيه امه بكل الاحول اني شكدر اسوي بعد هذا حكم القوي على ضعيف
امه اي بس ماتستاهله الحرمه بايعتو وانه بلشهود وعندي دليل وتكدرين تاخذي غصبا عنها

خفك كلبي جنت كاعده وكفت افتر وحاجي عذراء لازكه اذنه بصفي
شون شون الله يخليك كلي
هساع افهمج
فارس وكت لرجعو الج انطاهه مبلغ جبير حتى وكته جان ورق وانه صرفتو بيدي ومن وصلو ليمج وجي حجيت عليه كتله يومين شهرين ويخلصون وترد هم تدفع فلوس شطلعت هاي
وكته بتسم وكال يول انه ذيب ماتلعبني حرمه لو تستغلني خويك كتبه كمبياله بستلام المبلغ ورقه تنازل عن ايهم الج هوه مو تنازل نكدر نكول تعهد حتى هينوب ماتكرب منو
بجيت بخنيك الجلبه بايعته بيع وبلورق متنازله منا الله لاينطيها من كلبي كلته وعمر بعده يسولف اذا تريدين اجي واجيب لورقه والكنبياله تراهم عندي ضامهم
بلهفه رديت ياريت وسده كال تهيري نص س

اعه وانه يمج

كعدت حيلي رخه ماما تتحسب عليه وتردد
موادميه
لمره مو صاحيه
يعني لو غير فارس يدفعله هم تنطي هم تبيعه هاي شون بيه
سكتت ماريد اي شي بس اجيبه وراهه شيصير يصير

فعلا نص ساعه وطبكت سياره عمر صعدنه اني وماما بلطريق لزمني لوراق قريتهم كد مبيه دموع بجيت كد مبيه قهر تحول فرح
بجيت مو على شي بجيت على ايهم وحضه
المسكين هم بيوم يفتخر هاي امه ؟
كلشي جان مدون
كلشي رسمي
واصولي
بصمته
والمبلغ بلكامل مكتوب وياه حتى لدافعهم اله قبل
وهيه بكل عين صلفه حرفيا كاتبه اني الموقعه ادناه........... ستلمت مبلغ وقدره ...... من فارس ال ....... وعلى اثره أتعهد بعدم لتعرض لايهم حازم
طول الطريق عيني بلورقه
كومه قريته وعدته
هاي بشر ؟
هاي ام
من شنو مخلوقه مادري

وصلنه نزلت وعفتهم ادك بلباب أعصابي متشنجه
مليانه تكرضم
متروسه اعصاب
فكت الباب شافتنه نخوصرت بدون كلام فتحت الاوراق كبال وجه ضيكت عينه تركز شويه وفكتهم على وسعهم تبلع بريكه تمتمت توه تحجي اشرتله
ولا كلمه تطلعين ايهم وتنسي نهائي لو وروح اخوتي وابويه اسوي بيج نفس مسويتي بينه قبل واجيبلج لشرطه ومو بس هيج هسه انسه العيب والمصير والميجوز واصيح بنص الفرع اطلع عليج كل منطقتج واشوفهم شون تبيعين وتشترين بابنج
صفرت وجه كام يضرب الوان رجله وراهه يدق بيه انطي يمعوده خل نخلص منه دوخني شكد مابجه خل ينكشر
ندارت مخنزره عليه جرهه وفاتو جوه شويه وطلع ايهم يركض فتحت ايدي جيت بحضني شلته حاضنته وهيه واكفه تتبلعم
اخذي بس خليني بين فتره وفتره اشوفه بروح المرحوم
سكتت وندرت معبرته رجعنه هيج مرتاحه
هيج ماي بارد سرى بكل جسمي
هواي تشكرت من عمر لو ما هوه جان الله ليعلم شحالي وشحال ايهم هسه

ماما كومه دعتله ومن وصلت يم الزواج ندار عليها يضحك
على بختج حجيه اله هاي الدعوه هينوب لاتدعيلي بيها خليني طير حر شلي بزواج ومطاردو
بتسمت هذا قافل وصلنه للمخيم فات ايهم يركض وماما نزلت سديت لبوب عمر ميل جسمه على كشن بتجاه الجامه كال
ام ايهم امانه الله شنو تحتاجين انه حاضر تره انتي بحسب اخيتي وحرمه اخيي وفارس هل ركبه جدامو سداده بدون تردد
نصيت
ماعرف شلون اشكرك انت فعلا ونعم الاخ لفارس

عجل شلون فارس هوه وروحي واريد اكلج بعد شي فارس وكت لتخارب ويه اهلو وصفى شغلو ويه فيصل جيي يمي كل فلوسه واوراق عقاراته عندي وجم نوبه هوه موصيني اذا صارله شي اخليهم لو بيدج لو بيد رضيعاته ام خطاب لو ام ثامر وانه ماصارتلي فرصه اشوفج تاكلج غير هسه فذا تريدين اجيبهم عندج هوه جثير يثق بيج
تسلم اخويه خلي الامانه عندك يكوم بسلامه راعيها وخليه بيداه والله يقدرك على حمله

رفع ايده يسلم وفر السياره وراح
وكفت كلشي بيه
ينبض
يرجف
يعني عنده ثقه بيه
على باله اني حتى وهوه مجافيني
رفعت راسي للسما تنفست ميه مره حمدت الله قليل الي خله خلال فتره عشت بيه ويه انسان هيج يااامن بيه ويوصي بحاله وماله ينحط بي

ربي كومه على حيله
لروحه
لنفسه مو الأحد
فتت كعدت الخيمه مليانه بضحك ومداهر ايهم وعذراء

عذراء.. ايهم امك العوعو مرت لمصرصر خوما بعد تريدك

ايهم .. لاععععع ماريده عوعو

اديان... عذراء شهل حجي وج عيب يتعلم الطفل

سكتي شيخ عبد العليم كومي اذني صارت صلاه الضهر معليج بينه

يولي موطفل وكل كلمه تطبع باله

ميخالف بعد احسن هوه ينلام بيها عوعو وجرو وجريذيه وكلشي قليل بحقه

اوووف منج ام لسان متكدرين شويه تلزمي
لا ابد اموت غير وهسه راح احتفل بجيه ايهم على طريقتي الخاصه يله هيمو هاي على امك سعاد ام الوصخ جيبوله صابونه سعاد ام الوصخ جيبوله صابونه

تصفك والفطير يكمز يضحك ماما هفته بلنعال مال ايهم زادت تصيح سعوده لمخبله لابسه عبات امه وسليمه لطمه

وكفت جريته كفخته ميته ضحك وهيه مستمره لحد متعبت وكعدنه
جنت بارده لدرجه مددت ايدي على عيوني صدقا اريد ابقى هيج
ابقى بدون كال ولاكلت
بدون هم
ولامشاكل
بدون مكايد ولا حركان دم

هناك واصفن
فات حمام
تريك
شلون ريكو
سلكو بيضته كشرو لخيار فارس ميحبه بكشر خاف ذرو ملح على طمامه ويصعد ضغطه
شغدو
خاف مسوله شوربه
خاف من غداهم والله ميتحمل علاجه قوي وضغطه واكف على حافه
شلون بيه
نحطت ايد ماما على راسي وخرت ايدي من عيوني صارت كدامي مبتسمه براحه
ها يمه مكافي مرتحتي مصار الوكت دتحجيلي

كعدت على حيلي مجرد مااتذكر الموضع والصار بيه بهاي لفتره لراحت العبره تخنكني
برطمت هزت رأسه سولفي
نصيت احجي
واحجي
وساعه الكه روحي منفعله
وتطفر دمعه من عيني بسرعه امسحه
ماما وكحه بسبوع واحد هجمت شقتي
وج يوم تريد تموته ومرتين موتا محتمه مبيه مجال تالي طكت روحي خلصت طلقتي عفتهم واجيت

احسن شي سويتي لان لتسوي هاي لسوالف كلشي تكدر تسوي ومتهتم يمعوده ليروح يموت بخبثه بس حتى تنتقم منج احسن عفتي سلاما على حياته امي
ماما خاف حرام عليه خاف اطلع عاقا بي

بنتي ربج ديشوف ويحكم واذا على ناس تره حجيهم ميخلص مدام تعرفين

شت لروحي كمت اخطط وافكر للبعيد
لازم اشتغل الكعده متصرفلي
اكعد اضل أفكر شسوو وشكالو
اي شي اي شي اشتغل اهم شي ابني روحي من جديد
لبنى .... بثينه تره لعبتي نفسي ادري شايله كلب لو نعال

بثينه ... شكوو

شنو شكو ول مصكوعه كومي فوتي لغرفته عيطي صيحي عاتبي ابجي شوفي عليش هيج سوه بيج اخويه اي بس دمي فاير اني عايشه لحب واعرف لوعتو شبيج تحمسين بروحج على نار هاديه

منو كالج احمس بروحي لامتوهمه لبنى عفيه اتركي هل موضوع خليني بداستي

اي دراسه لتحجين عنها وانتي بس فاكه لكتاب وصافنه

ماعليج مني خليني فدوه
والله طبج طب لو اني مكانج امنجدو ومسح بي كل الشمال

اي وراهه

شنو وراهه

وراهه شيصير يعني يرجعلي لو نرجع سوه؟
واذا رجعنه كلامه شلون انساء شلون امحي اذا انتي تشوفيني صافنه بكتابي تره صافنه من سوالفو مصدومه انه مصدومه ولاتتوقعين المصدوم يوعا اله على صدمه وانه اريد اضل هيج احسن بهواي مانصدم انوب

عجل ضلي وضلي صافنه صفنه ابو اصابر مواحد غيره الفاهيه
غمتني وكامت بتسمت اعرفه محترك كلبه عليه مثل ممحترك كلبه على روحه
شون دشوط
وتتملخ من عمو عمر مايعبره من تشوفني هيج بارده وهيه نار تتملخ أكثر

نطويت جثير صرت حدي لمدرسه ولغرفه
الحديقه روحي تحترج عليها وعلى هواهه وماطلع
خاف تذكرني بي
خاف اشوف كرسيو وقمجي لنركيله ليصير بين شفافو واطك قهر
خاف اطلع وصادفه
لو اتصادم وياه وماكضب روحي لو اكف عيني وهيه دحكلو

اقره واسرح بخيلي
بكلامو كبل وغزلو
بحركته لمفضله من يمسد شعر سكسوكته يوصله لشفته واغمض
يمتى انسى
شوكت تروح هل أفكار من راسي ؟
وارجع اقره
اي اقره وانسى
أنجح واوصل لطموحي
ولكاتبه ربي يصير
سجى تبهذلت احواله ابد ماتقبلت فكره طلاكه
تمرضت السكر معلك دوم كامت تضرب انسولين صارت جلد وعضم
كل هذا يزيد حقد ثامر أكثر
كل ما تتخربط ويركض شايله على ذراعه ويرد ساندهه جوه جتفه اشوفه يحقد أكثر وعينك عينك يسب خطاب جدام سيف وسيف ساكت وكلنه ساكتين نعرف اخونه عايل

اليوم بليل ختنكت جثير رادت تطبك عليه لغرفه سديت لكتاب ورحت لبدت بصف خاله هاي طببعتي ماعرف انام اله لابده بصف ضهر
ماما موهين هذا سبوع يم خالو فارس ولبنات ماينام يمهن لبنى طول ليل تحومي على عمو عمر ومريم من وكت تكعور روحه ولحست احد بصفه عاطت كوم من يمي ماعرف انام وتلفلف روحه
احسن شي خاله هديه نفس حضن ماما بضبط رغم كل الصار بينه
غمضت اقره الاذكار وصوت خطوات يم الباب تروح وتجي
اعرفها والله هاي خطواتو يجر بشحاطته هاي طبيعه مشيى
جلبت بثوب خاله حيل
نامي بثينه نامي اياج يكولج عقلج جيي علمودج اياج تفكرين بي هوه بوجهج مايباوع نامي نامي
احاجي روحي وندك الباب بلعت ريك انده بخاله
خاله خاله
كومي لباب
ردت
ول كومي انتي شبيج قابل منو هوه احد من اهلنه

هزيت راسي بثينه الله يصكعج تكعدين خالتج على دكت لباب ول تخبلتي ماتكومين؟
نفضت راسي وكمت جريت لشال لبسته وفتحت لباب
كلبي يطب عليش طلعتي هوه و الله هوه
ندرت ارجع رفع ايده
بس احاجيج
عيوني رمشو حلكي يبس تلفت متخوصر حك طرف اذنه وتنهد يلم بشعره من اطرافه نصيت وهمس
امي كاعده
هزيت راسي لا
رفع عينه جر نقاله يدحك بي يلمض فرك كصته بتوتر وهمس كال يباوع بعيوني وينصي برتباك
كعديه
شبكت ايدي منصيه بفهاوه كتله
منو
بملل رد
حدري بثينه حدري كعدي امي
وعيت هزيت راسي اي ندرت كال بث ومكمل سكت غمضت وكملت مشي ليم خاله ثنيت كعدته على كيفي سمت بالله تلبس حجابه وطلعت كعدت بفراشه ومن سمعت شهكته ركض كمت

ثامر انت متااكد
يمه عجل جايب لحجي من جيبي جاي اكلج خابرني حسن يكول ولك تصخمنه وتعزينه ومحمد يدورله

لطمت على وجهه
عزه بعينج ليلى هسه تموت اخيتي
رجفت كلبي وكف صامه حلكي كل قوتي وكمل يكله
العار مابطل منها بعده وياهه علاقه وكاضبهم رجله الله يعلم شمسوي بي مامسوي ومخابر حسن من نقالو يكله حدر اخذ ابن عمتك احفرله كبر يطمه وادفنو وحضرو فاتحه معدله لان انتم ال .... مشهورين بدواوينكم بس حرامات هذا

منكسها لعشيرتكم
.
.
.
.
.
.يتبببع

#لهفة_عاشق.
البارت 40


،،،،،،،،،،،،،،،،،،،
لاتعيل أبيت ودوسه بحرام
وبالك اتواعد بنيه اعله
الزواج
وانته نيتك مو زواج
شما أدين الناس هم لازم
تدان
الناس كومة أحجار وختك
من زجاج ؟
،،،،،،،،،،،،،،،،،،،،،،
خنطل جسمي بروده برجليه صارت ثلجو خشمي يستنشق عطره وصوته بذني
يمممممه نوديه
اصبر ابني بثينه وج بثينه خاله شجاج هاي سمعتنا يمكن
اي مبين
بثينه بعد خالتج يمه
مارديت جسمي وكل لشتي مخيطه
نكب مي على وجهي فكيت عيني رفعته صارت بعينو نخرطت خجل ياربي مدده بحضنو خاله مثنيه جدامنه بلعجل فزيت
كضب ايدي ندرت هدهه وكعدت اعدل بروحي ونزلو دموعي خاله شبي خطاب

نصت تستغفر وكف ثامر متخوصر
انتي زينه
هزيت راسي اي تنهد وطلع ضليت كاضبه بيد خاله ابجي وهيه وياي
ليله ماعشت مثله هينوب لتمينه كلنه بلديوانيه واحدنا مايكدر يناقش الثاني بهاي لسالفه بس سيف يلوب ومتاني لفجر يطلع
ثامر جان بارد حيل بس خاله وراه وراه
خابر يمه
وليدي شوف شصار
امي انت لخاطر خالتك
وهوه ينتر... مالكوه طلع يلعب بعصابهم رجله
زدت بلبجي عزه بعينه شجانه شصارلنه
سجى جانت ملفلفه بحضن لبنى ساكته مخنزره حرف منطقت
كم مره خاله تقدمت يمها
سجى شعندج كاعده ماما حدري نامي
تهز رأسه ساكته وللصبح ويانه على كعدت لوحده ودك نقال ثامر
هلا حسن
اي
ويطبه طب وينو هلساع
هايهيه حدر عليكم سيف ومصطفى
ثيماللا الله وياك

وكفت مليانه خوف
اها شبي
نصى
وكفت خاله
يمه شبي احجي
ندار ونتر
حرامات ماكتلو خلاص لمكرن بس هادر دمه وهساع مكسر تكسر عضم صاحي مابي
شهكت حضنتني خاله طكيت بجي
لو مهما يصير اخويه هذا اخويه
لحضه ثامر ماسكت يفتر ويدردم لميت روحي مكنفذه ساده اذني سجى مددت غطت رأسه والكل مثل لهدى اله اني
مادري شريد
ردت بابا
ردت ماما
عار ولطشو خطاب بينه راح يجر حتى على سمعتنه

ساعات مددت بلغرفه مره اغفى مره افز والاخبار مثل المطر
اي مستشفى خليتو
اها بس خليها بالك لايكتلو لو حاطه خاص احسن
اهوو هيج هيج ماكلت شي بكيفكم وين ماتخلو خلو
اسمع واكرض بروحي سوالفه مره بارد مره محترك وبلاخير يكول
الله ياخذو منجدنه
وخاله بصفة
انت شجاك اكضب روحك شويه حدر على شغلك بطل مكاون حتى ويه ذبان وجهك واحترم لو جابو هين أياك تفتح حلكك
صرخ وصميت اذني
وووووين يجيبو بلقران اكمل عليه واخلي طلقه براسو اغسل العار لماتغسلو لعشيره ام ثامر موانه اكول امي واحترمج لاتخليني الوص

اااااانجعم مابيتنه هذا وحيدنا هذا بيت لجميع امو هين وخواتو عجل وين يودو وهوه مطلوب ومهدور دمو

وانه شبيدي ثامر لاتسوي موضوع ثاني تهيط خالك علينه كتلك اكضب روحك

لجهنم للكوا.............. يمه كاااافي تريدين تموتين بنتج تجمعيهم بيت واحد

وانه كتلج لو وصل هين انه اكتله
ثاااااااامر بلقران وروح ابوك وابويه لو فكيت حلكك لاخذ بناتي ومصطفى وبعد ماتشوف وجهي ولا انت ابني ولا اعرفك

نصى ساكت بعدين ضرب الحايط بقبضه ايده ايده تدمت يصيح
عار عاااااااار والعار ميموت ابد مادام اكل كل هذا الكتل وتاليته يحدر هين ينام بروسنه

سكتت خاله وطلع شايط
دنكت راسي ابجي بخنيك
ليش هيج خطاب ليش
مافكرت بينه
ماصرنه جدامك
ماما وتربيته
تعبه وسهرهه
نحنا خواتك وسمعتنه
مريم جانت بس كاعده راسه بين رجليه وجتافه تهزز تلوب ماما وماما
لميته بحضني اواسيه مدري اواسي روحي
للمغرب وصارت ركضه بلبيت خاله تجر بثامر
فوت جوه شكو واجف بلباب
تووووخرين لااكفر مامسوي شي واكف هساع انه واكف شمسوي
واكف تتشمت بي ؟
سكت
وفوتو خطاب جان لاجسم ولا وجه

نهايه السنه جنه الجو هين بلشمال جثير بارد فوتو ملفلف بلبطانيه متكابيلن عليه سيف ومصطفى ركضنه انه ومريم ماشفنه هذا اخونه لاشفناه غير انسان غير واحد هينوب
الرجلين ثنينهم كسر ومجبرات
الادين وحده منهم مجبره والثانيه بس ملفوفه
الوجه ازرك مدري احمر أشكال لالوان بي والشفه متتباوع وارمه تريد تنفجر
كضبت ايده كل رده فعل ماكو بجيت اهز بسيف
شبي
نصى متشوفين مكسر تكسر شبي بعد
ووعليش غايب من الوعي
غمض بغضب رد
كد الكتل غير اصلا طلعناه على مسوليتنه خفنه يفوتون يخلصون عليه فدنوب

صميت حلكي ثامر واكف باب لديوانيه مخنزر مريم يم راسه تبجي هناك وألمح ماما بنهايه لمكان كاعده ماده رجليه وراسه مرتجي على حايط دموعه تجري
ركضت ليمه ابوس بيده فدوه يوم لاتسوين بروحج هيج
شكهت تغطي وجه بحجابه
هبه هاي تربيتي
وج بثينه هذا تاااااالي لتعب
حضنته ساعه تشهك ساعه تلطم ساعه ترد على بابا وين رحت وعفتهم عليه
بجت البيت كله
خاله مكابلته تهدي بيه وجده تخابر يزي سدو لسالفه تفضحنه
يمكن مامرت علينه مصيبه بكل حياته كد هاي

الوحيده سجى لجانت بس ساكته بس ساكته
خطوه مخطت من باب غرفته كل مافتنه عليه نلكاه كاعده صافنه ومن تشوف احد فات كبل تمدد مغطيه راسه

كم يوم مرت البيت فايت بحاله انذار ثامر عافه تمام

ا كام يبات بمعمل المواد الانشائيه الي بااخر فتره ابدع بشغلو وصار الو اسمو هين
الولد وياه بس يروحون ويجون هوه هينوب ماشفناه
خطاب بس نفس يصعد وينزل حتى الاكل ماما بلسرنجه توكله
تعبت هواي كد التعب تعبت ماما
والجاي جثير
خطاب دمو مهدور
البنيه عند اهله هم واصله لموت
كل هذا ومانتهينه لحبل على جرار
ديرو خطاب من شقته وحرمو فوتت بغداد عليه اسمه تنشر بعشيرتهم مطلوب دم
ويريدون كعده مفاصل وماما ليل نهار تبجي شلون بيه وشلون تأليته
اديان .... فتره مرت هدوء وراحه موطبيعيه رجعت بيه اديان مال كبل بس بدون مسوليه واراقب من بعيد لبعيد
ماما عدهه راتب لرعايه الاجتماعيه قليل وكل شهرين بس هيه معدله وتعرف شلون تديره
مقتصده حيل ونفس الوقت ممخليه لعيشه تتطلب شي
المساعدات مستمره ورجعت اوكف بلسره حتى احصل كارتونه واشوف ملاطخ العاالم ارجع ليوره
ليوين راح نوصل
ولشوكت راح نبقى هيج مادري
معقوله احنا شعب يخلص كل عمره مراكض
زين ليش وين خيرنا
فلوسنا
نفطنا
ليش اسمك بالحصاد ومنجلك مكسور
يعني بس اسمنا عراقين؟
خاله دوخري اذا متاخذين شكو صافنه مو السره ديمشي

نزيت اهز راسي لجاهل ورايه صغير بس لسان ابتسمت بوجه تعال حبيبي تعال اعصاب عادي صير كدامي بس لاتغث روحك
خجل ونصى يحك براسه
لالا سراج هوه سراج

مسدت على رأسه بيدي لفيته جبته كبالي صار دوري اله اخذ لكارتونه وندار خجلان
اعذريني خاله بس والله طلعت روحي من السره

ميخالف امي روح روح
ندار ومشيت ستلمت ورجعت شايله لكارتونه صاح قاسم
ام ايهم اخذتي رفعتله ايدي
ممنونه خويه اي اخذت
رجعت للخيمه نزلت لكارتونه وكعدت فكيته زيت وباقوليات رتبتهم بمكانهم وعذراء ترطن

اي دوزعو دجاج لحم موطلعت رواحنا من الحمص والعدس والله هسه لوياخذون سونر لبطني يلكون الشوربه جاهزه ومستويه بس يصبوهه

حمدي ربج عيني اكو ناس تاكل من الزبل خاف متدرين

ها اها حجه الشيخ عبد العليم هسه انتي فزاعه للحكومه دخليني احجي ابرد كلبي

بردي كلبج بس لا تنسين تره ان تعدو نعمه الله لاتحصوه مو كلشي اكل اكل البطن ياما اكلت
اكو نعمه الصحه
العافيه
البدن
الأهل
هاي كله نعم عذوره وتحملي يجي يوم ربج يفرجه
سكتت تهز براسه ماما تباوعلي وتنصي بتسمتله
شبيج ام حازم ماجاووبت
ماما من يوم سالفه ايهم وامه شلون باعته هيه بغير عالم تقربت منها
حبيبتي وتاج راسي من هيج تسهين المكان كله يموت لاتضمين بكلبج
احجي شبيج
بجت
تخبلت نار صرت تقربت لازمه ايده شهكت
بنت اخويه عار وعرفناها ادري اخويه شون ساكت عليه

جريت نفس ايدي على كلبي
ماما تحجين صدك والله هبطيني عبالي شو شبيج حبيبتي انتي اخوج موجه على قبله من زمان مو هيج سمعنه وعايش على بخاخ لولا
ولده حتى بي ميعترفن يعترفون بختهم واحنا كطعنه وياهم من زمان بعد على شنو القهر
اما سعاد فهيه تزوجت وطلعت منهم بعد همه مامسولين عليها
فلا تقهرين روحج ايهم ويمنه وبعد اصلا متوصله ولسوه ولسوته تتجازه بي هيه وربه
مسحت دموعه تهز براسه تستغفر بسته ورجيت روحي ليوره صافنه
راح اضل اني هيج
للكل لازم اطبطب واواسي واني منو يكسر عليه منو يواسيني ربي بس انت بس انت لسند بهاي لدنيه والباقي كله ماله وجود

أيام وايام تمر عايشن يرحمه الله البنات بردو حيل او تدريجا اختفو ماعرف شصاير بس الحجيه كمت اخابره اسئل وجاوبه
خير وبركه خير وبركه نعمه من الله وليدي زين
ولازم بنهايه المكالمه اسمع نغزه مثل
عايش يرحمه الله بنتي محد يموت وره احد

اسكت واسده اكول ميخالف اضل اردد همه يعرفون شي واني اعرف شي
تركتهم وبديت ادور شغل كل يوم ويه مرتي للسوك اسئل ابو الاسواق
ابو العماره
اي شي اريد اشتغل محاسبه سكرتيره كلشي لجان حتى قاسم وصيته وصفن
ام ايهم ليش متشتغلين بلمنضمه
ضحكت قاسم ششتغل بلمنضمه قابل عندي ملاين واتبرع بيها ديشغلوني
لعد اني عندي ؟
انت حارس يحتاجوك اني بيش افيدهم
انتي مرت الاستاذ فارس تدرين خيره مغركهم جان لو متدرين وبلعكس المتطوعين يحتاجوهم بهواي امور

صفنت ادرس لسالفه وجنه فاتت
لمخي
وتربعت وكعدت بي

يتبع

🔮الميرمية وفوائدها🤓🦋الكبيرة للنساء

المرمية هي نبتة تحتوي على مواد نظيرة هرمون الأستروجين التي تساعد على إفرازه في الجسم في حالة استمرارية وظيفة المبيض ، لذا من الضروري إعطاؤها في الفترة التي تتعرض فيها المرأة لاضطرابات الدورة الشهرية

📌1- تتميز بمفعول قابض للأوعية الدموية في حالة غزارة دم الدورة الشهرية وتساعد على انتظام الدورة الشهرية عند بدء حدوثها بعد البلوغ .

📌2- تعمل الميرمية على تنظيف الرحم أثناء الحمل وحمايته من الالتهاب وتنشيط المبايض لدى المرأة .

📌3- تقوي الرحم أثناء الحمل وتمنع الإجهاض وتخفف من احتقان المبيض والرحم وتستخدم أيضا لعلاج الالتهابات المهبلية لما لها من خصائص مطهرة .

📌4- تساعد الميرمية على ضبط الحالة الهرمونية لدى النساء وخاصة عند سن اليأس .

📌5- علاج اضطرابات المعدة وعسر الهضم واضطرابات الجهاز الهضمي وتخفيف ألآم المعدة والإسهال وتقلصات المعدة .

تعزيز وظيفة الدماغ وتحسين الذاكرة وتستخدم لعلاج الأمراض الدماغية لأكثر من ألف سنة .

📌7- علاج نزلات البرد والسعال والتهاب الحلق والحنجرة والتبخير بها يساعد على الشفاء من أمراض الرئة والتهاب الجيوب الأنفية .

📌8- أفضل منظف للأسنان وعلاج لمشاكل اللثة لما له من خصائص مطهرة حيث تفرك به الأسنان واللثة

ملاحظة

ينصح بعدم شرب الميرمية أثناء فترة الرضاعة لأنها تحد من إفراز الحليب لدى الأم .


#اعادة_توجيـهہ_لتنسون
#ملوكه
@stylegrils