حبي العكبر هو من ضمن العسل
فاذا انتي ماعندج حساسية🌚🌺من العسل..فعادي استعملي

#ملوكه

حبي اذا متريدين ايلانير..فعادي تكدرين تخلين كحل والضلال حتلو بس لون واحد او لونين تخلين يطلع نازك ومرتب🙃

مثل بهالصور 👇🏻🥰وهذيني فيديوات..بسيط فادربي عليه خطوة بخطوة يصير سهل عليج


#ملوكه

عمري اللوشن يعني مرطب للجسم
فعندج نيفيا؛ هيمالايا ؛ دوف..هذيني لوشنات ترطبيهن زين للجسم
وبيبانثين عادي تستعملي للبشرة الدهنية

والاثار الحبوب..هاي بشلعان الكلب🤦‍♀ يله يروح..يعني يطول مرات لشهر ..شهرين او اكثر ياه يرحن حسب البشرة

فاذا عندج سيروم فيتامين سي او هايدرولينك اسد ..هذيني يوميا استعملي قبل نوم..
واذا عندج ديرمابن بعد احسن ..هم زين للاثار
وبيبانثين يوميا هم رطبي بي..لانو مو بس مرطب همين معالج للبشرة🥰✨

#ملوكه

وهذيني أحسن مرطبات جسم للبشرة الجافة تلكيهن حبي بالصيدلية☺️🌸

#ملوكه

حبي يرهم وياه شال اسود ونيلي وبيجي والابيض🙃

#ملوكه

#لهفة_عاشق.
#بارت٣٠والأخيررررر من جزء 1
،،،،،،،،،،،،
يكلبي انسه التحبه وادري صعبه اعليك
بس للما يحبك ﻻتطخ هامك
وخلي العزه ثوبك والكرامه احزام
واصعد عالمصاعب ثبت اجدامك
وﻻ تذرف ادموعك عالغدر وياك
المهم باسم الوفاء اترفرف اعلامك
حب كلمن يحبك واليود ملكاك
وضل عايش اوياهم حتى بحلامك
وافدي الروح لجل الي يضحي الروح
وسومه برخص كلمن بالرخص سامك
وﻻ تعاشر احجار وانته جسمك جام
بس اتغثه راح ايكسر بجامك
،،،،،،،،،،،،،،،،،،،
فارس حبيبي يله كوم شنو متروح للشغل
لا يابه شلون ماروح هيري هدومي هساع جاي وراج
اديان كومي شبيج و الله دتحلمين هسه دكعين ودكعدين فارس يروح لشغله
بيدج تريكي
بيدج تمشي
اااخ كلبي ليش هيج يعصر بيه
ليش الهوا كوه يفوت ريتي
تنفسي اديان غمضي حتى توهمين روحج انتي نايمه وهذا حلم
سدي اذنج معليج من حجي فيصل والله هذا وهم لان نمتي تفكرين ليش ضامج منه هيج دتحلمين

نهزيت
اديان اديان
فكيت عيني عذراء عيونه مغرغره دموع بلعت ريك لزمت ايده وكفت فيصل يخرط
ميسون همجت بيتي بتليت دكيت صدري وتكفلته وانت ماصدكت درت وجهك وماسئلت هينوب
شدت ويه ام حسن مكاون اربعه وعشرين ساعه وردت على هيفاء هججته هاي هيه جدامك رجعه على ذمتك انت جنت اعصاب وطلكته يبقى مرجعها النه احسن ماملفي لعالم لفي لمن لحمك ودمك اترك خطاب وحرمتو انه احل مشكلتهم انت لتفت على مشاكلك شو تسوي خير براسه العالم ومابيك خير لروحك

صرخ فارس كافي يضرب بيده بلباب وهوه يكله

مو على كيفك تطلك وتتزوج مالنه حترام عندك لنه مو بعينك لاغي وجوي هينوب من حياتك
ولك انه اخوك اخوك مو عدوك قللت من كدري كبل وعديته ترد تتزوج وتضم عني الله ليعلم منين جايبهم هل ضامهم عني حتى لاعرفهم وافضحك
ولك بيدي بيدي جم نوبه جريتك كتلك تزوج دكلي جازه روحي من كل الحريم تالي الكاك متزوج والمن متزوج من ناس من الششششارع
صرخ وفارس فاك عينه قابض ايده دموعي جرو هاي حقيقه واني مداحلم هذا الدليل كبالي وكفت امي كبال فيصل بكلب محروك وعيون تهمل تكله
ابني ثمن كلامك قبل لاتحجي عيب تهين العالم وانت ماتعرف شنو ضروفهم
لا تتكبر ولاتقسي كلبك وتاخذ الانصى منك بلعين الزغيره
كلنه بشر
كلنه من طين
ومرجعنه ومردنه بحفره وهم بلطين
مالك حقك تهينه ودكول علينه من الشارع
مالي دخل بلبينكم ولااعرف شصاير بس من مسيتنه لا لهنا وكافي خاف الله بعرض العالم اكيد انت هم عندك عرض
اخوك اذا ضام عليك هاي انت وياه
بس احنا نطيناه بعقد وشهود واهلك يدرون كلهم كلهم يدرون
امك خواتك هنه جني خطبن بس شحجي ماكول غير
كلامك مردود عليك وحسبي الله ونعم الوكيل بكل من يقلل منه لو يفكر بينه غير تفكير
تحسبت ماما
رجفت عيوني جمدو خطوتين مشيت دقيت فارس لصافن مصدوم ندار احس طولي ماكدر اصلبه ضلوعي كله ترجف برطمت مخنوكه
فارس ذوله منو
غمض قابض ايديه بجيت وصديت على اخوه اشهك لطمت على وجهي بحركه هستيريه صحت
مرته اني مرته انت شدكول شنو دكله حرمتك وهاي لجاهله تصيحه بابا
ممتزوج فارس ممتزوج غيري
اني مرته انتي مرته وبس

ختفى صوتي كد محجيتهم سوه بكل قوتي وصفنت من نتر فارس
لللللللللا مو محرمتي موووووحرمتي تخسى تكون حرمتي وانه محرمه على روحي ميسسسون مو حرمتي مطلكه والله مطلكه
كاله ونخرط كلبي يلكف يدك سريع شفافي يبست مديت ايدي اااشر
يعني شنو
يعني متزوج كبلي
يعني هاي مرتك صدك
كبببببببل كببببل والله كبل اديان حرمت اخوي هاي وهاي بنته وحتى لاتضيع الجاهله اخذته بس هسه مطلكه و الله مطلكه
يعني متزوج
سكت
فاااااارس يعني متزوج
نصى
روحي شتعلت
كعدت لامه نفسي هوه هجم على فيصل يصيح حرام عليك ليش هيج تسوي بيش اذيتكم ولكم صدمتو الحرمه لابارك الله بيكم الله لايوفكم كسرتو كلبه وكلبي
اسمع جسمي يختض
كل مسامه بيه ماتت
كل شعور مات
كلشي توقف
حتى دموعي صرت ماحس بيهم بس عقلي يعيد ويزيد كل لحضه ويه فارس
كل موقف
همسه
بوسه
شمه
لزمه
كل ذوله ويه غيري عايشهم
حاس بيهم
قشمرني ضحك عليه خدعني
غطيت وجهي مكرفصه بس جسمي يهتز هوه طلعهم وطبك الباب يصيح ماريدكم عوفوني اريد اعيش انه هسه اله عشت انه جنت ميت بلحياه
ماما بس صوت رشحه طالع يعلن نزول دموعه عذراء تتوسل تبوس بجتفي
اديان ابجي بصوت
اديان شبيج
يمه اديان نصدمت فدوه اديان لاتسوين هيج بروحج
جنت ارعش مثل مريض الصرع ضلوعي حتى بطكهم احس

أحقر شعور من تاامن بشخص تنطي
روحك
وكلبك
عقلق
وجسمك
وتالي يطلع خادعك مستغلك
اسمع واشوف واكدر احجي بس شي واكف بحنجرتي مثل الغصه اذا طلعت لو تكتلني لو تنهي كلشي
كدامي كعد بلتفصيل الممل شرح موت
اخو
زواجه منها
موت اهلها
تربيته للبنيه
مشاكله بلبيت
واخر مشكله ويه فيصل
بكد القطره مفات بالي شي من الحجاه
جان يحجي مره بهدوء ويرد بهمس ومره بلهفه عيونه دم يااشر بيده مجرد توصل ايده يم ايدي انز

ماما منطقت منصيه عذراء مخنزره على سوالفه اله اني خشبه تحولت من بره صخره محجره

من جوه كتله نار ويندار عليه صليل يشعله شعل
بكل قطره انلجم
بكل كلمه اشتعل أكثر
يحاجيني جن ماسمع
اديان حاجيني والله ماجاذب عليج ولاخادعج حبيتج وعرف لو رديتي كل هاي المواويل بيه ماترضين
روحي تعلكت بيج مثل حاجه عد عزيز لازم تسايري تاتاخذيه ومن تاخذيه تضميه كد ماتخافين عليه وتبعديه من جدامو تامايذكره
هيج انه اخذتج وضميتج
لابيه انطيج ولابيه اطلعج خاف تروحين مني
رفعت راسي امسح بدموعي اشهك اباوع بعيونه كلبي ينفض الم يصير بي من يشوف بعيونه جانت وحده ثانيه
نصيت امسح بخشمي اشهك مقطع بخنكه كتله
كم سنه متزوج هاي
نصى ساكت يكرض بصبع ايده ينفض بي نترت من بين سنوني وارد امسح بدموعي لدتغوش عيوني
فارس كم سنه متزوجه
ست سنين
كاله وضرب ايده بلحايط بتسمت رتجيت على كاع دكوم وكعت ديلزمني جريت ايدي عذراء ركضت سندتني وكفت
ممثل ورب الكعبه ممثل
من عرفتك عرفت عندك صفه لتمثيل بس غبيه مخطر على بالي يجي يوم وتطلع حتى عليه تمثل
ولامره فكرت انت تجذب عليه لو تخدعني
جنت امشي سانده لحايط واحجي عبالك احاجي روحي عذراء تبوس تهدي تمسح بدموعي
ماما تعاتب بي
امنا بيك
نطيناك
قدرناك
ليش ابني ليش
يبرر يتعذر ويدافع لروحه
كل هذا صار داير مدايري بس مابادرت لاصرخت لاعيطت لا طلعت مصار غير لذكرته سوايتي سوايه واحد الخنجر بضهره مره يحجي مره يسكت مره يبجي
ميعرف كلشي
ولايدري بشي
كل لديشوفه لخنجر نابت بضهره وبس

مددت على سرير لامه نفسي ايدي على راسي ضامه عيوني ودموعها ختنكت خشمي قفل نزلت ايدي صارت على مخدته تلمسته ودموعي تنزل
هنا مكانه
هنا ينام
هنا يتنفس
هذا لمكان لامس وجه لحيته جبينه
غمضت
اتذكر شكل مرته ارملت اخوه مدري طليقته
هاي جان يتمدد على طوله
يلزمه شون ميلزمني
شون ميتفتن بيه
نقرفت معدتي كلبت على سريع كعدت لحيلي ماما وعذراء مكابلاتني ركضت للحمام همه ورايه كمت اتقيى واتخيلهم شون ماتخيل من احنا بخلوتنه
كل حركه اتذكره الزم بطني حيل واتقيى أكثر لجهال ينفض وجهي دم صار عيوني نطو حتى لماي لينكب على وجهي احسه جمر وعليه تيزاب
طلعت راسي على جتف امي عيوني طافيه بس ايده مسحت وجهي فكيت كل عيني ردت اتقيى بوجه كد مكارهته

يوم كامل مر عليه
لا هوه فاتحه
لا هوه عزه
بس الدموع ورجفت لجسم لازمتني
حتى عركتهم هوه وخطاب جنت اسمع بدون اهتمام فقط صوتهم يجيني
هوه يصيح كله منك ساقط حيوان حرامات تربيتي بيك تجيبلي فيصل تاتكبر المشكله
وخطاب نزل الامه كله حلف بيها حتى لمصحف طبه يكله خالي مواني ماجبته ولا متوقعت هيج يسوي رحتله حتى يصلح بينه وجي وياي جدامك صار الي صار ومن طلعنه سئلني على سكنتك هين وجاوبته بلي اعرفو ماجبت طاري زواجك ولا اهل حرمتك بس هوه جاي وحيده هين ويمكن سائل وهل عرف وحتى يخلص من ميسون جابه وجي وتالي من طردتهم ذيج هيه زته بشقتي يكلي رده يم اهلي راح تهجم بيتي خالي وروح ابويه فلا ادري بلي مسوي وياك
طرده يغلط ويصيح سجى تروح وتجي كبالي تضرب بيده كله مني انه عميت على خالو من عمت عيني

جنت ساكته عاجزه اسوي شي حتى عقلي فاصل رافض يفكر باوعت ماما تصلي نصيت ابجي بحركه اتذكر حتى ستخاره صليت كبل يوم عقدنه
حتى ستعانه بيك ياربي ستعانيت ليش خذلتني مويكولن خيره واني دكيت بابك حتى تخيرني ليش خليتي اختاره
ستغفرت وكمت توضيت رجعت مديت السجاده بديت اصلي مفوضه امري لربي
لاول مره اصلي كاعده
رجلي ماله حيل تقاوم وتوكف حلال حرام مادري كل الاعرفه جسمي مشلول بس طفلي يدفر وهذا لكاسر ضهري

شسوي اعوفه
اهج
وين انطي وجهي؟
ساعه أكثر ماما طلعت عذراء ايست مني عرفت راح ابقى اصلي هذا ملجئي الوحيد
سجى وكل اهله حقدت عليهم كد حقدي علي
شكد مضبطين لعد
شكد داريسن الموضوع
ولا غلطه
ولا غلطه
لاعبيه صح بحيث ولا حدث صارت كبالي
ولا حسيت
شسوي اعوفه
اهج
وين انطي وجهي؟
ساعه أكثر ماما طلعت عذراء ايست مني عرفت راح ابقى اصلي هذا ملجئي الوحيد
سجى وكل اهله حقدت عليهم كد حقدي علي
شكد مضبطين لعد
شكد داريسن الموضوع
ولا غلطه
ولا غلطه
لاعبيه صح بحيث ولا حدث صارت كبالي
ولا حسيت

محجيت وياهه ولاعاتبت تحجي ماجاوبه ملت وطلعت
دقايق وفات فارس خطواته مشيته نفسه بلغرفه من احس بيهم اختنك وكنما حيطان الغرفه والعماره كله راح تطبك عليه
كل هذا ومستمره اصلي
ماريد اكمل
ماريد يحجي
مطايقه حتى صوته
دكت رجله
فركت ايده
مسحت وجه
حتى بلعت ريكه داحس بيهم
كمت حتى شصلي شقره شكول مادري اريده بس يختفي بس يطلع
كام ينافخ يفرك بكصته يكح وينصي يفوت ايديه بشعره يهز برجله تالي وكف تقدم ثنى كبالي سلمت من الصلاه منصيه كعد على ركبه ميل رأسه كبال وجهي
اديان كل الصار كلتو مجذب بحرف ولازيدت يشهد الله يولي متعوب ويمج راحتي هين جدامج شفت روحي لاتزيده عليه
برطمت
ليش مكتلي
ماراح تقبلين
لعد ليش جذبت عليه
من حبي الج وج والله اعشكج لا مو اعشكج بلقران اتنفسج
وليحب يئاذي
سكت
فارس اذا اكلك اني قبلك احب واحد

وجنت اتغزل بي وابوسه ادلعه واشمه مثل ماسوي وياك تقبل ؟
اديان لاتحرجين عصابي ول ضغطي معلك لاتشوفين لموضوع من هذا لجانب انت لو متزوجه كبل وانه حابج وماعرف هاي تصير وصايره بس لاتجفصين وتزتين كلام ماتعرفين شيسوي بروحي وشلون يشعله شعال
انه من تزوجت جنت لاشايفج لااعرفج
حرمه اخوي ودبسوني بيه
سليطه ماتنجرع وانه مو على صلح وياهه
لاحبيته ولاعشت وياهه رجال ومره متعاشرين مثل كل ثنين طك كلبي منها ومن مصايبه وافعاله طلكته وليومج ماخلصان
اديان صيريلي
ضهر
صيرلي سند
لاتكسرين بيه

واني منو ضهري
منو سندي
لادكول انت انت نتهيت بنضري متت سند وضهر جذاب خداع ومايل ماريده
يولي مو انتي جدام لقبله خافي ربج بيه كلامج هذا يجيلبي الجلطه
يايوم ماساندج انه
يا يوم مقصر منج
ليش من اوكع تشمتين بيه لوادم واولهم لمثبوره ميسون
هساع عده عيد من شافت دموعج
جدامج فيصل كال هاجمه بيتي ومكاون هيه وعيلتي عجل شلون جتي وياه لو ما رايده تهجم بيتي انه هم

متهمني لا انت ولا هيه ليربطني بيك لطفل وبس ومن هسه اخذ قرارك
لو اطلع وبعد متشوفني لو مالك شغله بيه فدنوب حتى البيت تعوفه

اي تطلعين بلقران وروح المرحوم اخويه ان فكرتي تخطين ليم الطابق مو لدرج لعماره لنعل جلاب اهلج واحسب الله ماخلقج اديان اااياج تفكرين بهل تفكير لاتخليني علج بحلوك العالم تلوج بيه على فارس حرمتو تركتو وماعرف يحويه
لعد ماريد اشوفك لو انت لو اني هنا

يولي هدي موتصلين وتعرفين الله عجل وين ديانتج من جاي تخوطين بشواربي وتخيريني لو انه لو انتي وين تريدن تروحين منو الج وين تنطين وجهج وانه تريدين من تالي عمري حرمه تمشيني بكلامه تطردني من بيتي واسمعله انتي تخافين الله انتي بهاي سوايتج

لعد انت تخاف الله من اجيت وقشمرتني احبج واريدج وركضت بيدك ورجلك وتالي تطلع ست سنين شبعان بزواج شبع وجاي عليه تمثل الحب والحرمان
يله وياك اتفق اسايرك عمي اني ماخاف الله اصلي جذب وديانتي كله تمثيل عوفك مني حط اختك بمكاني يجيك شخص مرتب معدل يخطبه ويتزوجه وبعدين يطلع متزوج ومكايلك
يعني كعد يمك خطبه منك قشمر ضحك عليك ماشايفك كدامه ميهابك مالك قدر عنده لوذني كلهن موجدوات جان ماتجرى يجذب بحرف نفس لسويته انته بس اكو ختلاف بسيط انت ملكيتلي أخ اب تجذب عليهم فستغليتني وجذب عليه اما امي فانت مشايفه كبالك اصلا
بس والله اهنيك انت جائزه نوبل بحقج قليل وله رجال متزوج ست سنين وماحس بي من اهمدايه اهمديه اي والله
غميت روحي وبجيت دنكت لميت لسجاده بحركه وشمرت ازاري كعدت على سرير منصيه ايدي على حلكي بحركه ابجي هز رأسه يكلي ارتحي والنه حجي ثاني غير نوبه
عافني وطلع يومه ليلي منمته ولاناري طفت رحت مثل الطفله نمت بحضن امي تمسد على راسي مجلبه بثوبه حيل اكله جذب عليه ماما شون انسى هذا اليوم شلون ارجع ليوم لبارحه
ارجع اديان لمهامه شي
ارجع اديان لطايره بفارس وحبه
وحايره شتجيب وتخلي كباله
شتلبس
وشلون تدلله
تعبت وصوتني نبح ماما تردد والذين اذا اصابتهم مصيبه قالو انه لله وانا اليه راجعون
بنتي هاي قسمه الله وهذا لماعنده احد ينكسر بخته وينضام وهوه بحيله
كد قهري
كد كسرتي
كد حركاني
ماما مثلي مقهوره وأكثر بس متبين دوم الام تسدد وترقع حتى القافله تسير والمركب ماتغرك
اله مركبي من يوم يومه غركان
أيام وايام مرت فارس يروح ويجي ماعبره ماما تنصح ودكول خلص وكع لفاس براس ستسلمي ورضخي للامر الواقع واقبلي بنصيبج شتردين تغيرين بي
واني
اقسم اقسم فلا عديليه لان بنات الناس مولعبه
أحساسي
مشاعري
كلبي
موشطرنج وهوه الملك لازم هوه ليربج واني ارضخ واسكت
سجى نسحبت من حست نص الصار بسببه هيه ورجله اذا مو كله
الحجيه والبنات وصللهم لخبر منها وعتبت هواي عليهم ذبوهه براسه هوه محذرنه ومنبهنه منحجي
يعني مثل ماكلت طابخيه سوه
اقل الشهر لتزمت لصمت ويه الكل حتى سجى دارت وجهه وراحت لهلها بعد مقدمت على أجازه هيج سمعته دكول لعذراء
ودعتني جنت بارده حيل مكتفيه غدر منهم
مكتفيه كذب
ومستحيل اامن بيهم بعد

فارس اني وياه صرنه حرب والحرب علينه شويه يفوت للبيت افوت للغرفه لابي يحجي مقيد اهلي هنا ولا بي يسكت نار وشابه بي
كم مره اجه نص ليل شارب عذراء شافته جتي ترجف فاكه عينه نصيت راسي مشافتني متفاجه سكتت مدخلت عرفته يشرب واني ادري بس امي مشايفته ولا تدري
من مكالماته
من صياحه سبه وغلطه عرفت سجى رجعت لخطاب وهذا الشي متوقعته هيه ضعيفه كدامه وكدام اهلها وهسه لكو سالفتنه حجه يلوموه بيه ولضاهر ستسلمت ورجعت
اله اني مطخيت راس وحقدي يوم بعد يوم ديزيد من دافكر شكد محاطلي قدر ولاقيمه انوب بدال مينصلح كام يسوي الاسواء ويزيد بلشرب

إلى أن فد يوم دك تليفوني رقم الحجيه جاوبته وانصدم بلبنيه لزغيره بس كلت الوو نهدت بيه
مو عيب عليج ماخذه بابا ماتستحين بواكه من وراج بابا عايف ماما ثبرج الله المهجره الحافيه اصبري اذا مجي يوم وطلكج شون مايطلك ماما كل نوب ويرده

تحجي تحجي لزمت

لميز استند عليه ممستوعبه كلام طفله بهل طريقه رغم اسمع اكو من يمهه يلقنه ويردله لان توكف تحجي وانوب تسكت ترجع تكمل تشعوطت حركت دمي من قله حيلتي وقهري كمت اضرب بروحي
اني اديان لقويه لحجي على سجى واشجع بيه ينربط لساني واوكف عاجزه ارد على طفله تهيني والأكثر تعيرني بفقري وتشردي من مدينتي
ماما تنصح وتعلم سكتي وجاهله اكيد امه وازته معليج منه هوه انتي ورجلج حرب ستري على روحج ولا سمعتله
كمت خابرته روحي متشعوطه خرطتله كل الحجي سده يتوعدله ومن يومه كامت الحجيه وام خطاب وام ثامر يخابرون يسئلون عليه
وينه
عليش معادينه احنا شمسويلو جي هرجنه انتو وانتو سبب خراب حياتي ودار وجه بعد ماشفنه عليش يسوي هيج
مجاوبت كتفيت بكلشي مادري وهذا الصح اني مادري بشي هوه حتى للبيت مكام يجي ولا اني الاريده تعبت منه ومن اهله ومن المشاكل والكال والكلت وكل مره تنعاد الكره اصلح واصالح وهم يرجع يشرب ويجيني بجذبه جديده
مليت ولتفتت لروحي لصالاتي لربي وكمت كل ليليه اخلصه كاعده اصلي ونام على ساجده حاضنه همي وقهري شهرين تقريبا حياتي واكفه مثل سفينه بنص بحر لاماشيه ولاغركانه وخلصانه
رقم الحجيه صرت اخاف اشيله مره تطلع هيه تعتب وتعقل ارجعيلو عليتي كلبو
ومره تطلع تبارك تصفط الكلام لدكوله امه اله
تعبت ونضغطت أكثر من الازم حتى بلطلاك كمت افكر وارجع افرش سجاتي وابدي اصلي ابرد

وبيوم بليل داصلي توني كملت صلاه وكفت اطبك السجاده حسيت خربشه عل باب رفعت عيني عل ساعه ب١ نصيت راسي اخذت نفس لا اني متوهمه مو صوت الباب ستغفرالله ياربي كمت اتخيل فارس بكل لحضه مشيت خطوه توني دانزع الازار صار ضرب خفيف عل باب كلبي خفك هميت سريع باوعت من العين السحريه شفت فارس واكف يترنج ويدك بلباب خليت ايدي عل حلكي بتعدت خطوه مرتبكه طلعت عذراء من الغرفه تباوعلي بقلق
شكو
مجاوبت بس اباوع عل باب
زادت الدكه بعدتني تباوع من العين السحريه فتحت عيونه عل وسعهم
وج اديان هذا فارس وانوب مبين سكران يمعوه فتحي الباب ليفضحنه بلعماره
هزيت راسي اي وجسمي ينفض فتحت الباب رتمه عليه خليت ايدي بينه ولزمته غادي طينه ردت اوكع سندتني عذراء قويت لزمتي اشرتله عل باب طبكته مشيته يروط ويريد يحجي ميكدر عيوني غرغرن واني اباوع عليه شعره مخربط دكم قميصه اول ثنين مفتحوه مشيته للغرفه صارت امي بوجهي نصيت روحي ترجف تمنيت اختفي انعل حضي هذا ليتباهون بي ويموتون عليه هيج حاله نترت بيه
وين موديته يمعوده فوتي للحمام غسلي رأسه خل يصحه

درته بدون ماحجي لان مالي عين احجي اصلا وصلته للحمام فتحت البوري
فارس دنك راسك
وووخري مني
فارس صوتك الدنيه ليل لاتفضحنه
وكف رتجه عل مغسله منصي رأسه هزيته
فارس بس اغسلك
رفع عينه كوه يحجي ... ول يربج عليش هيج مسويه بيه ول موحجيتلج وماجذبت عليج وروح المرحوم
يحجي مكطع امي تباوع علينه تهز براسه متحسفه جبت راسه بيدي سحبت الدوش الرشاش نكعته تنكع وهوه يحاول يبتعد اخر شي دفعه وكع من ايدي رفع راسه مفتح حيل وشعره نازل عل كصته ينكط مي مسح وجهه حسيته شويه وعه صديت اسد المي اباوع لروحي تنكعت الدشداشه لطشت عل بطني جريته من ايده للغرفه امي وعذرا يباوعون كعدته عل جربايه ساكت لازم راسه بثنين اديه وكفت كباله دموعي نزلن

فارس ليش دسوي هيج بروحك

سكت

موياك

وكف عيونه تجدح تقدم واني ارجع ليوره لطشت بلكنتور صار كبالي وايده فوك راسي لازمه الكنتور يباوعلي ضايع حاير مره تصير عيونه عل وجهي مره يباوع لبطني واني اباوعله ونصي نتر
عليتي كلبي وشعلتي صفحتو عجل شون دكولين احبك وانتي موراضيه دحكين بوجهي ول طلعتيني عن طوري ونعلتي جلاب اهلي متحنين وتخافين الله بيه لو اهجم الكون كلو عل راسج وراسو لفارس لحبج وعاف اهلو وكل الدنيه لجل عينج

يحجي معصب واني مدنكه صرخ

اديان ان مانسيتي السالفه وتركتي هذا الموضوع الجايف لحرمج عل روحي مثل ماتحرم عليه امي واخواتي

رفعت راسي مخنره وهوه مزنبر وكنه صحه نترت
طلكني لا تحرمني ولاحرمك طلكني وخلصني

صك سنونه رفع ايده خنكني يرجف من الاعصاب يصيح

بلقران لو عدتي هاي لحجايه لكون دافنج مو فارس التوكف جدامو حرمه وتنطق هل كلمه ادوسج بلي برجلي وموداري بنفسي وانتي تعرفيني لاتطلعين جنوني

بعدت ايده حيل ختنكت كمت اكح وافرك بركبتي بتعد شمر نفسه حيل عل سرير جفي عل وجه كعدت ايدي عل راسي ودموعي عشره عشره ماكدر اطيقه ولاداكدر انسى لسواه بلحضه طيش مدري غضب قررت اعوفه ومابقه دقيقه اذا هسه مو بوعيه باجر يصحى وترجع ريمه لعادته القديمه
كمت نزعت الازار وطلعت من الغرفه فتت غرفه امي سديت الباب كعدت كباله لازمه ايده ابجي بخنيك
يمه ماكدر ابقى وياه
فتحت عيونه .. اديان شبيج
يمه كتلج ماكدر ماتحمل خدعني وجذب عليه ماامنله بعد
اديان تعوذي الشيطان
اكتله الروحي والله
شتردين يمعزايه
نطلع نعوفه ونطلع
نترت ايدي.. انتي تخبلتي وين نولي وين نروح
الاي مكان ارض الله واسعه
لا انتي موصاحيه ولج تردين ترجعينه للخيم

للبرد والحر للجوع والعطش وج يمه ستري علينه

يمه لو تطاوعيني لو تشيلين خطيتي طول العمر
لااله الا الله ستهدي برحمانج يمه لاتغشمين نفسج هذا فارس تعرفين شنو فارس يعني لوتروحين لسابع سمه يطلعج
واني ماريده نفسي جزت منه راح الم هدومي ونطلع جيتي وياي جيتي ما جيتي لا انتي امي ولا اعرفج
طلعت لغرفتنه فتحت الكنتور عل كيف اخذت فلوسي ومستمسكاتي وكم لبسه بجنطه زغيره نزعت ذهبي خليته عل ميز هذا ماله هوه جابه واني ماريد شي من اثره طلعت صايتي وشالي خليتهم عل صفحه وكعدت اريد الوكت يمشي الضوه يطلع اباوع عليه منتهي فاتح حلكه يتنفس بصعوبه جوه عيونه اسود كلبي دينزف قهر شون اعوفه شون بعد ماشوفه تقربت عيوني تدور عليه اصبعه الوشم واسمي ختنكت احس الهوه نكطع وكفت داطلع شفته نايم بحذاء تقربت بهدواء نزعته ونزعت الجواريب ابد ماحس مافسرت تعبه وين جان وشنو مر بي طلعت للحمام غسلت جواريبه وخليتهم بلتعلاكه احجي شي واتصرف غير شي ايدي تاخذني وعقلي فاصل

امي تفتر ورايه يمه صلي عل نبي نامي والصباح رباح
عذارء دكلي .. اديان فدوه هذا فارس لاتضيعين كلشي بساعه شيطان
مسمعت ولا راح اسمع ساعات يقنعون بيه ويحجون قفلت وامي نهارت لحد مستسلمت هواي جرحته بلكلام وكل حاجيه والثانيه اكله حن علينه عطف علينه مجادي بنضره جنه ستغلنه لحد ما مرارته طكت ونترت
طبج طبج منج اله والله ليسحلج ويبجيج دم وكولي كالت امي
امي تفتر ورايه يمه صلي عل نبي نامي والصباح رباح
عذارء دكلي .. اديان فدوه هذا فارس لاتضيعين كلشي بساعه شيطان
مسمعت ولا راح اسمع ساعات يقنعون بيه ويحجون قفلت وامي نهارت لحد مستسلمت هواي جرحته بلكلام وكل حاجيه والثانيه اكله حن علينه عطف علينه مجادي بنضره جنه ستغلنه لحد ما مرارته طكت ونترت
طبج طبج منج اله والله ليسحلج ويبجيج دم وكولي كالت امي

ويه اذان الفجر جبرت امي نطلع للمجهول أو يمكن للضياع مادري كل الادري بي صبري خلص

.
.
.
.
.
.

وطاقتي نفذت
يتبع


القصه مطوله ماريد اختصر ولا اعبر حدث واحد منه وحتى انطيها حقه سويته جزئين هذا الاول
الجزء الثاني حيل مختلف بي أكثر من بطل راح نفوت حياتهم ونطلع منها بضحكه وعبره والاهم من هذا نعيش واقع وحياه غيرنه عاشوهه ونستمتع معاهم