حل تصير والله اهم شي كامت بسلامه هدي وستغفري ان شالله ماكو شي
هزت رأسه مشت للمغسله تغسل حيله مهدود طلعت شايله لصينيه ام خطاب يم رأس سجى تمسد وتعدل نومته خليت الاكل نزل من التخم كعد واني اعزم بيهم يله ويانه على واهس مقبلو ولا هوه نطق كلمه شكد خجلت حتى معرفت اكل
مهتم ابد منصي همس ثرديلي بصبعه يئاشر على خبزه جريته اقسم واخلي بلكاسه بلخاشوكه ينكعهم ويشل يخلي على تمن رأسه مرفعه
جان واصل درجه عبالك يلعب بعصابهم شون هوه لعب بعصابه لبارحه وشاط

اكل وكمل شلت الصينيه للمطبخ لبنات واكفات يحجن بي شافوني ندارن
زعلان فارس مووو زعلان
سكتت
وحده دكول للثانيه زعلان من تقصيرنه وهمالنه صاح لجااااي نزيت بسرعه خليت القوري وبديت اللم لحد مصار وديته قدمت الهم بسره كعد يخوط منصي ويحاجيهم جنت اسمع بكل حواسي بداهه ب

امي دم تردد ودكول يمه هلك هلك لاتهلك هل مثل ماينزل من حلكه تذكرنه نحنا اهل ومالنه غير بعض مو خياتي لو اني متوهم

حجاهه رافع حاجبه ونصى يخوط كالوله الكل محشوم من الوهم وكمل يهز بيده صبر صبر

واكو مثل يكول هنيالك يلنايم ورجليك بلشمس هذا ينكال للمايدري بليصير حواليه امثلجن انتن ولدجن والولهم انتي
هديه يا ام ثامر يلعاقله لجبيره امنه من بعد امي وجبيرتنه لراكضه لزغيرنه كبل جبيرنه ول يابه مايوم حطيتي بنتج كتيله زلمتج
شلونو
شلون عايشه
يحبج يابه
مراعيج بنتي
يمه زلمتج خوما مقصر
يمه بغداد شلون عايشه بيهاشلون تكضين يومج
يمه عندج طلعه طبه عندج جارات
يمه زلمتح يجيب يحط مباريج
مر يوم كعدتي جدام بنتج حاجيتيه هيج؟

خويه هيه ماتحجي طول الوكت ساكته ولو سئلته كالت بخير وسكتت

وانتي صدكتي موو

عجل اخنكه تعاي احجي

لايابه مايحتاج بس انتي لو ام سنعه من عيونه تعرفيه من بعيد تحسين بيها مو يكولن كلب الام دليل ؟

دنكت تمسح بدموعه لزمت ايده شهكت مغطيه وجه ندار لام خطاب
وانتي ياخيتي لحنينه لواعيه ام الوكافت والزينات لماينعدن كضيتي عمرج كلو فلانه زعلانه ترضيه علانه مريضه تباريه واجفه لكل لناس عجل عليش من يم ابنج وحرمتو عماج الله ومالتفتي عليهم
مو يكولن العجين عجينه والخبز خبزنه المفروض تكونين باخنتو(عارفتو) لبنج ولاجنتي ساهيه يسير عليه واسير عليه هاي هيه يوم كلتيله
يمه شلونك ويه حرمتك
يمه يتيمى هله هله بيه
وليدي بنت خالتك
بعد امك خاف الله بيه
يمه شلون عايشن انت وياهه
تطلعون تفوتون شلون مكضيه
وليدي ادريك اعصاب وخلك زغير بس بعد امك ويه كل الناس مالي دخل بيك بس ويه حرمتك وبنت خالتك لامارضه اغضب عليك اي اغضب عليك وليوم لدين هم

اجه يوم حجيتي وياه لحجيته اابد والله لو حاجيه ويه لحجيته جان هساع ماسوه لسواه لان اذا مايخف من احد ومايهاب احد انتي امه جنته وناره ما يخاف من غضبج مايتذكر سويفاتج وصايايج تدك براسه
خليتي يستوي ويسترجل براس هل ضعيفه لمسكينه
حاسبه
تدرون
موته
تدرون
قافل عليه
تدرون
مرضه
راح طفله
وصحته صارت بلوحل
هيه وبهل عمر حملت مرض زلمه مشروب يهد حليو

كل هذا عليش
منو سببو
انتم
لوعدهه
ام تسئله وتدور وراهه شلون عايشه جان ماصار لصار ليش انتن لماهات هيج وحدتجن لوتنبش وره بنته تهجم بيته لو هينوب ماتردي وين الله زات بنته والله شنو يم فلان مرتاحه فلان ابن فلان هيج شغلو وابن هيج ناس اعرفو لو مربيتو ماتطع منو العيبه وتالي يطلع انكس خلك الله ودايس لبخانه لان يعرف محد يكلو على عينك حجاب

دايس لبخاته لان يعرف ثامر مايوم سير خطار على اختو
مايوم كاله كواج الله خيتي
مايوم سئله شمحتاجه
شلون عايشه
مايوم جره وكله ولك اسمع انت ابن خالتي صحيح على عيني وعلى راسي بس اختي خط أحمر تئاذيه اشيلك من راسي اخليك تحت قندرتي
لوكايله بلشقه باضحك مو بحجه لمزاح وطلع روحك لو كايله فديوم بهل حجه هم يضل عمر كله يخاف منه

شراح ينقص منك لو مديت راسك عليه
خيتي جيت اتعلل ليوم يمج
شطير من شعره من شعرك لو يوم فتت عليه بعلاكه ماتكلفك العشر آلاف تفرحه
هيه مو جوعانه
ولامعتازه
بس هل علاكه تسوه الف علاكه فاتتله وراح تفوت
هل علاكه وجيتك تكسر عين رجله تخلي يحسب هل حرمه عده اهل شوف انه اصرف وجيب وانكل بس ذوله اهله مايعوفها يسئلون ويعرفون الزغير والجبيره مواخاف منهم لا بس اهابهم وماتجرى اسوي شي لان رب لجي اخوه لهين محمل تحمل شمعناهه غير يحبه وهوه سنده وضهره يعني لو مسيته الله ليعلم شيسوي

كل هذا خطاب مافكر بي ليش لان يعرف ثامر يجي لبغداد يفره يفر فر مايندار يشوف سجى والله شنهو عليش رايح هيه خميس وجمعه يمنه وهوه حتى بذني ليومين مايكلبه
كل هذا يسوي خطاب لان يعرف سيف يجي لبغداد يفر لمولات والكهاوي وصحبانه و سجى مايكلبه والله شنهو انه لزغير شعليه منهم امي موجوده ثامر موجود خوالي هين بس وسفه ويالف حيف عليكم جميع انه لو بس شام ريحه رعونيه والله لكصف ركبتو واخلي يندم عليوم لفكر بيه ياخذه ومافكر هاي اذا امسه بيوم شراح يصيرلي

ثامر .... خالي كااااافي والله لوضا

ربني طلقه ولا محاجيني هيج والله لو شايل نعالك بيدك وضاربني الف نوبه ولا هذا الكلام لسمعتو بلقران لو اني لو هوه ليوم

وكف ديطلع وسيف وراه صاح فارس وراه صوت لشقه رنت
اااااااااااااااااااانجعم وكعد لاكوم اشعل شيب ابو لخلفكم لولالجابوكم خريه سيبنديه هساع جاين تطلعون عضلاتكم ليش انه نتضرتكم ليش انه دزيت عليكم حتى تجون تكتلو تايهلكم هوه لاتخلوني الوص بلكلام خطاب وتعرفونه يخوطكم ثنينكم لو لزمكم بس انه دزيت عليكم تاشوفون لضلم بعينو وبوجودكم ماكلكم غير كره عينكم وثاري لشوراب ياهوه ليجي تلطش فوك حلكو
يولو لشوارب جثير بس لرجال قليل هذا لمغزه من كلامي

خاااااااالي لادكول هيج وليرحم اهلك تراك طعنتني
وعلجت نار خليته كابه وتجيب بلحطب وتزت بيها

ينجعلو بلازيد لكلبك اسمع انت واخوك ان سمعت مكرب حدر خطاب كد لشعره كد لبرغث قسم بالله لتبره منكم وجدام لعشيره اكسر لعصه بيني وبينكم
هيه من فاتت ماتت ودورات تكون الافاعل اقوه من الضرب والكلام

تديرون وجهكم وترجعون منين ماجيتو خطاب لسانكم مايطخ لسانو لاانتو ولاامكم منا ليحد مايعرف الله حك خالتكم وياكم بلبيت هيه وعويله انت تعديتو عليه بجلمه معناه تعيديتو عليه
سجى رجعه الو ماله تضل هين يمي تدرس وبلعطله تحدر غاد يمكم
غير هذا الكلام من هلساع كلو اي لو لا وان كتلو لا تاتبره من هل ساع

وكفن لبنات ثنينهن بصوت واحد كالن لاخويه على بختك
سيف منصي ساكت عينه مرفعه وثامر يرجف عيونه دم وكف فارس كباله جره من ركبته كدام وجهه صارو عين بعين بهدوء كله
يول لتريد تعلو اسكت وخلو وانه اخذت نص الحك وباقي لحك بالأفعال ينوخذ

هز رأسه مغمض همس
يجرالك خالي كلامك سيف يحد هل ركبه
وفعلا هذا الصار
من يومها نسد الموضوع لان مرات لسكوت مثل لموس لندوس عليه رغم ندري اي زله يجرحنه بس لازم ندوس عليه حتى نعبر
خطاب جان لموس لمحدود متاني هدتهم ويجوز جان صار مذابح لان لمفرض لولد ندفعو من كلام فارس بس صار العكس فارس فهمهم هوه راد يحطهم فقط بلصوره مو حتى ولد لخاله يتذابحون
وهل شي ذبح ام خطاب من الوريد للوريد خلاهه ساكته الخجل والفشله كاتلته من ام ثامر لمنطقت بس تتحسب وتالي تجي تحط اديه على ايد اخته من تشوفه تبجي دكله شبيدنه يختي هذا زرع ربج موزرعج كاع وايدج طشت بيها مايطلع مثل ماترين لابد يطلع الحامض والحلو لفاهي والمر كله هذا مال الله شبيدج انتي على ابنج

متجاوبت غير شهكاته وبحت صوته تحجي الف كلمه اعتذار وتنهيه
فشلني وياج يختي

أيام وايام مرت لولد رجعو هل شي خله خطاب يشيل بروحه ويلطخ مرتين اجه ومن لباب فارس طرده صرخ
ليششش خالي انوب متحاجوني كلكم على مودهه والله اهج وبعد متشوفوني
نتر بي اااااالى قير وطبك لباب
يومها أدركت تصرف فارس صحيح لان لوضاربي اخوته وضاربهم جان برد كلبه ولكه سبب وموضوع يحاجج بي وينترك موضوعه على صفحه ويجلب بضربوني وضربتهم بس لصار خلاه ينجن وميضل براسه غير موتت بتهم والكل دار وجه منه ميحاجي

سبوع مر سجى متدري بدينه وين غير نايمه وتكعد لو تاكل بلكوه لو تاخذ لعلاج وتفوت لحمام لا اكثر ولااقل
ام خطاب نفجرت ولا اله عين تخليه بوجه ام ثامر لطبقت كلام فارس وكتفت داري بنته فقط تالي متحملت دارت وجه ورجعت وهيج مرت الايام اكثر شي قهرني ضعف سجى لدرجه حسيت وره منطقت وره محطت لكل بصوره وعرفو وعرفو حقيقته خرست من صدك
بطت كلبي ومعفته وراهه وراهه اباوع على كتبه واكرض بروحي راح تروح عليه السنه من وراه واركض بكلاص لعصير لو بكوب مسكافيه دافيه اخلي بيده وكعد كباله تبتسم بتعب ويتسرسل لحديث واقنع بيه
انتي قويه
انتي سبعه
شي صار ونتهى
لاتخلي يدوسج أكثر
دراستج سندج
حلمج وين
يسوه تعوفي علموده
كملي وج دراستج اهم سجى نومه لفراش متقدم ولاتاخر

وهيج وياهه وياهه
لحد مفديوم كعدت سبحت ومشطت امه تباوعلي وتباوعله فاكه عينه مدمعه خليت ايدي على جتفه
ام ثامر شده وعدت مبيه شي والله توكلي بالله سجاوي يمي

حضنتني تبجي تردد وج وين لكاج فارس وين الله وكعه بيج وج مرهم مرهم حتى النه مو بس اله
بتسمت عيوني الكم
حضنتني توصي ومن يومه
راحت لان بنته ولده هناك والحجيه كلبه مفرفح تخابر ميته قلق كتله يمي والله ولايكون بالج

كل هذا واني بدوامه نصين نصين مقسومه بينهم وبين اهلي عذراء لتتوعد لام ايهم وامي لتبجي ايهم يريدنه راح يموت حره كد ميبجي
واني لنفصم ونار تاكل بضلوعي اكل تالي اليل اتوسد حضن فارس يكلي
خطه وج هاي خطه امه لنذله تعلمت على فلوس وتريد تبيعه مره ثانيه ومستعد اشتري بروحي والله لفلوس ولقندره بس شنو ذنبه تضل تبيع بي والى متى

اسكت وانطحن مفوضه امري لله ودعائي مستمر ربي لاتعوفني قويني انت القوي واحنا لضعفاء

قراني بلبيت على طول صار اكثر من قبل هدوم فارس لمرقيه بدون ميدري ويه روحه لايبه ينزع ويلبس عبالك يجكجو حتى جواريبه ارقيهم
صار يلوب يلوب وميبين
عدت مرات يجي شارب على خفيف الفلف روحي اسوي نفسي مادري لان اذا نتواجه اكب ماتحمله و

سجى يمنه ماريد تشوفه بهل صوره

لصبح يكعد مابينله غير برودي يتخبل أكثر يضل طول لنهار روحه على حافه وكباله اهلك روحي الزم لفرشه جلف جلف لان شارب ونام عليها حتى لبطانيه اخليها بطشت لحمام ادوسه وادير معطر وغسول ودي حتى احركه ولتفت واكف ورايه يباوع بندم ادوس كل حيلي مليانه قهر منه

لملابس غسل وكوي ورقيه حتى رشك بمي مقري ارشكم لشبابيج افتحه ولقران ميطفى اله نادره مسجد مسجد اريد اكلبه واكلب حياته برضاته أو غصبا عنه لحد ميرضخ ويطخ رأسه ويكول ربي توبه

حتى قليل صرت اروح لهلي سجى متنعاف واني تكفلته من غير هيه مجلبه بيه
اديان اجه للكليه
اي وشسويتي
وج ختلت حتى بلخط بين لبنات صعدت على سريع
جبانه تعاي اعلمج شتسوين

تفك عينه واني احجي تبرطم تهز رأسه لالا ماسوي لدكولي ماكدر
اخزره تكست
وهيج مرت الايام اقل لشهر صامده واركض منا ومنا اكول قويه اني قويه وكلشي ناويه عليه راح يصير بذات فارس بالي حيل وياه اكسر واجبر ادلل وبحضني مثل لطفل واقسى من يميل اصير مثل الحجر

وبيوم تعللت ويه سجى ودروسي براسه مستمره لدرجه تصفن حتى كشر لحب يلطش بشفته كد ممركزه واكفخه توعه تهز رأسه تسمع مثل كل يوم
لحد مطفينه وعيني على ساعه تاخر كلي يم عمر عندنه شغل غمضت ربي صبرك كلبي يخفك والله ديشرب ادري بي
كمت فتت للغرفه خابرته جاوبني فعلا شارب كوه لزمت روحي بداخلي اتوعدله كال هسه بطريق جاي كلمه
كلمه كالهم بعته
سديته اغلي وكفت ايدي على ميز منصيه راسي ورفعته اتنفس سريع والله يالشيطان لو اني لو انت

بتعدت اتحرك برعشه خفيفيه ايدي تشتغل وعضاء جسمي تتحدى مقاومه وياي
فكيت لكنتور طلع سيت لنوم حليت شعري وكفت على مريه خطت وخربطت من كلشي يحبه
لعطر
لحمره
حتى اسمه بقلم التاتو على صدري خطيته
تمددت مطفيه الضوه اقره ايات واسمي لحد مفات هديت فدنوب وكني نايمه من سبوع

خطواته تتحرك
سدتت لباب
وصوت ساعته على ميز ويه خرطت سحبه لحزام ورفع لغطه
كلهم كلهم
بالي يمهم جسمه لنار لامس جسمي وشفته لتجوي لامست جتفي وصعدت لطرف اذني كزبرت وجسمي قشعر مغمض ندرت بيدي حضنت ركبته مغمضه حيل من ريحته
شبكني حيل يدفن رأسه بركبتي ويتفتن ينزل لصدري كلبه يلكف
نفسه يرجف نتهى تخردل توه يتقرب

يتبببع

البارت ٢٨

#لهفة_عاشق.

ليش اصفن عليك من احجي ويـــــاك
وانسه الدنيا من نوگف سويـــــــــــه
وليش ارضه بجروحك واني ممنـــــون
برأيك ليش متحمل الاذيــــــــــــــــه؟
وليش اتمنه اشوفك اســـــعد انسان
حياتك بس سعاده وهــــــــــاي هيـه
واذا فد يوم شفت بعيونــــــــك دموع
ادعي من الله تاخــــــــــذني المنيه
هسه فهمت حجيي وشقصدت بي؟
احبك يعني ما مبين عليـــــــــــــــه؟
،،،،،،،،،،،،،،،،،،

كلبه يلكف نفسه يرجف نتهى تخردل توه يتقرب
زنبرت روحي فارت كمت ادفع بي وووخر حاضني عيونه ذبلانه من الشرب صاير طينه كد ماقوي بس لان شارب حيله خاوي فكيت روحي منه جلب بيدي نتر
تخبلتي
هديت ايدي حيل ونزلت من السرير ركضت على ضوه شغلته غمض دار رأسه نصى خله اصابعه بين عيونه وبعدهم فتح شافني بلع ريك عيونه تشخصت على اسمه لخطيته تخوصرت تك ايد ااشر بيدي اغم بوجهي

شارب يحضي شارب واني عود صدك مثل النسوان مبدله منتضره رجلي تالي هيج تجيني
برطمت متحملت العبره خنكتني
ليش هيج فارس ليش ادري متخاف عليه متخاف على بطني عوفك منه شوكت تخاف من الله مو مليت و الله مليت

حجيته وبجيت وكف ساند ايده على ميز تقدم واني ارجع ليوره ليم لباب وخليت ايدي بينه
متلزمني
اديان شويه شارب وعيونج مو جثير حتى واعي دحكي
يااا واعي لخاطر الله شوف نفسك وكفه متكدر توكف
يولي صوتج
لعد وخر
اريدج
اموت نفسي والله كافي ارحمني شكد عديتلك وعديتلك واكول ينصلح شو ترجع للاسوء

حوطني من خصري بيده ثنينهم على جتفه مرتين دكيت
ووخر لبنيه هنا لا تطلع صوتي
بطنج يولي اهجعي
يحجي يشم بركبتي كل قوتي دفعته مال على صفحه نلطخ بلميز بسرعه لزم ضهره فاك عينه خفت يمكن لان برهاوه جسمه نضرب فتاذى سحبت دشداشتي على سريع لبسته نصى لازم لميز ساكت
خطوه
خطوه
خطيته وطلعت محرك ساكن كلبي يلكف ويدك سريع كبل ركضت للحمام فتت وسديت الباب

لازمه بطني اجر نفس وره نفس واباوع لروحي مكياجي وشكلي عروس مكسوره فرحته نصيت لازمه لمغسله اكرض بشفتي مادري شبيه احاولي كله نكلبت عود ادري بي شارب بس متحملت عود كلت اكتله برودي ليش حاجيته ليش بجيت مادري
فكيت المي اغسل ومن اوصل ركبتي حيل افرك بيها حيل واشيل ايدي اشمه
مرض مرض وصار بيه نقرفت حيل وخايفه حيل من هاي سوالفه
هسه الله يعابي
هسه الله يغضب علينه
تلمست بطني بيدي مقفلته ابجي ربي كلشي ولاابني اذا تريد تذي فديوم اذيني ولاتمسى
ربي لاتحملنا ما لا طاقه لنا به

دقايق وطلعت مفتت لغرفتنه طبيت بغرفه سجى ويه فتحت الباب فزت خليت ايدي على حلكي منحرجه كعدت لحيله خايفه تلف بروحه همست اني اديان شبيج بسم الله
هزت راسه تبلع بريكه تمسح وجهه وتلم بشعرهه تقربت شبعانه بجي جانت تلمسته
سجى شبيج
سكتت
هزيته وج وكعتي كلبي مريضه يوجع شي
هزت راسه اي فكيت عيني اجر بيده
كومي كومي نوديج شيوجعج
بجت أكثر تاشر على كلبه غمضت عاصره ايده
احركج احركج اذا دتبجين عليه
شهكت اااااااااااي بصوت حتى حلكه صميته

كعدت حيلي مهبوط بله منين الكاه اني
رجيت راسي على حايط ثواني وميلته عليه
وج كل عقلج لو حلمانه كل السواه بيج وتبجين عليه
غطت وجهه بين رجليه شعره نزل تسرسل مكطع تشهك كالت احبه والله احبه شسوي لكلبي لنذل

صفنت ساكته
ينعل ابو الكلب يذل بينه ونصيح نحبهم ادري شكد دتحمل شنشوف منهم بعد حتى نبطل نحن عليهم
محاجيته ولا هيه نطقت كرفصت لامه روحه غطيته وعلى كيف كمت فارس ماله صوت تمشيت بلممر صوت مي بلحمام الدوش مشتغل
فتت للغرفه لملمته سيتي بلكاع شلته ضميته ملابسه شلتهم حذاء رجعته بمكانه
كعدت ايدي على راسي شكو منهزمه هسه يطلع لو اني لو هوه
رجلي تهز مرتين طلعت ليم لباب وارجع اكول مخايفه اني مخايفه ولااخاف

شويه وفات بطرك الشورت الخاولي على راسه يمسح بي نزله شافني كباله كفني بي حيل وتقدم يجر بيه وكفت رافعه ايدي احامي لنفسي وهوه يصيح
اديان تتقاوين علي من يمتى فارس تصدو حرمه وتكف جدامو يولي افصمج وانعل شيب اهلج والله انه ما يكف جدامي أكبر واحد

يهز بيه خضني خض لزمت بطني بسرعه وخر قويت روحي بس داخلي خراب من بين سنوني نترت
على اهلي لاتغلط أياك تسبب اهلي
نصى يمسح بكصته كمت انتفس سريع معانده دمعتي افتح واسد بحكلي كعدت مهدود حيلي كعد بصفي مندار عليه
تدريني شارب موو
هزيت راسي بغضب نتر
عجل عليش تحركين بعصابي مهيره روحج معطره مكشخه وكت لجي يمج يطلع خبالج شمعناهه

معناه حتى تحس حتى توب حتى تعرف الله شمنطيك ادري طالبه طلابه شيسويلك بعد
مره
وطفل
وبيت
فلوس
ستر
شغل
وشتريد يمك منطيك وراضيك انت ليش مدترضي بس فهمني تره تعبت واني احاول وياك كلت مدمن آمنت بالله صبرت وياك وياك حتى على مرامك بلي يعجبك صايرتلك يدهينه لاتنكتين شتريد أكثر فهمني

نصى لازم رأسه ايده ترجف وكفت
فارس وروح ابويه وداعت لبطني بديت اتعب خليني بين عيونك ياعيني انت رجال والله ذاك اليوم عيوني

عت واني اسمعك تنصح اهلك وتسحل بخطاب دمك محترك ادري لعد ليش متنصحك نفسك شعايزك شناقصك لو هذا حضي احبج واحبج وتالي تريد تهلكنه
و الله موفد معضله ولا راح تقوم القيامه اذا دست على نفسك كم مره والله تتعود وبطل كل عارض يصير كبالك تروح تختصر الطريق وتكعد تشرب دنتسى ادري لعد لصبر المن الله خلاه غير ديختبرنه ديمتحنه وانت ماشالله ميلحك يشجل أسمك كبل يلكاك عاصي وشارب

مجاوب تمدد ساكت ايده على عيونه عفته وطلعت
بقيت للفجر كاعده صليت ونمت على طكطت الجداحه نهضت لكيته يم الباب منصي يلبس لحذاء مورث الجكاره باوعت لساعه ٨ونص متاخره النومه ماخذتني لميت شعري فتت من يمه صبحت رفع نفسه ينزل تشريته برود جاوب من شدهتي منتبهت على ميز كبل شلت القوري شغلت الطباخ ندار يفك الباب رأسه عليه كال ماريد ريوك متريك
حجاهه وطلع رد الباب كعدت ايدي على ميز ميله راسه اول مره ما اريكه بيدي
اول مره ماحضر ملابسه
اول مره انام بلشقه هوه بمكان واني بمكان
ربي صبرك

رفعت راسي لميز مليان اجبان وبيض كلاصين جاي والاكل على حطته
نسيت سجى موجوده نسيت دوامه والله مضل عقل براسي من الداشوفه
يوم وره يوم لساني ينطق داتعب وداخلي يكول المشوار بعده باوله كل هذا كل هذا وبعدني باول المشوار هذا مدمن مو بيوم وليله يترك ربي شوكت لعد شوكت فتنه بلسنه لثانيه نصه واحنا على نفس الرنه

بيومه لبست وجه لبرود وياه وهوه هم شال خشمه فدنوب عليه حسيت الهوا من البيت كله نكطع
مضلت لاروح
ولاراحه
تعبت حيل ونفسيتي زفتت وهوه أكثر

سجى رجيفه وتعبه خوفني تالي جريته للغرفه قفلت لباب لان فارس بلهول قلل طلعاته كعدنه بجديه حاجيته هل مره بدون حنينه
بدون مسايس
سجى شبيج تره أحوالج معاجبتني شنو تبجين شنو صايره تتصفنين
وين القوه وين الشجاعه لحجينه عنها

اديان مواني و الله هوه تعاي وشوفي مرتين جاني للكليه يهدد ويسب بنفسه وبيه يكلي شنو هيج رحتي سويتي خليتي خالي يزعل امي تزعل خالتي ولدهه ليش فلشتي لعائله
ليش هجمتي بيتنه خربتي حياته وج كلام صفني تصفن من غير رعيده على مودج وغار عليج وتعاي شوفي لحجي محاضرتين مفتت وكل ساعه وكال لوما خالي هساع اخذج للبيت غصبا عنج انتي حرمتي خلاني مفهيه جدامو

عزه بعيني وهاي دتبجين على هذا الشي والبارحه تنوحين احبه عبالي جاي يبوس اديج يتعذر يستسمح منج تالي جاي هداد ويعارك واخذج غصبا عنج هاي فوكاه وانوب تتبجبجين عليه

سكتت نترت
تحجين لو شلون
كامت تروح وتجي تسولف
اديان انه من شفته مدري شصارلي وج هذا شايل خرزه مدري صخام وعزه بعينو من وحيدي اخطط واصفط حتى بعد الصار كمت اكرهه ماودي اشوف وجهو بس من حجه بهتت ومن صرت جدامو ماعرف شصارلي

جريت عيني لمت شفته مدنكه كتله
لعد لا ماريده ولاخلصوني منه انتي اصلا ميته عليه ومدام هيج شدخلني اني شنو هجامت بيوت مره تريد رجله اني شكو
الله يهديكم ويصلحكم ماكلج أكثر من هيج

واهلي شلون
خالو
اخوتي

ممم هوه هذا الهامج
ماهمتج صحتج لراحت
ماهمج طفلج
ماهمتج كرامتج
بس سوال يدك بكلبي جاوبيني وراهه منج اله بله سئلتي شمعناه تصرفاته وليش هيج سوه وياج

اي اليوم كعدنه بلكافتريه وحجينه يكول انه اغار واقفل عليج الشقه
يغار لو يشك
والله كتله وسكت
شوفي سجى انتي بنفسج كتيتي كل سوالفه انتي لشكيتي منه احنا مندري واذا جاج وبررلج وقنعج بان ليسوي حب وغيره فتااكدي ابو طبع ميجوز من طبعه
حتى وإن رجعتي راح يضل بهاي تصرفاته مدام وره كل هذا بدال ميجي يعتذر يجي يسب ويهدد واذا على غيره فشغله وحده خليه بالج اليشوف نفسه شي عباله كل الناس مثله فانتي ارجعي وشوفي شعنده ديشك ويغار
شعنده
خانكج
قافل
عليج
بس هااا تره موكل مره تسلم الجره هل مره نفذتي من الحريق
وطلعتي بنتيجه خسرانج لطفلج وسكر مبهرزج تبهرز فمنا وهيج انتهبي لتخسرين الاكبر

عفته وطلعت شخصيته صفر بس اجاهه كعدو وحيدهم قشمره ولوبيدهه تفك الباب وتطلع تروح يمه بس لازمها اهله وخاله
وكته حسيت كل تعبي وياهه راح
كل كلامي
تعلومي تبخر
شون هيه من دكول من اشوفه كلشي يتبخر هيج تبخرت كل خطوه خطيته وياهه

عاد شلت ايدي منها وحرت بروحي فارس مو سهل كد ماقويه كدامه كد ما هوه اقوه خصوصا من اتعامل برود وياه يصير بعد ابرد يطبق كلامه بكل حذافيره
مو فارس لتهزو حرمه
فتنه بفجوه وحرب بنضرات لعيون كل يوم اخلص ليلي الوب عليه وعلى حضنه بس صامده مطخيت راسي ولاوصلت يمه اضل اصلي واقره قران والنتيجه واضحه كبالي حتى طلعه ميطلع صارت شغلته مكابلني وميتحمل الكلمه

يومين منتاحجه بس معايفته اكله شربه لبسه كله حاضر يمه بدون حس
بليل كبل جيته اسوي روحي نايم لحد ميفوت يمدد يغفى وعلى كيفي اتقرب اشمه خاف شارب يومين مشارب ريحته نراكيل جكاير وبس
اليوم فاك حلكه ايد على صدره وايد على عينه تقربت على كيف اشمه وصلت يم وجه كذلتي نزلت تراجعت سريع لميته وره اذني اخذ نفس وانطي همزين محس شويه ورجعت اتقرب اشم ابلع بريكي ثواني ومحسيت غيرر روحي جواه

وكصته على كصتي ايد جوه راسي وايد جوه ضهري فكيت كل عيني كلبي من الهبطه يطب رفع تك حاجبه مبستم نص بتسامه يهز براسه

عليش تشمشمين جنج عتوي خو دكي لباب كولي يابه بوسه تره ننطيج نحنا مابخيلين مثل بعض الناس

صديت وجهي ساكته مشى خشمه على وجهي يكلي

تدورين امدادات موعلساس انتي كويه وكادره على زعلانه يومين تلاثه شامخه وجهج مايكصو السيف شو تالي ليل نجوع ونحدر نشمشم اوادم

شنو تره دتحسسني حيوانه وداشم بيك تره مرتك اني مرتك من حقي اتفحصك

افحصي يابه افحصي ايهو كاضبج عجل انه من جيت اشمج ذاك اليوم نكلبتي طنطل ولبستي عليه لجينكو

تعرف كلش زين ليش الف مره كتلك شارب ماخليك تجي يمي
شارب ماخليك تلمسني

وانه هاي متعتي شلون بيج

مشكلتك من تزوجتني مكلت هيج تزوجتني وعدتني تبطل شو انوب تفرعنت تعاي اشرب واجي يمج والله شنو هاي متعتي

والتالي شلون نطلك لو اتزوج ثانيه حتى وكت الاشرب اروح عدهه

كال هيج لو نتفضت ادفع بي آخر كلمه توقعته تطلع منه نتطلك حتى اتزوج متوقعته لان كل رجال من يداهر مرته يكوله بس نتطلك هاي لماهضمته موس وكفت وسط بلعومي عيوني جمرن ابعد بي مقيدني يضحك جسمه كله يهتز عاض على لسانه
يولي يفاينه بالله استفزج اشاقيج ول مصكوعه اركدي جاهلج فطستي وروح المرحوم اداهرج

صديت وجهي مبرطمه داخلي شتعل دفن راسه بين جتفي وركبتي
يولي يامثبوره اتمدد على طوله من بعدج لوو تحله بعيني
ول انتي عندي بنسوان الدنيه كلها يابعد جبدي ومعاليجي شعندي غيرج انه لوحجي صحيح لااصالح ولاارضي اشرب واكضي حاجتي يم اي حرمه واجيج جني مامسوي شي بس انه من اخذتج هايهيه قفلت لو ادياني لو ماكو تحرم عليه النسوان من بعدج
ول انتي
ديني
وانتي
ادياني
بس صبرج عليه وخليج بلي جاي تسوينو والله راح يجيب نتيحه انتي ضلي جريبه مني والي تردي يجرالج

سكتت وستمر بغزله ودلاله لحد مرحنا لغير عالم
كلشي بيه زاد اصرار
كلشي بيه زاد عزيمه
كلشي بيه يريد يقدم بعد وبعد وبعد إلى أن اشوفه فارس الاريده
فارس الاني مسويته
فارس الي الله مان عليه بلهدايه
معفت مصحفي ولا سجاتي رغم من يشوفني هيج يلوب يلوب واني اسكت

مرتين رحت لهلي المكان اضلم بدون ايهم اني احجي وكبو امه وامه
ماما مكسوره كسره عليه لحد لقهر ومتنطي الشي بلشي حتى عليه بدت تنصح عوفي امه خل يحبه خل يتعلم امه اوله انتي هم حتصيرن ام واني مدايمه عذراه هم يجي نصيبه هوه شنو مصيره خلي يتم الاب ولايتيم من الجهتين

مقتنعت ابد روحي تريده ام لايبه على ضناهه دكت عذراه وكل اذني يمها اريد بس اسمع صوته لاردت ولاجاوبت كالت ولا راح تجاوب متبعه اسلوب مجرمين تخابرنه كل كم يوم تنطيناه يصرخ ويبجي تفرفحنه وتسده

نطحنت غديت رماد رجعت ميته ميته اتخيله ضعفان كد الحركان وخدوده لمتفحه مطفيه
لو جوعان هوه يستغرب ويتنحس
لو رجله قاسي علي لان شكله مو راحه
أفكر ودموعي خانوني نزلو شافني فارس بس كال شبيج
شهكت ايهم
هز رأسه جر فونه تصل دكه وحده ردت تمنيت الكاع تنشك وتبلعني

شنو هذا الاستغلال
شنو هذا الجشع
عذراء ايده وكعت مفتحت خط عليه
فارس تعرفه يدفعله لتريده علمودي بسرعه جاوبت
الندله الله لايوفقه دتبيع باابن اخويه
اسمع شلون دكله عذبني يبجي يريدهم بذات اديان حتى تمرض وضعف بس خلي يتعلم يتعلم
باوعلي فارس اشرلي اشش وكله شكد تردين ام ايهم
سكتت وردت كالت ليطلع من ايدك انعم الله

هنا تهسترت مضل عقل براسي هديت بيه
الكلبه العار لساقطه تبيعين ابن اخويه لحافيه لمجديه
بعدني اخرط عليه نكطع الخط
طوط طوط طوط
تشعوطت ادك على رجلي فارس يكلي هاا شكتلج مواعرف هاي لشوكلات اصلا تعلمت يولي هاي طبخه طبخته من تالي تضوكه طعمهه مايعجبه تشيله وتزته
يعني ايهم وسيله تحصل من وراهه تايس تالي تجيبه وتكلكم هذا ابنكم

سكتت اغلي قهر عيوني عمت كد مابجيت
كلش شفت
كلشي عشت
كلشي مر عليه
بس ممر عليه
ام تبيع ابنه

ضليت وره كلام فارس منتضره تمل وتجزع حتى وليدي يرجع
وهيج متانيه رحمه الله
سجى هم عطلت وستغلته فرصه سبوعين راحت لهلها صفينه اني وفارس شكد مااكدر جنت احاول اخلي روحي كباله حواليه كدام عينه ومداراتي زادت أكثر واكثر
الاكل
البس
الدلال
خبلته
كلشي من احسنه وهوه مثل الميل

وره روحه سجى بلاسبوع الأول وخابرتني رتباكهه وخوفه واضح جان
وج هاا
اديان ماما وخاله لعبو بيه لعب كله منج وكله منج الولد متحلفين بخطاب وخالو فيصل راح يدخل
كتله الله يهديهم
سكتت درت كالت خالو فارس شلون هوه وخالو فيصل مو على صلح خاف تكبر من ورايه
محجيت مالي شغله همه اخوه بينهم وانه مادري شكو وعلى شنو مختلفين
طبكته ومجبت طاري ابد

كمت حضرت عشه وتبديله ومن ٨اتصل على فارس كل يوم اسوي بي هيج لان من يتاخر كلبي يلعب نص ساعه واجه فتح الباب شافني كباله صاح
ااااااالله حيوووو لك هاي شطالع يابه عجل اليوم نلهم سمسم ول يربج شوفيلج ديره وهجي

ضحكت فتت للمطبخ انقل بلاكل وهوه ورايه ايده على بطنه والثانيه يمسد على

شاربه
شبيك
والله حيره بيمن ابدي ليليه
شتبدي حبي اكعد راحه ابنك خطيه
نزلت ايده فك عينه مرتبك
شدراج ولد
جريت عيني وشبيك سلهمت كلمه لتنكال جوز بنيه هم هيج كلبك يطير
بتسم حاضني كلشي يجي نعمه هوه انه اطول يكفي ادايني امو

بسته بخده وجريته كعدنه بيدي عشيته بيدي امسح حلكه بلكلينس يضل مفهي عيونه حايره ضايعه بيه من اسئله يجاوب
مدلل جثير مدلل يولي هل دلال موشايفو كبل
ابتسم متخوصره ااشر بيد
طبعا مشايفه هم عايزه تشوفه منين تشوفه بله

تعشينه لملمت وهوه يخابر عمر الضحك والغلط واصل للمطبخ اخذتله لجاي سد لسبيكر يفشر عليه
ابن ال...... ابن الطراك انكلع حتى بلنقال ماخلص منك

ارتب بلجلي وهوه يصيح انعل جلاب اهلك لوجيت الله يوهمك تصل هين
خليت الكرزات ومن جهه لفواكه الصينيه بيدي تليفوني يتصل بلغرفه طبك المكالمة من عمر وعكعد حاجبه
شعنده قاسم يتصل علي عفته يجاوب وفتت للغرفه هم شلت الفون رقم امي جاوبت بس صراخ عذراء وبجيه رجفني حيلي رجف امي امي كلشي اله امي فارس كدامي يكول لقاسم جيت جيت واني مات كلشي بيه من عذراء دكلي اديان لحكي حريق وخيمتنه صارت رماد

يتببع

#البارت٢٩

#لهفة_عاشق.

،،،،،،،،،،،

يشتمني الحزن,,لو روحي اضمها بطيف
فلاح ويشم عطاب بالمحصول
احب ابجي بستر ..
بس المصيبه شلون....؟؟
انه همومي غجر والدمع دك طبول
تره الضحكه الغميجه تريد راحة بال
ميجودر ضحك بشفايف المذلول
أنه شايل وجه ميلوك للبطران
ويكعد للثكاله فصال عرض وطول
،،،،،،،،

اديان .... فارس اروح وياك فدوه مو فرفح كلبي

وين تريدين يامره اكعدي هساع اجيبهم واجي قاسم حلفتو كال مابيهم شي ولراح راحلهم فدوه

ماكدر ماكدر شيصبرني داتخيل ماما شلون مفرفحه وصوت صريخ عذراء بذني و الله اذا ماخذتني اموت

اهجعي يربج خيلني اطلع بطلي رجيف وتركي البجي موزينلج والجو بره هينوب موزين لايدكج البرد وتكعين مريضه وانتي حبله استري عليه مابيه حيل طبات

جنت ارجف خوف على اهلي مجلبه بي حيل فحطت ومقبل يأخذني عافني وراح كاعده على نار والوب ربي فدواتك هيه وصله كاعدين جواهه حتى هاي مدامتلهم
اوف ياامي شكال كلبج وشااكلتي من هبطه الله يعينج

ساعه ونص الف مره فريت السبحه حتى لساني شكل
مرتين خابرت فارس مخبوص وميبنلي ينهي المكالمة ب جينه جينه
رجليه خيوط صارت رايحه جايه بلهول كل شويه افك لبرده اباوع على جوه
هسه يجون
هسه المحم السياره
لحد منطك قفل الباب ركضت امي بيد عذراء ساندته اديه فحم وعذراء ملابسه مفحمه
حضنتهم ابجي
كلشي فدوه
كلشي يهون
كلشي يتعوض
بس كعدتكم هاي كبالي تسوه ملك الدنيه

هديتهم وسجدت شكر لله اشهك منضرهم يبجي كومتني ماما تردد هاهيه الحمدالله مقدر ومكتوب
كعدت بينهم
شكد عذراء قويه
شفته متحطمه مرعوبه
تبجي ترجف رأسه على صدري مجلبه بيه كل قوته تحجيلي
وج اديان جان موتت ماما جان خسرته
جان شكلت لروحي
هدي عمري هدي هاهيه هاي ماما كبالج وانتي سالمه الباقي كله فدوه
اديان والله لحضات والله دقايق فتت للحمام ورجعت لكيت لخيمه كابه وماما جوه وبنص النار فتت اجر بيه بدون وعي وهيه سوده عليه كومه كومه متكدر دكوم
ادري شون شتعلت عذراء شنو السبب
ماعرف الصوبه مكلوب عليه لفراش تعرفين هوه لاحايط سانده ولا ابد فرشت ورحت للحمام شو جيت لكيت بس لنار

فدوه فدوه اهم شي سلامتكم هاي لفراش من سحبتي منه تحرك وكع من طلعتي ميخالف
ماما ساكته منصيه كومته للحمام بيدي سبحته
يوم شبيج
بنتي ماعرف ابات غير بفراشي
يوم هذا بيتج بيتي بيتج لاتحمسين بروحج الله عليج
ماكدر ياامي شون عيب من الرجال سلبنه راحته
ماما لاتحجين هيج راحتنه من راحتكم والله اصلا فارس روحه بيكم هسه عنده عيد هاي جيتكم شكد توسلت بيكم تجون من قبل ولامرتاحه بدونكم بس هسه الحمد الله كلشي سبب جوز هل حريق صار حتى تجون كبال عيني
الله يوفقج بنتي ويوفق هل رجال الله شكد تعبان على روحه وديخجلني بفاعله شكبره جيته بين الناس كدام كل المخيم لمني بحضنه وجر عذارء جوه جتفه جانت روحي مفرفحه على غريضاتي بلكه اطفي بلكي الكالي حاجه من حاجاتي مخلاني اشيل الوركه من الكاع كبل جابنه واجه

بتسمت امشط بشعره
شكد تريد احبك
وليوين تضل مغركني بفضالك
تلمست بطني ماما بتعب مبتسمه
شون حملج بنتي
خير من الله ماما فتت بلرابع حتى داحس بحركته
نعمه ربي نعمه فدوه خوما متكاسله من صلاتج لو قرانج الحمل متعبج
لا ماما ابد اصلا أكثر من قبل ملتزمه
ماما عفيه بعد لتعوفوني
نصت تهز براسه ساكته
شكد كسرتج الدنيه ياامي وليون راح تضل تكسر بكلبج

مدت سجادته وكفت تكبر
ربي رحمتك بارك بهلبيت وراعيه اجيت ماندل القبله وين
اول وحده صليت ورايه ياهوه ليجي لسجاده بكل مكان يلكاهه يمده ويوكف يصلي
تنفست روحي سرت بيه بروده متفائله بذكر الله بيتي
بس هوه
بس هوه
ربي بس فارس اشوفه واكف هل وكفه وخلص ماريد أكثر

أيام مرت ماما شلعت كلبي حيل تتحسس
بشكل نفسه عزيزه رجله كدام فارس متمدهه
كل يوم كبل جيته تفوت للغرفه دكول تعبانه راح انام وادري بيه تتهرب تستحي منه
كم مره دكلي خل يدبرنه خيمه نضف المكان ونرجع اتخبل اضل اقنع واتوسل بيه إلى أن كالتله بنفسه وجاوبه ثلج صدري
حجيه لاتخليني اعوف البيت واطلع والله جاي تغثيني ابنج انه ابنج لو كاعده عد قصي لو حازم الله يرحمهم دكليلهم طلعوني بخيمه
يقبلون بعد مافتي بيتهم تردين للخيمه

ابني الله يوفقك ويعمر بيتك بس والله هناك مكاني جارتي حتى تعلمت على مخيم واهله

وهساع نحنا اهلج وغير هذا كله مستمساكات ماعدكم مو كله حتركت بعد مترهم يرجعوكم بدونهم

يحجي واني ودي انط احضنه مابوسه غير من نحره
شنو من عق

ل
شنو من تفكير
صدك همه ماعدهم مستمساكات راحن بلحريق وهوه بحكم شغله بلمنضمه يكدر كلشي يسوي بس اعرفه علمودي
ديشوف فرحتي بيهم وراحتي لوين واصله بوجودهم
صدك نفسيتي تغيرت رجعنه لايام قبل مداهر اني وعذراء نتابع تلفزيون سوه نحلل ونقشب حتى ماما تدريجيا بدت تاخذ على وضع
الراحه صار واضحه بعيونه
صحته تعدلت وجهه نور
عبالك الله ديعوضه
دوم اصفن من همه حواليا اردد وان تعدو نعمه الله لاتحصوه
هاي النعمه
صحتك
اهلك
راحه بالك
غيرهه كله يجي
كله مكدرو عليه
اله الصحه واليعزون عليكم لو فقدتهم تصير انت والماكو سوه

و بيوم من الايام جنه يم الدكتور اني وماما وديته مراجعه واجينه لكيت عذراء لوجه مكلوب ذبيت الغراض من ايدي وكابلته
شبيج شكو من رحنه انتي جنتي فاكه عينج على تلفزيون حتى من كنالج مع السلامه مرديتي شو هسه مبوزه شصار

اي والله شون جنت ضاربه الدنيه جلاق ومستمتعه مندمجه اباوع على امير وفريحه وحبهم بس دك الباب واحد وجه الطاوه شو شافني تصركع ستلمني وين ومنين والوياه جنه خرسه بس صافنه عليه عبالك دتاخذلي صوره مدري دتقيس ملابس شو تباوعلي من فوك ليجوه

عزه بعينج ادري بالعه مسجل شكو تحجين صلي صلي دصبري خل نفهم منو الاجه والبنيه منو

و الله مادري ثامر مدري عامر شعرفني شسمه حتى نسيته بس اخته عرفته سجى ذيج هيه بلغرفه ولد اخته للسلطان سليمان طلعو

عابتلج دكولي سجى من البدايه عليش حجيتي كل هاي الكليشه

وعليش عليش عليش وهلا هلا هلا ههههههه واخيراااا صرتي من ال فارس
بعد مجنتي دكولين ليش صرتي دكولين عليش
ول خيتي كلامنه القديم راح وايست منا غرك بلماي

طبعا عيني غير امشي على خط رجلي مسامعه من عاشر القوم اربعين يوما صار منهم

حجيته وفتت على سجى لكيته ترتب ملابسه تسالمنه وكعدت اسئل على حجيه والبنات وهيه تجاوب بلقطاره تالي كتله
سجى شبيج
اديان اني تعبت
هااا شكلنه لعد هسه احجي لو اسكت مواني كلت بعد مادخل

الله يخليج احجي والله كلبي صاير هلكبرو لاتهنيت بلعطله ولابلروحه تعاي جابليني انه شنو الغلط لسويتو كله تلوم بيه هاي فوك ميكفون وياي شو طلعت انه لغلطانه لان سكتت ومن تالي حجيت
ماما دكلي كله منج لو من اول نوبه حاجيه جان وكفناه عد حدو هسه سويتي كل هذا شنو تريدين تطلكين
ثامر لليوم يهدد بس اكضبو اشرب من دمو وسيف حالف مايحاجي
خاله تكرض بروحه تبوس وتقنع بيه فدوه راجعي مايعيده والله صارتلو جره اذن شكبره هساع احنه محد منه يحاجي
وجده دكلي عليش زعلتي ناويه طلاك اذا هاي نيتج شيلي هل فكره من راسج نحنا ماعدنه بنات تطلك
و الله راسي راح ينفجر وهوه من جها يخابرني هناك يكلولي بس خالي فارس اتراضه وياه غصبا عندج تردين
هساع انه شسوي

شوفي همه ناس حقهم وناس لا والله مالهم حق مثلا
امج من تلومج لان سكتي حقه لان قصده لو حاجيه جان مكبرت لهذا لحد
اخوج هم حقه رجال دمه حامي اخته نهانت ونضربت وهوه ماماخذ حقه فطبيعي يتوعدله بس لاتخافين اخوتج مربايين والدليل سمعو كلام خالهم ومحاجو وبهذا التصرف خطاب نطحن أكثر والنتيجه دتشوفيه مره يجيج للكليه
مره خالتج تحجي براسج
يعني بكل الاحوال هوه صارله درس بس ميعترف مينطي بنفسه هاي طبيعته حسب كلامج
اما الحجيه فهاي دتشوف ولده وبناته وحفاده تفاككو من وراكم فاااكيد هيج تحاجيج تره طلاكج يعتبر تفكيك الكل العائله وهيه عايشه سوه
والباقي ضل يمج من كلام الكل اخذي ليفوت عقلج والي اشوفه اني انتي تحبي ومالج سلطه على كلبج وأكثر من مره اشوفج كاعده تبجين ومن سلتج كلتي احبه صح لولا

هزت رأسه ساكته وكفت طبطبت على جتفه
ارتاحي والكاتبه ربج يصير
بجت
هسه ليش البجي ياعيني
احبه بس خايفه
من شنو خايفه
خايفه اذا عفته ماكدر بدونه وهم راح تصير مشاكله جثير بلبدايه جنت اتخبل منو بس وره الزواج صارت روحي بي
كد مابرد هوه
وبردت علاقته
كد ماني حبيتو وتعلقت بي
لساني يكول مارجع ماينعدل مايتغير وكلبي يسكته واصير ابطل حتى أفكر بهاي الحاله انه شسوي

سجاوي انتي تحبي لاتغالطين روحج رغم كلشي سوه بس الانسان ماله سلطه على كلبه
من عفتي جان كلبج ملجوم وجرحج اخضر من رتحتي بديتي تنسين ومن نسيتي حتى لسواه نسيتي
لهذا لااني ولاامج ولاخالج ولاكل اهلج داخل كلبج لانعرف شيريد ولا نعرف عقلج شيفكر
ففكري على كيفج ولاتسرعين بلقرار التاخذي والافضل توجهي لربج هوه صلي ستخاره وهيه تبين

نصت تمسح بدموعه طلعت منه سجى ضعيفه للابعد حد رغم تحاول تكون قويه بس بنضره من خطاب تتخربط كل أحواله

تركته ورحت بدلت وبديت بلعشه لوكت جيه فارس اجه ويه ثامر ماما وعذراء فاتو للغرفه وسجى تساعدني ايدي بيدهه سوينه لعشه ولملمت المطبخ ندكت الباب سجى صفرت عرفت اجه خطاب فارس بس فك الباب عافه وفات ثواني ضل واكف وبعدين رد الباب وفات وراه سجى تخيطت بلمطبخ ترجف مثل السعفه ميه مره رزلته خايفه عليه هيه عده سكر والخوف موزين اله
جريته شربته مي واخذته للغرفه يم ماما
لحضه مكدرت تكعد حتى وترتني من كد متو

ترت
شويه وعله صوتهم تلازمو خطاب وثامر هيه تضرب على وجه فارس ساكت ثامر خرط خرط عليه مصاير كل كلمه تدك بلعضم
جان منصي قابض ايده ويرد يتقدم منزبر وثامر يوكف بوجه اله تضاربو اله فارس صاح بيهم

بسسسسسسس مناعيل الواليدين سرسريه حترامات ماكوو

نتر
خطاب .... خالي انت اصلا راضي لو ما راضي جان ماخليتو يدوس بطني وانت ساكت

ويدوس براسك هم مو بس بطنك امشي اطلع بره هتلي سيبندي عجل مفين حض اختو ويسكتلك أحمد ربك كفيتو عنك هوه وسيف جان انت هساع انت بطب لعدلي مشرح

وانه ماتايه لحد صار شهور ساكت لجل عينك يمتى تنسى وترضى عني لابلشغل تحاجيني ولا راضي ارد حرمتي عجل شون اكعد واسكت

تستاهل ليصرلك ولساني مايطخ لسانك بصلح هينوب اسمع اكلك لاتحسبني خال وبنت اخته فاتت دخيله عندو من زلمته تره اذا انتو مفكرين هيج انه حسبته بنتي لو بنتي هم ارده وهيج صاير بيه والله مارده لو تحفه حفيان
واذا تريد تصلح غلطك امش حدر
شيل مرضه
شيل السكر منه
رجع طفله
وأبعد ذاك اليوم لاكلت بي لهبطه حدر امحي من ذاكرته لو صار وسويت كل هذا عود
ذاك الوكت بيدي احطه بيدك

خالي هذا آخر كلام عندك

ولاتتصور تسمع غيرو انه من انطي كلمه مارد منه لبين ماهجسك تادبت وصرت ادمي

وانت ثامر ؟

انه كلامي من كلام خالي ولو ما هوه جدامي لاشرب من دمك وكلبي مايبرد والله والله يا خطاب هاي الشوارب لخطت بيه ومافكرت بزلمه ليجي يون اردلك الصاع صاعين وان ماوفيت بكلامي للزمك موس تزين بيدك شاربي وانه الممنون

فارس ... انجعمو انتو الاثنين خطاب حدر لبيتك وانت ثامر سد حلكك لاتضلون واحد يتوعد للاخ

طلع خطاب صاير نار ثامر كعد ساكت رزله فارس يكله عيب تتوعدله وتهدده منك وبيك هذا ماغريب
سكت منصي يهز براسه ثامر مبين خنوسي خطاب شكد هوس وصوته لعلع بس ثامر رغم اعصابه احسه متحكم وجه جامد حيل ملامحه حاده متدل على اي حنيه مادري ليش حسيت هيج وحللت شخصيته رغم موهلكد اعرفه بس هذا الواضح على وجه

فرشتله بلهول سجى بين ماما وعذراء بلغرفه هواي ماما حاجته تهدي بيه وعذراء ندمجت حتى تغير عليه الجو عفتهم سوه وفتت للغرفه مثل كل يوم كبل النوم
غيرت الفرشه شغلت قران ونصيته بيدي كلابيه فارس فات يفك بحزامه رافع جسمه عاكد حاجبه براسه اشرلي على شاشه بهمس كال
طفيه دايخ تعاي فركي راسي

مجيت نفذت ورجعت اخذت من ايده لملابس بيدي كفيت لكلابيه فوت رأسه لبسه ومدد شلت ملابسه للحمام ورجعت يم راسه افرك بهدوء شويه وجرني بحضنه يبوس بيه رفعت راسي جاره عيني كال
شبيج
بتسمت بمكر
موعلساس راسك يوجعك
تنهد رجعني لحضنه يكلي
حدري جاي كل وجع ماضل بس لزمتج
اهاا
عجل مجذب
لامحشوم
تقربت بسته لان عكد النونه فك ورجع يتفتن بلمساته لحد مندمجنه وأخذ ليريده بعده نطرح يدخن صافن
اديان لسويتو بخطاب صح ؟

سكتت خاف احجي ويطلع تفكيرنه مختلف ردجع كلي

ادياني حاجيني بالله انه حاير

حبيبي انت تحبه وعلى كلامكم انت متكفلهم من همه صغار ومن صارت المشكله هيه كالتلك انت ثامر لميدري وانت سيف لبعيد بعد انت سويت الي لازم يسوو اخوته وأكثر
وين الغلط بلموضوع اكيد صح لسويته سوايتك سوايه اي اب تجي بنته صاير بيها لصار لسجى سوايه اي أخت تجي لخوه صاير بيها لصار لسجى
هاي وجه نضري بعد مادري اني هذا لداشوفه

وانه هذا لحسيتو وعلى اساسو تصرفت

عجل لاتغث نفسك بعد جبدي انت الصح بعينو

ول رحت فدوه للعجل واهله يا بعد معاليجي انتي يولي صايره تحجين مثلنه وانه من غير هاي وهاي ميت بيج انوب صرتي فلوجيه عجل اقري على روحج لسلام من هين ورايح صرتي مو فد المعاليج ول صرتي الكبد والبكرياس وكلو على بعضو انتي

حضنته اضحك فك وجهي بيده يكلي عيدي الول واني اعاند لحد ماسجى دكت الباب
خالو تعال للهول خالي فيصل هين

عيونه جمدت ضحكته غابت نزل من السرير يلبس على سريع وندار يحاجيني بكل جديه

اديان اياااج تطلعين لاماي ولا جاي ولوتحترج الشقه ماشوف وجهج هاهيه يابه

فكيت عيني كلها متشخصه بعينه تقرب شايل طرف كلابيته من جوه .. اديان هاهيه

هزيت راسي وطلع كعدت الدمعه محصوره بعيني هذا ليش ضامني من اخوه و الله لوشويه عندي شجاعه هسه افوت بنص الهول واسلم داشوف شريد يصير
وكفت اعصر بديه اروح واجي احاجي روحي
اي افوت شجاعتيش شنو فايته بمعركه بيتي ورجلي ناهبته بابكته لو موزينه حتى يضمني
شنو كاتله اخو عندي ثار وياه والله اطلع واطلع ودنعل ابو ليصير

لبست ملابسي مشيت للمرايه لفيت الشال فاتت سجى تبجي تضرب بخده حليت ايدي من كلشي
هاا سجاوي شبيج
اديان راح يتذابحون وكلو من ورايه وج خطاب راح جاب خالو فيصل وهمه مايتحاجون هوه وخالو فارس شلون بيه اذا تكاونون من ورايه

اصبري دكولي يالله بلكت ماكو شي تعاي نسمعهم شيكولون

عذراه وراهه فاتت وكفنه نتصنت أصواتهم علت وهاي راح تموت كالت عذراه
تره راح يخبلوني غير واحد يحجي شو كله تحجي
وج اسكتي خل نسمع
اي شكو بيه نسمع ولو ماعرف بس صوت فارس وهذا لوجه الطاوه اخوهه لسه صوت

ه يلعلع بذني من اجه وفتح تحقيق وياي
خزرته حيل غماتني تهز بيده عوذه ولايتشاقه وياكم

امشي فوتي يم ماما هيه مال شقه بهذا الزلك
سكتت وفاتت ركزت على صوت اخو فارس واسمعه يكله

فيصل ...مالك حك رجال وحرمتو تدخلت اول ونتهت ساعه شيطان وفضت عليش لهسه حاكره عندك

فارس ....ابو حسن انه ماحكره وهل الارعن كتلو كبل لاتجي سجى ماترد ولاخليه ترد اذا ماشوفك صاير ادمي وهوه لهاي لساعه حيوان مادام راح جابك وجي يخوفني بيك وهوه يعرف انه ماخاف من احد والله ياخويه لو مادلي ايدك من مديت ايدي اسلم جان كلت اخوي وفايت بيتي وجاي يصلح داخل طباب خير وهم بيها خيره تصالحنه بالله وروح المرحوم جان لكاع ماشلتني من الفرحه بس جاي شايل خشمك ماتباوع بوجهي تهدد وماضلت جلمه ماحجيته لا والله لو اني لو انتو

عجل انه الي كلام ويه اخوته وامه وانت موجديده عليك ثاري جنت غشيم منك كبل والبشر ماتعرفو اله تجربو وانت سيف لمجرب عاد رب لزتيت بنت اخوك وامه وما عاد سئلت عنهم فاتوقع كلشي يطلع منك بس ماعوفك وروح ابويه ماعوفك وتاشوف اي منه كلامو يمشي كلامك لو كلامي

جاوبه فارس بس ماسمعته سجى نخرطت وكعدت لطمت على وجهي كاتمه صوتي لابيه اصيح ولابيه اشيله اخاف على بطني ركضت على عذراء ودكابلنه كومناهه للغرفه نومته على سرير اكب عليه مي واغسل بوجهه صحت تبجي ركض جبت علاج السكر عرفته صعد نسيتهم ونسيت هوستهم كعدت امسح براسه واهدي بيه لحد منطبك باب الشقه حيل حتى الشباك بصف السرير نهز جفلت سجى لميته بحضني وفات فارس مجمر شافها ندار يطلع صاح جيبي هدومي اسبح

على كيفي كومته للهول كعدت تسولف ويه اخوهه واني اخذتله هدوم سبح وطلع منطق حرف طفينه ونمنه مناقشت ولافكيت حلكي البيت والمكان كله مشحون مكهرب
لثاني يوم لصبح مراح للشغل سويت ريوك مضاكه بس يسحك جكاير
ماما وعذراء مدخلو حتى مسئلوني ولا اني حجيت شحجي واني نفسي مادري شبينه وبين اخو

سجى بدوامه وثامر راح من الصبح
لملمت لبيت بهدواء جدري على نار هاديه ولمبخره مشتغله مثل كل يوم
عذراه تمسح بكاونتر المطبخ واني على مشره الم ملابس واخلي بلسله
صوت قران ماما بلغرفه خفيف حيل مركزه بي وعيني على فارس منصي على فون مرتجي بعكس ايده الجكاره مشكله بطرف إصبعه لمخلي يم عقله بحركه مثل ليفكر

طبكت المشره شايله السله وندكت لباب والجرص سوه ذب الفون وطفه الجكاره مريت من يمه وهوه مشى للباب يفتحه بلممر وندرت على صوت بنيه صاحت باااااابا لتفتت جانت حاضنته وهوه مسبل اديه صافن باب الشقه مريه طويله ضعيفه حيل حيل حتى فجوجه طالعه لابسه جبه اسلاميه خضره وشال اسود بصفها
رجال خمسيني أو كثر نسخه طبق الاصل بلشبه من فارس بس هذا هواي مشيب واكف سبحته بيده يكله مادامك لام المهجرين والنازحين بيتك عجل عليش انه حامل ضيم حرمتك وهل جاهله شجاريلي جبتهم يمك يابو الهلال الأحمر والجمعيات الخيره

فكيت عيني كلها السله وكعدت من ايدي لتفت عليه وعليهم بحركه سريعه فر راسه وجه نلبك كل هذا مهتميتله كل بالي وعقلي وتركيزي كله يم كلمه
حرمتك
حرمتك
حرمتك
صدى وديرن بذني
البنيه صاحت بااااابا واخوه يكله حرمتك يعني هاي مرته وهاي بنته
زين هذا منو فارس
رجلي
لو
عيوني مسوربه
اخاف اذني مسمعت
لو اني داحلم
اي يمكن حلم
لا شنو يمكن اكيد حلم
هسه اكعد
اي هسه اكعد

يتبع

تدللين عمري 🥺💓وماشاء الله البنات ماقصرن بنصائحهن فدووة

وان شاء الله بالتوفيق🌸

#ملوكه

عيوني زبدة الشيا تفيد اكثر شي اللي شعرهم جاف..يقلل من جفاف الشعر ويقلل من تقصف

ومابيها تقليد واصلي ..هي نوعية وحده
وطريقة استعماله..تسوين شعرج بشكل خصل وتخلين عل خصلة خصله من نص الشعر للاطراف

وتجيبين خاولي تسخني زين بأي شي بللأوتي لو بالسشوار

فبعد ماكملتي تلفين الخاولي عل شعرج واتركي لمدة ساعه وغسلي

ومو يوميا تستعملي..هج 3 _2 مرتين بالاسبوع🌚🌺

#ملوكه

فدوة الج🥺💋 تسلمين

وحبي هاي ماي الورد استعماله بس للبشرة يعني مو مال أكل

والبشرة الجافة متحتاج لتونر..
الجافة تعاملها كون كله ترطيب بترطيب..ينرادلج باليوم 3 مرات ترطبين

فعندج مرطب سيتافيل بي نوعين دهني وجاف..فاخذي الجاف...واكو مرطب سيرافي..هذيني اثنينهن زينات للبشرة الجافة وتلكين بالصيدلية🥰

#ملوكه

ههه..يي حبي يجوز تجيبهن من الانستا وتسكرنهن😅💔..لو من القنوات

ودزيت قبل فترة قنوات ستوريات هسه اوجهلج

#ملوكه